CHHUNGKAW CHHEHCHHAWL NULA BY Engtea Fanai (Completed)

[ngaia]

Bung 7 Na

Pa Hmuak,, tiin ka au vak vak a! kan thawm rawn hria chuan mi dang Quarter nghaktute pawh an rawn chhuak nghal bawk, Saia te \hianho chuan an lo \helh a, U Hriata an bawh bet chu pawt \henin a tawk tih pah chuan min rawn tibuaitu chu Saia te \hianho chuan an nam sawn a, mahse an la pawr lutuk, Pakhat chuan mi kar a\angin U hriata hnek a tum chiah chu, Saia chuan rawn hnek tlu tawpin chungho chuan ehe,, Saia min \an loin mikhual I \an zawk amaw, a rawn ti, Saia \hianpa pakhat chuan nangni pawh mikhual ve tho alawm in nih, kan khua in mikhual kan tibuai ngai lo tih pah chuan u hriata hmaah chuan an rawn ding a, Insual tumin an in hma chhawn ta ran a.


Kei chu ka lo khur hlawk hlawk a, Dorothy pawn Zuala in va han zak lo ve ti a, lo au bak chu tih dan vak a hre bik lo! in hma tawnin an ding a, an in pan a, an in sual chu a ni leh nghal mai, Saia te \hian thum chu U hriata lamah an \ang a, Quarter a\anga Nupa rawn chhuak lah chuan an \helh thei bik bawk si lo, Christy chu tlan lutin Pa Muana leh driver chu a han koh a, an ni lah chu Building chungah zu an lo in a, woofer ring tawka play in kan thawm an lo hre reng reng lo, Christy’n a han hrilh hnu chuan chak takin thingfak nen an rawn tlan thla a.


Pa Muana chuan an zinga pakhat chu a hnungah thingfak chuan a hlap chawrh a, enge buaina in rawn siam tiin a au zui, a vuak pa chu a zal nghal hnawk a, a che thei lo nghal, an \hiante chuan an buai pui nghal a, Insual pawh chu an duh tawk a ni rih mai, min tibuaitu ber chuan Nang putar kha ka hnek dawn che , a rawn ti lehh, U hriata chuan I ngam chuan hnek la, lokal rawh nangmah nen khan a malin insual ang tiin hnai tawkah a va din chilh a, Pa ka ti tak zet, Mahse ka hlau thawng a ni, midang chu an lo ngawi \hup a, an \hian pahnih chuan an \hianpa tlu thal reng chu an lo buai pui a.


U Hriata chuan a chal chuan a va toh deuh thuak a, I duh dan danin che rawh tiin a va cho ve ta khar khar mai, Min tibuaitu pa chu a sek zawk naa, U hriata chu a sang zawk a, chutiang taka a va cho tak vang nge, an \hianpa a tluk reng tawh vang , U hriata chu a khawih ngam ta lo va, An \hian tlu hlawm reng chu a rawn che \uah \uah a, ka hnung chum rawh u, a rawn ti tham \iak a, a thaw kawk kawk bawk, Kan sumo Driver U Siama chuan khawimaw a hnang a nih kha tiin a pawm tho lawk a, a thing vak vak a, a hnungah a chum bawk a, a rawn \awng pangngai ve leh thei ta a.


Bike pali vel a rawn tlan chho a. IB kawt zawlah tak chuan rawn dingin batch an rawn awrh a, Zuala te bawk a ni maw, tih leh rawn kaih sawn chu an rual a, tiang an keng bawk, YMA duty ho an nih hmel, kan Pu, quarter nghaktu khan alo zuk call chu niin, kan hun tawn chu a zahthlak tak zet a ni. U hriata pawh chu a kun deuh chhur a, a zak tih ka hria, YMA duty pakhat chuan hreawm ti reng reng suh u, kan khuaa hnathawka rawn awm an nia, an rui hian mi an tibuai fo mai a, kan han zilh deuh ange, in rawn zin ve chhunin hetiang boruak duhawm lo in tawng hi kan inthiam lo hle mai, hlim tak khan awm tawh rawh u, tiin Bike chu khalh tirin an zui thla hlawm a., a hnung bera kal chuan Doro I \hiante ami a tih chuan kan lo nui huk.


