KA PASAL THINGTLANG PA(BONUS) BY MAWITEI BAWITLUNG (Completed)

[mawitei bawihtlung]

KA PASAL THINGTLANG PA




CHAPTER 1
BY MAWITEI BAWITLUNG


A hmasa in he story hi zankhat danah ka dah thin dawn a,zankhat danah ka dah tih avangin chapter thar ka kai loh hunah pawh a zawmna a awm ngei ngei thin dawn aw ,chuan he story hi c keimah thingtlang mi ngei ka nihna leh ka ngaihtuah chhuah ve liau liau in ka rawn kalpui tawp dawn tih kha ka sawi duh e ,tin a story a thingtlang hmanrua emaw ka sawi tam tak in hriat loh chu comment ah min rawn zawt thin dawn nia tihkha ka sawi duh a ,khawtinin hmanrua leh thlaite hi lamdan hran deuh kan nei a ,hengte hi keima hriat ang angin ka rawn ziak tawp dawn e aw


START

Ka nei dawn lo " tiin ka nu leh pa chu ka en ngar “ I nei khawp ang,i neilo a nihchuan ka fanu i nihna hi ka theihnghilh ang,vawi engzat nge min tih mualpho tawh ? Hetiang mai mai tur hian fanu ka mamawh tehchiam lo,i ute en rawh tumah nang ang in an awm loh hi ,nang chuan i nu leh pa mualphona chiah i thlen chuvang chuan thingtlang mi pasalah neila,an ni chuan khawpui mipa ai chuan an dawm thiam zawk ang che .








I mualphona hmunah hi chuan tumahin nupui a tan an duh dawn lo che ,chuvang chuan ka thianpa fapa hian enkawl che a inhuam a ,a nupuiah i tang khawp ang,thingtlang tlangval mah nise a fel a ,a chawm zo em em ang che . I mipa kawp chhungte thawh chhuah ringa zan rei tak tak thleng i lenpui ho mai mai ang a ni hek lovang,i nei ang ka tihchuan i nei khawp ang " a tihchuan thinrim zetin ka roomah ka lut ,ni e ka fello zu pawh ka in ve thei zel,chu chu ka nu leh pa duhloh ber a ni bawk .







Thingtlang mipa tawp hnawk lutuk pasala min neih tir a tum hi a tidiklo hul hual,ka neilo a nihlahin min hnawhchhuah tur thu a sawi bawk si,ni e mi min sawi dan ka hailo,KS ang hialin min chhuah tawh . Keimah leh ka mi kawp te chiahin ka nihloh zia chu an hre chiang viau ang ,ni e ka nundan hi a mawilo in an zak thin tih ka hria ,mahse heti zawng khera min nawr hi ka lungawi tehchiamlo .






Thingtlang vawikhat pawh ka la kal ngailohna hmun lam pan chuan kan chhungte nen lam kan in zui duah duah a ,car ringawt pawh thahnem ve tak a ni. Kei erawh ka tum bur “ I pasal tur chhungte hi mi zahawm tak an ni a ,an mualphona tur ti hauh suh ang che. Khawpuia i nun dan tam tak miin an enliam ang kha a ni dawn lo,i thawmhnaw dahlau tak tak te kha i ha a nge,thingtlangah chuan mualpho a awl a ,hmanlai nundan tam tak an la kalpui avangin i duh duhin i awm theilo tih hre reng ang che .








I pasal hnathawk enin a tihdan zir la ,i pasal tur nu leh pa tan in nghah ngam na khawpin awm tum ang che . Zu te kha in i tum ange ,a khawpum khahin i khat nghal a nimai " titu ka pa chu rum zetin ka en ” Mizo pawh in nilo vai in nih hi,in fate duhzawng ngai pawimawh lo in vai ho ang maiin an nupui pasal tur in thlan sak a nia ,ka pasal tur a in tihlah vawikhat pawh ka la hmuh loh leh biak pawh ka la biak loh lehnghal . Min that daih ang tihte a nia ka hlauh.






Ka haw lutuk cheu,vai film a misual in ang ber in hria em" ka tinghek . Ka nu min rawn vawn tum chu a kut ka lo vai per nawlh “ Nangpawh hian min hmangaih lo ,in fanu ka ni pawhin ka ring tawh heklo,Komolika ang chiah kha i ni,in fanu hi min hralh a nia " thinrim zeta ka tihlai chuan “ Laldinmawi a tawk " ka pa chuan a rawn tihrawk a ,thinrim tih theih nei silo in car tukverhah chuan dakin ka mittui chu ka nuai nawk nawk,an duh ang chuan ka awm hlei lo ang e . Ka pasal tur an tih pawh hi a fa chu ka pai hauh lovang .








Ka ngaihtuah zawng ringawt pawhin ka luak lo chauh,mi thing tak hmelchhe tak bak a ni lovang ,zanlamah an khua chu kan thlenga ,Chawngtui khua an ti emaw ni a khawchhung luh dawn a welcome na thu an lo tarah chuan ka hmu phe vuai ,khawlian tak a ni lemlo va ,in zahnih bawr vel tur ang lek an la ni,an la inhrechiang hlawm viauin ka ring,an in te erawh concrete te pawh a awm ve nual thung a ,an khawsa ve thei tawk tih a hriat .








In pakhat lian ve tawk tak Assam type a an sak zawnah chuan kan ding thap a ,huphurh tunga ka awm lai chuan inchhung lam atang chuan thawm rawn chhuakin mi an rawn lang nghal tuau tuau a ,ka thaw a ipik ngawih ngawih. Ka chhungte nen chuan nupa hi an in chibai mawlh mawlh, ka pasal tur chhungte an nih ka ring mai ,inchhung lamah kan inzui lut a ,an inchhung chu a felfai thlarh lehnghal . Thing chhuat a ni a ,mahse nawh ngun tih hriat takin an tliang hlarh a ,ka pasal tur an tih awm hmel ka la hmu miah lo .








Keipawh chu ka hmel en tawk leh min be tawk an awm reng a,a rul tawk te te bak lohin ka chhang lo “ Bawiha chu a ramvak a ,a lo haw tep tawh ang " an tihchuan lo haw lo mahse pawi ka tilo ka ti tep a ni,insum hram hramin ngawi rengin ka thu a ,midang chu an tawng nauh nauh reng ,chutia kan awm lai chuan pawnlamah naupang ho thawm a rawn awm a “ U Ramtean Sakhi a kap e " an tihri ah chuan ka chhungte leh midang chu an chhuak nghal thap . Keipawh sakhi a hmuna la hmu heklo ka hawkdak ve tho bawk nen ka va dak chhuak dek dek a ,ka pa te ho kar atang chuan sakhi vun buangthang chu ka hmu ve nghal .








“ Bawiha heichu i u te ho in lo chan mai sela ,nang zawng rawn lut teh . Hei Dîtei te pawh an rawn thleng tawh a nia " a nu chuan tiin inchhung lamah rawn luh tumin an che zui a ,ka tlan lut nghal vat chutah ka nu leh pa leh ,a nu leh pa te hnunga muangchanga rawn lut chu ka lo en reng,tawi tirh terh . Hang bil bel tur a ka ngaih kha a ni miahlo,a pian a inkhai thli zaih a,taksa hrawl pui tih tur ni hauh silo in a taksa chu a muk raih lawia,a hmel chu a rorum hle a ,ka mipa kawp ho angin a vun lah a no in ango heklo,a vun chu nisa em than tih hriat takin a uk kharh a ,a kut chu hnathawk nasa tih hriat takin a hraw hrup bawk .








Chutih rualin hang chhia chu a ni leh chuang silo , min rawn melh chat a. Ka lo ip chawih,a hmel chu a tha vur tih tur ni silo in a tha ru ka timai,ka rilru ah rapna riau a awm leh nghal ,sa a kah thin phei chuan silai kah a thiam tih hriat reng reng,ka mur sung sung thei ,tawnglo in a ramvah thuam nen chuan a thu run a ,a chhungte ho in an biak pawhin a khat tawkin a lu a bu nghauh tihloh chu a tawng miah lo. Tawngtheilo a nih ka ring nghal mai ,ka lawm thei hlawl lo ka nu min rawn en zauh zauh chu rum zetin ka lo melh ve reng .









Mi anglo min neih tir an tum anih vaih chuan an chaklo khawp ang “ Ramte i sa chu thian i hruai lo em ni " ka pa in a tihchuan a vawikhat nan “ Vawiin chu ka hnathawk rawn haw a ni sia tumah ka hruai lo " a ti thum dut a ,a tawng leh tawh chuang lo . A inbualna tur tuilum chu chawiin bathroom lam ni ngei turah chuan a lut nghal daih . “ Pa " min rawn melh rum em avang chuan ka ngawi leh rih,keipawhin ka tihsual avanga tun dinhmun hi thleng ka ni tih ka in hailo ,mahsela ka nu leh pa hian ka lung an tiawi chuang lo .







Zan ka mu te chu ka mutna ngailo a ni bawk nen ka tal sek ,Mizorama lirthei zawrhna hmunpui ber neitu kan ni a ,chuvang chuan keipawhin thian ka ngah phah a ,sum tam na na na chuan min kawm duhtu vang heklo,zantin sual rawng kan bawl tih theih a ni . Mahse midangte tibuai zawng erawh chuan kan khawsa ngailo thung,ruihtheih thil kan tih hi a nimai a,hei ngei hian a ni keipawh midangte min ngaih dik loh tir tu chu,a tuklamah chuan an chhungkhat hnaivai te nen kan inneih ni a talh tur an rawn kai chhuak a ,sial pahnih leh vawk pakhat a nih hmel .








Ka hriat miahloh in Biakinah lehkha an lo tar a ,lo hre lawk ila chuan ka pawt thla duh hial ang,kan inneih ni a thlenga hlimna pakhat mah ka neilo,Biak in khat vekin mipui an rawn inkhawm a ,kei leh ka pasal tur bakah kan thiante ve ve chu mipui hma ah langsar lutukin kan ding chhuak a,ka bula thupa chu a ngawi reng a ,a hmelah chuan min iaina awm ang hmuh tur a awm loh laiin min duh a ni tih lantirna tur a awm chuang lo bawk .







A ngawi reng tawp a ,inneih thutiam pastor in min chham dun tir lai chuan tha deuhin ka chham ve mai ,ka kuta zungbun a rawlh dawn chiah chuan ka meng ak,ka kut chu a kut lian leh hrawl hrup chuan a rawn vuan a ,keimah min en lo in ka kut ringawt melh chung chuan zungbun chu a rawlh lut ta riai riai,Biak inpawn pan a kan kal lai te chuan a kutah kaih ngai nen phur lo zet chuan ka kai a ,tah chhuak tunin ka awm bawk nen ka nun hman tawh zawng zawngah a la hrehawm ni ber a ni.







Zanah kan mut dawn chuan chhuatah mutna phahin mut ka tum a ,ka kutah a rawn man ta chat,tun hi ahmel ka hmuh atanga a vawikhat min khawihna a ni,ka kuta zungbun a rawlh luh tiam loh ah “ Enge i duh " tihmakin ka kut chu laksawn ka tum a ,engmah sawi lo chuan khumah min mut tir a tuma ,ka lo tal nghal nghek . “ Nang hian ka duh lo chung min khawih hauh suh,i hria em nang thingtlang mi thingpa " ka tihrep . Engtin mah min chhang lo in na deuh tak hian min mut chawrh a ,amah zawk chu chhuatah chuan ngawi rengin a mu hmak.








Keipawh chu ka ngawi ta reng,a lam ka hawi chuan hnunglam min chhawn in a lo mu ngar ,amah a palian ve bawk nen a ke a lawr zuah mai ,ka puan phah lah ka leng tawk leka ka phah a ni bawk si. A hnungzang pharh darh mai chu ka en,ka rindan em em chu a ni hauh lo,mipa rintlak tak a nih ka ring. Keiin ka chhungte ka hnial laiin a ni erawhin a hnial ngai hauh lo,reilote ka awmchhung pawh hian a tawngtam lo tih ka hria ,ka thian mipa te kha chu tawng thei leh pawr ve tak tak an nih bakah zu an heh em em bawk a .









Ka pasal hi chu kan inneih ni pawh khan mipui titi atangin mipa fel leh rintlak tak a an sawi kha ka hria ,kei lah eng ka nih hre lo in ka fel an rin thu an sawi khan min tiner nawng reng a nihkha . Ka hmelthat thu an sawi erawh kha chuan ka lo nui leh vur zel anih kha . Ka pasal nita chu ka en reng,a muhil tawh a nih ka ring,thingtlang tlangval ka ngaihdan tam tak a thlak hlawk,rit an lak nasat avangin tereuhte ni turah ka lo dah a ,mahse kei chuan a dar ka chen tawk chauh a ni. Hmelchhe viau tura ka ngaih lah a diklo hul hual bawk .







A hmel a pa ka tihchi lehnghal,ka lu ka thing nawk . Ka mipa duhzawng a nih vang ngawtin ka pasalah pawm ka tumlo,ka nu leh pa hi ka haw em em bawk ,kuthnathawk turin helaiah hian min hnutchhiah dawn chu a nia ,min ngaihtuah miahlo a an thil tih hian min ti thinrim lo theilo, ka u hmeichhia pahnihte hi chu kei nen an dang hlak tih ka hria ,an nun a nemin an ngawichawi a ,kohhran ah pawh an hman tangkai pawl an ni ,pasal tha tak an nei reng bawk a .








Kei erawh ka hmuh chinah eng ngaihdan mah ka siam theilo,ka nu leh pa in a min neih tir hi ka hrechiang heklo . Engang mizia nge a neih ka hre heklo,a tawngtam lo tih ka hriat avang hian ka hlau bawk ,mipa ngawi chawi deuh hi chu an nelawm loh ngawih ngawih,mi an vai tluk tawp duh hmel . A niphei chu silai nen sa a la kah theih hmel em em zui,thawnthu a pasaltha an sawi ang mai a ni ,ka bih leh dek dek a ka tho tham tham,a ruka ka pai ruk beer chu phawrhin in ka tum a ,no ah ka thli vek tawh .








