Your Girl Valentina BY Natasha Hrahsel (Completed)

[Ngaia]

CH--1



Warning...

Mature content, tualthahna,insawisakna leh tawngkam mawilo te a awm dawn a,i duh thu in i chhiar dawn nia.

(He mafia story hi sunday zan tihloh ah ka hman phawt chuan dah ziah ka tum anga,mahsela kan hma hun te kan hrelo a,buai thut zan te pawh a awm ve thei tho a.Ka hman zan apiangin zan khatah chapter hnih te pawh rawn up ka tum tho ang.Chuan chanchin inhrilhhriat nan whatsapp group ah hian arem chuan lo lut ula,rem loh pawn pawi chuanglo in thu thu kha chu)

Whatsapp link
https://chat.whatsapp.com/H3Lw7iGhdiF0g0Zk0Z8t8R





#Grey Romano, 30,Italian Mafia Don

#Valentina Ivanov,20,Russian Mafia Daughter









Valentina Pov.





"Maya,duhtawk rawh.A thi tawhloh hi" ti sapin ka kut chu ka la sawn a,"la thi pawh nise apawina a awm chuang hleinem"ti zawi leh sapin ka tukverh atang chuan râl lehlam chu ka thlir dauh dauh.
"Miss,zanin ah mikhual kan nei dawn a.Madame in thawmhnaw pangai deuh hlek ha tur in a duh che a"inthlahrung dek chuan a ti a, ka thaw deuh hak ringawt.Ka pa kut min thlakna hnuhma ho hliah khuh tur thawmhnaw inbel turin min duh tihna!Eng ang mikhual chiah nge kan neih dawn le? A tlângpuiin khual tha kan neih pawhin ka tel an rem ti ngai silo!





"Miss,i thawmhnaw.."




"I duh duh va la tawp rawh"a tawnglai pawtchat in ka lo ti a,duhthlan tur vak a awm chuang lo.Valerie hak duh tawhloh hnawhkhawmna hmun ti tawh mai ang,ka puala ka neih ve chu ka thawmhnaw bawmah sawn a atamlo khawp ang.

Valentina Ivanov ka ni a,Russian mafia hotu lû ber Ibrahim Ivanov fanu naupang zawk ka ni.Û hmeichhia Valerie Ivanov kum 24 mi leh mipa Sebastian Ivanov ka nei a,Sebastian erawh chuan vanduaithlak takin min boral san tawh.Ka chhungte min huat chhan ani reng bawk a.
Kum sawm mi ka nih laiin beach atanga kan let tur chu hmelmate'n min nangching a,ka û Sebastian nena kan chuanna car chu kawngthlang ah tlanliam in min chhan a tum luatah Sebastian chuan a nunna achân ani.Ka pa Ibrahim in a fapa neihchhun keimah vanga achân chu ahrethiam lo hle a,a mi huat ber vawin ni thleng hian ka lo nih phah ta a.Keimah vanga anui hmel Seb thih atang khan ka hmu leh tawhlo.A hlim lai ber pawh nise ka hmel a hmuh chuan anui hmel a ral chawpchilh nghal thin.


Ka tawrhna ti zual turin ka nu leh unaunu ngei pawhin min haw tel a,he in ropui zet ah hian kan maid te ai pawhin ka dinhmun a chhe zawk a tih theih ang.An thinrim apianga inhrikthlakna ka ni ringawt a,Sebastian piancham leh thihcham apiangin kutthlak ka tuar na zual thin bawk.








Nimin kha Sebastian piancham ani a,thinphu dep dep a ni ka hmanral hnu in ka him ve ta emaw ka ti hman a,mahse anilo! A tuk khua alo var a, ka pa rui thing chuan min sawisa leh tho! Khawvel mite chuan mi hausa Ibrahim Ivanov an fanu pahnih anei tih an hria a,a fanu naupang zawk hmel erawh hmuh tur an nei ngailo thung.Mipui hmuh a ka inlan a phal ve ngailo a,ka tette atanga homeschool niin Sebastian boral atang khan he in hi ka chhuahsan leh tawhlo.Gate hungna bang sangpui in ka khawvel a hual a,pawnlama chhuah min phalsak tawk thung.





"Miss"Maya chuan kawrfual var,anghawng V bantluan.A fual zawng pawh khup khuh hnalh leh pheikhawk sang vaklo var hi a rawn la chhuak a, ka nei tih pawh ka inhre hauhlo! Engtik in nge Valerie in a rawn dah luh ka hrelo! Engpawh nise ka neih ve ho chu haktlak a awm dawnlo a,jeans leh tshirt vel mai mai an ni hlawm bawk nen duhthlan tur dang ka nei chuanglo.

"Inthlak la" a tih zawm leh zat a, ka tho ve ta nge nge.







Maya thawmhnaw rawn thlan chu ka inbel a, ka sam uk sei hnalh chu ka thlah hniang bawk.
"Miss,i mawi takzet"Maya'n a tih hluai chuan tawite in ka nuih a,ka nghawnga ka pa whiskey no keh in a ât na hliah khuh turin scarf pan zet chu min suih sak nghal mawlh mawlh bawk.

"Miss,Madame in rawn ko tur che in min rawn tir a"Kan maid pakhat Brigit chuan a rawn ti a,Maya nen kan zui chhuak ve nghal.
Pawnlam mi thian ka nei ngailo a,Maya hi ka thian neihchhun chu ani mai.Mahse ani chuan ka hming pawhin min ko thei silo! Ka hmingin ka inkoh tir tawh thin a,keimah vanga ka pan karkhat dawn ahrem vangin ka nawrlui tawhlo.Ivanov thisen kai ka la ni miau a,ka pa ngaihah chuan mi zawng zawng chunga leng kan ni a,kan hnuaia hnathawk ten kan hming an lam ri tur anilo.An lam rik chuan hremna an hmu tur ani tih ngaihdan anei a,kei chenin kan palzam theilo.






"Wow! Kan mi â pawh ka thawmhnaw a hak chuan alo hmuhtlak ve anih hi!"nui har har in ka nu kuah chung chuan Valerie'n a lo ti a,dining table chu ka kîl ve nghal zat.A mi nuihsawhna te chu ka haider lo anih chuan keimah chiahin ka tuar leh dawn.
"Papa,Grey Romano chu ka nei ngei ang tiraw?"no zet hian ka pa hnenah a ti zui a, ka pa pawhin "tehreng mai,duhthlan tur dang an nei chuang em ni?"kei min melh pah chuan a rawn tih zawm zat. "Valentina,i nihna hria la zanin hian kan indawrna ti buai zawngin awm hlek suh.Tawnglo la,kan bia che anih loh chuan i lu rawn kân ve suh ang che"min ti zui a,ka lu kalo bu nghal nghut.







"Duhtak, tinge Valentina hi a rawn tel ve kher angaih? Min ti zahawmlo mai mai alawm"theih nise an kiangah hian ka awm bik lul lo ang.

"Romano ho in fanu pahnih ka nei tih an hre khanglang a,a tel ve lo anih chuan kan inzawmna siam tum ah hi ngaipawimawh tawklo ah min ngai ngei ang.Tikhan lo thu mawi rawh se" ka nu zawhna a chhân dan chuan min ti na ngawih ngawih.A fanu ve tho ka nia sin! Sebastian kha min chhan turin ka ti miahlo bawk,la dam ve se chuan hetiang tehthlawt a ka nun hi angai lo bawk ang.Ka nunna achhanhim a,minung reng si dam silo in nun min hman tir thung a! Achang chuan keimah zawk hi kha hmuna boral kha ni ilang ka ti thin.






Kan maid pakhat rawn lutin kan mikhual tur te an rawn thlen tawh thu a rawn sawi a,a hnung lawkah ka pa awm rual mipa leh ka nu aia upa hret tur nu an rawn inkai lut a,an huhang ana in mi namai lo tak an ni tih ahriat ngawih ngawih!

"Kan lo lawm ache u Mr.Romano "Ka pa chuan ding chungin chibai alo buk nghal zat.Ka pa meuhin chibai alo buk khum ngai chu tu te chiah nge maw an nih le?
"Chibai le Ibrahim"ti thum dutin chupa chuan a nupui ni awm tak thutna tur chu apawhchhuahsak a,a thutfel rualin a mah athu ve zui nghal mai bawk.






"Ka nu in 'in fapa' " a ti hman chiah tih in mipa sang tha zet,vun uk kharh dum nisilo inkhaithlu zet hi a rawn pen lut ve leh chiah a.Keini ho chu engah min ngaihloh hmel zetin ka ep chiaha chair chu pawt chhuak in a thu ve nghal rûn! A mi uap ana in kan dining room zau zet chu a uap nghal churh thei mai in ka hria.
Ka lo en reng lai chuan min rawn melhin a rawn hawi chhuak thut a,rang takin hnuailam ka bih nghal thuai.


"Grey,ilo tel ve thei chu alawmawm e.Heihi ka fanu Valerie leh Ka nupui Bianca te an ni.Chuan ani saw...ka fanu naupang zawk Valentina ani e"tiin min in hmelhriat tir a,ka pa chuan ka hming sawilan ve loh achak viau in ka ring.






"Kan inremsiamna ah chuan i fanu leh ka fapa hmanga inzawmna siam kha ani a,ila hria ang cuu maw"Mr.Romano chuan a rawn ti khauh fak a,a aw chu ka pa aw ai pawhin ahlauhawm zawk.
"Hria e,hei Valerie pawh a in peihthlap tawh e"ka pa chuan chhuang zetin Valerie enin a ti zui a.Awmve lo ang chiah ka ni leh tawh. "Mr.Romano,Valerie hian in lung a dum ngei ang tih ka chiang."ka nu pawhin alo tih zawm ve zat.






"Anih chuan.."





"Min en teh" ka kuttang a inkawk vu in Grey Romano chu ka melh, midang ho pawhin min melh deuh thup.
"Valentina hi ka nupui tur chu ani" ti deuh dutin a tho nghal zat a,thildang engmah sawi tawhlo in zau zetin apen chhuak nghal pawk pawk!
Dining hall a la awm te chu mak kan ti tlang nge kan ngawi thap hlawm! Tunah khan anupui tura min duh thu a sawi em ni?






"Mr.Romano, enge awmzia?" Ka pa chuan Romano nupa melhin a ti changfak.





"Ivanov, ka fapa in duh athlang fel tawh a, keini chu kan inrawlh lo ang.Valentina hruai turin naktuk ah Grey a rawn kal ang.Tikhan kan inrem thei mai ang chu maw" Mr.Romano in chiang fek fawk taka a sawi chuan ka pa chuan a glass dawmin a lem khawlh a,"atha e" a ti ve ta sup mai! Ka pa hian engvanga Romano chhungkua hlau em em nge anih? Chuan kei hian pasal atan an fapa chu ka nei anga maw? Engthil nge thleng chiah hi?








"Nu, Grey Romano chu ka pasal tur ani lo em ni? Tinge kan mi â nu nen an inneih dawn? Kei ai in engvanga thlang nge anih?" Valerie chu a tap zui hliam hliam a,ka nu'n kuahin ahnem zui mawlh mawlh bawk. "Bawihte,Romano aia tha ka zawn sak ngei ang che.Ani ang playboy chuan a nula kawp san theih tur hmeichhia a duh ani ngei ang.Chuvanga Valentina thlang ani chiah bawk ang.Chhan dang a awm theilo"ka awm ve reng lai chuan a ti mawlh mawlh!


"Nangkha,ka hmuhphak loh ah kalbo rawh"ka pa awrawl vin lutuk ka hriat rual chuan hmanhmawh zetin ka room lam panin ka tlan chho a,room chhung ka luh rualin ka mittui ka hru nghal tawk.Ka nu leh pa hmangaihna dawn ve châkna ka nei tawhlo a,mahse mi pangai ang talin min hmu ve se chu ka la duh reng.
He hmun ah hian kum sawm tel teh meuh chu sal ang maiin ka lo awm tawh a,Romano chhungkua chu ka nu leh pa ai hian nunrawng ta se,engtin nge ka awm zel tak ang? Nitin a hnaisakna dawng reng tur chauh em ni ka nih? Grey Romano khan hmeichhe dang akawp kual san theih tur nupui a duh vang chauha min thlang maw anih anga?Ka nun hremhmun ang mai hi hremhmun tak tak ah chantir mai lo maw le?






"Miss...miss" ka harh zawk a,khua alo eng uarh tawh.






"Maya"





"Miss,i thawmhnaw ngai ilo la ha reng a! I kal ahun tep tawh asin"Maya chuan ti sawk sawk in ka thawmhnaw bawm ava hawng a, "eng nge i hak ang?" Keu kual pah chuan a ti zui thuai.
"Ka thawmhnaw pangai aw" ka tih chuan ka sawi awmzia hria in keima thawmhnaw ngei Jeans kekawr tluan leh crop top var chu a rawn khai chhuak a, "I hmanhmawh angai,Romano hruai tur che in an lo kal mek a"ti zung zung in ka thawmhnaw hak lai chu min phelhpui a, a mah zawk ahmanhmawh viau laiin kei erawh ka che tuih tuih thung.Ka pa min sawisakna vangin ka taksa ala duk in ala na thleh thluah a, ka che ve zung zung theilo.








"Va inbual la,i thawmhnaw ken tur kalo siam ang" a ti a.Inbual tur chuan ka lut ve mai bawk.







Ka inpeihfel hnu chuan room atang ka chhuak a,Maya in ka thawmhnaw bawm lian vaklo nen min zui chhuak bawk.

Ka chhungte tumah hmuhtur an awmlo a,ka kalbo tur hi an lawm lutuk an la mu zawk em ni dawn ni.






Kawngkhar hawn tuma ka ban rual chuan ka ban hmawr ah kutphah lian zetin a rawn hmer thut a,ka pa ani tih ka hre chawpchilh nghal."Min ti hmingchhe thei zawnga i awm anih vaih chuan ka rawn rek chhuak nghal ang che Valentina" ti hrawkin min thlah a,a hmerna lai chu duk alang nghal raih mai! Maya chu hlauhthawn hmel zetin hnuailam alo bih ngal bawk."Hremhmun lamah chuan va kal mawlh teh"ti deuh thatin akalsawn leh nghal daih bawk








Pawn kan chhuah rualin motor dum lo ding kan hmu nghal zat a,driver ni awm tak chuan kawngkhar minlo hawn nghal sawk sawk!A chhungah tumah dang an awm velo bawk.Atha e,khawi hmun ah pawh min hruai dawn se hlauh leh chuan tur ka nei tawh hleinem.






