KA LALPA CHAPTER 22(LAST) BY MAWITEI BAWITLUNG

[mawitei bawihtlung]

KA LALPA (18+)




CHAPTER 1





“Miriam in tawh suh, saw boss a rawn kal ania" Dodoi chuan ti mahse kei erawh ka rui tawh tlat, bakah kan thawhpui dangte pawhin an in vek tho a, a pawina tur ka hre biklo.





“A hmelṭha mawle, sual viau lo se chuan ka vei viau ang. Thinchhe viau mahse a chhiat loh zia saw" tiin ka nui har hara, ka zu no chu la in ka tlak leh papa, ka ṭhiannu lah a lo hlauthâwng nasa mai sia. Kei lahin engah vak ka ngai tawh der lo, inherin kan boss thinchhe zet rawn phei chu ka lo en a.






Hmeichhe chhelo zet mai a rawn kalpui chu tunge a nih erawh ka hre hauh lo, thawk la ham hamin ka kalsawn dawna, ka ṭhiannu chuan min rawn dang leh vat mai. “Va pan reng reng suh" hlauhthâwn hmel tak chuan a ti a, pan ka tum der siloa, “Ṭhutthlengah sawn ka ṭhu duh alâwm, tirawh kal ang. A ni te chu ka pan duh bik teuhlo mai" tiin ka kai pheia.








Min zui rual chuan ka khi sak mai, ṭhutthlêngsei ah chuan ṭhu in ka rui bawk nen ka thle bâk bâk mai. Kei hi Miriam Lalrosangi ka ni a, fahrah in aṭanga seiliana, tûnah kan thawhna pa hnuaiah hian kum hnih liam ta aṭang khân ka thawk ve a, a duh khirhin a thinchhia a, nula te hel rawn nimahse a ngaihsak ngai meuhlo.






A hausa a, tûnah pawh hian bank dang nena inzawmna an neih tur puala party hi buatsaih an ni bawk. A ni tan chuan khawvel hi a nuam ngawtin ka ring, a in lah sâp rama in nalh tak ang maiin a sa a, vawikhat chu ka hmu tawh. Chupawh a pâwnlam aṭangin, a in pâwnlam mah a mâwi tawh nak alaiin a in chhûnglam phei chu a ropui viau ngei ang le.







Amah pawh hi pa mal ve tho a ni a, engvanga nupui nei lova tûn chen chen awm nge maw a nih dâwn ni. Mahse a ni anga hausa tân chuan a lehlamah fimkhur a ngai ve dâwn em ani.








Dodoi phone chu a rawn ri ral rala “Ka chhûngte an nia, buaina a awm deuh a nih hmel, ka rualin i rawn haw ve dâwn em?" a tihchuan lu ka thing nak naka “Min ngaihtuah suh, u Hminga te pawh an awm alawm, ka inthlah tîr mai ang" tiin ka nuih saka, min haw san chu a hreh hle tih ka hre mai.






“Ka ṭha tak tak ania, rui chhe lutuk pawh ka nihloh hi kal rawh, ka ngaihtuah awm loh" ti a ka nawr leh tâkah chuan buaina ka tawk a nih chuan call mai tura min tiin a chhuak zuia. Keipawh chu hawi kualin ka pai leh khat khat ṭhin, room pakhatah chuan lutin khum lo awmah chuan ka mu thla thlawpa.







Ka rui bawk nen ka muhil nghâl bawrh bawrh mai “Tho teh hrep hian, tho vat rawh" mipa pakhat hian min rawn sawi nawk nawka..Chiang mang hlei lova meng in “Enge ka la mu duh ania, ka tho peihlo tunge i nih?" ti a ka en chiang chu kan boss thinrim hmêl ka hmu nghal zat mai.







“Nang maw?" tiin ka zu ruih a reh deuh tawh nen ka ṭhu chhuaka, ka hawi kual ruai bawk. In chhûng chu a reh duka, party ho pawh chu an haw zo tawh a nimahna thawm a awm tawh lo “Enge hetah hian i tih?" a tihchuan ka hawi kuala, khawi lai room nge ka awm na ka hre hauh lo. Ka ruih lah chu a la reh bawk silo, engtin nge ka haw tâk ang?






Hepa lah hi min thlah turin ti dâwn ila a mengrum sa ropui sia “Ka tihpalh a thleng nawn tawh lovang" tiin ka tho chhuaka, tlan chhuah mai ka tum chu ka lu hai nen amah chu ka bawh rawka, ani pawhin min lo kuah bet ve bawk. Ka lung chu a phu dawt dawta, a ni pawh hi a lungphu a dik bik miahlo.







Chutah muangchang leh tim daia ka en chhoh rual chuan rawn kûn hniamin ka hmuiah a rawn fawpa, ka lo chhâng let nghal vat. Hmelṭha ka lo tih rûk em em anih avangin ka hnar phal teuhlo, khumah chuan min delh mu leh in ka chungah a bawka, ka kawrfual hak chu ka dar aṭang chuan hlip thla in ka hnute kawh lah chu a hum nghal chat mai.






Rum ham hamin a coat chu ka phelhsaka, a ni in min lo pui bawk. Kan hmui a kan infawhna erawh kan tâwp chuang lo, duhthawh zetin kan in fawp tawna, ka rui ala reh lo bawk nen pawisak ka nei teh chiam lo hle. Chutah ka hmui a fawhna chu lasawnin ka hnute chu a rawn hmuam zui chata.







Ka au chhuak nghal ṭhat ṭhat mai, ka kawrfual chu hlim thla vekin a hmaah chuan panty nên chauh chuan ka mu ta zar mai, vawtin min rawn ṭham ar ar avâng chuan amah chu ka lamah ka pawt hnai nghal ṭak ṭaka, a ni pawhin a kamiz chu a phelh leh ta bawka.






Kan pahnih thaw ri leh lungphu ri bâk chu thawm dang hriat tur a awm meuh lo. Ka harhfim lai chu nise ka duh kher lovang, mahsela ka taksa hian a mamawh tlat bawk si. “Taksa mawi tak i lo nei renga" rawn ti thum supin ka dul thêp ṭang te chu a hmui them thiam zet chuan a fâwp kuala, ka hmui ka pet fan fan thung.








“Boss" ka hmuiah chuan a kut a rawn daha “Keimahin le, min dang hauh suh. I tlai tawh lutuk" a tihchuan ka nuihsaka, dan ka tum hauh silo. A pian nalh zet leh a abs te chu ka chulsak ve dan dana, khawih nuam ka ti takzet, a ni pawhin ka khawih chu nuam a tih zia a thawk rawn ran zual sawt avâng chuan ka hre thei.







“I hmelṭha takzet" ka tih a nui saka, chutah ka nghawng leh hnute vel chu fawpin a kut chuan a ṭham tawn tawn bawk, a na lek lek mai. Mahse ka dang duh chuang lo, ka kut chu chêt tîr ve in a zipper chu ka zip a, a kekawr chhûnga ka zen luh rual chuan a mipatna khawng ul chu ka hre nghal mai bawk.








A ni pawh chu a rum hawka, ka hmuiah rawn fawp leh in ka panty chu a phelh nghal zata, dan pawh tum lo in a tih ang ang chuan ka awm tawpa. A kekawr pawh chu a underwear nen chuan phelhin ka kut chu a rawn la a, a thil lian leh khawng auh mai chu min khawih tîr nghal zat mai.






“Min hr***t sak rawh" a tihchuan ka chil lem khalhin ka kut chu ka ti che a, ka zu in chuan min ti huaisen te pawh a niang, alakah chuan ngampa takin ka che ngam tlat. Keimahah min tur tu an awm ka timai, ka chet dan chu keimah ngei pawhin mak ka inti, rum ham hamin ka kut chu a dah sawna.




(REQUEST ANGIN A LEITU TUR IN AN DUH SEXY DEUH HLEKA CHUVANG CHUAN A SEXY DAWN AW)


Chutah khum mawng lamah chuan min pawt thla hrawkin ka bawp chu a rawn kuai kak zuia, a mipatna chuan ka hmeichhiatna chu a tin nghal run mai.






“I la virgin em?" Frank tak a rawn tihchuan .
.ka bu nghauh nghauha, ṭhensakin dim zet chuan a rawn lût zuia, na ve viau mahse ka chakna chuan min hneh thluk zawk miau avangin ka tuar thei viau mai. A vaia a rawn luh takah chuan a hnungah ṭham tawn tawnin ka rum chhuak hak haka “Ka che dawn ania, ka dim dâwn hauh lo che" a tihchuan nui sakin “A pawilo, ka mamawh che" tiin ka lo nuih a.






Chuveleh hnuailam chu a rawn chêt nghal zawt zawt mai, thâwm chhuah loh tum mah ila ka theilo. Ka au chhuak chul mai, a ni pawh a bâng lo. A rum nghut nghuta, ka taksa chu a ṭham leh nawk nawk ṭhin, na pawh ka hre tawh meuhlo. Nawmna chuan min tuam hlup hlupa, ka mit ka meng thei heklo.






“Boss ah..." ka zo tur chu ka au chhuak ṭhat ṭhata, ka khur nghal der der mai. Ka zawi hnak thleng chuan min pawmin ka pangngai leh deuh tâkah chuan chet a lakzawm lehnghala, a chet dan chu a hma aia a duhthawh sawt dânah a zo dâwn tih ka hre ve mai bawk.







Hnuailam aṭang chuan ka lo pui ve sauh sauha, chutah a mipatna chu phu dat dat in ka kaw chhûngah chuan a baw chu a rawn lum lût pap papa, inkuah chung chuan kan thaw hle hle mai.






Reilote kan chawlh hnu chuan a bul aṭang bawkin kan ṭan ṭha leh a, a hma ai keipawh ka che na sauh mai, kan zawh hnu chuan ka biangah chulin a âwmah chuan min kuah beta, keipawh chu ka mut a chhuak tawh bawk nen rei pawh meng tawh lovin a mi kuahna hnuaiah chuan tui zetin ka mutthilh zawma.






Zînga ka harh chuan a lo tho tawha, ka in beng nawk nawk mai, engtin nge khatianga awlsam lutuka alaka ka in pêk theih? Min ban ngei dâwn a nih hi, ka hlauthâwng takzet. Ka thawmhnaw chhuata tla darh niah te chu chhar khâwmin ka inbel mawlh mawlha, mi a ngaihpawimawh loh zia chu a lang reng mai. Ni e, a ni tan chuan zan khat mutpui tur mai mai bâk ka ni nang.







A pawi ta ber erawh zu ka in tam lutuk kha a ni, engtikah mah ka in nawn leh tawh lovang. Zu avangin ngaihsamna kan neia, hetiang hian ka awm phah a ni si a, a rapthlâk mah mah a ni. Engtin nge a hnuaiah ka thawh ngam tawh ang, zu hi alo ṭha lo takzet chu a nih hi, ho te in ka thianghlimna ka hloh ta chu ania.








Ka in te fel rin rana ka luh pah chuan ka in ngaihtuah neuh neuha, min ban te a nih ngawt loh chuan ka bâng duh bik lo, hna avâng ropui si. Phur lo zet chuan rawngte chu bawlin ka che buai zuia, chaw eikhama ka inbual chuan ka taksa chu a duk nasa ngei mai. Ka nghawng leh hnute vel chu a duk thlehthluah a, ka taksa chu ana ṭhum bawk.







Ka inbual zawh chuan taksa lang tam lo thei ang ber chu in belin high neck chu ka ha a, ka nghâwng a love bite awm thluah chu a hliah ta bawk. Ka inpeih hnu chuan phur lo zetin hna kal tûr chuan ka chhuak zuia, engtin nge ka hmachhawn ngam tawh ang, ka zak takzet.








“Miriam nizân kha engtin nge i awm tâk?" ka ṭhiannu chu ka en zauha, ka ngawi reng mai. Dawt ka sawi chuan a hre leh dâwn tho bawk si, ka ngawih reng avâng chuan min enin ka bengbulah a rawn phun sar sara, ka thaw hak mai.




Ka ṭhianṭha ber a ni a, ka thuruk zawng zawng a hre bawk. Hei vang pawh hian ka ring tawk lehzual, sawi ka tum lai tak chuan boss chu a rawn luta. Ka tâwp leh riha, min rawn en zawk bâk chu a room bikah chuan a lût daiha.






“Enge thleng min hrilh rawh" Dodoin a rawn tih leh tâkah chuan midang chu ka enkual te te a “Nizan khân room pakhatah ka luta, ka rui bawk nen khumah ka muhil zuia, chuan mipa pakhatin min rawn sawi harha. Ka en chuan boss alo nia" tiin ka tâwp data, “Maw? pu Thana room-ah i awm amaw? Kha kha a in pakhat a lawm" a tihchuan ka bu nghat mai.







“Tumah an lo awm tawh lova, haw tuma ka ding chhuak kha ka rui bawk nen boss kha ka bawha, chuan min fawpa, ka lo rui bawk nên bâkah a mah khân min ai kaih a ni ber mai. Kan chesual dûn a" midang hriat hlau tak chung chuan ka ti a, Dodoi chu a mengphawk ngei mai.






“Engmaw? In" a ka chu a au ring bawk nen ka hup sak vata, “Au vak suh, midangin an hria ang. Ni e, kan mu dun" tiin ka sawi nawn leha, a thinrim viau dawn emaw tih laiin a rawn nui vur vura “I va vânnei ve, sawi tam lo la nula ṭhenkhat sum duh tak tak te hian a mutpui chakin an zar reng an ti a sin, Mizoram pawh hi pawisa a awm chuan mahni zahawmna humhim lam pawh a lang tawh lova, mahni nun nawmna tur zawng kan tam tawh êm hi. I vânnei a lawm, a hmeichhe duhzâwng an awm lo aniang an ti hial ṭhin a sin, engtin nge in mut dun theih zâwk le? Mahse i hmelṭha a, a it ve che ania'ng" a rawn ti chu ka ner saka.









“Pawi min tih pui dawn emaw tia, khatiang lam daih chu i rawn sawia. Ka taksa te hi ana lutuk, mut ka châk takzet chuan ka zak bawk" tiin ka kûn chala, “A nih chuan haw va dil la, a ni pawhin a hrethiam em em ang che" a tihchuan mak ti zetin ka ena “I â em ni? Min ban duh mai ang, hna ka tan hmuh a har zia i hriat kha" ka tihchuan a nui ringawta.






“Damlohna thilah chuan a hrethiam ang che, va kal rawh" tiin min nawr zui dawt dawta, ka hlauthâwng ngei mai. A office kawngkhar chu nam hawngin min nawr lût rawk, pu Thanpuia chuan min lo en run tawh mai bawk si, lêt leh chi ni nghal lo chuan.







“Enge i duh?" a rawn ti hmuka, Lalpa! Biak ka hreh ngawih ngawih mai, hetiang khawpa mihring nelawm loh hi engtin nge a hlawhtlin em em theih zawk ni? Chil lem khawlhin muangchang chuan ka hnaih chhat chhata.







“Ka pu, ka nuam lo lutuka vawiin chauh chu ka châwl thei angem?" inthlahrung dâk chuan tiin amah chu ka ena, a rawn hawi chhuak chuan ka hmêl leh taksa vêl chu a enkual nghal dun dun mai. “Nizan thil thleng avâng khân sum te min rawn dil i tum ani zâwk lo maw?" a rawn tihchuan ka ner sak mai, ava han chapo tak.








“Teuhlo mai, ka nuam lo a haw ka rawn dil ringawt che a nia, thildang a awm lo" ka tihchuan a rawn ding chhuak ruai ruaia, ka lam pana a rawn kal chuan ka che sawn ngam tawh lo “I taksa chu ana viau em ni?" tiin ka kâwngah a rawn kuaha, ka mengphawk nghal vak mai. Midangin min hmuh ka hlau lutuk chu awm sawn ka tuma, ka hneh der bawk silo.








“Min thlah teh, chawlh chu i phal em?" tiin ka en chho a “Enge ka sawi kha? Ka zawhna chhang rawh" tiin min kuah hnai sauha, ka lung a phu leh dawt dawt tawh mai. “Aw..ih....ka taksa hi an na ut ut vek, chuan khawngaihin min thlah teh" tiin awm sawn leh ka tuma, a rim tui lutuk chu boruak ka hip luh rual chuan ka hre thei.





“Sir" ka tihleh chuan ka hmuiah chuan a kut a rawn dah nghal chat mai, mak ti zeta ka en chu min nuih nia! Hepa hi a nui tak tak ania, ka thi dâwn em ni? Kumhnih chhûng a hnênah ka thawk tawha, a nui hmel kan hmu ngailo. Chuvang chuan a hnuaia thawkte chuan nuih hreha kan tih phah kha a nia.







“Ban i hlau tiraw?" ka biang chu a rawn nul thuak thuaka, ka ding khawng awt mai. “Zaninah ka inah lo kal ang che, chutah chuan i hna chungchang kan sawi ang, i rawn kal lo a nih chuan ka ban ang che" tiin a awmsawna.







“Va hahchawl rawh, i sil hle tak ang chu. Zanin chu theihnghilh lo la" a tihchuan ka thaw haka. “Engvangin nge i inah ka rawn kal kher angaih? Ka duhlo" tiin hlauthâwng zet chuan ka ena “Min zawt suh, chawlh i duh chuan ngawi reng khan chhuak rawh, zawhna ka ngaina lo" a thinrim hmêl leh tawh hle mai. Hepa hi chu a hlim ve ngai pawhin ka ring lo, misual tak chu ani.








Engmah ka sawi ngam tawh lo, ngawi reng chuan ka chhuak hlawk hlawka. Ka ṭhiannu chuan thil awmzia min lo zawta, haw a phal thu bâk lohin ka chhâng lo. Ka bag vel chu la in ka chhuak zui hlawk hlawka, nizâna ka mutpui mai avâng khân ka lakah thil dik lo tak tih te a tum nge mawni.






