Sofia BY Omega Hmar Tlangte (Completed)

[ngaia]

Thelma-i lo kal tur chu ka huphurh ang reng Sofia-i awmdan a hmuh chuan ka enkawl zel a remtilo ngei ang vartiana ka harh chu ka inngaihtuah neuh neuh a, ka phu zawk ka kawngkhar bawk chu pa Rama bawk a ni ngei ang a va tho hma em em ve mawle ka tho hluai a, ka ngaihtuahna bing mup pawh chu a thawl hawkin ka hria. Pa Ram i va tho....ka sawi zo hman lo Sofia-i maw sawi tur ka hre mai lo ka en tlawk tlawk ringawt a, a chanchin a sawi lai vel khan a lo kal ṭhin a, ka awmna a hria chu a mak hran lo.

A hmui sen no chek chu a seh a, a sam chu khuih loh tih hriat tak hian a thur bam a, a hmelṭhatna chuan a tho hlim sam pawh chu a thual mawi vek hian ka hria a mitmeng fiah em em aṭanga mittui lo luang chhuak chu ka en reng a, a hmai vun vâr leh no takah chuan a luang a, zing tho hlim ka hmuh tawhah chuan a la hmelṭha ber ang "Dindin, ka mumangah hmeichhe pakhatin thah min lo tum a ka hlau ania min chhan rawh" min kuah nghal rawk a, i damdawi i ei em ka tih chuan "aw" a ti zawi sap a, tuman an tina lo ang che ka awm hi va haw rawh i nu a lo thawh hman chuan a mangang ang ka ti a.


Engmahsawiloin ngawi rengin an in lam a pan a, Sofia-i hian a chanchin a sawi khan thup ṭhen leh dawt a tel ngeiin ka hria amumangah thah an lo tum maw thil fello chu a awm a ni. Ka mu peih tawh nek lo e a, ka unaupa leh ka pa hi thehhmeh ang maiin an reh em em mai si ka nu lah ka hna min duhpui loh avangin a lungawi theilo ka nupui hual Thelma-i lah Sofia-i vangin ka ngaihsak ṭha hman silo reilotea enkawl dam theih mai tur Sofia-i lah nitin a harsa tual tual mai chu a ni si a, chuta kara ka unaupa tihnat a ni tih ka hre leh zel phei chu engkim hi harsa ka ti takzet.


Tukṭhuan pawh ka ei peih chhete themte liaklo Sofia-i te ina kal tur chuan ka insiam mawlh mawlh a, ka kawr kilh ka kilh zawng te chuan Sofia-i hmai fang nalh tak leh a hmui sen no chek chu a lang zawk zawk a, eng nge ka hriat tiin ka lu ka thing nawk nawk a, a chang leh ka inbeng thul nia nitin kan inhmu a, nitin hmuh na na na chu rilruah a cham ve bawk ang chu ka phone-ri chuan ka ngaihtuahna chu a rawn tidanglam leh vek ka la vat a, Thelma-i maw. Hello eng nge ni hnathawh ka ngai ania.


"Duat, kha thingtlang khua a i kal aṭang khan i mizia a dang vek ka tan hun i nei thlawtlo em ni" engtinmaw tihpalh bawihte ka chau deuh alawm le "Ka pa in car-a luh theih leh theihloh zawt tur chein min tia" Thelma-i a lo kal dawn tak eng nge keimah pawh hi ka â vekin ka hria. Ni tak lo sawi tur ka nia i pa chuan a motor-a ui vak loh chuan luh chu a lut thei ang mahse, a car-manto tlan nan chuan a kawng hi a mam lo nasa nia bike pawhin kal a hrehawm ka ti a, "I pa a, Duat ka pa tiin i ko ziah sia i hnaah i rilru i pe lutuk anih kha hahdam rawh ka lo hrilh dawn nia ka hmangaih che" Thelma-i hi ka nupui hual a ni engtin nge ka awm harh teh Lalramdin. Sawi tur pawh hre lo chuan ka ngawi reng a, "Dindin hahdam phawt teh ka dah aw kan inhmu thuai ang" phone a dah a.


Zing aṭanga hahdam han ngaih mai chu engpawhnise kal phawt ang. Sofia-i hi lenpui leh a, ka nupui hual chungchang hi hrilh angai, a lo kal dawn bawk si. Kal pah chuan sawi dan tur ka ngaihtuah neuh neuh a, khaw lian anih loh avangin bike-ka khalh chhuak peih lo Sofia-i hian ka laka feelings a neih hi ka paihbo sak angai mahse mi feelings-thunun chu a har ve khawp ang le, thu zep ṭhen leh dawt phuahchawp a awm tlata hriatna ka neih chuan min tibuai angreng hle bawk a.


