BEISEINA ARSI CHAPTER 14 by Nutty girl.

Episode kal lai dah luhna

Moderator: writers

Nutty girl
Posts: 52
Joined: May 2nd, 2020, 11:28 pm

BEISEINA ARSI CHAPTER 14 by Nutty girl.

Unread post by Nutty girl » June 30th, 2020, 7:57 pm

BEISEINA ARSI




🐼NUTTY GIRL🐼




CHAPTER 14



"Hey...nang ni kha lo chhuah pui ru,in ti hritlang mai mai," Siamsiami chuan a rawn ti tum bur. An pa nen an inhau tih ka sawi ngam sak.



"Lalremsiam,in pa i ngai a nih kha,"ka tih chuan min melh no lo lutuk ringawt. A kal tau ngawng ngawng mai.



"Baby Anna chhuak tawh ang aw,i hritlan chuan i hnar a ping vek anga i thaw tha thei lo mai ang,"ka tih chuan a bu ve nghat nghat.



U Matt-a chuan a pawm chhuak, keipawn an hnungah chuan ka zui ve. Felfeli te thian dun chu an nui uar uar.




"Eve...lo kal teh,thil te te ka hmuh ang che," Felfeli chun min rawn au vak vak. Ka sam hruk hul malh malh pah chuan an lam ka va pan.




"Hei video kan lo covera, nupa in an zia hi i hmu em,lawm hle rawh,"tiin U Matt-a nen Anna kan infiam pui lai chu min hmuh,an edit a music nenan ti thlap. Mawi ka lo ti em em. An sawi vang nge pawh ka hre lo,keimah pawhin nupa kan ang ka ti.



Ka duh ve thu sawiin ka kalsan daih. An thian dun chuan thildang an sawi leh nghal daih. An khek chel chul reng.



"Thil te te hmuh tur che ka nei,"tiin ka phone chu ka en kual dan. Felfelin WhatsApp a a video min lo thawn chu downloadin ka hmuh. Video a hmuh chuan a khi deuh suk mai.



"Na chang an va hre zawk ve,a model ten kan zir bawk a,"min sia sak in a ti. Ka phone chu min chhuhsak nghalin a inthawn nghal hmak. A lawm zawng nih vak pawh ka rin loh nen.




"Hei hi ka ngai tawh,"tiin rawn kun in,ka hmui a kutzungpuin a rawn tuai deuh thuak. Ka teu nghal hlar mai. Ka hawi kual thuak thuak,
tumahin min hmu lo hlauh e.



"Vawikhat mah ti tawh suh,"ka tih chuan," Ka kiss em che pawha ni hleinem,"a la ti duh chauh zui.



Kan ri ve nak nak a, lo tlai ve duai tawh. Siamsiami nen chuan a upa lam kan nih ve avangin chawhmeh kan siam.



Ka nu eitur siam tum ve kha chu tunah chuan huanlamah an vakchhuak daih. Kan awmna thlangah hian huan a awm bakah dil a awm. A puitling lam ho an in rawt phur, building enkawltu te nen an chhuk ta vek.



Naupang ho min hui khawm tir vek. Anna-i pawh tunah a mu a ,a zia hlauh. Felfeli te thian dun ka mutpui tir. Anna-i an awm loh chuan eirawng an bawl zawk tur thu ka sawi,nauawm an thlang zawk.



"Ti hian nitin hmu thei che ila,"ka hnunga min rawn kuah thuih pah chuan U Matt-a chuan a rawn ti sup.



A lam hawia ka inher chuan ka hmuiah min rawn fawp vawng vawng. "Hey,i van a tak,"in la hrang vat chuan ka ti. Ah... Siamsiami a lo awm tawh miah lo.



"A chhuak lawk alawm,"ka bengbula rawn kun hniam chuan a rawn ti sup. "A za,"ka ngawng a rawn thawk khum ham ham chuan ka ti vat. Za ka tih vang hian a la tilui zel zui leh nghal.



"Nangni pahnih hi in ninawm,in tenawm. Kei ve hmuh pawh ka hmu ve thei lo a nangni ve in in ei lo chauh a,fair lo bik lutuk," Siamsiami chuan arawn ti nghal hlak hlak. A bialpa ngai hi midang hi min hau min hau mai ni.



"Lo kal ve turin sawm rawh ka tih ka tih che kha."



