OUT LAW - JIM SLAUGTER

[Adriela Pa Punte]

OUTLAW.......JIM SLAUGTER 1-8
:::::::::::::::::::::::::::::::::::::
Chu thlaler nisen sa zet mai leh vaivut khu rum
rum hnuai ah chuan, sakawr chungchuang pa
chuan a lukhum chu kun zet a kuai pah chuan
adangro huam huam tih reh tum ni awm tak in,
a chil an lem deuh khawlh khawlh a, chu sakawr
dum lian zet mai lah chuan a pu chu zo tih hriat
fahran chuan akal deuh thauh thauh a,
chu sakawr chunga chuang pa lah chuan a
sakawr chu bek bawr ser ser in, hubb tui awm na
lam zawng rawh aw atih chu hriat thiam hmel
zet chuan an tlan chak sauh sauh a.
Thlaler a sakawr chungchuang pa chuan a
hmalam a ngaw dur pui mai awm chu ahmuh rual
chuan,
asakawr chu fuih in hmalam pan chuan an lim
phei ta puat puat a, kar lo ah ngaw chu an thleng
phei ani deuh thaw tawh mai, mahse chu sakawr
chung chuang pa chuan afimkhur na erawh a la
hlauh hauhlo ani tih hriat zet chuan,
thil thle ni in a achhun phet zeuh a hmuh rual
chuan sakawr pang ah rang zet chuan an bet
nghal a, chu mi rual deuh thaw chuan silai puak
in a chhunzawm nghal zat a, sakawr pang ah
khan bet hmanlo ta sela chuan tho leh tur a awm
tawh kher lo mai thei ani.
Fimkhur zet a ngaw chung tlan luh pah chuan
hmun remchang melh nghal in, lungpui hmun a
thlen chuan rangtak a zuang thla in tan hmun an
siam rem vat a,
silai lo rikna lam chu uluk leh zual chuan an thlek
vang vang a, mahse thawm engmah a hriat zui
tak loh ah chuan fimkhur tak chuan chumi hmun
chu a hnaih phei hret hret a, chu chankhan rem
zet a thlen phei chuan chulai hmun chu alo bel
hle mai,
meizial bung leh silai mu ruak chu alo awm bal a,
mei bung rim tharlam dan atang chuan ala kal
hla lovang tih ahriat theih avang chuan,
sakawr chu la in chu pa sakawr hniak chu chhui
in fimkhur tak chuan hmalam a pan zel a,
rei pawh a chhui hma chuan kawng tum pakhat
chu pawh in hmar lam zawng chuan a penga,
chu sakawr hnu chuan chu lam apan avang
chuan chu kawng chu a zawh ve nghal a.
Tlang pawng deuh a thlen chuan ralkhat atang
chuan khaw pakhat lo lang chu a zuk hmu thei a,
tichuan mei te zu vang vang in thlaler vaivut a
kai te chu han beng fai thuak thuak a,
chu khua eng ang khua tak ni maw bel chiang tur
chuan a pan zui a, khaw dai fem a thlen chuan
thing phel chhe ve tawh tak mai ah chuan, chiar
theih ve tawk tawk hian,
"WELCOME TO HUMBERG" tih hi alo chuang vah
a alukhum chu kuai kun in khawchhung ah chuan
muang chang chuan a lut ve nghal a.
Kawtthler ah chuan phei zel in saloon tih lo in tar
a hmuh chuan, atui hal na leh dang ro na chu hre
chhuak thut in in hnang fak tur chuan chu saloon
ah chuan a pen lut zui a,
saloon chhung an lut chu tlai lam ani tawh bawk
a rin ai chuan mi anlo tam phian a,
mi tumah chuan anlo ngaihsak teh chiam lem loh
avang chuan bar lam chu pan in,
a chhawlhal na ti reh tur chuan whisky chu an
lam a,
no 3 zet a in hnu chuan a dangro zual pui pawh
areh ta bawk a, hotel lam pan tur chuan chu
saloon chu a chhuahsan nghal a,
saloon kawng khar atanga a chhuak chiah chu,
chu saloon bang a thil tar chuan amit ala nghal
zak a,
WANTED....JIM SLAUGTER....Dolar 10000 tih in
ziak leh thla lak chu ngun fe a thlek vang vang
in,
poster chu pawt thla in an nuai hlawm tawp a,
in hnawh puar na tur zawng in hotel lam chu a
pan nghal a,
henglai thleng thleng hian a thlalak chuan a
thleng ang tih reng a ring pha hauhlo....
Chu khua chu mukhual chi hrang hrang in an
tlawh in,
a then rancher te athen gunfighter ro thap tak
tak ten an tlawh thin avang chuan,
sheriff mumal pawh an nei lo reng a,
sheriff hna thawk a piang te chu dan pawn a
awm hoten an dah that zel avang in,
tu mah in chu hna chu thawh an chak in an duh
hek lo.
