Re: LET's LOVE AGAIN BY Ziki_nu (Completed)
Posted: March 30th, 2025, 2:07 pm
LET's LOVE AGAIN
By Ziki nu
Chapter-8
"In va buai âwm ve kha?" tiin Nunpuia leh U Remsiama te chu a melh zawk a, keimah bawk chu min en leh ran bawk a, sawi tur a vang ka ti takzet.
Ban deuhin "Nia" ka ti ringawt a, nui hmel pu miahlo a min en vang chu nge mawni, nuamlo ka ti tulh tulh mai.
"Saw lamah sawn kan motor a awm a, ka lakchhuah chhungin lo chelh lawk mai ta che Sawmi?" U Remsiama lah chuan a rawn ti zui bawk a, Rintea a kalsawn mai bawk silo nen keipawh chu ka che chang lawk lo.
Kan in en ren rawn hnuah mitmeiin U Remsiama chu a thlek zawk a, kan hnung lamah midang thawm ka hre zui bawk nen muangchangin Nunpuia chu ka va kaihkuah a, midang rawn thleng ve te lah chuan min be hauhlo hian min kalpel sung sung hlawm a, Rintea nen chauh chuan kan ni tawh!
"Puih i ngai em?" ti supin min la en ran a, "A.. Ngailo e.. " bah deuh taka ka tih hnuah "I dam maw?" ka han ti leh hnuhnawh a, Nunpuia lah chu che hleithei si lovin a rum leh tuah tuah thin a, a awmdan chu ka haw takzet ti ila a dik ber ang.
Mawi deuh mai hian ka hmaa mipa ding chu a lo nui suk a, "Ka dam lutuk Malsawm" a tih laia a aw ri te chuan min fan leh rawih rawih bik tawh niin ka hria, a ni hi chu a danglam êm a, theih ngat se chuan ka thianpa rui chhe zet mai ka pawmbeh chu leia thlak dawt mai ka duh rum rum a, mahse chu êm chu ka ti ve deuh bawk si.
A ni hi chuan midang zawng zawngin 'Sawmi, Sawmte' tia min koh vek lai pawhin 'Malsawm' tih ngatin min ko thin a, ka haw phal ngai miahlo a nih kha.. Huat chu sawiloh, ka hminga min koh chang kha chuan nuam ka tiin sial bik riaua inngaihna te ka nei thin a, khang zawng zawng kha hunin a liampui tawh emaw ka tih laiin a lo la liampui hauhlo chu a nih hi.
Tawng tuma ka ân leh zuau laiin kan hmaah tak chuan motor sen lar zet mai hi a rawn ding a, U Remsiama te an nih avangin han muangchanna hun a awm tawh lo a, Rintea pawh chu mumalin ka mangtha leh ta lo.
A hnung lamah Nunpuia chu ka thutpui a, Janis-i chuan a fapa muhil mek chu pawm pahin min rawn thlek leh zauh thin a, ka hmelhriatte an ni ve chiah bawk silo nen, sawi tur a vang duh khawp mai.
An in kan thlen hma deuhin U Aldrina ka call a, a ni lah chu committee in a chhuak daih hi a lo ni a, a chhungte dang han biak mai tur ka hriat loh avangin U Remsiama hnenah chuan "Nangmahni in luhpui ula, ka tan chuan a nuam vaklo" ka ti ta ringawt a, min lo hre thiam khawp mai.
Inchhung lamah chuan an thang rei deuh ka rin avangin keipawh ke in ka haw tlang ve nghal daih a, ka hun tawn dan chuan ka lung a ti awilo takzet.
Ngaihtuahnaah Rintea ngawt a awm a, mitthla ah a hmel kha a lang nawn ut ut mai bawk a, ka ngaiin a hmel hmuh leh ka chak hle tihte pawh ka hre tharin ka hria.
Nunpuia erawhin ka lung a ti awilo hle ringawt thung a, midang kianga min ruihsan vang a nih rualin, Rintea'n min hmuhdun dan zawng zawng nen phei chuan ka thinur hliah hliah mai.
