CHAPTER 7
“Nizan chu kan khaw tleirawl sual ho in in pa an lo tibuai a ni âwm a, an ni pawh an na viau an tihkha. In pa teh enge a an?” nu Ruati nên kawngah kan in tâwk a, chutiang thu a rawn sawi chuan ka beng a verh nghal zar mai.
“Tleirawl maw? Nu Ruat tute nge a?” tiin ding meuh hian ka zâwt a, u Remruata khân min hrilh duh miau siloa, mahsela khaw mite'n an lo hre nual a nih hmêl.
“Pu Zodina fapa leh a ṭhiante mawle, an in la tlangvâl si a. An sual bawk si, zu an heh bawk nên in pa pawh an mahniin an lo tibuai hmasa a nih hmela, khawpui tlangvâl anih avângin an zuam viau te pawh animahna. In pa zawkin a khawih hrep an tih kha, an awm thei bawk si a an chapo ve a nih hi” a rawn ri bawrh bawrha.
Chutia ka thu hriat chuan min ti thaw veng huai mai, a mahin a tibuai hmasa lo tih ka hriatna chuan min ti hahdam lo theilo. Engmah sawi duh lo mahsela tûnah chuan a sawi kher ngai lo in ka hre tawh bawka, tlêm chuan awm a nuam ve bawk.
A sualpui te chu ka hre chiang bawka, an phu tâwk an hmu ah ka ngai. Tlangvâl ṭawng thei leh mi rêl peih em em an nia, chutia an na tih ka hriat chuan ka inthiamlo lêm lo bawk. U Remruata an lo tibuai hrim hrim pawh chu ka ngei a ni, ina ka haw chu tuala lo infiam leh te avâng chuan ka ding chata.
Awiham! A hahthlâk ṭhin mange, naupang leh rawlthar lam lek lek tawh ho a lo infiam puia, ball in a lo vawm thal tawp tawp mai. Dimna a neilo reng reng, an hmaiah chuan a vawm sak thul, a mi infiampui te chu naupang an ni tih a hrelo nge dimlo baksak in a vawm thum awk awk mai.
Pan hnaiin “Dim ve ta che, i tina ange, naupang mai an la nih kha ti tawh suh“ ka ti leh chiah chu a ball vawm chhuah chuan naupang la tê deuh tukkhumah va fuhin hma lam pawhin a let nghal tawp mai. Hepa tak hi chu aw, a naupang vawm fuh lah chu kan ṭhenawm te nau ṭah belh zet kher kher ala vawm fuh leh zêl nên a ṭap nghal tuar tuara.
Nitin a ṭap mah tih tawh sa nak alai chutia a vawm fuh leh kher kher chu rum zet hian ka ena. A ni erawh chuan mit min kan khumin nuam tih hmêl zet hian ala nui suk zuia, ka va han ngei tak.
Miin naupang an infiam puiin dimdawi takin an ti ṭhin a ni ngaia, a ni erawh tumah a dim lo. An pawr phung mai, chutah chu naupang nu pi Tlanhlui chu rawn âng chhuak hlawk hlawkin naupang ho chu a rawn hrawk tuar tuara, a aw rawl lah chu a rapthlâk em em mai lehnghâl.
Naupang ho chuan an hauhloh thu sawiin an tlân chhiatsana, u Remruata tih a ni tih a hriat rual chuan min rawn pan hnaiin “Nangpawh Vannunhlu in pa te chu khap ve ta che, hetah in rawn awm ve dêk dêka buaina hlir in rawn chawk chhuak mai. Nizânah lah ka naute nên an intibuai tawh bawka, zak rawh se, mikhual mai mai lehnghâl, hetiang a chin chuan khawtlang hruaitute bul ka thlen tawh ang” a rawn ti leh hlawk hlawk chu ka ngai thei der lo.
“U Tlanhlu eng buaina nge kan rawn thlen le? Han sawi teh le, nizânah pawh a tibuai hmasa tu zâwk chu unaute ho an nih kha. Khaw mite hian an hriatchian khawp hi maw, a ṭhelh tu pawh kan hruaitute ngei an ni e, hruaitute pawh hmaizah lova au vak vak kha i nau te an nih zawk kha le. A thuhrimah au vak vak hi in chhungkaw kalphung em ni?” ka ti ve ta saka.
