*
*
Vawin hi nilaithawhtan a ni a,chuan naktuk hi thlathar ani dawn bawk a, college pawh va kal chhin a tlai lam a Dreamland kal ve ka tum tawh bawk. Ka nu chuan min ngaihtuah leh tawh viau a, chawl mai turin min duh hle bawk mahse,ka chawl lo ang hetia ka tih hram hram hi kan tan a tha,bak ah awm awl leh lutuk hi ka duh vaklo,
Chet loh leh lutuk chuan na te hi kan ngah duh hian ka hre deuh tlat a,bakah hman lutuk hi chuan thil te kan ngaihtuah vak vak a a hreisel ka tih loh bak ah ka ngaihdan a nilo ve hrim hrim.
Zan ah chuan TV en a kan thut thap lai in Umitei ka kal tur thu ka hrilh lawk amahse midang tumah hrih lo turin ka chah thung a, ani pawn sawitur a ngah ngang mai,Lucas-a nupui lo kal ngun dan leh tun hnai phei chu nitin a rawn kal thin thu te a rawn sawi luam a,a Ning in a mil lem lo viau ani awm e,kei in ka lo nuih mai thung a,a ngaihdan anilo leh nasa,
"Tun ah chuan tikhan i nui a ti raw,rawn kal chiah mah teh i nui reilo ang,amah ah hian Ninevi khaw hi sual lai bak i hmulo ang,"a rawn tih leh chuan ka nuih a za ngang mai,nui bawk bawk Chung chuan kan in mangtha ve thei hram a.
A thil rawn sawi ka nu ka hrilh chuan a nuih a za ve ngang mai,"mitei lah hi ngaihzawng lam hi a ngaihsak lo viau mai a,a mah a that reuh nen hian engati nge mawni le?" Ati nau nauh a bawiha lah pek chuan,"a senior tawh a,nulat nawmna a pawh tawh laklawh a nih hi,"alo ti mai a,a nih duh hmel ve em tak a kan nui leh ta vek mai.
Dik tak chuan Umitei hi senior senior han ti ve bawk thin mah ila ala upa hauhlo a,kum 24 mi chauh ala ni,amah hian lehkha a zir rei loh bak ah hna a thawh hma vang hian a kum phulo in a lang upa mai pawh a,ala naupang viau ani.
*
*
A tuk ah chuan dar 10 vel ah college chu pan ka tum a school ka kal lai khan thian han kawm vak ka neilo bawk nen mi reng reng kha ka phek en vek mai kha nia,tun ah tak hian thian 1 tal ka lo siam ve lo kha chu ka inchhir ve tawh reng, college ka lut tlai bawk nen thian tumah ka nei dawn bawk silo,huphurh tak ka ni.
Jockey t-shirts var nghawng V fit deuh tak chu ha in, cotton jeans dum,Nike sneaker var ka in bel leh tawp ,ka sam sei ve tak chu ka thlah bawk a,ka t-shirts hak chung ah denim jacket fit lam bawk ka ha leh a,Ka hmai ah sunblock ka hnawih leh tawp a,ka duhtawk em em ringawt mai.
College ka thlen chuan principal room Ka zawng nghal a,mi han zawh mai tur lah chu an vang pherh hrep lehnghal a, mihring an awmlo tihna lam nilo in a awm a te ho hi an awmkhawm tel tel a,han biak mai a inthlahrunawm riau hlawm a biaktur pawh ka hmulo.
Ka hawikual vut vut lai chuan hmeichhe pakhat keimah ang chen vel tur ngo ving veng mahse ngo tak leh ngo hluak ang ni silo,hmeltha reuh zet mai hi min rawn tawk zawng chuan a rawn Kal hlauh a lo zawh tum tak in ka lo nghak a.
Ka bul alo thlen chuan,"minlo hrethiam lawk,thil ka lo zawt che,"inthlahrung zet hian ka ti a,nui deuh var var chung hian,
"Aww,,,,,,enge nita?" A rawn ti dam diai a,a aw a tang chuan a zaidam in a fel hmel hle.
