" Dailo i phone nge chaw" ka pi bawk..ninawm thin e ka pi hi zawng..
"Ka phone nge chaw" ka lo ti ve sap..ka games khelh pawh zo chiah ka pi chu ka melh rum vak a...min rawn melh rum ve kher asin..
" I phone khan i puar thei mi" ka pi chuan chaw bar thulh meuh chuan min en ram ram chung hian a lo ti a...
"I chaw kha bar mai mai teh" ka lo ti ve hlak...ka pi hi zawng pitar zawng zawngah chuan mi hnial a hrat thei khawp a...
" Ka chhu chawrh mai tur che nia" a lo tih leh hlak hlak chuan ka chhiatkhum vak a....a huattawk a tling leh viau niang..
" Ka hming chawiin i hming ka phuah ve a..ka inchhir ngawih ngawih" a ti leh tan tawh.dawhkan ah chuan ka thu ve nghal a...ka nu leh pa te erawh an lo nui pat pat a...
"I va inchhir har zawk" ka ti duh lek chauh ..ka pi nen hi chuan kan in Ngam tawk bawk a. .kan inhnial reng zel..
" Laldailo" a rawn tih leh hlak hlak chuan
" Eiah..lalduailo" ka lo ti ve hlak...ka pi pawh a nui ringawt.....
(Ka pa nu leh pa) ka pi hi lalduailovi a ni a..ka pu hi thanirha a ni ..ka nu hi lalhunsiami niin..ka pa hi lalthanlova a ni....ka pi hi chu a chithlah te reng reng ah hian a hming hi a telh ngei ngei zel a.......ka pa te unau hi 3 niin..ka pa hi upa ber ani..ka pa nau hmeichhia hi lalduaithangi a nia .an naupang ber mipa lalduaizuala an ni hem maii...ka pa unau dangte erawh khawpui lamah nupui pasal neiin an awm ve nii..
" Kha gandhi bulb va lei rawh" ka pi chuan pawisa min pek pah hian a lo ti...ka melh rum vak a ..minlo en chuan.
" Kal vat teh..i chhe bembum lutuk". A ti leh nghal.
" Gandhi bulb a awm ngailo......modi bulb lawm" ka tih chuan
" Eng bulb pawh ni rawhse...a bang kha rawn hmang Suh ang che" ala ti hram.
" Hman tham pawh awmlo cheng 5 bak a awmlo" ka tih chuan..
" Laldailo" a rawn ti leh tawhhh..a thinrim tawh hi chuan ka hming hi a lam ringawt zel..min ngaisang leh em em lutuk a..
Dawrah chuan keipawh ka kal ve mai a..kan in chhak ka thiannu rebek lalramluahi chu ka au lung lung a...rang takin a ni pawh an veranda ah a rawn lang ve nghal.
" Hey dailo enge i tih dawn" a rawn tih chuan
" Thil ka lei dawn minlo kal pui rawh" ka tih zawm nghal zat a
" A tul awzawng lo tihtur a tam" rebeki nu...nu ramlawmi chuan aw ring zet hian alo ti a ..
" Enge tihtur awm " rebeki chuan a ti leh a..
"A tam..side drain te saw va tifai rawh" a tih chuan..
" Ka nu chu side drain ni ziah lo..septic tank" rebeki chuan tum hmak hian a ti a..ka nuih pet pet maii..thil hi ka pi nen hian an hrethawi ve thin a..an hre dik fumfe bawk silo.
"Ka kal" tih pahin rebeki chu a rawn tlan thla nghal a...
" Ramluah" ni ramlawmi chuan a rawn au zui tuarh a....
" Kal ang" ka kutah chuan min rawn kai sawk sawk a..kan tlan chho nghal a...kan thaw hlap hlap mai....
" Awii chhebek i nu kha thinrim hmel ve" ka tihchuan
" A thinrim te zawng a reilo emmai" a tihleh chuan ngaihtha deuhin kan in zui ve mai a..
Keini pahnih hi tette a tang a inkawm kan nia. Chuan kan thian ho hi pa 4 kan ni a..Pakhat leh zawk chu lalthanpuii a ni a..tlemin a patil deuh bawk..Pakhat leh chu lalmuana a ni..Mipa awmchhun hi a nula leh ber a...chuvangin kan khaw ho hian kan thian ho hi chu fiamthu thawhnan tak hian min hmang thin....
