"Keimah ka va lut ang tah hian lo awm ru" ti in kawngkhar ka hawng a Siamtei khum a thu chung a a lo tap zawih zawih chu pan hnai in a bul a ka thut thlak rual deuh thaw in min lo kuah a a tap chhuak hawk hawk mai.
"Ka tihpalh" a ti tham tiak reuh a "A pawilo nakinah kan sawi dawn nia" ka lo ti ve bawk,eng thil chiah nge tih hrelo mah ila engemaw tak vang chuan a nun hi a rum vawng vawng a ni tih ka hria, he ti tak a ti na tu hi ka hre chak ngawih ngawih.
Chutah a tap chu bang in a in la hrang deuh a " I tah zel chuan i hnar kha a lian vek dawn ania " ti in ka fiam zeuh a a nui ve hak tho mai. "Min ngei em? " Bang lam em ngar chung in a ti a " Ngei tehreng mai " ka lo ti vat a a rawn hawi zawk nghe nghe. Ka lo nui a hmuh chuan hmui ti pawrh tarh in a hawi sawn leh hmak a.
" Siamte i thian tha ber ka la ni em? " mak tih hmel zet in min en phawk hra a " Englai atang khan nge kan inkar ah thuruk a lo awm tak le?? " ka thaw hak a ka nui lui sak bawk
" Eng thuruk maw? " a aw chhuak chu a chang tha fal fal khawp mai a lawm hauh lo tih ka hria. A mitmu dum fiak kak a min melh ran chung hian " Thuruk i nei ami ? " zawk zamah hian...
"Keichuan nei lo e..Vawiin a kan taxi chuan na Driver khan kan nghah lai che kha tu emaw chu chulai a a kal a hmuh thin thu leh amah ngei pawn a nghah fo thu a sawi a...i lo hriat ve tak in ka ti mawle.." a lo thaw hawk a
"Chulai chu drugs zuar ho awm na anih thu a sawi bawk tak a sin " ti in dawt ka belh zeuh a heti zawng a ka nawr a nih loh chuan engmah min hrilh dawn in ka hre tlat lo ani "Tihpalh Siamte" ka ti ru vawng vawng mai
Za lo zet in a nui lui hak hak a " Chu...drugs ti thin ah min puh tih na ami? " a rawn ti chang leh fak a
"Awi...i chungchang ka sawi loh kha Driver khan tu emaw a tia ka hrilh chhawng mai che lawm...Ngawi rawh lawk...i lo inngaihbel danah hian i rinhlelh awm riau " ka ti leh phei chu min pawh sawm vek duh hmel a pu tawh.Chutia ka puh chu a rilru a na hle tih a mitmeng ah a lang chiang in a mittui hnam pár chuan a nemnghet bawk.
" I ring em? " zawi sap in a rawn ti leh a a mit a chhing zui daih " Tu chungchang nge a sawi ka hre miau lo a ngaihdan ka neilo " ka ti leh hram...
"Lalruathlu khati khan min chhaih kawi vel suh aw" ka rin loh lutuk in a au tuar a ka phu dawrh mai..chumi rual in kawngkar a rawn in hawng rawk a u Sangtea te pahnih an rawn lang nghal
" A nih chuan enge khalai hmunah khan i tih min hrilh mai ta che...i awmdan mak sawt zia hi ka hre vek eng hi nge i buaina ni a? " ka au khum a ni ber..Kei in a hriat loh pakhatmah ka neih loh lai in ka lak ah zep a nei tlat a chu chuan min ti thinrim hluah hluah.
Min chhang ta lo chuan a ngawi ta daih a " Mate enge a nih sawi la a dang kan lei leh dawn nia aw??" u Sangtea'n a rawn ti a
"Nia..Siamte i duh chuan sawm ni lo za pawh ka lei sak leh mai ang che heti hian awm tawh suh aw?? " u Mapuia'n a rawn ti ve bawk
"Khawvel pum pawh hi dap chhuak vek mah la i hmu chuanglo ang ka tan a a hlut zia hi i hrelo a nih kha mitthi tur in a kutchhuak tawp ber ni tur in ka tan liau liau a a siam a nih kha " a rawn ti ram leh hmak a u Mapuia beidawng leh in thiam lo lutuk hmel chu khawngaihthlak tak ani.
Ka tho a ka khum bul a bawm chu la in a hma a dawhkan ah ka nghat a " Kha u Mapuia'n a lo chhar vek a kan char dawn nia" ka ti tawp ringawt a chhan chu tu chungchang nge a sawi hi chiang tak in ka hria.A kut a a lehkha ken chu ka lam ah rawn lek hnai in ka lo ban vat a.
Remruata boral thu kha ka hre reng a engtin nge hetia a ze danglam thut thut hi ngaihbel nachang pawh ka hriat eih loh theih le...A boral tih kan hriat ve meuh chuan thla khat dawn a lo liam tawh a, râl tur a kan kal a Remruata nu thu lo sawi a hriat atang chiah khan a ni a danglam tak.Zan a mu tlem in Games a khel reng a chaw lah a ei tlem thei em em bawk.Engngatinge chung zawng zawng chu a hma in ka lo ngaihtuah chhuah loh le...
U Mapuia te pahnih chu mitmei in in chung ah kan chho a u Sangtea thaw la leh hawlh thin chu ka khawngaih takzet a farnu neihchhun hi a hmangaih takzet tih ka hria nupui nei tur a an tih chang pawh a " Inpui chang tur te ka nia,ka nau min hmangaih pui thei tur ka zawn a ngai " ti mai thin kha ania,a rilru zawng zawng chu hrethiam lo mah ila tlem te chu ka hre ve in ka hria.
" A lan dan ah chuan Siamtei hian Depression a nei ani " u Mapuia thil rawn sawi chu mak a ti tih hriat zet hian a melh mawl tawp a chutah rawn nui hawk hawk in
"Mapui ka nau hian depression a nei ang a maw?? A theih loh a mizia chu i hriatchian kha a thinrim rih mai mai anih khu naktukah chuan a tha vek ang " a ti ve thung a mahse a aw khur ru dar dar chuan a thusawi chu amah ngei pawh chuan a awi lo tih a ti chiang em em si.
Ka kut a ka lehkha ken zawr deuh tawh tak chu ka lek kang a he lehkha a hmuh ni atang khan ani ka thiannu in a nunphung a hlauh tak "Enge kha kha" u Sangtea min zawh na chu
" Ka hrelo ka la chhiar bik lo a " zawi deuh tak in ka lo chhang a "Chhiar ring rawh" a rawn ti bul hmuk a rál hla tak lam thlir in min hnungchhawn zui daih
Lehkha chu chhiar tum in ka pharh a ka chhiar ta :
" Mate...He lehkha hi i hmuh hunah chuan khawvel ka chhuahsan tawh tih na ani.. tap suh aw keipawh lungawi tak in ka kal ania, mahse thil pakhat ka ngai thin lutuk che chuan min ngaihdam ka ngai ania aw...ngaihzawng dang neih san ang che a awm ka thlang kha khawvel a ka inchhir ber a la ni.Thisen Cancer ka vei tih ka hriat veleh khan enge ka rilru ah lo awm hmasa ber i hre chak em? Chhanna chu maw Nangmah i ni.
Hlim tak a i nui hmel leh tui tak a i mu lai te ka mitthla a chán tur che a ka in dah chhin ringawt pawh in ka taksa pum hi mei alh nasa tak in a kang ni mai in ka hre thin....A vawikhat nan Pathian meuh ka dem hial asin...Fahrah leh rethei tak a ka awm lai khan ka vui ngailo mahse nang ka tawng che a ka hlim in ka nun hian awmzia a nei ve ta ni ah ka lo ngai a,mahse chu pawh beiseina beidawnthlak mai an chang leh ta si.
Min hmangaih zia ka hria ka kal hun a i keh chhe tur kha ka ngai ngam thei ngang lo a,i hmangaihna thlahlel em em chung in i huat ber nih ka thlang ta ani.Min ngaidam dawn nia aw...Kei ang mi chak lo lutuk in ka lo hmangaih che hi "
He khawvel hi keichuan ka chhuahsan tep tawh a nang chuan nun chen tur tam tak i la nei a pasal nei in fa te i neih ni a la thleng ang..Lei ah ka ta ni thei lo mah la Pialral an sawi fo hi a awm takzet a nih chuan i lo thlen ve hun a in then leh ngai tawh lo tur leh ka nupui ni tawh tur in chutah chuan ka lo nghak reng ang che.
Hospital ka awm lai a nangnen kan hun hman dun tawi te kha ka ngai thin..i nui ri te beng ah an cham a,hun chung a thu neitu nih ka va chak tak em...kha hunah khan let a cham hlen ka duh ani.Ka insum thei lo biak tum in vawitam tak ka call che a a tlang thei ngai silo a tawp a tawp ah chuan min block a ni tih ka hrethiam ve ta chauh ani mahse i thiam loh a awm lo min haw tur khan ka siam miau che a...ka thih hma a vawikhat tal i hmel hmuh leh tluk a chak ka neilo asin
Thil pakhat ka ngen ang che..Thla khatah vawi khat tal ka thlan rawn tlawh ve thin rawh aw..a harsat chuan kum khat ah vawikhat tal pawh a pawilo.I piancham ah thil pek ka pe thei dawn silo che a mahse ka theihtawp a uluk a ka siam ve hi i lo pawm hram ka beisei,ka nu hnenah khan i lo dil dawn nia...KA HMANGAIH CHE "
Ka mittui chu hruk nachang pawh hrelo in ka lehkha ken chu ka melh ngawt ngawt a,thil hriatchian tum hmasa lek lo a a biak ka lo khap bur avang te khan in thiam loh na hlir in ka khat a ni ber.
A khat tawk a thaw hawk ri bak thawm dang awm lo in a reh tlawk tlawk mai..mahni rilru theuh kawm in tumah kan in be lo.U Sangtea ngaihtuah muk zet a a vei tawn chhen chu ka en reng a
"Lo kal teh" tih leh ka ban a vawn a rual a inhnuai lam pan in min kai thla a room a kan luh hma chuan ding dat in "Bawihte,i unaunu hi i enkawl tha dawn nia...lut tawh rawh le" dam dap hian a ti a ka hmuih ah fawp in ka chal ah a rawn fawp leh a kal mai tum a che chu a kawngah ka kut pahnih suih in ka pawm bet tlat thung.
"Keimah vang vek ani Remruata leh A nu block tu kha keimah ka ni Siamtei hian a lo khawngaih ang a a lo biak leh ka hlau lutuk a,enge khatia ka lo tih kher kher le.." ka tap hlawp hlawp a nghet tak in min lo kuah thung.
Ka biang tawn tawn ah a dawm a dim zet a min fawp in " tap tawh suh le...khatia i awm ve zel te'n i thiannu saw tunge enkawl ang? Siamtei hian hun khirh tak a hmachhawn mek a a bulah awm in i hnem a,i fuih reng a ngai ania aw...i thei ang tiraw...Mamma" a ti deuh duah a "Mamma" a ti chu ka lai ringawt lehnghal.
"Lut tawh rawh le..naktuk chu hna ka chawl dawn a Siamtei te nen kan leng chhuak dawn nia" min rawn fawp nawn leh a "Muttui" ti in a in her a thaw la ham ham phawt in room chhung chu ka lut a Siamtei lam ka va hawi chuan a lo mutui khawp mai.
