Chapter - 4
College ka thlen chuan eng dang zawng aiin Drew ka hmu chaka,amah ka ngaihtuah zawng ringawt pawh chuan ka khi deuh ver ver reng hi a ni mai.
Boruakte kha a thiang bik ta riauin ka hriaa,mood kha a fuh em em mai a ni.
kan class ka luh hma hauhin Drew-te class ka lut hmasaa,amah chu ka va zawng rilru deuh a,rilru pe lo zetin Nancy ka va ti ti pui vela,Drew ringawt chu ka melh a ni mai.
An class atanga ka chhuah chiah chuan ka hnung lam atang ring leng lawnga min lo au pahin hmanhmawh taka rawn phar phei pah hian TimTimy chuan min lo hui leuh leuha,ka dinga ka lo nghaka
Ka bul a lo thlen chuan a thaw hlawp hlawpa,a tawng lawk thei lo.
"I va rawn tlan nasa ve,tinge?" tia ka zawh chuan,an thaw hlawp hlawpa,min han en a
"Arona,Arona" a la sawi tha thei lo.
"Eng nge Arona chu?" kan ti leh zat a.
" Steffi nen ka tihpuia?" a rawn ti ta heu mai,mak ka ti lutuk
"Enga?" ka phu deuh zuk .
Mahse ka inngaihtuah harh vata ka phur ta lutuk,kan thiante pahnih maw,awi a van phurawm tak,ka lai vel,ka phur ka za zek zek hi a ni ringawt.
Timy chuan la chhaih rih lo turin leh ti vak vak rih lo turin min hrilh tela,zawi muanga tih bek bek tur tih thu min hrilh tel nghala,ka hre lo le ka tilang lo thei dawn em ni,ka phurin ka za zek zek a ni ber tawh si a.
Phur tak chuan ka class lam chu ka pan ve taa,classah te chuan zirlai ai mahin Steffi leh Arona chu ka suangtuaha,fa te hian an neih tak lawp lawp kha.
Chhun chaw ei chawlh hun alo thleng taa,college a class awl eng engah emaw hian tiffin kan ei ho mai zela,tiffin kan pai mai zela,loh theih loh emaw kan phur thutte anih loh chuan canteen kan kal ngai lem lo.
Kan mipa ho hian an phur chang changin min rawn zawm ve thin.
Senior-te kan lo ni ve tawh bawk nen,eng class pawh chu kan hmang ngam tawha,mi zah vak kan nei tawh bik lem lo.
Class awl kan duh berah chuan kan luta,hemi ni hian Nancy pui riau riau hian chaw chiah a rawn paia,chaw hmeh an neih loh thu a sawi maia,tiffin kan eikhawm apiang hian fiante hi kan inchan ngai reng reng lo lehnghal,mak tak a ni.
Tiffin an phawrh laih laih lai chuan Steffi hi ka lo melh ngar ngar a ni aw,ka khi sung bawk nen Timy chuan min rawn nghawk sawka,ka phu kang dawrh.
"In control rawh,i tibuai vek nge" min rawn ti sapa. Ka inthunun ve leh maia,mahse ka lo nuih leh vur vur thin
College haw lam chuan kawlthei bawk chu kan melh tai leha,hman ni lawkah principalin a hrem tih kha an hre chang tawh lo.
Kawlthei chu an han en vang vanga,Thartei chuan a bag hian min lo vawma,lung remah chuan a lawn ta zai zaia, hnuai lamah Pci chu electric ban rinchhanin phone a khawih mial miala,kan thil tih kha a enga mah a ngaihven lo.
Kei leh Timtimy chu kan nuih za lutuk kawngpuiah chuan kan mu tawpa,kan nui tlir nghal char char,pum na si,mittui nen nui tawp thei si lovin kan let tawp tawp mai a ni.
Steffi chuan hnuai lam atang chuan Thartei lo vawm thlak apiang chu a lo man chat chata,Thartei chu a fuihpawrh paha,a lawhna hmun tur leh a rah thatna lai deuhte chu a lo kawh hmuh zung zung thung.