"Ihhh,,,,,,englo a nia,khawi lai ah hian nge principal office hi a awm le,min hrilh thei em?"Ka ti a,nui var var chung hian,
"Lo kal rawh ka hruai ang che ,,chu mi lam ah chuan a lawm ka kal dawn," a tih leh chuan ka lawm ngei mai.
Ngawi reng chuan kan in inzui phei a ding chawt in,"lawk in ka hming pawh sawi nachamg ka lo hrelo a ka hming chu Diana a nia," ka tih chuan rawn nui ver ver in,"awiii,,,,,kei thin tak pawh hi a ,a nachang hi ka hre leh pek thinlo,kei chu Hriatpuii ka nia mahse Mimi ti in min ko thin,"alo ti ve vat a,kal pah chuan ka ti ti phei zel a,
Ani pawh chu first semester ve tho alo ni a,ani pawh in thian em em alo nei biklo mahse kan subject a in anglo a pawi kan ti dun hle. College campus lah chu a zau hmel khawp lehnghal.
Building lian tak tak awm khup zing a lo langsar ber chhung ah chuan man lut a, building ho reng reng chu chhawng 3 a sak ani a mahse a Lian hlawm hle thung, mahse kan kalna building chu chhawng nga lai a sang ani a,2nd floor kan thlen chuan Mimii chuan,
"Helai hi kan class ani tawh a,chuan principal room chu chhawng Chung chiah khi,han chho la i hmu nghal mai ang," nui var var hian ati a,lawmthu te inhrilh in kan inthlah ta a.
Inchhung ka han thlen chuan Mimii sawi ang tak tak in ka hma zawn ah chiah chuan 'Principal Office'tih hi lian zet hian alo inziak a,ka sir deuh hlek ah chuan lecturer common room a awm bawk.
Muangchang hian principal room chu ka pan a,thil tih laklaqh lai te alo nei angem tih teh ka ngaihtuah leh hnuhnawh a,bak ah kan lo innel ve tawh bawk nen kan principal an ni mai tur chu nuamlo ka ti ru riau bawk.
Huphurh viau mah ila min tihsak tu tur awm heklo le,kawngka chu ka kik dat dat a,"come in"alo tih tak ah chuan, zawimuang hian kawngka chu ka hawng a,parda lo inzar chu keu in,lut tha ta hle hle lo chuan ka lu chauh chu rawlh lut in ka bih dek dek a,ka kut pahnih in kawngka vawnchhan lehlam lehlam chu ka la vuan ran bawk.
Boss chuan kengka lam chu alo en reng a,min hmu thut chu mak ati ve ni ngei tur ani,makti hmel hi a pu a,mahse insiamtha leh vat in,"ehee,,,,, Anna,,,,,nag i nia law? Lo lut vat ta che,,,,,kha tia kawngka a rawn dak dek dek ringawt lo khan,"a rawn tih chuan nui vur vur in ka pen lut a,mahse a fuh ta hauhlo,
Ka ke ka pen luh chiah khan ka rahna ah tak mai chuan tui alo bua chu ni in,chhuat lak chu tile vek alo ni bawk si nen,chhuat nal ah chuan mawng sawh dawt khawp hian ka tawlh thlu ta zawt mai a,
Chu mai ala nilo,ka tlu tur phar buai khan parda kha ka pawt vak mai a,parda lah khan minlo dawl hek suh,a in ban na pipe chawp chuan a rawn tla thla a,a pipe lah chuan ka lu ah tak min rawn tlak lehnghal a,ka tah hi a chhuak nghal ngawih ngawih.
