We Belong Together (Chapter-14)

[Rebec Nunziri]

Chapter-7



Mike Lalruattluanga POV



"Ka duat i kut hi i awm tir hle hle loh chuan thil pawi zawk a thleng ngei ang, i harhfim hunah i in chhir na tur engmah tih ka duh lo a nia" dang ro hawlh chung chuan ka ti a, "Mike" tiin ka hmai zawn ah chuan a rawn awm hnai a, a thin in rim chuan min rawn ur cham cham mai hian ka hria, "Duati awm tha rawh le, muhil la, a tlai tawh a nia" ka ti leh sup a, ka aw te chu a khur chhuak ti tih, "Min duh i ti nilawm ni?" Tiin beisei nei zet chuan min rawn en a, a thil beisei hi harhfim ni ngat se chuan phur takin ka chhang let ngei ang, mahse tunah chuan thil tih chi ber a ni rih tlat lo, "I harhfim lo, chuvang chuan muhil zawk rawh" ka ti leh hmuk, chutah lungawi loh hmel zet chuan min melh ve rawm rawm a, a ti lang duhawm zual sauh thung.




"Duati" lehlam min hawi sawn daih avang chuan ka va kuah thuk a, a lo tal ve laih laih mai, "Min thlah teh, muhil rawh i tihkha" ve hmak hmak hian, "Ka kuah che anga tui deuh in i muhil thei zawk dawn alawm" tiin ka kuah tha sauh sauh a, "Ka duh lo, min kuah lo teh, i sual ropui si" a ti vin hlar a, "I harhfim loh lai remchang ah lak ka duh loh vang chauh a ni, eng ang takin nge ka in sum i hrethiam hauh lovang, nang hian min hrem nasat zia hi h hrethiam pha lo a ni" nui ri hawk chung chuan a beng bulah ka ti sup a, ka nuih a zat loh zia chu a hrechiang viau thung ang.




"Engvang in nge i in sum a, a hma zawng in tiang hian i awm ngai tawp silo a, nang hian hmeichhe dang duh i nei a nihkha, muhil vat vat tura min duh chhan pawh tlai a thil kan ei na a mi hmeichhia nen in hmuh in duh vang a nihkha, i duh chuan va kal rawh, engah mah ka ngailo, min ven thawn kher a ngailo a nia" a ti leh hlak hlak a, tu hmeichhia nge a sawi chu ka hre hauh lo, "Tu hmeichhia nge maw i sawi le?" Ka tih nghut chuan a thu chhuak hluai a, chutah kei chu min rawn melh leh rawm rawm in hrelo der suh, thil kan ei lai pawn a melh char char che kha, i lerh bawk a nangmah hian mitmei I lo hmuh hmasa bak a nilo ang" a vin tawh ngang mai.




"Chutiang engmah a awmlo, i hmeichhe sawi pawh chu ka hre hauh lo" tiin ka melh ngur a, ka thusawi a awih lo lutuk chu a hmui a ti pawrh vak a, "Min bum tum lo mai teh, nang hian min fiam kual mai mai tih ka hriat loh i ring a mi?" Tiin a mittui chu a thing ta pam mai, rang zetin ka tho chhuak a, kuah ka tum chuan a lo awm sawn vat, "I sual lutuk, ka duh lo chung i bialnu min nih tir a, min ngaihsak na tak tak i nei chuang bawk silo, hmeichhe dang i ngaihsak reng tho a, nang ang bialpa lerh lutuk hmeichhe lawm bawk si hi bialpa atan ka duh hleinem che" tiin a ti meuh chuan a tap ta vak mai.




A awmdan in min thawn em avang chuan ka en reng ringawt, tinge maw a tah ngawt ni engtin ka ti pawh a ni silo a, "Duati" ka tih chuan tap reng chungin rum zet chuan min rawn en a, "Khatiang pawh kha min ko tawh suh" a rawn ti leh pang pang, ka nui ta suk, "Kha min nuih, i sual lutuk, i bulah pawh ka awm duh tawh lo, room dang ah ka awm dawn" tiin khum atang chuan thawh chhuah a tum a, a ban ah vuan in ka mal chung ah min hmachhawn zawng chuan ka thut tir a, "Room dang a i awm ka phal lo, chuan nang lo hmeichhe dang tumah ka hnaih lova melh pawh ka melh lo, nang i awm a ka duh tawk, ka duh che ka tihkha ka sawi mai mai hleinem" ka ti a.




"A nih chuan tinge min hnar tlat, min duh tak tak nila chuan min hnar lovang" a ti leh a, a tap na avang khan a hnai chu a huh deuh hlap a, ka hruk sak pah chuan "Ka duh che, i harhfim loh laia engmah tih pui che ka duh loh vang chauh a ni" ka tih chuan "Pawi ka tilo" tiin amah zawk chuan chet a rawn la hmasa a, a chet dan avang chuan in sum hman lovin ka rum chhuak hrawk, a mawng chu a ti che ne ne a, ka Bawiha pawh chuan a lo hre rang hle, a rawn tho tuah tuah a, Duati chuan min rawn en in mit a kan awk a, "I cho chhuah a ni tih hria ang che" ti hrawk in khum ah chuan ka delh mu a.




Duhthawh lutuk chuan kan in fawp a, a ni pawh a ma tawk ah a duhthawh ve hle, hetiang taka duhthawh hian min la chhang let ngailo, chumai pawh ni lovin ka taksa chu a kut nel thep chuan a rawn zut kual a, chu ringawt pawh chuan min chawk phur lutuk tawh tlat, a kawrfual hak pan te chu ka phelh sak a, kawr hnuai a hak loh avangin a hnute bu var han mai ka hmuh chuan rual chil ka lem khawlh, a hnute chu a lian lem lo mahse a nalh taak viau thung, a kawng fek rat ah chuan chelh in a hnute ah chuan hmai ka phum a, a taksa chu a rawn ti kang ve awk awk mai, ka kut chu hnuai lamah ka sawn thla zel a, a point ka khawih fuh takah chuan a rawn rum chhuak hak.




"Duati in sum suh, thawm i chhuah avang khan hmeichhe lep chiah i ni tihna a nilo" ka ti sup a, hnuai lamah ka in sawn thla nghal zat, a mak in kar a hmai ka phum chhung zawng chuan ka chhip ah a rawn tham ve chawt chawt a, a na hran lo, ka kawr chu ka phelh ve a, ka mipat na rawn khawng tak mai a hmuh rual chuan zam hmel a pu ta deuh, chil lem khawlh in Bawiha chu a en reng a, mit a la sawn eih lo, a vawikhat hmuh na ang maiin alawm a en ni, a mit dan chu siam rem sak in a taksa thlawp ziah tur chuan ka delh bet ta ran mai.




"Duati I zam leh deuh em ni?" Ka tih chuan lu a thing a, let leh thei ka nih tawh loh zia hrechiang tu ka ni bawk a, eng ang pawn zam mahse ka thiltih tawh chu tih tlang ka tum bur, a hmeichhiat na bul vel ah chu ka mipatna chuan ka hawl kual a, a thaw hak hak mai, "Ka mit ah min en reng ang che" ti sup in a hmui ah ka zuk fawp leh tawk a, muangchangin a taksa chhung ah chuan ka kut ta riai riai a, chesual ve fo tawh mahila a tan chuan a lian deuh chu a ni, ka thun luh vek tawh hnuah che chang lovin ka ngaichang vang vang phawt a.




"Ka che tan dawn nia, he thil kan tih lai hian keimah chauh i rilru ah min dah turin ka duh che, i hrethiam tiraw?" Ka ti sup a, a bu nghat nghat mai, nui suk in muangchang chuan ka che ta riai riai riai a, a hnuah ka che rang zel a, "Mi.. Mike ka zo dawn in ka hria" a tih chuan ka che rang sauh, a rawn te chhuah tak that that ah chuan ka che chu ka tawp a, hah hmel zetin a thaw ta hlawp hlawp a, ka la zo ve lo, a awmdan pangngai hun ka nghah deuh hnuah ka che leh tan a, rei ka daih tawh bik lo, taksa khur ngawt ngawt chungin ka delh bet ran a, a ni pawh a thaw hle hle tawh.




"Ka la duhtawk dawn hauh lo a nia" mit a chhung diar diar ka hmuh chuan ka ti a, a chau ngang a niang min chhang tur a awm lo, ka nui ta suk a, a rui sa deuh tawh bawk nen a muhil zui nghal mai, khum atang chuan tho chhuak in bathroom ah ka va in tifai thuak thuak a, Duati chu tih harh chi ah pawh ka ngai tawh lo, khum bula tissue paper chu pawt chhuak in a hmeichhiat na bul vel chu ka hruk fai sak a, engmah pawh in bel tawh lem lo chuan a bulah ka mu thla leh thuai a, mipa thisen lum hma em em ka ni bawk nen ka taksa chu a danglam leh thuai a, in sum chu a harsa lam mah a ni.




Duati muhil lai chu darkar chanve chuang ka en tawh, a la muhil tui hle a, tih harh ka hreh bawk nen a muhil lai chu ka thlir ngawt ngawt ringawt, ka muhil tam lo hle mai, darkar hnih chauh muhil ang vel ka ni, tunah khua a la var lova mahse ka mut erawh a chhuak tawh hauh lo thung, ka in sum thei tawh thlawt lo, Duati chu dim te in ka kuai zang thal a, a awm ah chuan hmai ka phum leh vang vang mai, a rawn che tiah tiah a, a harh dawn emaw ka tih laiin tep chiap chiap chungin a thaw leh sak sak a, ka nui ta suk, a awmdan a engkim hian min hip hluah hluah chu a nih hi.



Grace Lalthazuali POV



Ka taksa za mer mer avang chuan chiang lo riai in ka harh a, "Ka la muhil duh a nia" a takah ka tawng chhuak em tih pawh ka hrelo, "Ka ning, ka mut a la chhuak ka tih chu" ka awm zawn za leh sa deuh ham ham avang chuan mut luih chi pawh a ni tawh lo hrim hrim, chiang mang hlei lo hian ka meng diar diar a, Mike-a chuan ka awm zawn ah hmai a lo phum reng chu niin, "I lo harh tawh maw, kaih thawh i har reuh hle mai ka duat" tiin ka hmai zawn ah chuan a rawn in sawm chho a, a hmui huh hlap nen chuan a lang sexy a ni tawp, a mitmeng ah chuan enge a beisei tih lah ka hai der silo.




"Ka mut a la chhuak teh mai nia, a tlai tawh viau a mi?" Tiin tukverh lam ka hawi a, khua a lo la thim tho, "I va harh hma ve, dar 4 pawh a la ri lo a nia aw" tiin ka ham leh bai bai a, "Nizan i muthilh dawn a ka sawi kha i ka hria em?" A tih sup chuan awmzia hrelo zetin amah chu ka en a, nizan a thil thleng engmah ka hrechhuak thei mai lo, "Enge nizan ah" ka tih mai mek chuan ka mitthla ah a rawn lang ta uar aur mai le, ka zak lutuk chu puan in ka khuh sawk sawk a, nui hawk hawk chungin puan chhung ah chuan a rawn lut ve nghal, zingkar mah nise kan bengchheng nghal hle.




"I hman chuan kan chhuak dawn em ni?" Bathroom ah Mike-a a rawn luh chuan ka phu zawk a, ka thil ken lai chu ak dahtha vat bawk, "Enge i thuhruk kha?" Tiin ka hnunglam chu rawn en mai a tum a, "Engmah a nilo, lo va chhuak rawh, ka hman tep" ka tih chuan ngun zetin min en a, "Awle, hmanhmawh lutuk duh suh, haw kan chu hmanhmawh vak a ngailo" a tih chuan ka bu nghat nghat a, bathroom atanga a chhuah takah chuan ka thaw huai thei, ka damdawi thuhruk a hmuh teuh hman zia kha, min man chhuak teuh ther ther hle mai.




Bathroom atanga ka chhuah hnu chuan kan in zui chhuak a, kan bungrua erawh motor ah a awm vek tawh thung, "Eitur kan ei hmasa phawt dawn nia, chuan kawng lak a i eitur te pawh kan lei nghal dawn nia" a tih chuan ka bu zeuh a, kan thil ei na thin bawk ah chuan kan lut a, eitur kan nghah mek lai chuan nidang a kan chawlh lai pawh a hmeichhia lo awm thin chu kan bul vel ah a rawn kal kual reng a, tihtur tul em em a nei pawh a nilo, a rawn kal kual ve satliah nimai hian ka hria, hreawm lamah a kal mah zawk, a hmel erawh a chhe vak lo thung, a pian pawh a nalh ve lutuk.




"Min lo hrethiam la thianpa i no min pe thei angem?" Kan dawhkan sir a rawn din pah chuan a rawn ti a, a phone chu a keng lang va bawk, "Ka bialnu hian a phal leh phal loh a nimai" Mike-a lah chuan a lo ti awlsam then a, chunu chuan keichu min rawn en a, mak a tih hmel hle bawk, enge mak tih vak tur pawh ka hrelo, "Min hrethiam rawh u, unau emaw ka ti cheu a" tiin a kalsawn nghal nal nal a, a zak ve ang chu, engtinge unau anga min ngaih theih zawk ni, kan in ang lo nasa ropui si, bakah helai hmun a kan kal fo dan ah unau kan nilo tih te chu hriatthiam ve awm a nia, a ruk tak chuan ka nuih a za a, chawh ka ti viau bawk.




"Tinge khatianga i tih kher a, i no te chu pe ve mai ta che" ka tih chuan nui suk chungin a mit ko chu a san awk a, "Pe chiah ila chu i thinrim leh lovang tih hriat a ni hleinem, a nih loh pawh in nizan ang khan i tap leh hliam hliam ang tih pawh a hlauhawm alawm, kan pahnih chauh in kan awm tawh silo a, nula puitling tawh I tap ruah ruah lai midangin an hmuh che chuan mak an ti dawn lutuk a sin" a ti kher a nih chu, ka va han ngei mai mai takzet rui lo ila chu khatiang khan ka awm awm tawp silo a, min chhaih nan a la hmang zui, ka zak bawk si ka ngei tho bawk si chu lei ka chhuah khum zeuh ringawt, ka hmai a sa hat hat bawk a, tun atang chuan ruih theih chi hrim hrim engmah ka in tawh miah lovang mawle, keimah leh keimah ka in ti zak mai mai a ni.




Thil kan ei zawh hnu chuan ei man pek na lamah kan kal a, nichin a hmeichhia kha a ni bawk en a hma angin min en tha ngam tawh lo, eitur dang te kan lei hnuah motor lam pan chuan kan kal a, "Kal lamah min muthilh san tluan thak a, haw lam tal hi chu muhil tawh biklo la, oh.. nizan avang khan i chau awm si a, i duh chuan i muthlu leh dawn nia" a tih chuan ka ngei ru deuh hle, "Ngawi mai mai teh, kha thil kha i ngam chuan i sawi leh dawn a nia" tiin ka vo ve khar khar a, hepa hian nizan ka chet dan vel kha min chhaih nan tak a hmang dawn in ka hria.




"Nizan ang khan.." a tih leh chuan chu "Ngawi rawh ka tihkha, nizan chungchang kha han sawi leh na teh, i rual in ka haw lo a nimai" ka lo ti leh vat a, nui hawk hawk chungin engmah a sawi chhunzawm tawh bik lo, chawhnu in kan thleng a, ka chau bawk nen ka muhil nghat char char, thui lo viau mahse motur han chuan reng takah chuan a chauh ve theih khawp mai, motor rui chu ka ni bawk nen ka chau zual nimai hian ka hria, zanah erawh ka harh tha viau tawh a, Asangi a rawn leng a, ka u mut hnuah kan titi a, kan kal na chanchin te chu min zawt a, ka hrilh nghal zung zung.


Zawmna



"Sir Mike-a hian a duh tak tak chiang che alawm, chuti nilo se a bulah a awm tir tlat lovang che" ka nui hak a, "Min duh tak tak lo, kan in rawn dan pawh ka hrilh chian viau tawh che kha" ka tih chuan "Ka hria, mahse han ngaihtuah teh, i ngaih ang tak tak hian nilo, hmeichhe tamtak hel tu a nei tih pawh i hriat ve tho kha, duh nise hmeichhe dang tha tak tak a bialnu nih chak pawh an tam, mahse an ni chu hnawl in nang a thlang chat che a nia" a ti leh siam siam a, ka thiannu ve hi zawng tih ngaihna pawh hi a awm lo, a chang leh min ngei pui em em a, tunah lah min duh pui leh em em thung a.




Ni a liam ve zel a, thla hian a liam hnuah phei chuan Mike-a ka hlauh na pawh a reh ta vek, a hma ai mahin min ngaihsak a, ka ngaih ang em em in harsat na lah ka tawk lo bawk, Ruata nen pawh kan in hmu ngai tawh lova, kan in ah lah a rawn kal tawh ngailo, Mike-a nen kan in zui tam hnuah phei hi chuan ka hre chang tawh ngailo, a chang hian Mike-a hi ka lo ngaihtuah leh veng veng zel, mahni a ka awm chang phei hi chuan amah bak ka ngaihtuah ngailo, ka duh tih dawt ka la ngam bawk silo, diktak chuan ka zun ah ka uai tan mek niin ka hria, he thil hi a tir atanga ka hlauh em em kha a nia, tunah a thleng dik mek zawng a nih hi.




"Enge i tih mek, i muhil a mi?" Vawin chu hnaah ka kalih vangin Mike-an min rawn call reng a, enge maw a hriat ni, nimin lamah kan vak kual nilen avangin amah zawk in chawl hahdam turin min ti kha a nia, ka muhil dawn chiah tih in min rawn ti harh leh zel bawk nen ka thinrim tun tawh mai, "I ninawm, enge min rawn call reng a, nichin lawk ah min rawn call zo chiah a, ka muhil dawn ka tih tawh mawlh mawlh kan mawle, ka muthilh dawn veleh enge min rawn call harh zel?" Ka ti bak hlar a, midang pawh nise an thinrim ve tho ang, a thinrim thlak ve em bawk a ni.




"Hnaah rawn kal leh si mai rawh, i awm lova office pawh a reh huai mai" a tih chu an ka ner vak a, "I mawl a mi, tunah chawhnu lam a nih tawh hi, tikhan hna kha thawk mai mai rawh, min rawn call tawh suh, min rawn call eng ang mahla ka la tawh dawn chuang lo a nia, ka dah, hnathawh tui" ti hmak in a rawn tawng leh hma chuan call chu ka cut ta daih, ninawm ve em bawk a ni, darkar tin min rawn call a, ka duh vanga chawl pawh ka nilo, a mah zawk in chawl turin min tia, tunah kal leh turin min tia, ka kal dawn loh zia chu, mut hahdam mai mai ka thlahlel rih lutuk tlat.




Zanah chuan ka u nen Asangi te in a len tum in kan in tin tuah a, in atang kan chhuak tep tih ah kawngka chu a rawn ri a, ka va hawng vat, Mike-a a lo ding heu mai, "Enge i lo tih dawn a?" Ka ti haw a, "Ka bialnu ka rawn rim dawn a nih hi, kal chhuah i tum a mi?" A tih chuan "Asangi te inah ka u nen len kan tum a" tiin ka awm sawn a, a rawn pen lut ve nghal zat bawk, "Kha Mike-a chu I rawn leng a nimaw?" Ka u pindan atangin a rawn chhuak a, "Aw.. len chhuah in tum tih ka lo hrelo a" a ti sup a, "A pawi lo, keimah in ka kal thei alawm, tikhan lo in kawm rawh u, len satliah mai mai a ni tho a, keimah in ka va kal ange" tiin ka u chu in atang a chhuak nghal a, Mike-a chu tho nawlh in kawngka chu a va kalh nghal hmak bawk.




"Tinge i kalh kher a?" Ka tih chuan nui suk in ka bulah chuan a rawn thu thla a, "Kan pahnih a kan awm dun lai midang in min rawn hmu ang tihi i hlau lo em ni?" A tih chuan kei ka chhuah zeuh a, "Hetah lo kal teh, ka ngai viau che a nia" tiin a lamah chuan min pawt hnai deuh a, "Vawin hna i rawn kal lo chu ka engtih mah a tui theilo, nidang ah chuan i chawl tawh miah lovang" tiin a nui ri suk a, "Ka duh vanga chawl pawh ka nih loh kha nangman chawl turin min ti a" ka tih chuan "Ka in chhir reng a sin" ti sup in min rawn kuah nghal thuk a.




"Naktuk ah ka nu te an rawn zin dawn a, in hmu ve ula ka duh" a tih chuan amah chu ka en vat a, "Aa.. ka duh lo" kan ti ringawt a, ka duh lo tak tak, an hausa ropui si a, keilah fahrah neih engmah neilo ka ni bawk nen eng angin nge min ngaih ang pawh hriat a nilo a nia, "Engvangin?" Ti sup in min rawn leh thla run a, "Ka zak alawm, bakah kan dinhmun a in thlau ropui sia" ka tih sap chuan ka hmui chu a rawn tawk zeuh a, "Chutiang ah buai a ngailo, ka duh che a, chuchu a tawk, hre reng rawh" tiin ka hmui ah chuan a rawn fawp zeuh a, ka lawm ru ang reng viau, ka ti kang duh lem lo thung, ka u rawn haw hnu reilo te ah Mike-a pawh chu a haw a.




"Ka chhungte chu an rawn thleng tawh a, vawin hna banah ka inah min rawn zui haw la ka duh, ka pa hnenah kan chanchin ka sawi tawh a, chaw ei ah sawn tur che in min ti a" tiin ka dawhkan hmaah chuan a rawn ding a, "Ka sawi tawh kha" ka ti sap, ka huphurh zia a hrechiang ve reng sia, tinge maw min tih luih tlat ni, "Engmah hmaih tur a awmlo, i bulah ka awm tlat dawn alawm, puitling kan ni tawh a, ka chhungte pawh hmu ve hrim hrim la ka duh, in lo in ngaina viau maithei a sin, chuan ka pa in chaw ei ah a sawm che a, i kal duh lo a nih chuan a lawm viau lovin ka ring" tiin a thut na lam chu a pan nghal nal nal, ka va han ngei mai mai tak.




"Vawin tur tut ah kan in hmu dawn tih ka hre lawk bawk silo a, min hrilh lawk tur che a nia, ka in thiam dan te hi" motor a kan chuan lai chuan ka ti hlak hlak a, ka huphurh bawk nen phun nawi na tur ka zawng ni berin ka hria, "A pawi lo, i nalh lutuk alawm" a ti awlsam then mai si, a in rin tawk na zat ve ang tal hi chu min sem then ve se tha tur a nia, ka zam lutuk hi ka tha te a khur dar dar mai, an in kawt ah chuan motor a ti ding a, ka kal ve fo tawh, vawin ang em em a kan thlen ran hi ka hrelo, nichin mai khan kan tlan chhuak chauh emaw ka ti zawk kha a nia.




"Mike nidang ah ka hmu mai ang, engmah pawh ka keng silo a, bakah i chhungte hmu turin ka la in peih lo" kawngka zawn ah kan ding ran tawh, "Ka chhungte chuan nghakhlel takin an lo chang ran tawh che a nia, in nghah thlawn tur chu i duh chiah in ka ring lo, ka bulah i awm tlat dawn ka tihkha, lungngai suh, an seh em lovang che" tiin ka biang ah chuan a rawn fawp zeuh a, doorbell chu a hmet ti ta tlang tlang a, ka thaw chhuak ham ham mai, reilote hnuah nula hmeltha tak hian a rawn hawng a, Mike-a nau a ni ngei ang, in an na lai lai te chu an nei ve, a u a hmuh chu an a nui nghal var var a.




"In lo thleng tawh maw, chibai leh keihi Lalramnghaki ka nia, U Mike-a nau neihchhun ka ni e" tiin keichu min rawn chibai a, a fel hmel phian, "Pawn ah hian kin din tir char char i tum em ni?" Nui suk chung chuan Mike-an a lo ti sup a, "Oh.. lo lut rawh u, ka hmu chak tawh lutuk che a" tiin keichu min be nghal siam siam a, rin ai taka mino dawn sawn that avangin ka thaw deuh huai mai, sitting room lamah chuan kan kal phei a, couch ah chuan ka ula lam tawh hi a lo thu run a, sawi ngai lovin Mike-a pa a ni tih ka hre nghal, an in ang lutuk tlat, a nu pawh chu an pa sir a thutthleng ah chuan a thu ve bawk.




"In lo thleng ta maw, nanghi kan fapa bialnu chu i nih ka ring, i hmeltha hle mai" tiin an pa ber chuan keichu min en a, "A.. ka lawm e" ka ti sap, tawngkam ka thiamlo bawk nen lo dawn sawn dan tur ber pawh ka hrelo, "Mama hian i chanchin min hrilh khan ka lo awih sak duh lutuk lova, mahse a taka han hmuh takah che chuan a lo fak uchuak hauh lo che a nih hi" a ti leh a, nelawm loh viau angin lang mahse rin ai takin a nelawm hmel, "Keihi Mike-a pa Lalnuntluanga ka ni a, Pa Tluang tiin min ko mai dawn nia, chuan heihi Mike-a nu Lalruathlui, Nu Hlutei tiin i ko dawn nia" a ti leh zung zung a.




An nu chu ka en zeuh a, lawm loh na nei a ang ka ti, mahse ka la hrechiang lova ngaihdan ka siam zung zung ngam chuang lo, "Chaw ei nan a la hma tho bawk a, in hriat chian nan te hun kan hmang ang chu tiraw, Grace nangpawh zak duh reng reng suh aw, tawng bawrh bawrh rawh, in pawh tlang taka awm hi a nuam a nia" Pa Tluanga'n a ti leh a, "Ka u nen hian engtinge in in tawn a" Nghaktei chuan a rawn ti phawng a, Mike-a chu ka va melh zeuh, chhan dan tur ka hre mai lo, kan in tawn dan lah kha sawi chi a ni bawk silo a.




