STORYFB.COM

OFFICER VANMALSAWMA
CHAPTER 1
BY JENETI


Zothanfeli pov



‘Si-Ar’ tih hla ‘Bzi tochhawng’ sak chu ka ngai thla a, verse 1 a tang pawn ka feel nghal em em, a aw nen zawng zawng hian ka hla ni awm tak a ni.





Verse 1 ah chuan


Tlàikhua a lo ngui,
Van zâwl màwiin chhawrthla a êng.
Suangtuahna-ah nang i lo lang leh a,
A ngai tê-in.
Ka duhaisam chu lung rual tê-a indi;
Mahse, ka ban phak loh
Van sânga lêng i ni.


a âw nen zawng zawng hian ka hla ni awm tak a ni.



Kan in veranda a light kan chhit rawn en ve chang chang chuan, kan inkawt zawl a thutna an siam a ka mu chu mi rawn en ve chang chang a, mut pah chuan ka ngaithla a, van a arsi phe tuar chu ka thlir a, ka mittui chu a rawn luang thla.



Verse 2 a rawn sa thleng a

Aw, nang zawng si-ar,
Thangvana lêng, chorual loh di.
Leng tinte hiptu, an duhaisam chu
Nangmah i ni.
Mahse, he’i ka hria
Kei erawh zawng lei mi,
Duhaisam chauha si-ar mâwi ber neitu.



He lai verse phei chuan ka hnuk a rawn ti ulh zual a, a mah ka mipa duh leh vei ve em em chu, ka mithla ah rawn lang uai uai a, ni e, a ni kha chu ‘chorual loh di’ dik tak ani si. Zan rei lam a nih tawh a vangin a reh tawh hle a, September thla a nih tawh a, khua pawh a vawt tan tawh viau bawk, thu chhuakin ka mittui luang chu ka hru hul a, ka hnar te chu a thip vek tawh a, pawn ah ka awm rei ve tawh vang a ni mahna, kan in te tak te ah chuan phur lo zetin ka lut a.



Ka chhungkaw neih ve chhun ka unaupa leh a nupui chu, ruih vang a chhatthla tih hriat tak hian, thut thleng kan dawh zawm ah chuan, an lo hnar ri bur bur a. Thaw chhuak halh in an mut dan chu ka siam rem sak a, an zu in na vel chu ti fel in, zu bua te chu ka hru fai a. Zu rim a nam nasat em avang chuan ka uak leh that that thin a, he rim hi chu hre ngun ve viau tawh mahila, ngai ah ka nei thei der lo .Dar 12:00am a rik dawn chuan ka mu ve ta chauh a. Ka taksa a lo chau ve bawk nen rei lo ah ka mutthil ve vat a.




Zing ka harh chuan ka room te tak te, kawngkhar pawh awmlo, room a ni tih hriat ve nan a parda thehlem deuh kan zar ve na a tang chuan, ka chhuak zui a. Ka u te nupa chu an la muttui dun khawp mai, Hmai phih in ha te chu ka nawt hmasa tete a. Ka zawh chuan ei ka rel tan a, zing dar 5 vel chiah a la rik avang chuan, chhum a zing nasa hle a, nizan ka mut hnu khan ruah a lo sur ni awm tak a ni, in kawt ah chuan tui a lo tling piau a.



Ka an tam thar tuihnai zet chu ka chhum a, bawkbawn leh chingit ka bai pawlh leh a, dal ka kang leh a, chaw chhum nen dar 7 a rik chuan ka zo ti tih der a, mihausa kan nih ve miau loh a vangin sa chi hrang hrang siam tur te, chaw hmeh chi hrang hrang siam tur te, nei ve lo mahila kan nei chhun chhun ah hi chuan, ka lungawi ve viau tho.


Ka u te nupa erawh hi chu an duh tui a, ka u tak hi chuan ka siam ang ang hi chu sawisel lo in a ei thei mai thin a, a nupui u tete-i ber hi a duh tui deuh thin a, mahse han phun vak man kha awm zia a awm teh chiam lo bawk nen, ka siam ang ang chu a ei leh zel tho.



