ESTOY BEIN GRACIAS TE AMO
Chapter 9
Enrique Iglesias hi duh tak ka ni a concert na a kal ka chak thei zia mai chu! A hla hi ka duh thei hlawm lutuk chumai bak a amah a chhelo em a ni Diana in ticket ka nei tih a hriat hunah phei chuan awm ngaihna a hre lovang kei ai pawhin a duh ve leh chhawng
Ka nu bul kan thleng chiah chu ka nu tan a thil lo keng ho chu a pe vat a, table- ah pangpar lo awm chu melh vung2 chungin " Kei ai a hmasa an awm a ni maw" a tih chuan ka nu chuan Ian pek a nih thu a lo sawi vat a, kei lo ka lo ner sak thung
" Nichin a mi kha a ni em?" Mi pawh en lem lo chuan a ti a, aw ka ti tih entir nan ka lu ka lo bu nghut a, engmah dang a sawi tawh lem lo mahse Bailey hmelah chuan mak tihna hmel ka hmu tlat a ni chu!
Bailey in tih tur a neih thu a sawi chuan ka zui chhuak vat a, ka unaupa hmel ka en chuan eng thil a maw a rilru mawlh tu an awm tih ka hre mai mahse eng vang nge ni ang le! Tiang hian a awm ngai tawp si lova
Thomas kan hma a kal ka hmuh vang chuan ka koh vat a, kan lam a lo hawi chu a hmel chu ka sawi thiamlo mak tihna in a khat ka unaupa awm ve vang hi a niang, midang pawhin a tawhkhir zia an sawi fo mahse ka bulah erawh chuan he khawvelah unaupa tha ber a ni thung, Thomas chuan Bailey chu melh pawh a melh tha ngam lo ang tlat in ka hmu tlat pek a ni chu
Bailey erawh in Thomas chu chik zetin a melh run tih ka hria " Thomas hei hi Bailey a ni hi ka unaupa " ka tih phei chuan a mitah chuan mak tihna a khat tih a hriat ngawih2 engmah a sawi lem lo thung a
" Kan in hria a ni lawm ni" Bailey zawk chuan a ti deuh nghut a, midang bulah hi chuan a nelawm lo ve thei a nia aw! Thomas chuan a hlauh hmel zetin a melh a nih chu ka unaupa chu gang leader angah a ngai a niang a lu chu a bu ve nghut a Thomas awm dan chu a mak ka ti tawp theilo nidang in tiang hian a awm ngai tawp si lova Bailey in a kal dawn thu sawi in min kal san hnu thleng chuan Thomas chuan a kal liam ta chu a thlir zui vawng2 a
" Hre thiam rawh aw Bailey hi chu a nelawm lo ve thei lutuk a" ka tih chuan min chhang lem lo chuan a khi suk a, Vawin lamah leng chhuah kan tum vangin ka nu bulah ka hrilh leh phawt a, in bual te ka duh vangin in lamah haw ka duh leh phawt tih Thomas ka hrilh chuan ka lo thlah ang che a ti a, a car chuan kan in lam pan chuan ka tlan chhuak nghal a, Bailey nen chuan high school an kal lai a tang a in hria an nih thu te, university an kal ho thu te min hrilh a, Bailey chu a chungah a tha vak ngai loh thu te a sawi chuan ka nuih a za lutuk ka bulah chuan nelawm takin a awm a midang bulah erawh chuan a nelawm teh chiam lo
Kan in kawtah car a ti ding a min lo lam leh tur thu sawi in a tlan chhuak leh nghal a, Thomas mizia inthlak ta lutuk chu a mak ka ti
Shower ka neih zawh hnu chuan kawr fual senno tlem a arh deuh hlek ka khup hnuai hret chu ka in thawl nghal mawlh2 a, ka hmuiah chuan lip balm ka hnawih leh tawp a, ka sam chu a la huh vangin ka thlah tawp a, old model sneaker var ka in thawl leh tawp a ka inchei danah chuan ka lungawi hliah2 mirror ah chuan nalh in ti fevin ka in melh ngawt2 a
Ka phone rawn vibrate zawk chu ka hmuh chuan ka number hriat lo atangin "Ka lo thleng tawh" tih ka dawng hlawl a tu nge le! Ti chuan ka ngaihtuah deuh vung2 a thil hriat chhuah ka nei Thomas a niang a number ka save maih lo tih ka hre chhuak chiah phur zetin ka chhuak nghal vat a, a car atanga lo chhuah pah chuan min lo hui zeuh a
