Re: Thinlung BY Kimkimi tlau (Completed)
Posted: July 13th, 2025, 10:49 pm
Rilru ahlim chuan mut pawh atui a, zingah pawh ka harh hma viau a, ka harh rualin ka taksa danglam chu ka hre nghala, ka ner nghal nang mai, ka tai lah chu ana riai riai bawk a. Tho nghal vatin ka mutna chu ka en nghal vat a, vanneihthlak takin ka tlang lo hlauh, Pantie la chhuakin hmanhmawh lem lovin ka inthlak a. Bathroom aṭanga ka chhuah chuan tumah anlo la tho chuanglo a, ala hma ve deuh ani.
Pawn ah ka chhuak a, kawngpui dungah chuan ka kal a, U Mafela ka ngaihtuah chhuaklo theilo, Exer kan lakdun ṭhin laite chu ka ngaihtuaha, khatih lai khan ka bialpa anih ka ring ngailo a, ngaihtuah pawh ka ngaihtuah ngai heklo. Tunah erawh ka bialpa ani ve ta maia, ka ngaihtuah chian poh leh amak kati; Ngaihzawng neih chak na pawh nei ngai tawhlo ka nih laiin U Mafela erawh chuan awlsam te in ka thinlung min neih sak a, hmeichhe harhvang tak ah min siam leh nimai hian ka hria.
In a ka hawn leh chuan ka chhungte pawh anlo tho deuh vek tawh a, thlan tla khawpin ka inti hah lo bawk nen inbual ka tum lem lo a, ka phone ka thawhsan daih avangin ka phone la turin room ah ka lut a, U Faki pawh thawh tumin alo in tintuah vel mek ani. Ka lukham bula ka phone chu banin ka hmet eng pap a, screen ah ' Zing chibai, Ka bialnu ' tih hi alo lang vah a, nuih pui loh a thai bo daih chi anilo hrim hrim.
" I mutui em? Iva tho hma ve " ti a ka reply chuan a seen nghal zata, ka awih theilo zawk! Minlo reply leh mai dawn emaw ka tih laiin a reh vung vung lawi a, a seen rual khan typing kha a inti ngeiin ka hre bawk si, hnual deuhin ka phone chu ka hmet thim a, room aṭanga chhuah ka tum lai chuan call alo lut a, Phur lo deuha ka phone ka en chuan minlo call tu chu ka beisei loh deuhin U Mafela alo ni a, ka phu zawk thei.
" Hello " kati a, ka lai deuh ringawt mawle " Ila tho lo nge ka lo call che kha i ringhlela lak mai nachang i hrelo zawk " alo ti duah a, asawi dik bawk si chu sawi maitur ka hrelo reng reng " I ninawm " ka tih chuan anui hawka, a thawhna ala rei lo aniang a aw chu ala hnawk deuh ṭuak mai. " Thawhhlim aṭangin i ngaihawm " Cool ruih a alo tih chuan " I over ve chiang e, in ngaihna hman ala awmlo " kati hlak hlaka, hepa hian min tih zah atum ve hrim hrim aniang. Min chhaih reng anih chuan ka thinrim khum leh lovang tih pawh ahriat loh " Awm tehlul e, min ngailo tih ka hrethiam, lo belo che ila chuan minlo be dawn miahlo tihna ania " Ati kual leh vel a, thawpui la halhin ka khumah chuan kaṭhu a, sawi tur ka hrelo takzet.
" Ka tho hma lutuka phone pawh khawih lovin kawngpui dungah ka kal mai maia, bakah ka zak " kati halh a, inbe reng mahila Ka bialpa ani hi kala ringhlel tho. " Zah loh i zir vat angai anihchu, i laka pangchan ve te pawh ka chak dawna " Alo tih chuan ka ner nanga " I mutui em? " Ti sep in ka mengkual ralh a, hetia lai ṭut ṭut tur hi kani chiah em? In sangmar viau mahila ka lai tlat tho si a, ataka kan inhmuh leh hunah phei chuan awmdan pawh ka thiam dawn mawni.
" Zan ka hmanral tawh zawng zawngah nizan kha ka muttui ber ala ni ang " Alo ti leh dut dut a, " Naaa..min tih laih i tum ve hrim hrim, i senior tawh khatin inla zei vel suh aw, ka ten daih maiang che " Kati nang nanga, ka ten tak tak dawnlo tih erawh ka hrechiang lutuk. " Ka zei loh zia i la hre chho zel dawn alawm " ti sup in " Vawiin chu damlo entur bakah report leh thildang tihfel tur neuh neuh ka ngah dawn a, kalo be hmanlo maithei che a, ilo tih tauh bur bur loh nan zing ah kalo bia che anihhi, ka thawh hma phah ania aw, ka fel iti em? " alo tih chuan Ka nui hak haka, "Aw" ti let vatin U Mafela pawh chu thum deuhin alo nui ve hawk bawka, athusawi te khan engtiang chiahin nge min tih hlim ahrethiam kherlo ang.
Hmangaihtu ka neilo chu ka tilo, ka chhungte hian min hmangaih miau a; Mahse, mihringte'n kan mamawh leh kan thlakhlel em em ngaihsaktu leh duattu erawh ka vai ṭhin khawp mai, thil ka hriatthiam tirh aṭangin pachang takin khawvel hi ka hmachhawn angai a, ka chhungkua hi thinlung taka ka hmangaih avangin, ka chhungkaw tan ka phaktawkin hna ka thawk ve ṭhin bawk. Kanu leh ka laizawn neihchhunin Beidawng tak leh ṭap zawih zawiha min siam chang pawn insehruh fan fan chunga keimah leh keimah infuih a 'An awm ang hian ka awm ve kher tur anilo' ti a ka in bengdaih chang lah atam. Huat te, min ṭawngkhum anga ṭawngkhum ve te, min mamawh changa hnungchhawn ve hmak te hi chaklo ka ni biklo. Mahse, ka thei ngailo a, na deuha ṭawngkhum ka tum ve pawn ka hlawhtling ngailo.
U Mafela thilsawi tlem te ka hlimpui em em chhan hi in hrethiam em?
Ka zawh leh ka dil kher ngailo a, ka thil duh hre chattu hi an awm ngailo a, Ka chezia chik a, ka eichak thu ka hrilh ni miahlo a, Nimbu minlo leisak te kha midang tan chuan aho ani maithei katan erawh chuan ka sawi chhuah fo tur ka nuna thil thleng hlimawm ani tlat.
Atir khan Mipa cool leh ṭawng mawh deuh anih chu ka ringlo sa a, tunah hian ka ring suallo tih kahria, sawitur ahria a, keiin sawi tur ka hriat loh tehreng nen azarah sawitur ka hriat phah ni ber mai, kan inbiak tirha ka lai lutuk pawh kha kazia ṭana ka ṭawng ve siam siam tawh a, zawhna min zawt ni chiah silo in chhan ngei ngei ngaia thilsawi athiam a, kanla inbe reilo viau emaw ka tih laiin "Lalnunkim, room ah khan eng nge itih em em, i va tawm rei ve " Kanu'n alo ti a, a au ring bawk nen U Mafela pawn ahre thei aniang anui hawk a " Den tawh ṭhin ve " nuihza insum zetin alo ti a, " A mood aṭha vaklo a" ka tih let chuan " Dawh hram hram la aw, nu te chuan engpawh sawi se chhan pung pung hi amawilo a " Alo ti dam diaia, a thutak roh si sawi mai tur ka hre leh peklo a.
" Zanah kalo leng ang, chhunah pawh kalo be zeuh zeuh ang che, vawiin ah eng nge tih i tum hrim hrim? " atih chuan " Ka hrelo le, Angaihi te huanram ah ka kal ve maithei ani, i buai chuan minlo biak kher pawh angailo ania aw " kati duah a, ahna apawimawh si ka tihbuai ka hlau ani. " I pawimawh ve tho alawm, i chanchin chu minlo hrilh chiang leh la, I nu ankanemi a den emai ka dah rih ang e " Tih leh dah arual a, ka thaw nghal hak mai.
Phur sarhin room aṭang chuan ka chhuak a, ka tai na riai riai erawh a haider theih viau a; Tun ṭum ka hlawh la chu hlawh lak hmain ka urlawk reilo a, a tihzia khawp mai.
