"Inpeih vat rawh keipawh make-up ka inhnawih zo nga ka zo a ni mai, scooty kha keng ang che" thupe aw zet chuan a ti. Ka ngei lutuk in phone chu ka hmai zawn ah ka dah a 'nooooooo!' ringtak chuan ka ti a ka dah hmak inla boss lutuk mai.
Ka insiam zawh hnu chuan ka room atang a chhuak in garage atang chuan ka scooty chu ka khalh chhuak a. Nooo chu ka ti tak na in taxi ah man chawi a chhuang ai chuan ka thlang fe zawk scooty khalh.
Rosangi chu an in kawt ah chuan a lo ding vang mai a sam chu a huh deuh vang chuan a in khuih pial tha khawp mai. "Nge nooo! i tih kher a hei i ken leh tho hii" scooty a chuan pah chuan a ti 'i ninawm sek, ka start dawn a nia min kuah nghet rawh mipa kuah tur te hi i baihvai ve sia" nui tet² chung chuan ka ti.
A ner nghal sung mai , "bialpa i neih vang khan min hmusit kher suh" a tih chuan ka insum zo lo ka nui chhuak nghal . Luck lo chu a ni biklo mahse a duh khirh em a ni.
College parking lot kan thlen chuan Diki chu a scooty ah chuan a lo thu vung mai a hmel en reng reng pawh sawn a ning tawh a ni tih a hriat theih. Scooty ka park fel chuan Diki chu ka scooty awmna lam pan chuan a rawn kal a keini pawh kan chhuk ve nghal. Kan hma ah tak chuan a rawn ding a "tinge in va rei em em ve" a ti sap a .
"Hei Sawmi hi lawm a rei lutuk a.. . Min nghak rei tawh mi? " tiin a zawt a. "Umm rei lutuk hei khalh chhuak tur ni si lovin scooty ah ka thut reng phah" a ti suam a ka inthiamlo ve deuh tho hma deuh ilang chuan tiang a rei min nghak lo tur hi nia.
"Class ah kal tawh ang uu! hetlai chu a sa sii" tiin sangi chu a rak chul mai. 'Nih kal ila nimai lawm' tih pah in Sangi dar ah chuan ka kuah a "ninawm! min thlah rawh a lum ka ti nia i scooty hi ceiling neih tir rawh !! nisa in min em a ka ning lutuk hei utawk dum deuh ah ka chang mai dawn' a ti phat a. 'Scooty ceiling nei i hre ngai mi kal mai mai teh' tih pah in a hnung ah chuan ka beng ri chhawk a.
Class te kan neih zawh chuan chhunthil ei turin momo an siam tui kan tihna ber ah chuan kal kan rawt. Sangi scooty a rawn chuan dawn chuan 'chuang suh kha scooty ceiling nei ah chuang rawh' tiin ka fiam zeuh a. "Ka hmuh dawn loh vangin ka rawn chuang mai ang nge aw ka pi" tih pah in rawn chuang 'Sang scooty nei ve tawh rawh i rit sii!! ka petrol a hek' ka tih chuan ka side glass atangin a hmel chu ka en a a hmui chu a ti pawrh tuau mai ben sawk ka chak .
Restaurant chhung kan luh chuan ka thil hmuh vang chuan ka ding chawt mai tek hian min deng chawrh ni mai hian ka hria.
"Sawmi, chhuak ang tlai a awm hi i tan a thalo" Ka ban ah chuan min kaih pah in a ti a. 'Ahhh... aww kal ang' bah nuai chuan ka ti pawn ah chuan min chhuahpui rang khawp mai.
Scooty ah chuan ka thu vang vang a. Ka awm zawn chu a na ut ut mai tah hawn hawn ka chak mahse khawlai a ni si a chi siloh. "Sawm kan in ah kal ila chuan kan sawi dawn nia" a ti sap a. 'Ummm.. . . Sang, Diki scooty ah hian chuang mai ta che ka tha tho lo e mai'
ka ti sap a. Sangi chuan ka dinhmun chu min hriatthiam pui tih hriat tak in nui sang chung chuan a lu a bu nghauh a.
Na ka tawrh lai hian ka thiante hian ka awm a nawm theih nan hian min nuih sang thin, min thlamuan ve em em bawk. Diki te in lam pan chuan kan chhuak ta a. Diki te in kan thleng chuan choka ah ka lut nghal fridge chu hawngin tui vawt chu ka la a ka in khawlh khawlh mai ka kawchhung hi a sa huam huam a ka awm hi a na em em bawk mahse a hma ai kha chuan ka zia, ka ngaithuah let hian a vawikhatna a ni miau lova.
Tui ka in lai chuan ka hnung atang in Sangi chuan min kuah thut a ka tui in lai chu ka chhin tha nghal. Ka dar ah chuan a lu chu a nghat a "ka hria lawm a na tih tap hawm hawm rawh a pawi reng reng lo" a ti sap a. Ka insum zolo chu ka tap chhuak nghal a na hi ka ti engvang in nge min tihnat reng ka insiam tha ang tiin vawi tam min tiam a mahse a ngai ang bawk in a ti leh si.
Diki chu choka ah rawn lut kan awmna lam rawn pan in ka mittui tla chu rawn hru "Sawm ka room ah awm ang u nuam i ti zawk ang" a tih chuan Sangi'n min kuah na kut chu ka phelh thlak sak a 'kal ang u' ka ti zawi sap a Diki room lam chu ka pan san ta a.
Diki khum ah chuan ka mu thla hnawk. Chakna reng ka nei tawhlo ka bansan ta beiseina nen a kiangah ka awm reng thin a mahse a ni chuan vawi tam tak min phatsan leh si ka mittui chu a parawl pung mai ka khawhmuh te chu a fiah lo vek ka thin zawn chu a na ngawih ngawih bawk ka lung hi an tham a an thlah dul leh a tha thar nen a ai a na a an tham leh ang mai hian a na ngut ngut mai.
Kawngkhar in hawng ri ka hriat chuan thu chhuak nghal in ka mittui parawl pung chu ka kut in ka hru nghal. Ka thiante chuan lainat hmel tak chuan min en a chau tak chung chuan ka nuih lui hram hram a. Ka thiante ngei pawh hian mitha a nilo bansan rawh tiin thu tha min fah thin mahse kei chuan a insiamthat beisei in ka chelh lui tlat a ka inthlahrung zo tawh min hmangaihtu te thusawi bengkhawn duh lo thak khawp in amah khan min bual â zo a ni ber mai.
