KA LALPA CHAPTER 22(LAST) BY MAWITEI BAWITLUNG

[mawitei bawihtlung]

KA LALPA




CHAPTER 7



“Va ha chhin teh maw" mo kawr an rawn ken lam pan chuan ka phei zuia, Dodoi lah a lo phur nasa mai. Hetianga mi innei tur engtin nge a lo phur pui theih ni? Mahse a leh lamah chuan Thanpuia dinhmun nen ka nun nawmna tur min ngaihtuah pui zia ka hria a, a hlim chu mak ka ti em em lo.




Ka kawr tur chu a nalh viau mai, a ban chu lace veka siamin a tle sep sepa, a hnuailam chu a puk laih bawk. Inthlâkna roomah chuan lûtin ka ha a, ka chhuah leh chuan ka ṭhiannu chu a lo au chûl mai.




Thanpuia pawh chuan mawi tih hmêl tak chuan min lo ena, ka lam rawn panin ka biangah chuan a rawn fawpa “I inhmeh lutuk tlat" a tihchuan ka nui seih mai, “Tak tak maw? Mahse ka zâm riau" tiin a kutah chuan ka chelh saka, a pate an rawn thleng tawh bawk nên kan in hmu tawh nângin min be lutuk lêm lova, min duh chiah lo a nih ka ring deuh.






“Naktuk maiah ka nupui i ni tawh dâwna, ka nghâkhlel tawh hle a ni" tiin darthlalangah chuan min in enpuia, phur viau mahila keimahah hian thil ṭhalo tak a thleng dawn ang tlat hian ka hria, enge a nih ang. Nge ka ngaih ruatna mai mai zawk ni ang?





“Kan inthlak tawh mai dâwn em ni?" ti a ka zawh lai chuan a phone a rawn ri a “Enga?" tiin keichu min rawn ena, ngaihṭha lo zetin ka lo en chu thaw hawk hian “Ka rawn kal ang, aw le?" tiin phone chu a daha “Enge i tih dâwn?" ti a enin ka hnaih deuha.




“Inneihna hi kan tih tâwp a ngai rih a ni, ka kal phawt ange nakinah ka rawn bia ang che" tiin a kal mai a tuma, chutia inneihna ṭhulh a ngaih thu a sawi chuan min ti hamhaih takzet “Enga timaw? Engah nge inneihna chu kan tih tâwp angaih?" a bânah chuan ka vuan beta, chutia a danglam ta vek chuan min ti hamhaih letling.






“Nakinah ka hrilh ang che, tûnah chuan chhungkua-ah buaina a awm riha, nidangah kan ti mai dawn ania, ka kal phawt ange" tiin a tlân chhuak zuia. Engmah pawh zawh chian hman a ni tawhlo, Dodoi nên chuan kan enliam ta tawpa.





“Kal tîr phawt mai rawh, nakinah pangngai deuhin in la in be zâwk dâwn ania, tûnah chuan a hmanhmawh a nih kha" rawn ti ve in inthlâk tur chuan min tizuia, engmah pawh ka sawi tawh lo. Inneih hun a nghahhleh zia a sawi renga, chutia a tâwp leh si chuan min ti hamhaih takzet.





Thawk la ham hamin ka inthlaka, engthil nge khatiang khawpa ti danglam tura thleng ni ang? Tu in nge rawn bia ang? Inneihna ṭhulh phah hial ngai khawpa buaina chu eng thil tak ni ang maw, engmah sawi tawh lo chuan inthlakin ka ṭhiannu nên chuan kan in zui chhuak hnak hnaka.






Boruak a hlimawm hman tehlul nên engtak chu thleng ang maw. Ka in kan thlen chuan Dodoi pawh chuan a ngaihṭhat vak loh thu chu a sawi ve siam siama, Thanpuia lahin min rawn be tawh rih lo. Chanchin engmah ka la hre lo chu ania, a thil tih chu hriat ka châk takzet.




“Ka chau riau, kan mu phawt ange. Nang pawh i nu ten an lo ngaihtuah tawh ang che haw phawt rawh, kan mu ange" tiin ka ṭhiannu pawh chu ka tîr haw zuia, ka phone chu dahin mutthilh tum chuan ka in let ka in leta.




Engvanga inneihna ṭhulh duh hial nge a nih, chutah min ngaihsak miah lo in a chhuak zui daih lehnghâl.




Zâna phone ka khawihin post pakhat ka hmuh chuan ka in pet ruh fana, henu avâng hian maw min lo kalsana? A bialnu hlui tih an post an thu an sawi dân aṭang chuan ka hre thei, damdawiinah a awm amaw? Huh, a awmbo an ti si a, engtik laiin nge a rawn lêt ni.





A bulah chuan Lalthanpuia chu a chhûngte nen an ṭhu ṭhapa, an ṭhiannu post aṭangin a ni ka hmuh ni. Thinrim tak chuan phone chu dahin ka mit chu ka hupa, tûnah chuan neih pawh ka tum tawh lo, min lo bum lek a ni. A bialnu a rawn lêt meuh chuan kei leh a fa chu min thlauhthla nghal hmak chu a nih hi.






In ngaihtuah thinrim zêlin naute te chu tihtlâk hial te ka ngaihtuaha, mahse a ni pawisawi lo tihnat ka duh lo. Ka enkawl anga, a pa erawh a hre ngai lovang. Min chhuhsak tum teh se, a thei ngai lovang, ka naute chiah a ni tawh bawk ang. Kha nu phiangsen avâng khan kan inneihna a ṭhulh hial a ni si a, tenawm hiana, engtin nge ka lo rin theih zâwk ni.





A tâwp a tâwpah chuan thutlukna siamin a bula thawh pawh ka tum tawh lo, hna eng emaw zawna keimah in enkawl mai ka ngai a ni. A ni tello pawhin kha chen ka dam tawh a lawm, ka awm thei em em ang, he ka fa hi chu a piang ngei anga. Mahse a ni chuan hmuh pawh a phu lo.





Awm bo hialte chu ka ngaihtuaha, chutilo chu thil a ti thei si a. Awlsam taka ka fa hi min lâksak mai ka hlau a ni, reife ka in ngaihtuah hnuah ṭawngṭaiin ka zâng huaiin ka hria, tui zet chuan ka muhil zawma.




Ka kawngka rawn ri dawt dawt avâng chuan peih lo zeta tho chhuakin ka pan pheia “Tunge?" ka tihruala min rawn chhâng tu avâng chuan ka kawngka hawn tum chu ka tâwp nghal chata, tûnah a la rawn kal amaw? Enge a rawn tih dâwn? Engmah hrelo turah min ngai a ni ngei ang.





Zak lo lutuk, ka be ṭha tawh awm lo emai. A chhûngte duhpui ngei chu nei rawh se “Haw rawh ka hmu peih tawh lo che" tihmakin ka ṭhutthlêngah chuan ka ṭhu thla a, a ni lah chu a rawn che na sauh mai.




“Rawn hawng teh, in biak kan ngai ania, engvanga thinrim ringawt nge i nih? Inneihna ka ṭhulh vâng kha em ni?" a rawn tih phei chuan thinrim tawh tak ka ni “Lalthanpui zahna châng hre rawh, min rawn hmuh tum tawh suh. Naute pawh hi i rawn ngaihven a ngai lovang, i hmangaih a rawn kîr meuh chuan i fa pawh i hrechang tawh lo ania" tiin ka nui hak haka.





A reh deuh vung vung mai “A che suala ka ngaihven mai a nihkha, in be teh ang. Kan innei dâwn lo ka tih loh kha, khatiangin thinrim vak lo teh, kawngka hi rawn hawng rawh, ka chhûngte tân a pawimawh a, chuvângin a nih kha inneihna pawh ka ṭhulh" a tihchuan ka nui leh hak ringawt.





“Nei rawh, nang nena buaina neih reng pawh ka peihlo. Tihpalh thilthu in kan mu duna, ka vanduaina belhchhah turin nau ka lo pai khanglanga; mahse min ngaihtuah suh keimah pawhin ka enkawl thei, ka mamawh chiam lo che" ti hmakin ka ngawi zui ta daiha, kawngka hawng tura min tihna pawh chu ka hrelo der hmak bawk.





A duh duh dânin awm rawh se, a rilru a hriatrenga, a tan ka pawimawh ve tak tak lo tih pawh ka hria. Min neih a duh chhan pawh a fa ka pai vâng chauh ani, tenawm hiana.



“A ṭha e, nidangah ka rawn kal leh ang. In biak ngei kan ngai tih hria ang che, kan fa kha fahrah turin ka phal hauh lo tih i hriat kha" a tihchuan ka thaw hak mai. “Zahna te i nei ve ngai a nih chuan min rawn tibuai tawh suh, tin i fa hi ka pai reng dâwn lo tih hre bawk la. Ka ti tla ang hria ang che, chuan buaina tur kan nei lo a nimai, i duh duha tihkual theihah min ngai a, ka ni hauh lo ania" chiang fekfawka ka tih leh chuan kawngka chu a rawn chhir leh ṭhuai a.





Ka lâwm lo takzet “Ti tla reng reng suh ang che, i hria em Lalrosang, nau ti tla hauh suh ang che" tihrawkin kawngka chu a rawn sawi leh dawt dawta, ka nui ro hak ringawt.




“I thu lo, kha i bialnu kha va pai tîr rawh, amah avâng chauha min mutpui i ni lo'm ni? A ni awm se min mitpui kher nâng, haw rawh. I enga mah hi ka hre duh tawh lo, ka hua che a huatin ka haw hluah hluah che" ti tawn tawnin kawngka lamah chuan ka tui um chu ka vawm phei ṭhuaia.





Amah zawkin min neih a tuma, a bialnu hlui damloh avang ringawta a ṭhulh leh chuan min ti thinrim takzeta, a duh duha tih kawi theihah min ngai zawk emaw ni. A duh duh dân in ka awm hauh lovang, tûn aṭang chuan a lakah ka nem mai mai tawh dâwn bik lo.




“In bia ang ka tih chu, a ni kha ka tân engmah a ni tawh lo" bleh bleh bleh, “I daw zêp zuap kha a nih chu, i dawt sawi ka ngaithla peih tawh lo, i dawt sawi tûr ngaihtuah nan i lu lian deuh kha a na ve tawh êm? Ka hnêna dawt sawi tur i ngaihtuah ngat ngat zêl awm sia, i thluak te kha a buai nuaih ang chu. Engpawh chu nise kal bo teh, i duh duha min tih kawi tum tawh suh, ka nunah thu i neilo" tihmakin ka au khum leha.





“Kal bo zung zung rawh, Police ka phone kher ngai suh se. Thanlerh, dawt a tam pauh leh hliam a pung ṭhin, ka laka dawt i sawi reng khân ka huatna tur che i sawi hnem tih in hria la, min rawn be tawh miah suh. Engmah sawi pui che ka peih tawh lo, ka in bula i awm ringawt pawh hian ka luak i tichhuak" ka ṭawngtam in ti viau mah ila a phu tâwk chiah a ni.





“Thudik hrelo in khatiangin sawi ngawt suh. Kan innei ngei ngei dawn tih hre rawh" ka nui chhuak leh uar uara, min ngei ve ang chu aw. “I damchhunga i theih loh tur a nih chu, keichuan neih che ka tum tawh lo. Bialnu hluite avânga inneihna pawh ṭhulh duh i nia, ka pasal ni tur pawhin ka duh tawh lo che" a bâk engmah sawi ka tum tawh lo.





A ni pawh a beidawng ta nge “Naktukah ka lo kal leh ang? A nih loh pawhin hna kal naah kan in hmu dâwn ania" tiin a thâwm chu a reh zui vang vanga, huh. Ka hmu âwm hleilo, a duh leh a bialnu kha nei rawh se, a bulah pawh ka thawk tawh bawk lovang.





Ka ṭhiannu chu bia in inluah tur min lo zawnpui tûrin ka ti a, ka in luah pawh ka sawn hmak ang. A ni nêna engmah tih dun ka duh tawh lo, lo innei hman phei ila chuan uiresan hial pawh ka tâwk thei chu ania. Mizorama thil thleng atân chuan a rapthlâk mah mah, nilo a over thlak mah mah. Mahse enge a rapthlâk tho alâwm, thil thleng theilo pawh hi a lo awm lo anih hi.





Nge ni a, ṭhenkhat ang hian ka reels ve zuk zuk dawn nge mawni. An ni pawh media ah an lam zawl zawla, Sunday ah Biak inah upa te leh Pastor te hmuha hmeichhe ṭha deuh piangthar, nunnem, mi fel angin an awm leh than thiama. Ka thiam ve angem phei chu ka hrelo, live hmanga sum lâk luh ve mai te hi a chi angem, huis.




Nau hial pai tawh mah ila khatianga lemchan nun kha chu nei leh lo mai ang. Keichu ka sual ang ang hian ka lang tlang rawng mai tur a ni, ig live vela lar duh avanga mahni taksa tih lan vak vak ai chuan tihian ka awm mai ang chu. An ni anga Biak ina piangthar, khawvêla hur leh si nih ai chuan tihian ka mualpho lâwp lâwp mai ang chu, mihring bum thei mah ila ka Pathian ka bum thei miau silo.





Tûn lai khawvel lemchang nun lutuk a nun ai chuan ka nihna dik tak leh sualna ang ang hian ka lang mai ang chu.




A tûk lamah pawh hna ka kal miau loh avângin ka in luahah a rawn kal leha, ka va han ning tak. “Haw rawh, in biak ka duh tawh lo ka tih kha, kha chen ilo ngaihzâwn tawh chu i ngaihtuah lo theilo tih ka hria a lawm, ih maw? Min ngaihtuah reng reng suh, keimah in hei chen ka awm tawh hi, tumah ka mamawh teh chiam lo. Min rawn hmuh tum tawh lo hrâm teh, ka inchhirna tur thil tih ka tumlo" tiin ṭha tak chuan ka lo bia a.






A ni erawhin ka hriatsual a la ti ve ngar ngar thung “I chhûngte pawhin an duhpui che tih ka hre vek alâwm, min hmuh pui lai pawhin keichuan an ṭawngkam mawi pawh ka dawng lo. Tûnah chuan a fiahna chiang takin ka hmu tawha, mi in ngaizawng kârah lo inrawlh ka duh tawhlo, kal la. Min rawn ngaihtuah reng reng suh, ka ṭha lutuk, i fa pawh a awm tawhlo. Ka nuam lo viau ania" tiin ka chhânga.





“Nilo, nilo ala awm tih ka hria, dawt min hrilh hauh suh. Ka fa chu a la awm" tiin min rawn pan ruaka, ka lo tawlh hnung dat thung. “Tukinah khân ka lakbo tir tawh, a pa berin hmeichhe dang a duh miau chuan a tân a ṭha zawk. Tin, nu leh pa kar nilova ṭhang lian turin ka fa kha ka phal reng reng lo, kal rawh. A awm tawh lo" a hmêlah chuan natna a rawn langa, ka hmuhsual zâwk emaw ni?





Ka dulah chuan rawn khawihin a mitmeng chu a buai naka, a la awm tih hrilh mai ka duh ut uta. Mahse, nizânah ngei pawh kha nu bulah khân a let tih ka hria, engmah sawi pui ka duh tawhlo “Hetiang em em hian em ni ilo nunrawng" a rawn ti ro haka. A hmêlah chuan rapthlâk min tih hmêl takzet.





“Aw..pasal neilova fa neih ka duh hleinem, tikhan kan inkar chu a tawp, a telloa i awm theihloh nu nên ngei khân chhungkua chu in din dawn ania" tihmakin ka awmsawna, a hmelah chuan na hmel leh thinrim hmel a in pawlh nawk mai.






“A ṭha e, hmeichhe rapthlâk lutuk. I duh ang ngei chuan kan inkar chu tâwp rawh se" tiin a chhuak zui ta daiha. Kha kha a ni, a tân chuan engmah ka ni tak tak lo, a tân chuan ka naute chiah kha a pawimawha, keichu min duh ve tak tak lo. Ka taksa chiah a lawm a duh, keichuan ka thinlung zawng zawngin ka duh a sin.






Ka mittui chu nuai nak nakin ka dul chu ka chûl a “I pa chu i awm loh thu ka hrilha, a ṭul leh i nu hian ka kalbo pui daih mai ang che aw. I pa khân a duh lo che a ni miah lo ania, mahse i nu hi min hmangaih miau silo, ka tello a a hnêna awm turin ka phal bik lo che a ni. Min ngaidam rawh aw, pa i nei dâwn silo" ti sap sapin ka mittui chu ka hru a.




Nichina ka thawvenna te kha an bo leh vek tawh. Hmeichhe dang bulah khati khân a kala, a lo kîr tawh dâwn lo tih pawh ka hria, a thusawi kha ngaihthlak duh viau mahila midang thusawite, a chhûngte min en dân zawng zawng nen innei tehreng pawh ni ila ka fa a pian hunah min laksakin min ṭhen ang tih ka hrechiang.





Chuvang chuan hetia ka tih tâwp mai hi a ngai a ni, ka inchhir tur a nilo tiin ka infuih sauh sauh a. Tûnah chuan ka ṭhianpa emaw ka biak mai angai ang, ka fa enkawl tur chuan hna ka mamawh miau bawk si.




Phur lo zet chuan ka bungrua chu ka rem fela, Dodoin inluah tur a lo hmuh leh ka insawn chhuak phawt ang, hetah ka awm reng theilo. A chhan chu a beidawn mai ka rin loh vang a ni, thinrim takin chhuak mahse a rawn kîr leh ngei ang.




“Ka u i lo ṭhen chu i ti ṭha e, kan monu ni tur hi chuan chhungkaw zahawm tak nei kan duh rêng a ni" message chu ka ena, ka number save loh nimahse Thanpuia nau a ni tih ka hre nghal. “A ṭhat nasat chu, hlim deuhin an awm ka beisei, i sawi dik e. Nang ni ang mi hausa chapo, chhûngte thawhchhuaha nun nuam em em tân chuan keini ang chu kan ṭha reng nang" ka ti ve saka.





“Taka, pasal i neih tawh kha. Mawng lem te kha vuah vak suh, nge ni a i pasal i lerh san zeuh zeuh zâwk nge. In pa lah kha a sum i duh vâng zawk a ni tih a hriat, a tar tawh ropui si" ka tileh chu a rawn thinrim nasa mai. Mahnitea nui hak hakin ka block zui daiha.




Lalthanpuia pawh chu ka block hmak bawk, tikhan an chhûngkaw min hmuh dân dik tak chu ka hre tawh alâwm. Min lo duh lo hle tih lah a chiang reng, chuvang chuan Lalthanpuia hi ka hnaih leh tawh tur anilo, ka fa erawh ka hring ngei ang, ka neih chhun ani dâwna, ka theih tâwka enkawl ṭhat ka tum bawk ang.




Kha zân khan lo rui kher kher lo ila chuan hetianga dinhmun chhia hian ka awm lo tur, ka in tal âwk zo va. Engpawh chu nise thil a nih tur ang ang a ni tawha, ka tihsual chu ka tuar mai tur a ni, engmah buaipui tur leh rilru hahna tur ka nei hlei nem. Chhûngte lah ka nei heklo, tu mithmai mah vên tur ka nei hleinem.




Keimahin hringnun ka pal hnem tawh a, ka tuar thei em em ang. Ni e, an ni ang chhûngkaw hung leh hausa tan chuan kei ang mi chu kan hniam em a ni.





Mittui hru fap fap chuan hla chu ka ngaithla a, a hmuhah kha chuan na miah lo angin awm mah ila ka thinlung kha a rum vawng vawnga. Khanu kuta chelh chunga a muhil hmêl ka hmuh phei kha chuan ka lung ana vawng vawng a nih kha.




“Ka naute nang leh kei chiah kan ni dawna, pawi i tilo ang tiraw? I nu hian nu leh pa ka nei lova, nang tal chuan nu i la nei dâwn alâwm tiraw? Lungngai miah suh ka venghim zêl ang che" tiin ka phun sap sapa.




Facebooka thu pakhat naute pumchhunga mi thusawi ang maia an sawi tir ka chhiar fuh phei kha chuan tihtlâk ka tum lo bur, kha thuziah kha chuan ka mittui a titla thei hial mai. (A TAK TAK AW, A GROUP HMING ERAWH KA SAWI LO ANG)




Kan fa kan pum chhûnga mi ngei, kan lungngaihna leh hlimna min ṭawmpuia, kan rilru hahna zawng zawng lo hre ve vek tu hi keichuan tihtlâk ka duh ve lo, rawn ṭhanlena ka lungngaihna rawn chhâwk zângkhai duh ve ngawih ngawih angah ka ngaia, ka titla theilo. Ka thisen zawmpui ngei a ni si a.






Apa nen enkawl dun thei dâwn lo mah ila mi pawhin an ti thei alâwm, ka thei ve em em ang. Tûnah chuan hna ṭha tak ka zawn phawt angai a ni, Thanpuia bulah ka thawk thei tawh lovang, amahin min lo duh pawh nise a chhungte'n min hmuh dan ka hre tawha, hnaih ka tum tawh lo bur. Lo hnaih lui ta tehreng pawh ni ila kan hlim dun ka ring lo.





