John Lalhriatpuia POV
'Ka pu , englam nge i en deuh a ' rawn titu vang chuan ka nui suk, tlangval nih laia atang miin ka pu tia min han koh hi chuan nuih a za tehchiamlo. Daisy par buk luih chuan ka mit ala ber a, heihi ka lo la nge tiin a man ka zawt a, 'lehkha i duhtel em ?' tia dawrnghak tuin min zawh chuan umm tihnan ka lu ka bu nghat a, pen nen min rawn pe nghal thlapa, ' D Ngaihzuali tan ' tih chu ka ziak a, nidang ang thoin two wheeler taxi driver hnenah chuan ka pe a, 'angaiah tho ami ?' a tih chuan umm tih pahin pawisa ka pe a. Inlam panin ka inkhalh haw ta nal nal a .
In ka thlen chuan ka nu leh ka nauin rawng an lo bawl mek a, zanlam duty ka neihloh avangin zanin chu Zualtei te inlama len phei ka tum ani. Zanriahte kan eikham hnu chuan leng turin ka insiam a, Mapuia'n Donor a hmuh thu min hrilh khan ka hlim emem a, mahse a risk a san zia min hrilh tel bawk, dam se ka duh a, mahse surgery a kal fuhlo ang tih chu ka hlauh ber ani.
Inhnuai lamah chhukin ka lentur thu ka chhungte ka hrilh a, ka chhuak zui nghal. Bike la chhuakin an veng lam ka pana, boruak a vawt tan a, a nuam viau thung.
An in ka thlen chuan alo reh thiap a, doorbel ka hmet a, min chhanglo, ka hmehnawn leh chuan Mawtei chuan minlo hawn a, khawnge ti a ka zawh chuan ' a room ah aawm ' tiin min chhanga, khawnge midang ti a ka zawh chuan zualtei pa chu room a tangin alo chhuak ve chiah a, ' iva fel ve, lo thu rawh ' a ti luam a, vawiin lamte in tha maw tia ka zawh chuan ' zanriah kan eikham atang a nuamlo leh deuh, vawiin lam a lo tho harh ve peih a, kan lawm hman tehreng nen ' a ti zuai raih a. A va zialo ve aw tiin sitting room lamah chuan kan inzui phei a,
Mawiteiin thingpui min pe vat bawk ' John, zualtei hi i ngaihsak a, kan lawm lutuk ania, i chhungte pawh an zahawm ka ti. Kan fanu min hmangaih pui emem a, mahse chutih rual chuan ,nupui nei rual ini a, ipa hi a zahawm ka tia ni ' a ti a, patha thluam ani a, a rilru atha ka ti hle mai, 'ka pu khati lam kha chu inthlahrunna tur a awmlo ania, i fanu hi ka hmangaih a, nupuia neih pawh ka duh bawk, a tan hian tihtheih ka nei tlem em mai pawh a ' tiin ka chhang mai a. Ni e, sumin a leitheih apiang hi chu leisak vek ka duh a, a duhthusam min hrilh zawmg zawng te pawh tih hlawhtlin sak vek ka duh bawk. Mahse khuanu hian a remti nganglo pawh nia nge. Hna lamte leh eng eng emaw kan sawi hnu chuan zualtei hmu turin a room ah kan chho dun a.
Room kan luh chuan alo mu bam a, a thaw sak sak bawk, Nurse lo lutin ' dawmdawi ka lo pe lawk ang ' tih pahin a venflon vuah ah chuan syrinc chuan a kap lut a, mu hahdam tura ka hrilh hnu ah chhuah mai ka tum a, ' John, ka ngai che sin ' a ti tham tiak a, a biangah mittui alung thla ngiai ngiai bawk, ' het het, mittui tih tlak loh tur aww ', tih pahin duat takin a a mittui ka hruk sak a, khumah chuan thuin ka awmah ka bei tir a, kan inngheng chial a, keipon ka ngai alom.
Ka lo muhil ve ni ngei tur ani, kawngkha inhawng thawmah chuan ka harh a, Mapuia ni, ka bana sana chu enin dar 11 hi lo rithuak tawh a, muangchang ka muttir a, a la muttui khop, rawnkal hnaiin Mapuia chuan ' a damlo pawhhi ala hmeltha sin ' a ti zawi ruih a, a nau a hmangaih zia ka hriatpui a, donor a hmuh theihnan a, a buaizia pawh ka hriatpui bawk, puan ka sin thattir mawlh mawlh a, achalah fawpin Muttui aw zawite hian ka ti a, Mapuia nen kan inzui chhuak a,
Iva tlaive ka tih chuan ' ti tau thlem ngai an awm a ' tih pahin a nui suk a, keipawh ka lo nuive ringawt, chu thlem lungawi thei meuh nange tiin ka fiam zauh a, ' tlangval lai atangin kan thaibawih nghal chu ni deuh mai e ' nuihza insum tak hian a ti a. Kan nui dun ta hawk hawk a, ka haw tur chu kawt thleng min zui chhuak a.