Engpawh nise haw phawt ka ngai a ni, ka ṭhiannu chu mangṭha in ka hawsan zuia, ka in ka thlen rual chuan engmah pawh tilo chuan ka mu zui nghal daiha. Ka chau bawk nen ka muhil zui ta thuaia, ka harh leh chuan alo tlai duai tawh mai.







Chaw pawh ka ei peih lo, boss thusawi chu ngaihtuah chhuak in ka in ngaihtuah buai ngei mai, ka kal loh chuan min ban ka hlau bawk si. Ka kal dâwn lahin ka hlau deuh bawk sia, ka ngaihtuahna a buai ngei mai. Hna ka zawng nasa tawha, ka beidawn hnuah a hnênah hian ka thawk thei hram kha a nia.







A tâwp a tâwpah chuan ka rilru chu siam felin ka chhuak zuia. Taxi nen a in lam chu panin kawng tluan chuan engvanga min hmu duh nge a nih ang tih ringawt ka ngaihtuah, a in zâwnah chuan chhukin lût mai lo chuan pawn aṭang chuan ka thlir char chara, a mawi ngei mai.






A tawpah chuan thawk la hawkin ka lût zui a, kawngka chu ka kik karh karha, chutah rawn inhawng thutin min pawt lût dawrha, ka bawh lût rawk mai. A âwmah chuan bei thlawpin ka kuaha “Enge i tiha? Tinge khatia min tih thuta" tiin awmsawn ka tuma, min kuah bet tlat mai. A inchhûng ka en kual chu ropui tak a ni, sap ho in ang tak tak chiah mawle.








“I lo kal thei chu a lawmawm e, i hna chungchâng chu sawi ang hmiang" tiin ṭhutna nawm hmêl zet lo awm lam chu min panpuia. Ka zui ve zêl ringawt, ka hawi kual haw haw mai, ka awmdân a hmuh chuan a nui suk suk mai, a in chu nalh ka ti tih a hrethiam pawh ani mahna.









“Ka office ah , ka bulah thawk la ka duha, i hlawh ka sân bawk ang" a tihchuan mak ka ti lutuk chu ka mit a pâwt lo chauh.






“Enga ti, ka tih awmzia chu ni dangah i sawi ngai silo va," tiin ka kûna “Ka mamawh min pe la ka duh tihna a nimai thei asin" ka hawi chhuaka “Enge a awmzia?" tiin amah chu ka ena “Ka duh chu i taksa mawle" a tih chuan ka thinrim hle.





“Teuhlo mai ka haw dâwn, tuna ka hna hi ka duh tawk mai" tiin kawngka lam chu ka pan hlawk hlawka, min dan pawh a tum lem lo. A lâwm lo hmel erawh chu ka hmuh hmaih hauhlo, Lalpa ka chungah thil ṭhalo a tihloh hrâm ka beisei.






Taxi la in hmanhmawh zetin ka haw zuia, tûnah chuan ka zu in rahin a hrin chhuah chu ka tuar mek a nih hi.


ZAWMNA




A tuka office ka kal chu ka hlauthâwng ngei mai, ka thin chu a phu dawt dawt renga.Ka ṭhiannu lahin engmah hre ve hek lo, a hlim em em ringawt. Ka hlauhthâwn ang ngeiin boss chu a rawn lût a, en pawh ka en ngamlo; min ban angem tih lawng lawng chu ka ngaihtuah mai.








“Miriam Lalrosangi kha ka office ah rawn lut ang che, chuan nang kha ban i ni" tiin kil khata kimki duka lo ṭhu Davida chu a kâwk zuia, “Sir khawngaihin min ngaidam rawh" a tihchuan pu Thanpuia chuan ngaihdam a tum loh hmêl hle. Enge a tihsual ni ang? Thil holam tak chu anih ka ring lo, kan pu hi thinchhe viau mahse a nazawngin mi a ban mai mai ngailo.






“He bank-ah hian mi rinawm lo tân hmun a awm lo, chhuak la. Tûn hi ka ngaihdam theihna che sâng ber a nih hi, nangmah avângin ka hmingchhia tih hre bawk la, thilsual hi a zêp reng theih loh" tihmukin keichu min rawn ena “Rawn lut ang che" tihmukin a office chhûngah chuan a lût zuia, a reh nghal ṭhap mai.







Davida chungchang chu an sawi sep sep mai, kan hnung khân dik lo taka loan vel in pûk tir chungchangah kan buai hrep tawh tak e, kha thil kha a ma tih vek hi a lo nih dawn hi. Mak ka ti, engtin nge thil sual lian tham lutuk a tih theih zawk? Ka rin loh lam daih a ni bawk.








Boss in min koh miau avângin hreh zet chuan a office lam chu ka pana. Dodoi lah chuan engmah hrethiam hek lo, fighting min lo la ti zuia, he nu hi chu aw rilru hahna pawh hi a neih ngai ka hrelo. A thawveng em em ringawt mai hian ka hria, pu Thanpuia office kawngkhar chu kik karh karhin ka hawng zuia.






Tukverh lam hawiin a lo ding a, a office hi keini lam aṭang chuan a chhûnglam a hmuh theih loh hrim hrim. Ngawi reng chuan ka pan pheia “Lo ṭhu rawh, hetah hian min pui ang ka tih tawh kha. Lehkha ziah ngai te, sum kaldan engkim min pui zêl ang" a tihchuan ka en haw a.








“Ka thiam dâwn em ni? Chutiang ka theilo ang" a rawn hawia, dawhkan chu a chhir bura, ka phu nasa bawk nen ka ip zawk mai. “Ana ang chu" ka phun sapa “Engmaw i sawi?" hmai sen ṭul chuan a rawn ti a, thudik hrilh chi ni nghal lo chuan “Engmah ka theilo ang" ka ti leha, amah nena awm tlân ka duh lam lam lo. Min thlawh fua fua ang tih mah hlauh nak a lai.






“I thawk ang. I duh lo a nih chuan ka ban ang che" tiin chair-ah chuan a ṭhu thla a, a bawp sei zet chu a khawkherh ût bawk. A pian hi chu a nalh mawle, amah hi fel deuh phei se chuan a fuh leh zual ang.







“Engvangin nge kei kher?" ti nâng nâng in chair pakhat-ah chuan ka ṭhu thla ve a, ka ṭah te a tichhuak. A bula awm hi thih hreh takin ka hreh a ni ber “Engvanga duh lo em em nge i nih? Nangmah i nih avângin a nimai, engmah sawi tûr a awm tawhlo. I bungrua saw rawn sawn la, helaiah hian rawn awm rawh" tiin min en tawh lo chuan computer chu enin thil eng emaw a chhu mawlh mawlha.







Mi hausa ho tak hi chu thupek bâk hi an thiam lo, a hna hahthlâk thawk zâwk hian hlawh kan nei chhe em em bawk si. Engmah sawi duh lo chuan phur lo zet chuan ka chhuak hnak hnaka, ka phur lo takzet. Ka dawhkâna bungrua awm ho chu ka khung hnak hnaka, ka ṭhiannu bâkah ka thawhpui te ho chuan min rawn hnaih nghâl ṭak ṭak mai.








“A bân ve che em ni? Enge a awmzia Miriam, tinge a bân che?" an tihchuan ka nuih a “Min ban lo, a office ah ka pui tawh dâwna" tihzawng chu ka sawia, thildang ka sawi khan ngaihdan mak pui pui an nei leh ang tih ka hlau. “Maw? I ti tak tak em ni?" mak an tih hmel hlawm hle, ka lu chu ka bu nghata.







“Ka lût phawt ange, chutilo chu min lo hau leh palh ang" tiin ka kal zuia, a office a ka luh chuan phone a lo hmanga. English a hman dânah hnamdang a bia a nih hmel, ka ṭhutna tura a tih ah chuan pheiin in ka bungrua chu ka phawrh malh malha, ka rem pah zel bawk.






Chutia ka lo inrem lai chuan ka hnung lam aṭangin ka kawngah a rawn kuaha, ka ding ngil nghâl awt mai. Mengphawk vakin ka inhera, a âwm zâwn chu enin ka innam khalha, “Enge i tih dâwn? Awmsawn teh, ih...i mak lutuk" ka ti ta ringawta, ka biak vak dâwn chuan ka ngam chiah bawk silo.








“Ka mak amaw?" tiin a rawn kûn hniam a, ka lo âwn ve zel bawk nen dawhkanah chuan ka mu titiha, ka khur der der mai. “Awmsawn teh, enge tih i tum? I hnuaia ka thawh mai avang leh ka ruih lai a ka awmdân avâng khan min zuam miah suh, ka boss pawh nimahla hetiang tih theihna dân i neilo" tiin ka nam ve ṭang ṭanga, a sawt bawk silo.








Rawn kûn hniam thutin ka hmuiah chuan a rawn fawp nghal tawn tawna, ka khap fuk fuk mai. A hmeichhe zui âwm ka hmu ngai lova, engvanga ka lakah hetianga awm tlat nge a ni tih lah ka hre hek lo, ka tha chu a khur der dera. A dârah chuan ka dawm bet ṭai ringawt.







Hmanah chuan bialnu a nei ṭhin an ti a, mahsela a awmbosan a nih hmel. “Ka duh chu hei hi, i taksa pum hi ka duh" tiin ka âwm aṭang chuan a rawn chul dan dana, “Khawiteh i zak lo lutuk, het! Hey, i hur" ka au tur chu a kut chuan ka hmui a rawn hupa.







“I au leh chuan ka fawp leh ang che, chu chu i hria em? I au leh rualin kan mualpho a nimai" a tihchuan hrechiang tak ka ni. Ni e, pâwn aṭangin an lo hre vek ang chu, ka bu ta nghata “I hlawh ka pun ang che, mahse ka ta i ni ve thung ang" a tihchuan ka duh lo ngei mai.








“Pawisaa lei theih ka ni bawk lo, khawi awmsawn teh. Pawisa hmanga lei theih emaw min ti miah suh" tiin ka tal ve ngat ngata, ka hlauthâwng ngei mai. Min man nghet bawk si “I zak lo emai aw, awm sâwn vat rawh, ka bâng ve mai ang" ka tih chuan a thinrim hmêl ta hle.








“Ban maw? Han tum chhin teh, i tâwpna chu a hlimawm lo viau ang. Ka thu hi pawm mai rawh, i taksa min hlân tawh tho a, engvanga hreh em em nge maw i nih le? I mipa duhzâwng ka nilo em ni?" a tihchuan rang zetin ka lo “Aw" vat mai, a mengrum nghal ula. Min hmerna chu a na ta viau bawk.








Lalpa min venghim hram ang che “Hre rawh ka duh chu ka nei ngei ngei dâwn tih hria ang che. Ka hmeichhe duhzâwng tak ini tih i in hria ang chu maw, bâkah he taksa hi a engkim a kil ber thlenga hmutu ka ni tih hi" ti a min rawn fawh leh mai a tum chuan ka lo namsawn vata, min rawn ban leh a tum chuan ka lo tawlhsawn bawk ṭhutthlengah chuan a khup a sawh ri awk mai.








A rum hawka, thinrim zeta a ṭhutthleng inkhawnna a pet chu a ke a na leh si nge thinrim zet hian a au tuar a “Kha kha pawh kha chhir leh law law rawh" ka lo tih avâng chuan a thinrim hmel sauh, silai nise chu min kâp thlu tawp tawh ang.






Min rawn hnaih zui ruakin ka hmuiah chuan a rawn fâwp ta buan buana, ka namsawn thei tawh der lo. Ka mawng vêl chu ala ṭham tawn tawn zui, enge a hriat ni? A hma zawng pawha min ngaihsak ngai lo khan vawikhat min mutpui mai avangin hetiang hian ka chungah a ti ta chu a nisia, engang mi nge maw a nih le? Tihngaihna hrelo chuan a mi tih ang ang chuan ka awma.







Dawhkanah chuan min hlâng chho nawlhin ka kamis kilhna chu a hmet phelha, ka hnute rawn lang a hmuh rual chuan a rum zui hrawih mai. Kei erawh ka lo in hup vat thung. Hepa hian enga tinge min tihbuai tlat mai ni? Chutih rual erawhin a mi khawihna hi ka hnar thei tlat lo, zâwlaidi a nei a ni ngei ang. Ka aikaih nimaiin ka hria.









“Sir" kawngka an rawn kik rual chuan rang lutuk in kan inthlah a, keipawh chu ka kawr kilh chu ka siam ṭha nghal mawlh mawlh mai. Ka hlauthawng ngei mai, min rawn hmu teuh lutuk chuan ka lung phu a ti dik thei meuhlo.






Ka insiam zawh chuan a ko lût ta chauha, inthlahrung zeta James-a rawn lut chu ka lo en kar mai, boss chu a nel lo hle tih a hriat, ni e tumahin kan nel theilo. Amah hi a kulmuk bawk si, lehkha eng emaw hi rawn dahin rang zet hian a chhuak zui leh ta daiha.







“Zanah ka lo lêng ang, kawng lo kalh suh ang che" tih zawng sawiin a insiam zui mawlh mawlha. “Khalaia i hna tur ka dah kha lo en la, i hrethiam mai ang, ka chhuak lawk dawn ania" tiin a coat chu la in a chhuak zuia, ka thaw huai thei. Ka bula a awm lo tur chu ka lawm ngei mai.

KTP CONFERENCE A HNAI SIA BZP LEH KOHHRAN LAM NEN KA BUAI DEUHA. HRETHIAM HRAM2 ULA, IN DUHZÂWNG TUR NIH CHUAN LIKE LEH COMMENT KHA IN LO HNUTCHHIAH DAWN NIA AW.

[mawitei bawihtlung]

KA LALPA




CHAPTER 2





A chhuah hnu chuan a lehkha min pêk chu ka ena, Lalpa! Hausa lo chi pawh a lo nilo, sum che vêl reng reng a pung nen a tam tham lutuk tlat. Hmeichhe sum duh deuh tân chuan amah tawp hi sum vekin an hmu hial ang chu, chuta karah hmelṭha leh piannalh tel bawk chu nula leh nu leh pa thlenga an ûmzui hi a lo âwm lutuk tlat.







A hma in sum che vel hi ka buaipui ve lem loa, ac rawn siam tur lo hrilhfiah bâk ka hna ani ngai lem lo, tûnah erawh chuan a sum chêt dan zawng zawng chu a lang chiang ta viau mai. Hetiang bank nei tu a ni pawh hi a inhmeh hliah hliah mai, a mah hi hna tuichilh em em a lo ni bawk nen hlawhtling tur a ni reng ani. A thawk nasa apiang hlawhtlinna ram a ni miaua, chutih rual erawhin tam tak erawh in an thawh ṭhat ang hu kan hmu chuang lova, mi vânnei nih a ngai leh zel chu a nia.








Ka thil chhut chu ka buai bawk nen ka ṭhiannu pawh chuan min haw san ta tawpa, a tâwp a tâwpah chuan ka zo ve thei hram e. Zi mar ar arin ka tho chhuaka, ka bag vel chu la in office chu ka kalh ṭha. Duty pa a rinawm bawka, pu Thanpuia pawh hian ahman loh chang in a kutah hian engkim a nghat ngama, an inchhawr rei tawh viau bawk.








“I zo em ni?" a tihchuan ka bu nghata, thil dik lo a awm leh awm loh chu enkual leh te te in kawng chu a kalh zuia. Keipawh chu taxi la in ka haw zui ta bawk, zânah ka rawn leng ang a ti kha a nia. Rawn lêng lo sela ka lawm zawkin ka ring, a nghal ropui si.







In ka thlen chuan dar 7 a ri der tawh mai. A pawilo zanin chu rawng bawl lo vin order mai ang, pizza chu order-in ka inluahna bula dâwrah chuan theitui vel ka lo va la sa a, in lam ka pan leh lai chuan pu Thanpuia ka inluahna tuala lo vak kual nghut nghut chu ka hmu nghal, he mihring hi a rawn kal tak tak a maw?







Ka haw ang nge haw lo ang tihchu ka in ngaihtuaha, huiham! Ka in alâwm engah nge a innei tu zawk ka tlanchhiat ngawt ang ni? Muangchang chuan ka pan pheia, ka thâwm a hriat rual chuan ka lam a rawn hawi nghal vat mai, min hmuh rual rual chuan ka lam panin a rawn pên pâwk pâwka.







“Khawiah nge i kal?" tiin ka darah chuan dawmin min thing deuh nawka, ka lu a ti hai chhawlh thei, zaklo lutuk mai. “I hmuh reng hi enge ka tih i rina? I hna min pêk avângin ka haw tlaia, ka eitur ka buaipui a nih hi" tiin ka theitui khai lai chu a hmaah chuan ka khai lang va va a.





Ka in lam pan chuan min kai phei nghal dawt dawt mai, engtin nge ka in awmna te a rawn hriat leh theih ni? A duhnaah chuan a lo bengvâr a nih hi, hma hruaia a kal mawp mawp chu a hnung lam aṭang chuan ka melh nghek nghek ringawta. A sâwt der silo, “Hawng vat teh, miin min hmuh tam i duh loh chuan" tiin kawngka bulah chuan min dinpuia.







“Rawn lêng rawh pawh ka tih loh che kha aw, i zak lo emai. Haw rawh, office ah chiah ka boss i ni, pawn lamah chuan i nilo" ngeiawm min tih hmel lutuka min enin ka bânah chuan na zet hian a rawn hmera, ka au nghâl ṭhat mai. Ka ṭhen chawk chawk chu min enin “Min ti thinrim reng lo hian kawngka hi hawng vat rawh" tiin min nawr leh data.