Mahse engmah mah kan ngai ngailo a...kan hlim ve tawk em em bawkk...
Keihi laldailovi ka nia....kum 23 ka ni ve tawh..khawpui lamah nurse ka training ve a..ka training zo a..hna ka la hmuh mai loh vangin kan khaw lam ah ka awm ta reng a..kan khua hi aizawl khawbul te a awm a ni bawk...
" Hey ram family enge in tih dawn" kan khaw nula cherchhe deuh duhawmi chuan a lo ti a...ka thiannu rebeki te hi an chhungakw hmingah hian "Ram" tihhi a tel vek vang in kan khaw hoin "Ram family" an ti thin..
"Hey chhekhir kan ke zungpui kawhna ah kan kal dawn" ka thiannu chuan a lo ti hrawk a...henu hi chu kan millo deuh chu nii..
" Chhebek mawngkaw bek khatia min tih le"duhawmi chhekhiri kan tih thin chuan a lo ti a.....
" Kan ti peih lo che i Cher rapthlak nen" ka lo ti ve vak a..
" Awiii ka u dailo thingpui a dai em,dailo" min elsen hmel zet hian a ti a..ka thin chu a rim kher maii
" Chhekhir mawngkaw khir" ka ti chiah chu min rawn khawih a tum nghal a...rebeki chu kaiin kan kalsawn nghal daih..
Duhawmi hi chu mi hmuhsit hi a pe na ve thin a...kan lo harsa ve pah bawk nen hian..a ni erawh a nu leh pa te an hausa a nuam takin a awm thei mai mai a..chutih nilo se nileng lengin inah a awm mai mai lo tawp ang..
Ka bulb lei chu inah ka hawn a...rebeki nen hian priskili te unau hi min ti thin a...ka ngei thei a niaa
" I va rei leh ve" ka pi chuan kawmchar lam a lo chhuah pah hian a lo ang hlaih hlaih a...ka pi leh pu te hi chutia tar chhe lutuk an nihauhlo a..ka pu hi kum 69 vel chiah ni..ka pi phei hi chu a la in fit Zak Zak nia .ar pawh hmawlh nen a la um Zak Zak thei nia mole ..
"Ngawi hmiah rawh" heihi chu ka tawngkam pangngai a ni...ka chhungte pawh hian ngaihah an nei tawh..
" Hey ramluah khawnge i nu" ka pi chuan rebeki melh pah hian a ti a...rebeki hi chu a hmingpum hian ko lawl lawl zel.
" I awmna ah tho ka awm a..ka hrebik nang" ka thiannu in a tih chuan.a chalah a kuk lawlh a...
" Eiah aaa" ka thiannu chuan a ti vawng vawng mai...a na ve khat ang a ri lawlh mai lawm.
" Khatin min chhangziah Suh.." ka lo chuan a ti leh hlak hlak tawh..
" Khatin ka chhang ziah che mi" ka thiannu bawk..an inbit fuh per per nia ..rebeki nu leh ka nu hi thian inkawm ngeih tak an ni a......kan inah pawh hian an chetla zing ve em em mai ni ..kan inpawh hle bawk..
"Ar chaw kha zuk pe ang che" ka piin a lo tih leh chuan
" Ninawm i ar hi an ek rim a na thei ropui sii..i rim te hi ka hre tel thin" ka tih rual chuan ka hmalamah ka bu lawp maii..ka pi chuan ka tukhuman min lo beng chu niin....
" Dailo" tih leh tan tawh.ka nu leh pa an awmlo bawk a..min ruk leh tan tawh nihhi
" Duailo" ka ti leh sap....
" I kal dawn nge ka beng leh dawn che" a tih rual chuan..rebeki chu ka kai a...tlanchhe pah hian
" Duailovi hmanlai pasaltha hming i pu ve hrim hrim pawh hi a ropui e" nui pah hawk hawk hian ka ti a..ar in lam chu kan pan thla nghal a ....
