GEURRE L'AMOUR CHAPTER-9>>><<<<££

Episode kal lai dah luhna

Moderator: writers

Dee Gigi
Posts: 85
Joined: May 10th, 2020, 8:15 pm
Location: Lawngtlai bazar

GEURRE L'AMOUR CHAPTER-9>>><<<<££

Unread post by Dee Gigi » August 1st, 2020, 10:44 pm

GEURRE L'AMOUR


CHAPTER-9

images (13).jpeg
images (13).jpeg (22.13 KiB) Viewed 4287 times


He can kill every girls slowly by his eyes.
He's charmatic voice and giggles..
You can be killed just by kissing his lip..






"Room pakhat a thlen tlan nge i duh a hran in?"





Ibiza kan thlen hnu a min biak ve na hmasa ber zu ni mauh a, Standard hotel chhungah kan awm mek bawk.A shade vuah leh a luggage hnuh mi chu a inhmeh hle.




"A hran in." Ka ti hap.





"I chet buai loh hram beisei ang"



Receptionist chuan Rendell hmel a hmu chu a thiltih lai dah sawk sawk pah in alo nuihsang a "Oh Rendell, I va lo lang khat ve a??"




"VIP room hnih.Karkhat chhung kan cham ang"




"Awle, nuam deuh in....Henu hi tunge a??"





Kutkuangkuah pah a ka haw kual mai mai chu ka tawp chat a, receptionist nu en tur a inher pah in ka nuih sang nghal, ani erawh a mitmeng atang chuan min ngaina lemlo tih ka hmuthiam mai.





"Aella anih hi.Chho ang hmiang?"





"Okay..."





Chu nu chuan min melh khai khai a, en pawh ka en tha ngam meuhlo.Thil hriatchhuah thut ka nei!




"Rendell, saw lai dawr ah sawn thil lei tur ka nei a, ka va chhuak lawk ang"




Min lo en zauh a, mitko san ak a thle zauh chung chuan "Enge i lei dawn? "




"Hmeichhe thil." Ka luggage pe pah chuan ka chhuak zui nal nal.Amah ber hian alawm tumah inzui tir loh duhtu, security te emaw incharge takngial pawh.Chuti nilo se lei tur a ka chhuah kher a ngai nang.




Nin hmel zet in a thaw hap tih ka va hawilet rual chuan ka hmu thei, lo ning mai teh se pads ka lei lo anih chuan zanin hi ka awm theilo ang!




Dawr chhunga TV ah chuan nizan hmasa a Grolese Praqui Factory bomb anih thu alo sawi zaih zaih a, Klay te ho pawh an lo lang.An lu a hai ve map map viau ang le.Kei chuan Black sniper chauh ani man ka tum, he bomb tihpuah chung changah hi chuan ka in hnamhnawih lo ang.





Pads bawm chu package a khai va va pah in hotel chhung chu ka pan a, Rendell elevator bulah nin hmel zetin alo ding, amah be tu an awm neuh neuh bawk.Ka va kal phei a hmu chiah chu elevator luhna chu a hmet vat a, a lut nghal bawk.



"Hey...min lo nghak ta che..."





A nui suk a, ka va tlanphei chiah chu a inkhar hmak mai!!! Shit, elevator kawngka chum pah in ka phun vak vak a, enge a hriat thut a?? Kha ti khan a awm ngai silo?




Thinrim tun chuan elevator lo chhuk leh hun chu ka nghak a.Enge maw a hriat hrep ni.Ala nui ang suk lehnghal a.




"Ew...Aella, kan inhmu leh ta."





Jordan maw? Enge helai ah alo tih ve a?



"Aa...kan inhmu thut alaw?" Ka en haw mai, a nuisang a , shirt grey dal rak ha in cotton pants dum leh Nike air force var nen.




"Nangmah in em ni ilo kal?? Nimin khan keipawh ka thleng ve chiah a, ka nu te tlawh pah in ka zin mai mai mawle."





"Rendell nen...mahse hei, min chhohsan ta daih a"





"A chhohsan che a maw?" A nui hawk hawk mai, "A fiam che tih na em ni? Infiamna ngaina lo ber ani si a"




"Ka hre biklo, mahse ka hre thuai tur ah ngai ang" elevator chhungah chuan ka lut nghal, Jordan chuan "Ka room lam a chhoh ve ka ngai alawm" alo lut ve zat.




Boruak chu a tawt up in ka hria, zawhna ho te te min zawtin a phul hlut a, ka nui liam mai mai thung, mipa ngainat awm tak ani!




"I room awmna thleng ka thlah ang che.Kal ang"




"Awle, a lawmawm viau ang chu..."




Ka pads khai mi vang nge ka zam pah, diktak chuan an ni ang a mipa chhelo ho kianga hetiang khai pawl chu an vang viau ang.




Ka room tur kawt a Rendell lo ding ka hmu chiah chu "Enga tinge min chhohsan daih a?! Enge i hriat??"




"Woods, enge ilo tih ve?'"




Daih mai a, ka en hlar ringawt.Jordan chuan nui chungin "Aella hi ka lo thlah mawle.Zawk a che, va che buh leh ve, i chhohsan daih a?"




"Ibiza ah hian i cham ve dawn tih na em ni?"