Keipawh chuan ning zet chuan ka hawng a, min kai lût leh nghal dawt dawt mai. A in neitu ang maia a che chu zak lo ti zeta en bak tih theih ka neilo, “Hei hi i in maw?" tiin a melh kual dun duna, ka in luah hi a zau lova.Choka leh bathroom hi a inzawm renga, khum a ni leh tawp mai, sitting room zau vak lo a awm a, chu zawng chu, luah man lah a hmêl phu lo in a to zui.







Mahse tûn angah inluah tur a vang bawk nen hei pawh hi inchuh pui ka nei ve nak mai renga. Chumi hnuah ka chang thei hram kha a nia, “A nih hi, i in angin a zau lo. Chuvang chuan nuam pawh i ti lo ang; haw mai rawh" tiin ka theitui lei vêl chu ka dah ṭha a, a ni erawh ka ṭhutthlêngsei neih ve chhunah chuan in ti lal zet hian a ṭhu ut mai.







Thawk la ham hamin ka ngawi renga, kawngka rawn kik ri ka hriat rual chuan va hawng vatin pizza ka order a rawn thleng a nih hmel. Pawisa chu pe felin lawmthu ka hrilh zuia, ka ril a ṭam tawh bawk nen ka luhpui vata. Min lo en run tu chu hmu lo der in ka theitui lei chu no ah thli chhuakin ka pizza order nen chuan dawhkanahah ka chhawpa.








“Ka duh ve" tiin ka bulah chuan a rawn pheia “A ngailo, i duh leh lei ve mai rawh. Sum i ngah kha" tiin ka keih nghal hmarha,ka bulah rawn ṭhu in pizza per khat chu la in a ei ve nghâl zat mai. Hepa zah theih loh zia hi.






Hau duh lêm lo chuan ka ei zawm zêla, chutia thil kan ei lai chuan ka kawngkhar chu an rawn beng dawt dawta, “Lalrosang kawngka rawn hawng rawh" ka phu zawk mai. Ka bialpa hlui tih ka hriat chuan ka hlauthâwng takzet, min sawisa leh ang tih mawlh ka hlau, zu a in leh tih ka hre mai.






Ka awmdân danglam chu Thanpuia chuan a hrethiam a ni ngei ang “Lo awm rawh" tiin kawngka lam chu a pana, ka zui nghal vat. An insual a nih vaih chuan Dinsiama hian a hneh dâwn hauh lo, pu Thanpuia lah a duh lohnaah chuan a hlauhawm ropui si.







“Tunge i nih? Bialpa thar ilo nei vêl a nimaw?" Dinsiama chuan rawn tiin Thanpuia chu a melh ngura, kei erawh ka lo ngawi reng thung. “Naua, helaiah enge i rawn tih dâwn? Miinah bengchheng i rawn siam lehnghâl" Thanpuia chuan dam dap anga lang si mahse khauh deuh far chuan a ti a.






Dinsiama rui lahin engmah a ngaihtuah der lo“Tunge i nih zawk? Ka bialnu in a nih hi, ka thu thu" a rawn tihchuan “I bialnu ka ni tawh lo, haw rawh" ka lo ti vata, dik tak chuan kut min thlâk reng avanga inṭhen kan ni a, hnaih leh pawh ka duh tawhlo.






Chutia ka lo tih avang nge a rawn thinrim ta rênga “Engmaw i sawi kha, ka thin ti rim hauh suh" rawn ti nghal hlurin min rawn khawih a tuma, Thanpuia chuan a lo dang vat mai. “Naua, ka dawhtheih lai hian haw rawh, ka hmuh laia ka hmeichhia khawih te i tum amaw?" tihrawkin Thanpuia chuan a namsawn dawrha.







Dinsiama thinrim chuan a rawn hnek ta sawk mai, ka lo au ṭhata. Thanpuia thinrim chuan rek in a khai kâng nawlh mai, engtin nge hetianga tha a ngah theih? Bâkah a mah a lian bawk nen Dinsiama ang palian em em lo tân chuan hneh ngaihna a awm lo.







Dinsiama thawk harsa ti lah chu a âng chawp chawp mai, a thih mai ka hlau bawk nen Thanpuia ban chu ka vuana “Thlah rawh a thi mai anga sin" tiin ka en chho a, min rawn melh chhuk rûnin Dinsiama chu a thlah zuia, a thaw nghâl kawk kawk mai “Vawikhatmah rawn lang tawh suh ang che, ka hmu leh che a nih chuan ka ngaidam tawh lovang che" tihmukin ka kuta rawn kai chuan in chhûngah chuan min luh pui zuia.







Dinsiama chu ngaihsak ka tumlo, kha chen ka tuar tawha, tunah chuan engah mah ka ngai duh tawh biklo.





“Bialpa hlui i lo neia?" a tihchuan ka melh chho kara, lâwm loh hmel lutuka min en chu ka hmu nghal zat “Ka neih ve bawk loh in nula ka nih si, bialpa neilova awm ka peih bik hleinem" tihmakin ka thil ei lai bawk chu ka ei zawma.







“Bialpa neilo va awm i duh loh chuan kei nen pawh kan in ngaizawng thei tihna anih chu" tiin ka bulah rawn ṭhu in ka thil ei lai lai chuan min rawn fawpa, ka ka chhûngah a lei chu a rawn hawl zui nghal nak nak mai. Ka thil ṭhial lai chu min eisak ani ber mai; ka dawh tawpa, ka kut a ka pizza la ken chu min lâksakin min pawm zui nawlha.







“Enge i tih dâwn?" ti a ka en chhoh chuan min rawn en in anui a, a kamiz nghâwng kilhna chu a phelh deuha, a hrawk bawk che ralh ralh pawh ka hmu thei, “Ka duh tak mawle" tiin ka khum lam chu min panpuia “Hey min dahthla rawh ka duhlo Thanpui" tiin ka ke chu ka leng bat bata, min dahthla duh bawk silo.







“Min hnial suh, ka duh che a chu chu hre reng ang che. Tin, kha mipa ta kha i nilo tih hi hre reng ang che" tiin ka hmuiah chuan a rawn fâwp zuia, tinge ka hnial tak tak theih miah loh le? A chhiat loh teh vawr lutuk avang te pawh hi a nimahna, amahah hian ka aikaih ṭhin ni berin ka hria, ka thawh hmasak ber aṭangin ka mit ala tawha, ani erawhin min hre ngai pawhin a awm lo, mahsela kan mutdun hnu aṭang kha chuan a danglam daih tih theih a ni.








Ka khumah chuan min delh mu in a necktie chu a phelha, khum sîrah chuan a theh phei ringawt lehnghâl a. Chil lem khawlhin awmsawn ka tuma, rang zet hian min lo dang nghâl vat, “I duh ve tih ka hria" tiin ka nghâwng vêlah chuan a rawn chuk dan dana, ka danglam lehnghâl vek.






Tinge hepa hi ka hnar theih miahloh? Min khawih hlek pawhin ka danglam zêl chu a ni si a , a ṭha lo takzet. “Thanpui in ngaizawng emaw, innei emaw pawh kan nilo a, a ṭha lo duhtawk rawh" tiin namsawn ka tuma, chuveleh ka hmuiah chuan rawn fawp lehin ka hnute chu a ṭham zui tawn tawna.







Ka thaw hak chu hrethiam ni âwm takin a nui ri ka hre thei “Ka sawi kha min mamawh ve tho, tin tûn aṭang chuan ka bialnu angah in ngai rawh. Kan pahniha hun a tam thei ang ber hman ka duh" tiin ka taksa chu a zût kuala, ka kân ak ak ringawt.







Ka thawk a sa pup pupa, nawmna danglam takin min tuam bawk nen ngaihtuahna fim put a har takzet. Ka thawmhnaw inbel chhunte chu hnawksak a ti nge rawn phelh sawk sawkin ka âwm ruak kang chu a en vang vanga “Nau ka pai ange" ka tihchuan damdawi min lei tûr thu sawiin a tih ngai chu a tihzawm mual muala.







A ma thawmhnaw pawh chu phelhin a kekawr chu a tlawh thla zuia, keipawhin ka mamawh ve tawh bawk nen ka dang thei tawhlo. Ka lamah chuan pawt ṭawk ṭawkin ka chik chhuak ngher nghera, chûngte chuan amah chu a ti phur tih hriat takin a meng de sar mai.



(A SEXY IN TIA, KA ZIAH HMA IN A SEXY DÂWN KA TIH KHA AWA CHHIARTU TURIN AN DUH MIAU CHUAN KEICHUAN ZIAH MAI ANGAIAA SEXY LAI HI CHU A DUH LO TÂN CHUAN A CUT THEIH ANIA AW, CHHIAR KÂN TAWP RU)



“Kha kha a lâwm ka hriat duh, min mamawh avânga i danglam hmêl leh i aw ri te hi hriatreng ka duh" tiin ka bawp chu siam remin a rawn lût zui nghala, ka thawk ka hip lêt kawk mai. A bânah hmer ngat ngatin ka mit ka chhing a, ka taksa chhûngah chuan a khat mup ni berin ka hria.







“Thanpui, engvângin nge min mutpui?" amah kuah chung chuan ka zawta, chêt lak pah chuan “Ka mamawh vâng che in, i taksa ka tawh hmasak ber aṭang khân ka mamawh reng che chu a nih hi, nang hian min thlâk danglam a ni" tiin ka hmuiah chuan rawn fâwp tawn tawnin hnuailam chu a tiche nghal zawt zawta, khum khuhna chu ṭhamin ka thaw halh halha, hetianga a laka ka tlâwm leh hi ka ring lo, mahsela a thleng mek bawk si.







“Min en rawh" ka hmai bulah chuan a rawn kun hniama, phelh phanga mengin a mit nen chuan kan in en tawn ta ran mai, a biangah chuan dawmin ka fawp a, “Ka duh lutuk che" tisapin a hnungah kuah chuan kan taksa ruak kang chu a insi duna, a awm pharh darhina ka hnute a hrut zâwng chuan ka taksa chu a sa ham ham mai.







Kan thlan hlap tawha, a nilah tâwp mai a la tum lo nge a che duhthawh tial tial bawk si. A tâwpah chuan a hma aia na a rawn che in ka ṭhen chak chaka, ka chungah chuan a rawn bawk zawi nghal hnawk mai.





Thaw dûn halh halhin ka sîrah chuan a rawn let thla a, ka khum a te bawk nen kan tawt lam chu a ni e, a ni phei chu khum mawng lamah a ke a lawr zuah mai.




“Tun bâk chu awm dûn tawh lo ang, a ṭha lo emai. Khawngaihin i bula ka thawh chu la phalla, mahsela tûn bâk hi chu mu dûn tawh lovang. Ka mualpho phah thei asin" tiin amah chu ka ena, min chhâng mai lo in chunglam enin thawk a la ham hama.








“Damdawi chu ka va lei lawk ange" a tihchuan ka danga “A ngailo, ka pai ka ring lo. Ti hian kan inkar chu tâwp rawh se" ka tihchuan a lungawi loh hmêl leh tawh viau, ka banah rawn manin alamah chuan min pawt hnaia “Kha thu kha sawi sek suh, ka ngaihzâwng i ni tawh ang ka ti a ni lovem ni?" a tihchuan ka ner saka.








“Ka duhlo ka taksa i duh vang a nih kha" ka lo ti leh hman hmawh chu ka kut chu hmer na sauhin “Ṭawngkam ngeiawm lo hi i chhak chhuak thei lo em ni? He i lei li hriam zet hi tâwp tir tawh teh, hetiang em ema ṭawng thei mai. Eng ang hmeichhia nge maw i nih teh hrep ni, a thleng tûr ang a thleng zo vek tawh, Min mamawh zia chu i tihlan chian tawh kha" tiin min en renga.








“Hmeichhia ka ni, chu chu a nimai, ka ṭawng theih ve bawk lohin hna ka hmu thei nâng, haw tawh rawh" tiin a awm lohna lam zâwng chuan ka inher nghata. “Ka thusawi i pawm loh chuan heti hian kan awm reng thovang; tin, i bialpa bula lêt te kha i tum ange, in pahnihin ka chan darh ang che u" tiin ka hnunglam aṭang chuan min rawn kuaha.








“I rapthlâk kha a nih chu, i duh leh hmeichhe dang va zawng rawh. I bialnu nih chak an tam kha, va kal rawh" tiin ka nghawk zauha “Awm hle hle rawh, hmeichhe dang chu nang i ni hleinem, ka hmu hnem alâwm. I sawi dik e, ka bialnu nih châk hi an tam a sin, i khum hi a te mah mah a nih hi" a tizuia.







“Ka mutna tura siam ania, i mutna tura siam a ni hleinem. A tê i tihchuan tho la in ha in haw rawh, i khum a zau ang chu, mi hausa in chu engkim a ṭha chi vek alâwm awm ni" ti hlakin ka inhera “Ṭawng reng lo teh, tinge mi hnial hi i hrât viau ni? Min hnial leh chuan hmangaihna ka chenpui leh ang che, i duh loh chuan ngawi hle hle rawh" tiin a ke khum mawng lama lâwr zuah chu a ena, a tawm nghal hlun mai.







A rûk chuan ka nui tet teta, ka lakah chuan a lian bawka, ka khum chu a tân chuan a lian rêng ang chu. Ka siam tir dâwn khan a ni awm ve heklo, keima tiat te in siam miau hek.






Min kuah chung chuan ka chhîp zâwnah chuan a thaw ham hama, ka ngawi ve ta kar mai. Mahsela, ruaka kan la awmna chuan min ti tim deuh bawk nen ka awm thiam chiah lo, a tâwpah chuan tho chhuakin thawmhnaw ka inbela, ka mu ṭha leh ta chauh va.







Ka chet dan chu min lo en reng thung, a ni erawhin ruaka mut chu a pawiti vak lo anih hmel “A hma pawhin min ngaihsak ngai tawp siloa, tinge tunah min ngaihsak thar chiama?" tihchu ka zâwt leh phawnga.






Ka hre châk miaua, insûm vêl kha ka peih ve lo “A hma in hrechiang che ila chuan ka ngaihsak ang che chu, i office rawn kal ṭhin dânah hi chuan mi bawr chhawr zet i ni tih te i in hre ve ang chu maw? Bawlhhlawh bâwm hai zo hlim i ang tih hi" a tihchuan ka ner nâng mai, ber kher chuan a.






“Awihawm loh emai, mu ang engmah ka sawi peih tawh lo" tiin ka mit ka chhing daiha, a ni pawh in engmah a sawi tawh lem lo. Ni e, ka inchei ve thiam lova, ka sam a kîr bawk nen ka lang nalh lo ve hle ang chu, hei vanga ka bialpa pawh khan min kawp kha a ni rênga.





Pawi pawh ka ti lêm lo, ka nihna a ni a.Ka pianpui taksa hi ka zahpui peih ve vêl lo ve, chutia kan ngawih reng tâkah chuan mut chhuakin min rawn zemin ka mit chu ka chhing zui ta diar diara, reiloteah ka muhil nghâl ta vat renga.





Zînga ka harh chuan alo awm tawh miahlo, a haw tawh a nih ka ring. Ka thaw huai mai, ṭhenawm ten an hmuh leh chuan an sawi darh leh emaw a ni anga, ka tân a buaithlâk dâwn tih ka hria, mi chanchin sawi nuam ti hlir kan ni bawk si a, Thanpuia lah hi a luhlul hmêl bawk si. Tihdan tur tak pawh ka hre tawhlo.






Tho chhuak in ka intifaia, rawng chu bawl zuiin hna kal a ngai leh dâwn tih ka hriat avang chuan ka hmanhmawh viau bawk. A bulah kher ka thawk tur hian min ti awm nuam chiah lo, a hun hma in sex kan hmang ta zêl chu ania, ka tân ka inchhirna kumkhua tûr nge a nih anga ka vanneihna tur? Engmah ka hrethiam ta hauh lo.






Engpawh nise, tumah belh tur leh mi hau tu tur ka nei chuang lova, ka hma huna thil lo thleng tûr chu keimahin ka hmachhawn zêl mai ang chu. Belh tur nei lova, nu leh pa tak ngial pawh ka neihloh laiin enge ngaihpawimawh tur vak ka neih chuan ang ni.






Chaw eikham chuan insiam malh malhin pawnfên ka feng leh tawpa. Ka sam kir buk zet chu ka ṭawn khâwm bawk, ka hmêl chu ṭha lo titu chu ka hre bik lova, mahse ka inchei thiamlohna ber hi mi min sawisêlna a ni ṭhin. Mi kan zeilo a ni ve maia, mi inchei dân lehzêl pawh kan sawi peih ṭhin hi chu an buaithlâk.









Mi nun chhe lai sawitur hre deuh te hian hlawhte hi an nei ve nge ni, tunlai khawvel ah Social media aṭang pawh in kan hriat ve pawh ni hleilo kan han rêl vak zela. Chutih rual erawhin mi diklo erawh enliam an harsa ṭhin thung.






Ka thlen chuan office ah a lo awm reng tawha, a fresh leh pek hle. Coat vel a hak thlup phei hi chuan a zahawm ngawih ngawih zêl.



CONFERENCE HMAN CHHÛNG CHU KAN DAH TAWI DEUH ANG AW.

❤❤ In chhiar zawh rualin out nghal mai lo in ads a hnuai a mi khu min lo click sak ve hram dawn nia, in fel kha ❤❤

[mawitei bawihtlung]

KA LALPA





CHAPTER 3





“I va rawn thleng har em em ve?" a rawn tih nghal hluk avang chuan sana chu ka melh zauha, nidangah pawh heiai tlaiah ka kal pawhin ka tlai ngai tawp silo. Kal hma ve pawhin a lo phun peih tho chu ka ngei lek lek mai “A hun chiah zâwk a lawm, hna ṭan hun pawh ala nilo a, i kal hma vâng maia" tihmakin ka chairah chuan ka ṭhu thla a.







