My Arrogant Husband BY Becca Lnz (Completed)

[Rebec Nunziri]

Chapter-10



Stacy Ramthansangi POV




Ka harh chuan ka bula ka pasal mu lai chu ka hmu hmasa ber, nui seih chungin ka in let a, ka tan a a thiltih zo zai avang hian ka lawm takzet a ni, ka en reng lai chuan a rawn meng chhuak riai riai a, "Bawihi i harh na a rei tawh em, i pum a la na em?" a rawn ti nghal zung zung a, "Ka tha, engmah na ka nei tawh lo a nia, min ngaihtuah suh" ka tih chuan a rum nghut a, "Engtinge ka ngaihtuah loh vang che, ka nupui i nih hi, na i tuar tih hre chungin engtinge hetiang hian ka awm mai mai theih ang?" a ti hluk a.




"Kha lam kha chu nakin ah kan sawi dawn nia, ka ril a tam lutuk" ka tih chuan a tho chhuak nghal thuai a, "Awle, min lo nghak rawh eitur ka rawn la ang" a ti nghal sup a, "A ngailo, in hnuaiah ei zawk mai ang" tiin khum atang chuan muangchangin ka tho chhuak a, "Bawihi, room ah hian ei zawk la, hahdam I mamawh alawm" a tih leh pawh chuan ka tho chhuak lui tho a, ka in zai na lai chu a thip deuh zawk avangin ka ner deuh sawk a, "Ka sawi kha, che vak vak hrih lo la i tan a tha" ti nghut in ka kut ah chuan a rawn chelh a.




"Ka tha alawm, min ngaihtuah mah mah a nih kha" ka ti sep a, in hnuaiah chuan muangchangin kan in in kai thla a, chaw ei chu a man a siam vek a, engmah tih ve a phal lo, a duh ang ngei chuan han che ta poh rawh se, a lung dam na tur a nih chuan engmah ka tilo mai a niang chu, nichin kha chuan ka chau ve deuh a, tunah erawh ka dam tha viau tawh thung, chaw kan ei kham a, amah bawk chuan hmun tifel in thleng pawh a sil leh vek.




An che over em em khawp a, in bual ka duh thu ka sawi a, keimah a ka in bual a phal tlat lo, ka in bual theih thu ka sawi lah in "I hliam vang khan i la che tha theilo, keiman ka bual mai ang che, i pasal alawm ka nih" a ti hmak mai bawk si, hnial eng ang mah ila a duh angin thil a kal tlang pui dawn tho tho, ka thawmhnaw te chu min phelh sak vek a, ka in zai na lai chu dim zetin a hru a, ka lu te su leh in bathroom atang chuan kan chhuak a, ka mut kawr te thleng chuan min hak tir vek.




Khumah chuan in kuah rial chungin kan mu dun a, min hau mawlh mawlh bawk, "Tupawh ni se i chungah that an chhuah lo a nih chuan an thusawi angin engmah ti duh tawh suh, i la dam chiang lo tih i hriat kha, vawin ah pawh khan rawn haw hma lo ni ila engtinge I awm ang, i in zai na te kha a na zual thei tih hre ta che" a ti hluk hluk a, "Engmah a nih loh kha, bakah ka ni thusawi pawh kha a dik alawm, ka in zai tih a hriat loh vang mai mai alawm" lawm loh hmel zetin min rawn melh chhuk run a.




"Ka nu a ni emaw tupawh ni rawh se, i chunga that chhuah lo tu chungah that chhuah vak tum buai suh" a tih leh chuan ka hnial duh tawh lo, ka mut a chhuak tan tawh bawk nen a taksa chu ngheng hnai talh talh chungin ka mit ka chhing zui a, hetiang tak hian ka thlavang a hauh ang tih ka hre ngailo, nuam ka ti a, chutih rual in keimah vangin a nu nen an inkar a chhiat phah ang tih erawh ka hlau viau, engtik ni ah emaw chuan ka nu hian min la pawm ve ngei ka beisei tlat a ni.