"Nimin khan ka lo thleng, hei , kan inhmu ta sa sa, naktuk lamah te kan leng ho ang chu.Anih phawt u le"




Nuisang hian a kal liam a, Rendell zawk chu a lungawi hmel chiah loh.Ka zawhna ngai bawk ka zawt nawn leh chiah chu "Zanah i pindan kawngka alo kik anih chuan luh tir hlek suh ang che.Pawnlam atang ka lock hnan dawn che nia.Va lut rawh"






Ka meng phawk hra , "Min lock hnan i tum a maw?!"





"Paris ang tho khan i chhuah vah phal anilo.Lut rawh"




"Lawk, tinge nichin khan min chhohsan!?"





"I rei em a, ka rulh let na che anih kha.Lut vat mai rawh" a awka ala vin chuang miahlo.





"Dawrah khan tv alo awm a, Grolese Praqui Factory an bomb chungchang kha i hre ve em?? Ka va en lawk alawm." Kawngka hawn pah chuan ka ti a, a danglam chhin eihlo, kawngka lo khar tum a vuan ve pah in "Buai ve duh suh.Va lut mai mai rawh"





"Ka buai chiah pawh..." A khar hmak "anilo.." ka tih zawm leh sap tho.




Ka thaw huai mai, pindan zau nuam tak! View nei tha zet leh changkang tak.Bathroom lamah ka lut nghal, wow...nuam dawn lutuk!




Room chhung ka lut leh a, ka luggage hawng pah chuan bathrope leh ka inthlakna tur te la chhuakin bathroom lam ka pan a, tlailam dar 3 vel ani tawh.Ibiza ka vawikhat kalna a ni a, nawm pawh a nuam narawh e.





Shower ka han inphuh tir chiah mai chu ka thaw hap a , nuam ti em em in ka inzut fai bawk.Shampoi leh shower gel pawh a awm sa vek.Five star hotel nge nge chu le.




Ibiza a an incheina uar ber ni a ka hmuh chu kawrfual pan diar, par chhuak vek hak leh lukhum khum ani.Chutiang chiah chuan kawrfual floral print senduk leh a var inchawhpawlh, pan diar mai ka ha a, ka sam chu dry tir pah in ka zai al al a.





Kan vel a tuipui kam fawn mawp mawp leh Coconut kung te, argh...hetiang ang a hmun nuam hi engtin nge ani ang mipa thil thleng reng reng ngaihtuah ve ngailo hian a hriat zawk ni.




Beer hi chu ka in ve thin, fridge ah beer vawt a inchhawp sa thlap.



Tv on in channel hran hran ka hmet kual zel a, news channel ah chuan Factory bomb chungchang kha.En ang hmiang.



Klay te team zinga mi pakhat an kawmna ah chuan "He thil titu hi zawn chhuah vat ani ang.Kan rindan chiah in Black sniper hi inrawlh na a neih kan ring a, achhan chu tum bik nei anih vang ani.He factory neitu te hi a target te zing ami tho ani bawk........"



Awihlo zet in ka lo ner sak, sniper lehzel in bomb control dan a thiam dawn em ni?? Eng target chungchang nge an sawi lah ka hre heklo.Factory neitute hming puanzar ani bawk silo a.




Rendell ka ngaihtuah chhuak thut mai.Kan inkar hi ka hrethiamlo, sex kan hmang a, kan in kiss a, engkim kan ti dun tawh chuan ka hria.Mahse kan in ngaizawng miahlo hi ani! Mipa ani a, bul tantu tur ah ka ngai, mahse a sawi lang miahlo thung.Eng ang rilru nge a put ang ka hrelo.Bialnu nei lai reng ani tih hre chung hian engtin nge heti taka a zunah ka uai hneh tak mai le??





A kianga ka awm hnu chuan Wendy tawngkam na tak tak te, ka pi nun hahthlak zet tawrhpui leh ka pu khuahkhirh na ata ka zalen a, nawm pawh a nuam viau.Ka awm tirh a hreawm ka tih ai daih khan a hreawm lo zawk.Mahse ka mizia inthlak ta lutuk hi enge a chhan ka hrelo.




Kawngka alo rik rak avang chuan ka harh thut a, ka phu deuh zuk bawk. "I hman chuan va leng chhuak ang hmiang?'"




Balenciaga shirt var a ha a, short pants dum leh a sam la hnawng chhap te, a hmel fresh var te nen.Tinge a chhiatloh em em reng zel??




"Ka hman ani mai"




Kan inzui chhuak hnak hnak, elevator kan luh dawn chuan ka en zauh a, nichin a min tihdan ang a a tih leh tawh loh hram beisei ang.




.....................................




"A nuam reuh hle mai..."




Coconut kung thli in a chhem dal dal a, tlai ni tla tur a eng sen phut bawk.




"In college kal lai a homework i tihsak thin chu tute maw?"




Ka en phawk vak nghal, hepa hian ka past life lehzel pawh alo chhui em ni a!?




"Engtin nge i hriat?"




"I sawi alawm" a khi sak bawk.





"Engtikah!?"





"Kan mutdun zan khan."