New York lam pan a kan thlawh hnu in private airport ah kan tum a,Romani ta bawk anih ka ring.Italian an ni sia,NewYork lam min panpui daih chu ka hrethiamlo viau a ka zawt ngamlo thung.

Airport atang kan chhuak leh a,kan pan na hmun lam pawh ka hrelo.Kan awmna hi NewYork ani chiah em tih takngial pawh ka hrelo! Flight attendant sawi kha ka hriat chhun chu ani mai.







Darkar chuang kan tlân leh hnu ah Mansion lian zet kan thleng a,Moscow a kan mansion ai khan a lian in a ropui daih zawk maithei ani! Moscow a kan mansion kha chu kulh ang deuh a sak ani a,he mansion erawh tunlai thei ang ber a sak ani thung.

"Chibai le Miss,i mi mal chhiahhlawh tur Anna ka ni e" a chhung kan luh rualin maid pakhat in minlo be nghal zat.






"Chibai le, Valentina ka ni e"ka ti tha ve mai bawk a, "Mr.Romano room ah ka hruai ang che" atih chuan ka che uk tawh chu ka ding chawt a, "a room ah ka awm dawn maw?"ka ti chhuak halh.

"Aw ni e,innei mai tawh tur in nia lawm"mak min tih hmel zawk za mah in ka hria a!





"Khawngaihin helam ah hian" ka zui ve tawp.A thu ka hnial anih chuan min hrem mai te ka hlau ani.
Kailawn ah kan lawn chho a,Room lo awm hmasa ber dawttu ah chuan min luhpui a,a chhung ka kut chu ka hawikual nghal ruai.
A zau in engkim mai chu a felfai thlap a, rawng thim lam hlir an hmang thung.Mipa room tih hi a hriat ngawih ngawih.






"I chhuak thei ang"





"Sir, i awm tih ka hrelo a"Anna chu kûn nghal ngulin a khûr hialin ka hria! "Chhuak rawh"Grey Romano chuan a ti leh dut a,tawngka vîn ahmang hauhlo mahse a awri chuan thau ah min man tel tlat thung.

Zui chhuah ve nghal mai ka tum chu "khawnge kal i tum Valentina?" Ti supin min rawn pan hnai nghal zat! Ka thin chu aphu dup dup a,hnuai lam ka melh nghal tlat bawk.





"Ka..i awm tih ka hrelo a ka tihpalh"ka ti nghal nawk nawk.





"Min en rawh" thupe aw zet hian a ti a,zawimuanga dakchhuakin ka melh chho ve ringawt.Ka te nge amah hi alian viau zawk! Kan insan hleih zia chu a dar ka chen awrh chauh!
"Perfect" a ti sup a,enge asawi ka hlauh em vangin ka hre chiang theilo.
"Ka biak che chuan ka mit ah tak min en thin ang che,a chiang em?"thum sup a tiin min la melh ngur tho.Ka bu deuh nghut chu ngaitheilo tih hriat zet hian "Valentina,i ka kha engatâna hman ah nge itih? " A ti deuh hluk.




"Aw ..ka hria e" ka ti chhuak nawk a, thaw ri deuh hrawkin "va intifai rawh le,zanriah kil turin ka lo nghak ang che.Tlai ka duhlo tih hria la,dar ruk ah chiah chiah dining room ah i awm tur ani" ti supin min chhuahsan zui a, ka thaw huai hman tawh chu "i chhiahhlawh ka rawn tir chho ang,i bungraw rawn kenluh zawng zawng kha paihbo ang che" a rawn tih leh chuan ja thawk ka ip nghal vat.Mahse kawngkhar khar ri ka hre zawm a,he hmun ah hian thinthi in ka awmdawnlo chiang ani.






Ka inbual sawk sawk a,bathroom zau zeta shampoo awm sa te chu ka hmang ve tawp bawk.
Ka chhuah chuan Anna kha alo awm leh tawh a,"i thawmhnaw hak tur en ang hmiang" ti varin kawngkhar oakhat chu ahawng a,ka va hmuh hnaih rual chuan ka âng pam ringawt! Closet kian zet room tia dawn awmin athlanglam len ah mipa thawmhnaw hlir a awm a, chhaklam ah hmeichhe thawmhnaw!





"Miss,i ta tur vek anih hi.I duh ber i thlang thei ang"Anna'n nui ver ver a a tih chuan awih harsa ka ti.Ka thawmhnaw ken kuh paih tura min tuh chhan kha hetiang thawmhnaw tamtham lutuk a awm vang hi em ni?

"Miss".



"Aw ...engpawh...engpawh kha minlo lak mai la" ka ti nawk ringawt.Ka thil hmuh hi ka la awih hleithei meuhlo.

Kawrfual sendang ,ka khup thleng phalo hret hi alo la chhuak a,sandal a ranwg mil chiah nen.Kan inbel chu ka lang mawi ve hle in ka hria, ka rawng ngainat zawng tak ani bawk a.






"Mr.Romano an anghak reng tawh che"ka inpeih rual chuan Anna chuan a ti a,dar ruk ala ri lo deuh e.

Inhnuai lam panin kan in zui thla a,dining room kan lut chu Moscow bawk minti hrechhuak.Inang engmah a awmloh na lai tak hian min ti hrechhuak lo theilo,Moscow a kan dining room kha alian viau in ka hria a he dining room hi ala lian zawk daih!






"I duhtawka thlir kualna hun ila nei dawn alawm Princess,rawn thu phawt rawh le" Grey Romano chuan a ti damthlup! A awmve tihlam ka lo ngaihtuah tawhlo! Princess tiin min ko em ni?
A bul chiah ah Anna lo din vang chuan ka thu thla a,eitur a inchhawp hnemin a eitur kan pahnih tlawng kan ni sia amak angreng duh viau.


Ka sa chansa ka kâ a ka barh lut tur chiah chu ka kut a rawn vuan chawt a,ka phut zawk vangin ka fork ken lai ka thlauh nghal bawl.Phun ri hlukin ka kut mawlh chu amelh a, a mitmeng a rum nghal vek bawk!
"Ka ...ka tihpalh" tihsual ka neih ringin ka ti nghal mawlh mawlh.






"Sh*t, tihsual ineilo."ti hlukin ka kut mawlh chu ala melh a,"Valentina,tu tih nge?" ti rum ul in a vawn loh lam chu ka melh ve a,ka pa min hmerna thla ala lang kulh tih ka hre ve chiah!
"Engmah anilo..ka"...


"Valentina" ka mita min melh run chunga a tih rual chuan "thats it" ti hluai in a tho nghal zawk!






A che zia chu ti dakin kalo thkir reng ringawt. "Ardem" a ti chhuak thawt a,mipa palian zet mai rang zet hian a rawn lut nghal.
"Don" chupa chuan zah hmel takin Grey chu chibai a buk nghal zeuh bawk.
"Ivanov bungrua thawnchhuah tur engang chiah nge la awm?" Grey an a tih chuan Ardem a tih pa chuan "million 30 man hu vel ala awm" a ti thuai a, "an hnen a thlen angailo ang" Grey chuan a ti chang hrawk!






"Engtin nge kan tih ang?"Ardem chuan a ti ve leh, enge an sawi hi le? Tinge tianga a awm thut!?






"Hâl ral rawh u"Grey chuan a ti chang run!.












#Enge a an hmel? Chapter khat atang chauh chuan inla man kherlo ang.Fb comments lamah lo sawi liam liam ru aw.


Show post links
Top

[Ngaia]

CH--2







Grey nen khum khata mutdun ka hreh ru viau a,mahse zan khatna chu mut hnu ah room a rawn lut leh lo.Ka nu leh Valerie sawi ang tak tak khan nula akawpsan theih tur ka nih vang chauha min neih duh chu anih ngei ka ring.

"Tukchhuah nuam le Miss,i tukthuan tur ka rawn ken sak che a"muangchangin ka tho kâng a,Anna nui ver ver ka hmachhawn nghal.
"Anna,tinge tukthuan? Room ah maw?"ka ti phak chuap.






"Mr.Romano an i duh phawt chuan room a ei aphalsak che alawm,Miss i vannei khawp mai.Kan Don hian a room chhungah hian hmeichhe dang luh a remti ngai hauhlo,tukthuan ei te chu sawiloh.A tifai tur pawhin mi a ruat hrang thlap thin zawk hial" Grey ngaihsan hmel deuh chuan a sawi a,"Don?" Kalo ti ve sap
"
"Mr.Romano hi Don kan ti a,apa ai rawn awhin tunah chuan Italian mafia enkawl tu ani tawh" a ti zui leh zel a, ka sam ka tham tawk ringawt.Mafia kut ah bawk maw ka luh leh tak a! Ka pa kha mafia ani tih ka hailo,mahse an hnathawh leh thiltih vawi khat pawh ka hmu ngailo thung.A nunrawn dan te,ahnuaia mite a hmusit zia te ngaihtuah chuan thil tha tak chu anilo tawp anga,Grey Romano pawh hi mi nunrawng tak chu alo ni ve mial angem?







"Miss"




"Ih..arem chuan khawngaihin Valentina tiin min ko rawh" ka ti sap.






"Mahse.." a ti zuau a "a rem lo em ni?" Kalo ti zat thung.





"Nangin rem itih phawt chuan a rem lohna a awm lo ang" a ti ve leh mai bawk.Thaw huai in "atha e,Valentina tiin min ko dawn nia Anna"nuih seih in ka ti a,ani pawh a nui ve nghal sen sen bawk.

Anna chuan ka tukthuan ei pahin Romano chhungkaw chanchin ahriat hriat min hrilh a,Grey nu leh pa te chu Italy ah an awm a,Grey Romano erawh Neyyork atang an Mafia a enkawl thung.Billionaire niin company leh mall mai piahlamah Night club te an nei nual a,an sum neih zat chiah erawh hriat anilo thung.He Mansion hnung lamah hian mafia mi leh sa mipa za chuang an cheng a, ka luh tirh a tu vak mah ka hmu lo kha thil mak ani!






"Anna an chanchin in hre vek em ni? Ka sawi awmzia chu heta hnathawk zawng zawng hian"ka ti hluai ringawt.Romano chhungkaw chanchin a hre hnem lutuk chu mak ka ti a,kan in lamah lem kan maid te zingah kan hmingpum hrelo te an awm nawk ania!

"A zawng zawng chu ka hre bik lo, he hmun a piang leh seilian ka nia lawm.Ka pa Gabriel hi hun rei tak chhung Romano tan driver ah atang thin a,ka lo piang a Romani chhungkaw tana thawk tur hian chhia leh tha ka hriat theih chin ata lakluh ka ni bawk.Romano hnuaia mi te ho hi chu kan in chhungkhat kual nawk hlawm" tiin anui hak a "inthlahchhawn thil ang hi ani deuh mai" a ti leh a,ka hrethiam ve ta ruai ruai mai.






Tukthuan ka ei zawhin ka intifai a, Anna hnenah mansion ka fankual a rem leh remloh ka zawt a,alo remti hlauh.Ka maid phalna ka dil thlap chu anuih a za letling a,tumdangah chuan eng thil mah dil tawhlo turin min ti nghe nghe.

Mansion chhung chu alian viau a,nikhat ah ka fan kim hman ka ringlo.Lift pahnih ngawt a awm bawk.Ka awmna floor chunglam chu nidanga fan ah dahin inhnuai lamah ka chhuk a,kawngkhar lian zet inchhung luhna atana kan hman nisilo ka hawn chuan hnuailam pawhthlak na hi alo ni a,a thimin step pawh a hmuh hleihtheih loh hial!






Enge awm tih hriat chakna in min rawn luah thut, ka fan kual an phal alawm le.Bang dap thla in ka chhuk a,step ka zawh chhuak chiah tih chuan coridoor sei zet alo awm.
Thawm awm tlata hria in ka zawh phei a,he hmuna ka kal ngam pawh hi thil mak ani! Hetiang hian ka la huaisen ngai awm pawh ka hrelo! Mahse eng hmun nge ani tih hriat chakna in min luah tlat thung.






"Khawngaihin Don, sum chu ka pe let leh em em ang che..khawngaihin" chu thawm lo chhuahna ni awm a ka rin kawngkhar chu ka hawng a ka ka hupin ka meng kawk! Grey Romano chuan min hnungchhawn in mipakhat hi silai in alo tin mek!
A mi tin pa chu thingthi in a kun tlawk tlawk a,a rawn hawi chhuak chu thisen in abual niah tawh!

"Jeba, huntiam apel tam tawk tawh e" ngainatawm loh zeta ti hmukin chupa chal ah tak chuan Grey chuan silai mu a thun! Ka au chhuak thawt a,hnunglam atang mipakhat hian min pawm bet nghal nawk bawk.






"Grey,i zan hun hmanpui em ni hei?" Min pawmbet tu chuan chhunglam ah min nem lut rawk rawk.Ka tal ve fat fat a,mahse a chak lutuk tlat.





"Matteo,kut ke kim a awm ila duh chuan thlah rang rawh"Grey an a tih deuh hrawk rualin chupa chuan min thlah a,Grey an alamah min pawthnai nghal zawkin ka kawngah min kuah bet nghal tlat bawk.
Thisen thâng rim chuan ka hnar rawh verhin ka uak deuh that a ,hlauh nen ahrehawm takzet.

"He naupang te hi i nupui tur chu ni lul suh se"Ka hma a dingin a tih rualin Grey a rum nghut. "Lo chingfel rawh" ti dutin kawngkhar lamah min nawr chhuak a,kan chhuahfel rual chuan tâl chhuah tumin ka bei nghal fat fat.






"Ni mai lo e Princess" nuih suk pah a tiin min pu nawlh a, a rem lai lai ah ka chum nghal pawp pawp.A engah mah zuk kal miahlo a mawle!







Khuma min nghah thlak dawt rualin "min hnaih suh..khawngaihin min tina suh" ka ti nghal mawlh mawlh.
Mit ti zim sunin min melh a,"tuma hnenah ka sawi lo ang" ka ti leh mawlh mawlh.

"Valentina, min en teh" amah zawkin ka melh theihnan ka khabe a rawn dawm a,"tu hnenah pawh sawi rawh apawi tihna ka nei hauhlo.Chuan engvangin maw ka tihnat ang che?"a tawplam chu a ri deuh hluk in ka hria!






"I..i tualthat" ka tawng abah nawk nawk.





"Ok..i hmuh ngai miahloh tur i hmu tih ka hria e,muthilh tum rawh le princess"ti supin min mut tir nghal a, ka bulah thu in min en reng bawk.
"I mit chhing rawh duhtak" a tih chuan ka zawmlo ngamlo.