" Room ah khan eng em em nge itih, kan buai tih i hrereng sia " Kanu'n alo ti hlak hlaka " Phone a hmang " ka chhan hma in U Faki'n minlo tih khalh a, ala nui sawng zui. "Hmang ve bawk ang chu, hmang ve ngailo ang mai" Mampuia'n ati hmuka " Mipa vesi i va han ṭawngthei tak " U Faki chuan Mampuia melh rawm rawm pahin ati a, "Mipa ni mahila ṭawng na tur ka ka nei miau a, duh leh ka ṭawng ve ang chu" Mampuia lah a ngawi mai duh silo a, U Faki nise athinrim leh viau tawh bawk nen, thaw halhin an Pahniha ngaihven buai lo chuan kanu'n Chawhmeh siam tur a dah chhuah ho chu ka buaipui ta zawka, U Mafela ka biak laia ka hahdam riau na kha abo leh duak tawh.
" Faki, nangpawh phone khawih a nui huat huat renglo khan i nau hi lo pui verawh, engmah ti silo hian eirawngbawl hi i tumlo reng reng " Kanu chuan ati hlak hlaka, U Faki pawh anui tawp chiang lutuk, Ankasa tauh tura ka siam lai ani a, chawhmeh dang siam tur em em a awm tawhlo, Eirawngbawl zo tawh mahila 'A ngai tawhlo' tih kha ka tumlo a, Kanu'n U Faki atir ve hrim hrim hi alawmawm em a, eng emaw tal chu tih tir ve angai ang, U Faki pawn mak ati hle aniang chetsawn nachang pawh ahrelo a. " I nau chu pui rawh, Artui pawh leisa kan nei tawp nang, va lei ve rawh " Kanu bawkin ati leh a, " Dinfela pawh a awm renga dawr ah chuan kaltir mai rawh, eirawngbawl pawh ka thiamlo tih inhre renga, tinge min phut tlat le, bakah mo neilo pawh kan nilo a " Ati tan tana U Nguri awm ve rihlo chu ka lawm khawp mai, U Faki ṭawngkam mawilo ṭhin lutuk hi chu abuaithlak tak tak ani, hmeichhia ani a Mo ala ni ve dawn tih hi a hrelo nge angaihtuah thleng phak lo pawh ka hre nek love
" Nangpawh Mo ila ni ve dawn a, tuna i awmdan khan i pasala farnu awmdan tur ni dawn tase i lawm angem? I upa tawh, thil thui deuh te hi ngaihtuah thleng ve ṭhin rawh " Kati a, amah pawh ka en duh chuanglo; Kanu erawh choka aṭangin a chhuak tawh a, " Minlo hnial ve ziah suh Lalnunkim, i inla fel lutuk te hi i hneawm, Mo chu Mo anni a. Fanu anga awm tum tawh suh se, Mo ka nih ve hunah chuan ka tihtur chu ka hre viau ang, midang pawh an rai ve tho a, U Zeli pawn rai chungin inchhung chet engkim ati vek, kan mo vete hi kan duat lutuk a, awm ngaihna an hrelo anih hi, kan nuṭa te lah nep ropui si " Ti hlawih hlawih in min kalpel thuak a, min su tel kher bawk nen thleng a Ankasa tauh tur ka ken, ka sawngbawl vek tawh ka chu ka thlauh a, keilah hmeichhe zaidam tak nih loh sa laia ka hlawh lak lai ani kher bawk nen kasa phat a.
" Chhar fai vek rawh " Ka ti ṭhat a, thil pawi ati tih inhre miahlo a fridge a hawng kual velte chuan ka thin ati rim hluah hluah " I duh leh chhar maila, ka tihbuak pawh anilo" Ti lar larin min nuih sawng a, " Minlo sut avanga thlauh kani a, i thiamloh tihna anihchu, min su kher lo a i kal theih reng laiin min su lui a, chuvang chuan i tih buak tihna ani, lo chhar fai vek rawh " Ka ti leh hlar a, ka aw pawh ka dim thei tawhlo. " Ka chhar awmlo emai, khatiang tla tawh te chu paih la animai alawm " Awlsam zeta atih chuan ka kut chu a phe zawka eng nge ka tih pawh ka hre hmanlo, U Faki arak ṭhawt chuan ka harh zawka, thlengin kalo vawm chu niin " Zawngi" ti ṭhat in bottle in minlo vawm let ve a, indan emaw kalsawn pawh ka tum chuanglo, ka mit ka chhing tawp a, ka chal athip zawk rualin chhuatah bottle a tla ri rawk a, ka chal alum nghal pup pup lehnghal.
" Min ngam viau suh aw " Atih chuan " Ngam loh chhan tur che ka neilo " Ka ti a, tuna ka awmdam hi ka inchhir leh angem ka hrelo tuna atan erawh chuan ka thinrim a, engmah pawisak ka nei thei rih lo, " Bialpa i nei dek dek a, i mizia i hlauh nghal ringawt chu ania " Min thamlo fe in ati a, ner khum sakin "Min thik ami? " kati zang vah a, ka nuih tel kher bawk. U Faki chu a khur der dera " Hmelchhenu engtin maw min tih" ti hlarin a khek tuar a, min lo hnaih ruakin ka sam ah akek a, kei lah lo diau bik hek suh kan insual chu ani mai e.
" Awi! Eng nge awmzia, Dinfel, Pa-a lokal teh u " Kanu ṭe chul rualin kan in kek na sauh a, ka lu lei na ut ut chu ka haider a ka thinrim lutuk hi ka puakkeh mai dawnin ka hria. " U " Mampuia aw a mak tihna chu hai chi pawh anilo, " U..u ti lo khan ṭhelh ta che mawle, Lalrinhlu lokal teh " Ti leh chiamin minlo ṭhelh ngam silo in min kal hual thuak thuak a, " U, thlah rawh i sam atla kawlh vek dawn " Mampuia'n ka kawnga chelh pahin ati a, " Aih" ti vakin ka kek na leh sauh a, " Faki i nau kha thlah la, Kimi nangpawn i u kha thlah rawh " " Aih, min thlah loh chuan ka thlah dawnlo " U Faki'n ati hman ṭawk ang " In thlah nghal rawh u " U Rinhlua'n fiak ṭhakin ati a, ṭhelh buai kan ngai tawhlo kan inthlah nghal hlawk a, Mampuia min pawm bet nghalin hah zetin thawk kala halh halh mai.
" In zak em? " Chang khel khawlin U Rinhlua chuan ati a, hawi pawh ka hawichhuak ngam tawhlo, ka thinrim avanga ka ngaihtuahna tawi tup leh mang duk kha areh a, tunah chuan zahna in min tuam let ṭan mek ani. " In zak em ka tih chu " Atih nawn leh chuan " Aw " tim daiin kati a, heti taka U Hlua thinrim hi ka hre ngailo a, ka tha akhur ru der der mai. "Lalfakzual min chhang ve dawn em? " Vin fe in ati leh a, In hnit feih feih chungin U Faki pawn 'aw' ati ve a. " Zak hle tur inni, in nuṭa te hi kan insual lai inhmu ve tawh em? " Ahma aia aw ki dam zawk hian ati a mahse, ala hlauhawm tho, " Aih" U Faki nen kanti leh a, "In va han rapthlak dun tak em aw, room ah va tawm hmak rawh u " Kanu'n atih chuan " Lo inrawlh suh kanu, ka thu lo chuan heta ṭang hian an kalsawn dawnlo hrim hrim, kan hrin ve dawn pawn i chhan zela min hlauhna pawh an neih tawh loh hi, thil an tisual anih chuan a lehpek awm tawh lo tura tih sim an ngai " Ti ram hmakin " Mampui kanu nen khan chhuak rawh u " ati a, kanu pawn ahnial ngamlo aniang choka aṭang chuan achhuak a.
" Dinfel" Mampuia'n minla kuah tlat avang chuan ati hluka, U Hlua athinrim si Mampuia chu ahauh ve mai hlau in min kuahna chu ka phelh saka. Mampuia chhuah hnu chuan boruak a reh duk a, " In sam kha tuai mam rawh u " U Hlua'n atih chuan ka sam chu ka tuai mam thuak a, ka tuai zawng chuan ka lulei chu ana lutuka ka ṭhen sak sak mai.
" In insual khan nuam inti em? In hahdam sawt em? " "Aih" tih bawkin kan chhang leh a, " Ani reng asin, in buaina pawh zawt che u ila aho leh ngawt ang, Unau insual hi khawvelah aṭhing ber tih hria ula, in hmangaih a in duhsak tawn tur inni zawk asin, in insual leh angem? " Atih chuan kalu ka thing a, " Lalnunkim i ka in min chhang rawh" ati hmuk a, ka chhanglo ngam lo hrim hrim.