Ka laih lutuk vangin ka sen ap ap, mutdun zan..."Uhmm, nia...George te mawle.College kan kal lai chuan French mi te vek kan college ah khan an kal tlangpui a, Canadian thenkhat pawh an awm ve tho...Thlahpawlh ka nih vang nge French ho in Canadian thisen kai min tia min kawm tha duhlo a, Canadian ho lah in French ho thisen kai min tia min kawm leh duhlo bawk a.Archery class ah vawikhat phei chu thal in Rezza in min kap fuh lui kher tawh alawm!! Hei, ka ban ah a ser pawh ala awm hi..."





Alo en zawk a,ka ban bul lam chu ka hmuh ha bawk "A nat hmel lemloh kha...." Tinge maw mi hi min ngaihthah em em thin le!?




Ngai pawimawh lo luiin ka sawi zawm a "Basketball court ah cheer girls zinga ka tel ve tum in cheerleader Athena in i titha duhlo lui min ti a, hrem nan ka duhlo chung ka kawr an hlip tawh bawk.Diktak chuan hetiang cheer pawl a tel hi ka duh hlawllo! Ka zahzum lai ani si a, ka duhlo chung min tel tir lui a, a rahchhuah chu mi hma a ka kawr phelh...." Nui hak hak pah chuan ka ti a, a hunlai kha chuan ka zak ve thei ania aw....mahse tunah chuan ka nuih a za tawh zawk.





Mitmeng pliss deuh hlek a min lo en pah hian "Chung mite chu engtin mah i ti let ve lo em ni?? I kawr an phelh sak che a, thinrim a hnekin tunah i nui thei a maw?" Min lainat hmel a pu deuh hlek tih ka hmuh chuan pangngai zawkin ka insiamtha a,





"Nia...a hunlai kha chuan thinrim ve viau mahila chhan tu tur ka nei ve dawn chuanglo a, sawiin awmzia awm heklo.Wendy lah hian high school kan kal laiin a ngaihzawngpa in min duh tih a hriat vangin school ka kal lam chu a ke in min lo kawkalh a, ka tlu thuai lehnghal.An thianho in min la hau zui, ka sam ah te an phit a, ka sam a kir si a, an kek bu ang lawp lawp a " ka nuih ala za cheu tho! Ka lo mawl theih zia kha ka ti.Nerd min ti pawl lah bo lo.







"Hun harsa tak i pal tlang hnu pawn a hnu a sawi lehin ila hlimpui zawk mah ania, eng ang hmeichhia nge maw i nih reuh hi le...."





"Ele, hmeichhe pangngai ve mai mawle.."






"Aih, hmeichhe danglam bik mawle.."





Ka en ha, tlai ni tla lawm a mi thenkhat helai hmun a kal hi an awm ve nual a, chungho chuan Rendell chu an en duh hle.Kei ngei pawn.




"Danglam bik maw? Engti zawngin??"





"College ka kal ve lai thin chuan Woods leh jayden te nen hian kan inkawm ber a, insual leh mi tihbuai kan hrat hle bawk.Wendy te ho hi kan junior te an nia, kan sawm loh tawp in kan bunk na ah te an lo kal ve thin.Ka mi huat zawngte chu mi bully leh ragging hrat deuh te hi an nia, kan insual phah ziah bawk."





Ka rindan reng ani, tumah in hepa hi chu an tih duhdah ve hi ka ringlo hulhual.





"Wendy han fel theih zia mai chu...lehlamah chuan miin min hauh chang hian min chhan ve ziah.A nuam thei lutuk....arfhh, a hma a a mizia kha ka ngai"




"Ka ngai ve lemlo"





"I hrechiang heklo"





"Hrechiang thawkhat.College kan kal lai chuan an thianho vang hian lawm ka kal peihloh thin.Gate ka luh rualin min lo chang a, class ka ban hma in class kawtah min lo nghak bawk.A duhzawng chu duh nghet ve bur chi anih dawn hi...."





"Ni reng e, a thihchilh lo chauh zel!! Tak a, Rendell nangmah hi a duh khawp che asin"





"Ka duh ve chuanglo a" ngaihsam hmel zet hian alo ti hap ringawt.





Sawi zui tur hrelo in ka ngawi ren rawn a, diktak chuan hmeichhe dang nen a an awmdun ka hmuh hian ka lo thik ve thin.Ka mipa mutpui hmasa ber ani miau a, ka ta ni thei se ka ti ani..





Hotel kan let hnu chuan a pindan ah zanriah kan kil dun a, ka pindan thleng min thlah leh thlap, kawngka a lock hmak zui.





Kan pahnih a chawlh hmang ang mai a han zinkual hi a nuam ka ti.Engvanga hepa hi thlahlel ta em em nge ka nih lah ka hre heklo, ani ve thung hi chuan min ngaihsak pawh a anglo.Min enkawl tur hian an nawrlui zawk emaw ni chu aw... tih tur khawp hian nia a awm.






MATTHEW LEMISTER POV:::🥃🥃





"Ka tiam a che, Mabel leh Sandra ang em em chuan buaina ka siam ve hauhlo ang!"




Theo chuan bourbon in pap pap pah in min awihloh hmel fe hian "Rendell nen a hmeichhe laka in nghal zia ka hria alawm. Mission kan zawh hma hian fate in lo nei palh hlauh ange.Ani pawh ka hrilh tawh, aella hi a hnim hnaih viau chuan a fa ala pai ang tih ania ka hlauh."