U Mazari te in ah pawh lut kawi lovin ka tlang nghal a, ka awmdan chu ka hrethiam chiahlo,ka lungphu a rangin ngaihtuahna a nu but mai a, kan inhmuhdan vang khan ka lakah ngaihdan mak deuh deuh a lo neihte ka hlau bawk a, a rilru chu hre ve hauh lo mah ila amah nilo mipa dang laka ka la inthiarfihlim ve zia erawh chu hre ve reng se ka la duh fan a ni.
Ka intihfai hnuah khumah chuan zangthalin ka mu zuar a, ngaihtuahna lak pen nan tiin ka nu ka call ta ringawt a, naupangho te nena kan inbiak luam hnuah kan inmangtha a, mahse amah bak rilru ah a awm thei tak tak chuanglo.
Khalai hmunah khan eng nge a tih ve ang tih te, tu nen nge an kal dun ve ang tih te ngaihtuahin ka in let sek mai a, ka awmdan chu atthlak ti hle mah ila ka inthunun thei tlat lo.
Ka phone ka en sek a, min lo biak ka beisei ringawt te chu zahpuiawm ka inti takzet, ka number a nei dawn hauhlo a, min biak duhna rilru a put pawh ka ring chhuanglo, mahse ka beisei tlat si a ni.
Zing lamah ka muhil ve thei ta chauh a, Pathianni anih avangin thawh hma lutuk a ngai lo bawka a zia viau mai, chawhma chu ka inkhawm ve a, chawhnu lam erawh U Mazari ten min pawt lui viau na in ka haw ta tho a, Nunpuia pawh a la reh vang vang mai. A pawi pawh ka ti lo, khatiang thil thlen hnu phei kha chuan ka be tui vak tawh bik tlat lo.
Zan lama ka mut tlem vangin ka chawhnu mut leh a, tlai dar 5 vela ka phone ri in min tihharh chuan ka thinrim tun ringawt leh nghal a.
Number hlang ni mah se phak chualin ka chhang ta tho a, "Hello" ka tih nawn tlut tlut hnuah pawh lehlam ami chu a la reh vang vang a, a lo call sual anih ringa dah mai ka tum laiin "Malsawm" a rawn ti khauh a, ka meng chhuak nghal chiang khawp mai.
"A... Aw.. Tunge aw?" ka han ti ve leh hnuhnawh a, ka tawng buai nak nak khawp mai.
"Keimah" tih zawnga min chhanna chu a tawk lutuk, amah ngei a ni tih ka hai hauhlo.
"Imm" ka ti ringawt a, sawi mai tur ka hrelo. "I muhil em ni?" a tih chuan "Aw.. Ka lo muhil sek a" ka ti ve vat a, a nui ri chu chiang takin ka hre thei.
"Tinge min lo biak a?"
Ka zawhna zet chu aw.. Atthlak ti hle mah ila ka sawi zo vek tawh si a, khumah chuan mu chungin ka then chiam ringawt.
"Ka lo be thei lo che em ni?" a tih chuan lu ka thing nawk nawk mai, "Be thei e" tia ka chhanna chu a lo nuihpui leh suk a, hepa hian engvanga min bia nge a nih ka hre chak takzet.
"Khawiah nge i awm?" a tih chuan ka awmna veng leh keimaha in ka luah hran ve tawh thu te chu ka hrilh ve luam a, "I hlau na nge" a tih chuan lo nui hakin "Hlauh tur a awm hleinem" ka ti a, a ngawi leh vung vung tawh.
"Lo len i phal em?" rei deuh tak a ngawih hnu chuan a lo ti leh khauh a, phur tak anga lan ka hreh ve bawk si chu ka hah vek thei.
"Imm phal e" ka ti a, ka aw te chu a lawi deuh rutin ka hria.
"Zanah i inkhawm dawn em?" a lo ti leh daih a, ka inkhawm tur thu ka sawi chuan min bia pawh ni chiah silo in "Inkhawm banah chuan a tlai tawh âwm si a" a ti sup sup a, ka lo nui kar kar tawh mai.