" I pi hi chu aww khawpui lamah thawn bo daih rawh u" rebeki chuan a lo ti a...ka pi hi chu han inhnial thinrim viau thin mahila ka haw lem lo..a zia ve reng nia..a tawngkam hi a vin ve pah hrim hrim
" Tawngkawlawngah tho bo ila tha ang" ka tihleh chuan kan nui ri tuarh tuarh a...
" Kel aw ang deuh deuh ka hria ka tia..nangni lek" ka pi chu tukverh a lo dak chung hian a lo ti a...
" Khi uchang" tiin ka lo chu ka kawk a..kan nui leh awrh awrh a.
Ka sawi rual deuh thaw in thleng a rawn thawk thla nghal..bum zeuh pah in
" Pi duailovi a duai leh ta e" ka ti zui awt awt a...ka pi pawh nui ringawt..
Ar chaw kan pe zo chu rebeki pawh lungte pathum la ina. Chherchhuan a chil a chak zeuh a ..kan tetlai chuan kan haw har chuan lungte 3 hi kan chherchhuan a .chil kan chhak thin a..kan haw hian kn chhungten min hau vak thinlo kan ti thin kha nia .
" Keichu ka chherchhuan chung pawn ka pi in min vaw tho" ka tih chuan..
" I pi te zawng pasaltha hmingchawi a phuah a nia.." a lo ti leh sap a..kan nui leh rihh..
Inah chuan lutin buh te chu ka thlei aa..ka pi pawh ka pu nen lawng chair ah thu in tv chu hnai chetchawt ah an en a...
" Mamte thingpui min va lum dawn em ni" ka pu chuan a lo ti dam thlup a...ka pi nem a an inneih mai dan hi ka la hrethiam theilo..ka pi ve tek hi a hmuam reng zel
" Keipawh" ka pi in a lo tihchuan ka hmui chu k ti pawrh vak a .
"Rultuha ang mai khan awm ziah Suh" ka pi bawk..a hnunglam ah hian mit hi anei emaw niii
" Kan in ngaihzawn lai min va tingai e" ka piin tv en pah a a tih chuan tv lam chu ka va en ve a.. in ngaizawng an lo in kisss lai hi a lo ni.....
" Khitiang em em chuan kan uar lohkha" ka pu chuan nuih hawk hawk pah hian alo ti a ..
" Tar te te i va lerh e" ka lo tihve chuan.
" Thingpui kha siam hle hle rawh" a rawn ti leh tawhhh...
Thingpui chu ka pe a...inchhung te chu ka tifel pah bawk a ..kan in hi a bang tile a chung rangva a ni a...a lianvak lem lo..a hming in room 3 kan nei a... Ka nu leh pa leh ka pi leh pu te hi room khatah an mu a ..ka u te pahnih erawh room khatah keimahin room khat hi chu ka chang thin...ka u te pahnih hi ka pu lamah an kal deuh a..an tawngtam lemlo..
kei erawh ka pi in ka piantirh ah hmeichhe awmchhun tiin ka hming a phuah ve a...a hming chawiin laldailovi a ti hem mai..khatih lai khan hre ngat ila chuan a dang ka phuah tir hrim hrim ang...vawikhat pian ve man ah laldailovi han nih deuh tawp chu...kan khaw thenkhat ho hian min chhaih phah ziah leh nghal.
Kan khaw nusaltha pi duailovi tunu rangkachak laldailovi an tih chang phei chuan ka thin hi rim ngawih ngawih thinn...ka ngaihtuah na vang chuan ka chhuatnawh lai carpet chu ka ti khawk hlawk a...
" Laldailo chhe thei a nihkha" ka lo bawk chuam min melh ram ram pah hian a lo ti a..ka hlau lo mai siahhh.
"Lalduailo ka hmingpum khan mi ko teivet Suh" ka ti leh rual chuan chapal hia rawn thawk phei nghal...a zia ka hrechiang tawh bawk a...a tihtur chu ka lo hre ngal a..ka lo bum zeuh mai..nui pawt pawt pah hian..
" Duailovin a duai leh ta e" ka tih leh chuan
"I pi pawh hi a thin hi chhe hlir kher lutuk a" ka lu chuan nui hawk hawk pah hian alo ti a...