Hetianga min rawn thinrim khum ringawt hi ka duh hauhlo, u Remruata tih ṭah nibawk mahsela an infiama, a ṭap a nimaia. Chumi avânga in hmusit zâwnga in ṭawng khum hi ka ruh hauhlo, an ni pawh a pa sawrkar hnathawk nilo sela chapo chiam tur an awm hauh lovang.
“Ehe he he min va han zah lo ve a, naupang in ti ṭapa, chutah inthiamlohna pawh nei miahlo in min la ṭawng khum thei ania. Engang mi nge maw in nih le? Khawpuiah i awma, vânneih a siamin mi hausa fapa i neia, i rawn inchhuang ve deuh em ni. Nang ni a kum a khua a mi rethei chhûngkua, khawtlang chhawmdawl ngai tûnah in dinhmun a ṭha ve dêk dêk a min zahlo nghal viau chu a nia“ a rawn ti leh chu ka nui ta haka.
“Enge ka zah lohna che, naupang chu an infiam a, ṭah châng an nei ṭhin. A ni pawh a rawn tela, midang pawh an ṭah miahloh kha i fapa kha a nih kha ṭap awm chhun. Tin, dinhmun hi kan duhthlanna a nilova, retheihna pawh hi kan duhthlan a ni hek lo, nangni pawh in dinhmun ngaiah in awm reng thei bik hauh lovang, tumah hi in hmusit tur kan awm lo. I fapa kha an tipalh a nimaia, ngaihdam dil hman loh khawpin nangmah i rawn thinrim anih kha” ka ti leh chu min rawn khawih a tum zuia.
Chuveleh u Remruata chu ka hmaah rawn dingin a namsawn zui rawka “A tâwk tawh, he khuaah hian rawn awm thar chiah mah ni ila mihring ve tho kan ni a. Zahawmna leh dikna kan nei ve bawk, nanga fapa ṭah belh zet, a taksa pumah tui a pai emaw tih tur a nitina ṭap ṭhin kha kan nin mah nak a lai. Tûnah pawh khân a ma duhthu ngeia rawn tel ve a nih kha, infiam duh chuan ṭahbelh lutuk lo turin i lo zirtir dâwn ania, ka nupui tel ve miahlohna a hmer tel kha ka duh hauh lo“ a rawn ti ve hmaka.
U Tlanhlui thinrim tawh lutuk lah chuan ânchhia a lawh vak vaka “I nasa emai, i ânchhia kha nangmahah lêt leh vek rawh se“ u Remruata lah chuan alo ti dam thluama. Hepa ze mak lutuk mi nêna kan inhauh apianga a ze damdap leh ṭhin leh ṭawngkam ngeiawm zet ṭhin hi amak ka ti.
U Tlanhlui rawn ṭawng leh tur chu a pasal zâwk chuan a rawn khap avângin thinrim insûm ṭeuh chung chuan a fapa kai chungin an in lam pan chuan a kal zui hlawk hlawka, “In la hre khawp ang“ a la rawn ti tawn tawn renga.
“Nasa piap piap ve, a fapa kha a kâ kan ṭhui pin sak lo mah kha lâwm tur a ni a sin. Khatiang fapa ṭahbelh an neih chhan pawh kha a nu kha a nasa êm a, neilo chi pawh an nih loh kha. Au ring chhûngkua an ni ringawt, hmanlaiah chuan awm sela tlângau a hman chi an nihkha” tiin inchhungah a lût zui ta daiha.
Tumah hi a hlau thlâwt lo, hmaizah lah a nei hek lo. Ka pasal hian engtiang chiaha tam mizia nei ang maw, he ti em em a midang hmaa zâm ngailo hi ka la hmu lo rêng rêng, amah hi Lal emaw a inti nimaiin ka hria.
Engmah ti khaw tlai tawh bik lo chuan ka zui lût thuaia, eng tak chu ngaihtuah ang maw tukverh bulah va dingin a kawng a dawma. Thlang lam chu a thlir vung vung mai.
