You Stole My Heart chapter 4

[June Queen]

You Stole My Heart Chapter 4



Vawiin hi Operation an tihni tur kha ni a, ka ngaihtuah emem a, ka zam bawk. Mapuia nen kan inbe zo chiah a, tunah khan an nawrlut chiah ani. Zualtei nen pawh kan inbia a, ' i hlau em? ' ti a ka zawh khan a hlauhloh thuin min chhang a, biak anuam viau bawk. Kalve thei ngat ila chu aww tihte chu ka ngaihtuah a, a sawt tawh silo.


Hnaah kan buai nileng a, chawhnu dar 2 a rik chuan Mapuia 'n minlo phone a, rang takin ka la, ' hei operation na zo chiah , kan hlawhtling anih hmel e ' , a rawn tih chuan ka thaw huai a, ka va lawm tak. Thlakhat vel hospital lama inenkawl erawh ala ngai dawn tho a, a that chak dan a zirin chu aia reilo pawh chu nithei bawk.


Operation a kaltluan takah chuan rilru pawh thawveng huai a, hnara hlit phawi ang mai ka ni tawh. Tunah chuan ka hmangaih kha natna khumah muin biak theih rihlo mahse a tha leh ang tih ka hriatna ringawt pawhin minti hlim emem tho.

Duhthusam tamtak kan nei a, hlim takin hun ka hmang leh anga, khuanu hian a rem ati a nih chuan nupuiah nei ila, chhungkua kan din anga.


Karkhat zet hospital lama an inenkawl hnuah thatlam a pan zel tih ka hria a, ka ngaihtuahin ka be awwlo bawk. Kar hnih vel an awm hnuah Mizoram lama in enkawl zui turin an lo haw a. Airport lamah ka zu hmuak ve nghe nghe, wheelchair in an rawn nawr chhuak a, min hmu chuan alo nui ver ver a. Hmuh nuam takzet a ani, ka kuah a a kutah ka chelh bawk a.



In kan thleng a, a room ah ka pawm chho a, khumah muttir in a chalah ka fawp a. Midang an awmve zel avangin inbiak na hun pawh kan la nei theilo. ' Ka chhuang lutuk che ' tih pahin ahmui ah ka fawp a, ' ka ngai lutuk che a ' a ti zawi ve sap bawk.


A chauhdeuh avangin reilo ah a muhil ta sak sak a. A hma aiin a lo cher leh tawh a, a hmel erawh a la tha reng . Ka hmuh tirha hmeltha ka tih zia leh ka veizui tak dan te, a number neih tum a ka buaizia te ka ngaih tuah a, kan inngaihzawn tirh atanga tun thleng hian ani aia ka thinlung hnehtu hi an la awm lo a, tawn ka duhlo bawk.



Hun akal ve bek bek a, Zualtei pawn thatlam a pan ve zel bawk. Ka nu rilru erawh ala ngai reng, ka tlawh awllo a, damdawiinah thla 2 zet an awmleh hnuin inlamah an haw a, sumpawh an seng hnem viauin ka ring ni. Zualtei pa hi Comissioner ani a, pawisa lamah chuan an buai ka ringlo.


Zanah an in lam panin ka inkhalh phei a, ka thlen chuan a that hmel tawh viau, a vun dang bel pawh hmuhtur a awm tawhlo, tlemin a thau veleh deuh tawh bawk. Mapuia leng a, Pahminga'n hna a neih avangin a room lamah a awm thung a. Sitting roomah kan thu dun a.



