MY IDOL_JIMIN FANFICTION CHAPTER 5

Episode kal lai dah luhna

Moderator: writers

Roses Are Rosie
Posts: 289
Joined: February 23rd, 2020, 2:20 pm

MY IDOL_JIMIN FANFICTION CHAPTER 5

Unread post by Roses Are Rosie » February 28th, 2020, 2:14 pm

🦋MY IDOL🦋

đź’śJIMIN FANFICTION đź’ś

CHAPTER 5

---------------------



Awi karei leh!! Hetiang hi ka ti ang tih ngaihna reng reng ka hre lo, hmunphiattu maw ka nih a, engvanga dawt lo sawi khanglang nge maw ka ni hrep le?? Hetiang ka tih a ngaih phah a, ka hne lutuk, tiangte chuan engtikah mah Jimin mit ka la theih lo tawp ang, phiahfai tur lah chu a tam ropui si, an va han che hnawk thiam em em ve mawle, ka nu in hria se chuan a nung chungin min phum duh ka ring a ni..



"Hana, i phiah zawh tawh chuan makeup room saw tifai a la ngai aw" staff pakhat chuan a rawn ti a, kan inrual vel mai thei a ni, min tir kual nasa em em mai lehnghal, a la hre khawp ang, salaa..ka la na ka awmdan hi



"Awle ka lo ti ang" insum aw tak chuan ka ti a, ka zaidam em em hran lova, mi han vin chiam mai hi ka ching thin a, mahse ka rilru erawh a chhe hauh lo thung, ka thinrim pawn rei ka thinrim ngai lova, ho tete ah ka lungawi leh vat zel a ni


Makeup room lam chu ka pan ding nghal a, tumah an awm ka rin loh avang chuan ka phun peih nawk nawk a, karei, a hnawk rapthlak lutuk, chair te chu ka hung sawn ri thruai thruai a, ka thinrim deuh bawk nen, thawm ka dim lem lo khawp mai


"I tet nen², i va bengchheng ve" rawn ti tu avang chuan ka phu zawk a, rangtak chuan ka sir lam chu ka hawi thuai a, Jimin maw, mahse tinge a hma khan ka hmu miah lo le, awi ka tawng zawng² te kha a lo hre vek anga..va zia lo thei tak e aw..sawi mai tur ka hriat loh avang chuan ka nui ta ringawt a..a ni erawh a ngawi reng thung


"Ihh ka tihpalh, tumah an awm lo emaw ka tia" kun zauh² pah chuan ka ti a


"A pawi love..mahse nidangah chuan hna i thawh dawnin phun bul bul tawh suh ang che" ram hmak chuan a rawn ti a


"I thu lo ber ang" tih ka tum zet na in, ka ngawi ta zawk a, a reng² thu ah tinge maw ka lakah hian a sual bik em em le, ho tete ah hian min hau a, a tum bur reng zel bawk si, mipa chapo reuh lutuk mai, hmeltha viau lo se chuan ka vawthlu daih tawh ang


"Jimin hetah law i lo awm daih a, Construction chairman a lo thleng tawh a, lo phei tawh rawh" Jungkook chuan a rawn ti a


"Hana..i hman chuan meeting room ah thingpui rawn chawi lut lawk ta che" nui sang chuan a rawn ti a...


"Awle" tihpah chuan thingpui la tur chuan ka chhuak phei nghal a


Meeting room ka luh dawn ah kawngkhar lo inhawn sa avangin kan thlek kual vel phawt a..awi nilo..a ni thei lo, ka duh lo!! Aw lalpa leh ka pa a nih saw, engtin nge ka tih dawn?? Hetah ka awm tih a hriat vaih chuan a pawi dawn lutuk, class ka tlanbo tih a hre nghal dawn a, chubakah ka nu a hrilh ngei ngei bawk anga, awi ka va khawngaihthlak dawn tak, engtin nge ka ti ang, ka lut thei lovang, ka thingpui nen chuan ka let leh nghal vat vat a...



"Mr chairman, i hun chep tak karah min rawn tlawh hi kan lawm lutuk a nia"


"Lawmthu sawi a ngai lo, keini nupa zawk hi nia lawm chu, in zarah kan company pawn hma a sawn ngei ang, tha takin i thawk tlang ang u aw"


"Tehreng mai, Ngati nge thingpui hi a rawn va dah har em em ve, Khawinge kan nula thar te pawh kha, va en teh u" pd nim chuan a ti a...