" Ka hmangaih che intu ula inkuah rawh u " Dawhkan khawn rik kauh pahin ati a, ka chechang eih lo, thawpui kala halh a " Inti dawn nange" Atih leh pawh chuan kala che eih lo a, ka thinrimna te kha chu areh nameuh mai mahse, aharsa ka ti ani. " Chutia kan tih kher chu angai ami? " U Faki chuan ati sep a, 'ngaihdam indil rawh u' minti se kan tan a awlsam zawk ang " Ngai e " U Rinhlua lahin ati bur bawksi, U Faki chu ka en a, ani pawn minlo en ve chiah a, kanla in melh no fahran chuanglo. " In ti dawnlo anih chuan room ah in awm anga, in phone pawh ka laksak ang che u, nileng zankhua in room ah ka kalh hnan dawn che u ania " Dawhtheilo zetin U Hlua chuan ati hmak hmaka.
Minute5 dawn kan ngawih leh hnuah chuan ka u sawi ang chuan kanti ta a, " Faki choka hnawk kha tifai la chuan Mate, i chal kha i nau tihfai tir rawh, i tihfai zawh ah i u Faki i pui dawn nia " Tiin choka aṭangin achhuak a, achhuah pahin " Mampui, i u chal saw va tihfai sak rawh " ati pah lawng lawng bawk. Ka chal chu ka khawih a, a nal pur a, ka khawih rual chuan athip zawk lehnghal, U Faki min vawmna kha ani tih ka hria a, kan insual ta si a kalo hrechhuak tawhlo reng reng anih hi, chutia ka hriatchhuah takah huan athip thar viau a, ka ngaihbel nge pawh ka hrelo e a.
Mampuia'n nui ruh ruh chungin ka chal chu atifai a, " A kak ve hleka, chal hi chu tuam arem chiah silo a, damdawi hnawih ila tuamlo mai ang aw " ati zung zunga, " Aih, Angaihite huanram ah ka kal dawna, bawlhhlawh alut palh ang Band-aid min belsak rawh " Katih chuan aner nang a, "Kallo mairawh i lu te ana ang, i lu lei te hi ana vek lo maw" Ati leh phawr phawr a, rum zeta ka melh te chu ahrelo der hmak. " Na ve ang chu " ti hlarin ahmaiah ka nam sawka, ala nui mai mai zui.
Ka chal a band-aid min belsak pah chuan "Kei Laldinfela hian nang Lalnunkimi hi Huaisen lawmman ka hlan che a, i huaisenna hi kan chhungkua in ka hrereng tawh ang" ati a, huat theih pawh anilo kanui a, U Hlua te nupa pawn Mampuia thusawi chu an hre pha ve aniang U Nguri anui uar ngang mai. Kan insual chhanah khan atel ve tih inhria se, hlim deuh hian anui thei angem tih ka ngaihtuah a, hre ngat sela chuan hlim takin anui hauh lovang tih ka chiang. Mihringte hi chu Kan hriat loh na hian minti nui in minlo ti hahdam mai mai zawk anih hi kati ta.
Chaw chu kan eitui fahran hlawm lo a, abik in U Faki nen chuan kan eitui lo zual a, thil awmlo lutuk pawh anilo. Zingah thinrim em em in kan inhniala kan insual bawka, kan insual zo chiah kan duh vang reng nilo in, kan inkuah a, kan lungawi lai pawha kan sawichhuah ngai loh 'Ka hmangaih che' kanla inti lehnghal a, darkar1 pawh aliam hma hauhin chaw kan ei leh bawk nen engkim chu athleng zung zung a, insiamem na hun pawh a awmlo hrim hrim.
" Tukinah ka awm loh laiin inlo insual ani awm a, minti zak hlemai, I U in ahrem tawh che u a engmah ka ti rihlo ang, athleng nawn leh anih erawh chuan ka ngawi mai mai dawnlo ania, pawi inti khawp ang " Kan chaw ei lai chuan Kapa'n ati hmak hmaka, " Unau hmeichhe pahnih chauh inni a, in thurual leh in duhsak tawn hle tur innih vei nen nang ni lah chu in in do deuh tlata, hetah hi chuan inu pawn thiam loh na anei " Atih zawm chuan, kanu ater nghal at a " Eng nge ka thiam loh anih na, ang khatin ka enkawl reng alawm " Ati tan tana, an hmuh loh tur in kaner nak mai.
Kanu in Angkhat atih leh keiin angkhat ka tih hi alo in an loh vang ani mahna, kan unau inkarah inremna a awm theih miah loh.
.
.
Chaw eikhamah Angaihi te huana kal tumin ka insiam a, Angaihi pawn minlo call leh sek tawh a, a za leh chung tawh anih hi. Lukhum khum ṭha mawlh mawlhin room aṭang chuan ka chhuak a, Ipte pui kalak laiin kanu'n "Khawnge ikal dawn " alo ti a, " Angaihi te Huanah" kati liam puat a, " School ah min kalpui hman kalo ring a " Atih leh chuan " U Faki hruai mairawh " tiin min chhanletna pawh nghak lo chuan in aṭangin ka chhuak a. Kanu ka chhan dan kha Nuamlo kati a, ka chhungril hi eng emaw ka hriatthiam loh thil hian afan raih raih a, nilengin ka awm anuamlo leh dawn tih ka chiang viau.
" I ki ropui nen chhuah itum ṭhin ami? I va han rei em em " Min hmuh rualin Angaihi'n alo ti nghal hlak hlaka, nuih tlawn mai loh chu thiamthu sawi tur ka neilo, " Apa a phi leh chung chung a, Anu lah avei thuak thuaka an nupa in an inhau leh hman alawm, an kal hmasa a scooty in kalve maiang " Ati bawrh bawrh a, " Short cut ah kal mai ila " ka tih chuan aner nang a, " Ka peihlo, lo chuang mai mairawh maimichhing chung pawn khalh ila ka tlukpui lovang che " ati leh hlak hlaka ka hnial leh chuan min kek hrep duh tawh ang tih ka hriat avangin ka bu ta nghat nghat a.
Scooty alakchhuah lai chuan A vahte pahnih chu kalo chhaih ve a, In chhung lamah an mo nu chu ari rawk rawka aphun pahin ka hria, " Kim, kal ang " Angaihi'n atih chuan ka tho vata, ka thawh rualin a vahte pahnih an ṭap titih a, " Ani, min hruai ve " tiin an per dat dat a, kalsan an hreawm zawk.
" In muang thei sia ka ning e, buai nen " In chhung aṭangin an mo nu alo phun chhuak hlak hlak a, "Lokal rawh u, kalchhuak apiang ngen ringawt zel mai ninawm lutuk " tiin a fate chu an hnungah abeng dun dawp dawp a, ka lo ip chawih chawih mai. Hmanhmawih deuhin Angaihi hnungah chuan ka chuangkai a, "Hneawm ania " Tlanchhuah pahin Angaihi'n ati hlaka, An Mo nu nen hian an in ngeih vak biklo. ka ṭhian anih avanga Angaihi ka ṭan lam nilo se U Mawii(An mo nu) hi azia adanglam ve a. a chhungte lak aṭangin A pasal hi lakhran atum ti ila ka sawisual lovang, Ai pui leh Ai te anei a, a mood a fuh in midang ai bak bakin a fuh a, a mood a chhiat lah in over khawpin a awm leh a, apawisawi zawngin aṭawng duh ve bawk si, a sual chu anilo a, mahse arilru aṭhalo.
Angaihi te hian khua aṭanga hla vaklo ah Huan an nei a, ahmun arem in aview anuam a, Kawngpui bulah ani bawk nen tunah hian Resort siam tumin an buaipui ve a, an buai ṭhin hle.
A hmun kan thlen ve chuan Nu Hlimi te nupa chu anlo in hnial leh bap bap tawh a, Pa Dika hnialhrat leh ṭawng tur hre lutuk chu " Hnial hrat thuduh Lulian lutuk pa " Nu Hlima'n ati chiama, nui ring ngam silo in ka nui vur vur mai; Nu Hlimi hi athinchhe ve a, sual erawh asual miahlo, Nu Rilru zau leh fiamthu duh deuh hi ani a, a fate lah a enkawl ṭha a, a pasal ahlau thiam bawk si an nupa hi an awh awm kati ṭhin a, hre veklo mahila an chhungkua hian buai nuai nuai an neih ka hre ngailo a, inhnial leh thu in hmuh loh chang chu annei ṭhin, Angaihi pawn min hrilh ve fo a mahse, keini chhungkua angin zingtin tlai tin an buai ve ngailo. Mo an neih hnuah erawh ahma aiin buaina an ngah a, U Rooney hi mipa nep deuh anilo hlauh hi a vanneihthlak, mipa nep deuh nupui ngamlo deuh chu ni sela an buai ve rap rap reng ang.
