We Belong Together (Chapter-14)

[Rebec Nunziri]

Chapter-1



Grace Lalthazuali POV




Ka thiltih tum hi a dik chiah em tih pawh ka hrelo, mahse ka tilo a nih chuan ka unaunu in zaina tur ka nei dawn bawk silo a, khum ah chuan ka lo thu ran a, ka vawikhat tihna tur a ni bawk nen ka zam hle, tu mipa nge rawn lut dawn lah ka hrelo, ka rin dan chuan mipa upa lam thau dul kiar deuh a nih ka ring, ka kut chu ka sik niap niap a, hetiang thil hi ka unaunu in ka ti tih hria se chuan a thinrim viau ang, mahse a ni chauh hi ka neih chhun a ni tawh a, ka chan phal silo.




A hre chhia tur a nilo tawp, chutiang a nih loh chuan a damchhung zawng in a in thian thei tawh ngai dawn lo tih ka chiang, kawngka chu a rawn in hawng a, thin phu dep dep in tunge rawn lut ka lo en reng, chutah mipa pakhat taksa tha nelh nawlh tak mai, en mai pawh a hrisel hmel tak hi a rawn lut a, keimah ah chuan a mit a fu nghal ngur mai, min rawn pan hnai zel a, em pawh en ngam tawh lovin chhuat lam chu ka bih zui ta daih a.




"Hun ka nei tam lo, i thawmhnaw kha phelh rawh" nelawm loh tak hian a ti a, ka va han huphurh tak em, muangchang in ka thawmhnaw chu ka phelh a, ka hmaa couch ah chuan thu in ka chezia chu uluk takin a lo en reng thung, ka nervous lutuk chuka duh angin ka che rang theilo, ka kut te chu a khur ru dar dar mai, "Khatianga muangchang a i che dawn a nih chuan hun kan paih rei mai mai, hetah lo kal hnai teh" a rawn ti leh nghut.




Ka pan hnai a, a hma zawn ka thlen rual rual chuan min pawt thut in a malchung ah chuan ka thu nghal der, ka nghawng te chu a rawn zut kual dan dan a, ka kawrkilh ka phelh tawh sa atang chuan ka hnute bu a lang chiang ngang bawk, chutah chuan a mit a fu ngur a, "I awmdan atang hian i la ti thang vak lo tih ka hria, lungngai suh, nuam takin ka siam ngei ang che" tiin ka beng bulah chuan a rawn phun sup sup a, a lei hmang chuan ka ngawng te chu a thai riak riak a.




"Ih englo, khawngaihin i tawp lawk thei angem?" ka ti sap, hetiang chuan ka kal tlang pui thei lovang "Enge?" awm hrang in a ti nghut a, "Harh fim chuan ka ti theilo, khawngaihin eng emaw in tur min pe thei angem?" ka ti a, "A tha alawm" tiin a sir a zu thlit sa chu min rawn pe a, ka in ngailo, mahse zanin chu ka in ngei ngei a ngai dawn a ni, ka zam lutuk pawh hi a reh phah deuh mahna.




Ka tem zeuh a, a tui loh zia chu, ka ner nghal nang a, a ni lah chuan ka malpui a lo zut kual reng bawk a, "Khatianga i in lep lep chuan engmah awmzia a awm lo, vawikhat ah thlak nghal pawp rawh" a tih chuan ka bu zeuh a, thawk leh khat ah no a awm zawng chu ka tlak nghal pap a, ka hrawk atanga ka pum hi a sa thla ham ham mai, "I duh belh em?" a tih chuan ka bu leh a, no khat lek in kha ka duhtawk miau lo, kai deuh law law in awm ila ka tan pawh a zia zawk ang.




No hnih ka in zawh hnu chuan kai tawh tak ka ni, ka lu chu a hai muai muai a, ka taksa zut kual reng tu an awm vang nge ka sa pup pup bawk, "I thil in in hna a thawk tan a nihkha, a nuam dawn e" tiin min pawm kang nawlh a, tlak hlau zetin a nghawng ah chuan ka lo vuan bet ve tai bawk, khumah chuan min mut tir a, ka chungah a rawn in nam khalh nghal run bawk a, "Ka vawikhat hmuh na che a ni, mi that em ni i nih?" a tih chuan ka lo bu nghut nghut a.




"A tha a nihchu, mipa dang I mutpui tawh thin te aiin ka siam nuam zawk ang che tih ka tiam a che" tiin ka kawr chu min phelh sak a, a hmaah ruak ngal ngat in ka awm tawh, mahse ka zak miah lo, ka taksa chik taka a en kual lai te chuan amah chu ka en ve kar a, chil a lem zawng a a hrawk bawk che ralh te chuan a ti lang pa zual hliah hliah hian ka hria, "Nang anga hmeichhe nalh hi ka la hmu ngailo, zanin chu ka vanneih zan a ni ngei ang le" tiin khum mawng lamah chuan a tawlh thla deuh a.




In beng kang in enge a tih dawn tih ka ngaih chan reng lai chuan ka mal in kar ah a hmai a phum a nih chu, te that in lukham ah ka lu ka nghat nghal dat a, duhthawh leh nuam tih hmel lutuk chuan ka hmeichhiat na chu a sua sam a, ka vawikhat na a ni ka tih tawh kha, dawn sawn dan tur mai pawh ka hrelo, ka mal chip ka tum lahin a nimai zau in a pawt kau thin a, ka sawi thiam dan ber chuan nuam tin reng in min chenchilh nimai hian ka hria




Hmui huh hliam chungin ka hmai zawh ah chuan a rawn in beng kang leh a, mitmeng phi chiai in ka lo en thung, "I taste tui zia hi i in hria em?" ti nghut in ka hmui ah chuan duhthawh lutuk in a rawn fawp leh a, ka thiam ang ang in ka lo fawp let ve bawk, ka hnute chu a rawn tham salh salh reng bawk a, ka thawk lak a rang tawh lutuk, a kut chu sawn thla zel in nichin maia duhthawh lutuk a a sua sam zawh chiah ka hmeichhiat na huh hliam chu a nuai leh nghal nawk nawk a.




"A hun viau tawh e" tiin ka kap zawn ah chuan a thingthi run a, a in phelh ve nghal sawk sawk, a kekawr a phelh rual a a mipat na kawng hmel tak ka hmuh takah chuan ka taksa gi a vawt nghal sung sung in ka hria, chil ka lem khawlh a, a mipatna chu a hun a a kut chu ati che zawt zawt bawk a, "Ka tihsak ang chiah che khan min tih sak ve chu duh viau mahila tunah chuan ni rih lo" ti sup in min rawn bawh bet leh a.




"Nuam ti takin awm rawh, ka sawi kha, nuam takin kan in siam tawn ang chu" tih leh sup in a mipatna hmawr chuan ka hmeichhiat na chu a rawn hawi kual nawk nawk a, chutah le ka in rin loh lai takin a mipatna lian tak chu ka hmeichhiat naah a rawn hnawh lut pawk a, ka au chhuak nghal that, a na lutuk, ka er ngawng ngawng a, ka mittui a hnam nghal sawk bawk, "Nanghi.." mak tih naa khat aw hian a rawn ti chhuak sup a.




Chet a tum rual chuan a banah ka lo chelh vat a, "Lawk in chelo lawk teh" ka tih chuan a che zawm biklo, ka thaw chhuak hawlh hawlh a, nichin a ka chakna te kha chu khawiah nge a awm bo tak pawh ka hrelo, ka thisen te chu a ding thup nimai hian ka hria, "chhunzawm tura min duh lo a nih chuan ka tawp thei a nia" a ti sup a, a aw khur ru hluk chuan a chakna chu a thup thei chuanglo, mahse tawp turin ka duh lo, ka thil tih lai hi tawp tur chuan a tlai tawh lutuk.




Ka thianghlim na chu a hloh tawh tho tho, pawisa engmah chang lova tawp san mai ami turin hetiang thil hi ka tilo, "Aih tawp a ngailo, tlem in i che dim deuh thei angem?" ka tih chuan a bu nghut a, "Chhunzawm rawh" ka ti zui zat, muangchang chuan a che a, a tirah chuan na tak a ni, mahse a che rei telh telh a, na chuan min kian san ve telh telh bawk, a tawp lamah phei chuan ka kuah nghet tawh hle a, thawm chhuah hlau takin ka hmui ka pet leh fan fan thin bawk.




"Nuam i tuar thawm kha thup tum suh, thawm siam rawh, a pawi na a awm lo, i thawn siam khan min ti phur hle zawk a nia" a ti leh nghut a, a che rang tawh hle bawk, in sum buai peih tawh bik lovin ka te that that a, nuam ka ti chiang alawm, ka tai zawn chu a rawn za mer mer a, ka tai mai nilo ka taksa chu electric man ang maiin a za chhuak vek zawk, a tawp ah chuan ka baw hawk nimai hian ka hria, ka taksa chu a rawn khur chhuak dar dar a, min rawn kuah nghal.




Hrilh chawp ngai lovin a vawrtawp ka thleng tih ka hre nghal mai bawk a, a chung a che mawlh mawlh pa pawh chu rei a daih tawh biklo, ka kawchhung ah chuan thil lum pup pup ka hriat takah chuan min rawn bawh thlawp a, a thaw hle hle bawk, ka mut a chhuak lutuk, ka sir a a let thlak tap rual chuan min rawn kuah lehnghal chial a, kei erawh meng hleithei tawh lo tih takah ka muhil zui nghal mai bawk.




Ka taksa na lutuk avang chuan ka harh zawk a, mut ka meng chhuak riai riai a, ka awmna chu ka hai thelh, nizan thil thleng te chu ka mitthla let uar uar a, ka sir lam chu muangchangin ka en a, nizan a mipa hun ka hman pui ngei mai kha tui tih hmel takin a lo la muhil a, a rawn harh hma ngei a helai hmun atang hian ka chhuah a ngai a ni, khum atang chuan ka tho a, ka taksa na thum pawh chu ka ngaihtuah hman lo, chhuat w ka kawr tla darh nuai chu chhar in ka in ha zung zung a.




Lu na bur chungin room chu ka chhuah san, ka thaw huai mai, ka thiannu ti mai ila Rami in luah na lamah chuan ka va kal a, kawngka chu ka kik dat dat, tho phang tih hriat tak hian kawngka chu a rawn hawng a, "Zingkar kar ah I va rawn kal hma ve" tiin mit a nuai chat chat, "Zingkar pawh a ni tawh lo, dar 9 a ri tep tawh, pawisa lam turin ka rawn kal" tiin inchhung ah chuan kan in zui lut a, nghak lawk tura min tih hnuah room ah chuan a kut leh phawt a.




"Hei aw, enge a an, i taksa ah na te a awm em?" a tih chuan lu ka thing a, "Ka u in hre tur a nilo a nia aw, a hriat chuan a pawi dawn zia i hriat kha" ka ti a, "Ka hria, engmah ka sawi lovang, I u tan hi chuan i hmu ve ngawt mai, unau diktak pawh in ni silo a, amha vangin i thianghlim na hial I hralh a nia" a tih chuan "Unau ni tur hian thisen in zawm kher a ngai hleinem, kan in hmangaih loh phah chuang lo, a ni hi awm lo nise fahrah in ah ka la awm teng ang chu, ka kal phawt mai ange" ka ti a.




Keihi fahrah ka ni a, chutiang bawk in ka u pawh fahrah ve tho a ni, ka u nen hian thisen in zawmna pakhat mah kan neilo, chutih chung chuan kan in hmangaih na hi a danglam phah chuang lo, kum a tlin hnu khan fahrah in atang a chhuak a, ka ngai tho hle, a kum leh ah rawn let leh in keichu a nau atan min la ta a ni, kum 5 a liam a, hna a thawk rim bawk nen a hrisel lo chho tan em em a, tunah pawh hian damdawi inah a awm mek nghe nghe.




Zai ngei ngei a ngai a, chumi tur chuan pawisa tamtak a ngai, pawisa pakhat mah ka neih loh vangin ka ti ang tih pawh ka rin ngai loh ka thianghlim na chu nizan ah khan ka hralh ta kha a nia, mahse ka u damna tur a nih phawt chuan ka in chhir tur a nilo, khe chen min enkawl nan rim takin hna a thawk tawh a, tunah chuan ka enkawl let ve a hun tawh a ni, pawisa keng chung chuan damdawi in lam chu ka pan a, a hmain pawisa ka lo khawl ve nual tawh a, hemi nen hi chuan a daih tawh ang, ka u khum bulah chuan ka va thuthla a.




"U nizan lamah harsat na i nei em?" Ka ti a, "Engmah harsat na ka neilo, I va chauh hmel ve, i hmel a dang vek ania, I tha em?" Tiin ka chal chu a rawn dek a, "Ka tha, min ngaihtuah suh, u i in zai na tur pawisa ka nei daih tawh a sin" tiin hlim zetin ka hrilh a, ka u chuan lawm hmel pawh a pu lo, "U I lawm ve lo a mi?" Ka tih leh chuan "Ka lawm lutuk alawm, mahse engtinge pawisa chu i neih theih zawk a?" A ti a.




"Ka puk mawle, bakah ka lo khawl ve nual tawh a, engmah ngaihtuah hah suh, doctor hnenah pawisa pawh ka pe vek tawh a, remchang hmasa ber ah an zai che anga, I dam tha leh vat dawn a nia" ka ti leh mawlh mawlh a, chutih lai tak chuan ka phone a rawn ri a, Asangi hnen atangin a lo ni, "Hello" ka ti sap a, "I hman tawh em?" A rawn ti ringawt, "Engah chuan maw?" Ka lo ti haw a, "Vawin ah hna kan dil dawn kha, i hre tawh lo amaw?" A rawn ti nghek, ka theihnghilh chiang lutuk.




"Awi.. ka theihnghilh chiang lutuk, engtinge niang, hei damdawi inah ka awm daih a sin" ka ti a, "Va han hahthlak tak, rawn haw vat rawh, ka lo nghak ang che" a tih hnuah phone chu kan dah a, "U vawin hi ka hna dil hun tur ka tihkha a nia, ka kal nghal mai ang, ka zawh hunah ka rawn kal leh ang aw" ka ti zung zung a, ka u chuan duhsak na te min hlan hnuah damdawi in atang chuan ka tlan chhuak nghal nal nal.




In ka thlen hnuah ka in siam nghal zung zung a, ka hmanhmawh bawk a, ka hman har lem lo, Asangi rawn thlen chuan ka lo in peih diam tawh a, a scooty in kan kal rual dawn bawk a, kan tlai chhe lutuk lovang, kalkawng ah chuan chhang ka ei pah mawlh mawlh a, vawin ah engmah ka la ei lo bawk nen kan rei dawn leh dawn loh a hriat lawk bawk silo a, eng emaw taky ei ka ngai miau alawm, hotel kawt ah chuan kan ding a, a lian tha hem hem teh e, hemi nei tu hi chu a hausa ve ngawt ang.




"Rin aiin interview tur hi an tam daih, mi 10 chauh an la dawn bawk sia, mi 100 chuang kan interview dawn chu a nia, kan tling kher dawn mawni le?" Asangi chuan a ti sap a, "Interview a hma hma in chutiang te i sawi, kan tking ve maithei a sin, keini ai tha an awm bik teuh lo" mahni in ring tawk tak chung chuan ka ti a, "Nia tiraw, an sawi ka hriat dan chuan maw he hotel neitu hi tlangval a nia, a chhelo lutuk an tia, interview tura rawn kal tamtak pawh hi hna an mamawh vang pawh a nilo, he hotel neitu hmuh an chak vang hian hna hi chu an dil ve mai mai an ti" a rawn ti leh a.




Ka lo ngai ho ngang mai, chuvang mai mai a hna han dil, mamawh tak tak an awm laia mamawh lem loh hna lo dil kha a tulna pawh ka hrelo, ka thiannu chu an interview hmasa a, a rawn chhuah chuan zawhna chu a rin aia awlsam an zawh thu te chu a rawn sawi chiam a, keipawh chu ka confi phah ve deuh, ka hming an rawn lam veleh takah chuan ka lut vat a, experience ka neih leh neih loh min zawh chuan ka neih loh thu in ka chhang a, dawr ah chuan ka thawk thin, mahse hetiang hotel lian an hian ka la thawk miau lo.




Ka thing a nih chuan phone hmanga min rawn hrilh tur thu an sawi hnuah ka chhuak a, kan thian dun chuan kan in zui haw lehnghal, kan haw kawng ah chuan thingpui dawr ah lut in kan in ei puar leh hmasa te te a, "Ka bialpa nen hian tunlai chu kan in be tha vak lova, ka rilru a hah" thil ei pah chuan a ti a, "Bialpa i nei a, i rilru hah thu i sawi reng tho bawk sia, keichu ka peih ve lo reng reng" ka ti a, "Kum 23 a ni ve tawh a nia, mipa lam te hi ngaihtuah ve tawh teh" hahthlak min tih hmel zet chuan a ti a.




"A hun a la thleng lo a nih hi, a hun a rawn thleng ve tep tawh ang, lo lungngai lo la" ka ti liam puat a, mipa lam hi ka ngaihsak em em lo, nizan a ka mipa awmpui kha a vawikhat na a ni a, ka neih ngailo feeling min neih tir tu a ni, ka lu chu ka thing nawk nawk a, ngaihtuah tawh suh, a liam vek tawh, khapa nen kha chuan in in hmu tawh dawn chuang lo tiin ka in hrilh tu mawlh mawlh bawk a.




In ka thleng a, damdawi in lamah kal lehnghal ka ngaih dawn avangin in chu ka ti fel zung zung a, Asangi'n rawn kal ve a duh thu a sawi a, a remchang phian dawn, rawng ka bawl a, damdawi inah chaw sem thin tho mahse ka theih phawt chuan ka u tan in a rawng ka bawl chawp ngei hi ka ken sak hram hram thin, dar 4 velah damdawi in kan thleng a, ka u in Asangi a hmu chu a lawm ve hmel khawp mai, "I rawn kal duh lo lutuk a, ka lo vui hman viau tawh a sin" tiin a lo fiam a.




"Ka hman lo ve lutuk a, hei ka hman veleh ka rawn kal a nih hi" a k ti ve nghal zat, "Vawin in interview na lam te enge a an, in ti tha thei maw?" Tiin min zawt leh a, zawhna min zawh ang ang chu kan chhan that viau thuin kan lo chhang a, karleh lamah result a chhuak dawn chauh a, kan tling ngei ngei dawn tih engmah a la awm lo bawk nen hna dang pawh kan ngaihtuah ve reng bawk, dil kha an tam em a, keini lah engmah experience ka la neilo bawk nen tlin pawh kan in ring chiah lo ve ve.




Asangi haw tur chu pawn thleng ka thlah a, nizan lamah ka u ka riah pui tawh bawk silo nen zanin chu riah pui ngei ngei ka duh tawh, ka u dam lohna tak hi a chhul ah bawk a awn vang a ni a, zai s nih vat loh chuan cancer hial a thlen thei tih doctor khan min hrilh a, chuvanga pawisa pawh a rang lama mamawh kha ka ni reng a, ka hna dil ah khan tling hlauh ila chuan kan harsatna pawn hi tlem ina liam deuh ngei ang, dawr a ka thawh kha chuan thlakhat ah 5000 ka hlawh a, tuna ka hna dil ah kha chuan 10000 lai a ni.




Kar a liam a, ka u an zai na atang pawn nihnih a liam leh tawh, a tha viau a, ka lawm takzet, doctor in a hliam a dam hma a zir in kan chhuah vat theih tur thu a sawi bawk a, ka u dam takin an zai tawh bawk nen thawk khat chu a veng ta huai mai, ka phone a rawn ri a, no hlang atangin a nih avangin lak loh ka tum zet a, mahse ka hna dil na lam atang khan a ni thut thei tih hria in ka chhang leh ta zawk a, "Hello" ka ti sep, "Grace Lalthazuali a ni em?" Mipa aw in a rawn tih chuan ka nih thu in ka chhang vat a.




"MC Hotel atangin a ni a, interview ah khan i tling tih kan rawn hrilh duh che a ni, naktuk atang hna rawn tang nghal turin kan beisei che a, harsatna i neilo ang chu tiraw?" Lehlam atanga chuan a rawn ti ta mai, "Tehreng mai, eng harsatna mah ka neilo, ka lawm lutuk e, tha takin hna ka thawk ang tih ka tiam a che" ka ti nghal zung zung a, kan in biak zawh hnuah ka u hnenah chuan ka hrilh ve vat a, a ni pawh a lo lawm khawp mai.




Asangi ka va call ve vat a, a ni pawh a lo tling v chu niin ka lawm na chu a nasa zual sawt, "Mate naktuk atang hna i tan dawn bawk a, vawin chu va haw rawh, in buatsaih te pawh i ngai ang" ka u in a lo tih chuan ka hnial vat a, "In zai zo hlim chauh i nih hi, zanah i zun te chhuak tase I buai dawn lutuk a sin" tiin ka lo hnial vat a, "Hei nurse an awm alawm, an ni hian min pui thei lutuk, va hahdam zawk rawh" a tih pawh chuan ka la hnial ve tang tang a.




"I u thusawi kha zawm phawt rawh, hei keini kan awm a, kan lo buaipui thei alawm, lo ngaihtuah duh reng reng suh" nurse chuan a rawn ti ve a, hnial zel ka tum ta biklo, in lamah chuan ka haw a, ka in bual fai te te hnuah zai rat rat chungin rawng ka bawl a, hna pangai tak ka nei ta bawk a, tun atang chuan rilru hah reng reng a awm a ngai tawh lovang, ka u hian hna pawh thawk tawh lo mahse pawi ka ti rih lo, awm hahdam mai mai se a tan a tha zawk ang.




10000 lai ka hlawh tawh dawn bawk a, in luah manah 3000 a ni a, current bill hi a hrang in kan chawi bawk a, a tam ber ah 500 bak a ni ngailo, kal lam leh haw lam erawh Asangi nen kan ka rual thei dawn a, petrol ka thim sak ve zeuh zeuh thin anga, a dang ah chuan hman na vak tur a awm tawh chuang lova, ka u nen chauh chuan kan khawsa naw naw thei tawh dawn.



Mike Lalruattluanga POV


Kha hmeichhia kha ka theihnghilh thei hauh lo, ni hnih lai a liam leh tawh a, ka ngaihtuah naah a cham reng thung, zing ka harh lah khan hmuh tur a lo awm tawh lova, khawiah hrep nge a lo kal bo hman ni, a hming tak ngial pawh ka hrelo, midang ka zawh lah in aa mimal chungchang min hrilh theih loh thu in min chhang bawk si a, engpawh nise ka la zawng chhuak tho tho ang, vawikhat tak chu a vun nem thep kha ka la zut kual leh dawn khawp alawm, nilo chumai chu ka duh tawk lo, keima tan chauh ka duh a ni, mipa dang khawih atan kha a taksa nem leh nalh tak kha ka phal ngai lovang.




Ka secretary hnenah a chanchin chhui turin ka ti a, mahse a hre bik chuang lo, ka ngaihtuah na chu a buai tawh khawp mai, amah vangin hmeichhe dang ka ngaihtuah theilo a, ka thluak a tih buai man hi chu a la hmu dawn khawp alawm, he Mizoram zim te ah hian a bi bo reng thei tawp lovang, keihi Marcus Lalruattluanga ka ni a, kum 31 a upa ka ni, zirna ka zawh hnuin sumdawn na lamah ka kal a, Mizoram a hotel lar ber neitu hi ka ni bawk, heilo pawh hi dawr tamtak ka la nei cheu bawk.




Ka hausak na avang hian hmeichhe tamtak in min bawr thin a, an ni chu engah vak ka ngai ngailo, in tih hlim na ka lo hmang thin, mahse a thlawn in a ni ngailo thung, an thil duh ber pawisa ka pe mai zel, ka nu hian ka naupan laiin min boral san tawh a, ka pa in min enkawl sei lian a, ka nu boral atanga kum 7 a liam hnuah nupui dang a nei leh a, chupawh kei min ngaihtuah vang chauh in a ni, school ka kal lai khan nu ka neih loh avangin ka classmates ten min chhaih fo a, khakha duh lovin nupui dang a nei a, a fapa ang chiah in min lo hmangaih bawk nen keipawn en hran na ka neilo.




Mahse an bulah ka khawsa lo thung a, nau hmeichhia pakhat ka nei bawk a, kan chhungkaw naute a ni, keipawh hian ka duat viau a, ka lakah a pangchang thei em em bawk, ka hmeichhe duh tak hi ka la tawng lova, hmangaih na hi a awm ngei a ni tih chu ka ring, mahse hmangaih naa tluk luh ve erawh ka tum lo bur thung, min ti chak lo tu mai mai an ni, hmeichhia min hel tu te reng reng hian sum vang bakin min hel ngailo, hetiang tak hian hlawhtling lo ni ila ka bul hnaiah pawh an awm duh tawp nang.




"Sir, heihi hnathawk ho kan lak thar tur a ni a, an profile hi i check hmasa duh em?" Ka secretary Akima chuan a rawn ti a, ka lo ban vat, ka nei zel a, a tawp lamah chuan ka hmeichhe zawn ngei mai, ka ngaihtuah na zawng zawng luah khat tu thlalak ka hmuh chuan ka en reng a, ka nui ta suk, a tha dawn e, tunah chuan ka zawn buai ngai lovin amah ngei ka nun ah a rawn kal tawh zawk ang.




"He hmeichhia hi ka Personal Assistant turin lo ruat ang che" tiin a thlalak chu ka hmuh a, "He hmeichhia hi" mak ti taka Akima'n a rawn tih chuan ka nui a, "A dik e, kha hmeichhia kha a ni, tun atang chuan ka hnaih ah a awm anga, duh lo eng ang pawh nise a tal chhuak mai mai thei tawh lovang" ka ti sup a, Akima chhuah hnuah pawh chuan ka la nui suk suk reng tho, engvangin nge ka hlim loh tehlul ang ni, ka ta chauh ni tura ka siam theih na hun tha a rawn in her chhuak mek a ni si a.




