DUMI LAST EPISOD

[Twins Mom]

DUMI - 4
.
..
Francis a lo leng tur chuan kan chhungkua min ti buai ni ber in ka hria. Tumah an awm ve ka phal si lova leng tur an leng a mu tur chu pawn lam ah ka kalh vek a. Chutia ka buai lai lai chuan Francis a lo kal thawm ka hre ta. A bike neih ka hre ngailova kan school atangin an in a hla vak lo bawk a alo keng ngailo ani. A bike thawm ah chuan ka hria a tukverh atang chuan ka lo bih thla dak dak vel a. Kawngka bul ah a ding a kawngka a rawn kik bawk a. Ka va hawn chuan a rim chu tui tak a ni amah chu ka en ta reng a.
.
" Hetia min dintir zankhua hi ami i tum ? Lo leng lut tur in min sawm dawn nge tikhan min en char char dawn "
A tih tak ah chuan ka harh chhuak chiang ngei mai, ka zak leh hnuhnawh khawp mai. Lut tur chuan ka sawm nghal a inchhung lam ah chuan kan in zui lut a.
.
" Khawnge i chhungte hi an awm vek a ? "
Min en kiau chung chuan a tia.
.
" Ih....a then an leng a athen an mu a "
Ka zah avangin ka dak chhuak ve ngamlo. Kan hmaa TV chu ka en ngar ngar ni mai. Biak dan tur lah ka hre bawk silo, a nih lah chu ti tho. Usiampuii ka lo mut tir kha ka inchhir ngei mai.
.
" Haw, varanda ah sawn va insawn daih ang. A nuam zawk ang "
Ka chhuanlam sawi tur hrelo vel khan kan sawm ta ngawt a. Alo duh ve mai a kan inzui phei ta a.
.
" Naktuk test tur kha i zir tawh em ?"
Kan ti leh thla ringawt a, kan in a lo leng zawk a nih vangin keiman ka biak char char kha a ngai ve tlat a.
.
" Zir nang, hei ka lo leng daih sia. Nang i zir tawh bik ami ? Ka ring dawn che nia aw naktuk chu ka zir peihlo "
Min lo chhan vat avang chuan ka nuih a ti za letling zawk a. Kan han nui leh te te phawt a.
.
" Angela, thil zawh duh che leh hrilh duh che ka neih vanga lo kal hi ka nia "
Zawi sap dam thlap si hian a tia.
.
" A ni maw ....eng thu leh hla nge ni a min han zawt la ka chhan theih che chuan ka chhang dawn che nia "
A mah en chung chuan ka ti ve thei ta a. Mahse a tawngchhuah hma chuan a Phone alo ri a " Timinglo thei e " ti buibui chung chuan a han bia a.
.
" Engtin maw i tih, tun ah khawi ah nge in awm? Ka lo kal nghal ang "
An in biak dan ah chuan thil hmanhmawh thlak a ni tih ka chiang nghal mai.
.
" Angela, ka tih palh tak zet ani nidang ah ka hrilh leh zawk mai ang che. Ka nu kan in step ah alum a damdawiin ah ICU ah a awm mek anih chu. Ka tih palh lutuk aw ka kal nghal vat a ngai sia "
Min en chung chuan a tia a lungngaih hmel khawp mai.
.
" A ho lutuk kei chu min ngaihtuah suh i nu kha ngaih pawimawh la a tha ber. Kei nen chuan kan inhmu thei reng alawm. Ka lo kal ve ang "
Ka tia inchhung ah chuan ka luh san nghal a. A ngailo, a tih pawh ka ngaihtuah tawhlo ka nu room ah ka kal nghal a ka dil a ka nu chuan rem min lo tih pui hlauva ka lawm ngei mai. Ka room ah ka lut a ka in ha lum a ka va chhuah chuan Francis a chuan min lo en reng a.
.
" Ehem....kal i la "
Ka tih tak ah chuan a nui suk a kawngka lam chu kan pan dun ta a.
.