" In hahdam hunah chaw hmeh chu zawng ang u aw, Tlai lamah JCB alo thleng anga alai vek dawn si a, awi ka ui emai " Nu Hlimi chuan ati a, atawp lamah chuan aṭap lo chauh ani. Anu hmuh loh lamah Angaihi chu aner nang a, "Bawkbawn bak a awm loh hi, atui lo ropui si, JCB pawn alai vek dawn chuanglo, ui vak duh suh " U Zaia'n atih chuan Nu Hlimi'n rum zetin amelh a, "In hahthlak emai " ti hlakin, a phun leh nghal barh barh a.
" A laklawh leh dawn tlat, kalsan ang " Angaihi chuan ati a, Thlam aṭang a chhuakin Bawkbawn zawng tur chuan thlam aṭangin kan chhuak a, " Hmarcha pawh kha lo Mal tel ru aw " ti a Nu Hlimi min auh na chu kan chhanglet tawm lemlo. Bawkbawn chu duhthusamin alo tam a, "Hmarcha ka Mal peihlo, Bawkbawn hi ka kutah dah la Hmarcha i kutah ka dah ve ang " Angaihi'n ati a, kan inremsiam chu ani leh der. Bawkbawn zawn hi ka thiamlo lutuk a, a kung abuk deuh phei chuan lawh hmaih hi ka nei nual zel a, uluk deuhin ka en ve emaw ka intih pawn ka kalna hnuah Angaihi lawh tur ahmu leh ṭeuh zel. Chu ai chuan hmarcha Mal hi anuam kati zawk a, kan nuam tih a in anglo hi aṭha phian.
" Taka, i chal kha ngati nge " Hmarcha ka mal mawlh mawlh laiin ka chhakah Bawkbawn zawnga kun du du chungin ati a, amah pawh han en lemlo in " U Faki min vawmna anih hi, keiman ka vawm hmasa zawka " Kati a, hmarcha mal pah chuan thil thlendan chu ka hrilh mawlh mawlh a, Ka sawi zawh rualin Angaihi chu anui uar uar a, "I sam atla nasa em? " Ati a, ala nui hawk hawk tho. "Tla ve e, U Faki'n a phiat alawm " Katih chuan bawkbawn pakhat hian minlo vawm a, " Hlawh ilak lai hi chuan i den ve alawm, i zia hi i thlak chiang thei sia keipawn amak kati ṭhin " Ati a, asawi dik chiah, ka zia hi ka thlak lutuka keimah ang em em hian tumah an awm ve pawn ka ringlo.
" Chuan hrilh duh dang che kanei a, mahse hetia sawi chi anilo " Ka tih chuan abeng averh viau aniang ka chhakah thawm a awm nghal rawk rawka, rei pawh nghah angailo ka bul alo thleng fel der tawh. Lo nuih hak hakin " Eng nge" kati sep a, tur fe a min en ran chungin " Sawi mai maiteh, hun ka ngahlo " Ati hlar a, min vo nge min dawp pawh ka hrelo, thu min pe zawk pawh ani mahna.
" U Mafela nen kan in ngaizawng " Zawite a ka tih chuan ka hnung ari chawrh a, a thip nghal veng veng mai " Lerhi" ati chiam a, rang zeta ahmuiah hup sak nghal chawtin " I mawl lutuk bengchheng suh " pawr deuhin kati a, ka melhrum viau bawk. Min nuih tlawn ver verin " Ka rin sa ani hrim hrim a, amak kati vaklo " Ati leh lawi a, kei ai mahin ahlim zawk emaw tih mai tur ani.
.
.
.
" Lalnunkim, nangmah vangin sam ka thlah angaih phah " Darthlalanga a chal tuai vat vat chungin U Faki'n ati hlar a, chhanlet pawh ka chaklo e a; Thlenga ka vawm khan a chalah alo fuh ve tho aniang, thisen chhuak lo mahse, a pawng ul a, alandan chu a nuihzatthlak reuh lutuk. Chaw kan ei lai pawn Mampuia'n anuih vur vur renga, U Hlua ahlauh vang ni maw engmah asawi lo a, a mood erawh a chhia tih piahlam ani thung.
Vawiin ka hmarcha mal kha ahmun arem silo a, a awih bawk nen ka taksa ana ṭhum a, ka zawi hle bawk. Khumah thatchhe deuha ṭhu mu in U Faki chu ka thlir a, a lungawi lo ner kual vel te chu arukin ka nuih a, kanui tih hria sela chuan a ter ṭha leh khawp ang. A chal pawng ul chung chuan leng turin a insiam leh tho a, a chal chuan ati buai pha vaklo aniang.
U Mafela'n lo len atum a, msg a minlo hrilh lawk thlap in 'Room ah lo awm leh daih lo la, varanda ah min lo hmuak rawh ' alo ti a, a inti thu si, U Faki chhuah hnuah zawi deuh chungin room aṭang chuan ka chhuak ve a. Chhunah kan inbe mumallo bawk nen U Mafela lo leng tur chu ka phur angreng a, tih lan loh hram hram erawh ka tum ve tlat.
Ka chhungte chu an reh ṭhiap a, Khawiah nge an bo zawh diak pawh ka hrelo, Mampuia room ah chuan ka lut a, khumah mu chungin Games alo khel a, " Mampui, khawiah nge midang hi " Ka tih chuan en pawh min en lo hian "Apa chu Apu te in ah akal a, midang chu ka hrelo " ati puat a, a games khelh lai chu a tisual deuh aniang aphun zui nang nang bawk. ' Biak tlak loh lutuk ' ti hlakin ka chhuahsan leh a, U Hlua te nupa chu an room lamah an awm anih ka ring ringawt; U Nguri hi thla leh maiah nau nei thei mai tawh tur ani a, a in fit lo zualin neuh neuh angah ṭan a, zing karah hah vaklo a exer ala tih loh hi chu room ah atawm chawt tawh.
U Mafela nghak in Varanda ah ka ṭhu chhuak a, in chhung boruak leh pawn boruak chu a inthlau lutuk a, pawn boruak chuan minti hahdam sawng sawngin thei. Rei pawh ka ṭhut hma in kan in kawtah Bike ri atawp duk a, tunge tih ka hrechiang ngang mai, uluk deuhin kalo en a bike aṭang chuan hnehsawh zeta chhukin ka ṭhutna lam alo pan a. "Thu i awih hlemai " tiin a kiai suk a, ka bula lo ṭhut vemai atum chuan, " Char lamah emaw in chhungah awm zawk ang " tiin ka ding vata, ka din fel rual chuan inti neitu zetin ka kutah alo chelh leh hman tawh.
" In va reh ve " In chhung kan luh chuan ati sup a, ahawikual thuak bawk, Ka chhungte awmna ka hriat ang ang chu ka sawi a, bu nghatin couch a kan ṭhut hnuah chuan uluk deuh hian min en a, kan in ṭhut hnaih bawk nen ka chal a Band-aid ka bel pawh chu ahmuh loh reng ka ringlo, ahmu tih hriat takin " Tinge i chal chu " ati ta ngei a, alo tawh zeuh chuan ka nui tawi tak a. A chhan sawi hi ka chak hranlo, zanin hian sawi chhuah kher pawh ka tumlo bawk "Ka in tauh a" ka tih chuan a awih vaklo aniang aner nawka " Dawt awih awm loh tak ani " Ati hmuk a, chhuanlam siam leh mai dan tur pawh ka hrelo. Thudik hrilh chu duh mahila, bialpa te bulah " Ka u nen kan insual a ' ti a sawi chu ka thisenin a ngam hlawl lo ani.
U Mafela chu ka en a, thudik ka sawi hma loh chuan min zawt reng dawn tih lah achiang ropui si, Tunah tak hi chuan Mampuia lo chhuak se, fiamthu titak deuhin thil thleng vel kha lo sawi se kati lutuk ringawt, keimaha sawichhuak tur chuan azahthlak kati ngawih ngawih.
Chutah ka beisei loh deuhin min pawt hnai thut a, a kut phah hlai zeta ka biangah dawm in, a hmui nem thep a ka chal alo fawh chuan ka mit ka chhing a, ka mur er er mai.
Thaw chhuak suai suaiin ka hmuiah afawp a, zei zeta ka hmui hnuai apeh laite chuan thawk lak nachang hrelo in ka mit ka chhing ngawt ngawt a, " Ang deuh teh " zawite hian ati sar sar a, a aw rik chhuahdan sexy lutuk chuan minti za chhuak vekin ka hria. Ka hmui chu ti che in asawi ang chuan kati a, " I nu te anlo hawng thut angem? " ti sup in chhanna pawh ka pek hma chuan duhthawh zetin min fawp leh a; in fawh lamah kher kher hi chuan tawnhriat kala nei lo tluk ani a, U Mafela lah a zei ropui si, ka mit chhingin ka inhum ruh a, chhanlet dan ka thiam hlawllo.