" Chhe hlir hler ti ziah Suh.." ka pi chuan a ti bak hlar a...
Nui pat pat chungin "duailovi a duai leh ta e" tih hak hakin pawnah ka tlanchhuak zui nghal a...ka pi pawh a nui hawk hawk tho...a thinrim hma a a lungawi leh hma em em bawkk...
Tlaiah chuan ka nu leh pa te pawh lo an fehna tangin an rawn haw a...lo trin 5 hmun kan nei a....ka nu leh pa hi nitin an feh thin a...ka pi leh pu te pawh hian an kalpui ve zauh zauh thin....ka nu leh pa hi tanwgtlem an ni a...ka chhunlo chiang viau maiii
Chaw kan ei lai chuan ka pa in" mamte i u te kan hrilh tawh tho a...khawpui lamah i awmve daih dawn em ni" ka pa chuan a lo ti a...
Kei erawh ka nurse zirchhung ringawt pawn khan ka khawngaih hlawm tawh nia..khawpui lamah awmbk sam daih zawng hna ka hmuh vang pawh nilova kalsan ak duhlo...an thawk rim em em thin a..ka ti hautak mai mai ang..
" Ka tum lemlo" ka tih sap chuan..
"Mamte hna i la hmu chuanglo a..hetia kan khawlam a awm tawp ai chuan khawpui lam ah thil training tur te zawng leh la" ka nu chuan a lo ti siam siam a...
" Chuchiah...nula fa nei rual zet tawh in a.. thingtlang lam a awm reng te zawng" ka pi in a lo tih chuan ka ner khum vak...nula fa nei rual han tihkherr..
Ka chhiatkhum leh vak a..ka lu ah fianpuiin min khanwv leh fawk tawhh..ka chak ka dawm leh vang vang a..
" Chawhmeh suahna chu a hmanna tur ah an hmang ngai" ka lo tih chuan.
" An hmanglo ka ti mi" ka lo chuan a rawn ti leh a..
" Ngawi hmiah rawh" ka lo chuan minlo tih khalh a..ka style hi ka peihem
" Min ngaisang nu" nui pat pat hian ka ti leh
" Ngaihsak tlak pawh i ni mi" ka pi bawk..tar si hi inhnial hi a cho ar reng maii...
" Naktukah lo ah va feh rawh" ka lo bawkk..
" Nagang in ka la in fit ve hleihnem" ka tihchuan min melh rum leh ar ar tawh..
"Ka thusawi hi aw..e.. ti ve mai thin rawh" ka lo chuan a ti hlak hlak a..
" Aw..e" ka tihchuan a mitmu pawng zawr zawr khawpin min melh leh tawhh..a sawi angin ka sawi ve nimai a...
" Ka hmingchawiin" a ti leh tan tawh....a sawi zawh hma chuan
" Ka nu min ip lut leh daih la...chuan abul tangin min nei leh la...midang ka hming i phuahtir dawn nia" ka tihchuan an lo nui hawk hawk hlawm a....
" Nangni pitu thin hi chu aw" nui hawk hawk pah hian ka pu in a ti a..a chaw chu a bar pah a..
" Kha i chaw ah khan daidep ek lo tla leh nge" ka tih leh chuan ka pi chuan
" Laldailo" a ti leh tawhh...
" Aw..e" ka lo tih ve leh chuan a nui tawp ringawt ka pi pawh..
" Tawngthei lutuk" ka pi chuan a lo ti a..
" Chhuntur nei tha khawp" ka lo ti duh lek chauh
" I hming ka phuah hi ka inchhir" a ti leh tan tawhh
" Vawikhat pian ve man ah laldailovi han nih deuh tawp hi ka inchhir" ka lo tih leh chuan midang ho chu an nui chhuak hawk hawk hlawm a....
Zan ah chuan ka thiante an lo leng a...ka pi in lo melh leh nasa ngang maii....
" Awii ka pi duailo ka duai nghal e" lalmuana chuan aw sin raih hian alo ti a ..kan nui pat pat a...