"I duh hun hunah I lo leng dawn nia" ka tih chuan "Aw le.. Ka lo hrilh leh dawn che nia" a ti a, ka chhan hma hauh in "Mu tawh suh aw.. Inkhawm I tum chuan" a lo ti leh a, a mizia leh tihdan thin chu a pangngai reng anih hi.
Kan inbiak zawh chuan ka phone chu ka âwm si chetin ka dah a, ka lungphu rang lutuk chu ka dawm hnan vang vang mai.
Kan inkar thu engmah kan la sawi chhuaklo ve ve a, a laka ka inthiamlohna chu a la ngai reng, mahse ka beisei aia kan inbe tha chu ka lawm tawk a tling hle a, min huata min biak duh tawh pawh ka rin loh laiin ka rinloh dan daihin a awm leh si a, ka tan chuan a lawmawm ve êm bawk a ni.
Eirawng ka bawl peihloh vangin nepnawiin ka inhnawh puar a, U Mazari nen kan inzui thla chu ka beisei loh deuh a lo sawi ve khauh mai.
"Aldrina'n tlaiah khan min hrilh a, nizana in chhuak dun kha boruak a fu vaklo a ni maw?" a tih chuan tawi te in ka nui ringawt a, a thaw chhuak halh chu a rilru tur awm ang ka lo hre nghal mai bawk.
Rintea nena kan chanchin leh tawp dan te a hriat chian em avangin hmalam pan turin min duh a, Nunpuia pawh min sawipui nasa bertu a ni bawk a.
"In in be leh tawh em?" a tih leh chuan lu ka thing a, "A la pentawng aniang" ka ti chu a lo ner nasa mai.
"Ka rin a ang lo khawp mai, Aldrina zawk kha a inthiamlo a, nangma hnenah pawh ngaihdam dil a duh thute kha a sawi a" a tih chuan khi sak pahin,
"Zu a lo in ve ngawr ngawr kha chu ka hua pawh a ni lo, bakah inngaizawng pawh ka la ni êm lo a, lo khuahkhirh vak tur pawh ka nilo hrim hrim a, mahse a thiante zingah khan ka zak a ni" ka ti hap a, U Mazari bulah hi chuan ka vuithu hi ka thlen ngam ve hle thin.
"A ni ngawt mai, Lalnunpuia chu a puitling lo tlat, hauh hrep a ngai a ni" a ti hlak hlak a, Biak in kawt kan thleng zui mai bawk nen kan sawi zui tawh lo.
Inkhawm ban rualin ka tlan haw nghal a, hla zir pawh chu ka pha leh ringawt mai. Rilru a chawmawlh riau a, hla pawh ka zir tui thei in ka ring lo.
Dar 8 a ri chauh bawka tiin lo leng mah se pawi ka ti lo a, mahse min lo be nawn leh tawh mang si lo a, "Ka lo kal dawnah ka hrilh ang che" a tih ve thlap avangin leng tura han sawm hmasak vel chu ka duh der bawk si lo, ka rilru te te chuan 'hla ka zir loh phah ve thak a, a lo lenloh chuan ka lungawilo ngawt ang' ka ti rilru a, zaktheilo inti hle chungin ka nui ka nui tho.
Ka inthlak fel hnuah hmunte chu ka hawl fai leh thuak thuak a, a rukin lan mawiloh chu ka hlau ve hle ringawt mai a ni.
Dar 9 a ri tak ngial dawn a, a lo kal dawnlo anih chu ka ring nghet nghal hmiah a, ka hnual nghal rawih rawih mai.
Mu tura ka inbuatsaih laiin ka phone chu a rawn ri ral ral a, ka ban rang khawp mai.
Rintea hming ka hmuh rual chuan ka âwm dawmin thawk ka la vang vang phawt a, ka chhan rualin lehlam ami chuan "In veng ka lo thleng tawh a, I awmna location min lo thawn mai" a rawn ti a, ka lungphu zet chu aw... Ka âwm chhung atangin a rawn sawi chhuak daih ang tih hlauhawm khawpin a phu nasa tawh.