“Min hnial ziah suh" ti hlukin ka bulah chuan a rawn kal pheia, ka lo en kar mai. A bula ka awm tawh hi chuan hlauthâwng ni chiah silo hian ka lung hi a phu dawt dawt reng mai chu a nih hi “Enge i tih dâwn? Rawn .....rawn kal hnai tawh suh" tiin thawh chhuah ka tuma, chuveleh rang zet a min rawn man in ka kawngah chuan a kuah rana.







“Nizan kha chuan ka hming lam chungin i au chhuak a nih kha tiraw?" tiin ka biang vel chu a rawn nul thuak thuaka, midang an rawn luh ka hlau bawk nen ka namsawn vata “Khatiang sawi ziah suh, sawi nawn kher pawh a ngailo. Tûn aṭang chuan thlen nawn tîr ka tum tawh lo, hnathawk turin helaiah hian ka rawn kala, nang nena infiam nan hun ka neilo" tiin dawhkan bawh chuan ka ṭhua.








“Ka bialnu i ni tawh ka tih kha, min hnial reng lo teh. Engvanga ngeiawm em em nge maw i nih ni" tiin dawhkan chu a rawn beng ri thlawpa, a va han thin chhe tak. Doctor bula in entir chi chu anih hi, a mâwl deuh nge maw ni? Mahse mâwl chu nise hetiang dinhmun hi a thleng lo ang, a fing lutuk zawk tihna.







Huiham! Engpawh chu nise hnaih loh hi ka himna tur a nih hi “Bialpa neih ka tumlo, bâkah nang ngat phei chu ka duhzâwng pawh i nilo, min rawn tibuai tawh lo teh. Hna thawk tawh ang, hlawh ka nei ve si a hna ka thawh ṭhat loh chuan nangmah tho in a nia mi sawisêl dâwn ni" tiin ka kut ṭang chu ka thliak ri khep khepa.








Lungawi lo zeta a kalsawn chu melh zawkin ka thaw huai thung, a chhelo ropui sia. Ka hnar theih loh ka hlau, a hausa bawk nen hnaih ka duhlo, kan inthlau bawk si. Bakah mipa hmelṭha leh hausa deuh chu an lerh duh tih ka hre ve tlat, bialnu hausa ve tho an neih loh phei chuan an in duhtawk thiam bawk si.







Mipa hmelṭha leh chhelo deuh hi han chik mah ila, an hmelhriatte lakah a nih loh chuan biak leh kawm an har faka, bâkah an hmelṭha tih inhria in an chapo ar zel mai a ni. Chuvang chuan Lalthanpuia pawh hi hnaih loh law law a ṭha zawk, bakah ka taksa a duh vâng mai mai bak a ni lo ang.






Keiai a ṭha a hmu ṭeuh dawna, engvângin nge chung ho hnawla kei mi ṭhing lutuk leh sam bawr chhawr zet hi min thlan tehlul ang, reilote nawmna chenpui atân bak min ti lova nge.





Hna chu ngawi rengin kan khawih duna, a chângin sum la chhuak duh an awmin min chhuahsan leh ṭhin bawka. A buai tâk avâng chuan inbiakna hun pawh kan nei ta vak lo va, ka thaw huai mai. A lerh ve bawk sia, biak tam vak ka duhlo.







“Miriam chhun chaw kan ei tawh dâwn em ni? I hman em?" ka ṭhiannu chuan min rawn texta, boss room-a ka awm tâk avang hian min au lovin a rawn text mai zela, ni e, rawn lût ringawt dawn se pakhat pa hian engtin nge a tih ang tih pawh hriat a ni silo.






Ka hna chu a laklawh lem lo bawk a, sana ka en chuan chhun chaw ei alo hun ve tawh bawk nen ka pawi ti lemlo “Sir, lunch ei turin ka kal tawh dâwn a sin, ka ṭhiannu in min lo nghâk tawh a" tiin ka va be hmasa a.



(COMMENT MIN TAIMAK SAK ULA AW)


Mi pawh en lem lo chuan “Kan ei rual dâwn a nia, tikhan lo awm rawh" a ti leh tawh. Tinge tinge, naa ka ning lutuk, mi thlah fal hi a hlau ni berin ka hria “A ngailo, restaurant thil i ei ngaihloh kha. Bâkah tiffin i pai a ni lo'm ni? Kan lo va kal mai ang" ti a kal luih ka tum chu “Ding rawh" a rawn tinghal hrawka.





Ka ding chiang khawp mai, a aw a khauh fer fur bawka kal luih ngam chi pawh a nilo. “Ka hnuaia thawk i ni a, ka thu chu i pawm mai tur a ni. Kan eidun ang ka ti a ni lo'm ni?" tiin a rawn tho chhuaka, ka chhâng ngam tawh lo, amah chu nghakin ka ding ngawi kar mai.





“Kal ang" tiin a chhuak zuia, a hnungah chuan ka zui ve zel ringawt. A hnunglam aṭanga melh bak tih theih ka neilo, biak hrep ka chak a, mahse kan pu a ni bawk si; Dodoin min lo hmuh chuan a hmui phunin thil awmzia min lo zawta “Kan bulah ei ve a tum a nih hi, kal phawt ang" a bengbulah chuan ti sa sain Thanpuia chu kan zui vata.







“Tinge i rawn hruai? Awi kan ei ṭha ngam dâwn em ni?" ka ṭhiannu lah chu a lâwm lo nasa mai, lâwmna chi ni nghal lo chuan ni e, hepa bula awm hi chu a nuam lo ve thlawt alâwm. “A mahin a duh tlat sia lawm, kal ve zel phawt ang" tiin a hnung lam aṭang chuan kan in be pah char chara.








“A duh che a ni hrim hrim, chu lo nise nidangah pawh a office ah a ei ziah kha. In ni em ni?" a tihchuan ka lu ka thing nghal nawk nawka, engvanga tûn ataka kan bula ei duh tlat nge a nih tih hi keipawhin ka hrelo.





“Sawi suh, kan nilo nasa lutuk, saw a lût tawh zui vat ang" tiin Thanpuia chu kan um hlawk hlawka, a ngal a chak bawk si. Engtin nge alo va thlen hman ni, a leh lamah chuan ka ṭhiannu nen kan in biak theih phah a, a ṭha zawk. A ni a awm ve run chuan a lo hre palh ang tih pawh a hlauhawm.






A thinchhe ve sia, a chungchang kan sawi tih hria se min pawt phar dawr dawr duh ang chu.





“Ehe! Pu Thanpui i lo châwl ve dâwn em ni?" dawr neitupa chuan a lo chhâwn vata, mi pawimawh chin hi chu an hriat ṭhin “A nih hi, ṭhutna min lo kawh hmuh dâwn em ni? An ni pahnih tel hian" tiin keichu min rawn ena, ka kutah vuanin alamah min pawt hnai bawk.








Mi karah a mawilo tih ka hriat avangin ka awmsawn duh lem lo, engvanga hetianga awm tlat nge maw a nih le? Ka ṭhiannu lah chuan min en haw lehnghala, a bulah kan in ngaihzâwn loh thu ka sawi tawh bawk nen min rinhlelh loh hrâm ka beisei.







“Helamah hian lo kal rawh u, enge in ei duh ang?" tiin min zâwt zuia “Sawhchiar kha a nimai keichu" ka lo tihchuan an ni pahnih pawh chuan ka chah ang chu an chah ve nghala. Hmm, ka ei ang ei kher a ngai emaw ni, engmah sawi tawh lem lo chuan ṭhutna tur min kawh hmuhah chuan ṭhu thla in châwl ve dangte inkawm khawm chu ka en mai maia.








A ṭhen chu in ngaizawng te an nih hmel, restaurant chawl ve ziah mah ila ei tur vak ka hre ngailo, chu ai chuan in lama mahni duhzâwng tak siam hi ka duh daih zawk. A hlawk zawk bawk, thil tlem te te to deuh deuha leichu a hlawk lo ve em a ni, an siam tui lêm loh phei chuan sum a uiawm ka ti.







“Intur induh tel em?" Thanpuia chuan min en chungin a rawn tileha, mi kâra mi a biak dânah chuan mi a care ve hmêl viau mai. Keilahin hnaih mai mai ka tum der silo, ka lu chu bu nghatin phone chu ka en san daiha.







“Bia la, keichu engmah ka sawi ve ngam miah lo ania. Nangmahin be zêl rawh, keichuan ka be ngam lo" Dodoi chu ka bengbulah a rawn phun sar sar mai, engvanga ṭawng ri ngam miah lo nge maw a nih ni? Ka tilui hrep zawk dâwn emaw ni.







Thanpuia chu ka en renga, a ṭhu fel thlupa, a phone enin thil a type mual mual mai. Biak tur te hi a ngah awm ka ti, englai pawh hian thil hi a type mual mual reng mai “Ka mut a chhuak lutuk," tiin ka ham zui bai baia, chutih laia a rawn nui suk pawh ka hmu thei.







Kan thil order chu an rawn chhawp zung zunga “A duat vêl che e, ka thik e a, keichu bialpa pawh ka la nei thei lo chu ania" henu lah hi, mi hmeh bel phet a tum reng mai.






Chhâng duh lo chuan sawhchiar chu ka ei nghal zung zunga, intur an rawn chhawp chu ka lo tem pah bawk. An ni pahnih erawh an ei muang dûn viau, an ril a ṭam lo emaw ni? Dodoi chu a zâm vang tih ka hre mai.







“Ei zung zung ila lêt phei vat ang, helaia awm reng chu a ninawm" tiin ka ei zawm mawlh mawlha, chutia ka tih tâkah chuan an ni pahnih pawh an ei chak dûn ta phian mai. A rûk chuan ka nuih duna, an va han hlau awm ve mawle, phone ringawt kha an en ka duh lo miau a lawm.









“Ka kham ta" tiin intur zâwk an rawn chhawp chu ka in zui khalh khalha “I duh belh em?" Thanpuian a rawn tihchuan ka lu ka lo thing nar nar thung, chhûnah hi chuan thil ka ei thei vak lo. Thei thur hi ka heh em em ringawt.







Kan ei zawh chuan ei man pek kan tum chu Thanpuia chuan phallo in amahin a pe veka, ka ṭhiannu lahin a lâwm thu leh kei min kawm chu a vanneih thu a lo sawi ve sek lehnghâl. Kan nilo ka tih pawhin a awih duh heklo “In mu dun hial tawha, in inkarah engmah awm lo ang chuan min hrilh duh lo mai rawh" ti ve tlat, a buaithlak a nih ber hi.







Engmah ka sawifiah peih tawh lo, a awih dâwn chuang lo bawka. “Awi saw theihai ka ei chak lutuk" tiin kawngsira an theihai zai lêp sa pitar pakhatin a lo zawrh chu ka pan dawna, Thanpuia chuan min lo dang leh tlat tawh “A tenawm, hrisel pawh a hrisel lo ang" a tihchuan ka melh ngheka.







“A tenawm bawk lo, min thlah teh. Ka ei châk ania, keiin ka ten hleinem" tiin ka kut chu thingthla in 100 man chuan ka la sa a, chi thak nen a awmsa bawka ka ei nghal char char, thei thur lam hi chu ka ngaina ve thlawt alâwm.




ZAWMNA...





“Kha ei ve rawh u" ka ṭhiannu hi chuan a ngaina lo tih ka hre phawt, thur lam hi ei ve zeuh zeuh mahse a nazawng chuan a ei duh hauh lo, rin ang ngeiin Dodoi chuan a lu a lo thing nur nur mai. Nui hakin ka ei hmarh hmarha.








“Boss, kha ei ve rawh" Thanpuia hmui bulah chuan ka daha, alo tum hmuk mai “Theithur ei rual niin min hmu em ni?" a rawn ti hluk mai, em em hiana. “Theithur eiah kum bi thliah a awm em ni? I mak kha a nih chu in duh loh leh ka ei vek thei" tiin ka keih tau hmawk hmawka.






Bank lama kan lêt leh chuan min lo en hlawm ha ha mai, mak an ti pawh a niang. Hepa pui hi pawnlamah thil ei chhuak ngai heklo, ka ṭhiannu nen chuan inthlahin office chhûngah chuan ka zui luta, kawngkhar ka khar fel chiah tihin ka hmuiah ka thil ei lai lai chuan a rawn fawpa, mahse reiloteah a awm sawn nghal, a ner nasa lutuk chu ka nuih uar uara.








Ka theihai ei a lem tih hriat takin a thur ti chu a ner nawng nawng mai. “I van chawh tak, enge mi in rin hma a i fawh ziah, kha hei pawh hi ei ve law law rawh" tiin ka theihai ken chu ka pe a, “I ei loh chuan min tawk tawh hauh suh" ka tinghal zat bawk.







Chuveleh a kâ rawn ângin ka lamah a rawn kûn hniama, ka lo barh nghal vat. A hma ang em em chuan a ner duh tawh hauh lo, a ṭhial nuap nuap mai, ner leh se ka tih nen, pawilo a ei tho va; a ṭha mai.




Duhtâwk rihin ka bagah chuan ka la ei loh ho chu ka dah ṭha a, ka chet mawlh mawlh lai chuan ka biangah chuan a rawn fawpa, ka lu chu herin ka mit ka sân zauh mai. “Min bialnu chei tawh suh ka tih kha; ka tan a nuam miah lo a nia aw" ti nâng nângin amah chu ka ena, miin min sawi duh leh dâwn si mi hausa deuh duh chu sum duh chhuahin min chhuah leh anga ka duh ve lo.







Hausa ve chu ni ila a âwma; mahsela ka hausa ve miau silo. “Engvang chuan maw i tân a nawm loh a? Kei hi ka ṭha lo viau em ni?" a rawn tih hmuk chuan ka lu ka thing nar nar mai “Chutiang pawh a nilo, i hausa a kei ka retheia, kan inmil theilo vang, nakinah nangpawhin min la iai phah thei, ka duhlo" tisapin ka ngaihdan dik tak chu ka hrilha.







A kut zungchal chu dawhkanah a tlir dat data, a awm danah chuan ka thusawi chu a ngai holam hle tih ka hre mai. “Chu chu maw i buaina? Hausa rawh ka ti hleinem che, ka tân chuan ka hmeichhia chu a hausak leh retheih a pawimawh lo, ka tan awm sela. Ka duhzawnga a awm phawt chuan a dang chu keiin ka ti thei alâwm, hmeichhe châwm tur hmuhin min hmu em ni?" tiin ka hmui bulah chuan a rawn phun a.








A thaw lum ham ham te chu ka hrechiang viau mai, “Min hrilh teh, hna neilo hmuhin min hmu em? Hmeichhia zawk in châwm tîr ka duhin i ring reng reng em?" ka hmui chu a rawn hrut thuak thuaka “Hre reng rawh ka bialnu i ni tawh tih kha, thil dang sawi angailo, tûn aṭang chuan ka duhdana awm tum ang che" tiin min pawm nawlhin a chair ah chuan min ṭhut thlakpuia.







Lo talsawn lam pawh ka tumlo, a mi tih ang ang chuan awmin ka nui var var ringawt, ka chau bawk nen tûnah rih chuan ka chawlh hahdam theih nân ka tlawn a ngai tlat “Duhtak, nizân kha kan mu ṭha lo bawk sia ka muhil mai dawn asin" tiin a awmah chuan ka chûl sak riak riaka, a rawn thaw hak mai.







“I kut kha awm tir hle hle rawh, i mi tawhna hi a danglam bik tih hria la. Office ah ka tih i duh te a nih loh chuan khati khân ti che zet zet suh" a tihchuan rang zetin ka kut chu ka dahthla a, a rawn nui nghawr dat mai. Engvanga kei hi min duh ta êm êm nge a nih pawh ka hrelo e a, ka tân chuan a sâng mah mahin ka hria.







“Tinge min duh? Ka bawr chhawr i ti lo em ni?" ka tihchuan nui sukin ka chalah chuan a rawn fawpa, vawiina a awmdân hi a dang riau, mi angaihsak bawk si. Bâkah a cool dân hi hmeichhe rilru hneh chi tak a ni, hetiang hian awm reng se a zûnah hian ka uai hneh viau ang, heti pawh hian a ruk tak chuan ka duh em em chu a nisia, chuti nilo se a lakah ka in phal teuhlo.






Hmeichhia pawh hi kan duh te lakah lo chuan kan in phal bik lova, mi awm ṭha duh lo tak te an nih loh chuan kan mipa duhzâwng tak tan lo chuan kan inphal ngailo an lo tih fo kha.






“I hmelṭha a lawm, chuan i taksa hi a nem in deh anuam em em bawk. Bawr chhawr in tilo la, i chhelo lutuk tih hi in pawm tawp rawh, muhil la keiin hna ka lo thawk ang" a tihchuan awmsawn tumin ka che a, a lo phal leh siloh avâng chuan mak ti deuh tak hian ka ena “Enga tinge? Mu rawh iti bawk sia" ti ha in a kut chu laksawn ka tuma.









“Tihian muhil rawh, i taksa chêr zet hian min ti buai phalo, bakah ka hlata awm turin ka duh lo che." tiin laptop chu ala zuia, a dawhkân a len ang aiin computer vel nên chuan a hnawk ve viau mai. Awmsawn duh bik ta lo chuan a malah chuan amah kuahin a âwmah chuan ka bei chiala, ka thaw chhuak suai suai mai.







Ka mengrei bawka ka mitte hi a sa ut utin ka hria, a ni pawh ka mut nawm theih nan a insiam rema, a ṭhu mu deuh bawk nen ka tân chuan a hrehawm vak loh “A hrehawm i ti ange aw? Hrehawm i tihchuan ka insawn thei ania" tiin inthlahrung tak chuan ka zawta.