"Khati zet zawt a damchhung hun han hman mai dawn chu" ka pi pawh in chhanglet tawk thiamleh maw ..hemi te 2 hi chu an in Ngam siah siah bawk a..ka lo hi zawng kan khua ah chuan a hming hrelo an awmlo ang tihtheih tur nii..vengmawngah pawh kal ila an hre tho...
" I dam ang chen hi damve ila chuan maw" aw sin zet hian a ti leh tawh..ohh an inhnial leh tan dawn e..
" Inleng kan neih chuan chhimbuk mitmeng tak amelh loin thingpui in duh em ka ti zawk ang" lalmuana chuan a lo ti leh a...kan nui pat pat maii..
"Inleng in ni em ni....mi vakvai kan ina lolut mai mai in nihkha" ka pi bawk
" Mi vakvai hoin pi duailovi in hi kan lo hreber nihhi" lalmuana zawk chuan a lo ti a....an duai lo dun ngei maii...
"I underlant rose par awmkha i lo ha leh em ni" ka lo bawk chuan a lo ti a...
" Awiii ha tlatlo nagve i fenhnuai lace kha ka pu nen in mutdun laiin i la ha thin em hi" lalmuana bawk..ka pi leh lalmuana tihloh chu kan nui hawk hawk a...lalmuana hian ka pi fenhnuai lace a pho kha a hmufuh tlat pek a...chhaih zui nan tak a hman phah..
" Khatiang hunah khan kan cheng tawhlo " ka pi chuan a ti leh hmuk a..
" I cheng niang..i duhleh chuan dozen 1 ka lei leh angche" lalmuana bawk...ka nui nas lutuk chu ka mittui a tla phung tawhh...ka pi hian kan thian ho hi chu min hmangaih in kan tanghma hi min haisak em em thin a .huat tinah pawh kan tin tawhlo...
Ka pi pawh a ngawi zui hmak a.lalmuana hi chuan a hnial dang hneh hle thin reng bawk a....kan inah anlo leng dawn tih ka piin a hriat chuan..kan in hrik a ti thin a...
Kan thian ho chuan dawhkan akn kil thup a..lalthanpuii chuan
" Tak a...nizanah ka nu ten an sawi a..kan khuaah hian heroin hralh ru thin leh la lut thin an awm an ti sin" a rawn tihchuan ka mengphawk hra hlawm a....
Kan zoram chhiat tawh zia hi chu aw....ramdang ho tihtur ngawt ah kan ruat a..mahse hei kan mizo mipa thlalak tak tak te nhn suattu leh mi pangngailova min siam tu a ni si a..
Vawikhat in vawihnih a hring tih hi an hrelo nge an haider lui zawk.. campaign nasa takin kan nei thin a..mahse eng he hu ah mah an ngailo nia ge....kumtin in heroin vang a thi hriattur tamtak an awm tawh si a...
Chuchu sawiloh sum duh vanga damdawi thalo han zawrh..hring ei nen hian ka tehkhin thin....damdawi leh zu zuar tu te hian an mihring pui nunna an ei chhiat sak ka ti tawp...
Sum dehchhuah a thianghlim phawt chuan nun pawh a hlim a...mahse sum deuhchhuahna thalo erawh in hote a hmanral na bak ka hrelo...
" Awiii hmanni chu ka nuih za lutuk" lalmuana chuan nui pawt pawt pah hian a lo ti a
" Tinge" rebeki chuan a lo ti a...
" Hmanni ah kan huan a pangpar tui kha ka pe ...kan kawmchhak pa lo chhuk khan min melh reng a .keilah kekawr bul leh tshirt lian take chiah ka ha a..ka ding chhuak chiah a lam ka hawi kha..ehee mila a ni leh si a ti a" lalmuana chuan ti a..kan nui khek nasa maii..a awmang ve lutuk..
lalmuana hi a pian hi hmeichhe pian deuh a..a sang tha in a ngo veng reuh a ...mipa pangngai chu ni se a chhelo ngawt ang...mahse tuai kan han ti na a..Mipa a ngaizawng ngai miahlo a...heitak hi a that ve na...
# story tan tirh hi chu a boring thin tih ka hria nia....keipawh ka ni ve tho....tumloh deuh in ka lo dah
#
#
awm dawn a..kum i la tlinloh chuan chhiar suhh)
#