In tih harh tumin ka vâk chhuaka, rin loh lutukin kha nu nên khân ka la hmu dun zui. An hlim hmêl em em lehnghâl, ka bulah khatiang khawpin a rawn sawia, mahse a bulah bawk a nih saw a lo awm leh tawh, hmu lo ang mai chuan dawr pakhatah chuan lûtin ei tur chu ka lam malh malha.





“I hlim bawk maw?" ka hnunga rawn ding chunga min rawn be tu chu ka hailo; mahsela hrelo ang mai chuan ka thil leina chu pe in ka chhuak zui daiha.



“Min be duh lo in awm vel suh" ka bana rawn man chuan mi kâr pawh sawi lovin a lamah min pawt dawrha, a bialnu pawh a rawn thlen leh tawh hi.



“I hlim zâwk em? Wow in lêng dûn vel a nia, a nuam maw? Hmangaih berte nen a lên chu anuam a lawm tiraw? Oh! Ka lawm pui lutuk che u, mangṭha phawt le" ti a kal ka tum chu min la man bet tlata, ka thinrim takzet tawh. Hmuh duh miah lo laia a rawn lang sek te hi ka ning.




“Min thlah rawh, Lalthanpui ka dawhtheihna fiah hauh suh aw" tiin ka au ve ta ṭhat a, kawng kal ho chuan min en haw haw hlawm mai. A pawi tih loh a hnu keipawhin engah nge pawi ka tih vak bik ang ni, theih phei se a hmaiah tak hian a nia hneksawk ka duh ni.





“Engvanga hna rawn kal miah lo nge i nih? I duh duh huna chawlh theihah ngai hauh suh" za lo tak chuan ka nui leh haka, ka hrilh chiang viau sia “I la hrechiang lo em ni? Lo ngaithla rawh, K.A. B.A.NG" ka spell koh koh a. A kut chu ka thehthla pah bawk.



“Tikhan i hrechiang rawh em? Nang nena inzawmna neih hi ka duh tawhlo,ka luak i ti chhuak ka tih kha. I duh duh danin awm tawh rawh, nilo i awm reng tawh zâwk a lawm. I thil tihah ka buai peih love, nang nen chuan thil hote vâng chiahin a nih kha kan inkawp bye bye" tiin ka kalsan zui hlawk hlawka.




Ka na hmêl hi hmuh tir ka tum teuhlo, chaklo tak anga lan ka duhlo. Min ngaih nep theih turin ka awm dâwn lo hi a ni tawp, kha nu pawh kha damlo dam rang ber record pêk chi a nih kha. Nimin lamah kha chuan a thi dâwn emaw tih theih tur khawpin damlo khumaha a mu mar awt a nih kha.




Zaktheilo pahnih, ka mood an ti chhe leh vek. Haw leh mai ka châk loh avangin min enkawl seiliantu ka awmna ṭhin home-ah chuan ka kala, naupang ho chuan min lo pan nghal sap sap mai.



Kar khatah vawi khat tal ka tlawh ṭhina, mi an ngaina hle bawk. Naupang fel leh duhawm tak an ni a, engtin nge an mahni hringtu nu ngei te hian an kalsan theih le ka ti ṭhin. Mi tam takin fa neih châk si nei theiloa beidawng em em a an awm laiin ; ṭhenkhat te erawhin khawlaiah leh bawlhhlawh bâwm ah te thi tûrin kan kalsan duh ania.




Keimahni ser nung reh thei lo kan insiam mai mai a ni. Kan pai tlang a nih chuan enkawl chhunzawm pawh kan ngam tur a ni ngaia, thla 9 chhûng kan puma lo awm tawh kan thlauhthla leh mai ṭhinte hi in ngaihtuah chian hle kan ngai a ni.



“Ilo kal a nimaw?" ka nu ang maia ka en chu rawn kalin min kuaha,ka lo kuah lêt vat bawk. A ni hi awmlo se tûn dinhmun hi ka thleng in ka ringlo, ama min enkawlna liau liau a ni.




Chutia min kuah tâkah chuan ring taka ṭah khum hawm hawm mai ka châk,a rem teh ṭeuh silo. “Nu hrilh tûr che ka neia, i thurâwn la tûrin ka lo kal a ni" tiin amah chu ka ena.




Ka sawi awmzia hria in midang awm lohna chu min panpui zuia, a bulah hi chuan thuruk ka nei ngai lo va, tûn pawh hi Thanpuia nen kan boruak vêl nen ka kan har mah mah zawka, ka rilru a hah bawk nen ka pan lo theilo. A ni chuan min hnem dân tur pawh a hre ngei ang.




“Sawi ta che ka lo ngaithla ange" a tih tâkah chuan engkim chu a bul aṭangin ka sawia, ka in sut leh pah ṭhin. A ni erawhin dawhthei takin min lo ngaithla thung.


LIKE LEH COMMENT ṬANG HRAM HRAM ANG AW

[mawitei bawihtlung]

KA LALPA




CHAPTER 8






“Bawihi a thusawite ngaithla ve phawt la, a bialnu hlui chu a lo na viau pawh a ni theia. A ni tân pawh a chhungte'n an ngen miau chuan thutlukna siam a har ve dâwn asin, i chanah dah chhin la. A thisen zawmpuite ngei thu kalh zawnga awm chu a nuam miahlo vang, i hriatthiam ve te pawh a ngai a lawm, a fa i pai tawh lehnghâl. Pa neilova awm tir i duh tak tak em?" a rawn tih dam dap chuan ka thaw chhuak haka.







Chutiang zâwnga a rawn sawi daih chuan mak min tih tîr lo theilo, a chhûngte chu ka hrethiam. Mahse engvângin nge a bialnu hlui kher, ka hrethiam thei lo a ni “Tunah chuan biak rih loh phawt ka duh, min duh ve tak tak hleinem. Kan in hmuh tirh aṭangin ka taksa bâk a duhlo, tûnah rih chuan engmah sawi pui ka tum lo, ka fa pawh a awm tawh lo tiin ka chhâng a nih kha, rilru natna dang tawrh pawh ka duh tawhlo" tiin hmun dang chu ka ena.









Luhlul min tih hmel takin min en thung “I têt te aṭangin i luhlul em ema, tûnah pawh i la dang lo anih hi, hei vâng hian alâwm ka ngaihtuah loh che. Nangmah i inrintawkna khân a tichak che tih ka hria, i duh ang chuan han nghak phawt la Pathianin i tâna ruat a nei a nih chuan ila tawng em em ang" a tihchuan ka nuih saka.







Rei pawh awm tawh lovin Dodoin in luah tur min hmuh sak thu a rawn sawi avâng chuan ka haw zuia, ka ṭhianpa pawhin an dâwrah ka thawh theih tûr thu a sawi bawk nen ka lungngai duh lêm lo. An inah awm mai tura min tihna erawh ka hnial thung, keimaha ka chên hi a ṭha ber rih tlat a ni.






Mi ina awm thei pawh ka nilo, midang tân phurrit ka siam mai mai a ni. Dodoi in luah tur zawn hmuh chu an vengah niin an in nen pawh a inhlat lutuk lova, keipawhin ṭha ka ti viau. Bâkah luahman an lo ti tlâwm hlauha, thlakhatah sangthum lek chuan ṭha ka ti viau mai. Sum thawh chhuah a har si a, ka inkhawl ve nên chuan ka naute neih hunah pawh ka talbuai lutuk bik lovang.








Pikup hawhin ka bungrua vel chu kan la chhuak nghal veka, a chhan pawh Lalthanpuia rawn lan leh mai ka hlauh vâng a ni. Ka lakah lâwm lo viau mahse min rawn hmuh a tum leh tho ka rin vâng a ni pakhat, a luhlul zia ka hre chianga, chuvang chuan min zawn hmuh loh nân ka insawn ngei a ngai.








Aizawl pawh mihring kan tam tawha, veng khat ringawt pawh inhriat a har tawh ania. Min rawn zawng hmu mai mai bik dâwn lo tih ka hre tlat, chutiang tur chuan fimkhur takin ka awm bawk ang. A duh duhin awm rawh se, a tan ka pawimawh ve tak tak lo tih ka hria a, a hmaa inlan sek pawh ka tumlo.






A ni ka duh hmaah khân lêt leh ka tum tur ani, ka fa hi a lo pian chuan ka khawhar pawh min hnem ve deuh mahna. Dodoi chuan min in rem fel pui vekin Thanpuia thinchhiat zia vêl ka awm loh hnu aṭanga a nelawm leh tak vak loh thu te chu a sawi mawlh mawlha, a thinchhe si a reilotea a thinte hi a lian vak ang tih a hlauhawm zawk, hetiang em ema han thinchhiat theih mai ni.









Lo nui liam ringawtin ka inluah tur chu ka enkuala, a man a tlawm ang aiin ka inluah hmasa ai a ṭha daih zawk. Bungraw lo awmsa pawh chu an ṭha hlawm viau lehnghâl, Dodoi chu ka bulah zanriah a ei nghal a, zânah pawh inthar a ni bawk nen riah ve ngei a tum avâng chuan keipawhin haw luih tîr ka tum bik lo.








Kan la tih hmaih thil te chu rem felin kan titi dûn mawlh mawlha, ka tân hi chuan a hlu ṭhin. Buaina ka tawh apiangin min tlânsan ngai heklo, ṭhian nihchu a tlin hi ka ti takzet, ka tibuai thei ropui si a châng chuan a lakah pawh ka inthlahrung thei viau mai.







“Enteh boss chu a hlim miahlo, bâkah a bialnu i tihkha ka hmu tawha. A ngaihsak vak miah lo ania aw, khanu khân lemte hi a lo chang reng a ni lo maw? Be ve hrim hrim la ka ti e" a ni pawh chu “Kan in be tawh alâwm, a duh a thlang tawh. Bâkah kan naute a awm tawh loh thu ka hrilh aṭang phei kha chuan a danglam vek tawh, engmah lo hrilh suh aw. Hetia kan awm hi a ṭha zawk, min duh ve chuang lova innei pawh ni ila kan hlimin ka ringlo" tiin khum chu ka siam malh malha.







“Mahse mi pawh an inneih hnua in hmangaihte an awm ve tho hi, ka ngaihtuah che alâwm. Naute lo piang ta se i buai dâwn lutuk, engtin nge hna i thawk thei tawh dâwn silo, rilṭâm te hian in lo thi ang tih ka hlau alâwm" a tihchuan ka nuih haka “Ka inkhawl ve tih i hriat kha, bâkah i awm alawm. Ka naute min pawmsak i tum miah lo em ni? A nu ve tho i ni dawna, nang berin i pawm lohin duat tu tur dang a neih loh hi, mu phawt ang" tiin khumah chuan ka mu thla a.





A ni pawhin engmah a sawi tawh lem lo, movie en dunin kan titi pah siam siama, Lalthanpuia erawh ngaihtuah loh lai ka neilo, tûnah te hian enge a tih ang? Ka block vek sia min biak a tum angem le? A thinrim viau mai thei a ni, ka tân pawh chutianga block chu a nuam miahlo, mahsela tûnah rih chuan ka haw em em bawk si. Ka mamawh em em laia a awm lo leh kan inneihna a ṭhulh kha ka lâwm thei miah lo bawk, ka tân chuan a zahthlâk em ani.






Chumai bakah keiai a bialnu hlui damlo a buaipui zâwk khan min tina ngawih ngawih. Ka mumang ṭha lo zet avâng chuan ka ṭhang harh hlawla, thawk la ham hamin khum bula tui chu banin ka inzui khawlh khawlha.





Dodoi erawh tui zetin a mu thung, ka pum chu khawihin Lalthanpuia bawk ka ngaihtuaha, ka awm lo tih a hre tawh angem le? Pawi a ti ve angem? A tih vak pawh ka ring lo, a chhan chu vawikhat pawh min duh thu a la sawi ve hleinem, ka naute tih fahrah a duh loh avâng chauha min neih a duhthu a nih kha a sawi ni.






Mu thei tawh lo chuan zîng lam a ni tawh tho bawk nên tho chhuakin rawng ka bâwl zui mawlh mawlha, vawiin aṭangin hna ka thawk ṭan dâwn bawk nen chaw ei hma a ngai hrim hrim, ṭhiante mah nise hlawh neia chhawr tur ka nih avângin a hma thei ang bera kal ka duh.





Dodoi pawh dar ruk vêlah rawn tho ve in ka lo che mawlh mawlh chu min lo ena “Chaw ei ka peih ṭep ania, hetah ei ve nghal mai rawh. Tin, Thanpuian ka awmna a zâwt che a nih pawhin hrilh miah suh ang che. Hmuh ka duh rihlo" ka tihchuan a bu nghat nghata.





Chaw eikham chuan inṭhen in kan kalna tur lam ve ve ah kan kal zuia, ka ṭhianpa te dawr hi thawmhnaw zawrhna a ni a. An lun ve thei viau bawk, a hmun ka ve thlen chuan ka ṭhianpa chuan min lo nghâk rana.




“Rinai i rawn thleng hma, i ti ṭha e" tiin a rawn nui var vara “In chân phah êm lovang chu maw? Inhlawhna tur dang ka hmu mai silova, ilo awm hlauh chu ka lâwm takzet" ka tihchuan nui suk sukin “Ka tih ve theih tâwk alâwm, tirawh thingpuite in ila" tiin an dawr chhûng lamah chuan kan inzui luta.





Dawr sir lama thingpui lumna lamah chuan kalin noah a rawn thli chhuaka. Keiin ṭhutthlenga ṭhu chungin ka lo en ve reng bawk, ṭhianṭha tak tak mangan huna min pui hreh miah lo tu ka nei hi ka vanneihna ai ka tilo theilo, tam tak chu an mamawh hunah tlanchhiatsan ṭhin ṭhian an neih avanga rilru na em em an awm ve ṭhina, tuna ka ṭhian neih chhunte pahnih erawhin ka mangan laiin min tlanchhiatsan ngai hauh lo.






Ṭhian dik tak chu kan lungngaih leh harsatna kan tawh chiah hian an lang chiang zualin ka hria, thingpui kan in zawh chuan an thil zawrh man vel te chu min kal kual pui pahin a sawi pah mawlh mawlha, lehkha ah ziakin ka lo chhinchhiah ve zel bawk. Ka haihawt ve si a, ka theihnghilh ka hlau a ni ber.





Mi pali vêl kan ni dawna, hmeichhia pahnih leh mipa pahnih a mah nen pathum ang an nih chu. Midang hnênah pawh chuan min in hmelhriat tirin kan inkâwm khawma, customer rawn lût hmasa ber chu min fiahnan min dâwr tira, tluang taka ka tih theih avâng leh a lei tum aia tam a lei avâng chuan min fak hlawm nak naka.





“Rinai i sumdâwng mi dâwn riau mai, kha i hralh thei phian lehnghâl. Chutih rual erawhin fimkhur la, tûn angah rûkrûk hmang an tam tawha, mi dawr tur anga awma a ruka thil tih chîng an tam tawh nen mit len kual ngun angai ania, i tihbo vaih chuan ka pen ngei ang che" nui chunga a rawn tihchuan ka lo nui ve haka.





A pian a nalh bawka, a luck pawh a luck viau. Amah erawh hi chuan bialnu a ngaihsak hauh lo thung, thawk khat lai khan min bem ve a, mahse ṭhian anga ka en avangin keichuan ka ngaihzawng turin ka en theia ka rinloh thu ka sawi tâkah kha chuan min nawr lui lem biklo.





Heti hian ka lakah lâwm lohna pawh nei lêm lovin ka tan englai pawhin ala awm reng ṭhin. Ṭhenkhat chuan an mahni hnâwl tute biak emaw an peih tawh loh laiin ani erawh ka lakah a fel dan a la ngai reng mai “Ka lo tihbo tâk leh ka tuar lâwp lâwp mai ang chu" tiin ka nui ve hak haka.




“Lalrosang" Tluangpuia nena kan lo nuih dun lai chuan ka beisei loh lutuk aw chu a rawn chhuak phuta, ka hawi phei rualin ka ṭhiannu leh Lalthanpuia rum lutuka lo meng chu ka hmu nghâl, zêp turin ka hrilh si a. Chutia mipa dang nena kan lo awm dûn chu a thinrim hle tih ka hre thei.





Kan lam chu rawn pan pawk pawkin ka kutah a rawn vuana, alamah min phih nghal dawrh mai. “Ka tihpalh, min bân a tuma," Dodoi lah chuan inthlahrung zetin a rawn ti a, dem theih pawh a nilo. Lalthanpuia lah chu a thawk dân aṭang ringawt pawhin hlauhawm tham a ni.




“Min khawih ringawt suh" ka lo tihmaka, ka kut chu a mi chelhna ata lâk sawn tumin ka bei ve ngat ngat bawk.“Mipa dang i lo nuih vêl a maw? Ka zawn nasat zia che i hria em?" a rawn ti deuh hrawka, ka lo nui hak thung.




“Min zawng tûrin ka ti rêng rêng lo che. I nupui pawh ka ni lova; i engmah ka nilo, min zawng tawh rêng rêng suh, mibo ka ni hleinem. Thluak ṭha tak ka neia, ka duh sawina turin kâ, lei, hmui, ha ka nei kim vek. Ka duhna hmuna kal turin ke ka nei bawk, chûng chu i nei ve veka i duhna hmunah kal ve mai rawh. Mi awm mai mai zuilo hian pu Thanpui oh! Ni leh lo, val senior phan chang lerh ve zet hihihi....hii..hi..hi......hi..." tiin ka nui hak haka.






Kan bula awm ve te nuihza nui ri ngam siloa hmui lo zum pâwt pâwt ho hmel lah chuan nuih a tiza zual. Lalthanpuia hmêl lah chu a rum zual sawta, huh. Min rawn tibuai reng lo se a thinrim lo ni mai tur.




“He i ka dak thei zet hi ngawih tîr hle hle rawh, ka rualin rawn lêt ang che" tiin min vîn khur khura “A duh loh chuan tihluih angailo, a enga mah i nilo" Tluangpuia lo ṭawng ve leh chuan a thin a ti rim zual sauh a ang “Lo inrawlh buai suh, ka bialnu a nih hi, i ka kha ka thlawn palh hlauh ange" tiin min rawn en leha.




“I zak theilo kha a nih chu, i bialnu chu i bulah a awm reng kha, min rawn tibuai tawh suh. Dâwt sawi hmang lutuk, i bialnu pawh ka ni lova; tu bialnu mah ka ni hek lo. Tin, i duh duha mi tih kawi tum miah suh" tihmakin kal mai ka tuma; min chelh bet nghet sauh mai.





Ka za han ning tak êm, nau chu pailo ila ka sual duh hial tawh ang. “In be lawk ang" tiin midang awm loh naah chuan min hruaia, ka hnial duh tawh biklo. Enge sawi ala duh chiah ni? Ngaihthlâksak chu kan tum ve poh ania'ng chu.




“A ni nên kan inkârah engmah a awm tawh lo, kan lo inzui tawhna ṭhinah ka pui mai anih kha, inneih ka ṭhulh chhan kha chu ka pa buaina vâng a ni e, Lunglei lam kan bank a enkawla, office ṭhenkhat a kâng a, ka buaipui a ngaih vang ani" ka ner sawk mai, chiang takin min hrilh thei reng.




“A nih chu, mahse ka duh chuang lo che min hrilh thei reng a lawm. Min nei duh lo tur chuan inneih kha sawi loh mai tur a tâwk, ka ngaithla peih tawhlo" tiin ka kal dâwna min lo man bet lehnghâl chawt mai.




“Sawifiahna hun min pêk miah loh kha, thinrim ringawtin ka thusawi i ngaihthlâk duh miah loh kha hre ve ta che" chhuanlam chhuanlam “Damdawiina i awm kha ka hmu vek aw hmela, in bank ah i awm lo, in Bank chu damdawiin a nih chu, bank nei maksak pa,college te hi in Bank a ni vek lo maw?" ka thusawi avâng chuan ngeiawm min tih hmêl lutuk leh lâwm lo bawk si chuan min ena.





“Damdawiinah khân ka awm rei hauh lo, a zân a zanin Lungleiah ka tlang, chuvang ania ka rawn biak loh che. A tûkah tlai lamah ka rawn lêt chauh a ni" a thusawi chu a dik ve thei tho, min rawn biak miah loh tak kha. Mahse ka la lawm chuang lo.




“I chhûngten min duh chuang lo, bâkah nang neih che hi ka tum lo hrim hrim. Kan naute chu a thi tawh ka tih kha, tin khanu nêna ka awm loh hnua in inhmuh ngun dân zawng zawng pawh ka hria, min rawn beisei kual tawh suh. Ka mutpui mai che avângin i duh duh dânin ka awm ring suh ang che, min rawn tibuai tawh hek suh, ka engamah i nilo" tihmakin ka kal nghal daiha.