"Hnathawh naah kan in tawng" Mike-a zawk chuan a lo ti vat a, "Nangmah ka zawh loh che kha, hrim hrim in enge hetah i la tih ve reng a, han in thlak ta che, Grace-i hi kan lo kawm ve ang, ven tung pawh a ngailo, taka ka u lo che a, pawi i ti em, kan in rual vel ka ring ringawt a" Nghaktei bawk chuan a ti leh zung zung a, "Pawi lo e, min u duh suh" ka lo ti ve sap, "Mama nangpawh han in thlak rawh, Grace-i chu ti hian kan lo kawm ange" Pa Tluanga'n a tih takah chuan "Ka rei lovang"ti sup in a tho chhuak a, rin ai takin nuam ka ti ta phian, a chhan ber pawh Nghaktei vang a ni, min be bawrh bawrh a, Pa Tluanga'n a lo tui hnih ve zeuh thin bawk, Nu Hlutei erawh vawikhat mah a la tawng chhuak lo thung.




"Ka u hi chu luck ve viau mahse bialnu a neih tak tak hi kan hre ngai lova, amah a upa tawh bawk nen kan mangang hman alawm" Nghaktei'n a lo tih lai chuan "Hriatzuali nen an in kawp char char alawm" a vawikhat nan Nu Hlutei chu a rawn tawng chhuak ve ta nge nge a, mahse a thil sawi ber kher chuan ka awm a ti nuam lo vek, "Khatiang te kha chu hun kal tawh a nihkha, tunah te chuan Grace-i nen an in kawp leh daih tawh alawm" Nghaktei bawk, "Hriatzuali nen pawh in tih thiam loh na em em awm lovin alawm an in then ni, Hriatzuali te chu nula fel a nia, a ni tluk a" a tihai mek in an la chuan hrawk a thian kharh a.




"Hun kal tawh sawi kan a tul tawh lo ka tih fo kha" a ti hluk a, "Chu chiah, bakah U Hriatzuali ai te chuan Grace-i hi a tha fe zawk, ka u nen pawh an in hmeh zawk bawk" min ven thawn hmel tak chuan Nghaktei'n a ti leh zung zung a, nuam lo chu ti viau mah ila ka ti lang duh lem lo thung, an tawngkam atang Hriatzuali pawh an hriat chian hmel viau a, kei nen phei chuan tehkhin chu kan ni lo nasa bawk nen ka in hmu te deuh rawih rawih mai, Nu Hlutei pawh hian sawi lang lo mahse kei ai chuan Hriatzuali a duh zawk tih ka hai lo.




"Chuan Grace-i maw kha, i chhungten eng hma nge an thawh ve a?" Nu Hlutei chuan a rawn ti a, "Ih englo, ka u nen chauh kan khawsa a, ka u hi a hrisel vak loh avang hian inah a awm tawp a" ka ti sap a, "I nu leh pa te an boral hma tih na em ni?" A tih leh chuan "Nunhlu" an pa chuan a ti nghut a, Nu Hlutei erawh in keimah chu min en ngar a, "Diktak chuan nu leh pa ka neilo a, fahrah in atanga sei lian ka nia, tun a ka u pawh hi ka thisen zawm ni lovin fahrah in atanga ka sei len pui a nia, mahse unau piang hmun ang maiin kan in hmangaih tawn ve ve" ka ti leh a.




"Nunhlu a tawk viau" Pa Tluanga'n a tih tak hmuk ah chuan Nu Hlutei tawng leh tur pawh a tawp chawt a, a lawm loh hmel viau thung, sawi tur chu a vang tawh hle, ka awmdan leh ka hmel ah nuam lo ka ti tih an hria ang tih ka hlau bawk nen ka in hum ruh nasa ngang ngang viau, Nghaktei chuan thu dang min sawi pui ta daih a, mahse a hma angin nuam ka ti tawh lo, Nu Hlutei ka va melh fuh apiang lah in nelawm loh zet hian mino melh thin bawk nen tlan haw nal nal a nia ka chak ni, sawi lang lo mahse a fapa bialnu atan min duh lo tih a mitmeng leh a awmdan ah a ti lang chiang viau thung.




Mike-a rawn chhuk hnuah chuan ka thaw deuh huai mai, chaw ei an rawt takah chuan puih tum in ka tho chhuak vat a, "Grace engmah lo ti duh suh, midang ti tu tur an tam alawm, nangchu lo awm mai mai rawh, kan khual tha alawm i nih le" Pa Tluanga chuan a lo ti a, Mike-a pawh chuan min pawt thu leh nghal vat, Nu Hlutei leh Nghaktei te erawh choka lamah an lut a, engmah ti lova lo awm tawp chu nuam lo duh tak a ni, Mike-a lah hian ka kut ah a chelh tlat bawk si, khawi mah ka kal theilo.




Chaw ei an siam peih tawh thu Nghaktei'n a rawn sawi rual chuan choka lam kan pan vat a, Pa Tluanga chu kan hmaah a kal, "Inchung a ka chhoh chhung khan thil diklo thleng a awm em ni?" Choka a kan luh hma chuan min pawt ding in a ti sup a, "Awm lo, Ngatinge?" Ka ti haw, "I hmel kha a diklo, eng emaw tak chu a thleng aniang, enge zep i neih?" Tiin min en chik tawh hle, "Engmah a thleng lo tak tak, kan titi mai mai alawm, enge thleng vak se I tih?" Tiin a mitah chuan ka melh lui ve ngar a, "Engmah a thleng lo a nih chuan a tha e, i hmel landan a dik lo viau a ka hriat vang a nia, ka hre sual a nih dawn chu, kal ila" a tih takah chuan choka lamah kan in zui lut ve thuai a.




Chaw kan ei kham hnu chuan hmun ka tih fel pui a, Mike-an phal lo viau mahse ka ti lui ve tlat, hmun ka phiah chhung zawng chuan choka ah a lo awm ve tlat a, an nula pakhat in thleng a sil a, Nghaktei pawh chu choka ah rawn lut in a u chu a fiam zeuh zeuh a, "Awi.. I va han over tak, in in neih hunah phei chuan i duat lutuk anga, Grace-i hi a no vek thei ang, ni sa a a awm chuan a kang nghal zel in ka ring" a tih takah phei chuan hmeichhia zawng chu kan nui ta vak vak a, Mike-a lah chu a lawm loh hmel viau thung, a hmel awmdan hmuh phei chuan a nuih loh theih loh.




"Duati call pawimawh deuh mai ka dawng a, ka va be lawk ange, ka reilo ang" Mike-a chuan thutak deuh zawk a a rawn tih takah chuan ka lo aw vat a, "Awii.. ka u awmdan ka hmuh hian mak ka ti, U Hriatzuali nen an in ngaihzawn lai khan hetiang em em hian a duat ngai miah lo, ka u tan hian i danglam bik tak tak a nih hi" Nghaktei chuan a rawn ti hluai a, chutah sawi sual in tih hmel tak chuan min rawn en a, ka lo nui sang, "Ka tihpalh pawi i ti em?" A ti leh hnu hnawh, a mizia hi a lawmawm takzet a ni, "Tilo e" ka lo ti mai a.




"I hre ve tawh hrim hrim em?" A tih chuan ka bu nghat a, "Hotel ah a rawn kal ve tawh alawm, a hmeltha ka ti lutuk a" ka ti mai a, "Nia a hmeltha, mahse a rilru chu mak tak a ni, mi hi a tlawn bawrh zel a, diktak chuan a bul a awm thiam har ka ti, aa.. sawi vek dawn chuan a tam lutuk, ka pa nen hian kan ti thei vak lo hrim hrim, hmelthat ringawt hi a lo pawimawh lo, rilru a that tel chuang loh chuan maw awmzia a awm lo, bakah U Hriatzuali ai chuan i hmeltha zawk fe a nia" a tih chuan "I ti zahthlak e a" ka lo ti vat a, "Ka ti tak tak alawm, ka fiamthu lo a nia, ka hmuh hmasak ber che atang khan ka ngaina nghal tawp che" a ti leh a, keipawh hian ka ngaina khawp mai.




"Grace kan in be lawk dawn em ni?" Nu Hlutei chu choka ah a rawn lut a, "Mamte lo va chhuak rawh" tiin Nghaktei chu a hrilh nghal zat a, Nghaktei pawh chu a chhuak ve vat, Nu Hlutei nen chauh kan awm takah chuan ka zam leh tawh hle, Nghaktei leh Pa Tluanga kha chu awlsam takin ka nel nghal mai a, mahse Nu Hlutei hi chu nel harsa ka ti, "Ka fapa nen hian engtia rei nge in in zui tawh?" Tiin min en kar a, "A la reilo, thlahnih a la tling lo" ka ti sap a, "A nihchu, tlang deuh in ka sawn nghal mai anga, ka fapa hi kalsan la ka duh, in in kawp na a la rei chuang lo bawk a, in kal thui tak tak hma hian then ang che" a ti ta hmak a.




Chhan mai dan tur pawh ka hrelo, amah bawk chuan "Ka fapa kawp pui atan hian Hriatzuali hi ka duh ber a, rei tak chhung an lo in zui rawh bawk a, chuvang chuan lo in thiar fihlim la an in kawp leh thuai in ka ring bawk, kan dinhmun chu i hria anga, nang ang hi chu kan mo atan i tling lo, sum i duh vangin ka fapa hi kawp i ni tih lah ka hailo, i duh a nih phawt chuan keiman pawisa chu ka pe ang che, chumi aiah chuan ka fapa i kalsan thung ang" a ti leh hmak hmak a, "Ka nu khatiang sawi tur khan eng dikna nge i neih?" Kan sir lam atang chuan Mike-a aw a rawn chhuak thung a, Nu Hlutei nen chuan kan hawi rual thawt mai.




Mike-a chu thinrim tih hriat takin a rawn kal hnai a, keichu min rawn pawt tho nghal nawlh, "Ka nu, i kal thui mah mah a ni, ka bialnu lakah khatiang thu sawi tur kan I ni miah lo bawk" Mike-a bawk chuan a ti leh a, "I nu ka nih hi i tana tha tur anga ka hriat ang ka ti a nimai, engmah tih dik loh ka nei" Nu Hlutei pawh chuan a lo ti ve fak a, Pa Tluanga leh Nghaktei te pawh chu an rawn lang ve nghal vat, "Enge nita, in va tawng ring ve?" Pa Tluanga chuan a rawn ti vat a, "Grace-i hian pawisa vangin min kawp lo, keimah zawk hi kal tir theilo tu ka ni tih i hre dawn nia, ka pa Grace-i hi ka va thlah ange, ka rawn let hunah biak che ka duh" Mike-a chuan a ti leh zung zung a, Pa Tluanga chu a lo bu nghut, choka atang chuan min kai chhuak in ka bag chu min laksak hnuah pawn lamah min kai chhuak a, kei erawh nichin mai a ka thu hriat avang khan sawi mai tur pawh ka hrelo, ka la ngawng deuh chhu mai.

Cont....

Comment hi taima hram hram ang u aw, zanin pawh dah ka tum lo zet na in zawmna a ni bawk a tiin ka rawn dah hram aw....

[Rebec Nunziri]

Chapter-8



Grace Lalthazuali POV



Pawn a kan chhuah hnu pawh chuan engmah sawi na chang ka la hrelo, Mike-a chuan motor chhung ah min chuan luh tir a, a ni pawh a rawn lut zui nghal bawk, "Ka nu thusawi kha engah mah ngai suh, a ni kha chu a mizia a dang deuh a, i hrethiam hram dawn nia" a ti sup a, a aw ah pawh chuan a in thiam loh zia a hriat theih, ka chhang lo, ka bag hrui chu nghet zet in ka vuan a, kan in lam kan pan lai pawh chuan engmah ka la sawi lo, kan in kawt a motor a tih din rual chuan kawngka hawn na ka vuan nghal vat, "Duati" tiin Mike-a chu a rawn awm hnai deuh a, ka kut chu a rawn vawn hnan nghal hmak bawk, "Ka nu ṭawngkhum na che avang khan i rilru a na viau ang tih ka hria" a ti sup a.




"A pawi lo, thudik lo pawh a sawi hleinem, mahse sum vanga hnaih che ka nilo tih chi i hria tiraw, nilo sum vang chu a ni ber alawm, kan in tawn hmasak ber dan pawh kan hre chiang ve ve, i nu khan thudik lo engmah a sawi lo" ka ti sap a, ka rilru natna chu thup hram hram ka tum a, mahse ka aw ah pawh chuan ka nat zia chu a lang chiang ngawt ang, "Nilo, sum vangin min hnaih lo tih ka hria, kan in tawn dan ah ka buai lo, hmeichhe dang ang i nih loh zia hi ka hrechiang alawm, ka nu pawh hian a la hre ve vat mai ang, tawng ve bawrh bawrh thin mahse a in chhir leh vat thin, ka nu a nia ka hrechiang, midang ka atangin eng emaw a hria a nihkha, khatiang thil kha a thleng tawh lovang" a ti leh sup a.




"Min thlah tawh ka, hahdam rih ka mamawh in ka hria" ka tih takah chuan muangchang in min thlah riai riai a, "Engmah ngaihtuah buai suh, a pawimawh ber chu ka duh na che hi a ni, midang ngaihdan ah buai lo la ka duh, ka chhungte ngei pawh ni se" motor atang ka chhuah hma chuan a ti leh a, ka chhang lo, inchhung a ka luh thleng chuan a din na ngai ah a la ding reng a, "Mate Mike-a chhungte chu i chungah an lo fel maw?" Ka u in a tih chuan ka nui lui hram hram a, thil diklo a awm tih a hriat ka duh hauh lo.




"Aw... An fel lutuk, ka va in thlak lawk ange" tiin room lamah chuan ka lut ta daih a, ka in thlak a, ka thiltih engkim chu ka phur hlawl lo a ni ber, Mike-a nu min ṭawngkhum na kha na ka ti a, ka thinrim bawk, diktak chuan chhang let ve pawh kha ka duh lutuk, mahse Mike-a nen kan in tawn dan te ka chhui kir lo thei silo a, Nu Hlutei thusawi kha a dik na lai chin a awm miau, pawisa ka duh vangin Mike-a pawh ka mutpui a tun hun kan thleng ta hi a ni si a, mahse min en hniam lutuk kha chu na ka ti, na ka ti thlawt, kan dam khaw chhuah nan theihtawp ka chhuah ve, khatiang khawp a hmuhsit na tawk tur khan engthil nge ka tih sual bik ka hrelo.




Zan lamah chuan in tih harh deuh tum in pawn lamah keimah chauh in ka chhuak a, tumah hmuh tur an awm lo, hla tak kal ka tum chuang lo bawk a ka hlau hran lo, tunlai chu thih na te a tam bawk nen Mizo mipui te hi pawn chhuah kan ti duk hlawm a, zan lamah phei chuan kan chhuak ngam vak tawh lo, Mizo tlawmngaih na, ṭanpui ngai te ṭanpui pawh hlauhawm ah a kal lek lek tawh chu a nih hi, engtik ah nge ralmuang taka nun kan hman leh theih ang ni, engtinge tualthah te hi an awlsam em em theih zawk ni.




Mipa mai pawh a ni tawh lo, hmeichhia thleng in, hmeichhia in kan tih ngam loh tur anga kan dah te ti an tam tawh a, mipa ai mahin hmeichhia hi an hlauhawm tawh zawk in ka hria, mipa te chu sual hmel deuh a kan hriat ang lakah in ven fimkhur nachang kan la hre tal a, hmeichhia chu fel hmel deuh a lang te hi a hlauhawm ber ber an ni thei tlat, mipa ah pawh awm tho mahse hetiang lamah chuan hmeichhe lakah hian fimkhur a ngai nasa zawk in ka hria, chutiang ka ngaihtuah reng takah chuan hlauh na in min rawn man tan, tunah hmuh tur an awm lova, kan in atang ka kal hlat tak tak hma in ka let leh vat a.




Mut a la hun loh avangin tv ka en a, ka u pawh a la meng ve reng bawk, "Mate thil diklo a thleng em ni, in i rawn thlen atang khan i mizia a zawi riau in ka hria, Mike-a chhungte chu i chungah an lo tha vak lo a mi?" Ka u hi chuan ka awmdan diklo te hi a lo hre vat zel, "Engmah a awm lo, an fel lutuk alawm" amah pawh en duh lovin tv lam ngawt chu ka melh a, "Ka nau i nia, ka hrechiang che a nia, dawt i sawi leh sawi loh pawh ka hre chiang hle bawk, Mike-a te leh keini chu kan dinhmun a in thlau bawk nen a chhungte.." a tih lai mek chuan "U ka ti tak tak alawm, ka chungah an fel lutuk, a pa leh a unaunu phei chu fel tak an ni, ka hmuh tirh atang khan ka ngaina nghal" ka ti a, a nu kha chu ka fak thei thlawt lo.




"I awmdan a diklo riau a ka hriat vang ania, thil diklo a awm lo a nih chuan a tha e, rilru hah na i neih te hian nangmah chauh a tuar tum lo hian ka bulah i sawi thin dawn nia, I u ka nia, i harsat na leh i natna chu ka natna a ni tih i hriat kha" a ti sap sap a, chu thil ka hriat vang reng chuan alawm thudik tak hi ka sawi theih loh, thudik hi hria nise a natna a chhuak leh lovang tih hriat pawh a niilo a, khawvel a ka neihchhun a ni tawh a, a rilru nat hi ka phal lo, a ni hi awmlo nise tunah hian engtinge ka awm ang ka ngaihtuah thiam pha lo zawk, fahrah in atang min rawn la chhuak in lehkha min zirtir leh a, a theih ang tawk in min enkawl thin, tunah chuan ka enkawl let ve a hun tawh.




Kan mut dawn chuan call ka dawng a, Mike-a hnen atangin a ni, "Hello" ka ti sap a, kan in biak na ka u in hrelo se ka duh vangin room ah ka la lut lo, "I mu tawh em?" A rawn ti sup a, "Mu dawn chiah" ka tih chuan "Vawin tlai avang khan i awm a nuam lo viau in ka ring, ka nu avang khan thupha ka chawi leh e, khatiang thil kha a thleng nawn tawh lovang" a rawn ti leh a, ka ngawi reng a, hetiang tak hian a in thiamlo ve thei ang tih ka ngaihtuah pha ngailo, a vawikhat sawi na mai pawh a nilo, a nu min ṭawngkhum dan avang khan hreawm a ti ve tak tak in ka hria, thinrim viau mahila a chungah tak hi chuan ka thinrim hauh lo.




"Tui deuh in i mu dawn nia, engmah ngaihtuah buai lo la, i bula ka awm chhung chu i hmaah ka ding zel a, miten engpawh sawi se engah mah ngai suh ang che, ka nu ngei pawh nise, nangmah kha i pawimawh ber tih hria la, tu thusawi mah ngai pawimawh suh, chuan vawin tlai ang khan ngawi reng tawh lo la, i dik naah chuan tupawh nise i en liam mai mai tur a nilo, i hrethiam tiraw?" A rawn ti leh a, "Ka hrethiam e, a nih mangtha le" tiin phone chu ka dah a, hetiang tak hian min ngaihtuah ang tih ka ring ngailo, a ni hian min duh ve tak tak niin ka hria.




"Fiamkual mai mai atan bak ka tilo, nangmah chauh alawm ka duh, a ni kha chu engah mah ngai suh" Mike-a thusawi avang chuan ka khawng lo chauh, tunah a fa ka pai mek a, engtinge hmeichhe dang min pan san theih zawk, keimah min ngaihtuah lo a nih pawh in a fa tal hi ngaihtuah tur a ni asin, khang hun chhung zawng khan lem a lo chang mai mai tihna maw, nilo a ni theilo, ka hmangaih tawh a sin, ka hmangaih takzet tawh, ka fa pawh hian pa a la mamawh dawn chauh, keimah anga mal taka rawn thang lian turin ka duh lo, ka fa tan a nih chuan ka ngen mai ang, kan hun hman dun tawh zawng zawng te leh ka pum chhung a a fa vang tal pawh hian min pawm leh duh mahna.




A office ah chuan in ngaihtuah chiang mang hlei lovin ka lut tawp a, "Enge hetah rawn tih i tum, inah awm turin ka ti che a nilawm ni?" Mike-a chuan min hmu chu a lawm loh hmel hle, a mal chung a Hriatzuali thu ka hmu pawh chu pawi a tih hmel loh, "Mike tinge hetiang hian i awm, i fa ka pai mek tih pawh i hria a nilawm ni?" Rilru na zet chuan ka ti chhuak sap a, "Ka sawi kha, Mike-a hian keimah chiah min duh, ka thusawi lai khan awih nila hetiang hian i awm lo mai tur, tunah chuan i hrechiang ta bawk a, Mike-a in atanga i chhuah hun chauh kan nghak tawh" Hriatzuali chuan zam lo zetin a lo ti a.




"Nang kha ngawi hmak rawh, ka pasal lak atang khan awm hrang rawh" tia va pawh sawn mai ka tum chu Mike-a chuan min nam sawn dawrh in Hriatzuali chu a ngaihven vat a, ka pum puar ve ak tawh chu dawhkan sir a ka sawh avang chuan a na hle bawk, mahse ka na ti chu hria ang pawh in a awm lo, "I chet dan atthlak takin hi duhtawk la ka office atang hian chhuak nghal rawh, chuan kha i pum chhung a naute hmang khan keihi i bulah min awm tir tum buai suh, ka hmeichhe hmangaih chu Hriatzuali chauh hi a ni, nanghi ka hne tawh che, ka in atang vawin ni la la in chhuak nghal ang che" tiin Hriatzuali chu a kai a, office atang chuan an chhuak nghal.




Ka pum ka sawh na chu a na em em a din pawh ka ding tha hleithei lo, chutah ka kap lam chu a rawn kun thla pup a, ka mal ka en chu thisen a lo chhuak nasa hle, ka hlauthawng hle, "Nilo ka naute" ka harh chhuak hlawl, mumang a ni, khum atang chuan ka thu chhuak a, thlan in min bual huh zui bawk, eng mang nge ni ngai, khatiang kha vawikhat mah ka la mang ngailo, ka pum chu ka khawih a, nilo naute ka pai lo, damdawi ka ei alawm, chuan khakha hriat tir na a ni thei mai angem, Mike-a hian min lo fiam kual tak tak em ni dawn le, ka phone a sana ka en chuan zinglam dar 3 a lo ti tawh, khum atang chuan tho chhuak in tui in turin ka chhuak a, tlem chuan ka zia ta deuh.




Ka muhil thei mai tawh silo bawk nen phone chu ka en ta reng a, chutah ka no hriat ngai loh atangin message ka dawng a, ka en nghal vat, Mike-a thlalak a lo ni a, chupawh khum a kawr ha miah lova a mu lai a ni, chu aia ka mit ka tu zawk chu a ngawng a hmeichhe hnu hma tih hriat taka lang kalh chu a ni, hmeichhe dang a awmpui tih ka chiang nghal, a chhan chu thlalak an lak ni leh dar zat chiang takin a in ziak a, nichin maia lak a ni, a room a nilo tih ka chiang bawk a, ka mumang zawng zawng nen a ni hian min lo fiam kual tak tak a nih chu ka ring ta hmiah, phone chu ka off a, mutthilh chu khawi lam ka harh telh telh zawk emaw tih tur a ni.




Tinge ka rilru hi a nat em em le, Mike-a hi ka duh lo ka ti tak nangin ka lo duh hman tawh tih ka hrechiang ta hle bawk, a tun zung khua a var a, phur lo zet chuan hna kal turin ka in siam, office chhung a ka luh chuan Mike-a chu a lo awm vang tawh a, min hmuh rual chuan ka lam a rawn pan nghal, "Tunge i va bui ve, nizan i mu tha lo a mi?" Tiin ka biang rawh khawih mai a tum chu ka lo thle sawn deuh a, "Ka nu tha lutuk, i va thleng hma ve" nizan ah a riak tih hrelo ang deuh chuan ka awm a, "Nizan ah ka riak alawm, chuan i rawn thlen hun ka lo nghak char char tawh zawk che" tiin a nui suk a, "Um... Vawin chu tihtur i ngah deuh dawn bawk nen i hun neih dan tur te ka va tifel ange" tiin ka thutna lam chu ka pan vat.




Ka awmdan chu mak a ti deuh a ni ngei ang che chang lovin min en zui reng tih ka hria, "Nimin thil thleng vang khan..." A tih lai mek chuan "Khakha chu engah mah ka ngailo ka tihkha, sawi lang tawh suh, ka hrethiam alawm" ka lo tih khalh zung zung a, "I awmdan hi a mak riau, ka lak atang hian in lak hran i tum tlat a ka hriat, chuchi a dik em?" Tiin ka thutna lam bawk chu a rawn pan leh a, "Chutiang engmah a awm lo, hnathawh hun a nia, ka hna ka thawk mai alawm, chuan nangpawh meeting tura i chhuah a ngaih kha" amah chu ka en duh miah lo, "Duati min en teh, I damlo em ni, i chauh hmel lutuk a nia" tiin ka dawhkan ah chuan a ban a rawn nghat a.




Chhan ka tum lai chuan office kawngka chu a rawn in hawng a, Hriatzuali a rawn lut nghal, nizan thlalak min rawn thawn tu kha amah bak hi a nih ka ring lo, "Enge hetah rawn tih i tum?" Mike-a chuan nelawm loh zetin a lo ti nghal hmuk a, "Oh.. ka haw hnu khan thil ka theihnghilh tih ka hria a, rawn la turin ka rawn kal leh a nih hi" tiin keichu min rawn en a, a nui sak bawk, "Engthil nge i theihnghilh?" Mike-a chuan a ti hluk a, "Khum ah khan a awm ka ring, ka va en lawk ange" tiin Mike-a mut na lamah chuan a lut a, ka lo ngawi ran, "I thil zawm i hmu tawh a nih chuan i chhuak thei, tun a chin ah ka phal na tello chuan ka office ah hian rawn lut mawl tawp tawh suh ang che" Hriatzuali rawn chhuah leh rual chuan a lo ti leh hmuk a.




