APRIL RAIN... BY Tochhong Ruata
Posted: May 14th, 2016, 10:59 pm
APRIL RAIN...
" Mam, enge helai a inziak hi a awm zia?" tiin Monthly Magazine pakhat chu lek vu vu chungin Toilet atang chuan la chhuak tuih tuih a, " Engmaw...Khalaia i tawmsen reng vang a ni maw, i phone call,pawh i chhan theihloh,,toilet a magazine chhiar hi sim tawh teh i thut rei phah ziah " tichungin ka u ( min chhangtu chiah) chuan eirawngbawl pahin min zilh nghal mawlh mawlh a.,? " Zing phan phan ah i ang nghal chiam zel a, ka u duhtak" tiin ka nuih tlawn a, " Mama a ni kha zawng ngaithiam rawh nizan a rizai leng hlim nasat danah kan tukin tur hi ka man thiam nghal a,,keipawh ka ngawih kar hi" tiin U Muana ka u pasal thla 6 vel kalta a, a neih chuan minlo ti a.,kan vai chuan kan nui ham ham a.
Kei hi unau 3 zinga milai Mipa awmchhun, ka ni a, Zirna atchilh an tih ang hi ka ni vaklo a, Mahse ka pa turluihna vangin zirna ka kal lui tang tang a,,ka vanglai hun zawng zawng zirna ah ka hmang ral a ni ber, Kum 36 mi zet ka ni tawh a. ngaihzawng lam ka neih ve pawh ka ngaihsak zui thiamloh em avangin min lo ban leh daih zel a, ka,vanduai a ni ber. Ka nu leh pa hi Khawhranah College lecture in an thawk ve ve a, chu khua ah chuan kan inbengbel a ni ber.,Mahse Aizawl ah kan school kal a kan awmna tur in kapa in min saksak a. Chu kan in chu ka pate family compound tho a nih avangin kan inbul vel chu kan chhungte hlir an ni,thung.,Ka u hian M.com a zawh hniah Law a zir leh a.,LLB Zo in Advovated hna a zawm a, Ka u pasal hi kan awmna khaw tlangval kan hriatchian MPS niin Aizawl ah Sipai Battalion pakhatah Asst.Comandant hna chelh mek a ni bawk a. Tihian kan In ah kan awm ho mai thin a.,ka nau chiah erawh ka nu leh pa bulah dawr siamin a awm thung. Kei pawh Mumbai ah eng eng emaw ka zir nual hnu-ah Architeture ka zir zo a, Laloo Construction Company Pvt Ltd ah Architect Engineer in ka thawk ve a. Chumi pah chuan Part time in TIPS Recording ah Musician in ka thawk ve bawk a. Ka chemkalna lam zawk tak a ni nghe nghe a.,Mumbai a ka vai thiante nen "ANJAZZ' Band kan din ve bawk a.,kan tui ve thin hle. Kar 2 liam ta khan Ka thian pa nupui neih hmangin ka rawn hawng a, Dawt,phuahchawpin chawlh thla khat atan ka lak belh leh mek nghe nghe.,Ka chhuk a hun leh tep tawh bawk.
" April Rain tih kha maw?, Khawilai thalai inti changkang deuh ten April thla a piang ten April Ni 1st April Fool an tih puala an party buatsaih a ni awm a sin.." ka u chuan a ti nang nang a. " Inti changkang tih kher, an titha ka lo tive khawp a sin, " U muana chuan a lo tive boh boh a, " a nuam ngawt ang chu Kei pawh Aril 28 ka nih hi" tiin room lamah ka luh san nghal a.,ka ute nupa chuan an,la sawi dun larh larh reng a. An thu an inchuh chu a ni nangin fiamthu in an in kap zui pah a ni ber. Ka phone ka en a, Martina call 3 lai a lo awm a. Ka call let nghal a.,April Rain chung chang ka zawh chian hnuah phone ka dah a.,bazar tumin rilru ka siam a. Tukthuan eikhamah Martina rawn lang a, Kan 2 chuan Martina Swif car chuan bazar turin kan chhuak dun ta nghal a.
" Nuam i ti tak tak dawn em ni?, an chhe phek phawk viau ang, Sk-a nupui neih thar ang deuh deuh bilbawlawk te te bak an ni lo ang" tiin Martina chuan phone atang chuan min rawn fiam a. Ka insiam mawlh mawlh a,,Phone chu loud Speeker ah ka dah a, Ka room kawngka a inhawng a, " Mam khawiah maw i kal dawn" U Muanan a rawn ti a " Millenium ah" " oh April Rain ah maw?" ka bu nghat a.,a nawm dawn chu, Good luck" tiin kawngka a khar a. " i makpa kha chuan a tlawn ve ngawt mai che" Martina chuan a rawn ti nghal zat a. "Ka kal a hun naktuk ah ka hun hman dan ka rawn hrilh ang che.",tih leh phone dah ka rual a. Hman hmawh takin ka motor dahna in ah lutin Motor ka lachhuak a. Zan dar 7:00 a programme tan tur ' The April Rain Party' neihna tur hmun lam pan chuan ka tlan ta nghal a.
Millenium kawtah chuan mi anlo zi nauh nauh a, Motor pawh a zam nasa ve nang mai, Kan ram roreltute khan Plan mumal tak neiin kawngpui hi lo design se kan heti awm bik silo a, ti rilru chung chuan mi tawlh rual chuan ka tawlh ve beuh beuh a. Ground floor hnuai a parking tuma ka kual dawn lai tak chuan R15 bike pawl hi ka hmaah a rawn lut rawk a, ka side glass a rawn tai thle lawp lehnghal a. Ka au deuh tuar a, hrelo ang maiin an tlan lut ta daih a. Bike hnunga chuang hmeichhe tleirawl chu earphone vuah in a thu ding ar a, a rawn nui sawng lehnghal. Motor lut leh chhuak kan awm zut avangin ka hmanhmawh thei bawk silo a, insehruh teuh chungin ka tawlh ve ta zel a., an zaklo hle mai, Ngaihdam pawh an dillo lehnghal. Ka side glass chu ka en a, a rawng a lo khawp nial a, ka insehruh leh zual sauh a. Ka motor ka dah fel a, Ka hawikual nghal vat vat a, bike chu ka va hmu ta ngei a, Mahse a khaltu Jeans mar zet hatu leh a phurh tleirawl thawveng hmel zet erawh ka hmu hman ta lo. Bike No. Chu ka chhin chhiah a, Watchman hnenah " He bike hian ka motor glass a hrut a, a rawng a khawk ve deuh nial a, hrelo ang maiin an tlan tlang ringawt mai a. An chhuah dawnah lo tiding la, hei hi ka number a ni a,,min rawn phone theih chuan ka lawm khawp ang?" tiin ka chah thlap hnuah Party neihna tur hmun lam pan chuan ka kal ve ta a.
Inchung zawl ka luh dawn chuan Entry turin pawisa chawi a lo ngai a, " Ka pu. Chhim tur nge i nih a, April Rain member i ni ve zawk?" tiin Nula dawhkan a thil ziak mek chuan minlo ti a, Ka vawikhat kalna a nih thu leh Member pawh ka la nihloh thute, chanchinbu a ka hmuh vanga telve tawp ka nih thute ka sawi hnuah Member a inziak lut ve tur leh Minute 5 pawh tlinglo chhungin Member card leh lucky copoun min pek tur thu min hrilh hnuah " ka lo nghak mai a nge" tiin Rs 100 /- ka pe a, nui var var chungin " Ka lawm e" a ti a, a bula tlangval naupan hmel deuh chuan ka id tur buaipuiin a buai nghal char char a. Ka nghah chhung chuan Ka lo hawikual vel mai mai a.
Engkim chu ka beisei ruk aiin an ti puithu em em vek mai a, A tel hrim hrim ate pawh an nalh seng sawng hle mai, Martina ngaih ang ngawt chu a nilo hle tih ka hrethiam nghal mai. Decoration a dangdai nalh em em a, Puithu taka hun hman a awm hmel loh, Zau halh si buai nuaih silo a hun hman a nih duh hmel hle in ka hria. Dawhkan an siam ve nangin a zau lo, Danglam taka cheibawl a ni hranlo, Musical instrument a in hung a,,Stage chair sang erawr deuh pa 4 a awm tlar pat a,,dawhsan tawn tawn ah chuan a chhuk zawng hian " April Rain Party" tih a in tar a,,chung bak thil danglam a awm hranlo. Gate luh a veilam side ah chuan Dawhkan ang erawr tak sei zat mai ( Bar ang deuh a buatsaih ) an hung a, a bulah chuan Mipa vai vervawr tak 2 uniform ni awm tak Kamis var ban tluan leh WestCoat dum leh bowtie dun suih zaih mai an ding a,,chu dawhkan chu rawlthar leh rawlthar vaklo ten an bawr deuh lat lat a, In tur an semna hmun a nih ngei ka ring ve ngawt a. Chumi piah deuh ah chuan dawhlan 4 vel a biala kil theih tur a in hung thliai tih mai loh chu thutna awm a awm lemlo., Bar niawm tak nena inzawm deuh thaw a dawhkan dang awm bawk chu ei tur lamna niawm tak a ni bawk a. A lan dan chuan Khawilai Bar emaw a party throw a ang deuh ber awm e.,ka Card tur an peih ta bawk a, " Nuam takin i hmang dawn nia" min tih hnuah Chu Millennium chung zawl zau pharh durh mai a nula tlangval, naupang hmel tak tak leh upa hmel deuh te hmeltha leh thalo, nalh tak taka inthuam te zik huai huaina karah chuan ka tek lut ve ta nawk nawk a.
Bar ( ti tawh mai ang) ah chuan ka ding a, Heineken bottle ka dawm a,,mi chetla vel chu ka thlir kual vel mai mai a. Chutah dawhsan ah chuan Mizo pa ah chuan pa lar leh pa fel, thalaite ningkhawng hre tak mai pakhat a rawn ding chhuak a, programme tan a nih thu leh house band tura sawm ' Forever Young' band te a ko chhuak a, intorduction a neih hnuah " April Rain kan nih angin April thla a piang nawi ve ngailo te chu hlim takin zanin hun hi hmang vek turin duhsakna ka hlan a che u, Kan house band te hian hla an play a nga, a duh kan lam a nga, a duh kan zaipui vak vak a nga, kan inkawm khawm a nga, hlim takin hun kan hmang dawn nia. soft drink nilo lakluh phal a nilo a, Beer erawh kan bar ami saw a lei theih thung. Nuam takin aw" tiin hun a rawn hmang a.,House bandte kuat hun a hlan a.,tichuan boruak danglam tak hmang chuan kan zi ta nak nak a. Mizorama chawlh ka hman tawhah chuan hlimawm ka tih ber zan ni hialin dawnin ka hria.
