Chapter - 1
Hey guys, tun hi ka story ziah ve hmasa ber tur a nia, thu leh hla hi ka thiam em em lo a, mahse tu pawn dream kan nei vek a, a bikin relationship lamah,
, chuan tupawn mi tha tak leh min hmangaih deuh tu tawn kan chak theuh a, mahse tunah hi chuanLo chhiar tawp zawk mai ru
PROLOGUE
"Nang kha lo ding nghal rawh, tlanchhiat tum reng lo khan, min hmachhawn ngam ta che, kum 5 ngawt min pehhel tumin i bibo tawh a ni lawm ni" rawn ti hrawk tu lam chu en let pawh duh lo in office atangin ka tlan chhuak nghal nal nal.
Car chhungah chuan ka thu lut hnawk a, ka phone a rawn ri zui nghal nalh a, screen a hming lo lang ka hmuh rualin ka thlaphanna leh manganna a zual sauh leh nghal.
Mit ka chhing vang vanga, ka driver poh rawn lut nghalin kan tlan chhuak nghal a, kalkawngah chuan chhing riai riai in kum 5 kal ta a, thil thleng ka ngaihtuah let a,
Keihi Kathryn Lalnunpuii, kum 25, IAS ( Indian Administrative Service ) hna chelh lai mek, tunah hian Mumbai district pakhata district collector officer anga post ka ni a, chhungkaw member 4 kan ni thin a, vanduaithlak takin 2019 Sept thlaah ka pain min boral san a, mahse tunah pawh hian member 4 tho kan la ni, ka nu in min la dampui a, ka nau hian tunah bussiness a ma pualin a tan ve mek bawk a, tet lai atanga sawrkar hna thawk nih tum lo bur leh mi tumruh tak a ni a, ka sawi hmaih loh tur bawk chu kei hian Upsc exam ka tlin kumin fa ka pai bawk.
Hna tha tak leh zahawm tak chelh si a, sawn pai chu in ti mai thei, ni e mahse engkim pawn lama a lan ang vek hi a ni ngai lo tih chu in hriat ve tho kha.
In ka thlen chuan ka nu leh ka fapa kum 2 mi Alan chuan kal chhet chhet chung hian kan in compound ah chuan min lo hmuak a,
Tichuan he thil hi chiang takin ka hria a ni, Lalrinsanga khan engtiang dinhmunah pawh nise kan awmna hi a rawn zawng hmu dawn tih hi,
Khum ah chuan ka fapa chu mutpui pahin rhymes ka sak sak a, " bawihte, sawi tur ka va hre lo em, i rawn thanglian anga pa i duh thu i la sawi ve ngei awm sia, mahse min hrethiam rawh aw, bumtu hnenah hian let leh ka duh tawh lo a ni"
Start
"Bawihte i kal tawh dawn mi" tiin room atanga ka chhuak chiah chu ka nu in min rawn melh zawk pahin breakfast tur a buaipui nghal a, " aw, ka kal " tih leh tlan titih a rual a. Ka pa'n "tha deuhin aw, kan lo tawngtai pui zel che nia" a tih pawh chuan "ka lawm e" tiin chak zetin ka tlan a, kawng lakah chuan bang anga chhah tha zet mai mahse bang ti dawn ila bang ai chuan a la dup ang tih tur hi ka su dawt a, kei lah cher lampang leh sang em em lemlo ka lo ni bawk nen kawng puiah chuan ka tlu bawk thlawrh a,
Ka thinrim bawk si, zak bawk si chuan, a hmel leh pian pawh en lem lo in, " min kaihthawh i tum miah lo mi" ka han ti hrawk a, ka han hawi chho, a hmel ka hmu chiah " awi nu ka duh thei lo, engtin nge hetiang ang, nilo mumang a ni mumang" ka mit vai emaw ka tih chu kan nuai nawk nawk a, " nilo a tak ngei a ni si" tiin ka phun sup a, chupa lah chuan chik zet a min melh khui chung chuan " ka kut hi i hmu lo nge i na der zawk " a rawn ti thum dut,