Ka bualah chuan rawn thu thla in an thaw chhuak hak a "tuntum chu then tawh mai rawh" a ti chuai ruih a. "I induhtawkna te , I chapo na te pawh i paih bo tawh a tawk em em e vawi thum lai a kawp tawh che a tun hi a vawi li na a ni tawh a tawk then mai rawh, inthlahrung na a neilo mei chu nilo a zuam mah mah che a ni " Diki chuan a ti sap a.
Ni ee Thanpuia hian ka induh tawk na ka chapo na ka zahawmna thleng in min laksak vek a ni. Kum li chhung kan inzui tawh a min
rinawm loh san ngun khawp mai mahse a insiamthat ka beisei reng a ka dawh hram hram zel thin a chhan chu ka hmangaih miau a. A lak ah chuan ka hmangaih miau avangin tlawm zawk ah ka tang fo mahse a tun ah chuan a ni em em tawhlo ka nat lai ber a ka kiang a awm reng tu te pawh an hmaizahawm ve tawh an thu awilo in awm mah ila ka kiang ah an awm tlat reng thin ka tan chuan an hlu hle ni.
Tho chhuak in room atang chuan ka kal chhuak a seating room a ka bag dah chu la in ka phone chu ka dap ruk ruk a. Phone ka dah fuh chuan hmet eng in Thanpuia chu ka call nghal ka tha chu a zawi vek nidang ah tiang hian ka phone hi a rit ngai ka hrelo mahse ka phone chu ka thlauh mai dawn in ka hria. Ka call chu a la mai lo vawi hnih vel ka call nawn leh chuan a pick up ta.
"Sawi vat rawh hei ka buai a nia" a ti sap a . Ka inhum ruh nghal tung mai dawt dawt bawk maw restaurant ah khan min hmulo ni mahna 'kan inkar a tawp' ka ti sap a ka aw te chu a khur lek lek in ka hria. "Eng..... maw!! engvangin " A mak ti chu rawn vin tuarh a. 'Vawin khan ka hmulo che maw i ti em ni, ka ning tawh a tawk viau e kan inkar a tawp' ka ti vin thawt phone chu ka off hmak a sofa ah chuan ka thu thla hnawk kan inbiak khan ka tang lutuk kha ka chau vek in ka hria.
Room atang chuan ka thiante chu rawn chhuak in ka bulah chuan an rawn thu a. Diki chuan min kuah in ka hnung chu a beng thek thek a "i thlah ta hi inchhir ngai suh ang che, a ni ai a tha i phu i tan a rinawm reng tur mi" A ti sap a mahse ka na hi a tawp theilo thawk lak te hi ka awm na lutuk vang hian ka harsat ka ka hmang chuan thaw lut in ka thaw chhuak reng a.
Ka mittui chu ka hru seng lo ka rinna zawng zawng a ti chhia a ni. Insiamthat na hun vawi tam tak ka pe a , a tih sual leh pawn ngaihdam nan nen ka tuamhlawm leh thin mahse tun hi chu a ni tawh em em lo ka thei tawh biklo. Hmangaihna chu a dawh thei a ni lawm ni mahse tun bak bak hi chu ka dawhthei tawh biklo. Ka hmangaih zia a hmuh chuan min hmangaih let in ka tan a hlut ang hian ka hlut ve ka beisei thin a mahse ka beisei ang chu nilo vin ka ngaihdam ngun viau avang khan min zuam zawk emaw tih turin min bum leh zel si.
Ka tahna lam ah chuan Diki dar chu a huh leh nghal nuam lo duh khawp mai. Sana kan en chuan a tlai tawh khawp mai eirawng bawl ngai te ka nih vang chuan 'ka haw dawn' ka ti a Diki te in atang chuan ka chhuak nghal. Scotty chu start in in lam ka pan nal nal.
Eirawng ka bawl zawh chuan ka room ah chuan ka awm char char khum ah mu in ceiling chu ka melh ngar ngar mai a ni.
Ka nau chuan chaw ei turin min ko va, chaw te chu ka ei pawp pawp nimai in ka hria ka room a luh a mahni a awm ka chak ber mai.
Chaw eina te kan tihfel hnu chuan ka room ah chuan ka lut a khum ah chuan ka mu nghal ka mit chu ka chhing vang vang a Thanpuia'n min kawp a ni tih ka hriat hmasak ber khan awmdan pawh ka thiamlo tun ai hian ka tuar na zawk. Tun chu ka tawrh dan a, zia tawh a chhan chu vawi tam tak min kawp tawh miau a .
Chu tiang chuan rei tak ka awm a tun ah chuan amah ui a thinlung tak a tap turin tha ka nei tawhlo atan ka mittui hi a hul tawh a ni. Ka beiseina te chu a chhe zo tawh a ka tan chuan awmzia a awm tawhlo .
Ka phone ringtone ri chuan min ti harh chiang khawp mai ka phone chu la in tunge min call Tu chu ka en a. Thanpuia lo ni biak dihna ka neih loh avang in ka reject mai a. A tih nawn tluk tluk si avang in ka pick up ta nge nge. "Sawmi in hmu ang" ti tham tiak a 'biak nachhan tur che ka nei tawhlo, chhun ah khan ka sawi zo vek tawh' ka tih khum fak a. "Ka duh ka la sawilo kan inhmuhna thin ah khan rawn kal rawh ka lo nghak ang che" tih pah in call chu a dah daih a.
Keipawh chu kekawr tlawn ha in kan inhmuhna thin ah chuan kal tum in in chu ka chhuahsan ta a. Kan in atang hian a hla ve deuh hlek a mahse zu rui vel an awm "Kan inkar hi la tawp lo" a tih chuan a thu sawi chuan min deng dawk mai. Engtin nge chutiang chuan a sawi theih zawk a duh duh a tih kual theih ah min ngai em ni a insiamthat theih nan hun tam tak ka pe a mahse min bum nawn reng si tiang ang mipa zaktheilo a ni tih ka hre ngailo.
'I va zaktheilo ve' ka ti hrawk a mak tih hmel tak chuan min en ni e Thanpuia hi tawngkam na tak in vawikhat mah kum li kan inzui chhung khan ka la tawngkhum ngailo a chhan chu keimah a tha lai lai hmuse ka tih vang a ni. 'Vawi tam hun ka pe che lawm tun ah chuan kan tawp tawh' thil sawi tum niawm tak chuan a ka chu a ang zuau a 'nilo insawi fiah tum suh a tawp ka tih chuan a tawp a ni mai' kalsan ka tum chu ka ban ah chuan min man thut a.