“Ka rualin rawn lêt rawh ka ti a ni lo'm ni" ka bânah rawn vuanin a lamah min kuai hera, ka hmuiah chuan midang hmuh lai pawh pawisa hauh lovin a rawn fâwp ta siah mai. Duhthawh zet hian min fâwp tawn tawn a, tâl chhuah ka tum chuan ka kawngah vuanin min pawt hnai sauhva.




A tâwpah chuan a hmuiah ka seh sak ta vaka min thlah rang ngei mai. A hmui hnuailam chu a rawn thi ta sar sar bawk, tuai zauhin min rawn en chuan ka lo in kuangkuah khum hmak mai.



“Ka phalna la hmasa lova min fawh vâng leh min tih mualpho vâng a nih kha, chhuak vang vang rawh. I chhuah rualin i rim pawh hi hui chhuak vek ang che" ka ngeiawm a ti ve mai mai ang chu, a phu tâwk chiah. Mithmul buk ropui si.




“Ka tawp san dâwn hauh lo che tih hre rawh, ka rawn kal leh ngei ngei dâwn tih hria la, ka hlatah i awm thei emaw chu" tiin a chhuak zui nul nula, Dodoi lah chuan min rawn panin “Awi ka hlauh mai zia, min vin ṭhuai ṭhuai bawk sia, ka hrilh lo ngam lo. Mahse i inluahna chu ka hriat loh thu in ka chhang ve tlat ania" a tihchuan ka thaw huai mai.




A luhlul si a, ka in luahna lehzêl a hriat chuan a chi miahloh “Pu Thanpuia chu a takah ka vawikhat hmuhna, ig vêlah Mizo mipa chhelo an rawn post ah hian a thlalâk ka hmu ṭhina; a takah chuan a hmelṭha in a chhelo zual, awi a bialnu i lo ni reng?" ka thawhpuite lah chuan an la rawn tizui.




“Ka ni miah lo ania, hna thawk tawh ang u. Tluangpui ka tihpalh lutuk aw, a rawn lang ang tih ka ring bik lo ani" ka tihchuan a ni chuan ka thiamloh a nih loh thu a lo sawi ve thung, Dodoi pawh hna lama kîr leh angaih miau avangin phur lo zetin a chhuak zuia.





Lalthanpuia hi chuan a thuneihna leh thinchhiatna hman ṭangkai hun a hre takzet a ni e. Ka thawhpuite lah thil dang an sawi hleithei tawh lo, an titi chu kan pahnih awmdân ah hlir a tâwp a, Tluangpuia nên erawh kan ngawi reng thung.




Dik tak chuan nuam ka tilo takzet, min lo duh tawhnaah a hmuhlaia mipa dangin min fâwp kha a ni tan pawh a thinrim thlâk viau ang tih ka hre thei.


“I va nguai ve, tirawh thil ei ang" ka tih tâkah chuan a ni pawh a rawn in thing harha. Customer an awm rih em em lo nen kan vaia kan ei tur chu kan chah hlawma, an rawn dah hun nghah pah chuan kan titi hlawma, an ni chu thingtlâng lam aṭanga rawn kal an nih hmel.




Rin ai an fel phian lehnghâl, an taima ka ti hle bawk. Chhûngte châwm nân lunglên pawh sawi theilo vin helaiah an hmelhriat ṭha pawh awm lohnaah an rawn kal vang vang chu a nia, an ngaihsanawm zâwk, kei erawh nu leh pa neilova seilian ka ni miaua, mahni a awm chu ngaiah ka neih thung.





“I bialpa a ni tak tak em? In inhmeh reuh ka ti, i vânnei e. A thlalak te hian like tu leh comment tu angah thei tehmai ania aw" Zovi chuan a rawn ti a, “Teuhlo mai, ka sawi tawh kha. Kan inzui ve mai mai alawm, mi bialpa a nih kha mi duatlai lo ngaihzâwn ka tum reng reng lo" ka tihchuan an eee dual leh nghal.




Ka thusawi chu an awih duh hauhlo, an va han sual thiam ve tak. “Bialnu a neih âwm kan hrelo, e saw kan ei tur chu a rawn thleng a nih saw" tiin dawr kawngka lam chu hawiin an pan thuaia. Aman tur kan dahkhawm sa chu pe in an rawn khai pheia, mipa pathum te erawhin engmah an ei lutuk lêm lo thung.




Ka awm a nuam miahlo, Lalthanpuia min fawhna avang khân ka zak ngawih ngawih, mi hma khera min fâwp kha ka haw zual ngawih ngawih. Siamṭhat theih lah chu ani der bawk silo, vuak tluk tawp ka châk ngei mai.




Thil kan ei zawh chuan mi rawn lût vel chhâwn pahin kan chanchin chu kan sawi leh mawlh mawlh hlawma. Tluangpuia erawh a chhungten an rawn koh avângin a haw daiha, an chhûngkua hi an hausa ve a, hmun hrang hrangah dawr neiin an hlâwk pui phian lehnghâl.




“A fel reuh e, mi hausa fapa ve si ah chuan a in ngai tlawm bawk si. Tûn angah ṭhenkhat chu an nu leh pa te nihna hmachhuanin dân pawh an pawisa lova, thil pawh tisual se an chhuak nghâl zung zung theia, a ni erawh kha chu a ngawi chawi bawk sia, a mizia kha ka duh chi tak" Zovi bawkin a rawn tihchuan ka lo nui haka.




A frank ve hle mai, a lehlamah chuan a ni pawh hi a rilru a chhe dâwn lo tih ka hria. “Ka lo biak ang che i duh em?" ka tihchuan a rawn nui hak haka “A chiloh min ban palh ang. Bâkah kan phulo, nula hmelṭha leh nalh tak tak an tam tawha, keini ang thingtlâng nula chu min duh dâwn lo, tûn angah khawpui mi ṭhenkhat te'n min endan hi kan hai bîk hleinem" a rawn ti sapa.



Ni e kan changkang viau tawh emaw tih laiin a tak leh social media ah thingtlâng lam hmuhsit ching hi kan la awm nual mai, mahse hetiang mite hi chu mi thatchhia, Mizo nunzia hrelo, pi pute nun hre miah lo a nu leh pa thawhchhuaha in la lian an ni duh chawk. Thingtlâng emaw khawpui emaw Mizo hnam vek kan ni a, in la high viau mah ila kan nihna chu tribal a ni vek tho tho.





Mi rethei leh thingtlâng mi hmusit tawka lehkhathiam ho ka timai, an nun a awhawm bîk teuhlo. Thingtlâng mi taimakna zât ve pawh keini chuan kan nei nâng, an ni chuan nitin ni sa, ruahsur hnuaiah hlo an thlo reng peiha, in lam enkawl leh ran chenin an enkawl vek theia, khawpui mi hian kan tluklo nasa lutuk.





“Chutiang in ngai suh, mi lehkhathiam tak tak. Mi zirsang mi hi chuan thingtlâng hi an hmusit ngai hauh lo ania, bâkah kan Sawrkar hotu lian tak takah pawh hian thingtlâng aṭanga rawn chawr chhuak an awm ve nawk tho va, mahni insit duh miah loh tur. Kan nihna hi zahpui miah lo ila, mifing leh lehkhatiam tak tak hi chuan midang an hmusit ngailo, a hminga lehkhathiam leh mi â, engmah nilo a chapo ve ar te hian alawm midang hmuhsit ching ṭhin, ala duh thut thei che ania" ti a ka siai zauh chu a rawn nui nasa mai.






“Ni e, mi fel tak tak pawh an awm ve tho hi. Entirnan; tûna kan thawhna te hi, zâm duh bik reng reng loh tur, tumah kan nun dan sawisela min nuih thei turin Pathian in tumah a ruat hleinem, khawvêl mite en lovin Pathian hi en ila engkimah lungawina kan hmu ang, Pathian nilova khawvêl mite min ngaihdan kan ngaih pawimawh luatah hian alawm keimahni nun ngei kan tihchhiat leh ṭhin" Chhana chuan a rawn ti ve a.






A ti dik chiah, Pathian bulah hian engkim thlen ila kan thurukte pawh hi a bul aṭang chuan a chhuak leh ngai lova, kan lungngaihna pawh thlen ila min tuarpuia min hnem ṭhintu chu Pathian chauh a ni, harsatna leh manganna kan tawh pawhin ani chuan min tlân chhiatsan ve ngai hek lo.





“Mite nun dân ang apiang hian nun tum lo ila, keimah ni nun dân hian nung mai ila. Mi thil ṭhalo tihte hi en lo i la, tûn angah sum duh avânga mahni taksa hmang ṭangkai te hi a hluar tawh sia, fimkhur hi a ngai reng asin. Mualpho a awl tawh si a, chutih rualin kan mak ka tih em em chu mi nundan chhia sawisêl reng si a a vawrh lartu ah kan ṭang leh ṭhin hi, vawrh lar sak lo ila chuan tuvak mahin an hrelo anga, an tih rei peih ka ring miah lo, Mizo hi chu kan hawk dâk lutuk a, thil kan vawrh lar zung zunga, lar ve châk vang ringawt pawh hian ṭhalai la naupang zâwk ngaihtuahna la hmang thiamlo ho kan tih hmuh ni berin ka hria" Hlimhlimi chuan a rawn ti ve bawka.




Kei erawhin engmah ka sawi ve lêm lo “Awi keizawng hausa ve deuh ila sap ramte hi kal ve mai mai ka châk, a nawm hmel si. Mi ram kal kan châk a, an niin kan ram kal an châk ve bawka, inthleng daih theih se " Hlimhlimi bawk, kan lo nui dar dara.




A ngaihtuahna mak lutuk chu kan hlimpui a ni ber mai “I lo piang lo êm a ni tiraw? Kan pianna hmun tur kan thlang thei silo a, ram chengkek ah tihian rethei em em in kan piang a, mahse kan nun dan tura Pathian in a ruat a ni miau sia, a ṭha zâwk phian mai thei a sin. English mite nun hi awhawm viau mahsela a lehlamah chuan an nundan khu a ho asin, inneihna an ngai ho lam bawk si, an milarte chu kawppui an in ṭawm kual vek nimaiin ka hria, an inṭhen a, midang an nih pui leh zung zunga. Midang dangah fa an nei thleh thluaha, keichu ka awt miahlo" ka lo tihchuan a bu nghal nghauh nghauh hlawm mai.





Thil dang dang chu sawiin a nikhatna chu kan tling tlâk ve maia, chutianga hahthlâk a nilo bawk nen ka tân tak pawh a nuam. Haw lamah chuan ke a haw maiin kawng sir vela an thei zawrh leh thlai zawrh vêl chu ka ei châk zâwng ka lei phaha, nuam ka ti ve viau. A châng chuan lir chuan hi ka nin ṭhin avangin ke hian ka kal tam zâwk maha, a nuam ka ti bawk.






Ka in ka thlen chuan intifaiin rawng chu ka bâwl zuia, Lalthanpuia ka ngaihtuah leh zawk mai. Thil a hre thei ker kur si a, ka in luahna te hi a rawn hriat leh vat ka ring, engpawh nise thil awmdan a zirin ka tawm bo rih pawh ala ngai lovang tih pawh ka sawi theilo.


LIKE, CLICK AND COMMENT KHA AW, MIN HAN TIH SAK HRAM HRAM ṬHIN ULA, KÊL UM PHAR LAWP LAWP CHUNG TE, LO FEH PAH TEN KA RAWN TYPE VE ṬANG ṬANG ZEL TIHKHA MIN HRIAT PUI ULA AW.

[mawitei bawihtlung]

KA LALPA





CHAPTER 9






“Miriam en teh saw?" Zovi rawn phun sa sa avâng chuan ka hawi chhuaka, kawngka lam ka en chuan Lalthanpuia bawk. Rawn kal tawh lo tur khân ka ti si a, engvanga dâwrah chuan rawn kal zêl nge maw anih le, tûn ṭum phei chu hmeichhe rualin an rawn hmu tih hriat takin thil lei chhuanlamin an in sik nawk nawk hlawm lehnghâl.







“Enge i rawn tih dâwn? Rawn kal tawh suh ka tih kha" ka tihchuan “Thil ka lei dâwn, i customer te vin hluk hluk suh, customer dangte i ûm tlân mai ang" a va han ngeiawm tak, mahse a sawi dik tho bawk si. Amah rawn zui lût tu hmeichhe ho chuan min rawn en dûn reng bawk nen ka insûm ta zawka.







“Enge in duh? Lo en rawh u, thawmhnaw kan nei nalh teh ania" tiin dawr chhûngah chuan ka kal kual puia, thawmhnaw duh em em vang pawh nilo in Lalthanpuia avânga rawn lût an nih hmêl mah zawk. Rapthlâk hian, a thinchhiatzia hria se an tlânchhe nal nal tur hi a nia, a hmelṭha ver vawr lutuk leh a thinchhe leh si lai hi a inhmeh thlawt lo.







Mahsela tûn angah hmelṭha si biak nuam lutuk chu an lerh duh bawk sia, “I inhmeh hle mai, thiam ilo ngah a nih hi" midang kan bula an awm hnai loh avangin thawmhnaw hliahah chuan ka hnungah rawn dingin hnunglam aṭang chuan min rawn kuaha.





Ka darah khabe rawn nghatin ka dul chu a chûl riak riaka, hepa hi nau ka la pai reng tih a hre ru nge mawni? Mahse ka awih chiahlo “Min thlah teh, midang an awm ve reng saw. Chubâkah i bialnu pawh ka nilo; min khawih ziah suh, ka ning" tiin ka awmsawna, midang bulah chuan ka phei daih bawk.





Tleirawl rual rawn lût ho pawhin min dawr ṭheuhin an chhuak zui ta diaka, Lalthanpuia erawh kan bul ṭhutthlengah chuan bawp khawkherh awt in a ṭhu a, haw tum hmel pawh a pu lo “A nghâk dâwn che ania'ng, awi a phone a en phei saw chuan a pa tawp, a mitmeng ringawt pawh saw a pa hliah hliah mai, i vannei e. Keichu min bem ve vaih se chuan ka yes rang viau ang" Hlimhlimi bawk.






He nu hi chu a naupang chhia ṭhin ania, a lehlamah chuan nuih lam lam a tiza. Thil thup ṭit ṭet a thiam velo a, a sawi chhuak phawng phawng zel, engmah sawi lem lo chuan ka phone ah mi ka be mawlh mawlha “In haw thei tawh ang, vawiin chu bâng hma rawh u" Tluangpuia rawn lût in a tihchuan kan tho nghal phak phaka.






Lalthanpuia min rawn zui ka rin avâng chuan chak zetin ka tlanchhuak a, a nilah min rawn ûm tak tak mai. Tlan chak sauhin kawng kân ka tum lai tak chuan ka hnunglam aṭangin min rawn chawi kâng lawpa, motor kawngpui lo lamah chuan min dah hmak bawk.








Ka hah lutuk chuan engmah ka sawi thei mailo, ka thaw hawm hawm mai “I tlân vak duh ka tireng a ni, min tlânsan theih i ring em ni? I in awmna ka hre duh, engvanga lo insawn nge i nih? I ṭhiannu khân a hria tih ka hre reng, min hrilh nghal rawh" a tihchuan ka hmui chu ka ner sawka.








“I hriat a ngailo tihna a nih chu, hre turin duh che ila ka luah tirhah ka hrilh tawh ang che. Min rawn tibuai reng lovin kha hmeichhia i duh em em bulah khân awm rawh" kalsan ka tuma, min pawm nawlhin kan tlân tawhna lamah chuan min lêt pui nul nulha.








Dawr kawta a car dahah chuan min nam lût nghal rawk mai, mi a dim lo lutuk chuan min ti thinrim ṭun mai. Car a hual chhûng chuan ka lo chhuak lui veleh ngata, chuveleh rawn lêt phei lehin a hma ang bawk chuan min nam lût a, a kalh nghal hmak bawk.







Be duh miah lovin ka kut chu ka kuangkuah hmaka, a rawn ṭhut luh ruala car chu tinung in a tlân chhuah tira, “I in awmna chu" a rawn tihleh chuan ning lutuk hian ka ena “Vanah a awm, i hmuh phâk a nilo" a rum nghuta “Ka inah ka hruai haw che anga a nimai" a rawn tih tâkah chuan ka hlauthâwng bawk nen ka in awmna chu thinrim zet chuan ka hrilha, a nui nghal suk mai.









“Fahrah ka nih mai avâng hian min zuam hauh suh aw, i duh duh dân chuan min ti thei dâwn bik miah lo a nia, ka inrawlh lohna tûrah ka in rawlh avangin hetiang hian ka awm phah a nih hi, min ngaihtuah ngai miahlo tiraw? Nang chuan min mutpui chiah i duh?" ka tih pang pang lai chuan “I hriatsual a nih chu, hre reng rawh kei hian i fahrah nihmai avangin ka iai lo che" tiin ka in kan thlen thu ka lo sawi avâng chuan a ding zuia.






Engmah sawi tawh lêm lovin ka chhuaka, ka hawng nghal rak rak bawk. “Hetah hian maw ilo awma? Engvanga insawn kher nge maw i nih le?" tiin min zui luta, ka in chhûng chu a enkual dun dun a, ka room-a ka luh chuan min rawn zui lût ve zela.








“Chhuak rawh, mi room-ah an phalna la lovin lût ringawt suh" tiin ka nam chhuak dawna, ka kut chu lo man betin amah chu min kuah tira. A âwmah chuan min kuah beiin a lungphu chu min ngaihthlâk tîr a “Chiang tak khân ngaithla rawh, enge a sawi" tisupin a ngawi zui daiha.







Engmah pawh ka hrelo e a “Engmah ka hrelo, lung ṭawng thei i hre tawh em ni? Lung chu a phu alâwm, a ṭawng theilo a phut ngai rengin a phu" ka lo tileh chu min rawn fâwp ṭawkin min kuah nghet salha.







    “I ṭawng thei lutuk hi puan ṭhui khâwl ang zet zet hi i nia, mahsela a pawilo, kei ka thinchhia i ti sia, nang tal ṭawng thei rawh. Thinchhia leh ṭawngthei thei chu kan in mil ber" a tihchuan ka ner nung mai “I daw kha a nihchu, nang nena inhmeh pawh ka duhlo, min thlah rawh. Ka taksa chiah i duh" ka hmuiah chuan a rawn hup leh chata.









“Shh.....chutiangin ka ngai ziah lo che, i taksa chauh duh anga min ngai chu ka thiam loh ani e. Ka tawh hmasak ber aṭang che khân i lakah ka insûm theilo a ni, hmeichhe dang lakah pawh khatiang khân ka awm ngailo, nilo mipa lerh tak ka niin i hria em?" a rawn ti khauha, ka lu ka thing nawk nawk mai.





Ni e, hmeichhia a kawp âwm kha kum thum chhûng a hnêna ka thawh khân ka hrelo, a bialnu hlui vâng kha a nih ka ring tawp.




“Mira min ring rawh. Ka duh takzet che, i taksa chiah ka duhlo, hmeichhia hi an taksa chauh duh ila chuan mutpui tur ka hmu hnem lutuk, i hria ang. Ka sum duh vang ringawt pawh khân ka bulah an rawn kal ṭhin, tûnlai hmeichhia chu an lo mak hle tih ka hre thar bawk, mahse i ruih laia ka khuma ilo mut aṭang khân min ti danglam veka, ka mutpui zui hial che a nih kha. Ka bialnu hlui tihlohah chuan ka hnaih leh hmasak ber i ni, ka mutpui fo chhan che chu i lakah ka insûm theihloh vang a ni" tiin min chhânga.





Ka en reng ringawt, sawi mai tur ka hrelo. Mahse a bialnu hlui kha chu ka la thik tho tho “Mira, i taksa chauh ka duhlo i engkim hi ka duh che" tiin ka kut chu la in a fawp zauha, ka hmai vel chu a chûl dan dan bawk.




“Kaa....ka ring lo che. Kan inneihna pawh i ṭhulh a, min ngaipawimawh ve tak tak lo, engmah ngaihtuah ka duh tawhlo. Ka thianghlimna ka hlan che avângin i lakah nem takin ka awma, hmuhsit awm pawh ka ni ang, keichuan mipa avânga nat ka duhlo, ka mal lutuk. Hetiang thil hi ka ngaihven duh tawh lo, chhûngkua ka nei lova, hmangaih neia nakin maia nat leh ai chuan mipa hi hnaih loh law law ka duh" tiin rilru buai zet chuan ka phun chhuaka.






“Ka tihnat che i ring amaw? Engvang chuan maw? Inneihna ka ṭhulh chhan kha chu ka hrilh tawh che kha; hun min pe ve rawh. I fahrah nihna avângin ka iai in ka hmusit ngai lo che, ka ta nila min fiah ve rawh" tiin ka lamah a rawn kûn hniama, ka lo en kar thung.





Ka hmuiah chuan nidanga min fawh dân lo ang takin dim te hian min rawn fâwp a, a hmui chu muangchanga chêt tîrin mi a tidanglam hneh takzet. A mi fawhna chu a rilin ka ngaihtuahna a buai nghâl map mai, mahsela ka ka luhlul ve tlat. Ka chhâng lêt duh ṭhak lo.