Ka ngaihtuahna ah thil tam tak a rawn lut a,ka muthilh hlana min thah tum ani angem tih te.. he hmunah hian ka himlo takzet.





Thawh tuma ka tawlh rual chuan tha chak tak hian min hnuk let hrawk a,ka thinphu dup dupin tunge ka bula mu chu ka hre chawpchilh nghal.
Grey chuan a thawmhnaw hak alo thlak tawh a,Tshirt dum leh kekawr pangai dum alo inbel tawh.A thawmhnaw hak chuan a ti lang lian zual takzet.Amit a chhing tlat a,mahse a muthilh ngheh ka ringlo.
"Mamawh inei em? Princess" ti zawi supin ameng chuang hauhlo.



"Aih..neilo"





"Ok, Minute sawm chauh" ti supin a ngawi leh nghal daih.
Ka awm ngai in ka awm reng ringawt , ka chet chuan a thinrim in min sawisak hrep ka hlau ani.
Minute sawm dawn tak tak chutia kan awm hnu chuan a rawn che talh talh a, "afternoon,i pum tereuhte hi eitur pe ang hmiang"Lalpa! Tunah khan anui! Inbengkangin kei a la mu reng chu naupang ang mai hian ka kut pahnih ah dawmin min pawt tho ve a,min melh dan te chu ka sawi thiamlo! Ka chhungte hnen atanga ka dawn ngailoh ani.Ala nui hmeltha hrep lehnghal!






Ka kutah chelh tlatin inhnuai lam min pan pui a,dining hall lian zet ah chuan min luhpui in a thutna thina a thut fel ruala thut ve mai ka tum chu min pawt salh a,a malchungah ka thu fel der!
"Diklo a awm em?"ka che sek chu a rawn ti sup.Ka lu ka thing nghal nawk nawk.


"Ok" ti leh dutin kan hma a eitur in chhawp hnur zinga pakhat ahming pawh ka hriat loh chu fork in ala kang a,ka ka zawnah a rawn dah nghal vu.Ka ei duhzawng ani en tihlam ka ngaihtuah lo, ka â kalo ang nghal thuai.
Mahse a tui lutuk ringawt.Chutiang chuan mahni pawh a min ei tir lo in min barh mawlh mawlh a, amah chuan engmah a ei ve lo thung.






"Zawhna ka zawt thei che em?"tri dek chuan ka ti sap .






"Engpawh min zawt rawh" a ti ve mai bawk.Min tihnat tum hmel apu ni in ka hre tawhlo,chu chuan min ngampat tir ve sawt bawk.


"Tinge hetiang hian i awm? Tinge engtin mah min tih loh? I thil sual tilai ka hmu chung che pawn?"ka tum dan loh deuha ka sawi chhuah vang chuan ka thin aphu nghal dawt dawt





Mahse dam ruih hian "Cause I'm obsessed with you Princess" a ti a,a sawi awmzia ka hrethiam lo?
"Italian i thiam lo maw?" a tih zawm zat.Ka lu ka lo buk tak nghauh ah chuan akiai suk a, "i thiam hunah ka thusawi awmzia ila hre mai ang" a ti a,a malchung atanga tho tur chuan min pui nghal zat bawk.
"Hna khawih tur ka la nei a,i duh chuan library ah lehkhabu i chhiar thei ang"ti supin dining hall atang chuan a chhuak zui daih bawk.Library...lehkha chhiar ka ngaina tih a hria em ni? Ka chanchin engtiang chiah a tam nge a hriat?Ka beisei ang em em a hlauhawm chu alo ni lo thei mai angem?







Library ah chuan Anna inhruai tirin lehkhabu inrem khat hnur kan hmu chu ka au lo chauh.Moscow ah khan library neilo kan nilo a,mahse ka luh ve an phal ngailo.Maya khan thawnthu bu min rawlhruk thin a,tihtur dang a awm ngailo bawk nen tunthleng hian lehkhabu chhiar ka ngainat phah.
Ka chhiar duh awm chi kan dap kual a, Anna Huang ziah alo awm tehnawlh chu phur zetin ka la a,'Mafia' chanchin alo ni kher nen ka tum loh deuhin ka inchhiar tui ta phian bawk.A changtupa leh Grey te chu kan tehkhin a,he thawnthu ziak tu Anna Huang in a mipa a mithla dan leh Grey landan leh mizia engkim chuan danglamna anei lo viau in ka ring bawk.Mipa ka hmuh tawh ah chuan amah han tluk pha tur an la awm lo ang a tih theih hial ang.Amak keipawh hian ka ti hial zawk! Kum tam ka pa sawisakna ka tawrh vang nge ni Grey tualthat lai ka hmuh khan beisei aiin min nghawng reilo!







Ka mu lai chu ka kâng lawp a,pangtilum thur thur awma ka bei leh rual chuan mengchhuak lo in tui zetin ka muhil zawm leh nghal mai.







Zi mar talh talh a kan meng chu sofa ah reng kalo thu tawhlo! Grey malchungah ka lo muhil reng mai! Amah lah chuan ka kalbo hlau ang maiin min kuahbet tlat a,sofa nghenchhan nghengin a mit a chhing tho bawk.

"Grey...grey"a hmel pa zet chu la thlir châk viau mah ilang ka zun a chhuak tawh lutuk ringawt.
Peihloh hmel zeta amit a rawn men rual chuan "ka zung duh a" ka ti zawi sap a, "Ok" ti hnawk tuakin keimah minla pawm reng chung chuan zo zetin min dinpui ta mai.







"Aih..aih keimahin ka kal duh, min dahthla rawk"ka ti nghal mawlh mawlh.


Nui hawk hawk in min dahthla ve mai bawk, "zanriah kîl turin ka lo nghak dawn che nia Princess,rei lo la"dam thlup hian a ti a,ka rindan letling thawk ani a awmdan chu.Ka pa ang maia pawisak neilo leh kut ram tur a ka lo ngai kha ka inthiamlo letling zawk hial mai.










Zanriah kan kil mawlh mawlh lai chuan Ardem khan Grey a rawn bia a,Italian tawng hlir an hman vangin enge an sawi ka hre lo.Mahse Mr.Romano te nupa chanchin an sawi tel thânin ka hria,ka hre sual thei tho bawk.

Zanriah kan kil zawh atang abo leh nghal daih a! Zankhua in room ah a rawn lut leh tawhlo bawk.Lawm viau tur ka nih zawk laiin ka lawm em em pawh ka hre chuanglo nia! Enge maw ka awmzia hi ni? Khawnge a riah ang tih ngaihtuah mai mai chungin nizan pawh ka mengrei hrep anih kha! Tinge hepa Italian mafia hotu hian ka rilru a luah tâk tlat ni?





"Valentina, vawin chu inneih lam puahchahna atan hun kan hman angai dawn a,i phur tawh em?"Anna chuan nuisangin arawn ti lut leh tawh.Ka tukthuan tur a rawn chawi lut bawk.

"Phûr na vak tur a awm em ni Anna?" Ka lo ti halh thung.





"Awm tehreng e,nula tam tak in pasal atana an awh ngawih ngawih i nei dawn a,i hlim lo em ni?"





"Ka hrelo le" ka ti sep.Diktak chuan kan in hremhmun ang mai atanga min hruaichhuak hi ka lawm lutuk.Mahse tuna ka duh ber erawh nun pangai tak neih a zalên taka nun hman ani ka châk ni.Ka tân,keima tân chauha nun ve ka duh.

"Valentina,Mr.Romano hi i duhzawng anilo em ni?"ka ngui hmel min hmuh takah chuan thutak zetin a ti ve nghal a,ka lo nuih sak thung.
"Mipa chhelo tak ani,keipawhin ka pawm chu chu.Mahse Anna,nun zalên tak neih ka châk" ka ti ve ta nge nge a,ani pawhin a hriatthiam hmel viau.







Chawhma chhung ka mokawr hak tur ka thlang a,chawhnu lamah inneihna hmun cheidan ka duhdan min zawt char char bawk a,kan inneihna buaipui tu tur chuan a duh ulukin ka duhdan angaipawimawh viau a,chutih rualin a nalh tihzawng chu nalh ti ve ngei turin min thlem thuam hle bawk.
A tawp lamah phei chuan melh pawh melh tawhlo in ka aw liam vel mai mai tawh.Thawnthu bu anga inhmangaih taka innei tur kan nilo bawk a court ah pawh innei ni ilang ka sawisel lo ang.Nuam ka ti zawk viau ang chu!








"Italian mafia Lalnu nimai tur chibai ka buk che"Uangthuang deuh hian Matteo chu ka hma ah a rawn kûn!

"Oops,i mood a fu vaklo niin alang"ti hluai in anui ver ver a,enge nuih tur awm? Rei tak min hre tawh ang maiin min be bawk a!






"Ti teh Valentina, in hmuam up reng suh.Nimin lama thil thleng kha chu hriatsual pakh vang anih kha.Oh! Inhmelhriat tirna ka la neilo tak! Keihi i pasal nimai tur thiantha ber Matteo ka ni e"a kut rawn phar chhuah chu ka vuan ve mai a,min la sawi hrep zui!
"Khawvel a mipa chhelo ber dawttu nupui ini tur chu i lawm viau lo maw?" Ka bula rawn thutthlak dawt pah chuan a ti leh hluai.





"Dawttu a?" Hrethiam lo zeta ka tih chuan "Yes,apakhatna chu keimah ka nia" ka ner nang nang ringawt.





"Wedding planner chuan a ti buai viau lo che maw?"






Thaw hakin "i tawnghnem ve hrim hrim nge ruih inei zawk?" Ka ti tawp.A rawn thlen hnu a thil a sawi hnem hman tawh zia hi!





"Ka ngaina che ah i ngai mai thei ang,mall a kal i duh em?" Ka mitmeng a de nghal sawr sawr ngei in ka ring ."takzet! Ka thei ang maw?" Naupang thil lawm anh mai hian ka ti hluai a, ka phur lutuk chu ka nui ver ver bawk.
Min melh run in "naupang ang mai, han insiam rawh " a ti a, "aih tihian ka hman" ka tih chuan ka chhup atanga ka ke ler thleng melh thla in "i chiang amaw?" a ti nawi nak.

Ka lo buk nghauh nghauh takah chuan "atha lawm, kal ang le" a ti a,ka inthuam dan ka melh thuak hnu ah ka zui ve nghal.
Tanktop var ka ha a a chungah cardigan ka kekawr hak rawng ka ha bawk,loose pants silver rawng leh chapal nen,hetiang hian kal apawi em lo ang chu maw.







"Aw Lalpa! Heihi i car maw?"ka hma a car sen mawi zet chu ka melh ngawih ngawih.







"I mit atla ange,ka bialnu nghet anih hi.Rose hi hmelhriat rawh"uang zet chuan a ti a,a car chu duat hmel zetin a chul kher bawk!







Mall lian zet kawtah motor chu a ti ding a,a car park nghakin alo let leh chuan kawngkhar zau zet lam chu kan pan a,chu hmuna lut chhuak ho chu an nalhin an hausak hmel hlawm takzet.
Matteo'n inthlak tura min tih chhan kha ka hrethiam ta chiah bawk.Ka lo ngaihdan ah chuan thawmhnaw pangai nen mai mai Mall an kal thin ah kalo ngai a,alo ni lo tawp mai.






"In lut tlang theilo ang" kawngkhar kan thlen rualin security in minlo dang!






"A chhan sawi teh le ka pu"Matteo chuan thamlo takin a ti a,midang lut chhuak ho chuan min rawn melh leh haw haw thin.

"Dresscode?" Chu security pa chuan min melh kual dan dan pahin a ti dut! Ka inthuamdan vangin maw kan lut tur min dan a!






"Tunge kan nih i hria em? Nilo ani hi tunge anih i hria em?"Matteo chuan dawhtheilo zetin a ti hlak.

"Kutdawh maw?" Nuih zui pah chuan Security chuan a ti a,Matteo ai mahin a lian a vun dum chi ani lehzel nen ahlauhawm zual ngawih ngawih.





"Matteo, kal mai ang" ka hlauthawng chuan ka ti tawp tawh.





Chutah Matteo chu nui hakin "atha e, ka tih theih hmuh chak viau che mah ilang kei aia hmuh chak che an awm ka ring tlat"la nui sawng chung chuan a phone ahmet mual mual.
"Tu..tunge i koh dawn?" A naute aphone dawn nih ringin ka ti a, "Grey mawle" a tih chuan ka meng kawk.











#Zanin ah chapter thar ka lo dah leh nghal ang.Group join duh tan Fb ah khan link kalo dah tel bawk ange aw.


Show post links
Top

[Ngaia]

CH--3






Mall kawtah chuan minute nga pawh kan ding hman lo ang tih ah BMW dum hi kan hma ah a rawn ding ri tuarh a,driver seat atang ngei mai chuan Grey chu rawn chhukin kawngkhar chu akhar deuh pawp!
Kan lam chu thinrim hmel zet hian a rawn pan phei pawk pawk a,Matteo nen kanlo melh reng ringawt tawp.






"Chiang takin min en rawh le,tunge ka nih i hria em?"min melh zawkin security guard pa hnenah chuan a ti chhuak thawt a,chupa chuan bah nak hian "Boss" a ti khur hlak.
"Good, tunge he mall a luh i phalsak loh hi i hria em? Ka nupui tur anih hi" ka kuta rawn vuan chunga a tuh leh chuan chu security pa chu a adum belh zual ngei mai! Vun ngo mi chu nise a dâng var lawp ang ka ring,vun dum chi ani hlauh a,a dum belh ta thung.





"Miss,ka hrelo ani apawi ka ti takzet"ngaihdam min dil nghal mawlh mawlh.





"Apawilo" ka ti sep chu Grey a rûm nghut thung. "Matteo,i kutah ka dah e,Valentina i hruai chhuah vang erawhin i chungah ka lawm lo hle tih hre bawk la" ti nghutin kei chu amotor lamah min kai let dawr dawr a,passenger seat a min thutfel tir rualin kawngkhar a rawn khar dawp! Ka la phu zuk zui.
A rawn lut ve leh a,chak zetin a dawk chhuak nghal zawk bawk.Engthil mah ka sawi ngam lo,a rem rem lai ah ka invuan bet chawt chawt ringawt.







"Valentina,enge ti a i inhriat? Kha hmunah khan vengtu tello lehnghal in Matteo i zui amaw?"A steering wheel chum tawkin min melh nghal hrawk bawk.
Ka theih ang tawkin bang lam ka ngheng nghal tawk tawk a,kan inhlat lo hle thung motor chhungah kan la awm miau a.