Nancy erawh a chi ai lutuk,a kal kual sek,miin min hmuh a hlau lutuk chu kan nui lai te chu kan ka a rawn hupa,a hawi kual zawk zawk. Thartei chu lo chhuk turin a ti sek bawka,a hlau lutuk chu a chiri a ni tawp. Steffi a va hau thul,kan nui lai min lo khap leh thul,min kalsan a tuma,nuam a ti chiah bawk si lo.
Kan buai nuai nuai kha a ni deuh ber.
Nancy hlauh ang ngei ngeiin kan SU pakhat chuan min lo hmu ta ngei,thla min laksak bakah video te'n a lo record a,Thartei chu a kawlthei lawh lai nen a lo in pose vel a,Steffi lah bang lo. Timy nen erawh kawngpuiah ka mu thlawp. Nancy chuan lan ve a hlauh avangin a kutin a khuh vel tat tata awmzia a awm lo.
Kan SU chuan min nuih vur vur chung chuan kan thian ho danglam zia leh mawl zia chu min hrilha,Nancy chuan principal hrilh lo turin a ngen ve bawka,midang chuan kan care lem lo.
Thartei lo chhuk chu Nancy chuan alo beng dawt dawta,a rilru hah lutuk chu a thlan hluama,min ngei vek ni mai hian ka hria.
Kalsawn kan tum. lai tak chuan,ring leng lawngin Fathera chuan "Fate u" tiin min lo koha,Timy nen chuan alam panin kan tlan vata, kan thiltih vel chu kan va report zuah zuah vela
Fathera chuan Nancy chu a that leh that loh thu a zawta, Nancy chuan a thih tep thuin a chhang.
Ni a sat em avang chuan a mipa ho zawk chuan nihliap an lo khum phei a,Arona chuan Steffi chu a rawn zawn nghal deuh ngeia,awww ka va au chhuak teuh tak,ka sen tawn tawn a ni ber e.
Midang chu kan che zawk zawka,kan tlana kan kawi zuk zuk a ni ber mai.
Arona leh Steffi erawh kan hmaah inzawn deuh rialin eng emaw sawi ve ni awm tak hian an kal a,an hnungah engmag la ti vak ngam si loin phur em emin kan kal ve hah hah hlawma.
Nancy chu ka va hrilh ru se sea
"Nancy,Drew hian Timy a starin ka hria" ka va tia,
Nancy chuan ka ngaihdan min lo tawm.chiaha,Timy bulah pawh kan sawi lang ve ve tawha,Timtimy erawhin a ukasak lem lo. A ring lo a ni ber e. Drew hian a star chiang alawm tih erawh kan thu tawpna a ni.
Khatla kawnah chuan kan inthen darh leh ta dial hlawma,Pci leh Thartei nen chuan kan inzui haw leh hnek hneka,Steffi leh Arona chungchang kan sawi nasa em ema,kan phur tlang,Drewa hian Timy a star tih ka rin thu pawh chu kan sawi leha,an uksak vak lo.
Kan in thlen hma step chhoah chuan tumahin min hmu lo ang chu tiin ka zai chho rat rata,a laklawh laiin kan lam leh zeuha,film te ka chhang chho vela,ka phur em em a,ka ngaihtuah ang anih chuan kan thian ho-ah couple pahnih kan nei dawn e tiin ka la la la la chho hi a ni ringawt.
Step tawpah chuan Vena hian nui ver verin min lo thlir reng e,ka hmu chiah chu ka zai leh lam ka tawp chiang hle,ka melh ve ngam deuh tawha,ka nuih let sek a. 'Hi' ti pahin ka ban chu kan vai ringawta.
A nui ver ver nimaiin ka hria,min en vang vanga,'hey' tih pahin min hah vai leta.
Ka putea rawn lang heuin
"Vena lo kal rawh le" tiin a rawn kuah thuak thuaka,ka awmna lamah chuan an rawn chhuk dun a,
Putea chuan "DawngJungkook Vena'n korean duh deuh hmeichhia ka duh lo ati ania" min rawn tia,a bulah chuan Vena a ding ve reng bawk nen. Ka va ngei tak,ka nui ringawta. Min kal pelh pah chuan Vena chuan ka sam chu a rawn chul thuak thuaka, "I lam thiam kha" min rawn ti sepa,
Putea chuan "Vena naupang anih kha naupang" tiin a rawn au lauh lauha,ka zu melh hrawk a,
"Naupang ka ni tawh bawk lo" ka zu ti ve zata,
Vena chu a nui seiha,
"Vena kha a star teh che ania" a rawn ti zet chu zun kq chehin ka hria,mi melh rum vang hian thih theih nise ka putea hi a dam tawh miah lo ang.