Chutia mi chetla vel ka thlir kual mek lai chuan Hmeichhe pakhat ka lo zawn ruk deuh reuh reuh helai a kal tura ka lo beisei ve tawp chu ka hmu ta hlawl mai a. Bar lam pan chuan a rawn kal zui a, ka kiai suk a. Dawhkan a rawn thlen chuan " Heineken chu ka lo dawm ve teh ang, Duhte" a rawn ti phar phar a. " Khawnge Naom-i ?" tiin bar nghaktu pakhat hanglam deuh zawk chuan a lo tivat a, " A inthlak a nih kha, kan che chhe raps mawle" tiin a nui hak hak a, Ngawi rengin ka ngaithla a. " kan chhelotei hi chu a danglam ve ngawt mai, inthlakna hi a keng thlap zel a,,Saw a nalh leh zaih zaih tawh tehmai a nia" Duhtea an tih bawk chuan a ti a, an nui dar dar a, " A ni Zuali a strick berbawr lutuk a, Motor zawk kan keng theilo a, chuvang mai mai a lawm inthlakna a ken, ka thiannu aia nalh hi an awm kherlo ang, Mahse Ngaihzawng a nei ngamlo" a ti a, an nui ham ham a.," Min lo rel a ni maw?" tia hmeichhe pakhat rawn tawng rikna lam chu ka hawi ve vat a.
"Awi ka rei....Vantirhkoh leilamah engthil tiin nge a rawn chhuk tak mai le.... Ka thi zawk em ni? Ka marphu a awm si, Tinge music ri hulh hulh kha a tawp tak daih. Midangte kha khawnge an awm tak, Enge lo thleng hi Lalpa...Ka va la inpeih lo ve, Hetiang a Vantirhkoh zing a i chhuan tawlawl ber i rawn tirh tak thut mai le" tiin ka rilru a rak nawk nawk niberin ka hria. A hmel chu a paw phet ni maiin ka hria, a sam kir deuh lek lek awmze nei taka a kilh khawm, a hmui sen vam ham mai, a dar pharh darh mai, a awm pawng kawh lah mai, a dul mar thep zaih mai, a ban sei zen nalh zaih mai, a nuih zawnga a ha var rual thap mai lang tle sep sep leh a thuamhnaw hmeichhe kawr fual silk puan senduk khup khuh awrh chauh a fual ha chunga pawisawilo hmel tak a ka bul chiah a rawn ding nula sang thlerh thlawrh tak mai chuan min ti hlum ta ni berin ka inhre hman hial a.
" I van nalh ve, Naom" Duhtea chuan a lo ti a, " An ti deuh a, Lalfaki awmloh vang mai mai a nih chu" a ti let khauh a, a aw chu thum pawr lek lek tham tih dawn a tham nisi lo, pial nalh deuh si a ni ber. Chungte hlei hlei chuan a ti mawizual niberin ka hria. " Zui, engtin nge kan tih ang, a motor side glass kha a chhelo i tia mi?" a ti a. "Hmmm hemite 2 hi an ni khawp, Lalpa ka lawm e." ka ti a. " Enteh Bawiha, oh Duhte, R15 blue color MZ01S 0012 neitu i hre mial lo maw?, Polite lo tawkin Ka tlanna tur lamah rawn tlan lut in ka side glass an rawn tai thle lawp mai a, ka lungawilo ve khawp mai" tiin Bar dawhkan bawh chungin Tlangval bar nghaktu chu ka zawt a, ka mit sir chuan ka bula Lalhmelthai chu ka melh ru pah zauh a.
" Eh...englo..," tiin Duhtea chu a nui deuh sang a, " Oh.. Nangma motor elaw, ka pu" Naomi chuan a rawn tinghal zat bawk a. " Nia, Khatiang kha chin tam tawhloh atha khawp ang" ka ti deuh hmak a. A ruk tak chuan ka lawm...A ni berkher a lo ni a.." nia kan inzep lui hram kha a tullo tak tak a ni, Zui kan pu motor hi a lo nih chu" tiin a thiannu chu a hrilh nghal a. Ngaihdam min dil a, keiin Police koh ka duh ka ti der deuh tlat a. Duhtea chuan ka hmel a hmuh chuan ka uang mai mai tih ahrethiam a ni chek a niang " ni e, Police a kal hi a finthlak ber, in ngaihdam dawn pawn" a lo ti ve bawk a.,an ni lah an hlauthawng dun hmel nasa mai si a. Chutianga kan inbiak a,,kan infiam ruk mek lai chuan Bar nghaktu ang bawka inthuam hmeichhia hi kan lam panin a rawn kal a. " Ka pu hei i lehkha tur" a rawn ti a. Lehkha them hi min rawn pe a, ka en nak chuan " Dawhsan hnungah rawn lut teh, i lo kal ve tih ka lo hrelo a.xxxx " tiin kan host pa khan a rawn ti a lo ni a, " Nia, engpawh nise, ka kal sawn lawk a ngai a, lo kalsawn lo ula, ka rawn let leh hunah kan sawi fel dawn nia, taka, License i nei em?, two wheeler emaw pawh?" ka ti hram a. " ah..ehm.Two tak chu ka neilo" a ti ban deuh chalh a, " aww.,Four ni neih tho te chuan" Zuii chuan a lo ti vat a. " lehnghal a,,Four chu four chiah a khalh theih" Duhtea chuan min siai zauh pah chuan a lo ti a. " Lo kal sawn lo phawt u la" tih leh kal ka rual nghal a. Ka hlim ru veng veng a ni ber.
" Awle...Hei zanin chu kan beisei loh deuh thil kan tawng tlat mai le. ANJAZZ Band Mumbai Band khu kan hria em"? Tiin kan host chuan dawhsan a ding chung chuan a ti a. " aw hria e" " an hla hriat in nei em?" " awww" " enge in hriat? " Sunona Sunona" " Anjani" " Hole Hearted" " Dream Boy" an ti rual dual dual a.,ka beisei loh daihin kan band hla chu an lo hria a. " in va hre ve...Hriat pawh a awm a lawm, khata an frontman leh a guiterist, Indian recording company hlawhtling ber tihngam TIPS a Guiterist ni mek bawk tunah hian kan zingah a rawn telve hlauh mai a.,mizo tlangval music thiam Architec Engineer ni bawk Alfred Lalropuia " Alfred" tia hriat chu tunah dawhsan ah hian lo chhuak lawk tehse" tiin min ko chhuak ta hlawl mai a.,kut an beng a, an au tuar tuar a.," Pa Chhuana hian ngawi renga a dinglai a hmu hlauh mai a, kan zingah a tel ve theih takah chuan " Sunona Sunona" tih leh " Hole Hearted tih hla kha min rem sak teh se..." a ti ta mai, ka hawi lawl lawl ta mai a.
Tumloh deuha ka va tih tak hrep hnuah Bar lam chu ka pan phei a, Nulate pawh an lo la awm a, Mak tihmel deuh hian minlo thlir thap a. " a ni tak tak, a ni ka tih kha" Zuii chuan a lo ti bai bai a. " Engmaw?" ka ti a, " Alfreda a ni ka ti a, a nilo an ti tlat a, i ni tak tak sia" a ti a kan nui ham ham a. " Engtin nge kan tih dawn tak a" ka tih takah chuan an ngawi ta reng a. " Duhte Police koh mai tur i hria em?" ka ti zui nghal zat a " oh.. Hre mailo...eee ngawi rawh boss khan a hria ang, kan koh tir a nge?" " Lalduhawm lo phur hurh suh" Zuii chuan a ti hlak a. " Min ngaidam la, Side glass man chu kan chawi mai ang" Naomi chuan sen ap ap chung chuan a ti a. Khatia min koh chhuah takah khan a tira min en pawh min en duhlo min kalpel vel mai mai khan min chibai emaw tumin an rawn tlazep sek ta mai a, ka ning rilru deuh tawh viau a. " a nih heti hian kan ti dawn em ni, ?" ka ti a, enge ni ang tih melhin min melh ha a. " Zuiin Host hnenah " Save the last dance for me?" tih hle kha play turin request a va nei a nga," " chuan" Zuii chuan a lo ti vat a, " Naomi nen kan lam dun thung ang" ka ti ta a. " aww..ka duh, chuan min ngaidam dawn tihna em ni?" Zuii chuan a tinghal zat a. " Min lampui duh chuan ka ngaidam ang che u" ka ti a. " aaaa ka lam ngailo, Zuii nen lam zawk u la" Naomi a ti bai bai lai chuan " Promise, Kei min thlang hleinem" tih leh kal Zuii chuan a rual nghal zat a. Naomi chu a sen ap ap a, Bartender Duhtea chuan " a fuh khawp ang, Side glass hi Rs 1400 vel niin ka hria, Vawikhat lam a tlak thei te chuan" a lo ti bawk si a. A sen ap ap a.
" Request a awm a, " Save the last dance" tih hla a ni, " tiin an puang a, kut an beng dar dar a " Slow duh tan a slow theih bawk e" an ti leh a, an au dar dar a Music an play nghal a " Kan lam dawn em ni ang" Naomi melh pah chuan ka ti a. A kiai suk a, " reilote" a ti a, a kut nem tap mai chu ka dawm sak a, dawhsan lam hnaih a lam zingah chuan kan inkai phei ve ta ral ral a. An bul kan va thlen chuan a kawng feng zaih nai chhah ru tak si, nep thep ah chuan ka dawm a, a kut lehlam ka hum sak a, lai deuhin ka darah a rawn dawm a, Music rual chuan kan sawi ve ta nge nge a, a rimtui ham ham hle mai, Min melh hrek hrek hlawm biklo, Mizote pawh kan hawkdak over tawh biklo tih a lang chiang hle. Mahni lam lam in kan lam a, kan sawi delh delh vek a. A hla deuh tung nia ka hriat avangin ka lamah ka kuai hnai deuh salh a, a kut ka dawmna ka thlah a, a kawng ah ka dawm ve ve a, Light a eng dal deuh ruih a, Thla ral lam a eng kulh mai bawk a, Music an play nalh bawk nen he zan hi ka hmanglo ang tih ka hlau thar leh ta hle a. Kan lam rei tual tual a, Ka pawt hnai hret hret a, a tang biklo a tawpah chuan hmai insi deuh thaw in kan dingdun ta nge nge a.