“In khua hi an mâwl a nih hi, an sual pawh a nilo an mâwl, khawpuiah han awm ve deuh sela an ṭha chhuak mai ang. Mâwl hlawm lutuk, helaiah kan awm tawha mikhual min la ti sek lehnghâl, chubâkah in hauhpui an ngai reng mai. Hawi zau lo in la fing si an nih hi a, vâk chhuak ila mikhual em ni i nih? An ti reng bawk, kan inneihniah te khân an rawn kal ve si a, mit an neilo nge?” tiin a phun hluk hluka.
Chhâng lo chuan ka en renga, a thinrim nge a phun pawh ka hrethiam lo e a.
“A sual pawh an tam ve ang chu, zawhna zawh erawh kha chu thingtlâng zia ve rêngah ngai la i hahdam mai ang. Keini pawh kan haw apiangin mi an lo chibaia, an lo hmuak ve ṭhin alawm, khawpui angin changkâng ve vek lo mah ila kan nundanah hi chuan Mizo nun tlawmngaihna leh aia upa zahna pawh a la tam fe ania, ila awm reiloa mi tlêm te a nung ṭha duhlo ho avâng hian ngaihdan siam zung zung tur a ni hleinem” ka tihchuan a tûm hmak mai.
Ka thusawi chu a pawm vak lo a nih hmêl, ka ti tak tak. A vah chhuah pawhin zu hmunah a awma, mi ṭha vak chu la tawng tur chu a nilo reng a ni. Zu hmunah chuan mi ṭha ai mi sual leh awm ṭha duhlo bâk an awm ngai miau loa, kohhranah te hian inhmang sela a hrethiam ve zel maiin ka ring.
Chutah ṭhenawm te lah zu in ve tho, nulât lai aṭanga hmeichhe nasa an tihte bulah kan awm miaua. Ani tân chuan ngaih kawihna tur a awm lo thei bikloa, mahsela mi zawng zawng hi kan sualin kan rilru a chhe kher lo tih te hi hria sela ka duh, “Chaw ei ang, vawiin chu lo an hal tawh dawna inah awm angai ang. Ram lamah vahchhuah an phal dâwn lo a, mei kan kai thut tâkin nangpawh khawiah mah vâk chhuak suh ang che, tiin chaw ei chu ka siam zawm mawlh mawlha.
Ngawi reng hian a rawn kila, a hmêlah chuan ala lungawi chiahlo a nih ka ring.
“Lo chu kan nei ve dâwn tihna em ni?“ a rawn ti khauha, ka bûk nghat rualin a ner nghâl suk mai. “Kan neih ve loh chuan helamah chuan thlai lei tur a awm reng lova, mahniin kan chin ve zel angai alawm. Chubâkah hna kan thawh loh chuan rual kan pâwl pha lo hlauh ange” tiin chaw chu ka bar zui mial miala.
“Hei chen lo neilo in kan awma, rual ka pâwl pha tho. Hmun danga mi pawh a lei theih“ a ti nuah nuaha, ka nuih hak mai.
“Thingtlang kha i sawi nasa sia, engkim hi nangmah ngeiin i tih ve a i hriat ve angai alawm. I nu leh pa pawhin lo nei ve turin min tih kha, tihian a ṭha zâwk lo em ni? Inah awm mai mai ila miin mi thatchhia leh engmah tih tum lo min ti anga, chutiang i duh bik loh chuan hna kan thawh ve angai alawm, buh ei tur kan lo intum ve hrim hrim pawh kha a hlu” tiin ka kham zuia.
“Dawr kan neia, ka duhtâwk viau. Hnathawh ka tum reng reng lo, tin i pasal tak tak anga min ena min tirh kawi tum hauh suh. Hetiang dinhmun pe tu che ka nih hi, engvang mahin i thuhnuaia min dah tum hauh suh ang che. Nang ang hmeichhia pasal te thuhnuaia dah tum ran ho hi ka huat zâwng tak in ni, i thuhnuaia ka awm ring ngai suh ang che. Thu pe tak khan vawikhat mah min be leh tawh suh ang che” a rawn ti chu ka ner deuh nawng mai.
“I rilru kawi kha a nihchu, vawikhat mah thu pe takin ka be lo ang che. I ngaikawi zêl zâwk chu a nih kha, pasal anga en i duh loh leh tuai angin ka en ang che nga ti nia” ka ti chu rawn tho chhuak in chak zet hian min rawn pana, min hnek sawk dawn emaw tih laiin ka chalah min kâwk dâk awrh mai.