A kut phih thlak ka tum chu min vawn ngheh em avang in ka theilo inher in a hmai ah chuan ka beng thawk a. A biang chu a kut leh lam chuan a dawn a. A chhing vang vang a rawn meng chuan min melh rum ngei mai . "A tawk mah mah ta" ti sum in ka ban chu a hma ai a na in a hmer a a na ka ti lutuk chu ka te chhuak thawt 'min thlah rawh' tap aw tuau chuan ka ti ka ban chu hmer zual sauh in "ka thu thu a awm tur a siam i nih hi i hria maw" a ti hrawk a ka hlau tawh ngei mai min khawih dawn em ni kan awmna bawr vel ah hian tumah an awm silo.
'Min thlah rawh' tiin ka tang ve tang tang a mahse tha ah lah chuan ka hneh lo turu mai bawk si ka tal apiang chuan min hmer na zual sauh emaw tih turin ka ban chu a na zual sauh si ka ban min vawn na te chu a sa hat hat mai.
"Thlah nghal rawh" ti vin thawt tu ka hriat chuan aw lo chhuah na lam chu ka hawi rang hle. Bike atang chuan mipa pakhat chu rawn chhuk in a helmet dum chu a hlim a mipa hmeltha tak a ni a mitmeng a lian in a hnarngul chu a zum nalh khawp mai. Kan awmna lam chu rawn pan in ka zawn ah chuan Thanpuia hmachhawn zawng chuan a rawn ding ve a.
"Thianpa rawn inrawlh ve suh ka bialnu nen a kan buaina a nih hi! " a tih chuan 'i bialnu ka ni tawh bawklo' tiin ka hnial hman hram a nih loh chuan hepa hian min kalsan ang tih ka hlau a ni. Thanpuia ka ban a vawn chu rawn vuan in "thla mai la a tha zawk ang" a ti thum sap a Thanpuia chu a melh no lo khawp mai.
"I va zaklo ve" a tih rual chuan a ri thawt a ka ip chawi chawi mai Thanpuia chu chhuat ah chuan a thal tawp a a che mai thei lo. Chu pa chuan ka ban ah chuan min kai in a bike lam chu min pan pui ta a. Bak ah chuan chuang in a helmet chu a vuah a Thanpuia awmna lam ka en chuan tho chhuah tum in a bei nasa mai "lo chhuang ta che" a tih chuan ka hawi rang hle tih tur ber pawh ka hrelo hepa hi ka hre ngai silo chuang ve ringawt ila eng tin nge min tih ang.
Nin hmel tak chaun "ilo chuan dawn loh chuan sawpa sawn a tibuai leh dawn che nia" a ti sap a. Thanpuia'n min tihbuai leh chu ka duh tawh bik reng reng lo tim deuh chuan ka lawn, ka ban chu la in a kawng ah chuan a dah a "min kuah nghet rawh ka tlan chhak dawn a nia" a tih chuan nghet tak in ka kuah nghal chawk chawk a.
A tlan phit ngei mai keimah hian accident ka hlau lutuk chu ka ip chawi chawi mai "khawi ah nge in aw" a tih chuan ka hre tha thei lo tep a ni "ih sawtlai deuh ah sawn" tiin hlau chung chung chuan a awmna lam chu ka kawk hepa hian min thih tir vaih chuan ka hrang khum ang vawin ah ka bialpa ka then a tun ah lah mipa pakhat ka hmelhriat ngai pawh nilo bulah ka awm a ka che hit lo ber ang..
"Chhuk tawh rawh" a tih chuan ka phu zuk mai ka zak lutuk thil ka ngaihtuah nasa lutuk in kan in ka thlen lai pawh ka hrelo a ni ngei ang. Bike atang chuan ka chhuk thla a 'ka lawm lutuk ' ka tih chuan a helmet chu a phelh a. A nachin a mi ai khan ka hmu chiang zawk a a hmel chu a mitmeng len leh a nhar ngul nalh tak avang chuan vai thlah te pawh a ang lek lek.
"Zan ah mahni in chhuak tawh ngai suh ang che, naupangte ang mai tiang thil hrelo rual pawh i nih tawh loh kha, chhuak tawh reng reng suh ang che" a tih chhuan ka thin a khei tlat naupangte min tih ve khanglang kan unau ah pawh a upa ber ka nih ve khanglang hi a. 'I zaklo' tih leh kan in lam pan in her ka rual ka kut chu rawn vuan in min pawt let dawrh a . A awm ah chuan ka in toh chawrh mai ka chal chu ka tuai vung vung a ka ho chho chuan min en kur chu ni in na ti hmel pawh a pu lo. Ka khane chu rawn dawn in min en kur mai "naupang in puitling an chang zawt zawt ngailo" a ti thum sap a. Ka mur ur ur mai a mitmeng mawi tak chu ka en reng a khap pawh a khap lo a mit chu ka mit tla lek lovin ka en a.
Ka ban a vawn na chu thlah in ka kawng chu rawn vuan a . Ka kawng a vawn te chuan ka ip chawih chawih mai "naupang kawlh ve tak i ni maw" a nui seih a. A biang veilam a biangsum khuar kek te chuan zun a nei hluah hluah 'eng nge i ngaihtuah hi Lalmalsawm bialpa then hlim i nih kha' tiin mahni chu ka inhau mawlh mawlh a.
"I bulah min ngaihtuah lai reng pawn min ngaihtuah a ni maw" ka beng bualah chuan a ti se se a. A thaw lum ham ham chuan ka ti ril chu a ti mur seng seng a tiang hian ka awm ngailo ni e bialpa chu ka nei ngei mahse tiang hian kan inhnaih zen zen lo .
"Naughty girl" a ti zawi sap a ka khabe a dawmna chu thlah in ka sang chu ka beng ah min zeh tir a "naupangte haw tawh rawh le" a tih rual chuan min thlah nghal. Keipawh eng khaw sawi set set lo chuan kan in ah ka tlan lut nghal kawngkhar chu rang tak in ka khar nghal. Ka nu chu serial en in a lo la meng a ka nu bulah chuan thu in a mal chung ah chuan ka lu chu nghat in ka mu sia sia a 'nu Thanpuia nen kan inthen a' zawi sap chuan ka ti. Ka nu chuan ka sam chu dim te te hian a rawn chul a "Sawmte lungngai suh a ni ai a mipa tha i tawng dawn lawm" tiin min tawng thlamuan a, eng inzawmna pawh nei ila ka chhungten min hriatpui ngei hi ka duh a ni. Ka nu hian eng thil pawh ti ila min support tha em em a ani tluk a nu tha an awm chuanglo khawvel a fanu vannei ber ni hian ka inhre hluah hlauh thin.