“Muhil phawt rawh, haw a hun mai ang. I chau i ti a ni lo'm ni? Muhîl vat mai teh" a rawn tihleh tâkah chuan ka hnial buai tawh biklo, ka mit chu chhing thuaiin ka thaw zui ta sak saka.







A rim tui tak te, a taksa lum ham ham leh amah a awm pharh hlai hlap mai te chuan min hneh ngawih ngawih tawh. A ban tha chak tak min kuah bet tu te chen chuan ka hrechiang viau mai.






“Mira" chu aw chuan ka bengbulah ngei a ni min rawn koh ni, mengchhuak riai riai in Thanpuia nen chuan kan in en ta chata. Ṭum dang ang lo takin a mitmeng chu a dam dapa, mi duat hmel hliah hliah hi a pu bawk. “Engtin nge min koh kha?" ka hrelo pawh a nilo, mahse khatiangin tumahin min ko ngai lova, mak ka ti mai mai.







“I hre duh takzet amaw?" a tihchuan ka bu nghauh nghauha, a dangdai ka tiin mawi ka ti bawk. Miriam tih hian miin min ko tam bera, ka ṭhenawmte ho erawhin Sangsang min ti daih thung. Mahsela, Thanpuia min koh dan chu a mawi ka ti riau mai “Mira ka ti che, i duh lo em ni?" ka hmui vel chu arawn tuai thuak thuaka.









A mal chungah ka la ṭhu ta reng bawk, hepa hian zawi zawiin min hneh telh telh nimaiin ka hria. A zûnah hian a ni telin ka uai ani ber tawh, mahsela engmah sawi ka tum lem lo.






“Than i awm em?" hmeichhe pakhat leh mipa pahnih an rawn luh thut avâng chuan in siamṭhat hman a ni tawhlo. Kan inpawm dân ang ang chuan min rawn hmu zuia, ka lo ner deuh sak mai, a va hun lo tak. Chu hmeichhia in min rawn hmuh lah chuan a hmel chu thinrimna in a rawn khat nghal tih a lang reng bawk.







“Tunge he nu hi?" tiin keichu min rawn kawka, mipa pahnih erawh an lo nui suk suk thung. “Ka bialnu a nih hi" Thanpuia lah chuan en pawh en ngut lo hian a lo ti a, chunu chu a ngai pawimawh lêm lo hle tih a hriat, keichu ka lo nui sak thung. Min hmu tawh ta rau rau chu awmsawn pawh ka tum lemlo, bakah Thanpuia hian min namsawn a tum tlat lo.






A awm danah chunu chu a mil lêm lo hle tih ka hre mai “Duat ka chau riau ka tih kha, tirawh haw tawh ila, haw a hun tawh hrim hrim a nih hi" tiin a nghâwngah chuan ka kuaha, min rawn nuihin kan tho chhuak zuia.







“Hetiang hmeichhe sam buk lutuk hi engtin nge keiai i thlan theih zawk?" a thusawi duh dan chu ka eilo lutuk tlat. “Ka sam chu a kîr vang ania, ka hmêl chhe hek lo le. Ka sam chu lo buk mahse nangai chuan ka hmelṭha zâwk hrim hrim" mipa pathum chu an lo nui phuh ṭhawta, chunu lah chu a thinrim hmêl sauh thung.









“I va han zak thei lo ve, nang mi ṭhing lutuk" tiin min rawn kawk khur hlawk hlawka, a ṭawngkam hi ka ngeih loh chi a ni bawk nen ngawih mai mai ka tum lo “Ka ṭhing nân mahse i mipa duh hi ka ta a ni tlat, chhuak teh. Helaiah awm pawh a ngailo" tiin ka nawr chhuak dawr dawra, a lo ṭang ve tak nangin min hneh teuhlo mai.








Thinrim zeta a chhuak tau vawk vawk en chuan ka nui var vara “Wow ṭhiana, i va hmu ṭha piap piap ve le, pui lutuk. Bialnu huaisen zet i nei a nih hi, kan mihausa nu pawh a um tlân ṭhak thei a nia" mipa pahnih te chu an lo nui leh ṭhaw tawh mai, enge maw an hriat dâwn ni.









“I lo huaisen hle mai a, tirawh le haw tawh ang hmiang. Enge nang ni pahnih kha rawn tih in tum?" tiin a ṭhiante lam chu a ena, an ni pahnih chu an lo la nui reng mai. An va nui peih tak “Kan rawn kan mai mai che, taka naktuk zân kha ka pa Birthday tih i hriat kha, rawn kal ve la. Nangpawh lo tel ve rawh aw, ka duh riau mai che" pakhat zawkin min rawn ben thuk thuk paha a tihchuan Thanpuia chuan a lamah min pawt hnai nghal thuaia.








A ṭhiante chuan mit san uk ukin an nuih ringawt bawk. Hepa hi a thikthu a pe chhia emaw ni, rapthlak hian “Kal vat ang u, ka ṭhiannu nen haw rual kan tum ania" tiin kal mai ka tuma, Thanpuia chuan min man betin “Ka rualin i haw ang, tirawh u chhuak ang u; rawn kal kan tum dawn a nia" tiin a office aṭang chuan kan inzui chhuak hlawma.







Dodoi chu Thanpuia ruala ka haw tur thu ka hrilh chuan a lungngai viau dâwn emaw tihlaiin a lo hlim em em zâwk lehnghâl. A ṭhiannu hi min ngaihtuah thlawt lo, mipa te hnungah chuan muangchangin kan kala, ka phur lo takzet.







“Lut rawh le, i hmanhmawh kha" Thanpuian a tihchuan ka ṭhiannu chu mangṭha in a car chhungah chuan ka lut zuia, a ṭhiante pahnih pawh in car an rawn keng a nih hmel. Pakhatina Dodoi a thlah tur thu a sawi chuan ka lo thaw huai mai, ka ngaihtuah ve ṭhin. An in a hla ve bawk si a, a tlai deuh phei chuan mahnia kal fal hi chu hetiang khawpui angah hi chuan a him lo ve riau zêl bawk si.









“Ka inah i rawn riak dâwn em ni? Naktuk chu kan pahnihin kan chawl mai ang chu, party naah hruai ngei che ka duh si a" a tihchuan ka en pheia, car steering her kual tîr pah chuan min rawn melh zawka.








“Ka duhlo, hmelhriat pawh ka neilo a, engah nge hna chawlh kher chu. Ka hmelhriat pawh nilo Birthday partyah ka kal duh teuhlo" tiin ka kut chu ka kuangkuaha, engvanga min hruai pawh chu duh tlat nge maw a nih le? Nge ni a mi hmaah a bialnu ka nihzia lantîr a tum zawk?






“Min hnial reng lo teh Mira, ka ning ania. Thu awih tak hian awm ve teh, hetiang reng chuan a buaithlâk, ka inah riak la tichuan chhûnah i incheina tur kan en ang" a tihchuan chhan buai pawh ka peih tawhlo, min tilui leh dâwn tho. Chu ai chuan tlân bosan nal nal ila a ṭha ber ang.

NAKTUK ZAN KA CHÂWL AW

[mawitei bawihtlung]

KA LALPA




CHAPTER 4


LIKE LEH COMMENT TAIMA HRAM HRAM ANG AW

“A van nuam tak" a khumah chuan duhtawkin ka zuanga, a dup nuam bawk si keimah chuan naupang ang mai chuan ka tur pakak a, ka nui pah har har bawk. Bathroom aṭanga a rawn chhuah rual chuan min rawn pana, towel chauh a veng bawk nên a pian nalh zet chu a lang chiang viau mai.







Lo enkarin ka zuanglai pawh chu ka tawp chata, bathrobe ka hak sak bawk nen ka ngal rek thleng chuan a khuh thla hlapa, a mah lah chuan hmuhnawm ti zetin min lo en thung “I inhmeh hle mai" tiin ka bulah a rawn ding hnaia, a sam aṭanga tui la far fep fep te chuan a ti lang sexy zual, movie vela mi ang mai a ni.







“Naupang emaw i inti em ni? Khuma zuang vak vak rual pawh i nih tawh loh kha" tiin a nui suka, alamah min pawt hnaiin min chawi nawlhin khumah chuan a ṭhu thla a, keipawh chu a mal chungah min ṭhut tirin ka biang vel chu a fawp zauh zauh mai.







“Mu tawh ang, ka mut a chhuak tawh" tisapin ka awm sawn deuha “Tinge min hnar ṭang ṭang reng le, Mira ka lakah hian hlauh tur i nei em ni? Min hlau tiraw?" a tihchuan ka lu ka thing nak naka.






“Ka hlau tawh lo che" ka tihchuan a nui suka, ka dârah chuan a rawn fawp zauh zauh mai. “Vawiina hmeichhia kha tunge a?" ka hre châk tlat pek, a bialnu nilo se khatiang taka a rawn awm ngam ka ring lo.






“Min duhtu pakhatah ngai rawh, chuan kan thil tum kha kan ti ngei dâwn tih hria la, i sam pawh hi kan siam ṭha vek ang" a tihchuan ka ner nâng mai. “Ka nihna ang anga min pawm thu kha i sawi ve sia, milo pawm vek tak tak lo a nimaw?" tiin ka kut chu ka kuangkuah hmaka.







Amah pawh en duh lo chuan ka tum luau mai “Khatiangin awm lo la, i hmelṭha ka ti em em tho che alâwm. Mahse tuna i sam nên hi chuan Phungpuinu i ang lutuka" a tihchuan a âwm ah ka bensak nghal thlawp mai.







“Ka nihna ang anga min pawm dâwn lo a nih chuan min hnaih miah suh, ka nihna anga mi pawm theilo a nih chuan min duh tak tak lo tihna" tive hmakin thawh chhuah ka tuma, min man nghet nghal sauh mai. Ka tâl ve tak nâng in ka thei bawk silo.






“A kawi zâwngin ngai lo la, keichuan i nihna ang angin ka pawm che alâwm. I zah ka hlauh avâng zawk ania, kan kalna tur hi mi hausa tak tak vek kalkhawm tur an nia, i tân a nawm loh ka hlauh avang zawk a nia, an kawppui te an in chei vek dâwn a" a tih takah chuan ka inthlah dul ta deuha.






A ngaihdan chu ka hrethiam, a ni chuan min zahpui hauh lova. Mahsela midangin hmusit taka min ṭawng khum a hlauh avang zâwk tih ka hrethiam ve chiah, ni e nuam chu ka ti miah lovang.






“I bialnu ah chuan min ngai tak tak em?" tihchu ka zâwt ta daiha, nui nghal var varin ka hnar chu a hnar chuan rawn tawh tirin a lu chu a thing nak naka, “Ngai chiang emaw le, i taksa ka tawh aṭang khân nangmah lo ka ngaihtuah thei ta meuhlo a nih hi, i ngawl ka vei tawh niin ka hria" tiin min zût zui riak riaka.






Ka mit chu chhing diar diarin ka thaw tawi hak haka, a dar chu ka hmer vak bawk. Ka bathrobe suihna chu phelh in khumah chuan min delh mu zuia, ka hmuiah chuan a rawn fâwp nghal chat mai. Thawk la ham hamin ka lo chhâng let ve zela, a towel ven chu phelhin a paih sawna, a hnuaiah engmah a ha tawh lo.








Kîr leh thei tawh lovin kan pahnih khawvelah chuan kan chêng dûn leh ta delh delha, a taksa a min kuah betin ka samah chuan a chul hliau hliaua, a thawk la mumal lo zet avâng chuan duhthawh zetin boruak chu a hip lût leh kawk ṭhin; keipawh ka ni tho. Hetiang em em hian a danglam ang tih ka hre lo, ka tân chuan mi danglam tak a ni.





Bialpa ka lo nei ve tawha, mahsela hepa laka ka in phal ang hian tu lakah mah ka in phal ngailo. In sum tum viau ṭhin mah ila alakah hi chuan ka nem leh ṭhin, ka tân hian a danglam bik te pawh a ni mahna.






“I na em? Ka tina che em?" a tihchuan lu ka thing nak naka,  “Nangmah zâwk?" ka tihchuan nui hakin a hnungzang vel a thip thu chu a sawi ve sup supa, ka tin a sei ve bawk nên a âwm ve tho mai.






“Mu ang, a tlai tawh emai. Naktukah inchei kan ngaih kha" tiin keimah zâwk chuan mut ka rawta. A ni pawhin min hnial lem lo, kan thawmhnaw pawh inbel duh lêm lo chuan kan muhil zuia.








“A sam kha pawh sak rawh u, tihdan tur in hre ber ang a hmai vel pawh kha chei vek rawh u" dawr neitute chu a be zung zunga, an ni pawh chu che zui sang sangin ka lu chu min suk sakin ka sam chu an pawt a, ka sam chu a ngil nghal zarh mai. Ka in en leh ṭhin, chutia a ngil tâkah chuan mawi ka ti phian.









“Ka sam hi a sei bâkah sum sen angai ve nasa si a, ka pawh tir duh ngailo kha a nia. Mahse, Thanpuia zarah ka landan pawh an danglam nghâl dawrhin ka hria, ka mit hmul pawh a lem vuahin ka khap fak faka, hun lah kan hmang rei reuh phian.







A tla dâwn ang tlat ten ka hria, ka mit a ti thip urh bawk. Ka hmai vel chu min cheisak leh in darthlalangah min in entir chuan keimah ngei pawhin mak ka inti, hetiang hian ka hmelṭha ang tih pawh ka ring lo. Ka hmai chu ka khawih ringawta, ka nui nghal sâng mai.







“I hmelṭha bawka, chei pawh i nuam. I bialpa lah chu a hmelṭha in a hausa bawk si; in inhmeh takzet." an tih chuan ka nui saka, ka hlim ve viau. Chutah min cheina room aṭanga Thanpuia awmna lam kan pan lai chuan ka khur der der mai.






“Kan zo tawh e" ti a min cheitunu in a va biak chuan ka lam a rawn hawia, a mengkawk mai. Mak min ti viau tih ka hre thei, mahsela a mitmengah chuan mawi min tihzia ka hailo, ka lam panin a rawn pheia. Thaw dep depin ka lo en reng a, ka bul a rawn thlen chuan ka lamah rawn kun hniamin a nui var vara.








“I hmelṭha zual sawt, zanin chu ka bulah awm reng ang che. Mipa dang mit i la dâwn tlat" a tihchuan ka nui haka “I duhdan a lawm, a tlai tawh hle mai. Lu lam khawih chhûng ringawt pawhin chawhnu kan thleng ṭhak ania" tiin ka phun sapa, chawhnu lam dar 3 a ri der tawh mai.








Rinai sam pawh vêl kha a lo hautak bawk nen min buaipuitu kha tam viau mahsela fimkhur a ngai bawk nen chet chak theih hek loh le.





“Kan haw phawt dâwn em ni? I kawr tur erawh in lamah ka dah tîr sa kha" tiin ka kawnga kuah chuan min chhuah pui zuia, engmah ka sawi buai duh lem lo. A ni hi chu a sângin a pian pawh a nalha, eng pawh ha se a in hmeh em em vek reng chu anih ber hi.








Haw pah chuan restaurant ah kan chawl a, zanriah ei kher ngai lovin kan ring tlang dawn bawk nen keipawhin ka ei nual mai. Thanpuia lah chuan mi a duat thiam hle lehnghâl.






“Thanpui, ei ve la" boss tih a duh loh avângin office pâwnlamah chuan ka ko ngai tawh lo“Ka ei a lawm; tin, Thanpui tih ai chuan Te min ti la ka duh zâwk, nangmahin a min koh chiah ka phal thung" a rawn ti ngeia.





“Ka ko lo mai ang che ka puar e," tiin dawhkâna tissue paper an dah chuan ka hmui vel chu ka hru faia, in lamah makeup inhnawih leh ngei ka ngai dâwn a nih hi.






“Min ko ang che, chutilo chu i châk lo viau ang" ala rawn ti zui. Engmah sawi lem lo chuan a thil ei chhûng chu mi ka lo biaksana,a ni pawh rin aiin a ei tam daih mai. A eikham chuan ei man te pe in min hruaichhuak leha,tûn ṭum chu ni dang aia zia a puiin thuneitu hliah hliah hmêl a pu bawk si.






A in kan thlen chuan ka thawmhnaw hak tur chu min pe zuia, a grey rawng niin a nalh viau lehnghâl. Nui chunga ha in darthlalangah chuan ka in ena, mawi ka inti ve viau mai.






A nipawh chu coat suit pawl tak ngak chu ha in ka lam a rawn pan a. A chhelo leh pek hle, ka hmuiah chuan hnawih sen hnawih ṭha lehin a lam chu ka pan zuia.







“I mawi lutuk tlat" inti tawnin kan in nuih dûn var vara. A tlai tawh bawk nen party na lama kal tûr chuan kan inzui chhuak zuia, miin engtin tak min lo ngai ang maw.







Kan kalna hmun chu ka hriatngailoh lam daih a ni. Mi hausa te hi chu an inpawh hi a pui ṭhin. Thanpuia chuan a ban chu chelh turin min rawn mitmei zauha, keipawh chu insiam rem sawk sawkin a bânah chuan kuahin inchhûng lam chu kan pan zuia. Mi pawimawh an ni bawka vêngtu an lo nei thlap zuia.









Inchhûng kan luh chuan mi an lo tam tawh viaua, min lo en ṭhup bawk nên min tizak ru viau mai. “Eheu! Ṭhiana, a va dang ta ve. A hnar hmawra khuavang hian chhinchhiah lo ila chuan ka hre dâwn lo a nih hi; in rawn kal thei chu a lâwmawm e" tiin nimina min sâwmtu ngei chuan min rawn pana.