Chutiang ang khau ah chuan tlangval rorum leh in
khai thli tak,
mitmeng buang thak mai leh mahni in ring tawk
tih hriat zet mai chuan jim slaugter chu a thleng
ve rawih chu ania,
a puakruk pai dan ah chuan in cheinan chauh
ahmanglo ani tih hriat zet mai chuan akhel
dinglam ah chuan fual hnelhnawl in 45 pistol chu
a pai a,
alan naupang hu ang erawh chuan a deh akhir in,
outlaw pawirang tak rak te pawh in tawn leh hma
chhawn a hreh thum a, mahse ani pawh athil tih
sual ni miah silo avang a outlaw nih na aneih
avang chuan atan hmun him tak tak awm thei
heklo,
a khualzin kawng chu nitin a sawn a ngai fo
thin.......next

[Adriela Pa Punte]

OUTLAW........JIM SLAUGHTER
( chhunzawm na episode - 2 )
:::::::::::::::::::::::::::::::::::::::
Jim slaugter chuan hotel room atang chuan,
kawtthler lang thei chin chu an thlir deuh vang
vang a, hetiang khaw rura tak mai in Dan
kengkawh tu an neih loh dan ah chuan,
mahni in ven fimkhur a nfauh tur zia chu hrilh
nawn kher angai hauhlo, a pum ruak te hnawh
khat te te in, asilai 45 pistol uluk leh duat tak
mai a a enkawl chu uluk zet a check pah in an
hrufai hluau hluau a,
khua pawh in tlai lam pan zel in unau hmelhai vel
ani ta maw tih chuan saloon lam pan chu arilruk
ta a, chu mi hma chuan chhekin lam pan hmasa
tete in,
a sakawr chu bia in.....hubb he hmun hi kan tan
thihna rim anam tlat fimkhur tak in aw....ahan tih
chuan hre thiam zet chuan a beng alo tun hru
hru a,
tichuan kawtthler lam pan chuan a chhuak phei
nghal a.
Saloon chhung a luh rual chuan thawm chu reh
deuh nghal duak in, boruak chu atang nghal at at
hle mai, mahse chu chu pawisa duhlo lui in bar
lam chu pan in whisky chu an lam a,
a ruk erawh chuan a lukhum hnuai atang chuan
amit erawh a len ngun khawp mai, no adawm tan
chauh tih chuan arin lawk ang ngei in amah lam
pan tu chu ahmu ta tlat mai, chu palian leh
rothap zet mai chu tunge anih hrilh nawn a ngai
hauhlo, gunfighter turu leh phawi rang tak mite
hlauh em em mai leh nun rawng tak,
akhel tawn tawn a puakruk pai, hnung lam atang
pawh a mi kah hrehlo tak mai,
outlaw hmingthang matt hardy ani tih chu a hai
hauhlo, elpasaw ah khan hepa cet ran zia chu a
hre ve tawh tlat,
mahse hrelo ang mai chuan a awm lui tlat a,
an in kar pawh a zim sawt ngei mai chu tah matt
chuan, hei....nau a ka zawng nasa tawh khawp
mai che.....aw vawt deuh raih a tih pah chuan
akut chu a puakruk bul ah chuan an thlak rhla a,
jim chu muang chang a in her in matt tanpui
theihna che ka nei em ahan tih chuan, chu
tawngkam chuan matt chu a ti thinur zual kher
mai, matt chuan aw teng deuh chhap chuan ilu
man kha min pe rawh tih pah chuan rang fahran
chuan akut chu a vai phe zuai a,
jim pawh chuan awm mai mai hun anilo tih hria
in rang lutuk tak mai chuan a pistol chu chuh ve
nghal in, silai pahnih te chu pakhat puak ang mai
chuan ari rual deuh thawt a, matt chu apai deuh
dawr a a hmel ah chuan mak tih na lo lang nghal
in, jim a silai mu in a chaldar tak ah aver siah
avang chuan a awp nghal rawk a,
matt asilai mu erawh chuan bar dawhkan chu
adengkhem deuh sawk a, jim chuan a 45 pistol
hmawr la khu vang vang chu chem in, hnehsawh
zet chuan a holster ah chuan zei zet chuan an
thiat lut a,
matt chu biak zui tur reng a awm hauhlo.....chu
saloon boruak a reh deuh hmak a,
bar nghak tu chuan whisky bottle leh no jim pek
pah chuan ring fe mai chuan, he khua ah hian
kha tiang ang a phawirang kha mikhual kan la nei
ngailo......misual leh chimawm zet min dahthat
sak tu mikhual hming in aw....ahan tih chuan
cowboy ho leh gambler ho chu an haw haw nghal
dar dar a.
Chu saloon chhung boruak pawh in ngai a awh
leh ta bawk a, jim pawh chuan in thiar fihlim vat
chu tha in a hre ta a,
rei tak mut mu hmulo leh thlaler palh tlang ani
bawk a a mu tui kher mai, a mutna tukverh atang
a ni lo lut in a chhun avang chuan jim chu lo harh
in,
rang zet chuan a in perh tho va, in hnuailam ah
chhuk in coffee sa vet vawt te in tete in,
asakawr hubb nen chuan ch khua chu chhuahsan
in chhim lam chu an pan ve tawp a,
a kawng chu rin aia tak chuan a chhengchhia in
kawng mumal meuh pawh a awm lemlo,
mahse chu chu antan ahim zawk miau avang
chuan phun nawi lovin hubb pawh chuan apu thu
ang chuan hmalam a pan ve zel a.