Intuma ka la kang ka hawi chhuak chu ka phu zawk,mit khap miahlo a min lo melhtu avang chuan ka dahthla rang hle . Engmah a sawi lo nangin a awmdan chuan min ti ti dek mai ,min en chiang ropui mai sia,ui zet chuan tukverhah ka paih a ,khumah chuan in sawh tau nghawng nghawngin ka mu,ka pasal a nih tawh miau avangin a hma a duhdah taka awm ka duh hauh lo . Thingtlang pa e tilo vin khawpui pa tam tak ai a zahawm lawi si,reilo te mah nise a mitmenga min en tawh hi chuan ka inthlahrung ngawih ngawih .








Ka thiante ka ngai vawng vawng,an ni tal awmse chuan heiai hian ka mizia pawh ka tilang ngam deuh ang . Zankhua chuan mu theilo in ka meng reng,naktuk lamah chuan ka mit a sen leh vek dawn a nih hi . Zingah luna bur in ka tho va ,ka thawh chhuah ve meuh chuan ni a chhuak var var tawh . Rawng an lo bawl mawp mawp a ,mutchhuah hmel zeta ka awm chu min enin an nui tha hlawm lehnghal,an ngaihtuah pawh ka hre vek,keihi chuan an duhthusam ang tih puitlin ka tum der lo ,a hminga ka pasal mai mai lehnghal.






(CHHUNZAWM TLAKA IN NGAIH CHUAN LIKE LEH COMMENT FB AH MIN LO PEK SAK VEK DAWN NIA )

[mawitei bawihtlung]

KA PASAL THINGTLANG PA



CHAPTER 2



BY MAWITEI BAWITLUNG





Ka nu te min lo biakna chu chhanglo in pawna naupang ho infiam chu ka en ,an inbah a nih hmel (Heichu kawibah a nilo aw ) ka en reng,ka tel ve chak lutuk chuan thiam silo in “ Ka lo tel ve " ka han ti ngawt a ,an lo aw nghal thap lehnghal “ Mahse nangte chu U Ramtea nupui kha i ni lawm ni,i thiam ve dawn em ni " an tihchuan “ Ka zir ve dawn a lawm" ka tih chuan an lo aw ve mai,an tihdan en chuan ka zuang ve auh auh a ,min lo nuih leh dar dar zel . Ka chhungte ho an la haw lo bawk nen nu leh pa thenkhat nilum ai ho chuan min en thap .









Chutia ka lo zuan lai chuan “ Dinte i pasal a lo haw a nia " an tihchuan ka zuanglai ka tawp chawt ,an kawhna lam chu ka en nghal ha ,ka pasal leh a thianpa chuan changel hnah an lo pu chu niin ,ka inbah an hmuh chuan a thianpa zawk a nuih vur vur laiin ka pasal erawh chu a meng nur nang a “ In nu chu naupang ang mai a la ni dawn a nia " ka patea lah chuan a la ti lâng lâng zui, ka nelloh zia hria se chuan an fiam tawp lovang,a vawikhat nan a khi ve suk mai . Ngawi reng chuan an changel hnah put chu an dah tha a .









Tlai lamah ruai kan kil dawn bawk nen chuta phah tur chu a nih ka ring,mahse an la hma mah mah ka ti . “ Dinte in pa chu zu ngaihven ta che ,mo thar nih avanga tidak a awm loh tur i pasal a ni tawh a ,i puih zung zung a ngai a nia. Midang mitmei ven nachang hriat tur " patea chuan a rawn ti a ,phurlo zetin ka lut hnak hnak . Tlailam ruaitheh na tur a an lak emaw ka tih changel chu chhuatah an lo phah mawlh mawlh a ,chaw ei an lo siam a nih hmel.







Ka nute ho chu ka pasal chhungte nen an inkawm mawlh mawlh hlawm a ,ka tih tur hrelo chu ka ding reng ringawt ,naktuk maiah an haw tawh dawn tih ka hriat avang chuan ka hnim rawih thei,haw ve mai ka duh a . Mahse ka pa in a phal dawn lo tih ka hre chiang “ Nizan chu Ramte a nuam bawk maw " tlangval awm ho in min en pah an tihchuan keichu ka sen tawn tawn,engmah thlenglo mahse kei min en si a ka pasal an zawt vel chu ka ngei tawk leh zahna tawk a tling hle .







Mi fiamin an nui dar dar reng lehnghal,ka pasal lahin chhang lemlo in a nui ve suk suk ringawt,nilengin kan inkawm khawm a . Kei erawh ka chhungte haw mai tawh tur chuan min ti hrehawm ,ka pa lahin awm rei a duh bau silo,ka pasal lah hi mi tawngtam lo leh ka hmel rap chi tak a ni lehnghal . Hmeichhe pathum ka rualpui tur awm vel hi an rawn leng ve a ,mi an be mawlh mawlh,an polite ka tiin kei nen chuan in ang lo tak kan ni “ U Ramtea te chu tlangval luck lutuk a nia ,khawpui lama a rawn zin lai pawhin a nu leh pa te chet ngai khawpin hmeichhe pakhatin a lo zar buai a ni awm a .








A nilah tawng tamlo leh hmeichhia thinrim khum duh miahlo ang kha a ni sia,a lar hluai tawh a lawm. I vanneih zia hi aw ,u Faktei chuan a thik awm che ,helai a mi tho a nia ,hmeltha vurh mai mahse u Ramtea hi a phatsan a ,tunah chuan nuthlawi a ni der tawh " Mimiin a tihchuan ka ang phiau mai ,ka pasal lam ka en a thianten an biakna chu a rul tawk bak lohin a chhang miahlo,tlai lamah khua in ruai kan theh a,an khua hi an in pawh tlang a nih ka ring ,keini erawh mipui eikham hnuah muangchangin kan ei a ,ka pa chuan thu tha min hrilh leh mawlh mawlh tawh .









Zanah chuan a ngaite bawkin kan mu leh a ,biak ka tum lo ,a chhan pawh ka zah ru tlat . A tawngtam lo bawk nen ka hlau tel tho bawk ,zinga ka nu te chhuak tur chu mittui nen ka thlah a ,ka pa chu ka haw thar leh thin. A fanu hi min hralh angah ka ngailo theilo ,an tlan liam thleng chuan ka thlir reng ,ka tah a chhuak em em bawk . Ka tap ri ngam bawk silo “ Dinte lungngai mah ta che ,in zin thin dawn a lawm,i nu pawhin kalsan harsa che a tih em kha . Mahse kan fanu i ni tawh a ,keini hi i nu leh i pa ang chiahin min en dawn a nia " tiin ka pasala nu chuan min kuah a ,ka tap nghal hlawp hlawp.








Nitin chuan inah ka awm ve mai mai a ,ka pasal erawh lo lamah a liam ziah thung . Feh ve duh thin mah ila kan pahnih chauh chuan ka la huphurh bawk si,mangkhawh lai a ni a ,a rawn bal haw thei hle. A tuilum tur ka lo chhuansak a ,chu pawh a nu leh pa chuan min lawm thiam em em a ,mak ka ti lek lek zel ,thlahnih dawn ka awm tawh a . Mi hnena min sawisel awm ka hre ngailo,an monu duhthusam ka ni lo tih ka hria a ,chuti chunga ka thil tih chhun an fakte hian keimahah inthlahrunna a siam a .







An tirh ngai miah lo in kan ina engmah tingailo khan ka nundan thenkhat ka kalsan ve zel ,khawpuiah kha chuan ka nundan a thatloh bakah nu leh pa thlazar hnuaiah ka duh duh nei theiin ka awm a ,mahse hetah chuan engkim hi ka hmu fiah ve zel ,rim takin an thawk a . Chutah sum lah a vang em em bawk ,hnathawh nasat avanga sum lakluh nise chuan khawpui mite ai hian thingtlang mite hian hausak an phu zawk zia ka hmu fiah thin,keini'n daihlim hnuaiah hahdam zawkin sum kan la lut huau huau a .






An ni erawh nisa hnuaiah hna hahthlak ber ber thawkin an thawh milin sum an la lut leh silo,kan sawrkar te hian kuthnathawk mite hi ngaihsak sela chuan an thlai thar te hmang hian an inchawm zo ngei awm si a ,mahse kan ram erawh mahni thawhchhuah ai chuan mi rethei te sum thawhkhawm sa la eiru duh te kan nimai sia ,ramhruaitu in thlan dawnah chauh thingtlang mite an ngaihsak hi chu tha lo ka ti takzet ,ka en a ka hmu chiang telh telh bawk . Kan party kan tlin phawt chuan in khaw tan chumi khami chu kan ti ang,in thlaite pawh hlawk zawkin in hralhna tur kan buaipui ang tiin thu an tiam a .








Chu chu khawpui lam pawha an sawi fo a ni,mahse tun thleng hian party hrang hrang an ding tawh a ,tunge Mizoram hmangaih tak hriat theihloh khawpin a hma a mite ang bawk a ram hmangaihna chang hrelo kan thlang chhuak leh thin a nih hi. Sum ringawt ngaihtuahlo hian kan ram hmangaihtu hi thlan tum ila kan ram pumpui hian hma a sawn in ka ring,ka pasal chhungte ka en a ,an thawh chhuahah an la lawm em em thei te hi sawi ngai silo vin ka ngaisang a ni . Kristian ram inti te hian kan ram hmangaihna tak kan neilo a , Kristian nilo zawk ramhruaitu neite kan awt leh thin.








“ Nu naktuk chu feh ve ka duh a " ka tihchuan ka nu chuan min rawn en ha ,ka feh ngailo tih an hriat avangin min phut ngailo va ,ka thawh theih tur ang chibak ka tih an phallo,mahse pasal ka nei ta rau rau a thiam vek ka duh ” I hah viau lo ang maw ,thlai chi thlak leh buh tuh a hun chho va ,inah hian awm mai mai zawk la ,bawiha pawhin a thawk thei reng a lawm " a tihchuan ka lu ka thing nak nak “ Ka zir ve tur a lawm,kumkhua in ka awm thei nang,nang ni lah in upa telh telh anga u Ramtea hi ka khawngaih a lawm,amah chiahin a feh bawk sia








Ka thei ve em em ang" ka tihtakah chuan an rem ti ve hram ,ka pasal pawh a hma ang em em chuan ka hlau tawhlo . Kan awmdun rei takah phei chuan mipa rintlak leh innghahna tlak tak a ni tih ka hre nghal ,a ngawi reng chunga min ngaihtuah zia ka hailo,hah pawh sawilo vin a rawn thlen rualin inchhungah tih tur a zawng a ,ka inthlahrung thin. Nupa kan nih atangin khumkhat lah ka la tawmpui miahlo ,a rawn haw rualin a ip pui chu ka lo laksak a ,min rawn melh vut chuan ka lo nuih seih a,ni e vawikhatmah a rawn haw hi a ip pui laksak nachang ka hre ngai lo .








Mak a tichu a awm ve tho mai,a inbualna tur chu ka siamsak mawlh mawlh a ,chaw eilai chuan ka nu in a tuk lama ka feh ve tur thu a sawi chuan u Ramtea chuan a chaw eilai a tawp chawt “ Angailo ka thawk thei " a rawn tinghut a . Ka en ha mai ” Enge ka feh ve duh a lawm,i nupui ka ni a kumkhua in hnathawk thiam lo a awm ka duh biklo,ka zir ve duh" ka tihchuan min melh ngur mai . Enge a ngaihtuah ka hre lo nang in ka hnathawh chu a phal vak lo tih a hriat “ Phallo mahla u Zuala te ka inhruai tir mai ang " tiin ka chaw chu ka eizawm mial mial.







A sakhi kah rep phuihnam nen kan chhum a ,a tui bawka chaw ka ei leh teuh “ Engtikah nge aw tu kan hmuh ang,Dinte i pai tawh hial lo maw " ka pa in a rawn tihchuan insum hmanlo in ka chaw hmuam lai chu ka pasal hmai leh nghawng velah ka phuh thawt . Ka ip nghal chawih,ka pasal chaw ei tawp chut lah chuan min intithlahrung zo, ka nu leh pa lah an la nui hak hak zui . Ti dekin ka pasal chu ka en ,a hmai chu ngawi rengin a hru a ,chaw bawk chu a bar zawm ,a ten miahlo em ni le ,keichu ni ila ka ten leh tawh ngei ang “ Tihpalh" ka tisep .







“ Nilo e ka rawn sawi thut sia chuvang a nihkha ,tu hmel hmuh kan chak tawh bawk nen ka rawn sawi mai a ni e ,a hmanhmawh thlak chuang loh a nia,in inneihna a la reilo a ka rawn sawi mai mai a nihkha" ka pa chuan a rawn tileh,an fapa nen hian kan mudun ngailo tih hre tase min dem ve hle in ka ring . A tuklamah chuan phur zetin ka insiam a ,lo vawikhat mah ka la hmu lo a ,ka phur ve em em ringawt,zirlai bu leh pasaltha thawnthu a an sawi vel bak loh a takah lo pawh ka la hmu miahlo .







Fehkawngah chuan zai chungin ka kal ve terh terh a ,ka pasal chuan ka hnungah min chhawm ve bawk ,feh tur dang ho in min en ha ha te chu ngaipawimawh lo in ka kal ve zel,a thui phian lehnghal “ Tihian kan kal tiah tiah dawn em ni" tiin ka pasal lam chu ka en “ Kan thleng tep,i tur pakak nasa lutuka ,muangchang khan kal rawh i hah bakah i chetsual a hlauhawm " rawn tiin ka sama hnah kai chu a rawn thiana“ Inah khan lo awm mai mai tur che a lawm" a tileh sup,kei erawh kan inhnaih lutuk chuan min tidanglam vek.







A mitmeng pa ka tih em em bawk chu ka melh kar a ,a ni erawhin ngawi rengin ka sama hnim kai chu a thian mawlh mawlh,chutah min rawn melh ve ta thut a . Ka lai lutuk chuan inherin hmalam ka pan leh nghal vat ,pen nga vel ka pen hman awrh tirhah kawnglaiah rul a rawn tleng tlang puat a ,ka hlau lutuk chu au chul chungin ka pasal taksa ah chuan ka zuang kai a ,a kawngah kherhin a nghawngah ka kuah nghal tung . Ka au vak vak reng chu ka kawngah rawn dawmin “ A awm tawhlo " a rawn tisup,ka lu chu her deuhin ka hnunglam chu ka melh duk duk,kawng thlangah a tleng bo tawh a ni ngei ngei ang.