A puan tla nuaih ka sin that tir hnu ah ka han en leh vang vang phawt a,hman a nula hmeltha harh leh hlim thei tak chhungkua ti hlim tu ber ni thin kha a a cher in a dawldang em em a,a chhungril thukru in a hmangaih te tan a nui lui hram hram a chung zawng zawng ka ngaihtuah chuan keimah hi ka in hua a chhan chu heng zawng zawng thlen chhan hi keimah ka nih vang ani.
Biak a duh a a chak em em lai khan luhlul tak in ka phal lo tlat a ka block sak hnu ah a biakpawh theih na awm zawng zawng ka tih reh sak vek bawk.Ka ipik lutuk chu awmngaihna pawh ka hrelo ka thiannu nun ti chhe vek tu chu kei hi ka ni si.
Zawmna
En rei duh lo in ka khum lam ka pan san a darkar 4 a liam hnu ah pawh ka muhil thei chuang lo, in let sek in ka rilru ipik leh tawt lutuk chu ka hui leh pap thin awmzia a awm silo.
Siamtei tap thawm ka hria tho vat in ka pan a a bul ah inthawlh in a hnung lam atang in ka kuah a chutia ka kuah tak ah chuan rawn in let thut in min kuah a a tap ta hawm hawm mai. Insum tur bik ka awm chuang lo zing dar 4 velah chuan kan tap dun ta tlawk tlawk mai ani.
Rei tawk fang inkuah rial a kan tah hnu ah kan lungchhiat zual pui a reh ta deuh bawk a in thlah in " Siamte..ka tihpalh aw keimah vang vek ani " a mit ah pawh en ngam lo in hnuai lam ka bih ngar a
" I thiam loh a ni lo " ti bawk mah se ka thiam loh a ni tih chiang tak a hre tu ka ni "Naktuk ah thlan ah chuan kan kal dawn nia, engmah hre lo a ka vin vak che vang khan pawi ka ti min ngaidam rawh aw" ka ti leh a
" Engmah ka hrilh lo che a i thiam loh a ni hleinem... Inhmuh a duh thu a sawi a a ngen a min ngen lawm lawm lai khan lo va kal ila tha tur " hnuailam bih a in sut faih faih in " Engkim hi ka thiam loh vek ani" a ti leh a hnem ngaihna ka hrelo a han sawi leh chuan tur ka hrelo
Keichuan Engmah neih nei lo mah ila ka thinlung a hlim a, a ni chu engkim nei chung in a thinlung a rum vawng vawng thung.Engkim zawng zawng ai a nun hlim neih hlut zia hre tu ka ni a tun a ka thiannu tawrh hrehawm zia hi ka hre chiang hle bawk.
Ka hun harsa zawng zawng ah khan ka bul ah awm in thu tam sawi lo mah se a thiam leh theih tawk in min enkawl a,min fuih thin.Tun dinhmun ka thlen theih chhan ani tih ka hria tun ah chuan ka ba ka rulh hun a ni ve tawh a,a bul ah awm in ka chung a a tih ang ai a nasa kha tih sak theih ka tum tlat ani.Ka tan Nu leh Pa, laizawn leh nuta,ka thian nih a kawp a min tih sak ang zawng zawng kha ka tihsak ve thei kher lo anih pawh in ka pek theih ang zawng zawng chu pek let ve ka duh ani.
Remruata chanchin lo sawi tur a hrelo a,a sawi hnu pawh a sawi nawn leh thin a ngai takzet a,a hmangaih a ni.Ka hriatchian tak em em chu in hmangaih tur hian hun tam a lo ngai lo tih hi.
Dawh thei tak in ka ngaihthlak sak a, a ni'n a sawi siam siam reng thung a chang in kan nui a a chang in kan tap leh rih thin chuti chuan kan tlaivar ta zak mai. Amah a hrehawm tak a a lo pai thin te a han sawichhuak ta chu a hmel en pawh in hahdam ta deuh hmel a pu in ka hria chu chuan min ti hlim em em bawk.Vawi za tam pawh sawi rawh se ka ngaihthlak sak zel ang.
"Siamte ngatinge engmah min hrilh lo a nangmah a i pai tlat chhan kha min hrilh teh" ti in a rilru ka kai peng ta daih a " Ka hrelo...hrilh che kha ka duh lo tawp ani mai mahni inthiam lo a i awm te kha ka hlau a" a rawn tih chuan ka thiannu chu chhuang zet in ka melh tawp. Hetiang hun ah hian kei min lo la ngaihtuah thei hi a mak in a chhel zia ka hmu chiang kher mai.Ka zak lek lek zawk
" Ka thiam loh alawm...min haw ngawt ang tiraw keimah vang nilo se chu in inbia ang a engkim a tha ni mai tur " ka kut ah vuan in a lu a thing nak a " I thiam loh a awm lo min ngaihtuah vang ani tih ka hria alawm i lak ah thinrimna engmah ka nei lo a chutiang chhan tur lah a awm lo bawk " a mitah tak ka en a henu rilru that zia hi a mak ka ti zawk.
" U Mapuia khan hrehawm a ti viau ang a...ka thinrim thut a khati khan ti tur ka nilo asin " a hmel ah chuan pawi a tih zia a langchhuak hial " Kan vai in kan ngaihtuah lutuk che...i la hria em hman a ka bialpa vang a ka buai vak lai kha kha lai khan awm lo la chu i bul a thu tur hi ka awm tawh lo ang.Ka tan khan engkim i ni a ka chak na i ni, ka bulah awm in min fuih reng a ka tah in i tap a ka tan i lungngai thin a nih kha tiraw?? " A lo bu nghat a
"Ka chhungkua chu nang chauh kha i ni tunah hian khatia ka awm lai hun a i awm thin dan ang chiah khan i chhungte zawng zawng hi an awm a, han ngaihtuah chiang teh i chhungte hi i khawngaih em? Remruata chu a kal tawh hetia a hmuh che hian a lawm i ring em? Hlim tak in awm la a duh em kha tiraw..." a ngawi vang vang a chutah
" Ka u emaw i in ti law...ka zilh e te min tih va mu rawh ka mut a chhuak " ti in min nam pawp a a mut thlak hma a a nui tih ka hmuh chuan ka hamhaih lutuk pawh a reh ta hlim tak a nui var var in a bulah ka inthawlh sawt sawt a "A va mak kal rawh i khum ah va mu rawh" a tih leh pawh ngaipawimawh duh lo in " Ka ngai che ka lo mu dawn " ka ti ta tlat a amah chauh a a lo tah leh ka hlau ani.
Eng eng emaw sawi in kan meng ta reng a ka lo muhil daih ni tur ani ka harh leh meuh chuan ni a lo sa ut tawh sana ka en vat a dar 10 a lo ri vel chiah chiah a, Siamtei mutna a lo ruak hiai chu en in mahni te chuan ka nui var var reng a.Tho chhuak in ka in tih fai zawh ah ka chhuak thla a, u Mapuia leh Siamtei darthlalang keh them nen a an lo buai dun mawlh mawlh chu pan in an bulah ka va thu a
" Morning ka duat " ka biang a rawn fawh pah a u Mapuia min rawn kuah na chu ka lo kuah let ve vat a Siamtei lo " hmmm " nasa lutuk leh meng rang nasa lutuk chu mit ka siai khum zeuh
" U Mapui ti vat vat ang ka siam that sak vek ang che i ti ni lawm ni " a vin hlar hlar khawp mai nui put put chung in glass keh them darh nuaih chu char khawm a tum a ni awm sia...ka lo huphurh ngawih ngawih
Choka a lut in eitur ka dap a u Mapuia nu leh pa therapy la tur in an kal bawk a kan pathum chauh in kan awm a nih hmel.An thil tih na bulah thu in an che vel chu ka thlir nileng a ni ringawt.
Dar 3 velah kan chhuak a pangpar kan lei hnu ah thlanmual pan in kan tlan leh a Siamtei chu a ngawichawi in biak pawn min chhang zeuh zeuh chauh.Thlanmual kan thlen chuan hma hruai in a kal a u Mapuia nen a hnung ah muangchang in kan zui thung.
Thlan tharlam tak zawn ah ding in a melh ngawt ngawt a a tap hlawp hlawp , kal tum a ka che chhuak tur chu u Mapuia'n min lo dang a " Nakinah kan zuk pawh dawn nia " ti in kan chhak deuh a bung kung lian zet lam chu min pan pui ta daih a.
Minute sawm vel kan thut hnu ah chhuk in Siamtei pawh pangai tak in a lo awm tawh a a pangpar ken leh ka ken chu rem tha mawlh mawlh in a ding chhuak a " Minlo nghak rawh aw ka lo kal ve vat ang " ti a in her in a kal a,vawikhat mah a rawn hawi let lo
" Lo han zui rawh ka rawn um ang che u " ka tih chuan a bu nghat a
" Remruat...ka tihpalh aw min ngaidam hram dawn nia...a bul ah awm in engkim ah ka tawiawm zel ang rawn ngaihtuah suh " ti in ka phun sep sep a ka mittui rawn luang te chu hru in ka chho ve ta vat a, ka thlen chhoh hnu rei vak lo ah kan haw leh nghal a kawng tluan chuan tumah kan in be lo.
Zanriah ei lai chuan Siamtei pawh a tawng ve leh bawrh bawrh tawh a , kan boruak rit ru tak pawh kha a zia leh ta viau mai.
NACHHAWKNA CHAPTER-30 & 31(LAST CHAPTER)
Moderator: writers
-
Lalmeiji Hriatpuii
- Posts: 63
- Joined: September 9th, 2022, 8:51 pm
-
Lalmeiji Hriatpuii
- Posts: 63
- Joined: September 9th, 2022, 8:51 pm
Ni a liam a rin ai tak in a tuar dam thei viau mai Krismass pawh hlim tak in kan hmang zo a Siamtei te chhungkaw bul ah hmang fo mah ila tun ang a ka thinlung tak a chhungkua ang a ka en hi a vawikhatna a nia nuam ka ti in ka hlim takzet.
Pa Zuala'n Present ah káwng dawm na min pe a " i dul a len tak tak hunah chuan i káwng a na fo dawn an tia " nui put put chung a min pek pah hian a ti a,ka lawm takzet. An nu in designer bag nalh deuh min present bawk a an vai in present tha tak tak ka phu loh hlir min pe a ka phu lo ka ti in ka lawm bawk si.
Zan ah inchung ah Siamtei leh u Mapuia te nen kan awm ho a, ka chhuah vah hi pa Zuala'n a rem ti thlawt bawk silo nen bial a zim duh ngar ngar khawp mai. Siamtei beer rawn phawrh lai a ka lo phur vei nen u Mapuia'n bawnghnute ka hma a a rawn chhawp tak hmak ah chuan ka hnual nghal rawih rawih nimai hian ka hria.
Hetiang bawnghnute tun ang zan a in ka peih reng reng lo Siamtei ka signal keuh a a lo man rang nasa, u Mapuia chu eng eng emaw sawi pui pah hian min pe ru zeuh zeuh a min man ang tih hlauh na nen a hma ang a ni thei tawh lo.Nuam tihna ka nei lo a, chu ai chuan ka lo in kher kher kha ka inthiamlo zawk.
Rei fe kan in kawm hnu ah chhuanlam siam in Siamtei'n min kalsan a " Min en teh " a ti hriam hrak ka tha a khur nghal der der bawk en ngam lo in hnuailam ka phone ka khawih san daih a " Min en rawh ka ti che em? " en loh ngam chi pawh a ni tawh lo.