"Ka lo thawn ang" ka tih hnu lawkah a dah leh nghal a, ka thawn zawh chuan ka intifel sawk sawk a, kawngpuia lo hmuah a that ka rin avangin ka chhuak nghal a, ka ding rei hman lo.
A rawn thleng thuai a, bike chu ka lo enchîk nghal khawp mai, kum 4 kal taa kan inzui ve lai kha chuan scooty chauh a khalh thin a, amah a pian a tha in a sang bawk a, a bike pawh chu a inhmeh ngang mai.
A helmet a lak thlak rual chuan tawi te hian min nuih suk a, kan awmna veng chu thlek kual thuakin "Lung a tileng reuh hle mai" a ti sup bawk a, a sawi dikin ka hria.
U Mazari te inah hian min kalpui fo thin a, a tir khan an inhnuaiah ka awm tih ka sawi lawk loh vangin lo kalna tur a hrelo kha a nia, sawi ila chuan location han inthawn buangbar vel chu a tul hauhlo tur.
"Kal ila" ka tih chuan a lo bu ve nghut a, step a kan inzui thlak laite chuan ka zam riau a, ka lungphu pawh a la dik theilo.
Ka inchhung zimte ah chuan a vawi khat nan kan inzui lut ve leh ta a, boruak chu a danglam takzet tih bak ka sawi thiam lo.
"Nangmah chauhin maw I awm?" thutthlenga thut paha a tih chuan ka lo bu nghat a, inchhung chu a thlek kual leh thuak thin a, a nui leh suk suk thin chuan ka awm a tinuam chiah tawhlo.
"A te viau naa, mahni chauha awm nan chuan a tawk ve lutuk" tiin a bulah chuan ka thu thla ve a, min en reng nia ka hriat avangin ka hawi kual sek a, ka awmdan zet chu aw...
"I lo puitling tawh hle mai" nui chunga a tih leh takah chuan ka en ve ta chauh a, "Kei aiin I naupan kha aw.. Min nau en reng reng suh" ka tih chuan a meng nur deuh nang a, kei aia a naupan thu sawi hi chu a duhlo ve thin ngawt mai.
Kan han ngawih tak deuh vang vang ah chuan boruak chu a rit deuh ta riau hian ka hria a, sawi leh tur ngaihtuaha ka kuttin ka khalh neuh neuh laiin "Malsawm" a lo ti leh phawng a, ka lo phu uih chu ka inthiamlo leh hnuhnawh.
"Phu vak zel suh" a tih chuan za lo deuh in ka nuih a, "I hlawhtling tawh em?" tia a zawhna chu ka hre thiam chiah lo.
"Ngatinge?" ka ti let hu a, thutthleng nghenchhan chu nghengin a thaw chhuak ham ham a, "I duhthusam te, I nih tum leh tihchak tak takte kha I ti tawh em?" a ti leh a, chhan dan tur ka hre mai lo.
Engvanga chu zawhna chu min zawt nge a nih ka hrelo a,eng ang chhanna nge a duh ang tih chu ka tan zawhna pawimawh tak a ni ve thung.
A hmel ka en chuan min lo en reng tih ka hre ve chauh a, ka chhanna a nghah reng avangin "Ka hre lo le" tih zawngin ka chhang a, a duhkhawp lo hmel kher mai.
"Ngatinge min zawh?" tia ka zawh ve thung chuan "Duhthusam tihhlawhtlin chu a tha alawm" a lo ti mai a, keipawhin chu chu ka duhkhawp biklo.
"Min hua em?" ka insûm zo nganglo chuan ka ti ta thlawt a, min chhan lawk loh vangin amah chu ka en a, mitmeng hriatthiam har deuha min lo en vangin ka tîm leh hnuhnawh a, mahse "Ka haw lo che Lalmalsawm" chang deuh maia a tih chuan ka melh phawk lek lekin ka ring.