“Ṭawng tam lutuk, khati khân min be leh vaih teh” tiin min kâwk leh sawk sawka. Ka ngai thei bik lo chuan a bengah ka pawh sak ta vaka, kan insual zui chu a nimai, mahsela min khawih na duh hauh lova, kei erawhin a samah kêk in ka kuai kûn ngawng ngawng mai.
“Min thlah rawh eki, ka sam kha thlah vat rawh. Eng ang hmeichhia nge maw i nih le, huaisar lutuk. Ka sam kha thlah vat rawh, chutilo chu i sam hi ka pawt kawlh vek ang” a rawn ti zui ṭhat ṭhat a, ka thlah duh bik der lo.
STORY HI KAL PUAT PUAT IN DUHA, MAHSELA KHA TIANG KAL PUAT PUAT KHA CHU A ZIAKTU TÂN PAWH AWM ZIA A AWM LO A, DUH CHUAN PARA KHATAH TICHUAN IN HAW DEUH CHU AN IN HMANGAIH A, A TAWP TA TE PAWH A TIH THEIH THO A, MAHSE YOUTUBEA CHHIAR TIR LEH TUR A NI A CHAPTER THUI VE DEUH A NGAI ṬHIN AW.
Kan insual zo chu ṭhu hle hle in kan la inmelh ram rama, a hmuiah tak hian nawr sawk mai ania ka duhni. Chutia kan ngawih dun reng lai chuan tlâng rawn auin lo halna a kal turte innghakkhawmna tur an rawn au lauh lauha, helamah chuan mahni mimal ram nei pawh mipui lo hal turah hi chuan nei kher lo mahsela an kal tel ve vek ṭhin a.
Ram la vahloh kan kai tir an hlauh vâng hian an fimkhur thei viau mai. “Ka kal ve dâwn tihna em ni?” a rawn ti khauh chu ka lu ka thin khuma, ala tel ngai siloa ṭhian a la neilo bawk nên a va chêt sual ka hlauh avâng chuan “I tih ngai loh kha, chetsual a hlauhawm tikhan awm mai mai rawh. Lo hal a kan kai palh chuan ṭhian i la nei siloa, i che buai mai ang tumahin an phût lo ang che” ka tihchuan a hmui a ner leh nawka.
“I pasal hi min va ring lo ve a” a rawn ti chu ka nui haka “Ka pasal i nih duh loh kha“ ka ti chu ka chalah a rawn pen fawka “Ṭawng thei lutuk, hnial khân lah hi i hre bawk si a. Hmeichhe ṭawng thei deuh chu ka ngaina miahlo ania aw“ tiin a nui deuh suka, nichina insual kha kan ang leh tawh lo.
Hei hi alawm amah min huat tir tak tak theilo tu, ngeiawm taka a awm ṭhinna phênah hian mipa rilru ṭha tak leh ngainatawm tak a awm tih ka chiang a ni. Chu chu kan inneih dân avâng hian a ti lang duhlo mai zâwk niin ka hria.
“Keipawh pasal min duat miah lo tu neih hi ka duh miahlo ania aw, ka pasal chuan min duat hle tur a ni ringawt” ka ti ve chu kan nui dûn hak haka. Hetiang hian inngeih takin awm reng thei ila chuan kan nupa nun pawh a hma ai zawngin kan inngeih leh zual ngeiin ka ring a ni, kan chhungkaw nun pawh a hlim ngei bawkin ka ring.
“Nia, pasal duat deuhtu i duh chuan i zawng thei reng a lawm. Keichuan ka duat thei silo che a” a rawn ti a, a hmêl chu a thu tak leh ran tawha. Ka chhâng tawh lêm lo, tukverhah chuan dâk chhuakin lo an hal ṭan nge mawni mei khu a rawn awm ṭan a.
Kumin lo tur hi khua aṭangin a hla lutuk lo bawk nên chuvanga neih ve ngei duh ka ni pakhata. Mei khu chu a rawn tam tial tiala, a kâng ṭha viau dâwn niin a lang, u Remruata pawh chu ka bulah chuan rawn hawi chhuak ve in “Saw saw em ni an lo hâl chu?” a rawn ti a.