"Sawi la, engvanga kha hmuna kal nge inih chiah?"a ti leh salh.







"Ka tihpalh"ka ti zawi sap a, ka hlauh em vangin thawk pawh ka thaw tha ngamlo hial.





"Tihpalh chauh maw?" Ti hlukin a ngawi zui vang vang a,ka lama kut a rawn lek rual chuan ka mitchhing sawkin "khawngaihin min ti na suh"ka ti chhuak thâm tiam mai.Ka pa lakah chuan mi danglam tak emaw ka ti a,mahse tunah hi chuan a danglamna a awmlo.Ka hlau a,kut min thlak mai ka hlau takzet bawk.
"Khawngaihin min tina suh"ka ti chhuak leh sup a,ka mit ka la meng ngam chuanglo.






"Princess" ti thawp supin "min en rawh le"a ti dam leh thlup si!
Muangchangin ka meng a,a thinrim mitmeng kha pu tawhlo in tunah chuan min tihnat hlau hluah hluah mitmeng a pu leh tawh!
"God! Eng vang tehlul in nge ka tihnat che i rin?" A ti dam thluam a,ka hmai zawna a kut a rawn lek kân leh ruala ka lo phut deuh zuk vang chuan akut ala let leh nghal riai riai.

"Min ring rawh Valentina,ka tina ngai hauhlo ang che"thutak zet hian a rawn ti chhuak sup.






Mansion chhungah kan inzui lut a,ka pawh a alaka ka tlângnel ve hman tawh tehlul nen min tihnat loh tur thu sawi mahse ka hlauhna a rawn let leh vek tawh.Ka pa mitmeng ang chiah kha amitah ka hmu tlat ani,tualthah chakna ,midang tihnat chakna mitmeng ngei kha.

Anna ka hmuh rualin abulah ka tal nghal chawt a,Grey chuan min melh vung vungin engtin mah min ti em bik chuanglo.Ka awm ang ang chuan min en liam rih tawp ani ber.







Newyork ka thlen atanga ni li lai aliam tawh a,vawin hi Romano hnam hming ka chhawm ni ani.Kan inneih ni ani tihna anih ber chu.Mall atanga kan let leh hnu khan Grey nen kan inhmu leh tawhlo a,mansion ah a awmlo nge room ah pawh a rawn lut ngai hauhlo! A awmna tu hnen ah mah ka zawt lo a,zawt pawh ni ilang an hriat hlawm ka ring lo bawk.





"Ka fanu thar chu i mawi hle mai" nguai zeta kalo thut lai chuan Mrs.Romano a rawn lut hlawl.





"Chibai le Mrs.Romano"





"Aw khawngaihin Isabelle tiin min ko rawh,ka nu min ti mah la apawilo hlei hlei,chuan i mawi takzet"ngainat awm zeta min melh chunga a tih chuan ka nuihlet ve sak."ka lawm e ...isabelle."ka nu ti a han koh em chu ka tîm tlat.Nu tih thumal hi ka lam khat viau a,ka nu ngei kha ka koh apianga athinrim thin vang ani.
"Awle,ka rawn hmu ru zuai che anih hi Grey an ahmuh hun che a ahmel awmdan tur ka hmu chak tawh hle mai.Ka chhuahsan leh phawt ang che"ti sawk sawk in min chei tu a tirhchhuah tak kha a rawn ko lut leh nghal zat bawk.






Min cheitu chuan a duh uluk ngang mai a,ka sam ringawt pawh darkar chuang fe akhawih!
"Gosh! Veil i khum chuan ka set sa zawng zawng hi a tichhe vek dawn si.."amah chuan a buai khawp mai.A putu ber kan buai loh tehreng nen,puk luih pawn min chhuah se pawi ka tilo nasa.
Minute sawmhnih dawn abeih leh hnu chuan a duhang thâl in achhuak ta ni ngei tur ani akut abeng ta thak thak.
"Yess,fuh lutuk nangmah vang hian ka larna a zual phah dawn tih ka chiang"khek ruai chung chuan a ti mawlh mawlh.Alawmawm lamah ngai ve phawt mai teh ang.






Anna rawn lutin pheikhawk min rawn bun tir a,darthlalang a kan in en chu ka inhai lo chauh! Hetiang hian vawikhatmah ka la inchei ngailo a,makeup phei chu ka hmang ngailo ang hial ani.Ka landan chu ka duhkhawp in miten hmeichhe nalh leh hmeltha a an sawi thin ka unaunu Valerie lakah pawh ka duai bik viau lo in ka inhre ta.
Ka kawrfual hak chu ka pianrem thlap niin ka kaihza atang mermaid type in a puk thla leh a,ka awm lam erawh a ruak viah.Lunghlu man to tak tih hriat ngawih ngawih awrh lo phei ilang chuan duh aiin a sexy mah mah angem tih tur ani.He thil hi ka thlan kha ani pawn ka hrelo!







"I mawi hle mai ka fanu"






"Ka ..pa! Nang maw?" Ka thin rawn phu nghal dawp dawpin ka thlan a rawn bawl nghal tiam tiam bawk.





"Min hmuh i inbeisei vaklo em ni? Maicham thleng ka kaichhuak dawn che,Ivanov thisen ikai miau a.Italian uicho bulah awm dawn mahla i nunna ka kutah a awm tih hria ang che.Ka fanu,i zarah million tel ka chân ka inring pha ngai hauhlo asin"Rapawm zeta nuih pah chuan a ti a,Russian tawng kan hman miau vangin Anna leh min cheitu te chuan kan thusawi an hrethiam velo.

"Tunge inih in theihnghilh ngai suh Valentina, rawn kal rawn le,Romano chhungkaw hnenah min ti buai thei zawnga i khawsak tawhloh ngei ka beisei ania"la nui sâng chung chuan akut a rawn phar a,ka ban tur te chu ka khur ti tih thei hial.Hetiang taka mahni hringtu pa ngei hlau hi an awm ve kher angem?






"Ka fanu,engtin mah ka ti dawnlo che.Sawisak che châk viau pawh ni ilang i taksa ah pem awm a rem hrih tlatlo"zawi te a phunin maicham lam chu min pan phei pui a,Grey Romano chu suit nalh tak nen kan hma ah a ding reng tawh.

Ka vei lama ka nu leh Valerie thu ka hmuh chuan ka ipik zual sauh.An fanu leh unaunu pasal neih ni ah thawmhnaw var tawngchham zet an rawn ha a,ka dinna hmun atang ringawt pawhin Valerie thawmhnaw hak chhîn zia chu ka hmu thei hial!






Maicham kan thlen rualin ka pa chuan ka darah abeng thauh thauh a,ka chhing deuh sawk thung.
Min inneih tir tu in thutiam min chham tir lai te chuan ka ngaihtuahna chu hmundang ah a awm daih a,kan thil tih lai mek chu mumang mai anih te ka ring rum rum thin hial bawk.








"Miss,wedding hall lamah i let leh ahun tawh a" Anna rawn lutin ka kawr hnung zipper chu min rawn zip sak nghal zat.Ka thawmhnaw thlakin tunah chuan kawrfual var,ka mal veilam sir kakthla satin tha mi tih hriat zet hmanga thui ka inbel tawh a,khua athim tan tawh bawk nen ka ha rei lo turah in ngai ang.Ka chau tawh lutuk takzet.
"Mî anla tam viau em Anna"


"An haw then nual tawh a,tuna awm ho chu sumdawng lian tak tak te an ni hlawm tawh"tiin min chhang ve mai.Ka huphurh lutuk tih ahriat vangin "a zo thuai mai ang"min hnem tum zet chuan a ti tel hram bawk.







Wedding hall lam bawk ka pan leh a, light mawi tak tak lo inchhi tawhin chawhnu lam a thuthleng an rem khah hnur kha an lo rem tha vek tawh bawk.He hall hi Romano chhungkua atanga inneihna a awm apiangin hman thin ani.






Hall chhung ka luh rual chuan Grey ka lam panin a rawn kal nghal zat a, akiangah dingin lawmpuina min rawn hlân tu pawh an awm nual.Mahsela chung lawmpuina min hlân tu te chuan an ti tak tak em tih erawh ka hre derlo thung.
Ka chhungte hmuh tur an awm tawhlo a,an hmel an rawn lan tawh a an duhtawk tawh anih ka ring.
"I duh chuan room lamah i chawl hahdam thei tawh ang"Grey chu ka beng bulah a rawn phun sup a, ka hmel atang he hmun chhuahsan ka duh zia ahmu thei pawh ani mahna.Anna min kohsak in room lamah ani chuan min hruai let a, ka intleuh thuak hnu ah ka muhil zui nghal mai.Ka chau ve takzet tawh pawh ani mahna.









Zing ka harh chu ka lu ana deuh bur a,Sana ka en chuan ala hma viau lehnghal.Anna pawhin ka thawh ala ring tawp lo ang le.
Inhnuai lamah chhuk thla in Dinning hall lam ka pan a,ka pum ruak lutuk hnawhkhahna tur ka zawn angai ,anih loh chuan pum nat chiah ka hmabak tih ka i hrechiang .

"Kei chu ni ilang ka zak ngawt ang,nizan zankhua in Don leh Miss Valentina ûnaunu hmeltha zet kha an awmdun ania! An inneih zanah leh nghal Don chuan a unaunu ngei amutpui mawle! An thawm hriat tur pawh a awm zankhua alawm.Miss Valentina chu akhawngaihthlak rualin a unaunu erawh a tluklo ve bawk em anih kha" maid pahnih chu ka awm ve tih hrelo in anlo ti ti mawlh mawlh.






"Engtin nge Don hian Miss Valerie zawk athlan loh theih le? Hmeichhe perfect lutuk kalsan in kutdawh ang mai anei ania! A riahbo san theih tur fing vaklo a thlang ani ngei ang"pakhat zawk chuan tiin anui hak hak.
"Ni chian e,unau theuh theuh an inthlau khawp mai.Hei vang hi aniang anu leh pa ."



"Ehem..khawngaihin Anna awmna min hrilh thei em?" Ka ngaithla zo theilo chuan ka ti ta tawp.Phawk zetin an rawn hawi let a,min melh zawk zawkin "Kitchen ah"pakhat chuan a ti a,min hlauh hmel zet chuan an in kaisawn nawk nawk.








Nizan ah Grey leh Valerie an mu dun amaw? Chupawh kan inneih zan ah lehnghal!
Ka nui chhuak hak a,tunah chuan ka ril pawh atam tawh nek lo e,ka luak a chhuak tawh zawk.
Ka mittui rawn tla ve ringawt chu ka hru tawk a,mahse a rawn tla leh nghal zat tho.Mahni inkhawngaih loh hram hram ka duh thin a,mahse chintawk hi a lo awm ve bawk ani.





Anna pawh hmu ta lemlo chuan Room lama chhoh tumin Dining hall atang ka chhuak a,ka hmai ka hru chho nawk nawk bawk.

"God! Valentina engvanga tap nge inih?"






"Tenawm lutuk" ka ti chhuak that, angaihna hriatloh hmel zetin Grey chuan min melh reng ringawt.

Kalpelh mai ka tum chu ka kutah hmer chawtin room chhungah min kai lut nawk a,khuma min nemthlak dawt rualin ka kut ve ve chu a rawn man bet zui hmiah bawk.
"Min thlah rawh" ti chhuak thatin ka tal nghal fat fat.






"I tah chhan chu sawi rawh le" tu angah nge maw a in ngaih le? "Tenawm pa min kaltir rawh"hlauh na ka nei tawhlo, mite nuihzat a min siam tu anih hi.Min sawisa hlum dawn pawh nise damchhan ka nei chuang hleinem le.

"Princess inbengdai hmasa rawh"




"Nanga Princess pawh ka nilo,min thlah thuai rawh"






"Valentina" a ti chhuak thawt. "Inbengdai la i thinrim chhan leh i tah chhan min hrilh rawh le"






"Engvangin?"ka ti chhuak tuarh."Mawh? Engvangin nge ka hrilh ang che"





"Ka hriat ngei a tul vangin, sawi rawh le?"







"Ka tuar hnem tawk tawh iti lo em ni? Tinge mi nuihzat mai mai tura min siam? Valerie i mutpui leh duh tho si chuan engvangin nge min neih? Tinge in nunrawn hlawm em em a?" Ka ti chhuak ta thawt.Ka tapchhuak hawk bawk, ka chet theihloh nan min manbet tlat bawk si ka chan achau hluah hluah.
"Engthu nge maw i sawi le? Valentina min ngaithla teh" ka lu ka thing nawk nawk.





"Please..princess min ngaithla rawh le"






"Aih..tinge min tihhlum law law mai loh? Tinge hetianga ka nun reng angaih bik?" Ka kut amanbeh chu thlahin min pawm tho nawlh a, amalchungah amah hmachhawn zawnga min thuttir in ka tap khur hlawk hlawk chu min kuahbet tlat bawk.
"Ka thusawi tur hi ngun deuhin ngaithla rawh,I unaunu nen kan mudun hauhlo" a ti chhuak fak a, "thudiklo vang chuan tap lul suh Valentina"a ti zawi sup bawk.







"Tinge min neih a?" Ka tap bang tawh a,ka chau lutuk chu a tih ang ang chuan ka awm tawp.Han tâl leh tur pawhin chakna ka nei tawhlo.






"ka ta tur inih vangin" chute bak chuan min chhang lo! "Min ring em?" Ka chhang lo,ka ring tlat lo ani.

"Valentina, min ring rawh ka lung ah silai mu thun pawh nila ka tina ngai hauhlo ang che.Chuchuan i laka ka rilru put dan a ti chiang viau lo em ni?"a awmdan hi ka hrethiamlo! Hun reitak min lo hre tawh ang maia tawng châng anei a,min haw ber awm zia zângin min bo san leh thin bawk si.






"Valerie nen chuan in mu dun lo maw?"awmhla hretin amitah tak ka melh ngam ve ta.

"Yeap, nizan chuan ka office ah a rawn kal ngei.I unaunu anih vang chauha dam a chhuah tir ka ni bawk.Nilo se ka office atang ake in apen chhuak tawhlo tawp ang.Valentina,nang hian min ti â zo vek tawh! "Athusawi tawp lam chu athawo deuh sat a, rin tur ani em ka la hre chuanglo amizia hi amak takzet.




......




"Ka hruai chhuah vang che in ka thianpa duhtak hnen atang starmark ka dawng hlak"Matteo chu ka bulah rawn thu in a mitbul duk raih chu chiang kek kawk hian min rawn hmuh kher!