Cont..
Show post links
Top
Pawn ah ka chhuak a, kawngpui dungah chuan ka kal a, U Mafela ka ngaihtuah chhuaklo theilo, Exer kan lakdun ṭhin laite chu ka ngaihtuaha, khatih lai khan ka bialpa anih ka ring ngailo a, ngaihtuah pawh ka ngaihtuah ngai heklo. Tunah erawh ka bialpa ani ve ta maia, ka ngaihtuah chian poh leh amak kati; Ngaihzawng neih chak na pawh nei ngai tawhlo ka nih laiin U Mafela erawh chuan awlsam te in ka thinlung min neih sak a, hmeichhe harhvang tak ah min siam leh nimai hian ka hria.
In a ka hawn leh chuan ka chhungte pawh anlo tho deuh vek tawh a, thlan tla khawpin ka inti hah lo bawk nen inbual ka tum lem lo a, ka phone ka thawhsan daih avangin ka phone la turin room ah ka lut a, U Faki pawh thawh tumin alo in tintuah vel mek ani. Ka lukham bula ka phone chu banin ka hmet eng pap a, screen ah ' Zing chibai, Ka bialnu ' tih hi alo lang vah a, nuih pui loh a thai bo daih chi anilo hrim hrim.
" I mutui em? Iva tho hma ve " ti a ka reply chuan a seen nghal zata, ka awih theilo zawk! Minlo reply leh mai dawn emaw ka tih laiin a reh vung vung lawi a, a seen rual khan typing kha a inti ngeiin ka hre bawk si, hnual deuhin ka phone chu ka hmet thim a, room aṭanga chhuah ka tum lai chuan call alo lut a, Phur lo deuha ka phone ka en chuan minlo call tu chu ka beisei loh deuhin U Mafela alo ni a, ka phu zawk thei.
" Hello " kati a, ka lai deuh ringawt mawle " Ila tho lo nge ka lo call che kha i ringhlela lak mai nachang i hrelo zawk " alo ti duah a, asawi dik bawk si chu sawi maitur ka hrelo reng reng " I ninawm " ka tih chuan anui hawka, a thawhna ala rei lo aniang a aw chu ala hnawk deuh ṭuak mai. " Thawhhlim aṭangin i ngaihawm " Cool ruih a alo tih chuan " I over ve chiang e, in ngaihna hman ala awmlo " kati hlak hlaka, hepa hian min tih zah atum ve hrim hrim aniang. Min chhaih reng anih chuan ka thinrim khum leh lovang tih pawh ahriat loh " Awm tehlul e, min ngailo tih ka hrethiam, lo belo che ila chuan minlo be dawn miahlo tihna ania " Ati kual leh vel a, thawpui la halhin ka khumah chuan kaṭhu a, sawi tur ka hrelo takzet.
" Ka tho hma lutuka phone pawh khawih lovin kawngpui dungah ka kal mai maia, bakah ka zak " kati halh a, inbe reng mahila Ka bialpa ani hi kala ringhlel tho. " Zah loh i zir vat angai anihchu, i laka pangchan ve te pawh ka chak dawna " Alo tih chuan ka ner nanga " I mutui em? " Ti sep in ka mengkual ralh a, hetia lai ṭut ṭut tur hi kani chiah em? In sangmar viau mahila ka lai tlat tho si a, ataka kan inhmuh leh hunah phei chuan awmdan pawh ka thiam dawn mawni.
" Zan ka hmanral tawh zawng zawngah nizan kha ka muttui ber ala ni ang " Alo ti leh dut dut a, " Naaa..min tih laih i tum ve hrim hrim, i senior tawh khatin inla zei vel suh aw, ka ten daih maiang che " Kati nang nanga, ka ten tak tak dawnlo tih erawh ka hrechiang lutuk. " Ka zei loh zia i la hre chho zel dawn alawm " ti sup in " Vawiin chu damlo entur bakah report leh thildang tihfel tur neuh neuh ka ngah dawn a, kalo be hmanlo maithei che a, ilo tih tauh bur bur loh nan zing ah kalo bia che anihhi, ka thawh hma phah ania aw, ka fel iti em? " alo tih chuan Ka nui hak haka, "Aw" ti let vatin U Mafela pawh chu thum deuhin alo nui ve hawk bawka, athusawi te khan engtiang chiahin nge min tih hlim ahrethiam kherlo ang.
Hmangaihtu ka neilo chu ka tilo, ka chhungte hian min hmangaih miau a; Mahse, mihringte'n kan mamawh leh kan thlakhlel em em ngaihsaktu leh duattu erawh ka vai ṭhin khawp mai, thil ka hriatthiam tirh aṭangin pachang takin khawvel hi ka hmachhawn angai a, ka chhungkua hi thinlung taka ka hmangaih avangin, ka chhungkaw tan ka phaktawkin hna ka thawk ve ṭhin bawk. Kanu leh ka laizawn neihchhunin Beidawng tak leh ṭap zawih zawiha min siam chang pawn insehruh fan fan chunga keimah leh keimah infuih a 'An awm ang hian ka awm ve kher tur anilo' ti a ka in bengdaih chang lah atam. Huat te, min ṭawngkhum anga ṭawngkhum ve te, min mamawh changa hnungchhawn ve hmak te hi chaklo ka ni biklo. Mahse, ka thei ngailo a, na deuha ṭawngkhum ka tum ve pawn ka hlawhtling ngailo.
U Mafela thilsawi tlem te ka hlimpui em em chhan hi in hrethiam em?
Ka zawh leh ka dil kher ngailo a, ka thil duh hre chattu hi an awm ngailo a, Ka chezia chik a, ka eichak thu ka hrilh ni miahlo a, Nimbu minlo leisak te kha midang tan chuan aho ani maithei katan erawh chuan ka sawi chhuah fo tur ka nuna thil thleng hlimawm ani tlat.
Atir khan Mipa cool leh ṭawng mawh deuh anih chu ka ringlo sa a, tunah hian ka ring suallo tih kahria, sawitur ahria a, keiin sawi tur ka hriat loh tehreng nen azarah sawitur ka hriat phah ni ber mai, kan inbiak tirha ka lai lutuk pawh kha kazia ṭana ka ṭawng ve siam siam tawh a, zawhna min zawt ni chiah silo in chhan ngei ngei ngaia thilsawi athiam a, kanla inbe reilo viau emaw ka tih laiin "Lalnunkim, room ah khan eng nge itih em em, i va tawm rei ve " Kanu'n alo ti a, a au ring bawk nen U Mafela pawn ahre thei aniang anui hawk a " Den tawh ṭhin ve " nuihza insum zetin alo ti a, " A mood aṭha vaklo a" ka tih let chuan " Dawh hram hram la aw, nu te chuan engpawh sawi se chhan pung pung hi amawilo a " Alo ti dam diaia, a thutak roh si sawi mai tur ka hre leh peklo a.
" Zanah kalo leng ang, chhunah pawh kalo be zeuh zeuh ang che, vawiin ah eng nge tih i tum hrim hrim? " atih chuan " Ka hrelo le, Angaihi te huanram ah ka kal ve maithei ani, i buai chuan minlo biak kher pawh angailo ania aw " kati duah a, ahna apawimawh si ka tihbuai ka hlau ani. " I pawimawh ve tho alawm, i chanchin chu minlo hrilh chiang leh la, I nu ankanemi a den emai ka dah rih ang e " Tih leh dah arual a, ka thaw nghal hak mai.
Phur sarhin room aṭang chuan ka chhuak a, ka tai na riai riai erawh a haider theih viau a; Tun ṭum ka hlawh la chu hlawh lak hmain ka urlawk reilo a, a tihzia khawp mai.
" Room ah khan eng em em nge itih, kan buai tih i hrereng sia " Kanu'n alo ti hlak hlaka " Phone a hmang " ka chhan hma in U Faki'n minlo tih khalh a, ala nui sawng zui. "Hmang ve bawk ang chu, hmang ve ngailo ang mai" Mampuia'n ati hmuka " Mipa vesi i va han ṭawngthei tak " U Faki chuan Mampuia melh rawm rawm pahin ati a, "Mipa ni mahila ṭawng na tur ka ka nei miau a, duh leh ka ṭawng ve ang chu" Mampuia lah a ngawi mai duh silo a, U Faki nise athinrim leh viau tawh bawk nen, thaw halhin an Pahniha ngaihven buai lo chuan kanu'n Chawhmeh siam tur a dah chhuah ho chu ka buaipui ta zawka, U Mafela ka biak laia ka hahdam riau na kha abo leh duak tawh.
