STORYFB.COM

Chapter-9



Lalrindiki POV



U Hruaia nen pawh kan in zui ngawrh ta hle a, ka tan chuan a hlu takzet tawh, chutih rual in a lakah ka la in nghat pum hlum theilo thung, keimah hi ka in veng deuh run a, a hma ang thil kha a thlen leh ka hlau a ni ber, kha hliam khan na takin min siam a, ka in rin tawk na a ti chhe hneh hle bawk, U Ruatpuia duh na nei tawh miah silo in a hliam min siam sak kha chuan min la kalsan thei tak tak lo chu a ni.




Thalai sport kan nei dawn a, U Masiami hnenah chawlh ka dil chuan a lo phal hle, zing dar 9 ah in nghah khawm na hmun ah kim tur a ni a, kal tur ang chu kan kim viau tawh, U Hruaia nen kan in phur a, dawr remchang laiah chuan a ding a, eitur min lei sak a, ka rin ai daih in min duat thiam a, a bul a ka awm chuan keima tawk ah ka no thei viau mai, kan in zui atangin in hauh tak tak ang hi kan la nei miah lova, min dawh theih em vang a ni tih lah ka hailo.




Hetiang tak hian a bulah ka hmin theih ka ring ngailo, kan in ngaihzawn na hi a hrisel ka ti dawn nge a bulah chuan thawveng takin ka awm a, ka thusawi ho te te pawh uluk takin min ngaihtuah sak thin, U Ruatpuia nen ka tehkhin lo thei thin lo, U Ruatpuia chu a thil sawi engkim ngaithla turin min duh a, ka thusawi leh ka thiltih tur te han sawi ve ngial ka tum thin pawn min ngaihthlak sak duh ngailo.




A thiltih engkim kha a pawimawh em em a, ka thiltih tur erawh chu a ngai pawimawh lo ka ti dawn nge min ngaih pawimawh sak duh lo zawk pawh ka hrelo, a tir ah chuan hreawm ka ti ve ngei thin a, mahse hun te an kal a, ngai ah ka nei chho ta mai kha a nia, a lung tih awi loh ka hlau em em thin bawk a, ka thiltih engkim ah amah ka vengthawng a tih theih ang, U Hruaia nen chuan an in ang lo takzet.




A chhuak hma pawl kan ni bawk a, kan sport na tur hmun kan thlen chuan time te chiah an lo la thleng, ni a sa tha vawl vawl hle bawk, "An van rawn thleng har hlawm em em, kan chhuak rual deuh vek sia" ka ti nang nang tawh mai, hetiang nikhua ah hian muang pawl kan awm ziah hi a ṭhalo ka ti, thlen kim hma chu tan an ti thin bawk silo nen duh aiin kan tan tlai phah duai zel a, midang in min nghak ang tih na chang an hre hlawm thin lo em mawni?...




Darkar chanve dawn hnuah midang pawh chu an rawn thleng khawm ta tak tak a, kan tan nghal, a hmasa ber a sakuh ui lut kan ti a, ka tel ve nghe nghe, U Hruaia nen kan group a in ang bawk nen a nuam zual, in bawl vawm te kan ti leh a, kan chak leh ta, in fiamna kan hi han tih theih em em ka neilo bawk nen ka chau viau tawh tunah pawh hian, mipa first round na an in khel a, U Hruaia chu theihtawp in ka lo au phur ve bawk.




U Hruaia pet goal rual chuan theihtawp a ring in ka au a, "I u kan I tang vak ange vawin chu?" U Rpa chuan a lo ti a, ka nui ringawt, "Kan group a in ang lova kan group te ka tan ve bawk lovin" ka lo ti let, "Chulo thil dang a awm ka ring" min fiam pah a a rawn tih leh chuan ka chhang zui tawh lem lo, U Hruaia chu a chau deuh nge thlak a duh thu a rawn sawi a, U Rpa chuan a thlak a, ka bul a a rawn tih rual in tui ka lo pe vat.