A titi siam siam a, akhat tawkin ka lo sawipui ve bawk. 'in hmun rem deuh mai nei ila, a kawtah chuan thlai ching bawk ila, pangpar te kan dah nga ui kan vulh bawk ang a ' atih lai chuan a hmui senso chek ah chuan ka fawp vawng vawng a, mi chhanglet ve bawk, mitmei ventur awmlo na na chu ka kut a hlei sawt viau. Sofa ah chuan bawhthlu in, a vun var, mam tak mai chu ka nul kual a, a awmbawr kawh lah kawrchhanah chuan ka thram tawk tawk a, a kawr hlimin khuhtu awmloa ka khoih chiah chu a lo rum chhuak ve hak a, ka fawp a, ' John, tianghi chu tha lo ' aw khur dar dar hian a ti a, a mitmeng de sar sar te, a awmbawr rawn pawng lah te chuan kei tlangval hrisel pangai tak hi minti danglam takzet. Alungphu dawt dawt te chuan a châk lo biklo tih ahriatheih a, mahse a duhlo chung nawrluih erawh ka tumlo. A pâ lo tlat tih ka pain min hrilh thin.



' Innei tawh mai ang, zungbun pawh ka buntir tawh che a, tlangval senior ka ni mai dawn ' ka tih chuan ka hmuiah rawn fawp zeuh a, 'kanla innei dawn alom, lo hmanhmawh lo la' ati a, ' Zualte, ka ti tak tak. Nupuia neih che ka duh a, hun kal ral tir kher hi ka duhlo ' thutak deuh zawk hian ka ti a. ' thiamthil pawh neilo leh hrisello bawksi hi inu leh pa ten min duh dawn emni? ' zawi sap hian ati a, a aw ah chuan inthlahrunna ri a hriat theih. ' Sawrkar hnathawk ka nihhi, kachawm thei che lom thiamthil i neih kher pawh ngailo, chuan ka nu leh pa duhpui kher neih ka tumlo bawk, ka duhche a, chu chu tawk , ' ka ti a. Ka awmah beitirin ka kuah vang vang a.


Ka hawtur chu an gate thleng min thlah a, 'muttui aw ' tihpahin a hmuiah ka fawp leh vang vang a.


In ka thlen chuan ka chhungte anlo mu fel deuh chiah hlawm a. Keipawh muturin room lam ka pan a. Ka room bathlar khawhawina rem zetah chuan dingin meizial ka fawp vang vang a, remchang hmasa berah inneih chungchang chu ka nu leh pa sawipui ka rilruk a. Ka nu hian aremti kher a ngem tih ka hrelo a, ka pa erawh chuan a remtih mai ka ring thung,kohran upa ni a, a hma chuan College lecturer a nithin a,a pension tawh thung. Ka nu erawh Doctor ani a, ka pa nen an in neih hnuah a hna chawlhsan ve bawk.


' Ka duhlo ka tih kha, sawtiang hrisello si, fa pawh nei thei dawn ami? Inenkawl reng reng in ka buai anga, ani aia tha i tawng treuh ang' ka nu chuan ti hlaih hlaih a, ka pa erawh chuan engvak a sawilo, ' Nu, ka hmangaih a lom ' lungawilo awki chuan ka chhang a.Ka pa chu rawn tawng chhuakin ' Mama, Zualtei hi kan pawmlo anilo a, huatna pawh kan neilo. Mahse i hmuh angin hna kum upa lam kan nitawh a, i nau lah hmeichha ani a, ani chuan pasal a nei anga, inhi la chhuahsan ang, nang erawh inpui nghak tur, min enkawltu tur i nia, chuvang chuan hmeichhe tha tak neila kan duh ani ' a ti charh charh a, 'Pa, Zualtei hi hmeichhe tha tak ania sin' ka ti leh a, ka pa bawk chuan ' hmeichhe tha kan tih khan hrisel tak, reitak dampui tur che kan tihna nia, bakah tunah kum 35 lai initawh a, anilah kum 20 a kaive awrh chauha, in inthlau deuh mah mah bawkin ka hria ' a ti leh a.