Ka pasal lam chu hawiin ka hmui ka pet zauh,a nilah a hmelah a nuih a za tih ka hria,kan inneih hnu hian a nui hmel ka hmu khat hle ,a chhan pawh a bula ka awm tlem vang a ni pakhat. A tawngtam chi a nilo ve hrim hrim bawk nen a nuih hawk hawk awm ka la hrelo ,a mit chu ka en a hmui ka en leh ,ka chil ka lem khalh . Tunah hian ka pasal hi ka fawp chak em ni,ka hawisawn theilo,ngawi reng chuan kan in en ,ka lungphu lah chu a ridawt dawt . In tih harh ka ngai,a ni hi ka duhlo ka duh tur lah a ni heklo tihchu ka rilru in ka sawi mawlh mawlh .







A nipawh chuan ngawi rengin min en ve bawk ,a biang a hmul rawn to tan te chu ka hmu chiang hle“ Ehe Hma-a nang ni law " hmeichhe aw rawn chhuah avang chuan rang zetin ka chhuk a ,hmeichhe rawn tawngna lam chu ka en nghal,chutah hmeichhe hmeltha leh ngo ve tawk tak chuan kei leh ka pasal chu min en in a nui sak a “ Nupui i neih thu ka lo hria a ,hei keipawh ka rawn haw na a la reilo ,inhmuh te pawh a khat tawh a lawm. Kan in lawm thin lai te kha a ngaihawm mange " tiin a tawng nghal zung zung .







Ka pasal chuan a chhang lo,keipawh ka awm anuam heklo,he nu hi ka la hmu ngai hauhlo . Mahse ka pasal te khaw mi ngei a nih hmel bawk si ,muangchang chuan kan kal a ,chunu lah chu a tawng char char ka pasal nena an nunhlui chu kawng tluanin a sawi a ,a â emaw ni ka ti tawh zawk . Lo kan thlen takah chuan a peng ve hram ,lo feh ho in au te chu ngaithla in ka ding vang vang,kang var dum paw ruih chu en in ka thaw hak, thli tleh te chuan lo kang vap te chu a len sang sang a “ Khawiah nge kan kal leh dawn " tiin ka pasal chu ka en ha .








Amah chuan hma hruaiin a kut min pe a , a awih bakah ka tluk ka hlau nen ka vuan ve mai,kan kal zel a lo tawp lam hnaihah chuan kan kal laiin a thianpa kha kan hmu leh ,hmeichhe pahnih nen an lo feh ve a ,buh an tuh a nih ka ring “ Ehem thiana in nu in vawiin chu a rawn awm dawn che a nimaw ,i khua a har tawh lo deuh ang chu. Kha Dinte in pa kha a maha hnathawh phal tawh reng reng suh,a khua te a har ve thei lo emaw kan tia,nupui a neih takah meuh chuan a dang ve ta deuh e . Khatia in inzui te pawh kha hmuh a nuam a lawm le ,nupui neih manah hawi lurh lurh mai rawh" tiin a nui hawk hawk a .







U Ramtea pawh chu a nui ve suk suk duh chauh,kan thlam tur ni awm tak la ah chuan min luhpui a ,ka thu nghal hnawk ,ka thlan hliam bawk . A lum lutuk chu ka inzap hliau hliau “ Nichina kan feh kalpui nu kha tunge " ka hrechak lutuk chuan ka zawt ta tawp “ Faki " tihzawngin min chhang,chu hming chu ka hre tawh . Aw ni e a bialnu hlui an sawi ngei kha “ I bialnu maw " ka tihchuan a rum nghut,buh chi chu ak mawlh mawlh in a chhuak hmak.






“ Hey min lo nghak ve ta che" tiin a hnungah ka um dat dat,lo mawng lamah a chhuk nul nul a ,muangchangin ka zui ve zel ,lung rap pialin ka mawng sawh dawtin ka tlu,thing bul ka la thut zui ,ka mawng na lutuk chu ka rak chhuak that,ka mittui a tling nghal pam,rang zeta rawn let chu ka lo en reng ringawt “ I sual si min nghak ve mai ta che " ti tiauin min pawm ding nawlh tu chu ka hau mawlh mawlh ” Fimkhur ta che perh te te kha i thut dawn a sin " a rawn tihrawk thung.





“ Min vin suh i hria em,heng zawng zawng hi ka duhlo chunga nang thingtlang pa ka neih vang vek che a nih hi,min vin hauh suh " ka ti ve that . Chuveleh min thlahin min kalsan leh nghal,muangchang chuan ka chhuk ve zel,min be lo in buh chu a tuh mawlh mawlh . A ip chu ka zen ve rak rak a ,buh chi chu ka kut veilam khata la in a sirah chuan tuthlawh nen chuan ka chek ve tlauh tlauh a ,a tuh chak bik si . A tihdan en chuan ka ti ve tak nangin ka buh chi chu bi khatah a hek hem hem hle ,a nilahin tlem te te in a vawm lut keuh keuh a,a hnehsawh bik si ka umpha theilo reng reng .







A ngawi ngul a ,buh chu a tuh kual zung zung “ Ramêka ,Ramboa,Ramkaka,Ramchakaia" tiin ka phun mawlh mawlh “ Nupui te pawh nghak duhlo a ,Ramhmangaihzuala " tiin ka lo au ve char char ,buh pawh tuh tawh lo in lo ah chuan a hma velah ka lo vak kual char char ,thereng leh thumi vel bakah tukloh hram te chu ngaithla in ka hawi kual vang vang,pasaltha hunlaia awm ang maiah ka in ngai ,ka pasal lah tawng nachang hrelo a hna chiah ngaihsak a ni bawk si ka chau tawh bawk nen thlam lam panin ka thlen rual chuan ka mu nghal hnak .









Engtin nge hetiang nisa leh khaw lum bawk si hnuaiah hian nilenga hna an thawh peih ni,ka mit ka chhing riai riai ,ka hmai khawih tu avang chuan ka meng chhuak a ,ka thu chhuak nghal zawt . Mipa rum nghut ri leh ka au that chu a inrual “ Mawla ka chal a na lutuk " tiin ka tuai vung vung,ka lo muhil a ni tih chiang takin ka hria,ka khawhmuhte chu a mak vek ,ka mit ka chhing rei lutuka chhuna mut chuan rawng dang dang ka hmu nuk mai . Ni lah chu a en dan a dang chiahin ka hria .








“ Chaw ei ang " tiin kan chawfun chu a phawrh mawlh mawlh,keipawh chuan phur zetin ka kut silin ka hnaih nghal,alu kan leh sarep hem hmin hmarcha nena kan bawl chu ka pir tan tan,ka pasal chal ka en chu a lo sen hlar mai. A pawng ngei ang le ,keipawh a pawng ngei ngei dawn tih ka hria ,chaw eikham chuan ngawi rengin kan thu dun a ,ral hla tak tlangdung romeiin a bawh pawt chuk chu a thlir vung vung,kum 32 na a hmang ve tawh a ,a lung a leng a nih ka ring . Keive thung chu engmah enghelh em em neilo in thlam chhuat dap chu ka kheuh ka kheuh a .








A chang leh ka kau thul,ka harh harhin ka harh ve tawp ringawt,a hmel chu ka en . A hnar ngul sang vah chu a inhmeh hle,a mithmul buk tha tak a chal tlema thui deuh mahse a mah timawi tu ni bawk site chu ka en kual,ka hriat loh hlanin ka lo nui leh thin . “ U Ramte i lung a leng em ni" ka tihchuan a lu a thing mai,kan piah ngaw atanga sava enge a hming pawh ka hriat loh rawn hram nen chuan khua a har ngawih ngawihin ka hre mai ” A reh e " ka ti hliai a ,zau danga feh ho thawm hriat tur awm tho mahse kan pahnih chauh a awm chu nuam ka ti vak lo .








Ka la nel lutuk bawk silo,a chang chuan ka thiante ka ngai thin . Engmah enghelh neilo va kan len kual thin laite kha ka ngai,tunah chuan thingtlang pasalah neiin thingtlang mi ka ni ve ta mai chu a ni sia ,ka mut lah chu a chhuak leh em em tawh “ Lo feh lo tura ka tihlai che khan awih mai tur che a nia ,i tlin ve lo " a tihchuan ka melh nghek “ Tikhan min tiziah suh aw ,nangpawhin ka thiam ang i thiam bik em ni " tiin ka melh nghek,ngeiawm lutuka min lo men khum chuan ka thin a tirim zual ,ka bawh tlu a ka thiam ang ang chuan ka hnek dawt dawt.








A lo indang bawk nen ka hnek fuh theilo chuan min ti thinrim zual,rang zet zeta ka hnekna chu ka kut lo man betin min lehthal a ,ka chunga a bawk ta ran . Ka hah lutuk chu ka awm ka sep dawrh dawrh bawk ,a thinrim ve dawn emaw ka tihlaiin a khi suk a ,ka hmai zawn chetah a rawn kun hniam . Ka thawk ka lo hip let vak ,a rawn hnai zela kan mit ve ve chuan kan in melh tawn ngar bawk . Ka lungphu chu a rang leh ta hle “ Dîte" min kohdan avang chuan ka meng ak,ka tawng tum chu ka hmuiah a rawn fawp a .






Ka taksa chu a mur nghal chuai, ka lungphu chuan ka taksa pawn pawh a tiche thei hialin ka hria ,ka hmui chu pet kauin ka ka chhungah a lei a rawn hawl lut ,ka zeplo ka danglam hneh lutuk. Mahse hetiang hi a thleng tur a nilo,ani hi chu ka theih veleh ka then tur a nihkha tihchu ngaihtuahin ka namsawn dawrh ,a nipawh chu a tho chhuak a . Ka insiam tha nghal sawk sawk,ka taksa chu a sa chhuak vek,min be lo a ka be heklo ngawi reng chuan tho chhuakin a buh tuh bang chu la in a kalchhuak a .






Ka en zui reng ,he mipa tawng tlem lutuk leh keiai kum 8 chuanga upa hi ka duh let thianglo,ka chhungte lakah ka tlawm theilo . Ka en zui reng,ni e ka bialpa te ang in a fresh ve vur lo a ,a vun lah a no in a var ve heklo,mahse a ma mipa rim bik te a chet phung leh a vun rawng te hi ka mawi tih ber ber an ni lawi si . Haw lamah chuan a thiante sawm pheiin muangchangin kan haw a ,ka kal chak theilo tih hria in a thiante pawh an kal chak duh bik lo . Hmeichhe pahnih nen chuan kan inkawm ve mawlh mawlh ,Teruati leh Zopuii an nihthu an sawi a .






Ka pasal thianpa naute an nih hmel,a thianpa hi Duha tihzawng in a hming ka hria ,kan kal rei phei chuan ka chau tawh takzet ,kawngpui lah kan chhuak har si (khaw hming hi thlak mah ila engkim hi kan khaw ram awmdan te hmun awm dan te ka dah vek dawn aw ) hnung berah muangchangin kan kal,ka ding a ka thaw hak hak ka thlan te chu ka biang velah a luang a ,ka awm velah lah a hnawm chuap tawh bawk ,ka hma a rawn thu thla vut chu ka melh ha .







“ Enge " ka tih chuan “ Rawn lawn rawh" tihzawng a rawn sawi a ,ka duh bik teuhlo . Ka rit awm si,chenlo viau mah ila keima tawkah ka thau ve lai tak a nia ,ka rit viau ang“ I chau tih ka hmu renga ka duh biklo,midangin min sawichhe palh ang ,ka kal thei " ka tihpawh chuan a thu reng mai si. A va han luhlul ngil ngel tak,a hnungah chuan ka lawn a “ Ka rit timiah suh ang che" tihlakin a nghawngah chuan ka kuah ran ,min din chhuahpuiin ngawi reng chuan min kalpui a .






A hah ve viau in ka ring ,ka lakah erawh hmun a chang zel a ni si a ,ka en reng,a hmai thlanin a bual huh chap chu ka puan te chuan ka hruksak a ,kalkawng en lo in amah ringawt ka en . Kawngpui kan chhuah chhoh chuan Duha te ho bakah midang an lo awm ve nual a ,keini pahnih inpua chu min lo en thap . Kha a bialnu hlui pawh kha a lo awm ve a ,chutia U Ramtea min pua chu nernangin min lo en ,ka millo nghal em em hi ka inhre thiam biklo .






“ Kan khawpui mo i chu a kal thei meuh nange,i vun te kha a no sia tihchhiat i hlau lo em ni . Pasal te i ti hah mai mai a ,inah awm mai ta che " a rawn tihchuan ka nuih hak ringawt . A hnung atanga chhuh pah chuan ka inzap hauh hauh a ,Zopuii ten min lo fiam chu ka nuih pui hak hak,ka pasal lah chu Faki chuan alo be leh nghal zawt zawt pek a ,ka ner ka ner chu Teruati chuan min nghawk zauhin an nui vur vur a ,ka va ngei mai mai tak.


(KA STORY COVER LEH A CHANGTUPA VUN RAWNG INAWM LO TI INAWM A ,KA SAWI DUH CHU KA STORY RENG2 HI CHU A TAWP THLENGA KA ZIAH AWM TUR KA ZAWNG THIN AW ,TIN KA DAH HUN TURA KA TIHAH KA DAH HMAN LO A ,THUPHA KA CHAWI E ,BIAL ZAIPAWL A HMINGIN KAN NI VE SI A ,A TUL HUNA PEN CHHUAK TUR KAN NI BAWK NEN MIN LO HRETHIAM HRAM RIH TURIN KA NGEN A NI E,TUNKAR PAWH KA BUAI RIH DEUH MAI THEI AW)

[mawitei bawihtlung]

KA PASAL THINGTLANG PA






CHAPTER 3




BY MAWITEI BAWITLUNG







“ In pa saw veng tha hle rawh,nuthlawi chuan zah an hre vak tawhlo a nia ,mipa chêng an man tawh bawk a . Kan khaw tlangval pakhat pawh nuthlawi zun atangin a tal chhuak thei tawh hleinem,zun hi an nei ve teh ker a ,mipa tihlawm dan an thiam sia,mahse u Ramtea hi chu chutianga a bem thluk leh mai ka ring lo,a lo phatsan tawh bakah u Ramtea hi chu mipa rinawm tlut ang chi kha a nia ngaih tha deuhin awm rih phawt teh,tiru kal i siam ang u,khua a tlai zel a nia " Zopuii chuan tiin kan ding zui thap .