Vawin hi hnathawk thar kan lak tur ten hna an rawn thawh tan ni a ni a, Akima chu ka office ah ka ko lut a, Grace-i kha a sen thlen veleh contract kha lo sign tir ang che, kei min hmu a nih chuan hna atang hian ban lehnghal mai a duh dawn tih ka hrechiang, i hrethiam ang chu" ka ti a, a bu nghut a, ka duh ang thlap in thil a kal chho mek zel e, sana ka en a, tun atanga reilote ah hian he ka office ah ngei hian an rawn kal ang.




Darkar khat a liam a, Akima dawn luh hun tur chuan ka lo nghak ran, rei ka ti tawh hle bawk, "Sir, heihi contract chu a ni a, a sign thlap e" tiin contract ka siam tir chu min rawn pe a, ka en a, a hming sign ngei a chuang vah bawk, "I thawk tha e, khawiah nge tunah a awm?" Ka ti sup a, "A thiannu pakhat nen in thlak na room ah an kal" a tih chuan ko turin ka ti vat a.




Tukverh lam hawi zawng chuan ka chair chu ka ti vir a, ka kut suih zawm in ka hmui chu ka tuai a, min hmuh hunah engtin tak awm ang maw, a mitmeng fiah leh lian kak khan min en anga, a hamhaih hmel tur ka hmu chak tawh takzet, min hmuh hunah chuan a lawm dawn hauh lo tih pawh ka hria, mahse ka lak atang hian a chhuak mai mai tawh dawn lo ka tihkha, a taksa nel thep te kha zut kual a, duhthawh lutuk a ka khum lai zawl ah ngei a te ri tur ka ngaihtuah chuan ka mitpat na a rawn khawng nghal tual tual thei, hun lo lutuk..




"Sir min hmu duh em ni?" Ka hnunglam atang chuan a aw ngeiin a rawn ti a, ka then sak, muangchangin ka in her a, chutah leh min hmu chu a meng phawk kawk a, "Nang.. nangmah maw?" Tiin min rawn kawk ha a, a mak tih hmel chu a duhawm lutuk tlat, nui suk chungin ka ding chhuak a, "Kan in hmu leh ta e" tiin a din na lamah chuan ka kal hnai a, a lo tawlh hnung ve dat dat bawk, bang a deh rual chuan tawlh hnun na tur a awm tawh lo tih hria in a hawi kual leh ruai a.




"Nangmah hi he hotel nei tu hi maw i nih?" A ti sap a, "Ni e, enge a an I tih, kan in tawng leh ta nawlh bawk a" tiin a kawng ah chuan ka kut ka rawlh lut nghal zat a, "Enteh thil hriatthiam loh a awm in ka hria, ih.. a hmaa thil thleng kha chu theihnghilh ila buai na in siam sak lo tawn ang, hun liam tawh a ni a, khatiang kha chu a thleng nawn tawh lovang tih ka tiam a che" a ti.m bah nawk nawk a.




"Chutiang thil chu ka duh lo ti ta ila" ti sup in a hmai zawn ah chuan ka kun hniam nghal ngur a, "A nih chuan ka bang mai ang" ka rin ang chiah a ni, "I bang ngawt theilo, ka phal na tello chuan" ka ti nghut, "Chuchu ka duhthlan na tur niin ka hria" a rawn ti ve fak, "A tha alawm, ban chu han tum chhin la, mahse heihi i hria ang chu tiraw?" Tiin ka dawhkan a file chu la in a kut ah ka hmeh bel a.




A keu nghal vat, "Heihi.." tiin a ngawi leh daih a, "A in ziah dan kha chuan he hotel ah hian ban i nih lova i duhthu a bang i nih chuan cheng 500000 i chawi a ngai dawn tih a in ziak in ka hria" tiin ka nui suk a, a thinrim hmel hle, "Nang hian min bum a ni" a ti hlak a, "I ti diklo, he contract ah hian i duhthu ngei a sign i nihkha, bum na tih chuan I sawi thei lovang" ka ti leh sup a.




"Midang in hetiang hian an sign awm ka hrelo" a ti chang fak, "A dik, nangmah chiah in i sign, mahse he hotel nei tu hi ka nia, dan pawh keima siam tur a ni dawn lawm ni, chuan nanghi ka Personal Assistant i ni bawk ang, min hnial duh suh, a sawt dawn lo tih i chian kha, ka office chhungah hian hna i thawk ve nghal bawk ang" tih theih engmah a neilo tih a hrechiang bawk a a ngawi reng, "I bag va la la sawlai dawhkan saw i hnathawh na tur a nih saw, hun hi a hlu a khawhral mai mai ka rem tilo tih chu i hriatchian ka ring" tiin mit ka siai zeuh a, a chhuak nghal nal nal.

Cont..

Tan chiah mahila ka nuamlo lutuk a, ka check lo aw...

[Rebec Nunziri]

Chapter-2



Grace Lalthazuali POV



Thinrim lutuk in a office atang chuan ka chhuak nghal, kan in hmuh leh pawh ka ring tawh lo a sin mawle, khawvel hi zawng a lo zim a nih hi, engtinge a hnuai ah ka thawh theih tawh ang ni, khatiang thil kha kan in kar ah a thleng tawh si a, he hotel hi a ta a ni tih hre lawk ngat ila chuan interview tur khan ka kal lo chiang ngawt ang, in hnuai ah chuan ka chhuk a, ka mood a fu lo bawk nen ka tum bur mai.




Asangi lah chu hmanhmawh tawk in ka bulah a rawn kal a, "Midangte sawi hi a dik em, Boss ber Personal Assistant I ni dawn an ti a?" a rawn tih chuan "Ka hre lawk biklo, tunah khan ka hre chiah" a phul nghal hlut a, "Awi.. I van vannei bik tak, ka thik che e" a ti chiam a nih chu, ka peih loh zia hi hria se chuan hetiang hi a sawi awm tawp silo a, "Bengchheng lo teh, ka peih lo teh mai a nia, keichu ban lehnghal daih mai te ka duh" ka ti zuai daih a.




"I mawl a mi, khatiang kha sawi tawh reng reng suh, i vanneih zia hi in hre tawp tawh, kan hnathawh tur ai te chuan a la phurawm daih zawk alawm, I hlawh pawh a in up dawrh dawn tihna a nia, a tha daih zawk" phur zet chuan a ti leh siam siam a, tah khum vak mai te ka duh rum rum, engpawh nise tih theih ka nei tawh chuang lo, he hna hi ka mamawh zia pawh ka hriat hnaih loh kha mawle, chuvang chuan tha taka ka thawh a ngai a ni, kei leh ka u tan.




Sir office ah chuan tim dai in ka va lut leh a, a chair a thu chung chuan min lo en run, "Hetah rawn kal hnai teh" ka thutna tur lam ka pan lai chuan a rawn ti a, ka hma zawn ah chuan ka ding vat, "Enge nita sir?" amah pawh en lo chuan ka ti a, "Min en rawh" a ti leh hmuk, a mit ah chuan ka melh zawk a, mahse rei erawh ka en ngam lo, a dawhkan chu rawn kal hual in ka hnunglam ah chuan a rawn ding a, ka thaw dep dep mai, a taksa lum na chuan min ur ham ham thei hial in ka hria.




Chutah ka hnunglam atang chuan ka nghawng ah a rawn chelh a, a taksa si rawk tur chuan min hnuk hnai nghal zat, "Sir engthil nge I tih hi, min thlah rawh, midang in min hmu ange" tiin ka tal aih a, mahse ka kawng ah chuan a rawn man leh hmiah, "Duhtak ka office ah kan awm, ka phal a tello chuan tumah an rawn lut dawn lo bawk, chuvang chuan engmah ven thawn tur kan neilo tihna a nih chu" ka beng bulah chuan a rawn phun sup sup a, ka nghawng chu a nul kual lehnghal dun dun bawk a.




"Duhtawk teh, i hnuai a hnathawk tur ka ni, hetianga i mi tihtur ni lovin" ka ti fak a, a tawp chawt, a in la hrang a, "Ka hria, a nih chuan i hna chu i thawk tan thei ang" tiin a kalsawn a, keipawh chu rang takin ka thutna tur lam ka pan nghal, ka lungphu ran hman zia chu, thawk la ham ham in ka hmaa computer chu ka ti nung a, mahse eng ber nge tih tur ka hrelo, engmah a sawi bawk silo a, Sir Marcus-a lam chu ka hawi a, min lo en leh run tawh mai.




"Eng ber nge ka tih dawn?" ka ti sap a, "Pdf ka rawn thawn che kha lo en rawh, khakha print chhuah a ngai a, chumi hma chuan i hmaa file nen khan en mil la, diklo a awm a thiang lo" ti nghut in a hawi sawn a, tihtur a sawi ang chu ka ti nghal a, rin aiin check tur chu a lo tam daih a, a ziak a sin reuh sia, ka tisual ang tih chu ka hlau hle, ka nikhat na a ni bawk nen uluk takin ka check zel a, ka check tawh sa pawh ka check nawn leh thlap zel.




"I la zo lo em ni?" a rawn tih thut chu an la phu zawk mai, ka thiltih lai ah ka rilru ka pe bawk nen room khat ah kan awm dun tih pawh ka lo hre leh tawh lo, a va han hahthlak tak, ka dawhkan hmaah chuan a lo ding reng tawh chu niin, "Ka la zio lo deuh a, i en duh tawh a mi?" ka tih chuan min chhang lo, ka che muang a ti deuh pawh a ni mahna, "Sir, tih sual ka nei ang tih ka hlauh vangin ka check nawn zel a, chuvang in ka la check zo lova" in thlahrung tak chuan ka ti leh a.




"A pawilo, s hmanhmawh thlak loh, dah la thil ei a hun tawh a nia, thil ei turin kan chhuak dawn a nia, lo in siam rawh" tiin a dawhkan lam chu a pan a, ka phone dawhkan a ka dah chu la in ka en vat a, Asangi message a lo awm vang tawh mai, thil ei turin min lo nghak tawh tih a rawn sawi na pawh minutes 5 dawn a liam tawh, "Sir, ka thiannu in min nghak a, ka lo va chhuak hmasa mai ang aw" tiin ka tho a, kalsawn mai ka tum chuan min au let vat, a aw ri a nelawm loh em avangin keipawh chu ka ding chawt mai.




"Kan pahnih in kan ei ang, min lo nghak rawh" a tih chuan ka thaw hak a, "Sir, ka lo thawk thar ve chauh sia, i PA a ka awm nghal ringawt pawh hi midangte hian min sawi duh tawh a nia, chuvang chuan kan pahnih hian thil pawimawh lovah chuan in zui tam vak lovang, ngaihdan diklo midang te hian an pu ang tih a hlauhawm" ka tih chuan a rum deuh nghut a, "Chuchu a pawi em ni, kan pahnih in karah chuan thil a awm nilo thil thleng pawh a awm tawh alawm, midang ngaihdan ngaihsak vak a ngailo" a ti a.




"I tan te chuan a ni ang chu, mahse ka tan chuan a ni ve lo" ka ti sep a, "Ok.. pawn lama ei chhuah dun i duh loh chuan hetah kan ei mai dawn a nia, kan chah ange" a ti leh hmuk a, phone chu a hmet nghal mual mual, "Mahse ka thiannu in min lo nghak tawh a, nangmah in ei mai la, min nghak rei lutuk palh ang" a tawp lam chu a zuih ral ti tih, "Kan pahnih in kan ei dun ang ka tilo em ni, sawi ngai sawi nawn reng hi ka ngaithei lem lo, chuan hetah hian kan ei dun ang chuchu thu tawp a ni" a ti ta hmak a.




Ka hnial ngam tawh lo, Asangi hnenah chuan Sir Mike-a nen room a kan ei dun tur thu ka sawi ta ngawt a, bet lo zetin ka thut na ngai ah chuan ka thu a, reilote hnuah eitur chu a rawn thleng a, dawhkan lam chu ka pan vat, a tui hmel hlawm em em lehnghal, mahse a chah tam mah mah a ni, hetiang zozai hi kan pahnih in kan ei zo thei pawh in ka ring lo e, "I duhzawng ka hrelo, hetah hian i duhzawng a awm lo a nihchuan kan chah tha leh dawn a nia" a ti nghut a.




"Aih ka duh lutuk vek" tiin rice chu ka ei nghal mawlh mawlh a, ka duh em em mai beef soup a chah tel chu ka hawp pah zeuh zeuh bawk, ka ril a tam tawh bawk a, rice chu ka ei zo vek, "Ka rin aiin ei i thei daih mai" a tih chuan ka zak leh hmuh hnawh viau, a ni aiin ka ei tam daih zawk, "Hna kan thawk leh tawh ange, chuan eitur vang khan ka lawm e" tiin ka tho chhuak a, mahse ka pen hman lo, a mal chung ah chuan ka thu thla leh hnawk a, rang lutuk a thawh ka tum chuan ka tai zawn ah a kut chu a rawn dah a, ka che lai pawh ka tawp chawt mai.




"Enge i hriat a, midangin min rawn hmu ange, min thlah teh" tia a kut lak sawn ka tum chu amah hnaih zawng chuan min pawt hnai leh salh a, "Sir" tiin a awm ah chuan ka in nam khalh a, "Hlau suh, tumah an rawn lut dawn lo" ka beng bul vel nul kual thuak thuak pah chuan a ti a, ka za mer mer mai, a hmain kan lo mu dun tawh bawk nen ka awm chu a nuam chiah lo, "Keimah ang tho hian i danglam, chuchu a dik em?" a tih leh sup chuan ka tal leh deuh aih a.




"Khawngaihin min thlah teh, hetiang hian awm suh" ka tih chuan ka beng chu a rawn seh zeuh, na erawh a nilo thung, "Ka hmeichhia ni rawh, ka tan awm reng la, i mamawh engkim ka pe ang che" a rawn tih chuan ka tal vak a, min vawn na chu a ti nghet salh thung, a tha chak zia chu "Sir, i hnuai a hnathawk mai ka ni, kan in mar ah engmah a awm lova a awm ngai bawk hek lovang, a hmaa thil thleng kha chu pawisa ka mamawh em vang a ni a, khatiang thil kha tih nawn leh tum na ka neilo, tihpalh thil angin i ngai thei ang" ka ti chang fak a.




A nui ri deuh suk, enge nuih tur ka hre ve hauh lo, "I mizia te hi ka duh chi tak a ni, chutih rual in hmeichhia ka thu hnial zawt zawt erawh ka ngaina hauh lo" a tih chuan ka nui ve ta sak a, "A nihchuan i hmeichhe duhzawng ka nilo tihna a nihchu" sawi fuh in ti lutuk in ka en a, "Nilo e, nanghi chu ka hmeichhe duhzawng tak i ni, chuan nang anga nawm na vawrtawp min pe thei tu hmeichhia hi ka la tawng hauh lo bawk" ka in hum ruh vak a, a ruh lang rawt a thil sawi kher hi a ngai thin a mawni.




"Hmeichhe dang zawng rawh, kei ni lovin" ka ti leh a, ka tal chuan min thlah ve mai, "Tunah rih chuan ka thu i hnial pawh a ni mahna mahse i taksa pum pui kha ka ta a la ni thuai ang" mahni in ring tawk taka a tih chuan rum zetin ka en a, a la nui suk suk zui, "I suangtuah naah khan cheng tawh suh, chutiang thil chu a thleng ngai lovang" ka ti a, ka thut na lamah chuan ka kal nghal nal nal, hna tha tak ka nei chu ka lawm a, mahse hepa ber kher ka boss a ni hi a pawi ka ti.




Ban hma chu hna kan thawk leh char char a, ban a hun chuan ka bag chu ka sima zung zung a, haw tura ka in peih meuh chuan Sir Mike-a pawh a lo hman ve chiah pawn lamah chuan kan chhuak rual a, kan in be miah lo bawk, Asangi pawh a haaw theih na a rei tawh a, mahse min lo nghah avangin a tlai phah ta duai dawn chu a nih hi, "Ka thlah ang che" ka thiannu din na lam pan mai ka tumai chuan Sir Mike-a chuan ka banah rawn vuan in min pawt let leh a.




"A ngailo ka lawm e, ka thiannu in min nghak a, ka kal phawt ange, tluang takin i haw dawn nia" min man ngheh loh lai chu chuh in ka tal chhuak vat a, ka kalsawn nghal nal nal bawk, ka thiannu chuan zawhna ngah hmel zetin min lo en ran a, "Nakinah kan sawi dawn nia, haw phawt ang, ka u ka ngaihtuah riau" ka bul ka thlen rual rual chuan ka ti a, "A tha alawm, mahse in sawifiah na chu i neih ngei ngei a ngai ang" tiin scooty chu a ti nung a, a hnungah chuan ka chiang ve nghal vat.




Kalkawng ah chuan zawh na min zawt nghal mawlh mawlh a, "Hmani ah kan in hmu fuh a, kan in hmuh dan a fuh vak lo bawk nen min lo la hria a nih kha" tiin dawt chu ka sawi ta ngawt a, "Mahse mak ka la ti tho tho, engvanga a PA a dah ringawt che nge a nih le, e ka hria, Sir Mike-a hian a hmuh hmasak ber atang che chuan a duh che a ni chiang mai" a sawi zawh rual rual chuan a dar ah ka beng thak a, "Thu awih awm loh deuh deuh sawi suh, a ni khan min duh lul lovang" ka ti a.




"Tikhan sawi ringawt suh, thu diklo ka sawi miah lovang, chuan min beng tawh suh, i kut thlak a na ropui si, kan accident i duh loh chuan" a ti hlak a, "Khatiang kha sawi tawh lo la a nimai, min duh dawn lo tih te chu i hre ve reng alawm" ka ti leh hmak a, kan in hnial char char a, Sir Mike-a vangin kan thian dun kan in hnial chu a nia a va han ho tak aw, kan in zawn ah chuan a scooty chu a ti ding a, ka chhuk vat, "Zanah lo leng rawh aw" ka tih chuan a bu zeuh a, sawm hi chu a awlsam a nia.




Inchhung ah ka lut a, ka u chuan rawng a lo bawl mek, ka hnathawh naa thil thleng te chu ka hrilh ve mawlh mawlh a, a lo lawm ve khawp mai, "Pathian hnenah lawmthu sawi tawngtai na nei ila a tha ang, hna tha tak i nei bawk a, keipawh hna hi zawng ve leh tawh dawn ila ka ti a" a tih chuan ka lo hnial vat a, "Inah lo awm mai mai rawh, keiman hna ka nei tawh a, nangin hna i thawh ve leh zel a ngai tawh hleinem, i rilru ri buai vak duh suh" ka ti hlak hlak a.




"In a awm chu a ninawm alawm, hna chhete lo thawk ve pawh ni ila a tha alawm" a tih leh chuan ka lo hnial leh vat a, "Lo awm hahdam mai mai zawk rawh, hna i thawk lui talh a nih chuan awm nuam in ka awm thei lovang" ka u chu a thaw hap a, "I tan hian phur rit mai ka ni tiraw, keihi awm lo ni ila chu nun nuam takin i awm ngei awm si a" a ti sap a, "U chutiang sawi suh, ka tan hian i hlu lutuk a sin, nanghi awm lo nila hetiang dinhmun hi ka thleng kher lovang" ka ti a.




Ka thinlung tak tak a sawi ka ni bawk, ka nausen lai in ka chhungte an boral tih zawng ka hria a, car accident ah a ni nghe nghe, kaa chhungte dang tumah an hriat loh avangin fahrah inah min dah ta a, hreawm ka ti thei hle, ka u hian ka khawhar na te, hreawm ka tih na te kha min thlamuan thei em em a, a ni hi awm lo nise hetiang dinhmun hi ka thleng lovang, fahrah in atang hian min la chhuak a, lehkha ka zir theih nan rim takin hna a thawk bawk.




A tuk lamah chuan a ngai te bawk in hna kal turin ka in siam a, hna thar thawk chauh e tilo chuan ka va han phur lo chiang tak, Asangi nen hotel lam pan chuan kan in phur leh ta vawk vawk a, "Kan tlai love, han chho vat rawh, chuan chhun ah thil ei tura nghah chu i ni angem?" a tih chuan ka ngawi deuh ren rawn a, "Ka hrelo, ka lo hrilh ang che" ka tih hnuah Sir Mike-a office lam chu ka pan a, a thlen ka la rin loh avangin kawngka chu ka hawng pawp a.




A chair ah chuan thu in min lo en run a, ka kut a hmuh rual chuan a ban a sana chu a melh zeuh, "I va tlai ve" a ti hmuk a, sana ka en ve leh, dar 9 a la ri der silo a, "Sir, dar 9 pawh a la rik loh hi" ka tih sap chuan a thutna atanga rawn tho in ka hmaah tak chuan a rawn ding khup a, "I Boss ka ni a, min thlen khalh hrim hrim tur a ni dawn lawm ni?" a tih sup chuan ka va hna ngei mai mai tak, a thlen hun tur pawh ka hre tawp silo a, "Nidang ah chuan hetiang hi a thleng tawh lovang" lungawi lo ru deuh chuan ka ti a.




Ka thutna lam pan mai ka tum lai chuan min pawt let leh a, ka kawng ah kuah in a lamah min pawt hnai salh a, a awm ah ka lo in man khalh ve vat bawk, "Khawi teh min thlah rawh" ka tih chuan a nui suk a, "Ni mai love, hetah hian rei fe ka lo nghak tawh che a nia, nizan ah nangmah vangin ka muhil theilo tih i hria em?" a tih chuan a thusawi awmzia, hrelo zetin ka lo melh haw a, "Keimah vang chuan engvangin nge i lo muthilh theih loh ngawt, i chungah engthil mah tih ka nei hleinem" ka ti hlak a.




"He i taksa mam han mai ngaihtuah lo thei lova min siam vang a ni" tiin ka ban chu a chul thla dan dan a, ka lo awm sawn vat, "Thu lawi lo sawi mai mai lo teh, hnathawk turin ka lo kal, nang in fiam pui tur che ni lovin" ti hmak in ka thutna lamah chuan ka kal nghal nal nal, "Ka sawi tawh kha kha i taksa pum pui kha ka ta a la ni ngei ang" tiin a thutna lamah chuan a kal ve nghal a, "Teuhlo lutuk" tih pahin ka bag chu ka dah sawn a, thinrim tun in laptop chu ka en a.

Zawmna



Chhun thil ei hun a nih chuan Sir Mike-a lam chu ka va hawi zeuh zel a, a thil khawih laiah chuan rilru a pek hmel hle, ka phone chu ban in ka ding hluai a, "Sir chhun thil ei a hun tawh tho a, thil ei turin ka chhuak dawn a nia aw" tia ka sawi zawh hnuah a tlan in ka tlan chhuak nghal, min auh zui na pawh chu hre reng mahila ka hrelo der tlat, ka thiannu hnathawh na lamah chuan kal vat in "I hman chuan kal nghal mai ang, let leh vat ka ngai dawn a" ka ti nghal sawk sawk a.




Pawn lamah chuan kan chhuak a, ka thiannu chuan min rawn un zui dawr dawr mai, "Em em a che, I va kal chak ve, hlauh nei ang mai" tiin min rawn pawt ding deuh dat a, "Ka hmanhmawh alawm" ka ti ringawt, diktak chuan Sir Mike-a khan min rawn um zui ang tih ka hlau em a ni, restaurant changkang vak lovah chuan kan lut a, mi nawl pui chawlh thin na a ni bawk nen customer pawh an nei tam khawp mai, hotel a hnathawk ve te pawh hmuh tur an awm nawk bawk.




Eitur te kan chah zawh hnu chuan kan ti ti a, ka tawng mawlh mawlh lai chuan Asangi chuan ka ban ah a rawn sik deuh nawk nawk a, "Enge i hriat a, a na lutuk, i kuttin a sei si" ka ti hlar a, engmah sawi lovin restaurant luhna lam chu a en a, en ve tura min mit mei avang chuan leh hawi in ka en ve a, chutah Sir Mike-a a rawn lut mek chu niin, "Enge a rawn tih ve dawn ni?" ka rilru chuan ka ti neuh neuh a, pawn lamah thil ei dawn mahs helai hmun ah ber kher hi chuan a ei duh ka ring lo ve em bawk a ni.




Chutah keichu min rawn hmu a, ka thutna lam pan chuan a rawn kal vat, rang lutuk in ka hawi let a, kan bulah hian rawn thu ve lo hram se ka ti takzet, "Ka rawn zawm ve mai ang cheu, a pawi na a awm em?" Kan dawhkan sir a rawn din pah chuan a ti thum dut a, ka chhang lo, amah pawh en lovin dawhkan chu ka melh ngar a, "A pawi na a awm reng reng lo, rawn thu rawh Sir" Asangi chuan a ti vat a, ka bul chet ah chuan Sir Mike-a chu a rawn thu nghal zat.




"Min lo chhuah san daih a, midang ah chuan kan ei rual tawh dawn a nia, chuchu hre reng la" a ti thum dut a, ka chhang lo, ka thiannu nen chuan kan ngawi ran a, nuam pawh ka ti tawh lo, eitur chu a order ve nghal a, customer te lah chuan min rawn en huang huang hlawm a, hotel a thawk ve tho te phei chuan mit tla lek lovin min en hlawm tih ka hre reng, ngaihdan diklo tak an neih loh hram ka beisei, ka thawk thar ve chauh bawk si a, chuta karah Sir Mike-a hi chu an duh rawn mipa kha a ni miau a, hmelma neih ka peih hauh lo.




Ngawi reng in thil chu kan ei a, ka thiannu pawh chu a ngawi dak mai, keimah ang chiah in a tim tih ka hria, "Grace-i thiannu maw i nih a?" ka ei zawh dawn lamah chuan Sir Mike-a chu a rawn tawng chhuak hlawl a, "Aw ni e, ka hming chu Lalhmunsangi a nia" a lo ti vat, "Naktuk atang reception counter ah i thu tawh dawn a nia, i tan pawh a nuam zawk ang, I hlawh pawh a pung bawk ang" Sir Mike-a chuan a ti leh a, ka thiannu nen chuan mak ti zetin Sir lan chu kan en a.




"I duhlo em ni?" a ti leh takah chuan "Duh e, ka lawm lutuk" rang zetin Asangi chuan a ti a, a hlim hmel hle, keipawn ka lawmpui takzet a ni, thil kan ei zawh chuan a man pek na lamah kan kal a, Sir Mike-a chuan kan thian dun a kan ei man min pek sak vek, nuam chu ti chiah lo mahila a hnial theih loh, a thu duh lutuk hi chu a buaithlak a ni, pawn lama kan chhuah hnu chuan Sir Mike-a hnung ah kan thian dun chuan muangchang in kan kal a.