A mah a hmeltha in a nalh bawk si a, lam a thiamlo lo tawp bawk a, Boruak in a zir bawk nen lam a nuam kher mai. A mit meng pawl raih mai chu ka en kar a, min melh zak zak a, a sen ap ap a " min en renglo la, ka zak a nia" a ti thawp sat a. " i hmeltha em a lawm" " i sual" " ka lawm lutuk aw" " engvangin" " ka motor side glass min tai sak vangin" " hmm" " Alfred Lalropuia ka nia" " Naom Lalrinfeli ka ni" " khawi veng" " Thakthing" " I nalh khawp mai" " mi lar ka lampui ang tih ngaihna ka hrelo" mei nei deuha min melh pah chuan a ti a. Ka nui mai a. Power a tawp ta hmuk a. An au ta dar dar a. " Ka fawp thei che a ngem?" zawi sap in ka ti a, a ngawi reng a. Thla eng ruih hnuaiah chuan kan la inhmachhawn reng a. " Fawh an indil ngai em ni?" " ka dil hmasakloh che chuan i rak chiam ang tih ka hlau a" " ha2..i ti awmlo e mai" " a nih" tih leh fawh ka rual a, a ip zak nangin min chhang rang kher mai. Reilote ni maiin ka hria. Mahse a rei viau bawk si niin ka hre bawk. Power a awm lej rualin kan inthlah a, kan lo awm sir dun tawh hle mai...Kut kan beng dar dar a.
" In inhmeh tawp thiannu" Zuii chuan an awmna lam kan pan lai chuan a lo ti a. Kan nui mai a. Naomi chu a tak deuh ngal tawh niberin ka hria. " Kan inhmeh pawn ka hrelo, a bulah chuan Vauk ang vel ka ni" ka ti a. Kan nui hak hak hlawm a. " Power supply awmloh lai khan tinge" Zuiin a ti hman chauh a " min hmu a maw?" Naomi a lo ti nghal vat a. " Eng a...Engmaw...e he ka hre mai" a ti a. Kan nui ta ngat ngat a. Bui laihlohin a inpuang a ni ber. Zan hlimawm tak a ni. Sana ka en a, Dar 12:30 lai a lo ni tawh a, mahse kan la tam hle..Thla pawh a liam dawn lek lek tawh a.,Banna hun siam a nita bawk a, Keini pawh Motor dahna lam panin kan inzui thla thliat thliat a. " Thian nu, Duhtea khan Bike a kenglo a, I bike hi rawn khalh hawng mai rawhse ka lo nghak ang. A Sawmi te inah kan innghak dawn nia." Zuii chuan a ti zung zung a. Naomi chu a ngawi reng a.
***********
" Mizo khawpui Aizawl ah i tawmsen reng a, engmah hriat i nei silo, Naomi chu i lo hmu ve ta em?" tiin Ka room luah a nuzal ar ar pah chuan Martina nen kan inbe mawlh mawlh a. " Aww hmu ve ta a, Lalhuna u nupui neihni ah ka hmu" " eh tahkhan a rawn tel ve tak kha?" " a chhelo bawk a niang Lalhuna khan a brih zui nghal tluk tluk mai" Chu thu chuan min thawng tho zawk niberin ka hria " engmaw?" " Ka fiamthu mai mai a nih kha" ka rilru a nuam tawh chuanglo..Ka engemaw ti ngaihthatloh ru tlat tawh..
April Rain kan hman atang khan Thla khat zet a liam lehtawh. Mumbai khawlum tak hnuaiah ka hna thawkin ka awm a, Nitin kan inbe thin nangin ka kham theilo, zan tin Dar 10 ah " Gud nite" tih a rawn thawn ziah a, FB ah pawh Propic ah khami zana kan lak dunna kha a hmang a, ( tunge kan thla lo la ka hrelo) Hindi flim pakhat Music play ( siam ) turin min tih avangin ka buai deuh viau a, ka be tam vak tawhlo a. Chutianh boruak ka hre leh zel chu ka awm a nuan hauhlo. Sana ka en a, zan dar 12 a pel ul tawh mai si, biak ka chak em em a, ka tih harh ka hlau bawk si.. Rilru nuamlo tak chuan tukverah Indian Ocean lang dum khuih mai ralkhata lang chu ka thlir voh voh a.
" Beep..Beep Beep" ka phone Msg tone a lo ri a. Ka en vat a, Beisei loh deuhin Naomi number a lo ni a, " ka ngai lutuk che" tih zawng a lo ni a. Ka call nghal vat a, A muhil thei biklo a ni tihte a rawn sawi a, Hreh tak chungin Martina thianpa Lalhuna chanchin ah ka lut ta nge nge a. Engkim a rawn sawi a, Mihausa tak mai fapa naupang zawk a ni a, Lehkha zirsanglo mahse dawr hmun 3 laiah a nei a, ( Bike show room leh Parts dawr ) keimah ang rual vel, Tlangval luck tak, Aizawl tlangval hawisang phak ve ngat a ni nghe nghe. A ngai zawng a, Lalhuna farnu nen an inhmelhriat ve avanga khami ni pawh kha kal ve a ni a, Martinan a inhmelhriat tir a, chuta tang chuan a birh tak tluk tluk thute engkim a rawn sawi ta vek a. Engmah ka sawilo, mahse he mipa thikna thinlung erawh a puak keh lo chauh a ni ber.
Chutiang chuan hun ka hmang chho a, Naomi nen kan inbe tlem tual tual a, ka buai em vang leh Project ka insiam hnem deuh vang a ni pakhat a. Indian Natioanl Army Welfare Association te hmunah ( ram zau tak an nei a) Building design ka khawih a, chu hna ka zawh hnuah Album buaipuiin recording ka luhchilh leh a, chumi bakah a hmasa a ka chet hit deuh avangin Flim pakhat " City of Nawab" tih flim ' Luknow khaw behchhan a flim siam ah Music siam tura min tih leh bawk avangin ka buai leh em em bawk si a. Chutiang vela hun ka hman avang chuan wish neuh neuh pawh hmanloh chang ka nei ta zauh zauh a. Hun a liam a, thla a liam a.,October thla a her chhuak a. Ka vanneih a siamin Ka flim music siam pakhat zawk ". The City of Nawab" tih a hla pakhat ka play " Children of The Mother Soil' tih chu Flim playback award dawng tur zingah thlan a ni ve hlauh mai a. Ka lawm ve hle.
" Hello, Naomi ka be thei a ngem?" " Khawi atangin nge?" " Mumbai tangin" " a awm rihlo a, nakin ah i rawn be leh dawn nia" a dah hmak a, " hello, Hello, Helllooo" a tawp daih ka ti" ka ti nang nang a. tu phiangsen nge maw ni le? Ka ti rilru a, Ka dial nawn a, " Hello" ama aw ngei chuan a rawn ti thawp sat a, " tunge phone lo latupa kha?" ka ti nghal deuh tawl a. " Ka thianpa ve mai mai a nih kha?, i news te lo hmu in ka lo hria a, ka lawmpui lutuk che" chuai deuh raih chuan a rawn ti a, " Nia ka lawm ve khawp, Ka helh hawlh deuh niberin ka hria" ka ti a, " a nuam ngawt ang chu, i vannei dawn khawp mai, kan be ngam tawhlo ang che a" a tih mek lai chuan amah ko lauh lauh ri ka hria a.." eih awle, ka rawn kal nghal" a ri phur phur a, " hey, Enge min biak ngam tawhloh na ngawt tur? Eng ri sung sung chu?" ka ti nghal zung zung a, " Ka inthiar laiin i rawn phone a lawm..a nih phawt" tih leh phone dah a rual nghal a. Ka dul hnuk a ni ber. Ka awmdan pawh ka sawi thiamlo, ka zawi hnawk a ni ber. Enge thil awmzia ni a, tunge mipa aw rawn ko tu leh Ka thian ve mai mai a tih phone lo pick tu kha ni ang" tiin ka ngaihtuah zui nghal a.,ka be leh mai thei tawh lo lehnghal a in ring zo thak thak ta bawk si a. Thimrim teuhin ka phone chu ka dah a.
Award sem zan ah Indian Singer lar leh hmeltha flimstar ni bawk, Mumbai nula Nila leh ka band mate te nen kan kal ho a., Bollywood Durbur Theater ah mipui sang fe flim star, Zaithiam leh mi lar tak tak zingah hun ka hmang ve a.,Tv live telecast a nih avangin Mizoram lama ka nu leh pa leh ka thianthate,,ka unaute leh mi thenkhatin min thlir ve reng tih ka hria. Ka zam ru ve hle. Chung zawng zawng aia ka rilru luahtu zawk chu Naomi ka be theilo ta chu a ni.,Kar 3 zet ka biak hnuah biak ka tum leh tawh a, mahse ka be tlang thei der tawh silo a. A ring ral thak thak a, a hnu ah Msg a rawn thleng a " min hrethiam rawh, ka buai lutuk a," tih ka dawng leh ngawt zel a.,chung chuan ka rilru a kap tlat a ni. Nula leh hmeichhia a rilru seng ngailo in rilru ka sen nasat phah em em ta mai chu mak pawh ka inti ve viau nghe nghe.
Ka mood fuhloh em em lai chuan Media lamin Nila nen min lo hmeh bel ve sek bawk si. Rilru a nuam duh zanlo. Khami zan a award ka dawn zan khan TV camera hma ah ka biangah a chuk zauh lai an lo la fuh bawk nem hetiang lam ngaihven reng reng a awm Magazine thenkhat in a nilo zawngin an lo vawrh darh chhen bawk nen. Ka rilru a buai nap nap kher mai. October fullmoon zan a ni a, In ah ka awm a, Moonlighy Party ah pawh kal ka tumlo. Chutih lai chuan ka phone a rawn ri rang rang a, ka la vat a, Martina a lo ni a.," Ek a. I lar bawka i induh ta hle mai, enge Nila chu a sexy viau em?" nui kur kur chungin a rawn ti a. " khai khaih nang lehzel techuan min chhaih lo teh, Mizo nula lo ka duh lo tih i hriat kha" ka ti hlur a. " A ho e mai a, Mizo leh zo lo tih tih a ngailo, Mizo nula aia hmeltha an nih phawt chuan" a rawn ti leh hram a. " I mawl e mai...Ngaihzawng ka nei tih i hriat kha?" ka ti a. " wow tumaw?" a ti ta mai a. " Eka Naomi mawle" a ngawi ta vang vang a. " Hello. Enge i ngawi daih a?" " eng nilo e, ka thil ka titla tlat ka rawn be leh ang che" a ti a a dah hmak a. Mahni lo mahah rilru nawmloh sa nak alaiin Naomi ka sawi rik vela chutianga a awm chu ka ngaihbel deuh nen ka thin a rim nghal hlur a. Ka call back leh nghal zat a, mahse a busy ta ngat ngat a. "Eng phiangsen nge nita ngai Martin" tiin ka phone ka khumah ka vawm thla tawp a. Ka lum up up a. Ka tawt up up bawk a. Rei fe hnuah ka dial leh,pawn Busy a lo la tih takzel avangin lung nilo tak chung chuan ka phone ka dah a. Motorin ka leng chhuak ta daih a.
