By Faith Episode 1 ziaktu: Nunui Franky Hmar

Episode kal lai dah luhna

Moderator: writers

Big bear
Posts: 378
Joined: November 9th, 2017, 1:44 pm

By Faith Episode 1 ziaktu: Nunui Franky Hmar

Unread post by Big bear » August 1st, 2020, 8:11 pm

BY FAITH




Episode 1







Repost by : Nunui Franky Hmar .






( He story hi ka thiannu ziah ani a , Ka rawn post chhawn sak a, a then lai lai hi a ngaihnawm nan Ka rawn phuah tha a, zantin inhmuh leh kan tum anga , min lo chhiar sak leh theuh dawn nia aw )









KUM 2 HMALAM ....






AMELIA POV ..





"Nakinah, Engtikah emaw kan inhmu leh ang tiraw ?" Ka thiannu naute chu ka pawm nghet zual sauh a , nui lui sakin airport-ah chuan a lut a ,






" Jemson , tun atang chuan I nu ka ni tawh ang" Ka thiannu Emily fa chu duh takin ka en a , min lo nuih let a , thla 6 chiah ni mahse naute fing tak a ni .







Airport atangin ka haw a , Ka thiannu fapa thar , dan ang taka ka fa chu hnute tui siam chawp chu Ka pe a , naute tlei tak a ni a, a tap khat hle .






Ka thiannu kha tunge a pa tih pawh sawi lovin ka khawngkhar ah a rawn lang a , lo tanpui loh kha ka thei lo, naute duhawm tak a nei bawk si a .







" Emily thiannu I ni em? I thiannu hi Delhi airport bulah thi a chhar a ni .". Engkim chu a tawp vek . Jemson chu ka melh tlawk tlawk a , ka biangah mittui a luang a, ka nu roomah a rawn lut a ,







" Chanchinthar ah khan " a sawi zo hman lo ka kuah a , min hrethiam in engmah a sawi zui lo....





Tunge a pa pawh ka hriat loh ka thiannu fa , Ka fapa ni ta hi ka theihtawp a tha in ka enkawl ang, engpawh a tan chuan ka ti ang .







ROSANGPUIA POV..










"I fa pai tu kha a boral tawh anih chu . Mahse , kum khat chuang I zawng a , naute kha a hring ngei ang." Ka secretary chu ka melh tlawk tlawk .







" Melissa, Ka fa chu dam turin nge thi turin I duh ?" A mitmeng a buai nak a,






" Ka pu, ka.. Ka.. I fa ani a .."






"I chhuak thei tawh ang, chhuna board meeting tur kha khawngaih in chhuanlam eng emaw Siam in min lo cancel sak ta che " Ka chhing vang vang a ,





Emily , Ka fa a pai a, a tlanbo a , Mizoram ah a haw ngei ringin ka umzui a, mahse hmuh chhuah a har reuh phian .





Ka fa lo piang kha khawiah emaw a awm ngei ang! Ka la zawng chhuak ngei bawk ang!






" Pu Rosang , Emily Zothanpuii khan Nazareth Hospital, Aizawl , Mizoram ah naute , June 18 khan a nei a , mipa hrisel tak a ni" Ka nui suk ...






Ka fa , Ka sumdawnna enkawl tu tur chu engtiang pawhin ka beih ngai dawn se ka nei ngei ang .







" A nu ber a thi tawh si a , tu in nge enkawl , eng fahrah chawmna ah nge a awm?". Emily khan chhungte a nei lo tih ka hre ve kar alawm.








" A thiannu in a enkawl . Dan angin fa angin a la ani"




Hrep a ! Chunu phiansen Chu. Ka fa alo enkawl amaw?





" Chunu chanchin kimchang chu min lo chhui zui sak ta che " ner nakin ka phone ka dah a ,





"Melissa , Mizoram ah ka zin dawn . Engtia rei nge ka cham dawn erawh ka hre lo . Company hi lo enkawl ang Che, Ka unaupa bulah ilo hrilh dawn Nia" Oil Company neih hi thil awlsam tak a ni lem lo .










PRESENT ....








(Mi nun copy lutuk hi enge in ngaihdan? Mi chunchang sawi peih lutuk te pawh hi . A chhanna chu comments lamah aw, I ngaihdan, a tha emaw a chhia emaw!)






2YEARS LATER ..



AMELIA POV ...







"Jemson , Jem, Jamie ! " Ka fapa choka dawhkan hnuaia thu chunga butter lo kawm kawi vek ka hmuh chuan ka ding chat a , hah pawh ka sawi theilo. Nilo , Ka fapa ka hmuh hian ka dam vek ..