Boss chuan min rawn pan vat in min rawn buaipui nghal sawk sawk a,
"Diana,i na em? I tha em? Engtin nge i awm?"a rawn ti nghal sawk sawk a,a chhan pawh ka chhang peihlo,ka tah a chhuak teuh ringawt
min kaitho in sofa ah chuan min thutpui a,"Ava han pawi em Anna ,nichin kan chawkidar thingpui no rawn seng khan ma thingpui in zawh loh kha a ti baw palh a lawm mawle,a rawn tihfai hma in ilo kal bawk sia,a zialo tak tak ani,"
Ati mawlh mawlh bawk a,mahse ka mawng leh lu na lutuk vang chu nge ni,ka thinrim tun a ka tah a chhuak tun bawk. Melh ram ram pah hian,
"Engati nge thingpui te pawh chu ilo in reng reng a!" Kan ti ringawt a,a rawn nui huk.
Ngei lutuk hian rum theih tawp in ka melh a,mahse a la nui char char tho,kan principal tur a nih lam ka ngaihtuah thei tawhlo,ka thinrim em em ringawt a ni mai,
"A hrim hrim in engati nge i Office chhuat ah te hian tile k phah,ka mawng pawh a huh vek a lawm"ka ti leh hlar a,ani lah chu a nui uar sauh.
Mahse a nuih uarh uarh lai chuan mi pakhat hi a rawn lut hlawl a,boss nui pawh chu a tawp nghal hmak. Lo lut pa pawh chuan chhuat huh kha a hru fai mawlh mawlh a,chawkidar chu ani ngei ang.
Kan pahnih in man lo thu dun bawk nen a nuam fahran lo, inngaihzawng emaw min ti ang tih te chu ka hlau rum rum mai,alo ti palh anih a midang bul ah a sawi a nih vaih chuan a zahthlak viau ang. Boss nen chuan a thil ti lai chu Kan en dun reng ringawt.
A chhuak chiah tih ah chuan,"a hmuh lai a i nuih loh khan i inla value ve tihna em ni?"ti in mithmul ka san khum ak a,a duhlo lehpek ang chu,mi chapo ngaithei miahlo mi kha a ni tlat.
Rawn rum ngut in,"ni mai mai lo,ka inla zahawm a nih hi"a ti mai ka lo ner khum nang thing,chutah,"mahse nichin a mi kha chuh,"tih pah in a nui leh kur kur a,ka ngei teh e. Nui mai mai lo hian ka kekawr tih do dan tur hi min han ngaihtuah pui teh,ka tih chuan,
"Ka dawhkan ah sawn table fan a awm alom i chhem ro tir mai dawn nia,thingpui sen a nia,silfai duh hranlo bawk la," a tih tak ah chuan ka hahdam huai mai,ka bul ami lah hian min nuih char char lehnghal a ka ngei lutuk.
Fan chu pangpar pot an dahna kang ah chuan ka dah a ka mawng zawn huh dup chu ka chhem tir ta a,mi tu tu te maw anlo lut leh thin bawk nen a nuam duh fahran lo,chawhma chu class pawh ka kal hman dawnlo a nih hi,lunch break ah chuan eitur a chah a,a ngailo ka ti chung chung min chah kep tlat lehnghal a.
Kan ei mawlh mawlh lai chuan,"tumah thian leh hmelhriat ka nei bawk silo a ka huphurh e,"ka tih chuan,"awww,,i school kalpui thiante pawh an awm ve ang chu?"ati a,"school ah khan tumah ka kawm ngailo a,tumah thian ti a han sawitir ka neilo,ka inchhir tak tak ani"ka tih chuan alo nui leh tawh.
