HEY NERDY Ch - 11 by Priscilla vl Ralte

[Priscilla vl Ralte]

Chapter 11

by Priscilla vl Ralte





Kan buai zual lai takin nutei hnathawk te an lo thleng a, lawm tak hi ka ni ringawt, Vicky pawh a rawn chhelo nasa mai nidang ai ka hmu chhelo "hey sawpa saw i en nasa riau ania aw, ka nau hi han kawp na teh ka hlap er zawt ang che" min rawn nghawk salh pahin ka thiannu pek chuan alo tia, a nau bak bak a duh ka neilo tih lah a hre der silo "awii.. ani saw duh ni ila i nau hian min chang teuhlo" ka tih chuan min melh nasa mai, ka hlau lo ve chiang emai.




"mate inchhung lamah hian lo awm teh u, tlangval ho khan thingpui vel chu lo buaipui mai rawh se" nutei'n atih vangin inchhungah kan thu ve ta reng a, engmah kan ti pawh ani tawp silo a. Hunserh ang reng kan nei a, nutei ten lawmthu an sawi luam a, nute mawii thawhpui te pawh an thahnem khawp mai. Tu tu te emaw in thu an sawi a, ka mut an ti chhuak vek, thingpui lumna ah te lo awm ve mai mai ila nutei'n min ko lut khanglang a.



Thingpui in hun awmah nutei chu a chhuak deuh vut a, thingpui rawn sem turin ati niang. Alo luh leh hnu lawkah thingpui sem an lo lut a, chutah Samuela leh Nerdy chuan thlangra (buhfai țhapna hi aw) in thingpui an rawn chawilut ta mai, ka nuih chhuah teuh dan chu ka inhup ngar ngar, ka bul ami pawh a nuih aza ngang aniang ka malah a tham ngar mai, ala na em em zui.



Inleng te pawh chu an thawm deuh huk a, Samuela pek chu a nui ang vur vur lehnghal a, an hnungah cement chawhna plate in kurtai Vicky-an a rawn chawi lut bawk a, ka tumloh deuhin ka nui phuh thawt a, min lo en thap mai, aw... ka zak lutuk mahse insum a har em alawm, tlangvak pumpa inla chhelo tawkin cement plate a kurtai ken vu vu mai chu, amah lah chuan zak hmel a pu derlo.



Kam zawn an lo thlen chuan nerdy chuan min melh zawk a, a nui deuhin ka hria. Ka lo nuih var var a, a thlangra ken mawlh mai chuan a nuih ati za.


Tlaiah erawh ruai buatsaih in kan awm ve a, kan buai lutuk chu a nuam lamah a kal in ka hria, tiang ni khua ah hian ka fatu ve ngailo a, a nuam ka ti. Nerdy te nen kan chet ho vang aniang, Samuela lah chuan vicky nen min dem reng lehnghal, nerdy hian a hria ang tih mawlh ka hlau.



Chaw kan eikham a tihfel tur ang ang kan tih fel a inleng te an țin meuh chuan dar 9 ari thuak tawh "ka haw dawn ka dar hi ana lutuk" lalkimi'n atih chuan haw tura hrilh in lawmthu ka sawi luam a "aho e monu hual alawm inih inthlahrun angailo" ati duh lek chauh "nia awiii... ka rawn awm hunah pawh tiang hian i chet reng angau dawn ania, ka chetpui dawn miahlo che" ka ti fiamthu a "het a sawi pawh i sawi zaklo mi, ka chet ai i che vek ang, mo inih anga i tihtur alawm" atih chuan ka lo nui hak "hm.. mo nih avanga i tihai ka tih vek nachhan tur ka hrelo, ka rawn mo hma pawn iti thei a, ka rawn mo veleh i kut ana pawh nilo iti vek tho ang. Mo nih vangin hreawm tuar kher tur kan nilo, mo tih vangin thawh hma kher tur tih inziak pawh a awmlo" ka ti deuh duah a.