I Ninawm, Doro, min tiziah suh, a ti sup a, a tum bar bar, a \hing kan ti lutuk a, kan thinrimna pawh a reh hawk thei, ani lah chuan Doro-I kha lo duat rawh u, a fel a nia, a rawn ti leh hram a, I chhia Par palian a ti zui, U hriata chuan Thy-I tih aiin a mawi zawk a nih kha a rawn ti zui zat, ka ning, kha kan khua chu ka sawi reng kha a mawi lo thei lai ber hi an la chhuak zel. Remtei pawh hi puitling ho chuan thangi tih hlirin an koh, a tih chuan Remtei chuan a ninawm sawi kher angai lo a rawn ti a, kan nui dar dar a.


Pi chuan in sa ka siam pawh a hmin dawn tawh asin, a rawn ti a, pa Muana chuan Pu YMA ho min call sak chu kan lawm hle mai tiin lawmthu a hrilh luam a, a kai deuh tawh bawk a, U Siama nen chuan an \awng duh ngang mai, Nakinah kan rawn lam mai ang, in mu duh tawh em tiin Dorothy chuan a zawt a, aih,, kan meng rei thei lutuk tiin an chhuk zui a.
U hriata chuan Saia te \hianho chu hming zawtin an inkawm nel ta phian a, vawiin chhun a\anga zan thlenga kan hun tawn chu sawihoin U hriata chuan ka dam chhungin ka hre reng tawh ang a ti a, kan nui dar dar a,.
Saia chuan titeh u Zai leh ang u, tiin Guitar chu a han ti ri a, Pa Muana te \hian dun pawh chuan kan chhoh san leh ang che u tiin chhoh an tum a, Saia \hianpa chuan I rawn vaw \ha khawp mai, six run a ni ringawt alawm tiin kan nui leh ham ham a.


Thla chuan van lai tak pan ni awm takin a tawlh delh delh a, kan awmna vel chu a rawn en ruih a, lung leng mi tan chuan lunglen pui tham in chu zan thla eng chu a mawi a ni, Saia chuan hla la in kan zai ho a, kan zai tui hle , U hriata chu ka va melh leh zeuh \hin a, a chet dan chu pa ka tiin ka duh thar leh hle, ah,, hepa hi nitin hian ka duh tulh tulh a nih hi. Saia chuan \hianpa ka kut a kham riau perh ve tehh a tih chuan U hriata chuan ka thiam lo ang a lo ti mai a, Dorothy chuan khawpui SAY tlangvalin \ing\ang perh thiam loh thu a awm lo tiin an pe lui a, alo thiam leh phian a, rei tawk tak kan zai hnu chuan kan ar hem tir chu kan zuk ngaih ven a.


A lo ulukin alo siam tui hmel ngang mai, ei ve tura kan tih lahin an duh \hak lo a, an fapa te erawh chu kan pe lui a, Dorothy chuan in tur lam kan ngaihtuah miah lova, lokal ru zuk lei ang u, mahse dawr a hla ve a nia, kan vaiin kal ang u, a ngaihawm dawn alawm, in rawn kal leh tawh mai mai awm si lo, a ti a, keini pawh chuan kan lo aw ve mai a, Pi kan lo dah leh lawk ang, kan rei lo ang kan ti a, an lo fel khawp mai a, ke chuan kan chhuk a, kawngpui chu thla eng chuan a chhun eng raih a, kawngpui bul patara kawn an tih bul shed ah chuan tlangval an lo \hu khawm a, an lo zai ve bawk a, keichuan ka hlau ru hle a, Saia chuan hlau suh u, kan khaw mi pangngaiin khatiang tumah an tibuai lo ang tiin min lo thlamuan a.
Kan chhuk thla zel a, Dawr pakhat chu a lo la inhawng a, kan thil duh ang ang chu kan lei khawm a, chu zan kher kher chu a boruak a dai riai a, kawng vela han len chhuah mai mai pawh a nuam viau mai, U hriata nen chuan in kai rialin kan kal dun a, keichu U Hriata ngheng rial chuan ka kal a, he zan leh he hun hi a ral ang a, Aizawlah in in hnaih te ah awm mah ila, inthup deuhin kan awm leh angai ang a, he hun hi ava ngaihawm dawn tak tiin ka ngaihtuahna chu ka kawm melh melh a. Kan kal kan kal a, peng chu kan thleng chho ve leh mai a.