"Ti teh khatiang khan awm tawh suh, nizan ah pawh hun kan..." "Ngawi la chhuak rawh, i thu lawi lo sawi kha kan ngaithla hman lo" Mike-a chuan Hriatzuali thusawi lai chu a lo pawt chat hmak a, sawi zo lo mahse a sawi tum awm ang chu ka hrethiam nghal vek bawk, "A tha alawm, ka rawn kal leh vat ang, Grace ni hman nuam le" tiin keichu nui chungin min rawn en a, nui mahse min tih el na ni berin ka hria, chhang lovin office atanga a chhuak lai chu ka en liam mawl tawp, "Duati Hriatzuali thusawi kha" ka kut chu ka lo vai a, "A ho lutuk, engah mah ka ngailo, in sawifiah kher a ngailo a nia, chuan meeting tan a hun tep" ka lo ti vat a.




"Ka chungah lungawi loh na i nei em ni, lungawi loh na i nei a nih chuan sawi rawh" ka awmdan chu lawm loh hmel takin kun en ta ngur a, "Chutiang engmah a awm lo" ka ti leh tawp, a sana bunai chu a nih zeuh hnuah "In biak kan ngai, meeting zawh hnu lamah tha zawk in kan in be dawn nia" ti sup in a dawhkan lam chu a pan a, file pakhat a lak hnuah office atang chuan a chhuak nghal, ka thaw chhuak ham ham a, nizan ah Hriatzuali nen an awmdun ngei tih ka chiang ta, min va hna bum thui hman teuh ve mawle, min bum mai mai tawp lovang, a ni hi ka nun atang ka hnawt bo thei dawn lo tih ka hrechiang, Lalpa khawngaihin chakna min pe hram ang che aw...




Chawhma chhung zawng chuan Mike-a chu a rawn la let lo, ka lawm daih zawk, a bulah awm tam lo ila ka tan a tha zawk, chhun thil ei a hun chuan office atangin ka chhuak a, Asangi ka be lawk tawh bawk a min lo nghak ran tawh mai, thil kan ei lai te chuan a tawng bawrh bawrh a, kei ka lo ngawi ran thung, "Thil diklo thleng a awm em ni, ngatinge i ngawih reng a?" A tih chuan ka in thing harh vat, "Chutiang engmah a awm lo, ka ngaihtuah na ka lo kawm nasa deuh aniang" tiin ka nui a, "Kha min rawn be tu ka tihkha I la hria em?" Phur taka a tih chuan ka lo bu zeuh a, "Zanin ah kan inah rawn len a tum a sin" a ti leh sep a.




"A thlalak kha i hmu tawh tiraw?" Ka tih chuan a lo bu nghat nghat a, "A chhelo teh mai nia aw, hna tha deuh a nei bawk a, a rawn ken hunah engtinge ka lo awm ang, awi.. keichu ka phur tawh bawk sia, ka zam tho bawk si, ka awmdan hi a lai kual vel vek" tiin a nui har har a, "I va han over tak, i rin aiin a lo hmeichhe leh si ange aw" ka tih chuan "Teuhlo, a hmelchhe dawn lo tih ka chiang alawm" confi tak chuan a ti a, "Tunlai ah camera hi a tha tawh khawp a, mi tupawh mai hi kan lang tha vek tawh, chuchi hre reng rawh" ka tih leh chuan min melh rum nasa, "A hmelchhe dawn lo ka tih chu, bakah a fel a, mipa in nghah na tlak tak a niin ka hria" tiin a nui leh var var tawh.




A ni pawh hi keimah ang chiah a nia, bialpa a la nei ngailo a, kan in kawm na a rei ve tawh bawk nen a mizia ka hrechiang viau, mipa chanchin hi a la sawi ngai mang lo, chhelo tih chu a nei ve tawh a, mahse tun a a biak pa nia a sawi ve ziah ang em em a vei zui hi a la nei ngailo, tunge a nih hriatpui lem lo mahila ka thiannu sawi dan atang hi chuan mipa fel tak a nih ka ring ve tawp, mipa in nghah na tlak leh rinawm tak a nih phawt chuan ka thiannu tan hian ka duh pui nghal bur, chutih rual erawh in ka thiannu hi fimkhur se ka duh, na turin ka phal lo, bialpa nei ngailo a ni bawk nen mipa sual chuan duhtawk in a bum kual thei dawn tih ka hailo chiang em bawk a ni.



Zawmna



Mike Lalruattluanga POV



In lamah chuan ka let lehnghal vat a, ka nu chungah ka lawm lo hle, zanin hian thil engkim sawi fel nghal law law ang, ka nu hian eng ang pawn Grace-i hi duh lo pawh nise then ka tum lo, Hriatzuali hian a rilru a suk sak hnehsawh hle tih pawh ka hai lo, Lalhriatzuali pawh a in rawlh loh na tura a in rawlh reng chuan ka dawh reng dawn lo bawk, mipa ka ni a, hmeichhe khin hi ka tih duh loh avangin ka en liam mai thin a, mahse Duati nen kan in kar ah buaina a thlen ai chuan a chungah zah ngaih na ka lan tir chhan tur ka hrelo, rei tak kan lo in kawp tawh vang chiah a en liam thin ka ni.




In chhung ah chuan ka lut a, ka chhungte chu sitting room ah an lo thu thap, ka nu en ngar chung chuan a hmazawn ah ka thu a, "Ka bialnu i ṭawngkhum dan avang khan ka lawm hauh lo a nia ka nu" kanti nghal hmuk, "Thudik chauh ka sawi, engmah sawi sual ka nei hek lo, kha hmeichhia khan i sum vang mai mai in a hnaih che, i hrethiam mai lovem ni, pawisa ka pek tur thu ka sawi lai pawn min hnial miah loh kha, engvanga mawl em em nge maw i nih le?" A rawn ti nghal hlak hlak, "Hlui ngawi rawh, Mama eng chiah nge thleng han sawifiah phawt teh khai, khatianga ri buan buan lo khan" ka pa chuan a ti dut a.




"Ka nu hian Grace-i kha zah pah na nei miah lovin pawisa pe a kei min kalsan turin a lo ti a ni, nangmah ni hmuh tir cheu ka duh vangin a duh lo chung ka rawn hruai lui a, khatiang tawngkam dawng tur nilo khan" ka ti hmuk a, "Hlui i fate kawp pui turah hian in rawlh thin suh ka ti fo che a nilawm ni, chuan engtinge khatiang thu kha i fapa kawp pui bulah i sawi theih zawk, mihring vek kan ni a, in en hniam bik tur kan awm lo" ka pa chuan a ti leh dap dap a, "Kha hmeichhia kha ka fapa kawp pui atan ka duh lo, fahrah lehnghal, khatiang mai mai khan ka fapa hi a phu lo" ka nu bawk chuan a ti leh, hetiang tak hian ka nu hi a rilru a kawi tih ka hre ngailo.




A hma kha chuan mi rethei te kha a khawngaih in puih an ngaih na laiah a pui zawk thin kha a ni sia, engvanga in thlak danglam ta em em nge maw a nih le, "I rilru put dan hi thlak danglam tum vat ang che, fahrah a ni emaw ni lo emaw a dinhmun i en sak tur a nilo, mihring vek kan ni a, kan boruak hip pawh a in ang vek, chuchu hre reng tawh ang che, khatiang thil kha a thleng nawn tawh tur a nilo" ka pa bawk chuan a ti leh hmuk a, "Ka rilru put hmang dik lo vang a nilo, nangmah ni zawk hi diklo zawk chu in ni, kha hmeichhia kha engvanga ding em em nge in nih hi ka hrethiam theilo, a hmel atang khan sum bak a duh lo tih ka hrechiang" duhthawh lutuk chuan a ti leh hlawk hlawk a.




"Nu i mak emai, pasal la nei ve tur ka nih hi, Grace-i i ṭawngkhum ang chiah khan ka pasal tur nu in min ṭawngkhum ve ta se engtinge i dawn sawn ang, Grace-i pawh kha hmeichhe fel tak a ni dawn tih ka chiang, i rilru put hmang kha a diklo zawk a nihkha" ka nau pawn chuan a rawn ti chhuak ve ta hial a, "Lo ngawi rawh, in nu ka ni a, in tan a tha tur chu keimah hian ka hria, nakin a in in chhir loh nan hetiang thil hi ka ti a nih hi, engvanga min hrethiam duh miah lo nge in nih, khatiang hmeichhia kha chuan mipa hausa bak an duh lo, Lalruattluang heihi hre rawh, Hriatzuali hi i tan chuan a tha ber, kan chhungkaw mil pui a ni bawk" ka thaw chhuak hrawk a.




"A tawk, Lalhriatzuali chungchang kha rawn sawi lang tawh suh, a ni nen khan kan in kar a tawp na a rei tawh" ka ti chhuak ta hrawk a, "Mike tawngkam vin hmang suh, i nu a nihna a bo lo tih hre reng rawh" ka pa chuan a rawn ti nghut a, thinrim in sum tak chuan ka thaw chhuak hawk hawk a, "Hlui Hriatzuali chanchin kha vawikhat mah sawi lang tawh suh ang che, kan fapa nen hian an in kar a tawi fel na a rei tawh tih i hriat chian kha, a ni nen khan in in be fo tih pawh ka hai lo, be tam tawh lo la i rilru put hmang pawh hi a pangngai zawk ang" ka pa bawk a ni.




"Hmeichhe fel tak a ni a, Mike-a tan pawh hian nupui tha tak tur a ni, chumi ka hriat vang chuan alawm kha hmeichhia kha then la ka duh, Hriatzuali chu mo atan ka pawm ngai dawn lo tih hria ang che" keimah min rawn en ngar chung chuan ka nu chuan a ti ta hmak a, "A tawk tawh viau, Lalhriatzuali mo atan i duh viau a nih chuan fapa dang nei la chuchu i neih tir dawn a nia, ka dam chhung chuan nupui ah ka nei ngai lovang, ka pa office lamah ka riak dawn a nia" tiin ka tho chhuak a, pawn lamah chuan ka chhuak nghal nal nal.




"U lo ding lawk teh" ka nau chuan min rawn um zui a, "Grace-i kha a rilru a na viau em, ka ngaihtuah lutuk a" a rawn ti sap, nui suk in ka nau sam ah chuan ka chul sak deuh a, "A tha, hmeichhe chak tak a nia, khatiang mai mai ah a rilru a ti na duh lovang, ka hrechiang alawm" ka ti sup a ka thusawi chu keimah ngei pawh hian awih har ka ti, khatiang tawngkam na lutuk kha tu minting mah hian an tuar dam mai mai thei dawn hauh lo tih ka chiang miau, ka nu ṭawngkhum dan kha ka ngaihtuah let a, Duati chu ka ngaihtuah zual khawp mai, ka chhungte hmu tura ka lo hruai kha ka in chhir rum rum hian mai.




"I duh takzet tih ka hrethiam mai, ka vawikhat hmuh na atang khan a sual dawn lo tih ka hre nghal thei alawm, U Hriatzuali ang lo takin ka ngaina nghal bawk a, engvanga ka nu hian hetiang rilru pu tlat nge maw a nih le?" A ti vawng vawng a, lu ka thing nghut, "A.. ka nu leh U Hriatzuali hi an in be nasa lutuk a, U Hriatzuali hian ka nu rilru hi a hruai kawi vek tawh nimai te hian ka hre tawh" a nih te pawh a ni mahna, "Office lamah chuan ka va kal ange" ka ti ta sup a, "Awle, fimkhur la, chuan naktuk ah ka lo kal ang aw" a tih chuan chhang in ka motor ah chuan ka chuang lut nghal a.



Office ah chuan keimah in ka awm ran a, zu no ka dawm run bawk, ka kai viau tawh bawk, kawngka chu a rawn in hawng riai riai a, ka hmu phe deuh tawh bawk nen tunge a nih ka hre thei mai lo, hmeichhia a ni tih erawh ka chiang viau, a rawn kal hnaih zel takah chuan a hmel chu ka hmu chiang ta, Lalhriatzuali a ni, engtinge hetah te a rawn kal theih, zanlai a pel daih tawh si a, "Enge hetah i rawn tih dawn?" Ka hmu chu ka lawm lo tih thup pawh ka tum lem lo, "Nu Hlutei'n min rawn bia a, office ah nangmah chauh in i awm bawk nen i khawhar hnem turin ka rawn kal a nih hi" ti sep in ka hnunglam ah chuan a rawn kal a, ka dar chu a hmet nghal niap niap.


"Ka mamawh lem lo che, i let leh thei ang" tiin ka no ken lai a zu awm chu ka tlak nghal pawp a, ka ner nghal sawk mai, "Ti teh, hetiang hian awm tawh lo la, tun hmaa thil thleng kha chu ka tih sual a nihkha, min ngaidam tawh la, ka lak atanga I in lak hran tlat leh hmeichhe dang i hnaih hi ka tan a nat zia hi i hrethiam lovang" a tih chuan ka nui suk, "I thiltih sual kha ngaihdan theih chi ah I ngai em ni?" Ka ti hmuk, "Mike khawngaihin, ka hmangaih che, khatiang thil kha vawikhat mah ka thlen nawn tir tawh lovang, chuvang chuan ka bulah lo let tawh rawh" a ti leh.




"I thu lawi lo sawi hi duhtawk la chhuak rawh" tiin zo chu thlit chhuah ka tum a, min rawn laksak rual chuan ka rum nghut, "Keiman ka lo thlit sak ang che, i bulah tlem ka in ve anga ka haw ang" a tih chuan engmah ka sawi tawh lo, ka maimit chhung vang vang a, ka mitthla ah Duati bak a lang chuang lo, ka nu ṭawngkhum dan avang khan tunah te hian hreawm takin a awm mek angem, nichin khan hmu turin kal ka tum a, mahse hun thawk a duh ka rin vangin ka thulh leh ta zawk kha a nia, "In rawh, no khat hi ka in zawh ah ka haw ang" tiin no chu ka hmaah a rawn dah a, ka ban nghal vat, vawikhat ah ka tlak nghal pawp a, ka hrawk chu a sa nghal ham ham mai.




Reilote hnuah ka lu chu a rawn hai nasa zual sauh a, ka khaw hmuh pawh a thim riai riai, a hnuah phei chuan engmah hriat ka nei tawh lo, ka mipatna sa ham ham avang chuan ka thaw chhuak hawk a, "Ka duatte" ka ti chhuak sup, "Keimah chauh hian a ni i mamawh chu pe thei che" hmeichhe aw chuan a ti sap a, a ka lum nuam tha zet a ka mipat na a hm**m takah chuan ka dang ro lutuk tih hnawm nan chil ka lem khawlh a, ka harh chhuak deuh thut ka mumang emaw ka tihkha a lo ni hauh lo, ka meng chhuak hlawl a, ka mipatna hm**m mek tu chu Duati ni lovin Lalhriatzuali a lo ni, kawr engmah a ha lo bawk, tho chhuak nghal vat in a sam ah chuan ka tham sak chawt a.




"Engthil nge i lo tihkha" tiin ka mipatna chu ka en zeuh a, a lo tho tha tawh ngang mai, "Mike min mamawh tih ka hria alawm, kan pahnih chauh in kan awm hi, in sum a ngailo" tia min rawn awm hnaih a tum rual chuan a sam ka tham na chu ka ti na sauh a, a rak nghal that, "Ka phal na tello in engtinge hetiang hian i chet ngam zawk?" Ti ṭhawt in khum atang chuan ka theh thla hnawk a, "In ha la chhuak vat ang che" tiin khum atang chuan ka tho chhuak a, ka boxer chu ka ha tha nghal, "Tinge hetiang hian i awm tlat a, a hma pawn hetiang te chu a thleng fo tawh alawm" chhiat atanga rawn thawh chhuah pah chuan a ti a, in her in amah chu ka en ran, ka hmaah chuan saruak ngal ngat in a ding bawk.




A hmel ah chuan zah na pakhat mah ka hmu lo, hah... Engvangin nge a zah tehreng ang ni, hetiang hian ka hmu fo tawh miau alawm, "Hun kal tawh sawi a ngailo, chhuak nghal rawh, ui hur ang maia hetianga chet i lak hian ka ngaihdan che a hniam sauh tih hre bawk ang che" ka thinrim bawk nen a chhuak vat lo a nih chuan kut ka thlak duh mai dawn tih ka hria, "Mike" tih pah a min rawn hnaih leh rual chuan a hrawk ah ka rek bet chawt a, "Chhuak rawh ka tih chu, i chhuak lo a nih chuan kut ka thlak ang che" tiin ka thlah a, a khuh nghak bawrh bawrh a, nawr luih chi ka ni lo tih hrethiam in a thawmhnaw chu a chhar khawm nghal sawk sawk.




Boxer chauh ha chung chuan tukverh ah ka dak chhuak a, meizial ka pak khu hlat hlat bawk, Lalhriatzuali hi engtia tih chi nge pawh ka hre tawh hrep lo, duh ai chuan a huang tau ta mah mah chu a ni, ka rui lam remchang ah engtinge a lak ngam zawk, ka nu chungah pawh ka lawm lo hle bawk, Lalhriatzuali ka la en liam zel na chhan chu a u vang chauh a ni, a u hi ka thiantha tak a ni a, boral tawh mahse a nau a nih angin leh ka hmeichhe kawp thin a lo nih tawh angin a chungah zah ka la ngai zel a, hetiang reng a nih chuan a u nen kan in thian that na theihnghilh in a chungah zahngaih na nei lek lovin ka che ang.




Duati rawn thlen hun chu ka lo chang reng tawh, nghak tu a tang chu hun a kal muang duh khawp mai, office kawngka a rawn in hawng rual chuan Duati hmel ka hmu nghal zat, nizan lamah a mu thalo tih hriat takin a mitmeng chu a dul deuh ruih a, ka pan hnai a, khawih ka tum rual chuan a lo awm sawn vat, a awmdan hrethiam lo zet chuan ka en a, biak ka tum in min peh hel tlat bawk si, meeting tura ka chhuah dawn thleng chuan ka ngaih chu a ṭhalo hle, meeting naah pawh ka rilru ka pe theilo.




"Tikhan meeting chu zo rawh se" tiin ka chhuak vat a, midang aiin meeting pawh a reilo zawk, hmanhmawh zetin ka office lam chu ka pan a, Duati hmel reng reng hmuh tur a awm lo, chhun thil ei a lo hin daih tawh chu niin, office ah chuan ka lo nghak ta tawp a, mahse a rawn let har em avang chuan ngaih tha lo deuh chungin ka chhuak a, a thiannu nen an thil ei na thin lam chu ka pan nghal, restaurant chhung a ka luh chuan ka hawi kual a, Duati leh a thiannu lo thu dun ka hmuh chuan an lam chu ka pan vat, min hnungchhawn zawng a thu a ni bawk nen min hmu theilo a, a thiannu chuan min hmuh rual in a tawng lai chu a tawp chawt.




"Ka lo zawm ve nghal mai ang che u" tiin Duati bulah chuan ka thu thla a, "In va meeting reilo ve" a tih chuan ka nui a, "Min lo nghak dawn emaw ka tia, i lo chhuak hmasa a" ka ti sup, engtin mah min chhang lo, thil kan ei lai pawh chuan a ngawi reng a, a thiannu lah chu ka awm vang nge a ngawi ve dak bawk, "Lo va kal hmasa rawh" thil kan ei zo restaurant atangin kan chhuak chiah tih chuan Duati thiannu chu ka kal hmasak tir a, "Khawiah nge kan kal dawn?" Garrage lam ka pan pui avang chuan mak a tih hmel hle, "Khawiah emaw hruai che ka duh a, a rei lovang" ka tih chuan a thaw chhuak hak a, "Hnathawh hunlai a nih hi" a tih sep na pawh chu ka hrelo der hmak, vawin chu a awmdan hi a danglam riau a, tih hlim ka duh a ni.




Tlereuh an zawrh na dawr kawt ah chuan motor ka ti ding a, "Lo chhuak rawh le" a chhuan na turin kawngkhar chu ka hawn sak a, hmeichhe dang hetiang hian ka la care ngailo, a rawn chhuak fel rual chuan a kut ah ka kai lehnghal chawt "Enge hetah hian kan tih dawn a?" Dawr chhung a kan pen luh rual chuan a ti sap a, "I hre mai ang" tih chauh in ka chhang, "Heihi nalh i ti em?" Tiin thi pakhat chu a hmuh theih turin ka keng lang a, "Ngatinge chutiang min zawh a, tu ta tur nge?" Nui suk in min hnungchhawn zawng chuan ka din tir a, a nghawng ah chuan ka awrh tir nghal, "I ta tur mawle, chuan nalh i ti em?" Tiin darthlalang hmaah chuan ka din pui a, "I mit a fing hle mai, kan design thar ber a ni a, kha chauh kha kan kawl nghe nghe a sin" dawr a thawk tu chuan a lo ti a.




"Hetiang hi min lei a ngai hleinem" a ti leh sep chuan "Nalh i tih zawng a nih loh chuan a dang pawh i thlang thei a nia" ka lo ti vat a, "Chutiang lam pawn ka sawi lo, heichu a to hmel sia, ka in hmeh ve lo" tiin phelh a tum a, a kut chu ka lo vuan bet vat a, "Vawin i awmdan hi a diklo riau mai, enge thleng min hrilh rawh?" Ka ti sup a, "Engmah thil diklo a awm lo ka tih tawh kha, hetiang min lei hian nuam ka tilo zawk" a ti a, a rilru tak tak a sawi lo tih ka chiang, "Duati ka lak atang hian i in la hrang riau in ka hria, thil tih sual ka nei em ni, sawi la, hetia i ngawih reng chuan engmah kan chingfel thei dawn lo a nia" tih luih na hmangin ka bulah ka awm tir tawh a, ka theihtawp in a lakah zawl dawh ka ngai tih ka hrechiang hle.




"Engmah a nilo ka tih tawh kha, nangmah zawk hian ka lakah zep i nei em ni?" Tiin ka mit ah chuan min rawn en kar a, nizan thil thleng kha ka ngaihtuah chhuak a, a bulah sawi lan chi a nilo, "Engmah thleng a awm lo" thu diklo ka sawi vang chuan ka zam ve deuh, chutah nui sak in a in her a, "Hetiang hi chu min lei duh suh, ka ngaina vak lo hrim hrim a, kan let tawh zawk mai dawn em ni?" Tiin thi chu hnathawh tu hnenah a pe a, a awmdan mak lutuk avang hian keipawh ka hrilh hai hle, tih vak ngaihna ka hre bawk silo a, nizan thil thleng kha a hria ti dawn ila ka ring chiah bawk silo a, engpawh nise hetianga a awm chhan hi ka la hrechhuak vat tho ang.

Cont ...

Tunlai chu kan in kan sa tha a, ka buai lutuk bawk nen type na hun hi ka nei tlem lutuk a, min lo hrethiam hram hram mai dawn nia aw...

[Rebec Nunziri]

Chapter-9



Grace Lalthazuali POV



Karkhat lai a liam leh tawh, ka theih ang ang in Mike-a chu ka peh hel ve a, mahse ka boss a nih mai piah lamah a office ah ngei hna ka thawh ve avangin ka peh hel reng thei chuang lo, Hriatzuali nen zan hun an hmang dun tih ka hrelo turah a ngai a, sawi lan pawh ka tum chuang lo, mahse ka rilru ti buai ti ber zawk chu ka ngaihtuah na a luah khat reng hi a ni, ka duh tur a nilo tiin ka in fuih ve tang tang kha a nia, engtik laiin nge a lakah ka rilru ka lo pek hman ka hre biklo, kan in mar hrechiang ber tu ka ni chungin engtinge ka duh theih zawk, hun a kal anga na tur chu keimah ka ni tih ka in hrechiang si, a lakah ka rilru put hmang te tih bo tum eng ang mahila nitin kan in hmu a, ka thei bik silo.




"Duati vawin chu ka haw hma a ngai a, i thiannu nen in lo haw rual mai dawn em ni?" Mike-a chuan a rawn ti sup a, sana ka en chuan chawhnu lam dar 3 chiah a la ni, "Awle, engmah buai na a awm lo" ka ti sep a, amah pawh en lem lo chuan ka thil khawih lai chu ka tih chhunzawm a, "Tunlai i awmdan hi ka duhlo khawp mai, ka chungah lawm loh na i nei a nih chuan sawi rawh, hetia i ngawih reng chuan i lungawi loh chhan ka hre thei dawn lo a nia" ka dawhkan hmaah chuan a rawn ding run a, "Engmah a awmlo ka tih tawh kha, I hmanhmawh hmel sia kal rawh, min ngaihtuah duh suh" ka sawi zawh rual chuan s run nghut a, ka dawhkan chu a kut in a rawn khawng ri keuh keuh a.




"Hetianga i awm reng chuan ka en liam mai mai dawn lo che a nia, chuvang chuan i lungawi loh na chu sawi vat zawk rawh" ka thaw chhuak ta hap a, "Engmah a awmlo ka tih tawh kha mawle, engtia awm turin nge min duh zawk a?" Ka ti ta hmak, chik zet chuan min en a, "I mizia i thlak danglam thut te hi enge a chhan, ka lakah lungawi loh na neilo nila hetiang hian i awm lovang, min peh hel i tum tlat pawh hi ka hai lo" a ti ve ta hmuk a, "Ka ning, engkim hi ka ning, helai hmun a ka lo thawk kher kher te hi ka thiltih sual lian ber a ni, nang nen kan in hria hi a pawi, ka nun ah buai na a tam sa nen nang hian ka buai na chu i rawn belh chhah a nih hi" ka ti ta hlawk hlawk a.




