Mary pawh chu a mood a thatloh hmel kher mai , a tum bar reng a , chair ah chuan thu thla dat in "in thleng tur la Ula , ei ve nghal mai rawh u" zawi sap hian a ti a , kan che rang khawp mai , kan ril a tam tlàng tawh bawk aniang , thu thla ve thuai in zanriah chu kan ei ve nghal mawlh mawlh a ,Mary erawh a ei tlém ngang mai ,a tho nghal thuai a inchung lama a pen chho ri khap khap chu kan hre thei bawk.
"Henu awm ve tawh hi Chuan trang trung a kan awm hi angai thrin a" amber chuan a ti a , ka lo nuih kar kar thung,ti ti barh barh pah chuan kan ei mawlh mawlh a keipawh ka ei hnem ve khawp mai ,kan ei zawh hnu chuan thleng te chu tifel in mu tur Chuan kan pindan lam kan pan vat a ,inbual fai chu ka chak hle tawh...
Pindan ah chuan lut in hailee leh amber chu an mu nghal thuai a , kei erawh in bual tur in ka insiam thung , kan pindan chhung a bathroom ah chuan ka lut nghal thuai a , shower chuan ka in phuh nghal seng seng a ,a nuam khawp mai , ka harh hawk thei hial, ka in bual zawh chuan vawiin lam a an thawmhnaw min lo lei sak te chu hai in hak tur chu ka zawng dan dan a , a vai mai chuan hak a nawm hmel em em a , ka duh chi hlir Ani , company a ka thawh lai kha chuan nitin hian smart tak a in thuam ka ngai thin a , chu chu ka hne thrin hle bawk
Tun a mi ho hi chu pajamas ang vek Ani a , a loose in taksa phuarna thei pakhat mah a awm lo bawk , ka in thlah fel hnu chuan mu tur Chuan ka in siam ve thuai a , ka khum bul a batti chu chhi in ,ka ngaihtuahna chu ka kawm leh melh melh a.
Zing ka harh leh Chuan amber leh hailee te mutna chu ka en thuai a , an ni pawh an lo la thaw ri sak sak mai , tho chhuak vat in ka khum chu ka siam fel nghal vat a , in hnuai lam ah chuan ka chhuk vat bawk , pawn lam ka en chuan gaurd pahnih hi an lo la duty reng a , an tlaivar a nih ka ring bawk , rang tak Chuan an thingpui tur chu ka siam sak vat a , ka siam zawh hnu chuan pe tur in pawn lam chu ka pan ve vat bawk , kawngkhar chu a lo in kalh lo a , nizan lam ah an kalh theihnghilh anih ka ring .
Pawn lam a ka chhuak chu ka Phu zawk thei! Ground zau tak sir lam ah chuan punching bag hi Hades chuan a lo hnek chawrh chawrh a , ka en reng lai Chuan ka lam a rawn hawi ve vut a , a hnek zawm leh nghal mai bawk , guard lo duty te awmna lam chu ka pan phei thuai a , ka thingpui siam te ka pek chuan an lo lawm thiam khawp mai , gaurd pakhat ka hnar a min hnek sak tu erawh ka hmu leh tawh Miah lo.
In chhung lam chu ka pan leh thuai a , hailee leh amber te pawh kailawn ah an chhuk ve mek bawk , hàm bai bai Chung hian amber chuan "i va tho hma ve" a lo ti a , choka lam ah inzui lut in , thingpui ka siam chu ka pe zawm zat bawk , an hmel atang chuan mak an ti a ni tih ka hre thei.
Ka nui var var reng chu mak tih hmel fé hian min Han en leh thin a , kei erawh ka nui sàng reng mai , kei hi hrehawm tih hmel tak in ka awm tawh dawn lo , a hma a ka mizia kha ka chhawm nung zel dawn , min tih ang zel in ka ti let ve ang , chapo tak in ka awm zel bawk ang , tun a ka hun tawn mék hi ka Phu ve reng in ti em? Pawi Lian tham tak ka khawih a , mi nunna hlu tak ka laksak anih kha , keimah hi chhungril ah in huat na riau ka nei reng bawk , engtik lai mah in thiam ka in Chan ngai lo , mahse thil felhlel a awm tih chu ka Chiang hle , a eng a mah hriat a bar ka nei tawh lo kha Ani.
Kan accident na phen ah Khan thil in thup chu a awm , chu thil ka zawn chhuah hma chu ka beidawng lo bawk ang , nghah rei deuh pawh ngai se ka nghak mai ang.