"Heh, an in ngaizawng daih tawh zawk ang chu...Tinge fa neih chu i hlauh a? Nei rual pawh lehlamah chuan kan ni ve tawh tho alawm, hmeichhia i ngaihsak loh tak vang mai a tuai awm a awm tur chuan min ring mah ta che.Kan anpui em chu kawp dawnlo mahila kan anpui lo zawk alawm kan en dawn."




"Nia, transgender hi hriathran an lo har deuh nge thawk khat lai kha chuan Spanish nula emaw tiin Nancy Dellon ilo kawp palh tawh kha."





Ka khi suk mai, mipa hmeichhia a lo in let chawp ani tih pawh Rendell an nui tut tut chunga min hrilh hnu ah chauh anih kha ka hriatchhuah.





"Club a min hruai dun thin kha i inchhir fu lo maw? Chics ho kan khawm ruih zel avangin i awm a nawm loh phah thin kha?? Ho emai.Fa te chu kan kawi ve duah anga ni mai lawm"





"Hmeichhia leh fa.Hemi te pahnih hi in nunah a awm anih chuan he mission ah hian in in concentrate thei dawn miahlo .A khirh zual ho kan la hmachhawn dawn chauh lehnghal a, Mr Herbert phei hi chu a harsa viau ang"





"Tunge Mr Herbert chu?? Mission dang tur maw?"





"Ni e, a nupui hi nang nge rendell hian ngaizawng der ang tih hi ani ka ngaihtuah mek."




Ka meng phawk vak, Theo hi kan mission dang tur lo ngaihtuah zel tu ani a, kan inrawlhpui ve ngailo.Mahse tun tuma mi nupui, tar tawh viau ah ngai phawt ila han ngaihzawn der...Pitar mal zur zet tawh han zut chu a nawm dan a hreawm ang!




"Pitar ngaihzawn chu a har viau ang.An nun pum an pasal te tan an hlan ve tawh si a, han phatsan leh chu tar a hnulam a an duh ka ringlo"







"Pitar ani hleinem.Model zawk mawle."





"Rendell tihtir zawk rawh.Mi bialnu emaw nupui chhuh hi chu ka chemkal loh na lam tak ania"





"Ka sawi reng kha.Nupui emaw in lo nei anih chuan in nupui ten an thik dawn chiang sa.Mr herbert nupui chu nu valai kum 38 mi lek mawle, English mi Norma Ellington ani a, sum vang chauh a mr Herbert hi nei anih hmel"





"Ngaihzawn der kher a tulna enge??"





"Mr herbert hnaih tur leh a chanchin hre ve zel tur chuan ani hi a pawimawh ber alawm.Kan target tur te hi an chanchin kan hriat kelh hma loh chuan kan hnaih mai mai theilo.Kan rin loh lam atang min lo beilet thut thei zawk"





"Rendell...rendell ani mai.Kei ai chuan a zei zawk."






"Hmeichhe han tihkual vel dan a thiam velo.Ani ai chuan hmeichhe bem dan i hre fe bawk.Ani chuan hmeichhia a bem ngailo, an pan zawk thin avangin 'bem' experience a nei lo a, Norma chuan lo duh viau pawh nise rendell a dunzawng anih ve leh si loh chuan plan a chhe vek ani mai.Lemchan a thiamloh em hi"






"A awmzia chu keima ko ah tun second reilote chhung khan i nghat tih na maw?? God, ka duhzawng alo ni ve lo palh thei tho asin!"





Min ngaihtuah ve lek lo hian tinge Rendell lamah a tan theih bik em em le!?





"I duhzawng vak lo pawh nang chuan i kawp thiam tho alawm.Rendell an a hmeichhia a lo hruai thin thenkhat pawh a tir a i duh lemloh kha zanrei hnu chuan i duh ve thei mai zel a...lungngai suh, Norma chu i duh tak tak loh nan in control tum zawk rawh.Ilo duh leh tak tak palh ange"





Min va ngai ler deuh ve le? Mahse a sawi kha a dik ve fu tho mai.





.................................................




Ka nu leh pa kiangah tun tum chu i va awm phei teh ang, an bussiness vanga an buai loh lai ani hlauh bawk a.Mahse ka pa fa bik Eliana Lemister kei ai a kumkhat a upa chauh hian in a ka awm chang chuan a thiante lo hruai vak zel a chinga, ka ngaihtheih loh zawng tak.




Ka u zawk mah nise ka nau zawk ang mai a ka duat a ngai thung , hmeichhe ho rilru no zia hi.





"Mom, dad..."





"Matthew!! Tinge i va lo lang khat ve!? Internet velah hmu thinlo phei che ila i thi tawh emaw kan ti hial ang chu!"





"Ka thi tawh alawm...heihi ka thlarau ania" kan nui ho nghal hawk hawk.Fiamthu duh dun tak an ni bawk a, Rendell nen a kan inhriatna hmasa ber chu ka pa leh a pa hi bussiness partner an ni a, mahse kan inhmuh tirh ah kan inngeihlo nghal hle.





Club pakhat ah a vawihnihna atan kan inhmu leh a, kan insual nghe nghe.Kum 20 kan nih lai ani, ka biang duk vek khawpin nih kha min hnek.Mahse ani pawh a hnar ka hnek thi ve tho alawm.