Reilo te ah jim a te putu chuan tlang pawng
pakhat chu chuang chhuak hlawl in,
chu ta tang chuan a ram awm dan chu an han
thlir deuh vang vang a, uluk tak a a thlir lai
chuan,
tlang bawk te tak te hnuai atang chuan meikhu
lo chhuak a hmuh chuan,
chu lai hmun ah chuan ranch emaw bawng tla
cowboy an awm ngei ang, aram chin leh awm
dan te pawh an hre chiang deuh ang ti chuan
chu lam pan chuan hubb chu an kheng kal a,
reilo te ah mei khu rim pawh chu a hriat theih
thuai a,
mahse chuti mai chuan zuk pawh a tum bik hauh
lo,
tu te nge an nih a enge an tih hriat tum chuan
uluk leh thawm dim tak chuan a hnaih phei zel a,
lungpui phen ah chuan hubb chu dah in in phen
tur zawn pah chuan hnai phei hret hret zel in,
a thil zuk hmuh chuan a ti barakhaih kher mai,
chu tlang hnuai zawl ah chuan bawng rual za
thum dawn zet mai chu chu lo awm khawm in,
buk pakhat kawt ah chuan mei pui chung ah
chuan thir an lo rawh ling a, chung mi parhum te
chu bawng ruk hmang an nih arin avang leh
engzat chiah nge an nih ahriat duh avang chuan,
dawhthei tak chuan chunlai hmun atang chuan a
thlir reng a, chu tia a thlir reng lai chuan W R tih
in chhu bawng khel ami chu WB ah chuan an lo
chhuah zel a,
chu chuan bawngruk hmang an ni tih chu khel
lovin ahriat theih, jim chuan hnaih thla hret in a
rifle a ken loh avang chuan pistol a kah phak chin
a thlen chuan,
pistol hum sa ran chuan a awm na atang a chuak
in, chung bawngruk hmang te hmuh hma chuan,
thian te u inlo dam maw ahan ti chu,
chung ho chuan an rinloh tak mai mikhual an nei
thut chu hamhaih miah lo chuan silai an chuh
rual nghal thawt a, mahse an hma a ding chu
tunge anih an hriat loh vang mai mai ani,
jim chuan asilai chuan an hmet puak thawt chu,
chiang zet chuan pahnih chu an hnunglam ah a
leng deuh nawk a,
pakhat a pawh chuan athian te awm dan a hmuh
chuan silai chuh ve an tum zet na in, a hma a
ding chuan atin reng ani tih a hriat chuan sang
tak chuan ban an phar nghal a, jim chuan
agunbelth chu phelh tur chuan thu an pe a,
rang tak a phelh nghal in chu pa chu jim chuan a
hnung khir in an phuar mawlh mawlh a.
Chu bawng ruk hmanga chu sakawr chung ah
hlang in, jim chu an faifuk raih a an chhak hnim
zing atang chuan hubb chu lo chhuak zal zal in,
apu chu an nawk deuh nar nar a, tichuan jim
chuan bawng rual chu khal khawm in anlo kalna
hniak ring chuan a let pui hlawm dam dam a.

[Adriela Pa Punte]

OUTLAW....JIM SLAUGHTER.....
Episode.. 3
:::::::::::::::::::::::::::::::::::::::
Slaughter chuan chung bawngrual ho chu khalh
khawm zel in, him dam tak chuan WR chu a then
phei ta hlawm a,
chu ranch cowboy thenkhat chuan saloon
chhunga matt a nen an in hmachhawn dan lo
hmu tawh an awm avang chuan,
chu ranch chu an ri lenglung a mahse buaina rim
leh hlauhna rim ni lovin,
ngaihsan na leh thlamuan na vang ani zawk
thung, jim slaughter chuan chu ranch neitu pa
sawm na ang chuan chu hmuna thawh leh sum
peipun chu duh viau mahse,
atan hmun ralmuang tak tak a awm chuan loh a
vang chuan kal zel chu a rilruk ta zawk a,
zanriah te an eikham hnu chuan chhek in lam ah
ve thung chuan cowboy thenkhat chuan,
slaughter a chet ran zia leh silai kah thiam zia
chu hahip in anlo sawi nak nak a, an zing ah awm
ve se an duh zia te chu an ti ti tui ber ani thung.
Zingkhaw var hma hret chuan slaughter chu harh
in chhuak nghal thei tur chuan a in peih ta at a,
midang hmuh thoh ve hma chuan chu ranch chu
chuahsan in,
pan tur bik lam pawh hre chuanglo chuan hubb
kawng zawhna lam lam chu pan in,
lungmuan hmel tak chuan meizuk pah chuan an
kun deuh chhal a, chawl lo va an kal zel tak ah
chuan ni pawh a vanlai zawl ta der mai, tukthuan
ei pawh ahun ta viau mai a tih angaihtuah lai tak
chuan thawm ahre ta rlat mai,
chu vel leh sakawr chung atang a zuang thla in in
ralring zet chuan thingbuk pakhat chu in phen
nan a hmang nghal a.
A beisei loh ber thil a hmu ta tlat mai, nula
pakhat in khaithli leh nalh tak mai ate chhelo ani
tih sakawr chunga a chuan pawh chuan ahriat
theih chu,
cowboy pahnih hian sakawr chung atang chuan
pawh thlak an lo tum a, jim slaughter thin chu a
khei zak mai hmeichhe awm nem leh chaklo
zawk, chu tia ram palai leng ah lehnghal chu tia
aduhlo chung pawhthlak an tum avang chuan, a
bih ruk na atang a chhuak in,
aw zawi leh fiah tak si chuan, thingkung chu
ngheng ar ar pah chuan "kei chu ni ila nula kha
ka kalsan nghal ang",
chu tawngkam an beisei miahlo an hriat chuan
chu cowboy pahnih chu an dingrual thawt a,
pakhat chu muang chang a lo in her in mister he
in fiamna ah hian kan sawm che ka hre hauhlo
tih pah chuan akut chu a puakruk bul ah chuan
an thlak thla nghal a,
mahse jim slaughter erawh chuan ngai
pawimawh lo zet chuan, kha nula khan min sawm
alawm....ni lawm ni nula ahan tih chuan, nula
chuan amah chhantu hmel en pah chuan lu alo
bu nghat a,
pakhat zawk chuan thiana hun i neih lai hian in
thiar fihlim mai rawh hun ka pe ang che,
ahan ti ve bawk na in a awki ah chuan hlauhna
rim a tel tlat.....chu chu jim chuan a hai mawlhlo.
