Issabella------ approval -------
"Nangmah vangin ipa a thi a,a hun hnuhnung berah pawh ithlah liam theilo ania" in ka luh rual² chuan ka nu in arawn ti a. Chhang lem lovin ka room ka pan tlang nghal a. Ka kawr ka thlak na lam ah ka ban duk chur chu a rawn na zawk a. Ka taksa cher tak te chuan ka lung te a ti chhia a. Tap lo turin ka in sum hram hram a.
"engmah itan eitur a awmlo" Fridge ka hawn laiin ka nu chuan arawn ti vin leh tawt a.
"Ka nu tinge mi huat em em a"
"Ihrelo maw? Nangmah vangin Kan chhungkua Kan tlachhia a nangmah vangin ka pasal ka chan a sin" a no ken ka ke bula rawn theh keh chuai pah chuan a rawn tia
No keh chu ka chhar mawlh mawlh a.
"Nang hi awmlo la chuan hetiang hi Kan ni nang" rawn ti leh bawrh²in room ah min luh san a. Ka Muttui chu ka dang hram² a,kum5 chhung ngawt hetiang hi ka tuar tawh a ka tan thil thar pawh a nilo. Ka tap tur a nilo keimah leh keimah chu ka in ti pachang hram² a
"room ah pawh rawn mu tawh suh,thuthleng sei ah khan mu mai² la atawk" Eli chuan ka puan sin tur chhuat a paih pah chuan arawn ti a. Rizai chu ngawi reng a la in thuthleng sei ah chuan ka dah a.
"Ka pa ka va ngai tak che em" ka ti sap a ka Muttui chu dan zawh rual lovin arawn tla a. Ka tap ring ngam loh vangin ka kutin ka ka chu ka hup a ka mittui chu dan ka tum tawh biklo
Zan ka mut mang loh vang chuan ka lu chu a rit em²a thuthleng sei a rem leh rem lova ka mut vang chuan ka taksa a nâ threm thrum a. Thingpui in lum in hna kal Turin ka insiam a. Ka nu leh ka nau thawh hma chuan hna kal Turin ka chhuahsan a
"Issabella vawiin Chu I thawhpui alo kal si lova room zawng² nangmah a itih fai angai ang" hotel ka thlen rual rual in manager chuan arawn ti a. Duhthlan tur ka neih loh vangin chhang lem lovin room ti fai turin ka kal a.
Room 7 lai tihfai tur ala awm tih ah chuan ka ril team vangin ka chawl det a. Chaw mumal ka ei loh vangin ka pum chu a rawn nâ riai riai a.
"Issabella issabella"
Tia min ko tu awm vangin bathroom atrang chuan ka chhuak a
"tinge ila zo si lova i chawlh ringawt a. Zan ah mikhual Kan nei full vek dawn ti vat vat rawh" manager in arawn tih chuan ka room tih faina hmanrua chu chawiin room Chung chiah lam ka pan a. Ka thil ken a rih deuh vang chuan elevator chu ka nghak a.
Elevator rawn in hawng ah chuan ka beisei loh mi ka hmuh vangin che Chang lovin ka ding reng a.
"Rawn lut ta che" Eric-an arawn tih chuan hreh tak chungin elevator ah chuan ka lut a.
"Chawi kang rawh elevator ati bal vek ang" ka room tih faina vel chhuat a ka dah chu Eric-an arawn sawi vang chuan rit hle mahse ka chawi kang a
A rih em vang chuan ka kut anâ ut ut a. Tui bal vek chu ka thlau ta a.
"Ka tih palh ka tih palh" Eric-a thawmhnaw ka tui ken bal in a tih huh na lai Chu ka kawr ban in ka hru mawlh mawlh a
"iva fimkhur lo ve" a secretary chuan min nam sawn in arawn ti vin thrawt a. Min nam nât deuh vangin elevator ah chuan ka tlu sawp nuai a.
"Ka tihpalh" ka ti leh sap a.