" Faki, nangpawh phone khawih a nui huat huat renglo khan i nau hi lo pui verawh, engmah ti silo hian eirawngbawl hi i tumlo reng reng " Kanu chuan ati hlak hlaka, U Faki pawh anui tawp chiang lutuk, Ankasa tauh tura ka siam lai ani a, chawhmeh dang siam tur em em a awm tawhlo, Eirawngbawl zo tawh mahila 'A ngai tawhlo' tih kha ka tumlo a, Kanu'n U Faki atir ve hrim hrim hi alawmawm em a, eng emaw tal chu tih tir ve angai ang, U Faki pawn mak ati hle aniang chetsawn nachang pawh ahrelo a. " I nau chu pui rawh, Artui pawh leisa kan nei tawp nang, va lei ve rawh " Kanu bawkin ati leh a, " Dinfela pawh a awm renga dawr ah chuan kaltir mai rawh, eirawngbawl pawh ka thiamlo tih inhre renga, tinge min phut tlat le, bakah mo neilo pawh kan nilo a " Ati tan tana U Nguri awm ve rihlo chu ka lawm khawp mai, U Faki ṭawngkam mawilo ṭhin lutuk hi chu abuaithlak tak tak ani, hmeichhia ani a Mo ala ni ve dawn tih hi a hrelo nge angaihtuah thleng phak lo pawh ka hre nek love
" Nangpawh Mo ila ni ve dawn a, tuna i awmdan khan i pasala farnu awmdan tur ni dawn tase i lawm angem? I upa tawh, thil thui deuh te hi ngaihtuah thleng ve ṭhin rawh " Kati a, amah pawh ka en duh chuanglo; Kanu erawh choka aṭangin a chhuak tawh a, " Minlo hnial ve ziah suh Lalnunkim, i inla fel lutuk te hi i hneawm, Mo chu Mo anni a. Fanu anga awm tum tawh suh se, Mo ka nih ve hunah chuan ka tihtur chu ka hre viau ang, midang pawh an rai ve tho a, U Zeli pawn rai chungin inchhung chet engkim ati vek, kan mo vete hi kan duat lutuk a, awm ngaihna an hrelo anih hi, kan nuṭa te lah nep ropui si " Ti hlawih hlawih in min kalpel thuak a, min su tel kher bawk nen thleng a Ankasa tauh tur ka ken, ka sawngbawl vek tawh ka chu ka thlauh a, keilah hmeichhe zaidam tak nih loh sa laia ka hlawh lak lai ani kher bawk nen kasa phat a.
" Chhar fai vek rawh " Ka ti ṭhat a, thil pawi ati tih inhre miahlo a fridge a hawng kual velte chuan ka thin ati rim hluah hluah " I duh leh chhar maila, ka tihbuak pawh anilo" Ti lar larin min nuih sawng a, " Minlo sut avanga thlauh kani a, i thiamloh tihna anihchu, min su kher lo a i kal theih reng laiin min su lui a, chuvang chuan i tih buak tihna ani, lo chhar fai vek rawh " Ka ti leh hlar a, ka aw pawh ka dim thei tawhlo. " Ka chhar awmlo emai, khatiang tla tawh te chu paih la animai alawm " Awlsam zeta atih chuan ka kut chu a phe zawka eng nge ka tih pawh ka hre hmanlo, U Faki arak ṭhawt chuan ka harh zawka, thlengin kalo vawm chu niin " Zawngi" ti ṭhat in bottle in minlo vawm let ve a, indan emaw kalsawn pawh ka tum chuanglo, ka mit ka chhing tawp a, ka chal athip zawk rualin chhuatah bottle a tla ri rawk a, ka chal alum nghal pup pup lehnghal.
" Min ngam viau suh aw " Atih chuan " Ngam loh chhan tur che ka neilo " Ka ti a, tuna ka awmdam hi ka inchhir leh angem ka hrelo tuna atan erawh chuan ka thinrim a, engmah pawisak ka nei thei rih lo, " Bialpa i nei dek dek a, i mizia i hlauh nghal ringawt chu ania " Min thamlo fe in ati a, ner khum sakin "Min thik ami? " kati zang vah a, ka nuih tel kher bawk. U Faki chu a khur der dera " Hmelchhenu engtin maw min tih" ti hlarin a khek tuar a, min lo hnaih ruakin ka sam ah akek a, kei lah lo diau bik hek suh kan insual chu ani mai e.
" Awi! Eng nge awmzia, Dinfel, Pa-a lokal teh u " Kanu ṭe chul rualin kan in kek na sauh a, ka lu lei na ut ut chu ka haider a ka thinrim lutuk hi ka puakkeh mai dawnin ka hria. " U " Mampuia aw a mak tihna chu hai chi pawh anilo, " U..u ti lo khan ṭhelh ta che mawle, Lalrinhlu lokal teh " Ti leh chiamin minlo ṭhelh ngam silo in min kal hual thuak thuak a, " U, thlah rawh i sam atla kawlh vek dawn " Mampuia'n ka kawnga chelh pahin ati a, " Aih" ti vakin ka kek na leh sauh a, " Faki i nau kha thlah la, Kimi nangpawn i u kha thlah rawh " " Aih, min thlah loh chuan ka thlah dawnlo " U Faki'n ati hman ṭawk ang " In thlah nghal rawh u " U Rinhlua'n fiak ṭhakin ati a, ṭhelh buai kan ngai tawhlo kan inthlah nghal hlawk a, Mampuia min pawm bet nghalin hah zetin thawk kala halh halh mai.
" In zak em? " Chang khel khawlin U Rinhlua chuan ati a, hawi pawh ka hawichhuak ngam tawhlo, ka thinrim avanga ka ngaihtuahna tawi tup leh mang duk kha areh a, tunah chuan zahna in min tuam let ṭan mek ani. " In zak em ka tih chu " Atih nawn leh chuan " Aw " tim daiin kati a, heti taka U Hlua thinrim hi ka hre ngailo a, ka tha akhur ru der der mai. "Lalfakzual min chhang ve dawn em? " Vin fe in ati leh a, In hnit feih feih chungin U Faki pawn 'aw' ati ve a. " Zak hle tur inni, in nuṭa te hi kan insual lai inhmu ve tawh em? " Ahma aia aw ki dam zawk hian ati a mahse, ala hlauhawm tho, " Aih" U Faki nen kanti leh a, "In va han rapthlak dun tak em aw, room ah va tawm hmak rawh u " Kanu'n atih chuan " Lo inrawlh suh kanu, ka thu lo chuan heta ṭang hian an kalsawn dawnlo hrim hrim, kan hrin ve dawn pawn i chhan zela min hlauhna pawh an neih tawh loh hi, thil an tisual anih chuan a lehpek awm tawh lo tura tih sim an ngai " Ti ram hmakin " Mampui kanu nen khan chhuak rawh u " ati a, kanu pawn ahnial ngamlo aniang choka aṭang chuan achhuak a.
" Dinfel" Mampuia'n minla kuah tlat avang chuan ati hluka, U Hlua athinrim si Mampuia chu ahauh ve mai hlau in min kuahna chu ka phelh saka. Mampuia chhuah hnu chuan boruak a reh duk a, " In sam kha tuai mam rawh u " U Hlua'n atih chuan ka sam chu ka tuai mam thuak a, ka tuai zawng chuan ka lulei chu ana lutuka ka ṭhen sak sak mai.
" In insual khan nuam inti em? In hahdam sawt em? " "Aih" tih bawkin kan chhang leh a, " Ani reng asin, in buaina pawh zawt che u ila aho leh ngawt ang, Unau insual hi khawvelah aṭhing ber tih hria ula, in hmangaih a in duhsak tawn tur inni zawk asin, in insual leh angem? " Atih chuan kalu ka thing a, " Lalnunkim i ka in min chhang rawh" ati hmuk a, ka chhanglo ngam lo hrim hrim.
" Ka hmangaih che intu ula inkuah rawh u " Dawhkan khawn rik kauh pahin ati a, ka chechang eih lo, thawpui kala halh a " Inti dawn nange" Atih leh pawh chuan kala che eih lo a, ka thinrimna te kha chu areh nameuh mai mahse, aharsa ka ti ani. " Chutia kan tih kher chu angai ami? " U Faki chuan ati sep a, 'ngaihdam indil rawh u' minti se kan tan a awlsam zawk ang " Ngai e " U Rinhlua lahin ati bur bawksi, U Faki chu ka en a, ani pawn minlo en ve chiah a, kanla in melh no fahran chuanglo. " In ti dawnlo anih chuan room ah in awm anga, in phone pawh ka laksak ang che u, nileng zankhua in room ah ka kalh hnan dawn che u ania " Dawhtheilo zetin U Hlua chuan ati hmak hmaka.