"Kal ta che" min nghawk dat pah hian Hailee chuan a ti a , ka lo meng buai nasa khawp mai , "sir Hadesa'n a room lam ah kal tur in a duh che" a lo tih chuan ka tho chhuak ve nghal thuai a , a pindan kawngkhar chu kik karh karh in "ka lo lut thei angem" ka ti a , lut tur a min hrilh hnu chuan kawngka chu hawng in ka lut ve nghal thuai a.
Pindan chhung couch an chuan Mary chu bra leh panty nen chauh a lo thu vang a , a huh doh chap bawk , pool ah a cheng a nih ka ring , Hades chu khum ah a lo thu run a, ka mit ah tak Chuan a melh leh ta run mai , hepa hian min tihzam a tum ve a amawn le? Tih zàm mai mai theih ka ni hleihnem.
A mit ah tak Chuan en let ve ran in "min mamawhna i nei em ni sir?" Ka ti a , min chhang lo chuan a ngawi vang vang a , Mary chu lo thaw hliai pah hian "pool saw lo va ti fai ta che" a lo ti a , pool lam chu ka pan ve nghal thuai bawk , bawlhhlawh pakhat mah a awm bawk silo , a khawi lai ber chu nge ka tih fai a nga?
Pool bul ah chuan ka ding reng a , ka hnung atang chuan "tih fai tur I hre lo em ni?" A rawn ti phut chu ka Phu Chiang khawp mai , amah hmachhawn tur Chuan ka in her ve vat a , min lo nuih suk bawk , ner nang a melh pah hian "pool te chu a fai vek hi" ka ti a , HEPA pawh hian mize mak tak a nei anih hi , a Chang leh min huat hmel em em in min en a , a Chang leh tihnat min hlau ni awm tak in min en bawk , tun a min en dan phei hi chu ka duh lo zawng tak ani.
"Lucas i ngai viau tawh lo maw?" A tih chuan ka lo nui hak ringawt a , chhung ril lam ah chuan ka ngai veng veng thung , ka din hmun hi hre ta se min chhanchhuah nan engpawh tih a in huam leh ngei ang , in chhung lam ka en chuan Mary kha alo awm tawh lo a , Hades nen Chuan pool tlàng ah chuan kan ding ta reng a , kawngka in hawng ri kan hriat chuan kawngka lam chu kan hawi thuai a , Mary chuan "babe in hnuai ah kan chhuk dawn mi" a lo ti var a , a hmel chu a hlim hmel kher mai , kei min en pawh chuan a nui var var reng a , Hades pawh chu a kal ve nghal thuai bawk ,
"Ohh Mari lokal ve nghal la , pool I tihfai tawh chuan " a lo ti leh a , a nui sàng reng mai
An hnung ah chuan ka zui ve nghal thuai a , pool ka ti fai Miah lo tih kha a hre lo anih ka ring , an hlat lo té ah chuan ka kal ve dat dat a , an in hmeh kher mai , Hades chuan a duat hmel em em bawk , Mary pawh in a zah thiam in biak dan tawk a thiam hle bawk.
In hnuai kan thlen thlak chuan choka lam chu ka pan nghal thuai a , hailee leh amber te pawh breakfast tur buatsaih chuan an lo la buai khawp mai , ka pui ve nghal thuai a , breakfast te kan peih fel hnu chuan Hades te hnen ah kan peih fel tawh thu kan hrilh nghal thuai a , breakfast an ei chhung chu an hnung ah kan duty a , Mary chuan thil chi hrang hrang a lam reng a , a ninawm khawp mai, túkin chu a tho fu hle aniang a nui har har reng a , hades erawh a ngawi leh ngal tawh , an hnung a ka kal lai khan a duat hmel vei nen a.
An ei kham vel ah , an ei na te chu kan seng fel nghal mawp mawp a , gaurd ho eitur kan pe leh nghal vat bawk , Hades khan zan in ah chhungkua leh thiantha te nen zanriah an kil khawm dawn avang in zanriah tam tham tak buatsaih tur khan min hrilh a , chaw ei kham vel leh buai leh nghal a ngai dawn a nih hmel.
Hailee leh amber ten ei rél chu an tran leh nghal a , kei erawh inchhung ka ti fai thung
Inchhung chu a zau em em a, mahni ngat phei chuan nikhat lek a tihfai zawh chi Ani lo.