A ni hi tawng lo ni ila chu hetiang teh hrep hian ka rilru a buai lovang, a mit ah tak chuan ka en kar a, thinrim in sum tih hriat zetin a lo in seh ruh teuh a, "Kha thil kha vawikhat mah sawi leh tawh suh ang che, nang ka tawng che hi ka la in chhir ngailo, ka in chhir ngai bawk hek lovang, keimah vangin buai na i hmachhawn tih ka hailo, mahse he I buai na zawng zawng hi keimah bawk in ka ti reh leh ang" a tih chuan za lo zetin ka nui a, "Engtinge i tih reh ang, ka rilru put hmang" ka sawi zawh hma chuan ka tawng tawp chawt a, "Sawi zo rawh" a tih sup pawh chuan ka ngawi ta reng, ka duh thu ka va sawi chhuak reuh ve le, sawi chhuak ngat ila chu a ni hian min zuam leh sawt awm si a.




"Kal tawh rawh" ka ti ta zawk a, "Duati" tih pah a ka dawhkan rawn kal hual in ka chair thu a lamah a pawt her a, "Ka duh che, ka duh takzet che, ka lak atang hian in la hrang tawh suh, min peh hel i tum tlat hi ka tan pawh hian a na a sin" tiin ka khabe ah a rawn dawm a, ril ruih chuan min en ta reng, ka tui ral mai dawn in ka hria, "Ih.. kal tawh rawh" min en reng avang chuan mai ru zetin ka ti a, ka awmdan chu a hailo, "Ka tha a dik em?" Tiin a rawn thingthi ta run a, ka bu zeuh, chutah nui suk in ka hmui ah chuan a rawn fawp a, a in la hrang mai dawn emaw ka tih laiin a duhthawh zual zel bawk si.




"Mike, duhtawk phawt ang, haw hma i ngaih kha" ka mal a chul kual reng bawk nen ka taksa a danglam tan der mai, "Duati, ka mamawh che" tiin ka kut chu rawn la in a mipatna zawn ah min dah tir a, ka la sawn vat, "A hun lo emai, kal phawt rawh" tiin awm sawn deuh ka tum rual chuan min rawn pawm kang nawlh in khum awmna lamah min pawm phei nal nal a, "Hei a hun lo emai" tiin ka tal ve nak nak a, "Hun rei a ni dawn hleinem, min peh hel reng avangin hrem na ka pe dawn che, mahse Duati a nuam lo zawk zawk lovang" ka beng bulah chuan a rawn nui ri suk a.




"Mike a hun lo emai" ka tih pawh chuan a che buan buan a, reilo te ah ruak in ka awm ta vek, "Duati kir leh thei ka ni tawh lo, nangpawh hian min mamawh ve tho tih ka hria" tiin ka taksa chu a khawih kual a, ka mamawh na chu ka thup reng thei biklo, kan in mamawh rawn an sang lutuk avang chuan thawm pawh kan dim hleithei lo, khumah chuan chau hnem in ka mu zawi reng a, Mike-a chuan ka dar ah a chul heuh heuh bawk, "Haw hma i ngaih kha, tho ang" tiin puan a in khuh hmun chung chuan ka tho chhuak a, thawmhnaw kan in bel zawh chuan room atang kan chhuak nghal.




"Ka chhungte naktuk ah an haw tawh dawn avangin dine out an rawt a" a necktie awrh that pah mawlh mawlh chuan a ti a, "A tha alawm, a tlai leh duai tawh a nia, va haw tawh rawh" ka ti a, "Awle, ka kal anh, chuan kan tha tiraw?" Nichin ah pawh khan min zawt tawh, "Tha tha, kal rawh" tiin ka nawr sawn deuh a, office atanga a chhuah hma chuan ka hmui ah min rawn fawp leh zeuh a, ka nui ve ta ver ver mai, Hriatzuali nen zan hun an hmang dun tih hre reng chungin ka hnar thei thlawt lo chu a nia, keihi hmeichhe nep tak zawng ka va ni chiang em, thin hriat chhuah thut ka neih avang chuan ka bag chu ka hai nghal rawk rawk a.




Damdawi chu mum khat ka kheh a ka ei nghal, ka zun chhuah avangin toilet lamah chuan ka lut leh a, nichin a kan chet an avang khan ka sam a lang pawr fap mai, ka in chul mam thuak thuak hnuah ka chhuak a, mahse ka mi hmuh avang chuan ka tawp chawt mai, "Enge hetah i rawn tih dawn?" Ka ti hmak a, ka dawhkan hmaah chuan lo ding in enge a en pawh ka hrelo, ka aw ri a hriat veleh chuan a rawn hawi nghal, nui sak in min en a, "Mike-a khawiah nge a awm?" A tih chuan dar chhin ak chungin "Hetah a awm lo, inah a haw tawh" ka ti mai a.




"Oh.. ka lo tlai deuh a nimaw, rawn sawm ka tum a sin le, taka zanin hian Mike-a chhungte nen dinner kan ei ho dawn a, Mike-a bialnu i ni bawk nen Nu Hlutei'n a sawm velo che em ni?" Sawi nuam a tih hmel hle, ka kut chu ka hum ruh nghek a, "A hma khan chaw ei turin ka kal tawh alawm, zanin a ka kal ve kher ngaiin ka hrelo" ka ti ve hmak, "I ngaih dan dan le, ka ngaih dan chuan Nu Hlutei khan Mike-a tan a duh vak lo che a nih hmel a" a ti leh, a hmaah tak chuan ding in ka nui ve ta sak a, he hmeichhe hmaah hian zam ka tum bik lo, hausa viau mahse a thil neih engmah ka la ei sak lova chumai pawh nilo min ngainep em em bawk a, min tih ang bawk hian ka ti let ve thiang.




"Nang hian thu lawi lo pui pui lo hrilh lo nila Ni Hlutei nen hian kan in rem viau ka ring a sin, engpawh nise Nu Hlutei min duh leh duh lovah ka buai lem lo hlauh a, Mike-a a nia ka bialpa nu Hlutei chu a nu a nimai a, Mike-a ber in min duh chuan ka duhtawk viau, Nu Hlutei nen phei chuan vawikhat chauh kan la in hmu a, in nel vak ngaihna a la awm lo, chutih rual in kan la in hmu tam ve telh telh anga, kan la in ngaina phian maithei a sin" tiin ka nuih sang a, a thinrim hmel ta hle, keiin nuam ka ti duah thung, "Chutiang chu a thleng ngai lovang, Nu Hlutei chuan kei chiah hi a mo atan min duh, chuchu hre rawh" a ti ta fak a.




Dar kan ak chungin "A nihchu mawle, mahse Pa Tluanga leh Nghaktei kha chuan an ngaina vak lem lo che a nihkha mawle, i mize diktak an hriat vang pawh a ni maithei, an ni pahnih kha chuan min ngaina khawp mai a, Nu Hlutei'n min duh lo mahse Pa Tluanga'n a mo atan min pawm phawt chuan a pawi vak dawn em ni?" Tiin mut ka siai leh zeuh a, "Hah.. i beisei dang hle mai, Mike-a hian nupui atan a duh che i ring reng reng emaw ni?" A tih leh chuan "Tehreng e, a ka ngeiin a sawi tawh miau a, a sawi dan phei chuan nupui atan kei min duh thu a sawi ang khan hmeichhe dang hnenah a la sawi ngai loh thu a sawi bawk a, a nih chuan i hnenah pawh hian..." Tiin ka tawng tawp leh dat a.




"Engpawh nise heta hun khawh ral lo hian i kal vat a va ngai awm ve, an mi sawm ve mai i ni sia, in nghah tir reng chu a mawi vak lovang" ka ti leh a, "Lo ngai reng rawh, Mike-a hian a then vat ang che" tiin a chhuak ta nal nal a, a awm chhung zawng khan ka in hi duh char char, Mike-a khan tinge Hriatzuali a tel ve dawn tih min hrilh loh le, a.. engpawh chu nise buai lo phawt ang, ka dawhkan ka en a, damdawi kha a lo awm reng mai, bag ah ka thun lehnghal emaw ka tia, Hriatzuali khan a hmu em lovang chu maw, a hmu a nih vaih chuan a pawi thui dawn lutuk tlat.




Chaw te kan ei kham vek hnu chuan khum ah mu in phone ka khawih mai mai a, chutah thlalak pakhat ka hmuh chuan ka mit a la zar mai, Hriatzuali nen Ig ah kan in follow tih kap hre hauh lo, a thalak post chu pakhat mai pawh a nilo, mahse ka mit la ber tu chu a thlalak pahnih na a mi hi a ni, a hmel lang chiang lo mahse Mike-a a ni tih ka hrechiang lutuk tlat, motor ah an chuang dun a, thlalak hnuai lamah chuan love a awm bawk, ka thin zawn hi a thip vawng vawng mai, Mike-a awmdan ah hi chuan min duh hmel ve vaih thin sia, enge awmzia pawh ka hre tawh lo, min bum ti dawn ila a kal thui mah mah tawh bawk si.




A chhungte hial min hmuh pui tawh a, keilah hian a lakah rilru ka lo pe ve ting tang tawh bawk si nen, vawikhat mah min rawn la be lova, Hriatzuali nen enge an tih ang tih ringawt chu ka ngaihtuah a, ka ngaih ang hi thleng lul suh se. ka rilru a va han buai tak em, enge ka tih ang, Mike-a hi tlang takin ka zawt mai dawn em niang, nge nia a hlat ah hian ka awm zawk ang, nilo chuchu a theih loh tawp ang, zan dar 11 a pel tawh, ka tih ngaihna hre ngang lo chuan Mike-a chu ka call ta tawp a, mahse a chhang theilo, ka call nawn leh a, enge ka sawi ang tih ka hrelo mahse a aw tak hriat ka duh, a bulah Hriatzuali kha a la awm em tih ka hre duh bawk.




Call a chhan rual chuan "Enge i tih, in i thleng tawh em?" Ka ti nghal thawr a, "Grace keimah Hriatzuali zawk, Mike-a chu bathroom ah a awm" Hriatzuali aw ngeiin a rawn tih takah chuan ka taksa chu a hit nghal sawng sawng thei, "Enge i biak duh chhan, a lo chhuah hunah ka lo sawi mai dawn em ni?" A rawn tih leh chuan "A ngailo" tiin phone chu keimah zawk in ka dah a, ka va han tlawm vawng vawng tak em, Hriatzuali aw a hmeh tu in tih na ri kha ka hriat hmaih hauh loh bawk, tun ang zanlai ah tawh lehnghal an awmdun a nihchuan thil thleng tur ka hre lawk sa vek, ka in rin hman hma in ka biang ah chuan mittui a lunga thla pap a.




"Tinge hetiang hi ka chungah i tih, rilru hahna ka neih tam tawh tehlul nen tinge ti belhchhah mai mai tura ka nun ah i rawn kan le" ka ti sep sep a, ka tawng ring ngam lo, ka u ka veng thawng si a, zankhua chuan ka muhil lo hrim hrim, Mike-a lah in min rawn call back hek lo, ka call na kha a hmu lo nge nia Hriatzuali nen an laklawh em vangin tih buai a duh lova min rawn call back lo zawk, chutiang ka ngaihtuah zawng ringawt pawh chuan ka harh vek thei, keihi chu vanduai tur reng a piang ka lo nih hi, ka mipa duh hmasak ber in min duh ve tih ka hriat rual in ka lak atang hnawh bo a ni a, tunah lah ka mipa duh bawk chuan min bum leh mek chu a ni si a.




Zing an chuan mit khan urh in ka tho chhuak a, chaw pawh ka ei lo, hna kal tura ka in peih fel hnuah Asangi ka call a, a in siam mek thu a sawi vang chuan ka lo nghak, dar 7 vel khan Mike-a message ka dawng a, hna kal tura min rawn lam tur thu a rawn sawi a ka chhang let lem lo, Asangi rawn thlen rual chuan in atang kan chhuak nghal a, nidang a kan kal rual chuan ka tawng ve bawrh bawrh thin a nia, vawin chu ka ngawi reng a, Asangi'n min biak chuan ka chhang a, chuzawng chu a niami, "I van chauh hmel ve" hotel a kan luh dawn chuan a ti a, "Mut ka kham lova" ka ti ringawt.




Nizan chungchang vel ngaihtuah ka duh lih vangin office chhuat ye chu ka nawt a, tihtur em em ka nei ngailo, hna han thawk ve bawk mahila ka awl hle a, hnathawk lo ang vel ka ni, chhuat nawh na ka dah fel zo chiah tih chuan Mike-a chu a rawn thleng ve ta a, "Ngatinge min lo nghah loh, ka rawn lam ang che ka ti a nilawm ni?" A ti hmuk a, mitmeng sen rum chung chuan min en reng bawk, "Asangi nen kal rual kan tum sa hrim hrim bawk nen ka nghak lo che a nihkha" ka ti mai a, "Engpawh nise in biak kan ngai" tiin ka ban ah chuan a rawn hmer vak a, "A na a nia" ka tih na pawh chu engah mah a ngailo, room lamah chuan min kai phei dawr dawr a.




"Nang hian ka lakah zep i nei em?" Ka ban a vawn na thlah chuan a ti hmuk a, ka meng awk, eng zawhna nge min zawh hi "Enge zep ila i tih?" Ka tih let chuan "Min chhang tha rawh, nang hian ka hriat lova thil tih ruk i nei em?" A ti leh hrawk a, "Neilo, enge ti ru ila min tih a?" Min vin ringawt chu lungawi lo zet chuan ka ti leh ve leh fak a, "Lalthazual, nang hian min bum theih i in ring em ni?" A tih leh ṭhawt takah chuan ka phu zawk, khatiang em em a a vin thut kha ka ring lawm biklo a tin ni, "Ka bum lo che, enge i hriat zawk a?" Ka ti ve that a, a lakah ka lungawi lo sa bawk nen dawh mai mai ka tum bik lo.




Chutah room atang chuan a chhuak a, a che zia chu mak ti zetin ka lo en reng ringawt, reilote hnuah a rawn let leh a, ka bag a rawn keng tel bawk, chutah ka bag chhung a thil awm ho chu khumah a bun ta vek mai, "Engthil nge i tih hi?" Tia lo dan ka tum chuan min lo dang tlat a, chutah le damdawi ka pai tel chu a rawn tla ta nawlh mai, Mike-a chuan a hmuh rual in bag chu khum ah a theh thla tawp a, damdawi chu a ban nghal zat bawk, ka thin chu a phu nghal dut dut mai, "Hei damdawi hi i ei a nilawm ni?" A tih leh lek phei chuan chhan ngaih na ka hrelo.




"Min chhang ta che, He damdawi hi i ei em ka ti a nihchu" a ti leh ṭhawt, "Mike" ka tih lai mek chuan damdawi chu chhiat ah a paih thla a, "Hetiang hian i chet duh ka ring ngailo, nanghi hmeichhe dang aiin i danglam bik turah ka lo ngai a sin, mahse in lo in ang vek a nih hi, tenawm lutuk" a tih leh takah chuan thinrim na chuan min rawn tuam ve leh ta a, "Enge tih sual ka neih, ka tihtur diktak ka ti zawk lo em ni, damdawi kha ei lovin lo rai ta ila" ka tawng tawp hmak, a mitmeng sen rum chuan ka tawng lai chu a pawt chat a ni mah zawk ang chu.




"Engvanga damdawi ei nge i nih?" thinrim tak chuan a ti hrawk a, ka kut chu hum ruh tak ka ni, "A chhan chu i hrechiang ber alawm" ka ti leh hmak, hlau viau mahila hlau anga lan erawh ka tum lo bur, chutah rum chhuak hrawk in min rawn hnaih nghal ruak a, lo dan emaw tal pawh ka tum lo, eng ang pawn lo dan pawh tum mahila ka thei dawn chuang lo, ka sam ah chuan dim lem lo tak hian a rawn tham a, "Vawikhat mah kha damdawi kha ei tawh suh ang che, i hrechiang em?" ti leh hrawih in ka nghawng ah chuan a rawn fawp kual nawk nawk a, ka lo in dawh mawl tawp.




"I hria em, kha damdawi kha vawikhat mah ei tawh suh ang che" a in lak hran rual chuan a ti leh hrawih a, "Ka eilo a nih chuan enge thleng tur i hriat kha, kan in kar pawh kan hrechiang ve ve, engvang a in kawp nge kan nih, kan in kawp chhan hre reng chungin engtinge i fa ka pai theih ang, min pawngsual kha i hria em?" Ka tih takah chuan a ngawi ta reng a, a in thiamlo ve deuh pawh a ni mahna, hah.. he mihring hi a in thiam lo lul lovang, ka chunga a thil tih te ka sawi chhah vanga sawi tur hrelo ngawi bak a ni tawp lovang.




"Khathil ka tihkha ka in thiam biklo" a ti ta sup a, "A nihchu, mahse a thleng vek tawh, han ngaihtuah teh, min pawngsual tu fa hi engtinge ngaih ngam taka ka pai theih i rin, Mike i in thiam lo tak tak a nih chuan kin kal tir rawh, ka chau tawh, ka hne tawh lutuk, hetia awm reng hi ka ning, ka nun hi i tello pawn a buai tawk tawh, min fiam kual mai mai tur chuan i bulah min awm tir tawh suh, neih engmah ka neih loh zia hrechiang ber tu i nih kha" ka ti ta thlawt a, "Engvangin nge ka fiam kual mai mai tur angah che i in ngaih tlat, Ngatinge ka duh che tih ka sawi hi i awih duh miah loh?" Ti hrawk in kin thing deuh nawk nawk a.




"A chhan chu i nun ah hmeichhe pakhat chiah an awm loh vang a ni, chuti chung chuan engtinge nanghi ka rin theih ang che?" Ka ti ve that a, "Engthu nge maw i sawi hi le, ka hriatthiam theih turin sawi rawh, ka nun ah nang lo hmeichhe dang tumah an awm lo" ka nui chhuak hak a, "Min bum chu tum buai duh tawh suh, Hriatzuali nen in in kar tawp rawh thu sawi reng chung siin a ruk in in la in hmu fo a nilawm ni, ka hriat loh ring suh, kan in zawmna ka hrechiang a, chuvang a sawi chhuak lai mai chauh chu ka ni, mahse mihring ka ni ve tho a, dawhtheih chin ka nei ve" ka ti ta hmak hmak a.




"Hriazuali nen..." A tih lai mek chuan "Ngawi rawh, min bum tawh lovang, tihian kan in kar chu tawp rawh se, ka u hmang a min vo in i thang kam ah min awh tir tawh a, tunah chuan engmah ka hlau tawh lo, ka u hnenah pawh kan in hriat dan diktak ka sawi mai ang, hetianga nin reng ai chuan a tha zawk, tha deuh a ka sawi a nihchuan a hrethiam em em ang" ka ti leh a, "Engthu lawi lo nge i sawi hi, chutiang chu i ti hauh lovang, ka thusawi tur hi ngaithla phawt rawh" a tih leh chuan lu ka thing a, "Ka hre hnem tawk tawh alawm, damdawi ka ei thu pawh hi Hriatzuali ka atangin a nilawm ni i hriat?" A mitmeng atang chuan ka sawi sual lo tih chiang takin ka hmu thei.




Ka nui ta hak a, "Nang leh kei hi chu kan in rem ve tak tak dawn lo, chuvang chuan tihian kan In kar chu tawp rawh se, Hriatzuali nen rei tak in lo in kawp tawh a, i theihnghilh mai mai thei lo tih ka hria alawm, ka hrethiam che, kan in kar tawp hnawk zetin tawp se Hriatzuali nen chuan hlim takin nun hmang tawh zawk rawh u" ka ti leh sap sap a, pangngai tak chuan sawi chhuak mahila ka chhungril nat zia hi tuman min hriatthiam pui phak lovang, Mike-a hi ka duh tih chi ka pha lo, mahse hmeichhe dang nen hlim taka awm tura ka sawi rual khan ka lo duh hneh tawh sia ka hrechiang leh zual.




"I sawi zo tawh em?" Pangngai taka a rawn tih chuan ka en hau a, a awmdan chu mak tih loh chi pawh a nilo, a thinrim viau ka ring kha a nia, mahse thinrim hmel pawh a pu lo, "I sawi hnem tawh tawh bawk a, ka thusawi hi lo ngaithla ve tawh ang che, kan in kar ti tawp thei tu chu keimah chauh ka ni, keiin a tawp ka tih hma chu a tawp ngai lovang" thinrim lutuk in ka melh a, a nui suk, "Chuan thil hriat fuh loh pakhat I nei in ka hria, Hriatzuali nen kan in kar ah engmah a awm tawh lo ka tihkha thudik a ni bawk" dawt bawk min hrilh leh ta, "Kha thil kha sawi tawh suh, nizan ah pawh in pahnih in in awmdun a nilawm ni?" Ka ti chhuak that a.




A meng deuh awk a, "Ka hriat loh i ring em ni, i rin aiin thil ka lo hre thui maithei a sin" tiin ka nui suk a, ngeiawm lam a mai mah ang chu, "Engtinge?" A tih nghut chuan "Zan dar 11 pelh hnuah nula leh tlangval an pahnih chauh in an awmdun a nia" tiin za lo deuh chuan ka nui chhuak leh hak hak a, "Ka la sawi zel dawn em, i chhungte nen chaw kan ei khawm zan pawh khan in pahnih in in awmdun a nilawm ni, dawt chu kun hrilh tum duh suh, finfiah na nen thlap ka nei tih hria ang che" a tawp lam chu ah chuan ka au that a, thikna leh thinrim na in ka khat bawk nen ka in sum hleithei bik lo.




"Duati" a tih lai mek chuan "Min duh tak tak emaw ka lo ti hman a, mahse min bum tawh hauh lovang, i lakah rilru ka pe ve dawn chiah tih ah hetiang hian i awm lehnghal a nia, mahse a pawi lo thudik ka hre hma hi ka lawm zawk" ka ti leh a, "I ngaih ang kha a nilo, nizan ah Hriatzuali nen kan awm dun ngei alawm, mahse min hian a duh thu a sawi vang chauh in a ni, chuan hman zan kha chu" tiin a ngawi leh daih a, ka rilru na thil tum tak chuan ka nui chhuak hak hak a, "Hman zan ah chuan enge thleng, oh.. i awmdan atang khan a hriat sa vek alawm" ngeiawm zet chuan ka ti a.




"Ka hna atang pawh hian ban nghal ka duh, i phal emaw phal lo emaw ka bang tho ang" tia room atanga chhuah ka tum rual chuan kawngka hmaah tak chuan a rawn ding a, "Awm sawn rawh" ka ti that, "Duati, pangngai zawk in in bia ang aw, ka sawifiah thei, nizan ah kha chuan damdawi i ei thu min hrilh vang chauh a awm dun kan ni, chuan hman zan kha chu ka nu chungah ka lungawi loh vangin office ah ka kal a, ka riak nghal, zu ka in lai mek in Hriatzuali kha a rawn lang thut a, mahse i ngaih ang engmah a thleng lo" dawt bawk min hrilh a la tum amaw, ka phone chu hmet eng in ka thlalak dawn chu ka zawng a.




"Engmah a thleng lo, a nih chuan heihi enge awmzia?" Tiin ka phone a thlalak chu a hmaah ka keng lang ta va a, "He thil hi, nilo i ngaih ang kha engmah a thleng lo, ka chatthlak laiin Lalhriatzuali'n a lo la a ni ngei ang" tiin ka phone chu rawn lak mai a tum a, ka lo keng sawn vat, "I thusawi hi engmah ka awih tawh dawn lo, min bik chu tum buai duh tawh suh, kha thil thlen tirh pawh khan ka laka in sawifiah aiin zep i thlang zawk a nihkha, chuan nizan ah pawh khan rawn call lo che chu ni ila Hriatzuali nen in in hmu tih min hrilh i tum hauh lovang" ka ti leh hmak hmak a.




"Aih hetiang hian ti suh, i laka ka zep vangin ka tihpalh, mahse nangmah chauh hi ka duh che tih hi chu ring rawh, hman zan khan ka chatthla a, ka harh leh chuan Hriatzuali chu ka chungah saruak in a lo mu a, mahse engmah a thleng lo, ka chhuah tir nghal a, i lakah ka zep chhan chu i ngaihdan diklo i neih ka duh loh vang a ni, ka tiam ache, khatiang thil kha a thleng nawn leh tawh ngai lovang" a ti sup sup a, "Aa.. kan in tawn dan atang tawh in engkim hi a fuh lo vel vek tawh, Mike tihian tawp zawk mai ang, nang nen hi chuan kan in kawl rem tak tak hi ka ring lo" ka ti leh sap a.




"Nilo i tello chuan ka awm thei lovang, Duati ka duh che ka tihkha, nilo ka duh mai che ni lovin ka hmangaih zawk che" a mit ah chuan ka en a, a thusawi ka awih hlawl lo tih ka mitmeng ah chuan a hmin chian viau ka ring bawk, "Min ringlo a ni tiraw?" A tih sup chuan ka chhang lo, "Awle a tha e, hun ka pe ang che, mahse kan in kar tih tawp chu ka rem ti chuang lo, hun i mamawh tih ka hria alawm, bul tan tha leh ang, tunah tut tut ka tilo, i in peih hun ka nghak ang, chumi chhung chuan i rilru hneh ka lo tum char char thung ang" tiin min thlah a, ngawi rengin room atang chuan ka chhuak, haw ngawt lah chu hnathawk turin ka chhuak ve ting tang tawh bawk nen ka thutna ngai ah bawk chuan ka va thu leh a, laptop chu ka khawih nghal mual mual.