An rilru hi ka hrethiam lo, an duhloh hrim hrim vanga chhuanlam zawng an ang hi ka ti ber. An sawi thenkhat chu a diklo pawh ka tilo, mahse chhuanlam tling ka ti tlatlo. 'Nu, Pa, Zualtei hi ka hmangaih a, ani lo hi nupuia neih ka tumlo a, nangnipawn min pawmpui ula ka duh a, min pawmpui hun ka lo nghak ang ' ka tih chuan ka tho a, room lam panin ka chhohsan ta daih a.


Zualtei Pov

Ka hma athu Nubiaktei chu enngamlo in ka kun chal a, athusawi hian min ti na takzet tih hrelo ang mai hian rum takin min melh a, ' Nang ang, hmeichhe naran ve mai, thiam pawh neilo, chawmhlawm ringawt tura mo neihhi kan duh reng reng lo, Johna pawh kan be tawh a, inthen ula kan duh ani ' a ti leh charh charh a, sawitur pawh ka hrelo, hetiang mihi a ni ang tih ka ringphalo reng reng. Chhungkaw rethei kan nilo a, sum lamah harsatna ka nei ngailo, mahse Nubiaktei hian chawmhlawm tur min ti nih chu !


' John-a hi ka hmangaih a sin ,' ka ti dek dek a, ka hmaiah tuiin min theh thawt a, ka lo phu nasa mai. Makti lutuk hian ka en a, ' nang ang hmeichhe hrisello lutuk, tupa pawh min pe thei dawn emni, ' tih vin thawtin a tho a, mi chuan min enduh viauu, ka hmai te hruhulin ka chhuak ve ta a,


In ka thlen chuan roomah lut tlangin ka mittui a luang zawih zawih a, ka phone alo ri ral ral bawk. Johna ni, laloin ka hmet busy a, alo tihnawn sek avang chuan ka swich off ta daih a, ka be chak rihlo atini.


Chumi ni atang chuan ka pehhel ta char char a, inthen ang tiin whatsapp ah ka bia a, a duhloh thuin min chhang a, min biak theihna tura ka ngaihah hrimhrim chuan ka block fai vek a, ka phone pawh ka tinung ngailo hrim hrim bawk.

Mawitei a damloh avangin vawiin achawl a,mahni tein in ah ka awm a,ruahleh thlipui a tleh chiam bawk, sitting room ah lehkhabu chhiarin ngaihtuahna ka kawm a. Ka thawnthu chhiar a, a ziaktuin a remdan ai a, a remlohdan ngawt a zawnsak ang mai hi kan niin ka hre ta a.

Ka lo muhil sek aniang doorbel ri ral ral chuan min ti harha, sana ka en chuan 11 chauh ala ni, lo lut rawh ka ti hman chiah a ka hma a mipa ding a vang chuan ka tawp chat a.

Ruah a do ani ngei ang a huh tha khop mai, raincoat a ha ve ngei a, awmzia a awmvak lo aniang a far tluk tluk mai , ' John, enge ilo tih dawn? ' hrilhhai tak hian ka ti a, ' min luhtir dawn nge kawngkaah ka ding char2 dawn ' atih chuan rangtakin ka awmsawn a, raincoat a ha a, ruahsur nasat avangin a huhfar tluk tluk a, bathroom ah nawr lutin Umapuia thawmhnaw ka pe a, an in tiat deuh tho a, a ha thei tho turah ka ngai ani.


Ruah leh thli chu a sur nasa zual emaw tihtur hi ni a, a thim mup a, kawl a phe zuai zuai bawk. Johna lo chhuak chu ka lo en reng a, Umapuia T-shirt leh kekawrbul ka pek chu a inhmeh hle a, asam la hnawm chapte chuan ati pâ takzet.