'Chhungkhat te' ti a a sawi khan hlauhthawnna ka nei leh nghal a , a chhungte chuan hetah ka awm Ani tih hi an hria angem? Tih leh engtin nge min tih ang? Tih ngawt chuan ka rilru chu a luah leh ngut ngut tawh.
Inchung lam thut pindan tihfai tum chuan in Chung lam chu ka pan nghal thuai a, pindan bang ah chuan photo frame hi a lo in tar thrup a , ka Han en chian chuan Hades te tét lai ni awm tak te leh an chhungkua in hun hlimawm tak an hmang lai te Ani a , Lucas pawh a Lang hnem ve khawp mai .pindan lai tak ah chuan pi Maria thlalak chu a in tar bawk , pi Maria thlalak bul ah chuan kal in ka en vang vang a , ka khawngaih tak zet Ani , keimah ah hian in thiam loh na a awm reng tawh ang kum khua in.
In hnuai lam ah chhuk leh in hall dang dang chu ka ti fai leh sawk sawk a , a hahthlak phian mai , khua pawh a lo thim leh ti tih der tawh , choka ah chuan kan awm leh thrap tawh a , kan ti ti a kal tluan deuh hi Chuan kan nui ring thei khawp mai , an sawi hmang ah Vanguard chhungkua chu thlakhat ah vawikhat tal in hmu khawm tur in helai hmun ah hian zanriah an kil ho thin tih te chu Ani a , an fel hlawm hle thu an sawi te chuan ka lo íp nasa khawp mai , engpawh lo thleng se zam tur ka ni lo ti in ka in fuih ru mawlh mawlh bawk.
An lo thleng khawm trak trak a , kan lo buaipui ve zung zung bawk , kei erawh elhsen tak a trawngkhum ka tawk leh nghal chat a , Hadesa'n thu a lo pe nge , kut thlak zawng erawh chuan tumah an che lo thung , min trawngkhum na te chu eng ah mah ngai lo ang hian ka tih tur chu ka tih zawm hmiah hmiah a , ngaihven ang pawn ka awm lo , chu chuan an thin a tirim zual sawt bawk , ka chanchin chu an lip se hneh ngang aniang an trawngkam tlanglawn ber pawh fahrah tih leh nu leh pa zu ngawl vei tih chu Ani , heng thumal te hian min tih nat an ring anih chuan an ti dik heng thumal te hian min ti na takzet , ka hun liam tawh zawng zawng a mahni insitna ka lo neih ve ho kha an rawn Kai chhuak thar leh in ka hria.
Mahse an hmuh lai erawh chuan hrehawm ti ang deuh a lan ka duh lo thung , an tan chuan ka ngeiawm ve ta viau ang ,an chhungkua hian mihring ang hian min en ve se chu ka sual ka chhuah lui bik Miah lo ang mawle , kan company nen kan thawh ho lai atang tawh trawngkam tha ka Chung ah an hmang ngai lo .
Rei lo te hnu ah Hades leh Mary te pawh an rawn thleng ve thuai a , zanriah kan peih fel hnu chuan an kil thrap a , an sir ah kan lo ding reng bawk , hailee leh amber te chu an be thra em em a , kei erawh chu khawihthiang lo ang mai in lawm min en ni, an mitmeng chuan min huat Zia hi a sawi mawlh mawlh mai hian ka hria.
Zanriah an ei lai Chuan an ngawi thrap a , Hades chu an zah hle bawk , chhungkaw rual ve tak an ni a , nula leh tlangval chhe lo tak tak an Tam hle bawk
Naupang pawh an Tam hle. Lucas leh driana ka lo beisei ve deuh kha ania mahse an lokal pawh chu ka ring chiah lo bawk
Mary chu zing lam a , a mizia kha a paih leh hmak tih theih Ani , min melh fuh apiang chuan a ner nang nang reng a , chu chu ka ei lo hle bawk , Hera Vanguard chuan Mary bul ah chuan in nei mai tawh tur te chuan a ti a , Mary pawh chu a hlim hmel kher mai , a nui har har reng a , in neih chungchang an sawi chuan mi dang ho pawh chu an lo phur hlut a , Hades erawh a ngawi ngul thung.
