**Sky** chapter - 30

Episode kal lai dah luhna

Moderator: writers

Emily Nunui Colney
Posts: 77
Joined: March 15th, 2020, 2:47 pm

**Sky** chapter - 30

Unread post by Emily Nunui Colney » August 2nd, 2020, 1:09 pm

Ka card dawn chu hawngin ka chhiar a,, ka thaw hawk... Ka phone ri chuan min ti harh zawk...
"Hello" Ka tih ruala leh lam atang a aw rawn chhuak avang chuan ka ding chhuak deuh hluai a,,




"Ka sawmna card kha i lo hmuh tawh ka beisei" Arawn ti dam thlup a,,,
"Ka hmu lawm" Ka lo ti sep
"Khawngaihin lokal ngei rawh aw,,, bawiha vang ni lo in ka ngatnat na vang che in keimah pual bik liau liauin ka rawn thawn che anih kha,, i lokal ang tiraw" Ati zui nghal a,, ka thaw hawk
"Ih ka hre mai lo" Ka ti zawi sap a,,,
"Khawngaih in ngenna anih chu" Atih leh rual chuan chhanna tur ka van hle..
"Ka lo tum ang" Ka ti ta ngawt a,,,, lokal ngei ngei tur a min chah chungin phone chu a dah a,,, ka thu thla leh hnawk







Card chu ka keu nawn leh a,,, lucas te hotelah christmas lo thleng tur pual a,, hun hmanna leh an hotel in tanpuina a sem tur pek chhuahna hun an hmamg dawn,,, anu ngeiin min rawn sawm bawk... Ka kal thei dawn em ni




Ka hel tang tang a,, keimah bawkin ka pan leh a nga maw,, nu madingin min ngen zet a min sawmna chu hnar har ka ti mawilo ka ti bawk.. Mahse zothanpuia kha a tel ngei awm si,, chu chu ani ka hmuh hreh ni.. Ka thinlung thunun tumin ka inveng hram hram a, mahse hmai chhanah ngei chuan ka in veng zo dawn em ni...



.....
.....




Duh tawka in cheiin nalh in ti ru ve zet chuan ka chhuak zui a,,, awmpui pa 4 lai ka nei a,, nakum lam atang chauha sumdawnna zawm ka tum nen ka la im chher hriam mai mai ani ber...






Hotel kawtah chuan nu madingi chuan min lo chang tak tak a,, min hmuh chuan nui var varin min rawn pan.
"I nalh lutuk" Min rawm kuah a,,,
"Ka lawm e,, nangpawh i mawi lutuk" Ka lo ti ve vat..






Kan luh dawn chuan ka ding dat a,,, lucas birthday party zan ang khan mualpho leh ta ila,, engtin nge ka hmachhawn ang ka hrelo ani.. Ka awmdan avang chuan nu madingi pawh chu a ding chawt a,, ka banah aranw chelh chuan ka en zawk.. Nui var varin min luh pui a,,, an hnathawk te chuan an lo wish sap sap bawk...









Lucas in min hmuh rual chuan min rawn pan vut a,, ka lo in sehruh teuh thung...
"Bawihi " Arawn ti sup a,,, ril zetin min melh run bawk
"I lokal avangin ka lawm kher mai"a ti zui leh a kei erawhin a kut rawn phar chu ka lo chelh a,,,, a pangti lum ham ham chu ka lo fill vat... Nghet zet chuan a hum vang vang a,,, a thlah leh thleng chuan ka kut ngawt chu a melh vawng vawng..





A cher deuh vang nge a hmel chu a hriam lam lek lek ani,, mahse a ti pa sauh thung....a taksa rem ziah mai coat a hak chu mawi ka lo ti hmanhmawh hle,,,a hmui hnuai lam chah tap mai chu a liak zauh a,,,chil ka lo lem khawlh thung..Ka hmuh chhung reilo te ah pawh ka lo chik zia ka in hrechhuak thar a,, ka zah hnuhnawh kher mai....




Ka ngawih vauh vauh lai chuan chiang zet hian min rawn enin a rawn kun hnai a,,, a ha rual nalh zet nen a anui var var chuan ka lo lai hle
"Nu bawihi hi min hre tawhlo em ni" A ti chuan ka lo chhum vat.. Nu madingi lo nui hak hak chuan min ti zak bawk si...





Hnuai lam bih ngurin ka hill chu ka chhir ka chhir a,,, ka chetdan lai kual zet chu ka haw kher mai....