“Mira, min ring rawh. Chance in pe tawn ang, kan pahnih hian bul ṭan ve ang, ka tina ngai lovang che" tiin thutak zet hian min ena, ka chhânna a nghâk tih ka hria. Chhan mai dân tûr ka hrelo, ka chân phal chiah angem tih lah ka hre heklo, ka ngaihtuahna a ti buai ve map mai.





“Khawngaihin ka bialnu ni rawh" a aw thum chhar chuan a rawn ti leha “Aw le, mahse min nawr lui ngai suh. Tin, i bialnu hlui kha i hnaih tur a nilo, ka mizia zawng zawng i hria, hetiang hi i pawm thei dâwn a nih loh chuan engmah tih dun loh ka duh zâwk" tiin aw chu ka pawh ve ta nge nge a.





Ka nau tihtlâk loh thu erawh la hrilh mai ka tum lo, a la lang lo bawka, a rilru fiaha eng ang chiah nge a nih fiah hmasak phawt ka duh. Chumi hma chuan ka thiam dân dânin ka thup ve mai ang chu, ka chhânna avanga a hmêl êng sâwt sâwt pawh ka hmuh hmaihlo.





Nui vur vurin min chawi nawlha, a nui ri nghal hawk hawk mai “Ka lawm e, ka duh lutuk che" tisupin khumah chuan min ṭhut thlak puia “Te, zanin chu nangmahin rawngbawl la, i rawngbawl ka ei chhin châk" ka tihchuan a meng deuh aka, a thiam ka ring ve tawp.





“I duh chiah ang maw? I ei châk phawt te chuan tirawh le min lo pui la" tiin a kawr chung chu phelhin a kamiz ban kilhna chu a hmet phelha, a thlep chho turin min rawn mitmei nghal zauh bawk.




Engmah sawi lem lo in ka lo thleh chhoh saka, inzui chhuakin choka lamah kan pheia “Le, zanin chu a changtupa hian fel kan zir ange" an ti ngeia, a phur lutuk chuan min ti nui ve sak sak mai. “Vawksa hi han chhûm hluah phawt ila, Mira ei tur i va lei hnem ve" tiin min rawn en ha a.





“Ka bazar reng hman hleinem, bâkah khatiang kha a ṭha daih zawk. Haw tlai pawhin kan che nghal zung zung thei a, tikhan ngawi reng khân siam mai teh" tiin a bulah dingin a thil tih vêl chu ka enkuala, a che chu a zei riau. A bâwl ṭhin a ni ngei ang.




“Hmanhmawh la ka ril a ṭam tawh ania" ka lo tileh chu “Ka hmanhmawh reng, sa te hi a hmin phawt angai, ngawi hle hle khân lo awm rawh. I thi hman êm lovang" a rawn ti leh hluk tawh, a thinchhe lutuk hi a thinte hi entir ila a ṭha ang.





“A nih tak chu, i zaidam zir chhûng chu a va reilo ve, zaidam zira thei rei lo ber of the world ti che ila a ṭha ang" a thaw haka, a insum tum si mi ngei bawk si hmel chuan ka nuih a tiza. Ka nui var vara, “A dik i ti, ka hre vek le khawimaw purun kha ka lo chan ang, anṭam kha vawksa ah khân thlak tel rawh aw" tiin ka chet pui ta zung zunga.




ZAWMNA..





“Bul ṭan chu i duh tak tak em?" a rawn tileh khauha “Ka hrelo le, ka en chhin phawt ang che chu, tûnah chuan ka duh lohna zawngah min nawr lui miah suh ang che" tisapin ka hawi kuala.



Hmangaihna ah hian nêp in tih theih pawh a nilo, hmangaih tak tak neih chuan an lakah a thinrim rei theih hauh loh. Nem loh theihloh leh kan dawhtheihna tifiah zual tura Pathianin min tawn tîr a niin ka hria, tumahin an ngaihzâwngte nena an inkârah hian in sawisêl nghal ngawt hi a fuh lo tih keimah aṭang hian ka hrechiang.





Hmeichhia chuan duh leh hmangaih kan neih tawh chuan an lakah kan thinrim reng thei ngailo, a nikhat thil thu a in ngaidam te pawh an awm laia kei heti chen ka pehhêl chunga min ûmzui tu hian min duh lo bur chu a nih ka ring lo.





Kan mi ngaihpawimawh loh leh duh loh chu kan ûmzui reng peihlo, a bikin mipa ah. An duh loh chuan an be lo maia, engmah sawi lovin an inthiar fihlim mai ṭhin. Ni e, a fa ka paia, alakah mipa dang bula ka tih loh zawng zawng ka pe; ni e, Lalthanpuia hi ka hmangaih tawh ni berin ka hria.




Alakah nem duh lo in kha chen ṭawngkam na tak takin ka ṭawng khuma, mahsela min bânsan duh hauh lo thung. Ka fiah ve chhin ang chu, chuta ka tawrh leh keima tihsual a nimaia, midangin min rawn tawrh pui dâwn lova. Ka nep ti an awm a nih chuan nêp thei dinhmuna ding turin hmangaih tak tak an la neilo tihna a nimai.





Thla chuang ka pehhêl chung pawha min hel ṭang ṭang tu hi engtin nge hmangaih tho si chuan ka huat reng theih bîk ang. A harsatna zawng zawng ka hriatpui bik lova, kan inneih a ṭhulh chhan pawh kha ka fiah ngat anih kha, ni e hmun hran hranah bank an dina, itsiktu leh haw tu an neilo theilo.




Hmeichhia chuan kan tawn a nih loh chuan mi awmdân kan va sawisel nghâl ngawta, pasalte hi kan nei veka. Pasal zu in mi nei pawhin engvângin nge an kalsan mai loh? A chhan chu a pasal a hmangaih leh engkim hre chunga lo nei kha a ni miaua, a ni lo in nghahna tur dang a nei tawhlo, kârah fa an awm tawh phei chuan tumah hi kan luhlul reng thei ngailo tihchu kan hre chiang viau ang.





Keipawh ka nau pai hian chu chu min ngaihtuah tîr ve bawk, thinrim hlek apianga inṭhen cho ar reng pawh hi a ṭha ber lo bawk. Hmeichhia chuan pasal neih tawh phei chuan kan chhungte bula lêt leh mah ila a hma kan ang tawh ngailo,  hei chen ka luhlul khum tawha, a rilru fiah nân chuan chance chu ka pe ve ang chu.




Heti a nih avâng hian a lakah ka nem duai duai tihna a nilova, mi tu pawhin chance an dil chuan pêk chu an phu a lawm, kan tihsual apiangah thiamloh chang tur ni ila. Pathian hian min dam tîr reng duh tawp nang, a ni chuan vawitam kan tisual chung pawhin min ngaidam a lawm le.





“Le! Ka peih e, chuan enge chên dun lam te hi" tiin ka bulah chuan a rawn ṭhu hnaia “Hun ṭha ka pêk mai che avângin ka ngaidam vek che a ni miah lo ania, chen dun maw? Nupa kan la nilo, tin inneih dâwn pawhin chiang taka in ngaihtuah duna chumi hnua inneih chauh ka duh, i tihsual siamṭhatna hun ka siam che a, a hma anga holam lutuka awm kha ka duh tawhlo" ka ti ve ta hmaka.





A thaw hawk mai “Luhlul si, mahni thu duh bawk si. Hetiang te chuan in ngaizawng lo nên kan in ang reng, a hma kha ai khân ka ngaihsak ang che. Tin, ka bulah rawn thawk leh la ka duh, khapa bula awm reng tur khan ka duh hauh lo che a nia, a melh dan che kha ka duhlo" chiang fek fawka min rawn enin a rawn ti a.





Enge Tluangpuia pawh chu a lo ngaih theih loh ve viau ni “Ka ṭhian a nia, tin i bula thawh ka duh tawh kher lo. Tuna ka hna leh ka dinhmunah hian ka hlim, ka sawi tawh kha, ka en dâwn che a, ka rin loh tura i awm a nih chuan bul ṭanpui ka tumna che hi ka sut ang, a hma ang mai maia awm ka duh tawh lo ka tih kha" tiin chaw chu ka ei nghal mawlh mawlha.




“Ka hria" tih zawng sawiin a ni pawh chuan chaw chu a bar nghal tawn tawna, a chaw heh dân lah chu pui tak a ni. Ka en tawp mai, a chaw bar pah chuan a tum bur zuia, a hre ngailo rawn lût se an biak ngam pawh ka ring lo, tinge mawni a tih tauh reng mai le.





Chaw eikham chuan ngawi rengin tv kan en duna, ka bulah ṭhu in nin hmêl zet hian tv chu a en ve reng tho, keiin hmuhnawm tizetin ka ena, “Ninawm khitiang lo khi en tur a awm lo em ni? Khitiang a nêp emai, mipa pawh anilo" a tihchuan ka melh ngheka.




“Khi khi mipa dik tak zia a nih zawk khi, a hmeichhia a ngaihsakin a zahthiama, khitiang khi tawng ve ila chuan ka chhuah hauh lovang, nang chu i nilo chiang lutuk hi maw ka sawi peih lo zawk" tiin ka nui haka, a lâwm loh hmel teh e.  Chutia ka film ena changtupa a tluk loh thu ka sawi chu a lungawi lo hle tih a lang reng, engah nge a sawisel tehreng ni.





“A zah pawh a nih loh saw, a hlauh tlawn a nihsaw, sawtiang mi duh reng reng suh. Nupui te ngam lo mipa chuan a châwm pawh an châwm zolova,   an nupui te châwm an ni duh chawk" sawi tur lah hi a hre thei si, khawi aṭangin nge maw mi hnialna tur hi a lo zir ṭhin dawn ni.





“A nihtak chu a, ka duh tho tho ka châwm lâwp lâwp mai ang chu" ka lo tileh chu “A nihchuan ka aiah bank ah sawn i thawk tawh ang, kei inah ka lo awm anga, kan fate ka lo enkawl ang" a tihchuan ka nui haka “Ka duh leu, sawtiang ka thiam lo, sap ṭawng takngial pawh ka thiam loh hi, kan tlachhe rawk rawk mai ang" tiin ka ham bai baia.




“Haw tawh rawh, ka mu duh tawh. Hetiang chuan min men tîr hrep dâwn a sin" tiin ka tho chhuak dâwna alamah chuan min pawt hnai nghal vat mai. A mal chungah chuan amah hmachhawn zâwngin min ṭhut tira “Bawihi, kan inru mai dâwn em ni?" thutak zeta a rawn tihchuan mak ti zet hian ka en ha a, a hma anga uang hmel kha a pu tawh hauh lo.





“Dan hnihna a inneih kha i ti emaw ka tia? In rûk maw?" tisapin a kawr âwmah chuan ka ṭham sak neuh neuha, chutia in rûk a rawn ti thut chu mak ka ti deuh. Amah a nilo emaw ka ti hial, mahse a ni ngei bawk si, a hmêl chu a hma ang lo takin a ngui riau hian ka hre bawk.




“Nghak rih ang ka tih kha, i mi duh tak tak leh tak tak loh pawh ka hrelo va, pasal ka nei dâwn a nih chuan min hmangaihtu ngei ni thei sela ka duh, chutilo zawng fate neia inṭhen leh mai tur chuan ka duh ve lo, keimah ka fahrah tawha. Ka fate chuan nu leh pa ngei nei sela ka duh" ka biangah chuan a rawn vuana, ka mit ka lo chhing vang vanga.




Ka hmui vêl chu rawn tuaiin ka nghâwng lamah chuan a zût thla a, ka thaw hak mai. Ka pum chu rawn khawihin “Kan naute kha i ti tla tak tak em ni?" rilru nat hmel taka a rawn tihchuan thudik hrilh mai ka duha, mahsela mi nawr leh tut tut emaw a thinrim leh vak emaw ka hlau tho bawk si.





Engmah sawi ta lo chuan ka kûn chal ringawt, ka awmdân chu hmu in thawk a la a “A pawilo a nia, i rilru ka tibuai dâwn em a ni. Fa neih hun hi ka nghâkhlel ve ṭhina, chutih rual erawhin hmeichhe narân mai mai laka neih erawh ka tumlo. Hmeichhe inchei uar lutuk leh taksa vawng leh em em te hian min hip ve lo, a chhan chu chutiang mi chuan an pasalte phatsan an hmang deuh ṭhina" tiin a nui saka.





“An taksa a mawi pauh leh mipa mit an la a, nu ni tawh mahse an in chei reng chuan an pasalte tân pawh a ngaihṭhat thlak loh, ka patea nupui hian min ngaizawng ṭhina" a tihchuan mak ka ti lutuk chu ka meng deuh kawka, a thusawi chu ka rin loh lam daih a ni.




“Engtin maw? I patea nupui maw?" ka tihchuan a bu nghata “A ni pawh a in chei fai hliau hliau peiha, mi in an fak na ber a ni. Mahse a ruka ka patea phatsan kha a hmanga, Mizoram ka rawn lêt a min hmuh aṭang khân mi a duat thei em ema, ka patea nupui a nihna avânga min duat emaw tiin keipawhin ka ngaina, mahsela ka lakah rilru dang a lo pu renga" tiin za lo zet chuan a ṭhen saka.





A hmelah chuan hrehawm tihna ka hmu thei “A fâl a min awmpui tumin chhuanlam a siama, ka lo hrethiam mai lo. Ka patea lah khân mi a duat êm avâng khan rinhlelhna a nei lo, an inah ka awm lâwk a, a chhuak fo ṭhin bawk nen a nupui awmdân chu a hre ngai reng reng lo, ka inbual laiah rawn lûtin mutpui turin min ti a" ka ngaihtuah loh lutuk daih a sawi avâng chuan ka kâ ho mai.




Chutiang thil a tawng ang tih lam reng reng ka ngaihtuah phalo, ka mak ti hmêl chu min nuih sakin ka luah chuan a rawn chûl zauha, ka lo en kar ringawt. A thil sawi chhuah chuan a ngaihtuahna a luah thar leh tih hai rual a nilo, a kut chu chelhin ka chûl sak ringawta.





“Chuan engtin nge? Chutiang chuan i chungah a che ngam a maw?" engtin nge pasal phatsan duhna rilru a put theih zâwk? Khawvel pawh hi a lo mak ani, mi ropui leh hlawhtling tak anga lang te pawh hian harsatna nasa tak an lo tâwk ve leh ṭhin zawng a nih hi.




“Um patea hi a zinchhuak ngun ve a, a nupui mamawh a pe tâwk lo ve deuh pawh a ni'ang; mahse nupa an nih tawh chuan an uire tur a nilo tih hi ka ngaihdan a ni ṭhin, khatia mutpui tura min rawn sâwm hnu kha chuan ka hmuh dan pawh a dang veka, ka duh loh thu hrilhin ka kalsana, mahse a la beidawng duh hauh lo" tiin a thaw hrawka.




Lo biak buai ka duh loh avangin ka ngawi reng ringawt “Min umzuiin thlêm chitinin min thlêm a, ka tân khân a hrehawm, Patean a ring êm êm a, khatianga ka chunga rilru a pu mai kha ka tenin mak ka ti bawk, ka hnial reng tâkah chuan min tilui ngam ta biklo, kha mi hnu khân an bulah pawh awm lovin ka chhuahsan zuia" tiin min rawn en leha.




A mal chunga ka ṭhu bawk nen ka insiam rem sat sat mai “I patea chu i hrilh lovem ni? Chutiang chu hrilh mai ta che?" ka tihchuan a nui suka “Ka theilo a lawm, a hmangaih lutuka min awih kher lovang, bakah an fate an la te ve si a ka khawngaih a ni. Kha mi hnu kha chuan a ni pawh a inthlahrung nge mi pawh a be ngam tawh lo, khata ṭang khan hmeichhia ka hmuh dan leh ka ngaihdân a dang zova" tiin a nui leh haka.





“Hmeichhia hi ngaihzâwng tûr ang pawhin ka nei duh mai mai ngailo, i hriat angin Remi kha ka hnaih hmasak ber a ni a, mahsela a ni nên pawh kan inzui reilo, engmah sawi lovin a kal bova, hnaih leh tumna pawh ka nei tawhlo. Nang ka tawn che aṭang hian hmeichhe dang hrim hrim hnaih ka nei tawhlo" tiin ka kut chu a la a.





“Thinrim tawh suh aw, thlêm i harsa si thlakhat chhûng zet min haw thei ania, Pathian thu pawhin i thinurna niin tlâk pui suh se a tihkha thinrim reng loh tur" a rawn ti ve ngei a, a va han inhmeh lo chiang tak. Pathian thu a vawikhat sawina a ni, Bible chu a chhiar ve ṭhin tho a lo nih dâwn hi.




“Tunah pawh ka la ngaidam chuang lo che, mahse hun ka pe thung ang che ka tih kha, ka lawm lohna tur thil ti tawh lo la ka thinrim lo a nimai" tiin haw tur chuan ka tur leha, a ni pawh phur lo zet chuan a chhuak hnu hnu mai.




A tlân liam thleng chuan thlirin ka lût zuia.



MUTTUI U.

[mawitei bawihtlung]

KA LALPA





CHAPTER 10






“Te ka rawn kal ve a ngai kher em ni? Ka zak ania" an thawhpuite nên an inhmuhkhawm dâwn avângin inchei angai bawk si, min hruai a tum bawk nen ka huphurh ngei mai, hnamdang an la tel dâwn zui.






“Ngai e ilo kal ve ngei angai a lawm, i tello chuan kal ka tum hauhlo. Ka bialnu hi hmu ve che sela ka duh" tiin ka lamah chuan a rawn kal hnaia “Le! Insiam tawh rawh le ka lo nghak ang che" tiin thawmhnaw chu min rawn pe a, ka chil lem khalhin phur lo zet chuan ka lût ta hna hna a.






Insiam sawk sawkin ka chhuak leh thuaia, han inchei vak dân ka hrelo. A niin ka inchei dan chu min lo thlir reng thung, “I nalh lutuk, chuan i dul hi a lian riauin ka hria" a tihchuan thinphu dat datin ka ena “Mira ka lakah hian zêp i nei em?" a rawn ti leh khauh mai, nau ka ti tla lo tih hi a hre ru emaw ni chu aw ka ti tawh.







A thil min zawh dânah hian min ringhlel tlatin ka hre ṭhin “Ka..Te, kal phawt ang" tiin kal pelh ka tuma, ka hnung lam aṭang chuan min rawn kuah nghal chawt mai. “Kan fa hi ala awm niin ka ngai tlat Mira, thudik hriat ka duh. I ei thei zet pawh ala ngai a;tin i dul lian ta te hi ka hailo ania, thudik min hrilh rawh" tiin alam hawi tur chuan min kuai hera.







Ka kûn tlat thung, ka hmui chu pet fan fanin ka lu ka thing nar nara “Kal tawh ang, kan tlai ange" tiin ka awmsawna, ka thil sawi tum chu ka sawi mai dâwna ka thei chiah bawk silo. Ka zêp reng thei dâwn lo tih ka hria.






“Aih i sawi hma chu kan kal lovang, min en rawh. Mira ka fa ala awm em?" ti lehin ka biang tawn tawnah chuan a dawm bet tlata, ka mit chhing sawkin ka thaw haka “Min hrilh rawh Mira, kan pahnih a kan fa kha a la awm em ka tihchu?" ti leh deuh ṭhatin alamah chuan min pawt hnai sauh va, hriat ngei a duh tih hriat takin engmah dang a sawi lo.








“Te a la awm? Mahse min lâksak suh aw" tiin ka mengchhuaka “Ka la paih reng reng lo, helaiah hian ala awm. Keimah ka fahrah tawha ka fa leh zêl chu ka that theilo, ka nu leh pa min kalsan dân ka ngaihtuaha, ka paih thei ngang lo a ni. Bâkah kan pahniha kan fa a ni a, ka phallo a ni" tiin ka ena, engmah dang sawi tawh lo chuan a awmah hmai phûmin ka insut hlap hlapa.









“Min nei duh lo mahla ka fa hi chu paih ka tum lo hrim hrima, dâwt ka hrilh che a nih kha. I bialnu hlui kha keiai i thlang zâwkah ka ngaia, ka rilru kha i tina a sin, a tirah kha chuan paih daih mai kha ka duha, mahsela ka tjei ngang lo a ni. Ka thisen ringa nung hian khawvêl êng rawn hmuha a nu kuta vuan chunga ṭhan len a duh ka ringa, ka paih thei lo" tisapin ka kûn chala.








“Ka tihpalh, ka zêp avângin. Mahse i lakah hian beiseina ka neilo êm a ni" ka tihleh tâkah chuan min rawn kuah thlawpin a âwmah chuan min pawm beia “Â lutuk, a tirah khân min hrilh vat ta che. Kan fa hi ka duh thu ka hrilh che kha, a nu pawh ka duh. Tinge i hriattthiam duh miah loh mai le, in pahnih hian ka tân chuan in hlu lutuk tih hre reng ang che" tihpahin ka dul chu a rawn khawiha.