Lo bûk nghat pah chuan “A hla lêm loa, an thleng hma hle dâwn a nih saw. A kâng ṭha dâwn a nih hmêl, a khu aṭang sâwn a kâng ṭha tih a hriat mai A lawm i hrethiam ve em? Ka nu leh pa rualin kan feh anga, kan lo tur pawh kan en ve angai ang” ka tihchuan peihloh hmêl tak hian a thaw chhuak haka.
“Ka feh ve kher angai em ni? Heti pawh hian a awm theih tho hi, dawr ka lo nghâk mai ang ka feh peih teuh lo” a ti chu ka melh ram rama, heti em em a luhlul leh ram hmuh hlau hi ka la hre ngailo. Khawpuiah ram hna thawk lo in a awm ṭhang tih hre mah ila ṭhenkhat chuan lo feh ve chhinte an châk ṭhin hle a ni ngaia, ka pasal meuh zawng ramhnuai tawp hi a hlau a nimaiin ka hria.
“Ka nau ten an nghâk thei alawm, Bawihtei hi school a kal ta lo rau rauchu kan dawr pawh hi min nghah sak thei ang chu. I sawi tawh kha thingtlâng hna te chu a hahdam i ti a ni lo em ni? I thawh ve chhin angai alawm, a nupa zâwk i nih kha nawi deuh a awm tum loh tur. Nang aia naupang pawh an feh vek zel a nia, i feh ngun anga nuam i ti mai ang” ka ti chu a pawm hmêl vak loh.
“Ramhnuai hi ka ngaina lo” a rawn ti bung vuta, engvanga chutiang rawn sawi tawp nge a nih pawh ka hrelo. “Timaw? Keichu huam ka ti a sin, ka hah a dam ṭhin, ramhnuai hian khawchhung leh ka mihringpuite zînga hahdamna ka hmuh loh ṭhin kha min pe vek zel ni berin ka hria” tiin nui sâng chuan ka sawia.
Engtin nge min rawn chhân dâwn ka hreloa, mahsela tûna a hmêl awm dân hi chu a thutak leh ran tawha. Ka thil sawi chuan a hmêlah danglamna a thlen tih pawh ka hmuh hmaihlo, “Ka ngaina lo a ni tawp mai, a bikin ruah nasa taka a sur ṭhin hi ka hua” a ti leha, a kut khûr deuh dar dar ka hmuh chuan mak ka ti takzet.
Tûnah hi chuan eng emaw a ngaihtuahna in a tibuai niin ka hria, hetianga a awm hi ka la hmulo. Eng emaw ramhnuai leh ruahsur ngainat loh tir tu an awm a ni ngei ang tih pawh ka ring thiam, a chhan chu a danglam vek miaua.
A kut chu ka va hum sak ve ta tawpa, mi in lo hnar ka rin laiin a lo hûm nghet ve sauh zâwk a. “Tinge? Ruah leh ramhnuai chuan nunna min pe a sin, kan intur te kan hip tur boruak te min pe a, engvanga nunna pe tu chu haw tlat nge i nih?” ka tih lai chuan a thaw haka, mei hal khu avânga khua rawn dur deuh khup avâng chuan a hawi chhuak vata.
A tha khûr chu a rawn na sauh bawk, ka ngaih a ti ṭha miahlo. “U Remruat i ṭha em? Tinge i sa vek ania” tiin a pang chu ka deh saka, a lo sa ve vur tho a, hlauhthâwnna avânga taksa sa chhuak vek hi a ang ber mai.
“Ka kuah thei ang che angem?” tiin ka chhânna pawh nghak lo chuan min kuahin ka nghâwngah chuan a hmai a phûm ta tlata. A awmdân chu mak ka ti tawlh tawlh mai, hetiang a awm hi ka beisei miahlo, a damlo hauh lova mahsela a taksa erawh a pângngai mawlh lo.
“Tinge hetianga i awma? Thil thleng a awm em ni? Min hrilh ve thei angem? Hetianga i awm chuan ka ngaih a ṭha miah lo ania aw, ruah leh ramhnuai chuan engvanga hetianga siam che nge an nih?” tihchu ka zâwt mawlh mawlha, a nunah eng tin emaw zâwng takin thil tawn a nei tawh a nih ka ring tlat.