Cont...
Show post links
Top
By Ziki nu
Chapter-8
"In va buai âwm ve kha?" tiin Nunpuia leh U Remsiama te chu a melh zawk a, keimah bawk chu min en leh ran bawk a, sawi tur a vang ka ti takzet.
Ban deuhin "Nia" ka ti ringawt a, nui hmel pu miahlo a min en vang chu nge mawni, nuamlo ka ti tulh tulh mai.
"Saw lamah sawn kan motor a awm a, ka lakchhuah chhungin lo chelh lawk mai ta che Sawmi?" U Remsiama lah chuan a rawn ti zui bawk a, Rintea a kalsawn mai bawk silo nen keipawh chu ka che chang lawk lo.
Kan in en ren rawn hnuah mitmeiin U Remsiama chu a thlek zawk a, kan hnung lamah midang thawm ka hre zui bawk nen muangchangin Nunpuia chu ka va kaihkuah a, midang rawn thleng ve te lah chuan min be hauhlo hian min kalpel sung sung hlawm a, Rintea nen chauh chuan kan ni tawh!
"Puih i ngai em?" ti supin min la en ran a, "A.. Ngailo e.. " bah deuh taka ka tih hnuah "I dam maw?" ka han ti leh hnuhnawh a, Nunpuia lah chu che hleithei si lovin a rum leh tuah tuah thin a, a awmdan chu ka haw takzet ti ila a dik ber ang.
Mawi deuh mai hian ka hmaa mipa ding chu a lo nui suk a, "Ka dam lutuk Malsawm" a tih laia a aw ri te chuan min fan leh rawih rawih bik tawh niin ka hria, a ni hi chu a danglam êm a, theih ngat se chuan ka thianpa rui chhe zet mai ka pawmbeh chu leia thlak dawt mai ka duh rum rum a, mahse chu êm chu ka ti ve deuh bawk si.
A ni hi chuan midang zawng zawngin 'Sawmi, Sawmte' tia min koh vek lai pawhin 'Malsawm' tih ngatin min ko thin a, ka haw phal ngai miahlo a nih kha.. Huat chu sawiloh, ka hminga min koh chang kha chuan nuam ka tiin sial bik riaua inngaihna te ka nei thin a, khang zawng zawng kha hunin a liampui tawh emaw ka tih laiin a lo la liampui hauhlo chu a nih hi.
Tawng tuma ka ân leh zuau laiin kan hmaah tak chuan motor sen lar zet mai hi a rawn ding a, U Remsiama te an nih avangin han muangchanna hun a awm tawh lo a, Rintea pawh chu mumalin ka mangtha leh ta lo.
A hnung lamah Nunpuia chu ka thutpui a, Janis-i chuan a fapa muhil mek chu pawm pahin min rawn thlek leh zauh thin a, ka hmelhriatte an ni ve chiah bawk silo nen, sawi tur a vang duh khawp mai.
An in kan thlen hma deuhin U Aldrina ka call a, a ni lah chu committee in a chhuak daih hi a lo ni a, a chhungte dang han biak mai tur ka hriat loh avangin U Remsiama hnenah chuan "Nangmahni in luhpui ula, ka tan chuan a nuam vaklo" ka ti ta ringawt a, min lo hre thiam khawp mai.
Inchhung lamah chuan an thang rei deuh ka rin avangin keipawh ke in ka haw tlang ve nghal daih a, ka hun tawn dan chuan ka lung a ti awilo takzet.
Ngaihtuahnaah Rintea ngawt a awm a, mitthla ah a hmel kha a lang nawn ut ut mai bawk a, ka ngaiin a hmel hmuh leh ka chak hle tihte pawh ka hre tharin ka hria.
Nunpuia erawhin ka lung a ti awilo hle ringawt thung a, midang kianga min ruihsan vang a nih rualin, Rintea'n min hmuhdun dan zawng zawng nen phei chuan ka thinur hliah hliah mai.