Mike-a pawh chu a rawn chhuak a, ka bulah rawn kal in ka bag chu min rawn pe a, a thut na lamah a let lehnghal nal nal, chutiang a a awm lai chu ka la hmu ngailo bawk nen nuih te lam lam a ti za, min en zui reng tih pawh ka hria, mahse ka en lei ve duh lem lo, a sawi ang khan min hmangaih tak tak a nih chuan hun tha pek pawh pawi tihna ka neilo, mahse ka fiah hmasak phawt loh chuan ka ring nghak bur ngam lo thung, chhun thil ei a hun chuan pawn lamah ka ei tur thu sawi in ka chhuak a, min dang hauh lo bawk, ka lakah that a chhuah thar thut bawk nen awmdan ka thiam lo lek lek dawn hial alawm le.


....


Thla hial a liam leh hnu chuan Mike-a in thlak danglam nasat zia chu mit ngeiin ka hmu a, Hriazuali lah a rawn kal tawh ngai hek lo, kan inah zantin a rawn leng a, keimah vanga in thlak danglam a tum nasat zia ka hmuh hian ka hlim takzet a ni, zan khat chu Ruata'n min rawn be v leh nawlh a, rawn len a tum thu a sawi chuan a hma angin ka phur tawh hauh lo, lo hnar ngawt lah a nuam bawk silo nen ka lo aw a, Mike-a pawh a rawn kal leh ngei ka ring a, buaina a chhuah loh hram ka beisei, Dar 7 velah chuan Ruata chu a rawn thleng a, Mike-a pawn min rawn be tawh a, a rawn kal mek thu a sawi.




Reilote ah Mike-a pawh chu a rawn thleng a, mipa pahnih te an in hmuh chuan an in melh no lo ngei mai, Mike-a chu ka bulah a rawn thu a, ka dar ah a rawn muah nghal zat bawk, engmah sawi lo mahse Ruata rawn leng chu a lawm hmel teh chiam loh, "Tikhan lo in kawm rawh u aw, thingpui ka va lum ange" tia ka thawh chhuah rual chuan Mike-a chu a rawn ding ve hluai a, "Enge i tih ve dawn?" Ka ti haw, "Ka lo lum pui ang che" a ti heu mai, "A ngailo, hei Ruata nen hian lo in kawm zawk rawh u" ka tih takah chuan a thu thla leh hnawk a, a peih loh hmel a sin aw, nui ri var var chungin choka lamah chuan ka kal a.




Sitting room leh choka a in zawm vangin an thusawi chu ka hre oha ve vek a, an in hnial char char nia, Ruata hi chu a tawng duh tih ka hre sa a, mahse Mike-a hi hetiang em em hian a tawng duh tih ka lo hrelo, Ruata lakah chuan tlawm a tum loh hmel khawp mai, "In hnial reng lo khan thingpui hi in rawh u, puitling ve ve in nih tawh kha mawle" thingpui chawi chung chuan ka ti a, a ngawi ve mai bawk a, ka thingpui lum te chu an in fak siak a ni ringawt alawm, "A nih Grace kan haw phawt ange, nidang ah ka rawn leng leh ang" dar 9 dawn ah chuan Ruata chuan a ti a, "A la hma alawm" ka lo tih chuan "I bul a mi khan min melh rum emai kan haw phawt zawk ange" a tih leh takah chuan kan in mangtha a.




"Khapa khan enge a rawn tih a?" Ruata chhuah fel rual Mike-a chuan a ti hmuk a "A rawn leng ve mai mai a nihkha, hrim hrim in nang aiin a naupang daih a, I va hna hnial peih tak" ka ti a, "Naupang lakah tlawm ka tum reng reng lo" a ti leh nghut, "I lo tawngthei reuh phian lehnghal a" tiin ka nui leh hak a, "Duati, thla hian a vei leh tawh a nia, bul tan tha tawh ang hmiang, ka nghak thei tawh thlawt lo" thutak deuh zawk chuan a rawn ti a, "I la in peih loh chuan ka sawi lo angah i ngai dawn nia" ka chhan mai loh vang chuan a rawn ti leh vat a, "Bul chu kan tan tha dawn nia, mahse a hma ang thil kha a thlen leh vaih chuan ka kalsan nal nal ang che" ka sawi zawh rual chuan min rawn kuah nghal thlawp a, "Ka lawm e, ka hmangaih che" a rawn ti leh, min kuah na chu phelh in ka khabe an a rawn dawm a, ka hmui ah chuan a rawn fawp nghal vang vang.

cont....

click leh comment kha aw...

[Rebec Nunziri]

Chapter-10



Grace Lalthazuali POV



"Haw i tum lo a mi?" Ka tih sep chuan nuih zat hmel fe in min rawn en a, "Haw turin min va han duh tawh awm em em ve a, min ngai lo hle mai" lei chu ka chhuah zeuh a, "Chutiang lam pawh a nilo, hnathawh tur i la nei in ka hre sia" ka ti leh tawp a, "Khakha chu a hmanhmawh thlak loh, ka lak atangin i in la hrang tlat bawk nen ka ngai tawh che ka tihkha" tiin ka biang chu a rawn chul zeuh a, "Hriatzuali kha kan in kar ah a rawn in rawlh leh ang tih ka hlau ber, diktak chuan kei aiin in in hriat na a rei tawh zawk a, a hrechiang zawk ngei dawn bawk che a" ka ti leh sep a, "Duati, kan in rin tawn na hi a pawimawh ber, tupawn engpawh lo sawi rawh se, kan in kar hi kan tih buai tir tur a nilo, i hrethiam tiraw?" A tih chuan ka bu zeuh a.




"I mut a chhuak tawh a nihkha, pawn thleng in kin thlah dawn em ni, in ka thlen hunah ka rawn hrilh dawn che a nia" ka ham bai bai lai chuan a ti a, ka dang duh lem lo, ka mut a chhuak tawh tak tak, pawn thleng chuan ka thlah a, nidang angin kan in thlah rei lem lo, a tlan liam thleng ka en tur thu ka sawi pawh in lut hmasa turin min ti tlat bawk nen in hnial buai leh ai chuan keimah zawk chu ka lut ta tawp a, ka nui var var bawk, kan in kar buai na te kan sawi fel ta bawk a, tlem chuan thawk a veng ta deuh, chutih rual in buai na tamtak kan la hmachhawn dawn tih ka hailo, buai na lo thlen hun a chak taka hmachhawn tur a lo in puah chah ka ngai a ni.


...

"Mike duhtawk teh, a za a nia aw" office ah chuan kan in chhaih nui kar kar a, kawngka kik ri a rawn awm takah chuan kan in siamtha nghal vat, Mike-a pawh chu a thutna lamah a phei vat a, "Sir, Pu Chhuanmawia a lo kal a, biak che a duh a ni awm e" hnathawk pakhat hian a rawn ti a, "Rawn luh tir rawh" a tih nghut hnuah keichu min rawn en in "Kan la chhunzawm ang, i tan hmasak a nia, keiin a tawp na ka siam thung ang" tiin mit min rawn siai zeuh a, ka lo chhiat khum zeuh, Pu Chhuanawma chu a tih pa chu a rawn lut a, Pu a tih vang khan upa viau turah ka ngai a nia, Mike-a nen an in rual khat viau in ka ring.




"Enge tun ang chhun ah te i rawn kal ve teh mial a?" Mike-a chuan a ti nghal sup a, an in nel hmel hle, "Zanin kha i theihnghilh ang tih ka hlau a rawn hrilh tur che in ka rawn kal" tiin keichu min rawn en a, "Oh.. hnathawk thar i nei maw?" Tiin ka thutna lamah chuan a rawn kal a, a nui sang bawk nen a nelawm hmel hle, "Chibai le, ka hming chu Lalchhuanawma a nia" tiin ka chibai theih tur chuan a kut chu a rawn lek chhuak a, ka chibai rual chuan ka hming ka sawi sap a, "Thiana hnathawk thar chhelo deuh i nei tih te chu min hrilh ve tur che a nia" tiin Mike-a lam chu a hawi leh a.




A thianpa lah chuan melh ngur chungin "Chhuanawm a ni kha chu i hnaih theilo" a lo ti hmuk thung, Chhuanawma pawh chuan a thusawi hrethiam takin a nui hawk a, "I che rang hle mai, engpawh nise a ni pawh hi i lo hruai ve dawn nia, kawp pui hruai tur kan ti tho bawk a, kan thian dang te bulah pawh in hmelhriat tir na te i nei ve ang chu, ka kal ange, helamah ka rawn kal remchang bawk nen ka rawn lut kawi lawk mai mai a nia" tiin Chhuanawma chu a chhuak lehnghal a, a mizia kha a thawven ve hmel hle mai, chutih rual in a zahawm khup thung a, Mike-a nen chuan an mizia a dang hlak.




"I enzui duhtawk tawh em?" Mike-a tawng ri ah chuan ka phu zawk a, "Enge maw i sawi le?" Lungawi loh hmel fe chuan min lo en run tawh chu niin "Chhuanawma chhuak ta kha i enzui nasat em kha, chhelo i ti em ni?" A ti leh hmuk a, kei ka lo nui hak thung, "I ti awm ang lo e a, engvangin nge chhelo ka tih ngawt anga, a ni ai chuan chhelo ka ti zawk che" ka tih pawh chuan a la tum lian hle, "I titau a mi a, ka ti tak tak a ni kha chhelo ka ti miah lo a nia, ka la hmu ngai silo a chuvang mai mai alawm, chuan zanin chu khawiah nge i kal dawn a?" Tiin zawhna dang chu ka zawt ta daih a.




Tun hnai te hi a mizia a thlak ka ti dawn nge tihtauh te hi a ching riau a nihchu, a in hmeh lo ka ti tak tak a ni, "Chhuanawma kha a birthday a nia, kal ve turin min sawm a nihkha, chuan keimah chauh in ka kal dawn lo, nangpawh i rawn kal tel ve dawn alawm" a tih chuan ka lo hnial vat a, "Chutiang a chi loh, ka u in zan chhuah a phal vak lo hrim hrim, nangmah in kal mai rawh" ka tih chuan a nui suk a, "A tha alawm, keimah in ka kal mai ang, hmeichhe tamtak an kal ve ngei bawk anga" rum zetin ka melh a, min tih thinrim hi nuam a ti ve hrim hrim, chhan pawh chhang let peih tawh lovin ka phone chu ka khawih san daih a, a nui hawk ri chu hre mah ila a lam chu ka hawi duh tawh lo.




"Ka duat i tau em ni?" A tih pawh chuan ka chhang duh eih lo, "Duati" tih pahin ka bulah chuan a rawn ding a, "Kalsawn teh, i ninawm" tiin namsawn mai ka tum a, ka theilo chiang a sin, "Zanin chu.." a tih lai mek chuan "Aw aw.. nangmah in i kal dawn nia, i duh leh hmeichhe chhelo deuh deuh te nen chuan va in ti hlim rawh u, keichu min ngaihtuah suh, ka tha" ka ti hmak hmak a, chutah rawn thu hniam in min rawn kuah nghal thuk a, ka che sawn duh lem lo.




"Hetia ka laka i thikthu I tih chhiat hian nuam ka tih zia i hrethiam lovang, min duh ve tak tak tih ka hriat chian phah thin, chuan zanin chu ka rual in kal rawh aw, i tello chuan nuam ka ti dawn lo a nia, bakah hmeichhe dang ka bula awm tur i ven a ngai alawm, i thikthu hi a chhe ve hlir hler bawk sia, tau thlem ka thiam loh zia i hriat kha" tha deuh a min sawm ve mai awm hi a nia, hepa hi chu a va han sual thiam ve chiang tak aw, "Ka thik aw kawng lovang" ka ti leh vak a, a nui chhuak hawk hawk, ka thusawi chu a awih hlawl lo tih ka hre mai, a awm ve tho e, a thikthu chhiat thu min hrilh tawh a, mahse keimah zawk hi ka thikthu a chhe fe zawk.




"Zanin chu aw" ka dar a khabe rawn nghah pah chuan a ti leh sup a, "Ka u hian chhuah a rem tih pawh ka ring chiah lo, bakah amah chauh a in a awm tir chu ka ngaih a tha chiah lova" ka tih sep chuan "I u chu keiman ka lo dil mai dawn em ni, kan haw har lo anga, kal loh aiah kan kal mai mai dawn nia, ka phur lutuk bik chuang lova" a tih leh takah chuan "Awle, a tha alawm, kal ka lo tum ang, chuan ka u chu keiman ka be mai ang" ka ti ta zawk a, in thleng chuan min thlah a, min rawn lam leh tur thu a sawi hnuah a in khalh chhuak lehnghal, in chhung a ka luh chuan ka u rawng lo bawl lai chu ka hmu nghal zat a.




"U zanin chu chhuah na tur ka nei a" ka ti nghal thawr a, "Khawiah nge i chhuah dawn?" A lo ti nghal vat, tunlai boruak ralmuang loh lutuk vang hian zan lamah chhuah hi a rem ti vak lo hrim hrim a, "Mike-a thianpa birthday a nia, lawm naa kal turin min sawm ve a" ka tih chuan "Mike-a a kal dawn te chuan a tha alawm, mahse rawh haw tlai lutuk lo la aw, tunlai kan Mizoram boruak chu i hriat chian kha" a tih takah chuan room lamah in thlak turin ka lut vat a, ka zawh hnuah ka u pui tur chuan ka chhuak zui lehnghal.




Engtia in chei tur nge pawh ka hrelo, Mike-a sawi hmangah kha chuan party pui tham ve deuh tur a ti sia, kekawr har chu a mawi chiah in ka ring bawk silo, "I la in siam nange, Mike-a a rawn thleng tep tawh a nilawm ni?" Room a rawn luh pah in ka u chuan a ti a, "U enge ka hak ang, kekawr hak chu a ni bawk silo a, kawrfual the ve deuh hak tur pawh ka neilo" ka tih chuan a thawmhnaw bawm chu a hawng a, "Kha heihi ha rawh, i in hmeh ngawt ang" tiin kawrfual pakhat chu a rawn la chhuak a, "A thar a mi, ka la hnu ngai miah lo" tiin ka in teh vel chhin a



"A thar chu ni chiah lo ve, Mami min pek a nia, kawrfual ka ha ngai vak bawk silo nen tikhan ka dah ta reng a, ha rawn, kei aiin i in hmeh zawk ang" a tih takah chuan ka lawm hle, kawrfual senno a ni a, ka khup a khuh zan bawk, tlem in a puk ve deuh laih a, a awm pawh a zau lem lo, ka in chei sa vek tawh bawk nen kawrfual hi ka ha anga ka hman nghal a nimai, "Chu Mike-a a rawn thleng tawh a niang, in ha vat vat la i rawn chhuak vat dawn a nia" tiin ka u chu room atangin a chhuak nghal a, keipawh chu hmanhmawh deuh in ka che zawm ve nghal.




"Hei matei pawh a hman ta alawm, kal nghal mai rawh u, Mike rawn haw har pui lutuk lo la aw" ka u chuan a ti nghal mawlh mawlh a, Mike-a pawh chuan tha deuh in a lo chhang ve mai bawk, motor ah chuan kan chuang lut a, "I chhelo hle mai, mahse i sam kha thlah la i in hmeh zawk ang" ka sam sang taka ka tawn chu a duh vak lo aniang, "Khua a lum bawk sia, tihian ka lang felfai zawk alawm" ka sawi zo chiah tih chuan min rawn hnaih thut in ka samtawn na chu a rawn pawt thla daih a, "Tikhan a nalh zawk, i nghawng sexy tak hi tuma hmuh ka phal hleinem" tiin a nui suk a.




"I va han over ve chiang tak e aw, tuman min melh peih lovang" ka ti hlak, party na hmun tur chu kan thleng a, rin ai daih in thawm a tha, mi an kal tam aniang, "An va han tam hmel em em" inchhung a kan luh hma chuan ka ti a, "Tam ang, Chhuanawma hi chu mi biang biak a thiam a, thian pawh a nei tam alawm" a ti mai a, "Duati ka bulah awm tlat rawh aw, mi an tam dawn a, hmelhriat loh hnaih vak chu a ṭhalo" ka kut ah chuan min rawn kai a, inchhung lamah chuan kan in zui lut nghal, an chhelo hlawm ngei mai, thalai kal khawp tih takah boruak pawh a zang halh bawk.




"Mike in lo thleng thei maw, Grace nuam ti deuh khan awm tum la aw, saw sawlam ah sawn midang pawh an awm, rawn thleng tur an la awm nual a, kan lo lawm ange" tiin a kalsawn a, "Lo kal rawh, ka school kalpui te ka hmelhriat tir ang che" tiin kil lam deuh a mipa leh hmeichhia lo thut thup na lam chu min pan pui a, Mike-a chu an lo ve nghal mawlh mawlh a, keipawh chu a bialnu ka nih thu a sawi nghal bawk, mipa ho chuan Mike-a chu an chhaih zeuh zeuh a, an hmeichhe pathum an lo awm ve bawk a, pahnih chuan nui sang in min en a, pakhat erawh chuan min lawm ve hmel lem loh.




An bulah chuan kan thu thla a, Mike-a chuan thei tui min laksak thlap bawk, "In in hmeh hle mai, Bro hetiang taka hmeichhia i care hi kan la hre ngailo, Grace-i hi i tan a special hle a ni ngei ang" an zing a mipa pakhat chuan a ti a, "A dik alawm, a ni hi ka nun a rawn lut tawh zing ah chuan a tha ber tih ka sawi ngam" Mike-a lah chuan in la zei fahran hian a lo ti a, an thawm chu a tha ngei mai, "I hmeltha e, i vun a nalh bawk si" hmeichhe pakhat chuan a lo ti ve leh a, "Ka lawm e, mahse i hmeltha daih zawk a nia" ka lo ti ve vat, min nuih var var a, a fel hmel hle.




"Engtia in tawng nge in nih hrim hrim a, Mike-a hian bialnu a nei tih kan lo hre bawk silo a" min lawm loh hmel deuh nu khan a rawn ti ve khauh, "Chutiang in zawh a ngai em ni, Mike-a te chu a tawng duh lo ve hrim hrim a, tuna kan hre chauh pawh hi thil mak a ni hleinem" nichin Amin be lo tu zawk hmeichhia chuan a lo ti ve khauh a, thian ho vek chu an nih ka ring a, mahse an in ngeih hmel lem loh ka ti, ka ngaihdan mai mai a nihchu, "Mike-an bialnu a nei hi mak ka ti, hmeichhe lam reng reng a ngaihsak tawh ngai silo a" a ti leh hram a, engtin vak ka chhang duh lem lo.




"Grace, kan mipa ho hi lo in kawm se keini chu washroom lamah kan kal lawk dawn mi niang?" Fel deuh khan a tih chuan ka hnial lem lo, a lum bawk nen in tih daih ka duh hrim hrim, "Washroom ah kan va kal lawk ang aw, ka rei lovang" Mike-a bulah chuan ka ti sep a, "Awle, rei lo la, chuan hmundang ah kal miah suh ang che" a tih chuan "Ti teh Mike keimahni alawm min zui dawn, khatianga hauh tung te chu, nakin lawk ah a ning mai ang che" ka nel loh ber ni chuan a lo ti ve leh, Mike-a chuan a thusawi chu engah a ngai vak lem lo a niang en pawh a en lo hrim hrim.




Washroom lamah chuan kan in zui ta dual a, "Engtinge Mike-a nen chuan in in tawn a, a landan ah hi chuan in la in hriat chuan hmel vak bawk silo a?" "Nupui, chutiang zawh vak a ngai emaw ni le, engtiang pawn lo in tawng se kan buai na tur a ni hlei em, in hriat chian loh tih vel mai mai a ho e, an in kawp rei anga, an in hrechiang chho tial tial dawn alawm" pakhat chuan a lo ti leh vat a, an hming ka la hre miah lo, mahse zawhna min zawt peih deuh tu hi chu Nupui a ni tih ka hre ta phawt a, "In hming ka la hre miah lova" ka ti ta tawp a, in biak mawl tawp hi chu a mawi lo bawk nen an hming chu ka zawt a.




"Oh.. min hrethiam rawh, kan hming sawi nachang pawh kan lo hre hleinem, keihi Apuii ka nia, chuan a ni hi Ziri, Nupuii kha chu i hriat tawh tho ka ring" a rawn ti nghal vat a, "I kawr hak chu i in hmeh hle mai, mahse a hmel en atang kha chuan a to vak dawn lo a nihkha mawle" Nupuii chuan a rawn ti leh tawh, "Nupui a mak, tha taka i be theilo a nihchuan lo ngawi ngam mai tawh, bakah thawmhnaw man to leh to loh hian engmah kawng ro a si lo, a ha tu in a in hmeh chuan a tawk, chumi aia pawimawh zawk chu chhungril hi a ni, thawmhnaw man to deuh deuh in bel chhungril kha fak si ai chuan thawmhnaw man tlawm in bel a chhungril hausa tlat te hi an awhawm daih zawk" Ziri chuan a ti nghat nghat a, Nupuii chu lungawi loh hmel deuh in a chhuak nghal nal nal.



Zawmna



"Nupuii kha chu engah mah ngai suh aw, a zia ve hrim hrim a nihkha, thian ho vek mi mahila a ni kha chu ngaihkhat ah kan ngai vek tawh keini pawh hian" Apuii chuan a ti sap sap a, nuam lo ka tih phah ang tih an hlauh hmel hle bawk, "Ka hrethiam alawm" ka ti mai a, "Mike-a khan a duh hmel ropui che sia, nangmah i hmeltha in i fel hmel bawk si, in in hmeh kan ti teh mai nia aw, in then reng reng suh u" Ziri lah chuan phur zetin a lo ti ve vat a, "In hmeh min tih chu ka van lawm, midang hian in hmeh min ti vak lo a sin" nui ver ver chung chuan ka ti ve leh a, "In hmeh ti lo tu cheu chuan an thin che tihna a nimai, kan sawi chu awih tawp rawh" an ti leh a.




Washroom atang a kan chhuah hnuah kan thut na ngai lam chu kan pan a, ka thut naah Nupuii kha a lo thu than a, "Lo kal rawh kan bulah i thu mai dawn nia" Apuii chuan tiin a thut na lamah chuan min kai nghal a, Mike-a chu a thiante nen an titi tui hmel hle, a chang in min rawn melh leh zawk zel a, a bul a ka thut loh vang chuan ka thinrim hran lo, Apuii te bula thut nuam ka ti daih zawk hrim hrim a, an vai chuan beer an hun far hlawm a, Apuii leh Ziri te pawh chu an bang lo, "I in ve duh lo a mi?" Ziri chuan a rawn ti sar sar a, "Ka in ngailo a" ka tih chuan "A that chu, keiin zawng kan in na a rei tawh bawk nen nghei mai hi kan harsat tawh a, mahse nghei chu ka tum ve tho a nia" tiin a nui hak a.




"Nia hmeichhe zu in tih vel hi chu a mawi lo bawk sia, a tir ah kan in chhin a, kan in zel a kan zawng chhang ta daih a, tih ve loh hi a tha ber mai, kan in vang hian midang zilh thei chu kan ni miah lova, mahse i in min rau rau chuan in duh miah suh, keini ang hian i awm ve daih mai ang" Apuii pawh chuan a lo ti vat a, "A.. hetia mipa bul a awm reng chu a nuam lo, bakah an thusawi ah hian sawi ve tur kan hre bawk silo a, hmin dang ah kan va kal mai mai dawn a mi, Grace i peih ve em?" Ziri chuan a ti hluai a, pawi ka ti hran lo.




"Khawiah nge in kal dawn, in rawn let chauh amaw tia?" Mike-a chuan kan din rual rual in a lo ti nghal a, "Pawn lamah kan fak harh dawn, inchhung chu a uap emai, kan rei lovang" tiin Ziri chuan a lo chhang vat a, Mike-a ngaihdan chu a nih hmel vak loh, "Kan reilo ang, a lum bawk sia, pawn lama kal chhuah hrim hrim ka duh" ka tih takah chuan engmah a sawi buai duh ta lo, "Mike-a over zia kha, khatiang em em a han ngaihtuah che, a bialnu ni lovin a fanu i ang zawk hial alawm, mahse a nuam ngawt ang" pawn lama kan chhuah rual rual chuan an ti nghal bawrh bawrh a.




Nichin khan an in ve nual bawk nen a hma zawng aiin an tawng duh a mahse an bula awm nuam lo ka tih phah chuang lo, "Awi.. ka luak a chhuak lutuk" tih pahin Apuii chuan a ka a hup a, "Hei i luak ringawt ange aw, enge i in ve vak zel" Ziri chuan a lo ti nghal hlak hlak, "Washroom ah kal ka ngai" tih pah in a tlan sawn nal nal a, "A va han buaithlak thin tak, a ni hi chu buaipui a ngai ve ziah, a lo va chatthla daih ang tih te a hlauhawm sia, ka va buaipui ange aw, nangmah in i lo awm hreh em, i duh chuan lo va lut la, kan lo lut ve vat ang" Ziri'n a tih chuan "Min ngaihtuah duh suh, reilote ka awm leh anga, ka lo lut ang" tia ka chhan takah chuan a kalsawn ve vat a.




Keimah chauh a ka awm takah chuan a hmin vel chu ka en kual a, picnic spot chu a nih hmel loh, chawlh hahdam na a ang zawk mah, Mike-a khan Chhuanawma te chhungkaw ta a nih thu min hrilh tawh a, an chhungkua chu an mi hausa tak an ni tih a chiang reng mai, chutia keimah te chauh a ka lo thut lai chuan ka bulah mila pakhat hi a rawn thu ve a, ka en vat, ka hmuh ngai awm pawh ka hrelo, "Ka ti buai che em, inchhung lam chu boruak a rit lutuk a, thli fim dawng turin ka rawn chhuak harh lawk a nih hi" a ti sup a, "Pawi lo ve" ka ti ringawt.