"Ka va ngaihven ange" Jungkook chuan a ti a...




"Hana, ngati nge thingpui chu i rawn dah vat lo a"? Min tih chuan ka hlauthawng kher mai, engtin nge ka dah ngam ang, ka chhe vek dawn a sin, nilo thudik hrilh na hun chu a la awm em em ang, tun ah erawh ni lul lo, awi ka a thei takngial dawn


"Thingpui chu" a rawn tih chuan ka harh kawk thei

"Ihh..ahhh..Jungkook ka nuamsam lova, khawngaih takin nagman min dahsak mai la" inthlahrung tak chuan ka ngen ta tawp a


"Awle..nih khawi, va chawl hahdam rawh, kha i dang vek alwm, thlarau hmu te pawh i an kha le" tihpah chuan ka thingpui chawi lai chu a rawn la a


Enge ka tih tak ang aw..ngati nge ka pa ber kher, korea ramah hian construction company a tam teh lul nen, ngati nge kan company ber kher a lo nih aw..tiangte chuan hlauthawng reng rengin ka awm a ngai dawn a nih hi..ka pa te nen an thawkdun a nih vaih chuan min la man chhuak thuai dawn a nih hi..



Makeup room lamah chuan lut pheiin chair ah chuan hahdam tak chuan ka thu vang vang a..ka mut a chhuak a, reilo te ah ka muhil thuai a


"Nang² hetah maw??"


"Ka nu"


"Nang misual zakthei lo nu, i nu leh pa te hi min bum ngam amaw, fahrah angten i lo insawi a maw..lo kal teh kan vaw hrep teh ang che, zak thei lo lutuk mai


"Engmaw in sawi kha, fahrah i ni lo amaw" Jimin chuan thinrim tak chuan a rawn ti a


"Niloz Jimin i ngaih ang kha a ni lo, ka sawifiah thei a nia"


"Hmeichhe zakthei lo lutuk mai, mi bum ching hi engtik ah mah ka duh ngai lovang thlawk bo nghal rawh" tihpah chuan min rawn rek bet nghal a..


"Nilooo....Ka thang harh thut a, ka thlan lah chu a chhuak nasa em em lehnghal a, ka mumang lek chu lo ni in, thil thleng kha ka lo mangphan a ni..


Tu emaw in ka darah a rawn khawih thut avang chuan ka tre chhuak thut a..rangtak chuan ding nghalin "min ngaidam rawh, ka tum reng vang a ni lo" ka ti nghal sawk sawk a


"Enge i hriat a" chu aw chu ka hre chiang mai, rangtak chuan ka hawi chho vat a, Jimin lek chu lo ni in, ka thaw huai thei..


"Nang maw, tinge min zui kual reng a" zam map lo chuan ka ti a


"Khanglang che chuan, ka zui kual reng reng lo che, i muhil i tawngvai nasa lutuk a, ka rawn kaitho zawk che nih kha" a tih chuan awi lo hmel zet chuan ka ner sang a


"Chu min ngaihven deuh tihna mi" ka mitko san zeuh pah chuan ka ti a, a ni erawh rum thei ang berin min melh kar thung


"Hah..i mumang a nih dawn chu, nang hi ka ngaihtuah awzawng lo che, ka ngaihtuah ngai bawk hek lo ang che" tihpah chuan a chhuak nghal nal nal a, a tawngkam chuan tlem chuan min ti down ve deuh, tinge maw a thinrim vak chu le..


E, ka hmelthatna hian a zem a aniang, min hmuh te hian a lai tlat zelin ka hria, min ngaihtuah lo ang deuh hian a awm a, a ruk chuan min enthla reng ang chu mawle, mipa a nia, a feeling a ti lang ngam lo mai mai a niang, "lo lungngai suh aw, nangmah chuah hi lawm ka duh che" zawite chuan kan au a, ka hlim leh nghal em em, ka vannei a, thil reng reng hi a eng zawng hian ka thlir thiam a, rilru hah te pawh hi ka sawi ve mai mai, a hah tak tak ngai chuang lo...


Ban a hun chuan rangtak chuan ka tlanchhuak nghal a, dar 2 ah let tur kha ka nia, mahse ka plan lo angin thil a awm tak si ah chuan tution lakna turah tlan leh nghal char char ka ngai..ka taksa leh rilru hi a chawl hahdam thei ngai dawn lo a nih hi...