Thla 5 hnuah


Hun hi a kal chak khawp mai, ka in zai na te pawh a dam vek tawh a, kha thil ka nu leh Mary te rawn kal ni vak kha ka nu chu a rawn lang leh tawh lo, Mza'n min duat em em a, a ni telin min duat zual zet ti ila ka sawi sual tam lovang, ka pa (Mza pa) erawh a rawn lang khat tawk reng a, ka nu chu dawh hram hram turin min fuih ve reng bawk, ni e, a chungah that ka chhuah zel a, a fapa hi ka hmangaih takzet a ni tih a hriatthiam hunah chuan a mo atan hian min la pawm ve ngei ngei ang.




"Bawihi ka rawn haw tawh dawn a, ei chak te I nei em?" ka pasal chuan min rawn call a, "Nei hran lo, lo haw vat zawk rawh" ka tih chuan hriat nuam zet hian a rawn nui ri suk a, "Awle, ka lo theng har lovang" ti leh supin phone chu a dah nghal. Christmas a hnai tawh bawk nen Opi nen vawin chu in kan chei dun a, tree lianpui kan hung tan tawh a, a nalh ve takzet, "U Mza rawn thlen hma in ka haw dawn a sin" Opi chuan choka atanga rawn chhuah pah in a ti a.




A hma kha chuan pu tiin a ko mai thin kha ania, keimah zawkin khatianga mo tawh lo turin ka tih avangin U Mz tiin a ko tawh a ni, "Awle, va haw rawh, chuan karleh atangin i chawl hrih dawn nia aw, christmas a hnai tawh ropui mai sia" ka ti sep a, tun thla chu bonus pek ve kan tum a, kan la sawi lo thung, a nu pawh a hrisel na a tha zel a, Opi pawh a hlim khawp mai, Opi haw hnu reilo teah Mza pawh a rawn theng ve mai a, in bual turin room lamah a lut nghal thung.




"Bawihi naktuk chu hna ka chawl dawn a, hun awl ka neih lai a ni bawk nen kan bazar ve dawn em ni, karleh chho atang chuan damdawi in lamah kan buai char char tawh hmel si a" chaw kan ei laia a tih chuan ka lo pawm khawp mai, "Nia.. a remchang phian ang, chuan Opi kha karleh atangin hna rawn kal tawh hrih lo turin ka ti a nia aw, an in lamah an buai ve deuh ka ring a, kan nupa chiah kan ni tho bawk a" ka ti sep sep a, amah rawn lovin ka lo sawi ve ngawt bawk nen a rem ti lovang tih erawh ka hlau viau mai.




"Awle, a tha alawm, chutiang a nihchuan naktuk lamah hlawh te pawh kan pe dawn nia" a ti leh sup a, chaw kan ei kham hnuah thenawm te ina leng turin kan chhuak a, U Maremi te nupa hi kum 5 lai an in nei tawh a, kar hmasa khan nau an pai tih an hre ve chiah a, an lawm khawp mai, doorbell chu kan hmet ri tlang tlang a, U Maremi chuan a lo hawng nghal vat, kan nupa a min hmuh chuan min lo lawm thiam khawp mai.




U Faka pawh chu sitting room ah thu in kan nupa min hmuh chuan thu turin min lo ti nghal thuai a, Mza nen tak hi chuan an in hmu vak ngailo ka tihkha, tun hi pangai taka an in hmuh na hmasa ber ni hial in ka hria, "In rawn leng chu a va lawmawm ve, thenawm lawk ah awm e tilo hian kan in tlawh pawh lo lutuk a a tha lo" a ti leh dap dap a, "Ni e, hna lamah kan buai bawk nen remchang hi a awm meuh lova, tun atang chuan kan in len pawh ve reng tawh ang chu" Mza pawh chuan a lo ti ve mai a.




Thingpui te kan in a, kan keng rei tak hnuah phei chuan U Faka leh Mza chu an in kawm ngei viau tawh mai, chutiang bawk in u Maremi nen pawh kan in be reng a, a tawng duh bawk nen a bula awm a nuam takzet, "Stacy, kan room ah chho lawk ang hmiang, hei kan mial te hi chu inkhel an la en tui em hi" U Maremi chuan a ti a, pawi ka ti hran lo, an room lamah chuan min hruai chho a, naute tana an thil lei tawh te chu phur zetin min hmuh a, nau pai ve tawh ka chak takzet, in dan na ka ei miah silo a, mahse nau erawh ka la pai thei hauh lo thung.