Ti hian, D'el Telliege Group kan join dun hnu chuan a inkawmngeih ber pawl kan ni leh tho a.He pawl ka zawm chhan chu ka pa pa, ka pu hi heng politician ho te nen a inkawm hnai tak tak te an ni a, mahse inthlanna a a chak theih bik em avangin an thik a, an that ta anih kha.Ka pu, putar tawh tak lehnghal.Ka pi in ka pu thi ta tuar thiamlo in reiloteah mual min liamsan ve leh bawk a.






Ka pi leh pu te ka hmangaih vang chauh a he pawl hi join ve ka ni.Mahse ka chhungten min hriatpui lo thung, ka pu kha thah ani tih lah an hre heklo, an ngaih ve dan chuan car accident ani a, mahse ka rin hlawlloh vangin ka chhui tha leh ngat.





Eliana in min hmu chiah chu rang lutuk in min lo kuah thlawp a "Matthew!! Ka ngai tawh lutuk che! I penthouse a ka lo kal changin i awm ngai mang silo, tinge i bo hmiah zel a!??"




"Invisible man ka nia..."





"Fiamthu ziah suh aw..."





Nuih chhung hi chu a van reilo tak.France ram mai bakah khawvel pum in a an buaipui heng minister hlui leh ni mek te thattu kan ni tih hria se ka chhungte awmdan tur chu....An fapa hian tual ka that tih hria se engtin nge an awm ang??





Ka ngaihtuahna avang chuan ka nui hmel a reh riai riai thei.





"Matt, va inbual fai la, i pindan pawh kan tifai ziah ania.Zanin chu dinner special tak kan chhungkua in kan kil ho dawn nia.."





"Mom, ka thiante ka sawm ve thei angem?"





"Aih, Eliana.A theihloh!" Ka lo ti vat.Ka rindan ang chiah ani.A thiante zingah hian Rendell nen a kan lo one night stand pui ve tawh mai bakah min ngaizawngtu an awm nual a, min hnimhnai lo se ka duh ber.






"Engvang?? Hei, kan group ah ka post hman asin..."





"Ni e matt, a pawilo.A thiante ho hi an fel a, tunlai an lo leng khat bawk nen..an ngaihawm ania.."





Eliana phone chu ka la lawp, "Matthew alo haw .Dinner lo ei ru". "Taktak ami?? Kan lo kal nghal"





God, this damn...Ka mitmeng tikual rulh pah in a phone chu ka theh thla rawp a ka pindan lamah ka chho nghal nul nul bawk.





.............................................



"Taktak...Hei, a hma a i kawp ve thin Tyla Anino pawh alo kal.Party tenau ani ringawt alawm.Ponsy Hailia hian ka awm a ti nuamlo ber."




Ka thusawi a ngaithla uluk lo deuh ni a ka hriat vang chuan "Enge i tih a!??" Ka ti vak a,





"Aella nen card kan khel.Nakinah ka lo call ang che"





Hrep chuan aw...Dinner kan eikham hlim, pawn a thu chungin dessert vel ei a kan thutkhawm lai mek ani.An thianho chu sawm dawn lai an ni leh zui.Nula chhelo rual kara awm chu nuam ka ti mahse ka chhungte kiangah kher chuan nilo in.




"Hey matthew...I van tawngtlem bik em em?"




Kara Felinda..."Tawngtlem hleinem..."





"Tunlai in thianho hmuh tur in va vang ve?? Party na velah pawh in inlan ngai manglo..."




"Nia...Sandra leh mabel hi an inlan zing deuh a ani mai..."




"Nang pawh lo inlan ve la..." Min lo nek talh talh, ka phone lo rik vang chuan nuisangin "Lawk aw, ka bialnu in min lo call" ka thawh san nghal.Kara te ang hi ka nin zawng tak anni.




"Sandra,tun tum kher min lo call a ka lawm zia chu le....Eng buaina nge in tawh leh tak?"






"Hmela, buaina liantham tak mawle!"




Ka ring reng ah..."Eng buaina maw?? Pub ah in kal leh ami?"





"Aih, Klay Callister te chungchang.He bomb tihpuah chungchang ah hian keini ho hi min ringhlel a, min enthla ru tu tur te a ruai ania.Black sniper hi tu emaw ber kan group ami hi a nih a ring a, "






A serious ta deuh "Engtin nge i hriat? Min enthla ru tu tur a dah tih chu?"





"A pawlte zing ami pakhat ka hrai rui a, ka dawp chhuak mawle."





"God!! An manchhuak zawk che nge.Tinge chutiang te i tih reng reng a!?"






"An thusawi ka hriat duh vang alawm.Hlauthawng vak duh suh, a mit ka tuam a , a rui bawk nen engmah a hrelo"




."khum lamah i thlem kai tihna ani maw?"





"Ni e"




"Kan fimkhur hle a ngai dawn anih chu.Rinhlelhna mit kan tihreh nan eng thil nge kan tih ang?"






"An group tanpui tur ang in hma kan la ang"





"A tha viau ang...."





................................





AELLA VINGETT POV:::💞💞💞






Rendell chuan a laptop min khawih tir a, ani in a phone.Ibiza a nithum kan chamna ani tawh, kan in pawh zual sauh ani mai.Card kan khelh dun loh leh kan leng kual a, hmun hran hran alo hre hnem viau.