Damdawiin kan thlen chuan a pawn ah an lo awm deuh thup a, kan va thlen phei chuan min lo en duh khawp mai ka zah tawh naklai in. A pa chuan Francis a chu alo ko nghal vat a inchhunga lut tur chuan. Kei chu pawn ah chuan ka lo nghak reng a, midang ho chuan min lo be ve liam liam a an fel hlawm khawp mai. Francis a chu alo chhuak har ka ti tawh khawp mai, chutia ka lo ngaihtuah mek lai chuan alo chhuak ve ta a. Mahse a tap ani ti ka hre thiam nghal a ka bulah a lo kal a min lo kuah nghal chat a. Mak ka ti in ka zak ve det a chhungten min lo en deuh thap bawk sia.
.
Ka thiam ang tawk chuan ka lo hnem ve a, mipa mahni se mahni hringtu ngei hetia an awm tak ah chuan a rilru asak thei bik lo insum a har ve duh khawp ang le. Kei ni ta ila chu ka tap nasa ngawt ang le.
.
Zan dar 2 leh tlem ah a nu chu alo harh zawk a mahse biak zui theih lovin kumkhua a tan a pasal fa nau te chu a mangtha ta ni. Francis a pawh a tap kei pawh tap lo kan awmlo ang, Doctor ho vin an han check zawh chuan an in lam ah kan kal pui nghal a. Ka nu te pawh ka hrilh hre nghal a ka u mama pawh tlaivar tur in an in lam a lo pan mek thu ka nu in min hrilh bawk a.
.
An in kan thlen chuan mi pawh an lo tam tawh khawp mai. An in ka vawikhat kal na nia an khawsak a aharsa lo bawk a nawm hmel hle. An in vel chu ka lo enkual a ka lo chik leh hle tawh a mahse mi hmuh in chutiang chuan ka awm chuang hranlo.
.
Ka umama ka hmuh ve leh chuan a lam ah chuan ka kal nghal a, a ni pawh a thiannu nen an lo kal ve a an ti tha hle. Inchhung lam ah chuan ka u te nen chuan ka inzui lut ta a hmun awllai a vang ngei mai. Jordan an min lo hmu a min lo ko va abul ah ka va thu ve ta ringawt a ka u te bul ah ka lenglo leh chiah avangin.
.
" Engtin nge i hriat a i lo kal ve a i va ti tha ve "
Nui sang chung chuan Lalhmeltha pa chuan min lo ti nghal var a.
.
" Nia, francis nen kan awm dun lai in he thil hi alo thleng a. Ka lo zui ve ta rawi a nih hi. Nang pawh i fel zawk daih alawm in veng a hlat teh reng nen "
Kan ti ve leh a....
.
" Nia, nizan atang khan Francis a te vengah hian ka pi te an awm a ka riak ve e ka tia. In in a lo kal vang ni maw ka hmu lo ka tih reng ni a nu chet sual lai vel khan "
Min en chung chuan a ti leh a. Mahse ka chhang tawh hran lo ka nuih ringawt a.
.
Kan zai tui khawp mai mitthi in tlaivar zan ah ka kal ve nual tawh a zan in tluk a ka zai tui hi ka la hre lo. Zing dar 6 leh tih vel ah ka u in haw a rawt avangin Francis a pawh hmu hman tawhlovin kan haw san ta a. Jordan a ka hrilh thova alo hrilh em ang chu maw. Keipawh in ka thlen chuan ka muhil ve nghal mai a ka tlaivar khat tawh sia ka hrisel na hi a pan tan riau a ka nu in Francis ni lo se a phal miahlo ang.
.
Dar 11 leh tih a ka harh hlawl a, sana ka han en a an la vui lo tih ka hria ka thova ka inbual harh zawh hnu chuan chaw ka bar sawk sawk a, Francis a te in lam ah chuan uniform ha in puandum keng in ka kal nghal vat a. Zingah khan kan sir in kam school Whatsap group ah alo post hman hlauhva ka mut hil hma khan.
.
Francis a te in ka thlen chuan kan school naupang ho pawh puandum sin in kawngsir ah anlo ding țhap tawh a. Jordan a leh sangkim an min lo hmuh chuan min lo kova ka va ding ve nghal a an bul ah chuan. Ka tlai tawh bik em avangin ka pawh vat ngam loh avang khan min lo hmu lo se chu ka haw let leh hrim hrim.