Kan thil ei tur te chu keng chhuak loin Quarter ah chuan kan ei ho ta zawk a, an felin kan inkawm ngeih tlang ta hle nghe nghe a, in rawn kal leh hlauh chuan rawn thleng leh ngei ang che u, tiin kan haw tur chu min ui der ve hle nghe nghe.
Kan ei zawh chuan reilo te kan \hu khawmuang leh a, Dorothy-I te chu an chhungten an rawn call a, Saia te \hianho pawn haw ve nghal an tum mai bawk a, la haw lo se kan ti hle, hetiang ang hun hi kan tawng ngai lova, a nuam ka ti tak tak, Vawiin lamah min um \ak \akin hlau hle mah ila, Saia te chu an fel ka tiin an bula awm a nuam a, min kawm thiamin an nelawm tak zet, tin an la zai thiam em em zui leh nghal.


Saia \hianpa Kopa an tih mai leh Christy chu an in en duh \hin hle, jakoba a ni a, Kawpa, tiin an koh thung, an haw dawn chuan Kopa chuan christy chu I number min lo pe I phal chuan tiin khur der derin a dil a, ka lo nuih suk a, Christy chuan phur hmel zet hian a pe a, Dorothy chuan a fair lo, nangmah chauhin ila bik a, Saia te pawh hian an duh ve ang tiin a ri a, sawi tur chuan a rawn ti a, Christy pawh a nui har har a. a ri chuan a sawi ve mai bawk a, Saia te pawh chuan anlo save ve mai bawk, Remtei phawk chhuak chuan ah,, khatia kan tih dawn chuan Hriata number hi ka duh ve tiin a rawn uang ve leh,


U hriata chuan ah,, Saia number hi keipawn ka duh, vawiinah min um chau bawk ah a ti ve zui.
Number chu in pe loin Dorothy chuan Group a siam a, IB Band tiin group a siam a, kan in add ta thliah hlawm a, Ka Nu te sumo pawh a rawn thleng a, an ni pawh chu an tlan liam ve leh ta chiah a, chu zan chu kham lo takin kan \in san ve ta a ni. U Mami chuan naktukah zingah kan chhuak dawn mu hma rawh u, a rawn ti leh tawh, henu em em hi chuah, kan mu dawn kan ti hluk a, Room lam chu kan pan a.


U bawihi leh U Mami chu pawnah an \hu a, an titi ve melh melh a, U bawihi nen tak hi chuan an inkawm ngai vak lova, U ruati nen khan an inkawm ngeih em em a, engkim an sawi dun a ni mai, Mahse a \hian\ha ber in pasal a neih san ta si a, U bawihi chu a nau daih mah nise keini ai chuan an in hnaih deuh avang ni hmiang a kawm berah chuan a nei a, an inkawm thei ta phian a.


Christy nen chuan tukverh bula mut kan inchuh a, thla eng rawn in khawh lut raih mai chu a mawi ka ti a, thlir pah a, mut mai mai ka chak a, christy lahin a sirah lo ka mu thiam lo a ti, aw,, pahnih kan nia, a sir ve ve a ni mai alawm ka tih pawn, A sirah pawh bang bul hi a sir zawk a ti tlat, ka hnial hneh loh avang chuan phakar ka chhuah angai tih ka hria, Thlahrang thawnthu chu Youtube ah ka play a, a beng hup mahse ka phone chu a rin ve em avangin a hre zel tho, Christy dawih zia hi ka hre ve chiang em a ni.