"Sir huan a duh chiang lutuk che, a awmdan ah hian ka hrethiam vek" ka beng bulah chuan a rawn phun sar sar a, "I ninawm sawi ve ziah suh, amah te hian a lo hria ange, min ban nghal a nimai" tiin ka kal chak zual pui sauh a, "Ka ti tak tak a nia aw, keipawh i thiannu ka ni tih a hriat ve leh min kai san tir nghal a nia, nangmah vang liau liau a tih theih ang chu" a tih leh chuan chhan pawh ka chhang peih tawh lo, hetiang thil a tih chhan hi keichuan ka hrethiam nghal vek.




"Hnathawh tur a la tam a nia, muangchang chi a nilo, hun hi a hlu" kan thian dun chuan kan kal muang a ti deuh a niang, rawn hawi let in a ti deuh hmuk a, a kal zawm lehnghal zat bawk, keini pawh chuan kan um zui nghal dawr dawr a, "Banah min lo nghak leh rawh aw" Ka tih hnuah ka kalsawn a, Sir Mike-a chu a office kan pan in a kal daih tawh thung, office chhunga ka luh rual chuan vang chu ka ngheng deuh dawt a, thil kha a thleng rang lutuk a, au pawh ka au hman lo, phawk zetin Sir Mike-a chu ka en ringawt.




"Engvanga min chhuah san nge i nih?" lungawi loh hmel zet chuan a ti a, "Ka thiannu khan min nghak bawk sia, ka hmanhmawh alawm, bakah khatiang hmun ah khan thim ei duh ka ring lova" ka ti nghal zung zung a, "Nimin khan ka sa i chiang viau a nilawm ni, engpawh nise naktuk atang chuan kan ei rual ziah tawh ang, ka thu i awih lo a nih chuan i hlawh ka cut tawh ang" tiin a thutna lamah chuan a kal a, rum taka en zui bak tih theih ka nei silo, ngam ngat ila chuan a tukhum ah sawn ka beng pawl ngei ang.




Ban hma deuh chuan ka phone a rawn ri a, ka laklawh em avangin ka chhang lo, ka tih zawh hnuah ka call back mai ang ka ti ta ngawt a, ka thil buaipui lai ka zawh chuan ka phone chu ka en a, miss call vawithum lai a lo awm tawh, chupawh Asangi nu hnen atangin, ka call back chiah tih chuan Sir Mike-a office kawngka a rawn ri ve chiah a, hlauhthawn hmel zetin Asangi chu a rawn lut nghal, ka phone keng chung chuan Asangi chu ka lo en heu a.




"Sir min lo hrethiam la Grace-i hnenah hian thu pawimawh tak sawi tur ka nei a" tiin keichu min rawn en a, "Nichin khan i u nikhaw hre lovin ka nu in a hmu a, tunah damdawi inah an awm mek, phone i la thei silo a, ka nu in chanchin min rawn hrilh a" a tih chuan ka tho nghal vat a, ka hlauthawng takzet, "Kal ve nghal ang, ih.. englo" ka hlauthawng lutuk chu sawi tur ber pawh ka hrelo, ka bag chu ka ban tawp a, chutia ka chet buai vek lai chuan Sir Mike-a chu engtik laiin nge ka bul a rawn thlen hman pawh ka hrelo.




Ka banah chuan a rawn man a, "Hahdam rawh, engkim a tha vek ang" tiin ka bag chu min rawn laksak a, "Ih.. ka haw hma thei angem?" tiin ka en a, "Awle, a tha alawm, keipawn ka rawn zui ang che u" a tih leh pawh chuan hnial nachang ka hrelo, office atang chuan kan in zui chhuak a, parking lot a kan lut hnuah "I thiannu hi chu ka rual in rawn kal mai rawh se" Asangi hnenah chuan a ti a, a motor dah na ni nei tur lamah chuan min kalpui a, ka bag pawh a la khai reng bawk.




Damdawi in kan thleng a, ka u awmna lam chu kan pan mek, "Ka u chu a tha em?" Nu Mapuii (Asangi nu) ka hmuh rual chuan ka ti a, "Aw.. a la harh lova, engkim a tha vek tawh e, hlauthawng suh, a lung ṭhalo a chhuak leh a, thu thin thawng tak hriat a tan a ṭhalo tih Doctor in a sawi a, a rilru ah ngaihtuah a nei tam bawk nen khatiang khan a awm phah a lo nia, awm hahdam deuh se engkim a tha leh vat mai ang" a tih takah chuan ka thawveng deuh huai mai.




"Nu heihi kan thawh naa kan pu ber a nih hi" tiin Asangi chuan Nu Mapuii hnenah Sir Mike-a chu a in hmelhriat tir a, a awm ve tih ka lo hre leh tawh reng reng lo, ka u kut chu vuan in ka en reng a, min kalsan mai ang tih ka hlau takzet a ni, thisen a in zawmna neilo mahila ka in nghah na leh ka chhungkaw neihchhun tak meuh meuh a ni a, min kalsan thei lo, a hma kha chuan in sawisel na pawh a nei ngai miah lo kha ania, tun kum hnih thum chhung lek hian hetiang khawp hian a hrisel na a chhe te hi hriatthiam har ka ti thin.




"Buaina in neih chuan min rawn hrilh thuai ula, hnathawh na lamah buai na a awm deuh a nih hmel a, ka va let lawk ange" Sir Mike-a chuan a ti sup a, "Awle, ka lawm lutuk a nia" ka lo ti ve sep a, "Grace pawn thleng in Boss kha va thlah rawh, kei ka awm tho a, Asangi pawh a rawn let ve tep tawh ang" Nu Mapuii chuan a ti a, hnial ka hreh bawk si, helai thleng ka u vangin a rawn kal ve bawk nen thlah chu ka tihtur ve reng ah ngaiin pawn lamah chuan kan in zui chhuak a.




"Helai thleng hi a nimai, chuan i u chu a dam leh thuai ka beisei, harsat na i neih chuan min rawn hrilh vat dawn nia" a kal hma chuan a ti a, "Awle, ka lawm e" ka lo ti nawn leh sep, a in khalh chhuak lai chu ka en liam hnuah hospital chhungah chuan ka lut leh a, "In Boss chu a fel kha, Asangi'n min lo hrilh a, a ni pawh a kaisan tir a ni awm a, in vannei hle mai" Nu Mapuii chuan a ti a, ka rilru in Sir Mike-a chu ka ngaihtuah reng a, ka rin ang em em chuan a lo sual lo a nih hi.




Asangi pawh a rawn let leh tawh a, "In duh chuan va ha erawh rawh u, chuan Nu Mapui ka lawm lutuk a nia a, nang awm lo la chu ka u chungah hian enge thleng dawn ka hrethiam lo" ka tih chuan "Akhai khatiang an sawi ngailo, nangni te chu ka fanu alawm in nih, ka tihtur ve reng ka ti a nihkha, lawmthu sawi a ngai miah lo a nia, chuna naktuk lamah ka lo kal leh anga, I u chu keiman ka lo awmpui dawn a nia" a tih chuan ka lo bu nghat nghat a.




A tuk lamah chuan hma takah Asangi te nufa chu an rawn lang a, Asangi'n ka thawmhnaw hak thlak tur min rawn ken sak thlap bawk, a la hma bawk nen ka in bual leh te te a, ka u pawh a harh tawh a, ngaihtuah awm a ni tawh lo, "Rilru hahdam deuh in hma chu va thawk rawh, keimah ka awm dawn tih kha hre reng la" Nu Mapuii chuan a ti a, "Ka lawm lutuk a nia, nang i lo awm hlauh hi chu kan unau tan vanneih na a ni" ka ti a, ka chhuah hma chuan ka u muhil lai chu ka en nawn leh hram.




Hotel kan thleng a, Sir Mike-a office chhung a ka luh chuan hmuh tur a la awm lo, vawin chu ka hma ve hrim hrim bawk, Sir Mike-a dawhkan lamah chuan ka kal a, file vel a lo awm hnawk nuai mai, ka dah that sak mawlh mawlh a, ka zawh hnu deuh lawk ah a rawn thleng chawpchilh ve nghal mai bawk, ka lo wish vat a, nimin lamah khan min ṭanpui nasaa bawk nen a lakah that chhuah ka tum ve tawh hle, amah vangin ka u pawh cabin ah a awm theih phah kha a nia.




"Hetah lo kal teh" laptop ka en lai chuan a ti a, a dawhkan hmaah chuan ka va ding vat, "Heihi em rawh" a tih chuan ka en vat a, lehkha pakhat hi a ni a, ka hrethiam lo hle, "Heihi enge awmzia?" ka tih chuan "Khakha laptop ah lo chhu lut rawh, tun kar chhung kan mikhual neih tawh te an nih kha" a ti a, ka bu zeuh, "Awle" tia kalsawn mai ka tum chu min ko ding leh rih a, a ngawih leh tak reng ah chuan hrethiam lo zetin Sir Mike-a chu ka en a, nui suk in a chair nghen chhan chu a ngheng ar ar a.




"I u chu enge a an?" a tih sup chuan "A tha tawh e, tlai lamah khan a rawn harh a, vawin lam pawh a a harh tha khawp mai" ka ti a, "A tha a nihchu, chuan thil pakhat kan sawi dun dawn em ni?" a tih leh chuan "Engmaw?" ka ti haw a, "Ka hmeichhia nih chu ni mai rawh" a ti a, ka thaw hap, a hma khan ka sawi chiang tawh hle si a, "Sir ka sawi tawh kha, kan in kar ah khatiang thil kha lo thleng tawh mahse thlen nawn tir leh tumna ka nei tawh lo, hmeichhe dang tamtak i hmeichhia nih chak an tam alawm, keichuan ka duh lo, min hrethiam dawn nia" ka ti a.




"I chiang amaw, I u khan enkawl a la ngai dawn chauh, i hlawh hmang ringawt hian i enkawl zo dawn lo tih chu kei ang bawk in i hrechiang, ka hmeichhia ni la i mamawh engkim, I u enkawl na tur nen lam ka tum sak ang che, chuchu a tha viau lo em ni?" a ti leh, "Nilo e, ka u chu keimah ngeiin ka enkawl ang, ni e, tuna ka hlawh hmang chauh hi chuan ka enkawl thei dawnlo, mahse khatiang thil kha chu tih nawn leh tum na ka neilo, min hrethiam dawn nia" ka ti leh a.




"Ka sawi chu i hria tiraw, ka thu anga i awm lo a nih chuan i u hian a tuar ang, amah vanga khatiang thil ti i ni tih kha hre ta se engtinge a awm i rin?" tiin a nui suk a, huat na nen ka melh ngawt ngawt, hepa hi mihring pawh a nilo, ramhuai a nih hi, ka u natna a hrechiang tih pawh ka hria, ka u hian thu thin thawng lutuk a hria a nih chuan a nun na pawh in a tuar hial thei tih hepa hian a hrechiang lutuk, mahse a duh a neih theih na a nih phawt chuan engmah tih hreh a lo neilo a nih hi.




"Engthil nge ka lak atang hian i duh chiah, ngatinge hetiang hian min tih tlat a?" ka ti ta thlawt a, "Ka duh chu i hrechiang alawm" tiin ka chhip atanga ka ke ler thleng chuan a en chhuak dap a, "Aih ka duh lo ka tihkha, nawhchi zuar ka nilo a nia" ka sawi zawh rual rual chuan a nui ri suk a, a chhan ka hrechiang hle bawk, hepa lakah hian ka thianghlim na ka hralh tawh miau alawm, hepa kher hi engvanga lo tawng nge maw ka nih le, ka nun a harsat tawh tehreng nen ani lah hian harsatna min thlen belh zel bawk si.

Cont...

Comment leh click kha aw, chuan ka sawi tawh ang khan zankhat danah zel ka dah dawn, Sunday chu ka awl thin hrim hrim tih in hriat vek bawk kha, zawmna te a ni ngawt loh chuan Pathian ni a nih angin ka serh ve thin aw...

[Rebec Nunziri]

Chapter-3



Grace Lalthazuali POV



"A tha alawm, i duh lo a nihchuan I u hnenah kan pahnih inkar a thil thleng te kha ka sawi mai a ngai a nihchu, amah vangin i thianghlim na i hloh tih hre ta se engtin chiah nge a awm tih pawh hriat a chakawm alawm" pawi sak nei miah lo chuan a ti leh, hepa hi mihring pawh a nilo ramhuai a nih hi, "Ka u natna i hriat kha, i sawi a nihchuan a nun na in a tawrh phah thei, khawngaihin hetiang hi tilo hram rawh" haw viau mahila ngen loh chu tih theih ka nei silo.




"A nih si chuan ka thil offer che kha i pawm thei alawm, i pawm a nih phawt chuan i u hnenah engmah ka sawi lovang" tiin a nui leh suk a, ka ngawi reng, ka u ka ngaihtuah a, a hre chhuak a nih chuan thil pawi zawk a thlen phah thei tih ka hai lo, mahse he mipa rapthlak lutuk laka in ham tan hi ka duh bawk silo, ka rilru a buai takzet a ni, "Oh.. duhlai in ngaihtuah vak a ngai em ni, ka offer chu a tha tawk viau lovem ni, I u pawh ka enkawl sak dawn che alawm, chuan i mamawh engkim ka pe bawk ang che" a rawn ti leh sup a.




Ka ngawi reng, ka beidawng hluah hluah a ni, a offer pawm hi ka duhdan a ni silo, mahse duhthlan tur ka nei chuang bawk silo, hepa hian kawng engkim ah min dang chep vek a nih hi, nimin lamah khan chuan a chungah ka lawm hman em em a, a laka that chhuah ka tum ve tawh tehreng nen tun minutes reilo te chhung hian ka thil tum leh amah ka ngaihdan zawng zawng hi a ti chhe ta vek a nih hi, mihring pawh a nilo ka tan chuan ka nun ti hreawm tura hremhmun atanga rawn kal ang mai ah ka ngai hmiah tawh.




"Chuan enge i chhan na, tunah chhan na ka duh nghal tih i hriatthiam ka ring" tiin min rawn din hnaih leh sauh a, ka thaw chhuak hak, hnuai lam chu ka bih reng a, "A tha alawm, i offer chu ka pawm e, mahse heihi hria ang che hethil ka pawm na chhan chu i mi vo na avang chauh a ni, chuan ka u hnenah engmah i sawi tur a nilo, a hriat chhuah ni la la in kan inkar tenawm tak hi a tawp nghal bawk ang" ka sawi zawh rual chuan ka kawng ah rawn man in a taksa si chet chuan min pawm bet a.




"Lungngai suh, a hrechhuak ngai lovang, heihi hre reng ang che, tun atang chuan ka bialnu i ni tawh, mipa dang hnaih hauh suh ang che, ka thusawi i zawm lo a nihchuan i rin phak baka rapthlak in ka che thei tih i hriat chian ngei tawh ka beisei" a tih leh chuan ka awih nghal hmiah, he mipa hi a rapthlak em bawk a ni, ka bu nghat a, a nui ri leh suk, "A nihchuan ka bialnu i nih lawm nan min kiss dawn lo em ni?" tia a rawn awm hnai chuan ka lo thle sawn vat a.




"I suangtuah na a nihchu, min thlah rawh" tiin tal sawn ka tum a, mahse ka theilo, a kut pakhat chuan ka sam chu a rawn tham a, chumi rual chuan ka hmui a rawn khar chilh nghal hmak bawk, ka lo ding mawl tawp a, tal sawn pawn ka tum lo, ka chhang let lo na chungin duhthawh tak chuan min kiss buan buan a, ka mit chu chhing in ka in hum ruh ngawt ngawt ringawt, "Hre reng rawh ka ta keima ta chauh i ni tawh" a in lak hran rual chuan a ti leh sup.




Ka thil khawih laiah pawh chuan ka rilru ka pe theilo, ka ngaihtuah na chu ka kawm char char a, ka thaw leh hap thin, ka hlauthawng takzet a ni, engthil ah nge keihi ka tal awh tak ni, he mipa kher kher hi engvangin nge kha zan khan ka lo tawn kher le, a ni hi lo tawng lo ni ila chu hetiang buai na hi ka nei awm chai silo a, ka thiltih avang khan ka in chhir takzet a ni, mahse ka u tana ka tih a ni si a, hlauthawng reng reng a nun hman a ngai dawn a nih hi.




Hepa hian a thu ka hnial a nihchuan ka u lakah engkim a sawi duh mai dawn tih ka hai bawk silo, "Duhlai i ril a tam tawh ang, thil kan ei dawn tawh em niang, heta ei nge pawn lama ei i duh zawk?" ka rilru ka lo kawm nasa bawk nen ka bul hnaia a rawn kal lai pawh ka lo hre hauh lo, ka beng bul chet a a rawn phun sup rual chuan ka phu zawk a, ka chhan na nghal tih hriat takin min en ran bawk a, hmeltha viau mahse a hmel pawh hi rei ka en peih lo, ka haw ngawih ngawih.




"Hetah ei mai ang" ka tih sep chuan a bu nghut a, pawn lama kan ei chuan midangin min en duh leh dawn lutuk, nimin lama thil thleng vang pawh khan hnathawk te hian min sawi neuh neuh tawh tih ka hailo, thil ka ei lai chuan ka taksa chu a zut kual reng a, thil a ei tlem thin hrim hrim nge mawni kei aiin a ei zo hmasa ziah lehnghal a, "Min lo ti buai tawh lo teh, ka ei tha theilo" ka tih deuh hlak chuan a nui suk a, a thiltih lai chu a tawp duh chuang lo hrim hrim.




"Sir" ka ti sep a, "Mike, kan pahnih a kan awm lai chuan Mike tiin min ko thei ang i duh lo a nih chuan duat tih pawh in min ko thei tho bawk" ka ner sak a, teuh lo lutuk, "I mumang a nihchu, khatiang kha chu beisei suh lo law law rawh" ka ti hmak a, a khabe hmul to deuh siar siar chuan ka hmai leh nghawng vel chu a rawn nul kual leh dun dun thin a, nuam pawh ka ti tawh lo, midang an rawn lut thut ang tih te ka hlau a, tang tung in ka awm bawk nen ka thil ei pawh a tui tawh nek love.




"Pawn lamah ka dawhkan hi i sawn thei angem, heta awm reng chu ka tan pawh a nuamlo, midang lah hian ngaihdan diklo tak tak an pu bawk sia, ka rawn thawh na a la reilo a, sawi neuh neuh kai hi ka duh dan a nilo" ka tih chuan a thiltih lai chu a tawp dat a, ka thaw deuh huai mai, min en deuh run chung chuan "Ka bialnu alawm i nih, midang thusawi ah buai suh, boss ber ka nih hi, kei ka awm chhung chuan tumah hian engtin mah an ti ngam lovang che" a ti awlsam then a, eng ang pawn sawi buai mahila awmzia a awm dawn lo tih ka chiang bawk nen ka ngawi ta hmak a.




Hna ban a hun chuan chhuah mai ka tum a, "Ka rual in haw rawh" a rawn ti leh, "Ka thiannu nen kan haw rual mai ang, bakah damdawi in lama tlang nghal ka ngai a" ka tih chuan lungawi loh hmel deuh a min en chung hian "Sawi ngai hi min sawi nawn tur reng lo teh, ka rual in i haw ang" ti hmak in a chhuak nghal nal nal a nih chu, a hnunglam atang chuan rum zetin ka melh zui ram ram a, ka zui chhuak ve nghal vat bawk.




Asangi chuan min lo nghak ran tawh a, "Sir Mike-a rual hian ka haw mai ang aw" ka tih chuan mak a tih hmel deuh na chungin engmah min zawt chiang lo, "Awle, keipawh rawn kal kawi ka duh hrim hrim a, ka lo va kal hmasa mai ang aw" tiin a scooty ah chuan chuang in a tlan chhuak nghal, "Rawn kal la, damdawi in thlen vat i duh chuan" Mike-a chuan a rawn tih sup takah chuan a car dah na lamah chuan kan in zui nghal, hnathawk dang te pawn min hmu leh nual a, min sawi duh leh khawp ang le.




"I u bulah kan chanchin hi sawi i tum em?" A tih chuan lu ka thing a, "Hrelo se ka duh zawk" a rum deuh nghut a, "Hrilh ngei ang che, chuan midang lakah pawh kan in kar hi zep ka tum hauh lo bawk a nia, mi zawng zawng hian nangni ka bialnu i ni tih an hre tur a ni, tu mipa mahin nang hi an hnaih tur che a nilo" a tih chuan ka ner nang a, "Lungngai suh, i ngaih anga luck ka nilo, luck ni ila chu tun thleng hian ka la single lovang" ka ti hmak a, hetiang thil a sawi peih lutuk hi ka ning tawh.




Damdawi in chhung thleng chuan min rawn zui ve zel a, dan duh viau mahila a ti lui tlat sia, ka u hnenah engmah a sawi loh hram ka beisei, ka u awmna cabin chhung ah chuan kan in zui lut a, Asangi te nufa pawh an lo awm a, Nu Mapuii chuan Sir Mike-a chu a lo be vat a, pakhat a lah chuan a lo chhang ve nghut nghut zel bawk, "U vawin lam te enge i an?" tiin ka u bul hnaiah chuan ka va thu a, "Ka tha lutuk, damdawi in atang ka chhuak thei tep tawh ang" a lo tih chuan lungawi lo deuh in ka melh ngar a.




"Chutiang thu chu sawi tawh reng reng suh, a hma pawn ka tha i tia, damdawi in atang kan chhuah hnu lawk ah hetiang hian i awm lehnghal tho hi, tunah chuan i dam chian hma chu damdawi in hi i chhuah san tawh lovang" ka lo ti hmak, "Ni e, damdawi inah hian han awm deuh ren rawn phawt la, doctor in i chhuak thei a tih hma chu chhuah kha tum tawh suh, hetiang reng chuan thil pawi zawk te pawh a thleng ang tih a hlauhawm alawm" tiin Nu Mapuii chu a lo tui hnih ve vat a.




"Nu Mapui ka that tawh em hi, bakah ka nau rilru hah reng reng a dah hi ka duh hleinem, tlem in kan awm hahdam deuh anga, ngai ka awh leh vat mai ang" ka u bawk chuan a lo ti leh zung zung a, engmah sawi tawh lo mahila doctor in a chhuah theih thu a sawi hma loh chu damdawi inah hian a awm reng ang, "Saw saw in boss chu maw?" ka u in Sir Mike-a melh zeuh pah chuan a ti a, "Aw.. nimin lamah khan a rawn kal ve a, hei vawin pawh min rawn zui a nih hi, Sir Mike-a a nih hi aw u" ka ti a.




"A lawmawm hle mai, ka nau hi chu a la puitling tawk lo bawk nen i lo dawh hram hram dawn a nia aw, naupang te nu chung hian keilah hian ka ti buai nasa si a" a ti leh zung zung a, "A fel lutuk alawm, ngaihtuah duh reng reng suh, ka hna pek ang apiang tha takin a thawk thin a nia, nilawm ni?" tiin keichu min rawn en a, ka lo hawi sawn vat, "A nihchu mawle, i ti lawmawm hle mai" ka u chuan a ti leh sap a, doctor a rawn lut a, ka u chu a rawn check leh zuai zuai a, "He damdawi hi zanin atanga a eitur a nia, in lo lei dawn nia" tiin lehkha min pe a.




"Keini pawh kan va haw tawh ange" Nu Mapuii'n a tih chuan "Damdawi lei pah in ka lo thlah ang che u" tiin ka tho chhuak ve nghal vat a, Sir Mike-a chu a thut ngaiin a la thu reng thung, "Nangpawh i haw tawh dawn lo a mi?" ka tih chuan ka u in min lo khap vat, "Ka hmanhmawh lo, in kan theih hun a la zo lo bawk a, ka lo la awm rih ange" a ti a, ngaihtha zan lo chuan ka en a, ka mitmeng ah chuan engkim a hrethiam tih hriat takin a nui suk a, midang hmuh loh tur chuan mit min la siai zeuh zui.




Pawn lamah chuan Asangi te nufa nen kan in zui chhuak a, Nu Mapuii chuan Sir Mike-a chu a fak mawlh mawlh a, Asangi lah chuan a nu hriat lovin min rawn signal leh zeuh zel bawk a, a va han hahthlak mai mai tak aw, pawn thleng chuan Nu Mapuii te chu ka thlah a, damdawi ka lei hnuah hmanhmawh tawk in ka u awm na lam chu ka pan lehnghal, cabin chhung a ka luh chuan ka u in zawhna nei mitmeng hian min en ran a.




"Ka va haw tawh ange, nangni pawh chawl hahdam rawh u, Grace naktuk ah ka rawn lam ang che" tiin Sir Mike-a chu a chhuak nghal nal nal a, a che zia mak ka tih em avang chuan ka en heu ringawt, "Hetah lo kal hnai teh" ka u in a tih chuan zam deuh ti tih hian ka va pan a, Sir Mike-a khan enge a lo hrilh chiah ka hre bawk silo nen ka tim deuh tlat a ni, "In Boss nen khan in chungchang engmah min hrilh silo a, a hma in in lo in hre lawk tawh tihna em ni?" a ti a.




"Enge i sawi awmzia?" ka ti deuh sap, "Mate naupang i ni tawh lova, bialpa nei rual te chu i ni ve tawh alawm, Mike-a khan in in ngaihzawn thu a sawi a, tinge ka lakah i zep reng reng a, mahse mak ka tih zawk tak chu hna i thawh na a la reilo bawk nen engtik atangin nge in in hriat tih zawk hi a ni" a tih leh chuan "A hma in kan in hre tawh alawm, mahse kan boss a ni dawn tih ka hre lawk bik lova" ka tih takah chuan a bu nghat nghat a, ka thusawi chu a awih ve mai a nih hmel.




"Mipa sual a nih ka ringlo, mipa in nghah na tlak tak a nih hmel kha, tun ah chuan ka hahdam ta huai mai, tunlai ah chuan mipa tha hi an vang tawh a nia, chhuah reng reng suh ang che" nui pah a a tih chuan tah khum vak mai ka chak zawk, chhang lovin ka ngawi reng a, damdawi in chaw chu kan ei a, ei tam a har ngar ngar hle, zan mut hmun ah chuan ka ngaihtuah na chu ka kawm mai mai a, ka u erawh a muhil tui hle tawh thung.