.
A ruang an phum zo an lo haw hnu chuan kei chu ka lo haw lova Francis a ka lo nghal a. A hmel reng hmuh tur a awmlo Jordan a ka han zawt a ani pawn alo hmu mai bik silova a chhungte min han zawh sak a ani pawn an lo hre bik silova. Thlanmual ah chuan ka pan ris ta tawp a, ka rin ang ngei in a nu thlan ah chuan alo thu a alo tap a.
.
" Bro, hawh le haw tawh ang hei khua a tlai mai dawn nia. I thian te leh i chhungten an zawng nasa che nia. Hetia awm khan engmah hlawh na awm tawhlo, i nu pawh hetia i awm hi a phal miah lo ang. In ti pachang la haw ang le "
A bul a va thut pah chuan ka ti nghal bawrh bawrh a.
.
Francis a chu ka khawngaih hle mai, a mah chiah hi tun a apa nen hian an nei a. Midang a u te hi pa dang an nia tumah hian an care loh hmel ropui si a.
.
Kan pahnih chuan in be miahlovin kan haw a, in kan thlen hnu ah reilo te kan in kawm a ka haw san ta a. In a ka thlen hnu ah kan inbe zuai a bak chu kan la in be miahlo.
.
" Angela "
Min ko tu lam chu ka hawi a....ka rin loh lutuk in Sawmkima alo nia ve teh mial chuan.
.
" Angela, biak duh na che ka nei a. School ban ah min lo nghak thei a ngem ? "
Sawmkima chuan ka mit ah tak min en chuan a ti a. Mak ka ti mai pawh nilo kha ti khawp khan ka Star ve thin lai pawn min be duhlova min hmusit ve tu kha ni sia.
.
" Awle, ka lo nghak dawn che nia. Nih phawt aw "
Kan class ah chuan ka luh san nghal a.
.
Francis a lo kal rihlova ka khua a har sawt mai, ka ngui deuh bur in ka hria engvang nge pawh ka hre lo.
.
Class ban ah Sawmkima chuan kan school compound piah hian min lo nghak a amah te in. Ka usiampuii chuan min haw san tawh a. Sawmkima bul ka thlen chuan kan hnungah hian Mean Girls ho an lo kal ve mek bawk a. Kan pahnih a min hmuh dun avang chuan mak an tih hmel hle mai. Engmah sawilo vin min kal ve teh mial e, a mak zawk ngei mai.
.
Kan in kawng ah chuan kan pahnih in kan haw dun a kan inkawm char char a....kan inpeng thlen hma hian kan ding dun a
.
" Angela, zak theilo min ti mai thei a. Mahse i hnen ah hian ka sawilo thei silova. Chuan tun ah hian Ka duh che a, ka bialnu i ni duh em ?"
Ka kut a vuan pah in ka mit ah tak min en chungin a sawi a.
.
Ka rilru a lo kal thui hman ngei mai, ka rilru a buai ta map mai le. Engtia chhan tur nge pawh ka hrelo....engvanga min duh leh thut nge ni le.
.
" A poilo, tun a min chhang nghal tur in ka phut lo che aw. I in peih hun ah min chhang dawn nia "
Ka sam chu chul pah chuan a ti leh a. Ka lo nuih ringawt a chhan dan tur mai ka hre lo ani.
.
" Nia, tun ah mai chuan a harsa rih a ni e. Min hrethiam dawn nia aw "
Hnuailam bih pah chuan ka tia, sawi zawm tur mai ka hriat tawhloh avang chuan amah chu ka han en a. Min lo en kiau sia ka nui ta ringawt a. Tichuan kan pahnih chuan kan kal leh ta a kan in peng thleng chu min thlah ve a.
.
In ka luh chuan ka usiampuii chuan chanchin min lo zawt nghal vat a. Kan inbiak dan chu ka hrilh a
.
" Uiha....a van zak theilo tak. Tun ah hetia i han danglam tak ah hian a lo bem ve leh che a maw. A ngam pawh a ngam zawk e a....i lo star ve tawh thin ni lawm ni? Chuan engtin nge tih i tum tak ? "
Usiampuii chuan min en kiau a.