Min lo la hre reng a nih hmel “I mit kha la sawn vat mai teh. Khawiah nge i pa chu?" Thanpuia chuan a lo ti bul hmuk thung. A lungawi loh hmêl viau lehnghâl, engah nge chutia a awm ngawt ni?





“An insiam anih kha, midang ka lo va chibai leh phawt ange, in tur an rawn sem kha" tiin a kal sawn zuia “Sawng mipa teh hrep sawn an en dân che saw ka duh hauhlo" tiin a phun hluka, a thikthu chhe lutuk chu mak ka ti zawk. A sawi mi ho ka en ve chu min lo en ṭhup tak taka.








“A ho lutuk, tirawh ṭhutna tur zawng ang, hetia min din tir hi i tum em ni? Ka ke a kham ania" ka tih tâkah chuan mi ṭhenkhat chu min kal pelh puiin ṭhutthlêng sei lo in hungah chuan min ṭhut puia.






“Thana chu i rawn hruai chhelo hle maia, kan lam pui ve thei angem?" ti a min rawn khawih mai a tum chu Thanpuia chuan a kut chu a vai sawn sak dawrha. “Khawih hauh suh, i duh chuan nula dang an tam saw" rum ṭha êl âwl a a lo tihchuan chupa chu za lo zeta ṭhen sak chung chuan a kalsawn zuia.








“Ka hlatah awm hauh suh ang che, kei tihloh tu mipa mah hnaih hek suh" midang thlir paha a tihchuan ka thaw haka, hmelhriat mah ka neilova, engtin nge midang chu ka hnaih hmasak ngam tehlul ang ni.








“Ka hria alâwm; chubâkah hmelhriat pawh ka nei lova tumah biak tur ka hre hleinem" lo ti ve in an in tur min rawn pêk chu ka in zui khalh khalha, midang chu inkâwm khawmin an ri zui dar dar renga. Keini erawh tumah kan be vaklo, amah Thanpuia rawn bia erawh an awm deuh renga.







Thanpuia lah chuan min kalsan a tum hmel der loh, a birthday neitupa ber pawh a tâwpah chuan a rawn lang nawlha. Chanchinthar velah chuan ka hmu ṭhina, chutia an in ngeia ka kal chu awih a har lek lek mai.



ZAWMNA




“Ka va kal lawk ange aw? Lo kal sawn lo la ka rawn kîr leh vat ang" tiin an rawn kohna lama a kal tûr chu min hrilh thlapa, chutia min ngaihsakna chuan min ti ngaih ṭha viau mai. A hausa a, engkim min hrilh leh min rawn kher ka ring lo kha ka tisual chhia va a ni.








Engkimah kei min ngaipawimawh thiam lutuk chuan a tira ka ngaihdan pawh a thlâk ve chiang hle.





“Nang nu bawk chu, Thana hi ka ta anih hi i hria em? Helaiah nang ang nula hnuai hnung lutuk hi rawn kal ngam tur i nilo asin" nimina hmeichhia bawk kha, a in ha chhing viau lehnghâl. A awmdan leh a inchei dan reng reng chu ka ngeih lo ve tawp.







“Iti ve ziah, mahse engah mah a ngai lo che chu a nih hi, taka ka bialpa a nia, mi bialpa ka ta lo tih ve ngawt kha a mawi viau lo aw..i hmu zo lo viau a nih chuan sawi la ka lo zawn sak ang che" ti ve sakin ka nuih pah haka, ka lakah ṭawngkam mawi a hmang duh lo bawka ka hmanna tur bik ka hrelo.







“Nang nu hi" ti a min rawn khawih mai a tum chu a kut chu lo manin a hmaiah tak chuan ka beng nghal ṭhuaia. Mi zaidam zawk zawk ka nilo bawk nen min khawih tum ti na na na chu ka khawih let mai loh ah.





Mi dang ho chu kan lam an rawn hawi ṭhupa, Thanpuia te erawh hmun dangah an kalsawn bawk nen engmah an hriat ka ringlo “Nang hmeichhia hi i va zak lo em em ve" nu pakhat rawn kal phei chuan a enga mah hma in min rawn beng ringawta, nui hakin ka biang dawm pah chuan “Ka fanu hi ilo beng vêl amaw?" tiin thinrim zet chuan min ena.







“Ka pi, i fanu hi nungchang mawi ilo zirtir zâwk dâwn ania,  midang hmuhsit hi in zia em ni?" min rawn ben nawn leh a tum chu lo nam dawrhin kut erawh ka thlâk duh ta lo thung. Ka nu rual a nihna angin khawih let erawh ka tum hauh lo.







“Nang ang hmeichhe rapthlâk hi in lo awm thei a nimaw, police hnênah ka report dâwn che tih hre rawh" tihlawk hlawkin min rawn kâwk sawk sawka, ka lo nui ringawt mai. “Ti la, i fanu zawk kha a nih kha bul ṭan hmasa tu, ka hlau hlei nem. Kut min thlâk a tuma, ka lo in vêng ve mai a nih kha" ti ve hmakin ka kut ka kuangkuaha.






Kan bul hnaia awm te chu an lo phun mar mar thung “Ka ti khawp ang, nu leh pa zilh ngai loh fa" a tihchuan ka na ve zak mai “Ka pi hre rawh, i fanu zawk nu leh pa enkawlna hnuaia seilian zawk hi nungchang mawi hrelo zâwk chu a nih hi. I ti dik e, fahrah in aṭangin ka lo seiliana, mahsela ka dikna lo ah tumah ka ti hmasa ve ngailo. Nu leh pa enkawltu ka neilo ngei e; mahse i fanu pawh kha enge a nih bik? Mi bialpa chuh pui tu mai mai a nih kha" ka tih leh lai chuan dawhkâna an tui dah chu rawn la in min rawn theh ṭhawta.






Min rawn khawih leh a tum lai chuan mipa aw chang beng bawng rawn chhuak avâng chuan a tâwp chawt mai “Bawiha he nu hian bawihtei hi kut a thlâk ngawt ania" tiin Thanpuia lakah chuan a lo zualko nghal zawt zawta, ka mit ka lo chêt kual raih thung.





“Bawiha Police lâk tîr teh" a tih leh lai chuan Thanpuia chuan a kut chu dahsawn sakin keichu min rawn pana, ka lo en ve kar thung. Ka bul a rawn thlen dâwn chuan a rawmawl phawrhin ka hmai chu a rawn hru a “I ṭha em?" a tihchuan ka bu nghat a, chunu mak ti lutuk chuan min en haw mai.





“Bawiha i hau dâwn lo em ni?" chunu bawk chuan a rawn ti leha “Engah nge ka hauh ang? Zirtluangi thiamloh a lâwm, ka hre vek tawh e a dik lo zâwk chu" tiin a kawr chung chu phelhin min hak tir mawlh mawlha. Ka lo en reng thung, mi hmaah mi a ṭanna chuan min ti hlim viau bawk.





Khatianga a chêt kha ka ring phalo, ka rin loh dan deuhin a ni a awm ni. “Kan haw mai dâwn em ni?" a tihchuan ka hnial duh em em lo, ka huh hluam bawk sia, awm pawh a nuam lo.



“Kan haw phawt mai ange, Mira-i hi a awm a nuam chiah lova, min lo hrethiam mai rawh u" tiin ka dara kuah chung chuan min kalpui zuia, a rûk chuan ka nui sak mai. Ka lakah hian a tla na takzet tawh a ni, ka awm a ti nuam huai huai bawk.





Amah rawn lang lo se eng buaina nge ka tawh zêl ang ka hrelo; midang khân min ngai dik lo phian thei bawk. “I huaisen reuh hle mai" a rawn tihchuan ka melh chho a “Ka chhan i ngai miah lo mai, ngaihtuah awm i ni dâwn lo tih ka hre thei" a tihchuan ka nuih hak hak mai.





“Ka tih lêt ve mai loh chuan kut thlâwn ka tuar duh bik hleinem; mahsela a nu kha chu ka khawih lêt duhlo. Ka nu rual daih a ni sia, a zahthlâk" tiin a bânah chuan ka kuaha “Ka lawm e, ka tan i awm reng avangin" tisapin ka kuah zuia, ka lu ah chûl zauhin “I tân te chuan ka ding zêl ang, lût rawh le" tiin a car kawngkhar chu min hawnsak zuia.





Engmah sawi lem lo chuan ka lut ve mai bawk, ka pheikhawk sâng bun rei tawh nen in thlen thuai thuaia, mut hahdam mai mai ka chak ber.


COMMITTEE KAN NEI LEH THUT SIA KA RAWN DAH TLAI DEUH AW, NEXT CHAPTER AH CHUAN TIH THUI KAN TUM TAWH DAWN NIA.

[mawitei bawihtlung]

KA LALPA





CHAPTER 5





“Te inah min thlah dâwn lo em ni?" a in lam bawk min panpui avâng chuan ka en pheia “Thlah lovang ka bulah riak reng thei la ka duh" a tihchuan ka thaw haka “Innei pawh nilova hetianga awm reng chu a ṭha lo, bakah in danna kan hmang ngai si lo, ka hlauthâwng ania" ka tihchuan min rawn en vut mai.







“Naute pai ila engtia min tih nge i tum?" ka tih chuan a rawn nui haka “I pai lovang, zanin aṭang chuan kan hmang tawh dawn ania" tiin hmalam bawk chu a en leh daiha, a ngaih a sam ropui bawk si, kha chen damdawi ka ei bawk silo ka hlauthawng ru riau lehnghâl.






“Naute i duh reng reng em?" tihchu ka zawt leha, innei silova hetianga awm reng hi a rûk tak chuan hrehawm ka ti “Ka hrelo le, eng pawh chu nise nupui te ka nei ve ngai a nih chuan kan la nei ang chu" a ti leh ringawta, engmah ka zâwt duh tawh lem lo.







In kan thlen chuan mi pawm leh nawlha, dan pawh ka tum lem lo. Kan chesual ngun tawh ropui si.





Zîngah chuan ka luak chhuak lutuk chuan min kai harhin toiletah ka luta, ka uak nghal tuar tuar mai. “I ṭha em?" pawn lam aṭanga a rawn tihchuan ka lo aw ringawta, a nilah mi a ngaihtuah hmel viau lehnghâl.






“Nimin lama kan thil ei kha ka ngeih lo deuh ania'ng, ka pum hi a nuam lo, inah min thlah haw mai ta che" chhuah phaha ka tihchuan a lo rem ti chiahlo. “Hetah awm mai rawh, kha in tetaktea chên reng kha a ngailo" tiin min rawn dawma, ka nui ringawt.







“Chutiang a chi ngawt loh, min thlah haw phawt teh" ka tihleh tâkah chuan min hnial tawh biklo, mahsela a awm danah chuan a lawm vak lo tih ka hre mai. A niin a bula awm turin min ti ngawt mahsela kan thawhpuiten hre ta se min ngainêp viau mai theia; ka duh lo hrim hrim.








Ka in kan thlen rual chuan engmah sawi lo in a lêt zui nal nala, a lungawi lo viau a ni ngei ang. In chhûng ka luh chuan ka luak chu a rawn chhuak leh ut uta, insûm hman lo in ka uak leh tuar tuar mai.





Ka pum ni nghulh avâng chuan ka ngaih a ṭha lo bawk nen damdawi in lam pan tur chuan ka chhuak leh a, taxi rawn tlân chu lo pharin ka chuang zuia “Khawngaihin civil hospital ah" tihzawng chu sawiin ka in ngaihtuah neuh neuha, tûn ang laiah natna a tam tawh ropui sia pumpui ṭha lo te ka nei ang tih ka hlau takzet.







Chu chuan min ti hlauthâwng zual, damdawiin kan thlen rual chuan pawisa te chu pe in ka lût zuia, mi in entir tur an lo tam ve bawk nen ka tlai leh ngei dâwn a nih hi. Thanpuia lah kha a mood a fuh loh hmel ropui sia, min lo ban mai angem tih te chu ka ngaihtuah thleng hial.






Ka hun a thlen meuh chuan dar 11 a ri der tawha, Dâktawr pa lo ṭhu lah chuan min lo en kur lehnghal “I pum maw i sawisêl a" a rawn tihchuan ka bu nghata, ka awmdân vel ka sawi chu ngun taka lo ngaithla in ka sawi zawh hnu chuan min han en ren rawn phawta, engtak chu rawn sawi ang maw?






“I period tawh em?" a rawn tihchuan ka lo mengphawk vaka, ka in ngaihtuah nghal neuh neuha. Ka la period miah lo tih ka hriat chuan ka thin a phu nghal dawt dawt mai, ka awmdan chu a hrethiam a ni ngei ang “Nau i pai a nih ka ring, pasal i nei tawh em?" a rawn tihchuan ka lu ka thing nar nara.








“I naute pa chu i hrilh ngei angai a nihchu, eng pawh nise a fiah nan test kan ti anga, chuan i kal thei ang" a tihchuan ka thaw hak mai. Thanpuia ka ngaihtuah a, naute kha a duh hmêl em em siloha, bakah nupa pawh kan la ni bawk silo, ka thil tihsual nghawng chu ka tuar ta mek chu a nih hi.






Test neuh neuh kan neihah chuan ka lo rai ngeia, karthum lai a lo ni tawh mai. Thanpuia hrilh ila ti tla tûrin min ti mai angem? Tun atan chuan ka zep phawt hi a ṭha in ka hria, a hun hma a a hriat chuan min tihtlâk tîr palh ang.




Office chu ka kal leh tho va, ka va thlen chuan an lo ngawi ṭhapa, Thanpuia room-a luh mai ka tum chu Dodoi chuan min lo dang vata “Lut suh, nichinah an intibuaia, a thinrim lutuk. Enga ti em em nge i va rawn kal har ve? A ban ngei ngei ang che, ni chinah phei kha chuan i rawn kal har lutuka i hming lamin min vin tuar alâwm, ka hlauh mai zia, khawiah nge i phone?" a rawn ti zui zata.




Inah ka theihnghilh tih ka hre chiah “Ka theihnghilha, a thinrim viau em ni?" ka tih leh chuan a rawn bu nghauh nghauh mai. “Thinrim tak a ni, pâwnah sawn mi an rawn in tibuai ngawta, tumahin an ṭhelh thei siloa, a va ṭhelhna lamah an lo pawr ve bawk nen a hnek mawlh mawlha, a khawih a te kha an na ve ang" a tihchuan ka thaw hak mai.




Tûn ang lai mi hi chu in tihbuai an hrât lutuk hi a buaithlâk, mipa inhnial dek deka kut thawh mai duh lah hi a tam zawk an nia. A leh lamah chuan hmeichhe tân pawh hian a hrehawm, ig leh fb lût ila mipa ṭawngthei tak tak mi pic/video post apiang lo sawisêl hman ziah an awm ve bawk.




“A hrim hrimin i rawn tlai lutuk, dar 12 a ri ti tih a nih hi" a sana en paha a tihchuan ka thaw haka, midang chu enkual te te in min rawn ngaihsak lo tih ka hriat chuan ka thaw huai mai.



“Tumah hrilh suh ang che, ka rai a" ka tihchuan a mengphawk ngei mai, ni e mak tih tur a ni reng a ni. “Maw?.....ih...ih...boss a ni em?" amak a ti lutuk chu a dang a âwk ti tih.




“Aw, engtin nge ka tih ang pawh ka hrelo. Engpawh chu nise amah hrilh suh aw?" tiin ka ena, a hrilh vaih chuan ani thinrim sa nen min vin hrep ang tih ka hlau.




“A fa i pai chuan i tlai hma in hrilh rawh" ka bengbulah a rawn phun sar sara “Teuhlo mai, thinrim viau ta se ka naute hian a tuar dâwn a sin, a thinchhiat zia i hriatchian kha" tiin ka phun sapa.





“Mahse nangmah chauhin engtin nge i enkawl anga? Miriam a tlai hma hian hrilh rawh, a lo duh ve tho mai thei a sin" a tihleh chuan ka in ngaihtuah buai ngei mai. Engpawh nise zêp phawt ka duh, tunah phei chuan a mood-a fuh lo nasa an ti bawk si.




“Engpawh nise min zêp pui rih rawh, a lo duh loh chuan min tih tlâk tîr palh ang, ka va lût phawt ange" tiin an office lam chu ka pana. Ka hâwn rual rual chuan chang beng bawng hian “Kawngka kha kalh nghal rawh" a rawn ti tawi hmaka. Inthlahrung deka ka en lai chuan min melh rum ṭha fia fia viau mai,a hmai lah chu ka ṭhiannu sawi ang tak takin a lo duk ve thluah mai, a hmui pawh a thi tih a hriat mai.




“Engvanga tlai lutuka rawn kal nge i nih? Tûn hi office kal hun a niin i hria em?" thinrim ha chang ṭhial rap rap chuan a rawn ti a, ka hlau bawk nen ka ding khur dar dar mai. “Ka..ka..buai deuha, min hrethiam hram rawh" ka sawi zawh rual chuan rawn ding chhuakin chak zet hian ka lam a rawn pan pawk pawka.






“I phone tal chhâng tur i ni, vawi engzat nge ka call che i hria em?" ka dârah chuan a rawn sawi nawk nawka, “Te, ka... inah ka theihnghilha, nidangah chuan a thleng leh tawh lovang, thinrim suh" khur dar dar chuan ka ena, tuna a awmdân tak hi chu ka ngaina lo zual, a hmelah hian pawisak a neihloh hmêl takzet.





“Hre reng rawh, ka call che in chhâng lo in awm tawh ngai suh ang che" tiin ka hmuiah chuan fawpin min vir pui nawlha, ka mawngah hmerin dawhkanah chuan min hlâng nghal nawlh bawk. Ka pawnfên chu hlîm sawk sawkin a kekawr ziper chu a zip thla a, a mipatna chu a rawn pir nghal vuah mai.