U Mazari te in ah pawh lut kawi lovin ka tlang nghal a, ka awmdan chu ka hrethiam chiahlo,ka lungphu a rangin ngaihtuahna a nu but mai a, kan inhmuhdan vang khan ka lakah ngaihdan mak deuh deuh a lo neihte ka hlau bawk a, a rilru chu hre ve hauh lo mah ila amah nilo mipa dang laka ka la inthiarfihlim ve zia erawh chu hre ve reng se ka la duh fan a ni.
Ka intihfai hnuah khumah chuan zangthalin ka mu zuar a, ngaihtuahna lak pen nan tiin ka nu ka call ta ringawt a, naupangho te nena kan inbiak luam hnuah kan inmangtha a, mahse amah bak rilru ah a awm thei tak tak chuanglo.
Khalai hmunah khan eng nge a tih ve ang tih te, tu nen nge an kal dun ve ang tih te ngaihtuahin ka in let sek mai a, ka awmdan chu atthlak ti hle mah ila ka inthunun thei tlat lo.
Ka phone ka en sek a, min lo biak ka beisei ringawt te chu zahpuiawm ka inti takzet, ka number a nei dawn hauhlo a, min biak duhna rilru a put pawh ka ring chhuanglo, mahse ka beisei tlat si a ni.
Zing lamah ka muhil ve thei ta chauh a, Pathianni anih avangin thawh hma lutuk a ngai lo bawka a zia viau mai, chawhma chu ka inkhawm ve a, chawhnu lam erawh U Mazari ten min pawt lui viau na in ka haw ta tho a, Nunpuia pawh a la reh vang vang mai. A pawi pawh ka ti lo, khatiang thil thlen hnu phei kha chuan ka be tui vak tawh bik tlat lo.
Zan lama ka mut tlem vangin ka chawhnu mut leh a, tlai dar 5 vela ka phone ri in min tihharh chuan ka thinrim tun ringawt leh nghal a.
Number hlang ni mah se phak chualin ka chhang ta tho a, "Hello" ka tih nawn tlut tlut hnuah pawh lehlam ami chu a la reh vang vang a, a lo call sual anih ringa dah mai ka tum laiin "Malsawm" a rawn ti khauh a, ka meng chhuak nghal chiang khawp mai.
"A... Aw.. Tunge aw?" ka han ti ve leh hnuhnawh a, ka tawng buai nak nak khawp mai.
"Keimah" tih zawnga min chhanna chu a tawk lutuk, amah ngei a ni tih ka hai hauhlo.
"Imm" ka ti ringawt a, sawi mai tur ka hrelo. "I muhil em ni?" a tih chuan "Aw.. Ka lo muhil sek a" ka ti ve vat a, a nui ri chu chiang takin ka hre thei.
"Tinge min lo biak a?"
Ka zawhna zet chu aw.. Atthlak ti hle mah ila ka sawi zo vek tawh si a, khumah chuan mu chungin ka then chiam ringawt.
"Ka lo be thei lo che em ni?" a tih chuan lu ka thing nawk nawk mai, "Be thei e" tia ka chhanna chu a lo nuihpui leh suk a, hepa hian engvanga min bia nge a nih ka hre chak takzet.
"Khawiah nge i awm?" a tih chuan ka awmna veng leh keimaha in ka luah hran ve tawh thu te chu ka hrilh ve luam a, "I hlau na nge" a tih chuan lo nui hakin "Hlauh tur a awm hleinem" ka ti a, a ngawi leh vung vung tawh.
"Lo len i phal em?" rei deuh tak a ngawih hnu chuan a lo ti leh khauh a, phur tak anga lan ka hreh ve bawk si chu ka hah vek thei.
"Imm phal e" ka ti a, ka aw te chu a lawi deuh rutin ka hria.
"Zanah i inkhawm dawn em?" a lo ti leh daih a, ka inkhawm tur thu ka sawi chuan min bia pawh ni chiah silo in "Inkhawm banah chuan a tlai tawh âwm si a" a ti sup sup a, ka lo nui kar kar tawh mai.