.
" Ka hre bik chiah lo, ka star ve tawh thin ngei alawm. Mahse Nuni vang khan ka star tawhlova. Nia, tun ah chuan duh leh dawn pawh ni ila Nuni X ber kher lo ngaihzawn kha ka duhlo bur a ni. A ni insawi theih na leh min deu na tawngkam tuar ai chuan "
Ka ti ve thei ta hram a. Khatiang khan Nuni te pawl ah tangin kawp lo se chu ka duh ve mah na le.
.
" Hei....nang nu hi Sawmkima hi lo hnaih tawh suh ka ti che ni lawm ni. I lo bem vel alaw i van han zak theilo tak em aw. Hmeichhia si mipa te i bem ngam vel a "
Kan class ka lut chiah chu min lo din chil a Mean girls ho chuan min lo ti nghal bawrh bawrh a. Ka dar ah tw min nem sawk sawk tak ah chuan ka insum thei bik ta lova
.
" Ih maw....i bialpa Sawmkima hi maw duh chu ni ila kan Ek in kawng ah a tlar in a intlar put mai. Chuan a ni ngaihzawn ai chuan Kan school thlen hma a an tlangval hmeltha mahse mi anglo saw ka duh fe zawk i lo hre dawn nia. Chuan Sawmkima hi i ta bik a nilova mi tu pawn an ngaihzawn a thiang alawm. Ka kian ang che avai khan pumbilh rawh "
Rum tawk a en chung chuan ka ti ve nghal pang pang a. Nuni thinrim chuan ka sam a min lo keh a tum ka lo awm sawn hman hlauhva vannei ruf.
.
" Hmelchhe hangdumbel ( Enge ni ta eng nga tan nge min tih, khawvel a hmeichhe hmeltha ber nu ), hrep tak che chuan le "
Ka sam ah min lo kek leh ta, ka lo inring hman lova kan in sual chu a ni ta mai.
.
Jordan a lo kal hman hlauh va min lo thelh vat a Teacher te hriat hma in kan inbeng dai thei ta hram a. Lalnuni chu min lo melh rum ngang mai
.
" Kha kha i mitmu a pawt chhuak dawn in sum rawh "
Ka thutna tang chuan ka va ti leh hram a.
.
A box chuan min lo vawm a ka lo dawng chat a
.
" I va han fel em em, hetaing ang box pawh hi kan nei zo ve hleinem. Min pek a vangin ka lawm e aw "
A mah nuih vak vak pah chuan ka ti lui leh a. A sa tawh ngang mai lo chhuah a ka bul a lo kal a tum a mahse a thian te chuan an lo dang hlauh va. Lo kal se chu ka lo dim tawh bik lo ka ti nia. A hmai a chhuan em em mai ka ham pilh sak hram a ahmai chu a sen vual tut mai.
.
Chhunchawlh lai in Jordan a nen kan Teacher ten min tirh avangin bazar ah kan kal a. Thingpui dawr a kan chawlh lai in Francis leh Nula pakhat hi an lo lut ve a. Ka enge chhuak ni ka thik lutuk a ka hnuk te a ulh vel a ka insum thei lo tep.
.
" Francis, enge in tih a ? In va inzui chhe lo ve a "
Jordan a chuan alo ti nghal vat a.
.
Kan thutna piah mai ah an lo thu a ahmeichhe lo zui nu lah chu a chhe lovin a hmeltha a super model ni awm tak mawi leh nalh ani.
.
" Nia, ka nu te Office ah ka kal lawk a. Nang ni zawk uniform nen enge in tih zawk a ? "
Min lo en zawk a hmun dang a hawi leh nghal a. Kei chuan ka lo en reng thung a
.
" Principal in min tir a kan riltam kan inhnawh puar zawk a. ( Ka lam a lo hawi a ) Hawh, kan kal mai dawn ami kan ei zo tawh tho va rei min ti lutuk palh ang kan hman nghal tur a ni sia "
Jordan an tih tak ah chuan ka tho rang kher mai.
.