Meizial ka phawrh a, alo ban ve chuan makti deuh hian ka en a, meizial a zuk awm ngai ka hre silo a, 'ka tive zeuh zeuh a' a tih chuan hrethiam tak hian ka nuih suk a, kan si dun ham ham a, ' surgery hi hlawhtling pawh ni se, a rei berah kum 20 vel chiah hun a nei tih i hria em? ' a rawn ti chhuak phawng a, ' ka hria lom, i nau hi nupuiah neih ka duh nia ' tlang tak chuan ka ti a. ' a natna te vangin a rilru hi hnual a, mahse beiseina thar ipe a, a tan chuan nang tluk an awmlo ' a ti dap dap a.
Online a appointment siam an nih avangin kar khat hnuah an zai dawn ani. Hna ka chawlh theihloh avangin kalpui duh viau mah ila ka kalpui thei dawn lo a. Pathian zarah operation pawh a tluan ngei kan beisei tlang ani.
Calendar en vang vangin October ni 1 ka thaibial chu ka en a, Zuatei bday ani. Mahse operation nen a innang dawn a, chuvang chuan chumi hma a, a bday lawmsak ka rilruk a. Hotel changkang taka zanriah eipui ve ngei tumin ka inbuatsaih a, ngaihzawng nei tamlo tih takah hmeichhe han tihlawm vel hi ka thiamloh chi tak ani a, propose turin ka rilru ka siamfel bawk a , ka lo nuichhuak aniang Rintei chuan ' Umama chuh, chithlum barhtu che an awm ani maww' tiin ka nu nen chuan min fiam min fiam a, Mo innei trep tawh aw ka tih phei chuan alai zawk zawk ah anla tang zui a. An lawm phian mai.
Inbual tura rooma ka chho chu ka nu lo lut a, enge nita? Tiin ka lo zawt vat , Single sofa ah chuan a thu thla a, ' lo thu teh, thil sawipui che ka duh a, ' a ti a, ngawirengin ka thu ve mai bawk, ' nu, enge a? ' tia ka zawh chuan 'Mama, Zualtei hi nupuia neih itum emlo ang chu tiraw? ' thutak deuh hian ati a, i duh lo emni ka tiin ka zawt let a, ' i hriat angin Doctor ka nia, experience pawh tamtak ka neitawh, Zualtei natna pawh hi kan enkawl fo ani, donor hmu mah ula Zualtei hian kum tam a neitawh lo a, ka duhlo anilo, mahse ka ngaihtuah che ni ' zawi si fiah kalh hian a ti a,
Nu, ka hria lom, mahse ka hmangaih a, anilo midang neih ka tum hleihnem tiin ka chhanga,
' ka hria lom bawih a, mahse ipa nen hian na taka i awmhi kan hmu theilo ang, chuvang chuan keichuan i neih hi ka remtilo, bakah i carrier hi ngaihtuah teh, fapa mal i ni a, tupa pawh min hrinsak thei dawn emmni, Operation hi hlawhtling pawh nise enkawl an ngai reng tho a nia ' lungawiilo awki deuh tak hian a ti leh a, angaihdan chu diklo tihna ka neilo mahse ka rilru thlak erawh ka tumlo thung, Nu, anihi ka thlah anih chuan na takin ka awmdawn asin, chu chu i hmu thei tho tihna mi? Tiin a mitah pawh en ngamlo chuan ka ti a, ka nu lehpa hi ka zah a, hnial ka duh ngailo, mahse tuntum chu a dan a dang ani.
Tukverah dakin ka nu thusawite ka ngaihtuah zui a, min ngaihtuah vang ni mahse ka hmangaih neih ka tumna kawng erawh tuma min dal ka phallo.
Darthlalang ah chuan ka inen vang vang a, spmart pans dum leh T-shirt blaze rawng ka ha a, leather jacket a chungah ka ha bawk. Ka kuta sana ka en chuan chawhnu dar 1 alo ri tawh a, Mission veng lam panin ka inkhalh phei a, an in ka thlen chuan lutin mawitei 'n a insiam mek thu min hrilh a, sitting roomah thuin ka lo nghak a, Zualtei inchung a tanga alo chhuk chuan ka lungphu chawl dup mai hian ka hria a,
A hmaidang bel thinkha makeup in a thup mawi a, a damtha lai hmel ang mai ani , asam sei hnuang thinkha, doctor in tan tura a tih avangin a dar chen velin a cut a, a inhmehzawk emaw tih mai tur ani. A kir chiat bawk, kawrfual var, rawngpawla par hi ha a, a chungah jeans jacket aha bawk, sneakers a bun leh top a, a chawnvar han te chu tlangval tamtak it tur ani,
' mit en reng dawn nge kan kal dawn, ' nui sen sen chung hian a ti a, a vawnturin ka ban ka dawh a, ka ban chu vuanin kan chhuak dun ta a.