Ka va pan nghal vat a " I nalh hle mai" lawm thu hrilh sap chungin ka nui sak a, min nuih let sak chungin hawi hawm zetin car window chu a lo hawng vat a ka lut vat a, kan tlan chhung zawng chuan ka tawng char2 a. A changin min lo chhang ve chauh zawk a kei ka tawng char2 thung
"Kan thleng ta" tipah chuan a car tidingin a chhuak vat a hawihhawm zetin ka chhuah theihna turin car window chu a rawn hawng a, khi sak chungin ka chhuak nghal vat a
Kan kal na lai chu ka hmun ngaihnat zawng tak a ni, phul hring dup leh pangpar mawi lutuk te chuan ka mit an la tak zet a hmun chu nuam tak a ni a thutna tur a thing hmang a an siam awmna lamah chuan ka phei vat a " Lo kal ve rawh a nuam lutuk tlat" lo kal tur a hui zeuh pah chuan ka ti a, ka awmna lamah chuan a lo phei ve mai ka piah lawk a fountain mawi zet a chhang nga vel a in phuh chu mit tla lek lovin ka en a, a mawi ka ti lutuk tlat, thla te kan la leh te te a
" Awi! Engtin nge he tiang a hmun nuam hi I hriat zawk a" a hmun a mawiin a nuam tak zet boruak a thiang em2 mai bawk si, a chhe vel ah chuan tourist leh he ram mi an awm nual bawk " Ka thian pa1 in a awmna hmun hi min hrilh a lawm" a bulah awm hi chu a va han
chiang tak em
" A chhungah kan lut dawn em ni" a tih chuan mak ti zetin ka melh a, a chhungah luhna tur a lo awm leh zel te chu a mak leh zual a restaurant glass vek chhungah chuan kan lut a ka kà ka chip thei hauh lo a nuam dang dai lutuk, pawn lamah chuan tui khawhthla nalh zetin a in khawh thla bawk a, table ruakah chuan kan thu vat a, an eitur rawn chhawp ho te lah chu a tui hmel hlawm lutuk
Ka plate a mi chu ka ei nghal mawlh2 a tui tak a ni ringawt, thil kan ei zawh hnu chuan a hmun vel chu kan fang kual leh a, thing a thutna tur an siamah chuan kan thu leh a " Thil ka zawt thei che?" Aw ka ti tih hriat tir nan ka lo bu vat a " Eng tin nge ka duh thu hi ka hrilh ang" teh daih chuan a mi nghahnu a sawina a ni tih ka hre mai
" Tunah kawp lai a la nei em?" Ka puih theihna tur a nih phawt chuan puih ka duh tiang tak a Thomas te ang mi rilru tha lutuk lo hnawl tu hmeichhia chu mi mawl tak ani
" Ka hrelo" a ti chuai raih a, a hmel ka en chuan a lungngaih hmel lutuk tlat " Amah chu hmuh ve ka chak hle mai" han hnem dan vak ka thiam lo mai bak a tiang lamah hian tawn hriat ka neilo " Tunah hian midang nen thil an sawi ve mek mai thei ni" mak tih zet chuan ka melh a
" Mahse khawvel hian ka mi hmangaih chu min pawm pui ve ngai lovang " a thil sawi chu a ti tak zet tih ka hria, an pa2ah an inkawp rem thei a ring ngai lo a ni mai thei ni " Kei hi eng ang in nge min hmuh" Thomas mit meng ah chuan chhang ngei turin min duh tih a hriat lutuk a tak run, tiang tak a hmel danglam hi a pu ngailo
A mitmeng ah chuan zawhna chhiar sen lo a awm tih ka hmuh hmaih hauh lo a zawhna chu min chhang ngei turin min duh tih ka hre bawk mahse eng vang a chhang harsa ti em2 nge ka nih pawh ka hrelo, chhan mai tum a ka kà ka ang chiah tih chuan ka phone a rawn rik vang chuan chhang lovin call chu ka pick up vat a, lehlam atang chuan " Khawngaihin Ms Hidalgo Hospital- ah rawn kal vat rawh" a aw atang chuan a hlau thawng tih a hriat kal vat turin min rawn hrilh bawk