Ka hamhaih nen tawng dan tur hre tawh lo chu harh chhuak thutin "ni tak " ti a phun sep in ka tlan leh nal nal,
Kan college thleng tep a, thaw hlawp hlawp a ka tlan lai chuan kan college bul deuh lawk a, cafe nuam tak mai awmna hmun atanga kan classmate Lalvenhima (ven-a),chhelo leh zei zet mai nike jordan var buna Supreme T shirt dum, ama ta tur bika siam emaw tih mai tur hi a ha a, uggg, hmeichhe ho chu an buai leh dawn teh e, kei engmah ah a thawk phal lo, huiii ngaihtuah lo teh a ho emai, min lo ko ding a,
I va hmanhmawh ve,kan subject an in an tho kha, min lo nghak rawh a tia, mahse a bula awm hi hreawm ka ti ru tlat, vawi tam min duh thu min hrilh tawh, mahse hetiang lam ka ngaihsak loh bakah ka lungdumtu hi ka la tawng lo aniang tiin ka ngaihtuah mai zel.
Class kan lut a, ka thian kawm ve ber Mawitei pawh a lo thu leh vang tawh , class tan hma minute 5 la awm hui , vawiin hi internal test neihni a ni a, class ah pawh a thiam ber pawl ka ni thin a, mahse exam emaw test a awm apiang hian a huphurh pawl leh serious leh tense pawl ka ni ber ziah, professor te rawn luh hmaiin ka zirlai ka en nawn mawlh mawlh a,
Ka thiannu mawitei chuan a phone khawih pahin " hey duatber, lo en teh, awi ka star zia hi, chhelo bawk si, lehkhathiam bawk si,pa bawk si, a pian te hi engkim a bu ang thlapa a, Pathianin a duang a ni ngei ang ,keizawng ka tuiral hnawp"
"Eng chu maw i sawi a" , awi nang hi hei en ta che i hre lehpek nang e, tia min rawn nghawk sawk chuan " ninawm, kiri, mi thil revise ve te, test zawhah i sawi mai dawn nia, i ninawm " tiin ka hawi sawn hmak a, kan piah lama Vena'n min lo nuih suk ka hmu hman a,
"Eki i va zo har bik ve ninawm, i rei thei si ka nghak tawh ngai lo ang che" tih pah chuan mawitei chu a kal sawi nghawng nghawng a, a hnunglam atanga va kuah pah chuan, "hey nuam lo zawk zawk a nih loh kha aw, saw i arsi in a lo thlek leh dawk dawk tawh saw" tih pahin ka tlansan a, min lo um pahin" hmeli i chak lo ang " teng zet a tih pah chuan min rawn zui, hmeichhe tawng duh ve tak ka ni chuanglo nain ka hmelhriat tha te leh chhunghnaivai te lakah chuan ka kam tam phian zel,
Thil zep si se mi ka ni lo a, ka frank lutuk bawk, mahse ka buaina mai a ni zawk thin, ka thiannu mawitei chu tlawn titih pah hian
" hey, thinrim tawh lo la, ka rawh canteen ah thil ka treat ang che" vela che kha tia min tih leh chuan ka be tawh ngai lo ang che,
Tluangtea hi chu a engzawng pawh hian ka duh lo fai vek, a fel in cool em em mahse, ka ka... A ka sawi ka peih tawh lo, " ka zawt che mi" inno deuh hian kan melh a, canteen kan lut chiah chu , chawl an lo tam mai a, kil khatah kan thu a, kan ei zawh chuan ke in kan haw mai thin a, a nuam kan ti zawk a,