Francis leh Jordan a chu an in be leh zuai a keiin kan ei na man ka lo pe fel thung a. Kan chhuah dawn ah Francis a chu ka mwlh leh zuai a mahse ani chu hawi pawh a rawn hawi lo hrim hrim. A hmeichhe lo hruai nu chu a bia a an nui dun bawk a Ka rilru a na ve det. " Ka bialpa pawh la ni tawp si lo ti nge ka lo thik ve tawp le, kei te chu a unau nu ang chauh vin alawm min ngaih " kei mah leh keimah chu aruk in ka in hnem leh vel a. Kan haw lam chuan Jordan a chuan fiamthu a thawh char char a nuih luih a ngai sia a har khawp mai.
.
School kan ban pawh chuan ka mood a off vek ka eng tih mah a tui theilo, ka tum bur reng mai ani. Ka chhungte chuan a chhan min zawt dawt ngam chiah silo va min en leh hrek hrek hlawm mai. Ka room ah chaw eikham ve leh atangin ka inkhalh khum a khum ah vawi a ka thil tawn leh hmuh vang khan ka inti lung puam a ka tah te a chhuak vel a ka mit tui te a tla hial. Ka bialpa ni ve tawh ang hrim in ka ngai a alak ah thik thu ka ti chhe ve ngawt a nih chu.
.
" Bawihte, school i tlai dawn nia tho ve tawh la "
Ka nu in ka room pawn lam atang a min lo koh tak ah chuan ka tho ve hram a. School kal pawh ka phur tawh lova ka kal chak bawk hek lo.
.
Chaw pawh ei lovin ka insiam sawk sawk a ka kal chhuak vat a. School ka thlen chuan usiampuii ka theihngilh tih ka hria a let ka tum chiah tih in Jordan a nen usiampuii chu an lo kal ka hmu a
.
" Hei nang hi i tho â ami a....i tho va chaw pawh ei lovin min kal san nul nul a "
Min nuih huah huah chung chuan min tia ka usiampuii chuan.
.
Kan pathum chuan kan nui ta vak vak a, keipawn keimah leh keimah pawh hetia ka awm tak thut avang hian mak ka in ti ve tho. Ngaihzawng nei ve ta ila ngaihzawng nei chi ka ni dawn lo a nih hi. Ka thikthu chhiat avang hian kan in then ngun ngawt in ka ring.
.
Class room kan luh chuan Francis a pawh a lo thu ve ta ran mai. Mahse nula ho nen an lo nui uar uar a melh pawh min melh lo. Mahse ka tan chuan hlimna ni ringawt ka mood off pawh ka a in on chiang khawp mai. Jordan nen chuan an in zui phei a kan seat ah chuan kan thu dun a kan thiante pahnih lah annlo thleng a an ri nghal char char bawk a mood chu a fuh loh thei tawh lo. Lal The Hota te pahnih vang pawh ni hran lo Francis vang hrim hrim pawn nuam ka ti leh tawh hle mai.
.
Chhun chawlh lai in ka usiampuii bul ah tiffin ka pai loh avang in ka va ei pui a. Class a ka let leh chuan Francis a chu a bag chawp in ka hmu leh tawh miahlo. Jordan a ka zawt ngam chiah silo va midang lah in engmah an sawi bawk silova ka thu ngawi ve ta reng a.
.
" Nang hi chawhma lam khan i mood a that teh reng nen ti nge chaw hnu lam hi i va....lo ve a. I usiampui in Ngawisa alo pai ami a ?"
Jordan a min nuih sun sun chung chuan a tia.
.
Ka chhanglo hrim hrim ka en ngai chu ka en reng a, ka rilru ah thil dang a lut thei lo. Francis a hi ka lo atchilh tak zet tawh a nih hi...a tello chuan engmah ka nih loh zia ka in hre thar a mahse a ni chuan ngaihzawng en en min ve thei silova. Ka atchilh mai pawh ni lo a duh na hi a ni tel in a lo zual zel zawk anih hi. " A mah ah hian beisei tur ka nei tawhlo ka bansan a ngai anih hi " ka ti ta a ka rilru chuan.
.
" Hei....i tawng thei lo ta thut ami "
Ka hmai a akut vai chung chuan Jordan a chuan min lo be leh a.