“Te kan ti dâwn em ni? Helaiah hian maw?" nau ka pai ta bawk nên ka awm a nuam chiah lo “Ni e, khawiah pawh ka mamawh che tih i hria, tumah in an hre hek lo ang. I thâwm i dim a ngai a nimai" tiin a nui suka.



“Mahse office a nih hi, insûm hrâm hrâm a ṭha in ka hria bakah ah..." ka hmer nghal ṭawk mai. Ip zawkin ka mit ka chhing sawka, a nilah chuan nui sukin a che chhunzawm a, ka thaw nghal hak hak mai. A zak hnuaiah chuan zen lût in ka lamah ka pawt hnaia.




Ka awmdân chu hmuhnawm ti zeta min enin ka hmuiah chuan a rawn fawp leh ngheka. Ka taksa sa pup pupin a dârah chuan ka seh zui ta vaka, ka khur nghal dar dar bawk. A nipawh reilo teah rum hawkin ka taksa chhûngah chuan a lum lût leh ta puat puat a.





“I tlai vang leh ka call i chhan loh vang a nih kha" tiin ka pawnfên chu min siamṭhat sak mawlh mawlha, kei erawh ka zawiin engmah pawh ka ti peih lo. A fa ka pai thu hi ka hrilh duh angem tih chu ka in ngaihtuah buai viau mai, ka hlauhthâwn rualin tihtlâk tumna ka neilo, a mah nêna kan fa a nih avang pawhin ka tân chuan a hlu zual.






Kan hahdam deuh hnu chuan a bulah min ṭhut tirin a ngawi rauh rauha “Khawi i hliam kha ka lo enkawl ang? Tinge mi in tihbuainaah i va tel reng reng a? Police kutah dah mai tur a lawm" ka tihchuan a ner saka “A ṭul animai, bâkah ka bank kawtah buaina an rawn siam pawh kha ka mualphona a ni tlat" tih zawng sawiin rawmawla a hmai vung deuh lai ka dep chu min lo en renga.




Ka thaw chuan ti lum zelin ka dep kerh kerha, chutah damdawi chu la lehin a hmui hliam lai te chu ka hnawih saka, a engtizawng emaw tak hian a hmelṭha ka ti phian. A mal chungah ṭhu in ka chhêm sak hauh hauha, thuawih tak chuan alo awm ve mai mai bawk.






Nichina a thinrim hmêl te kha a bo duak tawha, tlêmin a nelawm leh deuh bawk nen keipawh chu ka thaw deuh huai mai. “Thinrim tawh suh aw, i thinrim chuan ka hlau che" tiin ka rilru dik tak chu ka hrilha, a rawn nui hak mai.




“Ka thinrim i duh loh chuan hna rawn kal tlai tawh hauh suh, ka bialnu chu nilo la chuan ka ngaidam hauh lovang che" a tihchuan lei chhuah têt chuan ka nui ringawta. A bialnu anga min sawi châng apiang hian ka danglam bik riau hian ka hre ṭhin.




“Aw le, ka damlo te a nihloh chuan ka rawn tlai tawh miah lo ang. Chuan Te, kan mu dun ngun mah mah in ka hria, insûm kan ngai a ni; chutilochuan ka tân pawh nuam lo." ka kawnga a rawn hmer salh avâng chuan eu zawkin amah chu ka ena.




“Chutiangin ka thi thei mai anga sin" a tihchuan eilo zet chuan ka ner saka “A hma pawhin kan awmdun ngai lova, hei chen i dam chu a nih hi, awihawm deuh hlek te hi sawi teh" tiin ka kut chu ka kuangkuah hmaka.




Tûnah hi chuan a nelawm leh tawh bawka, a bula thusawi vel pawh a nuam ka ti, amah a inhawng riau hian ka hre bawk “Te, i chhûngte ho hi khawnge a? In zawh chi a ni em ka hrelo, mahse ka hmu ngai miah lo a" ka tihchuan ka chalah chuan a rawn chuk zauha.



“Um ka nu leh pa hi Lunglei lamah an awma, ka nu erawh kum li liam ta khân a boral tawh. Chuan ka u hmeichhia hi Londonah pasal neiin an awma, ka naute pawh tûnah chuan nupui pasal neiin an awm vek tawh" a kut chu ka lo hûmsaka, a nu a chan chu a tân pawhin sawi a nuam miah lo tih ka hre thei.




“Um, nangmah berin i la nei theilo animaw?" tiin ka nuih hak haka, “A nih hi, ka duhzâwng tak hmeichhia ka hmu har mah mah che a, nang teh i chanchin min la hrilh hauh lo ania" tiin ka biangah chuan a rawn nawr kuala, a za ka ti bawk nen ka tâl nawk nawk mai.




“Min dêk tawh lo la ka sawi ang, ih...sawi tûr em em ka neilo, ka pian hnu lawkah ka nu leh pa in duh lo in min kalsana, chuan miin min chharin fahrah enkawlna aṭangin ka rawn seiliana, tûn hi ka thleng ta a nih hi" tihchu sawiin amah chu ka ena.




Ka thusawi zawh chuan min kuah betin a âwmah chuan ka bei thâna “Nu leh pa kha neih ka châk ve thei lutuka, mahse Pathianin hei hi ka tân a lo ruat lawk te pawh a niang. Ka nu leh pa in min kalsan ang kha chuan fate ka nei a nih ngai chuan ka kalsan ve ngai hauh lovang" tiin ka phun sapa.




A ni pawh chu a ngawi deuh run a “Ni e, i nu leh pa chuan engmah an phulo a nih chu, tûnah chuan hmeichhe puitling tak i ni tawha, nangmahin hna i nei bawka. An ni puihna kha i mamawh hauh lo, i chak tâwk tih ka hria alâwm" a thusawi chuan min tinui sak mai.





Ni e, khawvêl eng min hmuh tir naah chuan ka lawm lutuk. Mahsela, khawlaia min kalsan duhna avâng erawh chuan ka haw takzet thung “Sawi tawh lo ang ka ril a ṭam e, engmah ka la ei hman lo a" ka tihchuan min din pui hluaia.






“Kan order ange, helaiah min lo pe mai rawh se, enge i ei duh ang?" tiin min zâwt zuia, a ngai ka ei duh thu ka sawi chuan bu nghatin ar bawp vel nen chuan a lam zuia. Tûn angah hnathawhna emaw in vêlah pawh nise an deliver theihna hian thil chah pawh a ti nuam bik, mahni kal kher ngai chu a buaithlâk ve riau zela.





“Lo ṭhu ang, an rawn dah vat mai ang, i ril a ṭam tawh a nih chuan a hma khân sawi tûr che alâwm" tiin min ngaihtuah thiam tak chuan ka bulah a rawn ṭhu a, ka nuih var var ringawt. A hma te chuan engmah pawh sawina hun min siam tawp si lova, engpawh nise a chah rau rau chuan ei ṭeuh ila ani mai.




Reiloteah a thil order ho chu an rawn keng a, kawngka ka va hawn chuan kan thil chah an rawn funna chu lâksakin Thanpuia chuan aman a pe zuia, Dodoi pawhin kan awmdân hrethiamin engmah a lo sawi duh lem lo, amahin a lo ei leh mai a ngai dâwn a nih hi.




Thanpuia a rawn tel ve zel chuan a tân pawh a nuam dawn lo tih ka hriatpui vek “Le! Ei rawh le, ei zo vek ang che" tiin a thil chah chu ka hmaah chuan a rawn chhawp zung zunga, keipawh chuan hnial buai vêl pawh ka tum lo ka ril a ṭam tawh bawk nen ka ei nghal mial mial mai.



Ar bawp te chu ka keih tawn tawn a, ka nau pai nen eiin ka ei ṭhat a ngai tih lah ka hailo. Chuvang chuan ei ṭeuh phawt teh ang, a ni lah chu ka bula ṭhu ve siin engmah ei a tum lo nge ka thil ei chu hmuhnawm min tih hmêl tak hian min lo en reng ringawt.




“I ei ve dâwn lo em ni? Ei ve la a tui a sin" tiin arbawp pakhat chu alamah ka va lek hnaia, a lo la ve mai bawk. Keipawh chuan sawhchiar chu hâwp leh hlak hlakin hmarcha chu ka thak zuia, a tui ngei mai. In tur a la awm lehzêl bawk nen a tui zual.




“I hak hlauh ange, muangchang khân ei la, i ei zo vek dawn ania. Keichu i ei ka en ringawt pawh hian ka puar sa" a tihchuan thil ei pah chuan ka nui hak mai, a sawi dan kher kher chu a in la actor riau in ka hria.




“Ka ei vek ang lungngai suh, in sum ka tum hleinem, ka ril a ṭam tawh bawk nen ka insûm mai mai dâwn lo" tiin ka kaah chuan eitur chu ka hnawh lût mawlh mawlha. A ni pawh a lo nui tawp mai, ka ei zawh chuan thaw hle hle hian ka pum kiar lek lek chu ka chûl hauh hauha.





“A puar theih ngei mai, ka lawm e" tiin ka hmui mawm vêl chu tissue chuan ka hru a “I puar chuan a ṭhat chu, thil dang duh te ila nei em?" a rawn tihchuan ka lu ka thing nar nara. Tûnah tak hi chuan thil dang ka thun belh thei tawh rihlo, ka pum hi ka hrawk thlengin a rawn khat vek nimaiin ka hria.





“Ka chau," tiin a dar chu ka nghenga, ka thaw pah halh halh bawk. Chaw ei tam lutuk chu pum lamah min hnawh ul mai, engpawh nise tuar rih phawt mai ang.


“A âwm e, i ei theih dân kha a dang mah mah ani" tiin ka samah chuan a zût delh delha, engmah pawh ka sawi peih tawh lo, ka nuih ka nuih ringawt. Tûnah hi chuan hahdam deuha mut der der ka chak ber.

ZANKHAT DANAH KA DAH ṬHIN KA TIH KHA AW

[mawitei bawihtlung]

KA LALPA




CHAPTER 6



Hna kan ngah avangin zân lam thlengin office ah kan awma, chuti chung pawhin tih tur a tam ngei mai. Thanpuia lah kut inthlak chungchângah khân station lamah a kal a ngai bawk si, ka mut chhuak lutuk chu ka muthlu leh lawp lawp ṭhin. Ka nau pai vâng nge ka hrelo hetiang em em a ka mut a chhuah ni.




Thawk la ham hamin ka zi mar leh ṭhin, mahsela a sâwt lo ngei mai. “I la thawk animaw?" Thanpuia rawn let chuan a rawn ti supa, ka dar vel chu min rawn hmehsak nghal zat bawk. “Ka chau lutuk, Te ka haw tawh mai dawn ka menglui thei tawhlo" ka tihchuan a bu nghata.





Pâwnlam pan chuan inzui chhuakin a cara luh mai ka tum chu hmeichhe lo ṭhu avang chuan ka tawp chata “Tunge?" ka tih lai chuan min rawn en zawkin “Lawmteii a nih hi i rawn lut dawn em?" a tihchuan ka tawlh hnung nghal dat mai.



A bialnu a ni ang tih ka ring nghal, chuan riahpui a tum ngei bawk ang chu. “Aih keimahin ka haw mai ang, ka kal ange" tiin kal mai ka tuma. Ka kut chu a rawn vuan nghal chat “Tinge i danglam riaua ka hriat chu le, ka ṭhianpa nau ania ka thlah haw lawk dâwn a nih hi" a tih pawh chuan engmah ka sawi tawh lo.




An hmel ka en hian a hmeichhe awmdân saw ka ngeih miah lo bawk, Thanpuia a enna mit chu a hmeichhiatpui ka nihna angin ka hrethiam vek. “Kan riak dûn dâwn ti law law zawk rawh, ka kal dawn" tiin a kut chu ka thingthla lui leh ngata “Ni e, a u a awm rih lova. Ka inah chuan a rawn awm dâwn ngei alawm, i duh chuan min zui haw ve thei ang" a mi tihdan chu ka lâwm hauh lo.




“I nupui emaw i bialnu pawh ka ni chiah em tih pawh ka hriat loh lai hian zui haw che chu ka tum tawh ngai lovang, mangṭha" tihmakin taxi lo din ṭhupna lam chu ka pana “Khati khân min mangṭha ringawt suh" engvanga min rawn umzui leh zel nge maw a nih le.




“Ka be peih lo che, a duh chuan chhungte an nei ve ang. Chhûngte neilo tur a nilo, riahpui i châk vang a nih kha, i tan te chuan hmeichhia hi engmah kan ni reng nâng, kei office ah buai em ema ka awm laiin nangin hmeichhe dang ilo phur mai mai thei ania" tiin ka namsawn dawrha, taxi ah chuan lûtin driver chu tlan chhuak turin ka hrilh zuia.




Thanpuia pawh chuan min ûmzui a tum tawh bik lo, ka thinrim lutuk chu ka inseh ruh ṭun mai. Alaka ka thikthu chhe ta lutuk pawh chu ka inhrethiam;  ni e,ka lo duh tawh mah mah ani e.




A tuk lamah pawh be duh miah lo in ka hna ka khawih char chara, min be reng mahse vawikhatmah ka chhâng lo. “I lungawi loh chuan min hrilh mai la, khatianga awm kha a ngailo, i boss ka nih hi" ka bulah rawn dingin a rawn tihchuan ka nuihsak ringawt, ka phone chu enin min rawn betu mipa ho chu ka chhâng lui ve ngata.





Amah ka melh duh miau loh avangin a thinrim hle bawk “Miriam Lalrosang" dawhkân chu a rawn beng ri ṭhuaia, ka phu nasa bawk nen ka lung chu a rawn ri nghal dawt dawt mai. Chutah mit sulhin engmah ka hre zawm tawh lo.




“A naupai lai a nia a lung lam ti buai thei chiin thawm siam loh hram in tum dawn ania. A taksa hi a chak ṭha heklo, thisen a neilo viau bawka, i enkawl ṭha dawn ania" chu aw ka hriat rual chuan muangchangin ka meng chhuaka, Thanpuia leh Doctor lo in be mawlh mawlh chu ka hmu nghal.




Khuh kharhin ka ṭhu chhuaka, Thanpuia chuan a hriat rualin min rawn hnaih nghal ruak mai. A hmêlah chuan hlim hmêl emaw, lâwm lo hmel pawh a lang chuang lo, a pângngai thlup reng ringawt.




“Nau i pai tih i inhria em?" a rawn tihchuan ka lo bu nghata, chutah a thin a rim leh thut nge “I zêp amaw?" dawhkân chu a beng ṭhuaia, ka phu nasa lutuk chu ka thlawk lo chauh ani. A inthiam lo leh si nge thawk la suai suaiin a chairah chuan a ṭhu thla a “Innei turin lo in ring ang che" ka mengphawk ngei mai. Ka nei thei dâwn em ni? Lungphu chawlin ka thi lovang tih pawh a sawi theihloh.





“Ka duh lo boss" min rawn melh rum ṭha fia fia viau mai, bomb chu ni se a puak dur tawh ang. “Engvang chuan maw i duhloh a?" tiin min melh runa, ka nui sak mai “A tam mai, i thinchhe si, i thinur apiangin kei leh ka naute hi kan thi nawn awn awn ang tih pawh a hlauhawm, bâkah i induh si, i luhlul bawk. Sual awi a chhe lam zawng zawng i nei kim vek, chuvang chuan neih che ka duhlo" tiin ka en lêt kara. Nidang ang chu nise ka en ngam kher pawh ka ringlo, mahse tûnah chuan ka naute tân tih hria in ka inti huaisen lui tlat thung.




“Ka in siam ṭha ang, naute chu i hring ngei tûr ani" a tihchuan mak ka ti viau, miin nupui neih chu sawiloh fa tak ngial pawh a neih duh an rin loh thu an sawi ṭhin kha dawt vek em ni zawk? Engpawh nise tûnah chuan ka pawm phawt mai angai ani, kalna tur dang ka neilo tlat.





“Hmeichhe dang i hmuh reng dâwn ai chuan tih tlâk pawh ka duh zawk" ti tla duh lo mah ila amah vau nâna ka hman loh chuan hmeichhe dang hmu reng turin ka duh lo, bâkah nupa nih hi thil awlsam leh namai lo tak a ni a. A hnu leh thil tur nên ka ngaihtuah tel lo thei lo.





“Nizan a mi kha chu ka ṭhianpa nau a ni ka tih tawh kha, khawih pawh ka khawih lo tih hre rawh. Nang nen kan mut dun hnu aṭangin tu hmeichhia mah ka mutpui lo nangmahah ka lungawi ka ti che a ni lo'm ni?" a thusawi zawm tur chu a hmui ka hup sak vata, Doctor a awm ve reng si engvanga frank lutuka sawi phawng phawng nge maw a nih le? Mawl lutuk mai.





“Insum ve rawh, mi zawng zawng hriata kan mut dun thu kha sawi kher a ngai lo" ka tihchuan a kut chu la sawnin a khabe chu a tuai zauha, “A ho lutuk, Doctor ania i rai tih a hre reng a lawm. Tin, kan inneia i pum a rawn lang a nih chuan kan mu dûn tih chu an hre vek tho tho dawn, zêp tum mah la i zêp thei chuang lo ang" a rawn ti hmuka.





Fiamthu thawh miah lova ngeiawm lutuka ṭawng hi engtin nge a thiam zawk ni? Hetiang em ema ngeiawm mai, chhang duh tawh lo chuan khum aṭang chuan thawh chhuah ka tuma, a ni nena inhnial reng pawh hi ka peih lo.





“Enge tih i tum? Khawiah mah kal tum hlek suh ang che" a tih leh chuan ning zet hian ka ena, vuak vak ka châk lutuk “Ka duh duhnaah my thute lo ziang" ka pawih ṭawng thiam ve chhun chu ka hman ve ngei kha, a thiam lo tih ka hre ve kur bawk “Mipa lerh deuhte bulah hian ka awm ve peihlo a, chuvang chuan ka inthiarfihlim dâwn a nih hi, an lerh hri te ka kai ve palh ange" tiin ka in siamṭha sat sata.