Single sofa-ah thuin towel in asam ka hruk sak a, ka kawngah dawmin a mal chungah chuan min thuttir ta, sawiturber hreloin ka ngawi reng a, ani chuan min en reng chung hian ' i insawifiah dawn em ?' arawn ti phawng a, ' John, inthen mai ang ' harsa ti tak hian ka ti a, ' Engvangin ' tiin min zawt let a, ' ihmaw, pasal neih ka tumlo a, fa neih pawh ka tumlo, nang chuan nupui neiin fa nei la, hlim takin chhungkua dinla ka duh ani ' tho pah chuan ka ti a, ka banah kaiin rang takhian min pawt let a, ' ka pawm ve lo ' tih pahin ka hmuiah chuan duhthawh zet hian min fawp a, biang mittui luangchungin ka chhang let a.



Min pawmin ka roomah min luhpui a, a T-shirt haklai a hlip chiah chu ka thinphu chu rang tak ani, a dar hlai hlup te, a taksa nalh zet te, ka chungah rawn bawkin min fawp a, keipon ka chhang let ve bawk. Inletin a chungah ka bawk a, muangchangin ka kawr ka hlip a, ' Zualte', a ti zawi ruih a, akhur deuh dar dar bawkin ka hria, insum tum tih hriat tak hian a bek a pawng talh talh bawk. A beng bulah chuan ' A pawilo ' a ka ti sap a, chet a rawn lak chhunzawm zat bawk.


Thlipui leh ruahsur karah chuan hmangaihna kan chen dun a, a diklo tih hrechungin a tan ka thianghlimna ka hlan a, mahse ka inchhirlo a, atana ka tihve theih awmchhun ani miau ani. Ani nen chuan kan remlo a, remlo suihrem talh tumchu natna chauh ani. He hmeichhe chaklo leh derdep hian a hmangaih tan a tihtheih sang ber a ti ve mai chauh ani.


Thlipui leh ruahsur karah chuan hmangaihna kan chen dun a, a diklo tih hrechungin a tan ka thianghlimna ka hlan a, mahse ka inchhirlo a, atana ka tihve theih awmchhun ani miau ani. Ani nen chuan kan remlo a, remlo suihrem talh tumchu natna chauh ani. He hmeichhe chaklo leh derdep tak tan hian ahun khawhral lo se ka duh a, mi tha tak tawng se ka duh bawk.


Nghet taka min kuahin a muhil sak sak a, keipawh reilo ah ka muhil ve nghal mai bawk. Ka harh chuan alo la muttui hmel khop a, kaitho loin ka thawh sana, ka kapbawr te chu thipin ka taksa chu a sil themthum mai. Sana ka en chuan chawhnu dar 2 alo hnaithuak tawh a.

Tukverh chu ka hawng a ruahpawh alo bang deuh tawh. Tuverh a tang chuan thli thaw leh ruah si per chuan min nan fep fep a, min tidai sawng sawngin ka hria.




Ka hnunga min rawn kuahtu a vang chuan ka ip chawih a, kan hun hman duh kha ka hrechhuak uar uar bawk. ' Tlanbo daih ila,' arawn tichhuak a, naupang chhia ka ti lutuk, kan harsatna te ho tlanbosan theih ni se ka ti keipawn, mahse engtikah emaw chuan kan hmachhawn dun tho tho ala ngai dawn si a.



' Va haw tawh rawh, ka chhungte an lo haw ang ' tiin ka puansin chu dahin ka inthlak sawk sawk a, inhnuailamah ka chhuk san ta daih a,a thawmhnaw dryer a ka dah chu lachhuakin room ah ka han dah leh a, ngawirengin alo ban ve mai bawk.

Ka ril a tam deuh vangin coffee leh noodles ka chhum a, a eive duh ringin ka chhum kep ve bawk. A rim chuan ka ril ati tam leh zual hle ani.

Alo chhuk chuan dawhkanah ka lo chhawp fel diam tawh a, hrilh ngailoin a rawn thuve nghal chat bawk. Enge maw ti kawngzawng tak hian kan inkar chu rit riau hian ka hria a . A hlimloh hmel riauin ka hre bawk.

