Chapter -3
Ka taksa in hma a sawn chak bawk a, a tawp a tawp ah chuan damdawi in ka chhuah san ve thei dawn ta.
" I u leh i pa pawh chu an lo va thleng har ve maw le " ka nu chuan a ti nuah nuah a, kei ai in a phur zawk mah in ka hria, rei lo te hnu ah ka pa leh ka u te pawh an rawn thleng ve nghal a.
Ka taksa in hma sawn viau nang in ke a kal ka la harsat deuh vang in wheelchair ah ka la thu a, Rinzuala pawh lo lang ve hlawl in wheelchair a min nawr tu ber ah chuan a tang leh a, damdawi in kawt thleng min thlah dawn e maw tih lai in kan in thleng a min thlah a lo tum zawk chu ni in a tlawm ngai leh lutuk hi ben chawrh mai hi ka duh.
Ka nu nen Rinzuala car ah kan chuang a, ka pa leh ka u ten kan hnung lam ah chuan min lo zui ve nghal bawk a, pawn lam chu thlir in ka vanneih zia te ka hre thar leh a ka tih sual te siam tha tur in khuanun hun tha dang min pe leh ah ka ngai hmiah mai.
Dar kar chan ve lai kan tlan hnu chuan in chu kan thleng ta der mai, ka beisei loh lutuk lam daih a ni kan in ka hmuh dan chu ka pa hi sumdawng mi a ni tih ka hria mahse hetiang a in ropui leh lian lutuk hi kan nei ang tih ka lo ring pha lo hrim, kan lo he tih vang a nih dawn hi damdawi in ah pawh khan VIP room ah ka awm bik ni.
Car atang chuan Rinzuala chuan min hlang chhuak leh a,kan in kawngka bul ah chuan kan in enkawl tu te pali lai mai chuan min lo hmuak a, ka nu chuan ka room lam ah chuan min hruai nghal a, khum ah chuan ka nu chuan min mut tir a " chawhnu lam ah i Nurse tur pawh a lo thleng ang lo chawl hahdam la " tiin ka room atang chuan a kal chhuak a damdawi in a ka awm lai khan ka u in phone thar min lo lei a, a hlui kha chu ka chet sual ni khan a chhiat ve daih thu min hrilh a.
Ka lo mutui hle ni tur a ni zanriah ei tur in nula pa khat chuan min rawn kai tho a, " mimi-i ka nia nang mah enkawl tu tur che " nui sang chuan a ti a " tha tak in min enkawl dawn nia, chuan inthla hrung lo la " nui sak in ka ti let ve a.
Zan riah ei tur in dawh kan chu kan kil thap a, ka chhungte hmel a hlim na chuan zan riah ei pawh a ti tui khawp mai, " I dam chian hun ah i restaurant chu kan hawng leh dawn nia, hna thawh lam pang kha lo ngaihtuah rih lo la " ka pa chuan a ti a, Restaurant ka nei a maw ka rilru chuan ka ti a " ka hrethiam e " ti in ka chaw chu ka ei chhun zawm nghal a.
Home nurse atan a kan rawih Mimi-i chu a fel reuh phian a, an nufa ho a hmeithai an nih thu te leh a nau high school kal lai mek a neih thu te chu min hrilh ve liam liam a, mahni chauh a mut chu ka duh rih loh vang in ka room a riak ve tur chuan ka ti a, khum a mu mai tur a ka tih lah in a duh si lo a sofa a mut a thlang tlat mai bawk si a.
Chhun lam a ka mut vang nge ni, ka muhil mai thei lo a nghate rep ang mai in ka meng kiau mai, ka phone khum bul a ka dah chu la in instagram reels te chu ka en mai mai a, chutia phone bih ta reng chu ka mit a kham tan a, ka phone chu dah in mutthil tum in ka mai mit chhing a.
Ka mumang ah chuan kham ko tlang ah hian ka lo ding a, thawk leh khat ah Mike-a chu a lo lang thut in " ka lak atang a, tlan bo theih hi i in ring em ni, khawi hmun ah pawh awm la ka zawng hmu zel tho ang che, ka ta i ni thei lo a nih chuan tu ta mah ka nih tir bik lo ang che" thin hrim tih hriat zet chuan min lo ti a, " ka rawn kir lo ang, i eng mah ka ni hlei hnem i duh hun a i lak luh a i theh chhuah leh mai mai tur ka ni bik lo, eng tiang pawn tum nasa mah la ka lo kir chuang lo ang, hrehawm tak in min siam a ka thinlung na tak in i hliam a ka la tawrh tir ve ang che " ka ti ve hmak a " a nih chuan he kham ah hian zuang thla in kan thi dun mai a niang chu" a ti leh zel a " i duh leh nang mah khan zuang thla la a nih chu, nang nen a hmun khat a thih dun ai chuan mi kut tuar a thih pawh ka thlang fe zawk " ka tih chuan " ka ban ah chuan man bet in min zuan thlak pui a, ka hlau lutuk chu ka au tuar tuar a.