Mi pahnihte in ring taka an awm chung pawn
insiam rem emaw, han ding that a tum miah loh
dan ah chuan chu mite pahnih chuan mak an ti
telh telh a,
in en hrek hrek pah chuan an hnung tawlh hret
hret a, an sakawr a zuan kai pah chuan chak zet
chuan an tlan liam nghal a,
jim chuan nula thlabar zet chu pan in, thilawm
dan leh helai vel ah engtia awm nge anih an zawt
nghal a, nula chuan CAPILTON khua a saloon
neitu pa fanu anih thu leh kathy man more anih
thu a hrilh zawh chuan,
he lai vel ah hian ram zau tak mai an neih thu
leh chu hmun ah chuan hun awl aneih apianga
akal fo thu a hrilh hnu chuan,
mister min tanpui avang in ka lawm e mahse
khang mite kha tute an nih i hre lo ami....?
Chu zawhna chu jim chuan ngaih pawimawh loh
hmel zet chuan, ka tan chuan tute pawh hi ang
khat vek anni mai alo ti sam et mai si,
nula bawk chuan misual tak tak leh phawi rang
tak tak vek asin an nih, khawngaihin khua ah lo
lut suh ang che nula chuan an ti zui a,
jim chuan in hmelhriat tir in.....jim slaughter anih
thu a hrilh chuan nula chu a meng phar nasa
ngei mai,
bah deuh nawk chuan..jiii....jim....slau....
slaugter....outlaw hmingthang tak kha maw inih
an ti nawk nawk a,
jim chuan lu buk nghat pah chuan irin ang misual
erawh ka ni lo mai thei alo ti sup a, nula i bawk
chuan Mr.jim khua ah chuan lo lut lo hram rawh,
i hming leh thlalak an tar chi chiai asin ahan ti
chu, jim chuan khua chu engtia hla nge ahan ti
a,.....? Nula i( kathy ) chuan mel thum lai aniag
tih pah chuan sakawr atang a chhuk in a thil pai
tla chu a chhar khawm a, jim pawh chu chhuk ve
vat in nula chu chhar pui an tum chu,
chu eitur tladarh ahmuh rual chuan, a pum ruak
tak mai chua hrechhuak vawng vawng a, nula
chuan hre thiam tak mai chuan, jim chu eitur ken
lai chu an pe a,
jim chuan apum ruah zia hria in hbar buai atum
hauhlo, nula kut ami chu ban vat in asakawr jean
ami tui thawl chu la in,
an ei nghal tuam tuam a,
rei tawk fang chawl a an ti ti hnu chuan,
chu Capilton khua lut tur chuan nula nen chuan
an in chhawm phei ta a.

[Adriela Pa Punte]

OUTLAW..JIM SLAUGHTER
Episode...4 - 5
:::::::::::::::::::::::::::::::::::::::
Kathy leh jim slaughter te chu capilton khua lut
tur chuan, khawdai chu zanriah chhum hun vel
chuan an thleng ta reng mai a,
muangchang a ti ti pah chuan khawchhung ah
chuan in chhawm lut in, kathy pa saloon ah
chuan an lut ve rawih a,
saloon chhung chu rin aia chuan mi anlo tam
phian a marshall pawh chu kil khat ah chuan mi
chetla vel thlithlai in athu ve run a,
kathy pawh chu apa bul ah kal in, thilawm dan
leh a thil tawn chu apa a bekbawr sawr sawr a,
saloon nei tupa chuan jim chu rawn pan in Mr.jim
kan chhunga i thatna vang in i duh phawt chuan
kanlo mikhual thei reng che nia, tih pah chuan
whisky chu no a thit pah chuan jim chu an pe a,
jim slaughter chuan zaw fiah tak si chuan outlaw
i mikhual ngam dawn mi....? tih pah chuan no
chu an ban a,
chu tih lai tak chuan marshall chu jim leh saloon
nghak tupa bul ah chuan lo kal in,
hei mr.....jim he lai ah chuan tu mah hian an hai
lovang che, chu vang chuan misual lwh buaina
siam ching chu kan dim vak lo ania, thupe aw zet
chuan ahan ti a,
saloon nei tupa chuan...marshall in sum teh kan
khualtha anih hi tih pah chuan chu mite pahnih
chu kal san in, bar lam chu a pan nghal a.
Jim chuan marshall lam chu hawi
in, marshall he lai hmun hi anawmhmel khawp
mai kei pawh reilo te chu chawlh hah dam nan
kan hmang ve ange, tih pah chuan no chu an tlak
deuh pap a, marshall chuan mr.jim.......Dan
pawnlam mite tan helai hmun ah hian hun leh
hmun zau tak kan hawng lo ania a tih lai mek
chuan,
saloon kawngkhar chu a rawn in su hawng lawp
a,pawisak neilo tih hriat zet chuan silai chu
saloon chhung ah chuan hmet puak thawt thawt
in, pakhat chuan ringleng lawng chuan whisky
chu an lam lauh lauh a, chu vel leh marshall
chuan chu mite chu pan in,
awm dan mawi hrilh hriat a tum mek lai chuan,
an zinga pakhat chuan ti el zet chuan marshall
chu....Dan leh thupek chu kan kut ah dah mai
rawh...tichuan nang chu lova mu hahchawl rawh
tih pah chuan an nuih bawk bawk a.