Ka phone a rawn rik chuan ka phu zuk a, ka u a harh ang tih hlau lutuk in ka chhang nghal vat a, "Enge zanlai ah te min rawn call a?" zawi te chuan ka ti vin nghal hlar a, "Duati khatiang khan i bialpa te i ve thin em ni?" a rawn ti sup, ka ner sak a, "Ngawi mai teh, bialpa ka nei ngailo tih hre rawh" ka ti hmak a, "Engmaw i sawi?" a rawn tih hmuk rual chuan "Bialpa ka nei ngailo ka ti a nihchu, ka damchhung zawng hian bialpa ka la nei ngailo" ka ti leh a.




"Bialpa i neilo amaw?" a rawn tih leh nghut chuan ka thaw hak a, enge maw chutiang pawh chu min zawh reng ni, "Aw ka nei ngailo, a ninawm enge chupawh chu min zawh nawn reng a?" nin hmel zet chuan ka ti leh, "A nih chuan i tan enge ka nih?" nui sak chungin "Ele ka boss" awlsam te in ka ti a, "Tunah damdawi in kawt ah ka awm mek, ka rawn lut dawn nge i rawn chhuak zawk dawn?" a tih chuan ka phu deuh zuk a, mahse ka in siamtha leh vat, awihawm loh emai, tun ang zanlai dar 12 pelh tawh ah damdawi in kawt ah a awm lul lovang.




"Dawt min hrilh chu tum lo mai teh, tun ang zanlai ah hian damdawi in kawt ah i awm tuman an ring lovang" ka ti leh hram a, "Duati dawt ka sawi lo, helai hmunah hian darkar khat dawn chu ka ding tawh, chuan i rawn chhuak dawn nge ka rawn lut zawk dawn, i duhthlan na a ni e" a nui ri suk chu ka hre reng, a ni hi a awm tak tak amaw ni le, ka ring chiah bawk silo a, "Duati I chhan na ka nghak aw" a rawn ti hnial leh sup a, chil ka lem khawlh.




"Rawn luh an phal dawn chuang lo" ka ti a, a awm tak tak a nih chuan a rawn luh leh theih tho chu ka ring, "Min fish i duh tihna em ni, ka chak zawng tak alawm, tuna atanga reilote ah i hmaah ka ding ang" tiin motor kawngkhar hawng ri chu ka hre zawm zat a, "A ngailo, ka lo chhuak dawn, rawn lut miah suh" ka ti leh hnu hnawh, "A tha alawm, khatiang nia tur kha a ni, min hnial ve tang tang thin hi i sim vat chu a ngai a ni" a tih chuan ka ngei ru hle, mahse in hnial buai leh vel ka peih loh vang chuan phone chu ka off hmak a.




Hmanhmawh takin pawn lamah chuan ka chhuak a, mahse ka hmu miah lo, ka hawi kual vauh vauh lai chuan motor pakhat hian horn a rawn pe vat a, chilam chu ka hawi vat a, motor atang chuan Sir Mike-a a rawn chhuak nghal a, ka lam pana a rawn kal chu ka lo en ran a, "I va han rei em em ve" ka hmazawn a a rawn din rual chuan a ti hmuk a, ka rei awm pawh ka hrelo, "Ka rawn chhuak nghal, engmah ka ti kawi lo, i nghak theilo ve hrim hrim a nihchu" ka lo ti hlak a.




"Duati darkar chuang hetah hian ka nghak tawh che a nia, ka nghak thei i ti zawk ngawt lo maw?" a tih chuan ka ner nang a, "Min nghak rawh ka ti che em, i rawn kal tih pawh ka hre hleinem, bakah enge i rawn tih hrim hrim a, zan a rei tawh tehreng nen" ka tih chuan a rum nghut a, engmah sawi lovin ka kut ah chuan a rawn man a, a motor dah na lamah chuan min kalpui nghal nal nal bawk, a motor hnunglam kawngkhar chu hawng in min la hnawh lut deuh bawk bawk zui a.




"I va han mak thet ṭhawt tak aw, a na ve tho a nia aw" ka tih hlak chuan ka bulah a rawn thu lut ve nghal zat a, "Ka tihpalh" a ka atanga chhuak awm lo tak a rawn chhuah avang chuan ka en hau a, "Engmaw i sawi?" a ka chu a chip deuh hmuk a, sawi leh chu a tum loh hmel ngang mai, "Chuan han sawi leh teh le" a tih chuan a thusawi awmzia ka hriat loh em avang chuan ka en heu a, "Enge sawi tura min duh a?" ka tih chuan ka hmai zawn ah chuan a rawn kun hniam khun a.




"Bialpa i neih loh thu kha han sawi leh teh ka ti a nihchu" ka lei chu ka chhuah tet a, "Sawi rawh le, bialpa chu i neilo amaw?" a tih leh chuan ka ngawi ran a, "Han sawi la, bialpa i neilo a nih chuan keihi i tan enge ka nih, vawin khan kan sawi chiang viau tawh emaw ka tia" a tih leh sup chuan a mitah tak chuan ka en ngar a, a thim bawk nen kan in hmu chiang theilo thung, "Bialpa ka la nei ngailo a, ngaia neih a har alawm, bakah in duh vanga.." ka tih lai mek chuan ka hmui chu a rawn khar chilh a.




Min fawp buan buan a, ka chhang let eih lo thung, a in lak hran hnu chuan ka thaw deuh huai mai, "Hre reng rawh, ka duh vang che in ka bialnu ni turin ka ti che" a ti deuh hmuk a, ka chhang lo, min duh vang a nilo tih ka chiang bawk em a ni, "Min duh vang a nilo tih kan hre ve ve, dawt sawi kher a ngailo a nia" tiin ka thu sawn deuh a, ka banah rawn man in min pawt hnai leh dawrh mai, "Bawihte dawt ka sawi hauh lo, nanghi ka duh che, chuti nilo se ka bula awm turin ka ti hauh lovang che" a ti a.




A thusawi vang chuan ka lai dawn dawn mai alawm mawle, va han zialo tak, tih luih na hmangin a bulah min awm tir a nia, hetianga awm tur ka nilo hrim hrim, ka chunga a thiltih zawng zawng te kha theihnghilh tur ka nilo hrim hrim, a ni hi ka damchhung zawng chuan ka duh tur a nilo hrim hrim, "Ka awih chu ring suh, min duh chu nila tih kya h na hmangin hetiang hian ka chungah i tilo tawp ang" ka ti a, sawi tur a hrelo a niang, a ngawi reng a, ka thusawi kha hnial na tur a neilo reng a ni, thudik a ni miau sia




"Lo kal hnai teh" tin amah hnungchhawn zawng chuan min thut tir in a taksa si chet chuan min pawt hnai nghak salh, "I chunga ka thiltih hi a diklo tih chu ka hria alawm, mahse i thu i duh ve ve ngil ngel em a, hetianga ka tih mai loh te chuan ka bulah engtinge ka awm tir theih ang che ni" a tih chuan "Kei aiin thu i duh zawk a, chuvang alawm tunah pawh I duhdan anga ka awm na chhan" ka ti ve hmak a.




Engmah sawi lovin ka nghawng leh hmai vel chu a nul kual dun dun a, za ka ti chu ka che deuh sek mai, "Awm hle hle rawh" a tih deuh nghut chuan ka ngei hle, "Awm hle hle tura min duh a nihchuan hetiang hian awm tawh suh, a za alawm mawle" ka ti vin hlak a, a chek deuh tlak tlak a, "I thin hi chu a chhe ve a ni, hei vang a nih chiah hi bialpa pawh i neih theih miah loh ni?" a ti khanglang a nih chu, ka tak deuh nawk nawk a.




"Min thlah rawh, ka chhuak dawn" ka tih chuan nui hawk chungin min kuah nghet tha sauh a, "Min thlah rawh ka tih chu, a tlai tawh, naktuk hna kal a la ngai bawk si, meng rei chi ka nilo a nia" ka tih leh chuan "Boss ber ka nih hi, tlai pawh nila ka hrethiam ang che, nangchu" a ti awlsam leh then mai, "Chutiang ngawt pawh a nilo, ka u pawh a lo harh thut thei a, min hmuh loh chuan kak a ti lutuk palh ang, chuvang chuan let vat ka ngai" ka ti leh a, ka rilru tak tak ka sawi bawk.




"A nih chuan min fawp phawt la" a thusawi chu awih lo lutuk in amah chu ka melh mawl tawp ringawt, "A teuh hian a hnai lo ka duh vanga helai hmun a rawn kal pawh ka ni hleinem, min thlah vat rawh" tia talsawn ka tum chuan a phal lo nasa mai, "Min fawh hma chu i kalsawn dawn hauh lo a nia, ka sawi tawh kha min hnial lovin ka thu hi awih mai thin rawh, thil a awlsam zawk tihna a nimai" hepa hi chhut thluk tawp ka va han chak thin tak.




"Ka ning a nia aw, hetiang hian awm reng lo teh, ka ning" ka ti hlak a, "Nin an tur a awmlo, i bialpa ka nih hi, vawikhat chiah min fawh pawh chu a harsa viau em ni?" a tih hluk chuan "Aw harsa" ka lo ti vat a, "A nih chu,em engpawh nise min fawh hma chu i chhuak dawn lo tih hria la, hetia awm tlaivar pawh hi peih tho a nia, ka bialnu thar nen a a dal a hun hman hi ka duh ber a ni reng a ni" a tih chuan ka nui hak a, kan thil duh chu a in ang lo hle mai.


Zawmna



"Sir ka ti tak tak a nia, ka u a lo harh palh ang, ka let leh vat a ngai tih i hriat ve reng kha" ka tal ve nasa lutuk mahse min thlah duh tak mai loh avang chuan tha takin ka ti a, "A nihchuan ka thil duh chu ti hmasa phawt la" tiin a rawn awm hnai a, duh lo eng ang pawh ni ila hepa hian a thil duh ka tih hlawhtlin sak hma loh chu min kal tir mai mai a tum lo tih ka hrechiang tawh hle, hreh ru tak chuan a hmui chu ka en a, ka awm hnai tial tial a, a hmui chu ka va si zawk a, in lak hran lehnghal mai ka tum erawh chuan min lo dang vat thung.




Ka tukhum ah chuan dawm in min fawp deuh ngawng ngawng a, ka chhang let lo, a hma ang bawk in ka lo in dawh mawl leh tawp, in la hrang in hnai zetah chuan kan in melh dun ran a, thim mahse a hmel chu ka hmu chiang thei hle, "Min chhang let ve rawh, Duati min chhang lo chung pawh hian kha i hmui takin zet ngawl kha ka vei tawh, min chhang let turin ka duh che" tiin ka hmui bawk chu a rawn khar chilh leh nghal hmak a, ka hmui a thip zak rual chuan ka ka chhung ah a lei hrawl zet chu a rawn hawl lut nawk nawk a.




Ka lei ka tih chet ve rual chuan a duhthawh zual sauh a, ka thiam ang ang chuan ka fawp let ve ta tan tan mai, hetiang hian hepa lakah ka awm ang tih ka ring pha ngailo, mahse zanin chu min ai kaih tu awm ang maiin a mi fawh na hi nuam ka ti lutuk tlat, ka hnar thei hauh lo bawk, kan in fawh rei tak hnuah phei chuan duhthawh zual sauh sauh in ka kawr chhan ah chuan ka hnute a rawn tham ta salh salh a, ka dang eih lo, mahse ka kawr chhung a a rawn zen lut takah erawh a kut chu ka lo man nghal vat a.




"Duhtawk ang, damdawi in compound chhung a nih hi, midang in min hmu palh ang" dang ro huam chung chuan ka ti a, a ni pawh chuan min ti lui biklo, "In sum a harsa hle mai, heihi hria la, ka in sum rei thei dawn hauh lo a nia" nui suk a tiin ka hmui ah chuan a rawn fawp leh tawk a, "Let tawh rawh, chuan naktuk lamah chuan hmanhmawh a ngailo, ka rawn lam ang che ka tihkha" a tih takah chuan min dang leh ang tih hlau takin kawngka chu ka hawng rawk rawk a, ka chhuak nghal.




Cabin chhunga ka luh chuan ka thaw deuh huai mai, ka u chu mutui tih hriat takin a lo thaw sak sak a, keipawh ka mut na ngaiah chuan ka mu thla ve nghal, mahse ka muhil thei mai lo, nichin a thil thleng zo chiah kha ka ngaihtuah let a, ka hmai te hi a sa hat hat mai, tuman min hmu lo mahse ka lai em em chu a nia, chutih rual in ka in chhir bawk, tih luih na hmangin a bulah min awm tir a, khatianga awm tur kha ka ni miah lo a sin mawle, chutih rual erawh in thiam in chan na lai chin ka nei ve tho bawk.




Zan lamah ka muhil tlai bawk nen ka tho har ngei mai, ka u lahin min lo kai tho duh mai bawk silo a, ka thawh meuh chuan dar 9 a ri tep, hmanhmawh lutuk in ka in tifai a, inah haw na hun ka nei tawh lo bawk nen ka kawr ngai chu ka hak leh mai a ngaih hmel, ka u nen chuan chaw te kan ei dun leh te te a, chawhma chu amah a a lo awm mai a ngaih hmel, Nu Mapuii chhuah na tur a nei bawk nen chawhnu lamah chauh a lo kal thei dawn a, doctor leh nurse te an awm bawk a, ka u chu ka ngaihtuah em em hran lo.




Dar 11 rik dawn ah Sir Mike-a chu a rawn thleng a, ka u reilote a biak hnuah kan in zui chhuak nghal, hotel lama a tlan loh avang chuan mak ti ru zetin a lam chu ka hawi a, "Meeting na tur lam kan pan nghal a nih hi, kan thawhpui thenkhat te nen kan meeting dawn a, kan zawh hnuah hotel lam chu kan pan dawn a nia" s tih tak sup ah chuan engmah ka sawi buai lo, meeting na hmun tur ni a a sawi kan thlen chuan a chhung lamah kan in zui lut vat a, a thawhpui te a ti bawk nen upa lam deuh turah ka ngai kha a nia, mahse a nilo, amah ang rual vel tur vek an lo ni.




An zingah chuan Sir Mike-a chu an boss ber a nih hmel, an hmuh rual rual in an lo chibai a, kei ka kal tel ve chu min lo en duh hlawm hle lehnghal, keimah chiah hmeichhia ka awm bawk nen nuam chu ka ti lem lo hle, meeting chu na tan mawlh mawlh a, engvak mah ka lo ti lo, an thusawi lai chu ngawi rengin ka lo ngaithla a, ka ning lek lek tawh zawk, tinge maw hetiang hmunah hian min hruai ni, hotel lamah lo awm zawk ila ka tangkai daih zawk awm sia.




Meeting an chawlh lawk chhung chuan an in kawm khawm a, a hma ang khan an pui thu em em tawh lo bawk nen tlem in boruak pawh a nuam ta deuh e, "Mike i hmeichhe rawn hruai hi kan va hmu ngailo ve, thawk thar em ni?" Mipa pakhat hmelchhe vak lo chuan a ti a, Sir Mike-a chuan tawngka a chhang lovin a lo buk khum zeuh a, "A va chhelo ve, thiannu keihi Ramsanga ka nia, remchang ah min la chhuah ah pui duh angem?" Chutia zawh na min zawt tawp chu ka beisei loh a ni bawk nen chhan mai nachang pawh ka hrelo.




"Ka tihpalh, bialpa i neilo turah ka ngai ringawt a, ka rin dan hi a dik em?" Tiin min nuih leh suk a, Sir Mike-a ai chuan a nelawm hmel daih zawk, chhan tum a ka ka ka an zuai hman tih ah Sir Mike-a thusawi avang chuan ka chip lehnghal hmak a, "In zavai in hre rawh u, Grace-i hi ka bialnu a ni a, tuman in melh tur a nilo, Ramsang nangpawh tun chauh hi ka hrethiam ang che, a leh pek a awm leh a nih chuan kan thawh ho na hi a tawp nghal angah i ngai thei ang" nelawm mih zet chuan a ti hmuk a.




"Thiana hrethiam rawh, i bialnu a ni tih a hriat loh vang a nihkha, a hrim hrim in i va han in zep thei reng reng ve, bialnu te lah chu i nei chhelo phian a, nanghi chu i mit a fing a ni" an zing a upat ve hmel deuh ber chuan a ti a, tlem in boruak tang deuh ut pawh kha a ziaawm ta deuh, keipawh chu ka in hum ruh nasa hman bawk nen ka hah vek thei alawm, midang pawh chuan Sir Mike-a chu an fiam deuh sap sap a, engah a ngaih vak hmel loh laiin kei erawh in nuam ka tilo em em a, min fak nasa hlawm lutuk chu ka lai vek bawk, ka hnai te hi a sa hut hut a, a tai hlar tawh in ka ring zawk.




Reilote an chawlh leh hnuah meeting chu an chhunzawm leh a, nichin mai a in fiam bawrh bawrh kha chu an ang leh tawh miah lo, Sir Mike-a chu a tawng ve mang lo a, midang thusawi chu a ngaithla a ni ber, keipawh chuan na thusawi te chu ka lo ngaithla ve ran a, an in tawngkam chhuak atang reng reng hian mi fing tak an ni hlawm tih a hria theih loh, an palian in an hmel pawh a chhe lem lo vek a, an mahni tawk ah an luck hlawm ngawt in ka ring, nichin mai kin be tu Ramsanga thusawi lai chu ka ngaithla a, uluk takin a hmel chu ka en dan bawk.




An zingah chuan amah hi a naupang ber maithei a ni, chutih rual erawh in nau ang chhe zawk zawk chu a ni tawh bik lovang, ka thut na a rei tawh bawk nen ka nawng te hi a kham thum tawh mai, Sir Mike-a bulah lo va chhuah ka dil dawn a mawni tia ka ngaihtuah lai chuan a lam chu ka hawi a, keichu uluk lutuk in min lo melh reng chu niin, rang lutuk in ka thu tha a, ka hmalam chu ka en ngar bawk, a hmel atang khan lungawi lohna a nei tih hai rual a ni bawk silo nen chhuah chu dil ngailo chiang tak ka ni, hmalam en a ka thut reng lai chuan Sir Mike-a thil rawn tih avang chuan ka thu khawng nghal awt a.


Cont....


Zankhat dan kan tihkha aw, zawmna nih vangin zaninah ka rawn dah a, naktuk kan awl thung ang..

[Rebec Nunziri]

Chapter-4



Grace Lalthazuali POV



Phawk zetin Sir Mike-a lam chu ka va melh a, a ni lah chuan a thiante chauh chu a lo en a, a thiltih lai chu hrelo awm hmak in zu awm thei nia, ka mal chu a rawn sut chhunzawm reng a, midangin min hmu palh ang tih ka hlau bawk nen ka che deuh sek a, a kut chu ka zuk man sak chawt bawk, min rawn melh in a nui suk a, hmalam chu a hawi leh nghal hmiah bawk, "Duhtawk rawh" ka tih sep pawh chu a hrechiang hle, mahse engah mah a ngai duh lo, ka kawr chhan ah mai pawh nilo ka mal lawng chu a zut tawh a, vawin ni ber kher a kawrfual ka ha chu pawi ka ti ngang mai.




"Che sek suh, tuman an hre dawn lo, khatia i chet sek khan an hre zawk ang" a tih chuan ka che lai pawh ka tawp nghal chawt, "Ka thuawih la engkim a tha vek a nimai ka tih tawh kha" ka beng bulah chuan a rawn phun leh sup a, ngei viau mahila ka che ngam tawh lo, a mi khawih ang ang chuan ka awm mawl ve tawp mai, ka mal a zut na chu a sawn chho zel a, ka thin chu phu nasa tawh tak a ni, ka kekawr bul hak chu a nawr chho zel a, "Khawngaihin duhtawk teh" a kut a man chung chuan ngen deuh ti tih chuan ka ti a, ka mit ah pawh chuan tawp tura ka duh zia chu a hmuh hmaih lo chiang ngawt ang.




"A tha alawm, ka tawp dawn a nih chuan thil pakhat ka phut" a ti a, ka en haw, "Min tih hlawhtlin sak dawn chuan ka tawp ang, a nih loh chuan" tiin ka mal chu a tham leh tawk a, "Awle, engpawh nise ka ti a, mahse i thiltih lai hi tawi phawt rawh" ka ti ta vat a, "A tha alawm, i thuthluk naah ding nghet ang che, pawm loh emaw duh loh tih vel kha ka ngaihdan a ni dawn hauh lo a nia" tiin a kut chu a dahsawn a, ka thaw deuh huai mai, s thiante chu an tawng tui bawk a, kan pahnih a kan in biak na kha tuman an hrelo tih a lang reng bawk, ka kawrfual chu ka siam tha sawk sawk a.




An sawi tur ang te an sawi zawh hnu chuan ka chhuak ta sang sang hlawm a, Sir Mike-a ber a la thut kut avang chuan keipawh ka awmdan ngaiin ka awm reng a, kan pahnih chauh a kan awm hnuah phei chuan thawm chu reh tlawk tlawk tak a ni, "Sir kan la kal ve dawn lo em ni?" ngawi reng a thut tak reng ah chuan ka ti a, "Chumi hma chuan heihi tih hmasak ka duh ang" a rawn che thut a, engtik laiin nge dawhkan chungah min hlan kan pawh ka hrelo, a che rang lutuk chu phawk hraw in ka en a, a khi suk, "Duati" ti sup in min rawn fawh mai a tum a, ka kut in a hmui chu ka lo hup vat, rum nghut in min en ngur a




"A chi loh helai ah chuan, midang an lo lut palh ang" tiin kawngkhar lam chu ka en a, "Lungngai suh tumah an lo lut dawn lo" ka kut dahsawn pah in a ti a, "Mahse" ka ti leh lai chuan "Min dang suh, i thuthluk na kha hre reng rawh" a ti chhum ta hmuk, ka ngawi chiang a sin, duhthawh lutuk in ka hmui ah chuan a rawn fawp buan buan a, ka lo chhang let ve vat, a hma khan chiang deuh in min hrilh tawh, chhang let ziah tawh turin min ti a nihkha, ka hnute chu a rawn tham leh tawn tawn a, ka thaw deuh hak, ngei viau mahila tinge a mi tawh na hi ka dan theih ngai miah loh le, awlsam takin ka danglam nghal zung zung zel bawk si, tunah pawh ka thisen zam ah hian electric kal kual reng angin ka thek deuh chhawk chhawk mai.




"Duati" a aw chu a khur deuh hluk tawh a, a mitmeng a chak na nasa lutuk lang chhuak pawh chu hmuh hmaih chi rual a nilo hrim hrim, ka kawrfual ka kawng lama a rawn nawr tawm rual erawh in ka lo dang vat a, "Hetah chuan nilo" ka ti sep, "Tumah an lo lut dawn lo ka tih tawh kha" tia chet lak leh mai a tum chu ka dang tlat, "Aih, hetah chuan ka duh lo, midang in min hmu palh ang, khawngaihin" tiin ka ngen leh a, a tawi ta chawt, "A tha alawm, hotel lamah let vat teh ang, chuan min dang thei tawh dawn hauh lo bawk tih hria la" ti sup in ka kawrfual chu min siam that sak a.




Hotel lam pan chuan kan tlan mek a, ka thin chu a phu dup dup mai, a ni lah chuan ka zam an te hrelo lek chuan a nui leh suk suk thin a, thil theng tur ka hrechiang a, ka dang thei dawn lo tih lah ka hailo nasa, hotel kan thleng a, ka kut ah kaiin hotel chhung ah chuan min luh pui a, hnathawk te leh midang lo awm ve te chuan min en thup mai, engtin tak min sawi zui leh ang maw, a office chhung ah chuan min luh pui in a buai deuh chang a a riah na thin lamah min luh pui nghal zat bawk, bangah chuan min nawr bet in min fawp leh nghal tawn tawn a, ka taksa chu a zut kual pah chul bawk, min pawm kang lawp in khum ah lam chu min pan pui a, min fawh na chu a thlah hauh lo bawk.




Khumah chuan min mut tir in ka chungah a rawn in nam khalh a, a hmui huh hliam chu ka en a, a landan chu a sexy takzet, a hrawk bawk che ralh ralh chu ka en leh a, mipa a nih zia a ti lang chiang zual nimai hian ka hria, "Tunah chuan min dang thei tawh hauh lovang, thawm engmah a hriat theih loh bawk a, i duhtawk in thawm i siam thei ang" a thusawi khuh tu neilo lutuk avang chuan ka hmai chu a sa nghal hat hat mai, ka kawr chu min phelh sak a, bra leh panty nen chauh chuan a hmaah ka mu thluang ta zarh a, ka taksa hmun tin mai chu hmuh hmaih hlau ang mai hian a en kual dap bawk.




Ka zak lutuk chu ka lo in hup deuh chawih chawih a, "Zah a ngailo, ka hmuh hnu vek a nih hi, chuan i nalh hle bawk" tiin ka nghawng chu a rawn fawp deuh ngawr ngawr a, a awm sawn hnu chuan a fawh na lai chu a en a, a lungawi hmel viau, muangchangin ka panty leh bra pawh chu min phelh sak a, min pawt tho in khumah chuan in hmachhawn in kan thu duh ran mai, a thingthi a ni mah zawk ang chu, "Ka kawr hi phelh tur in ka duh che" a tih chuan ka che ve nghal vat a, a kawrkhilh ka phelh lai te chuan ka awm bawr chu a awn khawih leh thin a, ka lo thaw leh hawk zel, ka sawi tawh kha, min khawih apiang hian ka taksa hi a danglam nghal zung zung zel ka tih tawh kha.




Ka che muang a ti deuh nge a kekawr chu amah in a phelh a, a hmanhmawh bawk a, a kawnghren te chu a in khak ri rak rak mai, ruak ve ve a kan awm hnuah min mut tir leh in kan taksa in sik dan in rem zaih turin min rawn bawh bet a, "Duati he i taksa nel thep ah hian ka lut mai dawn lo, mamawh viau che mahila min ngen hma chu engmah ka tilo ang" tiin ka hnute chu a rawn fawp ngawr ngawr a, a kut chu kan taksa hnuai lam in kar ah chuan a rawlh lut a, mit ka chhing ngawt ngawt a, ka taksa chu a lum pup pup bawk.