Car kawngkhar ka hawnsak a, lutve nghal in Aizawl chhim lamah panin ka tlan pui a, pawnlam thlirin a sam thliin a len siau siaute chuan a ti langtha zual tak zet, hunreitak inkhungtawh anih avangin a hmelah nuam a ti tiha hriattheih, ahmuhnawm takzet.
Phulpui kan thleng a, mortor kaltheihlohna chinah motor dahin kan chhuk a,ala kal ngailo aniang a hrilhhai hmel deuh a, luhman ka pek zawh chuan zawlpala thlan tlang lam panin kan cho a, reilote kan kal hnu chuan ahah nghal der a, ka rinsa ni, ka lo pua ang che tihpahin ka hnung ka dawn a, ' zahthlak ,min min hmu ang ' a ti nag a, ka paw lui tho ala thui si a, kan tlai vek ang.
A hmun kan thlen chuan nghatin ka thu nghal hle hle a, hah vangin ka thaw sa phat mai. Nuam iti em tihpahin ka en a, thlifim lo thaw heuh heuh chu a dawng vang vang a, a hmela hlim hmel chu hmuhnawm ti deuh hian ka thlir reng a. Ka sawipawh a hre changlo ani ngei ang . Kar laklawh deuh a nih vangge ni, tumah anlo awmlo a, a zia phian e.
Thla te ka lak sak a, eitur kan ken te chu kan ei a, khawhawi anuamin thlifim a thaw reng a,, thil te kan eizawh chuan chhuk leh deuhin bung hnuaia thutna an siam ah chuan thuin a malchungah ka mu a, ka benga khoih niah niah a, athla muan hmel hle bawk ,eng eng emaw kan sawi a, tlai dar 4 a rik chuan kan in paw thla leh hnuk hnuk a, ka be mawlh mawlh a , a khawt tawkin alo umm leh zauh thin tih loh chu a tawng tawh lemlo,
Motor dahna kan thlen chuan ka hnungah bei thlap a, a muhil anih ringin zawite hian seatah chuan ka muttir a, a muttui hmel hle a, a chauve deuh pawh ni mahna le..
Aizawl kan luh dawnah a rawn harh ve ta hram a , Muttui em ti a ka zawh chuan ' umm' tihpahin a ham bai bai a. Chaltlang lam ka panpuia, Tm delicacy ah ka luhpui a, zanriah ka ti takna a, a kalchakna a nih avangin ka panpui ani, mi an lo tamvaklo a, a zia phian mai, eitur te chahin kan ei duh a,a ril atam viau a niang a ei nghal mawlh mawlh a, muangchang khan eirawh tih pahin juice chu alamah ka nawr phei a,a lo ban ve mai bawk.
Thilte kan eizawh chuan chuan hawtlang nghal mai loin Tlangnuam view ah ka kal pui leh a, nuam a tii ngang mai. Aizawl khawchung lo phe tuar a hmuh chuan a au chel chul a. Arsi ang maiin a de sep sep a, a mawi ani, mahse chu aia hmuhnawm ka tih zawk erawh tuna ka vawn mek nuihmel hi ni.
Chu zanreh takah chuan ka fawp vang vang a, kan chal veve chu insik tirin kan thaw dun ham ham a, a kut chelhin a hma ah chuan ka thingthi a, ka ipte a zungbun bawm tereuhte chu phawrhin min nei duh ngem? Tiin ka zawt a, ' John ' a ti tiau a, ' i damchhung hun chu a rei emaw reilo emaw, nang nen a hman dun ka duh ani ' ka tih leh phei chuan min kaitho in min kuah a, ' ka lawm e aww ' tiin a tap tiau a, akut lain zungbun ka bun tir a. A mittui luang hruk sakin tunbak chu mittui tihtlak loh tur aw ka ti a, ka pawm vawng vawng a.
Operation an tihni tur a hnai tial tial a, ka hlauthawng telh telh ni maiin ka hria. Zualtei te pawh an chhuk thla tawh a, Mapuia leh Mawitei an kalpui a, Ani Puii pawhin a zui ve bawk.
Hnalama kan buai avangin ka zuive theilo a, zui ka duh viau nangin hotute lamin am remti silo a, bakah kaisan na chance ka hlauh ve thei tlat bawk si ani.
An chhukdawn zana zualtei thusawi khan ka thinlung a luah reng a, hmahun chu ka sawilawk theilo, mahse a sawi angkha thlenglo hram se ka tia ni...
( Ka thuziak te minlo chhiaksak avangin ka lawm hle mai, minlo chhiarsak zelturin ka sawm bawk che
)