"I che sual em ni?"â min tih hmel zetin min melh a, "i pasal Grey Romano kuthnu hi engtik ah tak hre hrang ang che maw?" Ka mitko kalo san ralh."Chuan..Grey chu enge a an? A nei l*an em?" Ka thil in ka hak nghal bawrh bawrh.Engthu nge a sawi kha!?





"A ni ai ka l*an zawk tih ka hria alawm"nui ver ver hian ala ti zui ! A â tel deuh hrim hrim in ka ring.
Bakah Grey nen kan la mudun hauhlo,ka sawi ang tak tak kha ani.Min duh hmel zeta min enin ahnu lawkah min hrelo ang hmakin a awm leh thin.Sawisak ka tuarlo a,chu chu ka lawm tawk a tling viau.
Lehkhabu chhiar leh Anna nen a titi chu ka nitin hun hman dan ani deuh ber mai.




"Oh...Valentina" ti hluai in ka thu lai cuu min pawt tho lawp a,dining hall atang min tlanchhuah pui dawr dawr! Hepa hi a â takzet zet tawh anih hi.






Mansion hnunglam ah chhuakin kawngkhar oakhat ah hian min luhpui a,a uap nghal deuh churh.Lalpa! Chu hmunah chuan mipa lian tak tak thawmhnaw inbel manglo hi an lo vei suau suau! Boxing ring te pahnih ngawt a awm bawk!

"Surprise ,he hmunah hian i la kal lo tih ka chiang alawm.Hmeichhe tan chuan he hmun tluka vanram tlafual a awm tawh kherlo ang."inla vei zet hian Matteo chuan a ti a,kalo ner nak thung.

"I pasal pawh a awm tel anih saw" a kawhna lam ka en chuan Boxing ring chhung ah Grey alo lut mek a,a nau pakhat a insual pui dawn ni ngeiin a lang.






A tumpui tu tur chuan ahuphurh hmel ngang mai! Bell an vaw ri chiah a,Grey chetran zia chu ka hmu hman tawk ani.A tumpui oa chu vawikhat hnek ah a thal der bawk! Room chhung chu mipa au ri in akhat nghal hum hum.
Grey chu ner sak a rawn hawi kual in kei min rawn hmu chiah chu ring atanga rawn chhuakin ka lam a rawn pan nghal hlawk hlawk.

"Valentina"lungawi lo tih hriat zeta ti hlukin ka bul a rawn thlen rual chuan chil ka lo lemkhawlh thung.A taksa inphiarfat chu kekawrbul chauh a inbel bawk nen alangchiang ngang mai.





"He hmuna awm tur hi ini hauhlo" ti chhur chhur in min melh run!
"Matteo" insawifel tuma Matteo kan melh tur chu ka bulah reng alo awm tawhlo!


"Matteo!" Ti ve supin aner nawk a, "hremna pek hlak i ngai tih ka chiang e" ti hniam ruihin a darah min pu nawlh a,kan awmdan ka hriatchhuah meuh chuan kawngkhar kan lo chhuak fel der tawh!


Show post links
Top

[Ngaia]

CH--4






"Grey,min dahthla rawh" kan mi tawh apiangin min thlir zui vawng vawng hlawm.A zak miahlo em ni?
"Grey"


"Shhh Valentina,ka lungawi lo hle tih i hriat angai" a eng vang chuan nge maw alungawi loh ve ngawt a! Room a min luhpui rualin ka tal leh phat a,khumah min nghat thla nghal dawp. "I thil tih kha a zahthlak takzet.Min en thup kha"ti hlak a thawh kan tum chu min nembet in ka chetsawn theihloh nan a rihna zawng zawng nen min delh bet vek!
A innem kang leh deuh a,ka kut a kutkhing khata hmer kawpin ka ke lam ake in min khan bet nghal zat bawk.






"Kha hmun ah khan engvanga rawn kal nge inih?" a ti dut.






"Tho teh"





"Noo,min chhang phawt rawh Duhtak.Mipa thawmhnaw pawh inbel manglo a awm ho khan i mit an la em?" Ka melh nghek ringawt.
"Matteo an minlo hruai vang anih kha,khatiang khan in lo awm dawn tih ka hre lawk biklo"a mi puhna duhlo zet chuan ka ti ve ta pang pang,khawia huaisenna nge maw ka neih zawh ni?
"Takzet...?"





"Aw,nilo se kha hmun ah khan keima thu a ka rawn thlen theih i ring ami? Masion hnungah hian khatiang hmun kha a awm tih pawh ka hre lo aw" thawveng ta huai ang mai hian ahmel chu a rawn nung nghal sawt sawt! Engemaw an training na hmuna ka kal pawh chu a helh viau ni.
"Chuan.."





"Enge chuan?"kalo ti ve leh.






"I nun puma i mit in mipa ahmuh zawng zawng ai tam i hmu a,tu in nge i mit la ber?" 'i â em ni?' tuh melhin ka melh! A thil min zawh chu? Min hnawn kual na tur a zawng zawk em ni?

"Chutiang.."


"Min chhang rawh le Princess" thutak zet chuan a ti leh a, "tu..tuman ka mit an la lo"ka ti chhuak nawk.Ka rilru erawh chuan dawt ka sawi tih ahre chiang viau alawm.Kha hmunah khan mipa khat chuan ka mit ala ngei a,chupawh amah tun a zawhna maksak zet zet min zawt mek tupa hi mawle!
"Pakhat mah in maw?" Ka chhânna chuan a ti lawm lo ni ngei tur ani amitmeng ahnual ruih! Hmeichhe dang min kawpsan a duh vangin ani hian mipa min zawnsak ah ka ngai nghet hmiah tawh.







Zawimuangin ka kut ahmer beh chu athlah a, a tho zui zat bawk! Khum mawngah chuan thu in ahmai atuai puat a, thil ngaihtuah thui hmel deuhin hmalam chu a melh ngawt ngawt bawk!
Vawin ni thlengin eng ang mi chiah nge anih ka la hre theilo! Achangin min ngaihtuah hmel takin alang a,ahnu lawkah ka awm ve lo ang maiin min bo san leh char char bawk a!Tun lawka thil thleng te kha! Hriatthiam hi a har thlawt alawm.
Mafia hotu ani a,ka mihring pui ngei tîmna nei hauhlo a akap hlum lai ka mit ngeia ka hmu chungin ka thinlung hian ka pa ang mi ni turah apawm thei tlat silo!







"Mansion atanga ka chhuah hi i remti em? Ka sawi awmzia chu mall akal tur in emaw?"tim dai chuan ka ti chhuak sep a,engdinhmun ah pawh ding ilang duhbelh hi chu kan nei ngei ngei dawn ani tih ka hre thiam tawh.
Moscow ah akum tel tehmeuh jail tang ang maiin ka khawsa a,tunah ka nun thin dan anglo zetin Lalfanu ang maiin he hmunah enkawl ka ni leh a, chuti chung chuan pawn lam thlakhlelhna ka la nei tho! Ka mamawh engkim ka nei tawh chungin duhbelh chu kei ngei pawh hian ka la nei tho ani.






"Grey" ka ti zawi leh sap.





"He hmun atang hian thei nila i kal bo angem?"ka mita min rawn en kalh chung chuan a rawn phun chhuak sup.
"Valentina,tlanbo chu i duh em?" A ti zawi leh ruih a,ka chhân dan tur ka hrelo.





"Ih.."ka ti dek dek chu "thudik ka hre duh" a lo ti dut.
"Diktak in ka chhang ang che, tlanbo ka duh em ka hrelo mahse...mahse zalenna ka nei châk.Mi ten engtin nge an hun an hman thin tih hriat ka duh a,keimah ang rual hmeichhia te engtin nge an khawsak a,thianho in engthil nge an tih thin tih te hriat ka duh a.Ka pa hnuaiah kum sawm chhung mi tâng ang maiin ka nung tawh a,mi zalen tak tunah chuan nih ka châk ber" thinrim dawn mahse ka rilru puthmang diktak ka hrilh vek tho.Hetiang taka ka rilru puthmang diktak hi ka la sawi chhuak ngai lo a,ka sawichhuak thei ang tih ka inring pha ngailo hial zawk.







Grey chu angawi vung vung a,ahnu ah "Zalenna pe che ilang tlânbo duhna rilru i put kha i paihbo thei angem?" Ka âng pam ringawt!





"I sawi awmzia ka hrelo"ka mitah tak min enin a ngawi vung vung a "Zalenna chu ka pe ang che,mahse he hmun atang hian tlânbo i tum tur anilo"

"Engmaw i sawi??"





"I hria alawm" aih..ka tih awmzia chu engthil nge a sawi kha? Pawnlama ka chhuah min phalsak tihna maw?

"Pawnlam a ka chhuah min phalsak maw?"ka hlim hmel chu thup ngaihna ka hrelo.Ka mumang anih ringin kan insik chhin a,atak ngei ani si!






"Kha i nui hmel kha thil hote vangin ka hmuh ka inring ngai hauhlo" a tih sup chuan ka melh zawk a,tawite in alo nui suk!






Grey chuan pawnlam a ka chhuah min phalsak mai anilo,ka zirna zawm min ohalsak hial bawk! Chu pawh homeschool nilo in University ah ngei mawle! Ka hlim lutuk chu ka kâ ka chip hleithei meuhlo hial!







"Anna,diklo a awm em?" Avawi ruk nan a ka thawmhnaw inbel chuan ka lung ala ti awi theilo.Designer kutchhuak vek ka inbel chung pawhin ka helhhawlh vang nge ni ka hak tur mai mai ah duh ka thlang thei derlo nia!
"Val, diklo a awmlo chuan i nalh lutuk tlat"Anna pawhin a nin zia ahmel ah a thup thei tawhlo.







Darthlalang hma ah chuan ka in en leh a,Jeans kekawrbul leh tanktop dum inbelin ka sam chu ka thlah hniang a,boot 2 inches vela sâng ka bun bawk.Hetiang hian ka la inthuam ngai hauhlo,Tshirt lian hnelh hnawlh leh pyjama ha a nileng thin Valentina kha chuan tunah hian min hmu se keimah ka ni tih a inring oha lo hial zawk ang.Chutiang khawp chuan ka danglam tawh.Hliam tharlam engmah ka neilo a,ka ei in athat vang nge ni ka vun anung sarh bawk.Ka pa vanga ka taksa a duk thlehthluah awm pawh abo tial tial a, tunah chuan hnai te a en anih loh chuan ahmuh theih mang tawhlo.






"Wow..wow..wow..Romano Lalfanu chu ava nalh deuh ve" Matteo room ah rawn lutin khumah chuan a thuthla dawt.
"Matteo,ka incheidan hi atha em? Sawisel ngai lai a awm em?" Kalo ti nghal sawt sawt.



A kutzungpui rawn ti pir va chung hian "i mawi lutuk,Grey an University pawnlam ah lehnghal zawmtir che a phal hi mak ka la ti tawp theilo"hmeichhia in kan hmai kuta kan zap ang chiah hian akut chuan an inzap vel a ,ka lo ner khum nang nang thung.Mahse a sawi diklo chuanglo,kei pawh hian awih harsa ka la ti ani.






"Chuan khang shorts kha Grey chuan hakchhuah a remtih sak che ka ringlo hle bawk tih kan sawi tel hram ange" a ti leh a, Anna nen in melh zeuhin "engvangin maw? Matteo?"

"I bula anungchang ahlauh vek thin vang te pawh ani thei ang chu" a thusawi awmzia ka hreilo viau.
"Mak tih hmel viau teh suh, i bula a tawng dan te,a nungchang thlengin kei athian kum sawmhnih chuang alo kawm tawh bulah hian a awm ngai hleinem" a dâr san uk in "anui hmel phei chu Don anih hnu hian min la hmub leh miahlo bawk" ka rilru a zawhna lo awm vang chuan ka ner nghal sak.

Anna beng bulah kûnhnai zeuhin "Anna, Matteo hi gay ani em?" Ka ti ru sep a,a hrelo tih nan a dar a lo chhin ve ak.






Inhnuai lamah kan inzui thla hlawm a,chhuah inpeih sa atin ka bag ka ak nghal zat bawk.
"Grey..!"Library atanga alo chhuak chuan min melh chik ngang mai.

"I inpeih tawh chuan ka thlah ang che"duhtawka min en hnu chuan a ti sup.Matteo alo ri hlut thung.
"What..Bro! Hetiang thawmhnaw inbel chung hian achhuah i phalsak ang maw?"awihlo zetin a ti hluai.







"Ka nupui melh ngam an awm em kan hria ang chu"Grey chuan khi sakin a ti a,Italian tawng ahman vang in enge a sawi ka hrethiam ve lo thung.Italian tawng la zir ka ngai dawn ani.







Grey chuan min ohur a,kan hnung ah motor pahnih in Guard in min zui bawk.Ka phunnawi lo a,University ka kal thei tur hi ka lawm em ani.Tun aia dinhmun tha hi ka la beisei pha chhin ngai miahlo.Riltam a ka thih loh phawt chuan apawilo kha ka ti mai thin hial zawk kha ania! Tunah chuan ka ke in school a rap ve tawh dawn a! Awih harsa ka la ti takzet.


"Princess,i ban hunah ka rawn lam leh ang che.Grayson" kan piaha ding ka rualpui awm chu ako nghal dut.
"Itih tur chu i hriat kha,mipa tawhphawt chuan Valentina an melh tur anilo,achiang em?"enge asawi ka hre lehpek tawhlo! Mahse Grayson a tih pa chu abu nghut thung.






"Ni hman nuam le Princess"dam thlup chuan kei chu min be leh lawi a!







"Helam ah hian le Miss"Grayson chuan tiin Building lam ah chuan akut aphar a,Grey chu tawite anuihin Grayson nen chuan building lam kan pan dun zui mai bawk.

"Ih..min veng dawn tihna em ni?"


"Nilengin i awm ve dawn em?"



"Tinge min chhân loh" ding chawtin hnuailam bih chung hian "University i zawm chhung zawng nangma kianga awm tlat tur ka ni" tih ringawt asawi!
Ka zawhna a chhâng chiang viau chungin ka mitah pawh min enlo a hnuailam abih tlat chu ka ngaihdan ani chiahlo.

"Grayson..,ka kalna hmun apiang ah min zui dawn itihna ani em?"






"Miss,mi mit kan lak loh nan he hmun ah hian Don chuan min ziak lut ve ani"A awmzia chu ka zir ang apiang zirin nitin min veng dawn tihna maw? "A theih amaw?" Ka ti hluai a,abu nghut ringawt.