Ka pasal chu rum zetin ka en thin,ka thik tidawn ila ka duh pawh a ni silo,tum hmukin Zopuii te karah chuan ka kal hlawk hlawk “ In lawm ila kumin chu,kan vai hian a tha lo maw " Duha chuan a rawn ti a ,midang pawh chuan an lo aw ve tliar tliar . Kei erawh ka ngawi reng,ka bula rawn kal chu en pawh ka en duhlo “ Nuthlawiin mî pa a ti chingpen,nuthlawiin pathlawi a ti chingpen" tiin ka zai chhuak thut a ,Duha leh Teruati te pahnih an nuih phuh thawt laiin ka pasal erawhin chiang lutukin min rawn melh vut .









“ Dinte chutiang hla a awm em ni " Duhan a rawn tihchuan “ Awm chiang e,a satu pawh Lalngaizuala,mahse a sakna a rei tawh ka ngaihtuahna ah a awm tlat pek a ,u Fakte i haw em lo ang chu maw " tiin Faki chu ka en ,za lo zet hian a nui ve a ,a thinrim tih ka hre reng sia . A hla kha a then ka paih tih hre phei se a ling viau ang,ka pasal chu ka en ngawi rengin a kal a,ka ngei lutuk chuan mi hmuh loh laiin a ke kal pahin ka tlawh ka tlawh “ Naktuk chu Zo min lo nghak ru aw ,inzir nasat ka ngai sia,hetiang hna ka la thawk bawk silo .







Kan pa chu mi a kalsan nul nul zel a ,buh tuh pawh ka zir tha hman hleinem " tiin Zopuii telam chu ka en a,an lo aw ve nghal “ Ni e kan inlawm dawn bawk a ,kumin chu kumtluanin kan inlawm ang chu. Keini pawh kan thiam lawk bik hleinem,mahse a tih a titi na na na chu kan thiam chhawm ve mai a lawm,i fel zawk hi ka tia,nu Rengpuii te mo te saw khawpui mi ve tho a nia ,nang ai daihin a rawn lawi hmasa a ,vawikhat mah a la feh hleinem saw ti chung sawn an pa saw a duh duh a lei tir a ,an pa hah tak a a awm laiin a ni erawh awm hmunah a awm no hlur a .








Mipawhin an sawi sep sep reng a ,sawtiang em em saw chu pasal ka nei a nih ve ngai chuan ka ni duh teuhlo " Zopuii chuan a rawn ti a ,kan nui dar dar . Ni e mo nih in hre miahlo hi chu kan mona chhungten min rel lo mahse thenawm khawveng te hian min rel ngei ngei thin an tihkha maw ,Kelkhamah kan chawl thap a ,khua kan thlir vang vang ,a tlang a sang bawk nen thli a rawn thaw heuh heuh a ,chu chu inchhem tirin ka ding vang vang .










“ Kal tawh ila Dîte " u Ramtea chu ka en ha ,midang an lo kal vek tawh chu niin ka lo hre miahlo,ka ngaihtuahna ah pasaltha thawnthu hlir a awm vang vek “ Awle " tisepin ka kal nghal zat “ U Ramte i ramvak thin sia,pasaltha Ramtea ini tihna ,thangte i chhuah tawh hial lo maw " ka tihchuan a rawn nui hawk hawk ,tun hi nasa zeta a nui ka vawikhat hmuhna a ni ” Nge a ni a lawm,helai chu hmanlai ang mai in la niin ka hria ,mahse a nuam phian bawk sia . Ka rin ang a lo nilo " ka tihchuan ngawi rauh rauhin a mit chuan ka mitah a melh leh ta reng.








Min en reng avang chuan ka thusawi pawh sawi zawm theilo in ka riat nawi vel mai mai a ,ni e kan inneih hma kha chuan thingtlang awm kha ka huphurh ngawih ngawih,a chhan pawh hrehawm lutuk turah ka lo ngaih vang kha a ni pakhat . Mahse thlahnih chhung lek pawhin Aizawl ai nuam tih tum ka ngah ta mai,khawpui angin boruak uap churh bakah hmun thenkhat rimchhe tak tak a awm ve lo va ,a boruak a thiangin khaw lum lutuk a awm ve lo bawk . Chubakah a khua hrim hrim hi a zalen ka tiin mipui in nek buai luih luih a ngai ve ngailo bawk nen nuam ka ti .








Zanlamah lah nise zan rei tak tak thleng thawm hriat tur a awm lo a ,zan lamah mu in chhunah hna an thawk leh tawp a ,an nundan hi a hahdamthlak ka ti . Kan thiante chu kan um pha miah lo,khua kan luh dawn tawh vang te pawh a niang min kalsan ni “ Faki kha ila duh reng em ni " ka zawt chak lutuk chu insum theilo in ka zawt phawng “ Ka kalsan tawh ka vuan nawn ngailo " tihzawngin min chhang,khawchhung kan luh tak avang chuan engmah ka zawt duhlo,naupang thenkhat chu an nu leh pa te hmuakin khaw hmawrteah chuan an lo infiam laih laih.








Ka en reng,an in um kual zawr zawr a ,a then lah an lo in lên bawk . In kan thlenga ka nute chuan min lo chiau au vat ,ka hah leh hahloh te chu min lo zawt zung zung, dik tak chuan ka hah ve tho,ka feh ngai bawk silo,kawng thui phei chu ke in ka kal ngai lo hrim hrim . Mahse ka chauh loh thu in ka chhang vat,ka taksa na deuh thumah chuan zanlamah ka rawl thum dawn tih ka hailo,ka inbual zung zung ,u Ramtea hian u mipa pahnih a anei a,an ni erawh inhrang changin an nupui fanaute nen khawlu lamah an awm thung ,u Ramtea hi a naupang ber tih takah in pui a nghak dawn a nih hmel.







An khuaah chuan awm thei pawl an ni a ,u Ramtea pawh hian bullet a nei a ,khalh erawh a khalh khat viau thung a . Ka inbual zawh chuan ka hahdam sawng sawng in ka hria ,u Ramtea pawh chu a lut zui ve nghal “ Nu ih maw vawin kan feh chu nuthlawi emaw ni zaktheilo deuh kan rawn haw pui a ,u Ramtea hi a be char char leh nghal . Ka ngei lutukin ka zaikhuma a thinrim hmel lutuk " ka tihchuan ka nu chu a rawn nui hak “ Faki a nih dawn chu,Mama nen hian an inzui ve nasa thin a .






An innei dawn emaw kan tihlaiin tikhan tlangval dang a umsan a ,hlauthawng reng reng suh. Mama hi ka hre chiang a ,a phatsan hauh lo ang che . Faki te chu in inneih hma atanga rawn haw tawh a ni zawk a ,mama lah hi ram lamah a tal nasat avang hian an in hmu har zawk a ,a tihzia hlauh a nihchu. Mahsela ,mi te hi mil hram hram i tum dawn a nia ,i feh ve reng phei chuan mama tan pawh a khawhar i hnemna nipah fawmin keini lah kan tar tawh nen kan pui thei tawh silo va ,i fehpui hian kan ngaih a tha a lawm.







Chutih rual erawhin fimkhur la " a ti dap dap a ,ka bu nghat nghat . U Ramtea a inbual zawh chuan chaw kan ei zawm a ,zanah u Duha leh u Zuala an lo leng a,u Zuala pawh in lawmnaah a rawn tel ve dawn a nih hmel,kan tam chuan hna pawh a sawt viau in ka ring . An haw hnuah mu turin room ah kan lut a,ka pasal chhuata mut leh tum chu a kutah ka chelh vat ,rang zet chuan min rawn en “ Chhuat chu a hrehawm sia khumah ka bulah mu mai rawh " khur der der chuan ka tichhuak sep .







Mut dawn a piang hian ka zam em em zel ,chubakah kan pahnih chauha kan awm phei hi chuan a tawng tam lo bawk nen ka be hreh em em zel,tihluih erawh ka peih em em thung . Mak tih hmel zetin min en reng “ I duh takzet maw " a rawn ti thum sup,thawk la ham hamin ka bu nghat . A nipawh chuan min zawt tawh lo in khumah chuan a mu thla a,keipawh chu a mah hlat deuh tak chuan ka mu bawk .






A chang chuan ka bialpa avangin inthen mai ka duh ut ut zel ,Alan ka ngaihtuah apiangin ka inthiamlo thin,ka bialpa ve ber a nih bakah min ngaihsak hle ,tunah pawh hian kan la in be reng a . Mahse pasal nei ka nih tawh avangin ka pasal chhungte hmaizah a na bawk nen kan in be khat hle,call phei chuan kan in be ngai lo tih theih tluk a ni . U Ramtea lam chu ka en,dai ka duh lo tih hria in a ni pawh min hlat deuh takah a mu a ,kan kar chu a awl duai mai . Puan chu sin tha in lehlam hawi chuan ka mit ka chhing nghal vat .






Zing ka harh chuan lungphu ri ka hriat avangin ka meng chhuak vat ,ka pasal nena inkuah chiala kan lo mu chuan min ti hamhaih ,ka tho chhuak vat . Nizan khan kan indai miah silo a ,kan mutthilh laiin kan lo indai a ni ngei ang,a nilah a pa mutui mai sia . Khawfing a chat tan chiah a ,ka thu ta reng ,ka pasal mu chu ka en,mipa rintlak leh taima nupui fanau chawm zo tur a ni tih ka hailo,Alan-a ai pawhin reilo te chhung pawh hian a danglam zia ka hmuh hmaih lo .







A tawng tam lo va ,mahse chuti chung chuan a ko a tla chu ngawi rengin a ti a ,a hlen ngei ngei thin . Thiam chan tuma tawng zawt zawt thin a ni ve lo va ,vawikhat mah ka phun ri leh ka hmuhsitna tawngkam a hre chung pawhin min hau in min la vin let ve heklo,thlahnih chhung pawh hian duh chu nise kut min thlak tawh hial mai thei a ni . Ka tho chhuak a ,gas ah chuan chaw chhuangin mei nun tumin ka buai ve viau,meichhem ngai heklo thuk ah chuan rei fe mei chhem tuma ka thut hnu ah ka chhem ve thei hram .







Thingpuite chu chhuanglumin chawhmeh tur antam vel chu ka buaipui nghal mawlh mawlh,khua a rawn var chian takah chuan ka nu pawh a rawn tho a ,ka lo che sat sat a hmuh chuan a nui var var mai “ I tho hma hle mai ,i va fel thin em aw ,in pa hi a la mu em ni " a tihchuan ka lo aw vat ,kan pahnih chuan chawhmeh kan siam dun mawlh mawlh a . Kan titi pah bawk ,ka nu leh pa chungchangte kan sawi a ,kan hlim ve viau







U Ramtea naupan lai vel a sawi chuan ka lo ngaithla dauh dauh,ka lo hmuhsit em em mipa hi MA lai a zo a ,chumi hnuah a nu leh pa hrisel loh em avangin thingtlang lamah haw in a nu leh pa a enkawl ta char char anih hmel. Ka ring hlel lo,a taksa lang lo chin hi a ngo vur a ,ka rin ang a nilo thei lutuk chu ka zak zawk . Ka ngaisang zawk,a nichuan sawrkar hna zawng thei rengin a nu leh pa chaklo takte awmbosan duhlo in a haw nal nal chu a ni sia . Ka zah ta ngawih ngawih mai .






Amah lah mipa hmelchhia a nilo a ,a luck dan chu he an khua ah pawh hian ka hrechiang viau,khawpui lamah pawh awm se hmeichhe ho in an iai dawn lo tih ka chiang,a chhan pawh hmeichhia ten kan duh ber chu mipa rintlak leh min chawm thei tur ruihhlo lak a fihlim ngei a ni thin si a ,a rawn thawh lai te chuan ka lo en reng . Ngawi rengin a inphih fai a ,pawnlamah chem leh tuthlawh vel a buaipui mawlh mawlh .






Nitin chuan u Duha te unau bakah u Zuala nen kan nupa chu kan inlawm ho a ,kan hlim thei hle . Kei erawh engmah ka la thiam bawk silo ,rawngbawl turin min dah thin a ,thlamah chuan an tui vel ka lo buaipui ve mai zel . Thlai ala awm loh avangin in lam a mi kan keng tawp a ,chutih rualin maian,Fanghma ,dawnfawh leh thlai tuh ho pawh an rawn to tawh a ,ka lawm ve em em tawp . Thlai to hlim ka la hmu ngai lo va ,vaimim leh changkha velte chu an to that leh that loh enin ka kal kual ve thin a .







Midang hnathawk tibuailo tur in keimah chuan lo ah ka lo tei ve mai mai a ni ber ,kan lo kan zawh rualin u Duha te loah kan insawn a ,buh tuh a lo rei duh zek lehnghal . U Ramtea pawh ka nel telh telh,thlakhat a liam leh meuh chuan kan buhte pawh an rawn chawr tan a ,ka buh tuh ka en chu a to tam fal ngei mai “ Awi a to tha lutuk " tiin u Ramtea chu ka en ” Pawh then a ngai dawn a nih hi,fur a intan dawn a ,ruahtui tam hunah kan sawn dawn a nia " a tihchuan “ Timaw?"ka ti hu mai .