Chu tawngkam chuan marshall thin ati rim ngei
mai, muang chang a chumi te lam a pan lai
chuan, hmusit zet mai chuan chu pa vek chuan
marshall hi a huai ania kan lam te a rawn pan
vel,
mardock a leh a naute ho hi tuman an pan ngailo
tih pah chuan an ding rual nghal thawt a, an
zinga an hotu pa ber mardock a chuan marshall
tah khan ding rawh, chuti lo chu tho leh tur i
awm tawh lovang thinrim leh thu pe aw zet
chuan an tia,
marshall pawh chu ding nghal in, an ni pathum
pawh chu an in sem darh nghal a, saloon
chhunga awm te chuan silai a puak ngei dawn
ani tih hria chuan anlo in saseng thuai thuai a,
marshall pawh chuan ani pathum chu a hneh
dawnlo tih in hre mahse tlawm mai atum hauh lo,
boruak chu atang ta at mai......chu tih lai tak
chuan bar dawn kan bul no dawm pah chuan jim
slaughter chuan, thian te u kalo telve pakhat leh
pathum chu a fair chiah lo in ti deuh lo maw.....
Tih pah chuan hmalam ah chuan rawn pen
chhuak nghal in,
marshall bul ah chuan an ding vanga, chu mite
chuan mak ti viau mahse in hnuhdawh na hun a
awm tawhlo....... Chutah mardock chu te thawt in
chu mirual chuan apuakruk chu chuh nghal in,
anaute pahnih pawh chuan an silai chu an chuh
ve nghal a, marshall leh jim pawh chuan kut
kuangkuaha lo ding kha afin thlak lemlo tih hria
in, rang zet chuan an khel bawr chu an beng thla
nghal zawk a,
silai chu vawithum chiah a puak a chu pawh jim
slaughter sulai atang vek leh nghal, mardock
asilai chu phawi ve hman mahse a awma .45
silai mu den na avang chuan hnung lam ah tawlh
dawr in,
mak tih hmel zet chuan a meng tal nawk nawk a,
anaute pahnih erawh chu biak zui tur awmlo
chuan chhuat lai ah an chaldara silai mu den na
chu an lo thal pui der a, marshall ve thung erawh
chuan a silai kawm a vuan ve hman chauh thung
a.
Saloon chhung chu silai ri chuan a khawk rum
rum a, jim chuan a silai hmawr khu vang vang
chu chhem pah chuan, zei leh hnehsawh zet
chuan a holster ah chuan an thiat zui a.
Uluk leh chik zet a lo entu te chuan jim a silai
phawilai chu an hmu hman meuhlo,
marshall chu thaw huai pah chuan in her in
Mr.jim ka lawm e an ti sap a, chu vel leh chuan
chu saloon chhung chu ari nghal mur mur ta mai,
thilhria nih in chuh in tawng an in chuh sap sap a,
athen phei chuan kawlphe aia pawn arang zawk
lo ti tawk lah bo lo,chu ri luih luih kar ah chuan
saloon neitu pa chuan marshalk hnen ah chuan,
kha maw kan khual tha ani ka tih reng kha alo ti
mek a,
marshall chuan mr.jim lo tello la chuan ka rhi
ngei dawn nih hi ka ti hman a, kei aia in an rang
zawk dawn tih hre mah ila,
tlanhhiat kha ka tumlo ve hrim hrim alo ti ban
chiah chiah a, jim chuan marshall chu huaisen ati
in angaisang letling phian a.
OUTLAW...JIM SLAUGHTER
Episode - 5
::::::::::::::::::::::::::::::::::::::
Capilton khua chuan marshall rorum leh huaisen
tak an neih avang chuan, chu khua chuan kawng
tam tak ah hma asawn in aral muan phah deuh
hawk a,
mahse gunfighter ro thap tak tak te ang erawh
chuan marshall chuan a silai chu a chelek hneh
sawh lem lo, mahse a huaisen na chuan mi
tamtak a vau zam in avau dai fo tawh thin,
mahse tun tum zet chu thihna ko tlang ah a dak
hman thelh ani, saloon neitu pa fanu kathy
mikhual outlaw....jim slaughter lo in tawlh hlauh
lo sela chuan undertaker in aruang a hlawm ve
ngei ang.
Marshall chuan jim chu bia in, mr.jim i hman hun
ah ka office ah i rawn leng dawn nia atih chuan,
jim slaughter chuan teh reng mai marshall tih
pah chuan no chu an chawikang zeuh a,
marshall chuan lo chawikang ve in thlahualna
ang reng deuh chuan an han tlak dun pap a, jim
chu kathy chuan koh in mikhual room tur te
kawhhmuh zung zung in,,
inbualna tur tui kalo siam ang che tih pah chuan
achhuahsan zui a.
