STORY OF JUPITER CHAPTER - 7

Episode kal lai dah luhna

Moderator: writers

Jupiterbawihtei
Posts: 48
Joined: October 11th, 2019, 8:54 pm

STORY OF JUPITER CHAPTER - 7

Unread post by Jupiterbawihtei » August 1st, 2020, 10:44 pm

Zanin saturday zan alo ni leh der tawha, naktuk zanah chuan ka rawn dah dawnlo tih ka lo in report nghal aw😁 Sunday zan apiangin ka awl thin ang. Chuan ka story ve tehlul min hlutsaka minlo chhiar saktu te, like leh comments min pe tu zawng zawng inchungah ka lawm lutuk hi sawi ngaihna ka hrelo zawk. In comments te hi chhiar anuam thei sia, a then in rawn thinrim barh barh a athen in min rawn fak lawm lawm bawk a, ka lawm lutuk hi ni tawp mai ka hlimna ber in ni tih hi minlo hriatsak reng ru aw🥰🥰😘








"Bethsebi enge awmzia, thlalak hi engtik ami nge?!" Phone a pick rual rual chuan ti nghalin ka tiril a khur nghal zawih zawih. "Nichin lawka mi, bazar ka chhuak leha an pahnih khan restaurant ah ka hmu lawm mak ka ti lutuk ringawt. Ka rawn nghal char char chea phone ila thei thak lo lehnghal i online thei bawk silo, khanu kha ihriat zawng ani hrim hrim em?" rawn tilet zat in thawk ala deuh ham ham a










Phone chu speaker ah dah in Jasona leh chu nu thu dun lai pic chu ka en nawn lehnghal zat, "nimin khan ka hmu henu hi Jasona office atangin arawn chhuak alawm" ti nghal thawt in ka ding nghal zawk a ka aw ri a ring viau bawk. Jasona hian hmeichhe dang afal a hmuh chu sawiloh an message tak ngial pawh a reply ngailo ania mahse tunah enge thleng hi, nimin mai ah a office atanga a rawn chhuak ka hmu a chuan tunah thil an eidun leh a.












"Chu vang alawm mak ka tih em em, Jasona awm dan hi tha ka ti miahlo keichu. A hrim hrimin in inphur haw khan ka hre sia in awmdun turah ka ngai a tikhan hmeichhe dang nen ka hmu leh daih bawk sia, va luhchilh a tunge anih va zawh nghal rum rum mai kha ka tum hmana mahse ibula sawi thlapa hmu ani nge nilo hre turin nanglahin call i pick thei bawk silo ka rilru hah zia chu a" a rawn tih chuan ka sam tuai chho puat in thawk ka la hak











"Bibi engmah ka hrethiam tawhlo....Jasona hian min phatsan ani thei angem" tah aw tuau chuan ka tichhuak nghal sap, "chutiang ati nih vaih chuan maw khawvela hmeichhe nasa ber ka ni tih hi ahre khawp ang, va call rawh va zawt chiang rawh tunah khan" tih leh phone off a rual a










Ka phone a thlalak chu en leh vang vang in "ka chungah tiang hian iti theilo" ka tichhuak sap a, Jasona number hmet chhuak nghalin ka call nghal zat












Rei ngial a in ring tlak tlak reng a, min chhang tawh dawnlo emaw ka tih hnuah rawn pick ta hram in bathroom atanga achhuah chiah thu leh phone ri alo hriat lawk loh thu a rawn sawi nghal zat. "Khawnge i awm" Awki ngaihbo beilo zet chuan ka ti nghal tlawng, "khawnge ka awm vak anga... Room ah ka awm ka inbual zo chiah" rawn tilet nghal sapin engmah thlenglo ang ziazang a tawng thei chu ka awihlo hial zawk











"Min thlah zawh khan enge itih, haw hma iduh vang khan ka room ah pawh rawn lut lo in ikal lehnghal kha nia" ti chhuak sap in ka inhumruh nghal tang.








"Jason khawngaihin dawt chu min hrilh hauh chu" ka rilru in ka ti nghal mawl mawlh a, a chhan na nghakin ka thaw dep dep reng bawk











"Enge ti vak se min tih a.... Ka haw a file eng eng emaw ka khawih kual leh lawm, haw hma ka duh chhan pawh hna ka ngah deuh vang ania" a rawn tih rual chuan ka nui hul nghal hak.