Chutia a hlauh em em lai chuan Pa Muana te \hian dun chu tukverh bul hnaihah chuan an rawn ka; thut, christy chu a \e nasa lutuk, rang lutuk chuan U mami te an rawn kal, in chhe lutuk muhil rawh u an rawn ti a, keichuan bang hnaih, tukverh bul chu ka chang thei ta a ni. U hriata message chu ka en a, muttui, naktuk chu sumo ah chuang dun ang aw, tih hi a ni a, Aw le, zanin kha I pa tawp, muttui aw, tiin ka reply a.
Christy chu rei vak loah a muhil zui nghal mai a. kei chu thla eng thlir chuan ka meng leh reng tawh, Naktuk lam haw ka huphurh bawk nen ka mu thei meuh lo, tin , he khuaa ka hun tawn hlimawm leh hriatreng tlak chu ngaihtuah letin ka nui leh sak \hin a.


Thla eng chuan van lai tak a thleng tawh a, a chang chuan chhum chuan a hliah thim leh mup \hin a, mahse rei vak loah chhum kar a\ang chuan rawn tawlh chhuak lehin a hna ngai bawk thawk leh turin lei lung chu a >n na hmang chuan a rawn mawi leh \hin a, chhuat lam chu ka hawi thla dek dek a, U mami pawh chu a lo la meng reng tih ka hria, a ngaihtuahna chu a kawm nasa hle a ni ang, tunlai chu U Mami hi a hlim meuh lo a ni tih a hmel leh che vel a\ang hian ka hre thei a ni
Hriat loh karin zan hun chu a ral a, parda kan zar bawk si lo, tukverh bulah ka mu si a, leilung a lan theih det det ah chuan khawvar chuan min kai tho a ni ber ang chu, hma taka ka harh a, Ni a rawn lang suar suar a, kan awmna hmun chu a rawn chhun no nghelh a, U Mami chu rawn tho vein U Bawihi pawh a rawn tho ve zui nghal thuai a, thawm kan neih deuh sap sap takah chuan midang pawh an rawn harh ve zel a, room piah lam ami ho chu an rawn tho chhuak sap sap a.. bathroom an in daih loh avangin kan bathroom an rawn hmang a, U Hriata te chhung kual teho an ni deuh vek a, a ṭhen U Ruati ṭhian te, anni chuan Dar 12 hmaa thlen chhoh ngei ngei kan duh leh si a, tiin an lo tho hma a, Sumo driver te pahnih phei chu an lo in peih at tawh a, Pu Siama chu nizan lamah a ruih teh lul nen chutianga hma taka a tho leh thei chu a mak ka ti zawk hial, Pu Siama chuan a driver pui pakhat zawk chu nangin anni ho hi phur la, keiin anni lam hi an hmanhmawh vak lo bawk a, kalo hruai mai dawn emni a ti a, an inrem siam a, an ni lam chu an inpeih thaw khat tawh bawk a, sumo ah chuan an lut
sang sang a, bungrua phei chu an lo hlang fel deuh vek tawh a.


An tlan chhuak tur chu U Ruati leh a pasal chu an rawn lang hlawl a, an rawn vai liam a, an pa chu a fel hmel tak zet a ni.
keini lam chu muang changin kan insiam a, Nu Rini chuan enge ni a hriat ni, Nui tun ṭum chu sumo ah kan lo chuang chho ve ange a ti hlauh mai a, Motor ruih in ring lawk lutuk a ka awm chu ka thaw huai thei.


Tichuan kan insiam a, kan inpeih fel meuh chuan dar 7:30 vel a lo ni der tawh a, quater nghaktu te pawh chu an rawn tho tawh a, thingpui in phawt tur chuan min rawn ti luam a, mahse kan hmanhmawh deuh avangin kan in duh ta lem lova.
U Ruati leh U Mami chu an inthlah a, U ruati mit chu a bui deuh luk a, a mit tui a parawl deuh kiangin ka hria, U bawihi chuan Awi,, kum 40 ralah pasal i nei a, ṭah te i tum vel elo, i zak lo mi a rawn tih chuan a rawn nui suk a, i chhe lutuk, tluang deuhin kal ang che u tiin Kawrtethawveng leh chu hun hlimawm tak mai tlan san tur chuan U Hriata te chuanna sumo chu a tlan liam ta ruai ruai a, U Mami leh U ruati chu rei lo te in be lehin Kan awmna hmun boruak nuam leh ka hriatreng tawh tur hmun chu kan tlan chhuah san ve ta a ni.