“ Buh to tam lutuk chu a tha theilo,i thlak hek huau huau em a ,ka rin dan vel a ni " a tihchuan ka melh nghek . Tawng tam silo in a tawng ve chhun hi chu a ngeiawm khat tlat zel “ A nih tak chu a,hlo thlawh hunah ka thlawh thluk vek nghal loh " tihlakin thlam lam ka pansan ,thla thum chhung lek pawhin thlai te chu an danglam chak,ruah a sur ta zeuh zeuh bawk nen maian chu mahni eichawp tur chu an lak theih der,thlamah kan bai thin a ,u Ramtea chuan a bai mai zel . Keichuan ka chhum zawr thiam miaulo,tui titakin tiamti nen a chhum te chu ka heh thei hle .








Hun a liam a hnuhpui kan zo chho a , keipawh ka chau ve thei viau,mahse hma ka sawn ve hle tawh . Nikhat chu u Duha te lo feh chuan Faki an rawn hruai tel a ,ka millo lehnghal ngawt tawh . U Ramtea nen chuan hma ah kalin an in be char char ,keichu min ngaihsak lo hrim hrim . Lo kan thlenga ka pasal lah chuan a thusawi chu a ngaithla kur a ,an nui leh dar dar zel . Keichu midangte hlim taka an nuih lai chuan ka nui ve theilo,ni e an ni angin hna ka thawk ve thiamlo a ,an bulah feh ve siin ka bung ve ngai heklo .







Keiai chuan an nel reng ang chu,chu ai zawng chuan u Ramtea chuan ka rilru a tina daih zawk,nitin ka zui a . Hetiang hian ka rilru a lo tidanglam nasa a ni tawh si a ,nileng chuan ka tawnglo,min biakna pawh ka chhang ngai heklo,mak tiin min en leh thin . Chaw hnu bung tura an kal lai chuan ka insiam sawk sawk a ,in lam panin ka haw hnak hnak ,ka rilru na lutuk chu ka mittui lah chu a rawn tla reng lehnghal . Buh te chuan ka khup an chen ti tih tawh a ,fur a intan bawk nen khua lah chu a dur khup lehnghal .








Lo lu tlanga ka liam dawn chiah tihchuan Zopuiin min rawn au thut a ,ka ding chawt . Ka hawi thla vang vang,ka mittui chu hru mawlh mawlhin ka ding vang vang “ Tinge a ,i nuamlo em ni " an rawn tihchuan “ Ka haw dawn " ti a au in ka kalzawm leh nghal,an duh duhin min ngai rawh se ka leng ve hlawllo tih ka hria,ka pasal hian midang a duh a nihchuan nei mai rawh se . Ka rilru chuan Aizawl a haw a in peih vek tawh,lo khat ka pel awrh tihah chuan ka hnungah thawm ka hria a ,ka hawi let vat . U Ramtea chu ngawi reng in ka lam panin a rawn kal a .







Ka bul a rawn thlen rual chuan chiang zetin min melh “ Tinge i nuamlo em ni?kan thiante an hamhaih a nia,i nuamlo a nihchuan thlamah khan lo chawl la hei ruah a sur dawn lehnghal kan haw hma mai dawn a nia " a tihchuan ka chhang lo,ka ngawi reng “ Dîte" a rawn tih pawh chuan ka la chhang chuang lo,reiloteah Zopuii te ho pawh an rawn lang a ,ka tha em tih min rawn zawt mawlh mawlh . “ Ka tha ka lung a leng deuh mai mai a ni e,tinge in lo haw kher duh khua a hla em em pawh a nilo a keimahin ka haw thei alawm " tiin ka rilru natna thup tum tak chuan ka nui lui sak .








“ Vawin chu haw hma mai ang u,kan nu a nuam silo a ,naktukah kan riak lut dawn bawk a ,inthlahrung suh u " u Ramtea chuan a tisup ,ni e midang lo chu kan zo vek tawh a ,kan lo hi a tawp nan tihah an khek a ,mahse fur a intan chho nen hna a sawt lo em lah tak a . U Ramtea chu ka bulah rawn tawlh hnaiin ka pang rawn deh a tum a ,ka lo awmsawn vat .“ Ka tha kan haw dawn chuan haw vat ang u " tiin hmaah chuan ka kal leh vang vang,mak min ti tih ka hailo . Ni e nidangah hetiang hian ka awm ngai miau silo a .








Ka thikna chuan ka awmdan a tidang lama,pawi tihna erawh ka neilo,ngawi reng chuan ka kal a ,ruah lah chu a rawn sur zui leh ta nghal . Mi thlamah an tlan lut a ,kei erawh ka kal lui ngat ngat “ Ka nuam silo a ,in thlen vat ka duh a ,ka lo han kal hmasa nge ,ka nu leh pa an mahni chauhin an awm bawk nen an ngaihtuah awm emai " ka tihchuan an lo pawm ve mai ,an ni erawh thlam lam pan chuan an tlan diak . Ka pasal erawh ka bulah a la ding reng,en pawh en lo chuan ka kalzawm mawlh mawlh .






Chawllo a kal ta na na na chu in kan thleng a ,ka inbual nghal zung zung,ka intuam lum a ka thawmhnaw huh chu pawnah ka bang tawp bawk . Ka nu ten rawng an lo bawl vek tawh bawk nen khua thim hma chuan chaw kan ei vat,ruah lah chu a sur tam tawlh tawlh lehnghal . Khua lah chu chhum dum chhahpui pui avang chuan a thim khup mai lehnghal, current lah a awm lo bawk nen chaw eikham rual chuan roomah lutin ka mulum nghal thak . U Ramtea pawh a rawn lut ve nghal,a rawn mu thla a ,vawt ti viau mah ila hnaih tumna ka neilo .







Lehlam hawi ngatin ka inher ka phone phawrhin ka nute ka bia a ,ka ngai thar vawng vawng “ Nu ka lo haw mai dawn em ni,ka lung a leng tawh " ka ti sep ,mahse ka nu chuan fur laia zinchhuah a phallo nasa mai . Chetsual a hlauhawm a ti tlat lehnghal ,ka nernang nang “ Lo haw chu ka duh tho tho,ka thiante bakah khalam ka ngai tawh " ka ti pang pang, phone chu ala dah zui hmak lehnghal . Ka ngei lutuk,khur hlak hlakin puan chu ka sin tha ,ka hnung lam atanga min kuahtu avang chuan ka phu zawk ..







Ka tal nghal vak,engvanga hetianga rawn awm nge a nih “ I lungawi lo tih ka hria ,engvang nge? Faki vang kha em ni,i awmdan hi ka duh hauhlo a nia" a rawn tihchuan ka tal leh vak “ I duh loh leh min thenla tinia " tiin ka aukhum pang pang,ruahsur a bengchheng bawk nen ka nu leh pa ten kan thawm chu an hre pha dawn lo tih hria a au pawh ka ni . “ Then leh tur che in nupuiah ka neilo che " tiin ka chungah a rawn bawk kai a ,ka tal reng chu ka ke leh kut chu a ke leh kut hmangin ka tal theihloh nan a chelh bet hmak .







“ Dawt sawi hmang pa ,thlawi lawm i duh leh i bialnu hlui kha nei rawh,ka haw dawn i hria em ka nei duh tawh lo che " ti tiauin ka mittui tla tur chu ka khap kir sak sak,kan rooma emergency light kan chhit thlarah chuan ka mittui chu a hmuh hmaihlo tih chiang tak in ka hria “ A ni duh ni ila ka neih hma che khan ka nei tawh ang,tinge i thik a nihchuan i sawi mailoh,ka tan pawh a har a sin,thlali chuang ka nupui ini chunga hlat che hi " a rawn ti ve hrawk mai,ka ngawi reng .





Ka khabe ah chuan rawn dawmin chiang zetin min en “ I thikna mitmeng hi ka hmuh hmaih ngailo " tisupin ka hmuiah a rawn fawp ,kan inneih hnua a vawi hnih min fawhna chiah a ni,chuan a hma a mi ang chiahin ka danglam chak bawk . Ka kawr chu hlimin ka taksa chhung lam chu a dap nghal zat “ U Ramte" tiin ka nemsawn deuh dat ,mak ti leh zam bawk siin ka en,hetiang anga hnaih hian ka la awmpui miah lo a ,ka zam lutuk ringawt.






“ A diklo " tiin ka hawisawn vat,a nipawh thaw hawkin min hlat thei ang ber chuan a mu hmak,ka mittui chu ka tuai zauh . A tuklamah chuan riak turin kan inzui a ,vawikhat mah min be lo,nuam lo ka tiin hrehawm tizet chuan a hnung ah ka zui zel,ka riah ve pawh a rem tilo va . Ka tum luih talh avang leh a pa in tel ve mai tura min tih avang chauhin a rem ti a,ka thawmhnaw hak tur chu ka ipah ka ak ve hnak hnak,khua lah chu a la che ropui si,ruah hmite a tla seng seng reng a ,a sur tam hma in thlam kan thleng hman hram,thlam hi a siam tha a ,ruah luh mai mai loh tur in a siam vek a .







Khaw thlirna turin hmalam a siam tihloh chu a phui vek,chupawh ruah a rawn sur avangin silpaulin zarin a thim zui hmak,mutna tur chu a phahsa a ,mei a chhem zui nghal zat,chaw hnu lama kal kan nih bakah ruah a sur avang chuan thlamah a chawl mai a nih ka ring,thlam chhung hi a zau bawk a ,kan pahnih lek chuan kan thawl hle . A insiam mawlh mawlh chu ka en reng,a thawmhnaw thlak a tum tih ka hriat chuan ka dang vat,tunang ruahsur hnuaia hna a thawh chuan a damlo mai ang .







“ U Ramte ka tihpalh ka chungah thinrim tawh lo la ,ruah a sur nasat em hi " ka tihchuan min chhang lo,ka inthiamlo tawh bawk si . Ka tihngaihna hrelo chuan bul tan hmasak ka rilru a rawn awm ang chuan ka che ta tawp,dingdihlip ak akin a hmuiah ka fawp a ,ka kuah bawk . Min chhang mai lo,a ding khawng awt ringawt. Reiloteah duhthawh zetin min fawp tawn tawn a ,a taksa ruang kang chu ka thiam dan dan in ka zut kual,a thaw hawk hawk mai . Mutna chu siamtha in min bawh tlu riai riai








Kum 24 chhung ka lo vawn tawh ka thianghlimna chu ka pasal hnenah chuan thlali chuang lai mai ka nghah tir hnuah ka hlan ve ta ,chu ruahsur hum hum karah chuan a taksa lumna kuah chial chungin ka muhil zui ta sak sak a .





(COMMENT TE ,CLICK LEH LIKE TE MIN LO TIHSAK HRAM HRAM ULA AW )

[mawitei bawihtlung]

KA PASAL THINGTLANG PA





CHAPTER 4






Ka harh leh chuan khua a lo thim vek tawh,ka tho chhuak dawna ruak veka ka la awm avang chuan rang lutukin ka mu lehnghal . Nui suk ri ka hriat chu u Ramtea tih ka chiang lutuk ,ka sen tawn tawnin ka ring, eng a awm lo hlauh chu a vanneih thlak . Thlam chung leh bang vel ah di a hmanga,a nuam phian leh nghal . Rangva chu nise ruahsurah a bengchheng viau ang,ni pawh sa se di in chu a lo daih bik zia ka hre chiang a ,keimah pasaltha ngaithla peih lutuk ka ni bawk nen hmanlai hun a awm ang maiah ka in ngai thin.








Ka pasal lah pasaltha ka lo suangtuah ang thin ngei,ngawi chawi tak mahse pa em em si,sa kap thei leh min venghim thei ngei tur mi a ni lehnghal . Mei eng chiah chu kan awmna chhun tu a ni a ,thimkarah chuan ka thawmhnaw ka zawng rak rak,ka inha nghal zung zung,ka zam thar leh em em ringawt lehnghal ,pasal nei hlim hlawt ang maiah ka in ngai . Ka pasal te chu ka en tha ngam lo,rawng a lo bawl zo vek tawh a ,zanriah chu kan pahniha kan kil dun hmasak berna ni turin thlamah chuan kan ei dun mial mial .







“ U Ramte " zam zet chuan ka en ,mitmeng dam dupa min rawn en in ka thusawi tur ngaichang tih hriat tak hian a hawisawn heklo “ Ka ek a chhuak" ka ti tham chhal . Ka sawi zawng te chuan ka kut ve ve chu ka inhmer tawn tawn,mahse keimahin ka e ngam lo miau a ,ramhnuaiah lehnghal ramhuai leh sa hlauhawm tak tak ka tawn ka hlau ,light chu ban vutin a kut min rawn pe a ,ka lo vuan nghal vat. Inthiarna hi vau a ngaw chinah a siam a ,kei thingtlanga awm thanglo,chubakah dawih zep sa em em tan chuan hlauh loh chi pawh a nilo .







Vau lam pan chuan buh kara kawng kan siamah chuan kan inzui hnak hnak,buh te chu ruah tui an la awm far a ,dai zawng chuan an far leh thin . Inthiarna thlen rualin ka lut vat “ Awm hla suh aw ,ngawi reng suh ang che ka hlau a nia " Hlau suh ka kalsan dawn lo che " a rawn tih takah chuan thaw huai chungin ka inthiar zawm a ,tawng em em lo mahse thawm a neih reng avang chuan thlamuang deuhin ka inthiar thei a ,ka zawh rualin ka intifai sawk sawk a . Ka chhuak nghal vat.






“ Ka zo kal ang,a vawt lutuk " tiin hma ka hruai lehnghal,ruah hân tawh mahse khua chu la vawt tak a ni. Thlam kan thlen rualin meibulah ka thu nghal vat “ Naktukah chuan a sur tawh em lovang chu maw ,ninawm e duh ang pawhin ka awm theilo " tinang nang in ka phun sap sap ,ka bulah rawn thu in ka sam chu a siam tha a ,ka lo zak leh pek. Ka hlat deuh takah awm se ka awm a nuam zawk in ka ring,tlaia kan awm dan ka ngaihtuah a ,ka la zak reng . Kan chet dan te ,duat zeta ka taksa chul kual ka ngaihtuah ringawt pawhin ka la tim ur ur thei nia .