"Dawheh" ti sapin phone ka off nghal a ka mittui a rawn luang nghal ngial ngial bawk. "Mi dawheh, dawheh lutuk... I haw nghal amaw?" tih leh ka phone a Jasona leh chu mihring nu thlalak chu melh ka rual a, za lo zet in ka nui chhuak hawk. Ka mipa rin em em leh ka innghahna in dawt min hrilh ta chu nia, kan inkar atha chho viau amaw ka tihlaiin engtin nge tiang hian a awm thut theih. "Engtik atang khan nge dawt min hrilh ilo zir tak" ka phone ri ral ral a a hming rawn lang ka hmuh rual chuan ti sapin ka silent nghal hmak













"Bibi dawt min hrilh" call a pick rual rual chuan ti nghalin ka tap chhuak nghal hawk. "Hmela chuh... Engtinnge a sawi hrep a?" thinrim tih hriat zetin a rawn ti let nghal zat, "in a a haw tlang nghal thu min hrilh, engtinnge a theih zawk. Khang hun chhung zawng zawng khan dawt min hrilh ngailo sin, nge tian a rukin minlo bum char char zawk" ka inhnit nghal hraih.









"Thlalak kha i va send lo mi, in a haw nghal si engtinnge hmeichhe dang nen in awmdun theih tita che. Nilo.... Nang hi chuan iti leh tawplo ang, i rilru a dawihzep leh lutuka ituar nasat phah nih hi hetiang te chuan a bum kual reng mai dawn che sin... Keiman ka va bia ang" thinrim zeta rawn ti bawrh bawrhin thawk ala nghal kawk bawk.











"Aih be suh... Keiman engkim hriatchhuah ka duh, i sawi ang khan ka dawihzep lutuka ka tuar phah nih hi. Jasona chan ka hlauh luatah thil pawi ber thlengin ka tihphaha hremna ka tawk dawn ani mahna, tunah chuan engkim ka hriatchhuah a ka inthlak angai" tih pahin ka mittui ka hru nghal tawk a, ka thaw a sa nghal pap pap bawk










"I thei ang tih ichiang maw?, irilru a nem leh lutuka hman atang tawhin in intihthiamloh a in inthen pawn awlsam deuhin ingaidama ipawm leh zela tiang chuan angainep tial tial ang che, hei tunah pawh dawtsawi hrehna pawh aneih tawhloh hi" a rawn tih chuan "ka thei ang, bum kual mai mai hmeichhia nih ai chuan thudik hriata rilru nat ka thlang zawk" Ka lo tilet ve sap





*






"Ok i duhdan anih chuan....mahse chanchin rawn sawi zel la, buaina inei emaw a mawilo leh diklo zawnga ichunga a che nih vaih chuan min rawn call nghal thin ang che" ti mawlh mawlhin phone adah thei hram. Khum ah bawk nghal thlawp in thlalak ngai bawk chu ka en nawn leh nghal vang vang a, khawiah emaw chuan henu hi ka hmu tawh chiang ani a hmel hi ka hriat tawh hnu ani tlat












"Ka hrechuak" tih leh ka mutna tanga thawh ka rual nghal zawt. Amah kha ani, aw ani chiang lutuk khanu ngei kha... Jasona birthday kan lawm ni a Sangsang-in ka thiannu tia a rawn hruai ve nu ngei kha. Thil kaldan chu ka ngaihtuah kual neuh neuh reng a enge maw tak inthup a awm tlata hriatna ka nei bawk, khami ni hrim hrim pawh khan khanu khan ka chhip atanga ke ler thleng khan chik zeta min melhchhuakin min eihlo hmel zetin a awm anih kha, chuan hmanni lawkah chhan awmlo in Sangsang-in min rawn ankhum ringawt bawk a, tunah Jason-an khanu ahmuh duh vang khan dawt min hrilh leh bawk