"Nuuu" a tho a, min tlawn titih deuh hian min rawn pan a , ka lo kuah vat . A chum reuh a , ei a duh bawk a , kum 2 a tling tawh a , kg 30 a tling dawn a , mahse thil tha lam hlir a ei a , pawi ka tilo.







Ka thawhpui ten ka fa tak emaw an ti vek nangin min chhun loh zia an sawi thin a , apa a chhun anih kha min tihsak mai thin a , mahse tunge apa chu ka hre ve silo .







Emily kha la awm ve se chu a fapa hi hmuhnawm ati in a chhuang ve ngawt ang .






" Engtin nge ka tih dawn che ni? " A kut ka tihfai sak a, a mawm hlap a, thau lo chi hi a nilo .










Ka nu zing tawngtai inkhawm alo haw a, Jamie chu alo la a, hna kal ka ngai , Ka fapa ka kalsan angai leh dawn si a, nileng in ka nu leh pa bulah a lo awm leh anga , ka ngai nghal der mai.








Ka insiam lai chuan ka bulah a rawn awm ve a , Ka make-up vel chu hauh hlau tak si mahse khawih chak tho si mitmeng a min melh ralh ralh pah chuan min en a,





"Bawihpui , api leh apu thu lo awih rawh aw " kawngkhar thleng min thlah a, scooty in ka inkhalh chhuak leh a ,





Hnathawhna hmun ka thleng a , vawiin chu ngatinge mawni ? Nidang aiin hna kal ka phur lo zual .









"Good Morning" Gate duty pu Sanga upa ve tawh tak chu ka nuih sak ,






" I va hma ve" tiin ka kalpel a, building ah ka lut a, ka thawhpui te an lo thleng ve trak trak a ,






Nilengin file khawih tur a tam hle a, chhunah ka nu in min rawn be miah lo, Jamie a tlei tha hle pawh aniang, hna kan bang a, weekend a ni dawn bawk nen eitur ka lei haw nual a.








Dawr atanga ka chhuak tur chu tu emaw pachak nge palian ka su chawrh a,





" Kawngkhar zawnah tunge ding chet chut ngai ?" Thinrim takin ka melh ha a,ka hmuh tum lo deuh ka hmu . Ka hmuh ngai pawh ani chuang lo , mahse tunge pawh ka hrelo .







A hmel chu Mizo a ni mahse , tun ang hunah tunge coat suit ha ? Necktie nen . Khua a lum tehlul nen .







Min melhrum ve khanglang ami? Ngatinge min melh ve ngawt? A zak lo , min su tu zawk ani lawmni? Nge ka su zawk? Ngatinge hepa vang hian ka buai tak vak? Atthlak lutuk.








" Tawngtheilo zui emawn" Ka hriat tawk in ka phun khum sap a, Ka kalpel daih . Romantic lo lutuk .






Tunlai mipa hi ka hrechiang a, inla branded deuh deuh hian an in duang zar a, slipper nise thawhchhuah pawh nei lo hian showroom ami anti , showroom kawtah pawh a tam tam nen .





Chutah inlak engemawni nan hairstyle , sana , leh coat suit, pheikhawk lawk tak nen . Ka beng dawn mawni?








Ka kalpel a, ka scooty dahna lam ka pan san daiha , a hmel teh vawt kha tha anilo mahse eng emawni riau a awm .










Ka haw kawngah chuan ka hnungah eng emaw hian min zui hian ka hria.






Motor kawng chu ani tho a, mahse kan in kawng bik peng hi a reh a,Kan in awmna pawh . Thenawm kan neilo a, a chang chuan a khawhar thlak lek lek thin . Mahse Jamie a awm tawh a , a zia tawh viau .










Ka side glass atangin ka en zawk a , SUV dum ani tih chu ka hria , a chhungah mi pahnih an awm bawk a, mahse tute nge an nih ka hre mai lo .








Chutia kawng en lova ka tlan reng vang chuan ka hmalam ka en loh vang chu! Ka kawi zuk a , lamkhuang kung kawng hnaih deuh ber, hmanni lawk pawh a ka nu in pickle siam nana a lawh na kung chu ka su bur a, ka thal tawp a. Ka khaw hmuh a fiah lo zui a, engmah ka hre zui tawh lo.









ROSANGPUIA POV ...







"Boss , kan zui tih a hria aniang a?" A side glass atang chuan min rawn en zauh zauh tih pawh ka hmu thei .









A hnungah kan tlan zel a, kawng kawi thlen hma deuhah chuan thing a su ri bur . Hrep hian!