Sofa ah kan thu dun ve ve a, a kut lehlam in ka chips ei lai a keng bawk.




En lemlo chuan ka ban a, ka ei mial mial a, laptop atang ka online ve thung.




A phone khawih ah chuan rilru a pek hmel viau, chips en lemlo a ka va ban leh tawp chu engemaw nilo....ka sen tawn tawn a, ka en nghal bawk, ani pawn min lo en kur mai.Ka kut chu rang lutuk a la let in ka che buh leh nuaih ta, ka nui der then a





"Chips emaw ka tia..." Lalpa....A mipatna....



Chips bawm chu a ban a tihchet na lamah alo dah sawn palh chu niin...




"I sen vek ania" a khi suk,





Ka khup chung a ka dah laptop chu ka chet khurna lamah ka thlauh bawl bawk!




"Sorry, lalpa leh...Rendell, sorry tak tak..."




"A pawilo, ti khan khawih tur i nei ve tawhlo ani mai"




MacBook ala ni zui, a ngai ho viau lehnghal, laptop chu ka lo va thlauh na awm ve le a screen a keh nuaih mai alawm...Mahse a thinrim miahlo!





"Sorry"





"Kha, i chips bawm.Keng zawk rawh, ilo hresual leh palh ang"




Ka lai tut tawh.A va inchhir awm duh rum rum ve!




Bathroom ah zahzel ah ka va lut ta ngawt, ka kut te ka sil fai a, ka chips eina vek! Ka hmai te ka phih kual vel ta mai mai.




.............................................




"He pot chu a to ve viau ang le..." Ka chawi nelh a, ka en kual dan dan bawk .



Rendell ve thung chuan eng lehkha kha emaw ni nen khumah a awm hnawk nuaih .




Pot rit nelh ka dah thla tur chu dawhkan hmawr ah...a keh leh chuai!! Rendell chuan min nin hmel zet in paper pakhat khup hnawk pah chuan a thaw hap a "Vawiin ni ah ringawt pawh vawi engzat nge ri bengchheng i siam tawh le?"





"Ka unlucky day aniang.." chhun lamah lah frame in tar ka lakthlakna lamah a keh leh tawh.A thinchhiat ngaihtuah in min vin vak lo hi a mak ka ti zawk hial.





"Hotel thil ania, kan chawi leh ngei a ngai dawn anih kha..."





"Sorry..."




Lo tho pah in a kekawr ipte a zen a, min din hnaih hle.Pot keh nuaih en pah chuan za lo zet hian ka nui lui ha a, "Sorry..." Ka sawi tur hrelo chuan ka ti nawn leh.




Ani erawh chuan ka inrin hma hauh in min pawt hnai a, min fawp chawt mai!! A la ngai reng...kan inkiss hmasak ber a a taste ang tho kha...




Bangah chuan min nem bet a, min fawp tawn tawn bawk.Mit chhing pah in a tukhum lamah ka kuah a, ka chhang let ve nghal.He a hmui nem thap in a ka hmui a tawh leh hun ka nghahhlelh zia hi a hre lo hial ang!





Rang zet hian ka ***** lam a khawih kai vat, keipawh ka lo tang teu, tunah tak hi chuan ani tluk a ka mipa mamawh hi an awmlo ang!





"Kan thlen nawn tir leh dawn ani maw?" Ka ti sap a





"Aw" alo ti nghut, achang chuan ka hrethiamlo.Min hnaih suh ati leh ang lawi zel si.Mahse kan in mamawh tawn ve ve ni in ka hria.





Khum lamah min pawm kai nawlh , lehkha ho chu chhuatah a theh thla hmuk hmuk bawk.A thawmhnaw a phelh lai chuan mitmeng vam ham hian ka lo en ran a, a body nalh zet leh a tattoo pa zet zet te....




Min lo fawp tha leh a, ka si hiam hiam tawh.A nawm dan a dangdai takzet !! Ka pants hak lai alo hlip chiah chu ka thaw hap a........




(18+ ....chhiar loh a tha zawkin ka hria)



I'm not myself when you are around.
Side by side...we are just that close.
You are sleeping next to me.


So how came when i reach out my finger against your chest.
That i can know your body change
Your soul turn as hot as the evil fire.
Need me, like i need you.




.................................................



A vawihnihna...ka inchhir miahlo bawk!



Zingah chuan tho in ka hmuh hmasak ber a shirt chu ka inthawlh ve hmiah a, ani erawh ala mutui ngang.




Bathroom ah kalin hmai ka phih a, darthlalang hma ah chuan ngawi reng a dingin ka in en vang vang.Aella Vingett, a vawihnihna....




"Breakfast ila ei lo"




"Ka puar rih....vawiin chu ka thianpa te inah va leng ang , min sawmna a rei ve leh tawh angreng a, ka la kal peihlo a"





"A that chu...." Mozarella ka ei mial mial, a shirt thawl zet a ka ha a hmuh chuan a tukhum hiat pah in thophang zet hian a kiai suk a "Ka lo zawng buai peih mai mai ani"





"Ka hmuh hmasak ber ka ha tawp'





"Pawilo.I inhmeh phian kha"





Ka nui var var, a hmeltha zet te nen lam...A lak atanga fakna awka ka dawn ve vawikhatna! Nuam tak ani.