************
Vanglaini ka en a, Lengpui Airport a minlo hmuak lai leh Thil dang tlem azawng ka en doh doh a. Milar chei takin minlo chei bawl a, Enge thil awmzia pawh ka hre neklo e, ka ti rilru a. Ka u te fanu kum khat tlinglo deuh chu walkerah a tlan kual pap pap reng bawk a. U Muana chuan Zing thingpui dawm chungin Chanchinbu pakhat a keu nuap nuap bawk a. Ka hawng min hmuak vel chungchang ka chhiar mek lai chuan " Lal anu, Pu Sangruala fanu leh Pu Zohmangaihna fapa an innei dawn a nih hi vawiin ah" U Muana chuan a ti lung lung a. Ka ngaihsak lem lo a. " nitak e. Awi ka theihnghilh daih a, Sawmna pawh kan dawng tak a sin, Zamtei khan a dahtha ang" ka u naute eitur siam mek chuan a rawn ti a. Chutih lai tak chuan Kan awmna veng Khawtlang hruaitu thenkhat leh helai venga ka mei ang maia min zui rengtu Zosanga an rawn lang hlawl hlawm a. " Eee Pu Petera te ni rengin lo leng rawh u" tiin u muana chuan a lo chiai au nghal vat a. Keimah min kawm turin leh min chibai tura lokal an nih thu an sawi hnu chuan thingpui no dawm chungin kan ti ti ho a. Zoram ka tih hmingthat bakah an veng mi ka nih vanga min chhuan ziate an sawi duah a.
" Zamte khawnge Inneih sawmna card i dah" tia Ka u in an nula awmpui a zawh hnuah Zamteiin u muana card a rawn pek laite chuan engvak ah mah ngailo in Kan ti ti ho bawrh bawrh a.,U Muana'n card dawhkan a dah pah chuan " kan tel ve ngei a ngai dawn a nih hi, In pu fapa a ni bawk si a" a ti a. Kan ti ti lam ah ka rilru ka pek deuh avangin ka ngaihsak lutuk lemlo. An nupa chuan an sawi dun bawrh bawrh a. U Muana Inchung lam chho turin " Aww. A naupang ber Naomi kha mawle, MZU Look of the Year nilai mek kha" a tih rih chu ka bengah nawr luh nawk nawk ni maia chiangin ka hria a. Ka hawi hai nghal hle. Ka rilru a nuamlo leh zual, Martina no ka betlang thei silo, Naomi ka be tlang thei bawk silo, kan ti ti pawh ka rilruah a lut thei map lo... Buh deuh nuaih chungin kan in mangtha ta hlawm a. Zosanga erawh thu turin ka tih avangin a la thu tlang a.
" U muan tumaw Naomi chu?" ka ti lut nghal bawng a. " Aww Kan SP fanu, Mawle, Vawiin ah pasal a nei dawn a, kan va kal ve dawn nia, Khatla South Biak In ah" a tih chuan ka bing deuh mup a. Zosanga chuan " Eh i lo la hreve nange Fred" a rawn ti nghal a. " Kan Naomi kha em ni?" " Ni e...Martinan a hrilh lo che em ni?" Ka thut a, ka tho a, ka room ah ka lut chho ta daih a. Reife hnuah " Fred tinge i rilru a va nat hmel ve, In inthen daih tawh a ni lawmni?" Zosanga chuan ka room rawn luh pah chuan a rawn ti a. Ka ngawi reng a. "Martina tihpui a nia, In nih thu ka hrilh pawn ' sava thlawk lai tuman ka ta an ti theilo, a perh tla thei thei an ni mai" a ti vel zarh zarh a nih kha" a ti a. " eng maw?, Martinan min phatsan a maw?" ka ti bung nghut a. " Aw" a ti zuai raih thung a. Engkim ka rinlawk dan ang deuh vek a ni ta ngei mai. U Muanan " Mam Martina hmel hi ka mi rin zawng a nilo, thutak hla tak a kawm chi a niin ka hrelo" tia Martina nen an inhmuh hmasak ber hnua a tih kha ka hrechhuak zawk a. Ka sa up up a. Ka lehkhabu a hawh thin laite, Ka bike ka kawl tir laite, An nu ka rukpui laite, engkim a rawn lang zut zut a. Naute an neih avanga Toys ka thawn zo zaite chu ka rilru tina tu a ni thar zawk ta mah a. Naomi teh reng pawh enge kei min hnawl a duh pawn min hrilh hmasak loh le" ka ti chhuak ta phawng a.
" Kal ve talh chu i duh a maw?, kan kal anga a ni mai a lawm?, Kan be chhin a nge?" tiin Kelvi chu Zosanga chuan aphone nghal a. An ni lamin keia hak tur chu an lo phurpui nasa mai si a, Chhun dar 1:00 a inneihna a ka hak tur coat buaipui chuan zing dar 9 velah Zosanga chu a buai ta vat vat a. Engmah ka rilru ah a lut manglo. Zuii ka bia a, a lungawi loh thu leh Naomi'n engmah min zawt hauhlo a chutiang rilru a pu chu mak a tih thu a lo sawi bawng bawng a. Thian atan a hman tum dan peh A pasal turin midang a thlan tlat thute chu ka ngaihtuah neuh neuh a. Martina Biak in kawta ding a thlalak laia nui sawng tur hmel vel ka ngaihtuah a. Ka thinrim a zual sauh a. Nimin a ka hawn thu news a an puan laia Naomi hmel ngui nghiai mai te hrilh tak zel hnuah phei chuan ka thinrim ka puak keh lo chauh a ni.
Khatla South Biak In ah chuan mi an thu khat mup a, Mizoram pa challang fanu leh fapa innei tur an ni bawk a, inneih inkhawm kal pawh an hraw tlang hle. Ka makpa U Muana MPS te pawh an kut chilo hawi ve mai mai a. Kei ka thlen phat atangin Tv lamin Interview turin min tur chhen thung a. Ka duhlo ve tlat a. Zuii nen Zosanga leh midang 2 kan thiante nen Kawt lamah kan thu tham a. Min melh hrek hrek leh thla min lakpui duh an awm sek bawk a. Chutiang vel lai chuan Inneih Inkhawm a zo a, Mo leh mo neitu an rawn chhuak a,naupangin an hlimpui hle. Ralkhat atangin Naomi nui sang lai leh tak deuh ran lai chu kan lo thlir reng a. Engmah kan tilo, Min bawrtu an kiam deuh duak avangin ka thawveng huai zawmah nghe nghe. Zuii chu a kal nalh a, mi karah a inzep phei talh talh a. An bula ava thleng a, a va chibai a, Naomi chu a bekbawr zauh a. Martina pawh chutiang thoin an dak a, min zawng tih hriat takin an hawi valh valh a.
Zuii kan bul a rawn thlen hma deuh chuan Naomi leh Martina chuan min rawn hmu a, Naomi chu a ding khawng lah a, Mopa leh Martina ( Mopa thian) an in bekbawr lai leh Martina hawi zak zak lai pawh ka hmu reng, Zuii kutah dawmin " kan hawng tawh dawn em ni?" tiin a siai zauh a, Zosanga chuan ring lenglawng hian " kiang teh u, an la innei ve vat dawn kan tih kha...Khawnge in ninawm tlat, kan hawng daih mai tur a nia, Lalfak han hau teh hengho hi" tiin fiamthu meinei deuhin Tv lam min kawmtu te hnar pah chuan a ti a. Chumi hnu lawkah Mo awmna lam ah an thum hak a, Naomi let ngat lai an bawihsawm lai leh Martina sen ap ap chunga min rawn en lai ka va hmu a, an lam pana kal ka tum uk nangin Zosanga leh Zuiin min lo pawh avangin ka tumlohna lam zawkah ka kal ta nge nge a. Mi reng reng chuan keimah lam aiin Mo thlalak kaia tlu ta ngawt buaipui mek ngaichang chuan an phawk/tang hra hlawm a.
" A duh lutuk che, Khami zan a i fawh hmasak ber zan atang khan engtik lai pawn a sawi thin che a, i chhuk hma ni a in bazar dun tumte kha a sawi ning theilo. Mahse, kan thiannu U te inneihna a kan kal atang khan Martina nen an inhria a.Martina chu i thianpa a nih thu a sawia, a ngaina nghal viau, Mahse Martina chuan a bulah a fak ngailo che a. Lalhuna tan a beisei ta tlat zawk a. Inkhua ( ka nu leh pa awmna) khua ah Ngaihzawng i neih thute. Vai nula etc i ngaihzawn thute a sawi thin a. Regular takin an leng dun thin a. Chumi hnuah Nila in a kiss lai che kha Mizoram chanchinbu tinah a chhuak ta si a. A lehlamah beiseitu a nei ve reng a. Nanglahin ai rawn be duh bawk silo a. Tun dinhmun hi a thleng ta a ni" tia zuiin min hrilh chu ka hre nawn ut ut a ni ber. Hmeichhe laka ka huangtau loh ziate, Hmeichhe laka ka lepchiah loh ziate, ka ngaihsak ngailoh ziate engkim hretu ka thianpa tia Ka inhmelhriat tir in min phatsan a ka lamlo zawnga a lo khel daih chu mak ka tilo. Ka ten zawk a ni. Mi neinung pak a khawsa kual chi Martina te ang zawng an khawngaihthlak lo a, An tenawm zawk si a.
Thlawhna ah ka thu a, Airport a ka u tenupa leh naute bakah Zuii leh Zosanga te min thlir thaptu bey bey chungin vansang lamah kan invawrh chho lung lung a. Ka thinlung kehsawm vek thawi dam a nih theih nan a hun hman tum ranin Mumbai lam ka pan a ni a. Ka Ipod la chhuakin ear phone ka vuah a, Ka bula thu nu upa lam hrisel hmel zet chu siai zauh pahin hla ka ngaithlak san ta daih a...Tichuan ka thian tia ka lo hmelhriat tirin min phatsan tak vanga ka duhlai ka chan tak tana phuah ni mai awma mawi he hla hi ka ngaithla ta vang vang a.
I was dancing with my darling to the Tennessee Waltz
When an old friend I happened to see.
I introduced her to my loved one
And while they were dancing
My friend stole my sweetheart from me.
I remember the night and the Tennessee Waltz
Now I know just how much I have lost
Yes, I lost my little darling the night they were playing
The beautiful Tennessee Waltz
I was dancing with my darling to the Tennessee Waltz
When an old friend I happened to see
I introduced her to my loved one
And while they were dancing
My friend stole my sweetheart from me....