"Nau ka pai tih ka in hriat tirh khan mak ka ti hial a sin, kum 5 zet Faka nen hian kan in nei tawh a, nau ka pai tih ka hrilh tirh a a hmel awmdan kha hmu ve lang chuan hmuhnawm I ti ngawt ang mawle" a ti sep sep a, a hmel nung sarh atang chuan a hlim hle tih ka hre thei, nau pai ve min ti chak zual, inhnuai lamah kan in zui thla leh a, step a kan chhuk lai chuan ka pasal leh U Faka au ri chu kan hria a, U Maremi nen in en in kan nui dun ringawt.




"In tan te an chak nange?" U Maremi chuan a ti lang lang a, "Hun a la tawp hleinem" U Faka chuan a lo ti vat, a hmel atang pawh chuan a tan zia ka hmu ve vek, in khel chu kan en ve ta reng a, a tawp hnuah ka pasal leh U Faka te chu an phun deuh bul bul a, an tan te an chak lo chu an la na dun ngang mai, U Maremi nen in en in kan nui ri tut tut a, an in atang kan haw a, a tlai tawh hle, dar 11 lai a ri tawh, ka ngaihtuah na ka kawm avangin ka ngawi reng a.




Khum ah chuan ka pasal nen taksa in si chet in kan mu dun a, "Bawihte, enge i ngaihtuah?" ka pasal hi chuan min hrechiang ve tawk bawk a ni, "U Maremi te nupa kha mawle, fa an nei vat dawn a, an hlim zia kha" ka ti sep a, "Ni e tiraw, engtik ah nge he i pum chhungah hian kan pahnih fa tur a awm ve ang le?" tiin ka dul chu a rawn chul a, a aw chhuak atang chuan fa neih ve tawh a chak zia ka hrechiang ngang mai, nuam lo ka tih phah zual sawt, chuchu Mza chuan a lo hria aniang ka khabe ah chuan rawn dawm in amah en thei tur chuan min kuai dak a.




"Bawihi engtik ah emaw chuan fa kan la nei ve em em ang, Faka te pawh kum 5 an in neih hnuah chiah alawm fa an neih" tiin ka hmui ah chuan a rawn fawp a, ka chungah chuan a awm bawk nghal thlar bawk, min fawh na chu ka lo chhang let nghal thuai a, ka taksa chu a chul kual nghal dan dan bawk, ka kawr chu ka lu lam atangin min phelh sak a, "Zanin atang hian naute kan neih ve vat vat theih nan tan la tan ang aw, zantin in chawlh nei miah lova kan tih char char chuan i rai ve vat mai ang" a tih chuan ka lo nui hak ringawt, chet chu a lak zawm nghal buan buan bawk.




A tuk lamah chuan kan bazar ta ngei a, Mza chuan thil thar tam tak min lei sak a, a tan engmah lei ve a tum lem loh avang chuan pheikhawk leh kawr ka lei sak ve bawk a, in kan thlen chuan a la hma hle nghe nghe, Mza chuan Opi chu hlawh a pe a, cheng 50000 a pe a, Opi chuan a lo hnial vat, "La rawh, kan nupa tan thil engkim min tihsak a, kan lawm na lan tir ve na a nihkha" ka pasal chuan a ti sup a, "Ni e, Opi la rawh, i nu leh pa te tan thil tha deuh i leisak dawn nia" ka lo ti ve a, lawmthu sawi mawlh mawlh a.