Ka mal inkar a a hmai a phum takah chuan ka in sum ve na zawng zawng te kha a puak darh vek nimai hian ka hria, ka rum chhuak ta hak a, Sir Mike-a lah chuan ka awmdan hre duh ni awm tak hian min rawn melh chho kar bawk, "Sir" ka phun sap sap a, a sam chu ka tham ngat ngat bawk, "Enge i duh sawi rawh, a nih loh chuan" tiin min en kar a, "Khawngaihin ka" sawi ka tum a, mahse ka sawi theilo, "Engmaw i duh?" A ti leh, "Khawngaihin" s mit ko chu a san zeuh a, ka mamawh zia a hriat hmaih lo, mahse ka ka ngei a ka sawi chhuah hma loh chu engmah tih a tum lo tih ka chiang, "Ka mamawh che, khawngaihin min nghah tir tawh suh" ka ti a.




Chutah nui suk in a rawn in siam rem a, "I duh chu i hmu ngei ang, i taksa chhung a ka luh lai hian ka mit ah min en tur in ka duh che, tunge ka nih tih chiang takin hria la ka duh" a tih chuan ka bu nghauh nghauh a, a mipat na chuan ka kap bawr vel chu a rawn hawl kual nak nak phawt a, chutah muangchangin a rawn lut zui a, ka thaw hak mai, vawikhat chiah mipa ka la mutpui a chupawh amah hi a ni, tlem in a la na deuh a, "A ka na em?" Ka taksa chhung a a rawn luh dek rual chuan a ti sup a, "Tlem in" ka lo ti sep, "Dim thei ang berin ka che ang" tiin chet a lak zawm a, a chet dan ah chuan min tih nat a hlauh hmel hle bawk.




Ka taksa chu a la pangngai hleithei lo, chutiang bawk in Sir Mike-a pawh chu a la thaw ve hawk hawk tho a, nghet zetin min kuah bawk, "In biak ka duh" ka tih chuan a nui suk a, "Kan in buai rual dawn a nia" lu ka thing a, "I duh chuan va in bual hmasa rawh, ka lo nghak ang che" min thawh pui in min pawm kang deuh nawlh a, "Hun a duh rei mai mai, in bual rual ila hun a hek lo zawk" tiin bathroom ah chuan min luh pui a, a riah chang hian a in bual nghal mai thin bawk nen kan mamawh tur ang chu a awm vek, shower chuan min rawn phuh ser ser a, ka taksa a pangngai dawn tan chuan tih ah min rawn zut kual leh dun dun a.




Kan chhuah meuh chuan ka chau lutuk a ka han bai bai mai, keimah khan in bual ila chu ka reilo zawk ngei ang, hepa hian duhtawk chin a neilo chu a nih hi, hna kan thawh tawh hnuah pawh ka rilru ka pe hleithei lo, ka muthlu nghal zel a, ka chau lutuk, nizan ah ka muhil har bawk nen a awm ve reng mai, "Duati I chau a nihkha, i duh che ah va mu hahdam rawh" Sir Mike-a chuan ka chau tih a lo hrethiam aniang, ka ham bai bai lai chuan a rawn ti a, "A ngailo, heihi kan ti zo phawt ange" tiin laptop ah chuan thil ka chhu lut mawlh mawlh a, mahse ka mut chu a chhuak lutuk ringawt, ka mit te hi a kham deuh urh mai.




"Min hnial lovin mu hahdam ka nimai tur, I chau dawn tih ka hre reng alawm" tia mipa phun sup sup ri chu ka hre vuai vuai a, ka mut a chhuak bawk nen ka meng thei hauh lo, thil dup hian deuh ka deh rual chuan ka thaw leh ta siai siai a, "Ka lo let tawh, nanghian min la theihnghilh lo tih ka hria a nia, ka lakah i la lungawi lo tih chu ka hria alawm, mahse hun tha min pe leh la, hlim takin ka siam ang che" hmeichhe tawng thawm avang chuan ka harh zawk a, khum ah ka lo mu reng tawh chu niin, Sir Mike-a khan min ko sawn ni ngei tur a ni.




"Hriatzual sawi ngai sawi nawn hi ka duh dan a nilo tih i hriat chian kha, chuvang chuan sawi ngai min sawi nawn tir tawh suh, chhuak rawh, nang nen eng in zawmna mah kan neilo" Sir Mike-a aw nelawm loh zet ka hriat rual chuan khum atang ka tho chhuak vat a, "Mike min la duh tih ka hria alawm, ka kalsan vang che khan ka lakah i la lungawi lo tih pawh ka hria, mahse khawngaihin chance min pe leh rawh, nang chauh hi ka duh che tih i hriat kha" kawngka bulah chuan ka ding ran a, chhuah chi a ni em tih ka ngaihtuah mek lai chuan "Bialnu ka nei tawh, nang nen eng in zawmna mah kan nei tawh lo ka tihkha" Sir Mike-a bawk chuan a ti leh a.




"Nilo nang hian min la theihnghilh lo, khatiang zawng kha chuan min hnar tum suh, ka awih chuang lo, khang hun leh chen kha kan in zui tawh a, awlsam takin min theihnghilh dawn lo tih ka hria alawm" hmeichhia chuan a ti leh a, kawngka chu ka hawng phut enge ka hriat pawh ka hrelo, an pahnih chuan min rawn en rual thawt a, hmeichhe chhelo zet mai ka hmuh takah chuan ka ding ngawi ta reng a, "Nangnu kha tunge i nih, engvanga khalai hmun atanga rawn chhuak nge i nih?" Hmeichhia chuan thinrim hmel takin a rawn ti pawt hlar a, "Lalhriatzual, tawngkam vin hmang hlek suh ang che" Sir Mike-a chuan rum deuh ul in a lo ti khap vat a.




"Ka ti buai cheu a nih chuan ka tihpalh a ni, min hrethiam dawn nia" tiin ka dawhkan awm na lam chu ka pan a, "Lo va chhuak rawh, Mike-a nen kan in be mek tih i hmu ve reng a nilawm ni, nung chang mawi pawh hrelo" a tih leh takah chuan ka ngei ve ta deuh a, ka dawhkan lam pawh pan ta lo chuan an din na lam ah chuan in her in chunu chu ka en ngar a, a mitmeng atang hian a nasa ve thawkhat dawn tih a lang chiang reng, mahse chuvang ringawt chuan ka hlauh phah eih lo thung, Sir Mike-a lam chu ka en leh a, keichu uluk zetin min lo en reng tih ka hmuh chuan nuih seih in a bul hnaiah chuan ka va kal hnai a.




"Ka thusawi kha i hrelo em ni, nge nangnu hi I a zawk?" Ka chhuah mai loh avang chuan s thinrim hmel tawh hle, "Chhuak tur an awm a nih chuan kei ni lovin nanghi i ni, i hriat angin Sir Mike-a hian a lawm lem lo che, chuan helai hmuh hi ka hnathawh na hmun a ni a, nang hian min chhuah tir theih na tur in ka boss i nilo bawk" ka ti ve ta sak a, a tirah khan hawih hawm takin chhuak turin min ti nise hetiang hian ka awm kher a ngailo mai tur a nia, "Enga, nanghi eng angah nge i in ngaih a, Mike-a bialnu ka nih hi" Sir Mike-a chu a rum nghal nghut a, ka nuih seih thung.




"A bialnu chu i ni chiang amaw, ka ring chiah lo, nang ni lovin keihi a bialnu chu ka ni" phawk zetin min rawn en a, "Enge nanghi?" Mak a tih lutuk vang nge mawni a tawng lai chu a tawp deuh chawt a, "Aw.. i hriat ang chiah kha a ni e, keihi Mike-a bialnu ka ni, ka bialpa bialnu anga i in sawi ve ringawt avang hian ka lawm hauh lo tih hre bawk la, ching tam suh ang che" nuih sang chung chuan ka ti a, huat hmel zetin min en na chu engah mah ka ngailo tih lan tir nan a mitah tak chuan ka melh leh ve kar bawk, "Eng angah nge i in ngaih a, nang hian keihi min tluk theih i ring em ni?" A ti leh.




Lu chu ka thing deuh na na a, "Ka damchhung zawng hian nanghi tluk che ka tum ngai lovang, tluk che tum na chhan tur pakhat mah ka nei hleinem, kawng tam tak ah ka tluk loh ang chiah che in kawng tak tak ah nang hian min tluk loh na i nei bawk ang, chuchu sawi ngai lova chiang sa reng pawh a ni" min ben hrep a chak tawh takzet tih ka hailo, Sir Mike-a lah chu a ngawi reng bawk si, ka ngei ru tak tak a ni, eng emaw tal a sawi ve dawn emaw ka tia, nge nia hetianga ka awm vang hian a thinrim zawk ni, a bialnu hlui tih an tawng danah khan ka chiang a, a ni hian a lo la theihnghilh lo tak tak pawh a ni mahna.




"Mike-a tan hmeichhe hmasa ber ka nih hi, nang enge i nih ve, enga tan mah nang ang hmeichhia hi a tilo tawp ang che, a nawmchen nan bak a hmang lo che tih a hriat reng, nilo se i bul hnaiah hian a awm duh hauh lovang" ka in hum ruh nghek a, chhan ka duh mahse chhan dan tur mai ka hrelo, a chhan chu a thusawi chu s dik miau sia lawm, "Lalhriatzual ngawi hmak rawh, Grace-i hi ka bialnu a ni a, a nilo hmeichhe dang tumah duh ka nei hauh lo bawk, chuchu theihnghilh suh ang che, chuan i chhuak thei ang, i hmuh ang hian kan pahnih chauh a hun hman ka duh" Sir Mike-a zawk chuan a rawn ti ta hlauh a.




"Mike" rilru nat hmel takin Hriatzuali a tih nu chuan a ti tiau a, a in la no vel lutuk chu ka lo ei lo leh hman hle, hmeichhe no hi chu an awm mahse in la no chawp hi chu ka ngaithei thlawt lo, "Mike, ka taksa hi a na deuh thum mai, min hmet rawh aw" no deuh chuan ka tawng lui ve kher a, chunu lah chuan thinrim hmel zetin min lo en ve reng a, Sir Mike-a chuan min rawn un chhuk run in a khi ta sak a, "Ka che na deuh em ni?" Ka beng bulah chuan a rawn phun sup a, Hriatzuali chuan a hria tih hlau takin ka nghawk ru zeuh, "Ka la beidawng dawn chuang lo, Mike nanghi keima ta chauh i ni" tiin a tlan chhuak ta nal nal a.




"I bialnu chu a chhiat loh reuh kha" kawngka lam em pah chuan ka phun sap a, "Ka bialnu a nilo, nanghi ka bialnu chu j ni, chuchu nangpawh hian nichin lawk khan i sawi in ka hria" tiin ka kawng ah chuan a rawn kuah a, lei ka chhuah zeuh a, "Ka thusawi kha chu i theihnghilh hmak thei ang, khanu kha chhuak turin i duh hmel bawk nen ka rawn pui mai che a nih kha" tiin ka dawhkan lam pan mai ka tum chu ama dawhkan zawk ah chuan min hlang nawlh a, a ban pahnih chuan min khuap nghal run bawk nen ka thu mu deuh ti tih a.




"I mu rei hle mai, chuan i chau viau em ni?" A tih chuan lu ka thing a, "Ka tha tawh, ka mu hnem bawk nen ka tha vek tawh, khawi kalsawn rawh, ka thil tih zawh loh kha ka va ti zo lawk ang" ka tih chuan a nui a, "Kha thil kha chu buaipui duh tawh suh, midang ti turin ka tir tawh, chuan couch ah sawn lo va thu rawh, ka lo hmel ang che" a thusawi chu ka hre sual emaw ka ti zawk hial, chhang lovin amah chu ka en reng a, "Duati ka thusawi chu i hria em?" Ka en reng vang chuan ka hmai chu a rawn chul zeuh a, ka lo en reng chu niin.




"A ngailo ka ti mai mai a nihkha, hna chu ka va thawk zawk ang" tiin a awm ah chuan ka nam a, dawhkan atang chuan ka chhuk thla a, kalsawn mai ka tum chu min rawn pawm kang leh nawlh, "Ka thusawi hi awih ve nghal mai thin ka ni tur a nia, i taksa a na tih ka hai hleinem, lo che sawn suh, cream ka va la lawk ang" tiin couch ah chuan min thut tir a, a rawn let leh hnuah ka dar chu min hmeh sak a, ka rin ai daih in mi hmeh pawh a thiam, harh chiah mahila ka chhing lehnghal duar duar mai.


Zawmna



Mike-a bialnu anga ka awm atangin karkhat lai a liam ve leh tawh, ka u pawh damdawi in atang a chhuak fel tawh a, a hrisel na a pan bawk nen doctor pawh hahdam turin a chah nasa hle, keiin hna tha tak ka nei tawh bawk nen eng ang pawn hnathawh tum mahse ka phal dawn lo hi a ni tawp, Mike-a lah chu zantin rawn len a tum thin a, ka la hnial ve tang tang, diktak chuan a bialnu anga awm mai hi harsa ka ti, a chhelo in hmeichhe tamtak duh rawn a ni tih pawh ka hre teh na meuh mai, mahse kan in zawmna leh min vo vanga hetiang hian ka awm tih ka hai der thei tlat lo a ni.




Chaw kan ei kham hnu deuh ah kan kawngka chu a rawn ri a, hawng turin ka tho vat, Asangi bak a nih ka ringlo, "Zanin chu i rawn leng hman dawn lo emaw ka tia" kawngka ka hawn pah chuan ka ti a, mahse ka mi hmuh avang chuan ka nui lai chu ka tawp nghal chawt, Mike-a zawk chu lo niin, "Enge i rawn tih dawn a?" Ka ti haw a, "Ka bialnu ka rawn rim dawn a nih hi" tiin min nuih suk, "Engmah i sawi lawk bawk silo" ka ti leh a, ka u hriat a mipa in leng neih hi puitling ve uaih tawh siin ka la tum tlat nia, a chhan pakhat a ka ngaih chu amah hian in leng hi a neih zen zen loh vanga ka ngai.




"Pawn ah hian min din tur reng i tum nge min luh tir dawn" a tih leh takah chuan hreh ru zetin ka awm sawn a, a ni lah chu zah hre map lovin a rawn pen lut nghal, ka u in a hmuh chuan a lo be vat a, ka bialpa a ni tih a hre bawk a, a lo ve tha khawp mai, Mike-a lah chu ka u hriat ah mipa tha ber awm angin a awm vel a, ka ngei tak tak a ni, ngawi rengin ka u bulah chuan ka thu a, min rawn melh leh zawk thin pawh chu ka hmu reng, ka melh let ve duh thak lo thung, "Mate ka lo va mu hmasa ange aw, vawin chu thenawm te inah ka leng nileng a, ka chau riau, Mike ka nau nen hian in lo in kawm dawn nia, ka mut san phawt ang cheu" ka u in a tih takah chuan Mike-a pawh chuan a lo mangtha vat a, ka u ka ngei ber tum a ni hial ang, tun ang ah a la mu ngailo hrim hrim, Mike-a nen hun thawk min pek a tum vang tih ka hailo nasa.




"In in chu a nawm reuh hi" tiin a hawi kual a, engmah hmuh tur a awm bawk silo nen nuam ka tilo hle, "I lo leng dawn tih te chu min hrilh hmasak ve tal tur che a nia, i rawn lang thut bawk sia" lungawi lo ru tak chuan ka ti a, min chhang lovin ka bulah chuan a rawn thu hnai a, "Duati ka lo leng dawn tih vawi tam ka sawi tawh alawm, mahse min hnar zel si a, puitling kan nih tawh hi, a ruk a in zui rual kan ni tawh lo" ka bula rawn thut thlak pah chuan a ti hluk a, "A ruk a in ngaihzawn lam ka sawi lo, ka u ka hmai zah alawm" ka ti leh, "Kan in ngaizawng tih a hre tho alawm" a lo ti awlsam leh then, tawh duh lo viau anga lang si hian ka hnial chhung chu min hnial peih.




"Naktuk ah ka zin a ngai dawn a" a tih chuan a lam chu ka hawi vat a, "Khawiah nge i zin dawn?" Ka ti vat a, "Champhai ah ka nu leh pa te an awm a, ka tlawh lawk dawn, i lo kal ve duh em?" Rang lutuk in lu chu ka thing a, ka duh deuh lo mai, "Nangmah in kal rawh, keichu helam ah ka tangkai zawk ang, tluang deuh in i kal dawn nia" ka ti zung zung a, diktak chuan nuam ka ti ru hle, kan pahnih a kan awmdun apiang hian eng in emaw min mawlh tlat zel a, hahdam takin ka awm thei ngailo, a cham rei emaw cham reilo pawh nise hun reilote chhung tal a tello a hahdam taka ka awm thei tur chu ka phur hle.





"I va hlim hmel ve ka zin tur chu" lungawi loh hmel tak chuan a rawn ti chhum hmuk a, a lam ka hawi chuan min lo en run mai, "Chutiang lam pawh a nilo, i chhungte i tlawh dawn a, kawng a thui bawk nen tluang taka kal tur in ka chah mai che a nihkha" ka ti a, ka thusawi chu a awih hmel lem loh, "Ka cham rei lovang, nihnih chiah ka awm ang, chuan mipa dang tumah lo hnaih suh ang che, i hnaih tih ka hriat chuan thil tha tak a thleng dawn lo tih i hriat chian ka ring" ka meng kual ralh a, tu mipa nge hnaih turah min ngaih thin ni, "Ka hria khatiang kha sawi reng tawh suh, ka ning" ka ti hlak a.




"Pawn thleng min thlah la" ti thut in a ding chhuak hluai a, dan pawh ka tum lem lo, kawngka lamah chuan kan in zui a, "A nih mangtha aw, motor khalh fimkhur la, tunlai ah accident a tam bawk sia" ka ti duah a, "Ni mai love, motor ah sawn i thil tur ka dah a, min rawn zui rawh, chuan hetia awlsam taka ka let chu ring suh" tiin ka chhang let hman hma chuan a morur dah na lam pan chuan min kai phei dawr dawr a, motor hnunglam kawngkhar chu a hawng a, lut turin min hrilh zui sup bawk, hnial duh lem lovin ka lut ve mai bawk a, a rawn thut luh ve hnu chuan min pawm kang in a mal chung ah chuan min thut tir a.




"Ka ngai dawn hle mai che" a tih chuan ka nui suk a, "Over viau suh, nihnih chiah a nih chu i cham dawn, min ngai hman tak tak lovang" ka tih chuan rum nghut in ka beng chu a rawn seh zeuh a, "Duati ka bul hnai a i awm loh hlek chuan ka ngai thin hle che tih theihnghilh suh, hetiang hian ka la awm ngailo, hmeichhe tam tak ka lo hnaih ve tawh, nang tluk a min ti buai tu hi ka la tawng ngailo, ka lakah hian sawi i hmang emaw tih mai turin ka thlahlel reng che a nia" a tih chuan ka in siam chhe nasa hle, khawi a sawi mah va hmang suh, a bul hnai a ka awm loh nan theihtawp tak meuh meuh ka chhuah chu a nihkha mawle.




"I bialnu kha a lo let tawh tho si a, keihi min kaltir i tum miah lo em ni?" Tiin ka rilru a awm ru reng chu ka zawt thut a, "Duati nanghi ka bialnu chu i ni, chuchu hre reng rawh, a ni kha chu ka hun kal tawh a mi a nihkha, eng in zawmna mah kan nei tawh lo" a tih nghut chuan engmah ka sawi tawh biklo, ngawi reng a kan awm tak hnu ah chuan ka taksa chu a awn zut kual dun dun a, "Khawi teh awm tha rawh, a hun lo emai" ka kawr chhan a ka hnute a rawn hum rual chuan ka ti a, "Tumah an awm loh bakah motor chhung hi tuman an rawn hmu tlang thei lo bawk, lungngai suh" a ti a, ka hnute chu a tham nghal tawn tawn bawk.




Chutia ka taksa a khawih reng takah chuan keipawh ka diklo tan a, ka sawi fo tawh ang khan min khawih tawh hi chuan ka danglam zung zung zel zawng a nih hi, dan chu tum ve thin sateh mahila ka thei ngai biklo, amah mamawh lo theilo hian min siam thin ka ti mai, ka kawr chhan mai a khawih chu duhtawk lovin ka kawr chhung ah chuan a kut chu a rawn zen lut a, a kut khing khat in ka lu chu rawn dawm in hnunglam chu min hawi tur in ka hmui ah a rawn fawp nghal tawn tawn bawk.




Duhthawh lutuk a kan in fawh lai chuan pawn lamah thawm ka hriat avangin ka tawp deuh chawt, nutling pahnih tawng thawm a ni a, pakhat zawk aw chu ka hrechiang bawk a, hlauhthawn na chuan ka khat nghal, kan veng a nu tawngthei ber tia an sawi a ni miau a, motor chhung ah mipa nen kan awm dun tur a hriat chhuah vaih chuan naktuk zing khua lo var se kan veng chhung a mi zawng zawng in an hre nghal vek dawn tih lah ka hailo, Mike-a tawng tum a a ang zuai lai chu a hmui ah ka hup bet chawt a, an kalsawn hma chu ka che sawn ngam tawh lo hrim hrim.




"An kalsawn tawh" a hmui ka hup na rawn dah dawn pah chuan a ti sup a, ka beng leh nghawng vel chu a fawp kual lehnghal dan dan bawk, "Duhtawk ang, a pawn lang bawk si a, midang in kan awmdun tih an hriat chuan kan mualpho dawn a nia" tiin ka tal a, "Tuman an hre dawn lo, Duati naktuk maiah ka zin tawh dawn, chumi hma chuan awlsam takin ka kalsan theilo che, min hriat chian kha" a tih chuan ka thaw deuh hak a, "Mike hriatthiam tum teh, hun a la tam alawm, tunah chuan ni rih lo e" tiin ka nam sawn leh deuh a, a mal chung atang chuan ka chhuk thla nghal vat bawk.




"Lo chhuak suh ang che" ti sup in seat hma lamah chuan a in sawn a, enge a tih dawn ka lo ngaichang ve ran, motor a tih nun takah chuan "Heii enge i tih dawn?" Ka ti vat a, a tlan chhuak fel der tawh, "Lungngai suh kan kal hla lovang, chuan hun rei a ngai dawn lo bawk" tiin darthlalang atang chuan min rawn en zeuh a, "I mak emai, ka u a mu tawh bawk si, hetia kalsawn ringawt chu thil tih chi a nilo" ka ti a, "Kan kal hla lovang, chuan lungngai suh, i u chungah chuan engmah a thleng dawn lo, ka nau pakhat in pawn lamah a veng reng alawm" a ti leh a, tawng leh in awmzia a awm dawn lo tih ka hrechiang bawk nen ka ngawi ta kar a.

...



"Grace thu thang kha i hre ve tawh em?" Asangi chu ka hnathawh naah hmanhmawh tak chuan a rawn tlan lut a, "Engmaw?" Ka lo ti haw, a hah bawk aniang min chhang lawk micin a thaw hlawi hlawi a, tui ka lo pe vat, a in zui khawlh khawlh hnuah "Sir Mike-a leh Hriatzuali an in nei dawn tih hi mawle, vawin lamah an chhungte ve ve pawh an in hmu khawm a nih hmel, hei an thalak pawh social media ah hmuh tur a tam alawm, Hriatzuali an tih nu hi i hre hrim hrim em?" A tih chuan lu ka thing a, hmuh chu ka hmu tawh nei a, mahse tunge a nih chuan ka hre hauh lo, Mike-a bialnu a ni tih bak chu.




"Pu Thanpuia IAS fanu a nia, an chhungkua hi thiltih thei tak an ni, chhungkaw hung leh hausa tak an ni bawk nen Ziram nupui te chuan an hre viau a sin, Sir Mike-a nen hian an in zui ve thin a, keipawn ka hre thui em em lo, mahse mak ka tih zawk tak chu Sir nen hian in in ngaizawng mek sia" a tih chuan ka ngawi reng a, "Sir huan a bum che tih na a ni em?" A rawn tih leh chuan "A.. i rin ang kha kan in kar ah a awm lo hrim hrim alawm" ka ti sep a, "Enge awmzia, chiang deuh in min han hrilh teh, hotel a hnathawk ho zawng zawng hian in in ngaizawng tih kan hre vek a, chutiang thu nangin I sawi leh tak daih a, in in then thu engmah min hrilh bawk silo a" mak tih hmel zet chuan a ti a.




Thudik hrilh vek chu pawi ka ti lo, ka thiantha ber a ni a, ka mualpho na tur thil tu hnenah mah a sawi dawn lo tih ka chiang, Mike-a nen kan in hriat tan dan te leh tun hnua thil thleng zawng zawng chu ka hrilh fai ta vek a, "Chutiang thil i chungah a thleng tih ka lo hrelo a, a pawi emai" a ti vawng vawng a, "Min dem viau em, pawisa vangin ka thianghlim na hian ka hralh si a, ka thiltih sual in min um zui mek chu a nih hi" za lo deuh chuan ka nui a, "Teuh lo mai, i rawn ang hi tawng ve ta ila i tih ang tho hian ka ti a, ka dem reng reng lo che, mahse Sir Mike-a lak atang hian in veng la ka duh, tunah phei chuan nupui hual a nei tawh si a" a tih chuan ka bu nghat a.




Asangi a let leh hnu chuan ka thil khawih laiah pawh chuan rilru ka pe thei tawh lo, nupui a neih dawn tho te chuan engvanga a bialnu anga min awmtir tum tlat nge maw a nih le, hrim hrim in ka lalak a zep thei tirah a ngai nge min ngai a viau zawk, ka chunga a thiltih zawng zawng ka ngaihtuah let a, thinrim na chuan min rawn tuam hlup hlup a, ka phone a rawn ri a, amah a la ni zui, ka la lo chiang a sin, ka ring ral tir thak a, a rawn tih nawn reng takah phei chuan silent chu duhtawk mai lovin ka phone chu ka switch off ta hmak a, eng ang pawn lungawi lo mai mai rawh se, ka laka a chet danah ka lungawi lo fe zawk tih hre ve tawh se.