Min chhâng loa, min kuah ngheh sauh pahin hrehawm ti thâwk ngaihna hrelo ang mai hian thâwk ala deuh hawka. A awmdân chuan alaka ka rilru put hmang a thlâk deuh dawrh bawk, ka hriatpui loh hian eng hringnun nge a lo paltlang ang. Keichuan a puitlin hnu chutah pawh kumhnih chhûng chauh ka la hria a ni a, engtiang chiaha harsatna nge a lo tawh nasat ang?
Keiin ka ngaihdân tam tak phênah hian hetianga nungchang ngeiawm leh a nu leh pa ti beidawng khawpa nun a hman chhan hi a awm ngei bawkin ka ring, a chhûngril zawng zawng ka hriatpui loa. A nupui ka ni chungin a duhzâwng engmah hriatpui ka nei hek lo, a rilru natna leh a hrehawmnate hrilh tlâka min ngai lo a nih pawhin ka dem chuanglo.
A tân chuan hmangaih leh duh taka a neih ka niloa, harsatnate pawh min hrilh duh lo pawh nisela a âwm lutuk tlat. “U Remruat” ka ti hapa, hetianga a awm hi mak ka tia ka zawhna a chhâng duh lo bawk nên ka tihngaihna hrelo in ka ko a ni ber mai.
“Reilote, tinge mahni inthiamlohna hi ka neih reng le? Vawitam ka thiamloh a nih loh thu inhrilh ṭhin mah ila khua rawn dura, hetiang thingkung leh thli na taka a tleh ka hmuh te hian ka mitthla ah a rawn lan tir leh ṭhin si” tiin min kuah hnai sauha.
A hnungah chuan ka chûl sak ta hliau hliaua, a thusawi chu hrethiam vek lo mah ila nakinah chuan engkim min la hrilh ve ka beisei tlat a ni.
“A harsa viau ang, i na viau pawhin ka ring. Mahsela hun kal tawh chu kan siamṭha thei tawh lova, kan ko kîr thei tawh heklo, a liam liama an liam ṭhin angin hriatrengnaah erawh hun kal tawh hunin a liampui angin a liampui ve leh thei silo lai hi mihring chuan kan natpui leh fo ṭhin. Kan kohkir duh em em hun te kha kan kokir thei tawh lova, kan duh loh leh theihnghilh kan duh em em thil erawhin min kalsan thei miahlo thung, khawvêlah chuan thil ṭha aiin thil ṭha lo hian min laina hnai zâwk a, hlimna aiin lungngaihna hian min hmangaih zâwk emaw tih turin kan nunah a lang tam zâwk ṭhin a ni tih hi kan pawmthiam a ṭul fo ania” tiin ka thiam tâwk chuan ka hnêm ve a.
Ka chhâwk thei angem ka hrelo, ṭawngkam thiam tak ka nih loh avâng hian a duh ang hnemna thu ka chhâk chhuak kher pawhin ka ring heklo. Mahsela tlêm tala ka chhâwk ve ngei erawh ka beisei ve tho.
Mei vap rawn lût avâng chuan a mi kuahna ata chu awmsawn deuhin tukverh chu ka khâr zui ta daiha. Khua chu a thim deuh khupa, tûnlai chu khaw ṭhenawm lo hâl nên vân lam boruak a inthlâk nasa a, ruah a sûr leh ṭep tawhin ka ring.
“Min hua em?” a rawn tih thut avâng chuan alam hawi chuan ka inher vata, min lo en ran mai. A kut chu tlir dat dat in nichina a talbuai hmêl kha a bo vek tawha, tûnah chuan a pângngai leh thlap tawh tih a hriat.
“Min chhâng la, i chunga ngeiawm tak taka ka che chung leh ka ṭawngkam chhe tak tak ka hman fo avâng pawh hian min haw lo em ni?” a rawn ti leh ngata. Nui sak chung chuan “Ka pasal alawm i nih? Ka chunga thinrima min ṭawngkhum tur pawhin thuneihna i nei bawka, keia lo huatna chhan tur che a awm lo bawk, i duh lo chung min neia, ka hrethiam lutuk che a nia” tiin chhuat chu ka phiat pah a.