- Redd Steward. Song by Patti Page
" Mam, enge helai a inziak hi a awm zia?" tiin Monthly Magazine pakhat chu lek vu vu chungin Toilet atang chuan la chhuak tuih tuih a, " Engmaw...Khalaia i tawmsen reng vang a ni maw, i phone call,pawh i chhan theihloh,,toilet a magazine chhiar hi sim tawh teh i thut rei phah ziah " tichungin ka u ( min chhangtu chiah) chuan eirawngbawl pahin min zilh nghal mawlh mawlh a.,? " Zing phan phan ah i ang nghal chiam zel a, ka u duhtak" tiin ka nuih tlawn a, " Mama a ni kha zawng ngaithiam rawh nizan a rizai leng hlim nasat danah kan tukin tur hi ka man thiam nghal a,,keipawh ka ngawih kar hi" tiin U Muana ka u pasal thla 6 vel kalta a, a neih chuan minlo ti a.,kan vai chuan kan nui ham ham a.
Kei hi unau 3 zinga milai Mipa awmchhun, ka ni a, Zirna atchilh an tih ang hi ka ni vaklo a, Mahse ka pa turluihna vangin zirna ka kal lui tang tang a,,ka vanglai hun zawng zawng zirna ah ka hmang ral a ni ber, Kum 36 mi zet ka ni tawh a. ngaihzawng lam ka neih ve pawh ka ngaihsak zui thiamloh em avangin min lo ban leh daih zel a, ka,vanduai a ni ber. Ka nu leh pa hi Khawhranah College lecture in an thawk ve ve a, chu khua ah chuan kan inbengbel a ni ber.,Mahse Aizawl ah kan school kal a kan awmna tur in kapa in min saksak a. Chu kan in chu ka pate family compound tho a nih avangin kan inbul vel chu kan chhungte hlir an ni,thung.,Ka u hian M.com a zawh hniah Law a zir leh a.,LLB Zo in Advovated hna a zawm a, Ka u pasal hi kan awmna khaw tlangval kan hriatchian MPS niin Aizawl ah Sipai Battalion pakhatah Asst.Comandant hna chelh mek a ni bawk a. Tihian kan In ah kan awm ho mai thin a.,ka nau chiah erawh ka nu leh pa bulah dawr siamin a awm thung. Kei pawh Mumbai ah eng eng emaw ka zir nual hnu-ah Architeture ka zir zo a, Laloo Construction Company Pvt Ltd ah Architect Engineer in ka thawk ve a. Chumi pah chuan Part time in TIPS Recording ah Musician in ka thawk ve bawk a. Ka chemkalna lam zawk tak a ni nghe nghe a.,Mumbai a ka vai thiante nen "ANJAZZ' Band kan din ve bawk a.,kan tui ve thin hle. Kar 2 liam ta khan Ka thian pa nupui neih hmangin ka rawn hawng a, Dawt,phuahchawpin chawlh thla khat atan ka lak belh leh mek nghe nghe.,Ka chhuk a hun leh tep tawh bawk.
" April Rain tih kha maw?, Khawilai thalai inti changkang deuh ten April thla a piang ten April Ni 1st April Fool an tih puala an party buatsaih a ni awm a sin.." ka u chuan a ti nang nang a. " Inti changkang tih kher, an titha ka lo tive khawp a sin, " U muana chuan a lo tive boh boh a, " a nuam ngawt ang chu Kei pawh Aril 28 ka nih hi" tiin room lamah ka luh san nghal a.,ka ute nupa chuan an,la sawi dun larh larh reng a. An thu an inchuh chu a ni nangin fiamthu in an in kap zui pah a ni ber. Ka phone ka en a, Martina call 3 lai a lo awm a. Ka call let nghal a.,April Rain chung chang ka zawh chian hnuah phone ka dah a.,bazar tumin rilru ka siam a. Tukthuan eikhamah Martina rawn lang a, Kan 2 chuan Martina Swif car chuan bazar turin kan chhuak dun ta nghal a.
" Nuam i ti tak tak dawn em ni?, an chhe phek phawk viau ang, Sk-a nupui neih thar ang deuh deuh bilbawlawk te te bak an ni lo ang" tiin Martina chuan phone atang chuan min rawn fiam a. Ka insiam mawlh mawlh a,,Phone chu loud Speeker ah ka dah a, Ka room kawngka a inhawng a, " Mam khawiah maw i kal dawn" U Muanan a rawn ti a " Millenium ah" " oh April Rain ah maw?" ka bu nghat a.,a nawm dawn chu, Good luck" tiin kawngka a khar a. " i makpa kha chuan a tlawn ve ngawt mai che" Martina chuan a rawn ti nghal zat a. "Ka kal a hun naktuk ah ka hun hman dan ka rawn hrilh ang che.",tih leh phone dah ka rual a. Hman hmawh takin ka motor dahna in ah lutin Motor ka lachhuak a. Zan dar 7:00 a programme tan tur ' The April Rain Party' neihna tur hmun lam pan chuan ka tlan ta nghal a.
Millenium kawtah chuan mi anlo zi nauh nauh a, Motor pawh a zam nasa ve nang mai, Kan ram roreltute khan Plan mumal tak neiin kawngpui hi lo design se kan heti awm bik silo a, ti rilru chung chuan mi tawlh rual chuan ka tawlh ve beuh beuh a. Ground floor hnuai a parking tuma ka kual dawn lai tak chuan R15 bike pawl hi ka hmaah a rawn lut rawk a, ka side glass a rawn tai thle lawp lehnghal a. Ka au deuh tuar a, hrelo ang maiin an tlan lut ta daih a. Bike hnunga chuang hmeichhe tleirawl chu earphone vuah in a thu ding ar a, a rawn nui sawng lehnghal. Motor lut leh chhuak kan awm zut avangin ka hmanhmawh thei bawk silo a, insehruh teuh chungin ka tawlh ve ta zel a., an zaklo hle mai, Ngaihdam pawh an dillo lehnghal. Ka side glass chu ka en a, a rawng a lo khawp nial a, ka insehruh leh zual sauh a. Ka motor ka dah fel a, Ka hawikual nghal vat vat a, bike chu ka va hmu ta ngei a, Mahse a khaltu Jeans mar zet hatu leh a phurh tleirawl thawveng hmel zet erawh ka hmu hman ta lo. Bike No. Chu ka chhin chhiah a, Watchman hnenah " He bike hian ka motor glass a hrut a, a rawng a khawk ve deuh nial a, hrelo ang maiin an tlan tlang ringawt mai a. An chhuah dawnah lo tiding la, hei hi ka number a ni a,,min rawn phone theih chuan ka lawm khawp ang?" tiin ka chah thlap hnuah Party neihna tur hmun lam pan chuan ka kal ve ta a.
Inchung zawl ka luh dawn chuan Entry turin pawisa chawi a lo ngai a, " Ka pu. Chhim tur nge i nih a, April Rain member i ni ve zawk?" tiin Nula dawhkan a thil ziak mek chuan minlo ti a, Ka vawikhat kalna a nih thu leh Member pawh ka la nihloh thute, chanchinbu a ka hmuh vanga telve tawp ka nih thute ka sawi hnuah Member a inziak lut ve tur leh Minute 5 pawh tlinglo chhungin Member card leh lucky copoun min pek tur thu min hrilh hnuah " ka lo nghak mai a nge" tiin Rs 100 /- ka pe a, nui var var chungin " Ka lawm e" a ti a, a bula tlangval naupan hmel deuh chuan ka id tur buaipuiin a buai nghal char char a. Ka nghah chhung chuan Ka lo hawikual vel mai mai a.
Engkim chu ka beisei ruk aiin an ti puithu em em vek mai a, A tel hrim hrim ate pawh an nalh seng sawng hle mai, Martina ngaih ang ngawt chu a nilo hle tih ka hrethiam nghal mai. Decoration a dangdai nalh em em a, Puithu taka hun hman a awm hmel loh, Zau halh si buai nuaih silo a hun hman a nih duh hmel hle in ka hria. Dawhkan an siam ve nangin a zau lo, Danglam taka cheibawl a ni hranlo, Musical instrument a in hung a,,Stage chair sang erawr deuh pa 4 a awm tlar pat a,,dawhsan tawn tawn ah chuan a chhuk zawng hian " April Rain Party" tih a in tar a,,chung bak thil danglam a awm hranlo. Gate luh a veilam side ah chuan Dawhkan ang erawr tak sei zat mai ( Bar ang deuh a buatsaih ) an hung a, a bulah chuan Mipa vai vervawr tak 2 uniform ni awm tak Kamis var ban tluan leh WestCoat dum leh bowtie dun suih zaih mai an ding a,,chu dawhkan chu rawlthar leh rawlthar vaklo ten an bawr deuh lat lat a, In tur an semna hmun a nih ngei ka ring ve ngawt a. Chumi piah deuh ah chuan dawhlan 4 vel a biala kil theih tur a in hung thliai tih mai loh chu thutna awm a awm lemlo., Bar niawm tak nena inzawm deuh thaw a dawhkan dang awm bawk chu ei tur lamna niawm tak a ni bawk a. A lan dan chuan Khawilai Bar emaw a party throw a ang deuh ber awm e.,ka Card tur an peih ta bawk a, " Nuam takin i hmang dawn nia" min tih hnuah Chu Millennium chung zawl zau pharh durh mai a nula tlangval, naupang hmel tak tak leh upa hmel deuh te hmeltha leh thalo, nalh tak taka inthuam te zik huai huaina karah chuan ka tek lut ve ta nawk nawk a.
Bar ( ti tawh mai ang) ah chuan ka ding a, Heineken bottle ka dawm a,,mi chetla vel chu ka thlir kual vel mai mai a. Chutah dawhsan ah chuan Mizo pa ah chuan pa lar leh pa fel, thalaite ningkhawng hre tak mai pakhat a rawn ding chhuak a, programme tan a nih thu leh house band tura sawm ' Forever Young' band te a ko chhuak a, intorduction a neih hnuah " April Rain kan nih angin April thla a piang nawi ve ngailo te chu hlim takin zanin hun hi hmang vek turin duhsakna ka hlan a che u, Kan house band te hian hla an play a nga, a duh kan lam a nga, a duh kan zaipui vak vak a nga, kan inkawm khawm a nga, hlim takin hun kan hmang dawn nia. soft drink nilo lakluh phal a nilo a, Beer erawh kan bar ami saw a lei theih thung. Nuam takin aw" tiin hun a rawn hmang a.,House bandte kuat hun a hlan a.,tichuan boruak danglam tak hmang chuan kan zi ta nak nak a. Mizorama chawlh ka hman tawhah chuan hlimawm ka tih ber zan ni hialin dawnin ka hria.