"Hmeichhe tenawm" ti sap in Eric chu elevator in hawng ah chuan a chhuak a. Ka tui bal tih buakna chhuat chu ka hru vat vat a. Eng thil NGE mawni ka tih thin le
Room zawng² ka tih fai zawh meuh chuan khua alo thim der ta Mai. Ka tihfelna hmanrua vel ka dah fel hnu chuan haw turin hotel kawngka lam ka pan a
"Tunge ka hmuh hi issabella nih reng chu" Pu robin chuan ka ban ah rawn vuan a tiin mitmeng tenawm zetin min en a
"ohh Eric"
"Ka hotel ah ka lo lawm a che Robin" Eric-a aw ka hriat chuan ka ke a khur der der a.
"Eric Issabella hi ichhawr elaw" pu robina'n tiin Eric-a lam hawiin min kuai her a
"hnathawk anih kha" tham lo deuh a rawn tiin min en a.
"Anih Pu robin mangtha le"
"Khawnge ikal dawn ka la sawi zo hleinem Issabella hmeltha te" ka ban ah chuan nghet zetin a rawn vuan a. A tum ka hriat vangin kalsan vat ka tum kha ania,ka khawvel ah hian vanneih na reng a awm ve lo anih hi maw
"Zan in ah i awm ve angai i whisky thlit pawh Kan in khat tawh a lawm"
"Mr Eric I remti em?" Ti zawm in Eric-a chu a en a. Eric-an a phal thu a sawi chuan room lam ah min Kai phei a. Eric-a pawh rawn kal ve in sofa lian zet ah chuan an thru a
"ka in ve ngailo" Pu robina'n whisky min rawn pek chuan ka lo hnar vat a.
"In mai ² rawh mikhual thil pek an hnar ngailo" Eric-a chuan rum ula min melh chungin arawn tia. Eric-a ka hnial ngam loh vangin whiskey no khat min pek chu ka in a. Chaw mumal ka ei loh vangin ka pum a ruak vek a. Whiskey no khat lek chuan ka pum a ti sa phat a.
"Kha hei chiah" tia Pu Robina'n whisky min rawn pek leh pawh chu ka in sak leh a
Ka taksa chu a lum huam huam a. Ka luak lah chu a chhuak em² zui khawvel chu a vir muah muah a. Ka bula mipa Chu a hmel chianglo ruaiin ka hmu a.
Kut chak takin min rawn vawn chuan ka lo ban thuai a. A awm a bei hle hle in a rim tui chek chu ka hnim veng veng a. Nghet taka kuah in ka maimichhing hle hle a.
Vawi leh khat ah kang lawp in min pawm tu chu thei leh thei lovin ka melh a. Ka hmuh fo tawh hmel a ni mahse a hmel erawh Chiang takin ka hmu theilo.
Ka hria leh chu luakin ka uak tuar tuar a ka hnungzang Chu duat taka min chultu an awm tih ka hria. Ka hmui chu dim takin a hru a. Ka hmai zawn a arawn kun hniam chuan a heh nalh zet chuan ka mit ala em em a
Ka fawp ta a. A taksa chu ka chul kual a. Ka vawikhat tawhna a nilo tih ka hria.
Ka fawhna atrang chuan min nam sawn a ka tlukna a ka ke chu a rawn nâ zawk a,eng thil NGE thleng pawh ka hrelo.
"Harh rawh" mipa aw in rawn tiin ka taksa chu tui vawt takin a rawn ti phu zawk a
Tui vawt tak vang chuan ka harchhuak hlawl a. Ka hma a ding reng chu Eric Conner ani. Mitmeng thip zeta min melh Chu Chiang takin ka hmu a
Ka kawr chu a huh zawr vek a. Tui chu a off na ka zawng ruai a. A vawh em vang chuan ka khabe a in sep bawp bawp a. Vawt tiin ka ding khur ngawr ngawr a.
"Whisky no hnih lek pawh in theilo"
"Lem I Chang em ni?" Arawn tih chuan ka lu ka lo thing vat a. Ka thawmhnaw huh vek a rawn phelh chuan a kut ka lo beng sawn vat a
"ka hmu vek tawh" rawn tiin ka thawmhnaw chu dimlo takin a rawn phelh sawk sawk a. Towel lian pui a min tuam in bathroom atrang chuan min pawm chhuak a
Dimlo bak saka khum a min thlak chuan ka au thawt a. A hmel Chu chho en in ka hmu ruai ruai a. Ka whisky in vang kha aniang engmah hi a Chiang lo .