Mahse kha ka thil tih khan kan nupa inkarah inpawhna thuk zawk a siam tih ka hailo,ka thianghlim a ni tih a hriat ruala sawi chhuak silo a a nui hmel khan min tingaih tha veng veng nia! Ka hmaiah rawn dawmin alamah min kuai her a ,ka hmui chu ka liak hlap ,chuveleh muangchang leh dam raih hian ka hmui chu a rawn dai a ,ka danglam leh nghal vek. Ka lo chhang let ve nghal zat,mutna kan hlat lo bawk a ,min pawm pheiin puan hnuaiah chuan a chet zawm leh nghal . A lungawina avanga a rum hawk hawk chu ka ngaithla dauh dauh,ka hlim veng veng thei ,ka pasal hian nupa nunah pawh ka zai a ngaih zia a tilang chiang viau a ni .







A ban bul lian tha telh tawlh chu vuanin ka khur dar dar ,ka taksa chungah chuan ala bawk ta reng a . Nemsawn pawh ka tum chuanglo ,ka sam chu huisawnin ka chalah a rawn fawp zauh “ Ka lawm e ,i tan a hmasa ber ka ni ang tih hi ka ring phaklo" a rawn tisup,ni e ka nunhlui kha a hre ve ngei anga,ka chhungte pawhin ka thianghlim an rin tawh loh laiin a ni min hrechiang lo tu zawk phei chuan a ring hauh lo ang,ka nun dan kha pawlawh viau in zu te in ve thin mah ila. Ka thianghlimna erawh ka vawng tlat thin,a chhan chu hmeichhe zahawmna ber leh kan pasal te kan pek theih hlu ber chu kan inneih zana kan thianghlim a ni tih kan lan tir hi a ni .







Kan thianghlim ngei a ni tih an hriat chuan kan pasal te pawhin min zah thin,pasal neih hma a hmang reng reng chu kan pasal te hian min zahlo ru deuh tlang pui . Kan nundan tam tak chu a thalo a ni thei,mahse kan thianghlimna hi hum ila hmeichhia chuan zahawmna kan hlawh chhuak leh thei,hmeichhe awm duh dah ve tak sual hmel tak te hi hmeichhe ngawi chawi kohhran lama in hmang te ai hian an lo thianghlim ru zawk phian zel . Kei ngei pawh hian ka nun atang ngei pawhin ka hria a ni,kohhran leh khawtlanga in hmang em em te zawk a hi sawn pai leh sawn thlak nawlh an lo ni duh zawk phian.







Rawngbawlnaah chuan nula leh tlangval inzui pawh rawngbawl dun an nia ,a tur ve reng alawm kan tivek miau a “ U Ramte " sawi tur ka hre leh silo chu ka ngawi det “ I hriat angin hmeichhe fel tak ka nilo, zu te pawh ka in a ,meizial lah ka zu hnem narawh ,mahse hei hi ka hria ka nundan tam tak miten sel mahse ka pasal in ka thianghlim tih a hriat chuan mite min sawi ang em em ka nihloh zia a hria ang tiin ka thianghlimna hi ka vawng reng thin . Bialpa pawh ka nei thin,mahse tumah a falin ka awmpui ngailo .






Ka nu leh pa chuan min ring lo a ,nang nen inhre sa silo in kan inneih phah a ,i hriat angin kan inneih tirh kha chuan ka haw em em che ,mahse mipa rintlak i nihzia i fiah a ,min tilui ngai miah lo te kha ka ngaisang che " tiin ka zak chu hawisawnin ka lei ka chhuah zauh ,nui chungin ka sirah a rawn mu thla a . Min kuah bet nghal “ Keichuan hei chiah ka hria,ka nupui a nihchuan engtik ah emaw ala insiam tha em em ang tiin,ka tana ruat nilo la Aizawl tlang daih daih atangin min rawn nei hauh lo vang,ka tan Pathianin a ruat che a ,chu chu ka hriat awm chhun a ni.






I nunhlui chu i nunhlui a ni a , i kalsan tawh ,tunah chuan i pasal tan chauh hian nung ang che " a tihchuan ka bu nghauh nghauh,khua a vawh em avang chuan a bawp pahnih inkarah ka ke ka rawlh lut a ,a taksa chu ka kuah bet nghal thak . Ka nui ver ver reng mai “ Faki kha hnaih tawh miah suh " tiin a awmah chuan ka thai nauh nauh ,a rawn nuih zawng chuan a awm a che dat “ I hnaih leh vaih chuan ka hawsan leh daih ang che " tiin ka taksa chuan ka hnaih zual sauh,thawmhnaw kan la ha lo ve ve a ,kan taksa lum chu a in nawk dun chial.








Nuam ka tiin ka hlim em em ringawt ,nupa nun hi a hun taka lo hman chuan a inchhir awm loh a ,hlimna leh nupa inkar tihlu tu leh siam tha thei tu a ni tih pawh ka chiang viau ,a rim chu ka hnim vang vang . Perfume rim ni lo in a ma mipa rim bik liau liau hi ka duh a,a rim pa em em hi hip reng mai ka duh,ka hnute chu a hup thuk a ,a kut chu ka beng hlak “ Ka muhil thei nang i kut hlei miah suh se ,ka chau lutuk " tihpahin ka mit ka chhing diar diar ,ka chalah a rawn fawp leh vang vang a.








Zing ka harh chuan rin loh deuhin ni a lo chhuak vur ,u Ramtea mutui lutuk chu kai tho duh lo in tho chhuakin ka thawmhnaw ka ha mawlh mawlh , meichhemin chaw ka chhuanga ,thlai awm ang ang leh mai an ka veh kual a ,buh a ruah tui cham bang lah chuan ka thawmhnaw an na ti huh vek,an sang ve tawh bawk nen ka thlir vang vang,Pathian zarah kan buh an hrisel a ,ka malte an thleng vek tawh . An hring dup chu ka thlir reng,vaimim pawhin min pel deuh vek tawh a ,a chhe zual erawh an awm ve zeuh zeuh thung,fanghma rawn rah tan te chu ka en reng .









Ei theih zung zung se ka ti ngei mai “ Lo neitute Bung 1 chang 5 atanga chang 6 Buhte hi rah tur an nilo a ,duat hle tur an ni . An vui a that loh phah thei,thlai te hi duat tur a ni a ,kan ei duh si a " tiin ka kut ka vai kual pah a , recitation sawi ang mai chuan ka vai no kual vel a ,ka awmah te chuan ka kut ka dah thul,a no thei ang berin ka aw nen ka tikual a ,thlam bul buh hmunah chuan mahni te in ka tawng char char ,ka maian leh bawrhsaibe leh berul rah hmasa ka lawh chu ka bul te ah dahin ka phul phulin ka phul hlut.







Chutia ka kut leh ka hmang a ka thusawi leh in vai kual lai chuan ka hnung lam thlam lam a tang chuan nuih insum ri ka hria a,ka hawi let chu u Ramtea lo khur dawt dawt chu ka hmu nghal,a lu a phum bo tlat bawk nen ngaihtha lo fe chuan ka en reng ,a nilah a la kun ngur bawk si . A kaih dawn emaw ka ti hial tawh,ka thlai chu la in thlam lam chu ka pan,a hmazawnah tak ka va ding a ,ka en reng lai chuan rawn hawi chhuakin a hmai a lo tai tuk a ,a mittui a tla phung bawk . Ngaihtha lo zeta ka lo en chu min en in a nui leh ta char char hepa hi!







Ka ngei lutuk chu tum burin thlamah ka lut a ,ka zah bakah a nui kher kha ka ngei hrim hrim,ka chaw chhum chu suanin antui bel ka chhuang a ,maian chu ka hik nghal malh malh ,ka bulah a rawn thu a ,a la rawn nui kut kut chu chhemthei chu la in a lu ah ka tuk lawlh “ Nui tawh suh,ngeiawm pa " ka ti that . A nuih a za tulh tulh emaw tih turin maian pawh a hik theilo ,ka haw bawk si,ka hik tau sawk sawk,kan zawh rualin a tui a lo so ve bawk nen a lu ah nemsakin “ Thuai la thlak rawh,ka chhuak dawn nangmahin bawl vek ang che " tiin ka ding uaih a .







“ Awle ka nupui phe zik zek te " tiin maian chu a thuai nghal mual mual,hepa pui hi a nghal thar riauin ka hria ,antui chu a chawk a . Min rawn melh leh vung vung thin chu ka lai lo theilo,harh viau mah ila miin min en char char hi chuan ka lai ziah,a nui suk a . Bawrhsaibe vel chu thlakin ka lamah rawn kalin ka kawngah a kuah nghal chat,dim te hian alamah min pawt hnai a . A awmah min kuah bei vang vang,thaw dep depin a lungphu dup dup chu ka ngaithla vang vang a ,ka tel ve nimai hian ka hria “ Ka Dingdii ,arsi zawng zawng zing a eng mawi ber ,Dingdii" tisupin ka chhipah a khabe a rawn nghat dat .









“ Hmm min tlawn suh aw " tiin ka nui hak,chaw hmeh dang em em siam lo in hmarcha ka rawt a ,ka chaw ei a tui leh em em tho . Hlo thlo turin kan chhuak a ,tuthlawh chu ka vai leuh leuh “ Fimkhur la ,buh kung rah loh tur i tihkha " hnung zawng chuan ka tlawh awk “ Min tilui zel suh aw ,engvanga lo ngaithla nge i nih" ka tipang pang,min chhang lo in kan hmabak ah chuan a bung nghal vut a ,a thlo nghal mial mial ,keipawh chuan ka thlawh pui ve a,mahse mipa tha leh hmeichhe tha chu a intam hleih bakah kan zam a inthat hleih lutuk tlat .








Ka thaw hliam hliam tawh ,buh karah chuan kan kun chuan ka lang tham meuh tawh lo “ Fanghma te hi ei theih tawh se an va thang muang bik tak " tiin ka phun niah niah,ka pasal hnathawk erawh a ngawi leh ngul tawh . Hna a thawh tawh hi chuan a hnathawh lai chiah ngaihtuah tih hriat tak hian a ngawi daih zel “ A chuku chuku chu chu,phius phius " ka kut chu vaiin ka lam zak zak ,hna thawh pah chuan ka ze ngai te bawkin ka lam leh auh auh a ,u Ramtea pawh hian ngaiah min neih titih tawh .









“ U Ramte tihian ramah hian awm reng ila,a nuam ka ti riau" ka tihchuan “ Kan pahniha awm nuam iti tihna em ni" min rawn enchunga a tihchuan min tizah a tum tih ka hria “ Nimai e ,pipute min suih sak la ka uai duh a nia " ka tizet zet,a rawn nui hawk hawk mai,hma kan la zo a ,buh karah chuan kan chawl dun,a darah chuan ka lu nghatin thli fim rawn thaw heuh heuh chu kan inchhem tir a ,ka hahdam sawng sawng thei . Thingtlang nun hi ka awm reia nuam ka ti tawlh tawlh,hna hahthlak tak thawk thin mah ila zo thlifim ngei in chhem tir a ,mahni thlai thar ngei ei te hi a lo nuam in a tui bik ka ti bawk.








Ka pasal ral hla tak thlir vung vung chu ka en ,a sam hma sei ve deuh tak chu thli in a chhem zawng chuan a phe hlep hlep a ,ka nuih ver ver mai “ U Ramte i van lo hmeltha em em ? Van angel te hi i ni hial lo maw ? Nge lasi tlang val zawk ,khi tan tlang kan hnaih bawk sia lasi tlangval hi i nih ka ring hial mai " ka tihchuan ka chalah a rawn pen fawk “ Aiah a..... Nang chu a,i ngawi renga chengkawl i nih hi ,chengkawl pawh lungah an bet ngawi khuau a ,tawng na chang reng reng hrelo " tichiamin ka thawh san hmak.








“ Tho rawh hna thawk ang,lasi thinchhepa ,lasi tawngtheilo pa " ka tileh hram min rawn banin min pawt thut ka inring hman lo nen lei lah a lo nal ka tawlh thlu thuai,buh kung khat ka thut chhe vek ,ka mawng lah chu ana ngei mai “ Ana lutuk " ka mittui a tling leh piau . Rang zetin min pawm tho “ Enge khatia min tih vak,ka mawng hi hik tuar se i ti em ni? Misual lutuk mai ,ka mawng ana lutuk " tiin ka dawm vawng vawng “ Nge min pawh thut a " ka tileh hram . A lamah min pawt hnaiin “ Tihpalh " a tinghal sup,ruah a sur ngun avangin lei lah a diak nasa mai si ka kekawr mawngah chuan diak a kai khat tlat .







“ Hmm ruah a sur duh nen ni sat laia pho vat a ngai dawn a nih hi,pawilo hma hi hlen phawt ang " tiin ka tuthlawh chu ka ban a ,a awm nuam lo hmel chuan min tinem leh vek tawh . Ka pasal hian tawng lo mahse min ngaihtuah zia a chetzia leh mitmeng atang hian ka hre thin,hei vang hi a nih ka ring,ka bialpa ngaihtuah miah lo a a zuna ka uai tak na chhan ni . Sim turin tawngka in min tikher lo mahse a mitmeng leh a mi dipna tak avangin ka zu in thin pawh ka bansan hmak a ,ka tih ngailoh thiamin ka nun chuan hma a sawn ve ta .







Ka pasal kutah hian sum leh rohlu tak tak aiin rinawmna leh nghehna a awm a ,nunnawmna aiin a awma ka bei ringawt pawhin thlamuanna ka nei thin . A tawng tam ve kher lo va ,thu chiahin a tih tur a sawi ngai lova ,a chetzia in a lan tir mai thin . A kuah ngai kher lo pawhin a kut ka chelh ringawt pawh in ka him hliah hliahin ka hre bawk . Heng zawng zawng hi a hnen atanga ka zir chhuah a ni, Alan kha chuan a nu leh pa thawhchhuah hmangin nun nuam tak a nei a ,ka pasal erawhin a ma thawh hmang ngeiin engkim a nei thung.







