The Traitor BY Tlantlani Fanai

[ngaia]

*kawngka a rawn inhawng ri rek a*

"Author-nim?"

"Aw,pi Secretary. Enge ilo tih dawn a"?

"Reilote ka be thei che angem?"

"Uh,lo let leh i tum anih chuan,a theih ka va ringlo ve."

"Ka hria lawm. Readers te hnena thil hrilhfiah tur ka neih vang zawk a nia."

"Oh,awle. Lo thu la min han hrilh teh. Hriattir ngei ngei ka lo tum ang."

"Awle,a hmasa berah chuan. Awmawmi leh Ben-a te inkara inrawlh kha ka thiltum pawh a ni miah lo ania. Ka tumlo hrim hrim zawk. Secretary ka nih angin ka hna ka thawk a ni mai a,chuan ka thiam tih leh ka cool tih pawh ka hria,mahse chu chuan Ben-a hi a lo hip ang tih ngaihna reng ka hrelo."

"Awle."

"A hun leh ni tak chu ka hre tawhlo a,mahse min ngaina tih a ti lang thut a. Mahse a hun aia rei hna kan thawh zana zanriah ei tura min sawm zan kha ni ta berin ka hria. Khami hun khan,hna thawh tur kan ngah lutuk a, zanriah ei tura min sawm khan,a thlawna eitur bak lo kha chu engmah pawh ka ngaihtuah hran lo, chhan chu ka ril a tam tawh lutuk a,chaw ei hun a pel daih tawh bawk nen. Zanriah ei chhuahpuiah min sawm lo pawh ni se,kan hnathawhnaa eitur rawn deliver tir a duh ve angem tih ka zawt tho ang,a chhan chu he company-a hna thawhtur hian tlak hniam lai reng a nei ngai lo.
Ka dawhkana hna thawh tur paper lo awm khawm tun ka hmuh khan camp turin mutna tur sleeping bag nen riah mai ka duh hman a ni."

"Awle,i sawi kual mah mah in ka hria."

""Oh, tihpalh. Chuan,a hnu kar tam vaklo pawh kha ti reng khan a nia,mahse ni khat chu min duhthu min hrilh thut a. Mak ka ti lutuk kha engtin maw?! ka ti ringawt a.
'Mahse nupui i nei a, engtinnge ni anga?"tiin ka zawt nghal a. 'Thudik ka hrilh mai ang' a ti tawp a."

""Eng thudik maw ti ta che"

"Ka ti alawm. Kan inkarah engmah a awm silo a, chutah thil engmah pawh ka ngaihtuah chian hma in a rawn kal leh a,an inthen dawn thu min rawn hrilh leh tawp a. Ka ngaihtuahnaah chuan,keimah vang em ni ka ti a.Mahse engmah ka ti bawk silo a?
Hnathawk pangngai ang chiahin ka awmin hna ka thawk a ni mai a.
Chuvang chuan,ka inhnem nan,an inkarah buaina thenkhat a awm tawh a nih ringin Ben-a hian hma a lak chhunzawm a nih ka ring ta ringawt a.Chulo chu,engmah ka sawilo a engmah ka zawtlo bawk. Kha kha ka thiamloh a ni maithei a ni.
An inthen hma khan thil lo sawiin lo zawt chiang ta ila,tiang em em hian an inkar hi a chhiat phah lo maithei bawk.
Anmahni hrechiang em emtu ka nilo a,an inneih hnua thawk chauh ka ni a,chuan thu lengvak vel a hlauhawm em vangin company-a sawi sep sep nih ka duhlo hle bawk.
Inhnamhnawih loh hram ka tum a,mahse ka tum diklo niin ka inhria.
Buainaa a laihawl ber kha ka ni ta miau a.
Chuan an inthen tak tak tih thu ka hriat khan,thil engemawni tak hian min hnawh tlata hriatna ka nei a.
Ka ngawih reng vangin khatiang thil zawng zawng kha a thleng a ni tih ka hriat deuh vang a ni ngei ang,mahse ka ngawi a,ka sawichhuah chuan Ben-a hian a thiltih sual a hrechhuak anga min mawhpuh ka hlau a..
Chuvang chuan an inthen hnuah chauh khan ka sawi ta a.
Ka ngawi ta reng a. Ka hna ka neih theih nan.
Mahse ni a liam zel a,hna thawh pawh a nuam tawhlo.Ka phur hi a rit telh telh ni maiin ka hria.
Cafe-a Ben-a'n rai chunga lo thu ve Awmawmi a hmuh a ala duh reng tih a en laia a mitmeng awmdan ka hmuh lai khan ka phur hi a rit berin ka hria.
Ka chau takzet a,thawk te hi a har thei lutuk.

Tuman engmah sawilo mah se,cafe-a Awmawmi te nena kan inhmuh hnua an meeting zawh veleha office a. Lawmawma a lo kal pawh khan, ka hah ngawih ngawih.
Ka chungchang an sawi tih ka hria. Awmawmi ka ngaihtuah chhuah apiangin ka inthiamlo telh telh bawk si.
Company field day hma ni deuh khan khaw danga kan branch atang hna thawh tur min rawn offer tih ka hmuh a,ka taksa pumah hian huaisenna a rawn lut nimaiin ka hria.

Heihi thil ka tih theih nana sign ni ngeiin ka hre bawk.

Thil ka tih a ngai tih ka hria a,khatah kha chuan ka hna atang khan min ban dawn pawh ni se pawi pawh ka ti tawh lo.

Chuvang chuan,ka tihtur chu ka ti ta reng a. Kan inkar ti tawp turin ka hrilh ta a ni.
Chuan khami zan kan inbiaka a hmel ka en khan,a hma ang em emin hrehawm ti hmel a pu tawhlo a,ka thaw a veng huai a. La tana a feelings hi hmangaihna a nilo a, amah pawn chu thil chu a hria.

A hmangaihna chu Awmawmi hnenah a awm reng a,chu pawh chu a hria a ni.
A nuna lo tibuai mai mai tu chauh ka ni a,ka mi zah takte pahnih inkar ka siamthatsak loh vang khan ka damchhung hian ka inthiam thei tawh ngailo ang.

Readers te hi chu chu hre turin ka duh a ni.

Khang zawng kha a ni e.

Misual ka nilo.
Hming pawh ka neilo.
Secretary mai ka ni e. "
.
.
.
Hriattur: Ben-a khan Awmawmi hi a uire sanlo.

Inthen a duh chhan chu a secretary lakah feelings a neih vang chauh a ni.

Awmawmi hnenah dawt sawi a duhlo a, nupui a neih lai renga midang lo duh pawh kha a duh heklo a, Awmawmi hriatlohin khawlo takin an awmlo hrim hrim a, secretary sawi ang khan,hna an thawk dun a,zanriah an ei dun leh tawp a ni.

Khang zawng kha. Ben-a kha a laktlaklohin a mawl hle a,bumtu erawh a ni hauhlo.
Show post links
Top