.
Zawimuang a hawi pah chuan
" Ha3....ngawi sa ka va ei lawk alawm male "
Nui lui tih hriat tak chuan ka nui vur vur a. Ka thinglung erawh a na in a rum mek lawi si.
.
In ah lah ka tawng tlem a ka ngui bur a ka tha hi chhuak at at reng mai ani chaw lah ka ei thei bawk silova ka cher ngei mai. Ka u mama phei chuan " Nang hi nau i pai ni lo maw " fiam thu in min ti reng mai ani. Bei sek thei bawk sia, " I nau hi hmangaihna ah a luangliam a Mipa pakhat vangin rilru na leh hreawm tak in ka awm mek a ni " tih hi han hria ula chu mak pawh min ti ta ve ang.
.
School kal mah ila Francis a hmel hmuh tur a awm bawk silo, Jordan a lah a chang in alo kal a changin alo kal lova. A chhan ka zawh lah in " kan buai lutuk a " tih bak in min chhang ngai bawk silo. Rilru khingbai in ka awm reng a hreawm tak ani.
.
Nikhat chu ka school bang bazar ah ka nu in lei tur min tih lei kawi in ka kal a. Bazar ah chuan Francis a hmu leh ila aw ka tih rilruk lai in ka hmu ta a nih chu. Ka lawm dan chu a na mai lo khawp mai mahse ka hmuh rual in mak tih na ka nei nghal. A chhan chu lukhum a khum a nidanga khum ngailo leh khawlum lai lai a lukhum lum a khum kha mak ka ti a ni. A mah chuan min hmu lo a lan thei chhung ka en a mi dawr kawt atang chuan. A kal pui nu pawh zawh leh chuan ngai tawh lo hman ni a Thingpui dawr a ka hmuh nu bawk kha ni. A chiang ta e keichu min duh ve lovin a nau thi ta ang bak in min ngailo tak zet a nih hi. Ruah a la sur teuh zui leh nghal a hit love.
.
In ka thlen chuan ka nu in min lo ko nghal a, mahse ka room ah ka lut san daih a. Ka inthlak mek lai chuan ka umam an min lo koh leh tak ah chuan ka inthlak zo va ka va chhuak a. Tu nge ka hmuh hi engtin nge kan in te hi alo hriat theih.
.
" Ti nge a min hmu peihlo ami a in in a ka lo kal vang hian i lung awi chiah na nge a "
Jordan a min lo ti nghal bawrh bawrh a nui vur vur chung chuan. Mak ka ti lo thei lo engvang a lo kal nge a ni a engtia kan in lam lam a lo kal nge anih ang le.
.
" He2....bazar ah ka kal a ka tawlh thlu a chuvang alawm. Enge i lo tih ve dawn mial a khawilam thlichhia in nge lo chhem lut che a "
A bul a va thut pah chuan ka ti ve nghal bawrh bawrh a.
.
Ka chhungte an awm ve cang chuan ka room alam ah inkawm tur in kan in zui lut ta a. Thian sa thliah mai kan nih vangin ka chhungte chuan min ring hle ani. Jordan chuan pawn a chhuah a rawt leh tak thut avang chuan ruahsur hnuai ah chuan kan in zui chhuak leh hnak hnak a. Hmun fianrial deuh va min kal pui a rin aiin a nuam phian mai.
.
" Angela, ka lo kal vang leh min hmuh avang hian i lung awi lo tih ka hre ve reng ania aw "
Ka awmna hmun en kual pah chuan a tia
.
" Awi awmlo chu teh, engvang ngawt chuan nge ka thinrim ngawt ang le. Ka hmu thut che sia ka ham haih em alawm. Bakah kan in ah vawikhat mah ilo la kal silova "
Nuih tlawn chung chuan ka chhang ve nghal vat a.
.
Ka bul ah chuan alo ding a min en leh veng veng thin a, kei erawh chuan ka Ruahhliap ka khawih a ka mit sir in min en tih ka hre thei tho a ni.
.