Harh chhuak hlawl in ka mumang mai mai a ni tih ka hriat chuan ka thaw huai mai, ka lo thlan huh dup leh nghal Mimi-i mut na lam chu ka hawi nghal vat a a lo awm reng reng lo, chu tah bathroom kawngka chu rawn in hawng in Mimi-i chu a rawn chhuak a" ka haluh zia mai chu, min tranpui ru ti in i au vak vak a, ka sawi vak vak Chung che pawn i harh thei si lo a tui la in theh harh che ka tum ri ngawt a lawm " a ti nghal bawrh bawrh a, " ka lo harh tawh hi, mangchhiah mai mai a nih kha " ti in ka hrilh a.
Nitin in physical therapy la tur in Mimi-i chuan min hruai ziah a, ke a kal ka tum em avang leh beidawng lo a ka beih tang tang na chuan rah tha chhuah in ka ke ngei in ka kal ve leh thei ta.
Mimi-i haw hma ni chuan bazar pui ah ka sawm a, a lak a lawmthu sawi nan e nge maw tih sak ve ngei ka duh a ni, nalh tak a in chei in bazar tur chuan kan chhuak a thla khat vel awrh kan bul ah awm in kei min enkawl in a buai ve hle thin kha a nia, ka mi ngai nat zawng tak a lo ni bawk nen kan in kawm thei phian leh nghal.
Kan duh zawng leh mamawh te lei in kan Bazar kual ve nasa mai a, a nuam pawh kan ti dun khawp mai mahni duh zawng tak lei te chu nuam deuh mai a nia, kan kal kual nasa bawk a ril pawh a tam riau tawh, in hnawh puar tur chuan restaurant lam kan pan leh a ka beisei loh deuh in Rinzuala chu kan hmu fuh leh hlauh a.
" In bazar bik a ni maw, nuam awm pang pang ve " ti in min lo fiam nghal a, a nuih zawng a a biang sum lo lang leh kalh thin chu in hmeh hi ka ti thei lutuk eng pawh in bel se a in hmeh thei bawk si, tlangval hausa kha ni miau a hmeltha bawk hlei tling bawk hausa bawk si.
" thil kan ei dawn, i duh leh min lo zui la i thu thu ni mai" ka tih chuan nui var var in " khawi ka lo khai chhawk ang che u, in ban te kham tawh ang " min nuih tlawn e maw tih mai tur a ni.
Kan pa thum chuan kan in zui them them a, thut na awl awm ah chuan kan thu nghal a," i thlang thiam leh pek hle mai, he lai hmun a an thil siam hi mi in an fak hlawm teh sin, mahse i restaurant ang em em chu ni lo in " a tih chuan a chal ah chuan ka pen sak a " ka phu ve reng a ni" ti a nui sak in a chal chu a tuai zauh a Mimi-i nen chuan kan lo nuih a.
" ka lo thu ve thei a ngem " rawn ti tu lam chu kan hawi rual nghal thup a, a hmel ka hmuh rual chuan han ben sawk ka chak ngawt mai " thei e lo thu rawh Mike " Rinzuala'n a lo ti nghal vat a Mike-a a hria chu mak ka tih em vang in Rinzuala chu ka en nghal vat a.
" Mike-a a nih hi kan business partner thar" ti in Rinzuala chuan min in hmel hriat tir a, " Grace-i leh Mimi-i te an nih hi " a tih chuan ka chhungril ah he pa hi lawm lo hle mah ila ka pawn lam ah chuan ka nui der ve hram a.
Mimi-i bul ah chuan a thu a kei leh Rinzuala kan thu dun thung , Menu chu kan han en ve tak ngail a kei chuan ei chak ka neih pawh ka hre lo he mihring lo lan hma zawng kha chuan ka ril a tam viau a mahse tun e rawh chuan ei chak chu sawi loh ka ril tam na pawh a ti reh vek.
" Grace " Rinzuala'n menu en pah chuan a rawn ti a " i tih ang ang kha ni mai " ti in ka lo chhang let vat a, ei thuai thuai ila haw daih teh ang u, a hmel hian min ti dam lo thei tak ngail dawn in ka hria.
Kan ei tur chah te pawh a lo thleng ta, a hmel a mawi in a rim pawh a tui khawp mai, ka hma a ei tur awm chu suak a ei ka tum lai tak chuan Rinzuala bawk chuan min lo ti tawp a" lo la ei suh" tih leh ka plate chu a lam ah pawt hnai in, a carrot ho zawng chu a thlang chhuak a zawhna mit meng nen a ka en chuan lo nui sak in " i hre tawh lo mai thei a, carrot hi i ngai na lo a " tih pah chuan a carrot chin zawng chu a la hrang vek a.