Ti ru tak chung in ka en a a rum nghut " Thu awih hi a harsa viau thin ami? " Seh chilh nak in a ti leh a hrehawm ka ti lutuk chu sawi ngaihna pawh ka hrelo " Ka tihpalh " ka ti ta ringawt. Ka dar tawn a dawm chung in " Bawihte... Kan naute hi a la te lutuk a khatiang kha a tan a tha lo thei chuvang in i in ka phal lo " ka bu nghat nghat a min rawn kuah in ka sam ah a chul hliau hliau. Hei hi ani u Mapuia ka duh em em chhan chu a lungawi loh pawh in tawngka vin min hman khum ngai lo a, a mize dam dup reng mai vang hi aniang a hmangaih nih hi a nawm em em.
" Naktuk tuk leh ah Champhai ah ka nu te thlah in ka chho ve dawn a " a kuah na atanga tal chhuak in ka melh mawl tawp " Khatin awm lo teh ka cham rei dawn lo karkhat hnu ah ka rawn haw leh ang " thaw hawlh in "umm" tih zawng ka sawi thung. Ka lo phal loh chi a nilo tih ka hria mah se engmah min hrilh hmasa lo in thutluk na a siam tawp zel a min rawn ve tal ka beisei vang ani.
" A tau leh ta... Khatia i awm reng te chuan naute tauh hrat deuh kan nei mai tur asin " ka lungawi loh na a ti zual ting " I duh loh leh i nei ve lo ang a nimai lawm " ka chhan dan chuan a thawng tih hriat zet in a nui hmel a tawp chawpchilh nghal a " Engmaw? " ka nui lui hak " I hriat chian kha " ka hawi sawn san hmak
" Bawihi...min biak that loh chuan thlem dan tur che ka hre miah lo ania khati khan awm reng lo teh " ngeiawm lutuk in ka nui " Thlem ka ngai lo " a thaw hawk a min kuai her a,a chal a ka chal rawn nawr in " Ka dawhtheihna hi fiah kher tum suh " min fawp zui nghal thildang sawi leh na hman awm lek lo in min fawp bawrh bawrh a, ka insum reng thei bik lo a tawp a tawp ah chuan ka chhang ve ta nge nge a
Min thlah in a nui zui suk a ka chal ah rawn fawp leh in " Min lo ngai ngawih ngawih rawh aw nitin ka lo be ziah ang che. Khawmaw a vawt si chhuk ang " min kai nghal hmak a. Room pawn ah thu ho deuh deuh sawi in a ding reng a " u Mapui lo lut ve la " ka sawi zo hman manglo rang lutuk in a lut nghal vut a ka nuih a ti za reuh tak tak.
Siamtei muthilh hnu pawh chuan a la awm ve reng " Ka hmuh hmasak ber che khan hmeltha ka ti lutuk che a, Sangtea dawr a ka rawn kal chhan pawh kha hmuh leh che ka chak vang anih kha " a nui hawk hawk a chhungril ah hian a nuam ka ti veng veng
" Police station atanga min rawn call khan misual i tawng emaw ti in ka hlauhthawn zia chu " ka nui zui awr awr a " Saw nu vang saw alawm a ke ti na lo se chu i pawisa i chan miah lo ang " a mu tawh chu ka melh rum vak vak awmzia phei chu a awm lo nasa viau.
" Ka hlauhthawn ber i hre duh em? " ka duh thu ka lo sawi nghal vat " Kan naute hi nangmah ang a kawlhrawng a rawn nih hi ka hlau ber mai, thlamuang hian ka awm hman miahlo ang a " ka chum nghal pawp a a nui zui huk huk " Ka'n kal tawh ange mu tawh rawh " tho in a zi ar ar a " Hetia awm reng lo hian khum khat ah mu dun thei tawh ila " a ngawi vung vung " Kar leh ah hian innei mai ila..a tha dawn hle mai naktukah ka pa ka sawipui nghal teh ang " a thutak hmel em em mai lehnghal.
" Lehkha tar ve phawt te a ngai ang chu kal mai mai teh " ka nem zui nawk nawk a a duhtawk a min fawh leh hnu ah a kal thei hram.
In a awm reng ka ning nen Siamtei sawm in dawr ah kan kal a nileng chuan kan va awm ve ta reng.Counter a ka thut lai chuan u Mapuia ka hmuh hmasak ber ni te ka ngaihtuah chhuak a tun a ka thutna a thu chung a min lo nuih sang lai te chu mitthla ah a rawn lang thar uarh uarh mai.
Bungrua a rawn thlen dawn avangin u Sangtea chu nghak lo a haw mai kan tum a u Mapuia kan in lam tir a kan thlen hnu rei vak lo ah pa Buata a rawn thleng ve bawk a " Mate zanin chu Committee ka ngai a i u chu nghak lo mai ang u " tiin room a pan tlang nghal. Keini pawh choka ah lut in chaw ei kan siam nghal zung zung a
"Kumthar chu khi lam ah kan hmang ang e thil tih tur a tam lutuk " pa Zuala'n chaw ei lai in a sawi chhuak a pa Buata te nupa chuan hnialna em em an nei lo " Palai te pawh chu rawn kal vat se la a tha ang kan Hlimpuia hi a hmanhmawh vut vut tawh riau a " a tih zawm nghal zat. Kei ka laih khaw loh em em lai in a engahmah a thawk ve lo nge ni a awmdan chhete pawn a danglam eih lo.Tlangval Senior ho tak hi chu engkimah hian an confi hrep mai zel
Zanah a thawmhnaw ken tur ka siam pui a " Dah hnem vak duh suh khitah a awm teuh alawm a rit mai mai " a lo dah let leh zel a tawp ah chuan pathum vel chiah a ken tur in a thlang leh ta nge nge.
" Minlo ngai angem? " Khum a min pawh thut pah hian a ti a " Um ngai dawn lutuk...ka ngai nghal che " ka ti let " Min lo be ziah angem? " ka ngawi det a minlo melh kha kha " Nangman ka lo be ziah ang che i tih kha " a nui deuh
" Minlo be ve ziah tho rawh ka ngai em em reng dawn si che a, ngeee ka hruai ve daih dawn zawk che le? " a ti leh duh tak tak dawn in ka hria " Awi...a ngai lo palai te an lo kal dawn kha ka awm a ngai alawm " hetia ka tih loh chuan min hruai a tum leh phet ang.
" Ka nupui ni vat la, zantin i bul a mut ka chak tawh " mipa naupang vui vel hi a ang lutuk
" u Mapui min hmangaih reng thei angem? hei ka sawi awmzia chu midang in neih san ang te hi keichuan ka tuar thei lo ang.Ka neihchhun ngawih ngawih i nia tumah dang ka neih loh hi i hrechiang chung pawn min hmangaih reng thei ang tiraw? " min kuah a a ngawi vang vang min chhang dawn lo emaw ka ti hman hial
" I pitar thleng pawn ka hmangaih ber i ni reng ang.I neihchhun , i innghahna awm chhun nih reng hi ka duh ka tan a i hlut ang chiah hian i tan a hlu nih pawh ka duh a,nang leh kan naute tan hian englai pawn ka rinawm reng ang " min kuah mek tu mipa hi ka ring tawk a a sawi ang hian a awm ngei ang tih ka hria.A hmangaih nih hi a nuam a,chu ta chén chu a hahdam thlak ngawih ngawih bawk.
Zing a lo nih chuan an chhungkaw thum te in Champhai pan in an chhuak a an chhuah dawn ah pa Zuala'n cheng sang nga lai min pe a ka tang tlat chung pawh in " I tan ka pe lo che ka tunu tan a nih kha a ei tur tha deuh deuh i lo lei dawn nia " a ti tlat a, pa Buata te lah in la mai tur in min lo ti ve bawk nen han tih ngaihna vak awm ta lo chu zak deuh chung in ka la lo thei tlat lo.
An kal liam tur chu ka thlir reng a an kal ta chu a reh tlawk tlawk kher mai hawi na lam apiang an sulhnu a ni vek a,thutthleng a thu chung a pa Zuala mi tir zuah zuah lai te chu mitthla ah an lang awn awn mai, tih tur awm lo lutuk ka hna ber pa Zuala a haw daih tawh bawk si ka awm thiam lo eng eng emaw ti in ka che ve sek a Siamtei leh a nu in min lo hau ve reng bawk.Hna ka thawk deuh a an hriat chuan min hau zel bawk si ka awmdan chu a lai vel vek.
An chawlh apiang in minlo call a an tluang ani tih han hriat leh thin chu thla a muang deuh.Pa Zuala ber pawh ngaihtuah ngai in a awm lo a ni awm a, u Mapuia min lo call lai te chuan " I va han tenawm e aw.. khati em em a ngaih tur a nilo mipa chu in lak ve tlat tur chuan hmeichhia in an duh hluah hluah thin a ni ngai " ti te'n a lo tawng leh lung lung mai thin a a aw hi thum viau e tilo chuan a ring leh viau lawi bawk si.
Thlai chaw ei kham a ka mu chu ka lo muhil daih ni tur ani ka phone ri ah ka harh a u Mapuia hming ka hmuh veleh chhang in an thlen tawh thu a rawn sawi a " Ka ngai lutuk che " a ti pah zeuh bawk " Hlimpui che vat teh i uchuak emai " lo ti khur khur tu chu sawi ngailo in a chiang viau u Mapuia zak lo thei lutuk hi ka zahna ti tam tu pakhat a tling ve hrim hrim.
Zan rei deuh ah kan in be leh chauh a a chauh ka ring bawk sia " u Mapui ka mut a chhuak e...naktukah inbe mai ila " ka ti ta tawp " Min ngai hle mai a tha lawm " tih leh phone dah a rual a ka va han ngei reuh tak amah ka ngaihtuah vang a ni reng sia.
Call back leh in " Nge khatia i tih tauh ringawt a " ka ti nghal tawng " Ka tau lo " hmmm van daw peih tak " i tau reng "
" Ka ngai em em che a...i muhil char char tih ka hre reng ka ti harh duh lo mai mai che anih kha a pawilo mu rawh " amah ka ngaihtuah vang tih hi a hrethiam thlawt lo in ka hria " Aw ...i chauh ka ring a mu hma la ka duh alawm mawle...nih leh mu tawp suh zankhua in inbia ila nimai lawm i tauh phah ai te chuan " thinrim bawk si kan awmdan naupangchhia lutuk vang a nuih za bawk si chu ka in hum ruh ngat ngat
Ka tawng char char a a lo ngaithla thung sawi tur hi a hrelo ve thei ngawt mai a khat tawk in a lo " umm " dut dut a darkar khat vel zet hnu ah chuan a muhil ta nge nge off ve vat in keipawh ka mu a, zing a kan in biak leh na ah min mut san vang khan ngaihdam min dil a, a pawinloh thu hrilh in ka ngaih thu ka hrilh zawm zat.
An haw atanga zan thum na ah palai an rawn kal ya ngei a in rem sa kan ni bawk a a ni tur an ruat nghal hmiah. January ni 23 an ruat ta ka phur viau rual in ka huphurh lawi a, man ei tu tur pawh nei mumal lo a pasal han neih tawp mai chu ka rilru kilkhat chuan phat rual loh in a hreh alawm.
Siamtei bul a ka sawi chuan a lo ngai ho em em mai " Man eitu te vang a pasal nei tur i ni lo, i hmangaih avang leh chhungkua i din dawn avang a nei tur i ni.Man ei tu tih vel kha buai buai a ngailo " a ti hmiah mai a a thlir na atang chuan a dik viau mahse thil hi a tawng tu tan lo chuan hriatthiam loh chi hi a lo awm ve bawk sia a dem awm hran lo e.