Vena chuan nui ver vera min en pah hian "Ka hria alawm" tiin Putea chu a chhanga.
Ka meng kawka,ka lungphu ri ka hre thei hialin ka hria,leh hawi paha min nuih seih chung chuan min kal liam san ve taa.
Mak ti bawk si,zak bawk si,hlim bawk si,lai bawk si,nuam ti bawk siin in lam chu ka pan ta chhet chheta.
In ka thlen chuan mut tawpa thil suangtuah vel mai mai chu ka duh avangin ka na der ta vela,damdawite min pe a,ka ei ta vela,mu chung chuan Vena chu ka ngaihtuah veng venga,a tak ram ang mai hi a ni ava nuam tak.
Khumah-te chuan ka leng leh chiama,ka lukhamte chu kan kuah leh nawk nawk thina,ka hringnun khw a va wow tak em
Ka phone ka phawrha fb-ah Vena profile ka zawng ta vak mai,ka hmu si lo. Ka putea profile ah ka luta ,friends 5000 thak nei limit thak lehnghal Vena kan zawng mai chu ka putea profile ka singsa let hneh ngei mai,a bialnu te pawh ka va hmuh chhuah phah.
Vena ka hmu chiah chu ka phur hle mai,rang tawkin friend request ka thawna,a thla lakte chu ka save vel nghat nghata rei lo teah bialnu a nei tih ka hre nghal vat. Ka hringnun wow tak mai kha dum da na na ah a tla thla nghal.
Ka kawchhung kha a chim ni berin ka hria.
Ka phone vai lawh lawh pah chuan Putea mu lai ka zu sawi nawk nawka,
"Tinge Vena'n bialnu a nei tih min hrilh loh?" ka ti vin tuar tuara,
Putea chuan
"Min zawt ngai em ni?" ala ti sat et zui.
Mittui parawl pur chungin
"Ka duhzia i hre ve veka,min hrilh ve vat ta che " kan ti leha,ka tap lo chauh tawh.
Roomah chuan ka pu a rawn tlan lut ve vata
"Vena'n bialnu a nei maw?" rawn ti heu mai
"Aw" tih leh tah ka rual a ni ringawt.
Ka chhungte hian ka star tih an hre veka,a lo len te hian min lo koh ve vata,kan makpa hual ti hialin an sawia,ka chhungte duat em em ka nih vang nge ni star ka neih dek dek chuan min hriatpui veka,ka awm ang angin an awm ve mai thin.
Chhuatah thu hnawk khawpin ka tap ta ruah ruaha,ka mit tui lah chu tla thei der lo. Ka pu chuan ice cream-in min thlem dam ta a,ngui bur chung chuan ka khumah chuan insawh nghawng nghawng chung chuan ka muhil ve ta maia.
College kal pawh ka phur lo hle mai,ka insiam pahte chuan ka ni nghawng nghawng mai,ka pu chu zingkarah ice cream nen a lo chhoa,min lo thlem leh a ni ber e,ka pi in artui min chhum bawka. Tap loin zingkar chu ka hmang ve theia,college kal turin ka liam ve leh ta lawp lawpa.
College ka thleng chu,Timy'n min lo kuah thuak thuaka,ka down hmel a ti em ema,mahse ka sawi peih lem lo.
Timy chuan
"Ronbawiha leh Stefuaini an ni tawh ania" phur tawkin a rawn ti a,
"Immm anih chu" ti pahin ka kal liama,ka zawr em ema ka tawng chhuak peih ngawr ngawr.
Pen thum vel ka pen hnu chuan ka inhrechhuak ka leh hawia
"An ni maw? tak takin" ka va ti chel chula,
Timy chuan groupah pawh kan sawi kha a lo tia,
"Nizan chu ka hringnun a wow lo lutuka" tiin ka chhang mai a,a chhan min zawh pawhin ka sawi lem lo.
Steffi leh Arona chu an inngaizawng ve ta der mai.