Thlan in a bual hliam bawk a, "Kha hei hian in hru rawh" tih leh ka rawmawl chu pek ka rual a, a thlan a hruk lai chuan ka lo en reng, "I van thiam em em" ka tih chuan "Ka in khel ve thin tih i theihnghilh em ni, mahse ka chau ve deuh, ka in khelh loh na a rei tawh bawk a, ka fit loh zia ka hre chhuak" tiin a nui leh mai a, in khelh a zo a, kan chak ta phawt, Josua Group te khelh pui kan la hmabak, hmeichhe in khelh ve tur a ni tih ka lo hre hauh lova, hruaitute'n khel ve turin min ti a, ka lo pha nghal thuai.




In khelh ka thiam loh chu thu hran a dan pawh ka hrelo, en pawh ka en vak ngailo, ka tui lo ve hrim hrim pakhat a, mahse min tih luih tak tlat ah chuan U Hruaia pawh chuan khel ve turin min ti a, ka tel ve leh ta nge nge, ball chu chan pawh ka chang lo, keeper bulah chuan ka ding tawp a, a ni pawh a khel ngailo, kan lam a ball a lo kal veleh kan keeper ber chuan "Khakha Arin let sawn vat rawh" a lo ti nghal chul a, ball chu ka pet dawn chiah tih ah a lum sawn daih avang chuan ka pet thelh chiang hle.




An lo nui dar dar hlawm a, ka zak ru hle, lehlam pawl chuan an pet goal ta a, an pawl te chu an wlau ring hle, ka lo chau ve em em ringawt a, ka tlan kual a zeng pawh a nilo, mahse ka ke te hi a kham vek mai hian ka hria, "Arin helam ah chuan ball a rawn kal em em chuang lova helam ah lo kal ve tawh, kan chuh hneh lo em mai" U Tlani'n a rawn tih chuan field lai ah chuan ka tlan vat a, ball chu ka lamah a rawn kun nghal a, ka lo pet vat.




Ka in ring bawk lo nen ka team te chu ka pass em pawh ka hrelo, ball chu ka en a, kan pet out nghal ringawt a nihkha, a va han thiam loh theih ngai ve mawle, minutes 30 chiah khelh na hun kan nei bawk nen hun a zo tep tawh a, thiam lo hle mahila ball chu kan tum pui te lak atangin lak ka tum ve nasa hle, kan in bek deuh nawk nawk bawk a, ka hmaa ball chu U Tlani pass tum a ka in siam rem mek lai chuan tu emaw hian min rawn su chawrh mai.




Mawng sawh dawt in ka tlu a, ka mawng chu a na nghal vawng vawng mai, min rawn su tu ka hmuh rual chuan ka thaw hak a, "Ngatinge khatia i nek luih kher a?" Amuani lah chuan min rawn kaih thawh pah in Nunpuii chu a zawt a, a aw ah pawh chuan a thinrim tih a hriat theih, "Khatia ka tih luih ang mai a min zawh le, tihpalh a nihkha tihpalh, khatiang mai mai ah thinrim na tur pawh a awm loh kha" Nunpuii lah chuan a lo ti ham ham bawk am




"I tihpalh lo, ka hmu vek che, tum reng vangin Arini hi i nek tlu a nihkha" Amuani lah chuan chiang in ti fahran hian a lo ti let ve bawk, "In fiam na a nihhi, khatiang mai mai a in thinrim dawn a nih te chuan tello mai ta che u" Nunpuii bawk, "Tihpalh tak tak chu nila thinrim na chhan tur ka neilo, i tih luih tih chiang taka ka hriat vang chauh a ni, in fiam na a nia, Arini hi lo ngei viau pawh nila hetiang anga che tur hi i nilo zawk aw Lalnunpui" midang te chuan an I pahnih chu an lo en thap a.




"Amuan a ho lutuk, engtin vak mah ka awm chuang lova, ngawi mai mai rawh, midang an awm hi, buai na siam chu a ṭhalo ang" a hriat tawk lek chuan ka ti sep a, "Nunpui, i rilru hi ka hrechiang aw, khatiang khan che tawh suh ang che" Amuani chuan a ti leh hram a, Nunpuii chu a thianten an rawn hruai sawn ta hlauh, "Arin i in sawh na em, i duh chuan i lo va hahchawl daih mai dawn em ni?" U Tlani chuan a ti a, pawi ka ti hran lo bawk nen field atang chuan ka chhuak a.