Nitin zantin kan inbia a a hma zawng ai in kan in ngai zawk hial in ka hria kan inkar zau ru deuh thin pawh kha a bo tial tial a,engkim kan sawi dun thin. Kan inneih ni tur an ruat fel tak ah phei chuan a phur in min ngaihtuah zual a, a nu leh pa pawn a khat tawk in min be ve fo bawk.
A nu chuan an in a kan zin tum a ka pangpar ngainat ber min zawh khan Venus Fly trap kha ka tia a lo chah thleng tawh a thlalak te min rawn thawn in video in rannung a man lai te a lo cover a kan hlim pui dun ve thin hle.
Kar khat a awm hnu ah u Mapuia pawh rawn chhuk a ni hnih vel a cham hnu ah chawlh la in a chho leh a inneih na tur vel ah a buai viau mai. Keichuan mi tlem te sawm a tih mai mai ka duh lai in an ni tum dan erawh ropui thei ang ber a ni tawp.
U Sangtea'n nula pakhat min hmelhriat tir a bialnu a lo ni awm e, a hmeltha vak lo na a a felna leh a nui sang reng mai chuan a ti hmeltha ka ti mai. Makeup Artist a lo nia a chei tawh ho mi hmuh tir chu ka lawm ngei mai.Mawi ka tih thu ka sawi chuan a ni pawh a phur nghal em em a kan inneih ni ah min chei tur thu a sawi phei chuan ka lawm takzet.A dang zawn buai ngai miahlo tur chuan min ti hahdam huai mai.
Mo kawr hawh tur kan ti fel tawh bawk a thaw pawh a veng ve huai mai. Inneih nan ni tlem te chauh a awm tawh a ka chhawm tur vel leina tur ka nei ve nual bawk a Siamtei nen nitin kan chhuak a ni ber.
Kan buai mawp mawp a u Mapuia nen pawh kan inbe tam hman ta meuh lo.
U Sangtea thiante thenkhat in nuta man ei an lo chuh a, nu Muani leh Pa Buata thian te pawn ka mal zia hria in min khawngaih nge kei ni'n nachang hriat loh bak ah kan beisei ngam loh tehlul nen an ei theih tur ang apiang ah ei tir tur in an rawn in sawi lut zawk a, ka zahna leh lawm na chu a in chen hial ang.
Ka man hlan ni a lo thleng a ka phu loh tha tha min pe hlawm ka tap chhuak lo chauh.Ka nu leh pa te ka ngai em em a " La awm ve se " ti in thleng ngailo tur duhthu ka sam awl lo. An thlarau khan min rawn thlir ve angem le? ti in ka hmuh loh tur zawng in ka hawi kual a, atthlak ti lutuk in ka nui leh nge nge thin.
Inneih nan ni hnih chiah a awm ta; Champhai pan in kan chhuak a, in kalh a zan riak a chhuah a tha lo an tih avang in u Sangtea'n in a lo nghak a inneih ni ah a rawn chho ve chauh dawn a nih hmel.
Siamtei,Kei leh u Mapuia a hnung ah kan thu a Muanzuala a hma ah a thu thung a, fiamthu a thiam reuh phian bawk a rui miah lo in Champhai ka thleng ve zak mai.
In lian lem lo tak mahse a lan dan atang reng pawh a uluk tak a sak leh design tih hriat ngawih ngawih kawt ah kan chhuk a ka pa zawn te in ani tih an sawi chuan ka lo aw liam ve puat. Kawngka lu chung a Upa Lalhmunsiama tih lo in tar váng mai ka hmuh chuan ka thla a muang nghal sawt in ka hria.
Pa la valai hmel zet leh a nupui ni awm tak ngo vang mai an rawn chhuak a pa Buata te nen in chibai in kei min hmelhriat tir bawk a, fanu tleirawl te phir hmeltha zet zet Clara leh Sofia an lo nei bawk. Inchhung ah lut in thingpui kan in ho te te a, u Mapuia te pawh an in lam pan in an chhuak ve nghal.Pawn thleng thlah in inbe tur in kan in chah a Muanzuala leh Siamtei erawh an dan ngai te in an lo in melh rum leh viau tawh thung
Phir unau te chu an inang reuh viau na a Clara chu a hmai a sawl deuh a Sofia zawk erawh a hmai a bial karh thung. Mikhual kan awm deuh nual a hmun dang dang ah thleng darh mah se ka pa te inah chuan kan la awm nual tho. Sofia-i te unau room kan thian dun in kan tawm dawn a an lo lawm phian leh nghal.An room chu inhnuai ah a awm ve thung a varandah zau tawk tak pangpar chi hrang hrang an hun tlar put te, chuta tang chuan ral hla tak a tlang te chu hnai te ang in a hmuh theih bawk.Tlai ni tla tur sen phut nen a boruak a zo in a thiang kak a khaw hawi vel pawh a nuam phian.
Mo kawr kan han khai chhuak chu mawi an han ti dun khawp a Siamtei hak tur nen chuan an han khai khin vel a " u Ruatruat...nakinah kan ha ve chhin ang aw " ti ten an ri chul a unau nei ngailo ta chu keipawn ka ngaina dun nghal em em mai, eng eng emaw sawi in ka pasal tur chhelo an tih zia te an veng hmeichhe ho in an star nasat zia te chu ha hip in an sawi siam siam reng a, vannei min tih zia an sawi tel pah zeuh zeuh bawk.
" Awi...u Mapuia te chu ka nei tur hi a vannei zawk alawm " fiamthu deuh in ka ti a " Nia...nangpawh i hmeltha e..i fel hmel bawk si in inhmeh dawn e.." an ti leh lawi a ka nui ho leh dar dar thin. Tui lum sa ver vawr a ka inbual zawh ah khumah ka ka tlu zal ar ar a Siamtei inbual zawh ah ei rawngbawl pui tur in inchung lam ah chhuak chho a, an lo phal lo nasa mai.
" Ka pa ti in min han ko veng reng reng teh " a tih tak tlat ah chuan tim dai hian " Ka pa " ka ti ve mai a, inchhung a awm ho te an ri dar dar a nupui pawh ka nu ti in ka ko thlap a, kan in hnaih phah ta deuh sawt pawh in ka hria.
Zanriah ei dawn ah inkhawm na hmang in thu tha min fah pah mawlh mawlh a, nula an lo nei bawk nen thleng sil kan han tum viau pawh in an phal tlat lo mahse thleng seng fel ah kan pui lui ta tho a, minlo hau chhen lehnghal.
Zan lamah u Mapuia nen reilo te kan in be ve hman tawk a tuk tuk leh ah chauh inneih a ni bawk a hahdamna hun kan nei hnem deuh. Kan chau ve deuh bawk a kan mu hma kher mai zing hma deuh tak ah ka harh a ka kawng kham ur reng pawh a zia ta.Dar 9 vel ah chhuak in khaw fan na hun te kan nei a, ka nau te lah chuan min kal pui chak na an ngah nasa mai si...kan thlen tawp chin apiang ah thla lak an duh a hmelhriat an ngah in an hmeh tir mai tur lah an hre thei.
Reharsal neih kan ngai nen dar 2 vel ah kan haw ta hram a in ti fai zung zung in ka nu thingpui minlo pek te kan in leh te te a, kawt ah motor ding thawm a rawn awm hnu lawk ah a rawn lut a a dress inhmeh thei lutuk hi ka lo en leh veng veng zel.
Siamtei min nghawk sawk na avang in ka harh zawk a a lo nui suk suk duh chauh.Thingpui te an in leh te te hnu ah kan chhuak a an Biakin chu a mawi in a lian khawp mai.
Pastor in tih dan tur vel min han hrilh a,kan han ti chhin vel chu ka nuih a za tlat a Siamtei lah chuti bawk.Kan chhuah hnu ah Muanzuala'n a tak a thlen hun a nui miah lo tur in min hrilh ghal mawlh mawlh a, min vo lawk ani zawk mah.
Zan ka mu te chu engtin emaw hian ka awm a ka muhil thei reng reng lo ka helhhawlh in ka hria kan inneih hun tur ka han mitthla a ka mur leh chuai thin.Tiang reng reng chuan ka let kual sek a mu thei thlawt hek lo u Mapuia ka call ta tawp a lo chhang thei lo lehnghal " Tun ang hun ah te engtin nge maw tui tak a i la mut theih ni " ka phone melh nghek in keimah chuan ka phun chiam.
A rei a rei ah chuan ka muhil ve ta mahse ka mutui dawn chauh tih ah Siamtei'n min rawn sawi harh a a lo inbual zo diam tawh. Peihlo lutuk in ka tho chhuak a "Engnge maw dar 11 inneih ni si zing dar 6 a inchei tan a ngaih kher ni ? " Ka phun zui nang nang
Ka sam ka chhem ro lai in u Sangtea thiannu kha nula pahnih nen an rawn thleng a pakhat zawk Lawmkimi a tih chuan ka sam chhem lai chu min rawn pui sawk sawk a, inchei kan tan ta eng eng emaw an hnawih mawlh mawlh a ka taksa lang tur chin zawng te nen chuan foundation an hnawih vek.
" I vun a va tha ve i ngo phian bawk sia mo hi chu hnawih hnem deuh hlek in ngai thin a, i inhmu thiamlo ang tih ka hlau...mahse lungngai suh natural thei ang ber a i lanna tur in kan ti dawn nia " a nui pah sang mai a a mah a inchei dan zawng zawng nen a zahawm vei thlap lehnghal
" u Annie i duh duh dan in min chei rawh ka confi vek " a nui zui har har a " Sangtea sawi kha a dik tak tak hmel in hmel en ang in nilo a ti nia aw " a ti a a sawi tur awm ang chu ka hre mai " Police station te kha ka lo hria a ka tan thei teh mai che u sin " Siamtei rawn au hlut " Awi...kan Sang chengkawla chu a lo va han tawngthei ve inah lem ngawi reng zel si " a rawn ti ve a kan nui zo leh ta vek
" In chanchin lo hi chu sawi tur a hre ngai reng reng hleinem ka farnu te hlimna ai a duh hi ka neilo a ti thin alawm " ka mittui a hnai tih ka hria " Khatiang i sawi zel chuan ka tap anga i chei sa hi a chhe vek mai ang " mood thlak tum in an intawn dan vel te ka zawt zui a a sawi tha duh phian.Ka hmuh dan chuan u Sangtea zûn ah hian nasa tak in a uai ani.
" Hmanhmawh lo in ti ang u pressure nasa deuh a inchei chu a hahthlak ka tih vang ania ka tan pui hma che u a tawp lam ah kan che but but ang tih ka hlau a.. Inpeih sa thlap in kan lo nghak dawn nia thenkhat chu an rawn hruai dawn ah pawh la inpeih lo hi an awm fo thin a " a ti leh a eng eng emaw ei tur nen kan in chhawp nasa bawk a riltam pawh ka hrelo.
Ka hmai a chei zawh meuh chuan ka in thlek ning thei lo a ni tawp kdrama a changtunu ang mai ah ka in ngai lawmthu sawi pah in ka fak nghal mawlh mawlh hmaichhan mah nise ka fak lo thei lo ka mitthla dan ang chiah chiah in min chei miau a, eyeshadow thim lam ka kai lo a ka biang a ti tai vak lo bawk ka vun a lang glow in ka hrisel hmel ngawih ngawih hian ka hria.
Ka sam an chei hma in kawr min hak tir a a puk tha ber thlang ka ni bawk a a rit zek mai.Ka sam smart tak in an vial thlap a pin mawi vel ka ngainat loh vang in crown ka hmang thung veil ka khim lo bawk ka kawr nen ka chhawng nasa lutuk dawn hian ka hria a u Annie te ho in vuah loh in a nalh zawk an lo ti ve tho bawk a shooting hun a vuah atan kan dah ta mai.