Lucas chu apa in alo koh avang chuan an kal hrang ta a,, nu madingi nen kan awm hnu chuan
"Bawiha hian a hmangaih takzet che tih ka hria,,, i chungah tih sual leh ngaihdam ngaihna tam tak a nei ngei ang... Nang pawn i hmangaih tiraw,, khawngaihin in thiam lohna ah in hrethiam tawnin hmalam pan dun leh ta che u.. I tello chuan hmalam a pan zo lo ang.. I tanpui a ngai ani"a rawn ti chhuak a,,, sawi tur hrelo in ka ngawi reng.. Ka ngaihtuahna vak thui zet chu ka zui kual a,,, ni e kei ngei pawh hian ka ngaiin ka thlahlel ngawih ngawih asin...






Programme tan anih dawn vang chuan kan thutna lam tur chu kan pan zui a,,, ka ngaihtuahna vak kual nasa atang pawh chuan in thing harhin boruak chu ka hip deuh kawk a,,,





Zaithiam hrang hrang an zai bawk a,, mipui kal khawm pawh an tam ngei mai... Tanpuina lah an sem chhuak nasa cher cher khawp mai.. Mi in phal tak an ni ngei ang...






Boruak reh ta riapah chuan ka hawk chhuak a,,, light chuan keimah chiah min rawn chhun... Ka tih ngaihna hrelo chu ka hawi kual ruai a,,, lucas chu ka bulah arawn din leh ngat phei chuan ka hawi hawi ka ringawt..





Ka hmaah thingthi hniam in min en a,,,, ngaihna hrelo zetin ka melh reng
"Bawihi tling lohna leh fellohna tam tak ka nei tih ka hria,, keimah vangin vawi tam i tap fo a,,, i muttui ka ti tlak zo zai te hi ka tuam dam thei a ngem ka hrelo.. Mahse ka duh" A chawl dat a,,
"Luke" Tham chal chuan ka lo ti chhuak a,,,
"Engpawh ni se heihi ka sawi duh,, ka hmangaih che,, engkimah khan bul tan tha ang... I muttui tla tawh te kha ka la let theilo.. Mahse theihtawpin tuam dam ka tum ang.. Khawngaihin min nei rawh,,, ka kut vuanin khawvel hi hmachhawn dun ang... I muttui hi a ti tla leh tawh ngailo ang tih ka tiam thei lo che,,, a chhan chu thlipui tleh thin hi a tleh tawh dawn lo tih ka hria loh avangin mahse i muttui chu i hlimna vang a tla turin theihtawp ka chhuah ang" Ril zet hian arawn ti a,,, ka en reng chhan dan tur ka hrelo a,,, ka thil tawn thut chuan min ti hrilhhai ngawih ngawih... Lucas mitmeng a min ngenna leh a thusawi chu tum ruhna nen a sawi chhuak anih zia ka hmu thei..





"Bawihi min nei rawh" Beiseina nen chuan arawn ti chhuak leh sup a,, ka harh zawk.. Beiseina nena min en reng tu chu melhin thawk ka la vang vang... Engkim mai chu a reh thuap.. Ka chhan chu chulai a awm zawng zawng chuan an lo ngaichang ve emaw tih mai turin a reh ruap a,,, ka zam thar ta em em bawk..





Beiseina nena min en tu hi a duh ang chhanna pe in ka nuih tir dawn nge ka luhlulna leh natna te vang hian kalsan hlen ka thlang zawk ang... Ka ngaihtuahna phir zet chuan min ti buai kher mai...





Lucas chu chiang zetin ka en a,,, zam hmel a pu lek lek.... A kut a zungbun bawn ken chu ka eng reng a,,,





A sawmna ka pawm sak loh chuan heng mipui zozai zinga a mualpho tur zia ka hria,, chu chu ka duh si lo... Heng zawng zawng hi an remruat sa em ni ka ti hial....




Ani lo chu tu mipa mah ka hnaih thei tak tak ngai dawn lo tih ka chiang.. Mahse tunah chuan ka la in peihlo ani.. Ka inpeih lo tak zet.. Ka in rintawk ve na zawng zawng min lak bo sak vek a,, tunah amah a tu lutin ka in nghat zo a ngem... Ani hi ka ring pum hlum tak tak thei dawn em ni tih chu ka rilru chuan a in zawt mawlh mawlh..



"Ka nei ang che" Ka tih sap rual a ka hma mipa thingthi chu mitmeng a phurna nen rawn tho chhuakin min kuah thlawp a,,,, mipui lo au dur dur leh kut beng ri chuan a khat..





Harh chhuak thutin a in a inla hrang a,, ka dar tawn tawnah min dawnin ngun zet in min en a
"Min nei dawn" Phur zet hian arawn ti chhuak a,,, ka lo bu nghauh..




Hre chhuak thut ni awm ang mai hian zunbun chu min bun tir a,, ka chalah rawn fawp zauhin
"Ka hmangaih che" A ti leh sup a,,, min kuah zui leh a,,, ni e keipawh hian ka hmangaih....





......
.........



