Married to Mr. Nightmare-14

[Lal Rin Awmi KC]

Myra, niminah khan Max-a nen khan enge in tih a?

A zawhna ah chuan ka khawng nghal vek, mak ka tiin ka hlauthawng hle mai.

A hria a ni. A hria. Thupui sawi loh ka tum chu a lo hre tawh reng si a. A tir atang khan hrilh nghal mai tur a nia.

Ka chil chu ka lem a, amah han en tum chuan ka dak a mahse a mit a lo chhing daih a, a insehruhin a thinrim hmel hle mai.

Engkim kha a kal tluang a sin le. Mahse ngatinge kan hlim ve dawn chauh a hlim lohna hi a lo thlen leh thin le?

"Min chhang rawh" aw dam deuhin a ti a mahse a aw dam dan chu a dang riau. Thlipui tleh hmaa thlifim thaw ang hi niin ka hria.

Chhan chu ka tum a mahse ka ka atang chuan engmah a chhuak thei lo.

"MIN CHHANG RAWH, HREP TAK CHUAN"
a aw inthlak thutah chuan ka phu nasa hle mai.Min vawnna atang chuan tal chhuah a amah hlat chu ka tum a mahse min vuan nghet sauh mai si a.

Ka thlan fim chu a tla a, a mit ka han en chuan min lo en reng a. A mitah chuan thinrimna hlir a awm.

"Ka-ka tihpalh" ka aw chu khur deuh ti tih a, za lo deuh chuan a rawn nui a.

Kan awmna inthlak tum chuan min bawh a, ka taksa chuan khum nem tak chu a si a mahse ka hahdam chuang silo.

"Ka tihpalh" ka mit chhung chung chuan ngaihdam ka dil a, bed sheet chu ka vuan bawk a.

"Vawi engzah nge ngaihdam min dil tawh lo turin ka tih che?"

"A nihchuan min ngaidam la" zawi tein ka mit chhing pah chuan ka ti a, ka kut chu a rawn na thut a. Ka va en chuan a kut chuan na deuhin min lo vuan a, thirin a hren ang ni mai hian ka hria.

A nat em vang chuan ka rum deuh hat a ka mittui chu rawn tling a, amah chu ka en reng bawk a. Kan mit a intawng chiah tih chuan min vawnna chu a tih thawl deuh a.

Ka thaw huai a.

A mit meng pawh chu a dam deuh tawh a, chuan ka kut a vawnna vanga sen vek chu a va en a. A hmelah chuan inthiamlohna ka hmu thei, keimah pawh min en lo chuan tukverh hmaah chuan a kal a, pawn lam chu a en char char a.

Ka rilru chhung chu a hlim veng veng mai, a nihna ngaiah a let leh lo a. Muang changin a inthlak a ni. Ka thinlung chu a lawm ngei mai ka mittui chu ka hru a. A hmelah khan inthiamlohna a awm a ni.

Chumi awmzia chu min ngaihtuah ve tihna emo ni le?

Keima zawhna ngeiah chuan ka lai ringawt.

A ni maithei a sin.

"Kha vang kha a nia min hlat tura ka tih che" a rawn ti a.

Ka mit chu ka chhing a khumah chuan ka thu a.

Engtin nge ka hlat theih ang che, Rehan nang chu ka engkim i nih laiin?

"Max-a chu kei aiin a la tha tal alawm. Kei angin a ti na ve lo che a"

A thusawi vang chuan ka thinphu chu rang hle mai.

Engtin nge chutiang a ngaihtuah theih?

Amah hlat tura min tih chhan chu aman min tina anga a ngaih vang a ni maw?

Amah chu muangchangin ka va pan a, a hnungah chuan ka ding a. A hnung atang chuan a tan hmel hle mai, a inhumruh bawk a.

Nui chung chuan a hnung atang chuan ka kuah a, a awm dul deuh a, a inhumruh tawh lo bawk. Ka mit sir atang chuan a kut khur chu ka hmu thei a. Ka kuahna pakhat chu phelhin a kut chu ka zu vuan a.

Kan ngawi char char a, a rimtui tak chu ka hre thei, ka nui a.

"I thusawi kha i theihnghilh ta ami? Nangmah chauhin ka chunga thu i neih thu i sawi kha. Chuvang chuan Rehan, nang chauh hian min tih nat theihna dikna i nei a ni, Max-a ni lo in"

"Chuan tumah nang aia tha an awm lo a chhan chu nang hi ka tan i tha ber ani" ka ti leh a, ka lai deuh lek lek a.

A thawk dan tang chuan a thin a phu rang tih ka hre thei.

"A na ani" a rawn ti sep a, a aw chauh hmel tak ka hriat chuan ka meng phawk vak a. Ka kuahna chu ka phelh a, a hmaah chuan ka ding a, kan in en a.