" Boss ....."






"A tlu" Kan sawi rual a.








Diktak chuan he hmeichhia ka fapa lo enkawl ve ngawt tu hi ka haw takzet , tih hlum ve daih ka duh nghe nghe , dawr chhungah a taka ka hmuh hmasak ber khan engtin emaw ka awm.







Mahse huatna in min rawn tuam vat, ka fapa tel lo chuan haw ka tum lo reng reng .









Motor a sirah a dah rem a , nikhaw hrelo in a lo awm tawh . An in kan thleng tep a, an in lamah kan phur a.








An in chu a fal reuh a, thawm pawh a hriat lutuk dawnlo anih hi .








Hmeichhia chu ka pawm a, ka mi rawih ka pa nau fa advocate fel tak chuan kawngka a kik a,







A hmel en aiin a rit zek lehnghal a, ei a thei hrep ang . A hmel ka en reng a, a hmeltha reuh hle mai, a thinchhiat hmel bawk . Duhawm reuh lutuk . Enga? Hrep hian! Ka fapa bak duh ka neilo, he hmeichhia hi eng atan mah ka ti hrep lo.









Nu upa vaklo hian a rawn hawng a, min hmuh chuan a mitmeng a diklo nghal a .



"Ka fanu kha" tiin a rawn ban a, inchhungah te min luh tir ve phawt se.






A pasal ni awm tak he hmeichhia ka pawm nena in ang tak chu inchung step atang chuan ka fapa ngei mai pawm chung chuan an rawn chhuk a,








Thuthlengah ka mut tir a , nula-i chu an en vel a , tui in a dep bawk a , David-an " sawlai ah sawn a tlu a , ana vak lo ang" ati sup a.










Mahse ka fapa mitmeng a hlauhna leh mangan na chuan minti danglam . Apu pawmna tangin a tal chhuak a, thuthlenga hmeichhe mu chu a bawh a,






"Pupu ,anu hi tinge a muthilh a?" Min rawn en ruai bawk a, Ka naupang laia ka hmel chiah chiah a ni .









A roomah David an a pawm chho a, ka fapa chu pawm ka tum a, a te vak a, Sakei naute ang mai.






" Anu " min melh hrek hrek a, min ngaina lo tih Chiang takin ka hria . Ka tet lai khan keipawh ka khirh viau anih kha .






Tumah ka duh ngai lova, ka nu a hah thin viau a, tun hnu ah a sawi thin anih kha , Ka nu minti hrechhuak hrep hian .






" Chocolate ka nei nia lo kal teh " Ka ban dawn a , a tawlh sawn daih a ..





"Anu in ei a phal lo , haw daih rawh " Ka ner nak. Khi hmeichhia khian ala tuar khawp ang ka fapa a enkawl sual vek hma hian ka hruai haw vat a ngai ani .






Inchung atangin David a rawn chhuk a, mipa naupang ka fapa chu a en a, min rawn en leh a, mak tih hmel zet hian min en a,






"Xerox copy chiah chiah " ati sup a, Ka fapa chu inchungah a chho ve daih a , hrep hian .



Apa in lawmthu te sawi in min rawn thlah a, a bul tanna chauh a ni .






Ka fapa chu vawiin atan tiin ka mangtha a,







Kan haw kawng ah chuan ka fapa Jemson bak ka ngaihtuah lo. Hming mak tak chu ni . Eng rilru pu a phuah nge maw anih le ?





" No dawm Ila?" Ka pu in in min pek thleng min thlah a, min hnial lo . Inah kan inzui lut a,







Ka fapa ka ngaihtuah apianga kha a enkawl tu hmel ka mitthla tel zel kha ka duh hrep lo.








" Boss , idea tha deuh ka nei" Ka melh ha a,








" A enkawl tu , Amelia kha I ngaihzawn der chuan I fapa hi I neih theihna chance a tam dawn a, I hmu tam thei dawn a, bakah awlsam takin I laksak thei dawn lo a" Ka glass no chu na takin ka hum a.






Hmeichhia lo in ring rawh .









( Zantin in lo Chang thin dawn Nia aw, tuntum Chu a rumra deuh dawn a , thisen leh eng eng emaw tawngkam mawi lo pawh a tam dawn a, ngaihnawm in tih chuan zantin min lo chhiar sak thin dawn Nia aw?)





WhatsApp lamah comments Vel Chu aw😂fb ah chuan comments hi Kan off Ange aw...



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
Post Reply

Who is online

Users browsing this forum: Bing [Bot], Google [Bot] and 156 guests