A tuk lama hna ka kal chu hotel chhung ka lut chiah tih in hnathawk ho chuan min en in an in hrilh su sup sup a, min sawi dan tur pawh ka ngaih ruat thiam nghal vek bawk, hrelo der hmak in Mike-a office lam chu ka pan a, office chhungah ka lut chiah tih chuan Mike-a a chair a lo thu run nen chuan kan in melh ta siah a, vawin lamah a lo haw dawn chauh emaw tia, hmuh ka in beisei lo bawk nen ka en mawl tawp a, a thut na atanga rawn ding chhuak in ka lam chu a rawn pan hnai a, a hmel chu a dur deuh khup bawk.




"Engvanga ka phone chhang duh lo nge i nih?" Tiin ka darah chuan rawn man a rual a, min thing deuh nek bawk, "Min thlah teh a na a nia" tiin ka kut a vawn na chu ka melh zeuh a, rum hrawk chungin min thlah ve mai bawk, "Chuan engvangin maw ka call chu i chhan loh?" Min la din hnaih hle a, "Ka buai a ka chhang hman lo che a nihkha, vawin lamah I lo haw dawn emaw tia?" Tiin ka en kar a, "Min ti mangang alawm, ka call i chhang thei silo a, i chungah thil ṭhalo a thleng emaw tiin zan la la in ka rawn haw nghal a nih hi" a tih chuan ka nui hak a.




"Ka tha tih i hre tawh alawm, engmah buai na ka neilo, chuan hnathawh tur a awm nual a, nimin lamah khan ka buai bawk nen ka thawk zo lova, ka va chhunzawm ange" tiin ka kalsawn a, ka awmdan chu mak a ti ve hle ang chu, a lakah lungawi lovin thinrim viau mahila engmah sawi chhuah ka tum lo, chuan a hma ang khan awm mai mai ka tum tawh lo bawk, nupui hual a nei ta bawk a, keichu min mamawh teh chiam in ka ring tawh lo hrim hrim, hna chu ka thawk zawm mawlh mawlh a, a lam chu vawikhat te mah melh pawh ka melh lo, a ni erawh in min en zui reng tih ka hailo chiang viau thung.




"Min lo ngai em?" A rawn ti sup chuan a lam chu ka melh zeuh a, "Ngaih chhan tur che ka nei em ni, i zin na chu a nuam bawk maw?" Ka ti let ve kher a, "I danglam riau in ka hria, min lo ngai viau tawh zawk nge?" Ka nui hak a, i ngaihtuah na vak vel a nih hmchu tih chiam mai a nia ka duh ni, "Thil ei a hun tawh a nia, i hnathawh lai kha chu dah rih rawh, eitur ka chah anga kan ei phawt dawn nia" a tih chuan ka ding chhuak vat a, "Vawin chu Asangi en ei dun kan lo tum tawh , nangmah in i lo ei mai dawn nia" tiin kawngka lam chu ka pan vat a, ka hawn hma chuan min pawt her nawk in bang ah chuan min nawr bet a, ka chet dan avang chuan a lawm loh hmel hle bawk.

Cont....

Karleh lam atang chuan kan regu ve thei deuh tawh turah ngai ila, comment leh click hi a chhe riau a, a that loh chuan kan regu chuang lovang...

[Rebec Nunziri]

Chapter-5



Grace Lalthazuali POV



"Enge i hriat a, min thlah vat teh" ka tih hlak chuan hnai zet a min en ngur in "Enge i hriat zawk, engvanga in lak hran tum tlat nge i nih?" Engtinge chutiang thu chu min la zawh ngam zawk ni, "Nupui hual I nei chu ka lawmpui khawp mai che, nupa hlim tak in nih ngei ka beisei" ka tih chuan a hriatthiam loh hmel hle, hah.. lemchan thiam lutuk, mahse min bum mai mai tawp lovang, "I thusawi awmzia ka hrelo" a ti ta reng a, "Sir, mi zawng zawng hian nupui hual i nei tih an hre vek a, hriat loh der a ngai kher lo a nia, chuan nupui i neih dawn tak si ah chuan kan in kar hi chu a tawp angah ka ngai a nia, tun atang chuan boss leh a hnathawk chhawr lai angin in en tawh ang" ka ti va fak a.




"I sawi awmzia ka hre hauh lo, tlang takin sawi rawh" a tih hrawk chuan "Lem chan kha bansan zawk rawh, Champhai a i kal chhan pawh i nupui tur chhungte nen in biak rem na in neih dawn vang a nilawm ni, nupa ni mai rawh tur in kar ah tlak zeh hi ka duhdan a ni hauh lo, chuvang chuan kan in kar chu ti hian tawp rawh se" ka ti a, "Ngawi hmak rawh, nupui hual ka nei hauh lo, chuan kan in kar tih tawp lam kha che ngaihtuah pawh ngaihtuah tawh suh ang che, nanghi then tum na che rilru vawikhat mah ka la pu lo" a ti nghet charh a.




"Dawt sawi tawh suh, social media ah engkim an post chuai chuai a, i nupui tur ngei pawh in a post bawk kha, khatiang chung khan dawt sawi kher a ngai tawh lo a nia" ka ti leh a, "Duati social media ka khawih ngai lem lo, chuvang chuan thu thang pawh ka lo hre hauh lo, nupui hual, tunge ka nupui hual pawh ka hre hauh hleinem, ka hriat miah lovin nupui hual min lo neih tir ringawt a, lawm tur nge thinrim tur pawh ka hrethiam dawn hleinem mawle" tiin a nui a, ka nuih a za ve hauh lo, a thusawi hi rin tur a ni em tih lah ka hre hek lo, mahse a thusawi dan ah hi chuan dawt a sawi hmel bawk siloh a, chuti chung chuan a thusawi zawng zawng lem diak diak erawh ka tum hauh lo thung.




"Engpawh nise in ngaihtuah that ka duh, hnathawk ho zawng zawng hian nupui hual i neih thu an sawi luai luai a, kei ngei pawh hi min nuihzat a sin, hetiang hi keichuan ka tuar peih lo, ka hna hi ka mamawh zia i hriat kha, nangmah vanga harsat na neih hi ka duhdan a ni hauh lo a nia, ka boss i ni tih chu ka hria, mahse chumi vang ringawt chuan ka chungah i duh duh dan in i che thei tihna a nilo a nia" thinrim in ka sawi tawh biklo, nupui hual a neih vangin ka thinrim a, ka thik vanga thinrim erawh ka ni hauh lo thung, amah vangin mi sawi sep ka kai na ber zawk leh mi in kar a in rawlh ang mai a ka in ngaih na avanga thinrim ka ni zawk mah.




"A tha alawm, mahse kan in kar tih tawp lam kha chu ngaihtuah pawh ngaihtuah tawh suh ang che, tu hmeichhe dang nen mah in zawmna ka nei lova neih lah ka tum hek lo, i bulah hian ka hlim a, ka lungawi tawh viau bawk, midang thusawi awih diak diak lovin ka thusawi te ngaithla hmasa thin tawh la, buai na a tlem tihna a nimai" tiin ka sam in ka hmai a zar na chu a hui kiang a, "Min thlah tawh teh, pawn ka ah boruak thianghlim hip ka duh" ka tih chuan tha deuh in min thlah ve mai a, office atang chuan ka chhuak ve nghal zat bawk.




Kal na ber tur pawh ka hre chuang lo, thlakhat dawn chu ka thawk ve tawh a, mahse hotel hi ka la fang kual lo hrim hrim, let har pawh ni ila min hriatthiam tho ka rin avang chuan hotel chu ka dang kual a, a pawn lam atang pawn a lian tha bawk a, chhunglam phei chu changkang tak a ni, a chung ber atang chuan ka kal a, a hnuai ber a ka chhuk thlak chuan Asangi hnathawh na lam chu ka pan vat, "Enge i rawn tih dawn a, chhun thil ei chu i hman tawh em ni?" A bul ka thlen rual rual chuan ka ti a, "Aw.. i la buai deuh chuan ka nghak thei che a nia" ka ti a, reilote nghak tura min tih avangin a bulah chuan ka awm ve ta reng a.




Mike-a khan chhun thil ei a ti hma deuh bawk nen ka kal kual hrep hnuah thil ei a hun ve chiah zawk, "Ka hman e, kal ila, mahse let leh vat ka ngai dawn a nia, Thanthani hi chhawk leh vat ka ngai dawn a" a tih takah chuan hotel atangin kan chhuak vat a, "Sir Mike-a a lo haw tih ka lo hre miah lova, enge in chanchin, i zawt fiah ta em?" A tih chuan thil thlen dan te chu ka hrilh ve sap sap a, "Ka rin dan reng a ni" a ti teh daih a, "Engmaw?" Ka tih chuan "Sir Mike-a hian nupui hual a neih ka ring lo hrim hrim, khatiang thu thang te kha dawt bak a nih ka ring lo sa hrim hrim alawm" a tih leh chuan ka ner nang a, a tirah te kha chuan a awih ve em tho kha mawle.




"A tirah te kha chuan min thinrim pui ve em kha" ka tih hlak chuan a nui uar uar a, "Ka thiannu i nia, ka thinrim pui che alawm, ka awih tak tak tihna a ni chuang hleinem" a ti leh zuah zuah a, engmah pawh ka sawi peih tawh lo, a hmanhmawh bawk nen thil kan ei zawh ah kan let leh vat, keipawh awm mai mai thei ka nilo bawk nen Mike-a office lamah chuan ka kal ve nghal vat a, kik lem lovin kawngka chu ka hawng tawp a, mahse ka mi hmuh avang chuan ka lut tur chu ka tawp chawt, kha hmeichhia bawk kha a ni, Hriatzuali kha in hnaih takin Mike-a nen chuan an lo awm dun a, kalsawn leh mai tur nge pawh ka hrelo.




"Nung chang mawi I va hrelo ve, engvangin nge i boss office ah kawngka kik miah lova i rawn luh ngawt?" A rawn ti nghal hlar a, "Lalhriatzual ngawi hmak rawh, Duati khata ding reng lo khan hetah lo kal hnai teh" tiin Mike-a chuan a bula kal turin min mit mei zui zeuh a, ka pan ve nghal vat, "Chuan nanghi ka nupui i nilo tih mi zawng zawng hriat ah sawi bawk ang che, khatiang thudik lo lutuk kha theh darh tawh reng reng suh ang che, bialnu ka nei a, nupui ka nei dawn a nih chuan ka bialnu Grace Lalthazuali ngei hi ka nei ang, nang ni lovin" Mike-a chuan ka dar a min rawn kuah pah in a ti hluk a.




"I hriat kha, i chhungte zawng zawng in i nupui ni turin min duh vek, kan tleirawl tirh atang tawh in kan in zui tawh a, in nei mai tawh turah min ngai vek bawk, chuvang chuan min hnar tum tawh suh" Hriatzuali chuan a ti a, "Nang nen kan in kar a tawp tawh tih an hriat loh vang chauh a ni, hetiang a nih tak si ah chuan kan in kar chu kum 2 liam taah khan a tawp tawh thu ka sawi mai a ngaih hmel, nanghi duh na che chhete mah ka neilo, chuvang chuan ka bialnu nen kan in kar tih buai i tum kha chu bansan hmak ang che, kan in kar ti buai tur em chuan engmah I nilo" a aw chhuak ah chuan a ngaihnep zia a hriat reng mai.




"Engtinnge hetiang em em hian i in thlak danglam theih zawk a, a hma te kha chuan min duh thin em kha, ka kalsan vang che kha em ni, ka duh vang reng a nilo a sin, min lo nghak turin ka tih che kha, tunah pawh hian kei min tih nat i duh vang mai mai in he hmeichhia hi i hnaih tih ka hria alawm, chu..." Mike-a chu a lo nui hawk a, "Hriatzual i in ngai hlu mah mah lo maw, nang vang mai mai hian hmeichhe dang ka hnaih ngai hauh lovang, chuan ka duh ang ah che i in ngaih na hi ti tawp ang che, nanghi duh na che chhete mah ka nei tawh lo ka tihkha, hun liam tawh a ni a, liam tir mai mai rawh" a ti leh mai a.




"Chuan ka bialnu nen hian hun thawl min pe tawh dawn em ni, nizan lamah ka bialnu ka ngaih vangin zan khua in motor ka khalh a, ka chau viau bawk" tiin keichu min rawn en a, Hriatzuali chu en pawh a en tawh lo, Hriatzuali pawh chuan engmah tih theih a neilo tih a hrechiang bawk a niang chu, a chhuak tau ta nghawng nghawng a, "I lungawi tawh em, ka nupui hual a nilo ka tih tawh kha, chuan midang thusawi te awlsam takin awm tawh lo bawk la" tiin ka chal ah chuan a rawn fawp zeuh a, sawi tur reng reng ka hrelo, tun a a awmdan ah hi chuan min duh ve tak tak te pawh a ang alawm.




"Chuan ka chau ka tih kha dawt ka sawi hauh lo a nia, nangmah vangin nizan zankhua in motor ka rawn khalh haw a, duat chu ka phu ve i tilo em ni?" A ti leh sup a, "I chauh te chuan engvangin nge hnaah te i rawn kal, inah awm la hahdam mai mai zawk ta che" ka ti a, "Duati ka ngai che ka tih tawh kha, chuan ka call i lak theih loh avang khan ka tal buai vek bawk, chuti chung chuan engtinge in ah ka awm mai mai theih ang ni?" A ti leh a, "A tha alawm, lo va mu hahdam la, tlai ah ka lo kaitho ang che" tiin ka thut na lam pan mai ka tum a, mahse min lo ti ding leh vat, "I chau a nilawm ni, lo va mu hahdam rawh" ka ti leh sap a.




"Keimah chauh a mut chu ka duh bik i ring em ni, ka bulah lo mu ve rawh" tiin a khum awm na lamah chuan min kai lut a, "Hnathawh hun a nih hi, bakah" ka tih lai mek chuan "Duati mut dun chauh a ni mai, a dang engmah ka ti dawn lo, ka chau lutuk, thil dang tih nan chuan hun a la tam alawm" nui suk in a ti a, va han zaktheilo tak aw, chutiang lam pawh ka ngaihtuah tawp silo a, ka mut hnuah chuan keipawh ka muhil ve nghal mai a, nizan lamah ka muhil tha lutuk lo bawk nen Mike-a ai mahin ka muhil hmasa in ka hria, thawng thawm ah chuna ka harh a, ka meng siar siar a, tukverh bulah chuan Mike-a chu lo ding in phone a lo be mawlh mawlh a.




"I lo harh tawh maw, kei aiin I chau daih a nih hmel" phone a biak zawh chuan ka lam a rawn hawi a, "Nizan ah ka meng rei deuh a" tiin ka tho chhuak vat a, puan chu ka thlep tha nghal mawlh mawlh bawk, "Kan haw tawh mai dawn em ni, hna ban a hun daih tawh a nia" a tih takah chuan ka lo aw vat a, ka muhil rei bawk aniang, dar 6 a lo pel va va tawh mai, kan in kawt thleng chuan min thlah a, zanah hnathawh tur a la nei bawk nen a rawn lut kawi lo, inchhung ka luh chuan ka u in min lo be vat a, chaw ei ah min lo nghak reng tawh chu niin, ka in tihfai leh te te hnuah chaw chu kan ei a.




"Taka i thianpa nia in sawi kha chhun ah a rawn kal asin" a tih chuan tunge tih ka lo zawt vat a, "Ruata a in ti maiin ka hria" a tih takah chuan ka hre nghal chat mai, class 10 atanga 12 thleng kan lut dun a, ka star thei hle bawk, a chhelo bawk nen keimah mai nilo kan school a hmeichhe tam zawk kha chuan an star deuh fur thin, kan in hmuh loh na chin a rei ve ta bawk nen a landan awm ang tur ka mitthla thiam mai lo, "Engtinge kan in awmna te a hriat teh daih daih le?" Ka ti sep a, "Asangi nen an lo in hmu fuh a ni awm a, zan inah a rawn kal leh tur thu a sawi tak kha" a tih chuan ka chhungril ah ka lo phur ve em em ringawt.




Chaw kan ei kham hnu chuan room ah ka lut a, darthlalang ah in en in ka in tuai mam thuak thuak a, Ruata chu a rawn kal leh angem tih ngawt chu ka ngaihtuah bawk, room ah tawm reng thu awm lo ka chhuak leh vat a, ka u nen tv kan en lai te chuan kawngka lam chu ka en leh zeuh zeuh zel a, dar 8 a ri dawn tawh, a rawn keng dawn lo a ni ngei ang, ka chhungril chu a hnual ruih tawh, ka tv en lai pawh chu ka ei tui hleithei lo, ka lo beisei ruk ve nen aw, ka hmuh loh na a rei tawh in ka duh na a rei tawh bawk nen hmuh ka chak tawh a sin le.




Chutia ka lo in ngaihtuah lai mek chuan kawngka chu an rawn kik ri dat dat a, hawng tura tho chhuak in kawngka ka hawng fel chiah tih chuan Ruata nen ngei mai chuan kan in hmachhawn ta siah mai, kum 3 lai kan in hmu tawh lo kha a nia, a hma ai daih in a chhelo tawh zawk, a hmel ngainat awm zet pawh kha a la bo miah lo bawk, "I dam maw, in hmuh loh na a rei tawh hle mai" nui amah chungin a ti a, chhan mai nachang pawh ka hrelo, "Grace" tia ka hming a rawn lam rik leh rual chuan ka in thing harh vat a, "Dam alawm, lo lut rawh" tiin ka awm sawn vat a.




"Kha Ruata chu I lo leng leh a ni maw, I va fel ve" ka u chuan a lo ti vat a, "Nia.. tihtur pawimawh ka neih leh tak thut avangin ka rawn lang hma theilo a, a zialo tak tak a ni" Ruata pawh chuan polite takin ao ti a, "A la tlai hleinem, kei ka lo va in thiar fihlim ange, matei nen khan in in hmuh loh na te a rei tawh si a, titi te pawh in duh ve ang" tiin ka u chu room lamah a kal vat a, "I lo damtha maw, in hmuh loh chhung in i lo nula ve tawh hle mai a" tiin min fiam a, ka lo nui tawi tak, ka mipa duh kum hlun kha a ni bawk a, ka lai deuh huih mai, ka awmdan chu a hrethiam ang tih erawh ka hlau viau thung.




"I dam tha maw, engtik in nge i rawn haw reng reng a?" Ka ti a, "A la reilo, thla hmasa lawk khan, helam ah hna ka hmu hlauh a" a ti a, "A nihchu, a va tihzia ve, helama i awm te chuan kan in hmu fo thei tawh dawn a nihchu" ka ti a, a tawng duh bawk a, a bula awm chu nuam ka ti hle, in veng run in ka awm lova, hahdam takin a bulah chuan ka awm thin, a chhelo zual em em lehnghal a, Mike-a nen kan in kar hre reng tho mahila Ruata ka la theihnghilh loh zia ka hrechiang ta hle bawk, a haw dawn pawh chuan pawn thleng in ka thlah a, naktuk chhun lamah thil ei dun tura min sawm na pawh ka lo pawm nghal thlap bawk.



Zawmna



A tuk lamah chuan Asangi nen hna lamah kan kal a, office chhung a ka luh chuan Mike-a dawhkan a file awm hnawk nuaih chu ka dah fel sak mawlh mawlh a, a lo la thlen loh avangin tih tur tul ang ang chu ka lo ti mawp mawp, dar 10 dawn ah a rawn thleng a, a chauh hmel hle bawk, "Nizan ah i mu thalo em ni?" Ka tih chuan mit meng sen deuh ram in min rawn en a, "Hotel ah buaina a thlen thu an rawn sawi avangin ka kal leh a, ka haw meuh chuan khua a lo var tawh alawm" nui suk chung chuan a ti a, chutiang buai na a chhuak tih reng reng ka lo hre ve hauh lo, "A va zialo ve" ka ti ringawt a, eng buaina ber nge chhuak tih erawh ka zawt duh ta lem lo thung.




Chhun ah chuan Ruata call ka dawng a, nizan a haw dawn khan no kan in pe a, chhun thil ei dun kan tum tak kha mawle, phur ru zet chuan call chu ka chhang a, "I hman tawh em, hei i hnathawh na pawn ah ka awm tawh a" a rawn ti a, Mike-a meeting nei turin a chhuak daih bawk nen ka hman nghal thu ka sawi ve mai a, hotel pawn ah chuan min lo nghak reng tawh, ka chhuah dawn khan Asangi ka sawm ve a, an lo laklawh bawk nen kalsan turin min ti kha a nia, restaurant lamah chuan kan in zui a, "I duh duh chah rawh, ka treat dawn che a nia" menu min rawn pek pah chuan a ti sup a, ka lo nuih var var.




"Grace kan in hmuh loh chhung khan i lo chhelo zual a nih hi mawle" ka thil ei lai chu ka hak nghal ṭhawt a, ka khuh nghal bawrh bawrh mai, tui min rawn pek chuan ban vat in ka in nghal khawlh khawlh a, "Ka tihpalh lutuk, ka sawi hun kha a fuh chiah lo niin ka hria" a tih chuan ka in siamtha vat a, "A pawilo" sawi tur dang engmah ka hrelo, thil kan ei zawh hnuah pawh chuan chhuak mai lovin kan la thu khawmuang a, ka sawi tawh ang khan hun rei tak chhung ka mipa duh em em kha a ni miau a, a bul a awm hi nuam ka ti em em reng mai chu a nih hi, min dem bik in ka ring lo, tinge mahni duh em em te bulah nuam lo ti ngai ang ni.




"Grace ka sawi hun hi a fuh lo maithei mahse ka zep reng thei tawh lo a ni, school kan kal lai daih tawh atang khan ka duh tawh che, khami hun lai kha chuan kan la naupang bawk nen ka rilru put hmang pawh ka sawi chhuak ngam ngailo kha a nia, tunah chuan puitling ve ve kan ni tawh a, bialpa i neih loh thu Asangi'n min hrilh tawh bawk a, nanghi ka bialnu ni turin ka duh che a ni" a tih leh chuan ka mumang emaw ka ti zawk hial, sawi tur mai pawh hre lovin ka en reng ringawt a, "Ka rilru put hmang ang i pu lo a nih pawh in ka hrethiam che a nia" a ti leh a.




"Chutiang lam pawh a nilo, ih.. min thawng teh thut lutuk a" ka ti bah deuh nawk nawk a, "A nih chuan nanghian ka rilru put hmang ang tho hi i pu ve tihna a ni em?" A tih leh chuan chil ka lem khawlh a, engtinge ka chhan ang, duh chu ka duh ngei alawm, mahse Mike-a a awm tawh miau si a, engvanga rawn in lan har em em nge maw a nih le, Mike-a hi duh miah lo mahila a bialnu ka ni miau si a, chuti chung chuan Ruata hi hnawl harsa ka ti tho bawk si, ka rilru chu a buai khawp mai, ka awmdan hi a laklawh kual ve vek.




"Grace ka duhna che hi i pawm thei angem, ka tiam a che i tan ka rinawm tlat ang, ka duh che ka duh takzet che a ni" tiin ka kut chu a rawn vuan a, "I kut kha la sawn vat rawh" ti ṭhawt ri ah chuan ka phu zawk a, ka hnunglam atang aw rawn chhuak a ni bawk nen ka in her vat a, Mike-a thinrim tih hriat lutuk a lo ding ka hmuh takah chuan hlauhthawn na hlir in ka khat nghal, a rawn kal hnai zel a, thin phu dep dep in ka lo thlir reng, ka sir ah a rawn ding chiah tih chuan ka kut ah rawn man in min phih tho nawk a, "A ni hi ka bialnu a ni, chuan midang bialnu ni lovin kawp pui neilo ngei bialnu a tan chuan i lo thlang tawh dawn a nia" Ruata melh ngur chung chuan a ti ta hrawk a.




"Grace a ni hi" Ruata chuan hriatthiam loh hmel takin min rawn melh a, sawi mai tur pawh ka hrelo, "Engmah sawi a ngai tawh lo, ka bialnu hi vawikhat mah lo hmu tawh suh ang che, neilo mipa dang a hnaih ka phal hauh lo tih hre bawk la, ka thusawi i ngai pawimawh lo a nih chuan thil pawi zawk a thleng ngei bawk ang" a ti chang leh run a, "Grace-i hi i bialnu angin sawi mahla a ni hian a duh ve hauh lo che tih a awmdan ah hian ka hai hleinem, hun rei tak chhung kan lo in hre tawh a, ka hrechiang hle bawk" Ruata lah chuan zam hauh lovin a lo ti ve nghut a.




"Chuchu i buaina tur a nilo, keihi a bialpa ka ni chuchu a tawk viau" tiin keichu min rawn en a, a mitmeng rapawm zia chu melh pawh ka melh tha ngam zawk lo, "Min rawn zui rawh" tia min mai chhuah mai a tum chu Ruata chuan ka kut lehlam ah a rawn vuan ve leh chawt a, Mike-a chu thinrim in sum tih hriat zetin a rawn hawi let a, Ruata'n ka ban a chelh naah chuan a mit a fu ngar bawk, "Thlah vat rawh" a ti hrawk a, "Teuh lo, ka thiannu hi tih luih na hmangin i hruai thei hauh lo, duhthlan na dan a nei ve bawk" Ruata lah chuan a lo ti ve hmak bawk si, "Thlah rawh ka tih che kha, tun bak hi ka sawi nawn tawh lovang" Mike-a bawk a ni, restaurant a chawl ve dang te chuan min en thup bawk nen buai na liam tham a chhuak ang tih ka hlau tawh hle.




"Ka thiannu a ni a, hetianga i hruai ngawt hu ka rem ti hauh lo" Ruata tawng zawh rual rual chuan a ti nghal sawk a, Ruata chu chhuat ah a thal thla nghal tawp mai, Mike-a chu phawk lutuk in ka en a, in chhir hmel pawh a pu eih lo, "Thlah rawh ka tih lai che khan thlah la nimai tur, ka bialnu bulah hian vawikhat pawh ka hmu leh che a nihchuan kha aia na kha i tuar tawh ang tih hria ang che" ti nghut in keichu min rawn en a, engmah sawi lovin pawn lamah chuan min kai chhuak nghal dawr dawr, "Ding lawk teh, Ruata kha..." Tia ka sawi mek lai chuan ka dar pahnih ah rawn man in min thung deuh nawk a.