" Engmaw, nichin a test dawn laia, i thusawi kha," ka tih chuan Mawitei chuan, " E kha kha maw, kha tun hnai a, Charter accountant thar kha, awi chhelo over si, pa bawk si, kha hei a pic, mahse i changlo aw, keima ta tur" a ti zui bawrh bawrh a, phone a thlalak ka en chuan hmuh tawh hnu ang ka ti bawk si,"E tukin zing a mi kha ni chiah mai" ka tih sup chuan Mawitei chuan "awihawm loh loh" rawn tih pah chuan min nghawk sawk a,
Mawitei te in leh kan in hi a in hnaih a ,kan in piah deuh lawk , kawng kawi maiah an in a awm a, kan veng zotlang hrim hrim ah pawh hmun laili lo deuh lai ah kan awm a, ka pain fianrial leh hmun reh deuh hlek a ngainat vangin kan in pawh hi a fianrial deuh a, ka la sawi loh chu ka pa hi Navy officer a ni a, mahse a pension tawh avangin Mizoramah insawn chho kan ni reng bawka,
ka pianna hmun tak hi chu Chandigarh daih a ni a, vairama seilian vek kan ni a, ka nau nen hian hmeichhe pahnih e ti lo chuan kan in ang lo hle a, kan thil duhzawng leh tui zawng te nen thleng hian, Hindi leh english chuan ka duh tawkin ka tawng thei bawk a, mizo pawh tet lai a phaia awm ni mah ila ka nu leh pa te hian hnam tawng an ngaihpawimawh em vangin ka thiam em em bawk.
Keichuan ka pian tirh ata tawh, tun thleng hian single life chiah ka la tem, mahse ka nau ve thung chu, a rem rem ti ve thei zel mahse kuhva leh sahdah etc gutkha product lam niloin, beer leh eng eng emaw drinks lampang etc, chuan mipa hi chu a infiamna ang leh, ka nau angin ka pian hi nalh in inkhaithli ve thlarh lo mahse, keima tawkah chuan a fuh ve hle chuan ka hria a, mi te chuan ka hmeltha an tih thu hi hahipin an sawi chamchi zel a, ka vun pawh a ngo in a no chek mai a, ka vanneihna pakhat a ni ve tlat.
In ka thlen chuan ka room ah lutin khumah ka mu bawk thlawrh, haw kawng tluana kan titi na, tukin zinga ka mi sut chawrh pa Lalrinsanga tunhnai lawka C.A (Charter Accountant) zo chiah pa a ni tih ka ngaihtuah chhuah chuan ka mur sung sung mai in ka in hria, a pa in a cool ruih mai bawk nen chhelo fia fia tak hi a ni ringawt, sang tak a ni bawk a lo berah 6.0 ft a nih loh vek pawn 5.12 ft tal chu a niang.Min han duh mai ta se, harhchhuak thutin ka hmai ka beng sawk a, hui thil ni lo pui pui zeldin hi ching suh tiin kan in sik nghal vak ringawt.
Tlai lam ka inbual zo chiah towel ka bah that mek lai chuan ka message tone lo ri in ka en nghal a, Mawitei niin a pawimawh ka rin lem loh avang chuan ka inthlak hmasa phawt a, ka pa hi navy a tang a nih vangin a khirh in a duh tui em bawk a, ka pa chu a hna avanga kan bulah a awm tlem thei em a, zin deuh reng leh parol deuh reng a ngaih thin vangin ka nu ang em em chuan ka nel lo mahse ka pa chuan min duat em em a, kan in be tam ngailo a, tawng tam lo tak a lo ni bawk nen, tuipui hi a in a ni ringawt thin a, ka nu bulah pawh kan b'day ah te chuan lo haw ve thin turin ka nu hnenah lo hrilh turin ka chah fo, mahse a thleng ngai chuang hlei lo. A tawpah kan in hrethiam leh nge nge zel a.