Principal office a kan in report hnu in ka class tur lam kan pan a,kawngkhar hawnga kan lut chiah chu a reh nghal thap! Professor ni awm tak nen lam chuan minlo melh thup bawk.






Zawmna.....







Ka hnungah Grayson chu rawn lut veleh in an phun ri nghal mur mur bawk.
"Silent, inhmelhriattirna rawn nei ta che u, in pahnih khan"Professor chuan atarmit kar atanga mi rawn en in a ti a,a tarmit chhan atang min hmu fiah thei daih zawk awm si a!







Ka aw kan thian hmasa te te a,"Chibai ule,Valentina.."Ivanov tiin nge Romani tiin ka insawi dawn ka hre ta hauhlo! Mahse Romani ti a ka insawi anih chuan thian thatak siam ka harsat dawn,tunge NewYork ah sumdawng lian lutuk Grey Romano hre lo awm ang ni?
"Valentina Ivanov ka ni e"ka ti ta zawk a,min en in thenkhat chu an inhrilh ru sap sap.

"Nang ve kha le"Professor in Grayson melh a atih chuan Grayson chuan "Grayson"zu ti teh tawp a! Professor chuan melh ralhin "thutna awl ah sawn in thu thei ang" a ti zui a.Tlar lai a thutna awl ka pan a,ka bul chiah ah Grayson chu a rawn thu ve bawk.
Grey an ani kher hi min veng tur a athlan chhan chu kan inrual vel vang ani ngei in ka ring.Ardem leh midang ho kha chu University kal rual hmel an pu tawh tlat lo ani.







Professor chuan a thusawi a zawm mawlh mawlh a,kan luh hma khan hun alo la hnem hman tawh ani mahna kan thutfel hnu reilo te ah class ala zo der bawk!
"Mithar pahnih te kha class represent te khan Team awl ah inlo dah mai dawn nia"keini min melh a tiin a chhuak zui nghal mai.







"Chuan...khawilam mi nge in nih? Year laklawh laia in rawn luh theih dân ah scholarship hmu emaw mi thil tithei tak chhungkua atanga rawn kal inni chiang anga"Professor chhuah rual chuan kan hma a sam buang thar pahnih chu an rawn leh hawi nghal zat.

"Oh my God! Kha kha Hermes limited edition kha ani em? "Pakhat zawk chuan ka bag ah enin a rawn ti hluai.A tawng ring lutuk a midang an rawn hawi thup bawk.






"Ah..ka.."





"Savana, khawvel ah hetiang bag nei hi mi pathum chiah an la awm.A nei tute chu ka hre vek bawk,chuvang chuan a tak ani theilo ang.Cheap lutuk "pakhat zawk chuan a rawn ti hlak thung.
"Thiannu,alem i ah dawn pawhin lei tur chi thliarhrang thiam rawh"min la ti zek zui!


"A lem anilo" ka ti ve fak a, min nuih sawng in "God! Pha lo mai teh,kha bag kha chu ka hrechiang ve alawm" ala ti hram! Ka hnial peih tawhlo,an ngaih ngaih in ngai teh se.Grey Romano hian alem alei chu ka ring lo ani.A tak ngei anih leh nihloh midangin ak se ka hre kher lo ang,mahse alei tu Grey Romano ani miau a,alem ani theilo hrim hrim.

"Anni kha chu engahmah ngai suh aw"ka piah a thu chuan a rawn ti dam thlap a,ka lo nuih let ve tawp ringawt.






"Khatiang reng kha an ni mai" a tih leh chuan ka thaw hak a,"Valentina ka nia" ka ti chu "ka hria alawm,inhmelhriattirna i neih na ala reiloh kha"nuih sen sen pah hian a ti a,"Oh!" Ti ve sapin ka nuih let ve hak.
"Juliana ka nia,ani hi Perez William ka unaunu anih hi"abul chiah a thu thawmhnaw dum vek inbel chu min hmelhriattir ve nghal zat bawk.

"Phîr in ni em?"





"Aw ni e,mi tamzawk hi chuan min vawikhat hmuh na ah phîr kan nih an ring ngai miahlo asin! I hrethei hle mai" phir inang lo tak chu an ni a,chuta karah an inthuamdan a inperhsan viau bawk.Mahse an mitmeng erawh a in ang ngang thung.






Grayson lam ka va hawi chuan phone ah engemaw hi alo type zawt zawt a,"Grayson,enge i tih a?"a thiltihlai a rilru apek em vang chuan ka ti sep.
"Don hnenah thul thlendan ka report"


"Engthil?"Darkar khat em pawh ala liam silo!





"Darkar chanve danah report pe zel tura thupek ka ni" a tih chuan awihlo zetin ka melh nghek!
"Tunah hian bathroom ah ka kal dawn a,i boss hnenah chuan i report tel dawn em?"ka ti kher.Darkar khat pawh nilo chanve em em a report pek zel te chu!!!
"Ok..ka lo report dawn nia" ka thaw hak ringawt.



Ka thawh rual chuan a ding ve nghal vut a, "Grayson, Bathroom ah ka kal tak tak dawn alawm"ka ti deuh hluai.
"Miss, ka hmuh phak loh ah i awm Don in a rem tilo" a ti deuh tlat! "Athalawm,bathroom ah min zui lui tlat dawn thu Grey chu keiman kan hrilh dawn em ni?" A mengbuai deuh nak.
"Grayson,engmah a thleng lo ang.Hetah hian lo awm rawh ka rawn let leh harlo ang" ti in ka kal zui a,min zui ta em biklo.







Bathroom lam ka hriat loh vangin ka zawt chawp a,ka class lakna hmun atang chuan ahla hranlo.Hallway ah chuan ka zirlai pui an lo ding fer fur hlawm bawk a.Ka rualpui te kiangah ngei zirna ka zawm ve chu ani sia! Hetiang hmunah hian ka lut ve thei ang tih pawh ka ring pha ngailo zawk.






Ka zung zo chu basin ah kut ka sil mawlh mawlh a,Nimin lama Grey min pek chauh ka ph ah chu alo ri ral ral.
Ka kut hru hul a kan en chuan 'Husband' tih alo inziak kulh! Tiang hian alo insave tihna em ni?

"Princess"ka tawng ve hma hauhin ka lak rual chuan a rawn ti dut.





"I tha em?"ka tawng mai loh avang chuan hlauthawng aw zet hian a rawn ti leh!



"Ka tha alawm"





"God! Ka ngaihtuah zia che i hrethiam phak hauhlo ang" a rawn ti ruih a! Engvang ngawtin nge maw min ngaihtuah ni?
"Ka tha tak tak" chhuah pah a tiin ka subj dawt leh ka class ngaiah tho anih vangin classroom ngai lam panin ka phei pah bawk.





"Gr ..grey,class ah ka let leh tawh dawn a.."






"Wow! Mithar maw?"lockers bulah mipa pahnih hian minlo tiding.
"Kal mai lo la,i hming tal min hrilh la"kalsan mai ka tum chu pakhat chuan ka banah minlo vuanbet hman."min thlah rawh"
"Valentina"Grey chuan a rawn ti thum dut!



"Oh C'mon baby, i hming tal chu" min vuan bet tu in a tih leh rualin "Valentina,second khat pawh akhawih leh che anih chuan akut chân turin lo inpeih rawh se.Ka rawn kal"
"Grey..Grey" a dah nghal! Lalpa thil tha tak athleng dawn lo.











#Ch thar ka rawn dah lehnghal dawn e aw.A duh tan a chân theih ang.


Show post links
Top

[Ngaia]

CH--5





Thawklehkhatah min vuan bet tu chuan min thlah thutin lei ah atlu thal nghal tawp.
"Grayson!"



"I tha em?" Ka lu ka lo bu nghauh nghauh."I duh chuan class ah ilo va let thei ang,henghi kan chingfel lawk ange"a thianpa zawk in rawn hnek a tum man bet chung chuan a ti a,"ih..Grey..grey alo kal dawn"ka ti chhuak nawk.
"Awle" ti nghutin chupa amanbeh mek chu locler ah alu tauh tur chawrhin "min hmuh duh ngei ka ring,kan lo va chhuak dawn em ni?" A ti a,mi pahnih te chu an thal der tawh bawk.
Zirlai dang awm ve te mit chu kan chungah a fu thup a,ka ni hmasa ber ni a tiang athleng chu hrehawm ma ti takzet bawk.






Grey nghakin building kawtah Greyson nen chuan kan ding ren rawn a,insawifiah dan tur mawlh ani ka ngaihtuah ni.Zirlai veivak hi chuan min en duhin chanchin an hre darh vek tawh tih lah achiang reng bawk.
Ka zalenna ni hmasa ber ani a,keima ke ngeia ka pen chhuahna ni hmasa ber,mahse buaina ka tawk nghal der chu ania!







Kan zawnah chuan motor dum ka hmuh than zet hi a rawn ding a,Ardem driver seat atanga rawn chhuak in a hnung a hawn chuan Grey Romano chu mitmeng dur zet hian a rawn chhuak ve leh zat.
"Valentina"

"Ka..ka thiamloh anilo..tak tak,ka thiamloh ani miahlo ania"ka ti nghal mawlh mawlh.





"Shh, Princess ka hria"ti ruihin "motor chhungah lo va lut rawh le"a ti damthlup a,amitmeng atang thinrim insum ani tih ahriat takzet.
"Grey.."

"Baby,ka sawi ang chuan ti rawh le"ti dam thlup mahse ngaihthlak anuam zanlo.





Hnial ngamlo in motor lam ka pan a,Ardem chuan kawngkhar minlo hawn nghal zat. "Khawnge an awm?"Grey an a ti ri chu ka hre hman a,Greason nen building lam chu an pan nghal zat bawk.
Ardem erawh pawnlam ah ala ding reng thung..



Minute sawm pawh tlinglo ah Grey chu Grayson nen rawn inzui chhuak lehin motor chhunga a rawn thutluh rual chuan anghing deuh lawih a,biak pawh kalo be ngamlo.
Ardem chu driver seat a rawn lut lehin kan chhuak thei em tih hriat nan "Boss" arawn ti zeuh a,Grey an lu alo buk khum nghauh takah chuan motor chu a ti nung zui nghal mai bawk.


Kan haw kawngah chuan kan inbe lo a,tukverh bul chetah thu in pawnlam chu ka thlir ngar ngar.Ka zalenna neih tan ve chauh hi laksak a ka awmloh reng ka in ring tawhlo.





"Princess"



"Valentina"ka la chhâng chuanglo, ka in ngaihtuah lungpuam a,ka mittui a tling pam tawh nen min hmu ang tih hlau in tukverh lam ka la hawi tlat.Mansion kan thlen tawh vangin ka awmdan ngaia awm reng theih ani tawh silo ahrehawm takzet.
"Valentina"ka mit ka nuai nawk nawk a,a lam ka hawi rual erawhin "God!I that thu min hrilh lul teh" mitmeng buai nghal vekin a ti nghal zat.




"Ka..ka thiamloh anilo tak tak"ka ti sep a,ka mittui ala rawn luang nguai nguai reng bawk.





"Baby..ka hria thiamlohna ineilo"ti dam ve ruihin Ardem chu motor atang chhuak turin a hrilh a,a chhuah veleh ka ban tawn tawn ah vuanin amalchungah amah hmachhawn zawngin min hlangkai nghal zat bawk.
"An khawih na che em"lu ka thing nghal nawk nawk."I mittui tlak chhan min hrilh rawh Valentina" a ti zawi ta ruih.

"Mansion ah min khungbet leh reng dawn em? Vawin a thil thleng vang khan ka chhuah i phal tawhloh mai ka ring a"ka ti hnawk tuak a, ka hrawk a thip hlar mai.





"I hlimna anih a i tlanbo dawnlo anih phawt chuan i duh apiang itih remtihlohna ka nei lo"ti zawi ruihin "ka sawi chu i hria tiraw? Khang mi te khan an ti na leh tawh lo bawk ang che" nghet charh hian a ti a,a ti mai mai lo tih chu mi â ber pawhin an hrethiam ang.

"Min haw lo em ni?"ka ti deuh thlawt.





"What! Engvangin ?" A ti hluk.





"I zalenna ka dâl iti lo em ni? Awm lo ilang i duhtawkin hmeichhe dang..ka sawi awmzia chu kei hian i kawng ka dâl lo em ni?" Ka ti leh a,min melh reng vang chuan hnuailam melhin ka kun nghal daih..
"Min en teh le Baby,kha zawhna kha min zawt nawn leh tawh suh ang che" ka lu ka bu nghauh nghauh."Chhuak ang le,i pum tereuhte hi hraipuar a hun tawhin ka hria" akiai ve suk a,keimah a chhuk mai ka tum chu min vuan bet tlat bawk si!
A seat lam kawngkhar chu hawngin rihna neilo ang mai hian a rualin min pawmchhuak ve nawlh! Tlak hlau zetin ka kuah nghal sawt sawt bawk.




Ka rihna ten an tibuai phalo tih hriat zet hian Mansion ah min luhpui a,maid ten kun chungin chibai an lo buk nghal sap sap bawk.
Kan room lamah min chhoh tlang puiin khumah dim zet hian min nghat thla a, "va intifai rawh le" damthlup a tiin naute tihnat hlau zeta dimdawi zeta kan buaipui ang tak tak hian dim dawi zetin min pawt tho leh nghal zat bawk.
Engvanga ka chunga tha em em nge maw anih ni? Ka lo nun thin dan hriaiin min khawngaih ah ka ngai ber tawh, achhan tur awm ang dang ka hre tawhlo.Ka lakah feelings anei ve emaw ka ti hman dawn dawn thin a,mahsela tha te te a kan awm hnu ah min hlat leh daih thin vangin chu ka rilru put dan chu ka thlak tawh thung.







Grey chuan University ka kal zawm zel chu min remtih sak a,mahse Grayson chauh nilo Devon nen min veng turin a dah ta thung.
Thian thar ka siam ve tawh a,Julliana leh Perez william te.An felin tunge ka nih ah an buai lo,kan subj lak zawng zawng alo inang kher bawk nen kan inzui deuh chawt.Ka luhni hmasa ber a min tibuai tu te kha ka hmu leh tawh miahlo a,Grey khan he hmun chhuahsan tur in a ti te pawh ani mahna.


"Grey Romano leh Serena hi chu an inhmeh ve chiang alawm,mahse Grey kher hi chu zankhat tal hun hmanpui thei ila aw ..." Kan piah a thu chuan a ti vawng vawng mai!
"Lizie,Grey chuan nupui anei tawh ani lawmni?"a thiannu chuan a rawn ti chhuak hlawl bawk.