" Angela, ka thu hrilh tur che hian a thawng viau ang che tih chu ka hria a. Mahse hrilh lo theilo che dinhmun ah ka ding ta si lova. Engmah hre lo ca he tia i lo awm ve reng leh i cher zia ka hmuh hian ka hmu thei bik lo che a ni. Francis a kha a thisen a Cancer avang a nia school pawh a lo kal tawhloh na chhan kha. Chuan nangmah hi a hmangaih che in a duh em em che a, nau ang a a en tlat na chhan che pawh kha nia. Hmanzan a nu thi zan khan engkim hrilh che a hmangaih zia che hrilh che kha a duh a mahse Pathian rem ruat aniang nge a nu khan vanduai na atawk na ta lang ah hrilh lo che khan a awm ta a. A nu chhet sual chhan pawh kha Francis a chanchin a hriat vang khan a nia ......tichuan Francis a hi a nu fapa neih chhun leh neih hlut ber a nih ve tawh vang khan a fanu lah in a boral san tawh bawk sia a tuar em vang kha nia.
A HAN CHAWL DEUH VA .....keichuan ka thu hriat avang chuan tawng tur nge tha tur nge lawm tur tih pawh hre lovin nihliap chu ka vuan a ruah lo thla chu ka thlir reng a.
.
" Angela, Francis a khan a natna kha alo zep rei em tin ni a nu khan a room ah hmu lo ta se hre miahlovin ti khan amah te in alo tuar ngat ngat dawn ta chu nia. In school a lut tur hi ka ni lova mahse a mah Francis a min sawm ngawrh em avangin ka lo lut a sin....a chhan chu nangmah veng tur che hian min duh avangin a ni ka lo luh. Ka thianpa hian in school a i lo luh tan tirh a tang khan a lo hmangaih che in a lo duh ve daih tawh che a. A nau kha chu a chhuan lam mai mai nih kha mah a nau chanchin a sawi kha chu thu dik a ni.
.
Chuan hman ni a thingpui dawr a kan hmu a lo kal pui kha A Doctor bik a nia i thik a a mah i hlat theih nan a ti ve mai mai che a nih kha. Tun ah hian a chau zual deuh va alam alam che a chuvang a lo kal chu ka nia. I thei chuan min zui ta che "
.
A tawng pawh ka hre tawhlo chhuat ah chuan ka thu sawp nuai a ruah sur pawh ka pawisa thei tawh lo ka awm ka chum a ka tap hlei theiloh vang chuan. Ka lo va han mawl tak em eng ang hmeichhia nge maw ka nih le. Min hmangaih tu leh ka nat pawh min phal sak lo tu natna in a ei chhiat mek pawh hre lovin engtia rei nge ka lo awm tawh. Ka thin ah chuan min hnaw tu awm ang mai hian ka awm chu a awm a. Ka rilru na leh hreawm ti lutuk vang a niang ka tah a chhuak si ka tap tha thei bawk silo a va hreawm tak em.
.
Jordan a chuan ka nihliap chuan amin lo zawn a thu chung chuan. A thiam ang tawk in min hnem ve ngei alawm mahse awm zia a nei chuanlo.
.
" Tun ah khawiah nge Mimawlpa chu a awm ? "
Tap pur chung si thinrim awki chung chuan ka zawt a.
.
An in ah a awm thu min hrilh hnu chuan min hruai tur in ka ti nghal a. Ka huh vek a chupawh pawisa thei ka ni tawhlo ruah chu ka do ta zawk a. A chhan chu ka mipa ngainat ber leh duh ber in natna khum ah min mamawh avang in a rum mek si a. Ka tap bawk nen ruah do chu ka thlang ta zawk a tuman ka tap tih an hre dawn lova. khawilai ah chuan ka kal a mîn min lo en duh hlawm rap ka hnungah nihliap khum lova min zui tu Jordan a nen chuan.
.
Francis a te in kan thlen chuan in chhungah kan lut nghal a huh hnuang chung chuan. Bathroom min khawh hmuh a chuan ka inthlak na tur an awmpui te a lak tir a Jordan a chuan. Francis a u apa fanu bik te zing ami kawr chu min lo pe a ka hak zawh chuan Francis a room lam chu kan pan ta nghal a.
.