..............................



"Wow, roscoe...Heihi i bialnu em ni!??"




"A thian ka nia" ka lo ti vat.Rendell chuan min lo en zawk a, ka ti laklawh tawh.Nia, a bialnu ni heklo i.




"Thian lehzel pawh i thlang chhelo leh bik hle mai...Sandra leh mabel tih tawh naklai a..."




Chester Frost ani.Sam dum tha zet leh hmelhmai dik zet.A inthuamdan en mai chuan bussiness man emaw tih mai tur khawp ani a, mahse chu ai a hniam hret, a fapa zawk ani.




"Zanin party ka buatsaih na ah lo kal ve ta che u? In hman angem?"





"Kan lo tum dawn nia"




"In duh viau zel lo teh.Rul tawk lek lek ngawt chuan tinge min chhan a?"





"Tawng duah hi a hneawm a"





A chhan dan vang chuan ka lo nui leh suk suk zel.Chester hmel buai nak te nen lam.




"Aella hi i thian chauh anih si chuan...zanin atan ka chan a rem em?"




A thusawi vang chuan rang lutuk in Rendell banah ka kai vat!! Rendell thinrimna tur zawng a sawi leh tlat hek! In sehruh deuh teu in "Hmeichhe nazawng hi i kawp a thiang vek kherlo"





"Uai! Thinrim hmel ve....Ngai thutak suh, ka han fiam mai mai che a tin ni.Zanin chu lo kal ngei ngei ang che u.Ka thusawi tak vang mai mai thulh leh phalloh"





Rendell chuan vodka a in leh pawp zel ringawt.Kei erawh an thiandun inbiakna a lo tel ve chiam ka tumlo.




"I ex tr hmuh palh i hlau em ni?? Lungngai suh, tumah ka sawmlo ang" a nui hawk hawk a,Rendell chu a tawng el deuh kher hian ka hria.





Rendell chuan rum lam lek lek hian "Kan lo kal mawlh ang, i duh leh i sawm hlawm dawn nia"




"Takzet? Tehreng mai"




An inbiakna a fuh hleitheilo, kan haw lam chuan car a khalh a, a car khalh lai chuan biak buai loh tur.




"Kan kal dawn em?" Ka ti sap, ka en kar bawk.Elevator ah kan chuang mek.





"Aw"





Challenge na ang deuh ah a ngai ani mahna...





..............................................

Party with a foe.




Jordan woods pawh alo kal ve ! Chester sawi ang tak tak in Rendell ex ni awm deuh deuh ho chuan Rendell chu an lo be leh chul zel!



Kawrfual gold-white lek lek khup khuh a parh ka ha a, ka sam chu bawk luih in heel dum leh clutch dum.Party na a awm ve ho ai chuan make up ka hmang tak lo deuh.




Rendell chuan coatsuit navy blue a ha thung.Tunah pawh hmeichhe pahnih in an be mek.




An sirah ka lo ding ngawi ngal ringawt.




"Hi Rendell, inhmuh loh na a rei leh ta"




Chu nu in alo be chiah chu hmeichhe pahnih te chu an kalsawn nghal.





"Ibiza a awm leh Paris a awm daih chu inhmuh reng thu awm heklo"





"Ni chiah mai .Mahse photoshoot nei tur in Paris ah ka lo kal fo tho alawm.Min leng tur a ka sawmna che pawh ilo chhang leh duhlo a"





Chu nu chuan kawrfual khup khuh dum nghalh mai, ban bul leh nghawng zim zet.Lace dum glove a ban chanve thleng a sei, heel dum nalh tak nen.A hmel lah chu a tha hrep a, a mitmeng cool chhap leh a nuimawi zet te.





"Nia, ka buai lai tak anih vang anih kha"





A nui har har a, rendell khawih thuak thuak pah chuan "Engtik ah nge i let leh dawn? I let hma in lo leng ila a tha ang"





"I peih te chuan le"





Ka lo tum vuau tawh.An in be tha hrep lehnghal a..Nope, thik ve ngawt suh! A bialnu ang a chhal inilo.




An inbiak buai lai tak chuh in ka kalsawn ta daih a, ka thaw huai zu nia!!




Jordan in min lo be chat , "Rendell kianga i awm lai chuan hnaih ngam ini silo a"





"Engvang chuan maw?" Ka nui hak hak bawk.




Ani pawn nui chungin "A thinrim zel sia"




"A ho emai.Tak a, engtia rei nge hetah la awm i tum?"




"America a ka let hma chu ani mai.Ka nu ka ngai ve deuh tho a"




"Nu te ngai rual pawh i nih tawh loh hi"





"Ka neihchhun ani ve sia lawm"





Kan nui dun hak hak, chutih lai tak chuan ka kawng atang na zet a min lo kuah sawk tu hi a awm a, ka pai deuh dawrh thei.




"Ka hriat loh hlan a kalbo hi i sim tur lian ber ani"





"In in be zo tawh ami??" Nia, an inbiak lai a lo awm ve reng kha a nuamlo alawm.






"Zo.Kal ang"





Jordan chuan "Kan la in biak rih hi" alo ti ve hlar.





Rendell chuan rum lam lek lek in "Lizzy kha khawnge? Ilo hruai luh reng kha"






"Lizzy nilo in aella ani ka biak"






"I biak ve a rem tawhlo tih na anih chu"






"Rendell, i hmeichhe hauh i tina mah mah zel!"