A mitah chuan natna hlir a awm, chumi ka hmuh chuan ka rilru a lo na em em a. A hmai chu ka kut chuan ka han khawih a. A hmai ka khawihna kut chu a rawn khawih ve leh a, a rawn vuan a. Ka tek chhuai hian ka hria, a thusawi tur sawi zawm tur chuan ka nuih saih a.

"A na ni. A na ani, Myra. Ka engkim hi theihnghilh vek ka duh ani. Ka chhung atang hian min ei ral mek a ni. Thil enge mawni min ngaihtuah chhuah tir renga chu chuan natna chauh min pe a ni" a ti a, a aw chu a lawi deuh lek lek.

A nunhlui a sawi tih chu ka hre thei nghal mai a. Theihnghilh a duh a ni mahse Rehan engtin nge nunhlui hi a theihnghilh theih loh a pawm mai a tha a ni tih hi ka rin tir theih ang che.

Zawh chian chu ka tum a mahse inhawng vek turin ala inpeih lo tih la hria a. Chuvang chuan ka nawrlui duh lo a ni. Engtik ni ah emaw ni chuan min la hrilh vek ngei ang mahse hun a mamawh a ni. A hmasa berah chuan min rin a ngai a ni, in rinna tel lo chuan a in zawm theih tak tak loh.

"Nang chuan engpawh iti thei a ni, Myra. Entirnan nizana ka nuna ka muttui ber zan min pek te kha" a ti a, ngainatawm deuh chuan min en a, a ngeiawm thei tih pawh chu min theihnghilh tir vek thei alawm le.
Ka nui a, a kut chu muangchangin ka la a mahse a kut chu a rawn vuan a, tlemin a hmer deuh a.

"Thu rawh" a rawn ti a.

"Engmaw?"

Khum lam chu min kawhhmuh a, ka lu chu ka bu a, khum sirah chuan ka thu a. Drawer atang chuan first-aid kit a la chhuak a ka bulah chuan a rawn thu a. A thil tih tum chu ka hre chak em em a mahse ka tih theih awm chhun chu a thil ti lai lo thlir chu a ni mai.

Ka ban chu a rawn vuan a, a hmaa a vawnna vanga sen tut chu a kutzungpui chuan dam deuhin a nuai a. A then lai chu a lo pilh a.

"Ka tha alawm, Rehan" a ti a, mahse a ring lo tih hriat nan a lu chu a thing a.

"Aih, i tha lo. Ka bula awm hi hreawm ti lo ang maiin awm tawh suh" nin hmel deuh chuan a ti a, a lu chu a tuai a.
.
.
.
.
Rehan's POV

Vishal-a thusawi vang chuan ka thinrim hle a, ka hnek loh nan chuan ka insum hram hram a.

"Ka office atang hian chhuak nghal rawh. Tunah!" ka vin vak a, ka chal chu ka hmet a.

"Ka kal ang mahse Myra nen a in awm dan khan sawifiah phawt rawh"

Enga? Kan awmdan maw?

"Aw, in awmdan kha. In pahnih khan inkuah rialin in awm a nih kha" a tih chian nizan leh tukina thil thleng chu ka ngaihtuah chhuak a, ka nui ringawt a.

Hetiang em em hian ka la hlim ngai lo mahse ani min kuahna kha thil zawng zawng amah tih loh chu min theihnghilh tir thei khawp a danglam a ni.

[Lal Rin Awmi KC]

Ka mit chu ka chhing a, chair chu ka ngheng a. A nui mawi tak chu ka ngaihtuahnaah vawi 50 vel office ka thlen atang hian a lang tawh ang. Min ti a zo tak ngial dawn. Ka thil hmuh chu a hmel chauh a ni. Ka thil hriat chu a nui ri mawi tak chauh kha a ni.

Hrep tak chuan.

Enge ka chungah hian thleng ta le?

Ka lu chu ka thing ringawt a.

In control rawh, Rehan. Tiang hi ngaihtuah tawh suh.
A dik thei lo.
A tawpah chuan amah tina tu a ni mai mai dawn chuan eng ang chiahin nge tihnat i duh a?

Ka hnar chu ka pawt a, ka sam chu ka tuai thuak a.

Min haw tur a ni asin chuan keipawhin ka haw tur a ni. Mahse thil chu a letling zawngin a kal daih si. Min haw lo ani.

Nang ve, Rehan? I haw lo a mi?

Chu zawhna ah chuan ka tawp chat mai, ka nui lo thei lo.

Tak tak maw? Ani huat maw? Engtin nge ani chauh chu duh i nei a , i huat theih ang?

A nui te, a ngaihsakna te leh a tawngkam dam tak te kha...

Hrep tak chuan.