Patara-kawn an tih piah lawka Ṭawngṭaina hmunah chuan min lo nghakin Nu Rini chu a ṭawngṭai a, keini pawhin kan va join ve a, chham tur lah chu a hre phian leh nghal, a ṭawngṭai duah hluah mai a, christy nen chuan meng ruin kan in nuih suk a, rei tawk fang a ṭawngṭai hnu chuan kan Amen a, sumo chu a ri leh ta vung vung mai, keini chu tlan hmasain sumo seat hnung bera chuang U Hriata chu ka va en zeuh a, nuih sun sun pah chuan min lo bye bye a, keipawhin ka bye let ve mai a, kan tlan san ta rih a.


Umami chuan kawng lakah chuan min titi pui reng a, a hnung aṭang chuan a ṭawng hriat a har si, ka um, e, liam vel mai mai a, Darlak kan thleng thla chu ṭiau chhumin chu khua chu a lo bawh luk a, chhum chu an tawlh delh delh a, a mawi tak zet a ni, heng khua leh a chhehvel hian nun an ti hahdam a ni, thingpui in ka duh leh duh loh min zawt a, engmah ka ei chak loh thu a chhangin kan tlan ta zel a, sumo chuan min rawn um pha lo hle.


U Mami chuan Hriata nen hian inngaizawng tiraw a rawn ti ta thut mai, keichuan Aw,, ah maw kalo ti nghal.
U Mami chuan in awm dan aṭang hian ka hre vek a nia, i zirlai tibuai khawpin in ngaizawng reng reng suh u, chuloah in in upat hleih i tilo mi a la ti zui, keichuan a hmelṭha tho alawm ka ti ringawt, i va zak lo tak, higher kan kal laiin ngaihzawng ka nei ngai lo hrim hrim a tih chuan aw... in higher kal lai te chu a rei tawh e,, kalo ti vat a, rei tawh mahse lehkha zir tibuai turin ngaihzawng neih ka duh lo, chuloah ka kal pui dang te chuan ngaihzawng an nei tho, ka tana ṭha tur a ni a, ka hriat avangin college kal hma chuan ngaihzawng neih ka tum lo bur a tih chuan college kal hnu leh zawh hnu pawn i nei chuang hleinem ka lo ti ve vat a.


i chhe zawt zawt a nih chu, i ṭawng thei si tiin a nui seih a, U, min lo be tawh lo teh, i ṭawng hriat a har si, earphone ka ngaithla dawn ka ti a, a bu ve nghauh a, tichuan zai chu ka ngaithla riai riai a, ka mut a chhuak lek lek a,
Rawpuichhip kan thlen chuan U Hriata teho nghah pahin hotel velah chuan kan chawl a. khua a lum tawh hle a, rei vak loah chuan an rawn thleng ve mai bawk a, anni chuan chaw eiin keichuan ka zin vel hian chaw ka ei thei lo bawk nen thingpui vel chu christy nen kan in a, christy nena kan awm dun chu kan titi leh nghal char char a, Nu rini bawk a ni kan topic chu, motor chhungah tuibur alo hmuam leh pek a ni awm a, Pa Muanpuia’n a sawisel ve khang lang a, nanga Zu \hing rim nam kha lo \awng lo la a ni mai a ti hmak a, kan nui ngam bawk si lo, Pa Muanpuia lah a ngawi nghal hmak a, a hau ngam berin a vin let a dawl zo bik si lova, Nu Rini tuibur rimin min rawn ur chho a ni ringawt ka lu a hai chhuih mai tiin kan nui a.



