ISSABELLA Episode -5 by Thickeeo D Lalthianghlimi

[Hlimihlimi]

Episode -5


Eric Conner-------approve-------



Ka bula hmeichhe mu chu a tho zal zal a. Thawm dim taka thawmhnaw ha in ka in chu a chhuahsan a. A chhuak ta maw tih chuan ka thawmhnaw ha in zial zu in pawn lam ka thlir a. Nie ka zeplo Issabella hian ka taksa a ti phur a ni,nasa takin a ti phura mahni in control theilo khawp in min ti danglam a ni. Mahse a taksa tenawm tak Chu khawih tlak pawh a ni silo. Pawisa bak a duh lova,pawisa a mamawh anih chuan engkim tih a huam si

Mahni zaawmna zawng² pawh pawisa vanga ti bawrhbang duh Hmeichhia ania ka tan chuan bawlhhlawh tlak tlai lo ang mai a ni. In bual nawn leh in ka mu leh a. Mahse ka mu thei aw zwng lo. Mak tak maiin kei leh kei lo ang takin ka khum ah ka meng kur mai .

Doorbell rawn ri ah chuan ka harh a. Ka taksa zi marin kawngkhar chu ka hawng a.
"Ka pu meeting i tlai dawn" ka secretary in rawn tiin sana Chu min rawn hmuh va va a

Zing dar 10 alo ri der tawh Mai. In ti faiin hmanhmawh takin ka insiam a tichuan office lam Chu ka pan a.

Meeting hall ah lut tlangin keimah Chiah minlo nghak tih takah ka luh chuan min lo en thap a. Ka chair ah thu in meeting tran turin ka hrilh a

"ka pu Australia lam a Kan branch khan hmasawnna ropui tak an nei a" ka manager rin ber Robin chuan a rawn tia. An reports ho thil tha lam vek anih vangchuan a lawmawm khawp mai. Meeting zawh chuan office ah lut tlangin secretary chu eitur chah turin ka ti a zingkar atrang engmah ka la ei loh vang chuan ka ril te pawh a tram tawh hle

Ka nu phone chu phur lo zetin ka chhang a.

"Vawiin Chu issabella nen chhun Chaw ei dun ila"

"Ka nu Kan in thren tawh" tiin ka lo chhang nghal vat a.


"enga ti maw?"


"Hmeichhia ka kawp rei ngailo.ka milpui anilo tihna ani Mai" tia chhang in ka buai loh hun a ka phone tur Thu sawiin phone chu ka dah a

Ka eitur rawn thleng chu ka ei a. Ka duh aia tel atam vangin duh ang pawn ka ei tuilo.
Hotel a kal angai a mahse issabella hmel hmuh ka chak vak loh vangin hotel lam a kal lovin ka nu in lam ka pan ta thung a

"keima a awm nuamlo ka tia leng turin ka sawm anih hi" ka nu chuan rawn tiin Heleni chuan min lo melh kalh a.
Heleni hi hmeichhe hmeltha tak a ni lehkha a thiam a azahawm bawk,mahse enge maw ti tak hian ka hmeichhe en thei derlo achhan pawh ka hrelo

Heleni bulah chuan thru in ka nu nen an ti ti Siam Siam a. Kei rawh ka phone en in an titi chu ka ngaithla a.

Heleni chuan tih tur a neih vangin a haw deuh nghal mai a.

"Heleni hi nula fel tak ania ngainat tum teh khai" Heleni haw hnu chuan ka nu in arawn tia

Ka nu sawi hi adikna lai chen a awm, keimah hian hun tha ka pe lo em a ni.

"Nupui i neih vat loh chuan kum 40 i thleng vat mai ang" thu tak zet hian ka nu in arawn ti leh a.
Ka in a ka haw loh tur Thu leh Zan in Chu a in a ka riah tur Thu ka nu chu ka hrilh a. Ka Chau deuh nge room ah lutin ka mu leh nghal daih a.


Ka kekawr ipte a bengbeh chu la chhuakin chik zetin ka en a. Khatiang khawp khan a in che in a taksa hial a hralh ania keimah lo mipa dang nise tih ka ngaihtuah chuan thinrim vangin issabella bengbeh theihnghilh Chu chhuat ah ka vawm ri chawrh a. Ka ngaihtuah na sen nan pawn atlak loh tenawm lutuk

Ka phone chu phawrh in hotel manager ka bia a hnathawk ho an bang tawh leh tawh loh ka zawh chuan day a hnathawk ho an bang tawh thu leh night a thawk tur ho an duty tawh thu chu min rawn hrilh a.


Zan in te hian tu bulah tak mu ang maw mi tenawm nu i hi. Ka chet Zia vang khan keimah leh keimah ka in hua e a. Khatiang hmeichhe hnuai hnung leh tenawm kha ka mut pui ania miten hria se min va deu-sawh dawn em
Chutia ka rilru ka kawm lai chuan helen-i mgs ka dawng a. Naktuk a pa birthday a Tel ve ngei tura min sawmna rawn thawn chu ka kal ve tur Thu sawiin ka mu ta a,Zan ka mut that loh vang nge ka Muttui kher mai

Ka harh leh meuh chuan zing khua alo var der tawh. Office ah hna pawimawh em² a awm loh vangin ka nu in ah chuan ka awm ta renrawn a.