Henu hi chu enge mawni chu a ni a ni, engpawh a ti thei. Thlamuang taka min mutthilh tir theih chuan engpawh a ti thei ngei ang.

Ani chu min ti hlimtu a ni. A bula ka awm apiangin, engkim theihnghilh a a bula hun hman chu ka duh a ni.

Enge ka chungah hian a tih tak mai le? A mittui tla hmuh te kha tinge a hrehawm em em le? Keimah min hmuha a hlau hmel ka hmuh te khan tinge ka rilru a lo nat? Engvangin nge heng thil teh hrep hi ka ngaihtuah?

Ka rum deuh hat a, ka hmaa Vishal-a nui thawng hmel ka hmuh chuan ka meng phawk a.

"Ka hrilh reng che kha" confi tak chuan a ti a, bottle arawn theh phei a. Bottle chu ka man a, ka hmaiah chuan ka leih a.

"Engtik ni ah emawni chuan in inneihna ka buatsaih hi lawmthu min la hrilh ang ka tih reng kha" mit siai pah chuan a ti a.

Awm dan tur pawh ka thiam lo, engvangin nge kei ang mangchhia chenpui tura min neih le tih chu ka in zawt a. Chu zawhna chu min neih ni atang khan a awm tawh. Enge mawni dik lo chu a awm ani. Min neihna chhan awm tlat hian ka hria a, mahse chutianga duham a ni thei lo.

"Chhuak vat rawh" ka vin leh vak a, tunah chuan engmah sawi lo in a chhuak a.

Thawk ka la vak a, ka hmai chu ka tuai a.


Enge ka tih tak ang?

A bulah chuan ka insum ang tiin ka intiam thin mahse ka bula a awm chiah hian ka in control thei lo ani. Engtin emaw min dawi a in ka hria.

Ka la awih thei lo. Rehan Malhotra hian date ah ka sawm a nia...a diktak chuan ka sawm pawh a ni lo kan in date dawn tih ka hrilh ringawt a nih kha mahse engtin nge chutiang ka ngaihtuah theih le?

"I ngaihtuahna chu a awm dan dan khan kal tir rawh"

A thusawi chu ka ngaihtuahna ah a rawn lang a.

Engvangin nge a thusawi chuan keimahah nghawng a neih len em em? Ka theihnghilh thei miah lo.

Engkim ka ti vek tawh. Ka thinrim bengdaih nan hian mahse khanu khan awlsam tein a bengdai thei si a kei ngei pawhin ka thinirm tih ka theihnghilh phah a ni si a.

"Sir, kan clients ten an nghak reng che a nua" Tara aw chuan min ti harh thut a.

"Kal vek turin ti rawh" ka ti hmuk a.

"Sir? Puih i ngai em?" min thlem deuh ti tih chuan a ti a. Ka han en chuan Myra hmel chu ka ngaihtuahnaah a rawn lang nghal a.

"Meeting zawng zawng kha lo cancel rawh, chuan nang pawh haw tawh rawh, ka nupui min lo nghak tlat" ka ti a, thinrim hmel deuh chuan a chhuak a.

Ka nupui.

Engtin emaw nawm ruk na riau ka nei.

Ngawi rawh.

Tara-i kha. Engvangin nge ka kal tir a? Min ti buai tu tur ka mamawh a sin , ngatinge?

A chhan chu i hriat tawh kha, Rehan.

Kar kaltaa Tara-i nen a kan awm dun lai Myra-i'n min lo hmuh kha ka hrechhuak a. A hmel atang khan a rilru a na tih ka hmu thei. Kawng tam takin ka lo ti hrehawm thin mahse khatiang em em a rilru na kha ka la hmu lo.

[Lal Rin Awmi KC]

Ka laka rilru engmah a put lo chuan engvangin nge Tara emaw midang pawh ka lo awmpui chuan ani a tih nat anga? Ka lakah chuan rilru engmawh a pu theilo hrim hrim, a chunga natna tam tak ka thlen hnuah kha chuan.

Ani chu ka phu lo a ni, ka ta a ni thei ngai lo ang. Ka nunhlui chuan chu chu a phal lo ang. A teuhlo.

Ka chil chu ka lem khawlh a, ka ngaihtuahnaah chuan ka nunhlui chu a rawn lang uar uar a, thlanfimin min bual a. Ka thaw tha thei lo, ka kut te chu a khur a, ka thil vawn pawh ka vuan tha thei lo.

Ni lo. Ni tawh lo. Ka drugs pawh tunah ka kawl si lo.

Ka mit chu ka chhing a, thil dang ngaihtuah chu ka tum a. Ka rilruah chuan hming pakhat a rawn lang a.

Myra.

Eng dang ngaihtuah lo chuan ka phone chu kala chhuak a, ka call nghal a.