A hun takah tution class chu ka thleng a, kan ban dawnah ka nu chuan min rawn phone in min lo nghah thu a sawi a, rangtak chuan chhuak nghalin ka nu car ah chuan ka lut nghal a, ti hian thuawi ka lo ni leh ta reng mai, ka nu lawmna hi chu a va ho tak, bum a nuam reuh bawk sia, a ngaih ah chuan class kal tha lutuk angin min ngai a, vawiin nilengin class ah ka awm lo tih han hria se chuan a alh chhuah theih ka ring a ni, ka ngaihtuahna vang chuan ka nui chhuak hawk a, ka nu mak ti hmel te chu ka nuih a ti za zual sawt a...



JIMIN P.O.V




Ngati nge, henu hlir hi ka ngaihtuahna ah hian a awm le...a nui hmel duhawm tak te, a hmel te kha a chhe mawlh lo a ni, a piante lah kha a mawi reuh em em lehnghal a..a nuih zawngah a biangsum lang kar thin te kha, nilo...enge maw ka ngaihtuah le "park Jimin rilru fim pu rawh, ngaihzawng neih phalsak ve i ni lo" keimah chuan ka inbe mawlh mawlh a..


Mawl viau lo se chuan a famkim ngawt ang mawle..tinge maw a ni bawk chu ka ngaihtuah leh thin

Jungkook thingpui chawi chungah rawn lut chu mak ti takin kan lo en thap a

"Tehdaih chuan, tinge nangman i rawn ken daih a, khawinge a awm a" ka tih chuan "a dam lova, ka rawn pui a nih hi" a tih chuan mak tak maiin ka awm a ti nuam lo nghal veng veng a, a tha ngem?? Engtin nge a dam lo theih? A na viau a ngem?? Zawhna hlir chuan ka khat a ni ber mai, midang pawh zah zo lo chuan ka chhuak a

Hmanmawh tak chuan ka zawng nghal a, hmuh a la har phian zui, a tawp ah chuan ka hmu hram e, luh ka tum zet na in, kan ding khawmuang leh a, ngati nge a dam lo thu a sawi vangah tiang ah ka lo buai ve kher le, ka tan engmah a ni silo, ti mahila ka ngaihtuah lo thei bawk silo..

A muhil lai hmel chu ka en vang vang a, a hmel tha takzet a ni, a hmui no ser te chu fawh a chakawm hliah hliah, ka ngaihtuahna zet chu,atthlak tihzet chuan ka nui chhuak hawk a

Duh aiin Jungkook nen hian an innel mah mah, Jungkook pawh hian hmeichhia a ngaihsak vak lo nen, Hana erawh a care hle thung a, a ngaizawng deuh a mawn nile..nilo..a ni lo ang, Jungkook chuan tupawh a kawm thiam vek alawm, ka ngaihtuahna dik lo vel vek a ni hi..mahse tinge thikna ka lo nei ve ngawt le, kei hian ka duh ve tihna mi le, aih nilo ang, ka khawngaih vang chuah a ni ang...



"Jimin, enge i tih reng a, lo phei rawh practice a hun tawh" Suga Hyung chuan a rawn ti a

Construction company kan tihlar sak dawn avangin, Drama te, Dance te kan zir a, a hlimawm reuh phian lehnghal..


"Ka lo kal nghal Hyung" tihpah chuan dance room ah chuan ka zui lut nghal a


"Jimin enge maw i lo ngaihtuah leh thin ni, i part tur i theihngilh leh tawh nia" Namjoon Hyung chuan a ti a

"Ka tihpalh Hyung"


"Awle, ngaihtuah la, ti tha leh rawh le"


Ka part lak lah hi a harsa thei bik lutuk a, main ah ja din dawn avangin Uluk takah ka zir bik a ngai a, ka rilru ah lah kha hmeichhia pwisawi lo hmel zet, a rukah min cho em em tu hlir kha a rawn lang a, ka step ka tihsual phah ziah lehnghal

"Chawl lawk ang u" ka ti ta ringawt a, inphih harh ka ngai a ni


"Jimin tunlai i awmdan hi a mak hle mai, i tha meuh maw"? Taehyung chuan ka dar ah rawn ben thek thek pah chuan a ti a


"Umm..tha ka chuah deuh vang mai mai a niang, kan chawlh lah kha duh ang pawn ka hmang nuam ve hman silova" nui suk pah chuan ka ti a


"I sawi takah chuan i chawlh hmandan a hahthlak bik ngawt mai, ramhnuai ah i lo vak char char mai bawk sia" a tih chuan kan pahnih chuan kan nui vur vur a..