Thil kan ei zawh chuan rei vaklo kan chawl a, kan tlan leh ta a, Dar 1:30 vel chuan Aizawl chu kan lut chho a, U mami chuan nghak tawh lo mai ang, atih avangin kan veng lam pan chuan kan kal nghal a, Zoliana Colony chu kan thleng leh ta, kan lut chiah chu U mami chu \hutthlengah a bawk nghal thlawp a, Nui inu nena kan inbualna tur tui han lum teh a tih chhunzawm leh nghal, awi,, ka hna ngai ka thawk leh tawh dawn tih ka hria, ka chau ve tho alawm le ka tih chuan, a nih Nakinah lum ang che, kan chhing sek ange, tiin a muhil chhunzawm nghal mai a.



Tukverh te ka hawng dar a, fan ka on a, \hutthlengah chuan ka mu ve zawk a, ka muhil ve diar diar a, ka mu nghet dawn chiah tihah chuan Ka Nu chuan Nui rawn chho tehh a rawn ti leh nghal, I U Mami kha chu kaitho lo mai rawh a tam chuang lo, ka van ning tak, pawr hluk chuan keipawh ka chau ve tho, enge min kaih thawh bik tiin ka chhuak tau nghawng nghawng a, aw,, A ni te chuan scooty a khalh a, lokal rawh a rei dawn lo tiin kan in zui chhuak a.


Christy te ho te, Nu Rini te Pa Muana te ho chu an lo buai hle a, U bawihi leh U hriata chuan an thil hawn leh an bungrua vel chu an khai thla a, keini pawh kan bungrua vel chu kan la thla a, U Ruati pasal ten min pek Mai leh chaw hmeh eng ilo vel Plothyne khat chu a tel bawk, chutiang tho chu U Hriata te pawh chuan an hawn, Nu Rini ve chu mihrang hrangin an pek khawm thlai a hawn \euh a, a chi tur te thlengin a hawn a, sathaip lian zet pakhat leh sathaip chanve vel chu thlai vel ringawt a hawn a, Hmun phiah a la hawn tel zui, henu em em hi chu engtin nge alo zuk dil chhuah hlawm ni.


Pa Muan a chuan bag lian chu a zo dawn der si lo, U hriata lah a rawn chhoh leh chuan bag hlang thla tur chuan a chungah a lawn daih a, Pa Siama driver lah chu rawn chhuah a tum lo ropui mai si, Nu Rini chuan Nu Bawih, Christ,, in pahnih khan kan in ah min rawn zawn thlak sak lawk mai tehh u a dang hi chu I Pa Siama nen kan rawn keng thei mai ang a ti a, kan bungrua pawh kan la la bik lo tih mai hi ka chak, Mahse Nu rini zawngin engah mah a ngai leh dawn chuang lo. sawi ve vak ai chuan kal mai kha a dik zawk, Christy nen chuan kan khai thla \uih \uih a, christy chuan eng em em nge maw a hawn ni, a ti deuh khar khar a.


U Bawihi chuan christy rawn puih in ngai em a rawn ti a, keichuan aih, ngai lo” ka ti chu, a sawi pawh ka sawi zawh hma hmain Nu Rini chuan a rit lutuk lo tleirawl tha za rual alawm an nih a la rawn ti zui, a maipawl pum lian \ha \elh \awlh chuan vawm chawrh ka chak, an varandahah chuan kan nghat chawrh Christy chuan A Nu te a au va, an rawn chhuak a, Nu Siamtei chuan e,, in rawn haw tawh a ni maw, min lo phone ta che, Nute a nuam bawk em a rawn ti nghal zung zung a, Nuam a ni mai, ilo kal ve lo chu I inchhir khawp ang ka ti zui a.


Nu Siamtei chuan nia,, ka rawn kal ve chak mawle, I U ruati chu a mawi bawk em a pasal tur te chu enge in ngaihdan a \ha em a ti a, Christy chuan awi,, khatiang nei tura thingtlanga awm ka peih teuh lo, Mahse an inchei chuan an zia ve lutuk alo ti, Nu Siamtei chu a nui suk a, Sumo lam pan chuan kan chho a, Nu Siamtei hi kan kal dawn zan khan a nuam sam lova, a tuk zingah khan a \hulh leh daih kha a nia, a rawn tel lo chu christy’n nuam a tih phah ta a ni. A duh dan danin a khaw sak theih phah a.