In lian tak tak leh changkang tak tak neilo mahse amahah ka thla a muang a ,ka hlim bawk. Mihringte hlimna hi hausakna ai chuan rinawmna leh hmangaihna awmna hmunah a lo awm thin zawk,hausakna in hlimna min thlen vek kher lova ,rethei te pawh nise hmangaihna in hmun a chan phawt chuan hlimna chhiarsen loh nen hrehawm karah an ding chhuak thin . A tira nun nawm kha lo thlangin he ka pasal hi lo nei lo ila thil hlu tak chanin tuna hlimna ka neihna ang hi ka nei kher lovang .







Inneihna kha lo pawm lo ila chu he mipa hi ka tawng awm tawp silo,chhun chaw fak turin thlam lam kan pan a,a kawr hnungah pawt in chho zawng a ni bawk nen ka in hnuh chhoh tir a niber ,thlam kan thlenga zing lama kan chawhmeh siam chu tilumin kan ei nghal mawlh mawlh . Ka kekawr pawh chu thlakin ka su nghal a ,ka pho nghal vat “ Lo awm tawh mai rawh,i chau lutuk ang rawng lo bawl la ,keimahin ka zuk thlo tawh a nge . Kan zo tep tawh a ,i nat ka duhlo " tisupin hnial ka tum chu min melh deuh hrawk avang chuan ka hnial leh ta lo .





(MUTTUI U LE ,ZANAH CHIAH STORY KA TYPE THIN TIHKHA KA SAWI NAWN LEH DUH E AW,KA BUAI PHEI CHUAN DAR 8 ATANG TEN KA TYPE VE CHIAH BAWK NEN TYPE THUI A HAR A NI E )

[mawitei bawihtlung]

KA PASAL THINGTLANG PA





CHAPTER 5




BY MAWITEI BAWITLUNG







Ka pasal rawn haw chho chu thlam luhka(leika tia sawi pawh an awm tho aw ) atang chuan ka lo en reng,rawng ka bawl zo tawh a . A hnathawk ka lo thlir reng tawh zawk a ,ka bul a rawn thlenga ka kawrfual hak in a ka taksa a phuar mar tang chu enin a khi suk ,ka bul a rawn thlen rualin a banah ka lo vuan nghal chat “ Ka mawi em ? " tiin ka intheh kual vel a ,ka nui pah har har “ Lasi nula ka nih hi aw " tiin thlamah chuan kan lut zui a ,pawnah chuan inbualin a rawn lut leh thuai.








Chaw ei ka siam zung zung a ,kan einghal mawlh mawlh . Khua a thim tan tawh nen kan hmanhmawh viau ,hnahthial phahin kan ei tawp zel a ,thleng sil tur ka neih vak ngailoh phah a ,ka hahdam phian,thleng ka sil lai chuan ka bulah a rawn awm ve reng a . Zan hi ka hlau tih a hriat vang te pawh a niang ,thleng sil zawh rualin thlam pawn zawl laiah chuan mei kan chhem dun a ,a zau tha bawk nen a nuam ka ti veng veng “ Lawk thil sawi ka duh " ka tihchuan chiang zetin min en ,a hmaah chuan mei hnungpuak zawngin ka ding a .







Ka aw ka thian kharh kharh “ Dan 1 na ,keilo hmeichhe dang melh thiang a nilo,kei ka hmeltha si a ,2 na ,pian nalh dang melh i mamawh lo chawngtinleri ianga pian nalh ka ni si a ,nuthlawi melh phei chu phal a nilo . Nupui kei min neih hi ,hmeichhe dang bula nuih phal a nilo,ka bulah i khik suk hi a tawk " tiin a bulah chuan ka au pang pang ,chutia dan ka lo siam mawlh mawlh lai chuan hnunglam atang rawn nui thut ri ka hria “ Aw Lalpa thlahrang " tichulin u Ramtea chu ka va zuan let tawp ,leiah chuan kan thal dun huang mai.







“ Awi Laldin,thlahrang kan nilo,vawiinah kan rawn riak lut ve a ,kan rawn leng phei a nih hi . Nang ni lah kan riah leh riahloh pawh in hrelo va ,kan lawm lo " Zopuii chuan a rawn timawlh mawlh ,kan tho chhuak a . Ka inbeng fai nghal nawk nawk “ Thawm nei hmasa ve ta che u,hetiang rama rawn nui huk te chu huai emaw ka tih phah tep cheu a lawm " ka tihchuan an nui dar dar “ In pa chu i va duh awm hlarh hlarh ve " Duhan a rawn tihchuan ngaihtuah chiang miahlo in “ Duh ve ang chu a zei em a lawm " ka tihchuan an pali chuan an nui huk .








Ka thusawi ka ngaihtuah chiang,ka zak lutuk chu u Ramtea bula thut pahin a banah ka hmer vak vak “ Ka zak lutuk " tiin a awmah hmai ka nawr vak ,an ni lah an nuih za a la reh theilo . Ka pasal pawh ngawi rengin a nui ve suk suk a,ka zak tak tak . “ Nangmah ni chauha riah tir cheu kan duhlo a kan lo riak lut ve tawp mai ," u Zuala chuan a rawn ti a ,“ Zai ang u guitar kan rawn keng a nia " u Duha chuan tiin u Ramtea nen chuan an pathumin mei ai pah chuan an zai a .







Lallianmawian Fur khawthiang a sak chu an zai a ,thla a eng kulh bawk nen mawi ka tiin ka lung a leng viau “ Suihlung min len zual thin e ,fur khawthiang eng no ri riai ,tinkim ka han dawn chang ni hian,aw..min ngaihtir nunhlui mualliam hnu zawngte " tih an sak lai chuan hmeichhe pathumte chuan kan lo sakpui ve a ,an zaithiam ka ti takzet ,tunlai zaithiam ten a a hla phuah tu leh a sa tu thluk ang nilo in a thu leh a thluk an duh tawkin an han sawp thin ka ngaihtuah a ,tuna u Ramtea te zai chuan ka lung a tileng vawng vawng .






Thang thar te chuan kan hla lung tileng thei em em pawh kan sa mawilo zo ka ti thin,duh tawkin a thu tawpah sap ho an tum luat avangin ahla thluk nilo kan belh cham chi a ,tar leh kum upa ho lung tileng tura hla sa chhuak thiam an vang tawh em em a ,kan pi leh pute lung tileng vawng vawng thin tu chu heng kan hrang hlui te chiah hi an ni in ka hria ,thang thar chu kan zai reng rengah rap a tam tawh a ,kum upa lam chuan an ngaithla tui vak thin lo . Hmanlai hla nge nge hi lung tileng tuah chuan a lo tha ber tih hi keipawhin ka hrechiang ta takzet .







Ka kut bengin ka zai ve rat rat ,a chang hnihna a “ Ka duhlai ngaihno beite ,nang nen hmangaih hrui vuan a ,Damlai hun tin kan chhiar ten lung min len e" tih an sak lai chuan u Ramtea chu ka bulah rawn thu in ka biangah a rawn piai pah a ,kan thiante ho chu an lo au dar dar ,keipawh ka nui hak hak reng mai . Hmeichhe ho zai tur a min tih avang chuan guitar chu ka ban a ,heng hi chu pasal ka neih hma in ka lo vak ve viau hman bawk a ,guitar leh zai vel hi chu ka thiam ve hle “ Le Buannel ramdai C . Vansanga sak ngei kha aw " tiin aw ka thian kharh a .








Ka zai tan a ,Zopuii leh Teruati pawhin min lo zawm vat,kan awmna ramhnuai reh ruih te ,kan piah a thla in a chhun pawl phut tlang cham duai bakah Myanmar tlang dung a inkhawh zui chu ka thlir reng (Khua kha a name ka thlak a ,kan khawhming chawngtui East ka hmang e aw ,kan khaw chanchin hre duh tan Chuan Google leh yt ah a awm a,chuan Mizoram a khaw upa ber a nibawk a,ka story ziah nen a inrem in em avangin kan khua ka hmang ta mai aw )







“ A saw raltiang lentu zobawm saw ,chhingmit ti tlai tu tukloh ram chhah kar saw ,mi ngeng pasaltha " u Ramtea chu ka siai ve zauh,a lo then sak te chuan min ti tuiral lo chauh “ Lung tileng tu,Buannel ramdai lungdumtu " a thunawn thleng chu sa in kan duhtawk a ,kan inkawm khawm nak nak “ Thiana keizawng ,kan tunlai hla hi chuan min hip ve thei meuhlo,hrang hlui te hi ka tileh nge nge thin,tunang lai ang hian hmanraw tha te awm ve se an lo va zaithiam dawn em tih hi ka ngaihtuah.








Lung len ni a sak leh ngaihthlak tur chuan keichuan kan hranghlui te bawk hi a ni ka duh ni" u Zuala chuan a rawn ticharh charh,kan lo pawm pui viau tunangah chuan thiamna a sang chawp a ,mahni aw nilo pawh computer hmangin an edit nalh zung zunga,hmanlai hmanrawn changkang pawh neilo an aw pangngai nena rawn lar chhuak ho te kha tunang lai ah hian la awm chiah chu nise ,an ropui zual viau in ka ring . Heng ram thingtlang mite tan ngat phei hi chuan mittui titla tu an la ni reng chu a ni sia .









Thang thar te chuan lunglen awmzia kan pawh zo tak tak meuhlo,hetiang hmanlai nunzia tam tak la chhawm nung a ,mahni kut hnathawh ngei ring leh chul fan tur nei a ,romei zamlai a lungleng em em thinte tan zawng hla cool hi chuan mi a lo hneh em a ni ,ka pasal darah chuan ka lu ka nghat a ,kan la zai ta zel. A khat tawkin kan nui leh dar dar thin,he thingtlang nun hi nuam ka ti a ni . Khawpuiah chuan mihring kan tam a ,vengkhat ringawt pawh kan inhre kim thei lova , thil tih nikhuaah lah nise hmelhriat loh nen kan kat nuk bakah hnathawh tlan dial dial ang hi kan nei khat hle .







Hetah erawh hlo thlo in kan inlawm khawm a ,ram riahna nen thleng zanlamah tihian an la inkawm thin chu a ni si a ,nuam ka tiin ka ngaisang a ni . Thingtlang ka lo hmuhsit em em te nunah hian entawn tur ka va ngah em,ka pasal ka en . Sawrkar hna a thawk lova ,in lian leh ropui tak tak a nei ve lo,mahse a rinawm a ,a thawk rima. A chhungkua a chawm zo ve tho ,chutah a nupui min la dimdawi thiam em em a ,tunlaia social media a mipa tawng thei tak tak leh hmeichhia te zahmawh hmanga biak a hrat lo a ,mahse zûn a ngah em em tho .







Tawng miah lo chung pawh hian thu tam tak a lo sawi theih tih hi ka hrechiang ta bawk ,mi tam tak chu Facebook leh Instagram, WhatsApp lam thlengin mi chet chhiatna leh tihsual lai changin kan on9 thup a ,mipa pa te hi a tawng thei leh post tur hria kan nih tawh laiin he hmunah erawh phone leh private a hmeichhe bem leh mi sawisel ai chuan hnathawh leh thian ho a inkawm khawm an duh zawk a . An hlim ve tho,mi sawisel miahlo pawhin an hlim lutuk tlat ,an infiam a ,an insawisel ve mai mai heklo.






Chu ai chuan an dam khawchhuahna tur ngaihtuahin rim takin an thawk mai a ni . “ Kan va haw tawh ange,naktuk zan lamah kan inhmu leh dawn a nia ,ruah a sur pawhin kan lo leng tho ang,mahse lenrei chu a chi vak hmel loh,kan pasaltha hian a sa chanlai kan chhuh a hlau emai " tiin kan nupa chu min fiam zuk zuk a ,an thusawi lah ka man chiang narawh “ In duh ve te chuan nupui nei ve ta reng cheu,val senior in nih tawh kha ,leng huat huat hman pawh in ni tawh lo ,hnathawh pui tur zawng vat rawh u . Keite chu kan pa hi ka ti khawhar dawn reng reng lo a nia tiraw pa a" tiin u Ramtea chu ka en .








A lo bu nghat a ,kan thiante chu nernawng nawngin an lo lamah an liam ta hlawm a . Keini pawh mut tumin thlam lam kan pan a,khum chu phahin thlam kawngkhar chu ka khar vat, emergency light kan ken chu kan chhi eng a ,ka pasal mutna lo siam chu panin ka mu nghal thak ,ka kut chu ka vai fua fua bawk . “ Ava han nuam tak em ,tudang ka ngai biklo lo mu ve vat rawh a vawt a nia " tinghal zatin puan chu ka sin nghal than ,a rawn mu thla a min kuah bet nghal than.







“ U Ramte sakhi sa ka ei leh chak tawh e " tiin ka en chho ha ,ka biang chu ngawi rengin a chul a ,mahse ka thusawi chu a ngaithla tih ka hria “ Ok naktukah ka ramvak dawn a nia ,vauah sawn sunhlu a awm a ,chu chu an tlan tak kha maw " tisupin ka chalah a fawp zauh,mahse a awm loh laiin engmah ka tingam leh awm silo,pawilo Zopuii te ka ko phei mai ang . Pawm nghet sauh sauh in a lungphu ngai thla chuan ka thaw dep dep,a lungphu ri dup dup chuan ka ngaihtuahna zawng zawng a luah








He mipa hi ka hmangaih a ni,ni e ka hmangaih tawh takzet ,min thlem nan eng thu thlum mah a chhak chhuak ngailo,mahse ka tih tauh chang a piangin min kuahin min duat zia a tilang a ,chu chu ka lungawi pui em em zawk . Thu chiaha tiam tu ai chuan chetzia a tilang thin tu a nihna ngei avang pawh hian ka hmangaih lo theilo,engkim hi a bulah chuan a nuam a ,ka thla a muang bawk . Hlimna ka lo zawn zawng zawng te kha amahah ka hmu a ,zu leh ruih theih thil ah chauh emaw hlimna awm ka tih thin chu dawt mai an ni .