"Bawihi mu tawh rawh keipawh kan mu nge" a tih chuan ka tho vut a ka nu chu muttui ti in ka room lam ka pan nghal. Room ka thlen chuan ka khum ah chuan ka thu thla hnawk mai tunge kha pa kha? tih ringawt ka rilru ah awm. A mit meng fiah kak mai te kha a biangsum te kha naaa eng nge ka ngaihtuah hi Lalmalsawm mi â nu ngaihtuah tawh suh ti in ka phun bul bul a.
… . . … . .. … … . … … . …
Min chhantupa ka hmuh na tang khan kar khat dawn a liam tawh a Thanpuia pawn min zar buai tawhlo hrim hrim a hlau deuh te pawh a niang. Khum ah chuan mu in wattpad ah chuan mu in the demon king chu ka chhiar he story hi la zo lo mahse ka chhiar nawn tluk tluk mai a ni. Mood a chhen laklawh lai tak chuan Diki chuan min call ta ka ngei lek lek a ni mood a chen lai tak hian min tibuai ve ziah mai.
. Ka pick up rual chuan "Sawmi hei lo kal ve rawh Mualpui lamah Sangi hi scooty khalh kan zirtir dawn a" nui tet tet chung chuan a ti. Zan zan ah maw scooty khalh an zir dawn a 'aih' ka tih san hmuk "naaaaa Sawm hei i tello te chuan a nuam nang" ngen ngawl tak chuan a ti mahse eng ang pawn min ngen mahse ka rilru ka sawh san dawn lo Sangi mi zeilo lutuk ka zirtir a nih chuan a lo ber ah dar 12 thleng kan zirtir a ngai ang.
'Ka peihlo' tiin phone chu ka dah hmak ka peih lo a nih chuan ka peihlo a ni mai thil tih hun lo lutuk ah hian eng emaw hi an rawt chhuak reng mai.
Darkar hnih vel hnu ah chuan Sangi chuan min rawn call a tap aw tuau chuan "iiiihhh Sawm mi bike kan su a" a tih chuan khum atang in ka inperh tho nghal "iiihhhhh hei lo kal mai teh,Diki nu leh pa kan ko ngamlo" a tih chuan ka hlauthawng hle accident an nih chuan hliam an nei ngei ang a eng tia na nge pawh hriat loh Diki'n min lo biak loh dan ah na a tuar te pawh a ni maithei a.
'Aw ka lo kal nghal' ka tih rual chuan phone chu ka dah a ka thawmhnaw bawm chu hawng in kekawrtlawn ka la chhuak a ka ha nghal hemi te pahnih hian min van tibuai tak em tiin ka phun nuah nuah a. Ka purse chu la in în atang chuan ka tlanchhuak.
Pa Thara te inah kal in taxi in Mualpui thleng min thlah turin ka sawm chuan "a va hla daih daih ve" a ti nuah nuah a mahse min thlah tur thu a sawi tho. Tun ang zan rei tawh ah hi chuan hmelhriat loh taxi ah ka chhuang mai mai lovang.
Taxi a kan chuan chhung te chu rei ka ti em em a engtin nge ka thiante chu an awm pawh hriat loh ka kut chu ka khawih neuh neuh reng tawh mai. Mualpui kan thlen chuan an awmna ber ka hre silo min kalkualpui ringawt a ralkhat a Diki te thu ka hmuh chuan taxi tang chuan ka chhuk a chuan man pe in Pa Thara chu min hawsan mai turin ka ti. Diki te awmna ka thlen chuan na pawh an neilo tih ka hmu nghal an him pial a.
"Eng vangin nge Mualpui ah kher scooty khalh in zir a" ka ti hrawk a ka thinrim thut kan veng atang in Mualpui chu a hlat dan a rapthlak zawk ka pawisa an ti hek . Tiang ang hian na an neilo dawn tih hria ila chuan ka scooty ka keng hram tur a nia. "Khawnge scooty ka tih chuan saw" tiin kan awmna piah deuh chu an kawk a bike manto hmel tak chu a ding zuar a mahse a hmalam chu a chhe ve hle scooty zawk chu a let nguau a tun ding nachang pawh an hrelo.
Bike chu ka en chian pauh leh ka hmuhhnu a ang ka ti tlat. 'Bike neitu hi khawnge' tia ka zawh chuan "hei a lo chhuah kan nghak" an la tizui chhut thluk pawp mai ka duh an ât man an hmu a nih hi. 'In ât dan em em hi thil tullo hlir in ti a hei a man intuar a nih hi tiin ka ang buan buan a nge maw ka lo kal kher kher ni ti hian tel velo hian mawhphurhna ka lak a ngai leh ang nga, kan veng ah te zir mai awm che u nia hei helai veng a mi ta a nih phei chuan khawtlang in an chil mai tur che u sin' tiin ka ang hlawk hlawk thil tullo hlir hi an ngaihtuah a ka ning tawh lutuk.
"Ka bike hi nangmahni sut a ni em" Ka hnunglam atang a aw rawn chhuak chu ka hriat hnu a ang mahse Tu ber nge ka hrethei silo hnungchhawn zawngin ka ding daih bawk si. Sangi te chu an tho chhuak nghal "kan thiamloh a ni" tiin ngaihdam an dil nghal mial mial mahse a bike neitu pa chu a ngawi ngul a . A hmel hmuh tum chuan ka inher a hmani a min chhan Tu kha lo niin mak ka ti ngei mai,tinge maw hepa bike kher kher han sut ni?? . A mit chu a ti zim sun a ka chhip atang a ka ke ler thleng chuan min en chho a a hnung atang chuan "Eric eng nge thleng hi i bike te bei buai hi??" tiin a zawt a Erick chu a thaw chhuak hak a "Joseph i car zanin atan ka lo hawh teh ang naktuk ah ka bike hi mi ka rawn lam tir ang' a ti sap a " Awle chahbii ka va la lawk ang" tiin a kalsawn nghal a. Ka lam pan chuan a rawn pen hnai a min en kur mai lehnghal ka hlau reuh lutuk a mit meng a lian ropui si.
Ka hma ah tak chuan ding in "in chawi ngei a ngai ang" a rawn ti, kha ka awm ve vang mai in ka tel ve maw an tih phah 'ka tih a ni bawklo' bak hlar chuan ka ti a . Ka thiante chu a melh zawk a min en leh nghal "ka bike hi mizoram ah pawh a awmlo tih hre ve mai mai la, i thiante hian an rulh theih pawh ka ringlo" a ti sap a ka thiante ka en chuan a hawi pawh an hawi chhuak ngamlo kawngpui chu an en tlat ti hian hei an ai awh in min ding tir leh ta.