Kan in peih ta Siamtei pawh a lang tha viau a, mawi hi kan han in ti dun khawp a kan in en chhawk a ni ber mai. "Dar 10:45 ah chuan biakin ah awm hman tawh tur"pastor in a tih avang in 10:30 ah kan in peih hman vek a minlo hruai hun kan nghah chhung in thla lak ho na te kan nei a, ka makeup chu tu te pawn min fak sak vek a min ti confi sawt.
Min hruai tur motor a lo thleng a Siamtei nen lut in biakin lam pan in kan tlan a ka khur tan ka zam ta thut chu a awmzia pawh ka hrelo.Ka kut te a rawn thlan a "khawsik tur in tham ang te hian ka awm " Siamtei kut vuan chuan ka chhing vang vang a " Keipawh..." a lo ti mauh mai enge ka zam em em chhan pawh hi ka hre nek lo e
" Khatiang mai mai a ho lutuk " Muanzuala'n a lo ti zeuh chuan Siamtei a dek tek tha chhawk chhawk viau " Nangni ang a senior phanchang tan te chuan a ho reng ang chu " ti hmak in a melh nghal rawm a pakhat thung chu a lo nui suk duh chauh
Biakin kawt kan thleng a motor a ding ta dat mai kawngkhar hawng in ka chhuak a ding vang vang in thawk ka la hak Muanzuala kut vuan in ka kal a Siamtei'n ka kawr minlo chawi pui bawk Jubilee Hall lian zet ah lut in u Mapuia a lo ding a min hmuh veleh mit a lo siai suk chu ka ner khum nasa mai.
Inneih thu chham sual ka hlauh tehlul nen engmah tihsual nei lo chuan kan zo ve ta mai a..Inkawm ban a pawn kan chhuak tur kan ding ka rin aia mi an lo tam chu ka khur ti tih ta mai,kal vat vat ka duh a mahse u Mapuia kal muang lutuk chu ka ngei ru ngang mai a ti lui hial in ka hria. Inkhawm ban ah thla rei tawk tak mai kan la leh bawk.Pheikhawk bun nuam tur kan lo thlang kha kan ti fuh hle
Kil khat a Sarah lo ding ve reng chu ka va hmu a a in hruk leh zauh thin dan ah a tap tih ka hria ka khawngaih ru viau... " Ngaihsak suh " ka beng bul a rawn phun sup ka pasal mitmeng chu ka en a keimah ka in hmu keimah chauh. Nuih let var var in thla lak na lamah chuan ka rilru ka pe leh ta zawk a
Ka lawi dawn chuan lawichal in Vengthlang Pi Pari tuibur mo neitu lei kher a ngiat ta tlat a u Mapuia hmanhmawh lutuk in a tlanchhuak nghal minute 5 hnu vel ah rawn let in pi Pari ta ngei ani tih fiahna hming sign leh selfie nen thlap a rawn let a kan hlim dar dar hle.
Mo lawm na ruai theh tu pawh an thahnem phian a chaw ei kham ah shooting nei tur in kan chhuak daih a an farm house a riak tur kan ni bawk nen ka mamawh tur ang ang Siamtei'n a khung khawm sa vek bawk.
Rei thla la tawh lo in zan thil a ni bawk nen kan riahna tur lam kan pan a light lo eng pup in Thing a sak In bang leh a chhuat zawng zawng pawh thingphel vek hnum tliang hlarh mai a ni. A mawi ka va han ti chiang tak a bul vel ah thing an ding khup a Dil lian tak a awm bawk.
A chhung ah lut in engkim chu a fel fai thlap vek a chen na in ni awm khawp a a chhung chu phuisui a ni.Kan riah na tur ah chho vat in ka indah fel sawk sawk a kan thiante meilum ai na ah kan va chhuak ve nghal.
Rei awm lo in an haw ta diak a Siamtei chu riak ve thei se ka ti khawp mai an tlan liam tur thlir a ka ding reng chu " Inbual rual ila " ka nghawng rawn nul thuak tuak pah a rawn ti in ka kawng ah a kuah a min pawm nawlh in inchhung ah min luh pui
Kan han inbual zawh chuan a ban kham in ka mu a kan titi dun malh malh " hetia ka bul a i mut theih nan hian hun a va ngai rei ve " a nui suk ri a lo awm a a rim pa tak nen te chuan a inhmeh kual vel vek engkim mai chu a nih dan tur thlap vek a ni.
In beng kang in ka khabe ah a dawm a dim te a fawp in a uar tawlh tawlh ka chhang let rang viau...
A bek hnawng chap chung a ka chung a bawk hle hle ka pasal lo ni ta chu ka chhem heuh heuh a, a hmel ka en thin ka lung awi hliah hliah tun a ka hlimna hi eng nen mah a thleng ka phal hauh lo ang.
A hna zawm vat a ngaih avang in rei kan awm lo a Aizawl lam ah kan chhuk leh ta rih. Nitin ka nu nen kan in bia a in enkawl uluk tur in min chah awl lo. Ka pa ve thung chu tawngkam nem hmang thiam lo, thurawn ai a thu pek thiam zawk a nihna a thup thei tak tak lo a kan inbiak ve chhun pawh in " Chuti chuan ti rawh, chu chu ti ang che, chu chu ei rawh " tih hlir a sawi thin mahse min ngaihsak zia ka hria a ka lawm em em tho.
Ka dul a lian tawh bawk a ka kawng a na zing bawk nen ka pa kawng dawmna min pek kha ka hmang tangkai viau a amah ka hrilh lah chuan " Thil tha hi ka hria alawm..i nu leh in pa hian an hrelo a an awih duhlo thin.." ti in a hlim viau mai a ka chhungkua inrem leh lungrual tak hi a nuam ka ti in heti hian englai pawh a awm ka duh.
Thla thum zet a liam leh hnu ah u Mapuia transfer dil na an lo pawm hlauh bawk nen Champhai ah kan awm ngheh ta hmel a, ka nu leh pa te pawh an lawm khawp mai. Thla khat chiah naute pian nan hun a awm tawh a Bungrua vel min siam fel pui tur in Muanzoa leh an thiante thenkhat an rawn chhuk a kan bungrua te an lo han chhoh pui a ni. Keini erawh lehkha nghah ngai ala awm bawk nen Siamtei te kan fin leh ta rih a
Champhai kan thlen ve meuh chuan naute toys room te a lo awm thlap tawh fanu kan nei dawn tih kha dan phal loh mah ni se kan hre ru ta tho a a pu in tunu a nei dawn tih a hriat ni atang khan engkim mai hi uchuak khawp in a ti ani ber mai. Kanu in min rawn call hian nitin Naute toys nen a haw ziah thu a rawn sawi thin a ka lo nuih pui mai mai thin kha ania...heti tak a tam hi a lo lei hman ang tih ngaihna ka hrelo hrim hrim.
Mi sawi ka hriat dan ah nau neih dawn hnai ah chuan kawngna leh dul na te hi a awm thin thu ka hre ve a chumi a ngai chuan ka lo tuar ve ngat ngat a zan tir atang a ka pum na chu zing lam ah a rawn zual a ka lo tal deuh nge u Mapuia rawn harh chuan midang a kai tho nghal chuk chuk a thenawm tlangval te nen damdawiin pan in kan tlan nghal chuk chuk
" Naute hi a khamphei in a awm " a tih chu chiang lo ruai hian ka hria " A veina kha khai belh ru " tih te na ka ti lutuk chu ka vai ruai ruai a ni ber " Engtin nge i tih dawn? " U Mapuia mangang aw chu hriat a nuam lo takzet a kut ah nghet tak in ka vuan a ka naute hi chân ka hlau chuan keipawh in thih ka la duhlo
" Lalpa...thil tam tak ka dil ngailo che ka mamawh chu dil ngailo in min pe thin khawngaihin ka nunna leh ka naute nunna hi min chhan sak rawh " ka rilru in ka tawngtai mawlh mawlh ka mittui luang a lo hru mawlh mawlh chu ka en reng
" OT ah nawr lut rawh u tunah " doctor vin that that leh an hmanhmawh dan ah chuan ka dinhmun tur awm ang chu hrilh buai ka ngailo. Keichu ka harh tha tawh a engmah buaina ka neilo ang nilo ka naute ka tawngtai leh ringawt thin.
OT ka luh hnu darkar chanve vel ah naute tap ngak ngak thawm a rawn awm a ka mitchhing in ka nui a " Lalpa ka lawm e " ka hlim ani " Hmeichhia i nei e...a pian pawh a tha aw a hmeltha reuh em em mai lehnghal " doctor in a rawn tih chuan ka hriat lawk mah ni se ka lawmna a ti dai chuang lo. A pu in hming ah Eliana Lalmuansangi a sa a en ning thei lo a ni ber
Dam tak leh hrisel tak in damdawiin kan chhuahsan a a pu in " hnute a hnek chuan kan bul ah a riak thei har dawn emai " ti in hnek tir a phal tlat lo " Sap khuti zat in nu hnute an hne lo an hmeltha in an fing em em tho " tiin a tang tlat a u Mapuia lawm lo deuh chung chuan a pu thu kan zawm ta phawt chu ania
Hnute pek leh siam sak a phur thei in in a a awm ve tawh chuan a pawm rawt mai thin.A te hlek chuan a au nghal chul a ka nu nen min hau leh nek mai zel a heti reng reng chuan a duat sual zo vek ang.
Puak pawh a pu in a paw nasa ber a office te hi a bang hma thei ta lutuk a ka nu nen kan nuih tawp chang a tam ta , ka pasal leh ka pa te'n ka fanu an infiam pui a a sir a ka nu in an tih palh hlau a a lo au chel chu chu ka thlir a he ka chhungkua nuam leh hlimawm , duhawm tak ni bawk si hi ka en ning thei lo.
Kei nu leh pa nei tawh lo fahrah chulai kar a a ngaihzawng tawn sual vang a nun hrehawm leh natna nen a damchhung ni chhiar ve bek bek; kha hmeichhia
kha ka natna te chhawk tur hmangaih tu min pe a, chhungkaw duhawm tak nen.
A TAWP TA...
Ka story min hlut sak tu te in zavai chungah hian ka lawm takzet he thawnthu hi thawnthu puitling ang ka ziah hmasa ber ania, harsatna ka tawk nasa bawk nen ka tum hun ah pawh ka complete thei lo a, hei harsa tak in ka complete ve ta. In mi duhsakna ah lawmthu ka sawi tak meuh meuh a The Hidden Secret ka ziah pawh min chhiar sak leh theuh tur in ka ngen pah bawk che u aw
Pa Zuala'n Present ah káwng dawm na min pe a " i dul a len tak tak hunah chuan i káwng a na fo dawn an tia " nui put put chung a min pek pah hian a ti a,ka lawm takzet. An nu in designer bag nalh deuh min present bawk a an vai in present tha tak tak ka phu loh hlir min pe a ka phu lo ka ti in ka lawm bawk si.
Zan ah inchung ah Siamtei leh u Mapuia te nen kan awm ho a, ka chhuah vah hi pa Zuala'n a rem ti thlawt bawk silo nen bial a zim duh ngar ngar khawp mai. Siamtei beer rawn phawrh lai a ka lo phur vei nen u Mapuia'n bawnghnute ka hma a a rawn chhawp tak hmak ah chuan ka hnual nghal rawih rawih nimai hian ka hria.