Ei rawng ka bâwl zawh chuan in chhung ka phiat fai leh a, kan bungrua neih ve chhun in rem fel lo deuh ho chu, ka rem fel leh vek a, chhuat nâwt duh viau mah ila, tui kan nei rih loh a vangin nâwt hrih lo in, tui khai turin tui khur ah ka kal hmasa a.



Kan in hi a te fel ât a, bungrua pawh kan nei tam lem lo, kan inchung hi rangva a ni a. A bang hi tile leh brick pluster loh a ni ve thung. Kei leh ka u te nupa chauhin kan cheng a, nikum hmasa khan ka nu in min boral san a, chuan in nikum leh chiah khan kapa in min boralsan leh a, ti hian kan 3 in kan cheng ve naw naw a nih hi.



Ka u hian hnathawh em em a neilo a, a rem rem hi a thawk mai thin a, u tete-i ve thung hi chuan thawh vak hi a neilo a. In ah a awm loh leh a leng mai thin a, a changin mi dawr a nghah sak ve thin bawk, hnathawk tur hian kan phut ngailo hrim hrim a, ka u hian a hmangaih em a, eng tin pawn awmse pawi a tilo.


ka chungah a sual hranlo bawk nen, keipawn ka en liam vel mai mai a, ti hian zan ah zu hi an indun thin a, khaw eng lai erawh chuan an in duh biklo, zu an in thin tih hi atam zawk in an hrelo a tih thei. Kan khua hi thingtlang khaw lian vaklo, in 300 bawr vel chauh kan ni a. Thingtlang ni mahse a khaw chhung a cheng mi then khat hi chu, an khawsa thei viau thung, a khawsa theilo hi chu a tam zawk kan la ni tho. Nursery atang higher school tleng chu a awm ve a, thingtlang mah nise zir na pawh a tha ve viau, khawpui a tangin zirtirtu hi kan nei ve nual a, min zirtir tha in english ah pawh kan hniam lem lo.



Kei hi ka hming chu Zothanfeli ka ni a. Kum 17 ka ni ve mek, class 12 ka zir ve mek bawk, Ka kum phu lo in ka hleitling a feet 5'5 asang chu ka nive, cher lam ka ni a, ka engkim ah hian ka pa ka chhun a, ka vun pawh thingtlang awm e tilo chuan, a ngo ve reuh viau mai, ka hmai fang ah pawh ka pa ka chhun a, hmeltha min ti tu pawh ka tawng ve nawlh nawlh thin, hmeichhe nu lem lo tak ka ni a, kan kawm thlang ah hian thlai then khat, antam, hmarcha, behlawi, tih ang reng ka chîng ve a, ka enkawl uluk bawk a, ka thar tha ve viau mai. Chu chuan kan chhung kaw khawsak pawh a chhawk ve riau a, kei ka nuam tih chi a ni bawk nen, ka thlai thar ngei ka han hmeh thin chu ka hlim thei viau.



Lehkha thiam thei ve pangai tak ka ni a, kan class ah pawh a ti tha pawl chu ka ni ve thin, School kan chawlh chang chuan a rem rem ah ka inhlawh ve thin a, a changin mi lo ah te ka feh hlawh ve thin a, achangin mi in bul te ka tih fai sak bawk thin. Thawh deuh bik na ka nei a, nuzopuii niin kan khaw high school zirtirtu a ni a, fapa 1 a nei a, kum 8 bawr vel a ni. Pasal neilo in a enkawl a, a bul ah hian ka inhlawh deuh ber thin a, a fel in min be bawrh bawrh reng thin, keipawn ka nêl ve tak zet, a inchhung leh a bul vel ka tih fai sak mai thin a, ka thawh phu lo in hlawh pawh min pe tha thin viau a, ka lawm ve thin takzet.



Ngaihzawng ka la neilo a, duh leh vei em em chu ka nei thung, a ni chu mihausa fapa hmeltha tak a ni a, a fel em em bawk, kan in hmuh chuan min be tha thei hle thin, khawpui atanga rawn insawn a ni a. Kan khaw hmeichhia a tam zawk te hian kan star rawn theuh a, mahse bialnu a nei a, kan khua a mi tho hmeltha zet mai hi a ni, a fel em em bawk a, an in hmeh thei viau, mahse ka mipa duh leh vei em em bialnu a ni si a, ka thik ve thin tak zet, mahse, thik ngam turin a tan engmah ka nive silo.