"A ni kha i ngaihtuah tih sawi hauh suh" a tih ṭhawt chuan ka ngawi chiang ngei mai, pawn lama awm te pawh chuan min rawn en thup a, tawng na chi ah pawh ka ngai tawh lo, hotel lam pan chuan min kai leh dawr dawr a, hnial pawh ka hnial ngam tawh lo, a tih ang ang chuan ka awm tawp, hotel chhung a kan luh hnu chuan a office lamah min kai lut in bang ah min nawr bet nghal chawt mai, ka dar a tham na lah chu a na em em lehnghal, "Kha mipa kha tunge a nih?" Tiin hnai zet ah chuan min en ngur a, a mitah pawh ka en ngam tawh lo.




"Min chhang rawh, khapa kha i tan tunge a nih?" A tieh ṭhawt, "Ka thianpa a nihkha" aw khur dar dar chung chuan ka ti a, "Thianpa, hah.. min bum tum hauh suh, a ni kha i duh, chuchu a dik em?" Tiin ka lu chung a bang chu a beng chawrh a, ka phu zawk mai, "Mike i ngaih ang kha engmah a nilo, hun rei tak hnuah kan in hmu leh chauh a, thil kan ei chhuan dun ringawt a nihkha" ka ti bah nawk nawk a, "Ka sawi chian tawh kha, dawt ka duh lo, chuan kha mipa khan a duh thu che a sawi bawk a nilawm ni, nangpawh hian i duh, chuchu thudik a ni em?" A tih chuan ka ngawi reng a, ka duh ngei alawm, mahse a bulah hian ka sawi ngam lo, ka duh thu sawi chiah ila chu kut min thlak duh ngei awm si a.




Chutah ka rin loh lutuk in ka hmui ah chuan na zetin a rawn fawp a, ka lo tal ve nak nak mai, a thinrim tha zawng zawng nen ka tal na chuan awmzia a nei vak lo, a awm hran hnu chuan ka hmui sa hat hat chu ka hriat hmasak ber a ni, a thi hial in ka hria, "Hre reng rawh, nanghi ka ta chauh i ni, tu mipa mah in an hnaih tur che a nilo, khapa pawh kha vawikhat mah hmu tawh suh ang che, ka thusawi i zawm duh lo a nihchuan khapa khan a tuar ang" a tih chuan rapthlak ti lutuk in ka melh a, engvangin nge a thu hnuai a min dah tlat a tum ni, a ran khawi lai ni lovin a mihring pui, rilru leh thinlung na ve thei tho ka nih hi.




"Khawngaihin ka nun ah hian thu neih i tum lutuk na hi bansan hram teh, hetiang reng hian ka awm theilo, mihring ve tho ka nih hi, i thu hnuai a awm tur ka ni hauh lo bawk a nia, a tir atangin i duh ang ang in min awm tir i tum a, ka hne tawh lutuk, ka duhdan leh ka nuam tih zawng te engmah min ngaihtuah pui lo, i bula ka awm hian eng ang takin nge ka awm thin tih i hria em, hahdam takin ka awm ngai hauh lo a sin, ka tuar thei tawh hlawl lo, chuan Ruata kha, engvanga kut thlak ringawt nge i nih, enge tih sual a neih, kan in kawm ringawt a nihkha, thil pakhat leh ka mi hmuh tur ah leh zel chuan thu neih na i neilo a nia, nang nen ka in hriat hma daih tawh atanga ka thian a lo ni tawh bawk" ka ti ve ta fak a.




Ka hne tawh, hlau viau mahila a thu hnuai a min dah leh lutuk hi chu ka kham takzet tawh a ni, "Engmaw i sawi a, khapa kha i tan amaw, i tan enge a nih, a ni kha i duh em ni?" A tih chuan "Chutiang thu engmah ka sawi lo" ka ti ve tang tang a, "Min hrilh rawh, a ni kha i duh a ni tiraw?" A tih leh takah chuan "I ti dik, ka duh alawm, nang ka tawn hma daih tawh che atang khan a ni kha ka lo duh tawh, tun thleng in chuchu a la danglam lo bawk, chuvang chuan i bialnu anga min chei bawl i tum na hi bansan tawh rawh" ka ti ta nge nge a, chutah a nui chhuak hawk a, a awmdan hrethiam lo zet chuan ka lo melh hau.




"A thleng ngai lovang, nanghi ka ta ka hmeichhia chauh i ni, chuchu theihnghilh suh, chuan kha mipa naupang khan a chan tawk chiah a hmu bawk, hre reng rawh a ni nen khan ka hnu din leh cheu a nih chuan kha ai na khan ka che ang, i duh na thinlung pawh kha paih bo hmak bawk ang che" tiin min pu kang nawlh a, a mut pindan lamah chuan luh pui nghal nal nal, a hnungah chuan ka theih ang tawk a na in ka lo chum ve a, na ti ang pawn a awm hauh lo, chutah khum ah chuan min theh mu hnawk in khum sir ah a ni chu a ding a.




"Nilo engtinge tih i tum?" A thawmhnaw a phelh tak hmawk hmawk ah chuan khum lu lam a tawlh chho rawk rawk pan chuan ka ti a, "Ka thil tum chu i hrechiang viau ang che, chuan min dan theih kha chu in ring buai duh suh, i cho chhuah tih hria ang che" tiin ka ke rek ah chuan rawn man a rual a, khum mawng lamah chuan min pawt thla nghal hrawk a, "Aih ka duh lo, hetiang hian ti suh" tiin ka au chul a, "Ngawi hmak rawh" tiin ka biang chu a rawn sawk deuh tawk a, ka hmui ah chuan na zet in a rawn fawp leh buan buan, ka hnungah chuan ka chum a ka ham bawk, mahse awmzia a awm lo, "Ka duh lo ka tihchu" ka kawr a rawn pawh thler ṭhawt rual chuan ka au leh tuar a.




"I bengchheng reuh hle mai" tiina necktie lukham a awm chu a la a, ka kut chu a phuar zawm nghal mawlh mawlh, ka tal na lamah ka chau tawh bawk nen tha ka nei mumal tawh bawk silo, "Khawngaihin min pawngsual suh" mittui tla par chung chuan ka ti leh a, ka taksa chhung a lut maithei turin a in siam rem vek tawh, hnai zet a min en run chung chuan a nui suk a, nui mahse a landan chu hlauhawm tak a ni, chutah le, a mitpat na chu dim bak sak lovin ka taksa chhung ah rawn a rawn hnawh lut nghal vek a, kan vawikhat na nilo mahse na ka ti takzet, ka er deuh ngawng ngawng a, ka na ti pawh chu a hrechiang hle, mahse min dinna pakhat mah a nei chuang lo, ka chunga chuan a che zawm mawlh mawlh a.




Ka rilru na lutuk in sum zo lo puar darh avang chuan ka tap chhuak deuh fap fap a, "Tap hlek suh" tiin ka hmui ah chuan a rawn hup zawm leh nghal hmak, hetiang em em a nunrawng a ka chunga che tur hian engthil nge a lakah tih sual ka neih, ka hnute te chu a tham deuh tawn tawn a, ka chet theih loh chu sawi loh, aw tak ngial pawh ka chhuah thei silo, ka chunga nunrawng taka a chet na chu tuar ngawt ngawt bak tih theih ka neilo, tunah hian thei ni ngat ila chu hepa hi ka that duh hial ang, ka mitmeng hmang a zah ngaih na ka dil mawlh mawlh na pawh a haider lui hmiah a nia, sakawlh diktak chu a lo ni ngei e.




A hma ai mahin a che chu a duhthawh in a rang sauh a, rei vak lo hnuah khur ngawt ngawt chung in min rawn bawh thlawp a, kei erawh ka rilru leh thinlung na lutuk chu mit ka chhing zui ngawt ngawt, ka taksa atanga a let thlen hnu pawn chuan che chang tur ka awmlo, ka chau hluah hluah, puan chuan ka taksa duak kang chu a rawn khuh a, min rawn kuah nghal hlun bawk, chet sawn tum eng ang mahila ka taksa ah hian na lo lai reng reng a awm lo tih vel tur a nih avangin min kuah na atang pawh chuan ka tal sawn theilo hrim hrim, mit chu ka chhung diar diar a, ka ban vel chu a rawn chul kual nghal hauh hauh mai.




Ka lo muhil a ni ngei ang ka harh leh chuan keimah chauh in ka lo awm tawh a, zawi ngiai chungin khum atang chuan ka tho chhuak, khawiah nge kha mi nunrawng lutuk pa kha a awm pawh ka hrelo, ka thawmhnaw chu ka char khawm a, kekawr chu ka ha thei mai a, mahse ka kawr a pawt thler vek avangin chhuah ngaih na ka tan a awm lo, engtinge ka tih ang, a thawmhnaw chu awm tho mahse a ni thil engmah in bel ka duh hauh lo, ka rilru ah Asangi a rawn lang thut a, ka phone chu ka zawng vat, mahse ka hmu mai lo, office lamah khan ka bag a awm daih tak e, tim dai in pindan kawngka chu ka hawng dek dek a, hmuh tur a lo awm lo hlauh e.




Hmanhmawh lutuk in ka bag chu ka la vat a, phone phawrh chhuak in Asangi chu ka call vat a, "Mike-a Office ah i lo kal lawk hman em, a pawimawh lutuk a" ka ti a, "Enge nita?" A rawn tih chuan "Sawifiah na hun a awm lo, Asang khawngaihin lo kal vat vat teh, chuan kawr hak tur i neih chuan min rawn ken rawh aw, hmanhmawh la" ka ti leh zung zung a, ka aw ah thil diklo a awm tih a hrethiam a ni ngei ang, a rawn kal vat tur thu a sawn hnuah phone chu a dah a, rilru hmanhmawh hlauthawng bawk siin ka lo awm a, Mike-a a rawn let hman ang tih ka hlau viau bawk, kawngka a rawn in hawn chuan hlauthawng lutuk chuan ka en vat a, Mike-a nu lovin Asangi ka hmuh takah erawh ka thawveng huai thei.




"Enge awmzia?" Ka kawr tet hnuang hmanga ka taksa ka khuh a hmuh chuan hlauhthawn hmel takin min rawn pan vat a, "Kawr chu min lo ken em?" Ka tih chuan a bag atangin a rawn phawrh chhuak vat a, "Chhuak ang, nakin ah kan sawi dun dawn a nia, tunah chuan engmah sawi na hun a awm lo, Mike-a rawn let hma ngeiin helai hmun atang hian chhuah ka duh" ka tih takah chuan hmanhmawh zetin kan chhuak a, hotel kan tlan chhuah san hnuah chuan ka thaw deuh huai mai, kawng lak mi awm lohna hmunah chuan Asangi chuan scooty chu a ti ding a, "Enge i chungah thleng chiah han sawi teh?" A tih takah chuan thil thlen dan te chu ka sawi ta vek a.




Ka rilru chu rawn na thar leh in ka tap zawih zawih a, Asangi chuan min rawn kuah vat, "Engtinge chutiang anga nunrawng chuan i chungah a chet theih zawk?" Thinrim zet chuan a ti a, "Ka va han vanduai bik tak em, tinge a ni kher hi ka lo tawn le, ka nun harsat tawh tehlul nen, amah vangin ka mipa duh em em pawh ka hnaih theilo chu a ni sia" tiin ka la tap zawih zawih a, "Hahdam rawh, nakin ah hun hian i tan vanneih na a rawn la rawn her chhuak em em ang" tiin min hnem a, a ni tan pawh tih vak ngaihna a awm biklo, a thawh naa an pu a ni miau si a, a thiannu harsat naa a ṭanpui theilo chu a in thiam loh thu a sawi reng bawk.




In kan thlen hnuah pawh chuan ka u hnenah ka nawm loh thu sawi ka mu ta daih a, chaw ei tura min rawn koh pawh chuan amah a ei mai turin ka ti a, thil ei chak na pawh ka neilo, chau viau e tilo chuan taksa na nen muthilh pawh ka muhil theilo, zan ah chuan room pawn lamah tawng thik bul bul ka hria a, in leng kan nei angah ka ngai mai, ngaihven erawh ka ngaihven teh chiam lo, ka u chu room ah a rawn lut a, "Mate, Mike-a a rawn kal a sin, rawn tho chhuak la" ka u chuan a rawn ti ta mai, ka chhungril chu hlauh na in a rawn tuam nghal hlawp hlawp a, chet pawh ka che sawn ngam tawh lo, vawin ah ka chungah khatiang khawp a nunrawng khan a che a nia, engtinge kan inah a rawn kal lehnghal ngam zawk ni.




Ka u in min koh na pawh chu chhang duh micin ka muhil der tlat a, ka u pawh chu a beidawng ta aniang room atang chuan a chhuak vat a, "Ka kaitho zo lo, a rawn haw khan a nawm loh thu a sawi a, thil pawh ei lovin a muhil nghal kha a nia, a nuamlo viau a ni maithei a ni" ka u in a ti ri chu ka ngaithla kar a, "A pawilo, keipawh ka let lehnghal mai ange" Ka u laka that a chhuah der vek chu ka haw hluah hluah, ka u chuan a dang khaw mawi ve a, mahse haw a tum tak tlat ah chuan ka u pawh chuan a dang duh ta biklo, "Matei chu naktuk lamah a la nawm loh viau chuan hna chawl rih se a pawi angem?" Ka u chuan a ti leh laklawh a.




Engtinge a chhan ka hrelo, mahse eng ang pawn phal lo mahse naktuk chu ka chawl tho ang, nilo ka hna atang hian ban vang vang ka duh zawk, kha mi nunrawng lutuk kha ka hmuh ngam tawh pawh ka ringlo, Mike-a a haw tih ka hriat hnuah chuan muangchang in ka tho chhuak a, sitting room lamah ka va chhuah chuan ka u in min lo be vat, "Mike-a a lo kal a, ka kai harh thei bawk silo che nen a haw ta a nihkha, enge i an, i nuam deuh tawh em?" A lo ti zung zung a, "Tlem chuan ka zia tawh" ka lo ti ve mai a, "I la nawm min viau chuan hnaah pawh i kal kher a ngailo a nia" a tih leh chuan ka bu zeuh a, ka u chuan thil eitur a min tih tak tlat avangin ka tui lo chung chung chuan chaw chu ka ei lui a, ka chaw ei lai chuan thil hriat chhuah thut ka neih vangin ka kham ta vat.




Room ah chuan hmanhmawh zetin ka tlan lut a, Asangi chu ka va text vat, a hnu nghal vat a, a rawn kal nghal tur thu in min chhang a, ka lo nghak ran, room pawn lamah a thawm ka hriat takah chuan a rawn luh hun tur ka lo ngaichang ran a, "Damdawi chu I rawn lei em?" Ka lo ti nghal vat, min pek takah chuna pakhat chu kheh in ka ei nghal a, "Tikhan kawl char char rawh, fimkhur tluk a awm lo a nia" zawi tak chuan a ti a, ni e ka kawl char char a ngai a ni, mahse ka fimkhur a ngai viau thung a, in dan na ka ei tih kha mi nunrawng a khan a hria a nihchuan engtiang takin nge ka chungah a chet leh ang tih pawh hriat a ni hleinem.

Cont...

Comment leh click a that chuan naktuk zanah a awm lehnghal ang aw, that min chuan awl

[Rebec Nunziri]

Chapter-6



Grace Lalthazuali POV



A tuk zing khua a lo var a, ka taksa chu nimin lam ai mahin a na zawk, hna kal ka tum lo hrim hrim bawk nen thawh chhuah pawh ka la tho chhuak peih lo, chaw ei hun awm velah chuan ka u in min rawn ko a, zawi tawk in ka tho ve tuah tuah, chaw pawh ka ei tam peih lo, tiang em em hian ka na ang tih ka ring lo reng reng, ka taksa mai piah lamah ka chhungril a na bawk nen ka eng tih mah a tui lo a ni ber, ka u chuan ka nuam lo ve hrim hrim emaw tiin min ngaihtuah em em a, ka nat chhan tak hi hria ni se zawng a rilru a na dawn lutuk, chuvang chuan engmah ka hrilh theilo.




Damdawi te ka ei tak hnu chuan tlem in ka zia ve ta deuh a, thawh pawh ka tho chhuak peih tawh, rawng pawh ka bawl vek a, naktuk ah hna ka kal ngei ngei a ngai tawh dawn bawk si, chu chuan ka rilru a luah ngut ngut a, Mike-a hmuh ka hreh a ni ber, engtinge ka lo dawn sawn ang, a hma ang khan ka en thei tawh dawn lo tih lah ka chiang, a hma kha chuan nel em em lo mahila khatiang taka rawng khan a chet duh ka ring bik silo nen a bulah awm pawh ka hreh em em lo, tunah thung chuan a hmel hmuh ringawt pawh theih hreh in ka hreh ngawih ngawih tawh chu a ni sia, ka u lah chuan ka rilru hre miah lovin naktuk lama hna ka kal theih dawn leh dawn loh min la zawt reng zui a.




Zanah chuan Asangi a rawn leng a, ka u Asangi te inah a leng ve thung, kan pahnih chuan kan titi melh melh a, naktuk hna kal ka huphurh zia chu ka sawi chamchi bawk, "I peh hel reng thei dawn lo, chuvang chuan hmachhawn tawp rawh, thil ti sual tu zawk leh thiam lo zawk i ni hleinem, engvangin nge i hlauh ang?" A ti a, sawi ringawt chuan a awlsam a mahse a taka han tawn chiah hian thil hi kan hrethiam thin, "A.. ka bang mai dawn mawni le" kan ti leh ringawt thin a, ka ban theih dawn loh chiang zia ka hrechiang tho bawk si, eng ang pawn ban tum sateh mahila Mike-a hian min kal tir mai mai dawn lo.




"Ka va han vanduai bik tak, tinge a ni hnuai ah kher kher hian ka lo thawh ni, ka boss tur a ni tih hre ngat ila chuan a tir atang khan hna ka dil lo chiang ngawt ang" ka ti leh thin a awmzia a awm tam bawk silo, "I rilru ti hah vak duh suh, nangmah leh nangmah i in ti hreawm mai mai, sawi tawh ang khan hlau lo angin awm la, hlau deuh anga i awm reng chuan i lakah thu neih a la tum telh telh dawn, chuvang chuan mahni in ring tawk takin hmachhawn tawp rawh, i hlauh loh zia a hriat chuan hetiang hian i chungah a che reng ngam teuh lo" Asangi chuan a ti leh a, hlau lo angin engtinge ka awm theih tehreng ang ni, a nunrawng zia mit ngei a hmu tu ka ni miau a.




Asangi chu a leng fei lem lo, ka u pawh dar 8 bawr vel ah a rawn phei a, "Kan mu tawh mai dawn em ni?" A tih chuan ka hnial lo, mut hahdam ka mamawh ber tih tlat, naktuk zing khua hi vat theilo se ka ti takzet a ni, ka u chu room ah a lut tawh a, hmai phih ka la ngaih avangin room ah ka la lut ve mai lo, hmai ka hruk mawlh mawlh lai chuan kawngka a rawn ri a, mut duh tawh nen tunge maw ni ang le ti rilru niap niap chungin kawngka chu ka hawng a, Ruata nen kan in hmachhawn nghal zat, ka thin chu a phu nghal dawt dawt a, amah nen kan in hmuh vangin Mike-a kha khatiang khan a che a nia, tunah kan inah a rawn kal tih hi a hriat ka hlau takzet.




A hrechhuak a nih vaih zawngin ka chan tur chu ka hrechiang, "Lo lut rawh" tiin ka awm sawn a, a rawn lut ve ta, thutthleng ah chuan kan thu dun a, sawi tur a vang takzet a ni, a ni lah chu ngaihtuah nei tih hriat takin a melh ngai melh in a ngawi vung vung mai bawk si a, "Nimin a mi kha i bialpa em ni?" A tawp a tawp ah chuan a rawn tawng chhuak ta nge nge a, "Englo.. nia" aw han tih tawp mai chu harsa ka ti, "Bialpa i nei tih ka lo hre lova, ka thusawi te kha sawi lo angah min ngaih sak dawn nia" a tih chuan ka bu zeuh a, "Ka tlai deuh hret a ni, mahse a pawi chuang love, ka lawmpui lutuk che a nia" nui chungin a rawn ti leh a, ka nui ve theilo.




Ni e, a tlai a ni, hei ai hma hian rawn lang nise chu Mike-a nen hian in zawmna kan neilo maithei a ni, "Nimin vang khan ka tihpalh lutuk a nia, Mike-a kha chu I lo hrethiam dawn a nia, thil hriat fuh lo a nei a nihkha" tiin thupha ka chawi a, "A ho lutuk, engah mah ngai suh, ka thil sawi kha a hre phak bawk nen a awm ve reng alawm, in in hmeh lutuk a nia, mahse tlem in a thikthu chu a chhe ve deuh a nihkha" tiin a nui leh a, "A nih ka haw phawt mai ang, enge i an tih hre turin ka rawn kal a, mut i tum hnai niin ka hria, chuan ka thusawi kha min theihnghilh sak turin ka ngen leh a che, kan in thian that na hi a chhiat loh hram ka beisei" a tih chuan ka lo bu nghat nghat a.




Nizan zankhua in ka muhil lo hrim hrim, ka thawh chhuah pawh chuan ka mit a kham deuh urh mai, hna ka kal ngei ngei a ngai dawn bawk nen phur lo deuh chuan ka in siam a, chaw pawh ka ei theilo, ka helh hawlh a ni ber, Asangi'n min rawn sawm takah chuan kan in phur chhuak leh ta vawk vawk a, kawng lakah chuan min fuih ve mawlh mawlh bawk, hotel kan thleng a, kan luh dawn te chuan Mike-a hmuh ka huphurh lutuk chu haw leh daih mai ka duh rum rum, garrage ah khan a motor a awm tawh tih ka hmu chiang ngang bawk si, "Ka sawi kha hre reng rawh, hlau lovin mahni in ring tawk takin i hmachhawn dawn nia" Asangi chuan Mike-a office kawt thleng chuan min thlah thlap a.




A kalsawn hnuah pawh chuan ka la ding reng, "Grace, enge khatah khan i tih reng a, i lut dawn lovem ni?" Siami chuan file keng chungin min rawn pan a, "Ka lut dawn alawm, enge hetah te i rawn tih zawk a?" Ka tih chuan a file ken lai chu a rawn lek kang zeuh a, "Heihi Sir Mike-a pek a ngai a, ti rawh lut ila" a tih chuan ka thaw chhuak hawk a, engpawh thleng dawn se ka hmachhawn tho tho a ngai dawn tia in fuih ru mawlh mawlh chungin office chhing ah chuan Siami chu ka zui lut a, Mike-a thut na lam ka en chuan a mit chu keimah ah a fu ngur mai, en pawh en rei ngam lovin ka thut na lam chu ka pan nghal vat a.




"Sir heihi..." Siami tawng lai chu pawh chat in pawn lamah chhuak turin a ti sup a, Siami pawh chu a chhuak ve nghal vat, kan pahnih chauh a kan awm tak hnuah chuan ka thin chu a phu leh dut dut tawh mai, laptop chu ka en lui ngar ngar a, a thut na atang a tho chhuak lai pawh chu ka hmu ru reng, ka lam pan in a rawn kal hnai tih ka hriat phei chuan ka kut chu ka hum ngut ngut tawh a, ka hawi kual zek zek bawk, ka hmazawn ah tak a rawn din pawh chuan ka hawi chhuak ngam hlawl lo, helai hmun atang hian tlan chhuah vang vang mai te a nia ka duh ni.




"Enge i an?" A rawn tih sup chuan "K.. ka tha" ka ti sep a, ka aw te chu a khur chhuak ti tih der mai, "Min en rawh" a tih leh tak nghut ah chuan amah en tur chuan ka hawi chhuak a, a mit ka melh zawk hnuah hnuai lam bawk chu ka melh lehnghal vat, "Min hlau em ni?" A rawn tih leh sup chuan lu ka thing a, ka hlauh zia te chu sawi kan chi pawh a ni nang, "Rawn kal teh" tiin ka ban ah chuan a rawn vuan a, ka phu zawk mai, couch in hung lamah chuan min kalpui a, a tih ang ang chuan ka lo awm tawk, a duh loh dan a ka awm a nih chuan a hma ang chiah khan ka chungah a che leh ang tih ka hlau ngawih ngawih a ni tawp mai.




Couch ah chuan a thut thla a, a mal chung a ka thut theih nan min pawt zeuh a, ka thut fel rual chuan nghet zetin min kuah a, a awmdan hi ka hrethiam hlawl lo, ka nghawng ah hnai phum in a thaw ham ham a, tang thung in ka lo awm ve ngawt ngawt bawk, "Duati min hlau suh, ka duh dan anga i awm a nih phawt chuan khatiang thil kha a thleng nawn tawh lovang, a tir atang ka sawi tawh kha, mipa dang i hnaih ka phal lo, ka thinrim i duh lo a nih chu an ka thusawi i ngai pawimawh tawh dawn a nia" a ti sup sup a, ka chhang lo, "Min en teh" tiin ka khabe ah chuan a rawn vuan a, a lam chu min hawi tir nghal, duh lo eng ang mahila a hmel chu chiang takin ka en ran a.




"Nimin ah hna i rawn kal silo a, ka ngai viau che a nia" tiin ka hmui ah chuan a rawn fawp nghal chawt mai, chhang lovin ka awm mawl tawp a, duhthawh tak chuan min fawp ngawng ngawng a, a hnuah phei chuan amah hmachhawn zawng chuan min thut tir hial, ka hnial ngam bawk silo nen a mi tih ang ang chuan ka awm tawp a, ka hnungzang te chu a chul kual ruai mai, min fawh chhung zawng chuan engmah ka feel lo hrim hrim, hlauh na in ka thau ah min la man tlat bawk nen a duh loh dan zawng a awm chu ka thil hlauh ber a ni tlat.