Hetiang bawnghnute tun ang zan a in ka peih reng reng lo Siamtei ka signal keuh a a lo man rang nasa, u Mapuia chu eng eng emaw sawi pui pah hian min pe ru zeuh zeuh a min man ang tih hlauh na nen a hma ang a ni thei tawh lo.Nuam tihna ka nei lo a, chu ai chuan ka lo in kher kher kha ka inthiamlo zawk.
Rei fe kan in kawm hnu ah chhuanlam siam in Siamtei'n min kalsan a " Min en teh " a ti hriam hrak ka tha a khur nghal der der bawk en ngam lo in hnuailam ka phone ka khawih san daih a " Min en rawh ka ti che em? " en loh ngam chi pawh a ni tawh lo.
Ti ru tak chung in ka en a a rum nghut " Thu awih hi a harsa viau thin ami? " Seh chilh nak in a ti leh a hrehawm ka ti lutuk chu sawi ngaihna pawh ka hrelo " Ka tihpalh " ka ti ta ringawt. Ka dar tawn a dawm chung in " Bawihte... Kan naute hi a la te lutuk a khatiang kha a tan a tha lo thei chuvang in i in ka phal lo " ka bu nghat nghat a min rawn kuah in ka sam ah a chul hliau hliau. Hei hi ani u Mapuia ka duh em em chhan chu a lungawi loh pawh in tawngka vin min hman khum ngai lo a, a mize dam dup reng mai vang hi aniang a hmangaih nih hi a nawm em em.
" Naktuk tuk leh ah Champhai ah ka nu te thlah in ka chho ve dawn a " a kuah na atanga tal chhuak in ka melh mawl tawp " Khatin awm lo teh ka cham rei dawn lo karkhat hnu ah ka rawn haw leh ang " thaw hawlh in "umm" tih zawng ka sawi thung. Ka lo phal loh chi a nilo tih ka hria mah se engmah min hrilh hmasa lo in thutluk na a siam tawp zel a min rawn ve tal ka beisei vang ani.
" A tau leh ta... Khatia i awm reng te chuan naute tauh hrat deuh kan nei mai tur asin " ka lungawi loh na a ti zual ting " I duh loh leh i nei ve lo ang a nimai lawm " ka chhan dan chuan a thawng tih hriat zet in a nui hmel a tawp chawpchilh nghal a " Engmaw? " ka nui lui hak " I hriat chian kha " ka hawi sawn san hmak
" Bawihi...min biak that loh chuan thlem dan tur che ka hre miah lo ania khati khan awm reng lo teh " ngeiawm lutuk in ka nui " Thlem ka ngai lo " a thaw hawk a min kuai her a,a chal a ka chal rawn nawr in " Ka dawhtheihna hi fiah kher tum suh " min fawp zui nghal thildang sawi leh na hman awm lek lo in min fawp bawrh bawrh a, ka insum reng thei bik lo a tawp a tawp ah chuan ka chhang ve ta nge nge a
Min thlah in a nui zui suk a ka chal ah rawn fawp leh in " Min lo ngai ngawih ngawih rawh aw nitin ka lo be ziah ang che. Khawmaw a vawt si chhuk ang " min kai nghal hmak a. Room pawn ah thu ho deuh deuh sawi in a ding reng a " u Mapui lo lut ve la " ka sawi zo hman manglo rang lutuk in a lut nghal vut a ka nuih a ti za reuh tak tak.
Siamtei muthilh hnu pawh chuan a la awm ve reng " Ka hmuh hmasak ber che khan hmeltha ka ti lutuk che a, Sangtea dawr a ka rawn kal chhan pawh kha hmuh leh che ka chak vang anih kha " a nui hawk hawk a chhungril ah hian a nuam ka ti veng veng
" Police station atanga min rawn call khan misual i tawng emaw ti in ka hlauhthawn zia chu " ka nui zui awr awr a " Saw nu vang saw alawm a ke ti na lo se chu i pawisa i chan miah lo ang " a mu tawh chu ka melh rum vak vak awmzia phei chu a awm lo nasa viau.
" Ka hlauhthawn ber i hre duh em? " ka duh thu ka lo sawi nghal vat " Kan naute hi nangmah ang a kawlhrawng a rawn nih hi ka hlau ber mai, thlamuang hian ka awm hman miahlo ang a " ka chum nghal pawp a a nui zui huk huk " Ka'n kal tawh ange mu tawh rawh " tho in a zi ar ar a " Hetia awm reng lo hian khum khat ah mu dun thei tawh ila " a ngawi vung vung " Kar leh ah hian innei mai ila..a tha dawn hle mai naktukah ka pa ka sawipui nghal teh ang " a thutak hmel em em mai lehnghal.
" Lehkha tar ve phawt te a ngai ang chu kal mai mai teh " ka nem zui nawk nawk a a duhtawk a min fawh leh hnu ah a kal thei hram.
In a awm reng ka ning nen Siamtei sawm in dawr ah kan kal a nileng chuan kan va awm ve ta reng.Counter a ka thut lai chuan u Mapuia ka hmuh hmasak ber ni te ka ngaihtuah chhuak a tun a ka thutna a thu chung a min lo nuih sang lai te chu mitthla ah a rawn lang thar uarh uarh mai.
Bungrua a rawn thlen dawn avangin u Sangtea chu nghak lo a haw mai kan tum a u Mapuia kan in lam tir a kan thlen hnu rei vak lo ah pa Buata a rawn thleng ve bawk a " Mate zanin chu Committee ka ngai a i u chu nghak lo mai ang u " tiin room a pan tlang nghal. Keini pawh choka ah lut in chaw ei kan siam nghal zung zung a
"Kumthar chu khi lam ah kan hmang ang e thil tih tur a tam lutuk " pa Zuala'n chaw ei lai in a sawi chhuak a pa Buata te nupa chuan hnialna em em an nei lo " Palai te pawh chu rawn kal vat se la a tha ang kan Hlimpuia hi a hmanhmawh vut vut tawh riau a " a tih zawm nghal zat. Kei ka laih khaw loh em em lai in a engahmah a thawk ve lo nge ni a awmdan chhete pawn a danglam eih lo.Tlangval Senior ho tak hi chu engkimah hian an confi hrep mai zel
Zanah a thawmhnaw ken tur ka siam pui a " Dah hnem vak duh suh khitah a awm teuh alawm a rit mai mai " a lo dah let leh zel a tawp ah chuan pathum vel chiah a ken tur in a thlang leh ta nge nge.
" Minlo ngai angem? " Khum a min pawh thut pah hian a ti a " Um ngai dawn lutuk...ka ngai nghal che " ka ti let " Min lo be ziah angem? " ka ngawi det a minlo melh kha kha " Nangman ka lo be ziah ang che i tih kha " a nui deuh
" Minlo be ve ziah tho rawh ka ngai em em reng dawn si che a, ngeee ka hruai ve daih dawn zawk che le? " a ti leh duh tak tak dawn in ka hria " Awi...a ngai lo palai te an lo kal dawn kha ka awm a ngai alawm " hetia ka tih loh chuan min hruai a tum leh phet ang.
" Ka nupui ni vat la, zantin i bul a mut ka chak tawh " mipa naupang vui vel hi a ang lutuk
" u Mapui min hmangaih reng thei angem? hei ka sawi awmzia chu midang in neih san ang te hi keichuan ka tuar thei lo ang.Ka neihchhun ngawih ngawih i nia tumah dang ka neih loh hi i hrechiang chung pawn min hmangaih reng thei ang tiraw? " min kuah a a ngawi vang vang min chhang dawn lo emaw ka ti hman hial
" I pitar thleng pawn ka hmangaih ber i ni reng ang.I neihchhun , i innghahna awm chhun nih reng hi ka duh ka tan a i hlut ang chiah hian i tan a hlu nih pawh ka duh a,nang leh kan naute tan hian englai pawn ka rinawm reng ang " min kuah mek tu mipa hi ka ring tawk a a sawi ang hian a awm ngei ang tih ka hria.A hmangaih nih hi a nuam a,chu ta chén chu a hahdam thlak ngawih ngawih bawk.
Zing a lo nih chuan an chhungkaw thum te in Champhai pan in an chhuak a an chhuah dawn ah pa Zuala'n cheng sang nga lai min pe a ka tang tlat chung pawh in " I tan ka pe lo che ka tunu tan a nih kha a ei tur tha deuh deuh i lo lei dawn nia " a ti tlat a, pa Buata te lah in la mai tur in min lo ti ve bawk nen han tih ngaihna vak awm ta lo chu zak deuh chung in ka la lo thei tlat lo.
An kal liam tur chu ka thlir reng a an kal ta chu a reh tlawk tlawk kher mai hawi na lam apiang an sulhnu a ni vek a,thutthleng a thu chung a pa Zuala mi tir zuah zuah lai te chu mitthla ah an lang awn awn mai, tih tur awm lo lutuk ka hna ber pa Zuala a haw daih tawh bawk si ka awm thiam lo eng eng emaw ti in ka che ve sek a Siamtei leh a nu in min lo hau ve reng bawk.Hna ka thawk deuh a an hriat chuan min hau zel bawk si ka awmdan chu a lai vel vek.
An chawlh apiang in minlo call a an tluang ani tih han hriat leh thin chu thla a muang deuh.Pa Zuala ber pawh ngaihtuah ngai in a awm lo a ni awm a, u Mapuia min lo call lai te chuan " I va han tenawm e aw.. khati em em a ngaih tur a nilo mipa chu in lak ve tlat tur chuan hmeichhia in an duh hluah hluah thin a ni ngai " ti te'n a lo tawng leh lung lung mai thin a a aw hi thum viau e tilo chuan a ring leh viau lawi bawk si.
Thlai chaw ei kham a ka mu chu ka lo muhil daih ni tur ani ka phone ri ah ka harh a u Mapuia hming ka hmuh veleh chhang in an thlen tawh thu a rawn sawi a " Ka ngai lutuk che " a ti pah zeuh bawk " Hlimpui che vat teh i uchuak emai " lo ti khur khur tu chu sawi ngailo in a chiang viau u Mapuia zak lo thei lutuk hi ka zahna ti tam tu pakhat a tling ve hrim hrim.
Zan rei deuh ah kan in be leh chauh a a chauh ka ring bawk sia " u Mapui ka mut a chhuak e...naktukah inbe mai ila " ka ti ta tawp " Min ngai hle mai a tha lawm " tih leh phone dah a rual a ka va han ngei reuh tak amah ka ngaihtuah vang a ni reng sia.
Call back leh in " Nge khatia i tih tauh ringawt a " ka ti nghal tawng " Ka tau lo " hmmm van daw peih tak " i tau reng "
" Ka ngai em em che a...i muhil char char tih ka hre reng ka ti harh duh lo mai mai che anih kha a pawilo mu rawh " amah ka ngaihtuah vang tih hi a hrethiam thlawt lo in ka hria " Aw ...i chauh ka ring a mu hma la ka duh alawm mawle...nih leh mu tawp suh zankhua in inbia ila nimai lawm i tauh phah ai te chuan " thinrim bawk si kan awmdan naupangchhia lutuk vang a nuih za bawk si chu ka in hum ruh ngat ngat
Ka tawng char char a a lo ngaithla thung sawi tur hi a hrelo ve thei ngawt mai a khat tawk in a lo " umm " dut dut a darkar khat vel zet hnu ah chuan a muhil ta nge nge off ve vat in keipawh ka mu a, zing a kan in biak leh na ah min mut san vang khan ngaihdam min dil a, a pawinloh thu hrilh in ka ngaih thu ka hrilh zawm zat.