' Tiang ringawt hi chu chaw a tan min rinpui suh aw ' thil ei pah chuan a tia, hrilhhai lutuk hian ka melh a, ' Ngati nge? ' makti deuha ka tih chuan ' noodles chauh chaw a ka rin chuan fa tam deuh ka pe theilo ang che ' nuih insum deuh hian a tia, a fiamthu chu hrethiamin ' tiang bakhi ka siamthiam silo a ' runluih ti tih hian ka ti leh a, boruak pawh a zangkhai ve deuh tawh. Mahse inthren ka duh tih ka sawikha a theihnghilh nge a haider zawk ni..



Kan eizawh chuan reilote a thu a, min hawsan ta a, a awmlo chiah chu ka ruak vek ni mai hian ka hria a. Ka ngaihtuahna a kalthui viau bawk. A hmuh theiha ka awm reng chuan kan pahnih tan hian thil tha a ni dawnlo in la hre ta a. Amah kalbo san chu ka tum ta ani.

Tlailam alo nih chuan ka pa pawh alo haw a, roomah chuan ka zuilut ve ta nghal a, ' Pa, in awmreng chu ka ning e, kan huan lamah hnathawk i dah tho a, kar hnih khat vel thawven paha han kal mai mai ka duh e ' tiin ka pa chu ka nuih tlawn vel a. ' Nupa ka dah a, ka rin aiin an fel phian a, dragon fruit te pawh tun kum chuan a rah thei tawh kan beisei anti kha nia, ' a ti kual duah a. Kan huanhi thinglam lam a awm ani a. Aizawl atanga darkar 1 vel kal chauh ani thung. Tui khuahte siamin sangha kan khawi a, dragon fruit kan phuntir teuh bawk. Thei chi hrang hrang kan phun bawk a, a hmun a remin a zawlve deuh duai a, sih lui a hnai avangin thalah pawh buaina tur a awm lemlo .


Chutah ka pa chu rawn tawng chhuakin ' mahni chuan a chiloh, mawitei emaw Lucy-i ( Lucy chu kan nurse rawih kha ni) hruaive la atih chuan ' ka lawm lutuk chu ka kuah a, Mawitei ka hruai chuan in buai lutuk ang, Lucy-i ka bia aga, ka kalpui mai ang ka ti a' a remti niang alu bu ve nghat mai. Ka kalchhan tura ka sawi erawh dikna chen awmtho mahse achhan dik tak an hriat erawh ka hrilh duhlo thung.




Chaweilai chuan ka pa in ka zintur thu a sawi a, Umama lo hawihai viau thung. ' John-a lo hrilh su aw, kan inthen a, ' ka ti daih a, kapa hma a chutiang sawi chu ka tim rualin sawi ngaia ka hriat bawk si vang ani.


Lucy-i ka biak chuan alo phur khawp mai. Ka dam thatdeuh hnu hian kan chawlhtir a vangin kan inhmu khat ta hle a. Hna a zawn lai anih bawk avangin alo Aw rang khop mai. Hlawhneiin min kalpui anga ka tih phei chuan a lawm leh zual takzet ani.



Umapuia'n min thlah a, Johna hrilhlo turin uluk takin ka chah bawk. Achhan min zawt a, hrilhvek ka duhlemlo. A hmun kan thleng chu ka kallohna reitawh em avangin thil tam tak alo danglamin alo changtlung tawh a. Nupa kan chhawra tepawh anlo fel khop mai. Khua a hlat deuh avangin scooty an kawl a, Lucy pawhin scooty a keng bawk, ka pa in kengtura tih tlat vangpawh ni mahna.


Boruak a hriselin a nuam emem a, khua a thiang kak bawk. Kan insak piahah chuan theihai kung hniamte rah teuh si hi awm a, ban phak lek a lawh maitheih ani. Kawlthei te, serthlum te awm nual bawk.