Ka thlen chuan chaw an lo eikham fel chiah a, Sofia-i pawh a dam hmel kher mai a mumangin a tibuai tawh lo a nih hmel, min hmu chiah chu a nui suk a, "Dindin thleng ka sil lawk ang aw" ka kaltur hre lawk sa ang mai chuan a ṭawng a, a thleng sil chhung chuan pi Zami nen chuan kan ti ti luam a, zawhna eng eng emaw ka zawt bawk a, "Dindin ka fanu a awmbo hnu khan vawikhatmah min rawn be pawp ngai lo reng reng phone-ka neih ve pawh kan pa unaupa i inluahna sawn min lâksak daih alawm" engtinmaw Sofia-i sawi dan kha chuan Sawmin pi Zami a biak thu kha a sawi ngei sia thil inthup chu a awm chiang alawm.

Sofia-in thleng a sil zawh chuan chhuahpuiah ka sawm a, a phur kher mai a hmel te chu a êng sawt sawt hian ka hria a room-ah rang takin a tlan lut nghal a, ka hrilh hunah a buai leh vak angem ka mangang reuh khawp mai Sofia-i nen hian inngaizawng pawh kan nilo na chungin nupui hual ka neih thu hrilh chu ka chaklo tak zet. An khua a tlang thengthaw nuam zetah chuan Sofia-i chu ka hruai leh a, vawiin chu khua a nuam bawk a, Sofia-i pawhin nuam a ti tak zet. A hlim nui hmel ka hmuh chuan Thelma-i reng ka ngaihtuah lo ka en ngawih ngawih a, engtin nge Thelma-i ka ngaihtuah loh theih kei hi eng nge ka hriat le ka lu ka thing leh nawk nawk a.


Sofia-i pawh nui sen sen chungin a han vir kual vel a, ka bula a hlim zia ka hmuh chuan ka nui ve suk a, nula hmelṭha leh fel natna nei tur atan chuan ka phallo khawpuiah chauh nula duhawm leh hmeltha hi an lo awmlo anih hi. Tlâng aṭang chuan an khaw tereuhte chu a lang chiang em em a, ka thlir vang vang a, lo neih a eizawn ve mai te ka châk rum rum an khua a thengthaw nuam reuh si ka maimitchhing vang vang a, boruak nuam tak hnuai a, Sofia-i hmelṭhatna leh a ti tuai no nalh tak chu ka tumloh deuhin ka ngaihtuah veng veng a.


"Dindin eng nge i ngaihtuah a, i ngawi vang vang a, koh i hre thei silo" ka darah chuan Sofia-i chuan a rawn beng dat dat a, ka phu zawk ka harh kawk hian ka hria Sofia-i bulah ka nupui hual Thelma-i chungchang hrilh ka tum tak e ka lo theihnghilh daih alawm le. Sofia-ka bulah lo ṭhu teh thil hrilh tur che ka nei a, ka ti a engvangin nge hrilh ka hreh em em ka hre lo ka thin hi a phu dawt dawtin ka hria, ka ngawi leh deuh dat a, Sofia-i chuan nghakhlel zet hian min lo thlir a.


Sofia-min duhna chhan hi eng nge ni? A nui var var a, a nui chu thil mawi ka hmuh tawh zawng zawngah a la mawi ber ang "Dindin i unaupa Didika kha ka hmangaih em em a, min bum hnu pawh khan ka la hmangaiha ngaihdam pawh ka duh mahse nupui a nei ta si Didika phir pui i ni a ininang chiah chiah alawm Didika ai i awh thei Dindin ka duh che" ka ban arawn vuan a, hahdam takin min nghenga.
Ka unaupa Didika a hmangaih ṭhin zia chu ka hre fiah uar uarin ka hria


Sofia-i chu ka melh zauh a, a rilru tihnat chu ka hreh khawp mai nupui hual ka nei bawk si. Sofia-ka hmangaih ve theilo che a ni min ngaidam rawh i Doctor-bakah i ṭhian ka ni thei ang nupui hual ka nei a, nakum lawkah hian kan innei tawh dawn a min hrethiam rawh ka ti a, a ngawi vang vang min en reng a, a buai leh thut ka hlau kher mai a rawn nui suk a, ka nuih let ve tawp a buai lo a ni tih ka hriat chuan ka lawm ang reng "A pawilo i nupui hual rilru tihnat sak suh a hrehawm zia ka tem tawh a, mahse min tiam rawh ka dam chian hma chu i nei lo ang tiraw" a ti a, thil pakhat min tihsak angai ang chuan ka tiam ang che ka ti a, min zawh chuan nakinah tiin ka chhang daih a, a hun hmalamah hian thil inthup a la awm ka ring tlat dawt a belh bawk ni a ka hriatna chuan min hneh tlat a lu a bu nghauh a.

***************

Naktuk hi Thelma-i lo kal ni a ni ta reng mai Sofia-i nen buaina dang awm hauhloa kan indawr thei chu ka lawm viau na in lo kal pawh nise Thelma-i nen an inhmuh chu ka remti viau lo Thelma-i rawn kal tur pawh chu chawplehchilhin phurna ka nei nghal a kan inbiak zawh chuan naktuk nghakhlel tak chungin ka maimitchhing vang vang a.