Zu rim lah chu a nam rum tum bawk sia, diktak chuan nuam ka ti zan tawh lo, keimah chauh a ka awm khan nuam ka ti a sin le, "Nichin khan ka lo hmu tawh che a, nidang ah ka la hmuh ngai awm che pawh ka hrelo" tiin min rawn be leh a, "Um.. ka thianpa in min hruai ve a" ka ti leh mai, min biak reng avang hian han thawh chhuah san mai pawh a theih loh, min rawn thut hnaih tial tial in ka hre lehnghal a, min rawn hnaih anga ka hriat apiangin ka tawlh phei ve zel bawk nen thutthleng hmawr te ah bak chuan ka thu tawh lo, ka hriat ngai pawh a ni silo a, min nel mah mah in ka hria, a mitmeng lah hi zu mai pawh nilo thil dang rui a ang ka ti bawk nen kalsawn vat chu a tha zawk in ka hria.




"A nih chuan ka va lut tawh ange, pawn lamah ka awm rei tawh bawk nen ka thianpa in min lo zawng tawh ang" tih paha thawh chhuah mai ka tum chu ka kut ah a rawn man avang chuan ka tawp chawt a, "La awm ve rih la, kan la in kawm dawn alawm, inchhung lam chu mi an tam a, tuman an ngaihsak vak chuang lovang che" nui sung chungin a ti a, "Ka va lut tawh zawk ange" tih pah a ka kut thin thlak ka tum chu a lo vuan nghet sawt, "Min thlah rawh" ka ti chang fak a, "I chhelo hle mai, ka duhzawng tak i ni" tiin ka chhip atanga ka ke ler thleng chuan a en chhuak dap a, "Min thlah rawh ka tihchu, ka au vak hma hian" ka ti leh a.




"I duhtawk in au rawh, mahse tuman I au ri an hre lovang, inchhung lamah music ring takin an play a, tuman I au ri an hre dawn chuang lo, hetia in hnial buai lo hian in hriat chian kan tum zawk dawn em ni, kan in mil dawn riau in ka hria, nang ang hmeichhia hi ka duhzawng tak in ni" tih paha min en te chuan ka ten hluah hluah, "Min thlah rawh, i ngaih ang hmeichhia ka nilo a nia aw, chuan hetianga hmeichhe chunga chet hi a la viau lo bawk" thinrim tak chuan ka ti nghat a, ka hlau viau bawk, mahse ka hlau tih ka ti lang duh chuanglo, min zuam sawt palh ang tih ka hlau a ni.




Min vuan reng chung chuan a rawn ding chhuak a, "Ngeng viau duh suh, nangni ang hmeichhia hi chu ka hrechiang alawm, duh lo ang deuh in in lang a, mipa in kan thlem kan thlem cheu chuan in tlu duai duai thin tho tih ka chiang ve alawm, chuan zanin hian chhuah che ka tum hauh lo bawk" tiin min rawn hnaih sauh a, ka hlauthawng takzet tawh, "Ka kut hi thlah rawh, i duh ang ang a i khawih tur ka nilo, hetianga i che lui a nih chuan buai na i tawk ngei ang" ka ti leh fak a, "Ka hlauh i ring em ni, engmah hlauh ka neilo, nanghi ka chhuah dawn lo che" a rawn ti leh.




Chutah rawn che thut in ka nghawng vel ah chuan rawn fawh a tum ta mai, duhlo lutuk chuan ka lo tal a, rui viau mahse a tha chu ka hneh chuang lo, ka tih ngaihna hre tawh lo chuan a hmai ah ka beng ta pawp a, a thle ve sawk mai, "Nang hmeichhia" tih ṭhawt pah in ka sam ah chuan a rawn kek dak awrh a, a na lutuk chu ka te nghal that, "Aih.. min kaltir rawh, ka duh lo" ka ti nghal ruai, ka thusawi chu hrelo ang hmak a awm in hnun fal leh thim lai deuh ah chuan min pawt lut zui a, chhuat ah chuan min bawh bet in ka hawt te chu a pawt thler nghal thawt thawt.




"Aih ka duhlo, hetiang hian ti suh, i tan a pawi thei a nia" tiin ka in lo dang ve tang tang, "Kut min thlak vang hrim hrim khan nanghi chhuah tum na che ka neilo, hmeichhia mai mai lehnghal" min ngainep hmel zet chuan a ti leh hmuk a, rui ang pawn a awm tawh lo hrim hrim, ka bra chhan ah chuan ka hnute te chu a rawn tham salh salh a, chumai pawh duh tawk lovin ka nghawng vel chu a fawp kual ruai bawk si, hetiang thil hi ka chungah a thlen ka ring lo hrim hrim a sin, ka au vak vak a, mahse tumah min chhan turin an rawn kal silo, Mike-a chu ka au mawlh mawlh a, mahse a rawn lang thei bawk silo.



Mike Lalruattluanga POV



Duati te rawn let har lutuk avang chuan ka ngaih a tha tawh lo hle, mahse a bulah Apuii leh Ziri an awm bawk a, chhuah ve kher chu tul in a hrelo, ka thiante nen chuan kan hna lam te kan sawi a, chutah Apuii te pahnih chu kan bulah an rawn kal a, Duati hmuh tur a awm ve lo, "Khawiah nge Duati a awm?" Ka lo ti vat a, "A rawn la let nange, Apuii hi a luak chhuah vangin kan kalsawn a, a rawn kun ve vat tur thu kha a sawi a sin" an tih chuan ka tho chhuak vat a, "Mike i ngaihtuah leh lutuk a nihkha, puitling alawm a nih tawh, a rawn lut ve vat mai ang" tiin Nupuii chuan ka kut ah a rawn vuan vat a.




A kut chu dim lem lo taka thing thla sawk in pawn lamah chuan ka chhuak nghal, Ziri chuan min rawn zui vat bawk a, "Khawiah nge nichin khan in awm?" Ka tih nghut chuan "Saw sawlam ah sawn a nia" tia a kawh takah chuan ka kal vat a, Duati reng reng hmuh tur a awmlo, "A awm bawk silo a, khawiah nge a awm ang, tumah hriat a nei silo" ka ti sup a, Duati hmel hmuh tur a awm lo chu ka rilru a hah takzet, "Inchhung khawi emaw ah a awm a nilo maw, heta a awm siloh chuan kalsawn vak na tur a awm silo a" Ziri chuan a lo ti sep a, "A ni maithei, ka va zawng ange, midang bulah lo va kal rawh" tih paha inchhung luh mai ka tum chu Duati aw ang deuh ka hriat ruai vang chuan ka tawp chawt a.




"Mike enga tinge i din leh daih a?" Ziri in chhung lut tep tawh chuan a rawn ti a, "Duati aw ang deuh ka hria" ti supin thawn chu ka ngaichang a, mahse hriat tur a awm tawh lo, ka bengchhe di a nih ka ring leh ta deuh zawk a, ka pen leh tur chiah chu Duati aw ri bawk chu ka hre leh a, nilo ka hriat sil chu a nilo tawp, in chhung ah nu lovin pawn lamah Duati a awm chiang a ni, ka hawi kual a, tumah hmuh tur an awm bawk silo, "Mike" Ziri bawk chuan a rawn ti leh a, "Duati aw ka hria, pawn lamah hian a awm chiang a ni" ka tih chuan ka bulah a rawn kal hnai vat a, "Thawn engmah hriat tur a awm loh hi, i hriat sual mai mai aniang, lo kal rawh lut ila kan zawng dawn nia" a tih pawh chiah ngaihthat loh na in min tuam tlat a, ka kalsawn theilo.




Ka hawi kual a, ramhnuai lam chuan ka mit a ka deuh tlat, "Khawiah nge i kal dawn?" Tih pah in Ziri chuan min rawn zui ve zel a, "Duati ka zawng dawn, sawtah sawn eng emaw a awm tlat in ka hria" ka tih chuan "Sawifiah thim lutuk ah sawn a kal ngam lovang, in chhung lamah a awm ka ring zawk, lut ila zawng vat zawk ang, kan thut na lamah khan a lo let daih tawh pawh a ni thei a sin" A tih pawh chuan ka ngaih a ṭhalo sa in ramhnuai lam sawn ka rilru a la peng laklawh a va en fiah hrim hrim ka duh, Ziri pawh chuan engmah sawi tawh lovin min zui ve mai a.




A thim tak em avang chuan phone light chu kan on a, Ziri chuan s hlau deuh aniang min rawn kal hnaih sawt sawt a, chutah le kan kal thui ta deuh a, thawm ri deuh ruk ruk chu kan hre leh a, Ziri pawh chuan a hrechiang tih hriat takin ka ban ah chuan a rawn vuan vat a, thawk la ri te pawh chu chiang takin a hriat theih, thing buk phen ah sawn tu emaw chu a awm chiang a ni, "Ziri hetah hian lo awm tawh, ka va en dik ange" ka tih chuan min hnial lo, chutah le, ka thil hmuh avang chuan ka mit nghal sulh a, enge ka tih pawh ka hre hman lo, Ziri au ri tung thawm chu ka hre vuai vuai chauh a ni.




"Mike, duhtawk rawh, i that thei mai ang" tih pahin ka ni khawih pa ka thut neh na atang chuan ka tho chhuak nawlh a, ka harhfim ta deuh, Duati lam ka va en chu Ziri'n a lo kuah a, a thlabar hmel hle bawk, ka thiante chu an lo kal khawm vek tawh chu niin engtik laiin nge an rawn thlen pawn ka hrelo, Ziri hian a phone pawh a ni mahna, ka sawisak pa chu thi hnuang chungin lei ah a mu sawp reng a, hei ai na hian khawih ka la duh, engtinge ka hmeichhe chungah khatiang thil kha a lo tih ngam zawk, nichin a ka thil hmuh kha ka mitthla let a, chhuat a mu sawk nuai mai na tuar tih hriat taka rum vawng vawng mai chu khawih leh mai tum in ka hnaih lehnghal ruak laiin ka thiante chuan min lo dang nghal vat a.




"Mim thlah rawh u, he mihring phiangsen hi ka that dawn" ka ti ṭhawt a, "I thinrim na kha thunun tum rawh, tunah chuan Grace-i hian a mamawh che" Chhuanawma pawn chuan a rawn ti ṭhawt a, Duati ka en chu a mit atang mittui a luangthla ngiai ngiai chungin min lo en kar a, a kawr thler nuaih chu chu puan in a khuh ve tawk tawk bawk, Duati lamah chuan ka kal vat a, "Engkim a tha vek, i bulah ka awm tawh a nia, tuman engtin mah an tih dawn lo che" ka ti sup sup a, "Ka hlau lutuk a, ka au vak vak a, mahse tumah min chhan turin an lo kal silo a" a ti bah nawk nawk a, a aw ah pawh chuan hlauh na in a la tuam hneh zia hriat hmaih chi rual a nilo, chu chuan mahni in thiam loh na nasa tak min neih tir a ni.




"Heta awm reng zawng a ṭhalo e, eng lai deuh ah kal ila kan sawifel zawk dawn a nia" Chhuanawma bawk chuan a ti leh a, Duati chu pawm nawlh in ka kalpui a, midang pawh chuan min rawn zui ve nghal, in pawn lama awm ngawt chu in chhung lama awm te kan ti phawk lek ang tih leh Duati a mualpho ang tih hlau in in te lam ah chuan kan kal a, kha mihring phiangsen pawh kha Chhuanawma ten an rawn kal pui ve bawk, "He mihring hi khawi a mi nge a nih?" Ti hmuk in thutthleng a thu ner deuh sawk sawk chu ka en ngur a, ka khawih na avang nge pawh ka hrelo a harh chian loh hmel hle bawk, Duati chu Ziri leh Apuii'n an awmpui thung.




"Ka hre chiah biklo, engtinge helai hmunah a rawn kal ve pawh ka hrelo" Chhuanawma chuan a lo ti hluk a, "I thiltih pawi zia kha i hria em?" Tiin a thut na chu ka tlawh deuh sawk a, chhuat ah a let thla nghal tawp, "Min chhang rawn, nang hian ka hmeichhe hmangaih hi engtinge tih luih na hmang a I lo khawih ngam zawk?" Ka ti leh ṭhawt a, ka khawih leh mai hlau in ka thiante chuan min rawn din hnaih nghal ruak bawk, khawih chu chak viau mahila Duati ka ngaihtuah avangin ka in sum hram hram a ni, chutih rual in chhuah mai mai ka tum hauh lo thung.




"Kha hmeichhia khan kut min thlak hmasa a nihkha, a phu tawm chiah a ni" a rawn la ti ngam zu nia, "Engthu maw i sawi kha?" tih leh a kawr awm a tham chu ka rual a, ka pawt tho nghal lawp bawk, "Kha hmeichhia" a tih leh lai mek chuan ka kut chu ka lek kang uai a, "Mike, lo kal teh, Grace-i thawk dan hi a diklo a nia" Ziri'n a rawn tih that rual chuan chupa kawr awm a ka tham lai chu thlah sawk in Duati lam chu ka pan vat, "Damdawi in lamah hruai vat chi a nih ka ring" Ziri bawk in a tih leh lai chuan "Duati i bulah ka awm aw, engmah hlauh tur a awm lo, ka tihpalh keimah vang vek a ni" ti sup sup in ka motor dah na lamah chuan ka pawm phei a.

Cont....


Hei aw zawmna, naktuk zanah a awm dawn bawk e...

[Rebec Nunziri]

Chapter-11



Mike Lalruattluanga POV



Motor chhung ah chuan dim zetin ka thut luh tir a, ka awm hrang tur chu ka kawr ah a ham tang a, "Min kalsan suh" thlabar hmel zetin min en ran bawk, ka kuah leh a, "I bulah ka awm tlat dawn alawm, ka venghim tlat ang che" ka ti sup sup a, ka bulah a awm tawh a, hmaih tur engmah a nei lo tih hria se ka duh ber, eng ang chiah in nge a thlaphan ang ka ngaihtuah thiam lo, ka hming lam in a au vak vak ngei awm sia, helai hmun ah tumah hmelhriat a neilo tih hre reng chungin engtinge ka lo kal fal tir zawk ni, he thil hi keimah vang vek a ni, a bulah awm tlat ila chu hetiang thil hi a thleng lo nimai tur.




"Ka tihpalh, i bula awm tlat tur ka ni a sin, sh.. tap tawh suh le, i bulah ka awm tawh a nia, tuman an ti na thei tawh lo che, phal pawh ka phal bawk lo" a lu a chul pah chuan ka ti a, "Helai hmun ah hian ka awm duh tawh lo, min haw pui rawh" a rawn tih sep chuan a hmai ah ka khuap a, "Awle, in ah kan haw dawn a nia aw, engmah hlau lo la, i bulah nangmah venghim tur che in ka awm tlat a nia" tiin a chal ah ka fawh sak vang vang a, a tha khur der der chu ka hriat hmaih lo, "Duati inah kan haw dawn nia aw, engmah hlauh tur a awmlo ka tih tawh kha" tiin a kawr teh hnuang chu ka en zeuh a, ka rum chhuak nghut, ka coat chu phelh sawk sawk in ka hak tir leh te te hnuah driver seat ah chuan ka thu lut a.




"I tha deuh tawh em?" An in lam kan pan lai chuan ka ti sup a, a ngaihtuah na a kal bing viau aniang ka aw a hriat rual khan a phu deuh zuk a, "Ka tihpalh tih phut che kha ka tum a nilo" ka ti leh a, "Ih.. enge i sawi?" A tah na avangin a mit chu a bui i deuh chuk bawk, "Thil pawimawh a nilo, hahdam tak khan awm tum la, tui i duh em?" Ka tih chuan lu a thing a, "Hetah hian ding lawk la, ka u in hetianga min hmuh hi ka duh lo" a tih chuan kawngsir rem laiah motor chu ka ti ding a, ngun zetin Duati chu ka en a, mit chhing chungin a thaw deuh ham ham a, ka lainat na leh mahni in thiam loh na in ka khat zual ting mai.




"Duati" ka tih sup chuan rawn meng chhuak in mittui tling pam chung chuan min rawn en a, "Ka hlau lutuk a, ka au vak vak che a, i lo kal tawh dawn lo emaw ka ti hman alawm, ih.. englo khapa khan ka duh lo chung ka chungah kha.. khatiang" a ti bah nawk nawk a, rilru nat hmel lutuk chuan min rawn en bawk, hetianga a awm lai hmuh hi ka tan thil hreawm ber a ni hial ang, rum chhuak hrawk chungin motor kawngkhar chu ka hawng a, Duati awm na lamah chuan ka kal vat, pawm nawlh in motor hnung lamah chuan ka kalpui a, "Duati, i bulah ka awm tlat dawn ka tihkha aw, engmah hlauh tur a awm lo, i bulah ka awm tlat tawh dawn, khatiang thil kha a thleng nawn tawh lovang" ka ti sup sup a.




"Ka ngen a, khatianga ka chungah tilo turin ka ngen lawm lawm chung pawh in engah mah a ngai duh lo, tinge i rawn lan har em em, khapa khan ka chungah engthil chiah nge a tih i hria em?" Tiin ka awm ah chuan hmai a phum a, "Ka tihpalh ka thiam loh vek a ni, ka duat, ka tihpalh aw, ka tihpalh lutuk, min ngaidam rawh, ka thusawi te ka tih hlawhtlin loh avang hian ka in thiam thei tawh ngai lovang, Duati min ngaidam rawh" ka ti mawlh mawlh a, a ri meuh chuan a tap chhuak ta hawm hawm a, ka chhungril tawt lutuk tih thawl tum chuan thawk kan la leh hawk hawk thin, mahse awmzia a awm lo chiang hle.




"Ka taksa hi a duh duh dan in a khawih kual a sin, ka theihtawp in ka in dang ve alawm, mahse" tiin s tap chhuak leh a, "Ka duat ka tihpalh, ka tihpalh lutuk" a dang sawi tur engmah ka hrelo, "Ka in ten takzet, tunah chuan engmah ka ni tawh lo, nangpawh hian min la kalsan vat ang, tunah hian min kalsan rawh, ka nat zual tak tak hma hian min kalsan rawh" a tih leh chuan ka tang teuh a, "Khatiang thu kan sawi tawh suh, ka kalsan ngai lovang che, ka hmangaih che, khatiang vang khan ka kalsan che ring suh, Duati khapa khan engtin mah a khawih chhe hman lo che, chuvang chuan nangmah leh nangmah i in ten a ngailo, tenawm ber zawk chu khapa phiangsen kha a ni" ka ti nghut a.




"Tinge he khawvel ah hian ka lo pian ve le, ka pian tirh in ka nu leh pa ten min duh lo nghal a, ka u lah hrisel loh na hi a tlan biak reng a, a chhan pawh keimah vang vek a ni, lehkha ka zir theih nan a theihtawp in hna a thawk a, a taksa in a tuar ngang loh avangin hetiang hian a awm a nia, tunah hetiang hi a thleng leh a, keini mi vanduai tak leh midang taka vanduai na thlen tu mai ka nih hi, hetiang tur ai chuan ka nu khan a pum chhung a ka awm lai khan tinge min lo thah zawk mai loh?" A sawi zawh rual chuan in sum hman lovin "Ngawi hmak rawh" ka ti hrawk a, mahse ka in thiam lo lehnghal.




A thusawi khan in sum hman lovin min siam a ni, "Ka tihpalh tawngkam vin hman kha ka tum a nilo, mahse khatiang thil kha sawi tawh suh aw, ka tan hian i hlu lutuk a nia, chuchi theihnghilh ngai suh, he khawvel a i lo pian ve avang hian hlim na tamtak ka tawn ngai loh ka tawng a sin, vanduai na thlen tu anga i in ngaih na kha paih bo ang la, ka hlim na thlen tu ber i ni tih chiah ngaihtuah rawh" nem deuh zawk chuan ka ti leh a, engmah a sawi tawh lo, kan awm ngai a kan awm reng hnu chuan a thaw lak pawh a pangngai ve ta deuh, a thawmhnaw tet hnuang nen hi chuan in lamah pawh ka haw pui theilo ang, hetianga a u in a hmu a nih chuan a ngaihtuah dawn lutuk tlat.




"Duati hetiang chuan inah i haw thei lovang, i thawmhnaw hak tur dang kan buaipui phawt mai dawn em ni?" Ka ti a, "Awle" a tih takah chuan motor hma lamah chuan ka thut tir leh a, hotel lam chu kan pan leh ta phawt, "Ka u kawr ka ha bawk sia, engtinge niang, a that hlim hlak a ni bawk nen a nui ngawt ang" ka office ah chuan kan awm dun ran a, nui suk chungin a lam chu ka pan a, nui suk chungin a lamah chuan ka kal a, "Ngaihtuah buia duh suh, khatiang kawr ang chiah chiah kha ka nau te ka lo zawn tir ang" tiin a hnunglam atang chuan ka kuah vang vang a, a awmdan pawh a pangngai deuh ta bawk a, ka thaw huai mai.

...


Duati ka thlah zawh hnu chuan Chhuanawma ka call nghal, "Khawiah nge kha mihring kha in dah?" Ka ti hmuk, ka thianten police hnen a pek nghal mai tha an tih thu an sawi pawh in ka rem ti tlat lo, keimah ngei hian hrem na pek hmasak ka duh miau, "A ngai ah kan la dah, i lo kal dawn em ni?" Lehlam atanga a rawn tih chuan ka kal nghal tur thu ka sawi hnuah phone chu ka dah a, awlsam taka hrem na pek mai mai ka tum teuh lo, ka hmangaih mangang taka a siam avangin a chungah eng chiah nge ka tih ang tih hi a ngaihtuah pha hauh lo zawk ang, nichin khan thah nghal mai ka duh rum rum a, Duati awm vang chauh a in sum ka ni.




"Thiana hetianga chet chu a tha dawn emaw ni aw, police hnenah pe zawk ila, thil pawi zawk a thleng ang tih pawh a hlauhawm alawm, i khawih nual tawh tho a, na a tuar hnem tawh a nia" In chhung lama ka luh hma chuan Chhuanawma'n a ti a, "Teuhlo mai, a na tuar mai mai kha a thiltih lakah chuan engmah a la nilo" ka ti nghut, "Engpawh chu nise in sum hram hram tum ang che, a nih loh chuan nangpawh i tang daih thei a nia" a tih leh pawh chuan engah ka ngai lem lo, ka tha za lutuk hi tih reh na tur ka duh, chuchu kha mipa kha a ni bawk, in chhung ah chuan kan lut a, chair ah an lo thut tir a, a kam sir leh hnar vel chu a thi nuai bawk.




"I thiltih pawi zia kha i hria em?" Melh chhuk run chung chuan ka ti a, "Min chhang rawh" a ngawih reng vang chuan ka ti a, a chungah ka thinrim sa nen a la in la Ngeng ve khanglang chu ka ngaithei der lo, "Hmeichhia vang mai mai in kei i mipat pui hi kut min thlak amaw?" Tiin min rawn melh chho ralh a, "Hmeichhia vang mai mai ni lovin kha hmeichhia kha ka hmangaih a nih kha, chuvang chuan ka chhuah mai mai che chu ring suh ang che" ka ti leh hmuk, chutah min tham lo zetin a nui suk a, a kawr awm ah tham tho lawp in ka hnek thal nghal tawp a, ka thiante chuan min rawn hnaih lehnghal thuau tawh.




"Thiana in sum rawh, hetiang chuan harh chhuak tur a awm lo mai ang tih pawh a hlauhawm alawm, police ka ko tawh a, an rawn thleng har tawh lovang, chumi chhung chuan engmah lo ti tawh suh, i thinrim tih chu kan hria a, mahse dan in hrem na chu pe zawk rawh se" an rawn ti sup sup a, hepa phiangsen hian hmeichhia te zah na a nei hauh lo, ka hmeichhe chunga a thiltih avanga in thiam loh a hnek in a la thu rin ngam zawk a nia, hetiang mihring chunga hian zahngaih na lan tir a tul na ka hre hrep lo ve, thei ni ngat ila chu ka that hial ang.




Police te an rawn thlen takah chuan an la nghal a, "Grace-i chu enge a an?" An tih chuan a that thu in ka chhang sup a, "A pawi emai, keimahni vang vek a ni, lo chhuah pui miah lo tur kan nia" Ziri chuan a ti sep a, Apuii pawh a in thiam loh hmel hle, "Keima thiam loh zawk a ni, a duh lo chung ka rawn kalpui a, ngaihsak a a bula awm reng tur ka ni zawk a, thil pawi lutuk a thleng hman lova a lawmawm takzet" ka ti ve sup a, "Nakin ah kan rawn kan ang, lo hrilh rawh aw, ngaihdam te pawh min lo dik sak la" Apuii pawh chuan a lo ti sap a, ka lo bu nghut, awm rei tawh lovin ka in lamah chuan ka in khalh haw a.



Grace Lalthazuali POV



Zanin a ka thil tawn vang khan ka muhil mai theilo, ka thau ah min la man tlat a, ka muhil dawn chiah tih ah ka harh lehnghal zel bawk sia, ka u chu a mittui tawh hmel hle, ka muhil thei thlawt lo chu ka thu chhuak hlawl a, ka taksa lah chu a na thum mai lehnghal a, dim taka tho chhuak in bathroom ah ka lut a, hmai ka phih ringawt, mahse awmzia a awm chuang lo, ka tawh deuh up up a, ka thawk te hi a chham lo chauh, ka pangngai viau tawh emaw ka tih laiin hlauh na chuan min rawn tuam leh up up tawh mai, ka nghawng a hnu hma thar lam tak ka hmuh leh lek phei chuan ka taksa thleng in a khur chhuak thei.