"Megazine ah aneih thu alang chuaih chuaih chungin hei nizan ah Serena nen Bussiness party ah hmuhdun an ni tho alawm.Anupui chuan ati lawm thei vaklo anih ka ring" an nui dun zui hak hak a, nizan ah Grey a chhuak maw?Chupawh hmeichhe dang nen lehnghal!
Ka awmzawn chu ana ve veng veng mai.Grey lakah feelings ka nei ka inphalo,mahse kan inzawmna hi sawifiah thiam ahar em a,in duh innei kan ni bawk silo nen anupui ni mah ilang ka pasal anihna angin ka hauh tuk ringawt thei biklo a,mahse hmeichhe dang nena an chhuakdun tih ka hriatna chuan min ti na tho! .






"Valentina...valentina.."





"Aw..enge"Julliana in minlo ko tih reng ka hrelo!ka ngaihtuahna ah kalo cheng deuh ani.
"Nizan lam i party nasa deuh nge i diklo riau"nui hak hakin a ti a, "afternoon class hi kal lo in Perez nen beach ah kal kan tum asin" ati zui zat bawk.
"Julliana pehhel kual vak thinlo teh,Valentina,Juliana khan i lo kal ve duh leh duhloh zawh che a tum anih kha"Perez chuan a rawn ti hluk.Juliana alo ner nang nang bawk ,an mizia hi chu a inperhsan tak tak ani






"Chuan ilo kal duh em?"Juliana chuan a rawn ti ve leh a,chhân mai dan tur ka hre ta hauhlo.Grayson leh Devon in min zui angai ngei anga,Grey an ka kalna hmun a hre leh nghal thuai bawk ang.Engemawni ani pawhin hmeichhe dang a chhuahpui tho alawm le,engvangin nge ani ngaihdan chu ka zawh kher ang ni?
"Ka lo kal ang"ka ti ve ta hmak.






"Good,kan eilai hi ei zo ilang kan chhuak dawn nia"Juliana chuan ti sepin a coke in lai chu a hip ri zui kawrh kawrh bawk.


Beach a kal tum chuan kan thutna hmun atang kan tho a,kan piaha thu Grayson leh Devon chu anlo ding ve nghal zat.
"Ih..ka rawn zui nghal ang che u" ka thiante bula ti sep in Grayson leh Devon lam chu ka pan nghal zat bawk.






"Beach ah kan kal dawn a"ka ti tan chiah Devon chuan "Don in a rem tilo ang" a lo ti nghal!

"Ani rem tih leh tih loh lam ka ngaihtuah lo,in duh chuan min zui thei ang mahse ka thiante kiangah ka chuang dawn ania"ti ve hmakin Juliana te ka umsan zui daih.An duh duh in lo awm ve tawh mai rawh se.An pu ber pawh a duh duhin a awm tho alawm le.







"Wow!" Amawi lutuk tlat!




"Lalpa! Beach a la kal ngailo ang maiin alawm le i awm le!"Juliana chu anui zui uarh uarh.
"Chutiang deuh chu" ka ti chu anui lai tawp chawtin "i uang tiraw?" A ti sap a, ka lu ka lo thin chuan "Valentina!!Eng khawvel ah nge i chên bik?" A ti zui hluai.Ka khawvel awmdan nithin chanchin hrilh ilang an awihlo hial zawk ang.

"Nî asa tawhlo,tui ah luh anuam vel chiah ang"Perez in alo ti chu ka lawm ru viau.Ka chanchin min zawt zui zel ang tih mawlh ani ka lo hlauh ni.






Julliana leh Perez te chuan an thawmhnaw haklai hlip sat satin bikini nen chauh an awm tawh! An thawmhnaw chu uluk tak hian bag ah an khung tha nghal sawt sawt bawk.
"Val..inphelh ve rawh"Juliana chuan min en a ka thawmhnaw melh lehin a ti a,tui chen thiamlo mah ilang ka dai thei tal alawm.
Ka thawmhnaw hak chu ka phelh ve nghal sat sat.
"Wooah! Inha leh zawk teh min dah nil emai" Juliana bawk ani!






"Khawvel hi chu avan failo tak! Valentina,i hmel leh pian kha chu nei ilang billionaire thlemthlu in tunah hian Mansion lian takah maid ka tir kual mai mai tawh ang mawle"Juliana chuan a ti hluai a,kei aiin ahmel tha daih zawk sia!!

"Tui ah lut ang u"Perez ani.


"Tui ka hleuh thiamlo ania!!"





"Juliana nen in in anna lai tak anihchu,ani pawhin a thiam bik hleinem.Athuklo lai ah awm mai ru"Perez chuan a ti awlsam than.






Kan khup chen vel daiin Julianna nen chuan kan infiam a,Perez erawh athuk lai lam ah ahleuh thung.Nui uarh uarh chungin tui chu kan intheh a,chau zetin tui in a chim phak loh chinah chuan kan thu ta hle hle.
Ka taksa ah chuan lei akai niah a,mahse anuam dangdai lutuk ringawt! Tui in a tihhuh lei rim te,tuipui inchhawk ri te leh kan chhehvel a midang te thawmri te nen! Mi pangai tak tak nunpangai a nung ka ang ve sawt viau in ka hria.Hetiang ang hmun nuam awm laiin kum tam khungbeh kalo ni kha ka pa ka haw thar viau bawk.





"Hi.. rawn zawm ve cheu ilang pawi inti em?" Tlangval keimahni ang rual pahnih hi kan bulah a rawn ding!

"Pawi tilo e"Julliana chuan alo ti var mai! "Juliana!" Kalo ti hlak. "I mak thei Val..an pangai em hi,a pawimawh ber an la chhelo em em zui!"tiin tlangval pahnih te chu thu turin a sawm ve nghal zat.

Perez tui atanga rawn chhuakin kan bulah a rawn thu ve nghal zat bawk a,kan pangai chuan tuipui lam chu kan thlir thup.





"Brent ka nia"ka bula thu mipa chuan min enin a ti sup.
"Valentina" kalo ti ve mai bawk.





"Valentina!!i inhmeh hle mai"





"Ka lawm e" min en dan hi ka duh hauhlo,Juliana lahin athianpa hi a be tui mai sia!




"Intur ka leisak thei che angem?" A ti leh sup a, ka lu thingin "angailo" ka ti sep.
"Perez,kan let tawh mai thei angem?" Ka awm anuam zan tawhlo, zu rim an nam em em mai bawk si!
"In thiannu hi ka thah in rem ti em?" Brent chuan ka thiante hnenah a ti ta mai!




"Tehreng mai"Juliana lahin alo ti hmak bawk!





"Angailo, ka lawm e min hruai tur pawh ka call thei alawm" kalo ti nghal mawlh mawlh.




"Ti teh Valentina, hriatchian lehzual che pawh i chakawm alawm"ka beng bulah a rawn tih sur sur chuan ding hluai in ka tawlh hla hret.
"Ka kalsan hrih phawt ang che u"ti zui zatin Grayson leh Devon call tumin kan bag dahna lam ka pan a,ka ph ka ak em turah ngai ang
"Ka thlah chu i duhlo takzet maw!" Lalpa!ava han mak talh talh tak!
"Angailo"tawngkam tha pawhin ka be peih tawhlo,ka ten zawng tak ani min melh dan te hi.



"Valentina ka thlah ang che" ka kawnga a rawn khawih rual chuan persawn nghal dawrin "a duhloh thu chiang takin a sawi!"Grey maw!
Min hmel hrawkin Brent lam chu apan a,leia a tlu reng chu a zuk hnek zui nghal mawlh mawlh! A thianpa kha rawn thleng ve zatin chupa pawh chu Grey chuan hneh zetin a lo hnek thal tawp! An pahnih pawh chuan hnehlo tak an ni!
"Grey..duhtawk rawh"ka hnaih ngam silo,ka hnaih chuan minlo vai fuh palh mai ang tih ka hlau ru si.Brent te thian dun chu an hnar leh ka atang thisen a chhuak nuaih tawh.






"Grey..khawngaihin" ka huaisen na zawng zawng sawm khawmin ka va kuah bet tawk tawk a, thaw ri hrawih hrawih chungin a tawp ve hram.

"Inbengdai rawh" bendaih tum zet chuan ka la kuah reng.




Tur zetin min melha,a kawrchung hak chu phelh nghal rawk rawkin min khuh nghal rawk rawk.
Leia ka bah let reng chu banin kei chu ka kutah min kai bawk a,Motor dahna lam panin min kaichho nghal dawr dawr.
Juliana leh Perez lo ding ang pam chu ka melh let tawk tawk a,insawifiahna tur ka ngah dawn takzet ani.

"For God sake! Valentina he hmunah hian engvanga kal nge inih?"motor chung chu a chum ri pawp.





"Sawi teh, mipa dang hmuh a i taksa pholan kha i chak viau em ni?" Ka melh tlawk tlawk tawp.




"Ka sawi diklo em ni? Mipa mamawh tak turah kalo ngai hauhlo che"ngeiawm zeta nuih pah chuan a ti leh a,ka kut ka hum ruh ngawt ngawt.
"I kâ i ang thei meuh lo a!"...


"Ka hua che" chubak ka sawi chhuak theilo.




"Khawiah nge kal i tum? Anni kha i pan leh ang maw?"ka kalsawn tur chu min pawt let nawk."Min thlah rawh, min kal tir rawh"ka ti nghal nawk nawk.
"I tlanbo loh nan tiin ka thlah zalen che a,i zalenna i hmang thiamlo niin alang"a ti chhuak hrawk.
"Min thlah rawh..Grey Romano"ti vin hlarin ka tal nawk nawk.Ahmel pawh hi ka hmu peih tawh neklo,engtin nge hetiang mipa lakah hian feelings te kalo neih theih zawk!





"Nimai lo e,tun atang chuan ka duh danin ka che tawh ang" ti hlukin motor chu a hawng a min nem lut rawk rawk, kei kalo tang ve nasa hle chungin ka hneh lo kher mai.
"Ka hua che..ka haw lutuk che"ka au zui tuarh tuarh.

Driver seat a a rawn luh ve pawh chuan rum zetin ka lo la melh.





"I duhtawk in min thinrim khum thei ang,mahse Duhtak..ka thu ka sut tawh dawnlo.University i kal ka rem ti tawhlo bawk"ka awih theilo!

"Chutiangin iti ringawt theilo"


"Ka tihtheih kan hria ang chu, ka remtih loh tawp tur rem ka lo tih sak che tih ka inhria.A thleng nawn tawhlo bawk ang" a tih chuan haw zetin ka melh ngawt ngawt tawp.

Ads click hi ti hram hram ang u aw, ads kan click atang hian writer ten hlawh an lo neih ve phah thin a, story min ziahsak man lawmthu sawinan ads kan click theuh dawn nia



Show post links
Top

[Ngaia]

CH--6







"Grey...grey..min dahthla rawh" a rem lai lai ah chuan ka chum pawp pawp a,maid ho chuan hnuailam melhin chibai anlo buk nghal sap sap.
"Grey"

"Shut up Valentina" khum ah chuan min nghat thla dawt, "vawin atang he mansion hi i chhuahsan thei tawhlo ang" a ti rum ul.A thinrim lutuk chu a thisen zam langin asen tul thei hial bawk! "Chutiangin min ti ringawt theilo".






"Oh! Ka thei alawm Princess,min fiah la"ngeiawmzet a then sak in a ti hluk.





"Engvangin nge mipa dang hnaiha ka awm pawh chu i rem tihloh? Tinge nangmah chiah i inngaihtuah? Inremsiamna vang chauha innei kan ni tih kan hre ve ve,tinge hmeichhe dang i duh duh i kawp kual theih lai a min khungbeh i tum bik?" Ka sawitur ka sawi zo chu ka thaw deuh kawk a,midang hma ah tiang hian ka tawngchhuak ngam ang tih ka ring pha ngai hauhlo!

"Ka sawi ang chuan awm mai rawh" a ti rum ul ringawt!





"I sual hle mai" ka ti lawi rat a,chu bak ka sawi theilo! A sual takzet!





"A dik mipa tha ka nilo,chuvang chuan ka thintirim zawngin awm hauh suh Princess,tihnat che ka duh hauhlo"a chal sa vur a ka chal rawn tauh dawt chuan a ti leh thlup tawh! Heihi alawm ka hriatthiamloh thin chu! Ka awmve tih hrelo ang mai a a awm hnu ah tawngkam ka la dawn ngailoh duatna awka in min be leh thin si!

"Kan tha em? Valentina"a ti thawp leh sup a,a thaw lum ham ham chu kan in hnaih em vangin ka feel thei.





"Min...min kal tir mai thei lo em ni?" Ka ti chhuak sep."Grey,i tan tangkaina ka nei lo min kaltir zawk mai theilo em ni?"




"A ngaihtuah pawh ngaihtuah suh Princess,ka thawk ve tawk tawk chhung chu ka hlat ah i awm dawn hauhlo"a ti nghet churh!
"Ka pa vangin maw?"

"No..ka ta inih vangin"a chiang fek fawk viau!A bungrua ang maiin min ngai tihna! Hmeichhia anga min en lo in a bungrua a duh duh a a tih kual theih lek ang chauhin maw min hmuh a!






Grey Romano Pov.





"Zanin chu Valentina i rawn hruai ngei ka beisei,ka ngaina riau ania ka fapa"nuisang chunga ka nu in a tih chuan ka rum nghut a,"Mansion a chhuahsan ka remti lo" ka ti nghut.

"Grey Romano,min hnial hlek suh."ti khauh nghal fak in "i nupui anih rualin ka mo ani bawk.Min hnial a finthlak loh ang ka fapa"hnial tawhlo tur in a mitmeng chuan min khap zui zat bawk.





"Chuan Bawiha,hmeichhia ka nihna angin thurawn ka pe ang che.Valentina laka i feelings neih te ka hailo,atlai hma in hrilh ang che"ti leh nghutin ka office atang achhuak a,ka chair nghenchhan ngheng dawt in ka nu hawisang vah chunga a chhuak chu ka thlir liam a,hmeichhe pakhat ve tak chu ani.






Ka ph phawrhin ka hmeichhe hmeltha tak muhil lai chu ka thlir a,'min ti buai takzet' ka ti chhuak hluk.



Flashback...