An haw atanga zan thum na ah palai an rawn kal ya ngei a in rem sa kan ni bawk a a ni tur an ruat nghal hmiah. January ni 23 an ruat ta ka phur viau rual in ka huphurh lawi a, man ei tu tur pawh nei mumal lo a pasal han neih tawp mai chu ka rilru kilkhat chuan phat rual loh in a hreh alawm.
Siamtei bul a ka sawi chuan a lo ngai ho em em mai " Man eitu te vang a pasal nei tur i ni lo, i hmangaih avang leh chhungkua i din dawn avang a nei tur i ni.Man ei tu tih vel kha buai buai a ngailo " a ti hmiah mai a a thlir na atang chuan a dik viau mahse thil hi a tawng tu tan lo chuan hriatthiam loh chi hi a lo awm ve bawk sia a dem awm hran lo e.
Nitin zantin kan inbia a a hma zawng ai in kan in ngai zawk hial in ka hria kan inkar zau ru deuh thin pawh kha a bo tial tial a,engkim kan sawi dun thin. Kan inneih ni tur an ruat fel tak ah phei chuan a phur in min ngaihtuah zual a, a nu leh pa pawn a khat tawk in min be ve fo bawk.
A nu chuan an in a kan zin tum a ka pangpar ngainat ber min zawh khan Venus Fly trap kha ka tia a lo chah thleng tawh a thlalak te min rawn thawn in video in rannung a man lai te a lo cover a kan hlim pui dun ve thin hle.
Kar khat a awm hnu ah u Mapuia pawh rawn chhuk a ni hnih vel a cham hnu ah chawlh la in a chho leh a inneih na tur vel ah a buai viau mai. Keichuan mi tlem te sawm a tih mai mai ka duh lai in an ni tum dan erawh ropui thei ang ber a ni tawp.
U Sangtea'n nula pakhat min hmelhriat tir a bialnu a lo ni awm e, a hmeltha vak lo na a a felna leh a nui sang reng mai chuan a ti hmeltha ka ti mai. Makeup Artist a lo nia a chei tawh ho mi hmuh tir chu ka lawm ngei mai.Mawi ka tih thu ka sawi chuan a ni pawh a phur nghal em em a kan inneih ni ah min chei tur thu a sawi phei chuan ka lawm takzet.A dang zawn buai ngai miahlo tur chuan min ti hahdam huai mai.
Mo kawr hawh tur kan ti fel tawh bawk a thaw pawh a veng ve huai mai. Inneih nan ni tlem te chauh a awm tawh a ka chhawm tur vel leina tur ka nei ve nual bawk a Siamtei nen nitin kan chhuak a ni ber.
Kan buai mawp mawp a u Mapuia nen pawh kan inbe tam hman ta meuh lo.
U Sangtea thiante thenkhat in nuta man ei an lo chuh a, nu Muani leh Pa Buata thian te pawn ka mal zia hria in min khawngaih nge kei ni'n nachang hriat loh bak ah kan beisei ngam loh tehlul nen an ei theih tur ang apiang ah ei tir tur in an rawn in sawi lut zawk a, ka zahna leh lawm na chu a in chen hial ang.
Ka man hlan ni a lo thleng a ka phu loh tha tha min pe hlawm ka tap chhuak lo chauh.Ka nu leh pa te ka ngai em em a " La awm ve se " ti in thleng ngailo tur duhthu ka sam awl lo. An thlarau khan min rawn thlir ve angem le? ti in ka hmuh loh tur zawng in ka hawi kual a, atthlak ti lutuk in ka nui leh nge nge thin.
Inneih nan ni hnih chiah a awm ta; Champhai pan in kan chhuak a, in kalh a zan riak a chhuah a tha lo an tih avang in u Sangtea'n in a lo nghak a inneih ni ah a rawn chho ve chauh dawn a nih hmel.
Siamtei,Kei leh u Mapuia a hnung ah kan thu a Muanzuala a hma ah a thu thung a, fiamthu a thiam reuh phian bawk a rui miah lo in Champhai ka thleng ve zak mai.
In lian lem lo tak mahse a lan dan atang reng pawh a uluk tak a sak leh design tih hriat ngawih ngawih kawt ah kan chhuk a ka pa zawn te in ani tih an sawi chuan ka lo aw liam ve puat. Kawngka lu chung a Upa Lalhmunsiama tih lo in tar váng mai ka hmuh chuan ka thla a muang nghal sawt in ka hria.
Pa la valai hmel zet leh a nupui ni awm tak ngo vang mai an rawn chhuak a pa Buata te nen in chibai in kei min hmelhriat tir bawk a, fanu tleirawl te phir hmeltha zet zet Clara leh Sofia an lo nei bawk. Inchhung ah lut in thingpui kan in ho te te a, u Mapuia te pawh an in lam pan in an chhuak ve nghal.Pawn thleng thlah in inbe tur in kan in chah a Muanzuala leh Siamtei erawh an dan ngai te in an lo in melh rum leh viau tawh thung
Phir unau te chu an inang reuh viau na a Clara chu a hmai a sawl deuh a Sofia zawk erawh a hmai a bial karh thung. Mikhual kan awm deuh nual a hmun dang dang ah thleng darh mah se ka pa te inah chuan kan la awm nual tho. Sofia-i te unau room kan thian dun in kan tawm dawn a an lo lawm phian leh nghal.An room chu inhnuai ah a awm ve thung a varandah zau tawk tak pangpar chi hrang hrang an hun tlar put te, chuta tang chuan ral hla tak a tlang te chu hnai te ang in a hmuh theih bawk.Tlai ni tla tur sen phut nen a boruak a zo in a thiang kak a khaw hawi vel pawh a nuam phian.
Mo kawr kan han khai chhuak chu mawi an han ti dun khawp a Siamtei hak tur nen chuan an han khai khin vel a " u Ruatruat...nakinah kan ha ve chhin ang aw " ti ten an ri chul a unau nei ngailo ta chu keipawn ka ngaina dun nghal em em mai, eng eng emaw sawi in ka pasal tur chhelo an tih zia te an veng hmeichhe ho in an star nasat zia te chu ha hip in an sawi siam siam reng a, vannei min tih zia an sawi tel pah zeuh zeuh bawk.
" Awi...u Mapuia te chu ka nei tur hi a vannei zawk alawm " fiamthu deuh in ka ti a " Nia...nangpawh i hmeltha e..i fel hmel bawk si in inhmeh dawn e.." an ti leh lawi a ka nui ho leh dar dar thin. Tui lum sa ver vawr a ka inbual zawh ah khumah ka ka tlu zal ar ar a Siamtei inbual zawh ah ei rawngbawl pui tur in inchung lam ah chhuak chho a, an lo phal lo nasa mai.
" Ka pa ti in min han ko veng reng reng teh " a tih tak tlat ah chuan tim dai hian " Ka pa " ka ti ve mai a, inchhung a awm ho te an ri dar dar a nupui pawh ka nu ti in ka ko thlap a, kan in hnaih phah ta deuh sawt pawh in ka hria.
Zanriah ei dawn ah inkhawm na hmang in thu tha min fah pah mawlh mawlh a, nula an lo nei bawk nen thleng sil kan han tum viau pawh in an phal tlat lo mahse thleng seng fel ah kan pui lui ta tho a, minlo hau chhen lehnghal.
Zan lamah u Mapuia nen reilo te kan in be ve hman tawk a tuk tuk leh ah chauh inneih a ni bawk a hahdamna hun kan nei hnem deuh. Kan chau ve deuh bawk a kan mu hma kher mai zing hma deuh tak ah ka harh a ka kawng kham ur reng pawh a zia ta.Dar 9 vel ah chhuak in khaw fan na hun te kan nei a, ka nau te lah chuan min kal pui chak na an ngah nasa mai si...kan thlen tawp chin apiang ah thla lak an duh a hmelhriat an ngah in an hmeh tir mai tur lah an hre thei.
Reharsal neih kan ngai nen dar 2 vel ah kan haw ta hram a in ti fai zung zung in ka nu thingpui minlo pek te kan in leh te te a, kawt ah motor ding thawm a rawn awm hnu lawk ah a rawn lut a a dress inhmeh thei lutuk hi ka lo en leh veng veng zel.
Siamtei min nghawk sawk na avang in ka harh zawk a a lo nui suk suk duh chauh.Thingpui te an in leh te te hnu ah kan chhuak a an Biakin chu a mawi in a lian khawp mai.
Pastor in tih dan tur vel min han hrilh a,kan han ti chhin vel chu ka nuih a za tlat a Siamtei lah chuti bawk.Kan chhuah hnu ah Muanzuala'n a tak a thlen hun a nui miah lo tur in min hrilh ghal mawlh mawlh a, min vo lawk ani zawk mah.
Zan ka mu te chu engtin emaw hian ka awm a ka muhil thei reng reng lo ka helhhawlh in ka hria kan inneih hun tur ka han mitthla a ka mur leh chuai thin.Tiang reng reng chuan ka let kual sek a mu thei thlawt hek lo u Mapuia ka call ta tawp a lo chhang thei lo lehnghal " Tun ang hun ah te engtin nge maw tui tak a i la mut theih ni " ka phone melh nghek in keimah chuan ka phun chiam.
A rei a rei ah chuan ka muhil ve ta mahse ka mutui dawn chauh tih ah Siamtei'n min rawn sawi harh a a lo inbual zo diam tawh. Peihlo lutuk in ka tho chhuak a "Engnge maw dar 11 inneih ni si zing dar 6 a inchei tan a ngaih kher ni ? " Ka phun zui nang nang
Ka sam ka chhem ro lai in u Sangtea thiannu kha nula pahnih nen an rawn thleng a pakhat zawk Lawmkimi a tih chuan ka sam chhem lai chu min rawn pui sawk sawk a, inchei kan tan ta eng eng emaw an hnawih mawlh mawlh a ka taksa lang tur chin zawng te nen chuan foundation an hnawih vek.
" I vun a va tha ve i ngo phian bawk sia mo hi chu hnawih hnem deuh hlek in ngai thin a, i inhmu thiamlo ang tih ka hlau...mahse lungngai suh natural thei ang ber a i lanna tur in kan ti dawn nia " a nui pah sang mai a a mah a inchei dan zawng zawng nen a zahawm vei thlap lehnghal
" u Annie i duh duh dan in min chei rawh ka confi vek " a nui zui har har a " Sangtea sawi kha a dik tak tak hmel in hmel en ang in nilo a ti nia aw " a ti a a sawi tur awm ang chu ka hre mai " Police station te kha ka lo hria a ka tan thei teh mai che u sin " Siamtei rawn au hlut " Awi...kan Sang chengkawla chu a lo va han tawngthei ve inah lem ngawi reng zel si " a rawn ti ve a kan nui zo leh ta vek
" In chanchin lo hi chu sawi tur a hre ngai reng reng hleinem ka farnu te hlimna ai a duh hi ka neilo a ti thin alawm " ka mittui a hnai tih ka hria " Khatiang i sawi zel chuan ka tap anga i chei sa hi a chhe vek mai ang " mood thlak tum in an intawn dan vel te ka zawt zui a a sawi tha duh phian.Ka hmuh dan chuan u Sangtea zûn ah hian nasa tak in a uai ani.
" Hmanhmawh lo in ti ang u pressure nasa deuh a inchei chu a hahthlak ka tih vang ania ka tan pui hma che u a tawp lam ah kan che but but ang tih ka hlau a.. Inpeih sa thlap in kan lo nghak dawn nia thenkhat chu an rawn hruai dawn ah pawh la inpeih lo hi an awm fo thin a " a ti leh a eng eng emaw ei tur nen kan in chhawp nasa bawk a riltam pawh ka hrelo.