Christmas kan chuangkai chho a, kan inkhawm ve ngei bawk, kan nupa hian kan inkhawm khat ve hle a, a chang hian ka inkhawm ve leh zeuh thin, Mza phei chu inkhawm ngailo ang tluk a ni, a hna avangin hian a ni pakhat bawk, ka pa hian inkhawm hi a ngai pawimawh em em thin a, kum thar a tang chuan kan nupa pawh hian inkhawm kan ngaih pawimawh thar a ngai hle tih ka hria, Mza hi chu a zawng zawng in a inkhawm thei dawn lo tih chu chiang sa a ni a, mahse hun a awm a nih phawt chuan inkhawm turin ka tur lui nasa thin tawh ngawt ang.




Ruai te pawh kan theh ve thap a, zanah ka pa te in lamah kal kan ngaih avangin kan leng kawi lem lo, kan naupan deuh lai kha chuan christmas ruai kan theh zawh hi chuan thian te nen kan keng kawi thin a nihkha, khatih hunlai te kha a lo ngaihawm ber mai. Ka pa te in kan thleng a, midang pawh an lo awm kim thap tawh mai, U Thatei (Mza u) te pawh an chhungkua in Aizawl lamah christmas an rawn hmang ve bawk a, an nupa in an fel dun bawk a, ka ngaina dun khawp mai.




Kum tin in hetiang hian chhungkaw in hmuh khawm hi kan nei thin a, nikum lamah pawh ka tel ve tawh bawk, tun kum erawh a hun sawn in christmas ni ah tak kan in hmu khawm ta a nihhi, "Mza te nupa pawh in in neihna a rei ve tawh bawk a, fa neih lam te in tum hnai em?" U Thatei pasal chuan a ti a, "Kan la nei ve ang chu" Mz an ti sup, nau ka pai har lutuk hi ka pasal mai nilo ka pasal te chhungkaw lakah pawh ka in thlahrung hial tawh.




"A hmanhmawh thlak hleinem, kum khat leh tlem chauh alawm in la in neih ni, in ka bei ve vat mai ang, hmanhmawh lutuk duh lo ula, Pathian in hun a tih hunah chuan fa a la pe em em ang che u" U Thatei chuan ka awmdan hrethiam ni awm tak chuan a lo ti a, "Kum khat lai an in nei tling tawh a, nau pai te chu a hun ve tawh alawm, a ni aia in nei hnuhnung te pawh in nau an pai tawh a nia, Stacy hi in dan na I lo ei reng te hi a nilo maw?" ka nu chuan a rawn ti chhuak fak a.




"Nu.." U Thatei chuan lawm loh hmel takin a lo ti nghal vat a, "Kan hmanhawh lem loh vang mai mai a ni e, kum thar lamah te chuan thu lawmawm kan la in hrilh thei ngai turah ngai ila" nui suk chungin Mza chuan a ti a, tawi te in ka lo nui ve ringawt, ka nu chu a tawng leh tawh miah lo a, mahse a thusawi vangah erawh kan chuan ka awm a nuamlo hman hle, U Thatei chuan min be bawrh bawrh reng a, fa pathum lai an nei tawh a, a fa ten mamawh an neih a a nu an lo zel mai ka hmuh te chuan nu nih min ti chak zual takzet.




Kan riak nghal dawn a, zanin chu ka pasal bulah mu lovin U Thatei te nufa nen kan mu ho dawn a ni, a fate hian min ngaina em em a, chhuat ah mutna tur kan phah duai a, Mza lah chu ka bulah a awm ve run a, a bulah mu turin min ti reng a, ka hrelo der hmak, a bulah chuan zantin ka la mu dawn tho, naupang ten ka bulah mut an chak zia ka hria a, keipawn kan chak ve tho bawk nen Mza chu amah in mu mai rawh se ka ti hmak a, U Thatei leh a pasal te pawh chuan kan nupa awmdan chu min nuih min nuih ringawt.




"I mutna tur ah va kal rawh rawh, U Hminga pawh room ah a luh tawh kha" ka ti hlak a, kan mutna tur phah ah chuan ka thu nghal thak bawk, ka hmaah chuan a ding a, min melh chhuk ngur bawk, "Bawihi keimah chiah in min mut tir i tum tak tak amaw?" a ti deuh hmuk a, U Thatei te nufa chu an mu thap tawh, "Zankhat chiah alawm le, va mu mai mai rawh" ka ti nghat a, "Chuchiah, i nupui nen zankhat lek in mut hran avang khan i thi dawn pawh ni hlei lo" U Thatei pawh chuan a lo ti ve hlak a.