"hmelchhenu chutiang em em in ka sawiloh kha, i van lo ngaihtuah thui em em, lungngai suh chutiang em em in ka suallo i duh chen chen i mu thin dawn nia, mo te chu duat tur an nia lawm an sual erawh chuan hlap hrep tur" tiin fiamthu ah ala a a nui zui nghal daih, keiin thutak em em in ka sawi a, an unau hi an lo chut anih hi.




Mutna ah nerdy nen kan inbia a [vawiin kha kan che chhia iti ve em?] a rawn tih chuan vawiin ka ngaihtuah chhuak a, ka nui leh hak [chhe lo e mahse tinge thlangra kher in hman a? tray a awmlo ami?] ka tih chuan [awm a mahse a chhe lutuk a, tuai deuh khan 'heihi hmang mai ang a common lo zawk' ati tlat a] ka nui ri ngam silo a hreawm zawk, kan lal Samuela chuan alo tu zak ve hrep ani maw, ka la vel ang ka bialpa alo ti zak tlat.



ka tih chuan [tuai hnek te chu mipa tih chi a nilo] ve nge hian aw, inla pa ve sia keiin chut ka lo ti em em thung sia [awi.. nia min ngai em?] ka ti daih, engtin tak min chhang ang maw [nangin min ngai em?] phakar e ka zawt hmasa sin le [min chhang hmasa rawh] ka zawt hmasa min chhang hmasa tur ani [ngai e tunah tak hian ka bulah mu la ka ti] awi.. ka tuiral.



Avan thlum ve chiang tak, hetiang te a hnen atanga dawn ka in beisei lo asin [tak tak maw?] ka awih theilo [tak tak e... min ngai em sawi ve tawh rawh] a rawn tih chuan [ngai rapthlak ka ngaih zia che hi ka sawi thiamlo] ka ngai tak tak a ka bialpa ani bawk a zah a ngaiin ka hrelo [engzat percentage in] avan nerd tak mipa pangai chu nise thlum tawkin min chhang let ang mawle, mahse a hemi vang tak hian ka duh lawi bawk sia.




[105/100 in] ka tih chuan nui chunga mittui tla lai emoji alo thawn teuh a, chumi hnu ah [keichuan maw 250/100 in ka ngai che] a rawn inla zei ve chiang mai [vawiin lam i che chau awm sia mu tawh ila] ka mut a chhuak deuh tawh, hetianga ka tih loh chuan kan inbe tlaivar thei ang, biak ka nin vang pawh a nilo ka mut a chhuak ve em ani.



[nia chau ve tho naktuk kha college tanni anih kha aw tho hma la] atih chuan ka hre leh chiah [kal rual ang aw i ruallo in ka kal duhlo ka first day tur ani sia] ka inla no dawn [Imm mahse kan inah lo kal suh aw anu leh apa te hian min chhaih reng a, a nuam lemlo bialnu ka nei ngailo a ka neih chhun ah min chhaih reng a, neihloh leh mai te ka duh rum rum] a rawn ti,awi....he mihring pa hi a ngaihna avan awmlo tak.




[chu inthen i duh tihna ami?] ka tih chuan typing rang lutuk [teuhlo chutiang a nilo ih maw min chhaih reng sia naktuk chu la inngaizawng tho ila, a bak chu break nei ila, kan inngaihzawnna hi] a rawn tih chuan a ngaihna ka hrelo ka bo hu mai [eng nge a awmzia?] ka tih chuan [englo inngaizawng kan ni tho anga a mahse inngaizawng angin kan awmlo ang] ka bo lehzual, eng nge a awmzia 'inngaizawng kan ni tho anga inngaizawng angin kan awmlo tih ringawt te awmzia a nei dawn mawn le.




[ka bo lehzual] ka tih chuan [inngaizawng hming chu kan pu tho anga, mahse break kan nei ang, school kan kal a kan break ang hian, inthen silo in kan inngaizawng hrihlo ang, school ah pawh kan break zawk a, class kan kal leh thin hi, inngaizawng lo angin awm phawt ila kan chhungte hmuhah chuan, min chhaih a reh deuh hnuah kan inngaizawng leh ang] voice ngatin a rawn ti, a rawn sawifiah tha bawk a ka hrethiam uar uar mai.