Ka mawng chu a la na vawng vawng mai, "I tha em, i in sawh na lo maw?" U Hruaia chuan a lo ti vat a, "Na lo e" tiin a bulah chuan ka va thu thla a, "Ka rin aiin i thiam daih mai" nui chunga a lo tih chuan ka nui peih lo zawk, ball khan min bum char char mai in ka hria, khatiang em em khan a har ang tih ka lo hre ngailo a, en ang ngawt a nih loh zia ka hrechiang hle, en mai chuan awlsam te a pet goal theih tur emaw tih a awl em em a, han khelh meuh chuan a lo nep theih khawp mai.




Dar 12:30 a rik chuan in hnawh puar na hun te an siam a, tiffin kan pai hlawm bawk nen a hu ho chuan kan ei a, thil ei a tui duh khawp mai, kan ei zawh chuan Amuani nen dawr ah ka kal a, U Hruaia thung chu U Mama te nen an in kawm ho thung, "Zung pah ang, zun in awm na a hla bawk sia, nakin a kal leh kha a buaithlak" Amuani'n a tih chuan zun in awm na lamah chuan kan kal a, Nunpuii te thian thum chu an lo awm ve a.




"Ka zun a chhuak lo, va zung la ka lo nghak ang che" ka ti a, Amuani ka lo nghah lai chuan Nunpuii te thian thum chuan ka hriat tham cu ah siloh hian an phur sar sar a, ngaihsak angin ka lang duh chuanglo, "Zaklo e, khatiang khawp khan ka u a zar buai a, tunah lah an in then atanga reilote ah mipa dang a hnaih leh nghal thei a nia, chupawh U Hruaia, a va han zak lo tak" ka hriat theih ngei tur chuan Nunpuii chuan a rawn ti ta fak a.




Ka la ngawi reng tho, "U Hruaia hian a duh tak tak teuh lo, an dinhmun a in thlau si, a ni sia tha hi a hmu tam dawn lutuk tih a chiang reng alawm" Peki chuan a lo ti ve thung, "Ngawi hmak rawh u, in than ho khan ka thiannu in thik lutuk vanga hetianga chet fo hi a ngailo" Amuani chuan toilet atanga rawn chhuah pah in a rawn ti ta khawl a, "Thik a, Arini hi kan thik angah i ngai amaw?" an thian ho chuan an han nui vak vak bawk a.




"Ngai mai pawh ni lovin a lang reng alawm, thik lo upa chuan in kher reng peih tawh nang, kan tluk loh mihring te bawk hi a nia an chanchin chhe lai kan sawi peih em em thin, nangni phei chu dawt in la telh hram thin lehnghal a, in hmakhua ka ngaih vangin ka hrilh ve mai mai ang che u, in nundan hi sim ra h u, hetiang a nih chuan mipa tha in tawng ngai lovang, pasal a chhia a tha te neih in la duh ve awm bawk si a" Amuani chuan a ti leh hmak hmak a.




"Nang lah hi engkim ah rawn in rawlh hi i tum ve a, I buai loh na turah i buai peih mai mai hi ka ti, i chanchin pakhat mah kan sawi lo chung pawh a i rawn in rawlh ve ringawt ni" Muani chuan a lo ti ve thung, "Ka sawi tur ni awm zawh tak a nih chu, in buai loh na tura in buai chhung chuan keihi chu min zilh tum ve duh suh u, ka thiannu chanchin hi in lo sawi ve chhen a ngailo, tha ber emaw hi in in tia, mite hian maw engah mah kan ngailo cheu tih hre rawh u" Amuani chu a zam duh bik lo.