Zu leh ruihhlo ai chuan he mipa ka pasal Ramhmangaihzuala lak atang ngei hian a ni hlimna tak tak chu ka tawn ni. A hnar ngul sang vah chu ka khawih sak a,a ni erawh a chauh deuh avangin a muhil daih tawh ,ka khawngaih thin. Keilah hnathawkah ka la laktlak em em lohva ,keiai a let tam takin a hah ngei ang,a nupui ka nihna angin ka hnathawh pawh a phallo hial zawk a ,mahse tun atang chuan ka theih ang ang a puih ka duh a ni. An ni ang chuan hnathawh chak kher lo mah ila ka thawh ve tho chuan amah a a thawh ai chuan kan thawk tam dawn hrim hrim .








Ka intih chak a ngai a ,tuarchhel ka zir angai bawk. Khawpui nula ka ni tawh lova ,thingtlang nu ka ni tawh ,ka pasal hnung zui a a rawngbawl hi ka tih tur a ni,a biang hmul chu ka khawihsak neuh neuh,a sam te chu ka tham kual . Ka enchian pauh leh u Ramtea lo hmelthat zia ka hre chiang,en thuak chuan a hmeltha em em hauhlo,mahse belhchian dawl kan tih ang ngei hi a ni . En chian chuan tu hmeichhia pawhin pa kan tih a hmeltha kan tih tur ang chi hi a ni ,en chian pauh leh a hmeltha telh telh miau .







Kan inneih tirh ka ngaihtuah,ka hlauh em avanga ka harh ngam lo te ,ka huatna leh hmuhsitna ka lo tihlan zawng zawng te kha ka ngaihtuah a ,a lo va dawh thei em ? Ka mipa kawp te nise khang in tumahin min dawh ve hauh lo ang,an kut thlak ka tuar tawh ngeiin ka ring bawk . Ka pasal erawhin ka hmuhsitna te a en liam a ,ka tawngkam te a hriatnaah a dah ve reng lo va ,a hunah chuan a mah hmangaih turin min siam tak daih hi. Ka hmangaih a ni tih ka hriat avang chuan ka hlim em em bawk ,ngaihzawng nei mah ila tumah hmangaih chu sawi loh ,duh tak tak ka nei ngai hauh lo .









Ka thianghlimna ka hlan,ka pasal,pasaltha te mizia zawng zawng nei zo tu,mipa rintlak lutuk ka tawng hi phulo ti hle mah ila ka kalsawn phal tawh hauh lovang tih ka hria a ni,thli rawn thaw vuk vuk ka hriat avang chuan ka hlau hle ,nichinah kha chuan thla pawh a eng ruih sia,thawk leh khatah khawpui a rawn ri hum hum a ,ka rak that ka tawm chawih bawk . Ka thla a muang lo takzet ,ruah rawn tla tur tih hriat takin vau a thing ding te chu an ri suau suau a ,ka tawm chawih chawih ringawt,ka pasal chuan ka beng a hup a ,ka chalah a fawp vang vang .







“ Hlau suh,i bulah ka awm hi ,i mitkha chhing la ,i mutthilh hma chu ka veng ang che " a rawn tih takah chuan ka hlauh te pawh chu a reh nghal duak,a awmah chuan hmai phumin mutthilh tumin ka bei nghal zat,ka hnungah chuan a beng thek thek a . Chu chuan min ti hahdam sawng sawng



(CLICK, COMMENT LEH LIKE TE MIN LO TIHSAK LEH ULA AW HMELTHA HO, IN FEL VIAU CHUAN NAKTUK ZANAH CHAPTER THAR KAI LOVIN LINK NGAIAH HIAN KA ZAWM DAWN AW)

[mawitei bawihtlung]

ZAWMNA





Ka kawrfual hlim anga ka hriat chuan ka mutui lai chu ka harh zawk ” U Ramte " ka hmuiah a rawn fawp nghal chat ,kan mutdun hmasak ber atang khan min beisei ve deuh reng a ,ka dang duh chuang lo . Ka pasal a ni miau a ,min mamawh a ni tih a tihlan hian ka lawm zawk ,ka pasal hian min khamkhawp lo ang tih hi ani ka hlauh ber,tun ang laia nupa inthenna tam ber pawh kawppui te laka duhkhawp loh avanga midang kawp san ta te avanga inthenna pawh tam em em a ni a .









Ka pasal erawhin chutiang a tih ring lo mah ila min mamawh huna a tana awm hi a ni ka duh ber,ka kawrfual chu phelh silo in ka dul lamah a hlim chho vek a ,a thawmhnaw erawh a lo phelh leh vek tawh . Duat zeta ka sama chul pah chuan ka chhungah a rawn lut riai riai,ka thaw hawk mai . Ngaiah ka la neih thei der lo lehnghal ,a hnungah chuan kuahin ka lo pui ve sauh sauh,ka rum deuh ham ham bawk . Ka taksa rawn sa pup pup in ka au that a ,ka zawi nghal hnawk ,ani erawh la zo lo tih hriat takin chet a lakzawm zel a,a samah chuan ka tham ngawng ngawng .








A vawihnih nan ka tla dawn tih ka hria ,a nipawh a chet duh thawh sawt danah a tla dawn tih ka hre thei,a rawn rum hawk hawk rualin ka kawchhung chu a lum lut nghal puat puat a ,ka chungah chuan a bawk zawi hnawk . Kan pahnih thaw ri chu a ring hle ,ka lungphu dup dup chu a rawn chhuak dawn emaw ka ti hial “ Ka hmangaih che Dîte " a rawn tihchuan ka nuih var var ,ka mittui a hnamsawk ,min hmangaih ani tih chu ring tho mah ila a sawi chhuah mai ka beisei lo,min hmangaih lo nise chuan min ngaihsak hauh lo ang tih ka hria .









“Keipawhin" tiin a ka kuah bet tlat,ka taksa chu ala bawh bet ta reng ,“ U Ramte ka hmangaih takzet che " tisep in a hmaiah ka dawm a ,ka fawp vawng vawng . Ka hlim lutuk chu au vak mai ka chak ,zinglam dar 3 chiah a la ni nangin kan mu thei tawh der lo,kan inkuah chial reng a ,a chang in chet a la leh thin ,ka dang lo a phur em em in ka lo chhang ve zel,mahse kan thil tih chuan a tuk zing lam kan hnathawh a ti bahlah chiang khawp ,hlo kan thlo chu nidang a ang theilo,a zawi nguai mai .







Ka nuih kar kar reng a ,a nipawh zalo zetin a khi ve suk suk ringawt . “ I duh thawh em a nihkha ,kha i tha a zawi nguai mai kha " tiin thli thaw chu ka inchhem tir heuh heuh,khua chu ni sa silo ruahsur silo in a awm a ,a dur deuh khup nangin ruah ala sur lo hlauh, Burma lam erawh a sur leh tawh,ruahin a duh hrim hrim a nih ka ring . Ka pasal pawh chu a thu hnawk ,a bulah ka thu thla a,a lu chu ka tuai sak heuh heuh a . A tha zawi lutuk chu amah pawh a nuih a za tih ka hria ,ka darah a lu a nghat a ka nghawng chu a rawn fawp zauh .








“ Pa a fanghma min zawn sak rawh,ei hun an awm tawh awm emai,keimah chuan ka hrethiam lo min zawn sak rawh mawh" tiin a banah vuanin ka in la duh awm kual a ,ngawi reng chuan buh karah chuan a vak kual,ka en reng . Ka thil dil te,ka duhzawng leh chak zawng min pek loh lai a nei ngai lo,hetiang khawp hian engtin nge he mipa hi a fel bik,kei a nupui nih tling lo tak hi vawikhat mah ka hriat nuam lo tur thu ala chhak chhuak ngai miah lo ,reiloteah fanghma pahnih nen a rawn let a. Ka lo ban vat “ Ka lawm e" tiin a biangah chuan ka fawhsak a ,a nui vur vur mai .








A fanghma lawh chu kan pahnih in kan ei duna ,kan bulah chuan tui a luang ri her her a,kan lo lai takah hian kawr lian ve tak a awm a ,a thukna lai phei chu thuk ve tak a ni,kham ang deuh awm in ta tang chuan tui a rawn khawh thla a,kan tuichawina leh inbualna ber a ni bawk . Fanghma mawng lam chu thlawh ve ngei tumin ka vawm ve vak a ,mahse lên chu sawiloh kan hma lawkah chuan chak zetin a thlawk fua a ,buh kung chu a che laih mai . Ka va ngei mai mai tak,u Ramtea chuan ngawi rengin a fanghma mawng chu a tuthlawh chuan a siam rem a ,a thlawh chhuak nghal .








A leng delh delh a ,a thui bik hle khawi laiah nge a tlak tak pawh ka hrelo “ Dawnfawh te hi ei hun vat vat se ka lo chak lutuk" tiin ka en ,baibing a awm bawk nen an bin hun tak takah chuan kan ngah viau in ka ring,tun erawh a then chauh an la bing a ,baia thlak pawlh tur bak an la awm thei meuh lo,kan lo pawh kan thlo zau ve tawh hle “ Haw ang le ,ramvah ka duh sia thlamah rawng lo bawl mai rawh " tisupin min kai tho a ,thlam lam pan chuan kan inzui hnak hnak,kan thlen rualin a silai la in kan vau ngaw lam chu a pan a ,a luh bo hnu thlengin ka thlir reng .









Ka ngaihtuah viau a,mahse keimah ngei sakhi sa eichak ka ni bawk si . Thlamah chuan keimah te in ka awm rak rak a ,rawng ka bawl zawh chuan tih tur awm heklo,thlam hmalam khawthlirnaah chuan thu in ka ke ka then leuh leuh a ,tlai lam ni tla tur tlang a liam dawn in a ram a chhun te chu ka en reng . Lung a leng ngawih ngawih,lunglen ka neilo emaw ka tihkha hetiang ramhnuaia mahni chauha awm chiah hian ka lo nei ve reng si a ,Biakbairawk leh zan lam hram chi te an rawn hram tan a ,kan hnuai ngaw a ram ar khuang al al te pawh ka hre pha .








Khua a thim tep tihah chuan silai a rawn puak dur a ,ka phu deuh zawk. Chutah ka nui ta ver ver ,u Ramtea chuan a kap a ni ngei ang,reilote ah u Duha te ho chu an rawn lang a ,an thawk huam huam danah an rawn tlan phei a nih ka ring . “ Awi eng sa tak kap ang maw ? U Ramtea a nileh dawn chiang lutuk,a ni hi chu a ramvak hi hlawh tlin loh a nei khat khawp a sin " Teruati chuan a rawn ti a ,u Duha leh u Zuala erawh vaulam panin an liam nghal . Hmeichhe ho chuan an rawn thlen huna an channa tur vel kan lo buaipui mawlh mawlh .








“ Ka u leh u Zuala hi chuan in pa hi chu tluk lo tak an ni,an ni te chu ramchhuah pawh an ngam hleinem ,u Ramtea zarah sakhi,sanghal ,saza tih vel hi chu kan ei ve reng zawk a. Tun pawh a phur ber ber ah an tan leh tawh kha ,kah lam hi an tum lo a ,eilamah chuan an chak teh a nia " Zopuii pawh chuan a rawn ti a ,kan nui dar dar . Vau lam atang thawm a rawn chhuak a ,kan en thap chutah an thil tih chuan min nuih tir lo theilo,thing pahnih hi a inzawn ve ve ah dahin sakhi an rawn zawn a ,a chungah u Ramtea a thu vung bawk.








U Zuala leh u Duha lahin an fiam pah zuk zuk a ,mei eng an rawn thlenga u Ramtea hmel ka en chu a lo tum bur “ Tinge hetianga in tih ziah a ,sa mah kap ve theilo silo " Zopuii chuan a lo ti hlak hlak “ Chuvang renga zawn a lawm kan nih,hmanlaiah pawh sakap tu chu an zawn thin a ni ngai a ,dem theih kan nilo,sapui chu nilo mahse a lian ve tho " u Zuala chuan a rawn ti nghal zat . Mei chhawm eng hluahin sakhi chu a vun an lip zung zung a ,an chan nghal mawlh mawlh ,a kaw chhung chu a chek nen kan pawlh a ,kan chhum nghal .








Mipa ho chu kawrah inbual tumin an inchhaih pah a ,an chhuah dawn chuan u Duha chu u Ramtea te pahnih chuan an beng dawp dawp reng a ,ka lo ner sawk sawk mai . Buh te chu an tihchhiat zawh ka hlau hle “ Ngaihtuah suh,an tleirawl chhuah atanga an awmdan a nia ,an harh tak tak phei chu zawng rual awmkhawm hi an ni hawt ,u Ramtea an beih rawn loh leh pakhat zawk zawk chu u Ramtea lamah tangin an infiam a ,buh vuak lai phei chuan ninawm tak an ni ,an hauh theih bawk siloh,ngaiah kan neih tawh,nangpawhin buh vuak laiah in awm a nihchuan i hmu dawn chiang sa .









Tikhuan kut an inthlak a ,an la nui hawk hawk thei tho. An inkawm ngeih em em bawk a ,in innei dawn tih kan hriat pawh khan u Ramtea chu an fiam nasa a nia aw ,tumahin nula a bem awm an hre ngai lova " Teruati chuan tiin a nui hak hak,an rawn haw rualin chaw ei kan siam a ,sakhi chek hang nen chuan puar takin kan ei a ,chaw eilai chuan ruah hmite pawh an rawn tla tan ser ser a ,kan ei nghal zung zung thlengte kan sil zawh chuan tap ah meilum aiin kan inkawm khawm a ,u Zuala leh u Duha chuan rual sa an chang ve ve ,sadang pawh an duhlo chung kan pe hlawm a .







An lawm thiam viau mai ,kan nui leh dar dar thin . U Ramtea pawh a thiante an awm chuan a tawng ve leh zauh zauh zel,meieng thlarah chuan a hmel chu ka lo thlir leh veng veng thin,a sakhi kah lah a pa chal a ni leh nghal,sakhi lu ka vawikhat hmuhna a nia,a hmasa a a kah kha chu ka ngei em vang khan ka en mai lo,tuna mi erawh a ki chu ama tawkah a mawi ve hle mai.


CHAPTER 6 NAKTUK ZANAH DAH KAN TUM ANGA,MAHSE KA HRITLANG NEN SAWHTHING KAR LAMAH KA INHLAWH VE BAWK SIA KA DAH HMANLO MAI THEI BAWK AW