"Chawi rawh u" Ka tih khum hmak Sangi chu rawn hawi chhuak zuk in a lu a thing hmak ka beng pawp chak, eng nge hepa pawh chu bike manto kher a khalh ni. Rawn kun hniam in ka hmai zawn ah tak chuan a rawn kun hniam a "mahse in rulh theih dan tur kawng dang a awm" a tih chuan ka en ngul mai "thlathum chhung ka chhiahhlawh ni la a tawk a ni mai" a ti thum sap a.
Kei chuan â tih hmel tak chuan ka en reng eng vang pawh nise a chhiahhlawh ah hian ka tang mai mai lovang 'engzah nge chawi ngai dawn a?' "a lo ber ah sing nga" ka meng phawk hra mai a lu lampang ringawt atan sing nga maw em em a chu tiang kei ka khalh chhuak phal teuh lo mai.
"Kha chabi chu" tih pah in Joseph chuan Erick a chu a pe a "ka haw nia tikhan in buaina chu lo chhingfel ruu" tiin a kalsan nghal. "Car ka lak chhung in lo in ngaihtuah ang che" a ti hmuk a kal nghal "Sawmi ti mai teh hei engti kawng zawng pawn kan rul thei dawn chuanglo" Sangi chuan a rawn ti ka melh rum nghal hru an duh duh dan in ka awmlo ang. "Sawm ngaihtuah chiang ta che!!! hei Sangi ringawt a nilo kei hian college ka kal thei tawh nang ti hram mai teh" a tih chuan ka lainat ve deuh a chhungten an hau nasa dawn sia a thiamloh ni tho mahse.
Car horn ri avang chuan ka phu zawk mai 'nih ka kal mai ang' tum bur chung chuan ka ti "kan lawm e aw" nui vur vur chung chuan an ti ka vaw pawp chak mahni thiante mi chhiahhlawh ah an tang dawn a lo nuih vur vur theih. Car ah chuan lut in ka thiante ka hmuh theih chhung zawng chu ka en tang tang a. Aw thian kharh kharh ri ka hriat chuan amah chu ka en nghal "thla thum chhung a nih kha hre reng rawh" a ti hmuk a 'I ninawm sek!! ka phur tehchiam lo bawk nen sawi sek suh" Ka tih khum zak. A mitko san uk in "ka thu i awih hle a ngai ang a nih loh chuan i thiante khan an tuar ang" a ti thum bul bul a hmeichhia chu nise ka insualpui daih tawh ang min vau ve khang lang mai.
A Tumah mah inbe tawh lem lo chuan kan in chu kan thleng ta hram a car atang a ka chhuak tur chu "naktuk atang in ka rawng i bawl tan ang lo inring ang che" a tih chuan ka insum zo tawh lo kawngkhar khar pah in ka kut zung lai chu ka hmuh, a ve mai mai a thu min pek khanglan ni..
Erick Zosangpuia (POV)
Sawmi ka thlah hnu chuan kan in lam ka pan ve nghal kha naupang te kha ka thuhnuai ah ka dah dawn khawp mai. In ka thlen chuan "U Erick" tiin Ruatpuii te thianho chu an rak chul mai seating room atang chuan ka awmna lam ah chuan rawn tlan phei a an sawi tur pawh ka hre vek "eng nge minlo hawn û" thaw lep lep chung chuan Ruatpuii chuan a ti a hnung ah Engkimi leh Tluangi chu an awm ran a haw hlek ila eng nge min hawn hi an ti reng mai.
Ka wallet chu phawrh in zahnih chu ka la chhuak kha pawh tih hma hma in min phih thlak sak a. "Ka lawm my bro" tih pah in an chhuak nghal haw hlek ila eng nge min hawn tih hlir hi ni mai a hahthlak. Ka room ah chuan chho in ka inbual nghal .
Naktuk atang chuan ka thuhnuai ah Sawmi hi ka dah thei tawh ang a tawp a tawp ah chuan. Ka hmuh hhmasak ber kha ka la hrereng thin an college ah ka patea ka tlawh tum khan a ni mahse kha tah kha chuan a bialpa nen khan an awm dun a, mahse ka thinlung chuan a nghak reng thin amah hi ka chhui zui reng thin mahse min hre ngailo ama hriatpui loh hian ka vei ngawih ngawih thin.
Vawin chu ka chawlh ni a nih avang in Joseph a chuan hna a kal pah in a car chu a rawn lam a kei chu Sawmi class ban hun nghah a a ban dawn bawr vel a hruai a ni mai. Car khalh hi ka nin teh lul nen bike kha a lo ber ah kar khat tal a ngai dawn a part chah chhung nen Sawmi lam tur chuan ka chhuak ta a.
An college kawt ah chuan a thiante nen chuan a lo awm a zawn buai vak a ngailo a zia e car atang chuan chhuk in an awmna lam chu ka pan a Sawmi'n min hmuh chuan a meng â hru mai min hmuh a beisei lo a ni ngei ang. A hma ah tak chuan ka ding a min melh rum ve ngar ngar "eng nge hetah hian i tih ve a" tum hmuk chung chuan a ti. Tum hmuk mahse a duhawm ngawih ngawih naupangte ang mai.
"Lo kal rawh le naupangte" Ka tih chuan a ner nghal sung mai. "Hei i rual in ka rawn kal thei mai mai lo ka scooty in ka rawn kal ve mai ang" min tih san hmak "Sawmi a rual hian kal rawh keinin i scooty hi kan lo hmang ang" a tih chuan Sawmi chuan a thiannu nak ah chuan a piai zeuh a na pawh a tih hmel khawp mai. "Lo kal rawh le" Ka tih chuan a thiante chu chahbi a pe ve mai bawk mak reuh lutuk mai ka duhlo ti mahse a hnu ah thu a awi leh hle si ka khi suk a.
Car a kan chuan lai te chuan min en leh zuk zuk thin mahse hrelo ang chuan ka awm tlat a a duh zah zah min en ang hmiang. In kan thlen chuan ka study room ah ka luhpui nghal "eng nge ka tih dawn a?" a ti sap a . A tawngdan atang chuan ka in ah kan awm avang in a ngampa vak lo tih a hriat.
"Ka file leh lehkhabu te hi rem fel la chuan thil paw chin kha i hru fai dawn nia" Ka tih chuan a lu a bu nghauh a sofa ah chuan ka thu thluang duah a a che vel chu hmuhnawm ti tak in ka thlir dauh dauh a kum hnih dawn a ruk in ka duh tawh a ka mi duh em em mai ka bula awm a che vel thlir tluk a nuam hi ka hrelo.