A thil duhdan chu naupang chhia ka tih zawng tak, mahse a nawm phian ka ring, mi tih ngailoh hian ti ila kan common lo ani mai.

[Priscilla vl Ralte]

(ZAWMNA)


"nute eng hi nge ka hak ang?" ka thawh hlim atangin hak turah ka buai nghal "eng nge maw i buai em em le, engpawh kha ha la i inhmeh vek alawm" alo ti awlsam et mai bawk sia, ka ning "mate hei ha rawh i vun ati lang var lehzual a" nute mawii'n ka room a lo luh pah chuan ka t-shirt senduk chu la kangin a ti a "tak tak maw?" ka ringhlel riau, min nin vangin a sawi mai mai anih ka hlau.



"tak tak e i kalpelh te apiangin an en nawn leh zel ang che" anih loh vaih chuan ka beng chawrh ang. T-shirt chu ka inthawlh sawk sawk a, la tlai viau lo mahse ka first day ani sia kal hma ka duh, nerdy nen pawh kan awm dun rei thei deuh ang, vawiin chiah inngaizawng angin kan awm hrih dawn si.



Dar 8:30 velah chuan ka kal hman der nutei te lah chuan "i nalh lutuk.... college hmeichhia zawng zawngah i chhelo ber dawn" min ti chhen lehnghal, mi fak der te lah hi an thiam si "ka kal dawn" tih leh chhuah ka rual a, hman tawh chunga ina awm reng hi a ninawm.



Nerdy chu ka phone a, ala thei lawklo lehnghal, ka kal dawnin a phal ka ring silo a, tunah ka ti leh anga a lak theihloh chuan ka lut ang ti chunga ka phone leh chuan ala ta hlauh "phaka nge i lak theih miahloh a?" a engah mah hma chuan ka vin em em ringawt "ele chaw ka ei room ah phone ka dah daih alawm, i hman tawh mi?" thawm a ri sawt sawt lehnghal a, a insiam emaw ni.



"hmanna a rei tawh pawnah ka awm lo hmanhmawh deuh rawh" ka tih chuan alo kal at tur thu sawiin kan inbiakna kan ti tawp a. Ka nghak reilo alo chhuak vat a, tukin chu ka hmu chhelo em em lehnghal mipa pangai hmuhin ka hmu...



"eiss... ivan chhelo ve mipa tak tak i ang ve alawm" ka tih chuan min melh hrep, ka hlaulo chiang e, ka pawngsual dawn che pawh ti se ka tlanchhe lovang, lawm takin ka dawh ang, engtin mah min ti ngam dawnlo chiang emai "i bialpa hi mipa angin min lo hmu ngai miah nange?" atih chuan nui chungin "ka bialpa ini lo aw nizanah nangmah ngeiin i sawi kha" ka tih chuan "awia... kan la inngaizawng reng inngaizawng angin kan lang rihlo ringawt ang ka tih kha" insawifiah tum ve lutuk maw.



"engpawh nise kal ang chicks lo chan ka duh ania" ka tih chuan min melh tawp "nangpui hi i lerh dawn tlat ka bulah awm reng thei la tha tur, innei mai ila mipa dang ngaihtuah thei leklo in ka siam ang che" ati thlawt, ka lerh tak tak te chuan ka heti mai dawn asin "het inneih kha sawi tawh reng reng suh, pasal neih ka la tum teuhlo ka la naupang si, ka tana khuanu ruat inih loh phei chuan kan inthen leh vat anga, naupang tein nuthlawi ka nimai dawn asin, chu chu ka duhlo, kinah ka ni but anga pathlawi ka nei daih dawn" ka tih chuan min chhan ngaihna a hre tawhlo aniang, ngawi rengin scooty ah a chuang daih.