"Ka u, I pasal pawh in in bula mut a chak ve tho a nia, chuvang chuan i pasal leh fate nen mu mai rawh u, ka nupui bulah hian mut ka duh" a ti deuh hmuk a, "I over emai, va mu mai mai rawh, I ninawm" ka tih chuan min melh khui a, ka melh chho ve ram bawk, "Ka bulah i mu dawn lo tak tak maw?" a ti leh hluk a, "Mu dawn nang, zanin chu naupang te bulah hian ka mu dawn" tiin ka mu thla nghal, U Thatei fa naupang ber Kimkima chuan min lo kuah nghal thak bawk.




"Apute, kan bulah i lo mu ve dawn a mi?" Kimkima chuan Mza ding ngur melh kiai chung chuan a ti a, "Ani leh patea bulah lo mu ve daih la, khum ah nuam deuhin kan mu dawn a nia" Mza chu ka melh rawm rawm a, "Ka duhlo, anu leh apitei bulah ka mu duh alawm" Kimkima lah chuan a lo ti deuh a, Mza chu a rum nghut a, "Va mu mai mai rawh, a tlai tawh em hi" ka ti leh hlak a, minutes 3 vel ngawi renga dingin min en reng hnuah tum hmuk chungin room lamah chuan a kal ta nal nal a.




"Ka naua hian hetiang ang mizia hi a nei tih ka hre ngai hauh lo, engtin tak nge maw i lo enkawl bik ni?" nui hak hak chungin U Thatei chuan a ti a, keipawh chu ka nui ve ringawt, "Apite kan inah lo kal ve la, apu leh api te pawh an awm a sin" Siamsiami chuan a lo ti ve a, a ni hi U Thatei te fa upa ber a ni thung, "Aputea nen kan lo la kal ve dawn nia aw" ka tih chuan an phur ngang mai, naupang te nen kan mu ho bawk a, kan muhil mai lo, kan nui leh hak hak thin a, a nuam dangdai deuh phian bawk.




Boruak a kang ang zawk in ka awm a, ka mut a chhuah em avang chuan ka meng theilo, mahse pangtilum nuam zet ka hriat takah chuan ka meng chhuak riai riai a, chutah Mza chuan min lo pawm reng chu niin, "Awi.. enge i tih hi, min dah thla teh aw" tiin ka tal nak nak a, "Bawihi, naupangte tih harh i duh loh chuan thawm dim rawh" a ti sup a, "Min dah thla vat teh, enge maw i hriat le?" ka ti chhuak leh hlak a, "I tello a ka mut theih i ring reng reng em ni?" tiin min chhuk melh ngur a.




"I mak emai aw" min kalsawn pui a tum rual rual chuan ka ti a, "Enge in tih kha?" U Thatei aw ka hriat takah chuan a lam chu ka hawi vat a, Mza nen kan lo in pawm lai min hmuh chuan mak a tih hmel em em lehnghal, "U Thate Mza hi" naupang ang mai chuan a nau chu ka hek a, "Mz, enge naw I tih le, mi muhil tui lai khatianga pawm tawp tur a ni dawn em ni, dah thla rawh, i chy dan a atthlak emai" U Thatei pawh chuan a nau chu a hau nghal hlak hlak a.




"Ka u naupang te nen khan rawn mu mai rawh u, ka nupui hi chu ka bulah a ni dawn" tih leh a mut na room lam pan chuan min pawm sawn nal nal a nihchu, room chhunga min luh pui rual chuan khum ah min mut thla a, ka sir ah a rawn in thawlh ve nghal zat bawk, "Muhil leh rawh le" engmah tilo ang mai chuan a ti a, ka ngei bawk si chu rum zetin ka melh a, a mit a chhing hmak tawh lehnghal, "I che over mah mah lo maw, enge zankhat lek riah hran pawh chu I hreh viau ni, naupang ang mai" ka ti hlak hlak a.