Ka chunga kha mipa in a dim na nei lek lova a chet lai te chu ka mitthla ah a rawn lang let uar uar a, "Aih..ka duh lo" tiin ka beng chu ka hup a, tawp tura ka ngen lawm lawm laia rapawm zet a min nuih ri te chu ka beng ah hian a ri nawn tlut tlut bawk, chutah ka phone chu a rawn ri thut a, bathroom ah ka meng lut tih pawh ka lo hre hauh lo, call rawn lut pawh chu chhan mai na chang pawh ka hrelo, ka en reng ringawt a, mahse a rawn rik nawn leh tak hnuah chuan ka chhang ta vat a, "Duati" Mike-a aw ril ruih ka hriat takah chuna ka tap chhuak hawk a.




"Duati i tha em?" min ngaihtuah hmel zet chuan a rawn ti nghal a, "Mike, engtinge ka tih ang, ka mitthla atang hian a awm bo theilo, ka beng ah a ri nawn tlut tlut bawk si, ka hlau, khapa kha a rawn kal leh mai angem?" ka ti bah nawk nawk a, "Hahdam rawh, engthil mah a thleng dawn lo, Duati ka lo kal dawn, lo mangang suh, ka lo thleng har lovang" a tih chuan hnial ka tum lo, ka bulah min thlamuan turin awm se ka duh ber, tunah tak hi chuan Mike-a bula awm bak thlakhlelh ka nei lo.




Sitting room ah chuan ke hlang in ka thu kawm ngal a, ka phone a rawn rik takah chuan ka chhang vat, "Duati pawn ah ka awm, i lo chhuak dawn em ni?" minutes 10 vel bak a ral hman lovang, kawngka ka hawng chiah tih chuan Mike-a hmel ka hmu nghal zat a, rang zetin a awm ah chuan hmai ka phum nghal a, "Shh... engkim a tha vek a nia aw, hlau reng reng suh, tuman engtin mah an ti dawn lo che, i bulah nangmah venghim tur che in ka awm reng dawn alawm" a thusawi chuan engtiang chiah in nge thlamuan na min pek a hrethiam pha hauh lovang




"Ka pangngai tawh viau emaw ka tia, mahse" motor chhung ah chuan kan thu dun a, "Duati i hlauh na khan a la chen chilh che a nihkha, i bulah ka awm tawh a, engmah hlauh tur a awm lo, ka venghim tlat dawn che, khatiang thil kha I chungan tuman an ti tawh ngai lovang" a tih sup chu an hriat chhuah zawh ka nei, "Khapa kha enngtinge a awm?" Ka tih chuan "Police hnenah kan pe a nihkha, a chungthu pawh rel a ni vat ang, a phu tawk hrem na a hmuh theih nan tan ka la ngei bawk ang" a aw chhuak chu a nghet charh a, a sawi mai mai lo tih a hriat hle bawk.




Khaw var dawn thleng chuan a motor chhung ah kan thu dun a, mahse hetia awm reng thei kan nilo, ka u in min hmu lo a nih chuan mak a ti lutuk palh ang, kawngka thleng chuan min thlah thlap a, hna chawl mai tura min tihna erawh ka hnial tlat thung, a chhan chu dam loh na ka nei chuang bawk silo a, hna ka kal lo ringawt a nihchuan ka u ngaih ka ti tha lo mai mai ang tih ka hlau a ni, muhil tawh lem lo chuan khum ah ka mu meng kar a, phone a Mike-a nen kan thlalak chu en in ka nui leh ver ver thin, a tir ah kha chuan tlan bo san vang vang ka duh thin kha a nia, tunah erawh ka tawng lovang tih ka hlau em em thung tawh chu a nia.




Vawin chu kan bhai deuh phian bawk nen office lamah pawh ka awm hman meuh lo, in fiam mi ten in el na an nei dawn a, Mizoram mai nilo phai lam atang an rawn kal tam bawk nen hotel a kan room neih zawng zawng chu kakhat mah a ruak lo hrim hrim, tlai lamah chuan kan buai zual a reh ta deuh a, office ah Mike-a nen chuan kan thu hahdam a, chutih lai tak chuan kawngka a rawn ri a, Mike-an kut tura a tih rual in police pahnih chu an rawn in zui lut a, ka thut dan chu ka siam rem nghal thuai a, "Pu Mike police station ah min rawn zui lawk a ngaih hmel" a lal zawk chuan a ti nghal sup a.




Nizan chungchang kha a nih ka ring ringawt, "Pu Rintluanga'n i lakah FIR a theh lut a" a tih leh takah chuan ka tho vat a, "Enge awmzia, tunge Rintluanga chu?" Ka ti haw a, Mike-a thung chu hahdam hmel takin a la thu awn duai a, hlauhthawn na pawh a neih hmel lem loh, "Enge awmzia ka tih chu?" Tiin Mike-a chu ka en a, "Duati thil hriat fuh loh deuh a awm a nih hi, hetah hian lo awm la, keichu min ngaihtuah suh aw, engkim a tha vek" tiin a sen ding chhuak a, "Mahse tinge police te hian hruai che an tum si, enge i tih sual?" Ka ti leh hram a, "Nizan ah khan Pu Mike-a hian Pu Rintluanga kut a thlak a ni awm a, a ni phei chu kan kut ah a awm mek" Police in a lo tih leh takah chuan ka hrethiam ta uar a.




Rintluanga an tih chu nizan a mi kha a ni ngei ang, "Mahse engmah tih sual a nei hleinem, khapa khan..." Ka tih lai mek chuan "Duati hlauthawng suh, ka chungah engmah a thleng dawn hleinem, hahdam rawh" Mike-a zawk chuan a lo ti a, "Chupawh nise, engmah tih sual i neih loh na na na te chuan engvangin nge an man ang che" ka ti leh hram a "Ka pi lo lungngai lo la, a lakah complain a awm vangin kan hruai dawn a, nizan thil thleng te khan kan hre vek bawk a, a thiltih kha kan hrethiam viau a nia, chutih rual in dan anga kan chet a tul miau si a, lo hlauthawng lo la, Pu Mike-a chu a lo chhuak leh vat ang" police te chuan an lo ti a.




Mike-a chu police te nen chuan an chhuak ta a, hlauhthawn tur a awm lo pawh tise ka hlauthawng lo theilo, keimah vangin hetiang thil hi a thleng tih lah ka hai der silo a, ka bag chu la in police station lama kal tur chuan ka chhuak ve nghal, hotel atanga ka chhuak chiah tih chuan Mike-a te tlan liam lai chu ka hmu hman hram a, two wheeler taxi chu phar in police station lam pan tur chuan ka hrilh nghal vat a, pawn lamah Mike-a chu ka lo nghak reng a, enge tih ber tur pawh ka hrelo, darkar hnih dawn chu ka nghak tawh, ka thu mai mai thei bawk silo nen ka vei tawn chhen a, a chungah engmah thleng lo hram rawh se.




Khaw thim dawn ruai ah chuan Mike-a chu a ukil ni ngei tur nen chuan an rawn in zui chhuak a, an lam ka pan vat, "Tinge hetah te i lo kal duh a, in lamah lo va haw ta che, i awm na a rei tawh em?" Min hmuh rual chuan a ti nghal zung zung a, "Engtinge inah ka haw theih bik anga, ka ngaihtuah che alawm, enge thleng, thil engkim a tha em?" Ka tih chuan nui suk chungin ka sam ah chuan a rawn chul zeuh a, "Engkim a tha, Lalrintluanga kha ka bia a, eng emaw sawi dun tur kan nei" tia a sawi zawh hnuah a ukin chu a melh zeuh a, a ni pawh chu a kalsawn nghal.




"Enge i sawi duh chu?" Ka tih chuan "Motor lamah kan sawi dawn nia" tiin min kalpui a, in lam pan a kan tlan chhuah rual chuan "Lalrintluanga kha in rem siam pui na nei ila enge i ngaihdan, in khin kher i duh pawh in a pawilo, i duh dan ka ngai pawimawh ber" a tih sup chuan ka in ngaihtuah vang vang a, in khin vek chu keipawn a buaithlak chu ka ti ve deuh, hrelo tur tur in an hria ang tih leh ukil rawih na man tur pawisa nen lam buaipui vek a ngai dawn si a, Mike-an min tum sak in huam viau dawn mahse nupa em pawh kan la nih lova tih buai vak ka duh rih lo.




"Tha I tih ang ang kha a nimai, in rem siampui pawh ni ila hrem na a hmu dawn tho a, in khin buai vel ai chuan tha ka ti zawk, bakah ka u in a hre kalh ang tih ka hlau a" ka tih chuan a ni zeuh a, in thleng chuan min thlah in a in khalh haw lehnghal a, zan a a lo len tur thu a sawi hram kha, zan ah chuan a rawn leng ta ngei a, ka u pawh a awm ve ran bawk, kan titi ho dial dial a, Mike-a leh ka u pawh an in nel tawh bawk nen a nuam takzet, in ka thlen hnu khan ka tai hi a na riai riai a, enge a chhan pawh ka hrelo, a na zual zel bawk si, ka u leh Mike-a bulah erawh ka sawi duh lem lo.




Mike-a haw dawn pawh chuan ka thlah peih ngang lo, mit hmun ah chuan ka mu kawm ngar a, ka tai zawn chu ka dawm ngar bawk, "Mate na lai i nei a mi?" Ka u in a rawn tih chuan a la muhil lo tih ka hre ve chiah, "Ka tai hi a na deuh a, ka period dawn aniang" ka ti mai a, "A va zialo ve, tui vawt a deh i duh em?" A tih chuan "A ngailo ang, a nat zual deuh chuan ka lo hrilh ang che" ka ti a, dar 11 a pel tawh, ka u chu a muhil tawh a, ka la muhil ve theilo, bathroom lamah chuan ka kal a, ka kal ngil hleithei lo, zung tura ka kekawr ka hlim chiah tih chuan ka kap atangin thisen a rawn chhuak a, a chhuak tam em em lehnghal, ngaihthat loh na lian tak ka nei nghal, ka period ti dawn ila a tir ah hetiang em em hian thisen a chhuak tam ngai silo.




"U.." ka u chu ka ko nghal vat a, ka kekawr chu ka ha leh phawt, "Enge nita, awi... Mate" tiin ka u chuan min rawn vuan vat a, "Ka tai leh pum hi a na lutuk" ka thlan pawh chu a tla hluam tawh mai, "Damdawi in ah kan kal dawn nia, lo nghak deuh la, Nu Mapuii te ka va kai harh lawk ange" tiin in atang chuan a chhuak a, thut pawh thu tawh lo chuan thutthleng hming chu ka dawm ran a, ka thaw chhuak hak hak bawk, Nu Mapuii te nupa leh Asangi te chu an rawn lang thuai a, Asangi'n ka awmdan a hmuh chuan a hlauhthawn hmel hle, Nu Mapuii chuan a pasal hnenah motor la chhuak turin a ti nghal ruai bawk.




"Grace tuar hram hram rawh aw, Sir Mike-a pawh ka hrilh tawh a, damdawi in lam a rawn pan nghal tur thu a sawi a nia" Asangi chuan a ti sep sep a, ka khaw hmuh te chu a vai ruai tawh, damdawi in kan thleng a, nurse te chuan min lo buaipui nghal thuai a, doctor in min en hnu chuan in zai na room ah min nawr lut turin nurse te chu a hrilh nghal a, nikhua ka hre mang tawh lo, ka thil hriat hnuhnun ber pawh min chiu lai chu a nimai, a hnuah chuan a thim nghal khup a.


Mike Lalruattluanga POV



Duati damdawi in lamah an kalpui thu min rawn hrilh rual chuan damdawi in chu ka pan ve vat a, "Sir" Asangi ka hmuh rual chuan Duati chanchin ka zawt nghal vat, "Tunah khan in zaina room ah an nawr lut chiah" a tih chuan ka hlauthawng hle, "Enge awmzia, ka haw dawn pawh khan a la tha vek si a" ka tih chuan Asangi hmel ah dik lo a awm tih ka hmu thiam nghal mai, "Engthil chiah nge thleng min hrilh rawh, Duati chu a tha lo viau em ni?" Ka tih leh chuan "Chutiang lam pawh a ni chiah lo, ih.. hmundang ah kan in be dawn a mi?" Tiin midang te chu a melh kual zawk a, Duati u chu s hlauhthawn hmel em avangin Nu Mapuii chuan a thut pui a, an bulah a pasal ni awm tak tur chu a thu ve bawk.




Hmun danga kan kalsawn hnu chuan Duati chanchin bawk chu ka zawh chhunzawm lehnghal a, "Ih... Nau a chhiat a ni awm e" a tih rual chuan ka nghing deuh lawih mai hian ka hria, "Khawi ah emaw in sawh na a nei pawh a ni maithei, naute chu a puk chhung ah a lo thi daih tawh a" a tih leh pawh chuan ka melh ngai chu ka melh reng a, Duati chuan kan pahnih a fa tur a lum chhung ah a lo pai reng amaw, mahse chuthil kan hriat rual rual chuan kan naute chu kan chan nghal bawk si, mipa mah ni ila hriatthiam har ka tiin na ka ti hle.




"Naute chu thla engzah nge ni tawh?" Ka tih leh sup chuan "Thlathum a tlin an la rin loh thu doctor khan a sawi a, Sir nangmah hian i hrechiang em, vawin emaw nimin lamah pawh nise Grace-i hi tluk na a nei em?" Asangi'n a tih chuan zan hmasa lama thil thleng kha ka hrechhuak zawk, khathil vang kha a ni ngei ang, ka ngawih reng avang chuan Asangi pawh chuan nuam a tih chuan hmel loh, "Let phawt ila, Grace-i chu a tha leh em em ang" tiin a kalsawn a, kal ve na chang pawh ka hrelo, a pum chhung ah khan ka fa tur a lo awm reng chu a nia, mahse ka chhan hman silo.




Duati an zai na room pawn lam ka va thlen rual chuan an rilru a buai hmel hle, "Enge thleng?" Ka ti nghal vat a, "Grace-in thisen a hloh hnem bawk nen thisen pek a ngai a, mahse an lo kawl mai bawk silo a" Asangi chuan a lo ti vat a, "Eng blood group nge?" Ka tih chuan "B+" a loti leh vat, "Keiman ka pe thei alawm, doctor keihi B+ ka ni a, ka pe thei ang" ka tih takah chuan an hahdam hmel huai mai, "Helamah min lo zui tawh, unit khat bak pek a ngai dawn chuang lova, a dang zawng belh pawh a ngai lovang" a tih hnuah kan kalsawn a, ka thisen an hip chhuah chhung zawng chuan mut chhung in Duati chu ka mitthla ah a lang reng a, a chung a thil thleng hi a hriat hunah a rilru a va na dawn em.




Duati an zai zawh hnu chuan doctor hnenah chanchin kan zawt vat a, a that thu leh a harh chhuah har vak loh tur thu a sawi chuan tlem in thla a muang ta deuh a, "Engkim hi keimah vanga theng vek a ni, min hrethiam hram dawn nia" a chhungte bulah chuan ka ti a, "Ekhai, engmah thiam loh na i nei hleinem, a hun hmaa in chesual erawh in pahnih thiam loh a ni a, naute chungchang ah erawh Pathian in a nu leh pa ni turin a la ruat lo cheu a niange, in thlahrung reng reng suh" Asangi pa chuan a lo ti vat a, "Ni e, ka nau pawh eng em a tilo a, hreawm ti reng reng suh" Grace-i u pawh chuan a lo ti ve sap.




Duati khum bulah chuan kan awm thap a, a lo harh chhuak hun chu kan nghak a ni, zan rei tawh viau mahse Asangi te chhungkua chuan haw an tum tlat lova, Duati te unau an hmangaih zia ka hmuh hian ka lawm takzet a ni, an fanu ang maiin an ngaihtuah tih lah hmuh hmaih zia zang a nilo, Nu Mapuii phei chu a khat tawk in a tawngtai leh thin a, thisen zawm ni miah lo mahse an in hmangaih na hi a chak tha tawk tih mi mawl ber pawn an hriat hmaih lovang, Asangi chu a thiante ber thil tawn avang chuan a rilru a na hle tih hriat takin a mittui a hru leh thin bawk a, a u pawh a bang bik chuang lo.




Darkar khat hnu vel ah chuan Duati chu a rawn meng siar siar a, "U" ti sap pah thawh mai a tum chu ner sak chungin a tawp chawt a, an ,ai na kha na a ti a ni ngei ang, "Enge ka chungah thleng?" A tih leh sep chuan midang ho chu an in melh kual raih a, Duati u chuan keichu min rawn en a, engmah sawi lo mahse a ngaihtuah na awm ang tur chu ka hrethiam nghal mai bawk, "Mate, Mike-a nen hian lo in be rawh u aw, pawn lamah kan lo va awm ange" tiin midang ho chu an in zui chhuak ta dial a, "An awmdan kha a va mak ve, thil ṭhalo a thleng em ni?" Duati chuan a ti nghal vat a.




"Nilo e, Engthil ṭhalo mah a thleng lo, an zai che a, mahse hlauhthawn tur a awm lo a nia" ka ti sup, "A nih te chuan tinge ka u te awmdan kha a va mak si ve?" A tih leh haw a, "Duati ka thusawi tur hi ngun takin lo ngaithla rawh aw, i tai nat vak chhan kha naui pai vang a nia" ka tih chuan mak tih hmel zetin min rawn en a, "Ka rai maw?" Tiin a pum chu a en a, a awmdan chu uluk zetin ka lo en, chutah rawn nui chhuak hawk in "Ka van lawm tak, Mike kan pahnih a fa ka kum chhung ah hian a awm mek tihna a nihchu, tinge khatiang hmel kha i put a, i hlim ve lo a mi?" Tiin min nuih var var a, engtinge naute a pum chhung ah a awm tawh lo tih hi ka hrilhfiah ang, tun a a hlim hmel hi lungngaih naa thlak sak hi ka thil tih hreh ber a ni.




"A hma kha damdawi te kha ka lo ei vel a, ka in chhir a sin aw, naute ka neih theih loh phah te ka lo hlau a" a ti leh siam siam a, "Duati ka thusawi tur hi ngun takin lo ngaithla rawh aw, naute chu i lai ngei a, mahse i pum chhung ah khan a lo thi hman tawh a ni" ka tih chuan thawk leh khat ah a nui hmel chu a tawp hmak a, ngun zet a min en hnuah nui chhuak leh in "Mike, in tihder na chi a nilo aw, nau ka pai tih ka hre ve chauh a, engtinge ka chan lehnghal theih anga?" Tiin a la nui hak hak a, ka lo en ngut ngut thung, ka awmdan avang chuan a nui lai chu a tawp riai riai a, "Nilo nang hian dawt min hrilh a ni tiraw, ka naute chu a thi lo tiraw?" A ti sap a, harsa ti zetin ka thaw chhuak hak.




"Duati hriatthiam hram tum rawn, naute chu a awm tawh lo, i pum chhung ah a lo thi hman a, chhan hman a ni tawh lo a ni" ka tih leh takah chuan nichin a mit a hlim na lang te kha lungngaih na in a rawn thlak riai riai a, "Nilo chutiang chu engtinge a nih theih zawk, nau ka pai tih ka hriat rual in ka chan thu ka hre zawm nghal amaw, nilo ka mumang mai mai a ni tiraw, nang hian min fiam a nihkha" tiin a tap chhuak hawk a, "Hahdam rawh, engkim a tha leh vek mai ang" tiin ka kuah a, a tap khur ngawt ngawt, "Nilo engtinge a nih theih zawk?" Tiin a phun sap sap a, hei aia thil sawi harsa ka tih zawk chu ka hrilh leh ngai a ngai si a, Lalpa chakna min pe hram teh.




Ka sawi lo a nihchuan doctor in beisei na thlawn a nei anga, a thil duh a puitlin theih loh chuan amah leh amah in thiam loh na in a khat anga, a rilru lam thleng in a nghawng thei, chuvang chuan tuna in hrilh nghal hi a tha a tih vangin ka sawi ngei ngei chu a ngai si a, "Zan hamsa thil thleng vang kha a ni, chuan Duati thil dang hrilh tur che ka la nei" ka tih rual chuan min rawn en a, a tan nasat em avangin a tawng maithei lo thung, "I chul ah harsat na a awm a, naute i pai thei tawh loh mai theih thu doctor in a sawi a" ka tih leh rual chuan a taksa chu a zawi hnawk a, ka buaipui vat, pawn lama awm te chg ka au nghal that bawk.




"Doctor ko rawh u" ka tih chuan Asangi chu a tlan chhuak leh vat a, doctor rawn luh hnuah Duati chu a check nghal zung zung a, "A taksa chak lo nen a thu hriat in a a thawn em vangin hetiang hian a awm a nih hi, ngaihthat loh na tur a awm lo, tunah rih chuan rilru lamah harsat na tamtak a nei dawn a, in ngaihsak viau a ngai ngei ang" a tih hnuah doctor chu a chhuak lehnghal a, tumah tawng na chang reng reng kan hrelo, Duati chu lainat zetin kan en hlawm a, hetiang hi tinge a chungah a thlen bik, a naupan lai atang tawh harsatna tamtak a lo tawk tawh a, Pathian pawh hian tawk a ti ve em em tawh lo em ni tiin ka ngaihtuah hial.




"Nu Mapuii hei khua a var mai dawn, nangni chhung chu lo va haw hmasa rawh u, Mike-a nen kan awm tho a, chanchin kan rawn hrilh zel zawk ang che u, Pa Nuna naktuk hna kal te a la ngai dawn si a" Grace-i u chuan a ti sap sap a, an hnial ta biklo, pawn thleng chuan an in thlah a, kei erawh Duati kut chu vuan in ka thu reng a, kan naute kan chan na chuan min tih nat mai bakah Duati'n naute a pai thei tawh lo maithei tih ka hriat na chuan min ti na em em a, mahse chumi avang ringawt chuan kalsan ka tum chuang lo, a nih na ang ang hian ka hmangaih a, a bulah ka awm tlat bawk ang.

cont....


click leh comment kha aw...

[Rebec Nunziri]

Chapter-12



Mike Lalruattluanga POV



Duati chu a rawn harh leh ta mai lo, a u chu a chau deuh aniang s muthlu leh thin a, "I duh chuan muhil rawh, ka awm tho a, ka lo veng dawn a nia" ka tih chuan min hnial ve deuh a, "I chau lutuk ang, kei ka chau lem lova, ka lo meng zawk ang, a harh hunah ka lo kaitho zawk ang che" ka tih takah chuan min hnial duh ta lo, Duati kut chu vuan in a hmai dang bel mai chu ka en a, ka lainat na chu a zual ting mai, fahrah a ni a, nau a pai thu ka hrilh a a hlim zia kha, mahse a hlimna chuan minute 1 lek pawh a daih silo.




Engtin tak nge a nat ang ka hrelo, a u bulah lah a chunga thil thleng te kha ka la sawi lo bawk a, a chhan chu amah ngaihchan ka duh vang a ni, keima thu a engkim lo sawi chhuah chu a dik lo hrin hrim bawk, a u natna ka hriatpui ve vek a, thudik tak hi lo hrilh ta ila a hrisel na thleng in a tuar thei, Duati hetiang dinhmun ah a din laia a u dinhmun ṭhalo tak a hriat leh lek phei chuan hreawm a ti zual dawn lutuk tlat, chutih rual in a u hnen a zep chu a tha ber lo tih ka hre ve kar a, ka sawi pui ngei a ngai ang, kha mihring tenawm khan na thei ang ber hrem na hmu se ka duh, in rem na siam maw, ka thih hma chu a thleng ngai lovang.




Zing khawvar tan dawn chuan Duati chu a rawn meng siar siar a, ka awm hnaih nghal vat, "Duati, na lai te i nei em?" Ka tih chuan lu a thing a, thut chhuah mai a tum chu ner sak in a tawp nghal chawt a, an zai na lai kha a na a ni ngei ang, "Ka lo pui ang che, in dim i ngai a nia" ti sup in keimah zawk chuan ka thut tir a, a la ngawi reng, "Enge i an, na lai te i la nei em?" Ka tih leh sup chuan "Ka tha, tui ka in duh" rang zetin tui chu ni ah ka thlit chhuah sak a, a in zawh hnu chuan no chi a ngai ah ka dah leh te te phawt a, Duati kut chu ka vuan lehnghal chawt.




"Mike, enge i ngaihdan, nau lo pai thei tawh lo ta ila engtinge niang?" Rilru nat hmel zeh chuan a rawn ti chhuak a, "Duati khalam kha chu ngaihtuah rih suh, a eng lam zawngin thil thlir tum hram hram rawh aw" ka ti a, han hnem ngaih na vak ka hrelo, keipawh hi min la nghawng na ve em a ni, ka hmeichhe hmangaih in ka fa a pai tih ka hriat rual in kan chan thu ka hre lehnghal a, mipa mah ni ila na ka ti ve hle, mahse ka natna hi Duati lamah tih lan erawh ka duh hauh lo thung, ka tawrh ai a let in a tuar dawn tih ka hre miau.




"Engtinge chutiang chuan ka ngaih theih ang, nau ka pai thei tawh lo maithei tih hre chungin engtinge chutiang chuan ka ngaih theih tehlul ang ni, hmeichhia te ropui na ber pakhat chu nau an lai theih na hi a sin, mahse keichu" tiin a khur dar dar a, a ri in fap lo mahse a mittui chu a tla zung zung a, khum sir ah chuan thu chho in ka han kuah a, "Sh.. fa chu kan la nei dawn alawm, doctor aia thil ti thei Pathian a awm alawm, hun a kal anga, nangpawh i tha chho zel anga, fa te chu tam tak kan la nei dawn alawm" ka ti sup sup a.