“Nangmah avanga damdawiin awm ka ni bawka, pawisa chu lo pe mai rawh bye bye" tiin ka kut vai chuan rang zetin ka chhuaka, kawngka ka hawng ka chhuak fel chiah tihah “Ding rawh" a rawn tih tuar avâng chuan chak zetin ka tlân zuia, ka au phei tuar tuar bawk.




Hmelchhe lutuk, a duh duhin min ti tawh nguar ang, min rawn ûmzui lo tih ka hriat chuan ka thaw huai mai. Mi kârah mawl lutuka awm a duh dâwn lo tih ka hre ve kur bawka, nui var varin thawveng zet chuan ka kal hah haha, damdawiin pawh hi mi hausate tân chuan an fel a nih hi, retheite tân erawh tun angah kan Mizoram damdawiin hi chu a thawktute avâng in a khât tawk hian hming chhiatna an nei deuh reng chu a nih hi.




Inzai hlum tam ta lutuk te hian Mizoramah chuan inzai tur kher kher chuan ka ngam pawh ka ring lo e a.


THANPUIA POV..TI LAWK ANG A NGAI TLAT.



“I bialnu chu a dangdai zek zek hle mai" ka dara rawn ben thuk thuk paha ka ṭhianpa in a tihchuan ka tum hmuka, Lalrosangi awmdân dangdai ṭhin lutuk hian min tih lâwm loh châng a tam, thil hrilhfiah ve pawhin a awih duh der silo.





Ka ṭhianpa nau kha a thik tlat tih lah ka hailo, khatiang naupang mai mai kha engvanga ka duh ring tlat nge maw anih ni. “Engpawh nise naupai lai chuan hmeichhia chu duat an ngai a nia, i bialnu phei chu kha enkawl thiam a ngai dâwn a nih kha, amah kha a thawven hmêl nasa sia, mi nau an pai chuan inneih loh chuan an rilrute a hah a ni ngai a, i bialnu ve thung te kha chu a naupai khân amahah nghawng a neih hmel loh" a rawn tihleh chuan chhâng lo mah ila ka ngaihdân chiah a ni.




Rilru hahna emaw min han tlawn tumna lah a nei hek lo, hmeichhe dang ang chu nise min neih theihna tur hmanruaah an hmang duh hial ang chu. Hmeichhia ka lo kawp ve nual tawha, Mira-i anga dangdai leh mi pak huam lo hmeichhia ka la hmu in ka la tawng ngai lo, a dangdai leh lutuk hi a mak zâwk.





Ka fa hial a pai chungin tûn thleng min hrilh lo ania, thidang lo phei se chuan ka hre tawp nang. Engpawh nise a tlân haw ringawt pawh chu mak tihchi a ni, natna khum aṭanga tho chhuak chiaha thawveng lutuka tlân vâwk vâwk an vâng viau ang chu.




Pawisa chu pe in ka chhuak zuia, tûnah chuan enkawl hi ka tih tur a ni. Nupuia neih ka lo tum rilrûk lai taka ka fa a pai chu ka thaw huai bawk, min hnialna tur a nei hauh lovang le? Ka thinchhiat thu a sawi erawh a dik ka ti ve tho, insûm hman lo hian ka lo vin leh ṭhin.




A chhan pawh he dinhmun thleng tura ka beihna kawngah hian buaina ka tâwk nasa bawk nen ngaiah ka nei a ni ber mai. Tûn aṭang chuan ka insûm ve deuh tawh chu a ngai ang, fa ka nei dâwn a nih chuan tih fahrah ka duh hauhlo bawk.




Ka tello in a enkawl thei dâwn tihchu ka hria, mahse he hmeichhia hi hmeichhe dang ka endan nen a inang lova; chu tak chu ka kal tîr phallohna chhan a ni bawk. Ka hnêna a thawh tirh kha chuan a lan dân bawr chhawr zet avâng khan hnaih tumna ka nei ngailo; mahse kha zân rui zeta ka khuma a taksa lang var phak nêna a lo mu ka hmuh aṭang khân min ti danglam nghal a nih kha.





A sam ro hmêl zet ang aiin a taksa nem thep leh a hmui fawh nuam zet avângin tûn thlengin ka la thlah thei lo. Ka mutpui nawn fo reng a nih kha, a nilah min hnar tum mahse kan in mamawh tawnna a hai thei bîk lova, kan chesual leh nge nge ṭhin.



A in lam pan chuan ka inkhalh chhuaka, a naupai vang em em pawh nilo in ka ngaihtuah riau mai. A thisen a tlêm an ti bawk nen dawrah pêng kawiin thisen siam thei chi thei leh in tur lam chu ka lei saka, duat taka enkawl a mamawh chuan theih tâwp ka chhuah ve mai ang chu.

End of Thanpuia pov...




Veng dang aṭangin ka mi biak pa a rawn lêng bawk nen in ka thlen hnu lawkah a rawn thleng ve kha ania, thingpui vêl chu siamin ka chhang leisa nen chuan ka chhawpa, kan titi pah mawlh mawlh bawk. Thanpuian min rawn ûmzui loh dânah a fa ka pai chu a ngaipawimawh tak tak ka ring lo.




Bialpa ka neih leh neih lohte chu min zâwt a, ka chhâng lem lo. Nau ka pai thu hrilh ila chuan min tlânsan nghal nal nal duh ang chu, ka kawngkhar a rawn rik karh karh avâng chuan tho chhuakin ka va hawnga, tu tak chu ni ang maw? ti a ka ngaihtuah laiin Lalthanpuia chu a lo ding run a nih chu!





Eitur eng emaw ni hi ala khai ṭeuh zui “Enge i rawn tih dâwn?" ka rin loh lutuka a rawn lan avâng chuan ka hamhaih ngei mai. Nilo inlêng ka nei bawk si, mipa dangin min en ringawt pawha a awmdân ka hria a, buaina a chhuak ngei dâwn anih hi.





“Ka rawn kal anih hi i hmu ve reng lo em ni? Saw saw tunge? Mipa ilo awmpui vêl amaw?" a ti leh ta renga. Ka en nghal kar chu a thinrim hmêl ka hmuh avâng chuan ka khur ru leh der der tawh “Kan inhriatna a la reilo, min hmuh a chaka a rawn lêng a nih saw, lo lût rawh" tiin kawng chu ka kiana.





Ka in luah a te bawk si nuamlo ka tiru takzet “Miriam hei hi tunge a? In lêng i neih belh dâwn a nimaw?" Aldrin an a rawn tihchuan ka lo bu nghata, ka chhâng dâwn chiah tihah “In lêng mai nilo a bialpa ka nih hi, kan innei ṭep tawh bawk" Thanpuia chuan a lo ti nghal hmiah mai.





Aldrina hawi hai lutuk chu ka khawngaih zâwk, tinge hepa hi a hun lo ah a rawn lan reng mai le? Mahse a rawn lan hun hi atân chuan a hun mah mah zawk a ni, dawite hi a thiam te a ni hial lo maw?




“Bialpa a, Miriam min va hrilh lo ve?" min dem hmêl lek leka a rawn tihchuan ka dar ka sân aka, “Min zâwt hleinem" ka lo ti liam puat a. “Ka lo va in thiar fihlîm ange" a tihchuan dan pawh ka tumlo, a chhan chu hepa hian a insualpui leh duh mai ang.




Engmah sawi tawh lo chuan a chhuak zuia, keipawh chu ngawi rengin ka che nghal mawlh mawlh a. Kan thil eina vêl chu sengin thleng silna ah chuan ka daha, “Dah rawh, i châwl hahdam ang chu tihlaiin engvanga in leng te lo nei nge i nih?" lâwm lo zeta a rawn tihchuan ka thaw haka.





“Nula ka nia ka nei ve bawk ang chu, nangpawh i ina riahchilh tu hial i neih si, a nuam hawr hawr bawk em?" ti ve sakin ka en chho ve haha, zâm ka tum bik der lo. “Nula ini lo, ka fa i pai tih i hria em? Ka fa kha i pum chhûngah khân a awm tih i hre lo em ni? Kha thil kha sawi reng suh, a khawih pawh ka khawih lo, a chhûngte an awm loh avangin ka riah tîr mai a nih kha" tiin ka dar tawn tawnah chuan a rawn vuana.





Huh. Chhuanlam leh bawk, awm sawn ka tum lah chuan a phal bawk silo “Kan innei ang ka tih kha hre reng ang che, dan khatna kan tlin lo tihchu i hriat kha. I ṭhiannu kha lo sâwm la, ka inah kan innei ang. Engmah sawi buai hlek suh, mi hriat chiam pawh a ngailo, ka fa tih fahrah ka duh loh avâng chauh a ni tih hria ang che" a tih duah chuan ka lâwm lo takzet.





“A ṭhat chu, i tello pawhin ka enkawl thei, rawn in rawlh chu tum lo mai teh. Chutiang lek turin ka duh lo, ka fa hi ka bulah a awm ngei bawk ang, haw rawh; ka hmu peih lo che" tiin kalsawn ka tuma, min rawn chawi lâwpin a malah chuan min ṭhut tira.





“Mi hriat tam ka duh loh mai avangin inneihna holam lutuk ka duh turah ngai suh, ka nupui i ni tihchu tupawh in an hria ang. Mahsela, a hun hma a mi hriat vak ka duh lo tih hre bawk la, in enkawl ṭha ang che, i hahdam a ngai tih hria la. Khatianga i awm reng chuan i luhlulna hi kan fa in a chhawm ka duh hauh lo ania" dam deuh zâwk chuan a rawn ti a.




Doctor thusawi te kha zawm ve a tum pawh a niang “Keipawhin i thinchhiatna hi chhûn se ka ti hauh lo tih kha hre mai rawh, i hmel ka hmuh ringawt pawh hian min ti luakchhuak hlui thei. Min thlah rawh, keichuan ka hmangaih leh min hmangaih tu chiah neih ka tum" tiin ka tal fat fata.





Min duh vâng pawh nilo va naute avâng chauha min nei tur anga a insawi chuan min ti lâwm hauh lo. Ka thin a tirim mah zawk, kha chen kha kan inzui ve a ka taksa bâk a lo duh miah lo a nih dâwn hi.





“Khatiang in ngai kawi zêl suh, duh lo che ila hei chen ka thlenpui lovang che. Neih che pawh ka tum kher nâng, hmeichhia ka nupui nih duh chu an tam alâwm, chûng chu duh ila nang hi ka nei kher lovang che. Ka duh che avângin hei chen ka thlenpui che tih hria la, khatiang ngaihdan maksak lutuk kha nei tawh hauh suh ang che " tiin ka chalah chuan a rawn fawp vang vanga.





Engmah ka sawi tawh lêm lo, thinrim khum reng ka duh bik lo nen ka ngawi ta tawpa.



“Ei tur ka lo ken che hi i ei dâwn ania aw; lo ei ngei ngei ang che. Inneihna ka lo buaipui ang, ina in kutsuih ka tihna chhan pawh i tân tih hria la, hmelhriat zawng zawng kan sâwm khân i mualpho theia, dan hnihna a innei kan ni tih an hre vek dawna. Inneih ni a an sawi sêp sêp tur che i ngaihthlâk duh ka ringlo" tiin ka hnungah chuan a chûl hauh hauha.





A sawi chu a dik ve tho, la hre tho dâwn mahsela inneihnia awm nuam lo rawih khawpa min lo sawi duh an awm leh ngei dâwn si a, chuvang chuan a ruahmanna chu ka pawm phawt mai ang chu.




“In uiresan tih vêl ka duh ve hauh lo ania, inṭhen pawh. Ka dinhmun i hria, inṭhen leh mai mai tura inneih ka duhlo, i rinawm ka phût bawk. Hmeichhe dang kan inneih hnuah i hnaiha ka hriat chuan ka fa hi min chuh theilo ang tih hre reng ang che" tiin ka sawi chhuak fak faka.





Ni e, innei pawh ni ila a chhiatloh bâkah a hausakna avâng ringawt pawh hian hmeichhe tam tak tûn ang laia mi pasal chhuhsak mai hrehlo an tam tawh si a, pasal pawh hi neih fimkhur angai rêng a ni.




“Ka tiam a che, mu leh phawt teh. Tin, midang hmaah khatiangin tlân vak tawh suh, nau a la te a, i chhiat mai ang tih te ka hlau a nia" a tihchuan ka nui saka “An sawi dân che chuan nupui leh fa tih lam i ngaihsak ngai loh thu an sawi si a" tiin ka en chho a, a khabe kual nalh zet te chuan a ti pa hliah hliah mai.





“Tûn hma kha chuan hlawhtlin tuma ka beihna avâng khan ka ngaihtuah ngailo reng a ni. Ngaihtuah hman lah ka ni heklo, engkimah ka chhûngkua ka dah hmasak a ngai tih ka hria a, mahsela tûnah chuan a hun ve tawh pawh a nimahna. Rin loh ber zunah ka uai ta lawp lawp chu a nih hi" a tihchuan ka lei ka chhuah zauha.




A thusawi dân chuan sawi tur min ti hre mai lo, mahsela ka hlim em em tho. A âwmah chuan bei chialin ka thaw hle hle a, a kut ṭang sei thlurh leh hlai hlap maia ka pum zâwna a rawn khawih chuan ka phu zawka, ka awmdan chu min lo en reng thung.





“Helaiah hian ka fa tetakte mai chu a awm mek a ni si a, ka awih lo lek lek mai. Tihian a rawn ṭhanglian ngei dâwn sia" tiin a nui suk suka, chu chuan kan fa chu a duh ve tak tak angin min ngaih tîr bawk. A tîrah khân hrilh ka hreh em em kha a nia, tum loh lamah hre chhuakin ka rin dan loh ang deuhin ala awm zui.





“Tihian Pathian zarah a rawn ṭhang zel anga, ka dul hi a rawn tawn lian zêl dâwn a lawm, a ṭhanglian lai i hmu châk em?" ka tihchuan bu nghatin ka khum lamah chuan min phei puia.





“Muhil ang, keipawh nizân lam ka mu ṭha lo riau, ka biakna i chhâng duh bawk silova ka awm a nuamlo zankhua a nia, tihian mut dun ka duh" tiin min kuah nghet sauh sauha, engvanga ka biak loh mai avanga mu theilo kher nge maw a nih ni.





“I ti mak e a, engvângin nge i mut theih loh ngawta? Ka tello pawhin i mut ziah kha, hna kal i tum tawh lo em ni?" tiin ka zâwt zuia, “Sana kha en la, ban a hun tawh. Bâkah hnathawktu an awma, an lo buaipui mai ang muhil hle hle teh" a rawn tih leh takah chuan engmah ka sawi duh tawh biklo.





A neitu ber a ni bawk nên a hah ṭhin viau ang, engtin nge a tlin zawk ni? Bank dang nen thawk ho mahse a mah chauh pawh hian a hlawhtling lutuk tho tho.




Insiam rem sat satin ka khan zui thaka, mut hi chu a hahthlâk loh êm bawka. Englai pawhin ka muhil thei reng ang tih tur a ni, rit chawi tur awm hek lo le, a ni phei chu keiai a muhil hmasa zâwk. Nizân a mengrei tak tak a ni ngei ang.





Kei erawh ka mutthilh theih mai loh avangin amah en chuan a hmai vel chu ka chûl sak riak riaka, a hnar ngul sâng lam mah chuan a ti hmelṭha zual hle bawk, min duh ve tak tak angem tih chu hrelo mah ila keichuan thinlung takin ka duh tawh.




Amah ban kham chung chuan nui ver ver chungin ka mit ka chhing zuia, a bula ka awm hi chuan in hau reng ṭhin mah ila ka hlim riau zêl. In ngeih lo deuh hi an han awm hran chiah hian an in ngai duh an tih hi keini pahnih nunah hian a dik chiahin ka hria.




Ka bula a awm loh leh ka ngaia, ka hmuh lahin ka thin a tirim leh em em ṭhin si. Engpawh chu nise engkim hi siamtu remruat dânah pawm tawh mai ang.




“Engkim lo buatsaih ang che, tin, ka pa leh ka unaute hruai tûrin mi lo tir bawk la. Kan inneihnaah hian awm vek se ka duh a ni" chu mipa aw aṭang chuan tunge a nih ka hailo, kan inneihna tur a buaipui tih nen lam ka hre thei.





Mengchhuak riai riaiin amah chu ka en a, ka mit ka nuai chat chat bawk. Phone ah message in mi a be mual muala, ka harh tih pawh a hre kher lovang “Tunge i biaka?" min rawn en vutin ka biangah chuan a rawn chûl zauha.




“Inneihna tur lam mawle, mo kawr vel kha ka duhzâwng ngei ha la ka duhsia, nge nangmahin thlan i duh em?" tiin min rawn râwn ve leh ngeia, engkim a buaipui tawh miau chuan keichuan sawi buai em em pawh ka tumlo, bâkah thil nalh a hre thei riau.





“Nangmahin thlang mai rawh, keichuan tih tur vak ka hrelo. Bâkah heti zawng hi ka nih hi, duh thlang thei pawh ka ni hleinem" tisapin ka ṭhu chhuaka, rawn ṭhut chhuah ve paha min rawn kuahin “Chutiangin in ngai ngai suh, ka tân chuan i ṭha ber tih hria la, mahni in hmuh hniam hi chin hauh loh tur, i nihna ang ang hian keichuan ka pawm che" a thusawi avâng chuan ka hahdam sawng sawng mai.





In ngeih lo in inhnial reng mahila a bulah ka hlim leh ber bawk si lai hi a ni mak chu ni.