A thil rem fel lai te chuan min rawn en leh zuk zuk thin ka en reng vang chuan a lai deuh tet² a ka khi suk mai a lai hmel te pawh hi a tha tho a nih hi. A hma kha chuan hla tak atang in ka thilr thin mahse tun ah chuan ka hmazawn chu thuhran ka bul lawk ah a awm ta si ka hlim veng veng mai a ni. Hmanni a a bialpa in kut thlak a tum te khan ka thinrim lutuk khan ka insum zo lovin kut ka thlak ringawt a ni. Kei in ka hnaih theih silo ka duh em em mai a tina kha ka phal lo.
"Ka zo tawh" a rawn tih chhuan ka ngaihtuah na tangin ka harhchhuak thut.'A nih chuan ka bulah hian lo thu lawk teh' ka ti sap a meng phawk hle lo thu mai teh tih pah in a ban ah chuan ka pawt a kan hmai chu a insi lek lek a a mit tak a ka en chuan hlauhthawn na ka hmu thei a kut chu ka thlah rang hle tumah an awm ve loh avang in a hlau deuh te pawh a ni mah na mahse engtin mah ka ti dawnlo tih hi hre chiang in ka veng him dawn a ni tih hi hre reng se ka duh.
Ka thlah rual chuan a insiam tha rang hle ka thaw chhuak hak a 'engtin mah ka tilo ang che lo thu chawl ve mai mai rawh' ka ti sup a "ummm" tih bak in min chhang lo "umm ringawt maw ilo thu dawnlo mi" Ka tih chuan tim tak chhung chuan ka bualah chuan a rawn thu a. "Eng nge i thawh a, tiang em em a tam file neih? " tia min zawh chuan 'Doctor ka nia' tiin ka chhang mai "Doctor aaaaa!! " mak tih hmel tak chuan min en ka mitko chu ka san uk a "aaahhh ihhh sual vang nilo se bike in i tlan phit thei bawk sia doctor i nih ka ring pha lo alawm" za lo zet chuan a nui lui a a thilsawi in ka rilru tih nat a hlau a ni tih a lang .
Kan ngawi vung vung a "ka zawh tawh chuan ka haw tawh mai ang" 'Ka thlah ang che' tiin ka tho vut a ka car chahbi la turin ka kalchhuak nghal amah ai a ka kal chhuah hmasak loh chuan min thlah suh a ti leh ngei ang mahse a bulah hian awm reng ka duh hun ka neih apiang in a bula awm turin hma ka la zel ang.
An in ah ka thlah chuan kal lo se ka ti ngawih ngawih naktuk ah mi ka zai dawn avang in ka hmu hman awm silo kawl that daih mai te ka duh. "Bye chaw ei tui" a aw mawi tak mai a min tih te chuan ka lawm ngawih ngawih kum hnih chhung ka mi vei ruk em em thin in "chaw ei tui" min ti ringawt pawh hi a nuam ngawih ngawih.
An in a luh hnu te chuan an in a awmna ngei mai chu ka thlir dauh dauh a.
Lalmalsawmi (POV)
..
Erick a chu ka rin ang em em in a lo fel lo lo.Mahse a chang chuan a thinrim leh thut thin ka tawng char char hian "naupangte tih tak ah tawng duh lutuk mai' tih pah hian a nui suk a a biangsum lang zeuh thin te chu a tha ngawih ngawih .
Vawin ah pawh college atang in min lam dawn avangin scooty pawh ka keng duhlo. College gate bul ah chuan Thanpuia leh hmeichhe pakhat inkai chu ka hmu ka ding chawt a kan inthen atang in kan in tawk zeuh zeuh tawh mahse hmeichhia nen chuan vawikhat mah ka la tawk lo engtia tih tur nge pawh ka hrelo Diki chu a ban ah chuan ka vuan a 'Dik, saw kal phawt se chuan kan kal ve dawn nia' ka ti sap a. "I â em ni!! nangma tih sual pawh ni hlei lo kal ang u engtin pawn ti che sela an chaklo ang" in sehruh tun chung chuan a ti kan ban chu kan in kaw kalh a kan pen rual dul dual mai.
Mahse hmuh chu ka hreh ru ngang mai engtin pawn min ti se ti let fak tur in mahni chu ka infuih a ka tang tung mai. Erick a chu rawn thleng chiah gate pawn ah chuan a bike chu hung in a helmet chu a hlip a hmeichhe dang chuan an en duh ngang mai amah hi cher sang lampang a ni bawk sia a hmel nen hian oppa vibe a nei.
A sam chu a tuai puat puat a, a hmui chu an liak huh zeuh a hmeichhe dang awm ho chu an mit a tla lo chauh, Thanpuia bialnu ve deuh emawni pawh chuan a melh tai tha khawp mai. "Naughty girl" tiin min au va midang ho chuan min melh nghal hrek hrek mai a ding chat a min nghak reng a ni tih a hriat. "Awi Sawm nang chu i class bang nghak Tu i nei tha sia nuam awm bik" Zawite chuan a ti sap a 'Rosangpui' ka ti nghal zat a hmingpum a koh hi a duh loh zia chu ka hre chiang khawp.Min melh hrek hrek chung chuan "eng nge ka hmingpum a min koh kher, thudik alawm Thanpuia aiin a let zahnih in a chhelo zawk â a duat zawk bawk che ngaihtuah let rawh Thanpuia khan a care loh em che kha sawi ngailo mah la a che zia ah a hriat vek alawm Erick a ve hi chuan i thiltih engkim a ngaihsak a sin" a tih chuan ni ee Erick a hi ka ngaihzawng nilo mahse Thanpuia ai khan a let in min ngaihsak zawk ka ti rilru a.
Hmanni pawn ka period tai nat avang in class kal ka thulh a . Zing lam ah mi zai a nei a a chauh dawn teh lul nen min rawn tlawh a, ice cream ka ei chak a ni tih a hriat avangin min rawn ken bawk a fel khawp mai. Thanpuia nen kan nih lai kha chuan ka tai a nat a class ka kal ngai loh pawn min call a chu chu a duh tawk mai thin, Erick a bialpa atan a nei tu chu a vannei khawp ang.
Erick a dinna kan thleng chuan ka thiante chuan min kaih na chu an thlah a "kal vat ang haw hma ka duh nia" Ka ti sap a "naupangte i nih kha phun phun suh" nui ver ver chung chuan a ti a,a ban ah chuan ka chum tawk a na ti hmel pawh a pulo 'ti nge na i tih miah loh va' ka vin hlar tawh mai naupang min ti reng a kut thlak ve ila na ti hmel pawh a pu ngailo ka ning engtia tih chi nge ni. "Naupang kutthlak a na ngai a mi" nui hak hak chung chuan a ti ka ning lutuk lei ka chhuah khum ringawt.