Dik tak chuan beisei ngam tur pawh hi ka nilo, kan din hmun lah a in thlau em em a, min duh ve angem le, tih rilru ka put châng phei chuan, zaktheilo hi ka inti ve thei lutuk, mahse ka inthunun theih na piah lam thil a ni tlat si a. Kei aiin a upa a; mahse, kan in pawl rual thung, lehkha a thiam thei hle a. Engkim ah ka phulo hlawm tawp hi a ni ber mai.



Chu tia ka rilru kawm a, bucket khai chung a tuikhur lam ka pan chu, ka hnung ah tu emaw hian min rawn beng thlawp a, phu zuk in anat thip lutuk avang chuan ka er nghal ngâwng ngâwng, min beng tu ka en chuan, Rohmingmawia lek lo niin, min lo nuih vur vur a, a ni hi ka thianpa tet te atanga ka kawm tawh a ni.


"Mawla ana lutuk mipa ka nih loh hi" ka hlar a. "Nge biak i hre theilo em a nih kha, ka au vak vak che a, hre thei hek lo kha tia ka tih mai lo che in, beng ek i nei tam a nih kha, haw hun ah ka lo kher sak dawn che nia" a la ti zawm zat zui a. "I thing mai a nih chu, khawih ah khan beng ek ka nei lo e, nitin ka kher zia a awm ngailo" Ka ti pawr hlar a. "A lo nih tak chu mawle" a ti leh hram a, "ni e, ni e" ka lo ti hlak a.


A mah ka en chuan, tuichawi tum a rawn kal a nilo tih ka hre chhunzawm nghal a, "kha min beng man ah, i khai ve thei" tiin bucket 1 chu ka pe a, "phakar reuh mang e, mahse khai pui tur che a lo kal tho chu ka nia, kan lo khai mai a nge" a ti a, "tul lo deuh deuh hi sawi thin suh, sawi ho thei ropui si" ka lo tihsan daih thung a.


Tuikhur ah chuan tuichawi an lo la awm vak lo a, keini pawh thal vatin kan haw zui nghal a, tunlai chu kan khaw tui dahna ‘tanky’ an thuah fai a, tui a la tam loh a vangin, tui lâk tur a awm hrih lo a, ti hian kan khai tlauh tlauh zel mai a ni.


In kan thleng chuan ka chhungte pawh an lo tho ve tawh ah, Rohming-a chu chaw ei ah ka sawm a, mahse min hnial ve tlat avangin, a haw nghal a, ka u te an lo tho tawh bawk nen, chaw ei chu siam in kan eizawm a, vawiin hi inrinni a nih a vangin in leh a chheh vêl tih fai ka tum deuh a.



Chaw ei lai chuan ka u chu, "eng nge i thawh dawn?" tiin ka zawt a, pa mapuia te huan an sam dawn thu chu a sawi a. Pa mapuia hi kan khaw vcp a ni. U tete-i chuan "keipawh vawiin chu nu parte in dawr min lo nghah sak rawh a tia, ka va nghah sak a nge" a lo tive a. Nuparte-i hian eichawp dawr a nei ve a, U tete-i hi a châng in dawr a nghah tir thin a, hlawh a pe ve thin ni awm tak a ni. Keipawh ka tih tur chu ka lo sawi ve a.



Chaw ei kham chuan, u tete in min seng pui a, kei in thleng ka lo sil a, an ni erawh an insiam ve malh malh a, rei vaklo an chhuak rual a, keipawh ka tih tur a ka ruahman ho chu, ka ti zung zung nghal a.