Ka mitah a melh pah bawk, keipawhin a chêt dan dam raih chu ka lo en ve reng bawka. “Ka lâwm e, ṭha takin ka enkawl ngei ang cheu tih ka intiam e, ka venghim tlat ang che u, kal tawh ang hmiang. Kan tlai lutuk ange" tiin min kai chhuak zui a, ka zui ve dat dat ringawt.





Chutia engkim ka sawichhuak ta chu keimah ngei pawh ka thâwl hawk mai, a car khalh te chu a han tlân muang em em khawpa. Kawng ni bauh deuh laiah chuan min vengthawng thei lutuk bawk nen a rûk chuan ka nui tet tet ringawt, “Ka ṭha a lawm, chungin vanduai loh chuan a chhiat theih bik mai mai loh ania, Pathian hnênah ṭha taka a lo pian chhuah theih nân ṭawngṭai nasat i ngai a nih chu" ka tih chuan “A pawi hleinem" a lo ti ve maia.





A châng chuan mak ka ti deuh ṭhin, thinchhe viau e tilo hian a rilru a chhe miah lo tih ka hria, Dodoi nen kan inrin bazar chhuakin a kutdawh mi hmuh hlau taka a ṭanpui ka hmuh aṭang khân ka hmuh dan a dang vek bawk. Mi hausa chu an uikawm duh an lo tih ṭhin laia a ni erawhin khatiang khawpa tama a ṭanpui ka hmuh khân ka ngaisang ru takzet.






Kan kal tumna kan thlen chuan car kawngkhar chu min hawnsak in ka chhuak zuia, kan kalna tur in chu a lian ṭha viau mai. “Te ka zâm e, engmah ka ni ve bawk silo, min hruai ringawta, ka pawimawh ve hleinem" tiin ka tawi deuh hrata.




“Chutiangin ngai suh, ka tân hian i pawimawh tih in hre reng la, in zahpui ngai suh. Zahpui lo tu che min nei tih hi theihnghilh miah suh aw, ka tân chuan i famkima i tê hauh lo tih hria ang che. I bulah ka awm reng ang" tiin ka kutah chuan a fawp zauha, ka nui nghal sen sen mai.




    “Khawvelah i hmelṭha ber tih in hre tawp rawh, inzahpui ngai suh. Ka ta i ni a, midang mita i mawi chiam a ngailo; ka mitah i mawi tih hi in hre tawp rawh, nui tawh rawh le. An kawppuite ai chuan i hmelṭha hrim hrim" a rawn ti kher kher chu ka nui lo theilo, nui ri har harin inchhûng lamah chuan kan inzui lût a.






Midang chu an lo ṭhu ṭhap tawh mai, vai changkâng kan tih ho an lo awm ve bawk nen ka zâm deuh ngei mai. Chutah English chuan in be mawlh mawlhin kei chu min rawn chibaia, lehkha ka zirsan em em loh avangin an ṭawng zawng zawng erawh ka hrethiam lova, Thanpuia chuan min lehsak zêl thung.




Kan pahnih chuan sofa pakhatah chuan ṭhu thla ve in midang nên chuan an in bia a, midang be mahse a kut erawhin ka kut chu a chelh tlat thung. “Hmelṭha an ti hle che a nih hi" ka bengbulah chuan a rawn ti sa sa a, ka lai bawk nen ka lo nui ringawta, an thusawi ṭhenkhat ka hriatthiam ve avâng chuan dâwt min hrilh ka ring lo.




Min en dânah chuan a hriat ve vek miau va, thawk la ham hamin ka zâm lutuk chu ka khur deuh der der mai. An kawppuite an hruai veka, an ni erawh innei tawh an ni hlawm, la tlangvâl pawh an awm ve tho mai.




English vek chuan in be hlawmin sawi tûr nei ve heklo ka lo ngawi kar ringawt. Mahse a khât tawka an thusawi min hrilh zêl avâng chuan ka lâwm ve em em ringawt, min ngaihpawimawhna chuan min tihlim lo theilo, “I mut a chhuak tawh em?" ka bengbula a rawn tih sup chuan ka lu ka thing nar nara, ka mut a chhuak lo nân ka ke leh mawng ka ṭhutna avâng chuan a na ut ut mai.





“Ka mawng a na vek tawh, ka lo va kalsawn ange i hman hunah min lo hrilh mai rawh" tiin ka kalsawna, kan kalna hmun hi mimal in a ni lem lova, room atam viau mai. Kal kualin an thil dah leh room hrang hrang chu ka enkuala, thil reng reng chu a manto chi veka sak leh siam a ni tih a hriat hluah hluah mai.





“Wow hetah ilo awm ve animaw?" ka hnunglam aṭanga aw rawn chhuak avâng chuan inher zawkin min rawn be tu chu ka ena, a hming ka hre a hauh lo. Mahsela Thanpuia te zînga mi tihchu ka hre chiang viau.



“Nia ka kal phawt ange" ti a kalsan ka tum lai chuan ka hmaah rawn dingin min dang tlata. Amah lah chu ala nuisawng lehnghâl, a zia chu ka ngeih chi a ni hauh lo “Min lo hrethiam la ka kalna turah i ding tlat" tiin kal leh mai ka tuma, ka bânah chuan a rawn vuan ta chat mai.






“I chhelo ka ti lutuk che, i duh chuan ka nupui pawh i ni thei ania, pu Thanpuia ai kha chuan ka siam nuam thei zawk ang che" a rawn tih tâkah chuan thinrim zet chuan ka ena, a thu rawn sawi duh dân chu ka ngeih hauh lo. Dâk vah chuan en in “Nang ang lo takin ani chu mipa dik tak a ni, tin, min zuam viau tur hian min hre chiang tawk em? Nang ang mipa mahni in la satliah mai mai tân hi chuan ka inphal bîk hleinem, taka Thanpuia nen chuan in tehkhin suh a ne pawh i ek lo, in hmel in pian a in ṭhat hleih lutuk tlat, bakah nang ai ala pawimawh zui" tiin ka nuih sawnga.






A hmel chu a rawn dang nghal hlawk mai, a ruk chuan ka khi saka, tlâwm mai mai ka tum hleinem. “Tin lo hre rawh, i duhzâwng nimah ila ka duhzâwng i nilo tlat, nang ni ang sambuk satliah hi chuan ka mit in la lem lo" tiin ka kut chu ka vaia, ka kal ṭan chiah tihchuan min rawn kuai herin mi rawn fawh a tum a, ka lo in dang nasa nghal viau mai.






Insual fat fatin reife kan in chaia, mipa tha na na na chu hneh theih ni nghal lo chuan, ka lu erawh ka hawisawn ve ngar ngara “Awmsawn rawh i va zaktheilo em em ve, hmela awm sawn nghal rawh" tiin ka au ṭhat ṭhata, a duh bawk silo. Thawk leh khatah ka lak aṭang chuan hla dawrhin chhuatah chuan a thal nghâl ṭhuai a.





Thanpuia thinrim lutuk chuan a chhuih zui ṭawk bawk. Midangte chuan rawn chelh betin min khawih luih tum tupa chu an hruai chhuak zuia “Te, ka ṭha a nia haw ang." tiin thinrima a la tâl uaih uaih reng chu ka va chelh ta thuaia, “Hrep hian, khatiang mihring kha awlsam tak chuan a kal mai mai lovang" tiin ûmzui leh a tum avâng chuan ka kuah bet ta thuaia.





“A ngailo khin tham a nih loh kha, ka ṭha engtin mah min ti hman lo, min en teh" tiin a biang tawn tawnah chuan ka vuana “Hahdam rawh, min khawih lo ka tih kha" tiin ka mitmeng chuan inthlah dul turin ka ti a, a nipawh thawk la ham hamin a kut hum ruh tlat pawh chu a thlah zuia.





Ka thaw huai mai, keipawh ka thinrim lo a ni lo, mahsela mi an awm ve ṭhup si a. A put chhuah leh chuan amah dem duh tâwk an lo awm leh dawn tih lah ka hailo, “Haw ang le" tiin ka kaia, pâwnlam pan chuan ka kal pui ta thuaia. A nipawhin ngawi rengin min zui ve hnu hnu mai.





A car a kan ṭhut luh tâkah chuan ka kutah rawn vuanin alamah min pawt hnaia, ka hmuiah chuan duhthawh zetin a rawn fâwp nghal tawn tawn mai. “Khapa nên khân engtin nge in awm tlân theih?" a rawn tihchuan a lu-ah chuan ka chul sak te te a “Room kha ka enkuala, ka hnunglam aṭangin min rawn bia a, chuan nang aia min siam nawn tur thu a sawia" tiin ka nui haka.





A mitmeng chu a rum leh nghâl al mai. “Zawnga chu leh!" tihlukin min rawn kuaha “A ni aia engkima i ṭhat thu vel ka hrilh hrepa, a thinrimin min rawn khawih a tum a nih kha" tiin ka nuih ver vera, a ni pawh a rawn khi ve ta suk mai. “I leili hriam zet ilo hmang leh dâwn tih ka hria a lawm" tiin ka biangah chuan a rawn nûl dan dana.




“Ni reng e, i bialnu hi ka nihna i hriatchian kha ka zâm mai mai lovang, ngaih ṭha deuhin awm rawh. Bâkah helaiah hian i fa ka pai mêk tih hi theihnghilh ngai suh" tiin a kut chu la in ka pum chu ka chûl tira. “A la thêp tho" tiin a nui ta hawk mai.



A thinrim hmêl chu hlim hmelin a rawn thlâk ta thuaia, keipawh chutia a nuih leh theih tâkah chuan ka thaw huai mai. A thinrim hi chuan ka hlim thei ṭhinlo, bâkah a nelawm loh vek zêl “Haw tawh ang hmiang, kan tlai lutuk dâwn e" ka tih tâkah chuan insiam remin a tlân chhuak zui ta thuaia.




“Mira inneih chu i duh em? Inruk nghal mai ka duh, i dul a lan tak tak chuan thil a harsa ve thei ania" car steering tih vir paha a tihchuan ka in ngaihtuah buai ve viau, ni e hetiang reng chuan kan awm thei dâwn lo tih ka hre chiang, neih pawh ka hnial em em lo bawk.




“Ka hre lo le, i thu thu a nimai, mahse i chhungte'n min duh lo tih ka hre ve tho asin" tisapin hmalam chu ka ena, min nei chiah sela a unaute leh a pa khân engtin nge min tih ang ka hrelo, ka lakah an rilru a hmin lova an monu ni tûrin min duh lo tih ka hailo.




“Ngai pawimawh suh, an niin ka duhthlannaah thuneihna an neilo, an ni enkawl turin ka nei dâwn lo che. Ka nupui ni turin a lawm ka neih dawn che ni" tisupin ka kutah chuan a rawn vuana, a in kan thlen rualin min pawm chhuak nghal nawlh mai.




Au ṭhatin ka nui zui har hara, a nghâwngah ka kut suihin a mi tih ang ang chuan ka awm zuia. “Zanin aṭang chuan ka nupui leh ka ta liau liau i ni tawh ang, tumahin min ṭhen hrang lovang" tisupin a kawngkhar kalhna chu a hawnga “Min dahthla phawt teh, i buai emai" tiin chhuh mai ka tuma, a phal tlat lo.




“Lo awm hle hle rawh" tihlukin min pawm ṭha a, in chhûngah chuan min luhpui zui nghal zât bawk. Engmah sawi tawh lo chuan a mi tih dân ang ang chuan ka awm zuia, khawi dang mah pan lovin a room lam chu min panpui zui nul nul a. “Te, ka mut a chhuak a nia aw" ka lo ti hmanhmawh chu “Meng lui mai rawh" a rawn ti hluka.





Hepa hi chu aw, thusawi ve pawh hian awih kilh kelh hi a neilo. A khumah chuan min mutthla in a thawmhnaw chu a phelh mawlh mawlha, keipawh ka thawmhnaw chu phelh ve in a tshirt chu ka va zawnga, engkim a hmu vek tawha ka zak peih ṭit ṭet lo, a tshirt ka ha chu ka nuih a za, ka khûp a thleng thla hnawk mai.




A ni pawhin ka hnunglam aṭang chuan min rawn nui hawka “I thawmhnaw hi an lian hlawm lutuka, min nuih suh a pawilo tihian ka awm mai ang" tiin khum lam chu ka pana “Ka hak turin a lawm ka lei, ka hak tâwk loh ka lei duh bik hleinem" a tihchuan ka ngei bawk si.




“I ṭawng thei" ka lo tichu rawn nui hukin “Ka chhûn che a nih hi" a rawn ti thum leh duta. Awi vuak thluk tawp mai ka duh, ṭawngthei lutuk, an inhmukhawm kha ṭawngtheih an lo zirtir nge mawni. Hmelchhe hrek hruk lutuk mai.




“Min chhûn bawka, insûm theihna i ngah ang chu. Kei chu ka insum theia, ka mu hmak dâwn. Kei min chhûn a nihchuan ngawi reng khân mu hle hle ang che" tiin ka mu zui ta hmaka.




“Ka duhlo, chutiang zâwngin ka chhûn ang che pawh ka tihloh kha, kan inneih zânah min nghei tir i tum amaw? Chaw bêl bulah ka ṭam chhawl dawn anih ber chu" tihlukin puan chu a rawn keu va “Insum theihna hi thlarau rah a ni tih a nih kha; mu hle hle rawh" tiin lehlam chu ka hawisana, a rûk erawh chuan ka nuih a za viau thung.





“Mira nang chu, ka theilo ka nupui i nih tawh hi" a sawi tûr dang hre lo chuan a rawn ti bui buia, lehlam hawi chuan ka ṭhen vak vak ringawt. Ka hnunglam aṭanga min rawn kuahin ka biang bul vêlah chuan a rawn thaw lum ham hama, keipawh chu ka pângngai bîk hauh lo.




Alamah min kuai herin a mipatna khawng ur tawh chu min tawh tir salha, ka thaw hak mai. “Insum theihna neilopa" tiin ka kuah lêt ta nge nge a, kan inneih tawh miau chuan pawi tur a awm tawhlo. Kan naute kan ven thawn deuh erawh a ngai thung ang, tunah chuan thla thumna a hmang ṭan ve tawha, ka dul pawh a rawn lian ve ṭan tawha, en chian phei chuan a hriat ve tawh lutuk tlat.





“Ka mamawh reng mai che chu a nih hi, ka tina che em?" kan zawh hnu chuan min ngaihtuah tak chuan a rawn ti a, ka lu ka thing nar nar ringawt. Ka la chau bawk nen engmah ka sawi peih loh a ni pawhin ka awmdan a hrethiam a ni ngei ang min chûl hliau hliaua.




“Kan naute chu ana êm lovang chu maw? A nat vaih chuan ka in thiam thei lovang" tiin ka dul chu a chûl hauh hauha, “A ṭha turah ngai rawh, a pa i ni miaua. A nipawh a tuar chhel viau ang" tiin a hnute hmur chu ka khalh sak neuh neuha, kan in nuih dûn ver ver bawk. Ka haw em em emaw ka tia mahse a kiangah ka hlim leh em em tho si a.





Ka nu leh pa khân tuna ka nau paia ka hlim ang hian min pai laiin an hlim ve angem? Ka ring lo, a chhan chu min kalsan thei miau va, min duh nise chuan fahrah ina seilian turin min kalsan hauh lovang, an ni chuan kei min paih duh si zuam chiah silo in an awm ngei ang le.




Hmu thei ila chuan engvanga min duh silova min hringchhuak nge an nih tih ka zâwt ngei ang. Tûnah hian engtin nge an awm anga, fa dang an nei tawh angem? Nge an ni pawh chu keimah ang tho va fahrah ni turin an kalsan ve tho ni ang?




“I nuam lo em ni?" a rawn tih avang chuan ka ngaihtuahna aṭang chuan ka in thing harh thuaia, ka ngaihtuahna ka lo kawm tui bawk nen a ngaih a ṭha chiah lo a nih hmel “Ka ṭha e, thil ka ngaihtuah mai mai mawle. Te, min kalsan ve miah suh aw, kan fa hi kan pahnih ngeia enkawl dun ka duha, chutiang chu ka ngaihtuah mawle. Ka nu leh pa khan kei min pai lai khân eng rilru nge an put ve ang le? Min hmangaihna chhete tal pawh an nei lo em ni ang tih hi ka ngaihtuah" ka ngaihtuahna dik tak chu ka hrilha.





“Lungngai suh ka awm hi, hei hi i tâna khuanu ruat pawh a ni thei a sin. I nu leh pa chu an tluang ngai chuang lovang, nang ang fanu ṭha an nei tih hi hria sela chuan an inchhîr ngei ang, muhil tawh rawh. Ka tân fa duhawm tak tak min hrinsak turin ka duh che ania" tiin min kuah ṭha sauh sauha.





Ka chau ve bawk nen ṭawng vak pawh ka peih tawhlo, mut ka mamawh rih lutuk tlat. Hetiang chuan ka chau chhe mai ang, ka naupai hnu hian mutthilh ka awlsam bawk nen ka muhil deuh reng mai chu anih hi.




“I anpui mipa thinchhia leh nelawm loh tawk tawk hi an rawn piang mai anga, kan buai duh âwm e" tiin ka nuih hak haka, a hnar a rawn rum data. Ka dulah chuan a ṭham nghal ṭawk mai.




“Ngeiawm ṭhin viau suh, kei anga mipa hmêlṭha nula te star rawn hi an awm mai mai ngai lo ania, mu hil tawh rawh ka tih kha duh aiin i che muang tlat" tia min kuah beh leh tâkah chuan engnah ka sawi duh tawh bik lo.





Reilote-ah chuan ka muhil zui ta thuaia, a ângchhunga mutthilh chu ka thlamuan phah huai te hian ka hria, chuan a rim a tui takzet bawk.




Zîngah chuan ham bai baiin khumah chuan ka in let kuala, chutah harh chhuak zawka ka meng chuan Thanpuian biang dawm meuha min lo thlir chu ka hmu ta.  Ka zak ve deuh bawk nen ka hawisawn ta thuaia, “I lai em ni? I mutui em?" a rawn tih leh tâkah chuan bu nghat ngahtin ka insiam rema.




“Im mutui e nang teh, a tlai tawh viau em?" tiin sana chu ka ena, rinai a lo la hma phian bawk nen tho chhuak duh mai lovin ka in zi mar ar ara “Mu leh rawh, a la hma lutuk. Bâkah tûnah rih chuan hahchawlh tam i mamawh ber, rawng ka lo bâwl ang, muttum rawh. I mitmeng a sen vek kha" tiin ka chalah chuan a rawn chuka.




Ka nui hak mai, tûn ang lai chu kan dawr a lun lai a ni bawk nen zânah menrei ṭum kan ngah mai.


    “Mira i hna hi bânsan la ka duh, tui viau mahla kan fa lo pian hma chu engmah thawk lo la ka duh a ni. Hahdam taka i awm thiam leh kan pahnih tân bawk, thil hlauhthawn ka neia, naute hi kan chân a nih vaih chuan ka lawm dâwn hauhlo, kan pahnih a kan fa hi kan venhim tawn angai ania" a tihchuan engmah sawilo mah ila a dik ka ti riau.





“Mahse nangmah chauhin hna i thawh ka duh lo alâwm, chawmhlawm nih reng mai chu ka tan pawh anuam lo ang" tiin ka inher a.




“Bakah keimah chauha ina awm chu a hrehawm dâwn e, a reh dâwn si" tiin ka phung nanga a ngaih pawimawh hmel vak loh. “Awm la ka tihchuan awm mai rawh, chetsual palh theih pawh a ni, tunlai mihring chu rin mai mai loh tur, tawhsual i tawh phah ang. Vâk chhuak nasa lutuk lo la ka duh, fimkhur tluk a awm lo" tiin a sawi sup supa.




ZAWMNA...



“Mahse" ka tileh dek dek chu ka chalah a rawn pen nghal fawk mai “Mahse tih angai lo, naupai lai chuan hahdam deuha awm a ṭha an tih ka hria a lawm, chuvang chuan hna hahthlâk thawk lo in eitur ṭha ṭha lo ei la, kan naute pawh a hmelṭha in a hrisel dâwn a lawm, hrisel taka a lo pian ka duha, nang pawh hrisel leh harh ṭha taka awm turin ka duh che, nau i pai avanga i nawm loh ka duhlo, ṭhenkhat nau pai an chhiat pui ṭhin tih te an sawia, khatiang kha thleng ve suh se. Dam reng la ka duh" tiin min kuah hlu hlua.







Min ngaihtuahna chu ka hriatthiampui, tûn angah rai cheh a thi te, zai hlumte an tam tawh bawk si. A hlauhthâwn awm ve riau zêl a ni, ṭhenkhat damdawiina neilo pawh an awm tho va, keipawh a ṭul fe a nih loh chuan in lama neih ka duh zâwk. Doctor te an ṭha lo tihna ni lovin in zai hlum a tam tawlh tawlh bawk si a, nau pai kher pawh nilo in Mizoram Doctor an lo sawisel nasa bawk nen eng emaw chenah chuan hlauhthâwnna a awm lo theilo.