Ka plate chu ka hma ah chuan rawn dah in " a ei theih tawh e " a tih chuan ka lo nuih sak a, he pa tak hi chu aw... mi fel pa tih pah a a hnung zang a han ben pawp ka chak a nia, Mimi-i nen chuan kan ei tur chu ngawi reng in kan ei mial mial a Rinzuala leh Mike-a te chu thil ei pah in hna chung chang an sawi thung.
" wash room ah kan kal lawk " ti in ka thawh san hlawm a, ka kut chu sil fai in darthla lang ah chuan ka in en a, he ka hmel thar nen hi chuan eng ti kawng zawng mah in min hre awm tawp si lo a, e nghah nge ka bul hnaih a a awm hian ka thaw a ip pik em em thin ni, " I rilru a va hah hmel ve " Mike-a aw ngei mai in min rawn tih chuan ka phu deuh zawk a, " nei lo e, ka taksa la chak tawk loh vang mai mai nih hi, ka kal phawt a nge " tih leh chhuah ka rual nghal a.
Rinzula chuan bill a lo pe mek a, kan thil lei te chu khai in chu restaurant atang chuan kan kal chhuak ta hlawm a, Driver kan hruai loh vang in kal lam ah khan taxi kan hmang a haw lam chu Rinzualan min thlah thung.
Zan lam ah Mimi-i bungrua ka pack pui a, naktuk a a haw mai tur chu ka uitunawt mai mahse kan la in hmu leh fo tur ah ngai ila , tun thuan ei kham ah chuan kan Driver in an in thleng a va thlah a ka khua a har nghal ngawih ngawih ka kawm ve ber kha a ni sia.
Ka nu leh ka pa'n restaurant a kal an la phal si lo a, ni leng in ka lem ziah na room ah chuan ka tawm ni leng a thak a, ka thut na lam ah ka kawng te chu a kham ut ut mai, ka ril a tam bawk nen choka lam chu ka pan nghal a choka ah chuan rawngbawl in an lo che suau suau hlawm a.
" Rawng in va bawl hma ve " nu tetei kan inchhung enkawl tu ber hnen ah chuan ka ti a " mikual kan nei dawn a, ka pi in mikhual kan neih tur thu hi lo hrilh tur che in min ti bawk a" ka mit ko chu san zauh in " mikhual maw, a tha lawm" ka ti ve leh mai a.
" Duh i nei a mi miss" kan awmpui pa khat chuan a rawn ti a, " ka ril a tam a " ka tih chuan " e nge i ei duh ang " ti in min zawt nghal a, " coffee min lo siam la a tawk mai " ti leh biscuits bawm chu ka la chhuak nghal a.
Ka in ei puar zawh hnu chuan ka room lam ah let leh in, Bathroom ah chuan in bual tur in ka lut zui nghal a, ka in peih fel meuh chuan dar 7 a lo ri dawn reng mai ka room chu chuah san in living room lam pan chuan ka kal a, ti ti thawm leh nui ri in living room chu a lo khat nuk mai.
Ka nu leh pa ka u leh Rinzula bak ah Mike-a bul ah chuan patling pa khat lo thu ve in ka pa nen an in rual hmel viau a ni, ngawi reng in ka u bul ah chuan ka va thu nghal chat a min hmuh rual chuan a lo nui sak a, " hei ka fanu naupang zawk Grace Zodinpuii a nih hi, kum thum li liam ta khan Restaurant a hawng ve a mahse hei accident a tawk palh hlau a, tun ah chuan pathian khaw ngaihna zar ah dam tawh e " ti in ka pa chuan kan mikual te kiang ah chuan a sawi a.
" Zan riah kan peih tawh e " nu tetei chuan a rawn ti a, zan riah ei tur chuan dining room lam chu kan pan a kan boruak chu a nuam viau nang in ka zum deuh tlat a hetiang hi ka la tawn ngai loh vang nge ni, zan riah ei kham chuan kei chu in hnung lam huan ah ka kal ta daih a.
" ka lo tel ve thei em " rawn ti tu aw chu hrilh tu nge tih zawh ngai lo in ka hre chiang khawp mai Mike-a ngei a ni " thei e " ka lo ti tawi hmak a in be lem lo chuan kan thu dun reng a " in chhunga nihawi par lem ziak in tar kha i u in i ziah a nih thu min lo hrilh a, i ziak thiam ka ti khawp mai che " dam dia chuan a ti " ka lawm e " tih zawng in ka chhang thung, " Zodini pawh khan nihawi par hi a ngai na teh sin hlimna pangpar tih in a sawi ziah thin " chu thu a sawi lai chuan eng tin e maw tak hian a awm in ka hria, a mah ah chuan danglam na riau a awm tlat in ka hria.
BEGIN AGAIN
-
- Posts: 7
- Joined: November 16th, 2024, 8:17 pm
ADVERTISEMENT (A hnuai a milem hi a nia hmeh zeuh tur chu)
Who is online
Users browsing this forum: Ahrefs [Bot], Google [Bot], Google Adsense [Bot] and 57 guests