"Nang hi,enge maw min nuih ziah chu le?" Ka tih chuan, nui hawk hawk oah7 hian,"nang hi chu i cial ve ngawt mai,i ât leh i chet chhiat theih te hi chu thu hran,thian ti a sawitur ka neilo,ila ti zui a tunlai chhan ah engtin nge chutiang chuan i awm thei,i naupan lai tal pawn i kawm ngailo em ni,tun ah pawh naupang chu ila a ni tho na in,,"a ti leh kher chu ka run ngei mai,
"Naupang ka ni tawh biklo aww,,,,bak ah aizawl ah hian ka awm tamlo lutuk a, higher deuh chauh hi ani mai ka kal"ka ti tih chuan,"khawi ah nge i kal thin a?"alo ti vat a,
"nursery tang a class 3 thleng hi chu Aizawl ah hian ka kal a,chuan class 4 leh 5 thenzawl ah,chuan class 5 a tang a class 9 thleng Shillong ah,class 10 thenzawl ah bawk chuan higher Aizawl ah hian, "Ka kal kual ve nasa tiraw ka tih chuan,
"ngati nge chuti em em a i kal kual nasat a?" Mak tih hmel tak hian ati a,"niaa,,,,,tum ang diak diak hian thil hi alo kal lo khawp a,chhungkaw lam vang te ani ber mai" ka tih chuan min zawt zui tawh lem lo.
He ti em em a ka kal kual nasat chhan hi chu eng dang vang mah a nilo,ka pi leh pu te Ka ngaih a vangin thenzawl ah kha chuan ka awm a,mahse ka pa a thih khan a thih hma a Shillong lam a Ka school kalna tur alo buaipui vek tawh a vangin ka pa duhthusam tih puitllin nan ti in ka kal a,chuan class 10 ka nih dawn khan ka hrisel loh em a vangin ka nu in min rawn lachhuak in thenzawl ah ka kal zawm leh ta kha a nia,
"Higher erawh ka nu in,nakin zel a tan Aizawl a kal a tha,bak ah i awm loh chuan kan chhungkua kan tlem si a,j ngaihnawm" a tih tlat vangin aizawl ah hian ka zir ve leh chauh ani.
Kan class room tur thleng min thlah a, introduction pawh min pek sak nghal thlap,thutna awl hmasa ber ah chuan ka thu a a chhuak ve nghal mai bawk.
Ka tan chuan a ni khat na ani bawk a,tumah pawh ka be lo,midang ho lah chu kar 3 dawn anlo kal tawh hlawm bawk a an in nel hmel tawh hlawm bik khawp mai.
Tlai ban ah chuan gate bula ah boss chuan minlo nghak a, Dreamland ah kal ve alo tum chu ni in,a remchang hlauh e,kan kaldun ta a.
Dawr chhung kan luh chuan anlo ri hluai hlawm mai,minlo lawm thiam em em a,enge i an tawh a? I tha tawh mi? Engtin nge ilo kal theih zawk? Tih vel zawhna te chu ka dawng mawlh mawlh mai ani.
Ka kal ve tak na in tumah chuan eng ma tih mah an phallo a,ka awm vel ta mai mai a,Lucas-a pawn minlo nuih ve suk a,Ka nuih let ve ringawt a,a nupui kha abul ah a awm ve reng bawk nen biak pawh kan inbe lo.
Umitei nen bawk kan inphur haw leh a,kawng a man tlan lai in a chhungten anlo phone a, Utetea fa upa zawk Puipuia'n vawin a alo len in a bat-man lem alo theihnghilh ani awm chu, chumi la kawi nghal turin anlo chah a.
Inchhung kan luh chuan ka nu in thingpui te alo thlit vangin a thu ve ta rih a.
"Awii,,,,enteh mate Ka hrilh ang che ka Tia ka theihnghilh leh thin a,,Lucas-a leh a nupui hi an inthen dawn an tia sin,mi in an sawi nasa lutuk"a rawn ti ta mai a,mak ka ti takzet,engati nge mawni dawn le,an in hmangaih hmel viau khan ka hre si a.
______________
(A va sei tak em ti raw u
,chuan comment ah khan changtupa POV hi ka ziak dawn em tih kha lo sawi ru aww,,,,in ngaihdan a zir in karleh a tang in kan ziak in man ziaklo ang
)