Chuvang bawk chu a niang ka pa ka chhun a ka duh khirh in ka duh tui emem bawk, ka inthlak zawh chuan ka study table ah ka zir tur phawrh chhuak in ka zir malh malh a
Dinner kil zawh chuan message chu ka check a, kan college chuan function pawimawh tak a nei dawn a lo ni renga, guest person tur chu 'unknown ' a in ti kalh a,
Mawitei chu call in " nge hei hi min rawn thawn a, ho si " tiin ka va an khum hrep a, "hey ti khan min rawn vin vak vak zel suh, guest person tur chu Lalrinsanga kha ni chiang ang ti ro, i ring ve em ?, awi kei chu ni se ka van ti em? Ka tliak hnawp" tiin a rawn pawt zawt zawt a, " Ho em mai , ka dah dawn " tih pahin Ka dah hmak
Thawveng si, ka kut hi i hmu lo nge i na der zawk, ka ngaihtuah let hian ka zak hnuhnawh , mi pui tam lai kar ah lehnghal, ngaihtuah ka duh tawh lo mahse ka ngaihtuah zel bawk si, ka nau chuan u dawrah ka kal dawn i kal ve duh em tiin min rawn hrilh ru sa sa a, ka lu lo buk hnanin a rukin ka nu te hriat lohin kan chhuak zal zal a, kan in hi fianrial deuh a nih avangin dawr hi a hla hret a, dawr kan thlenga kan thil duh kan lam khawm a, kan haw lam kawngkawi kan in pawh a lang thei tan tih ah chhaklam kil deuh atanga tlangval leh tleirawl lampang rawn kal phei hi kan hmu dun a, a thim ve deuh reuh sia ka hlau ru khawp mai,
mahse an rawn hnai telh telh tihah chuan tleirawl zawk chuan ka nau chu a rawn be ta hlauh a, "Lawma hei ka u kath a nih hi" tiin min han in hmelhriat tir a , Lawma chuan " E nih chu , hei ka cousin Lalrinsanga a nih hi" tih a a kawh zawk pa ka en chuan ka thaw a tawp dawn ni mai hian ka hria, hawi pawh ka hawi chhuak ngam tawh lo, engemaw ni le ka sa pup pup a, ka thlan a tla hial te hian ka hria, ka nau leh Lawma chu an in be luam a, an inhriat that hmel hle mai, chutah ka han hawi chho chiah chu mitmeng nalh fahran karah nui suk hmel ka han hmu a, ka khur ru der der mai, kei mipa pawh ngaihsak nachang hre lo hi, mipa vawiina ka hmuh vang mai in ka khur ru der der chu a ni sia,
Chutah rawn tawng chhuak hmasa in " Hi Min la hria em, tukin a min rawn su tu kha i ni " a rawn ti sup chu ka lo ner nghal nung a hmuh chuan a rawn nui nghal suk a,
hepa hi enge mo a nih le, ka tiril a khur hlawk hlawk mai, " ka thiam lohna a awm miah lo a nia aw, kawng ah khan i awm tih ka hre lo hrim hrim, nangmah kha nih kha hnungzawnga lo ding chu, kawng lai lai a, lo din te chu a, i che thing em mai" kan ti ngawt pek a, Chutah " inbengdai rawh , i thiam lo tih ka sawi em" a rawn tih leh chuan ka puak Keh mai dawn a ka hriat Vangin ka nau chu " Hmanhmawh rawh, ka kalsan dawn che nia" tih leh kal ka rual a,
ka nau chu ka hnung a lo tlan dawr dawrin " U tinge a i kal daih, Lawma cousin kha a chhelo tiraw, ui ka star tawp, zirsang bawk si, kan veng hmeichhia ho pawh an awm hle hle thei lo reng reng, an in bawr velah an vei nuk nuk mai" ka ding dat a" kha mite kha kan vengah hian an awm ve maw" ka tih chuan " Um an hauhsa teh asin, kan in atanga lang thei in hring lian zet saw an in alawm, nangchu i hawi zau lo em a, sunday inkhawm leh class kal bak lo hi chu pawn i chhuak ngai lova i hre lo a nih kha" min tih chuan
" Hm ve bawk a che, bazarah ka kal ziah hi aw, zing ah pawh ka nu ka bazar pui ziah" tihpahin a chalah ka pen kawrh a, inah ka tlan luhsan daih chuan " a na " a rawn ti zui bul bul a,
Room ah chuan Lehkha ka bih nghal ngar ngar a, ka rilru a kha palian pui kha ngaihtuah ka duh lo takzet, a mitmeng zun ngah lutuk te kha, a mi en apianga ka lai em em leh khur deuh zawih zawih te, a vun uk kharh mai te nen, a hmui sexy zeta phir chhah deuh tap bawk nen khan
Ka ngaihtuahna chu duh loin, ka in thing harh deuh kawk a,
Test tur chu zir mawlh mawlin, ka nu ka room a rawn lut chu ka melh zawk a, tray a, damdawi leh glass a tui rawn chawi lut chu " ka lawm e" ka ti sep a
Lalrinsanga Pov.