Minute5 dawn kan ngawih leh hnuah chuan ka u sawi ang chuan kanti ta a, " Faki choka hnawk kha tifai la chuan Mate, i chal kha i nau tihfai tir rawh, i tihfai zawh ah i u Faki i pui dawn nia " Tiin choka aṭangin achhuak a, achhuah pahin " Mampui, i u chal saw va tihfai sak rawh " ati pah lawng lawng bawk. Ka chal chu ka khawih a, a nal pur a, ka khawih rual chuan athip zawk lehnghal, U Faki min vawmna kha ani tih ka hria a, kan insual ta si a kalo hrechhuak tawhlo reng reng anih hi, chutia ka hriatchhuah takah huan athip thar viau a, ka ngaihbel nge pawh ka hrelo e a.
Mampuia'n nui ruh ruh chungin ka chal chu atifai a, " A kak ve hleka, chal hi chu tuam arem chiah silo a, damdawi hnawih ila tuamlo mai ang aw " ati zung zunga, " Aih, Angaihite huanram ah ka kal dawna, bawlhhlawh alut palh ang Band-aid min belsak rawh " Katih chuan aner nang a, "Kallo mairawh i lu te ana ang, i lu lei te hi ana vek lo maw" Ati leh phawr phawr a, rum zeta ka melh te chu ahrelo der hmak. " Na ve ang chu " ti hlarin ahmaiah ka nam sawka, ala nui mai mai zui.
Ka chal a band-aid min belsak pah chuan "Kei Laldinfela hian nang Lalnunkimi hi Huaisen lawmman ka hlan che a, i huaisenna hi kan chhungkua in ka hrereng tawh ang" ati a, huat theih pawh anilo kanui a, U Hlua te nupa pawn Mampuia thusawi chu an hre pha ve aniang U Nguri anui uar ngang mai. Kan insual chhanah khan atel ve tih inhria se, hlim deuh hian anui thei angem tih ka ngaihtuah a, hre ngat sela chuan hlim takin anui hauh lovang tih ka chiang. Mihringte hi chu Kan hriat loh na hian minti nui in minlo ti hahdam mai mai zawk anih hi kati ta.
Chaw chu kan eitui fahran hlawm lo a, abik in U Faki nen chuan kan eitui lo zual a, thil awmlo lutuk pawh anilo. Zingah thinrim em em in kan inhniala kan insual bawka, kan insual zo chiah kan duh vang reng nilo in, kan inkuah a, kan lungawi lai pawha kan sawichhuah ngai loh 'Ka hmangaih che' kanla inti lehnghal a, darkar1 pawh aliam hma hauhin chaw kan ei leh bawk nen engkim chu athleng zung zung a, insiamem na hun pawh a awmlo hrim hrim.
" Tukinah ka awm loh laiin inlo insual ani awm a, minti zak hlemai, I U in ahrem tawh che u a engmah ka ti rihlo ang, athleng nawn leh anih erawh chuan ka ngawi mai mai dawnlo ania, pawi inti khawp ang " Kan chaw ei lai chuan Kapa'n ati hmak hmaka, " Unau hmeichhe pahnih chauh inni a, in thurual leh in duhsak tawn hle tur innih vei nen nang ni lah chu in in do deuh tlata, hetah hi chuan inu pawn thiam loh na anei " Atih zawm chuan, kanu ater nghal at a " Eng nge ka thiam loh anih na, ang khatin ka enkawl reng alawm " Ati tan tana, an hmuh loh tur in kaner nak mai.
Kanu in Angkhat atih leh keiin angkhat ka tih hi alo in an loh vang ani mahna, kan unau inkarah inremna a awm theih miah loh.
.
.
Chaw eikhamah Angaihi te huana kal tumin ka insiam a, Angaihi pawn minlo call leh sek tawh a, a za leh chung tawh anih hi. Lukhum khum ṭha mawlh mawlhin room aṭang chuan ka chhuak a, Ipte pui kalak laiin kanu'n "Khawnge ikal dawn " alo ti a, " Angaihi te Huanah" kati liam puat a, " School ah min kalpui hman kalo ring a " Atih leh chuan " U Faki hruai mairawh " tiin min chhanletna pawh nghak lo chuan in aṭangin ka chhuak a. Kanu ka chhan dan kha Nuamlo kati a, ka chhungril hi eng emaw ka hriatthiam loh thil hian afan raih raih a, nilengin ka awm anuamlo leh dawn tih ka chiang viau.
" I ki ropui nen chhuah itum ṭhin ami? I va han rei em em " Min hmuh rualin Angaihi'n alo ti nghal hlak hlaka, nuih tlawn mai loh chu thiamthu sawi tur ka neilo, " Apa a phi leh chung chung a, Anu lah avei thuak thuaka an nupa in an inhau leh hman alawm, an kal hmasa a scooty in kalve maiang " Ati bawrh bawrh a, " Short cut ah kal mai ila " ka tih chuan aner nang a, " Ka peihlo, lo chuang mai mairawh maimichhing chung pawn khalh ila ka tlukpui lovang che " ati leh hlak hlaka ka hnial leh chuan min kek hrep duh tawh ang tih ka hriat avangin ka bu ta nghat nghat a.
Scooty alakchhuah lai chuan A vahte pahnih chu kalo chhaih ve a, In chhung lamah an mo nu chu ari rawk rawka aphun pahin ka hria, " Kim, kal ang " Angaihi'n atih chuan ka tho vata, ka thawh rualin a vahte pahnih an ṭap titih a, " Ani, min hruai ve " tiin an per dat dat a, kalsan an hreawm zawk.
" In muang thei sia ka ning e, buai nen " In chhung aṭangin an mo nu alo phun chhuak hlak hlak a, "Lokal rawh u, kalchhuak apiang ngen ringawt zel mai ninawm lutuk " tiin a fate chu an hnungah abeng dun dawp dawp a, ka lo ip chawih chawih mai. Hmanhmawih deuhin Angaihi hnungah chuan ka chuangkai a, "Hneawm ania " Tlanchhuah pahin Angaihi'n ati hlaka, An Mo nu nen hian an in ngeih vak biklo. ka ṭhian anih avanga Angaihi ka ṭan lam nilo se U Mawii(An mo nu) hi azia adanglam ve a. a chhungte lak aṭangin A pasal hi lakhran atum ti ila ka sawisual lovang, Ai pui leh Ai te anei a, a mood a fuh in midang ai bak bakin a fuh a, a mood a chhiat lah in over khawpin a awm leh a, apawisawi zawngin aṭawng duh ve bawk si, a sual chu anilo a, mahse arilru aṭhalo.
Angaihi te hian khua aṭanga hla vaklo ah Huan an nei a, ahmun arem in aview anuam a, Kawngpui bulah ani bawk nen tunah hian Resort siam tumin an buaipui ve a, an buai ṭhin hle.
A hmun kan thlen ve chuan Nu Hlimi te nupa chu anlo in hnial leh bap bap tawh a, Pa Dika hnialhrat leh ṭawng tur hre lutuk chu " Hnial hrat thuduh Lulian lutuk pa " Nu Hlima'n ati chiama, nui ring ngam silo in ka nui vur vur mai; Nu Hlimi hi athinchhe ve a, sual erawh asual miahlo, Nu Rilru zau leh fiamthu duh deuh hi ani a, a fate lah a enkawl ṭha a, a pasal ahlau thiam bawk si an nupa hi an awh awm kati ṭhin a, hre veklo mahila an chhungkua hian buai nuai nuai an neih ka hre ngailo a, inhnial leh thu in hmuh loh chang chu annei ṭhin, Angaihi pawn min hrilh ve fo a mahse, keini chhungkua angin zingtin tlai tin an buai ve ngailo. Mo an neih hnuah erawh ahma aiin buaina an ngah a, U Rooney hi mipa nep deuh anilo hlauh hi a vanneihthlak, mipa nep deuh nupui ngamlo deuh chu ni sela an buai ve rap rap reng ang.
" In hahdam hunah chaw hmeh chu zawng ang u aw, Tlai lamah JCB alo thleng anga alai vek dawn si a, awi ka ui emai " Nu Hlimi chuan ati a, atawp lamah chuan aṭap lo chauh ani. Anu hmuh loh lamah Angaihi chu aner nang a, "Bawkbawn bak a awm loh hi, atui lo ropui si, JCB pawn alai vek dawn chuanglo, ui vak duh suh " U Zaia'n atih chuan Nu Hlimi'n rum zetin amelh a, "In hahthlak emai " ti hlakin, a phun leh nghal barh barh a.