"Lawmsangkim,mawl viau lo teh,ka ngam i ring ami?"a hma ai zawngin a thinrim. "Ti khan lo bawl mai rawh u,ka hne che u,"tiin min chhuah tauh san daih.



"Hei hei,chhungkaw li eitur keiman ka tih zawh vek theih i ring a mi?"tiin ka au zui lawng lawng. Han umzui mak ka tum chu U Matt-a chuan min pawt ding.



"Kan bawl mai dawn nia,chaw kha chu Pu Kima(house enkawltu kha aw)khan ka lo chhum mai ang a tih kha,"a tih chuan ka nuih a za zawk. A siam thiam pawh ka ring lo e a.



Thaw deuh hak chuan ka en vang vang."Min pui lo zawk mai rawh,min ti buai vek palh ang,"ka tih chuan chal ti chuar nungin min en.



"Aw...engnge nih leh nih leh, engtiang pawhin i siam dawn nia," ka ti ta ringawt. Thlai kan zai ve mawlh mawlh.


U Matt-a phei chu zei tak a ni mai. Chef tak tak ang hi a ni mai. A zei hawi vel vek mai ni.



Chutia amah ka en vang vang lai chuan ka awm zawn chu a rawn na thut. Ka lu a rawn hai thut bawk,thleng dahna ah chuan ka in chelh hman, thleng tla ri bawl chu ka hria.



"Ka hmangaih em em te,i tha em?"a rawn ti vat. Ka that thu leh ka lu rawn hai zawk chauh a nih thu ka sawi. Engmah ti ve tawh hrih lo in min hrilh.



Puan var pakhat chu cabinet atang lain a ti huh, ka lu min tuam sak. "Ti khan lo awm mai mai rawh,engkim ka lo tifel vek mai chuan i mit hmang nasa suh ang che,"tiin apron chu a ve sawk sawk. A in hmeh tih piah lam a ni.




Engtin mah ka awm chhun zawm tawh lo bawk a,puih ka tum pawh chuan a phal tlat lo. "Min ring tawp mai rawh,"a ti tlat.




"Khawnge midang ho hi?" Nico a rawn lut ve hlawl. Kan thlen hnu hian ka hmuh awm pawh ka hre lo e a. A ni hi chua a zia a dang ve hrim hrim a.



"Dilah an kal,"tiin ka chhang ve mai. Chaw hmeh chu a lo en kual dun dun. Ka lu tuam luk a hmuh chuan u Matt-a a en vut. U Matt-an eirawng bawl puiah a sawm. A lo 'aw' ve mai bawk.



An thiam ka ring lo chu ka en ngawih ngawih ringawt mahse an che vel chu an zei hawi viau lawi bawk sia. Ka ngaih a tha ta deuh hlek.


Mipa pahnih chokaa an han che vel chu hmuh nawm tham tak an ni. Unau in hmuh that theih loh hi ti mahse ka unaupa hi chu a vantlang chunglam tih ka pawm thlap.



An pa lian dun bawk si,rin aiin an zei zek bawk nen. Kei meuh pawn hmuhnawm ti em em in ka thlir char char. A khat tawkin ka that leh that loh min zawt reng.(Thlalak nen ka mitthlaa keimah pawh hi ka lo luangliam zawih zawih😆)



Ka nute an lo thlen chuan kan lo bawl fel hman vek tawh. Sangha an rawn hawn nual,an han fry leh te te phawt ah,ril tam tawh nak a laiin.



Chaw kan ei lai chuan chawhmeh an fak char char. An siam tih sawi ka tum chuan an mitmengin min khap nghal char char. Ka siamah an sawi vek ta ringawt.



Hetianga tuiin ka siamthiam pawh ka in ring lo tih vel ka ni mai siah. Kei ngei pawh chuan an chawhmeh siam chu tui ka ti khawp mai, kei leh kei lo angin ka ei teuh.



Chaw kan eikham chuan kan nute hoin an tifel ta vek. An ri deuh chul reng mai. Kan pate ho pawh an phur lutuk lem loh nen,an han awm khawm chu nuam an ti ve hle.



"Tinge inchaw hmeh siam a ni tih sawi in duh lo a?"tia mipa pahnihte ka zawh chuan ,"An zawng chhang anga,min bawl tir char char ang,"an ti awl sam et leh nghal. Ka nuih ta ringawt.