Kan mak ka ti ṭhin Kristian ram ni si hian Doctor pawh sum duh lutuk kan nei leh ṭhinte, damna run ti a dam beisei a damdawiin pana Doctor te chunga rinna nghat ten an nunna an chan leh zawk si. Kan hnathawk ṭhenkhat lah biak nuam lo, lehkha zirsang lo tân phei chuan zak ngawih ngawiha mi biak hmang an awm leh bawka, nurse thinchhe lutuk lah kan ngah.






In enfiah kan ngai ka ti ṭhin, vanram kai tum si a kawng zawh tum bawk silo. Ṭhenkhat hi chuan vanram pawh hi suma lei theih emaw an ti nge maw ni, hetiang em ema kan han chapo ṭhin ni.




“Pathianah in nghat ila a ṭha ber, a ni chuan ngaihdam duh loh te, ṭanpui duh loh te a nei ve lo. Amahah rinna nghata kan hnaih chuan min en san ngai lovang, thil tisual tawh mah ila a ni chuan min ngaidam thei, hringmi te a beiseina nghah ai chuan min siamtu leh min enkawltu chungah beiseina nghat ila, damna leh engkim a kutah a awm alâwm, a ni chuan englai pawhin min enkawl a ṭhulh hleinem, inkhâwm ṭhin ila ka duh kan tih ve theih chhun a ni si a" tiin amah chu ka ena.





“Te, mihringte hi kan pawimawh rualin Pathian a pawimawh ber tih hi hre reng rawh aw. Keipawhin ka hmahun ka hrelo va, ka naute pawh hi ṭha takin ka nei thei angem ka hrelo, i beidawn hun leh na tâwp khawka i awm hun pawh a lo la thleng thei, keimah avâng ngei pawhin chutiang chu i tâwk ang. Mahse Pathian demna chhâk chhuak ngai lo la, amahin engkim a ti theia dawhthei takin nghâk hrâm hrâm ang che. Min hmu em? Keipawh nu leh pa tello in ka seiliana, mahse hei a duh loh zâwnga ka awm reng chung pawhin ani chuan min ensan hauhlo, ka ṭhatna tur in engkim a lo ruahman zêl zawk a nih hi" tiin ka nuih ver vera.






Ka kut chu a kut lianpui chuan hum bo vin a âwm ah a daha “Pathian hi ka ring lo nilo in Biak in kawng hi ka zawh ngai em em lova, ka nu a thih hnu phei kha chuan ka ṭawngṭai ngai lo, ka zêp lo. Ka nu avânga ka auh lâwm lâwm lai khân chhânna ka dawng lova, min lâksak ta tho a nih kha. Ka nu hian kan têt te aṭangin min enkawla, ka pa khân kan tân hun a nei ngai lo, hnaah a bur chawta, ka nu damlohna in a han tlâk buak chiah kha chu kei ngei pawh ka hlauthâwng a sin" tiin za lo zet hian a ṭhensaka.






“Ka nu i chhûn takzet, a ni pawhin Pathian ring tlat tur leh a rorêl dâna vui ngai lo turin a thih dâwn thleng khân a sawi a sin, kan hlawhtlinna leh hetiang dinhmun kan thlen theih chhan a nih thu hi a sawi fo ṭhin. Mahse a han thih tâkah kha chuan Biak in lam hi ka hawi tawh ngailo, chutih rual erawhin sâwma pakhat pêk ka ṭhulh ngai hauh lo thung, misual lutuk chu ka ni bik lo ania" tiin a nui suka.






“Ka hnaah hian ka bûr tawpa, tu vak mah han kawm emaw pawh ka tum lem lo. Nelawm loh nih ka hlawh a, pawi ka ti chuang lo. Keimah a awm kha hrehawm pawh ka ti lêm lo, hmeichhe tam tak hi chu ka zêp lo duh ila chuan ka mutpui thei ngei ang. Ṭhenkhat lahin engmah hre hauh lo in tlangvâl awm herh lutuk chhuahin min lo chhuaha, ka mutpui anga an sawi ṭhinte hi tawh pawh ka tawk ngailo, chutih rual erawhin insawifiah ka tum lo bawk" a insiam rem deuha.





Keiin a thusawi chu ngun takin ka lo ngaithla thung, dâwt a sawi dâwn lo tih ka hria “I rawn thawh tirh khan i hmelṭha lutuk kha ka hmuh hmaih bik lo, mahse i inchei dânah kha chuan mi i hip lo emai pawha" tiin a nui suka, ka sik nghal sawk mai.




Ka inchei dân ṭhin a rawn sawi kher chu ka ngei bawk si “I thawhpui nula ten ka mit lâk tuma an beih a, an inchei laiin nang chu a hnawk thei ang ber leh sam buk leih luih khân i rawn kal ṭhina, han hnaih che duh mah ila pitar ngaizawng ka ang dawn bawk sia" a tihchuan ka chum nghal awka.





“Ngeiawm viau suh aw, ka inchei ngailo va, ka thiam ve hleinem. Incheina ka lei pawhin ka inchei mawi theilo, ka khawr vek zêl, pitar ka ang kher lovang" ka tihchuan a nui pût pût mai.



“Nia a ṭha zawk, inchei thiamlo ber zûnah ka uai tho alâwm, a danglam fâl nalhin ka mit i la ta chat chu a nih hi, ni e i sawi angin inkhâwm chu kan han tum ve zel a ni ang chu. Mahsela han inkhawm regu dâwn ila nihna min hmeh bel an tum leh anga ka duh chiah lo, nihna neih hi ka peihlo" a ti nghal zata.





A sawi dik ve tho mai, mi hausa hi chu kohhranah pawh nise tual upa leh upa vêlah an thlang nghal chata. Mi hi â hek lo le “An ti bik kher nâng che, inkhâwm hrim hrim kha a ṭha alâwm. Bâkah nau ka pai hi, danin min phuar dâwn hrim hrim, min phuar avâng erawh chuan inkhawm kan ṭhulh phah tur a nilo, kan pahnihin kan hma hun atân leh kan fate tân kan beih a ngai a lawm" ka tih takah chuan bu nghatin min ṭhut chhuah puia.





“Tihian kan innei tak tak em?" ka ti leh chu min hmer salha “Nei e, i awih chiah lo animaw khawi maw" tiin a phone khum sira a dah chu la in min in selfie puia, thawh hlima in phih fai pawh awm lova thla min han lâk pui chu a fuh chiah lo, ka lang chhe âwm ropui si, a ni chu engti zâwng pawhin a hmelṭha.





Chutah ig ah lutin kan pahnih thlalak chu a post-a, caption-ah chuan “My wife, my love" a ti ngei a, min ti lai lek lek mai. Hnam dang follow tu an tam ve bawk nên chuvanga English hmang a nih ka ring, WhatsApp ah lût leh in a status leha, awi chutia ka hmuh lai renga a tihchuan ka zak ve det.





“Ka tho phang hmêl kher i hmanga, ka tan a nuam lo, miin hmelchhia min ti ang" ka ti chu a rawn nui hawka, “Tikhan an tluk lo tho tho che, hmeichhe ho star em em nupui i ni tlat, in chhuang hle rawh" ala tizui.



“I chapo mai e a, mi zawng zawng chuan an star lovang che, insawi thei viau suh" tiin ka tho chhuaka, min rawn zui leh vat tho. “Mi zawng zawng chuan ni love, mipa chuan min star lo chiang phawta, chumi loah chuan ka bem thluk theihloh tur ka hrelo" a ngalah ka chhuih nghal ṭawk mai.





“Ngawi hle hle rawh, khatiang i sawi leh chuan ka haw leh ang" ka tihchuan engmah a sawi tawhlo, ha nawtin kan hmai chu kan phih a, darthlalangah chuan in enin kan in nuih dûn var var reng mai, kan awmdân chu a nuam tih piahlam a ni. A hmuihmul vel chu min ziah tira, keipawhin phur zetin ka lo ti ve mai bawk, ka bialpa hlui nena kan awmdan ṭhin ai kha chuan a letin ka hlim daih zawk .





Amah nên chuan engkim hi a nuam ni berin ka hria, in hau ve ṭhin mah ila a lakah ka thinrim hma ang bawkin ka lungawi leh hma bawk. He thil hi hmangaihna an sawi ṭhin hi a nih loh chuan eng dang nge ni chuang ang? Ka nuna ka mipa tawn tawha danglam ber ka tilo theilo, a ni nên chuan engkim hi a mawi bik ṭhin.





Amah nen hmalam hun ka suangtuaha, hote pawh nise alak aṭanga ka dawn a nih chuan ka hlim pui tho si, thil hote min tihsak pawha kan hlim thei anih chuan hmangaihna dik tak ani ka tilo theilo. Kan ngaihzawng te emaw kan pasalte lak aṭanga thil man to leh ṭha chauh dawn kan duha, an theih ang tâwka min ngaihsak chung pawha an lakah thinlung taka kan lawm theilo a nih chuan kan hmangaih loh vâng ka ti ve tlat.





A chhan chu kan hmangaihte lak aṭang chuan “I ṭha em?" tih chauh pawh kan hlimpui thei ania, kan crush a rûka kan duh ngawih ngawih tena “Aw le" tih chauh an rawn thawn pawhin nuam kan tiin chhân leh dân tûr kan ngaihtuah ruai mai ṭhin a nih kha.





Bathroom aṭanga kan chhuah rual chuan rawngte bâwlin ka che zui nghal malh malha, Thanpuia nuna ka duh deuh chu engkim mipa tih tur a nilo tih sawi ngai miah lova rawngbawl chena min pui zêl thei te, midang chunga rilru chhia a pu ngai miah lo te hi ka fak lo theilo, ka lakah a thikthu a chhe deuh tih mai loh chu.




Mahse kan lakah an thikthu an han tihchhiat hi chuan a ngaihṭhat thlâk veng veng thung, kan lakah rilru an nei ve tihna a nia, mipa dang kan be chunga an thik miahlo anih chuan kan lakah rilru an pe lo hi a lo ni duh tlâng pui.



“Te, vawiin hna i kal dâwn em?" kan innei hlim bawk nen ka bulah awm se tihchu ka rilru a ni “Kal turin min duh em? I kianga awm rih chu ka châk zâwk ngei a" a rawn tihchuan ka lei ka chhuah khuma “Hetah awm rawh, kan pahnihin hun kan nei khât emai" tiin ka chhang ta thuaia.





TUNLAI CHU DARKAR THUM VEL BAK MUTNA HUN KA NEI ṬHIN LOVA, KA TAKSA A CHAU TAWNGKHAWNGA KA ZIAK THEI NGANG LO

[mawitei bawihtlung]

KA LALPA



CHAPTER 11





CHHIAR NGEI NGEI ANG AW

STORY CHHÛNGA KA NGAIHDAN KA ZEH ṬHIN HI A NING TÂWK IN LO AWMA, MAHNI NGAIHDAN CHIAH ZIAK TE MIN TIAKA NGAIHDÂN KA ZIAH LOHIN TU MAHIN MIN ZIAHSAK BAWK SILO A, TÛNLAIA THIL THLENG MIIN AN HARSATNA TAWH NASAT AN RAWN SAWI ṬHIN, A LANG A PAUA AN SAWI NGAM LOH KA STORY KALTLANGIN KA SAWI SAK ṬHIN MAI ZAWK AW, A NING TÂN CHUAN A CHHIAR LOH THEIH ANIA.

CHUTIH RUAL ERAWHIN TAM TAKIN INZIR NÂN TE IN LO HMANG TIH KA HRIA, KA LÂWM EM EM BAWK. MITE NGAIHNAWM TIHA CHHIAR LIAM PUAT CHI ZIAH AI CHUAN MITE TAWN LEH TIHSUAL TAWH AṬANGA MIDANG TÂNA KAN ṬHAHNEM NGAIHNA LEH FIMKHUR THEIH NÂN A ZEH ZÊL KA TUM E.



“Nang berin i tih te chuan kan awm anga animai a lawm, lên chhuah te i duh em?" a tihchuan ka lu ka thing nar nara “Inah hian awm mai mai ang, ka thawmhnaw te pawh kan va lâk a ngai ang chu, inthlâkna tur pawh ka neih loh hi. Eng pawh chu nise ka ril a ṭam tawh" ka ti nghal zata.




Ka pasal ani tawh bawka ka kimki du duh tawh bik lo, chaw ei chu siamin kan pahnih chuan kan che mawlh mawlha “Te awmpui i nei lo em ni?" ka tihchuan min rawn en zawka “Nutling ka ruaia, lângin a rawn kal ṭhin. Ka riahpui ṭhin lai che kha chuan lo kal lo mai turin ka ti a nih kha, i rawngbawl ei zêl ka duh sia" an ti ngeiah.




Ka nui lo theilo, phakar thiam reuh lutuk “Um a ṭhat chu chutia nutlingte a nih chuan" tiin chaw chu ka bar pah mawlh mawlh a. Nula ni se chuan ka duh lo zâwk hial mai thei a ni, chaw ei pah chuan eng eng emaw sawiin kan titi a, a phone ri leh ṭhin chu hre reng mahse lâk a tum miah lo. Eng tak chu ni ang maw?




“A pawimawh a ni'ang la la, a ri reng bawk sia thil thleng te a awm ange" ka tihchuan min nuih ringawta, a chaw chu bar in antui chu a hâwp zui khawlha, tunge maw ni rawn bia le? A lâk duh loh chhan a awm ngei ang “Ka pa a nia, ka la duh lo a nih kha" a tihchuan ka awm a nuam lo ngei mai.




Ka awm dân chu a hrethiam a ni ngei ang “Hlauthawng suh an la pawm mai ang che, mi hausa fanu ngei nei tûrin min tia, ka duh si lova; a lâwm lo ve deuh ani ang" a ti liam puat ringawt, engmah ka sawi lêm lo. Ni e, kei ang mi rethei thiam nei bawk silo chuan an chhûngkaw thilah puih theihna ka nei dâwn der silo, min iai pawh hi a âwm ka ti lutuk tlat.





Chaw eikhamah chuan thleng te chu silin ka zai pah rat rata, a ni pawh thleng seng leh hmun phiah vel chu min ring duh hauh lovin amah chuan a lo ti veka. Amak ka tilo theilo, Mizo pa chu hmanlai aṭang rengin nupuite an buai em em lai pawhin rawngbâwl pawh an pui duh ngai lo ania, lehkhathiam tih takah Thanpuia erawh a zia a dang riau.




Hmeichhe tih tur a thliar ve lova, a mahin a ti ve bawrh bawrh mai zel, hetiang an tih avanga thaibawih lo in tih ngawt ṭhin hi a ṭha lo ka ti. Nupa chu kan ṭangrual tur ania, kan in puih tawn thiam leh kan inpawhna pawh a zual ve zela, nupa hlim lohna a nih ka hre hek lo.




Nupa kan nih chuan thil ti dûn bawrh bawrh ila, sap ho pawh an in puia, an nui dûn a. Khawlai ah chenin an in ngaihsakzia an ti lang awl lova, Mizoramah erawh a la theihloh, han inkai emaw in duat hliau hliau dawn ila mi sawisêl kan kai nghal zel bawk sia.



“Te i phone ka lo en" ti a ka pan hnaih chuan ngawi rengin min lo pe ve mai a, a bulah a taksa nghêng chuan ṭhu in a phone chu ka check malh malha, a niin min kuahin ka thil tih chu ṭawng lo chuan a lo en ve zêl bawk. Hmeichhe chhelo tak tak betu a ngah zia ka hmuh belh hi a ni ringawt.





A ṭhen lahin a status leh a ig a a post avângin an ui thu leh min thik thu vel chu an rawn sawi thul, rinai khawvêl an ngam daih lehnghâl. A nupui ka ni chu an rawn ṭap lo chauh a ni, ngawi reng chuan ka en zela. “En tawh suh; i thinrim phah hlauh ange, i lungawi loh ka duh hauh lo ania" ka bengbulah chuan a rawn phun supa.





Kei erawhin ka en zêl thung, chhan lêt vak a neilova, mipa lam erawh a be ve zeuh zeuh thung. Hna thil vang a ni tih a hriat mai, a rawn betu hmeichhia chu an hmelṭha em em lehnghâl, ka insit lek lek thei. Mi hausa fanu tih an in chei dan aṭang pawhin a hriat hluah hluah mai, ka in ena la englai hi nge a duh chhan tur ni ang tih hi ka hre theilo.




“Iiii..... betu hmelṭha tak tak i nei sia, engtin nge ka hmelṭha i tih theih? Keiai an hmêlṭha vek a nih hi" tiin a lam chu ka hawia, “Ka mitah i ṭha ber ka tih kha, mit a inang lo tih i hria a ni lo'm ni? Khâng ho ai khân ka duh che tihna" tiin ka biangah chuan a rawn chuk zauha, ka nui sak thung.





“Hmeichhia hmelṭha tak tak an tam ang chiahin mipa pawh sâng tam an awm ang, mahse thinlung erawh in pakhat chiah a thlang ṭhin. Hmêl ringawt hi kan in hmangaih chhan a nilo, nungchang leh mizia engkim a keng tel vek tih hre reng rawh, i hmêl avâng chauha duhah che min ngai ange" tiin ka kut chu ala kanga, a hmui bulah dahin a chuk nghâl zauh zauh mai.




A hmêl chu ka en renga, hmelchhia titu an awmin ka ring lo, chutih rual erawhin hmelṭha lutuk tih tur pawh a ni chuang lo. A engkim hi uluk taka siam ang mai a ni, a khabe ruh in vuah fuh tak te, a mithmul buk leh pir sâng te chu a nalh vel vek, a hmui leh khabe a pa phîr zui. Chu chuan engtin emaw tak hian a ti duhawm riau bawk.





Ka bialpa hlui ka ngaihtuah a, an mizia leh hmêl a in ang lo hle bawk. Dinsiama kha chuan min ngaihsak tho si khân ka lakah thikthu a pe chhe ngai lova, ka awmdân ang ang khân min enliam tawp zêl a, Thanpuia erawhin ka ke pên tin a chhui nimaiin ka hria, ka lakah a thikthu a chhe hle a. Ka awmdân a duh loh zâwng a nih chuan min hau hreh hek lo, an inan lohna chu pakhatin ka zalen a duha, pakhatin ka ṭhatna tur a duh thung.




    “Ka lâwm e Vanlalthinchhia" ka tikher chu a duh vak lo nge ka nemah chuan na deuh tak chuan a rawn piaia, ka ner nghal nawng nawng mai. A kutthlakte lah hi a na thei ropui si, tuai vat vatin ka seh lêt a, a ner ve nasa ngang mai. Ka thlah rual chuan a bânah chuan ka ha thla a lang kulh mai.




“I ṭan hmasak a nih kha, ka thawmhnaw chu min lâk pui i tum em?" ka tihchuan a rawn tho chhuak zuia “Kal ila a nimai a lawm, i samkir zet nêna min vin reng ka duh hleinem. Va la vat ang" tiin a car chahbi la in min chhuahpuia, bungrua em em ka neilo nen ka thawmhnaw ho an ni deuh tlawng mai.



Ka in luah kan thlen chuan a neitute hnênah thil awmzia hrilhin an ni pawh chuan min rawn pui vata, bungrua ka ngah lêm lo bawka rei chêt a ngai lo, zo thuaiin kan in kawm khâwm leh riha. An mahni an fel bâkah Thanpuia chu an lo hrechiang bawka; min chelh a ni ber mai, kan inru chu mak an ti viau lehnghâl.



Ni e helaia ka awm hnu hian a rawn kal khât bawk a, kan inhria a ni tih pawh an hre tawp nâng. A hriat hlaua biru miau hek, thingpuite chu in in tih tur kan la nei bawk nen rei erawh awm lovin kan haw ta thuaia, nu leh pa chhûngte dang tak ngial pawh neilo ka nih avângin thil a awlsam phah phian mai, a leh lamah erawh man neilo a han awm ngawt mai chu hrehawm ka ti ru viau.




Chutih rualin nu leh pa zawn chawp lah ka duh bawk silo, Thanpuian min iaina a neilo bawk nen engmah ka sawi duh bik lo. Nakinah buaina te kan nei a nih pawhin keimahin ka paltlang mai ang chu, hei chen ka lo thleng ve tawha, in ngaihtuah hah chiam hi ka tih tur a nilo.



In kan thlen chuan a in pâwnah hmanni a a ṭhiante pahnih kha an lo ding reng mai. Engtak chu rawn tih tum ang maw? Ka la nel vak bawk silo a a hrehawm, ka thawmhnaw ho chu dah chhuak mawlh mawlh in an lam pan chuan kan keng pheia “Enge in rawn tih dâwn?" ti a Thanpuian a zawh chuan rawn nui sângin “I nupui neih kan rawn lâwm dâwn, hei ar hem hmin sa in tur nên kan rawn kenga, in nghal ang u" nui chunga rawn tiin keichu min rawn chibaia.






“A hrim hrim an ṭhiante pawh hrilh miah lova nupui te ilo rûka, i in ti hrang deuh em ni? Kan lâwm chiah lo ania, in inneih vat kha chu ring mah ila hetiang teh thut kan beisei rêng rêng hleinem, a hma a in ṭhulh avâng khan in in kawp leh pawh kan lo ring lova" pakhat zâwkin a rawn tihchuan ka lo thaw hak mai.