Zing ka harh chuan ka awmna chu ka hei lek lek... Nizan khan lucas khan kan chawlhna inah min thlah tak...


Tho chhuakin ka inti fai zui a,, ka kut a rangkachak zungbun chu tuai heuh heuhin ka nui sei a,, tunah chuan Lucas zothanpuia nupui hual malsawmdawnzeli ka ni tawh... Huatna ai a hmangaihna nasat zawk zia ka hrechhuak miau a,,, chuvang chuan hlim taka nuih i phu ve tawh alawm tiin ka duhthlanna lam pan ka ni... Ka inchhir loh ka beisei.. Kan innei ngei angem ka chiang lo mahse chu zawng hunin a hril ang chu.. Tu pawh chuan change neih chu an phu alawm.. Ka lo tisual nawn leh anih leh ka tuar mai aniang chu





Naktukah Lucas nen delhi ah christmas bazar pahin chawlh kan hmang dawn. Ka phur hluai erawh ka hrelo... Lucas hian ka nihna engmah hrelo tih ka hria,, hrilhna hun remchang a awm hunah ka sawi mai aniang chu





Nizan pawh khan helam a min thlahna chhan kha engmah a hriat loh vang ani.. Sawi dawn chuan a thui kual em avangin huntm thawl kan neih hun atan ka khek mai...




Nu malawmi chuan min lawmpui em em a,,, a phur em em bawk
"Ka bulah lo awm ula ka ti" Ka tih rual chuan
"Huan hi enkawl a ngai a" A ti ve zui mai a
"Huan chu midang kan zawng dawn nia,,, mahni chuan a khawhar thlak emai.. Bakah upa uap tu awm lohna chu a zahawm loh.. Engmah tih a ngai lo... Ka nu leh pa ang in ka en che u a,, chuvang chuan ka bulah awm ula ka duh ani" Ka tih chuan min en reng a
"Nangpawh ka fanu alawm inih" Tih pahin min rawn kuah a,,,
"In lo awm ang tiraw" Ka tih leh chuan
"I pa buata ka lo be ve phawt ang" A ti sap a,,





Lucas nen kan zin dawn vang chuan a insiam lawk deuh a,,, zing a min rawn wish bak ala reh hmak... Ka ngai veng veng.... A pangti lum ngheng a min kuah leh khan ka lo hahdam zia ka hre thar a,, an ni chhungkaw hlun tan hian kei fahrah mai tan hi chuan an sang mah mah ani...





.......
.....




Nu malawmi te ka ngai ve tawh nen hna em em ka nei chuang lo bawk a,, an bulah chuan ka awm tlang ta law law a,, Lucas hi engtin nge ka chanchin ka hrilh ang ka hre mai rih lo... Sawi tur tam tak a awm., ka pa athi tih pawh ala hrelo ngei ang... Hun remchang awm vat teh se






Kan in kawta motor rawn rik chuan in peih zetin ka chhuak a,,,,motor atang a mipa lo chhuak chhelo leh pa zet in khai thli zarh mai chu a tluk zo awm hian ka ring lo... Ka lo en ngawih ngawih chu min rawn nuih a,,,,
"Dik lo a awm em?? " A mitko a san uk a,, lu ka lo thing... I dik lutuk zawk hi ka buai tih let mai ka duh...





In chhungah lut leh in ka luggage chu min khai chhuah sak a,,, nu malawmi chuan awmze nei zet hian min chhaih bawk...
"Hlimna zawng zawng i phu ania,,, helai hmuna thil thleng zawng zawng dah tha in nuam takin hun zuk hmang rawh aw,, helam chu rawn Ngaihtuah suh" A tih chuan ka lo then sak...




Motor ah kan in hlan zawh chuan kan tlan chhuak zui a,,,, Lucas chuan min rawn en zawk a,,, ka kut chu rawn a kut leh lam chuan arawn vuan a,, hmalam chu a melh ngur a,,driver in motor a khalh thung..tuna ka kut vuan mek tu nen hian kan awm dun leh ang tih ka ngaihtuah ngai lo... Mahse chu chu a thleng mek si,, ka beiseina chau tawh tak nen hmalam pan thar leh turin ka in buatsaih mek ani





"Bawihi i ril atam em" Arawn tih chuan ka lu ka lo thing a,,, ka nui zuk hak,,, a mit meng chuan ka nuih chhan min zawt a,
"Ei ka theih hmel elawm" Ka lo tih chuan a nui ve suk...nghet zet chuan ka kut chu a hum vawng vawng a,,, ka hahdam em em thung..





Airport kan thlen chuan kan tum ram lam panin kan thlawk chhuak ta nal nal a,, boruak thar dawng ila ka thaw pik zet pawh hi a bo deuh ngei ang..



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)
Post Reply

Who is online

Users browsing this forum: Google [Bot] and 147 guests