Zingkar hma lutuk lem lo ah chuan jogging turin ka chhuak a, haw kawng a, Pu Zika nen kan intawk chu min be ve luam a, la hnung lam atang hian eng nge maw ni chuan min lo su deuh chawrh a, ka hawi phei chu hmeichhe ngo ving veng hmai bial lam pang hmeltha zet, cute lutuk hian min lo su chu niin,
A kal liam hnu chuan Pu Zika chuan " Henu hi chu a fel in, a hmeltha sia, ka fapa tan hian nupui ah ka awt khawp mai" tiin kan inthlah kha a nia
In ka thlen chuan kan nula in breakfast tur choka ah a lo buaipui mek a, fridge atang tui vawt tak la chhuak in ka in khawlh khawlh a, ka roomah shower turin ka lut zui a, shower lai pawn kha nu kha ka mitthla ah a rawn lang nghal a, hmeichhe mak tak leh dangdai tak a ni. Ka nui nghal suk mai, hmeichhe dang ngaihtuah in ka hun ka la hman ngai loh vang pawh a ni mahna.
Breakfast kan ei lai chuan ka nu chuan a tihtur tul te leh a college thawhna a, special guest atan min sawm na vel chu ka pa leh naute a hrilh malh malh a,
Tet lai atanga Mizoramah ka awm thang lo na chu hmelhriat ka ngah em em lawi si a, vacation leh christmas ah ka awmna Mumbai a Dirubai Ambani International School ah ka kal chhuak parh a tunah hian C.A Degree (Charter Accountant) hi Stanford University , United states atang tun kum khan ka zo deuh chiah bawk a.
Farm lam leh sawrkar ah thawk tura sawm na ka dawng hnem hle a mahse keima a farm din ve ka duh rilru zawk a, vawiin pawh hian appointment tam tak ka nei a, ka buai ve deuh nuk mai.
Tlai lam ah chuan chau deuh in, in ka thleng ve hram a, kan naupang ber kimkima chuan dinner kil lai chuan school chanchin leh a thiante chungchang chu a sawi pawt pawt a, " Vawiinah pawh U rin rin a bialnu in thil tui deuh min treat a, a fel e" a ti zui bawk a, ka nu chuan min rawn melh pahin "Bawiha engtikah nge mo kan neih ve dawn, kan nghak hlel ve tawh teh a nia",
Kan milai erawh tunah hian class 12 a zir mek thung, ka room ah mut hahdam paha lehkha ka chhiar lai chuan Lawmzuala hi a rawn lut a, " Sawtah min va kal pui teh " a tih chuan peihlo deuh hian
Haha, ka 1 story a nia, eng nge viewers tan a ngaihnawm dawn em ka hre lo a, mahse min lo support hram hram dawn nia, hun ka nei chep lutuk a, ka lo dah zing theih pawh ka ring lo, sunday tlai tin dah ka tum dawn nia