"Rilru thianghlim vaklo pu tu lakah chauh"






"Zawnga"





Alo pan hnai titih, Rendell chuan ngai pawimawh lo zet in hmai thal ha hian a en thung! An insual ang tih ai bak a hlauh ka neilo.




"I bialnu pawh ni chai silo hi engvang a in ta neih ve ngawt nge i nih tih kha in zawt zawk rawh"





Rendell chuan "Ilo buaina tur a awmlo"






Jordan thin thawk thut nge Rendell chu a hnek ta siah mai!! Ka te that bawk! Kan vel ami te an lo hawi phawk nasa.




Rendell chuan a khabe tikual rulh in rum zet hian a melh a , Jordan tawng leh tur tak chu a hnek let chawrh, chumi pah chuan a tlawh thlu thuai a, a hnek ta chawrh chawrh mai!





"Rendell...a tawk...rendell!!"





A thinrim tawh chuan thelh harsa tak ani! Jordan in kut alo thlak hmasa miau a, Rendell insual thiam zia ka vawikhat hmuhna! Thut thleng a tlu rum rum a, a then an lo khek chul, a then an au.An hlau phili chu hmuh a nuam lemlo.





Ka ding zum ngal a, tawp tur in ka ti nasa hle.






Chester alo lang ve ta.Chester leh mipa thenkhat chuan an thlelh thei hram.




Jordan hnar a thi phung a, a ka a thi nge thisen a chhuak bawk.




Rendell pawh a mitko a khem niai mai.Thinrim zetin Jordan chuan tawngkan chhe tinrengin a aukhum a, Rendell zawk chuan a hmui sir thi niai tuai hluk pah in a chelhtu te lak atang chuan a tal chhuak a, Jordan a khawih leh mai ka hlauh vangin a coat hnungah ka lo chelh vat.




Chester chuan a chhan a zawt a, Chhanna a dawng lemlo.




"Haw ang, rendell....i mitko a thi ania.."




"f**k...mai mai chuan " a ti hluk, a mitko thi khawih zauh pah in Jordan au chiam chu a melh a, a chhang let eihlo.





Ka hanky ken in a thi chu ka hru vat vat a, ka hlauh lutuk vang nge maw ni ka khur der der thei hial, a mitmeng a thim khap bawk.





Car a kan chuan luh rual chuan "Tinge in inhuat tak mai le? College in kal lai a in inkawmngeih thu pawh i sawi fo si a..."






Min chhanglo in steering a tuai vir hluk, a mitmeng atang a thinrim zia a lang reng.





Keimah vang ni maiin ka hria, ka awm a nuamlo vek.




Hotel kan thlen hnu chuan first aid box la in a pem velah chuan damdawi ka hnawih a, a indawh mawl tawp ringawt.




"Naktukah Paris ah kan let ang" alo ti nghut bawk.





Ka hnial lemlo, a thusawi ang ang chu aw ani tawp mai.





.......................................





AFTER ONE WEEK.



LOCATION::PARIS, ROSCOE VILLA




An thianho kianga dinner ka han kil chiah chu ka che â huih thei hial!!




An changkangin an zahawm hmel hlawm khup hian ka hria.





Sandra nen kan thu dun a, Mabel chuan a dum hlang hlir a ha leh tawh.




"Inhmuh loh na pawh a rei leh tawh alawm le..."





Theo chuan min lo nuih zauh a, Rendell mitko la dam chiang chiahlo chu Matthew in a 'comment' mawlh mawlh bawk.




"I plate a thil awm kha i ei dawn nge i tawng reng dawn?" Mabel chuan a fork a kawk zauh pah hian ati a,





"Jordan chu a huaisar reuh em a tin ni.Kut a thlak hmasa ngam ania"





"Social media vel atanga i hriat leh ai bak ani awm tawp silo a"





"Ni reng e...A lar em alawm"





Rendell chuan nin hmel zetin Matthew kut chu a khawng thla leh hluk zel.





Sandra chuan "Norma Ellington nen chuan enge in chungchang?"





"A zei khawp mai"





"Yokk...Amah zawk elaw huamhap?"





"Ni mai e, hma ka lak ve reng reng a ngailo"





An mi sawi chu ka hriat zawng pawh ani velo.Theo chu a fel ber ka ti, a ler loh hmel fal nalh bawk.Min be leh zauh zauh bawk a, a hawihhawm in mi han biangbiak vel a thei phian.





.....................................





"In partu join tur a sawmna dawng ve lemlo mahila kan lo lang ve mai mai ange"





Kawngka lam kan hawi deuh thap, min thah tum tunu leh mipa leh hmeichhe 2 ve ve...





A nuisang a, Rendell te ho an in en kual hrek hrek bawk.Ka nuihmel a reh nghal hmak thung.




To be continue




Guys...sorry, buai chung chungin ka lo up hram ani e.Ka u chhul an zai dawn a, an buai em vangin an inah ka awm phei rih a, a fate ho ka en pui rih a ngai bawk nen, a ngaihnawm pawh ka ring chiahlo.In mi hriatthiamna ka dil e...


🍒♥️Gigi Dee 🍒♥️
🌹🌹

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)