Ka nu a tha lo leh tawh em ni, ka chhang mai theilo ka aw chu a chhuak theilo ka nu chu a thalo leh tawh a ni ngei ang, ka thil hriat khan min ti khawng nghal vek thei ka nu chu ka la chan theilo eng ti kawng zawng pawhin chelh ka tum tlat dawn khawiah mah min kalsan ka rem ti ngai lovang
Ka awmna hmun chu a reh vung2 nimai hian ka hria eng kim mai chu an ding thup vek a ang zawk Thomas chuan min biakna pawh ka chhang thei tawh lo, ka in ring hma hauh in ka tap chhuak hawk a Thomas chuan a awmah min beih tirin " eng thil nge" a tih te chuan ka tah a ti chhuak leh zual " Th,, o mas,. Ka,,, N,u" ka sawi tha hlei theilo ka lei chu a tawt vek
" Ka hre thiam e, Hospital lam pan vat ang" zo zetin min pawm kang nawlh a car- ah min dah luh lai te chuan rilru mumal ka pu theilo he khawvelah ka neih chhun ka engkim a ka engkim ka nu mawlh chu ka ngaihtuah a ni, a hreawm a ti dawn lutuk tlat a fanu hi min zawng ngei a nga mahse hmuh tur ka awm dawn hauh silo
Car khal chungin ka kutah a rawn chelh a " Chhelh takin awm tum hram rawh aw, in ti chak lui hram la" min hnem ve hram2 a tum a tih ka hria mahse chu tawng kam lek chuan min thlamuan zo lo a ni
Hospital kan thleng chuan ka nu awmna lam chu ka pan vat a ka nu chu ICU lamah an lo dah lut tawh a chhelh takin a natna chu kei a fanu tan hian a lo la bei let ve tawng2 tih ka hmuh te chuan ka khawngaih lutuk tlat
ICU chhungah mu bam ka nu thisen neih tawh loh vang a dang var pup chu darthlalang atang chuan ka melh ngawt2 a, Thomas chu ka bulah engmah sawi lovin a lo ding ngawi reng a min khawngaih hmel zetin min melh tih pawh ka hria
Ka darah min lo vawn pah chuan
" Coco engkim a tha leh vek mai ang I nu, nu tuar chhel tak hian a fanu hi kal san a la tum miah lo ang che" Ni e ka nu chuan a fanu tan hian dam chhuah tumin thihna chu a lo la bei let ve tawk2 kei ve chuan ka nu kha zingah khan ngaih tha takin ka lo la kal chhuah san chu a ni si a
"I chau lutuk palh ang ding reng lo hian thut thlengah tal sawn thu rawh aw" ka lu ka lo thing vat a, ka nu hi khawiah mah kalsan ka tum tawh lo ka kal san hlanin eng tin a maw lo awm leh ta se ka inthiam theih tawh ngai lovang
Thiam zet a min thlem vang chuan kan paih mai a thutna awmah chuan min thut tir a kei erawh tap tawh lo mah ila ka rilru chu a buai lutuk khawiah tangin ka nu in enkawlna sum te ka neih tak ang
Thomas chuan phone call a dawng vang chuan a biak lawk a ngaih leh a lo kir leh vat tur thu sawiin a kal sawn a " Kha I tlangvalpa khan a kal san leh si vang che a tap nge I nih I nu dam loh vang zawk in "min hmusit tih a tawng kam atang chuan mimawl ber pawhin an hai hauh lovang
Hepa hi tunah chuan ka mi hmuh duh lo ber a ni min hmusit leh dawn a ni pawn tunah chuan ni hrih love kei hian bei let turin chakna ka nei a ngem ka hrelo a ni, ka mittui rawn tla tur chu ka kham let sak2 a
" Hrep a! Vawin khan khaw nge I kal? kha I tlangvalpa nen khan" a aw chu nelawm lo tak a ni a vawt ruih mai a mit meng vawt ruih te chu hlauhawm tak a ni min melh run a
Ka insum thei tawh bik lo a duh ang2 a min puh chhe thei a ni bik miah lo a hmeichhia ka ni hek lo
" I lo buai ve na tur a awm lo, ka nun a ni ka duh dan2 a hmang theihna ka nei" ka aw tha tak a a chhuak thei chu ka lawm tak zet, hmai phar ha in ka melh chho ar a
Ka thil sawi vang nge pawh ka hrelo a hmui ti che zeuhin a sam buk lam mah chu a tuai puat a, rum nghut chungin " I nu thalo tih pawh hrelo khawpin nuam in chen a" a thil sawi zawng chuan te a then sawk a, ten hmel zetin min melh bawk