"Nangni ho hian ka lakah eng game tehhrep nge khelh in tum" tichhuak sapin ka phone chu ka hmet deuh ngawt ngawt a, ka chunga hetiang tih duhna rilru an put ka rinphak loh tehlul nen awih harsa ka ti hial zawk







*





"Vawin chu enge maw tal ka hrechhuak ngei tur ani" darthlalang a in en vang vang pah chuan ka ti sap a, ka sam dum hlap leh ngil sei zet chu tawn sang vahin nidang anglo takin lipstick ka inhnawih sen hlarh a, Umawitei room a pheiin liquid eyeliner min hnawih turin ka va ngen leh thawr bawk











"Wow iva langdang vea" min hnawih zawh ruala atih chuan darthlalanga inen ka rual ve nghal zat a, ka mitmeng tilang ki deuh rat ka hmel mil zet si a line in ka hmel alang sexy deuh sawt a, inhmeh ka inti viau bawk. "i van thiam thei tak, ka lawm lutuk aw ka lo tibuai leh tawp zel chea" amah en chuan ka tinghal sap. "Awi aho lutuk makeup hi chu ka nun tihlim tu nia hetia minlo pan hian nuam ka ti daih zawk nangphei chu chei inuam ropui si" a rawn tilet nghal vat a ka lo nui nghal vur vur











"Mahse ngati tehthut nge? thil thleng enge maw a awm ami?" arawn tih rual chuan mak ti zetin ka melh nghal ha a, "Ngati nge chu chu min zawh" ka tilet nghal zat. "Aaa.... Eng lo, makeup i hmang ngai siloa.... Hmeichhe simple takin lipstick sen hlarh an inhnawih hi chuan an nuna hmalam pan an tum anih loh vek pawn phuba lak an tum tihna anti thin an tia, i rawn inchei deuh thut sia ka rilru ah rawn lang thut mawle engahmah ngai suh aw i inhmeh teh mai nia" A rawn ti leh nghal vat a za lo zet in ka lo nui suk ringawt.












Ka room ah chuan let in wardrobe ka hawng nghal zat a, croptop dum body fit zaih leh cotton jeans dum bawk a khup lehlam lehlama kak deuh haih ka lei tirh atanga ka la hak miahlo ve ve chu lachhuakin ka inthawlh nghal zat. Lian lemlo mahila keima tawkah ka pian a dik ve viau a mahse ka tet avang hian thawmhnaw loose lampang hak ka ching a, shirt body fit ka hak hi chuan ka lang te zual hian ka inhriat tlat thin












Darthlalang hmaah chuan dingin ka in en vang vang a, ka ban ka tihkang deuh apianga ka dul lo lang deuh zauh thin leh ka khup lang har bawk chu ka confi puilo viau nain ka in dress dan chu inhmeh ka inti phian ang lawi a. Ka hmui sen hlarh leh ka mit line ki deuh rat te, ka sam thlah deuh hnap reng thin kan tawn sang tak vah zawng zawng nen chuan a inmil vel vek.











Kawngkhar a rawn in kik dat dat tak ah chuan thawk la halhin "lo lut rawh ka lock lo" ka tinghal zat. Min rawn hmuhruala a meng nghal kawk chu hmulo der in perfume ka in spray zeuh a, ka bag a ka mamawh ho khung nghal malh malh in "ka hman" tih leh alam hawi ka rual nghal zat a mit tla leklo in min lo en nghal ngawih ngawih












"Enge i din reng a, kan kal dawnlo mi" ti sap in a mit ah ka melh deuh ralh. A hmel ka hmuh ringawt pawh hian ka thinrim nghal tun thei, dawt chiang lutuk min hrilh thei kha awih har ka tihrualin rilru huaisenna ka neih phaha engkim hriatchhuah ka tum bur bawk











"Bae what the..... Ngatinge hman atang khan tiang hian i lo inchei daih tawhloh a, i mawi lutuk" tih paha min rawn khawih atum chu lo tawlhsawn hrut in "khatiang hun a awmlo ka tlai dawn 1st ka nei ania" ka tinghal zat a, "i nalh lutuk a engmah pawh ka ngaihtuah thei dawn hleinem" ti nuah nuah in min en leh vung vung a, "ok kal ila" tih leh room atanga chhuah arual ve ta hram.