"Ok.. i bulah hi chuan naupang ka ni mai, chuvang chuan i fapa ang chiah in min en rawh" a ti thum sup a, biak pawh ka be peih tawh lo, ka mut a chhuak ve tho bawk nen reilo teah ka muhil zui ve leh mai bawk a, zing ka harh chuan keimah chiah in ka lo mu tawh, Mza chu a thawh na a rei tawh tih hriat zetin a mutna lam chu a lo vawt thler tawh a, tho chhuak ve nghal vat in ka khum chu ka siam sawk sawk a, bathroom ah lutin ka in khuh fai leh te te hnuah room atang chuan ka chhuak ve ta chauh.




An lo tho chhuak vek tawh chu niin k tho tlai bik lutuk chu nuamlo ka ti takzet, "I lo tho chhuak ve thei maw, nizan lamah naupang te nen in riak ho emaw kan tia" ka pa chuan min chhaih pah deuh chuan a ti a, ka nui tawi tak tak khawp mai, an vai mai chuan sitting room ah thingpui no dawm chungin an lo thu thap a, Mza chuan chuang zetin min en ran mai, "Bawihi lo thu ka, thingpui hi rawn in ve rawh" a tih sup chuan a bulah chuan ka va thu thla ve mai a, naupangte erawh pawn lamah an in fiam a nih ka ring, hmuh tir an awm lo emai.




"Nizan chu kan muttui lai lai in Mza hian a nupui a rawn pawm tho nawlh alawm" U Thatei chuan min fiam deuh chung chuan a ti a, "I nupui tello chuan zankhat lek pawh I awm theilo a nimaw?" U Hminga pawh chuan nuih sa in sum deuh chung chuan a ti a, ka zak lutuk chu hawi pawh ka hawi chhuak ngam tawh meuh lo, Mza lah chuan nuam a la tih hmel em em zui a, ka ngei bawk si chu niang hriat loh turin a mal ah chuan ka sik sawk a, a la phu zawk zui.




Chaw kan ei lai te chuan min la chhuah zawk zawk reng hlawm a, kan haw kawng ah te chuan Mza chu ka hau hlak hlak a, engah a ngaih loh hmel em em lehnghal, in kan thleng a, tlai lamah ruai theh a la awm bawk a, kan kal ve leh dawn em ka la hrelo thung, "Bawihi in tifai ila ka pu kan va tlawh leh dawn nia, amah chiah in a ni bawk sia, an khua te pawh a har ang, duh leh chaw kan ei nghal daih dawn nia" Mza chuan room a kan luh hnuah a rawn ti a, ka pawm khawp mai.




Ka pa in lam chu kan pan a, kan kal dawn tih kan hrilh lawk lo bawk nen min hmu chu mak a tih hmel hle nghe nghe, "In lo kal dawn tih in sawi lawk silo a" a ti a, kan kal chu a hlim hel tih ka hria, kan thlen tirh atangin Mza nen an inkawm nghal char char a, Mza hi ka fak lo theilo, ka pa kawm dan tawk a thiam em em a, ka pa pawh hian Mza hnenah a hun hman dan te leh a thiltih thin te, Christmas a hman dan te chu a sawi ve mawlh mawlh bawk a.




Sa te kan lei chawp a, rawng ka bawl nghal mawlh mawlh, ruai theh la awm tho mahse in lamah kan pathum chauh a chaw ei a chakawm zawk, tawng ka bawl zo a, ei nghal mai lo chuan kan pathum te chuan kan in kawm khawm a, "Pa.. nimin lam te i inkhawm em?" ka ti sep a, "Inkhawm e, ruai te pawh ka theh alawm, thenawm pa hian min rawn sawm a" a ti a, ka pa in thian a nei tih ka hriat chuan ka thawl deuh huai mai.