Jim a han in bual zo chu thaw veng deuh hawk
chuan a in hria a, an ngaihtuah let ngial pawh in
a in bual hnuhnun ber a hre thei meuh tawhlo,
zanriah ei hun chuan kathy chuan jim chu koh in,
nula hmeltha tak zanriah siamsa a eiloh na arei
ta bawka a ei hnem kher mai, zanriah ei kham
chuan kathy chuan " jim he khua ah hian cham
ve reng rawh aw....kan marshall pawh in pui tu a
mamawhai thei asin," chu sawmna aw mawi tak
chu tlangval rothap leh hlauh neilo ni mahse
asawmtu chuan azir miau avang chuan hnar har
ati khawp mai, muang chang thawh pah chuan
khawnge atlai hma in,
marshall office lam chu kan tei phei ange tih pah
chuan thovin kawtthler lam chu a pan zui a, thui
pawh a kal hma chuan bathlar thim chin atang
chuan rifle a rawn puak thuai a, jim chu ateuh
ther ther khawp mai, arawn kaptu khan hlau tak
chunga kap chu nilose tho leh tur a awm kher lo
mai thei ani, jim chu rang tak a bawk nghal in
bathlar thim chin ah chuan abawkvak phei nghal
zawt zawt a,
mahse thawm engmah hriat zui tur a awm
tawhlo, jim chu muangchang chuan fimkhur tak a
tho chhuak in beng a chhi kar a, chutih lai chuam
marshall chu laltin keng chuan lo chhuak in,
thilawm dan ahmuh chuan rangtak in jim chu a
office ah ahruai lut nghal a.
Marshall chuan muang ban charh mai chuan, jim
vawiin a thilthleng avang khan hmelma leh do tu
che an tsm sawt ngei ang,
chuvang chuan i fimkhur zual angai dawn khawp
mai, i hreh lem loh chuan depeuty pawh ka nei
lem lo bawk a, ka depeuty ah te rawn rang mai la
a lawmawm khawp ang a ti zui bawrh bawrh a,
jim slaughter chuan marshall min sawmna chu
alawmawm khawp mai, mahse tu nge outlaw dan
kengkawh tu atan ruai ngai alo ti let sap a,
marshall chuan chuvang tak chuan lawm outlaw
inilo tih lan tirna tha tak ania sin ti zui
mahse...ranger tam tak in amah an zawn tho
avang chuan, chu chuan him na ape dawnlo tih
chu a hre tlat tho.
Jim chu marshall office atanga ahawn hnu chuan
saloon chhung ah chuan lut in,
kil khat ah chuan ngawi reng chuan an thu a, mi
hmuh loh thei dan tur ber chuan alukhum chu
kuai kun a, mahse thil engkim erawh a hmuh
hmaih hauh chuanglo, rei tawk fang a thut hnu
chuan mut hahchawlh mai tum a rilru asiam mek
lai chuan, saloon kawngkhar chu na fahran chuan
a rawn in su hawng lawp a, chhun lam a kathy
tibuai tu te kha ani tih chu ahre thei mai,
an chetzia ah chuan an rui tawh ani tih chu hai
rual anilo.....chutah pa cher zawk chuan ring
lenglawng chuan mikhualpa lo chuak teh an ti vin
chher chhuai a,
saloon chhunga awm ho chuan chu lam chu hawi
rual deuh thap in, boruak chu chawp leh chilh
chuan areh nghal duak a, jim a lam chu hawi pah
in mikhualpa i rawn pen chhuak ngam dawn na
nge......chalance zet leh tham lo zet a ahan tih
tak ah chuan jim chu athut na atang tho chhuak
in, muang chang chuan hmalam ah chuan an pen
chhuak hret a,
in kahna a awm dawn tih hria in saloon chhunga
awm ho chu anlo in saseng zung zung a,
thenkhat thung chuan jim a silai phawilai hmuh
tum in uluk zet chuan jin alam chu an hawi deuh
thup a, pa cher a bawk chuan vawiin a i thil tih
man leh kanpu mardock a phuba kan la ngei ang
tih pah chuan in siam rem in, vei lam ah an tawlh
phei a pakhat a pawh chu ding lam ah tawlh phei
ve nghal in, an in kar chu a zim sawt khawp mai.
Silai hmetpuak hmasa zawk zawk tan pawh
inthelh na tham ani meuhlo, khuavang kal lai ang
mai chuan areh thiap a,
pa chera bawk chuan aw chher teng zet chuan,
hremhmun ah kal rawh tih pah chuan a silai chu
an chuh nghal a, athianpa pawh chuan chu mi
rual tho chuan chuh ve nghal a, jim slaughter an
hmachhawn tih hria se silai an chuh kherlo mai
thei, mahse an hre miau silo le......jim chuan
kawlphe tluk zet a rang chuan akut chu vai phe
zuai in,
akut a puakruk awm chu a puak nghal thaui a,
vawihnih chu ahmet puak na in aran em avang
chuan vawikhat puak ang mai ani, chu mite
pahnih chu gnunglam ah an eu nghal dawr a,
an silai kawm chu an vuan ve hman tawk ani, jim
lah chu akut ah silai ahum sa emaw tih mai tur
chuan akut ah chuan silai chu alo awm reng
tawh mai si....
Pakhat a zawk chu hreh hmel zet chuan a pai
tuang tuang a, sakoon kawngkhar bul ah chuan a
thal nghal der mai,
a cher zawk a erawh chu .45 pistol den na avang
chuan biak leh tur awm hauhlo chuan a thi fel
nghal der mai si, chilthli tla duah duah a lo thlir
tu te hma ah chuan a silai chu tuai vir nawk
nawk in,
a holster ah chuan an thiat lut nghal a,

[Adriela Pa Punte]

OUTLAW..JIM SLAUGHTER
Episode - 6
:::::::::::::::::::::::::::::::
Chu in kah na thleng chuan saloon chhung
boruak chu ti danglam in, ti ti ber ah chuan jim
slaughter phawi ran zia mawlh mai chu an in
sawi siak a, jim chuan saloon nei tupa chu signal
zeuh in, in chung lam ah mu zal tur chuan aluh
san ta a.