Christy chuan Nu, khawnge, Apa tiin a hawi deuh ruai a, Dawrah a kal, ka chhuak peih si lova, Bungrua chu I ngah emni titi pah chuan kan chho a, Sumo chu a lokal tawh a, Chuan Man chu pek ve an tum pawhin Nu Sangi leh U bawihi chuan an duh tlat lova, in rawn kal a, min \awiawm mah kan lawm nen chuan man in chawi leh zelin an ti a, an la duh \hak lo a, pek pawh kan tum lui ta lo law law a, Nu Siamtei chuan , |hiana( a pasal hi |hiana a ti mai \hin a,) call I la, sa rawn lei haw se, kan kal ve loh aiah Ruati thlahna nawn ang u, kan in ah chaw ei khawm ang a ti a, Christy chuan awi,, thleng sil ka peih dawn lo a lo ti nghal, midang chu an lo nui hak a, Nu Rini pek chuan a ngai lo tih a awm lo, aw,, Kha, Nui nen in awm alawm, eirawng bawl angai lo a ni mai, kan intifai anga, keini nupa chu kan hman a ti leh mai.


U hriata te pawh chuan Nu Rini berin chutia a lo tih leh takah chuan an aw ve ta a, Mahni bungrua \heuh la chuan mahni in chhung \heuh chu kan pan a, U hriata chu ka melh zeuh a, ani pawn min rawn melh zuk a, Tunah chuan engkim a ruk tak vekin kan tih leh angai tawh dawn, ka lung aleng lawk a ni.


In chhung kan zuk lut chu, U mami chu a lo hnar thlurh thlurh a, a lukham a dik loh chang leh a hah rimtawng hian a hnar in, a rum leh hak \hin a, ka Nu chuan Bawihi, khumah va insawn la tiin a sawi zeuh a, a rawn che \ual \ual a, a mu \ha leh nghal daih a, Nui kan thil hawn te hi rem fel ila tiin amah chu a che leh nghal sawk sawk a, ka nu tak hi chu, chet hi chu nuam a ti a ni, kan chaw hmeh hawn te chu fridge ah chuan kan dah a.
Ka nu leh U mami inbualna tur chu tuilum ka siam a, keichu zanah law law inbual ka duh avangin ka tihlum zawh chuan U mami hi kai tho mai rawh ka mu dawn min lo kai tho miah su, chaw ei dawnah chiah min lo kai tho ang che u tiin room ah ka lut a, ka mu daih.


Dar li vel chuan Christy a rawn chhuk a, ka lo muhil tui hle, Anu’n Nutei’n min rawn pui rawh se a ti ala rawn ti zui, ka ning e, nge maw,, Nu Siamtei pawh chaw eikhawm a rawt kher kher ni, Nu Rini te nena chaw eiho ka ning, ka lo ti khur khur a, Christy chuan nang ai fein ka peih lo, Nu Rini eirawng bawl peih lo, rawn phur lutuk vang vek kha mawle,, ka hne a nia, lo chho mai mai rawh, keichu in ei na hnu zawng zawng keiman ka tifel leh vek dawn, a rawn ti, ka tho duh mai chuang lova, ka puansin chu rawn pawtin, khawi hengte hi sin hlun suh, khua a lum lum nen, I van muhil tawh awm hlei lo em tiin min rawn tibuai char char, naa,, mut ka kham lo asin, ti nung nung chung chuan ka han chho ve a.


Christy pa chuan vawksa rep a rawn hawn hnuk a, sa chu ka ei chak ve reng, mahse a huhoa chaw ei vel hi ka hne rih tawp, Nu Siamtei chu alo che tur tur a. salat tur min chan tir a, U hriata chuan Nu Siam, rawn puih in ngai em a rawn ti lar lar a, Nu Siami lah chuan ngai love, kan siam peih hunah in rawn chhuk dawn nia, kan lo au mai ang che u a la ti zui, christy chuan tui khai tur tal pawn koh thlak tur che alawm a lo tihluk.