Ka sir lam ka melh chuan Thanpuia chu a in humruh nasa khawp mai. A bialnu nen chuan an tho thut a kan awmna lam an rawn pan nghal kan hma ah chuan an rawn ding chat "hei Sawmi chu mi thar a hmu der a niah ka rin ang ilo ni tawp lo mai" elsel nan chu nu te reuh chuan min ti kher ka thiante chuan chhan tum a an ka an an ang dawn lai tak chuan an ban chu vuan in ngawi turin ka singnal zeuh. "Nia…. Hei mi in min kawp min kawp tak ah chuan min kawp reng ngailo tur mipa ka hmu ta nih hi, hei ahma mi ai khan a hmetha daih zui i ti ve em" nui sang chung chuan ka ti kher sawi tur dang vak pawh a hrelo a ngawi ngul tawh mai.
Erick a chu ka kuah a "Duat…. . . Kal tawh ang" no tha em em mai chuan ka ti tu mah hi duat ka la ti ngailo a Thanpuia pawh a meng phawk khawp mai. Ka ban a vawnna chu thlah in ka kawng ah chuan min kuah a a bulah chuan min pawt hnai in ka chal ah chuan a hmui chu a nawr thuak a "kal ang le" ti sup in min kalpui nghal nal nal mi chuan min en duh ngei mai keipawh chu ka zak lutuk hi ka biang a sa vek Erick a hian min hnaih apiang in ka za ur ur thin a chhan phei chu ka hrelo mahse a nuam ka ti.
A bike ah chuan chuang in kan in khalh chhuak nghal a. A bike khalh chak thei lutuk hi ka hlau thin min accident pui vaih chuan single in ka thi dawn tihna ni sia a bike khalh a ka chuan tawh hi chuan a hnungzang ah hian ka bei tung zel. An in kan thlen chuan ka chhukthla rang hle a lum bawk si an in ah chuan ka tlan chho nghal. Choka ah chuan kal in tui vawt an dah chu ka la chhuak a ka in khawlh khawlh ka thinphu hi a la dik theilo mi hma a ka chal a fawh atang khan. Erick a chu choka ah rawn lut ve nghal "nge bike i khalh chak em em a" ka vin nghal hlar mai "ka tlan chak a ka hnung a i bei chat khan nuam ka ti alawm" thutak zet chuan a ti chhan dan vak tur ka hriat loh avang chuan za lo em em chung chuan ka nui lui vak vak mak tih hmel zet chuan min en reng a.
"Awle awle duh tawk ang fiamthu tawh lo vin, tinge mi hma ah khan ka chal ah i fawh kher a mi in min sawi nasa lutuk dawn a sin" Ka tih chuan "ka hmeichhe hmangaih hi ka hmangaih zia mi hnen ah ka tilang duh alawm" A ti sup a ka tui in lai chu ka hak tep a ni "eng maw!!!! " Ka ti tang hru mai ka bulah chuan rawn kal in ka hma ah tak chuan a ding run min en kur a "Lalmalsawm ka fiamthu lo ka hmangaih che, tun hnai mai a hmangaih che ka nilo kum hnih liamta atang khan hetlai ah hian i cheng tawh " a tih chuan ka kut chu la in a awm veilam ah chuan ka kut chu a nghat a "tah hian maw kum hnih chuang i awm tawh" a ka atang chuan a thaw chhuak hak a "ka hmangaih em che vangin mi hmuh ah ka mi hmangaih i ni tih hi tih lan loh ka hlau, i pangtilum hi khawvel a ka thlakhleh ber a ni i ta nih tluk a chak ka nei lo bawk, chuvangin i thinlung ah cheng turin ka theihtawp ka chhuah ang" a ti sap a.
Awm dan tur ka hrelo tiang ang a thu ril kha tuman min la hrilh ngailo ka lai bawk si mak ti bawk si in ka awm han nui sen sen ila a sawi tu ber hi a thutak ropui si a chi bawk siloh. Ka lu chu ka bu nghauh ringawt min kuah thut a ka dar ah chuan a lu chu a nghat a a thaw ri sa sa te chu a ngaihnawm tak zet "i thinlung hneh thei tur hian ka theitawp ka chhuah ang" A ti sa sa a "min thlah tawh rawh haw hma ka duh" ka tih chuan min kuah na chu a thlah a "naupang haw a hun tawh reng a ni" nui hak hak chung a tih pah chuan seating room lam ah chuan a kal a.
Min kalsan chiah chu ka thaw huai mai a thil sawi lai zawng zawng khan ka thawlo ami le? tiin ka inzawt rum rum ka lungphu te chu a phu dup dup mai tiang em em hian a phut ran ngai ka hrelo intlansiak na a tel ang mai ka ni.
Erick a chu a fel khawp mai hun neilo viau thin mahse ka ngai che ti tur mai mai hian zan ah hun a neih chuan a rawn leng thin ka nu leh pa te pawn fel an ti khawp mai . Erick a chuan min hmuh apiang in rose par hi min pe ziah a a chhan ka zawh chuan "ka tan chuan rose par ang hian i mawi in i hlu a ni" tiin a sawi fel than thin. Ka hmangaih che nitin min tilo mahse min ngaihsak em em a ka dam thatloh chang pawn hman leh hmanlo in a rawn kal thin. Tinge min ngaihsak em em ti a ka zawh chuan " ka nu leh ka nau tih loh ah ka tan chuan khawvel hmeichhia zawng zawng zing ah i hlu ber a ka ngaihsak mai nilo in ka venhim pawh i phu lawm" a ti mai thin inthlahrung na hi chu ka nei tawh lo a chhan chu min ngaihsak hian nuam ka ti tiang ang hian Tu mah in min la ngaihsak ngailo chuan ama bula ka awm hian ka thla a muang in ka inhre bawk mahse chu tiang chu mi kan duh in kan tawn ngai em em pawh ka hrelo ka thiantha ang in ka ngai a a bualah hian ka thla a muang ni mai zawk in ka hria.
Thanpuia pawn ngaihdam min dil nasa khawp mai thian ang tal in awm ang tia min ngen reng avang chuan ka thiante pawh rawn lovin thian kan ni dawn nia ka ti ve ringawt ka thiante chu hrilh ila an phal tawp lovang.
Ka nu leh pa te an leng chhuak Erick an a rawn len tur thu a sawi avang in ka la meng bik a ka nau te chu an mu deuh vek tawh . Kawngkhar chu an rawn kik a Erick a nih ring in kawngkhar chu ka hawn sak a.