Chu khaw mite chuan jim chu khua ah chuan
awm in, chu khua a mi hlauhawm tak tak te lak
ah chuan veng him tu atan an duh kher mai, chu
khaw bang ah te chuan outlaw nihna poster te
chu tar chuai chuai mahse, chu khaw mite chuan
outlaw anih na aia in, an tan a mi hlauhawm leh
hnawksak te dah tha tu anih na chuan an
thinlung ah chuan hmun a chang lian zawk a, jim
ve thung chu mu tur a room aluh chuan, kathy
chuan blanket nen zui lut ve nghal in, mr.jim kan
tan thiltha min tihsak hnem ta hle mai, engtik ah
mah kan rulzo dawnlo che nih hi.....khang i thah
tak te khan khawilo ka chhuahna apiang ah min
fiam in min zu ru fo thin a, tun ah chuan i zar ah
ka zalen tawh dawn nih hi tih pah chuan mutna
chu a siam melh melh a, jim chuan kathy chevel
leh pian zia chu uluk zet chuan alo thlir a, nalh
ati in duhawm ati kher mai mahse chu nula hma
ah chuan, outlaw hlauhawm tak mai jim slaughter
meuh pawh azam in alai zo vek mai, kathy chuan
mr.jim min va en uluk ve thil fello chu a awm em
lo maw......? chu zawh na avang chuan jim chu a
phu zawk a, bah deuh niai chuan aa....a....awm
hran lo ve alo ti chu kathy chu alo nui bawk bawk
a, jim a hrilh chu a hai kher mai mahse kathy
bawk chuan, gunfighter rorum tak tak te hma a
zam ngailo kha nula pakhat hma ah chuan azam
ani maw......poi love ka kalsan mai ang che tih
pah chuan in her in, kawngka pui pan a tum lai
tak chuan........ban tha chaktak mai chuan kathy
kawng ah chuan nghet tak a vuan in an pawt
hnai a, a hmui nemthap mai nisa in a em vw ngai
mang loh chu. ....thlaler atang lo kal tui hal leh
dangro zet mai, ahmui ve te pawh vaivut khu in
abawh luk thin ngei mai chuan, uluk leh dim zet
chuan an fawp vawng vawng a, kathy chuan chu
outlaw tlangval jim slaughter fawhna chu hnar
atum hauhlo........chu tlangval chu ainhumhim na
anih avang in amamawh tlat.
Jim chuan zo zet a pawm pah chuan khum ah
chuan mut in, hmangaihna lipui chu an chen dun
zankhua ta a, chu zan chu atu ve ve tan pawh
chhinchiah tlak tak ani ngei ang, a tuk khua alo
var chuan jim chu atum ang ngei in, zing var tian
ah thovin asakawr hubb chu an buatsaih mawlh
mawlh a, chu tih lai chuan kathy chu mutkawr
pan tak nen chuan, jim chu lo pan in...jim min
kalsan chu i tum tak tak ami tih pah chuan chu
tlangval awm khauh tak ah chuan an bei nghal
chawt a, jim chuan lo kuah pah chuan kathy tun
ah chuan ka kal ahun tlat, mahse kalo kir leh
ngei ang tih pah chuan kathy kuah na atang
chuan tal chhuak in, in tha zo zet chuan hubb
chung ah chuan an per kai nalh a, kathy chu
mangtha nan lukhum an phawh khum zeuh a,
capilton khua chu chhuah san in khawthlang lam
pan chuan a lim chhuak ta zuai zuai a.
Kathy zunzam chuan amah chu phuar deuh tlat
chuan in hre mahse, chu hmun ah chuan a in
bengbel thei silo outlaw kha ani miau a......

[Adriela Pa Punte]

OUTLAW...JIM SLAUGHTER Epi...7 - 8
:::::::::::::::::::::::::::::::::::::::
Hubb chuan khawilam nge an pan dawn hre
hauhlo chuan, apu kawih her na lam pan chuan a
kal bauh baah a,
ni atlangsan thleng chuan hubb chuan kawng
mumal a zawh meuhlo, jim chuan kawng tum
mumal deuh zawh zawh tum a a in her chiah
chu, ralkhat a sakawr rual tlan khu rum rum chu
ava hmu thei a,
hubb chung atang chhuk in fimkhur tak a phen
tur zawng pah chuan, chumi te chuan khawilam
nge an pan chu hriat tum chuan ngun zet chuan
a thlir a.
Chung ho tlan liam hnu chuan jim chuan hubb
chu bia in,
hubb khua kan hlat tawh hauhlo kha mite hnung
kha zui ila, in hnangfakna tur in zawng ve ang
hmiang,
ram palai lenga awm reng zawng khua paqh ahar
alawm le tih pah chuan sakawr chu kuai her in,
kawngtum lam pan chuan an kuai her pawp a,
hmanhmawh na nei map lo chuan jim ate pu tu
chuan chu sakawr rual in an zawh na lam chu an
pan ve chhak chhak a.