"Min chhang let rawh" ti sup in min fawh leh mai a tum a, kawngka kik ri a rawn awm ta hlauh, ka lawm zia mai chu, min fawh luih a tum rual chuan ka lo dang vat a, kawngka an rawn kik chu" ka ti sep, rum nghut chungin a che hrut a, a mal chung atang chuan ka tho chhuak vat, ka thaw deuh huai mai, ka thut na lamah chuan hmanhmawh takin ka let a, Mike-a chuan lut turin thu a pe a, Siami bawk kha a rawn lut leh, "Sir hetah hian i signature kan mamawh a" tiin lehkha a rawn keng a, en pawh en lem hlei lovin Mike-a chuan a sign nghal, Siami chhuah hnu chuan a thut na lamah a kal ve mai bawk a.




Chhun thil ei a hun chuan Mike-a chu ka melh leh zeuh zel a, "Eitur ka order tawh, hetah hian an lo dah ang, tun atang chuan pawn lamah thil i ei chhuah ka phal tawh lo tih hre bawk la, office ah hian kan pahnih in kan ei rual ziah tawh ang" a tih chuan ka chhang lo, ei tur a rawn thlen hnuah kan ei mawlh mawlh a, nidang angin ka ei tam theilo, "I va ei tlem ve, heihi ei belh leh rawh, i la puar lovang" tiin momo chu min rawn pek a rual a, "Ka puar tawh, chuan thil tih laklawh lai ka nei a, ka va tih chhunzawm ange" tia thawh mai ka tum chu a thil sawi avang chuan ka tawp nghal chawt.




"Min hlau tih ka hria alawm, mahse ka thiltih chhan kha i hriat vek kha, ka thu zawm nula chuan khatianga ka chet a ngai hauh lovang" a ti nghut a, thinrim viau mahila engmah ka sawi ngam bawk silo, "Hna kha chu buaipui vak duh suh, ti tu tur an tam, tunah chuan kan pahnih a hun hman ka duh, tih atang chuan ka thu i zawm that tawh ngei ka beisei bawk tih hria la, ka duhdan anga i awm a nih phawt chuan min hlauh a ngai hauh lo a nia" tiin min rawn pawm kang nawlh a, ka te that mai, a room bik lamah chuan min pawm lut a, khum a min nghah thlak rual chuan hlauh na chuan min rawn tuam leh hlawp hlawp tawh mai.




He khum ngei ah hian nimin piah mai ah kha rawng lutuk in ka chungah a che a nihkha, "Hlau suh, engmah tih ka tum lo, mut hahdam dun ka duh mai chauh a ni, nangpawh i chau tih ka hria alawm" tiin a pheikhawk chu a phelh mawlh mawlh a, a coat a phelh leh hnuah ka pheikhawk bun lai chu min rawn phelh sak a, khumah chuan min nam mu nghal zat, "Hahdam tak khan mut tum rawh" tiin min rawn kuah a, ka chhip ah chuan a fawp nghal vang vang mai, a tirah chuan ka meng kar a, mahse a pangti lum in min ur ham ham takah erawh ka chhing ta riai riai a.




Ka taksa za deuh mer mer ah chuan ka harh riai riai a, Mike-a chu ka chunga min bawh zawng chuan a lo awm ran a, ka kawrkhilh chu a lo phelh vek tawh bawk, ka bra pawh chung lamah a lo bawr tawm chho vek tawh, engtinge ka harh miah loh theih zawk le, ka taksa za deuh mer mer anga ka hriat chhan pawh chiang takin ka hre nghal zat bawk, ka awm ah chuan a hmai a lo phum mek a, ka harh tih a hriat chuan rawn hawi chhuak in min rawn nuih suk a, "I mutui maw?" Ti sup in ka hmai zawn ah chuan a rawn tawlh chho a, a hmui huh hliam nen chuan hnai zet ah min bih tan tan mai.




"Awm sawn teh" tia nam sawn ka tum chu ka kut a rawn man vat a, ka mit a en reng chung chuan ka kut chu hnuai lamah min dah thlak sak ruai ruai a, "Enge i tih.." ka sawi zo hman lo, ka kut chu lak sawn ka tum a, mahse a phal lo nasa, "Duati ka mamawh zia che i hrechiang a nilawm ni?" A ti sup a, "Nilo, Mile khawngaihin, tunah chuan ni rih lo" ka ti bah nawk nawk a, "Lungngai suh, i hlauh na a la reh lo tih ka hria alawm, chuvang chuan mamawh viau che mahila i taksa chhung ah ka lut hauh lovang, mahse he thil chiah hi min tihsak turin ka duh che" tiin a kap zawn a ka kut a dah chu min tih chet saak zeuh a, chumi rual chiah chuan a rum chhuak nghal hawk bawk.




Ni a liam ve zel a, a hma angin Mike-a bulah ka tawng mai mai tawh ngailo, min bia te a nih ngawt loh chuan ka ngawi reng zel, engmah sawi lo mahse ka awmdan a hmuh hian a chang chuan hreawm a tih ve hmel thei hle, mahse hreawm a tih erawh ka ring lo, hreawm ti tak tak chu nise ngaihdam tal min dil ve tawh ang, ngaihdam dil chu hnai lo tak a ni, a hma angin ka chungah thu neih na engkim neih vek a la tum a, a duh ang ang a min awm tir lah a la bansan lo bawk, chutih rual erawh in ka chungah engthil mah a ti leh ta miah lo hrim hrim thung.




Mike Lalruattluanga POV



Grace-i hian ka bulah awm nuam a tih loh zia ka hrechiang, ka bula a awm hian a in veng run zel tih pawh ka hriat hmaih lo, a chunga ka chet dan vang khan ka in chhir takzet, ka thinrim ka thunun theilo lutuk hi engtia tih chi nge pawh ka hrelo, ka theih tawp chu ka chhuah ve ngei alawm, mahse mipa dang nen ka hmuh dun khan ka in sum theih na ka hloh chiang hle a nihkha, chutah kha a lo awmpui pa thusawi ka hre leh chiah phei kha chu ka puak darh lo chauh, ka hmeichhia hnenah a duh thu a lo sawi a nihkha, Grace-i awmdan atang lah khan khapa kha a duh ve tih ka hai bik lo bawk nen.




Ka tum loh pui in tih luih na ka hmang a, a tirah kha chuan engmah in thiam loh na ka neilo, mahse hetiang em em hian min hlauh phah ta bawk nen ngaihdam dil ka tum ve nasa thin mahse tu hnenah mah ngaihdam ka la dil ngai loh mai bakah ka mizia a ni tlat lo, chuvang chuan ka thulh leh nge nge thin, a lakah theih tawp in that ka chhuah a, mahse a hma ang khan ka hnenah a tawng tam tawh lo, ka be hmasa te a nih loh chuan a ngawi chawt chawt mai thin, Grace-i tih loh ka nun ah hmeichhe pakhat chauh ka la la lut a, chupawh Lalhriatzuali kha a ni.




A ni nen khan kum 5 chuang mai chu kan in zui ve hman, ka duh ve viau in ka hria kha a nia, mahse ka lo duh tak tak loh zia Grace-i ka tawn atang hian ka hrechiang ta hle thung, Lalhriatzuali lakah kha chuan hetiang em em hian ka thikthu a chhe ngailo, mipa dang nen ka hmu dun a nih pawh in in sum theilo khawp in ka thinrim ngailo bawn, mahse Grace-in kei lo niao dang a hnaih tih ka hmuh rual erawh in ka in sum theih na zawng zawng hloh in khatiang kha ka chet phah ta hial a nia, he hmeichhia hi ka tan a special takzet a ni, ka duh rih ka pha hauh lo nilo he hmeichhia hi ka hmangaih tawh hial in ka hria.




"Naktuk ah kan zin dawn, lo in ring ang che" ka tih sup chuan min rawn en vat a, "Khawiah nge kan zin dawn?" a rawn ti nghal vat, nui suk in "Thenzawl ah kan kal dawn nia" ka ti a, a ngawi deuh vang vang, enge a ngaihtuah ang tih hriat tum in a hmel chu uluk zetin ka en run a, "Ka lo kal ve lo mathei a ngem?" A tih chuan lu ka thing a, "Ka PA i nih angin i rawn kal ve ngei a ngai" ka ti hmak a, "Midang kal ve tur an awm em?" A rawn ti leh hram, "Awm lo, kan pahnih chauh in kan kal ang" ka tih leh takah chuan a huphurh hmel ngang mai, a rilru tur awm ang chu ka hrethiam mai e, mahse ka thu zuk leh tumna ka nei tawh lo.




Diktak chuan Thenzawl ah engmah tih tur a awm lo, hna kha chu ka chhuanlam mai mai a ni, min hlauh em em na hi tih reh ka duh vang zawk a sawi ka ni, kan pahnih a hun kan hman dun tam phawt chuan ka lak aa rilru put hman pawh hi a danglam ve vat ka rin vang a ni, a hma khan Thenzawl a a kal chak thu a sawi kha ka la hre reng bawk a, in tih thawl na ni pah fawm in ka kalpui mai mai dawn a ni, min hlauh na rilru pawh hi a paih bo theih ngei ka beisei, chumi tur atan chuan keihi ka pawimawh hle dawn tih pawh ka chiang, ka bialnu a ni a, ka laka in veng ran a a awm te hi hmuh nuam ka ti hauh lo bawk.




"Zanin ah lo in siam la, naktuk chawhma lamah kan chhuak dawn nia" haw kawng ah chuan ka ti a, tawngka a min chhang lovin a bu zeuh zeuh ringawt, "I peiho viau em ni?" Ka tih chuan "Chutiang lam pawh a nilo, hna lam a ni bawk sia, ka kal ve ngei ngei chu a ngai ang chu" a ti ve duah, kha thil thlen hnu atang khan ka bula a tawng thui ve ber a ni hial a, ka lawm rilru viau bawk, a hma kha chuan aw tih loh leh zai zir in min chhang mai thin kha a nia, tlem chuan hma kan sawn ve deuh e, an in kawt a ka din hnuah min mangtha zeuh in an in lamah chuan a kal nghal nal nal.




In ka thleng a, ka in bual zo bathroom atanga ka chhuah hnu reilote ah ka nu phone call ka dawng a, ka chhang vat, "I buai em?" A rawn ti lang lang a, "Buai lo" a ti bul tuk, ka tawngkam a bul hrim hrim an hrechiang bawk nen ka chhungte pawh hian ngai ah an nei tawh, "Hriatzuali'n min rawn bia a, tinge a lakah i la hel tlat a, a duh zia che pawh i hriat kha, kan chhungkaw mil pui an ni bawk, a fel in a rilru a tha bawk nen a laka hel reng lo khan hnaih te tum ve rawn, hun rei tak chhung in lo in zui tawh a, hetiang ringawt a awm chu a ṭhalo a nia" a rawn ti nghal hlak hlak mai, Lalhriatzuali chuan ka nu a lo han be hmanhmawh leh pek a nihchu.




"Nu a ni nen chuan kan inkar a tawp na a rei tawh tih pawh i hriat kha, chuvang chuan khatiang thu kha chu rawn sawi fo lo la ka ti hle mai" ka ti hmuk a, "Mama, hetiang hian awm reng suh, a sawi dan ah phei chuan nupa satliah i sum bak duh lo hmeichhia nen in in zui mek a ti lehnghal a, enge awmzia, a thusawi kha thudik a ni em?" A rawn tih leh chuan ka in hum ruh tawlh tawlh a, "Chutiang engmah a awmlo, bialnu chu ka nei ngei alawm, mahse ka sum vanga min kawp a nilo tih ka chiang" a tih chuan ka nu chu a thaw ri hak a, "Chuchu engtinge i hriat theih, ka awih ve hauh lo, tunlai hmeichhia te chu an fing tawh alawm, hmeichhe rethei takzet chhungte pawh nei mumal lo a ni tih ka hre lehnghal a, khatiang hmeichhia kha an hlauhawm ania, a pawi thui hma in then vat ang che" a rawn tih leh chuan ka khabe ruh chu ka tuai zeuh a.




"I ngaihtuah na te kha hmang ve rawh, kan chhungkaw mil pui pawh a nilo, Hriatzuali hi kan mo atan a tling ber, a ni tluk an awm lo tih hria ang che, a duh zia che pawh i hriat chian kha" a rawn ti leh bawrh bawrh a, "Ka dah dawn a ka, khatiang thu sawi tur kha chuan min rawn be tawh suh, ka tan a tha tur chu ka hria, Hriatzuali hi eng ang hmeichhia nge a nih tih pawh ka hrechiang bawk, i fapa hi puitling ka ni ve tawh a nia, ka nu, ka duhdan leh ka thuthluk na te hi min ngaih pawimawh sak hram ka beisei, a nih phawt le" tiin min rawn chhan let na pawh ngaithla zui tawh lo chuan phone chu ka dah ta hmak a.



Towel chu bal bawm ah ka theh thla tawp a, Lalhriatzuali chu ka call nghal, "Tunah ka inah rawn kal rawh" tiin phone chu ka dah nghal a, Hriatzuali hi ka hriat chian ka ni bawk a, a rilru put hmang tur awm ang pawh ka hailo, hmeichhe fing tak a ni a, ka chhungte rilru hneh dan pawh a hrechiang ngang bawk, tunah pawh ka nu a lo han biak leh hmanhmawh tawh kha, ka nu lah hian a ring em em mai bawk si a, chutih rual in ka pa erawh hi chuan a ring vak lem lo tih ka hria, a awmdan leh a tawngkam ah hian a ti lang fo bawk.


Zawmna




Lalhriatzuali chu a rawn pen lut chhat chhat a, single sofa a thut pah in ka lo en ran, "Enge tih ang zanah te min rawn koh a, nang hian" tiin ka mal chung ah chuan a rawn thu a, "Nang hian min ngai em ni?" Tiin ka biang chu a rawn khawih lawr dan dan a, ka nui suk, "Ka ring reng a ni, kha hmeichhe naupang engmah neih pawh nei lo kha i hne tawh a ni ngei ang, ka sawi kha i hre reng em, i tan chuan keihi ka tha ber ka tihkha, ka ti lawm thei ber bawk che tih nen" tiin min rawn fawh tum a a rawn awm hnaih rual chuan a tukhum sam ah ka kut chu rawlh lut in ka kek darh awrh a, a te deuh that, kei ka nui suk thung, a duh duh tu turin heta lo kal tur hian ka ti reng reng lo.




"Tunge i nih hi hriat nawn tir i ngai a nih hi, nang nen kan in kar chu a tawp fel vek tawh, ka chhungte hman tangkai chu tum buai tawh suh ang che, awmzia a awm dawn chuang lo" ka ti hrawk a, "Engthil nge tih sual ka neih vak, nutei hnenah khan thudik ka hrilh mai chauh a nihkha, engvanga ka thusawi ring duh miah lo nge maw i nih le, kha hmeichhia khan a sin vang bak in a hnaih lo che, keimah chauh hi a ni nang hmangaih tak tak tu che chu" a tih chuan ka nui chhuak hawk hawk a, ka awmdan hriatthiam loh hmel tak chuan en thung.




"I nihna hre rawh, ka do din duh vang a min hnaih ti chu nanghi i ni, engvangin nge kan in kar a tawp I la hrechiang viau lawm ni, nge i theihnghilh tawh zawk?" Ka tih chuan a ngawi reng a, sawi tur a nei reng nang, min hnaih chhan chiang takin a sawi chhuak a nimai dawn si a, "Ka chhungte hmang a hetiang thil tenawm lutuk hi i ti leh a nih chuan tlang takin engkim ka sawi chhuah vek a ngai ang tih ka hlauh pui khawp mai che, min nawr lui tawh hauh bawk suh ang che, harsa zawng a kalpui i duh a nih chuan pawi tihna ka neilo tih pawh i hriat chian ka ring" tiin chhiat ah chuan ka theh thla hnawk a.




"Tinge vawikhat chauh tal chu hun tha min pek theih loh, nang hian khan kan in kawp chhung zawng khan min lo hmangaih ve ngai miah lo em ni?" Tap tiau chunga a tih chuan nui suk in, "I ti dik e, kei hian ka hmangaih ngailo che, ka at vang ah i ngai thei ang, tunah chuan ka hmeichhe duh tak ka tawng tawh bawk a, eng ang pawn kan in kar tih chhiat tum mahla awmzia a awm dawn lo tih hre bawk ang che, i chhuak thei ang, fimkhur tawh ang che" tiin ka tho chhuak a, Lalhriatzuali haw hnu chuan room ah lut in naktuk kan zin dawn bawk nen ka thawmhnaw te chu ka pack a.


...

Duati chu a muhil char char mai, kan chawlh chhungte vak a harh eih lo, motor s ruih nasat thin thu a sawi lawk vangin damdawi ka leisak sa thlap a, ei lo pawh nise a muhil char char tho bawk a a ruih pawh ka ring lo, kan thlen na hotel tur kawt ah chuan motor chu ka ti ding a, a lian lem lo, a chhung lamah kan lut a, hnathawk ho chuan kan room tur chahbi chu min pe vat, "Lo kal rawh le, in tifai hmasa phawt ila khua hi kan fang kual dawn nia" tiin kaih mai ka tum a, "Tinge room pakhat chauh, pahnih kan nih hi" a tih chuan awm hnaih deuh in "Room khat ah kan awm dun dawn tihna a nimai lawm ni?" Ka ti sup.




"Mahse chutiang ngawt te chu, midang hriat ah pawh a mawilo alawm" s ti leh sep a, min en zeuh hnuah hnuai lam chu a bih leh vat, ka thinrim a hlau tih ka hrethiam nghal mai "Lungngai suh, nupa angin alawm he hotel ah hian kan thlen, tu mit mei mah ven a ngailo" tiin kan room tur lamah chuan ka kai phei a, "I duh chuan va in tifai hmasa rawh, keichu ka hmanhmawh lo" ka thawmhnaw ka phelh lai chuan a ti a, en pawh min en lovin tukverh lam chu a hawi ngar bawk, "Kan pahnih in kan in bual rual ang, chhuah na tur kan nei ka tihkha, hun a uiawm" tiin ka va pawm kang nawlh a.




Tlak hlau ni awm fahran hian min chelh na chu a ti nghet ve hle, saruak ngal ngat a kan awm hnu chuan thisen a lum tha duh pap pap ngei mai, mahse tunah rih chuan engmah tih pui ka tum lo, min hlauh na hi tih kian hmasak ka duh a ni, rei pawh awm pui lovin ka chhuah pui vat a, kan in thlak fel hnuah khua fang tur chuan ka hruai chhuak lehnghal a, a tirah chuan nuam ti hmel pawh a pu lo, mahse buh an chin na hmun ka kal pui neih takah chuan a nui tawp hleithei lo, a mize dang ka hriat belh leh ni ber in ka hria, thla chu a la kual sek a, nuam a tih thu leh mawi a tih zia a sawi chamchi bawk.




"Kan haw tawh phawt mai dawn em ni, hei khua a tlai tawh viau a nia" ka tih takah chuan motor lam kan pan vat a, "Nuam i ti maw?" Ka ti sup, "Aw.. hetiang hmunah hian ka kal chak thei lutuk a, ka naupan laiin fahrah inah ka awm char char a, fahrah in atang ka chhuah hnuah lah thingtlang lamah kan zin ve thei ngai bawk silo nen ka vawikhat hmuh na a nia, khawpui boruak chhe tak ai chuan helai boruak te chu a thianghlim daih zawk bawk" a ti mawlh mawlh a, thla a la hnem bawk a, hotel kan thlen hma zawng chu a phone chu en in a nui leh var var zel a, kei lah in en nin har ka ti bawk nen kan accident ang tih a hlauhawm rum rum alawm.




Zanah pawh chuan khum khat ah mu in ka kuah a, vawin lamah khan a muhil tam tawh viau emaw ka tia, tunah lah ka awm ngheng in a thaw leh sak sak tawh mai, a taksa leh hmel ai mahin a mizia hian min hip ta ber in ka hria, puitling tak angin lang thin mahse naupang chhiat na lai a la nei tlat, a awm ve reng mai, a la naupang ve em bawk a, kei aiin kum 10 dawn laiin a lawm a naupang, mahse naupang chu ka ti phal hauh lo, ka mit ah chuan naupang ni miau hek lo le, ka thawk zawng s ka nghawng ek rawn lum leh hak thin chuan thawk a ti buai duh ngei mai, a ni lah a muhil tui tawh bawk nen tih harh ka duh bawk silo.




Ka awmdan kai laklawh kual pawh tih tawh mah nak laiin min rawn khan na lamah Bawiha chu a rawn khawng fuh ta deuh deuh, ka thaw chhuak hawk a, thlan in min bual huh zui tawh bawk, "Duati, nang hian min ti a mai dawn" ti chhuak hawk in a ke chu dim zetin ka dah dawn sak a, tuna ka mamawh ber chu tui vawt tha taka in bual a ni, bathroom ah chuan lut in rui vawt chuan ka in bual a, tlem chuan ka taksa lum lutuk pawh a dai ve ta deuh, ka chhuah leh hnuah Duati mut dan ka hmuh chuan ka nui chhuak hawk, hetiang em em hian a mangchhia tih ka lo hre miah lova, ka sawi thiam dan ber chuan khum zau lutuk ah pharh duai in a mu a, ka mut ve na tur pawh a awm mang lo a ni.




Zing kan harh hnu chuan hmun dang ah ka hruai leh a, hna vanga kal ka ni angah a ngai bawk nen kan thiltih ho chu mak a tih hmel theih hle, dawr pakhat ah kan lut a, Duati chuan eng emaw hi a en deuh vang vang tih ka hmuh rual chuan ka va kal hnaih vat a, grape juice an lo dah tlar dul chu a lo en dauh dauh nia, "I duh em ni?" Ka tih chuan lu a thing a, ka thianten an in thin a, a thlum tui lutuk an ti a, a dik em?" A tih chuan ka bu zeuh a, "I duh chuan ka lei sak ang che" ka tih leh takah chuan "A nih pakhat hi aw" tiin um khat chu a la a, a man te kan pek fel hnuah hotel lam pan chuan kan hawi leh ta a, chaw te kan han ei leh te te hnuah room ah chuan kan in khung ta char char a.




"Engtik ah nge grape juice kha kan in dawn?" Ka bula rawn thut pah in a rawn ti sap a, "I duh chuan i in thei alawm, I ta a nihkha" ka ti a, "Keimah chauh chuan ka in peih hleinem, enge i tih, hna bawk a mi?" Tiin ka tablet ken lai chu a rawn bih hnai ve du du a, "A pawimawh lo, nangmah a i in duh lo a nih chuan kan pahnih in kan in dun mai a niang chu" ti sup in tablet chu ka dah dawn a, Duati chuan tui a tih loh thu leh a thlum awm pawh a hriat loh thu a sawi reng a, chuti chung chuan a la in ve zel tho, no thum li a in tak hnuah phei chuan a tawng duh barh barh tawh hle, ka ngainat ve vak loh avangin no hnih bak ka in lo.




"Nangchu i vannei a, chhungkaw tha tak atang i rawn sei lian a, keini ang fahrah tan chuan engkim keimah ni a kan in buaipui chawp a ngai a, nun hi a harsa a sin, tinge ka nu leh pa te khan min duh lo tur si min lo hrin le" a rui tawh bawk nen a tap deuh pur a, "In tawh suh, i rui tawh a nihkha" tiin a no ken lai chu ka va laksak a, lungawi loh hmel tak chuan min en a, "I bula awm hi a hahthlak, thu min pe reng bawk si" a ti leh hlak hlak a, min melh rum ve bawk nen thinrim ah pawh a lak theih loh, ka nui suk suk a, "Min nuih maw, aw.. min nuih rawh, keini te chu i nuih awm tawk leh alawm kan nih" ka awmdan engkim chu a la kawi ni ber in ka hria.




"Chutiang a nilo, ka ngaihtuah vang che alawm, i in tam tawh bawk nen in belh chi I ni tawh lo, naktuk i harh hunah i lu a na vak dawn a sin" naupang thil hrilh ang mai chuan kan han in hrilh a, "Ka hre ve reng, naupang pawh ka nih tawh loh hi, khatia naupang ang mai a i ni hrilh pawh ka ngailo" a ti vak leh hlar a, ka thaw chhuak ta hawlh, a awm awm hian awm tir tih tawp mai ila tha ber in ka ring, no vel ka dah fel lai chuan ring tak hian a rawn zai chiam mai, keipawh ka phu ve zawk alawm, "Duati midang in an hria ange, tlem in zai zawi deuh la" a tlawn a tlawn a ngai, a nih loh chuan a la kawi leh mai ang.




"Chutiang a ho emai, ka zaithiam tho alawm" tiin a zai chhunzawm al al a, a hrawk ah rek tu an awm emaw tih mai tur a nih laiin zaithiam chu a in ti a nia, "Mu tawh phawt rawh aw, a tlai tawh a nia" tiin ka lamah chuan ka pawt hnai a, "Heihi a mawi e" tiin ka hrawk bawk chu a rawn khawih a, "A ti lang pa zual che" tiin a mitmeng vam ham mai chuan min rawn mellh chho kar a, "Khumah ni la i muhil vat mai ang" dang ru hian chung chuan ka ti a, "Keimah chauh in ka mu peih bik hleinem, min lo mut pui ve rawh" tiin min hui zeuh zeuh a, "Lo mu hmasa la, bathroom ah ka va lut lawk ang" tia kalsawn mai ka tum chu ka banah a rawn vuan vat.




"Ka bulah i mut duh loh vang a nihkha" tiin rawn thawh chhuah a tum a, "Ka mu duh alawm, le.. mu hahdam rawh, naktuk ah i lu a na ngei ang le, hetiang em em hian i ruih ka ringlo a sin mawle" ka tih chuan min nuih var var in, "Zanin hi ka hmu hmeltha zual riau che, nidang zawng aiin i lang pa a i sexy bawk" tiin khumah chuan a rawn ding tau a, "Lo mu ve rawh aw, ka rual in" tiin ka kut chu a rawn ti che a, ka hnial theilo, khumah chuan ka lawn a, min rawn kuah nghal that that mai, a kut lah chu a hlei em em lehnghal a, a ruih lai hi chuan engmah tih pui ka duh lo bawk nen a ni hian min hrem a ni ringawt alawm.

Cont....

Comment leh click a that chuan zanin ah chapter thar a awm ang ka ti kha a nia, a tha vak lo tih chu in hriat ve tho ka ring aw