“Jo sawi tûr chin hre deuh la, a hma a kan ṭhulh chhan chu thildang vâng tih in hriat reng kha, lût ang u" tihmakin ka kuta rawn kai chuan inchhûng lamah chuan min luhpui zuia. A ṭhiante pawh chuan engmah an sawi tawh lêm lo, ka bungrua chu room-ah dah felin kan chhuak zui ta thuaia, an ni pahnih pawh sofa a ṭhu in an lo titi mawlh mawlh mai.




“Khawi arsa chu lo ei ila, no ka va la lawk ange" tiin choka lamah chuan ka pheia, an ni pathum erawh eng eng emaw sawiin an lo inkawm khâwm thung. A ṭhiante an ni a, kan lakah rilru ṭha lo an put ka ring bik lo nen an thusawi pawh chu ka ngai haw duh lêm lo.




“Nupui neihna châng i hre dâwn lo emaw tihlaiin min lo neih khalh leh bawk sia, mi hi i ṭhawng thut thut reng mai chu a nih hi, Miriam i lung a ti awi loh leh han tihtauh khum la, i duh leh kan bulah i rawn awm daih zel dawn ania, kan farnute pawh an awma, rawn lêng ṭhin rawh. Nuam iti zâwk ang, hetah zawng a mah nên tlawng in ni dawna, nuam pawh i tilo" an tih leh chuan ka lo bu nghat ringawt.





“Ka bulah a awm zêl ang, a hrim hrimin i naute'n College an kal kha engtin nge in kawm tîr chu i tum ni? I thluak bûr kha hmang vela i fing deuh ang" Thanpuia chuan a lo tihluka, Joela zâwk chu a lo ner nasa mai “An kal loh hunah a rawn lêng mai dawn a lawm, tin i sa hauh nghal hlur maia, khatiang te chuan kan be ve ngam nâng. Higher kan nih chhoh lai kha chuan i pui thei mawle, hmeichhe lakah khân i biru zak zak zêl kha ania" tiin a ṭhiante pahnih chu an nui zui hak haka.





An thusawi dân aṭang chuan an inkawmna a rei tawh hle ang tih a hriat mai, tûn thlenga an la inkawm thei chu an lawmpui awm zawk. Kei erawh Dodoi bâk ṭhian han tih tur ka nei der lo, keini ang rethei leh lehkhathiam lo tân chuan ṭhian han kawm tak tak tur an vang, bakah school kal ve loh phei chuan hmelhriat ṭha pawh neih mai mai a harsa viau mai, school ah chuan nitin an in hmu a, in ngainatna pawh a zual duh bik an tih kha.



No ah chuan an Coke rawn ken chu thli chhuakin ka sem kuala, a hrana ṭhut ka tum chu Thanpuia chuan a bula ṭhu turin min ti leh tlat tawh, a buaithlâk ṭhin a nia aw. Ṭhut pah chuan ka kâwngah kuahin a lehlam chuan no chu a kenga.




“Min thlah teh, a buaithlâk thei e. I ṭhiante an awm ve hi, bâkah arsa kha i ei thei lovang, kei chu ka ei duh ania" tiin arbawp chu ka la thla a, ka keh nghâl zat bawk “Wow pui ve, ei mawi pawh tum lêm lo. Nangmah ang hi zawn ve chi a nih hi, in ti no lutuk chu ka duh lo, hmeichhia chu in tih nû chawp in ngailo, in awmdân ang ang hian in nu tho tho, ṭhenkhat hmelṭha em em pawh nilo leh a ngo ve satliah ṭawng no dei duai hi keichu ka ngai thei der lo, an mahni ngei tawh sa nak alai an ṭawng pângngai aia an han ṭawng no lui hi chu mipa mah ni ila ka ei hlawl lo" Faktea chuan a rawn ti a.




Ka nuih za chu ka nui pût pût mai, a ruk chuan Thanpuia chu ka hmer ngat ngata, an muk run dâwn emaw tihlaia an lo phawk ru lutuk chuan min nel tir nghal sarh mai. Ka vawikhat hmuhnaah kha chuan ka nel lo kha a nia, tûnah erawh chuan ka nel ve ta deuh.




“A ṭawng no thiam thiam cute an ti ṭhin sia i duh mai lo em ni?" ti a ka lo fiam chu a ei loh hmêl ngang mai “Teuhlo, eng emaw tawh palh pawha an han au vak zel te hi ka duhlo, keichu hmeichhe huaisen deuh ka duh. No lutuk ho hian ka mit an la lo" tiin a ner zui sak saka.



“Ni e, keini ṭhian thum hi chu kan duh hi a inang khawp ania, high school vêl aṭangin hmeichhia hi an tlân dân aṭang leh an ṭawng dân aṭangin kan teha, tlân mâwi tum lutuk leh ṭawng no hi kan ngai thei der lo maia, in pa phei kha chuan a ei lo zual khawpa, kan lo la â ve bawk sia hmeichhe pakhat phei chu a vin ṭap nghe nghe" tiin Joela chu a lo nui kur kura.




“Tunlai chu thingtlâng nula ah duh deuh mai ka nei peka, a number ka dîl hreh sia. Gas te, buhfai bag te a pu lâwp lâwp maia, ka duh riau, a awm rei dâwn lo an ti lehnghâl, a ngo lêm lo va mahse a zia kha ka duh chi tak, thawh hreh leh zahpui neilo chi" Faktea bawk chuan a rawn ti leha, ni e, an ni lam chu school an kal loh chuan hna an thawk nasa bawka helam mipa ṭhenkhat hian tawrhchhel lamah an tluk tawp nâng, an thâ a khauh ru riau zêl.




“A haw hma a i dil a ngai a nih chu, dam loh ni khuaah pawh a paw lâwp lâwp thei ang che anga, a ṭha phian ang. A haw hnua dîl chu a sâwt lo teh ania" ka lo tihchuan a nui haka “Ni e, kan dil chhin ang chu. Kan ṭhenawm lawkah alawm an awm, a phal êm ang chu maw? Nupui zawn chu kan ngai ve tawh takzet a ni e, chutilo zawng vâl senior kan nimai dâwn" tiin an nui hak haka.





“Ei ṭeuh rawh, ei zawh vek pawh a pawilo ania" ka arsa heh lutuk chu Thanpuia chuan ka bianga rawn fawh pahin a rawn ti a, ka ei thei lutuk hi a ni pawhin min hrethiam viau mai. Keimah chauhin ei tawh hek lo le, ka dul lian ve telh telh lah chu hai rual anilo.




“Miriam ṭhiannu i nei em kha?" Faktea bawk, sawi tûr chu a hre ve hle mai, a bula awm a nuam viau in ka ring. “Aw nei ve e, tinge?" ti a ka en phei chuan Joela chu a kawk zo zo a “Bank-a kan rawn kal ni khân a hmu a, a duh deuh ania'ng lo tihpui la" a ri nghal awk mai, Joela lai lutuk chu a nuihzatthlâk zawk.




“Um anumber in duh em? Dodoi ania a hming dik tak chu Lalchhandami, koh duat nan Dodo ka timai zêl" tiin ka lo sawi zung zunga “Duh e, min lo pe teh. Hepa hi chuan amah in a be ngam leh tawp nang, a ṭhiante bulah hian a dak thei em em a, nula bulah erawh bâk ang chiah hi, bâk pawh mi kârah awm ve ngam lovin zân khaw thim hnuah an chêt chhuah chauh zel hi, biak sak leh angai ang" a ti zung zunga.




A mah a lang tlang ren rawn bawka a ṭhiante pahnih pawh hi a hliahkhuh hneh hle in ka ring, Joela ka ena Dodoi nên pawh an zia a inang viauin ka ring, ṭhiante bulah chuan thawveng zet; mahsela nel loh bulah erawh chuan ṭawng tlem tak tûr ang chi a ni ve in ka hria.



Ar sa chu an ei tawh lêm loh avangin keimah chuan ka ei zo veka “Nang ni hi in pûk lâwk em ni? I ei thei riau" an rawn tihchuan Thanpuia chu ka en zawka “Zawh zawh angailo, in hmu reng. A dik e, chutihrual erawh in kan in duhtawn vâng a ni e, heti hian a ṭha zawk. Kan nei thei a nih ngai chuan fa neih ṭeuh ka duh" tiin alamah chuan min pawt hnaia.




Kei erawh ka inthlahrung deuh bawk nen ka awm anuam tawh chiah lo. Hmeichhe buan chaklo hmuhin min hmu mai angem tihchu ka ngaihtuah lo theilo, Thanpuia ban chu ka hmer ngat ngata, mipa puitling ṭhiau an nih bâkah an fing bawka ka awmdan chu an rawn hmuh hmaih lo tih ka hria.




“A ho lutuk, tumah mifel famkim kan awm hleinem, thil chu in duhtawn chuan a thleng palh ve thei alâwm. Nuam lo ti suh, i ute angin min ngai la, keini chuan kan thlawp reng dawn cheu alawm, bâkah in innei tawh tho a. A ṭha mai, nangmahni lo pawh mi an awm ṭeuh a lawm, in ngaihzawna in duhtawn si chuan insûm a har ang chu, keini pawh eng kan nih loh hi" nui hak hak chunga an rawn tih tâkah chuan ka thaw deuh huai mai.




“Anih kan va haw phawt dâwn em ni? Zânah te lo kal zâwk ila a ṭha ang, hna lamah pên kawi te ka ngai dâwn sia, haw phawt ila" tiin an tho chhuaka. Thanpuia nen chuan zui in pawn thleng chu kan va thlaha, infiam pahin an tlan liam zuia.




“In inang lo hle mai" ka tichu min rawn en rang nasa mai, a mit a chuar nunga. Ka thusawi chu a hrethiam chiah lo a nih hmel “Aw in mizia a in ang lo e, in inkâwm tho bawk sia. An ni an ṭawng duh em ema, nang i ngawi reng zêl bawk sia Pasalṭha Liannghawra te ṭhianho kha in an duh hmel, nang Liannghawra ni la, Faktea kha Kaia kha a ni anga, awi in ang tak tak dâwn lutuk" ka ti hluai chu a thaw haka.




“I ho mai mai, lût ang. Hmanlaiah chuan awm ila kan thi hmasa ber mai thei a sin" a tihchuan ka nui chhuak hak mai, “Ni lo e hmanlaiah pawh awm ula in Pasalṭha viau ang, nulate duh rawn in han ni vêl anga maw. Taka, high school in kal lai chuan i lerh ṭhin em?" tihchu ka zâwt khauh va.





Nge a ṭhiante thusawi kha ka hre chiang châk tlat alawm, tleirâwl lai phei hi chuan star rûk te kan nei nasa zuala, neilova a awm chu ka ring miah lo “Kal phawt teh, a ho lutuk. Kan la â ve alâwm, mahni thu duh rual lek kan la nia" tiin in chhûngah chuan a luta, ka zui ve zêl bawk.




“Star i nei ve ṭhin ang tiraw? An sawi ṭhina, i neih ve ka ring tlat. Neilo tawpa i awm chu ka ring lo, tunge i star hmasak ber" ka ti leh chu rawn in herin ka chalah a rawn kuk ta lawlha, a na ngei mai. Au ṭhatin ka in tuai zui vut vuta, enge ka zâwt mai maia, sawi pawh chu a har viau emaw ni.





“I sual emai, school ka kal ve thei lova ka hre châk a lawm, engtin nge in awm ṭhin tih chenin. Keichu kal ve châk ṭhin mah ila ka theilo va, tihian ka awm phah ta a nih hi. Ka ṭhiante azarah ka inzir chho ve naw naw a, an mahni avâng liau liaua tun dinhmun hi thleng thei ka ni ka tilo theilo, an ni awm lo se i bulah pawh khân ka rawn thawk tawp lovang" tiin sofa-ah chuan ka ṭhu thla a.






Ka bula rawn ṭhut pah chuan “Ka neilo, hmelṭha tih deuh chu awm ve bawk mahse hmeichhia kha kan ngaihsak hman lo a ni ber, ka pa hian min nawr nat em avangin lehkha zir ah ngawr ngawr rilru ka pe a, College ka kal khân i hriat angin ka bialnu hlui nên khân kan in tawng ve chauh a ni, a ni kha ka neih chhun a ni ṭhin bawk, a zui pawh kan inzui rei. Mahsela alakah rilru ka nei thei lova, a ni pawhin min kalsan reng bawka" tiin min rawn kuaha.





“Sawi tur vak ka neilo, ka nun pumpui kha in zir nân ka hmanga, tûn hun ka thlen theihnan hian ka bei ngawrh hle a sin. He dinhmun kher lo pawh hna ṭha taka thawh theih kha ka duha, ka zir lai ah bâk rilru ka pe ngai meuh lo, nang ka tawng che a ka inthlâk danglam ta chiah anih hi, ka fa i pai tih ka hriat tirh phei kha chuan ka hlim a sin" tiin ka dârah khabe a rawn nghata.





“Um keichu ka nun zawng zawng kha home-ah ka hmang tih theih a ni, ka chhuah hnuah Dodoi nên hian kan in tawnga, a ni zarah ania i bulah pawh ka rawn thawh theihna chhan" a kut khalh neuh neuh pah chuan ka ti a, a bula ka thawh tirh vêla ka hlauh ṭhin zia erawh ka sawi duh lêm lo, tûnah erawh ka hrechianga bâkah ka pasal a ni tawh bawk nen a engkim hian min hneh ngawih ngawih mai.





“Um...a ti ṭha hle mai, nakinah thil la tihsak a ngai a nih chu, nang ka rawn theih phah che a. Ka awm hi, tûn aṭang chuan engkim ka zirtir ang che, ka bulah i rawn awm ṭhin dâwn ania, in lama nangmah chauha lo awm tûr chuan ka ngaihtuah che tih i hriat kha" a tihchuan ka hnial lêm lo.




Ka nau a la lian lo bawka, ina mahni chauha lo awm ai chuan a ṭha zâwk hrim hrim. A reh ṭhin si a, ka lo va puih ve theih pawh kha a hlu, bâkah a bulah awm tam ka duh, a buai theihzia ka hria a, tlêm a ka lo puih ve theihna pawh kha a hlu ka ti ve tlat.




“Aw le, keipawh i bula awm zêl ka duh a lawm, nangmah nêna hnathawh dun tluka châk ka neilo, chuan maw Te ih ice cream vêl hi min lei khâwl sak thei angem? Zânah ka eichak zêla, leina mai tur ka hre silo va. Bâkah zânah chuan vah chhuah ngam a ni bawk silo" ka tih tâkah chuan a phone phawrhin ice cream zuar tute an ni ngei ang, rawn dah turin a hrilh zuia.



“Ka lawm e Te, i fel ber" ka ti chu a nui ve suk mai “Mira si tam suh aw, i dam lo hlauh ange. Dam lo ta la hrehawm ka ti dâwn tih hria la, vawikhatah ei ṭeuh lo la aw" tiin ka luah chuan a rawn chula, ka lo bu nghauh nghauh mai.



Reiloteah kawngkhar rawn in kikin alam pan chuan kan phei dûn a, kawng ka hawn rual chuan delivery boy hian ice cream flavour chi hrang hrang chu bawmah rawn khaiin ka lo lâksak thuaia. Thanpuia chuan pawisa vêl a pe thung, chumi chhûng chuan fridge ah ka lo dah ṭha mawlh mawlha.




Pahnih la in chu erawh ka ei pah mawlh mawlha, raino chu vir a awl riauin ka hria. Ei châk ka ngah thei bawk si, Thanpuia chuan ngawi rengin ka thil ei chu min lo ena, a ei châk ve lo nge maw ni? “I duh ve em kha ei ve rawh" tiin ka fian chu a lamah ka dah hnaia, a lo âng ve mai bawk.




Barh nghal vatin ka nuih var vara, nuam ka ti takzet. Mi a duat bawk si, hetiang hi a lak aṭanga ka dawn ka ring pha lo hrim hrim, belhchian a lo dâwl takzet.“A tui tiraw? Tui i ti ve em?" ti a ka zawhna chu bûk pui nghatin ka bulah chhuatah chuan a rawn ṭhu thla a.




Ka ei mi pakhat zâwk chu pe in a ni pawhin engmah sawi lovin a pe ve mai bawk. Kan pahnih chuan ice cream chu kan ei dûn mial miala, kan ṭhianten min hmu se mak an ti dâwn mange.


MUTTUI U, KA MIT TLIN TAWK AW

[mawitei bawihtlung]

KA LALPA






CHAPTER 12





“Thana nupui i nei i tih hi a dik lo tiraw?" a office kan awm lai chuan a bialnu hlui phone a ka hmuh ngei kha a rawn langa, chutia kan nupa lo ṭhu dun a hmuh chuan a hmêlah chuan thinrim hmêl leh mi tihnat duh hmel a rawn lang nghal zat mai, a mit a hnawih dum bawk sia ramhuai a ang lutuk.








“Nang nu hi maw Thanpuia lo zarbuai tu chu, ka ta a nih hi i hria em? Chhuak nghal rawh" rawn ti tawn tawnin min rawn khawih a tuma, ka lo awm sawn nghal vat thung. A thinrim zual sauh tih a hriat “Rozual chhuak rawh i hmuh ang hian hei hi ka nupui chu a nih hi; hriatbelh duh i la nei em? Mi nupa inkar tibuai lo hian chhuak zawk rawh" Thanpuia pawh chuan a lo ti vawt raiha.





Ka thlavang hauha chutia a ṭawng chu ka lawm takzet, ka in rin loh lai chuan chu nu chuan min rawn nam thlu hnawka, ka pum chu ka la sawh zui, ka hlauthâwng ngei mai. A na nghal rawih rawih bawk nen Thanpuia chuan Rozuali chu rek chawtin kawngka ah chuan a nem chilha, a âng nghal chawp chawp mai.





Ka pum ana bawk nen ṭawng pawh ka ṭawng chhuak thei mai lo “Hre rawh, ka fa i that a nih vaih chuan ka that ve ang che, i chhûngte ka rawn bia ang tih hre rawh" tihrawkin keichu min rawn pana, Rozuali thaw chham chuan boruak a hip lût kawk kawk mai.







“Mira i ṭha em? Engtin mah i awm dâwn lo, ka awm ania aw" tiin min pawm kanga, keipawh chuan ka lo kuah lêt ve vat bawk, pâwn lama min chhuahpui rualin Dodoi chuan min rawn hnaih ruaka “Engthil nge thleng? Miriam i ṭha em?" rawn ti sawk sawkin min rawn hnaiha “Saw nu saw lo chhuah tîr ang cheu, ka phalna tel lovin ka office ah tumah rawn luh tîr tawh suh u, damdawi inah kan kalpui phawt ange" tiin min chhuahpui zuia.








“I ṭha leh dawn ania, lo tuar fan fan rawh. Khanu kha ka ngaidam hauh lovang" timawlh mawlhin car seat-ah chuan dim te hian min ṭhut tira, a tir ang em em kha chuan ka na tawh lo “Te min ngaihtuah suh ka ṭha" harsa ti tak chuan ka ti chhuak thei hrama.





A ni erawh a pângngai thei meuhlo, car chu chak zet hian a tlân chhuah tira, kan awmna aṭangin damdawiin a hla lêm lo bawk a, kan thleng zui thuai a. Min pawm chhuak nawlhin min tlân luh puia “Hmanhmawhin ka nupui hi rawn buaipui rawh u" tiin a au pah tuar tuar bawk, a doctor ṭhianpa leh nurse pathum rawn langin min rawn buaipuia.







Khumah chuan min mut tirin min check nghal mawlh mawlh bawk, ka naute chu ka chân ang tih ka hlau bawk nen ka mittui a tling pam tawh mai. “A ṭha em Rema?" Thanpuia chuan rawn tiin ka kutah chuan a vuan nghal chat bawk.






“A ṭha e, naute pawh ala him e, engtia insawh thei nge maw a nih le? Tûn ai hian sawh na se chuan naute hi kan chhan thei kher lovang, ngaihṭha tak in awm rawh u, naute pawh a la awm e" a tihchuan ka thaw huai mai. Thanpuia pawh a hmêlah chuan a thaw veng huai tih a hriat theih.






Keipawh ka lawm takzet, ka pum chu chulin “Tûn aṭang chuan ka vêng reng tawh ang che" tiin ka phun sapa “Kan lawm e" tiin keichu min rawn hnaiha, ka chalah chuan a fâwp nghal vang vang mai. Mittui nen ka lo en chu ka hmaiah chulin “Tumahin an tina leh tawh lo vang che, Rozuali pawh kha hremna ka pe khawp ang, tihian lo awm lawk rawh aw, pâwnah phone ka va hmang lawk ange" tiin a chhuak zuia.






Rozuali kha a buaipui dâwn a nih ka ring, keipawhin ka naute thah a tum avang pawhin ka ngaidam theilo. “Ṭhiana chu a lo danglam tawh hle mai, zâwlaidi i tat te hi a nilo maw? A hlauthâwng hmêl ka vawikhat hmuhna a ni, eng pawh chu nise in enkawl ṭha la. Nau pai lai chuan fimkhur tûr" tiin Doctor chuan min hrilh leh dap dapa.