" A laklawh leh dawn tlat, kalsan ang " Angaihi chuan ati a, Thlam aṭang a chhuakin Bawkbawn zawng tur chuan thlam aṭangin kan chhuak a, " Hmarcha pawh kha lo Mal tel ru aw " ti a Nu Hlimi min auh na chu kan chhanglet tawm lemlo. Bawkbawn chu duhthusamin alo tam a, "Hmarcha ka Mal peihlo, Bawkbawn hi ka kutah dah la Hmarcha i kutah ka dah ve ang " Angaihi'n ati a, kan inremsiam chu ani leh der. Bawkbawn zawn hi ka thiamlo lutuk a, a kung abuk deuh phei chuan lawh hmaih hi ka nei nual zel a, uluk deuhin ka en ve emaw ka intih pawn ka kalna hnuah Angaihi lawh tur ahmu leh ṭeuh zel. Chu ai chuan hmarcha Mal hi anuam kati zawk a, kan nuam tih a in anglo hi aṭha phian.
" Taka, i chal kha ngati nge " Hmarcha ka mal mawlh mawlh laiin ka chhakah Bawkbawn zawnga kun du du chungin ati a, amah pawh han en lemlo in " U Faki min vawmna anih hi, keiman ka vawm hmasa zawka " Kati a, hmarcha mal pah chuan thil thlendan chu ka hrilh mawlh mawlh a, Ka sawi zawh rualin Angaihi chu anui uar uar a, "I sam atla nasa em? " Ati a, ala nui hawk hawk tho. "Tla ve e, U Faki'n a phiat alawm " Katih chuan bawkbawn pakhat hian minlo vawm a, " Hlawh ilak lai hi chuan i den ve alawm, i zia hi i thlak chiang thei sia keipawn amak kati ṭhin " Ati a, asawi dik chiah, ka zia hi ka thlak lutuka keimah ang em em hian tumah an awm ve pawn ka ringlo.
" Chuan hrilh duh dang che kanei a, mahse hetia sawi chi anilo " Ka tih chuan abeng averh viau aniang ka chhakah thawm a awm nghal rawk rawka, rei pawh nghah angailo ka bul alo thleng fel der tawh. Lo nuih hak hakin " Eng nge" kati sep a, tur fe a min en ran chungin " Sawi mai maiteh, hun ka ngahlo " Ati hlar a, min vo nge min dawp pawh ka hrelo, thu min pe zawk pawh ani mahna.
" U Mafela nen kan in ngaizawng " Zawite a ka tih chuan ka hnung ari chawrh a, a thip nghal veng veng mai " Lerhi" ati chiam a, rang zeta ahmuiah hup sak nghal chawtin " I mawl lutuk bengchheng suh " pawr deuhin kati a, ka melhrum viau bawk. Min nuih tlawn ver verin " Ka rin sa ani hrim hrim a, amak kati vaklo " Ati leh lawi a, kei ai mahin ahlim zawk emaw tih mai tur ani.
.
.
.
" Lalnunkim, nangmah vangin sam ka thlah angaih phah " Darthlalanga a chal tuai vat vat chungin U Faki'n ati hlar a, chhanlet pawh ka chaklo e a; Thlenga ka vawm khan a chalah alo fuh ve tho aniang, thisen chhuak lo mahse, a pawng ul a, alandan chu a nuihzatthlak reuh lutuk. Chaw kan ei lai pawn Mampuia'n anuih vur vur renga, U Hlua ahlauh vang ni maw engmah asawi lo a, a mood erawh a chhia tih piahlam ani thung.
Vawiin ka hmarcha mal kha ahmun arem silo a, a awih bawk nen ka taksa ana ṭhum a, ka zawi hle bawk. Khumah thatchhe deuha ṭhu mu in U Faki chu ka thlir a, a lungawi lo ner kual vel te chu arukin ka nuih a, kanui tih hria sela chuan a ter ṭha leh khawp ang. A chal pawng ul chung chuan leng turin a insiam leh tho a, a chal chuan ati buai pha vaklo aniang.
U Mafela'n lo len atum a, msg a minlo hrilh lawk thlap in 'Room ah lo awm leh daih lo la, varanda ah min lo hmuak rawh ' alo ti a, a inti thu si, U Faki chhuah hnuah zawi deuh chungin room aṭang chuan ka chhuak ve a. Chhunah kan inbe mumallo bawk nen U Mafela lo leng tur chu ka phur angreng a, tih lan loh hram hram erawh ka tum ve tlat.
Ka chhungte chu an reh ṭhiap a, Khawiah nge an bo zawh diak pawh ka hrelo, Mampuia room ah chuan ka lut a, khumah mu chungin Games alo khel a, " Mampui, khawiah nge midang hi " Ka tih chuan en pawh min en lo hian "Apa chu Apu te in ah akal a, midang chu ka hrelo " ati puat a, a games khelh lai chu a tisual deuh aniang aphun zui nang nang bawk. ' Biak tlak loh lutuk ' ti hlakin ka chhuahsan leh a, U Hlua te nupa chu an room lamah an awm anih ka ring ringawt; U Nguri hi thla leh maiah nau nei thei mai tawh tur ani a, a in fit lo zualin neuh neuh angah ṭan a, zing karah hah vaklo a exer ala tih loh hi chu room ah atawm chawt tawh.
U Mafela nghak in Varanda ah ka ṭhu chhuak a, in chhung boruak leh pawn boruak chu a inthlau lutuk a, pawn boruak chuan minti hahdam sawng sawngin thei. Rei pawh ka ṭhut hma in kan in kawtah Bike ri atawp duk a, tunge tih ka hrechiang ngang mai, uluk deuhin kalo en a bike aṭang chuan hnehsawh zeta chhukin ka ṭhutna lam alo pan a. "Thu i awih hlemai " tiin a kiai suk a, ka bula lo ṭhut vemai atum chuan, " Char lamah emaw in chhungah awm zawk ang " tiin ka ding vata, ka din fel rual chuan inti neitu zetin ka kutah alo chelh leh hman tawh.
" In va reh ve " In chhung kan luh chuan ati sup a, ahawikual thuak bawk, Ka chhungte awmna ka hriat ang ang chu ka sawi a, bu nghatin couch a kan ṭhut hnuah chuan uluk deuh hian min en a, kan in ṭhut hnaih bawk nen ka chal a Band-aid ka bel pawh chu ahmuh loh reng ka ringlo, ahmu tih hriat takin " Tinge i chal chu " ati ta ngei a, alo tawh zeuh chuan ka nui tawi tak a. A chhan sawi hi ka chak hranlo, zanin hian sawi chhuah kher pawh ka tumlo bawk "Ka in tauh a" ka tih chuan a awih vaklo aniang aner nawka " Dawt awih awm loh tak ani " Ati hmuk a, chhuanlam siam leh mai dan tur pawh ka hrelo. Thudik hrilh chu duh mahila, bialpa te bulah " Ka u nen kan insual a ' ti a sawi chu ka thisenin a ngam hlawl lo ani.
U Mafela chu ka en a, thudik ka sawi hma loh chuan min zawt reng dawn tih lah achiang ropui si, Tunah tak hi chuan Mampuia lo chhuak se, fiamthu titak deuhin thil thleng vel kha lo sawi se kati lutuk ringawt, keimaha sawichhuak tur chuan azahthlak kati ngawih ngawih.
Chutah ka beisei loh deuhin min pawt hnai thut a, a kut phah hlai zeta ka biangah dawm in, a hmui nem thep a ka chal alo fawh chuan ka mit ka chhing a, ka mur er er mai.
Thaw chhuak suai suaiin ka hmuiah afawp a, zei zeta ka hmui hnuai apeh laite chuan thawk lak nachang hrelo in ka mit ka chhing ngawt ngawt a, " Ang deuh teh " zawite hian ati sar sar a, a aw rik chhuahdan sexy lutuk chuan minti za chhuak vekin ka hria. Ka hmui chu ti che in asawi ang chuan kati a, " I nu te anlo hawng thut angem? " ti sup in chhanna pawh ka pek hma chuan duhthawh zetin min fawp leh a; in fawh lamah kher kher hi chuan tawnhriat kala nei lo tluk ani a, U Mafela lah a zei ropui si, ka mit chhingin ka inhum ruh a, chhanlet dan ka thiam hlawllo.
Cont..
Show post links
Top