College kawt kan thlen chuan chhuk nghal tharh in "vawin chu last ka nei dawnloa dar 2 velah min rawn hruai rawh in inah ka rawn kal dawn" ka ti nghal zat a, "ve teh mial che chuan" tih leh min melh vung vung a rual lehnghal tawh. "I mit a tlak hma in kal vat mai teh" ka tih chuan a rawn nui suka a lu athing nghal nawk.











"Ka kal" tihpaha gate ka pan rual chiah chuan "Ehee Jupiter...ka hai dawn che lawm" 5th sem ami Kimkima chhelo ve pangngai zet chuan a rawn ti lang lang a, Jasona ka mitsir in ka melh nghal zeuha, a lungawilo hmel ka hmuh chuan khi suk in "enge ka an ka langtha ve tho em" a hriatphak tura ti deuh kherin kimkima ka pan hnaih nghal zat a, bike tlan ri deuh vuk ka hre nghal zat bawk














"I chhelo bawka tupawh mai hian a thlir deuh thup che nih hi" min nuih suk paha arawn tih chuan "maw??" tih leh hawi chhuah ka rual a, students dang ho chuan min lo en hrek hrek hlawm tak tak. "Ka langdang thut a, keipawn mak ka inti ve tho" ka tih sap rual chuan arawn nui deuh hak a, "nih chuan class ah lut vat rawh chuti lo chu mipa ho hian zirlaiah rilru an pe thei dawnlo" tih pahin min siai suk a kan class hmaah kan lo ding reng tawh chu niin, Jasona chungchang ka lo ngaihtuah ngut ngut na lamah kan class ka pan leh pan loh pawh ka lo ngaihtuah tawh re re lo














Class ka luhrual chuan min lo en deuh thup a, ka incheidan ka inhmeh thu leh ka chhiatloh thu sawiin min lo fak der deuh chiam hlawm bawk. Bethsebi leh Angaihi phei chu over fal in thla min laksak deuh mawlh mawlh reng a, "in ninawm min ti confi lo vek" tihleh an phone laksak ka rual a, lecturer a rawn lut nghal zat bawk.











Lunch break ah chuan Bethsebi'n chanchin min zawt nghal vat a, ka hriat ang zawng zawng leh ka rinhlelh ang ho te chu hrilhin vawin tlai pawh an in a kal a, a phone atanga enge maw tal hriatchhuah ka tum thu te nen chuan ka hrilh dap a. Harsatna ka tawk anih chuan anmahni hrilh nghal vat tura min hrilh mawlh mawlh rengin Jasona awmdan vanga an thinrim thu an sawi chamchi reng bawk













Class ka neih zawh chuan chhuak nghal in gate pan ka rual a, gate ka thlen rual a ka hawichhuak chu Jasona alo ding vang tawh. "Kal ang" a bul ka thlen rual chuan ti nghalin bike hnunga lawn ka rual a, "zinga i biak pa kha tunge" a tlanchhuak mai dawn emaw ka tihlaia a rawn ti sap ah chuan a hnung atangin "biak ka nei ami?" tih pahin ka khi deuh suk. "Hriatloh der angailo, tukina gate luh paha ibiak kha ka hrelo turah ngai suh" a rawn ti ram deuh hmak a, "tu vak anih pawh ka hrelo, min biaa ka lo chhang leta chu chu nimai" ho lam zeta ka tihlet rual chuan bike a start ri nghal vut a, chak zeta tlanchhuah a rual nghal puat












An inkawt kan thlen rual chuan rang lutukin ka chhuk nghal vat, kan tlan chak lutuk chu kan thlawk lo chauh ni ber hian ka hria ka thaw te hi a chham lo chauh. "Lut ang" a bike atanga chhukin a rawn ti nghal hmuk a akal nghal nul nul bawk. "Jason engang chiahin nge minlo bum kual ka hrechhuak khawp ang" ti sap in ka zui ve nghal zat