HANA P.O.V





Jimin leh Taehyung nui dun ka hmuh chuan ka lo hlim ve em em a, an inkawm ngeih hmel bawk si a, an bulah sawn awm ve a, nuih ve ka va chak tak, bang phen atang chuan an pahniha hlim takah nui chu ka lo thlir veng veng a, tu emaw hian min rawn khawih thut avang chuan ka phu zawk a


"Min ti hlau alawm, khatin min rawn khwih thut thut tawh suh" ka tih chuan Jungkook chu a nui vur vur a

"A nuam alawm, i hlau hmel hmuh hi" nui vur vur chung chuan a ti a, hepa han sualthiam zia hi chu aw

"Takah ka rawn zawng che a"


"Ngati nge, enge ni ta?"



"Pd nim in a office ah a ko che a, va kal vat rawh a tih chuan" ka hlauthawng nghal em em, engvanga hlauthawng ngawt nge ka nih pawh ka hre chuang lo na in, dawt ka lo sawi avang khan ka dawi zo vek tawh..


"Ngatan nge min tih a" bangbo tak chuan ka ti a

"Ka hre nang, va kal vat rawh, keipawh lam zir ka ngai, kan inhmuh leh vat dawn nia" tihpah chuan a kal nghal nal nal a

Ngatan nge pd nim chuan min tih ang aw, min ban dawn a ni mai thei a ni, min ban hlauh se pawi ka ti lo tawp ang, dawtsawi ngai reng hi ka ning, bakah chhelo deuhin hmun ka phiat bik ziah a, ka hne tawh lutuk, Jimin vangin ka tuar hram hram a


Pd nim office kawngkhar chu ka kik dat dat a

"Lo lut rawh" a tih chuan inthlahrung tak chuan ka lut a

"Lo thu rawh, biak lawk che ka duh a, a rei lo ang" a tih chuan


"Engthil nge ni ta, tihsual ka nei a mi" ka han ti mawi ve a..


"Nei lo e, englo nia video editing i thiam mial em"? A rawn tih chuan ka phu zawk thei

"Maw..aih..aaa ka thiam lo"



"A nih computer i hmang thiam em" a rawn ti leh a, ngati nge maw he pathaua hian thil min zawh vak vak mai chu aw, enge maw tih a tum le


"Thiam chuang lo"


"A nih enge i thiam, thiam pakhat tal i nei em?" Beidawn hmel zet chuan a rawn ti a


"Englo nia, ka vanduai a, thil chi hrang² hi chu ka zir kual ve nasa tho a, mahse han chhawr tlak na tur pakhat mah ka zir lova" ka tih chuan mak a ti hmel rap, a mit a khap fuk fuk mai


"Ngatan nge min zawh chiam a" ka tih chuan

"Aaa..eng ni hran love, tunlai chu kan indaih lo deuh a, min puih theih ka rin vang mawle, i hmel en aiin i tlaw zek lehnghal" min la ti zui, hrep chuan a, a ni pawn a thiam bik awm tawp silova, thiam nise a ti daih tawh ang, hotupa ber a nih vangin a thu mai mai bik tur a ni lo, BTS vang chuahah sum la lut thei a ni a, a hausakpui tawh ngawt ang, a dul pawh a kiar luah tawh lawm


"Ka tihpalh takzet a ni" inthiam lo hmel tak chuan ka ti a

"A pawi love..a nih khu kan building opposite ah BTS collection dawr khu tunlai chu an buai deuh a, thawktu pakhat a dam loh avangin pakhat chuah in a enkawl a, tunkar chu lo zukpui rawh aw, thil harsa a ni lo, bungrua lo thleng endik leh thil zawrh a ni mai, i ti theih ang tiraw" nui vur vur chung chuan a rawn ti a, ka haw takzet, hepa hian min hrem tihna mi, nge maw a hriat le, ka va peih lo tak, ka hnial ngam der silo, bakah hnathawk vak vak chi ka ni lo keichu, ka hriselna a chhia a, ka damlo phah ziah lehnghal..