Chutia mi chetla vel ka thlir kual mek lai chuan Hmeichhe pakhat ka lo zawn ruk deuh reuh reuh helai a kal tura ka lo beisei ve tawp chu ka hmu ta hlawl mai a. Bar lam pan chuan a rawn kal zui a, ka kiai suk a. Dawhkan a rawn thlen chuan " Heineken chu ka lo dawm ve teh ang, Duhte" a rawn ti phar phar a. " Khawnge Naom-i ?" tiin bar nghaktu pakhat hanglam deuh zawk chuan a lo tivat a, " A inthlak a nih kha, kan che chhe raps mawle" tiin a nui hak hak a, Ngawi rengin ka ngaithla a. " kan chhelotei hi chu a danglam ve ngawt mai, inthlakna hi a keng thlap zel a,,Saw a nalh leh zaih zaih tawh tehmai a nia" Duhtea an tih bawk chuan a ti a, an nui dar dar a, " A ni Zuali a strick berbawr lutuk a, Motor zawk kan keng theilo a, chuvang mai mai a lawm inthlakna a ken, ka thiannu aia nalh hi an awm kherlo ang, Mahse Ngaihzawng a nei ngamlo" a ti a, an nui ham ham a.," Min lo rel a ni maw?" tia hmeichhe pakhat rawn tawng rikna lam chu ka hawi ve vat a.
"Awi ka rei....Vantirhkoh leilamah engthil tiin nge a rawn chhuk tak mai le.... Ka thi zawk em ni? Ka marphu a awm si, Tinge music ri hulh hulh kha a tawp tak daih. Midangte kha khawnge an awm tak, Enge lo thleng hi Lalpa...Ka va la inpeih lo ve, Hetiang a Vantirhkoh zing a i chhuan tawlawl ber i rawn tirh tak thut mai le" tiin ka rilru a rak nawk nawk niberin ka hria. A hmel chu a paw phet ni maiin ka hria, a sam kir deuh lek lek awmze nei taka a kilh khawm, a hmui sen vam ham mai, a dar pharh darh mai, a awm pawng kawh lah mai, a dul mar thep zaih mai, a ban sei zen nalh zaih mai, a nuih zawnga a ha var rual thap mai lang tle sep sep leh a thuamhnaw hmeichhe kawr fual silk puan senduk khup khuh awrh chauh a fual ha chunga pawisawilo hmel tak a ka bul chiah a rawn ding nula sang thlerh thlawrh tak mai chuan min ti hlum ta ni berin ka inhre hman hial a.
" I van nalh ve, Naom" Duhtea chuan a lo ti a, " An ti deuh a, Lalfaki awmloh vang mai mai a nih chu" a ti let khauh a, a aw chu thum pawr lek lek tham tih dawn a tham nisi lo, pial nalh deuh si a ni ber. Chungte hlei hlei chuan a ti mawizual niberin ka hria. " Zui, engtin nge kan tih ang, a motor side glass kha a chhelo i tia mi?" a ti a. "Hmmm hemite 2 hi an ni khawp, Lalpa ka lawm e." ka ti a. " Enteh Bawiha, oh Duhte, R15 blue color MZ01S 0012 neitu i hre mial lo maw?, Polite lo tawkin Ka tlanna tur lamah rawn tlan lut in ka side glass an rawn tai thle lawp mai a, ka lungawilo ve khawp mai" tiin Bar dawhkan bawh chungin Tlangval bar nghaktu chu ka zawt a, ka mit sir chuan ka bula Lalhmelthai chu ka melh ru pah zauh a.
" Eh...englo..," tiin Duhtea chu a nui deuh sang a, " Oh.. Nangma motor elaw, ka pu" Naomi chuan a rawn tinghal zat bawk a. " Nia, Khatiang kha chin tam tawhloh atha khawp ang" ka ti deuh hmak a. A ruk tak chuan ka lawm...A ni berkher a lo ni a.." nia kan inzep lui hram kha a tullo tak tak a ni, Zui kan pu motor hi a lo nih chu" tiin a thiannu chu a hrilh nghal a. Ngaihdam min dil a, keiin Police koh ka duh ka ti der deuh tlat a. Duhtea chuan ka hmel a hmuh chuan ka uang mai mai tih ahrethiam a ni chek a niang " ni e, Police a kal hi a finthlak ber, in ngaihdam dawn pawn" a lo ti ve bawk a.,an ni lah an hlauthawng dun hmel nasa mai si a. Chutianga kan inbiak a,,kan infiam ruk mek lai chuan Bar nghaktu ang bawka inthuam hmeichhia hi kan lam panin a rawn kal a. " Ka pu hei i lehkha tur" a rawn ti a. Lehkha them hi min rawn pe a, ka en nak chuan " Dawhsan hnungah rawn lut teh, i lo kal ve tih ka lo hrelo a.xxxx " tiin kan host pa khan a rawn ti a lo ni a, " Nia, engpawh nise, ka kal sawn lawk a ngai a, lo kalsawn lo ula, ka rawn let leh hunah kan sawi fel dawn nia, taka, License i nei em?, two wheeler emaw pawh?" ka ti hram a. " ah..ehm.Two tak chu ka neilo" a ti ban deuh chalh a, " aww.,Four ni neih tho te chuan" Zuii chuan a lo ti vat a. " lehnghal a,,Four chu four chiah a khalh theih" Duhtea chuan min siai zauh pah chuan a lo ti a. " Lo kal sawn lo phawt u la" tih leh kal ka rual nghal a. Ka hlim ru veng veng a ni ber.
" Awle...Hei zanin chu kan beisei loh deuh thil kan tawng tlat mai le. ANJAZZ Band Mumbai Band khu kan hria em"? Tiin kan host chuan dawhsan a ding chung chuan a ti a. " aw hria e" " an hla hriat in nei em?" " awww" " enge in hriat? " Sunona Sunona" " Anjani" " Hole Hearted" " Dream Boy" an ti rual dual dual a.,ka beisei loh daihin kan band hla chu an lo hria a. " in va hre ve...Hriat pawh a awm a lawm, khata an frontman leh a guiterist, Indian recording company hlawhtling ber tihngam TIPS a Guiterist ni mek bawk tunah hian kan zingah a rawn telve hlauh mai a.,mizo tlangval music thiam Architec Engineer ni bawk Alfred Lalropuia " Alfred" tia hriat chu tunah dawhsan ah hian lo chhuak lawk tehse" tiin min ko chhuak ta hlawl mai a.,kut an beng a, an au tuar tuar a.," Pa Chhuana hian ngawi renga a dinglai a hmu hlauh mai a, kan zingah a tel ve theih takah chuan " Sunona Sunona" tih leh " Hole Hearted tih hla kha min rem sak teh se..." a ti ta mai, ka hawi lawl lawl ta mai a.
Tumloh deuha ka va tih tak hrep hnuah Bar lam chu ka pan phei a, Nulate pawh an lo la awm a, Mak tihmel deuh hian minlo thlir thap a. " a ni tak tak, a ni ka tih kha" Zuii chuan a lo ti bai bai a. " Engmaw?" ka ti a, " Alfreda a ni ka ti a, a nilo an ti tlat a, i ni tak tak sia" a ti a kan nui ham ham a. " Engtin nge kan tih dawn tak a" ka tih takah chuan an ngawi ta reng a. " Duhte Police koh mai tur i hria em?" ka ti zui nghal zat a " oh.. Hre mailo...eee ngawi rawh boss khan a hria ang, kan koh tir a nge?" " Lalduhawm lo phur hurh suh" Zuii chuan a ti hlak a. " Min ngaidam la, Side glass man chu kan chawi mai ang" Naomi chuan sen ap ap chung chuan a ti a. Khatia min koh chhuah takah khan a tira min en pawh min en duhlo min kalpel vel mai mai khan min chibai emaw tumin an rawn tlazep sek ta mai a, ka ning rilru deuh tawh viau a. " a nih heti hian kan ti dawn em ni, ?" ka ti a, enge ni ang tih melhin min melh ha a. " Zuiin Host hnenah " Save the last dance for me?" tih hle kha play turin request a va nei a nga," " chuan" Zuii chuan a lo ti vat a, " Naomi nen kan lam dun thung ang" ka ti ta a. " aww..ka duh, chuan min ngaidam dawn tihna em ni?" Zuii chuan a tinghal zat a. " Min lampui duh chuan ka ngaidam ang che u" ka ti a. " aaaa ka lam ngailo, Zuii nen lam zawk u la" Naomi a ti bai bai lai chuan " Promise, Kei min thlang hleinem" tih leh kal Zuii chuan a rual nghal zat a. Naomi chu a sen ap ap a, Bartender Duhtea chuan " a fuh khawp ang, Side glass hi Rs 1400 vel niin ka hria, Vawikhat lam a tlak thei te chuan" a lo ti bawk si a. A sen ap ap a.
" Request a awm a, " Save the last dance" tih hla a ni, " tiin an puang a, kut an beng dar dar a " Slow duh tan a slow theih bawk e" an ti leh a, an au dar dar a Music an play nghal a " Kan lam dawn em ni ang" Naomi melh pah chuan ka ti a. A kiai suk a, " reilote" a ti a, a kut nem tap mai chu ka dawm sak a, dawhsan lam hnaih a lam zingah chuan kan inkai phei ve ta ral ral a. An bul kan va thlen chuan a kawng feng zaih nai chhah ru tak si, nep thep ah chuan ka dawm a, a kut lehlam ka hum sak a, lai deuhin ka darah a rawn dawm a, Music rual chuan kan sawi ve ta nge nge a, a rimtui ham ham hle mai, Min melh hrek hrek hlawm biklo, Mizote pawh kan hawkdak over tawh biklo tih a lang chiang hle. Mahni lam lam in kan lam a, kan sawi delh delh vek a. A hla deuh tung nia ka hriat avangin ka lamah ka kuai hnai deuh salh a, a kut ka dawmna ka thlah a, a kawng ah ka dawm ve ve a, Light a eng dal deuh ruih a, Thla ral lam a eng kulh mai bawk a, Music an play nalh bawk nen he zan hi ka hmanglo ang tih ka hlau thar leh ta hle a. Kan lam rei tual tual a, Ka pawt hnai hret hret a, a tang biklo a tawpah chuan hmai insi deuh thaw in kan dingdun ta nge nge a.