"Driana hi rin ai in a fel daih mai , chhungkaw tan a trangkai riau mai , a nau pai a Lian tawh si a , hna thawk rim lutuk lo Turin ka hrilh a" nu upa lam ve tawh chuan a lo ti a , ka Beng ka chhi rang kher mai "a fel reuh tak tak ani , lucas chuan a nei tha khawp alawm , tualthattu ai Chuan a tha daih mai" pakhat chuan min tih el tih hriat zet hian a lo ti leh a, lucas nen kan in ngaizawng ang ah an ngai aniang, Mary chuan min rawn melh ralh bawk , "nupui tha tak neih hi a hlu ania , Mary pawh Hades kut leh ke ni mai tur i ni a , lo in buatsaih nasa rawh" nui huah huah Chuang hian pa pakhat hian a lo ti a , midang ho pawh chu an lo nui hak hak bawk , Hades hmel landan ka hmuh chak avang chuan a lam chu ka hawi vat a , min lo melh ngur mai , ka hawisawn leh nghal thuai a , lucas leh driana te chanchin thra lam ka hria chu ka hahdam huai thei .
An ei zawh hnu chuan thutkhawmna lam ah thenkhat an phei a , thenkhat choka lam ah chuan an la awm thung , kan tih fel mawlh mawlh lai Chuan ka bul ah Mary chu lokal in a no ken lai chu chhuat ah chuan a ti tla lui kher a , a keh chuaih mai , choka a lo awm ve midang chu an lo hawi thrap bawk , Mary chuan "min thah ve I tum ami , engvang in nge min sut luih kher a" a lo ti tuarh a , mak ka ti lutuk chuan ka en ngawt ngawt mai , midang lo awm ve te chu an lo chek tlak tlak a , min ngei hmel hlawm kher mai "Mary va hnaih suh , a that ve duh mai ang che , Hades hian enge a hriat a henu hi he in ah hian awm tir nge anih teh hrep ni , an ni ang te hi chu jail ah kumkhua in awm se a tha zawk , kan tan a him zawk bawk" a lo ti hmawrh hmawrh a , Mary chuan "Hades ka hrilh Anga , he in atang hian ka pet chhuah tir khawp ang che" a lo ti leh chu ka thin a rim ve ta kher mai "i duh leh hrilh la , ka hlau lo emai" ka lo ti ve tuarh a ,rapthlak tih hmel zet chuan min en ran hlawm a , "nang ang tual thattu , i nu leh pa khan thu tha an hrilh ve ngai lo che em ni? ee an hrilh hman lo tak ang che zu vang in an boral san daih che ni lawm ni?, Fahrah chauh i nih kha" maryi'n a lo tih leh Chuan ka taksa chu ka thunun hman lo , a Sam ah chuan ka kek nawk a , a lo tre tuarh bawk , midang pawh chu lo tlan phei ve vat in ka kut chu min lak sawn sak an tum a , an rak chel chul mai kei erawh ka thinrim lutuk chuan a hmai ah te chuan ka hnek sak sawk sawk a , ka chhip chu a rawn na zawk a , ka Sam ah chuan kut tha chak tak hian a thram Ani tih ka hre bawk , Mary Sam erawh ka la kek reng a , ka Beng bul ah hian "tun a i thlah lo anih chuan , i na viau ang" seh chilh nawk hian a lo ti a , Hades Ani tih ka hre thei nghal bawk.
Thlah chu ka duh lo , a sam chu ka thram reng a ,tlangval pakhat hian ka kut chu min lak thlak sak hlawk a , Hades erawh in ka sam a la thram reng thung chu vel leh choka a lo awm ve Hmeichhe pakhat chuan ka hmai ah tak a rawn Beng pawp a , a na kher mai , ka thle sawk bawk , choka kawngka ah chuan hailee leh amber pawh hlauhthawn hmel tak hian an lo ding ve reng a.
Hades chuan ka sam a la thram reng chungchuan min kal chhuah pui nghal dawr dawr a , guard pakhat chu ko vat in "basement a zuk dah leh rawh" tih hrawih pah chuan min nem dawt a , ka pei phei nawk nawk bawk , guard chuan ka hnungkhirh in basement lam chu min panpui nghal vat a , basement kan thlen chuan chair ah min thruttir in chain chuan min thlung leh nghal mawlh mawlh a , "insum thin rawh ka tih kha" a lo ti a , hmanni a guard tho kha Ani tih ka hre chhuak ve chiah bawk "engmah ka hlau lo" tih pah chuan ka nui hak hak a , mak tih hmel tak Chuan min en reng bawk....
Ka mit ana lutuk a , min lo hrethiam hram hram ru aw , naktuk ah chuan duhthusam in a sei tawh ang , tun chapter hi chu Ani deuh nuaih mai , FB lam ah like leh comment kha theihnghilh lo Ula , min ti phur ve thin ka tih kha
🥰