"I duh hun hunah I lo leng dawn nia" ka tih chuan "Aw le.. Ka lo hrilh leh dawn che nia" a ti a, ka chhan hma hauh in "Mu tawh suh aw.. Inkhawm I tum chuan" a lo ti leh a, a mizia leh tihdan thin chu a pangngai reng anih hi.
Kan inbiak zawh chuan ka phone chu ka âwm si chetin ka dah a, ka lungphu rang lutuk chu ka dawm hnan vang vang mai.
Kan inkar thu engmah kan la sawi chhuaklo ve ve a, a laka ka inthiamlohna chu a la ngai reng, mahse ka beisei aia kan inbe tha chu ka lawm tawk a tling hle a, min huata min biak duh tawh pawh ka rin loh laiin ka rinloh dan daihin a awm leh si a, ka tan chuan a lawmawm ve êm bawk a ni.
Eirawng ka bawl peihloh vangin nepnawiin ka inhnawh puar a, U Mazari nen kan inzui thla chu ka beisei loh deuh a lo sawi ve khauh mai.
"Aldrina'n tlaiah khan min hrilh a, nizana in chhuak dun kha boruak a fu vaklo a ni maw?" a tih chuan tawi te in ka nui ringawt a, a thaw chhuak halh chu a rilru tur awm ang ka lo hre nghal mai bawk.
Rintea nena kan chanchin leh tawp dan te a hriat chian em avangin hmalam pan turin min duh a, Nunpuia pawh min sawipui nasa bertu a ni bawk a.
"In in be leh tawh em?" a tih leh chuan lu ka thing a, "A la pentawng aniang" ka ti chu a lo ner nasa mai.
"Ka rin a ang lo khawp mai, Aldrina zawk kha a inthiamlo a, nangma hnenah pawh ngaihdam dil a duh thute kha a sawi a" a tih chuan khi sak pahin,
"Zu a lo in ve ngawr ngawr kha chu ka hua pawh a ni lo, bakah inngaizawng pawh ka la ni êm lo a, lo khuahkhirh vak tur pawh ka nilo hrim hrim a, mahse a thiante zingah khan ka zak a ni" ka ti hap a, U Mazari bulah hi chuan ka vuithu hi ka thlen ngam ve hle thin.
"A ni ngawt mai, Lalnunpuia chu a puitling lo tlat, hauh hrep a ngai a ni" a ti hlak hlak a, Biak in kawt kan thleng zui mai bawk nen kan sawi zui tawh lo.
Inkhawm ban rualin ka tlan haw nghal a, hla zir pawh chu ka pha leh ringawt mai. Rilru a chawmawlh riau a, hla pawh ka zir tui thei in ka ring lo.
Dar 8 a ri chauh bawka tiin lo leng mah se pawi ka ti lo a, mahse min lo be nawn leh tawh mang si lo a, "Ka lo kal dawnah ka hrilh ang che" a tih ve thlap avangin leng tura han sawm hmasak vel chu ka duh der bawk si lo, ka rilru te te chuan 'hla ka zir loh phah ve thak a, a lo lenloh chuan ka lungawilo ngawt ang' ka ti rilru a, zaktheilo inti hle chungin ka nui ka nui tho.
Ka inthlak fel hnuah hmunte chu ka hawl fai leh thuak thuak a, a rukin lan mawiloh chu ka hlau ve hle ringawt mai a ni.
Dar 9 a ri tak ngial dawn a, a lo kal dawnlo anih chu ka ring nghet nghal hmiah a, ka hnual nghal rawih rawih mai.
Mu tura ka inbuatsaih laiin ka phone chu a rawn ri ral ral a, ka ban rang khawp mai.
Rintea hming ka hmuh rual chuan ka âwm dawmin thawk ka la vang vang phawt a, ka chhan rualin lehlam ami chuan "In veng ka lo thleng tawh a, I awmna location min lo thawn mai" a rawn ti a, ka lungphu zet chu aw... Ka âwm chhung atangin a rawn sawi chhuak daih ang tih hlauhawm khawpin a phu nasa tawh.