Ka bu nghat thung; ni e, Thanpuia mizia hre chiang ho tân chuan a mak ve dâwn em a sin, hetiang khawp hian keipawh hian min ngaihven in min ngaihsak ang tih ka ring pha lo, mahse a kiangah ka han awm tama. Midangte ngaipawimawh thiam leh duat thiam tak a ni rih ka hre nghal mai bawk.




“Ka lawm e, chuan ka lo fîmkhur tawh ang, khatiangin a rawn che dâwn tih ka hre lâwk lova" tiin ka phun sepa “Rozuali em ni? A rapthlâk a sin, ṭhiana tân hian ka duhpui ngai hauh lo, hetiang thil hi a ti duh ang tih chu chiang sa, Thanpuia a neih theih nân chuan engmah tih hreh a nei dâwn lo, fimkhur ang che. Tlaiah in chhuak thei ang, ka kal phawt ange" tiin a chhuak zuia.





A thusawi chu ngun takin ka ngaithla thung, ni e Rozuali hmêlah khân engmah pawisak a nei dâwn lo tih keipawhin ka hre thei, tûn aṭang chuan fimkhur taka ka awm a ngai a ni, ka in ven reng a ngai tawh bawk ang. Ka pum chu chûl heuh heuhin ka in ngaihtuaha, Thanpuia lah chu a rawn lêt har phian lehnghâl.




Ka phone enin Dodoi chu ka call a, a nilah a lo hlauthâwng min rawn zâwt nasa mai “Ka ṭha e, ka lo insawhna lutuk lo hlauha, tlaiah chuan kan chhuak thei ang an tia, Thanpuia chu a chhuak rih, Rozuali kha a be dâwn ania'ng" ka tihchuan a rawn âng ve nasa mai.



“Ti hrep rawh se, ka lo hrelo va. Chuti nilo se chuan ka khawih hrep duh ang, a zaktheilo emai. A niin a neih loh vâng maia khatianga rawn chet ni, an hausakna lah chu a chhuang em em lehnghâl, haw tura kan tih laiin min ṭawngkhum hrep a lawm, mi chu hmaizah lo ila chuan ka khawih hrep duh ang. Makeup in hnawih beh ropui si" a rawn ti hlak hlak chu ka nui hak mai.





A huat tawh lah hi a haw na thei bawk sia, kan inkawm tirh aṭangin kan thlavang kan in hauh nasa a, hei vang pawh hi a niang kan in kawmngeih em em ni. Ka tân lah ui a nei ngai heklo, tun thleng pawhin min la support em em reng chu a nih hi.





Chutia kan lo in biak lai chuan Thanpuia pawh a rawn lût a, a mitmeng chuan tunge ka biak min rawn zâwt nghal zat mai. “Dodoi ka chanchin a hre duh a, i zo tawh em ni?" ka tihchuan a bu nghata, ka pum chu a rawn khawih nghal chat bawk.



“A nih ka dah rih aw, zanah ka lo bia ang che" tiin phone chu ka dah zuia, “Enge i tiha?" ka tihchuan min rawn kuahin “A nu leh pa ka va bia anih kha, an control thei a nih loh chuan keimah ngeiin ka khawih lêt tawh ang. Tihnat tumtu apiang che chu ka zuah dâwn lo" a tihchuan a hmuh loh lamah chuan ka khi sak mai.




A lehlamah chuan ka thlavang a hauhna chuan min tihlim lutuk tlat, hetiang khawpa min ngaihsaktu hi ka vawikhat tawnna a ni. “Ka lawm e, chuan i ṭhianpa khân tlailamah kan chhuak thei chauh ang a tia, ka chau riau mai. Ka muhil lawk ang a" tiin ka rawna, a ruk tak chuan ka bula a awm reng laia mutsan daih chu ka inthiam chiah lo.





Mahsela an damdawi min pêk vang nge ka mut a chhuak em em bawk si, ka awmdan chu hrethiamin ka hmuiah a rawn fâwp zauh a “Aw le, muhil rawh. Ka lo vêng ang che, kan naute nên hrisel taka in awm ka duh ania" tiin ka khum bul ṭhutthlengah chuan a ṭhu thla a, ka chhang tawh lem lo, ka mit chu chhingin mutthilh tum chuan ka in tintuah zuia.




Ka pumna a awm tawh lo bawk nen ka awm anuam huai huai mai, nichin kha chuan ka chân dawn emaw ka ti tak tak, chhiat vaih ila chuan khanu kha ka ngaihdam theih ka ring lo, Thanpuia kut vuan chung chuan ka muhil zui ta riai riaia.




Ka harh leh chuan khua a lo tlai duai tawha, Thanpuia ka en chu a lo la muhil sak sak mai. Nui sakin a lu an chuan ka chûl sak hliau hliaua, a tira ka hmuh dân leh tuna ka hmuh dan chu a in ang tawh hauhlo, chuan hepa hi ka hmangaih takzet tawhin ka hria, ka tân liau liau zaidam takin a awma.




Kan inneih hnu hian a hnathawk te bulah ngei pawh ṭawngkam vin a hmang ngai lo tluk a ni. A mah a insiam rema, a nelawm tawh an tihruk ṭhin pawh ka hailo, nau ka pai tih hria in ka eichak zâwng te, naupai thawmhnaw thlengin min lei khawl tawh mawle, min ngaihsakna a tihlanna chuan keimah ngei pawh min tihlim.





A duhloh zâwnga ka awm pawhin ṭawngkam vinin min be ngailova, hei tak hi ka ngainat chhan a ni. A kiangah ka thla a muang bawk, kan inneih tirh khân hetiang khawpa an fel hi ka ring pha lo hrim hrim, a bialnu hlui thlavang a hauh nasat ṭhin zia an sawi ka lo hre tawh, mahse chunu hmaah ngei chuan ka tân a ding ania, a ropui em a sin.




A rawn chêt tâk ṭiah ṭiah avâng chuan ka kut chu la sawnin ka insiam rema, a rawn men rual chuan min en nghâl chat mai, nuih sakin ka ṭhu chhuaka. “I mutui em? I chauh viau chuan ṭhutthleng seiah sawn mut chawlh tûr che alâwm" ka tihchuan a mit nuai chat chatin a rawn ding chhuak a.




“Ka venghim ang che ka tih kha, tumahin an tihnat cheu ka phallo, ka hlatah in awm ka duh hek lo. Vawiin ang thil kha ka thlen nawn tîr tawh lovang, min ring rawh" tiin ka kut chu a rawn fawpa, “Um nangmah inthiamlo lutuk suh, a chet dan tur kha kan hre lâwk lo ve ve a, chuvang a nih kha. Mahni inthiamloh a ngailo, kan naute pawh a la awma, kan fîmkhur tawh angai animai" tiin ka nuih saka.




Amah in dem lo se ka duh, kha thil thlengah khân engmah thiamlohna a neilo, Rozuali vek kha a ni. “Tirawh i haw tawh mai ang hmiang, Doctor nghah kher angai tawh chuang em ni?" ka tihchuan a bu nghata “Ka be fel tawh alâwm, engmah tih tur a awm tawhlo kal ang hmiang" tihpaha min kaiin room aṭang chuan min chhuahpui zuia.



Ngawi reng chuan ka zui ve zel bawk, damdawiin tih takah a ṭhen an lo ṭapa. A ṭhen erawh hlim taka nui chhuak te pawh an awm bawk, mi chi hrang hrang awm khâwm kan ni miau va, a loh theihloh.



Pawn kan thlen chuan hawi kual vang vangin mipui insul pêl zut zut chu ka ena, ka lu an ti hai muai muai thei. A bengchheng bawk si, lir lo tlân reng bawk nen ka luak a chhuak nghulh mai.



“Te haw vat teh ang, motor rim hian min ti luak mai dâwn" tiin car chhûngah chuan ka lut vata, a ni pawhin min ngaihtuah tak hian a rawn lut zui ve nghal a, “I ṭha em? Kan haw tlang nghal mai dawn ania" tiin a tlân chhuak zuia, thli chu inchhem tirin ka mit ka chhinga, tûnah chuan nu dinhmun luah chho in ka awm ve mek chu a ni sia.




Ka lo beisei phak loh khawpa ṭha mipa ka la tawng zui, engkim hi Pathian min ruat sak ani ngei ang, a chângin han ṭap ve mah ila hlimna in min lo hmuah hun a awm ṭhin. Rilru nat tâwp khawk leh kan hlim tawh ngai dâwn lo emaw tih tur a kan nun a beidawn ngawih ngawih châng pawha in fuih ṭhat zia chu tûnah hian a takin ka tawng ve ta niin ka hria.




Mi ṭhenkhat chu kan nun beidawn em avangin mahni in tihlum hial te an awma, an demawm loh viau rualin Pathian chêt hun hi nghâk thei se ka ti ṭhin, Pathian hian hrehawm reng tur chuan he khawvelah hian min dah bik hauh lovang, amah beiseia pan a, nghâk peih apiangte hnênah a ropui zia a lan tîr leh ṭhin a lo ni.




Keipawh mal em em hmangaih tu neilo emaw in tiin vawitam ka vuia, ka ṭap bawk. Ka nunna hial lâk pawh ka lo tum ve tawh, mahse kha tih laia ka harh chhuahna khân tûnah chuan pasal ṭha tak tawngin min ngaihsak em em tu ka tawn phah ta chu a nih hi, ka beisei loh lamah min lo hmuak renga, ka rin phâk ngai loh dinhmunah ka ding ta mai chu ani sia.





“Kan thleng e, i nuam lo tak tak em ni?" min ngaihtuah zeta a rawn tihchuan nuih sakin “Ka chau deuh mai mai a lawm, tirawh lût ang. Ṭhat lohna ka neilo ania, motor khu rim khan ka luak a pawt tlata, ka ṭha tawh e" tiin car aṭang chuan ka chhuak zuia, rang zeta rawn chhuakin min rawn kaia.




“I nawm loh chuan zêp miah suh aw, in chungah thil ṭha lo a thleng ang tih ka hlau tih hria la, i nawm loh deuh chuan min hrilh zêl rawh" tiin car chu a kalh ṭha leh te te a. Engmah ka sawi tawh lêm lo, in chhung kan luh rualin room lam ka pana, in dim a la ngai bawk nen ka che peih thlâwt lo, pi Zari pawhin chanchin min lo zâwt nghal zata.






Thil awmzia hrilhin room chhûngah chuan min luhpui zuia,“I ril a ṭam em?" a tihchuan ka lu ka thing nar nara, engmah ei chakna ka neilo tak tak. Nidanga ka rilṭâm theih tehlul nen “Kan mu hahchawl a nge, nangmahin lo ei rih mai rawh. Ka ril a ṭam thei thlawt lo" tiin puan chu ka sin ṭha sat sata “Aw le, a nih tikhan lo mu la ka rawn mu ve vat dawn ania, kan va ei lawk ange aw, ka reilo ang" tiin choka lam pan chuan a chhuak zui ta thuaia.




A hmuh loh lamah chuan ka en vawng vawng mai, a mizia in thlâk ta lutuk te, min ngaihsakna zawng zawng chu ka hlimpui lo theilo. Ka fa avâng chauha min nei a nih lah ka ring tawh lo, engkimah keimah min dah hmasa a, ka thu lo chuan engmah a ti duh miah lo bawk.




A chaw ei chhûng chuan Dodoi nen kan in bia a, Thanpuia min ngaihsakzia ka sawi chuan ani pawh a thaw huai mai, hetiang khawpa min ngaihsak tu ṭhian ka nei hi ka vannei ka inti, tûn angah ṭhian mi rel mai thei an tam tawh laiin a ni erawhin vawikhatmah ka thuruk a la sawi chhuah awm ka hrelova, puih ka ngaih hunah lah a tlânchhe ngai hek lo.





“Taka Thanpuia ṭhianpa khân a rawn be tawh che em?" ka tihchuan a rawn nui haka “Ṭawngkam thiamlo zet kha em ni? Be ve e, min rawn biak ṭan dân phei chu maw ‘Bialpa i nei em?' rawn ti nghâl tawl mai mawle" tiin a nui haka, ka nui ve lo theilo. Joela kha mi ṭawng phawr phawr chi a ni tlat lo.




“An fel a sin, an rilru a ṭha a nia. Lo be zêl rawh, bakah hna ṭha tak an neia, an taima bawk nen an iaiawm hauh lo ania, an rinawm bawk ang" ka tihchuan a rawn nui leh haka, he nu hi chu mipa chungchâng sawipui dawn hi chuan a fiamthu nghâl veka, a ho zo leh vek zêl.




“Nui ngawt lo la, an duh ve deuh che ania'ng, keichu ṭha ka ti teh ania. An ṭhianpa in min nei pawh hi an mahni zâwk hian an lo lawmpui zawk maha, i number pawh an mah chuan min dil ngam lova, pakhat zâwk khan a dil sak tawp a lawm" tiin ka nui zui har hara.




“Nia a chhelo pawh ka ti, mahse tûn angah chuan fimkhur a ngai tawha, zu te an lo in phei chuan ka duh lo, an ruih laia an nupuite sawisak ching an tam bawk si. Amah hrin hrim kha chu ka va iai pawh a nilo; mahsela bialpa ka nei ngai silo va, biak dan ka thiam dâwn lo. Min ning palh ang tihte ka hlau alâwm" a rawn ti nâng nâng a.




A hlauhthâwnna chu a âwm ve tho mai, kan ngaihzawng te bulah hi chuan sawi tur hi a vang duh em bawk a ni. Han ṭawng vak dawn lahin min ning ang tih a hlauhawm tho bawk si, han ṭawng vak lo ila zeilo mi an tih a hlauhawm leh bawk sia, a buaithlak ve em bawk a ni.




Chuta kârah thikthu a lo chhiat phei chuan in hauh reng a ngai lehnghâl.


“Han be zêl la, i inzir chho dâwn alâwm. I nihna ang anga a pawm theih loh che leh a duh tak tak lo che tihna animai, han nihpui chhin hrim hrim la ka duh, i leng tar mai dâwn. I kum a naupang zawk zawk tawh bawk silo" ka ti chu a rawn haw teh e.





“I neih tawh mai avâng khân khatiang in min ti rêng rêng suh aw, ka la nei ve dâwn khawp. Tûnah chuan nulat hi nuam ka la tih vang mai mai ania, nia ka lo tum ang. Anih ka dah phawt aw, haw a hun nang ni nupa lah in awm bawk silo" tiin phone chu a dah zuia.




Thanpuia pawh a rawn lût har lo, min rawn panin a thawmhnaw vêl chu a thlaka, ka bulah chuan rawn mu in a tabletah chuan movie kan en dûn a “A changtute hi an hmelṭha thei tiraw? An inhmeh thei bawk sia, hetiang chu ni ve ila kan luck awm" tiin ka nui hak haka “Anni ai hian i hmelṭha fe zawk, nangmah in sit suh ka tih ṭhih kha; tumahin ka nupui hi hmelchhia an la tilo che" tiin min kuah nghet sauha.






Ka nui hak hak ringawt, a dik ve tho mai. Mahni hi in dah hniam lo ila, in dah sang lutuk lo bawk ila, hringnun chu pal ve pawp pawp mai tur. Kan hman thiam pauh leh kan tân zêl ania, kan hman thiam loh leh kan tân bawk a ni “Nia keipawh khawvel mipaah i hmelṭha ka ti ber" tiin a âwma bei chuan ka ham zui ta bai bai.




Chutia movie kan en dun lai chuan kan in bul kawngpuiah chuan bike ring leh chak zeta rawn tlân ri chu thil ri bur ri leh mipui au riin a zuia, ka hawi tang nghâl hra mai. “Enge an in su em ni? Te, chu an accident ania'ng" tiin thawh chhuah ka tuma, min nam mu leh nghal vat mai.





“Lo awm rawh, ka va en ange, rawn chhuak hauh suh ang che. I naupai lai kha hre reng la, rawn chhuak suh aw. Ka rawn lût leh vat ang" tiin a thawmhnaw chu inbelin a chhuak zui leh a, thi an awm angem tih mawlh chu ka ngaihtuah, mipui lah chu an phun mur mur renga. Kan in aṭang pawh chuan a hriat chian viau mai.




Tho chhuak ṭhem ṭhemin tukverh lam chu ka pan pheia, ka en chuan kawngpuia mipui lo pungkhawm chu ka hmu nghal, a hnu lawkah Ambulance ri nen, ka en renga, ruang nge an zâwn ni. Puan varin an khuh lûk lehnghal, en duh tawh lo chuan khum lam chu ka pan phei leh ta thuaia.




Ka khur der der mai, chutih lai chuan kawngka chu rawn inhawngin Thanpuia chu a rawn lût zuia “Engthil nge thleng, thi an awm em ni?" ka tihchuan a âwm ah min kuah beh pahin “Sh...engkim a ṭha vek, putar kawngkal lai bike in a su palha, damdawi inah an kal dawn a nih kha, a bike khalh tu lah tleirâwl mai a la nia" a tihchuan ka thaw haka.




“Tinge bike an neih avâng hian chak deuh deuha tlân hi an tum kher le, nunna an la hnem tawh si. Keichu jail tân tir zêl se ka duh tawh, naupang nunna chenin an la a, sim an tum silo. Bengchheng tak takin zanlaiah an tlân thul, a ṭha lo emai, kan Sawrkar pawh hian hmalak vat a ngai a ni, an ni tlanchak avanga pawisawi loin nunna an chân reng hi a ṭha lo takzet" ti a phun chhuakin ka mit ka chhing a.




Nichina puanvara an khuh kha putar chu ani ngei ang, bike nalh tak tak neiha. In show off vak kan tum ṭhin hi chu a pawi mange, miin han sawisêl se in sawifiahna tur an han zawng ruaia, an zam lo ṭhim bawk si, hetiang chuan midang nunna mai nilo an mahni nunna pawhin a la tuar lo ang tih pawh a sawi theihloh.




“Mu tawh ang, Police lamin an lo buaipui mai ang. Hahdam taka awm kha tum phawt la, hlauthâwng lutuka i awm reng chuan kan naute kha mengphawk hru in a rawn chhuak palh ang" a tihchuan in ngaihtuah muk viau e tilo chuan ka nui chhuak hawk mai, a va han ngeiawm thei tak.





“A nihchuan mu vat ang, fur rawn in ṭan tûr hi ka huphurh, a ninawm leh dawn si" ti a phun pah chuan ka mu ṭha leha. Furah hi chuan chhiat tawh a awl bawk nen ka nel lo ve tawp mai,thli lah a na thei bawk si.




“Tui deuh khân mut tum rawh, ka lo vêng reng ang che" tiin min kuah hle hle a, keipawh ka thla a muang. A lungphu hre pha a ka mu thei ringawt pawh hian min ti thlamuang takzet, amah chiah ka neih chhun a ni tih ka hriat chhuah ṭhinna avâng pawh hian ka tan chuan a hlu zual, a mah lo in nghahna dang ka nei miau siloa.





“Te, mipa nge hmeichhia i duh?" tiin ka pum chu ka khawih tira, chûl heuh heuh pah chuan a ke chuan min rawn khan pah bawk, “Ka duh ve ve, hrisel takin a rawn pian ka duh bera, eng mi pawh nise ka fa a nih chhûng chuan ka duh, mut tum tawh rawh le. Chawlh hahdam i mamawh an tih kha" tiin a tablet chu banin kan film en chu kan enzawm leha.



Inngeih taka thil en dun chu a nuam riau mai. A pangtilum avâng chuan vâwt pawh ka hrelo, mutthilh ka tum chu nichina accident tâwk lawng lawng kha ka mitthlaah ka hmu zel bawk nen ka muhil thei der lo.




“Te ka muhil theilo, nichina mi kha ka ngaihtuah zêl. A reh theilo, an ṭha angem le?" tiin ka ṭhu chhuak leh hlawla. A ni pawhin hahthlâk min tih hmêl zet hian min en a “Mira, ngaihtuah loh tum rawh. I ngaihtuahnaah i dah reng chuan i muhil thei lovang, thil dang ngaihtuah tum rawh" tiin min kuai mu a.




Chutah ka rin loh lutukin a rawn zai dût dût mai, mak ti a ka en chho ha chu a kut chuan ka mit a hupa, a la sawn duh der lo. “Mutthilh vat tum rawh, chutilo chuan thildang ka tih pui ang che, i mutui nghal mai ang" a tihchuan a sawi ka hre chiang bawka, rang zetin ka insiam ṭha nghal sawk sawk chu a zai pah chuan a nui ri haka.




Sual thiam thei lutuk mai, khatiang zawnga mi ti rêng bik, ngeiawm lutuk. Keipawh chuan ngaihtuah duh tawh bik lo vin a zai chiah chu ka ngaihtuaha, reilote-ah mutchhuak chuan min rawn zemin ka chhing zui nghal riai riaia, ka pasal zai chu hla tak aṭanga rawn richhuak ang mai niin ka hria, nui sakin mangrama luh tum chuan ka thaw zui ta sak saka.


MUTTUI U