A mah a hmeltha in a nalh bawk si a, lam a thiamlo lo tawp bawk a, Boruak in a zir bawk nen lam a nuam kher mai. A mit meng pawl raih mai chu ka en kar a, min melh zak zak a, a sen ap ap a " min en renglo la, ka zak a nia" a ti thawp sat a. " i hmeltha em a lawm" " i sual" " ka lawm lutuk aw" " engvangin" " ka motor side glass min tai sak vangin" " hmm" " Alfred Lalropuia ka nia" " Naom Lalrinfeli ka ni" " khawi veng" " Thakthing" " I nalh khawp mai" " mi lar ka lampui ang tih ngaihna ka hrelo" mei nei deuha min melh pah chuan a ti a. Ka nui mai a. Power a tawp ta hmuk a. An au ta dar dar a. " Ka fawp thei che a ngem?" zawi sap in ka ti a, a ngawi reng a. Thla eng ruih hnuaiah chuan kan la inhmachhawn reng a. " Fawh an indil ngai em ni?" " ka dil hmasakloh che chuan i rak chiam ang tih ka hlau a" " ha2..i ti awmlo e mai" " a nih" tih leh fawh ka rual a, a ip zak nangin min chhang rang kher mai. Reilote ni maiin ka hria. Mahse a rei viau bawk si niin ka hre bawk. Power a awm lej rualin kan inthlah a, kan lo awm sir dun tawh hle mai...Kut kan beng dar dar a.
" In inhmeh tawp thiannu" Zuii chuan an awmna lam kan pan lai chuan a lo ti a. Kan nui mai a. Naomi chu a tak deuh ngal tawh niberin ka hria. " Kan inhmeh pawn ka hrelo, a bulah chuan Vauk ang vel ka ni" ka ti a. Kan nui hak hak hlawm a. " Power supply awmloh lai khan tinge" Zuiin a ti hman chauh a " min hmu a maw?" Naomi a lo ti nghal vat a. " Eng a...Engmaw...e he ka hre mai" a ti a. Kan nui ta ngat ngat a. Bui laihlohin a inpuang a ni ber. Zan hlimawm tak a ni. Sana ka en a, Dar 12:30 lai a lo ni tawh a, mahse kan la tam hle..Thla pawh a liam dawn lek lek tawh a.,Banna hun siam a nita bawk a, Keini pawh Motor dahna lam panin kan inzui thla thliat thliat a. " Thian nu, Duhtea khan Bike a kenglo a, I bike hi rawn khalh hawng mai rawhse ka lo nghak ang. A Sawmi te inah kan innghak dawn nia." Zuii chuan a ti zung zung a. Naomi chu a ngawi reng a.
***********
" Mizo khawpui Aizawl ah i tawmsen reng a, engmah hriat i nei silo, Naomi chu i lo hmu ve ta em?" tiin Ka room luah a nuzal ar ar pah chuan Martina nen kan inbe mawlh mawlh a. " Aww hmu ve ta a, Lalhuna u nupui neihni ah ka hmu" " eh tahkhan a rawn tel ve tak kha?" " a chhelo bawk a niang Lalhuna khan a brih zui nghal tluk tluk mai" Chu thu chuan min thawng tho zawk niberin ka hria " engmaw?" " Ka fiamthu mai mai a nih kha" ka rilru a nuam tawh chuanglo..Ka engemaw ti ngaihthatloh ru tlat tawh..
April Rain kan hman atang khan Thla khat zet a liam lehtawh. Mumbai khawlum tak hnuaiah ka hna thawkin ka awm a, Nitin kan inbe thin nangin ka kham theilo, zan tin Dar 10 ah " Gud nite" tih a rawn thawn ziah a, FB ah pawh Propic ah khami zana kan lak dunna kha a hmang a, ( tunge kan thla lo la ka hrelo) Hindi flim pakhat Music play ( siam ) turin min tih avangin ka buai deuh viau a, ka be tam vak tawhlo a. Chutianh boruak ka hre leh zel chu ka awm a nuan hauhlo. Sana ka en a, zan dar 12 a pel ul tawh mai si, biak ka chak em em a, ka tih harh ka hlau bawk si.. Rilru nuamlo tak chuan tukverah Indian Ocean lang dum khuih mai ralkhata lang chu ka thlir voh voh a.
" Beep..Beep Beep" ka phone Msg tone a lo ri a. Ka en vat a, Beisei loh deuhin Naomi number a lo ni a, " ka ngai lutuk che" tih zawng a lo ni a. Ka call nghal vat a, A muhil thei biklo a ni tihte a rawn sawi a, Hreh tak chungin Martina thianpa Lalhuna chanchin ah ka lut ta nge nge a. Engkim a rawn sawi a, Mihausa tak mai fapa naupang zawk a ni a, Lehkha zirsanglo mahse dawr hmun 3 laiah a nei a, ( Bike show room leh Parts dawr ) keimah ang rual vel, Tlangval luck tak, Aizawl tlangval hawisang phak ve ngat a ni nghe nghe. A ngai zawng a, Lalhuna farnu nen an inhmelhriat ve avanga khami ni pawh kha kal ve a ni a, Martinan a inhmelhriat tir a, chuta tang chuan a birh tak tluk tluk thute engkim a rawn sawi ta vek a. Engmah ka sawilo, mahse he mipa thikna thinlung erawh a puak keh lo chauh a ni ber.
Chutiang chuan hun ka hmang chho a, Naomi nen kan inbe tlem tual tual a, ka buai em vang leh Project ka insiam hnem deuh vang a ni pakhat a. Indian Natioanl Army Welfare Association te hmunah ( ram zau tak an nei a) Building design ka khawih a, chu hna ka zawh hnuah Album buaipuiin recording ka luhchilh leh a, chumi bakah a hmasa a ka chet hit deuh avangin Flim pakhat " City of Nawab" tih flim ' Luknow khaw behchhan a flim siam ah Music siam tura min tih leh bawk avangin ka buai leh em em bawk si a. Chutiang vela hun ka hman avang chuan wish neuh neuh pawh hmanloh chang ka nei ta zauh zauh a. Hun a liam a, thla a liam a.,October thla a her chhuak a. Ka vanneih a siamin Ka flim music siam pakhat zawk ". The City of Nawab" tih a hla pakhat ka play " Children of The Mother Soil' tih chu Flim playback award dawng tur zingah thlan a ni ve hlauh mai a. Ka lawm ve hle.
" Hello, Naomi ka be thei a ngem?" " Khawi atangin nge?" " Mumbai tangin" " a awm rihlo a, nakin ah i rawn be leh dawn nia" a dah hmak a, " hello, Hello, Helllooo" a tawp daih ka ti" ka ti nang nang a. tu phiangsen nge maw ni le? Ka ti rilru a, Ka dial nawn a, " Hello" ama aw ngei chuan a rawn ti thawp sat a, " tunge phone lo latupa kha?" ka ti nghal deuh tawl a. " Ka thianpa ve mai mai a nih kha?, i news te lo hmu in ka lo hria a, ka lawmpui lutuk che" chuai deuh raih chuan a rawn ti a, " Nia ka lawm ve khawp, Ka helh hawlh deuh niberin ka hria" ka ti a, " a nuam ngawt ang chu, i vannei dawn khawp mai, kan be ngam tawhlo ang che a" a tih mek lai chuan amah ko lauh lauh ri ka hria a.." eih awle, ka rawn kal nghal" a ri phur phur a, " hey, Enge min biak ngam tawhloh na ngawt tur? Eng ri sung sung chu?" ka ti nghal zung zung a, " Ka inthiar laiin i rawn phone a lawm..a nih phawt" tih leh phone dah a rual nghal a. Ka dul hnuk a ni ber. Ka awmdan pawh ka sawi thiamlo, ka zawi hnawk a ni ber. Enge thil awmzia ni a, tunge mipa aw rawn ko tu leh Ka thian ve mai mai a tih phone lo pick tu kha ni ang" tiin ka ngaihtuah zui nghal a.,ka be leh mai thei tawh lo lehnghal a in ring zo thak thak ta bawk si a. Thimrim teuhin ka phone chu ka dah a.
Award sem zan ah Indian Singer lar leh hmeltha flimstar ni bawk, Mumbai nula Nila leh ka band mate te nen kan kal ho a., Bollywood Durbur Theater ah mipui sang fe flim star, Zaithiam leh mi lar tak tak zingah hun ka hmang ve a.,Tv live telecast a nih avangin Mizoram lama ka nu leh pa leh ka thianthate,,ka unaute leh mi thenkhatin min thlir ve reng tih ka hria. Ka zam ru ve hle. Chung zawng zawng aia ka rilru luahtu zawk chu Naomi ka be theilo ta chu a ni.,Kar 3 zet ka biak hnuah biak ka tum leh tawh a, mahse ka be tlang thei der tawh silo a. A ring ral thak thak a, a hnu ah Msg a rawn thleng a " min hrethiam rawh, ka buai lutuk a," tih ka dawng leh ngawt zel a.,chung chuan ka rilru a kap tlat a ni. Nula leh hmeichhia a rilru seng ngailo in rilru ka sen nasat phah em em ta mai chu mak pawh ka inti ve viau nghe nghe.
Ka mood fuhloh em em lai chuan Media lamin Nila nen min lo hmeh bel ve sek bawk si. Rilru a nuam duh zanlo. Khami zan a award ka dawn zan khan TV camera hma ah ka biangah a chuk zauh lai an lo la fuh bawk nem hetiang lam ngaihven reng reng a awm Magazine thenkhat in a nilo zawngin an lo vawrh darh chhen bawk nen. Ka rilru a buai nap nap kher mai. October fullmoon zan a ni a, In ah ka awm a, Moonlighy Party ah pawh kal ka tumlo. Chutih lai chuan ka phone a rawn ri rang rang a, ka la vat a, Martina a lo ni a.," Ek a. I lar bawka i induh ta hle mai, enge Nila chu a sexy viau em?" nui kur kur chungin a rawn ti a. " khai khaih nang lehzel techuan min chhaih lo teh, Mizo nula lo ka duh lo tih i hriat kha" ka ti hlur a. " A ho e mai a, Mizo leh zo lo tih tih a ngailo, Mizo nula aia hmeltha an nih phawt chuan" a rawn ti leh hram a. " I mawl e mai...Ngaihzawng ka nei tih i hriat kha?" ka ti a. " wow tumaw?" a ti ta mai a. " Eka Naomi mawle" a ngawi ta vang vang a. " Hello. Enge i ngawi daih a?" " eng nilo e, ka thil ka titla tlat ka rawn be leh ang che" a ti a a dah hmak a. Mahni lo mahah rilru nawmloh sa nak alaiin Naomi ka sawi rik vela chutianga a awm chu ka ngaihbel deuh nen ka thin a rim nghal hlur a. Ka call back leh nghal zat a, mahse a busy ta ngat ngat a. "Eng phiangsen nge nita ngai Martin" tiin ka phone ka khumah ka vawm thla tawp a. Ka lum up up a. Ka tawt up up bawk a. Rei fe hnuah ka dial leh,pawn Busy a lo la tih takzel avangin lung nilo tak chung chuan ka phone ka dah a. Motorin ka leng chhuak ta daih a.