Arona leh Steffi lo inngaihzawn chhoh dan chu hetiang hi a ni.
Zan khat chu Timtimy hian Arona hnen atangin message a dawng a
Arona : Timtim
TimTimy : ????
Arona : Bialnu ka duh e
Timtimy : Tu?
Arona : Ka hre bik lo,i thian tu emaw?
Timtimy : Kan single vek tu nge i duh?
Arona : Ka hre bik lo.
Atirah chuan Timy hian keimah nena min suih rem hi a lo tum a lo ni a,mahse Drew ka star emaw a tih vangin leh chhan dang vangin Steffi a lo kawh hmuh zawk a lo ni.
Atirah chuan thiantha atanga romance a kai thut chu har an ti ve ve tho a,mahse Arona hi a zei ema,Steffi lo duai bik lo nen an ni thei ve ta mai chu anih hmel.
Inthianthatna atanga hmangaihnaa kai chu thil thar a nia,mahse a nawm hmel kan ti vek.
Couple neih lawm nan tiin chaw eikhawm kan rawta,Steffi te in lam pan chuan class kan bunk leh ta diala.
Fathera chu motheri rawn hruai ve la tia kan nawr ngial pawhin a duh lo,kan innawr kal zo lo.Unclea erawh ram pawnah lo awm leh daih tawh.
Thartei nen chuan a hnung lamah fal deuhin kan kala, a that leh that loh te ka zawta,ka tha tiin min chhang mahse a that loh zia ka hre chiang.
Mipa ho bazaar chuan beer an lo hawna,ka in ngai loh avang chuan tui lo ka ngang mai in pawh ka in thei lo,Drew chu awm lo se tem khat pawh ka tem lo ang,a bulah chuan tih ve hi ka chak tlat thin.
Nancy chuan "awiiii Pc" ring leng lawngin a rawn tia,
kan han en chho na chu beer bur hnih lai chu Pci chuan amahin a lo tlak vek. Minute nga pawh a la liam lo asin an lo thlen atangin. Pci kher a ni lehnghal mak ka va ti tak. Cold drink lam a in thei tih chu ka hre saa,beer a in theih zia erawh ka lo la hre ngai lo.
Nancy nen chuan carrom board kan pena, kan thil pen chu Vena bialnu angah ngaiin ka pen vak vak hi a ni deuh tawp. Rei vak loah Drew leh Timy'n min lo zawm ve a,hringnun wow vak lo mahse ka nuih loh phah loh.
Thartei leh Pci an incheia,Inhmangaih takin Steffi leh Arona'n eirawng an bawl thung. Fathera pawh a mu hlun.
Haw hun awmah chuan ruah a sur a, a han kan nghak deuha,khua chu a vawt sur mai a.
Ka infit loh em avang chuan ka kal muang bik leh hle mai,Drew bawk chuan min lo nghak leha,
"Vawt i ti em?" a rawn ti sepa,
"Ti ve deuh tho" tiin ka chhanga,
ka kut chu a rawn laa,a kawr ipte chu min zentira,inkai rialin kan kal a ni ta ber mai.
"Drew" zawh duh nei tih hriat tak hian kan koha
"immm" tih pah chuan min han melha,
"Timy hi o star tiraw?" ka hre chak tawh lutuk,ka zawt ta tawl mai.
"A nui liam mai maia"
ho.min tih thu a sawi daih. Titi em em lo chuan ngawi rengin kan kal ve leh det deta.
Ruah a sur avangin busa haw kan rela,
bus kan chuang chu kan lo beng chheng deuh aniang,stand khat chiah kan chuang tihah min hnawt chhuak daiha conductor chuan lo chuang tawh reng reng suh u min la ti zui.
Ruah chu kan do haw a,ka huh ve vak lo Drewa kawr lum erawh a huh,ka khum daih avangin.
A/N : Hello peeps BP hi chu story lutuk a ni lova,ngaihnaem chiam tura blend em em pawh ka nej lo. kan thian ho nungchang ka ziah vel mai mai a ni a. A story hi overall a lakin 95% vel aia tam mah hi true story a ni e.
Add kha lo click ve zuai la.
Inthianthatna leh hmangaihnaah duh thlang thei dawn ta la,engzawk nge i thlan ang?