Thawnthu ngaihthlak pah chuan chhuat chu ka nâwt a, ka nawh zawh ah inkawt vel chu ka pawt fai leh a, kawm thlang a ka thlai chîn ho chu hnimin a lo dîp leh tan tawh avangin, zuk chhukin ka pawtfai a. ka zawh ve meuh chuan tlai dar 12 alo ri der tawh. In ah chuan chho in ka inti fai a, tui vawt te chu ka in teuh mai, khaw vawh lam pang ni tawh mahse, zan lam lo ah hi chuan a vawt vak ngailo, ka riltam deuh avang chuan chaw ka ei leh a. Tihtur em em ka nei tawh lo bawk nen, ka thiante chu leng turin ka sawm a, an lo aw nghal diat diat a, kan thian ho hi 5 kan ni a, mipa 2 leh hmeichhia 3 kan ni. An ni erawh hi chu keini aiin an khawsak pawh a nuam deuh zawk a, mahse thingtlang ngang kan la ni a, tih tur neuh neuh chu an nei ve reng zel tho.


Rei vaklo ah chuan an rawn thleng a, eitur an rawn keng tel a, thil ei pah chuan kan inkawm ho a, "tak a u isacka leh Jenny-i kha an in ngaihzawng lo an ti a sin" Remi chuan a ti a. Awih lo viau mahila ka lung chu a phu nasa lutuk, "awihawm loh lutuk a, an in zui nasa em mai" kimi chuan a lo ti ve leh a.

"Ka Chiang chiah bik chuanglo, u beki khan a sawi a", Remi bawk chuan a lo ti ve leh a, tun a an mi sawi mek hi, ka mipa duh leh vei em em kha a ni. Zorina chuan "duh leh nei se, duh leh neilo se a ho mai mai sawi tawh suh u", min melh ralh pah in a ti a. Ka thiante hian ka duh zia hi an hria a, ka mitmei te hi an veng ve lutuk, ka theihnghilh mai thei bik silo hi keipawh hian hrehawm ka ti.


Thil dang chu an sawi zawm ta daih a, tlai dar 3 rik dâwn ah an haw a, keipawh eirawng bâwl ka tan a. Dar 4 vel ah ka u leh u tete-i chu an rawn haw rual a, tui chawi pahin kan 3 chuan, inbual turin tuikhur ah kan kal nghal a.






Sunday a ni a, inkhawm turin kan in siam a, ka thian ten min rawn sâwm a vangin kan lo kal va hmasa a, biakin kal kawngah chuan bolero dum nalh zet mai leh car 1 a lo ding a, "tu motor nge a?" tiin ka thiante chu ka zawt a. "Pu ruata te huan kha khawpui miin an lei dawn an tih kha, chu mite chu a niang" zorina chuan a lo ti a.

"Sunday day ah te an lo kal a, anmahni lah chu an awmlo leh nghal, khawnge an awm le?" kimi chuan a lo ti ve bawk a, "chutiang leh zel ka hre si se lo" zorina bawk chuan a ti leh hluk a. Remi chuan "khawpui mi an nih tih a hriat hle mai, bal deuh mahse, an nalh dun khawp mai" a lo ti ve thung a.



Keipawh chuan nalh ka ti ve ngang mai, bolero dum chu va hnaih deuh in motor glass an lo up bawk nen ka in en vel a, a dum vek a nih avangin a chhung hmuh pawh tum ila a hmuh theilo, in hmuh that lah chu a awl em em zui a, ka thiante chu an lo kal ve a, "ti khan in en vak vak suh, a chhung ah mi a lo awm thut thei" kimi chuan a lo ti a, "nia kal ang u, a zahthlak kan thing hmel em mai" Rohminga chuan alo tive a, ka thian te chu an kal zui a, keipawh lei chhuah zeuh pah chuan ka um nghal a.

-ˋˏ✄┈⟡┆ᡣ𐭩 .ᐟ


｡ﾟﾟ･｡･ﾟﾟ｡
ﾟ。chapter 2 ka lo dah leh vat ang₊˚⊹ ⁀➴ ᰔ‧₊˚⊹
　ﾟ･｡･



Ti tleng hi ni rih rawh se aw, a changtupa a lo lang tep e, min lo chhiar sak a vang in ka lawm e, chuanin khawngaih in in lo chiar ve ta ro ro min lo comment sak ve hram dawn nia.

Ngaihnawm in ti ve ang chu maw, ka ziak thiam lo ve ropui sia, ngaihnawm in lo tive a chhunzawm tlak ah in lo ngai ve a nih chuan khawngaih min lo comment sak bawk dawn nia.

Nihman nuam muttui mangtha vek ule.
Show post links
Top