"Sihnip lutuk" rawn tiin ka towel chu a rawn Siam tha a. A ban ah lo vuan vak in a hmai chu uluk zetin ka en a
"min cho chhuak ange" a hmui ka khawih lai chuan a trawnglai chu a tawp a.
"Ka insum theih na test chu" a rawn tih leh chuan ka lo nui vak vak a
"I hlau ami?"
"Hmeichhe zurui ka Mutpui ngailo" rang zetin min rawn chhang a
Ka lu chu a nâ bur a. Ka mutna Chu khawilai nge tiin hlauthawng takin ka en kual a. Room awmdan atrang ka hotel thawhna a ni tih ka hria. Zan a thil thleng hriat chhuah tum in ka in ngaihtuah a ka hre chhuak hleithei der lo
Ka phone rawn ri chu ka en vat a. Ka nu call ani tih ka hriat chuan hreh tak chungin phone call chu ka la a.
"Nizan ah khawnge iriah mi hur nu" vin takin ka nu chuan a rawn ti a
Hmanhmawh taka ka thawmhnaw ha in room chu ka chhuahsan a.
Ka hnathawh ni anih loh vangin hman hmawh takin in lam ka pan a. Ka taksa nat em vang chuan bus chuan te Chu a hreawm em em a. Ka bag ka en chuan pawisa leh lehkha them hi a awm a.
"Ka mamawh vanga Mutpui che ni lo mahila ka Mutpui che vangin pawisa ka pe tho che a nih hi. Ka mipatna ilo mamawh khawp mai"
Eric-a lehkha chu ka pawt sawm nawk nawk a.
"Bus ah bawlhlawh paih suh" ka bula pitar thu in arawn. Tih chuan rangtakin paper nawi ho chu ka chhar khawm leh a
"Eli bialpa in în awmna tur min pe a,Eli nen Kan insawn dawn"
Ka nu in hlim hmel takin arawn ti a. Kei erawh mak ka tih vang kawngka bulah chuan ka ding ngawi reng a
"pawisa ah pawh buai a ngai tawh lo ang Eli bialpa in Kan mamawh chu min pe vek" a thawmhnaw Siam mawlh mawlh chuan ka nu in arawn ti leh a.
"Ka nu he in ah hian Kan hlim tawk alawm. Bakah Eli chuan khawi a mi nge bialpa aneih a"
"I thik vang anih kha" ka nu in thinrim takin a rawn ti a
"Nu ka thiklo ka lawmpui lutuk mahse hetiang thilpek dawn rik ngawt atha lo alawm"
"Ka zilh e min ti khanglang lo teh" a thawmhnaw Siam lai Chu dah in kut zungchal hian min rawn kawk a. Kut min thlak chak hle hmel a pu a ni
"I pa insurance ho pawh naktuk ah Eli nen Kan la chhuak ang,chuh buai tum miah suh ang che. Eli hmakhua atan I pa in a dah vek anih hi" tiin min nek sawn dawr a. Kei Chaw ei mumal lo chakna nei tawhlo chu ka tlu sual lo Chauh
Ka nu insiam chu ngawi rengin ka thlir a. Ka trawng zel chuan a thinrim mai² dawn tih hria in engmah ka sawi chhunzawm tawh lemlo.
"Nu i insiam zo tawh em" Eli Chuan inchhung rawn luh leh ka nu awmna pan a rual a
"insiam zo vat vat rawh hetiang in hreawm a awm reng ka peih tawhlo" ngeiawm zeta min rawn melh pahin Eli chuan arawn ti a. Ka nau ka Hmangaih em² ni thin kha tunah chuan min hua in min ngei ngawih² tawh si
Ka room ah luh san in khum ah ngawi rengin ka thru a. Eli leh ka nu nui ri te chuan in chhung Chu a luah khat a.
Kawngka in khar thawm ka hriat chuan room atrang ka chhuak a in chu alo ruak vek tawh. Ka nu room ah ka lut a,a thawmhnaw dahna vel ka en chuan engmah alo awm tawhlo. 'an kal dawn te chuan min hrilh ve awm ' ka ti rilru a
Tunah chuan keimah Chauh ka ni ta. Ka chhungte ka la neihchhunte pawn tun ah chuan min hnuchhawn ta.
Conti...