"hey i thinrim ami?" pathlawi neih ka sawi hnu khan ala tawng lehlo hrim hrim "hey.." tih pahin a darah ka sawi deuh a "iva ninawm sek e, accident i duh ami? ngawi rengin thu rawh" min ti zek, tawngkam vin a hmang ngailo a, tuna taka min vin ta chu ka hnuk te a ulh lek lek, ka thiamlo chu ka ti mahse ka fiamthu vek ania alo ngai thutak roh sia ka ngei tak tak. Ka be zui tawh miahlo, a sawi angin ngawi rengin ka thu reng mahse ka tah a chhuak lutuk.



Nichina min vin kha ka ngaihtuah chhuah apiangin ka tah a chhuak zel, tunah pawh hei ka mittui a tling leh pam tawh, mahse ka tap chhuak dawnlo hrim hrim. Ka in sut keh hraih thin a, a inthiamlo deuh nge "ka tihpalh vin che kha ka tum ani miahlo ania, i tap lo tiraw?" a tawngkam nem ta lutuk chuan ka tah ati chhuak zual, ka tumloh deuhin ka tap chhuak lehnghal.



Scooty chu kawngsirah a hung rem sauh sauh a, kei ka lo inhru vat thung "i tap ami?" scooty atanga chhukin ka biang alo dawm vat a, kei ka lo hawisawn hmak thung "tap tawh suh i tah chuan awm ngaihna ka hrelo ania, ka chiai vek,ka tihpalh lutuk ka vin tawh miahlo ang che" ti mawlh mawlh chungin min kuah a "break neih pawh kha ka thulh leh, duh leh min chhaih mai mai rawh se i tan chuan ka palzam mai ang, tap tawh suh aw" a aw atang chuan a chiai tak tak anih hmel.



"ka tihpalh" ka tih chuan "i thiamloh a awmlo keima thiamloh alawm, ka vin vak che a tiang khan vin tur che ka nilo asin" ati hap a, a rilru a nuam chiah biklo aniang "a pawilo kal tawh ang" ka tih takah chuan min han en vang vang a, chutah nui suk in ka biangah a piai zeuh a, kan in khalh chhuak lehnghal.




Kan thlen chuan awm an lo nual tawh, kan hma viau emaw tia, scooty a dahfel lai chuan ka lo hawi kual vel a, chhelo kal hun ala nilo aniang ka mit dek zar an la awmlo "chicks an van vang ve" ka tih chuan ka bul ami chuan "chutiang ngaihtuah suh i bialpa ka awmlai rengin chutiang te i sawi, zak rawh hetah hian chicks tih vel buaipui turin i kal lo, lehkha zir turin i kal tih theihnghilh suh" min ti zek, nichin lawk ah ngaihdam min dil khu ruai si, duh hle lo ila chu ka pet hrep ang mawle.




"hei first year room ania keichu khilai ah khian ania, banah kan inbe dawn nia" atia min kalsan daih, min ngaihtuah nachang pawh hrelo, pawilo mipa chhelo deuh ka zawng dawn. Class ah chuan lut lo in ka tei kual a, kei mi pawlawh tih takah meng reng chungin mi ka sut leh tak chawrh kha "awi... ka tihpalh lutuk ka mit hi meng reng chungin alo del leh thin a" tiin thupha ka chawu nghal mawlh mawlh.




"ehe nang chu" tih ri vang chuan ka hawi chhuak a, Vicky lek chu niin ala chhelo em em zui "eiss... iva chhelo ve ka hai dawn che lawm" ka tih chuan "iho e a" tiin a nui suk, a hmel hi chu atha chiangkuang alawm "i class awmna i hrelo ami?" atih chuan "hria e ka la lut peihlo a chicks ka zawng deuh mawle" nui chungin ka ti a "zawn buai angai ami hei i hmaa hi ka din luau hi" tiin a fiamthu ve ngei "chicks hmuhin ka hmulo che ar hmuhin ka hmu che" ka tih chuan a nuih aza ngang mai.