************
Vanglaini ka en a, Lengpui Airport a minlo hmuak lai leh Thil dang tlem azawng ka en doh doh a. Milar chei takin minlo chei bawl a, Enge thil awmzia pawh ka hre neklo e, ka ti rilru a. Ka u te fanu kum khat tlinglo deuh chu walkerah a tlan kual pap pap reng bawk a. U Muana chuan Zing thingpui dawm chungin Chanchinbu pakhat a keu nuap nuap bawk a. Ka hawng min hmuak vel chungchang ka chhiar mek lai chuan " Lal anu, Pu Sangruala fanu leh Pu Zohmangaihna fapa an innei dawn a nih hi vawiin ah" U Muana chuan a ti lung lung a. Ka ngaihsak lem lo a. " nitak e. Awi ka theihnghilh daih a, Sawmna pawh kan dawng tak a sin, Zamtei khan a dahtha ang" ka u naute eitur siam mek chuan a rawn ti a. Chutih lai tak chuan Kan awmna veng Khawtlang hruaitu thenkhat leh helai venga ka mei ang maia min zui rengtu Zosanga an rawn lang hlawl hlawm a. " Eee Pu Petera te ni rengin lo leng rawh u" tiin u muana chuan a lo chiai au nghal vat a. Keimah min kawm turin leh min chibai tura lokal an nih thu an sawi hnu chuan thingpui no dawm chungin kan ti ti ho a. Zoram ka tih hmingthat bakah an veng mi ka nih vanga min chhuan ziate an sawi duah a.
" Zamte khawnge Inneih sawmna card i dah" tia Ka u in an nula awmpui a zawh hnuah Zamteiin u muana card a rawn pek laite chuan engvak ah mah ngailo in Kan ti ti ho bawrh bawrh a.,U Muana'n card dawhkan a dah pah chuan " kan tel ve ngei a ngai dawn a nih hi, In pu fapa a ni bawk si a" a ti a. Kan ti ti lam ah ka rilru ka pek deuh avangin ka ngaihsak lutuk lemlo. An nupa chuan an sawi dun bawrh bawrh a. U Muana Inchung lam chho turin " Aww. A naupang ber Naomi kha mawle, MZU Look of the Year nilai mek kha" a tih rih chu ka bengah nawr luh nawk nawk ni maia chiangin ka hria a. Ka hawi hai nghal hle. Ka rilru a nuamlo leh zual, Martina no ka betlang thei silo, Naomi ka be tlang thei bawk silo, kan ti ti pawh ka rilruah a lut thei map lo... Buh deuh nuaih chungin kan in mangtha ta hlawm a. Zosanga erawh thu turin ka tih avangin a la thu tlang a.
" U muan tumaw Naomi chu?" ka ti lut nghal bawng a. " Aww Kan SP fanu, Mawle, Vawiin ah pasal a nei dawn a, kan va kal ve dawn nia, Khatla South Biak In ah" a tih chuan ka bing deuh mup a. Zosanga chuan " Eh i lo la hreve nange Fred" a rawn ti nghal a. " Kan Naomi kha em ni?" " Ni e...Martinan a hrilh lo che em ni?" Ka thut a, ka tho a, ka room ah ka lut chho ta daih a. Reife hnuah " Fred tinge i rilru a va nat hmel ve, In inthen daih tawh a ni lawmni?" Zosanga chuan ka room rawn luh pah chuan a rawn ti a. Ka ngawi reng a. "Martina tihpui a nia, In nih thu ka hrilh pawn ' sava thlawk lai tuman ka ta an ti theilo, a perh tla thei thei an ni mai" a ti vel zarh zarh a nih kha" a ti a. " eng maw?, Martinan min phatsan a maw?" ka ti bung nghut a. " Aw" a ti zuai raih thung a. Engkim ka rinlawk dan ang deuh vek a ni ta ngei mai. U Muanan " Mam Martina hmel hi ka mi rin zawng a nilo, thutak hla tak a kawm chi a niin ka hrelo" tia Martina nen an inhmuh hmasak ber hnua a tih kha ka hrechhuak zawk a. Ka sa up up a. Ka lehkhabu a hawh thin laite, Ka bike ka kawl tir laite, An nu ka rukpui laite, engkim a rawn lang zut zut a. Naute an neih avanga Toys ka thawn zo zaite chu ka rilru tina tu a ni thar zawk ta mah a. Naomi teh reng pawh enge kei min hnawl a duh pawn min hrilh hmasak loh le" ka ti chhuak ta phawng a.
" Kal ve talh chu i duh a maw?, kan kal anga a ni mai a lawm?, Kan be chhin a nge?" tiin Kelvi chu Zosanga chuan aphone nghal a. An ni lamin keia hak tur chu an lo phurpui nasa mai si a, Chhun dar 1:00 a inneihna a ka hak tur coat buaipui chuan zing dar 9 velah Zosanga chu a buai ta vat vat a. Engmah ka rilru ah a lut manglo. Zuii ka bia a, a lungawi loh thu leh Naomi'n engmah min zawt hauhlo a chutiang rilru a pu chu mak a tih thu a lo sawi bawng bawng a. Thian atan a hman tum dan peh A pasal turin midang a thlan tlat thute chu ka ngaihtuah neuh neuh a. Martina Biak in kawta ding a thlalak laia nui sawng tur hmel vel ka ngaihtuah a. Ka thinrim a zual sauh a. Nimin a ka hawn thu news a an puan laia Naomi hmel ngui nghiai mai te hrilh tak zel hnuah phei chuan ka thinrim ka puak keh lo chauh a ni.
Khatla South Biak In ah chuan mi an thu khat mup a, Mizoram pa challang fanu leh fapa innei tur an ni bawk a, inneih inkhawm kal pawh an hraw tlang hle. Ka makpa U Muana MPS te pawh an kut chilo hawi ve mai mai a. Kei ka thlen phat atangin Tv lamin Interview turin min tur chhen thung a. Ka duhlo ve tlat a. Zuii nen Zosanga leh midang 2 kan thiante nen Kawt lamah kan thu tham a. Min melh hrek hrek leh thla min lakpui duh an awm sek bawk a. Chutiang vel lai chuan Inneih Inkhawm a zo a, Mo leh mo neitu an rawn chhuak a,naupangin an hlimpui hle. Ralkhat atangin Naomi nui sang lai leh tak deuh ran lai chu kan lo thlir reng a. Engmah kan tilo, Min bawrtu an kiam deuh duak avangin ka thawveng huai zawmah nghe nghe. Zuii chu a kal nalh a, mi karah a inzep phei talh talh a. An bula ava thleng a, a va chibai a, Naomi chu a bekbawr zauh a. Martina pawh chutiang thoin an dak a, min zawng tih hriat takin an hawi valh valh a.
Zuii kan bul a rawn thlen hma deuh chuan Naomi leh Martina chuan min rawn hmu a, Naomi chu a ding khawng lah a, Mopa leh Martina ( Mopa thian) an in bekbawr lai leh Martina hawi zak zak lai pawh ka hmu reng, Zuii kutah dawmin " kan hawng tawh dawn em ni?" tiin a siai zauh a, Zosanga chuan ring lenglawng hian " kiang teh u, an la innei ve vat dawn kan tih kha...Khawnge in ninawm tlat, kan hawng daih mai tur a nia, Lalfak han hau teh hengho hi" tiin fiamthu meinei deuhin Tv lam min kawmtu te hnar pah chuan a ti a. Chumi hnu lawkah Mo awmna lam ah an thum hak a, Naomi let ngat lai an bawihsawm lai leh Martina sen ap ap chunga min rawn en lai ka va hmu a, an lam pana kal ka tum uk nangin Zosanga leh Zuiin min lo pawh avangin ka tumlohna lam zawkah ka kal ta nge nge a. Mi reng reng chuan keimah lam aiin Mo thlalak kaia tlu ta ngawt buaipui mek ngaichang chuan an phawk/tang hra hlawm a.
" A duh lutuk che, Khami zan a i fawh hmasak ber zan atang khan engtik lai pawn a sawi thin che a, i chhuk hma ni a in bazar dun tumte kha a sawi ning theilo. Mahse, kan thiannu U te inneihna a kan kal atang khan Martina nen an inhria a.Martina chu i thianpa a nih thu a sawia, a ngaina nghal viau, Mahse Martina chuan a bulah a fak ngailo che a. Lalhuna tan a beisei ta tlat zawk a. Inkhua ( ka nu leh pa awmna) khua ah Ngaihzawng i neih thute. Vai nula etc i ngaihzawn thute a sawi thin a. Regular takin an leng dun thin a. Chumi hnuah Nila in a kiss lai che kha Mizoram chanchinbu tinah a chhuak ta si a. A lehlamah beiseitu a nei ve reng a. Nanglahin ai rawn be duh bawk silo a. Tun dinhmun hi a thleng ta a ni" tia zuiin min hrilh chu ka hre nawn ut ut a ni ber. Hmeichhe laka ka huangtau loh ziate, Hmeichhe laka ka lepchiah loh ziate, ka ngaihsak ngailoh ziate engkim hretu ka thianpa tia Ka inhmelhriat tir in min phatsan a ka lamlo zawnga a lo khel daih chu mak ka tilo. Ka ten zawk a ni. Mi neinung pak a khawsa kual chi Martina te ang zawng an khawngaihthlak lo a, An tenawm zawk si a.
Thlawhna ah ka thu a, Airport a ka u tenupa leh naute bakah Zuii leh Zosanga te min thlir thaptu bey bey chungin vansang lamah kan invawrh chho lung lung a. Ka thinlung kehsawm vek thawi dam a nih theih nan a hun hman tum ranin Mumbai lam ka pan a ni a. Ka Ipod la chhuakin ear phone ka vuah a, Ka bula thu nu upa lam hrisel hmel zet chu siai zauh pahin hla ka ngaithlak san ta daih a...Tichuan ka thian tia ka lo hmelhriat tirin min phatsan tak vanga ka duhlai ka chan tak tana phuah ni mai awma mawi he hla hi ka ngaithla ta vang vang a.
I was dancing with my darling to the Tennessee Waltz
When an old friend I happened to see.
I introduced her to my loved one
And while they were dancing
My friend stole my sweetheart from me.
I remember the night and the Tennessee Waltz
Now I know just how much I have lost
Yes, I lost my little darling the night they were playing
The beautiful Tennessee Waltz
I was dancing with my darling to the Tennessee Waltz
When an old friend I happened to see
I introduced her to my loved one
And while they were dancing
My friend stole my sweetheart from me....
- Redd Steward. Song by Patti Page