"Aw" tih nan chuan ka bu zauh a


"I chhuak thei tawh ang, vawiin atangin lo zuk tan mai rawh aw" a rawn la tih phei chuan ka pheikhawk bun lai hian vawm pawp mai ka duh, ka pa hnenah ka hrilh dawn mawni, e ka hrilh leh thei silo, keimah leh keimah ka inhrem hi a ni ringawt..




JUNGKOOK P.O.V




Hana, tum bur chungah lo kal chu ka lo thlir vang vang a, henu hi ka ngaina a ni, a bulah awm a nuam si, a lawmzawng lah a ho thei bawk si, engtik lai pawh hian a hlim reng zel a, mi han zah vak lah hi a nei hran bawk silo


Army ni ve si, mi lah hi a ti huam huam ve bawk silo, a bulah ka awm hi chuan mak tak maiin ka chhungril hi phurna namem lo hian a rawn tuam thin..


Nu leh pa a nei tawh lo tih a sawi ni khan ka khawngaih takzet, he hmeichhia hi tu pawh nise ka ngaisang a ni, a mahin ti hian a college fee tur a thawk chhuak a, mahni inekawl zo tak hmeichhia hi ka duh chi tak a ni..


"Hana, i tha maw? Tinge i hmel chu Pd nim chuan enge a lo hrilh che a"? A hmel hlim thin tak kha a nguai tak avang chuan hlauhthawnna ka nei a, a lungngaih hi ka phal lo a ni, nilo ka hmu thei lo zawk, ngati nge tiang hian ka awm le, a ni hi ka duh tihna em ni?? Nilo² a ni lovang, ka ngaina tih chu ka hria, thian ang chuahin ka en a ni tih mahila, ka rilru leh ngaihtuahna chuan chutiang zawngin an en ve silo, zep rual lovin henu hi ka duh a ni

Mahse ka duh a ni tih ka lantir thei silo, ka tih theih zawng chu hlim takah awmtir a venhim chuah hi a ni..


"A tha lo takzet a ni Jungkook" a rawn tih phei chuan ka hlauthawng zual

"Ngati nge..enge thleng a? Sawi teh"


"Pd nim in in dawrah thawk turin min transfer a, ka down vek" a tih chuan ka nui chhuak hawk, henu hi chu a duhawm thlawt a ni, engmah han zep buai lah hi a nei bawk silo


"Aw, nih chu mawle, mahse helai ah hmunphiah ai te chuan a nuam daih zawk anh chu" dam diai chuan ka han ti a

"Ka duh lo lawm, hetah awm hi a nuam daih zawk" a ti a, a dangdai ve thei ngawt mai


"Zuk kal chhin la, nuam i ti ngawt ang, bakah thil en neuh² tur a tam a, i hlimpui phian mai thei sin" tiin ka han thlem kual a, hei pawh ka tih ngai lo thil a ni, ka hmeichhe thlem hmasak ber a la ni hial ang..henu hian min ti danglam nasa a ni


"Aaa..a nuam chuang lovang" tum bur chung chuan a ti a, kuah nawk nawk mai ka chak a ni, mahse ka ti ta lem lova

"Nitin kan kal ziah alawm" kan rawn nghahpui zeuh² dawn che lawm" ka han ti leh chuan tlem chuan a hmel hmuh a nuam ta deuh, a nui leh thei ta


"Maw..taktak maw, nihchuan Jimin pawh a rawn kal ve dawn tihna mi" nui vur vur chung chuan a ti a, Hana hian Jimin hi a duh chiang mai, kei nilo vin Jimin zawk pawh a lo hlimpui thin a, Jimin lah in a ngaihsak ve der silo, ngati a mah lawm miah lo tu hi a duh tlat mai le, tinge keimah zawk hi min hlimpui lo, thikna chuan min rawn tuam hlup hlup a, thawk chu kan la deuh hrawk a..


"Aw kal ang ka ring" nui sang chuan ka ti a, diktak chuan dawt ka hrilh a ni, dawrah kan kal ngai lo, a nuam lo ti hmel ka hmuh khan a hlim nan dawt ka sawi mai zawk a ni, mahse a hlim theih nan chuan nitin kal mai pawh ka hnial lo asin le..

Conti:

Vawiin chu ka ziak ngaihnawm thiam thlawt lo, BTS M/V thar hlir ka rilru ah a awm a..dah lo aia ka rawn dah zawk a ni, min lo hretiam hram hram ru aw..



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)