Thingtlâng chu khawpui lam angin kawng an black top ve lo a, lei a tam bawk nên chhuat hi a bal awlsam si a. Nawh zawm reng a ngai ṭhin, pâwnah vâk chhuak dêk dêk ila kan bâl haw ngei ngei. Fur laiin kan berha, ṭhal lâi lahin kan paw chhuak hrup bawka, fai taka khawlai lên hi a har ṭhin.
“Nangpawhin i duh lo chung min nei ve tho a ni lo'm ni? Mahsela ka tih ang che hian min ti ve ngai hleinem” a tih lai chuan pâwn lamah thâwm a rawn awma “Nunu in pa kha lo chhuah tir teh...ka hmu leh duh ania, nizânah ka bia a min chhâng duh miahlo lehnghâl” no hlek hluaka rawn ti tu avâng chuan ka chhân tum pawh chu chhâng ta lo in ka ngawi deuh data.
“Hrep chuan saw thil siam sual saw, helaiah lehzêl khawvêla ka mi nung huat ber tuai pherh an lo awm veleh zêl hian khawvêl a ti zîm zual, rawn luh tir hauh suh ang che. Kut ka thlâk duh mai ang” a tihlai chuan “Insum la tuai tih i hriat reng kha, i duh chuang hleinem” ka ti chu rum fe hian min ena.
“Khatiang kha sawi leh vaih teh, hmeichhia in an thlavang in hauh avângin tuai an pung anih hi. Hna an pe deuh deuha, Mizoram teh hrep pawh hi tuai an promote nasa lutuka an pung zual a nih hi, dum thelh thulh. Châwn sek leh hmelchhe deuh deuhin hmeichhia emaw in ti in khawlaiah an lêng vak vaka, zahna châng an hre silo. An ṭawng thei bawk si, a ṭan tâwk leh an thlavang lo hauh te lo awm ve sek avâng hian an pung chak tual tual lehnghâl, nakinah chuan hetiang tuai thlavang hauh ho hian an fa an lai pai puar luah lo ang tih pawh a sawi theihloh, rawn luh tir hauh suh ang che. Nau a pai theih loh chuan hmeichhia in ti ve tawh suh se” tiin room lamah a lût zui ta daiha.
A thinrim viau aniang a mah ang lo takin khatiang thu kha a sawi duah chu ania, pâwnah chuan chhuakin “A chau deuha u Ms, a muhil a bâkah a mood a fuh vak loa“ ka tihchuan a kal mai dawn emaw tih laiin “Awi, min hmuh a duh loh avâng te a ni lo maw? In pa pawh chu i va vêng âwm ve a, nang ni ang ho hi chu a, pasal in han nei chhelo ve dêk dêka hauh nghal hlur reng ringawt mai, in dinhmun te hi hre rawh u” ti zekin a kal kiang zuia.
Ka chhâng duh tawhlo, u Remruata sawi ang tak tak khân tuai hi chu khinsawn chi ah ka ngailo. Sawi zah an nei silo, chuta kârah an aw rawl a ringin an rapthlâk thei bawk si a biak tam loh kha a him berin ka hria.
Engvanga tuai nih nuam ti tlat nge maw an nih le, an têt lai an naupan lai zawng zawng pawha tuai ngai lo rawn tuai leh ta daih te hian eng rilru nge maw an put dâwn ni. An rilru piangsual hian vanram a hruai thleng dâwn silo a, hetiang a nih lai a kara thlavang hauhtu an ngah ṭhin hian tuai dang an siam belh zel ti a u Remruata sawi kha ka thlawp ve thlap bawk.
Hmeichhia pawh hi thuneihna kan ngah chho a, dânin min humhalh chinah hi chuan khawi kipah inrawlh kan tuma. Danin min hauh tih hre ran a sual lui, mipa zahna châng hre miahlo kan awm ve phah ta rêng bawka. Ṭhatna nei bawk mahsela hmeichhe lu mipa a nihna hi kan hriat ve a ṭul fo, hetiang hi chu ṭha ka ti bik hauhlo, mitin hian dikna nei ṭheuh mah ila kan nun hian a zir ve a ngai miau si a.
NEXT AṬANG CHUAN A ROMANTIC CHHO ṬAN TUR AH NGAI ANG AW