Jim slaughter an khua a luh meuh chuan chaw
fak hun ani deuh thaw thang mai,
dangro ti hnawng tur chuan saloon lam chu pan
in,
saloon chhung aluh chuan atu te mah chuan anlo
uk sak teh chiamlo, mi pawh anlo tam phian a,
bar nghaktu hnen ah chuan bar dawhkan bula din
pah chuan,
whisky chu lam in an lem deuh khalh khalh a,
dangro zualpui pawh a zia awm nghal ram ram
chuan ahria, pawr fe fe a tawng lawng lawng
chu a in chhawk deuh nawk a,
bar nghal tu chuan TJ ranch cowboy ho an nih
thu leh an laka buai na siamloh a him thu chu jim
chu hrilh melh melh pah chuan,
mister khawilam nge i pan zel dawn...?an tih
zawm a, jim chuan ka hmalam zel ani mai tih sap
pah chuan no chu tlak pawp in,
chu saloon chu chhuahsan phawt a, in hnawg
puar na zawn chu a rilruk deuh a, a in her a kal
tur chiah chu TJ cowboy pakhat nen chuan an in
tauh palh hlauh mai,
jim chuan tihpalh tih pah chuan lukhum phawk
zeuh in, kal leh mai chu an tum a mahse a rin
dan ang anita hauhlo mai,
chu cowboy lo rui lungpuam ve tawh si
chuan....hei mister khati khan i kal ngawt thei
lovang tih pah chuan in her in a puakruk chu
phawi mai tur chuan alo in her rem nghal a,
saloon chhunga awm ho chuan thilawm dan an
hmuh chuan, in kahna athleng ngei dawn tih chu
hre thiam in anlo in saseng nghal thuai thuai a,
jim chu muang chang a in her in TJ cowboy hnen
ah chuan in hnuhdawhna hun chu an pe te te a,
mahse chu cowboy chuan chu thil chu alo tum
hauhlo,
hremhmun ah liam rawh tih pah chuan rang tak
mai chuan akhela a puakruk chu an chuh nghal a,
mahse ahma ding chu phawirang hming thang
tak jim slaughter kha sni tlat, jim akut ah chuan
silai chu amah in alo in vuah sa emaw tih mai tur
chuan alo awm vang tawh mai,
jim chuan chu cowboy awm zawn a tin vang pah
chuan hmehpuah kher hi ka duhlo ania mister a
dam leh zawi sap chuan an tia,
chu cowboy mitmeng ah chuan mak tih na alo
lang nghal a,
asilai kawm avuan ve hman tawk chauh ani si,
a khingpui pah silai erawh a awm zawn ah alo in
hung vang tawh mai, jim chuan a .45 chu tuaivir
pawp in a pai ah hnwhsawh zet a khung pah
chuan,
saloon chu a nghal luih luih mai, TJ cowboy
phawirang taka anlo ngaih thin khan,
a aia phawirang a tawng chu a thinrim kher
mai,saloon chhung ti ti ber chu jim slaughter
aphawiran zia mawlh mai chu ani.
OUTLAW..JIM SLAUGHTE. Epi...8
:::::::::::::::::::::::::::::::::::::::
TJ cowboy ho chu an chhuak ru pheuh pheuh a,
an chetzia ah chuan bar nghak tu chuan thil fello
leh tum ruk an nei tih chu man thiam vat in,
thil lo thleng tur chu arha dawn lo tih hria in
lehkha them ah chuan fimkhur tur a ngenna rlem
ziak in,
naupang pakhat chu tir in jim chu pe tur chuan a
tir nghal a.
Chu mipa nuapang in lehkha them a rawn pek
chu zanriah ei pah chuan an bih nuap nuap a,
lehkha chu ak in chaw ei kham chuan bar lam
bawk pan tur chuan an in siam a,
chu kawtthler thim ruih mai chuan thih na rim te
pawh a keng tel hial emaw tih tur chuan, thim
hlim chauh mah nise a reh kher mai,
chu chu a tan warning ani tih hrilh nawn a ngai
hauhlo,
chu vang chuan fimkhur tgeih tawp meuh chuan
bathlar thim chin ah chuan thillo thleng tur chu in
ring tak chuana lo nghak tawp mai.
Jim an rei tawk fang thim china a awm hnu
chuan,
thawm danglam tak mai ahre ta tlat mai,
zan sava hram ang tak mai hran ahriat chuan
sava anilo tih hrilh naqn angai hauhlo,
a in signal na ri ani tih chu man thiam vat in, a
bihruk na phen atang chuan an hawi chhuak dek
dek chu, a bul lawk bang bul ah chuan hlim thla
ahmu ta tlat mai,
chu vel leh rangtak a in her in aboot sir a
achemte hriam zet chu pawt chhuak in,
chu hlimthla lo chhuahna chu an veh phei them
them a,
a hnaih tawkta maw tih chuan a chwmte ken nen
chuan chu hlimthla lo chhuah na bang phen mek
pa chu zuan pheiin,
chet alak ve hma chuan a hrawkhrui chat hmawk
khawp chuan achemte ken chuan an vai phei
pawp chu, chu pa chuam a hrawk dawm in a
thaw ri nghal bawrh bawrh ta mai,
thisen tharlam a rawn chik thawt thawt a
kawtthler zau lai ah chuab pai phei tuang tuang
in, tual char ah chuan alet hlawm ta tawp mai,
thawm chu areh zui vawng vawng a.
Jim chuan chutia areh zui tak vang vang hnu
chuan,
ngaihtha deuh chuan din chhuah pah in chu pa
let reng bul ah chuan an pen chhuak a,
chu vel leh rifle chu puak thuai in jim chu avir
deuh nawk a lei char ah chuan alet nghal tawp a,
chu vel leh chuan thim tham atang chuan sakawr
rual chu hmarlam pan in a tlan nghal tawk tawk
a,
saloon chhunga awmte chu lo tlan chhuak in, bar
nghaktu pa chuan chhuat char a let reng jim
alam chu pan in, doc kha hmsn hmawh in lo ko
nghal rawh u tih pah chuan jim chu kuai let in,
mister i tha em tih pah chuan an pawm kanga,
jim chuan adar silai mu aluh avang chuan tlem
thisen ahloh ve nual a,
doc lo thlen chuan saloon neitu pa in lam ah
chuan jim chu an kuah lut nghal a.