Nu Siami lah chuan,, aw, nangni in awm alawm tiin a nui kar kar a, Nu Rini tlai tawkah a rawn kal anga, a rawn phur leh ber anga, a titi tam leh ber anga, khutah Kawrte khua a rawn sawi suah suah ang a, a titi tui tulh tulh anga, kawrte khaw mi pakhat tal a rawn rel leh ang a, chaw ei dawnah \awng\ai a chuh leh anga, ka ning salat tur siam pah chuan ka ti hlak hlak a, Christy chuan dik chiah a lo ti ve bawk, Christy pa chuan kan sawi dik a ti a niang, a lo nui var var a, in va han \awng duh dun tak, a nih hmel phian bawk sia tiin an Nupa chuan an in en a, an nui put put a.
Christy nen chuan kan zinna chanchin te chu kan sawi a, a tirah peih lo viau mah ila, kan han awm dun tawh hi chuan nuam hi kan ti leh em em tho zel, Lalmama chuan a rawn biak char char thu sawiin a hmelṭha ve reuh ber a, ka be ve mai mai teh ang a tih chuan be ve mai mai a, nizan pawh khan in in en nasat fal em kha kalo ti nghal vat. awih awm loh lutuk a han ti zuau naa ka sawi dik a ti a niang. i over a ti ringawt..


Ei te kan peih hnu chuan dar 6:00 velah kan colony ho chu an rawn kal khawm a, hun serh hman te an rawt avangin kan kim hma deuh a. kan lo sawi lawk ang chiah, Nu Rini chuan kawrte khaw nawm zia a sawi phawr phawr a, chumi zawh kawrte khaw kawng chhiat zia a sawi kai leh nghal, mi ho fel zia a sawi zo chiah a, a lenna nu a ngei zia a sawi kai leh nghal, Nu Siamtei leh an Pa chu an in en a, christy nen chuan min rawn melh a, an nui ringawt.


Christy pa chuan thusawiin hunserh tawite kan hmang a, \awng\ai thei an awm em tih arawn zawt a, Nu Rini chu a hawi hrek hrek a, umm,, kan awm loh hmel em mai kan rawn ding ange, tiin a rawn ding a, christy nen chuan kan insik ringawt, nuih ngamna chi a ni tawh bawk si lo, a rawn kal hmaa kan sawi zawng zawng a thleng dik vek chu a mak zawk hial, ah,, amak leh lo, nitina thil thlen dan a ni a, sawi sual palh ila amak zawk daih ang.


Nu Rini chuan lawmthu sawiin, Nu Siami te chunga a lawm zia te, tin an kalna vela Pa Hmuaka te in pekna te sawi kaiin a fak bawk a, tin, kan colony chu chhungkua leh \hian unau kan nih zia te, chhiat \hat engkimah inpui tawn leh inthlawp zel tur kan nih te, tin tunah pawh engkimah kan inpawh em em a, in hrangah awm mahila, chhungkua kan nih thute chu a sawi a, a sawi thiam bawk a, a sawi \ha phian mai, tichuan \awng\aina a hmang a. Chaw hlui chu kan kilho ta a ni.
Chaw eikhawm kan haw darh hnu chuan mahni in \heuhah kan let a. engkim mai chu a reh duk mai hian ka hriaa, kan han awm khawm kan awm darh leh chiah chu an ngaihawm ve hle mai, khulama kan \hian thar te nen pawn group ah chuan kan inbe reng a, a hlim chhawn a la ni bawk a, kan la inngai ve hle.


U hriata chuan min rawn call-in, pawnah lo chhuak la, keichuan tukverh hawngin ka varandaah chuan ka va chhuak a, a rawn kun hniam a, ka ngai tawh lutuk che a, arawn ti sup a, ka rawn chhuk ru dawn emaw ni, a tih chuan a chi loh I lawn leh thei lo anga, a buai thlak mai mai, tikhan kan inbe thei alawm ka tia, \hutthleng ka la chhuak a, U Hriata pawh varandaa railing chu bawhin kan titi melh melh a. zan rei fe, kan titi hnu chuan in thlahlel tawn takin kan mu ve leh ta a ni.

Show post links
Top