Chaw kan ei kham a, reilote kan thut khawmuan leh hnuah kan haw a, in kan thlen chuan a la hma hle, zan lam inkhawm a awm tho bawk a, inkhawm turin kan in siam lehnghal, biakin kan thleng a, biakin chhung chu a lo khat vek tawh avangin pawn lama thutna tur an dawh belh ah chuan kan thu a, thusawi te chu uluk takin ka ngaithla a, inkhawm kan ban chuan kan nupa chu min lo chibai liam liam hlawm a, kohhran mi leh sa te an fel bawk nen inkhawm pawh a nuam takzet.


...


Kum thar kan chuang kai a, Mza chu hnaah a buai em avangin in lamah pawh an awm tam lo hle, a rawn haw ngai manglo, a rawn haw ve chhun ah pawh a chauh hmel thei hle, thlaleh hi a birthday a ni a, surprise na tur thil ka buaipui tan nghal der tawh bawk, a tan a ni special tak a nih mai bakah ka tan pawh hian a ni, a chhan chu ka mipa hmangaih ber pian ni a ni tlat a ni, min ruahman pui turin hetiang lam decoration ti thin tlangval pakhat Makima ka ruai bawk.




A la hla hle na chungin pui tham taka lawm sak ka duh miau, bakah a hriat miah lova tih ka duh bawk nen chuvanga in ruahman hma em em pawh ka ni reng a ni, Makima karkhat ah vawikhat te kan in hmu a, a lawm dan tur te kan sawi dun thin, a hmun a tan pawh picnic spot ka hauh lawk diam tawh bawk, karleh ah hian Mza thawhpui te an in nei dawn a, kal ve ngei turin kan nupa chuan min sawm nasa hle, ka thawmhnaw hak tur thleng in ka thui tir diam tawh bawk.




In neih na hmunah chuan kan kal a, beisei loh zetin Mary pawh a rawn kal tel ve a, a kan dan chuan a monu ber hi a cousin a ni awm e, ka hmuh loh na a rei tawh hle, min rawn biak pawh a tum lem lo bawk nen keipawh chuan ka phek en vek ta mai mai a, kan nupa a buaina min siam sak loh phawt chuan hmuh mawh na em em tur ka nei hran biklo, in neih programme a zo a, vawin chu ka zing thawh hlim atang khan ka nuam lo tawh a, ka lu te hi a na riai riai mai.




Mza hnenah sawi loh mai ka duh rum rum laiin mipui an tam bawk nen ka mi na chu a zual zel a, ka khawsik a awm tan bawk nen haw mai ka duh thu chu ka sawi ta tawp a, kan haw kawng ah te chuan mit ka chhing tlat a, "I nuamlo viau em ni?" Mza chuan ka kut ah rawn chelh chungin a ti sup a, "Nuam lo lutuk love, mi an tam lutuk a, ka zo lo deuh mai mai aniang" ka ti sep a, men pawh ka la meng peih chuang lo.




In kan thlen hnuah ka in thlak sawk sawk a, ka mu zui nghal daih bawk, "Bawihi damdawi hi ei phawt la, i mu hahdam dawn nia" Mza chuan a ti a, a kut a damdawi chu laksak in ka hmawm zeuh a, ka muhil chhunzawm nghal daih bawk, dar 6 vel ah ka tho chhuak peih leh ta chauh a, zan lamah after party a la awm a, kal ve ngei ngai mahse mi tam naah ka awm peih loh avangin Mza chu amah a kal mai tur chuan ka ti a, a duh chiah lo na chungin ka tur lui tlat a.




"Va kal ve rawh, i thiante an ni bawk sia, an lo beisei ve reng ang che" ka ti sep a, in siam pawh a la in siam lo, "Kal lo pawh ni ila a pawi chuang hleinem, Thana bulah chuan kan kal theih loh tur thu ka sawi mai ang, i nuam lo bawk si, nangmah chauh a kalsan che chu ka duh lo" a ti sup a, "Min ngaihtuah lutuk thin a, ka that tawh em hi, va kal rawh nang tal chu, min sawm uluk ve si a, bakah I thianpa a nihkha, nang phei chu an lo beisei ru reng zawk ang che" ka tih leh chuan min hnial ta lo hlauh




A thawmhnaw hak tur chu ka lak chhuah sak mawlh mawlh a, "Ka va phur lo ve, ka lo haw har lovang" ti sup in thawmhnaw chu a in bel a, "Awle, min ngaihtuah lovin nuam deuh in hun hman va tum rawh, mahse hmeichhe dang chu melh tum awih loh" ka tih chuan a nui chhuak hawk a, "Bawihi nupui chhelo leh hmeltha lutuk ka nei a, engtinge hmeichhe dang te ka melh duh ang ni?" a ti sup a, a thusawi chu ka lawm tawk a tling em em mai ni.