"Engmaw i sawi kha?" Lalnunpuii chuan vin takin a rawn ti thak a, "In beng a chhet a mi?" Amuani lah chuan a lo ti leh hmak mai bawk si, "Engpawh chu nise nangni in hnial pui nan cheu hian hun kan neilo, Arin kal ang, an bula kan awm tam chuan an rilru hrisel lo hi kan kai palh hlauh ange" tih leh Amuani chuan min chhuah pui a rual a, "I ngawi thei thin e, keichu ni ila chuan ka ti let ve hrep zel ang" a la ri zui hlak hlak a.




"Ka tih let ve zel chuan an mahni ang chauh kha ka ni dawn a sin, bakah an mizia te chu kan hrechiang a, keini mai nilo midang pawn an hre vek alawm" ka lo ti mai a, ka thusawi chu a pawm loh hmel nasa, "A chin tawk hi a awm ve alawm, i ngawi thei thin lutuk hi buaina pakhat chu a ni, a tir atang khan han kam khat ve hlak nila chuan hetiang em em hian an lawng pawrh ngam tawp nang" a ti leh hlak hlak a, kei ai mahin a thinrim hmel zawk.




"Awle ka thiam lo a ni, a leh pek a awm a nih chuan ka ti ve hrep tawh ang, sawi chhunzawm tawh lovang, an ni chanchin sawi nan hun kan neilo I tihkha" ka tih takah chuan a ngawi ve ta hram, U Hruaia te din na lam ka va hawi chuang ka meng rum nghal em em a, U Hruaia'n min rawn hmuh ve rual chuan a thil ken lai chu lei ah a paih thla vat a, ka hmu hman reng sia, a bulah pawh va kal lovin Amuani chu hmundang ah ka kalsawn pui nghal nal nal a.




"Enge i hriat a, i va thinrim hmel ve, tinge helamah min kalpui daih a?" Amuani lah chuan bang bo hmel zet hian a rawn ti haw a, "U Hruaia kha i lo hmu lo a mi, meizial a lo zuk leh tawh kha" ka tih chuan a nui a, "Khatiang mai mai ah enge i thinrim vak, a zuk na a rei tawh a, vawi leh khata nghei thut te chu a harsa ve bawk ang chu" a lo ti mai a, chute chu hrelo ka ni bik reng reng lo, mahse karhnih chuang a zu tawh lova, tuna taka lo zuk leh.




"Mipa meizial zu hi ka ti thei thlawt lo, bakah a ni phei chu a nghei thei tep tawh a, a zuk loh na pawh a rei tawh lutuk" ka tih leh pawh chuan "A thiante bulah a awm a, a thianten an zuk miau te chuan a zu chak ve bawk ang chu, i strict leh lutuk a nih hi, hetiang em em a strict chu a thako a nia aw, nakin lawk ah a ning vat mai ang che" Amuani lah chuan a la ti ham ham zui a, "A tan a tha tur alawm, a hrethiam duh lo a nih chuan a thu a nimai" ka ti leh hmak.




"Arin" ka bula rawn thut pahin in thlahrun hmel deuh chuan a rawn ti a, ka chhang lo, Amuani lah chu a nuih a zat hmel em em lehnghal, "I thinrim a mi, vawihnih chiah ka zu a nia" a rawn tih leh pawh chuan ka la chhang chuanglo, "Ka zu tawh lovang, thinrim tawh suh aw, thlem dan tur che ka hrelo a nia" a lam chu ka hawi a, "I zuk loh na rei tawh tehreng nen enge i lo zuk leh hram a, i nghei thei thlawt lo a nih chuan zu rawh, i tan vek alawm, nangmah bakin i tuar dawn chuang lo" ka ti hmak a.




"Ka ti tak tak, ka zu tawh lovang, thianten an zu bawk si a, ka in sum theilo a nihkha, a thleng nawn leh tawh lovang" a aw ah chuan nuam a tih loh zia ka hrechiang bawk a, keipawh chu thinrim reng nuam ka ti tawh biklo, Amuani thusawi te ka ngaihtuah a, dik ka ti ve tho mai, keichuan thawk leh khat a nghei nghal turin ka lo beisei a, a tan a harsat tur zia ka lo ngaihtuah pui miah lo a tin ni.