Tuikhuah lamah chhuk thla deuhin dragon fruit lo rah tuar chu ka thlir a, a van hmuhnawm chiang tak. Inlam ah chuan chho in, Lucy-i chuan kan bungrua te alo remfel mawlh mawlh a. Umama'n min hawsan a, khua pawh a thim tan a. Zanriahte eiin room lam kan pan a. Kan insakhi chhawnghnih a nia, assamtype anibawk, inhnuailamah huan enkawltute nupa an awm a, keini a chungah kan mu thung.


Lucy-i chu a chau deuh aniag kan titi mawlh mawlh lai chuan min muthilh san daih a,kei erawh riah ngailohna a ka riah vang ngeni ka muhil thei reng renglo a, khawhawina tura an siam varanda a thutna an siamah te chuan thuin ka awm ta reng a. Khua a dur leh tawh hle a, a thim tha hle bawk. Thli a thaw vuk vuk a, ka kawrfual hakte chu a chhem leng hlawp hlawp a.


Engmah hrilhloin ka kalsan a, tunah chuan a zungbun min pek ka thawnkir a kha, a hmutawh ngei anga, min zawngin a phi buai ngei ang a, engtintak ngai ang maw! Ka thiltih hi a diknge diklo ka hrelo a, mahse a rei anga, ani chuan kei aia tha a tawng leh maiin ka ring bawk. Keichu tihian ka awm anga, hmathlir ka neilo a, engtinnge nun ka hman zel ang pawh ka hrelo, ka tawn tawn ka tawng anga, khuanun ka hlim min phalsak ve nih chuan ka la hlimve mahna le.....



Zan ka muthilh maitheihloh vangin ka murei hle a, ka harh meuh chuan dar 10 alo pel duai tawh, in phihfaiin inhnuailamah ka chhuk a, alo reh dak a, thlanglam atangin nui thawm ka hre ta a, ka zuk chhuk ve chuan sangha anlo man chu niin nuam anlo ti tlang hle a, Lucy-i pawhin Puzuala sangha man chu a ko atang hian alo auve chul bawk a.

An sangha man te chu bucket ah dahin ka en ve a, a sen chi deuh hlir ani, a lian hlawm emem mai lehnghala, kan sangha mante chu khaiin inlamah chuan kan chho a. Breakfast anlo la eibikloh avangin chaw te kan ei a, an sangha man te chu chhum nghalin a hangtui ngang mai, ka eive ta treuh a.



Puzuala te nupa hi an fel em em a, anupui Piremi pawh a fel in kawm anuam hle bawk. thlaruk vel an awm tawh a, huan pawh an enkawl faiin an taima emem a, anla naupan hmel hle a, Piremi kumzat ka zawh chuan kei aiin kum 3 vel chauhin alo upa a, Puzuala pawh ka rin aideihin ala naupang.





Ni aliamve zel a, karkhat lai kan awm ta, Puzuala te nupa pawhin nau an pai ve a, kan lawmin kan hlim tlang hle , Puzuala'n a lawm nan tiin vawksa leh bawngsa a lei teuh a, kan 4 chuan kan hlimve thei dar dar viau ani.

Ka rilru leh thinglungah erawh theihnghilh theihloh ka nei a, nitinin a mah hriatchhuah loh ni ka nei ngailo, a reh vang vang a, alo kalthut ringin kawngte chu ka thlir leh vung vung thin, ka ngai emem a, ka telloin engtinge a awm ang tih te ka ngaihtuah a,kalsan zawktu hian alo kal ka beisei chu ni sia, ka mak ve ngawt mai.


Internet telloin hun ka hmang rei ta hle mai, Puzuala ten tv an kawl avangin news erawh chuta tang chuan kan hrethei thung. Ka awmrei ta telh telh a. Ka ngai emem thin bawk, nitinin theihnghilh ni ka nei ngailo a, ka telloin ahlim anih riinna te ka nei a. Ka duhdan ni mahse ka telloa a hlim hmel tur chuan minti na takzet thin.