Mza chu a kal ta a, ka mu tam tawk tawh bawk nen inhnuai a chhuk in tv chu ka en mai mai a, ka lu na leh khawsik ser ser pawh a reh fel hmak tawh, tunlai chu hetianga awm hi ka ching leh zeuh thin a, enge a chhan lah ka hre der silo, buaithlak tak chu a ni, Mza lakah erawh ka la zep ve tang tang thung, a hre ngat a nih chuan hna chawl in min vil nileng leh thak thak thin emaw kha a nia nga ka ti buai mai mai ang tih ka hlau.




Khua pawh a lum leh tan tawh a, inchhung ah phei chuan kawr lum ka ha peih tawh mang lo, ka pa (Mza pa) in min rawn call ve teh hlawl a, ka la vat, "Stacy, i pasal inah a awm lo em ni?" a rawn ti dam dap a, "Aw.. a thiante in neih na after party ah a kal a, enge nita?" ka ti nghal sep, "A nihchu mawle, thil pawimawh ah biak lawk kan duh deuh mawle, a pawi lo ve, naktuk ah inah rawn kal turin lo hrilh rawh aw, a pawimawh deuh a" a ti leh sup a.




Ka pa nen kan in biak zawh chuan ka tv en lai bawk chu ka en leh a, kdrama a ni a, ka tleirawl chhuah atang hmuhnawm ka ti em em thin a, Boys Over Flower hi hmuhnawm ka ti zual, vawi 10 chuang chu ka en chhuak vek tawh a, tuna ka en lai erawh khi chu vawikhat mah ka la en ngailo, a hmuhnawm reuh hle a, episode 10 na lai a nih tawh avang erawh in ka la man chiah lo thung, zantin a chhuah hmel a, en ve ziah tawh ila a tha ang.




Dar 10 velah room ah ka lut a, mut hma in ka in bual leh phawt a, ka sam te ka chhem ro tir hnuah ka mu ve ta chiah, Mza nghah ka tum zet nang in a lo haw mai ka la rin loh avangin ka mu ta zawk a, ka mu tam tawh hle emaw ka tih laiin ka mut chu a chhuak lehnghal tho mai, tunlai mut ka duh lutuk leh ei ka thei lutuk te hi mak ka in ti takzet, kum tir lam khan ka rai emaw tiin ka in test a mahse a negative a, thla thum lai liam tawh mahse ka la in test leh miah lo, Mza pawh ka hrilh hran lo, fa neih a chak tawh em em a, nau ka pai ngei tih ka chian hma chu lo hrilh lawk ka duh lo.




Ka muhil lai chu thawm ri deuh bur avang chuan ka harh zawk a, Mza chu pai deuh chhat chhat chung hian a rawn lut a, "Ka rin aiin i rawn haw tlai a" sana ka en a, dar 1 a lo pel va tawh, "Thiante nen kan inkawm a" a ti ringawt a, a thawmhnaw chu a phelh nghal zung zung bawk, ka lo en reng a, a chezia atang chuan a rui hle tih pawh ka hriat hmaih lo nasa, "Tinge zu i in a?" ka ti sep a, zu in lo turin ka chah ngun hle thin sia, ka lawm lo takzet a ni, "Tinge zu i in ka tihchu" ka ti leh a, "Thian ten in turin min tur nasa lutuk a, lo mu rawh, ka va in tifai anga, ka lo mu ve nghal ang" tiin bathroom ah chuan a lut a, bathroom kawngkhar chu ka melh ngawt ngawt ringawt..


Cont....

Hei aw.. chhiar tui u..