"Ka lo va kalsawn ang" tih leh Amuani chu kalsawn a rual a, "Thinrim tawh suh aw, ka thlen nawn tir tawh lovang" U Hruaia'n a rawn tih leh rual chuan amah chu ka en a, a hmel awmdan chu ka khawngaih zawk hial, "U Hruai keimah pawh hian ka ti mah mah a ni, awlsam taka nghei tur che in ka lo beisei che a, i tan a harsat tur zia ka lo ngaihtuah miah lova" ka ti a.




"Ka tan a tha tur i duh vang tih ka hria alawm" a rawn tih leh pawh chuan keimah zawk chu ka in thiam loh na a nasa zual sawt, "Tun atang chuan ka khap bur tawh lovang che, i zui chak zual lai chuan zu rawh a pawilo, mahse ngaiah neih tum lo la, tlem tlem in nghei i tum zawk dawn a nia" ka ti a, "Nanghi chu aw, khawvel a hmeichhe fel ber i ni chiang alawm" ka hmai rawn tawh zeuh pah chuan a ti a, ka lo hu mai.




"Over lo mai teh aw" tiin ka nek deuh a, a nuih a zat hmel viau thung, game te chu kan han khel leh tan a, engah mah ka tel tawh lo, ka mut a chhuak viau na in muthilh theih pawh a nilo, an au bengchheng hlawm lutuk a, khua hi vawt ve tan tawh mahse ni a sa tha bawk nen thlan nen kan ni deuh phung hlawm mai, midang chuan nuam tih hmel hlawm viau mahse kei tah chuan haw ka chak viau tawh thung.




Dar 5 bawr vel ah in kan thleng a, ka chau lutuk, ka in bual zawh hnuah ka muhil a, chaw pawh ka ei lo, ka harh leh meuh chuan ka taksa chu a rawk hle, ka sum them thum mai, zawi zet in pindan atang chuan ka chhuak a, U Sawmi a kal ve lova, U Rdi leh U Mama te nen kan kal thung a, an ni pahnih chu chau ang pawn an awm lo, "Chaw kan ei san che a nia, lo va in siam mai rawh aw" U Sawmi chuan a lo ti vat a, ka ril chu a tam tawh hle.




Ka chaw thleng vel ka silfai leh vek hnuah ka nu bulah ka va thu a, chet pawh ka che peih lo, "I va han chau awm em em ve" U Rdi'n a lo ti vat a, "Chua lutuk, a mak zawk, ka taksa hi a na vel vek, ka kawng phei chu na tak a ni, ka period dawn a niang" ka ti mai a, "A nih dawn chu, nang phei chu period la na chu i ni sia, vawin ah lah khan i in khel bawk nen i chau viau dawn a nih chu" a lo ti tha ve mai a.




U Hruaia chu a lo len pawh ka beisei lem lo a nia, dar 8 pelh hnuah a rawn lut heu mai, U Mama nen chuan an in kawm leh mawlh mawlh tawh a, vawin chungchang te kha an sawi, "I va chau awm ve" a tih chuan "Chau, chet pawh ka che peih lo" ka lo ti zawi ngiai a, "A fit lo tak tak a ni, kei kan harh that tehreng nen, item ah a tel tlem nen a chau chhe der chu a nia, ngaihna awm lo" U Rdi chuan a lo ti leh hmanhmawh tawh.




"Lo ngawi mai mai teh, nangte chu i harh alawm, kan unau zing ah pawh i harh ber a, engtinge i chauh ve tehreng ang" ka lo ti hlak a, "Engpawh nise ka va mu ange, chhun lamah thenawm ah ka leng nileng a, ka chau riau" ka nu chuan a ti a, ka delh tui a sin mawle, "Keini pawh va mu ila, U Mam nangpawh mu har suh aw, i lo men pui ve reng ange" U Rdi chuan a ti a, U Sawmi nen nui chungin an pindan lam ve ve chu an pan a.