Kawngkhar ka hawn chuan Thanpuia chu kan kawngkhar bul ah chuan a thingthi vang mai a kawngkhar ka hawng tih a hriat chuan min en chho vang mai "Sawmi ka tihpalh a ni ka insiamtha ang" tap chung chuan a ti a mak ka ti ang reng khawp mai mipa in la pa ve tak a ni a,tap zawih zawih khawp chu a inchhir ve tawk ni in ka hre bawk kai tho in ka bengl fai thuak thuak a.
Min kuah nghal chawt "Sawmi ka insiam tha ang khawngaih in min pawm leh hram rawh" a tih chuan a insiam that theih tak tak tawh chu ring in ka aw ve hmiah. "Ka lawm lutuk Sawmi ka ti beidawng lovang che" tih pah in min kuah nghet sauh a mahse mak tak mai in Erick an min kuah ang kha chuan ka awm ve miah lo eng nge awmzia niang le.
Erick a chu ka hmu thut engtik atang a saw lai a awm saw nge a nih ka hre reng reng lo mahse ka aw lai kha chu a hria ni ngei tur a ni che lo chuan min en tlawk tlawk mai a ni. Thanpuia min kuah na chu ka phelh nghal Erick a awmna lam chu ka pan a kalsawn daih a ka umzui nghal,a bike a a chuang tur chu a ban ah chuan ka pawt ding chawt. A mittui far chu ka hmu thei ka awm chu a na nghal ngut ngut mai ka awm chu lung in a deng chawrh chawrh ang mai hian a na mahse a chhan ka hre silo. Tawng ka tum chuan ka tawng chhuak theilo ka dang chu a ro vek. Erick a chuan min kuah nghal "Lalmalsawm a pawi reng reng lo" a tih te chuan a thaw sek sek a "i thinlung ah ka thinlung ang in hmun ka chang velo hi a na chu ka ti mahse ka hmangaih em avang che in ka kal tir ang che, kei ai a nasa in duat che in ngaihsak che sela ka thinlung nei tu kha a ta a ni tih hre reng rawh se, i thinlung ah hmun chang turin ka tling tawklo chu a pawi khawp mai" a ti chuai ruih a na ti chung chung chuan a nui lui a ni tih a hriat theih "va lut tawh rawh" a tih pah chuan a bike ah chuan a thu a min kalsan ta daih a.
A bike tlan chu ka enzui reng a min kalsan chiah khan keimah hi ruak huai in ka hria ka awm na lutuk vang chuan ka awm chu ka chum dut dut a eng nge a chhan pawh hre lo chuan ka mittui chu rawn luang thla a ka awmdan hi ka hrethiamlo. Eng vang in nge ka tah? Eng vang in nge thawk ka lak zawng hian ka awm te hi a nat em em? Eng nge ka awmzia pawh hi ka hrethiam tawh lo tinge Erick an min kalsan chiah khan ka ruah em em mai le? Ka inzawt nawn tluk tluk a.
Thanpuia nen kan nih leh atang in kar hnih dawn a ni ta a Erick a pawn min be ngailo. Vawiin ah Sangi te in ah Thanpuia ka len pui a ka thiante ka hrilh tirh atang khan an ngaihdan a ni vak lo mahse ngeih hram hram chu an tum a nih hmel. Choka ah chuan kan thian thum in kan awm a Thanpuia chu a phone bih ngur ngur in seating room ah chuan a awm.
"Ka insum zo tawhlo, Lalmalsawm eng tin nge tiang hian i theih zawk" vin em em mai chu Diki chuan a ti ka phu chiang hle mai a thinrim emaw a lung nih loh chiah in ka hmingpum in min koh thin "saw saw pa phone bih ngur² a saw Erick a ai in i thlang a maw!!! A mak hi ka ti nang hmangaih a lalnu ang chiah a chei bawl Tu che chu engtin nge i kal tir theih zawk" min ti hrawk mai. "Ka ruak i ti ni lawm ni a chhan kan sawi ang aw a chhan chu ee Erick a i hmangaih vang a ni, saw pa bul ah i awm sawn i hlim reng reng lo, engtin nge i hmangaih a ni tih pawh i hriat thiam theih loh le!!? " a tih chuan ka harhchhuak ta ka hmangaih vang a lo ni a tello a ka ruak em em thin hi. Thanpuia hian ka thinlung la kawl ang in ka inngai mai mai a ni.
Ka tho chhuak a ka scooty chahbi la in Erick a te inah kal ka tum chu kawngkhar ka chhuah hma chiah chuan Tu emaw hian ka kut chu a rawn chelh a ka en chuan Thanpuia lo ni "kal suh" ngen ngawl zet chuan mi en ker mai ka thaw chhuak hak a "Thanpui min kal tir rawh, ka thinlung hi i ta ani tawhlo" ka tih chuan muang changin ka kut a vawnna chu a thlah a ka kalsan nghal.
Erick a te in ka thlen chuan an awmpui nu chu Erick a awm leh awm loh ka zawt a study room ah a awm thu a sawi chuan a study room lam chu ka pan . Kawngkhar pawh ka kik peih si se tawhlo ka lut rawi a Erick a chuan eng emaw file hi a lo buaipui a ka hrawk chu ka thian kharh kharh a. Min rawn en hru mai min hmu thut chu mak a ti a ni tih a hriat theih rawn tho chhuak in ka lam chu rawn pan a.
"Tinge ka thinlung nei tu hian min rawn biak ngailoh a" Tum bar chung chuan ka ti mak a ti chu a meng phawk ngei mai ka nuih te hi a za zawk. "Engmaw i sawi kha" a ti hru mai ka ner nghal sung hrelo pawh ni der silo "eng mah" ka tih khum hmak.
Ka kawng chu rawn vuan in min pawt hnai a "eng maw Lalmalsawm i sawi kha han sawi tha leh teh! " a tih chuan a chal ah chuan ka pen fawk a "ka hmangaih che ka ti a nih chu Erick Zosangpui" nui ver ver chung chuan ka ti. Erick a chuan a hmui lum ther ther chuan min fawp thut a a hmui nem thak mai ka sik te chuan ka za chhuak chuai chuai mai ka hmui chu a pet zeuh a "he hmui nem nuam tak hi ka ta a ni bik tawh dawn a ni' khi suk chung chuan a ti i ninawm tih pah in a ban ah chuan ka chum tawk a.
Hepa ngei hi a ni ka hmangaih chu Erick Zosangpuia ngei hi, ka tan engkim a huam tih sawi lo mahse ka hre thei chutiang chiah chuan tupawh lo ni ila min hmangaihtu kan phu vek. Hmangaihtu dik chuan ngaihsak i phut a ngailo sawilo mah la ama ir awm chhuak in a ngaihsak in venghim tlat ang che