"Ehee irawn kal alaw bawihi, iva reh ve tunlai chu" Jasona pi in ka luhrualin alo ti nghal vat a "nia exam ahnai tawh lutuk a duh ang pawn ka chhuak theilo tunlai chu" tih pahin ka nuih nghal ver ver. Jasona haw mahila a pi leh pu hi chu ka lakah an tha em a engtikah mah ka haw thei kher lo ang. "Kha kan naua lah kha tum bur in room lam apan ang hmuk hmuk a, i han thlem loh chuan kan be tawng leh zo lo tawp ang" atih chuan nui suk in "ka han hau deuh ange" tih leh Jasona room pan ka rual nghal a











"Khatianga mipa dang biak kual vel ichak vang kha mi nidang anglo taka ilo inchei vel" room ka luhrual chuan alo tinghal zat a, mitmeng rum al in min melh bawk. "I ngaihdan anih chu" engahmah ngailoh hmel zeta ka tihrual chuan ka bana na zeta rawn pawtin a awm ah ka bei nghal thlawrh.










"Ka hmeichhia ini tih hi theihnghilh re re suh, khatianga mipa dang biak kuala min runluih kual kha chu tum buai duh suh" a rawn tih that rual chuan tal hrang nghal in ka nui nghal hawk.









Ka bag atanga ka phone phawrh nghal rawk rawk in gallery ah ka lut nghal zat a, kha hmeichhia nena an thlalak ka neih chu hmetchhuak in a hmai zawnah ka lek nghal va. Phone a en ruala a mitmeng rawn buai nghal nak chu reilo viau mahse ka hmu chiang hman lutuk tlat, "hmeichhe dang ihmuh kual vel hi ka hrelo amaw ti hauh suh" ngeiawm zeta nuih suk pahin ka ti nghal sap












"Khavang kha nimaw hetia ilo awm.... Ok kan insawifiah nge, khanu kha nimin tlai khan ka hmu mahse hna chungchang vang ani" arawn tih rual chuan "hna chungchang vanga restaurant a hmeichhia ihmuh ka vawi khat hriatna chupawh ka bula dawtsawi lehnghalin" ka lo tilet deuh sak, "aw nia dawt ka sawi ka phalo, a chhan pawh i thinrim ka hlauh vang chauh ani" rawn ti leh sapin mitmeng khawngaihthlak hmel zet hian arawn meng nghal anih chu, hetiang em em a dawtsawi a thiam hi ka ring pha eihlo











"Anih chuan inbual rawh, i zawh hunah Hostela phei ka duh" awki dam deuh chuan ka tichhuak sap a, "min ring thei tawh em sawi phawt teh" a rawn tih chuan ka bu deuh nghut a, bathroom a pan zui ve nghal mai chu ka thaw huai thei. Ka duh ang finfiahna enge maw tal ka hmuh theihnan ka tirhbo angai miau











Khum a a phone dah chu ka la kang nghal zat a, a lock hawn ka tum chu ka nui hul nghal hak. Kan intawntirh atanga a pasword ka hriat loha a thlak vawikhatna ala ni tlat, a pasword tur awm anga ka rin zawng zawng ka risk kual hnu pawn ala dik thei chuangloa ka beidawng lek lek tawh. Vawi 2 ai tam ka risk leh chuan a phone direct in a in lock tawh dawn bawk nen ka rilruhah lutuk chu ka thlanfim te a luang thei hial












"Khawngaihin Lalpa" tih leh a nu thih ni leh kum chu type ka rual a, done ka hmeh rual chuan hlauthawng lutukin ka maimichhing nghal sawk.










Phone lock in hawng ri khap ri ka hriatrual chuan mengnghal kawk in ka lawm lutuk chu ka te chhuak lo chauh, "Lalpa ka lawm e" ti sap in ka thaw nghal huai thei.











Rang lutuka whatsapp a lut nghalin ka check nghal zawk zawk a, a message archived ho ka en rual chuan number pakhat chuan ka mit ala nghal chat. He number hi hmanni a Jasona phone atang ngeia ka block kha ani tih ka hrechiang viau bawk, thaw dep dep in number chu ka click nghal zeuh a, an inbiakna ka chhiar chiah chu ka inrin hmaa ka mittui rawn luang nghal zawihin phone ka thlauh ri nghal bawl








MUTTUI VEK U



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
Post Reply

Who is online

Users browsing this forum: No registered users and 182 guests