"Helai ngaihawm zia hi, school trip kan neih lai kha chuan helaiah hian tuemaw ni chuan Ruthchhiai a zui duan duan kha nia,"mei chhema kan thut bial laih lai chuan ka nuin a rawn ti.



Ka pa tih loh chu puitling ho an nui dar dar. Ka pa erawh a nui eih lo,a tum nghal hmuk mai. Ka nu hian ka pa han tihthinrim zauh hi nuam a ti. Chutih hunah chuan an nunhlui hi a sawi chhuak leh zauh zel.



Guitar lain ka nu teho an zai ve dial dial. U Matt-a lahin chance ah ngaiin tlema hmun biru lai deuhah chuanmin kal pui.( Rinpuian sir Joseph-a leh Nsi a hmuh na kha aw😆)



"Ka car chhung ka ngai tawh lawm,nge ni a kan kissing spot,"min melh deuh runa a tih chuan a banah ka beng nghal pawp. Ka thu sawi kha hre hman lo se ka tih zia chu a. Thil hi k alo sawi leh phawng phawng zel.



A bula ka awm hi chuan hun hi a kal chhak theih zia hi. Kan ti ti melh melh lai chuan Simsiami bawkin min rawn au leh. A bialpa ngai bawk si hi ka khawngaih.



Building lama kan let leh chuan,kawta an meichhem pawh a lo mit fel vek tawh. In chhungah an lo ri nak nak hlawm tawh bawk.



"Nangni pahnih hi in mu daih tawh emaw tia,"tiin Nu Ruatkimi chuan min rawn chhaih leh hram. Hui...ka hah zawk ka nute thianho hi chu mi tih zah dan tur hlir hian an khat a.


Anna i chu kan bulah a rawn kal,a barbie ken te chu min hmuhin thil a sawi ve siam siam. Anuin mu tur a a auh chuan ,ring leng lawngin kan bula a mut duh thu a sawi.



Ka nu leh pa chuan min melh rang hle. Ka nu Lizz-i te ho phei chuan fiamthuah an la,an nuih pui an nuih pui.



Rei pawh awm lo chuan inchunglamah kan chho daih. Kan awm leh awm loh pawh an hre tawp lovang. An buai buaiin an buai...



"Le...good ninght kiss,"tiin a rawn kun hniam nghal zat. A hma ang em em kha chuan ka zak tawh lo. Ding di hlip ak ak chung chuan a hmuiah ka han nawr zeuh.



"Zanin rei deuh phone khawih suh ang che aw,i lu a hai leh palh ang,."tiin ka chal ah a fawp vang vang.



Room chhunga ka luh chuan Siamsiami chuan min melh no lo teh e. An pain a be hman leh pek tawh lo aniang.



Duhzuala hi chu SU a nih bakah,amah hi a taima hrim hrim bawk a. Englai pawh hian a buai emaw tih mai tur ani. Siamsiami lah hian biak reng hi a chak thin bawk sia kan buai nuai zel.




"A buai ve anih kha aw,keini pawh ngaihtuah la tunah chauh kan in hmu thei a, college lama u Matt-a a buai lai phei chuan ka hmuh theih ngai loh kha,"tiin rei fe kan inthlem,a tawp a tawpah kan inthlem lungawi thei hram.



"Ka dan hi lo hria ang che,pakhatna zan ka mu hma ngai lo. Pahnihna ka tho hma ngai lo. Chu zawng chu,movies ka en dawn,muttui,zingah min rawn ti harh suh ang che,"tiin rizaiin a in khuh nghal hmiah.



Ka mu ve nghal hmiah. Rei pawh ka mu lo tihah chuan ka mut a chhuak nghal thuai mai. Ka thang harh hlawl ka awm zawn chu a na veng veng.



A reh mai dawn emaw ka tia tunlai chu a zual telh telh leh nghal. Thawk lampang a harsat deuh avang chuan balcony-ah chuan ka chhuak,ka ding deuh vang vang.




A tawi leh hle ni..min lo hau bawrh bawrh mai teh u. Matt leh Nico awm dun mawlh khi💜ka tim uai uai thei.Nizan lamah Baby Anna ka mumangah a lo in lar hlawl mai,a la sual em em zui😂.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
Post Reply

Who is online

Users browsing this forum: Abbra Reo Ririni, Emily Nunui Colney, Google Adsense [Bot] and 40 guests