Ka hmai a chei zawh meuh chuan ka in thlek ning thei lo a ni tawp kdrama a changtunu ang mai ah ka in ngai lawmthu sawi pah in ka fak nghal mawlh mawlh hmaichhan mah nise ka fak lo thei lo ka mitthla dan ang chiah chiah in min chei miau a, eyeshadow thim lam ka kai lo a ka biang a ti tai vak lo bawk ka vun a lang glow in ka hrisel hmel ngawih ngawih hian ka hria.
Ka sam an chei hma in kawr min hak tir a a puk tha ber thlang ka ni bawk a a rit zek mai.Ka sam smart tak in an vial thlap a pin mawi vel ka ngainat loh vang in crown ka hmang thung veil ka khim lo bawk ka kawr nen ka chhawng nasa lutuk dawn hian ka hria a u Annie te ho in vuah loh in a nalh zawk an lo ti ve tho bawk a shooting hun a vuah atan kan dah ta mai.
Kan in peih ta Siamtei pawh a lang tha viau a, mawi hi kan han in ti dun khawp a kan in en chhawk a ni ber mai. "Dar 10:45 ah chuan biakin ah awm hman tawh tur"pastor in a tih avang in 10:30 ah kan in peih hman vek a minlo hruai hun kan nghah chhung in thla lak ho na te kan nei a, ka makeup chu tu te pawn min fak sak vek a min ti confi sawt.
Min hruai tur motor a lo thleng a Siamtei nen lut in biakin lam pan in kan tlan a ka khur tan ka zam ta thut chu a awmzia pawh ka hrelo.Ka kut te a rawn thlan a "khawsik tur in tham ang te hian ka awm " Siamtei kut vuan chuan ka chhing vang vang a " Keipawh..." a lo ti mauh mai enge ka zam em em chhan pawh hi ka hre nek lo e
" Khatiang mai mai a ho lutuk " Muanzuala'n a lo ti zeuh chuan Siamtei a dek tek tha chhawk chhawk viau " Nangni ang a senior phanchang tan te chuan a ho reng ang chu " ti hmak in a melh nghal rawm a pakhat thung chu a lo nui suk duh chauh
Biakin kawt kan thleng a motor a ding ta dat mai kawngkhar hawng in ka chhuak a ding vang vang in thawk ka la hak Muanzuala kut vuan in ka kal a Siamtei'n ka kawr minlo chawi pui bawk Jubilee Hall lian zet ah lut in u Mapuia a lo ding a min hmuh veleh mit a lo siai suk chu ka ner khum nasa mai.
Inneih thu chham sual ka hlauh tehlul nen engmah tihsual nei lo chuan kan zo ve ta mai a..Inkawm ban a pawn kan chhuak tur kan ding ka rin aia mi an lo tam chu ka khur ti tih ta mai,kal vat vat ka duh a mahse u Mapuia kal muang lutuk chu ka ngei ru ngang mai a ti lui hial in ka hria. Inkhawm ban ah thla rei tawk tak mai kan la leh bawk.Pheikhawk bun nuam tur kan lo thlang kha kan ti fuh hle
Kil khat a Sarah lo ding ve reng chu ka va hmu a a in hruk leh zauh thin dan ah a tap tih ka hria ka khawngaih ru viau... " Ngaihsak suh " ka beng bul a rawn phun sup ka pasal mitmeng chu ka en a keimah ka in hmu keimah chauh. Nuih let var var in thla lak na lamah chuan ka rilru ka pe leh ta zawk a
Ka lawi dawn chuan lawichal in Vengthlang Pi Pari tuibur mo neitu lei kher a ngiat ta tlat a u Mapuia hmanhmawh lutuk in a tlanchhuak nghal minute 5 hnu vel ah rawn let in pi Pari ta ngei ani tih fiahna hming sign leh selfie nen thlap a rawn let a kan hlim dar dar hle.
Mo lawm na ruai theh tu pawh an thahnem phian a chaw ei kham ah shooting nei tur in kan chhuak daih a an farm house a riak tur kan ni bawk nen ka mamawh tur ang ang Siamtei'n a khung khawm sa vek bawk.
Rei thla la tawh lo in zan thil a ni bawk nen kan riahna tur lam kan pan a light lo eng pup in Thing a sak In bang leh a chhuat zawng zawng pawh thingphel vek hnum tliang hlarh mai a ni. A mawi ka va han ti chiang tak a bul vel ah thing an ding khup a Dil lian tak a awm bawk.
A chhung ah lut in engkim chu a fel fai thlap vek a chen na in ni awm khawp a a chhung chu phuisui a ni.Kan riah na tur ah chho vat in ka indah fel sawk sawk a kan thiante meilum ai na ah kan va chhuak ve nghal.
Rei awm lo in an haw ta diak a Siamtei chu riak ve thei se ka ti khawp mai an tlan liam tur thlir a ka ding reng chu " Inbual rual ila " ka nghawng rawn nul thuak tuak pah a rawn ti in ka kawng ah a kuah a min pawm nawlh in inchhung ah min luh pui
Kan han inbual zawh chuan a ban kham in ka mu a kan titi dun malh malh " hetia ka bul a i mut theih nan hian hun a va ngai rei ve " a nui suk ri a lo awm a a rim pa tak nen te chuan a inhmeh kual vel vek engkim mai chu a nih dan tur thlap vek a ni.
In beng kang in ka khabe ah a dawm a dim te a fawp in a uar tawlh tawlh ka chhang let rang viau...
A bek hnawng chap chung a ka chung a bawk hle hle ka pasal lo ni ta chu ka chhem heuh heuh a, a hmel ka en thin ka lung awi hliah hliah tun a ka hlimna hi eng nen mah a thleng ka phal hauh lo ang.
A hna zawm vat a ngaih avang in rei kan awm lo a Aizawl lam ah kan chhuk leh ta rih. Nitin ka nu nen kan in bia a in enkawl uluk tur in min chah awl lo. Ka pa ve thung chu tawngkam nem hmang thiam lo, thurawn ai a thu pek thiam zawk a nihna a thup thei tak tak lo a kan inbiak ve chhun pawh in " Chuti chuan ti rawh, chu chu ti ang che, chu chu ei rawh " tih hlir a sawi thin mahse min ngaihsak zia ka hria a ka lawm em em tho.
Ka dul a lian tawh bawk a ka kawng a na zing bawk nen ka pa kawng dawmna min pek kha ka hmang tangkai viau a amah ka hrilh lah chuan " Thil tha hi ka hria alawm..i nu leh in pa hian an hrelo a an awih duhlo thin.." ti in a hlim viau mai a ka chhungkua inrem leh lungrual tak hi a nuam ka ti in heti hian englai pawh a awm ka duh.
Thla thum zet a liam leh hnu ah u Mapuia transfer dil na an lo pawm hlauh bawk nen Champhai ah kan awm ngheh ta hmel a, ka nu leh pa te pawh an lawm khawp mai. Thla khat chiah naute pian nan hun a awm tawh a Bungrua vel min siam fel pui tur in Muanzoa leh an thiante thenkhat an rawn chhuk a kan bungrua te an lo han chhoh pui a ni. Keini erawh lehkha nghah ngai ala awm bawk nen Siamtei te kan fin leh ta rih a
Champhai kan thlen ve meuh chuan naute toys room te a lo awm thlap tawh fanu kan nei dawn tih kha dan phal loh mah ni se kan hre ru ta tho a a pu in tunu a nei dawn tih a hriat ni atang khan engkim mai hi uchuak khawp in a ti ani ber mai. Kanu in min rawn call hian nitin Naute toys nen a haw ziah thu a rawn sawi thin a ka lo nuih pui mai mai thin kha ania...heti tak a tam hi a lo lei hman ang tih ngaihna ka hrelo hrim hrim.
Mi sawi ka hriat dan ah nau neih dawn hnai ah chuan kawngna leh dul na te hi a awm thin thu ka hre ve a chumi a ngai chuan ka lo tuar ve ngat ngat a zan tir atang a ka pum na chu zing lam ah a rawn zual a ka lo tal deuh nge u Mapuia rawn harh chuan midang a kai tho nghal chuk chuk a thenawm tlangval te nen damdawiin pan in kan tlan nghal chuk chuk
" Naute hi a khamphei in a awm " a tih chu chiang lo ruai hian ka hria " A veina kha khai belh ru " tih te na ka ti lutuk chu ka vai ruai ruai a ni ber " Engtin nge i tih dawn? " U Mapuia mangang aw chu hriat a nuam lo takzet a kut ah nghet tak in ka vuan a ka naute hi chân ka hlau chuan keipawh in thih ka la duhlo
" Lalpa...thil tam tak ka dil ngailo che ka mamawh chu dil ngailo in min pe thin khawngaihin ka nunna leh ka naute nunna hi min chhan sak rawh " ka rilru in ka tawngtai mawlh mawlh ka mittui luang a lo hru mawlh mawlh chu ka en reng
" OT ah nawr lut rawh u tunah " doctor vin that that leh an hmanhmawh dan ah chuan ka dinhmun tur awm ang chu hrilh buai ka ngailo. Keichu ka harh tha tawh a engmah buaina ka neilo ang nilo ka naute ka tawngtai leh ringawt thin.
OT ka luh hnu darkar chanve vel ah naute tap ngak ngak thawm a rawn awm a ka mitchhing in ka nui a " Lalpa ka lawm e " ka hlim ani " Hmeichhia i nei e...a pian pawh a tha aw a hmeltha reuh em em mai lehnghal " doctor in a rawn tih chuan ka hriat lawk mah ni se ka lawmna a ti dai chuang lo. A pu in hming ah Eliana Lalmuansangi a sa a en ning thei lo a ni ber
Dam tak leh hrisel tak in damdawiin kan chhuahsan a a pu in " hnute a hnek chuan kan bul ah a riak thei har dawn emai " ti in hnek tir a phal tlat lo " Sap khuti zat in nu hnute an hne lo an hmeltha in an fing em em tho " tiin a tang tlat a u Mapuia lawm lo deuh chung chuan a pu thu kan zawm ta phawt chu ania
Hnute pek leh siam sak a phur thei in in a a awm ve tawh chuan a pawm rawt mai thin.A te hlek chuan a au nghal chul a ka nu nen min hau leh nek mai zel a heti reng reng chuan a duat sual zo vek ang.
Puak pawh a pu in a paw nasa ber a office te hi a bang hma thei ta lutuk a ka nu nen kan nuih tawp chang a tam ta , ka pasal leh ka pa te'n ka fanu an infiam pui a a sir a ka nu in an tih palh hlau a a lo au chel chu chu ka thlir a he ka chhungkua nuam leh hlimawm , duhawm tak ni bawk si hi ka en ning thei lo.
Kei nu leh pa nei tawh lo fahrah chulai kar a a ngaihzawng tawn sual vang a nun hrehawm leh natna nen a damchhung ni chhiar ve bek bek; kha hmeichhia
kha ka natna te chhawk tur hmangaih tu min pe a, chhungkaw duhawm tak nen.
A TAWP TA...
Ka story min hlut sak tu te in zavai chungah hian ka lawm takzet he thawnthu hi thawnthu puitling ang ka ziah hmasa ber ania, harsatna ka tawk nasa bawk nen ka tum hun ah pawh ka complete thei lo a, hei harsa tak in ka complete ve ta. In mi duhsakna ah lawmthu ka sawi tak meuh meuh a The Hidden Secret ka ziah pawh min chhiar sak leh theuh tur in ka ngen pah bawk che u aw
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)