A aw a chuan min dem tih a hriat mahse ka nun a ni a eng mah hepa hian lo sawi ve tur a neilo chuan eng tin nge ka nu that loh thu te a hriat zawk le! Zawhna in ka khat mahse hepa ber kher hi chu ka zawt ngam hauh lo zawh lah ka tum hek lo
" Ka pu min hre chiang ang khan tawng vel lo mai teh, I hmel chang run hi hmuh reng ka kham tak zet a nia" ka aw ah chuan ka elsen tih a hriat ve ngawtin ka ring
Min chhang lo chuan a ngawi vung2 a min chhang dan tur a ngaihtuah pawh a ni mai thei, a lu a thle bak a ner sawk chungin a sana lawk zet chu bih zeuh in ka tawng hriat lo bawkin an chhia ni ngei tur hi a chhak chhuak leh sup a
Min chhang tawh dawn lo a maw ka tih tawh hnu a " Ka hre chiang mah2 che Coco Hidalgo" mit meng vawt ruih chung a min melh run chung chuan a ti a, a aw chu zawi sap si in a chang mah2
" Nang hian min hre chiang a maw?" Awih lo lutuk vangin ka nui chhuak hawk a, " A nih chuan nang hian min hre chiang viau a nih chuan min rawn tibuai tawh suh" ka ti leh tuar a
" Nang hian ba tam tak I nei a eng vangin nge I ba rulh nan chuan ka offer chu I pawm mai lovang" a dar min san khum ak chung chuan a ti a
A offer tenawm zet kha kei hian ka hnawl thu kha a hma khan ka sawi chiang tawh viau in ka hria, a la hre thiam chuang hauh lo a ni hi
Mahse a offer kha pawm ta ila ka nuin treatment tha zawk a dawng theih phah a nga, kan ba zawng2 min rulh sak bawk dawn a mahse kei hian ' lo kal rawh' a tih hun apaingin a hmei ang in ka va pan thin a nga amah tilawm turin ' chu2 ti rawh' ' ti suh' a tih ang a piang a ka awm a ngai dawn
" Nang hi ka hau che I eng kim hi ka haw hlauh2 I hmel te, in ti thu tak a min thu I pe te, mi I chaldelh lutuk te, I engkim mai hi ka hau" ka ti tuar a, thle bak chungin a la nui suk duh chauh ringawt a nih chu ! Ka thin in a tuar tawh lo a awmna lamah chuan ka phei vat a, a awmah leh a rem lai2ah chuan ka theih tawp a na in ka chum nghal pawp2 a
" Vawi1 mah ka hma ah rawn in lan leh tawh ngai suh ang che" ka theih ang a na chuan ka chum leh vak a, eng tin mah a awm eih lo " I offer tenawm zet kha rawn sawi chhuak tawh ngai suh ang che ka pawm ngai dawn tlat lova" ka thin hi a rim lutuk tlat tiang ang em2 a min tham lo tu hi ka la tawng lo
" I hmei nih hi ka duh reng reng hleinem, haw rawh" tipah chuan ka nem vak a, a palian em vang a niang a nghing ve lawih chauh a ni, luhlul zetin a dingna ngai ah chuan a la ding reng a chung te chuan ka thin a tirim leh zual
" Haw rawh ka tih chu" a au in ka au a ni ber zawk, ka kang nawlh vang chuan ka talh vak2 a " Coco insum rawh ICU bul a ni hi I nu in a lo hre palh ang" tipah chuan a min nghat thla ve mai a Thomas chuan inthu nun hram2 turin min ti a, a lo thleng lai reng ka hrelo chuan a doctor form t var pawh a lo ha leh der tawh
" Thomas hepa hi hnuk chhuak rawh" ka tih chuan Thomas chuan Ian awmna lam chu a pan vat a
" Khawngaihin Mr Walton min lo va chhuah san lawk mai dawn em ni" zaidam thei ang ber chuan a ti a
Tham lo tih hriat lutuk hian a nuih suk a " Lo inrawlh suh " ti nghut chung chuan Thomas kawr a a hming in tar melh pah chuan a ti a, a tawng kam atang chuan a hmusit tih a hriat ngawih2