Ka phu zawk ka kawngkhar bawk chu khua a la var hauh lo zing lam dar hnih maw tun ang hunah Sofia-nangmah i ni thei ang em nge misual awm ṭha duh lo zawk kawngkhar awng chu ka bih dek dek a, ka thaw huai pa Rama, ka hawng vat a, "Dindin Sofia-i a buai leh a" engtin maw damdawi a ei em? "Aw ei e" a mumangin a tibuai leh anih dawn chu hmanhmawh zetin ka insiam a, Sofia-i te inlam chu ka pan nghal vat a.


Ka thlen chuan Sofia-i chu a room-ah a lo ṭap leh zawih zawih a, pi Zami pawh a lo mang ang hle Sofia-i chu ka kuah vat a, a samah chuan chulin i mumang i hlau leh tawh em ni ka ti a, min kuah nghet sauh "Mi pakhat ka hre lo min thah a tum Dindin khua a var hnai tawh tho a ka bulah awm ve mai rawh" ka hnial zet a, mittui tla zawih zawih chungin min ngen a pi Zami pawhin min ngen bawk avangin hreh tak chungin ka remti ringawt a, doctor-Malsawma khan engmah min hrilh silo a Sofia-in mumang a hlau tih pi Zami pawh hi engvanga min hrilh lo nge a nih le.


Ka awm tak avangin pi Zami taksa chau chu a mu leh nghal daih a, ka mut a chhuak tawh reng reng lo Sofia-i khumah chuan ka ṭhu a, Sofia-mutthilh tum rawh ka ti a, a samah chuan ka chul a, khur deuh chung hian min chelh a, "Ka bulah hian mu ve mai rawh ka hlau light ti thim suh aw" nilo e Sofia-hetah mu ve tur ka nilo i mutthilh hma chu ka chhuak lo ang ka ti a, min en reng a, "Dindin i unaupa Didika ang chiahin i hmelṭha" a rawn hnai a min fawh a tum thut ka lo dang vat a, Sofia-hetiang tur a ni lo nupui hual ka nei tih ka hrilh che kha ka ti a, kalsan ka tum a.

Insut hlawp hlawp chung hian "I nupui hual chu a vannei hle mai i ta nih ka tum a ni lo thil pangngai ve mai a ni ka tihpalh" a ti a, a hmel ka en chuan ka khawngaih lutuk a inthiamlo hmel chu ka en reng a, ka ṭhut hnaih a, a mittui chu ka hruk sak a, a hmelṭha lutuk chuan min hip ni berin ka hria chutia kan pahnih chauh a awm ta chu Thelma-i ka theihnghilh der mai hnar zo chiah si kha ka danglam thut ka lamah ka pawt hnai a, ka fawp ringawt a, min chhang let thuai a, mahse kan kal thui hlauin ka duhtawk thuai a, a khi sak a, "Tui deuhin ka mu thei tawh ang" a ti a, keipawh ka tho a, muttui le tiin ka chhuahsan ta a.


Thelma-i chu khaw tawntirhah chuan ka lo chang ran a, ka awmbo hi nuam a ti lo aniang hetia min rawn pan a tum tak mai. Car- var nalh tak bal deuh a a rawn thleng ka hmuh chuan ka nui suk a, Thelma-i pa chuan a fanu tan chuan engmah ui a neilo a nih hi ka ti a, ka bulah car-chu rawn ding chatin ka nupui hual Thelma-i ngei mai chu a rawn chhuak a, "Dindin" nui sung chung hian min kuah nghal a, Thelma-i pa pawh hmel ner nung chung hian a rawn chhuak a, "Ka fanu hian a hmangaih hle mai che kawng a chhe si" a phun hluk a, Thelma-i chuan a pa chu nuih suk in "Ka pa thingpui inzawhah tal i let dawn nia" a ti a, Thelma-i pa erawh chuan hnialin a let leh vang vang a.

Thelma-i ka inluah a ka hruai lut lai chu pa Rama bawk chuan min lo hmu leh tawh, a rawn lut ve thuai a, "Dindin tunge? A va hmelṭha em em ve" ka âng zuau hman Thelma-i chuan min lo chhân khalha "A nupui hual ka nia nakum lawkah hian kan innei dawn" a lo ti zung zung a, pa Rama pawh chu a nui suk ringawt a, min chhuahsan ta a. Thelma-i bungrua ka dah fel lai chuan dawhkâna ka paper dah hnawk nuai chu a lo enkual a.


"Dindin he nu hi tunge?" Min melh nghal hraw a, awi Sofia-i thlalak dr Malsawma min pêk kha thuhruk nachang ka lo hre lo. A bulah chuan ṭhuin ka damlo enkawl lai chu anih kha a khawngaihthlak teh ania ka ti a, Thelma-i hmel chu a dik thei ta hauh lo thlalak chu a dah chawrh a, a en ngai a en vung vung a, Thelma-eng nge i ngaihtuah ka damlo enkawl lai chauh alawm ka ti a, "Kei chauh tiraw" ka biang a rawn dawm a, i thik thu a chhe mah mah ka ti a, ka nui bik eih lo "Ka tihpalh ka ngai lutuk che a" ka hmui chu a fawp zauh a, bathroom-lam a pan ta a


Show post links
Top