Australia lam a ka hna thawh pui chu video call a in call in sumdawnna lam Chu kan sawi a.

Heleni chuan chawhnu lam ah arawn kal tur Thu leh thawmhnaw hak tur vel thlanpui tura min tiin mgs arawn thawn a,phur vaklo chuan ka lo aw hram a. Ka hna ka tih zawh chuan eitur te eiin ka inbual fai a.


"I inpeih tawh maw?" Ka room kawngkhar a Heleni lo ding ka hmuh chuan min ti phu zawk thei


Ka hman vat tur Thu ka sawi chuan sitting room lam a minlo nghah tur Thu sawiin room atrang chuan a chhuak a.
Ka thawmhnaw te ha in sitting room chu ka pan ve vat a

Ka nu nen an lo tih ti siam Siam a. Ka hman tawh thu ka sawi chuan heleni chu arawn ding a.

"Va kal vat rawh u in tlai palh ang" ka nu chuan rawn tiin pawn ah min zui chhuak a. Heleni ka car a aluh hnu chuan ka nu chu lungawi takin a khi ver ver a. Ka nu chu ban vai zeuhin keipawh car ah luh ka rual ve zui a. Ka driver chawlh ka pek vang chuan keiman car chu ka khal a.


"ka nalh em?" A thawmhnaw hak chu min rawn hmuh in Heleni chu ka hma ah lungawi hmel takin a ding a. Trawngkam a chhang lem lovin ka lu ka lo bu ngut a.

"Adang Kan ha chhin leh dawn ami?"

"Kha kha atha,Kan tlai dawn" inthlak tura a kal leh hma chuan ka lo ti vat a. Hetiang hmeichhe inthlak vel hi ka Ning. An in hmeh leh hmeh loh ah pawh ka buai vaklo.

Thawmhnaw dawr atrang chhuakin Heleni te lam pan in Kan inkhalh chhuak a


"Eric iva rawn leng duh love"
Heleni pa chuan inchhung Kan luh rual rual chuan min chibai in arawn ti a.

"Kha ilo tlangval ve tawh hle mai" ti leh in a wine ken lai Chu a in a. A bula patling pa2 lo ding ve te nen chuan in hmelhriat na neiin Kan in chibai hlawm a

"I hotel saw min lei tir la,enge hotel neih te ingaih tawh ni,Heleni enkawl mai mai atan ka duh deuh a" Heleni pa bawk chuan arawn ti a. Heleni chuan ka ban ah rawn vuan in a lo nui set a. Boruak chu enge a awmzia pawh ka hrelo nuamlo tihna riau ka nei. Nge kim lova inhriatna ka nei tlat in ka hria.

"Awle hei zanin ah Kan mi sawmte in rawn kal thei a Kan lawm lutuk. Kan fanu Helen gills kha lo kal se a duh zawng te rawn sawi se" tiin Heleni nu chu kan en thrup a.
"Pi leh pu te u chibai ule" Heleni chuan inringtawk takin arawn ti a. Heleni lam Chu an hawi thrup a. Keipawn ka wine in pah in Heleni thu sawi chu ka thlir a. Ka phone rawn ri chu en in ka secratary call anih vang chuan pawn ah phone call la tur chuan ka chhuak a.

"Ka pu I pa that tu kha kan hre tawh" phone ka lak rual rual chuan arawn tia. Ka phur ngei mai mahse mak tak maiin zam rukna lian tak ka nei.


"Party Kan la zo si lova"

"Thil pawimawh tih tur ka nei helen tih palh" ka lo ti vat a. Car lam pan in ka chhuak nghal a.

"Ka lo kal ve dawn"

"Achi loh helen ka pa chungchang ania naktukah ka hrilhfiah angche" ti a chhangin car ah ka luh san a

Ka tlan chak vang nge ka thleng rang khawp mai.

Office ka thlen rual rual chuan ka secretary chuan ka dawhkan a a paper dah chu la in chik zetin ka en a .

"Samuel Dion ania amah hi tunah comma in a awm mek a,fanu pahnih a nei a,a fanu upa zawk chu Issabella gine Dion ania a fanu naupang zawk chu Eli gine Dion ani" ka secretary chuan arawn tia 'Issabella gine Dion' tih chuan ka mit ala kher mai. Ka hriat issabella hi anih loh hram ka beisei

Ka laptop chu on in ka hnathawk ho chu ka en kual a.

'Issabella gine Dion ' in ti kuau ka hmuh chuan ka thin a ti him nghal nguau a. Han tih ber tur pawh ka hrelo.

A nau zawk Eli Gine Dion' hming chu ka en kual leh a. A landan chuan anau hi kum 20 niin alang Issabella pawh kum 23 mi lek ala ni.

"A fanu naupang zawk Eli Gine Dion" hian enge atih lo chhui Chiang ang che"

"Awle" tiin ka secretary chuan ka office a chhuahsan a

"Issabella gine Dion" ka laptop a hming chu ngun thluk zeta en in ka pen ken lai chuan bang ka vawm a. Khawvel ah mihring an tam tehlul nen engvanga henu kher hi a lo nih phiangsen chu le.



Conti...