Ka la sawi lo in ka hria, kan in hi assam type a ni a, kan naupan lai kha chuan in lian em em a ni ngailo, pindan pawh pahnih chauh a awm thin a, mahse kan lo lei kan hnu hian ka u in a zauh belh a, a lian tha tawh hle, pindan pawh a hrang vek in kan nei tawh bawk a, choka pawh a hrang bawk, sitting room leh tv room a hrang in a awm bawk, a tirah chuan ka u hian saak that vek law law kha a ti deuh a, mahse ka nu in ka pa sulhnu te tih bo mai a phal loh avangin kan zauh ta ringawt a ni.




"Keipawh ka va mu ange, Hruaia la leng ve reng rawh aw, kha a muhil a harh na a la reilo a, i lo meb hrep dawn a nia" tiin U Mama chuan min rawn en a, U Hruaia hi zantin a rawn leng lem lova, karkhat ah vawihnih thin te a rawn chuang kai ve thin, chutih hunah chuan ka chhungte hian hun thawl min pe ngei ngei thin a, chhungkaw tamtak te hian an fanu te mipa nen chauh a awm tir an phal in ka ringlo, mahse ka chhungte hian keini pahnih hi min ring tawk a, an mi rin na chu tih chhiat sak kan duh hauh lo bawk.




"I khawi lai nge na ber?" U Hruaia chuan a ti a, ka kawng nat thu chu ka ko hrilh vat, "Ka lo hmet ang che" a tih chuan ka lo in dawh tha sauh sauh a, rin aiin a kut a dam phian, "Hetiang em em a i chauh chu ka lo ring lo a sin" min hmet lah mawlh mawlh chung chuan a ti a, "Ka kawng ber hi a na a, ka chau em em pawh a ni hran lo, ka period dawn aniang, ka kawng nat dan em em hi" ka lo ti ve sep sep a, min hmeh reng takah chuan ka kawng na pawh a dam suai suai mai in ka hria.




"Tawk tawh mai rawh se, i kut a kham palh ang, i chau ve awm tho sia" tiin ka awm tha a, "Chau lem lo e, khatiang mai mai ah mipa an chau ngailo" a thusawi avang chuan ka nui a, U Hruaia bulah hi chuan ka hlim em em reng zel zawng a nih hi, U Ruatpuia nen kan in then hnu khan hetiang taka hian ka hlim leh thei ang tih pawh ka ring ngailo, U Hruaia hi ka tan a awm lovang tih ka hlau ngawih ngawih tawh.




Ka sual vang nge phei chu ka hrelo a, U Ruatpuia nen kan in then ta kha ka natna aiin ka hlim na a nasa tawh zawk mahin ka hre thin, "Ka thusawi chu i hria em?" U Hruaia'n a rawn tih takah chuan ka ngaihtuah na atangin ka harh chhuak zawk a, "Tihpalh engmaw i sawi? Thil dang ka lo ngaihtuah daih a " Ka tih haw chuan "Keimah tho min ngaihtuah a nih chuan a pawi lo nimai rawn se" a ti sup a.




"Nia, kan bultan dan te ka ngaihtuah a, hetiang em em hian ka hlim leh theih pawh ka ring ngailo, ka tan hian i awm lovang tih ka hlau takzet a ni" ka tih chuan a nui a, "A tirah te kha chuan min nin em kha mawle" a lo tih chuan lei ka chhuan zeuh a, "Aw tah te kha chuan ka u thianpa angin a nia ka en che, a mak em alawm" ka lo ti vat, "Min hlau deuh thin in ka hria" a tih leh chuan ka lo bu nghat nghat a, ka hlau thin ngei alawm, khatih hunlai khan engvanga hlau nge ka nih lah ka hre der lo.





"Naktuk chu kan leng dun dawn em ni?" Chawlhni a ni a, pawi ka ti hran lo, "Khawih nhe kan kal ang?" tia ka zawh chuan "Ka hrelo le, khawiah nge kal i duh?" tiin min zawt let hlauh a, "Ka va hre mai lo ve, hla lutuk lovah leng ila" ka tih takah chuan a ngawi vang vang a, "Hlim en park ah kan kal dawn a nia" ka phur nghal viau mai, kan vawikhat ken chhuah ve na tur a ni bawk nen hun nuam tak kan hman dun ngei ka beisei.

cont...


Click leh comment kha aw...