"Ka lo thawn ang" ka tih hnu lawkah a dah leh nghal a, ka thawn zawh chuan ka intifel sawk sawk a, kawngpuia lo hmuah a that ka rin avangin ka chhuak nghal a, ka ding rei hman lo.
A rawn thleng thuai a, bike chu ka lo enchîk nghal khawp mai, kum 4 kal taa kan inzui ve lai kha chuan scooty chauh a khalh thin a, amah a pian a tha in a sang bawk a, a bike pawh chu a inhmeh ngang mai.
A helmet a lak thlak rual chuan tawi te hian min nuih suk a, kan awmna veng chu thlek kual thuakin "Lung a tileng reuh hle mai" a ti sup bawk a, a sawi dikin ka hria.
U Mazari te inah hian min kalpui fo thin a, a tir khan an inhnuaiah ka awm tih ka sawi lawk loh vangin lo kalna tur a hrelo kha a nia, sawi ila chuan location han inthawn buangbar vel chu a tul hauhlo tur.
"Kal ila" ka tih chuan a lo bu ve nghut a, step a kan inzui thlak laite chuan ka zam riau a, ka lungphu pawh a la dik theilo.
Ka inchhung zimte ah chuan a vawi khat nan kan inzui lut ve leh ta a, boruak chu a danglam takzet tih bak ka sawi thiam lo.
"Nangmah chauhin maw I awm?" thutthlenga thut paha a tih chuan ka lo bu nghat a, inchhung chu a thlek kual leh thuak thin a, a nui leh suk suk thin chuan ka awm a tinuam chiah tawhlo.
"A te viau naa, mahni chauha awm nan chuan a tawk ve lutuk" tiin a bulah chuan ka thu thla ve a, min en reng nia ka hriat avangin ka hawi kual sek a, ka awmdan zet chu aw...
"I lo puitling tawh hle mai" nui chunga a tih leh takah chuan ka en ve ta chauh a, "Kei aiin I naupan kha aw.. Min nau en reng reng suh" ka tih chuan a meng nur deuh nang a, kei aia a naupan thu sawi hi chu a duhlo ve thin ngawt mai.
Kan han ngawih tak deuh vang vang ah chuan boruak chu a rit deuh ta riau hian ka hria a, sawi leh tur ngaihtuaha ka kuttin ka khalh neuh neuh laiin "Malsawm" a lo ti leh phawng a, ka lo phu uih chu ka inthiamlo leh hnuhnawh.
"Phu vak zel suh" a tih chuan za lo deuh in ka nuih a, "I hlawhtling tawh em?" tia a zawhna chu ka hre thiam chiah lo.
"Ngatinge?" ka ti let hu a, thutthleng nghenchhan chu nghengin a thaw chhuak ham ham a, "I duhthusam te, I nih tum leh tihchak tak takte kha I ti tawh em?" a ti leh a, chhan dan tur ka hre mai lo.
Engvanga chu zawhna chu min zawt nge a nih ka hrelo a,eng ang chhanna nge a duh ang tih chu ka tan zawhna pawimawh tak a ni ve thung.
A hmel ka en chuan min lo en reng tih ka hre ve chauh a, ka chhanna a nghah reng avangin "Ka hre lo le" tih zawngin ka chhang a, a duhkhawp lo hmel kher mai.
"Ngatinge min zawh?" tia ka zawh ve thung chuan "Duhthusam tihhlawhtlin chu a tha alawm" a lo ti mai a, keipawhin chu chu ka duhkhawp biklo.
"Min hua em?" ka insûm zo nganglo chuan ka ti ta thlawt a, min chhan lawk loh vangin amah chu ka en a, mitmeng hriatthiam har deuha min lo en vangin ka tîm leh hnuhnawh a, mahse "Ka haw lo che Lalmalsawm" chang deuh maia a tih chuan ka melh phawk lek lekin ka ring.
Cont...
Show post links
Top