"Sir,hei hi Ivanov unau te chu an ni.Valerie Ivanov chu hmuhtur a awm nual rualin Valentina Ivanov,Ivanov fanu naupang zawk erawh athlalak pakhat bak hmuh tur a awmlo.A piang ve tih chauh lo chu a chanchin hriat tur a tlem viau bawk" File chu hawngin hmeichhe hmeltha zet lo lang chu en in ka ner nawk..Hetiang hmeichhia hian Romano hming chhawm a phu hauhlo.Nilo Ivanov thisen kai hian Romano hming chhawm an phu hleklo zawk.Ka pa hian engvanga Ivanov hi inremsiampui duh tlat nge ka hrelo! Ka ngaihdan anihloh hle laiin Russian mafia ka thunun theih dawn vang chauh a rem tih pui mai chauh ka ni bawk.





Ka file ken chu dawhkan a ka thlak hnawk rualin thlalak pakhat a rawn tla chhuak nawlh a, la kang a ka en chu ka mit ka lasawn thei lawk lo! Pathian nu ang mai a hmeltha leh mitmeng mawi ani! A unaunu anglo takin makeup leh thawmhnaw nalh a inbel hauhlo chung pawhin thawk ti sak talh khawpin a thlalak ringawt pawt chuan min hîp tho!

"Ardem"





"Boss, kha kha Valentina Ivanov,Ivanov fanu naupang zawk chu ani.Kha athlalak pakhat leh Moscow a an mansion a chhuahsan ngai hauhlo tih bak a chanchin hriat tur a awm lo" Ardem in a tih chuan thlalak chu ka la melh ngawih ngawih! Ka ta...ka ta tur chauh ani.

"Atha e,Moscow pan turin inbuatsaih rawh"





"Mahse sir! I kal loh tur thu.."






"Thusawi nawn ka ngainat loh zia i hriat kha Ardem..ka sawi ang chuan ti rawh"ka ti nghut..Valentina!! A hming ringawt pawh chuan min ti â lo chauh anih ber hi maw!






Ka nu leh pa rinlawk loh zetin Moscow ka zui ve a,ka nupui tur hmuh ka châk em ani.Ka hmu chiah erawh ka thisen a so bulh thung.A chanchin ka chhui chiang ta ngat ngat bawk a,Valentina chu Ivanov sal ang mai ani! A chanchin ka hriat tam pauh leh Ivanov te tih chimit duhna in ka khat a, ka la nuai chimit vek bawk ang .Ka hmeichhia an natna an pek ang chiah ka pe let ve lo anih chuan Grey Romano ka ni nang le.



Amah vanga ka át loh chauh laiin ka hnaih tha theilo! Tihnat ka hlau a,ka hnaih apianga a inveng ran thin leh min hlau ang maia a awm thin chuan ka lung a ti awilo takzet bawk.Ka hmelma ten ka chaklohna ani tih an hriat loh nan hnaihloh hram ka duh a,mahse ka theilo! Mipa dangin an melh hlek pawhin ka thisen a so nghal bulh bulh thin hial! Ramhuai ang maia min ngaih loh nan ka theihtawpa ahnaiha ka insum angai a,ka nihna diktak a hmuh huna a hmel awmdan tur ngaihtuah chungin ka hnaih ngam ngai lo bawk.







Present times..





"Sir.."






"Ardem..Mansion ah Designer ..makeup..enga pawh nise Valentina chei tur tir rawh" ti chhuak nghutin ka thaw chhuak hrawk a,mipa dang hmuha Valentina hruaichhuah ka duhloh tluk zetin ka nu Isabella Romano thupek ka hnial thei silo.

"Ardem" ka ti leh nghut.





"A taksa langlai awmlo tur thawmhnaw inbel tir ang che"sawi nawi lo in a bu nghut.Ka nui chhuak hawk! Kei hian enge maw ka ngaihtuah ni? Mahsela Valentina a ni miau a, a mi melhna ringawt pawhin mipa tamtak a ti â lo chauh dawn tih ka chiang.Chuthil ka duhloh vanga achhuah pawh rem ti lo ka ni chiah.University a zawm leh ka phal chhan erawh min kalsan duhna rilru a put ka hlauh em vang chauh ani a,rei kal tir kha ka tum ani lo hrim hrim bawk.A chhuah harh vanga ahlim hmel erawh hmuh anuam talzet thung.






Valentina Pov.






"Engtin nge summer party ah hetiang thawmhnaw kan hak tir anga??"Ardem rawn hruai nula chu abuai khawp.Makeup artist ten min chei zo tawh a,sawisel neilo in nautelem ang maiin ka thu tawp.An inhnial leh bap bap thin chu ka lo en mawl tawp bawk.
"Bruno..Mr.Romano thupek ani sia lawm"a assistant in a tih chuan Bruno chu a phar hluai a, a mithmul leh vuah sei zet chu pawt zeuhin "Gosh! Ka â zo dawn,media ten ka kutchhuak ani tih an hriat phei chuan ka hmingchhiat pui vek dawn asin" a rilru a hah hmel viau.Ardem thawmhnaw rawn kenluh chu luhai na tham ani ve bawk a.
Ka sawithiam dan ber ah chuan chu kawrfual var chu sakhaw puithiam ho in an hak thin hi a ang ber.Grey Romano hian mipui nuihzat bur a min siam a tum emaw tih mai tur ani.







"Hi..ladies" room chhung a awm ho chuan Mrs.Romano chu chibai an lo buk nghal sap sap hlawm.






"Chibai le..Mrs..Isabelle" anui nghal sen sen,a hmeltha chiang alawm.






"Buaina a awm em?"Bruno melh chuan a ti zui zat.Bruno chuan thaw halhin Mrs.Romani chu hrilh chi ani chiah em a hrelo nge ni a thaw leh hak thin.
"Bruno, zawhna ka zawt che"Mrs.Romano in a tih rual chuan Bruno chu aphu deuh zawk a,ngainatawm deuh angin tawng mahse a awki chhuak kha namnul mai mai theih ani tlatlo.






"Mrs.Romano..Miss Valentina thawmhnaw ..ka sawi awmzia chu Mr.Romano an ha tur a a duh hi tlemin..."Bruno chuan Grey sawichhiat hlau si,Mrs.Romano hlauh bawk nen a duh ang pawhin a tawng chhuak ngamlo.






"Ka hrethiam e,ka fapa zet chu!" Anui chhuak hak hak, "Bruno,i kutchhuak i duh ang apiang ka monu hi inbel tir rawh.Ka fapa chu ngaihtuah buai suh u ka chingfel thei.Valentina duhtak,ngaihtha takin awm rawh.Ka hmuh chak em che vangin zanin party ah Ka fapa hnenah rawn hruai tur che in ka ti tawp a,pawi iti em lo ang chu.Keipawh kan insiam ve tawh ange,chhunzawm rawh u"ngainatawm zeta min melh chunga a tiin a chhuak zui a,Bruno te ho chu thaw huai in "Miss Valentina,zanin ah hian i nalh ber dawn tih chiang takin ka sawi ngam..Le..ka collection thar ber kha rawn phawrh rawh u" a phur ta hle mai..Grey thawmhnaw rawn thawn ka ha lo tur chu keipawh ka thaw ve huai tho.








Darkar chuang zet min chei leh hnu chuan an zo ve thei ta hram.

"Oh..mY ..God!" Ti hliai in no zet chuan amittui tla hlei lo chu a hru der a, "Miss..nangmah vang hian zanin hian million chuang in ka hlawk ngei ang le"ti no hnap in min pawt ding a,darthlalang lama inen turin min kuaiher nghal zat bawk.







"Ka...ka nalh takzet!"






"Ofcourse sweetheart, nang anga ka design ha nalh hi tumah ka la hmu lo..Definite of perfect is You "a kutchhuak chu a chhuang takzet.
Kawrsen duk sexy zet mak,a bahna hrui la zai ang mai a sîn, ka khel hnuai deuh chauh atanga kak thla duai ani a,ahnunglam langhuai karah gold chain sîn zetin a insuih chho leh a, apuan chu rawng sen duk ani chungin rhinestone in a in chei khat vek bawk!
Ka sam chu hnawkzetin ka tukhum ah a bawktawm luih a,ahmalam ah tlem uaithlak tir in lunghlu tle ralh rubydiamond million chuang man chu ka beh vah bawk.Ka hmui chhah tap chu ka kawr hak rawng mil chiahin ahnawih sen bawk a, milim ker chawp te pawh ka amg hial ta ve ang! Ka thawmhnaw hakin ka awmbawr leh ka mawngbawr a ti lian zual a, ka kawng ah a pawt rek leh fu bawk.Valerie aia nalh ka intih hmasak berna leh atawp berna pawh ani maithei.








"Mrs.Romano,Boss"Ardem chuan hnuailam bih nghal thuai in "Boss,in inhnuai ah anghak tawh che"a tih zawm zat.Ka thawmhnaw hak vangin min en ngamlo ani ngei ang.Grey Romano chuan min hmuh hun ah engtiang takin thinrim ang maw? Keipawh a thinrim ka hlauh vangin ka zam ve em em tho.







Inhnuai lam panin Anna chuan min kai thla a,ka pheikhawk bun a sang tha ve bawk nen kal a sawt mawh viau.
"Grey.." ph min hnungchhawn a ahman vangin ka koh rual chuan a rawn hawi vut a, aph chu dah thla in min melh ngawt ngawt.






"Valentina" thawp sap a rawn ti chhuakin a aw athian kharh a,chutah ahmel rawn inthlakin "engthil nge i hak kha?"a ti chhuak hrawk..







"Ka thlan anih kha ka fapa"step ah Mrs.Romano a rawn chhuk thla ve mek.





"Hetiang thawmhnaw ha chunga midang bula a awm ka rem ti hauhlo ka nu"chang zet hian a ti hrawk.






"Ofcourse i kiangah alawm a awm dawn.Nge ni a i nupui Pathiannu ang mai a mawi leh nalh hi venghim tur in i inring lo zawk?"Mrs.Romano in atih chuan Grey chu athaw chhuak hak.
"Inrin tawkna nei teh ka fapa,engthawmhnaw pawh inbel se i nupui anihna abo hauhlo bawk.I thil chu i venghim thei tur ani dawn lo em ni? I venhim theihloh thil chu i ta ani ngailo ang" a tawp lam chu alam chiang kek kawk viau. 'I venhim theihloh thil chu i ta ani ngai lo ang'.

"I kal ang u hmiang, i pa pawhin min lo lam leh ruai tawhin ka ring" Mrs.Romano chuan lu zo vah hian kawngkhar lam apan a,Grey Romano ang khatianga tawngkhum ngam kha chu anu mah nise hmeichhe huaisen tak ani!A che reng reng lah midang hnuaichhiah miahlo in midang chunga leng anih zia alang chiang thei fu si!Grey ngei pawhin a hnial theilo hi thil mak pawh ani tawh hranlo.






Mrs.Romano motor dangah chuangin keini in ahma kan hruai a,passenger seat ah Grey nen chuan inbe miahlo in kan thu dun.





"Ka hlatah..nilo ka tawhphak loh ah i awm tur anilo Princess..Achiang em?" Ka bu deuh nghauh ringawt.Angaithei leh silo "tawngka in min chhanh rawh Valentina" ati leh nghut..A thinchhe si.
"Awle"ka ti sap chu a thaw hak a,a hmai tuai puanin Italian hian engemaw a phuhchhuak hluk.Anchhia min lawh te hi anilo maw le??





Party neihna hmun tur hotel lian zet kan thleng a,motor atanga kan chhuak chiah chu camera a de nghal chuaih chuaih!!! Ka zam chhe ti tih der mai! Grey ngheng nghal rawk rawkin minlo kuah nghal chat a, ka thaw zui deuh halh.Hetiang hmunah hian ka la kal loh mai bakah inneihni takngial pawh khan hetiang khawp hian thlalatu an tamlo,nilo pahnih bak ka hmuh theih chinah an awm miahlo zawk.


"Princess" mangang zetin ka hawi chho a,hahdam rawh ti niawm tak hian min lo melh ruihin "kan haw thei angem?" Ka ti chhuak nawk.Ka zâm a,Mansion a khung beh nih reng pawh kha hetiang hmuna awm aiin ka thlang zawk.
"Mr.Romano ...ani hi Mrs.Romano chu ani em?" Zawhna reporter ho hnen atang a rawn ri nuaih nuaih a, hawi ngaihna pawh ka hrelo hial.






"Ka...ka haw duh" ka ti chhuak leh sap.



"Min en rawh le.."ka phili buai zet chu ka hmai tawn tawn ah amah en turin a rawn vuan a, "ka awm hi..hahdam rawh engkim atha vek" ti dam thlupin ka chalah a hmui a rawn nawr vang vang a,ka mit kalo chhing tawp.Camera chu ahma aia nasa in a de chuah chuah a, Grey chu inla hrang lehin ka kawngah akut a rawn rawlh lut leh ghal zat a, a taksa ah ka bet lo chauh tih tur khawpa inhnaih in step thuilo te lam pan chuan min pen pui nghal zat.Chutia min kuah a amah ringchhan a ka kal ve takah chuan tlemin ka zia ve phah deuhin ka hria.






Hall kan lut chu mipui an lo tam ngang mai.Nula nalh tak tak atang kum upa tih hriat tak tak thlengin an awm nawk a.Hall chhung kan lut erawh mipui mit chu kan chungah a fu nghal thup.


"Grey Romano..I nupui chu...Wow! Min thawng hle mai! Ivanov in hetiang fanu aneih hi lo hria ilang ka ti hle mai"kan hma a ding kum upa lam mah tawh chuan min melh kual dan dan in a ti a, Grey ka hnaih zual sawt chu min kuahna a ti nghet zual sauh.






"Albert,ka nupui awm iti nuamlo tlat mai"Grey chuan ti chhuak hmukin chupa chu ngainatawm loh zet hian amelh nghal khui khui bawk.
"Oh! Ka thiamloh ani e,mahse hmeichhe hmeltha hi chu thlir nin an har ani" anui zui huah huah.

"Thlîr na tur ila duh chuan ka nupui hi i mit sir pawhin lo melh tawhlo atha ang"Grey chuan ti hniam ruihin Mr.And Mrs.Romano te dinna dawhkan bul lam min panpui nghal zat bawk.






"Ka fanu, i nalh takzet"Mr.Romano chuan alo ti hluai a, an fapa hian a nu leh pa nelawmna reng reng a chhun lo! Tlem talin chhun se tha tur.







#ka type sa ka copy dawn in cut tih ka hmet a abo vek a,ka rawn tlai phah ani.A duh tan ch dang chu inlo chang tho dawn nia.Ka rawn dah leh tho ang.


Show post links
Top