" Mr Walton buaina siam tawh lo hram turin ka ngen a che" Thomas in a tih te chuan nga tan mah a ngailo tih a hmel atang chuan a hriat ngawih2 chhang zui tawh lem loh chuan ka lamah a lo phei a mahse Thomas chuan a lo dang vat a ner sak chung chuan " ka kawng lo dal hlek suh" mipa te pa2 chu an in ding chilh ran mai Thomas chu a sang ve hle emaw ka ti a Ian chu a la chen lo deuh hret an taksa pawh a in len hleih mah2
" Khawngaihin ka ngen a che Coco hi tibuai tawh suh" a ngen in a ngen a ni zawk, Ian chuan cho zet a melh pah chuan kal sawn turin a mit hmang chuan a ti a mahse Thomas chu kal sawn a tum bik hauh lo
A dawhtheina in a tuar tawh ngang lo a niang Thomas hmaiah chuan nà zetin a hnek nghal pawp a Thomas chu a pai nghal khawt2 mai kei ka lo tre vak thung, Thomas buai pui tur a ka kal chu ka kutah lo chelh vatin a lamah chuan min kuah hnai deuh hrawk a rawn kun hniam deuh hret in ka beng bulah chuan " Thil in tawm neih hi ka duh hauh lo a bik takin hmeichhia ngat phei chu saw I bialpa laktlaklo zet saw thlah vat ang che" ti chhuak sap chungin ka kutah a chelhna chu a thlah a ipawisawi lo hmel zet hian a kut hnung suih chung chuan dak vah chungin a kal nghal mai
Thomas chu ka pan vat a, a biang hnek na bawk a niang a duk deuh n mlghal chur ka buaipui nghal vat a, " A pawi hle mai keimah vang vek a ni " ka tih chuan a pawi lo tiin min lo chhang vat a " Hnek ve hrep tur che lawm" ka tih chuan min nuih suk a biang nat vang a nu ngei ang a then deuh suk a
Min chhang loh chuan " Mr Walton nen khan in in hria em ni?" A tih chuan ka lu ka buk khum zeuh a eng thil mah min zawt chhun zawm tawh lem lo lova ngawi reng chuan min thut pui tawp a
Rei fe in be lova kan thut hnu chuan
" Thomas I chau ang, min buaipui nasa bawk si va hahdam tawh rawh"
" Nangmah zawk kha va chawl hahdam rawh" a va han fel tak e aw mahse keimah vangin kut a tuar bawk sia ka in thiamlo tak zet
" Nilo e va chawl hahdam zawk rawh naktukah damlo buaipui tur I ngah dawn ropui si" ka ti chung pawh chuan a awm lui tlat a
"Ka hmai dehna tur vur nurse duty bulah va dil zawk la, kan pa2 in I nu chu kan awm pui dawn nia" a tih chuan hmanhmawh zetin nurse duty bulah chuan vur chu ka va la vat a, a hmai chu chem dim zetin vur chuan ka deh sak a, a na ngawtin ka ring
Damdawi a hmaiah ka hnawih lai te chuan nà tih hmel pawh a pu lo chuan a nui suk a, a tu a mah2 mut kan tum lo vang chuan thut thlengah chuan kan thu ngawi kur dun a, bang a sana in tar ka melh chuan zanlai dar 12: 53 a ri der tawh ka mut chhuak chu ka chhing leh dawr2 thin a in tih harh luih hran tum chuan ka mit chu ka khap fawk2 a mahse ka mut a chhuak lutuk
Rawn nui ri hawk chungin a dar chu a kut chuan a beng ri thek2 a " I ngheng thei ang" a tih chuan ka hnial buai peih tawh lo ka ngheng vat a, Ka mut chhuak lutuk chu ka ham biai a ka muhil a ni chhun zawm nghal mai
Tu emaw in zo zetin min pawm kang tih leh khumah min mut tir tih ka hre vuai2 ringawt ka muthil ngheh em vang a ni ngei ang ka harh chhuak eih lo, ka harh leh meuh chuan ni a lo sang tawh hle chuan khumah ka lo mu tawh bawk
Ka mutna bulah chuan Thomas chu a thu muhil chu ka thlir reng a, nizan khan keimah vangin a mu miah lo tih ka hre mai ka inthiam lo tak zet a taksa chu a rawn che hrut a phak chhap chung a meng chung chuan
" Good morning i mu tui em?" A tih chuan ka mittui thuin ka lo chhang vat a 2be.cont
Note : ka rawn dah tlaiin a tawi hle bawk a ka tipalh lutuk
ESTOY BEIN GRACIAS TE AMO chapter 9
Moderator: writers
ADVERTISEMENT (A hnuai a milem hi a nia hmeh zeuh tur chu)