Rei fe chu chutiang chuan kan awm reng a, a tap pawh a bang tawh, "I u in a ngaihtuah lutuk che a, ka va kaitho ange aw" tia kalsawn ka tum chu "Aih a ngailo, a chau awm sia, hahdam rih rawh se" a tih chuan kaih thawh ka tum ta biklo, "Duati, I chau ang, muhil leh la, ka lo veng ang che" ka ti sup a, "Ka mut pawh a chhuak lo, nangmah zawk kha muhil rawh, hei khua a var vek tawh a nia, i chau ang" ka nui suk a, "Ka chau hleinem, i mut a chhuah loh chuan thil sawi pui lawk che ka duh a" tun hun hi sawi pui hun a ni em ka hrelo, mahse a rang lama thil tih ka duh miau.




Ka tawng hun chu a nghak ran a, "Lalrintluanga in rem na siam pui kan tum kha tih leh loh a tha zawk in ka hria, in rem na kan siam pui a nihchuan hrem na hmu dawn tho mahse a nep dawn a, i chunga thil thleng zawng zawng bakah kan naute kan chan vangin hrem na na thei ang ber hmu se ka duh" ka ti nghet charh a, "Keipawh chuchu ka duh dan a ni, amah vang khan kan naute ka pum chhung ah a awm tih kan hriat rual rual in kan chan tih kan hre zawm a, hremna zep tak a hmuh ka duh hauh lo" a lo tih ve takah chuan ka thaw huai a.




"Chutiang a nih chuan i u hian a hriat ngei a ngai dawn a" ka ti leh sup, "A pawi ka tilo, thudik chu hre law law zawk rawh se, kan zep hlen thei dawn chuang hleinem, tha taka kan hrilh a nih chuan a hrethiam em em ang" a ti leh a, Duati thuthluk na ka hre ta bawk a, vawin ni la la hian Lalrintluanga'n hrem na na tak a hmuh theih nan tan ka la nghal ang, a ngaiah ang nga h chuan hrem na a hmu nep hauh lovang, eng ang chiah a thil pawi nge a khawih tih hi a hre dawn khawp alawm.




Dar 10 vel bawk ah chuan damdawi in atang ka chhuak a, Duati chu a u in a awmpui tho avangin ka ngaihtuah hran lo, ka chhuah hma in ka thiltih tur ka sawi lawk vek bawk a, ka let hunah a u hnenah engkim kan hrilh bawk ang, ka ukil chu bia in ka office a hmuh ka duh thu ka sawi a, a lo kal nghal tur thu a sawi hnuah keipawh chu hotel lam pan chuan ka in khalh chhuak nghal, hotel ka thlen hnu reilo teah ka ukil Pu Liansanga chu a rawn thleng ve nghal a, ka thuthluk na ka thlak thu ka sa i chuan mak a ti hle.




A hma pawh khan in rem na siam kha ka duh dan a ni chiah lem lo, mahse Duati ka ngaihtuah a, a i hriat a duh loh vang chuan a khatiang thuthluk na siam kha ka ni bawk, in khin a nih dawn chuan Duati u pawn a hriat ngei a ngai dawn tlat a ni, mahse tunah chuan Duati ngei pawn a u hriat pawi a ti tawh lo bawk a, ka thiltih tum ah hian tumah in dan tur ka tum hauh lo, a damchhung a jail tan tir ka duh, mahse chuchu ka thu a nilo, dan in ro a rel anga, chutih rual in hrem na a hmuh theih chin na thei ang ber hmu ngei turin tan ka la thung dawn a ni.




Pu Liansanga nen kan in biak zawh hnu chuan file en ngam ang chu ka en leh hmasa te te a, chawhnu ah in lam ka pan a, ka in tihfai hnuah damdawi in lam ka pan lehnghal, damdawi in ka thlen chuan dar 3 a pel tawh, Duati chu cabin ka book sak ah a awm a, a hahdam theih nan ka tih a ni, ward pangngai a a awm a nih chuan midang ri nuai nuai nen a hahdam theih loh ka hlauh vang a ni pakhat bawk, cabin chhung a ka luh chuan Duati chauh ka hmu a, a u hmuh tur a awm hauh lo.




"I va lo let leh hma ve" min nuih sang chung chuan a ti a, nui mahse a chhungril hlim loh zia chu a mitmeng ah ka hmuh hmaih chuang lo, a lamah chuan kal hnai in a chal ah ka fawp vang vang phawt a, "Duati, I u Khawiah nge a awm?" tiin a sir ah chuan ka thu thla a, "Bathroom ah a lut chiah, a lo chhuak har lovang" a tih takah chuan "Pu Liansanga nen kan in bia a, a rang lama court lam case put luh a nih theih nan hma a la dawn a, I u pawh kan biak vat a ngai ang" ka tih chuan a ni zeuh a, "Bathroom atang rawn chhuak se, kan hrilh dawn a nia" a ti sep, a u hrilh chu a huphurh zia ka hria.




Duati u a rawn chhuah takah chuan ka thut dan ka lo siam rem vat a, "Mike-a chu i va rawn let hma ve, Matei i ngaihtuah vang chu ni tho mahse hei a tha viau a nia, i hna thawh theih loh nan te I hmang ange?" a rawn ti nghal luam a, "Kan buai vak lo hrim hrim zawk a, in lamah i la haw silo a, I chau viau zawk anga" ka ti sup, "Chau nang aw, nitin inah ka awm alawm, chauh na tham engmah a awm lo" ka lo ti let ve vat, Duati nen chuan kan in melh leh ralh thin a, han sawi chhuah mai dan tur pawh ka hrelo, chutiang bawk in Duati pawh a ni ve tho ang.




Kan thu hrilh tur vang hian a natna a rawn chhuak thei tih thleng in kan hriat hnaih bik lova, mahse kan hrilh ngei ngei chu a ngai tho si, "Nangni pahnih chu in awmdan a va mak ve, sawi duh in nei a mi?" Duati u chuan a rawn ti sep a, "Ni e, ka sawi tlang nghal mai anga, Duati nau chhiat chhan kha keimah ka nia" ka tih chuan mak a tih hmel hle, Duati pawh chuan min rawn en vat a, "U chutiang a nilo, enge khatiang zawng in i sawi a, engmah i thiam loh a nilo ka tih tawh kha" a lo ti nghal vat a, mahse ka thiam loh tih ka hrechiang miau.




"Enge maw i sawi awmzia le, chiang zawk in han sawi teh u" a rawn tih leh takah chuan "Duati party naa ka hruai zan khan a chungah thil duhawm lo deuh a thleng a, ka ngaihtuah tawk loh vang a ni" ka ti a, "U chutiang a nilo, Mike-a hian engmah thiam loh na a neilo a nia aw" Duati chuan ka thlavang a rawn hauh leh vat a, "Enge thleng chiah han sawi teh u" Duati u bawk chuan a rawn ti leh a, "Kha zan khan Duati hi mipa pakhat in sual luih a tum a, ka thiam loh a ni, amah chauh a thlah fal tur ka nilo tih hre reng chungin ka lo ngaihthah mah mah a" ka ti a, Duati u hmel pawh chu ka en ngam lo hial.




"Mike khatiang zawng khan sawi tawh suh, engmah thiam loh na i neilo, ka u keimah zawk hi thiam lo chu ka ni, Mike-a hi chuan kal fal kha a rem ti chiah lova, mahse ka tih luih tlat vang zawk a ni" Duati chuan a lo ti zung zung a, "Mate chutiang thil i tawh te chuan ngatinge min hrilh vat loh, I u ka nih hi, ka lakah zep tur i nilo a sin" Rilru nat hmel zet chuan a ti a, a nau chu lainat na leh hmangaih na nen a en ngawih ngawih a ni ber.




"U ka tihpalh, i rilru a na ang tih ka hlau vang a nia, tunah heti hi kan ni ta si a, ka chunga rawng taka che tu kha hrem na na tak pek ve ngai ka duh a ni" Duati'n a tih chuan "Ni e, a phu tawk hrem na chu a hmu ngei tur a ni, ka nau chung a hetiang thil ti duh tu chungan hian zahngaih na lan tir ka tum bik reng reng lo" A lo ti ve nghat, "Chuan Mike-a hian engmah tih sual a neilo, ka chhuah dawn pawh khan a phal chiah lova, mahse ka chhuak lui tho a, min rawn hmu hman lo se chu enge ka chungah thleng ang ka hrelo, amah vang chauh a la dam ka ni bawk" Duati chuan a tih zawm leh a.




"Ka hrethiam alawm, Mike inthlahrun na tur a awm lo a nia, in thiam lo duh reng reng suh, khatiang thil kha a thleng dawn tih hre lawk nila Matei hi i bulah i awm tir reng ang, tunah lah i theihtawp in min enka l pui bawk a, i lakah hian lawmthu sawi sen loh kan ba zawk a ni" A u bawk chuan a ti a, an ni unau hi thisen in zawm ni miah si lovah chuan an in chhun fuh khawp mai, Duati rilru that leh zau ang chiah in a u pawh a ni, mi tamtak chuan an unaunu emaw an fanu chungah hetiang hi thleng ta se chuan an kawp pui te an dem ngei in ka ring.




Duati u chu haw tura ka tih luih tlat avangin a haw a, zan lam chu keimah chauh in ka awmpui dawn a ni, Duati chunga thil thleng te a hriat hnuah khan a rilru a nat hmel em bawk nen amah a a awm duh zawk ka rin vang pakhat a ni a, Duati pawn pawi a tilo, zan tir lamah chuan Duati chu a muhil a, nizan lamah chhin khat te mah ka chhing lo bawk nen keipawh chu ka lo muthlu ve sek bawk, thil ri deuh rak ah chuan ka harh a, khum lam ka en chuan Duati a lo awm hauh lo, bathroom lama thawm ka hriat takah chuan a lut tih ka hrethiam nghal mai bawk.




"Duati i zung em ni?" a raen chhuah rual chuan ka ti a, mahse a mitmeng sen deuh ram ka hmuh rual erawh in a hmaah ka va ding nghal vat, "I tap em ni?" ka ti sup a, "Tap lo, tinge i lo harh a, i duh chuan muhil leh rawh" tiin hnuai lam chu a melh tlat a, mahse a awmdan chu ka hriat hmaih chuang lo, a khabe ah chuan dawm in ka mit a en turin ka siam a, a tap tih chiang takin ka hria, "Engvanga tap nge i nih?" ka ti sup a, min chhang lo, tah in sum zet chuan min en reng a.


Zawmna



"Duati" ka tih rual chuan min rawn kuah in a tap nghal hawm hawm a, "Engkim a tha vek, i bulah ka awm tlat a nia" ka ti sup sup a, "Mike, tunge tiang hi ka chungah a thlen bik le, enge tih sual ka neih bik, fahrah na ni a, fa neih a ka dawn ngai miah thil tamtak pek ka duh ve a sin, mahse ka duhthusam te chu an tham ral mek chu a ni si a, engtinge ka tih ang?" ka thaw chhuak hawk a, "Duati, khatiang zawng khan ngaihtuah suh ka tih tawh che kha, kan dam anga naute te chu kan la nei dawn alawm, lungngai reng reng suh" tiin ka pawm kang nawlh a, khum ah chuan dim te in ka nghat a.




"Nau ka pai theih na aiin ka pai theih lohna chance a san zia chu i hriat chian kha, Mike, ih.. min kalsan mai rawh, i tan ka tling tawk lo, kan dinhmun lah a in mil loh tih tawh nen tunah lah fa ka pe thei tawh lo maithei che a nia, hetiang a nih tak si ah chuan min kalsan zawk rawh, i tan a tha zawk, keilo hmeichhe tha tak nangmah hmangaih em em tu che i la tawng leh ngei anga, kei fa pawh hrin sak thei lo che ai chuan i tan pawh a tha zawk" a tih chuan ka in hi ruh teuh a.




"Duati chutiang chu a thleng ngai lovang, fa min hrin sak theih leh theih lovah ka buai lo ka tih tawh kha, ka hmangaih che a, min hmangaih bawk a, chuchu a tawk" ka ti nghut, "Midang in engtinge an sawi ang, i chhungte pawh in i fa hmuh an la chak ve ngei anga, mahse an duh ang chu ka pe theilo maithei a sin, Mike, tunah hian engkim ti tawp zawk mai ang, midang in engtin pawn min sawi se pawi na tilo, mahse keimah avanga nang an sawi fel ve zel tur che erawh ka duh lo, min kalsan zawk mai rawh" a ti leh sap a.




"Ngawi hmak rawh, chutiang chu a thleng ngai lovang" ka ti hrawk a, a phu zawk, ka in thiam lo leh deuh chu ka thaw chhuak hawk a, "Dhati ka tihpalh, vin vak che kha ka tum a nilo a nia, mahse nangmah kalsan tur che chuan min ti tawh suh, a thleng ngai dawn lo, ka tan i hlir zia hi i hrethiam lovang, keimah ka in hmangaih lt a tam in nang ka hmangaih na che a zual zawk a sin, kalsan che pawh ni ila ka damchhung zawng in ka hlim ngai dawn chuang lo, ka hlim i duh a ni tiraw?" tiin a biang ah chuan ka khuap a, a bu zeuh.




"Hlim tura min duh a nih chuan kalsan tur che a min ti lovin i bula awm reng turin min ti zawk rawh" tiin a chal ah chuan ka fawh sak vang vang a, "Mahse" a tih leh lai mek chuan "Mahse a awm lo" ka lo tih khalh vat a, "Fa lo nei thei tawh lo ta ila, i chhungte hian min pawm dawn em ni, nang ngei pawh hian fa i la awt ve ngei anga" a tih chuan ka nui lui suk a, "Doctor in fa i neih theih tawh loh thu sawi mahse engkim chunga rorel tu Pathian a awm alawm, ka tan a tha tur a tih ang zel in ro min rel sak ang tih ho ka ring tlat a ni, fa kan lo nei thei talo a nih pawh in enge pawi, kan in hmangaih na hi a pawimawh ber ka tihkha" ka ti leh sup a.




"Ka tihpalh, khatiang thil ka sawi avang khan" a awmdan pangngai deuh tak hnu chuan a rawn ti chhuak sap a, "A pawilo, mahse khatiang thu kha sawi nawn tawh lo la ka duh" a nui var var a, "Ka sawi tawh lovang, ka bula awm reng turin ka duh che alawm" a ti ve ta sep, "A tha, khakha Grace Lalthazuali sawi tur reng a ni" ka tih takah chuan a nui hak hak a, hetiang a a nui ri ka hriat loh na pawh a rei tawh, a thinlung chhungril taka nui nia ka hriat avangin keipawh chu ka lo hlim ve hle.




Thla hial a vei leh tak hnuah chuan Duati pawh a dam tawh hle a, zai pui tak tak ang kha a hmachhawn lo bawk nen ka lawm hle, naktuk ho court lama kan in khin hun tur a ni tawh a, Duati chu kal lo turin duh viau mahila a chunga thil thleng ngei a ni bawk nen a kal ngei a ngai si a, Lalrintluanga hmuh a hreh zia lah ka hailo, mahse hmeichhe huaisen tak a ni a, a hlauh na chu tih lan loh hram hram a tum ve hle tih ka hria, a thei ngei bawk ang.




Ka chhungte bulah pawh Duati thil tawn vel ka han hrilh ve a, ka pa leh ka nau chuan pawi i an tih zia an rawn sa I ve chamchi bawn, ka nu nen erawh helam a a rawn zin tum khan kan in be tha lutuk lo nen tun thleng in kan la in be leh lo hrim hrim, ka nu mah nise khatiang em em a a mihring pui a hmu hniam kha ka ngaihdan a nih loh mai piah lamah a fapa bialnu ngei a ni tih hre reng chunga khatiang tawngkam a hmang duh khan min ti lungawi lo em bawk a ni, hetiang mizia hi ka nu hian a nei ngailo, engvanga in thlak danglam ta em em nge a nih lah ka hre hek lo.



Grace Lalthazuali POV



"Mate I lam kan tang reng tih i hre dawn nia aw, engmah hmaih tur a awm lo" court chhung a kan luh dawn chuan ka u in a ti a, "Awle" tih chauh in ka chhang, nizan lamah khan chuan huaisen takin ka hmachhawn ang ka ti kha ania, mahse a hun a lo thlen chiah erawh chuan ka huaisen na te khan min thlawh bo san vek nimai hian ka hria, "Duati hetah min lo zui lawk teh, lo va lut rawh u, kan lo lut ve thuai ang" tiin ka u te bula a sawi hnuah min kai hrang a.




"I zam em ni?" a tih sup chuan lu ka thing a, ka zam zia chu a hriat hmaih chuang lovang "Lungngai reng reng suh, hmeichhe huaisen tak i ni a, i paltlang thei em em ang, thil ti sual tu I nilo tih i hriat chuan kha, engmah i hlauh a ngailo, thudik tak i sawi anga, chuzawng chu a nimai, kha misual khan a phu tawk hrem na a hmu ngei ngei bawk ang" a tih chuan ka nui sak a, "Ka lawm e, ka tan i awm reng avangin, ka hmangaih che" ka ti sap, "Ka hmangaih... maw tunah khan enge i sawi?" a rawn ti haw a.




Ka nui hak, "I hriat reng kha" ka sawi nawn duh tawh bik thak lo, "Sawi leh rawh, ka la in ring hman lo" naupang ang mai chuan a ti leh chul a, "Nakin ah, hei luh a hun tawh" tiin ka kalsawn nal nal a, "I sawi leh min vaih chuan a pawi viau ang, ka hre reng dawn a nia" ka hnunglam atang chuan a rawn ti leh hram a, ka zam na leh hlauh na zawng zawng te kha a liam vek mai hian ka hria, Mike Lalruattluanga hi chu ka tan a special bik hliah hliah a ni.




Court chu kan tan a, Lalrintluanga ukil chu rawn ding chhuak in thu a sawi tan a, a thusawi te chuan min thawng em em a, ka thin hi vih sawk saek ang maiin a na bawk, engtinge thil a tisual tih chiang taka kan hriat vek tawh hnuah pawh dawt muhlum lutuk a min la puh ngam zawk ni, Lalrintluanga ukil chuan keimah zawk hian Lalrintluanga ka thlem angin a sawi a nihchu, hah.. teuh lo lutuk, ka thlem loh zia leh amah zawk in a tih luih na a hmang tih hrechiang ber tu a ni chungin zam na nei hauh lo chuan ka mit ah min la en ngam zu nia.




"Grace Lalthazuali hian kan ram dan hmeichhia te chan that tawh zia hre kar chungin ka client hi dawt in a puh a ni, Pu Mike-a rawn lan hma khan duh lo angin a awm lo hrim hrim bawk, Pu Mike-a a rawn lang chiah khan rilru tenawm tak pu in ka client hi dawt in a puh ta a ni" ukil chuan a ti a, a sawi chhung zawng chuan rilru na lutuk in ka thu ngawt ngawt, "Hetiang hmeichhia hian dan hi diklo takin an hmang thin a, mipa pawisawi miah lo hian hrem na a hmuh hi dan hian a phal ka ringlo" a tih zawh hnuah a thut na lamah chuan a thu a.




Lalrintluanga ka va en chuan nui sawng chungin min lo en char char tawh, hlauh chu khawi ah a hmai ah tak sawn na lua awm lova ben sawk ka chak ber, keimah ni lam ukil chu a rawn ding chhuak ve ta a, Lalrintluanga saw a nui rei hauh lovang, eng ang finfiah na nge kan neih tih a hre hauh lo, dawt hmang a thiam a chan theih a in ring a nih chuan a tisual hle ang, amah vangin ka naute ka chan a, chuta kar ah in thiam loh na a la nei miah lo zui, tan in a tang ringawt lova thi tlak a niin ka hre hial.




"Lehlam te khan ka client Grace Lalthazuali hi an rawn puh chhe khawp mai a, finfiah na nei si lova hetianga in puh hi kan duh dan a nilo, keini lam chuan finfiah na tha tak kan nei a, thu hre tu Pu Mike-a mai bakah midang an awm bawk, chumai nilo in Lalrintluanga'n ka client Grace-i hi a duh lo chung ramhnuai lama a pawt lut lai footage chiang takin kan nei bawk a ni, Your Honour, rem i tih chuan court chhung a awm zawng zawng te hmuh tur hian ka play thei angem?" Judge in phal na a pek rual chuan cctv footage chu a play ta a.




Lalrintluanga nichin lawk a a hawi chapo hmel zet kha bo hmak in mak tih na nen min rawn en leh a, ka lo nuih sak, kha hmunah khan cctv a awm tih a hrelo tih a lang chiang reng mai, keini lam pawh in kan hre vat biklo, Chhuanawma lah a kal khat bawk nen a lo hre lawk lova, mahse a pa hnenah thil thlen dan te a sawi hnuah cctv a awm thu a lo sawi hlauh kha a nia, cctv an viah tih kan hre vat lo pawh kha a awm ve reng mai, midang hmuh theih loh ang ber tura an vuah a ni miau a.




Kan ukil chuan thil dang a sawi belh zel a, ka medical record te chu judge hnenah a pe a, Mike-a mai bakah Ziri chu ko chhuak i zawhna a zawt bawk, finfiah na kan nei tha bawk a, lehlam chuan in sawi fel na tur an nei tawh hauh lovang, Lalrintluanga pawh chu a rin loh lutuk a finfiah na kan lo neih that si avang chuan in thiam lo hmel a pu ve ta deuh a, mahse ka awih sak duh chuang lo, a lem chan na bak a nilo tih ka chiang miau tawh, hetiang mihring hi chu midang tan an hlauhawm hrim hrim.




Judge chuan thuthluk na a siam nghal a, casa dang ah hi chuan thuthluk na an siam maithei ngailo a, mahse keini case hi chu finfiah na a tha bawk nen vawin ni la la in thuthluk na an puang nghal dawn a ni, "Lalrintluanga hian Grace Lalthazuali a duh lo chunga sual luih a tum vangin kum 10 chhung lungin tang turin a chungthu rel sak a ni a, Grace Lalthazuali pum chhung a Nautei'n a nunna a chan phah avangin min 15 chhung tang turin thuthluk na ka siam bawk a ni, bail emaw muangchang that vanga chhuah hma phal sak a nilo bawk tih ka puang e" Judge chuan a ti ta dup dup a.




Ka lawm lutuk chu ka tap tawp, Mike-a chuan min rawn kuah vang vang a, "Rorel na dik kan hmu ta e" a rawn ti sup bawk, ka u leh Asangi te chhung pawh chu an lo in kuah nawk nawk a, kan hlim tiang a ni e, in lamah chuan kan haw a, kan vai mai chuan kan in ah kan awm thup a, thil thlen dan te chu kan la sawi khawm a, keipawh kha thil thlen hnua thinlung taka ka hlim leh na hmasa ber a ni hial, rorel na dik kan hmuh lawm nan chaw eikhawm kan rawt a, kan in chu a te deuh avangin Asangi te inah kan eikhawm dawn thung.




Chutia kan nui tlan dar dar lai chuan kawngka kik ri a rawn awm a, Asangi chu rang zetin an tho chhuak nghal, inchhung a rawn pen lut te kan hnih rual chuan thawm a reh nghal dawk dawk a, Lalrintluanga nu leh pa te an ni, "Lo thu rawh u, enge in lo tih dawn a?" Nu Mapuii chuan a lo ti vat a, "A.. heta lo kal ngam tur pawh kan nilo tih kan hria, mahse in lakah hian zahngaih na rawn ngen kan duh a ni" Lalrintluanga pa chuan a ti dut a.




"Court in thuthluk na a siam tawh a, hetiang a rawn tih chu a sawt viau lovang" Mike-a chuan a lo ti nghut a, a lawm loh hmel hle bawk, "Ni e, mahse kan fapa hi tlangval la naupang tak a ni a, a that lai hun zawng zawng tan in a a hmang tur hi nu leh pa tan chuan a na em a ni, in khawngaih na kan rawn ngen tak meuh meuh a ni, a thiltih kha ngaihdam tlak a nilo tih chu kan hria e, hram na pawh hmu ngei se pawi tihna kan neilo mahse a hrem na hi in tih nep sak deuh thei mai lovem ni?" a nu chuan a ti ve leh.




"Ka pi ka thiannu chunga thil thleng hi in fanu chunga thleng nita se zahngaih na lan tir in duh kher angem, in fapa khan in thiam loh na nei miah lovin ka thiannu dawt in a la puh zawk a nia" Asangi chuan a lo ti bawrh bawrh a, "Bawihi lo ngawi rawh, ni e, in ngaihdan tur chu ka hriatthiam pui khawp mai che u, mahse court lam in ro a rel fel tawh a, keini lam chuan engmah tih thei kan nei tawh lo a ni, min hrethiam dawn nia" Nu Mapuii pasal (A hming ka hre tawh lo) chuan a ti dam ta dap a.




Lalrintluanga nu leh pa te pawh chuan engmah a sawt dawn lo tih an hrechiang bawk a niang, kan in atang chuan an chhuak ta nal nal a, "An va han zaklo tak, ngaihdam in dil hmasak pawh awm lo, an fapa kha thil ti sual tu a nia, hrem na pawh a hmu reng ang chu" Asangi chuan a la ti bawrh bawrh a, "Engpawh nise rawngbawl hma te a ngai dawn sia, chawhmeh lei te nen kan in lamah chuan kan va phei tawh mai dawn em ni?" Nu Mapuii'n a tih takah chuan kan tho tuah tuah hlawm a, "Lo va phei hmasa ula, Duati nen kan rawn phei ve vat ang" Mike-a chuan a lo ti sup, midang pawh chuan zawhna zawt tawh bik chuang lo chuan an chhuak ta dual a.


Cont.....

comment leh click a that chuan naktuk zanah a awm ang aw...