" Angela, thil pakhat chiah ka ngen ang che. Ka thianpa hma ah chuan i mittui ti tla lo hram ang che aw. I tan insum har dawn tih chu ka hria a mahse inti pachang hram ang che aw...tikhan va lut tawh rawh le. Alo nghak reng tawh che "
Kawngka chu min hawn sak a ka luh san nghal a.
.
Francis a room ah chuan ka lut nghal a, khum a chau tih hriat tak leh cher dang bem mai leh mit khur thuk tak chung a thei leh theilova min lo nuih hram hram hmel ka hmuh chuan ka insum theih na in a tlin dawnlo. Ka nuih let ve thei thlawtlo ka tap mai dawn a ka inhriat avang chuan chhuah leh mai ka tum a. Mahse kawngka ah Jordan a chu alo ding a min hmuh tak ah chuan ka awm dan a dik lo tih a hria nge ni min lo pan nghal vat a. Ka insum thei nganglo ani mahse ka awm dan chu Jordan a chuan min lo thup mawi sak hram a.
.
" Angela, ka tih reng che kha. Putar khum a mu bak i hmu lo ang ka tih kha i awilo vel anih kha "
A lo tih tak ah chuan ka tah nuih chiang ngei mai. A sawi awm ang ve lutuk a a cher chhia in a lu a kawng mal bawk sia putar pawh a ang ve lek lek.
.
" Ha3, a tak a ka hmuh ngei loh chuan ka awi ve mai mai ngai leu...a ni lawm ni Francis ? "
Ka mittui chu ka hru zauh va a khum lam chu ka pan nghal a.
.
" Nih chiah e, Jordan hi chu a ngeiawm thei a nia. A damloh ve hun chu a hre mai ang "
Thei leh theilo chuan alo ti ve a.
.
A khum bul ah chuan ka thu a a chal ah chuan ka dawm a ka taui sak bawk a achangin. Ka bul a awm vang nge ni a thlamuang tlat a hriat na ka nei a amuthil tui lai hmel hmuh chu hreawm mahse ka hmu rei thei dawn tawh silova. Ka chhungte chu Jordan a khan engkim a bul atanga tawp thleng in alo hrilh sa vek tawh ani.
.
Chaw ei tur min lo pe thlap a Jordan a chuan....Francis a muthilh avang chuan ka ei ve nghal sawk sawk a. Ka ei chhungte chuan min lo kal san ang tih ka hlau khawp mai. Zan lai ah chuan a thawk a rawn buai tan ta a, a awm ah te an han chum leh rih thin awmzia a nei tlem khawp mai. An beidawn hnu ah keiman a chungah ka thu a a awm ah chuan ka chum ta vak vak a....chutia ka tih chuan tlem in a marphu alo awm leh ta ka va han lawm tak em. Ka chhuk thla a abul ah chuan ka thu a
.
" Francis....ka thil hrilh tur che hi ka hrilh hma che chu ila kal theilo. Nangpawn thu hrilh duh min neih kha "
Tap insum tak chung chuan ka tia ka insum theilo bathroom ah ka tlan lut nghal a ka tap ta vak a.
.
Ka chhuah leh chuan Oxygen nen an lo ti rup tawh a, a bul ah chuan ka va thu leh a a kut chu ka hum sak a. Lumna tlem te bak a nei tawh lo emaw tih mai tur a ni. Amah lah chu a dang in thlarau ang mai a ni tawh.
.
Zing lam ah chuan oxygen pawh pek a ngai tawh lova, a tha ang reng hle. Kan pahnih te chuan kan in awm leh chawt a. School pawh ka kal peihlo a bul ah hian a chatthlak hma chu ka kal san thei lo a ni.
.
" Francis, ti nge engmah min hrilh ve lova. Chuan maw min hmangaih ang bawk khan ka hmangaih che asin. Nang aia nasa in ka hmangaih che. I dam leh a nga kan naupang viau na kan innei dawn nia aw "
A kut hum sak chung chuan ka be char char a. A ni chu tawng pawh a tawng ve tawhlo min en ngawih ngawih mai. A mit atangin mittui alo luang a ka lo hruk fai sak duat tak in. Ka insum thei lo tep tawh mahse keimah zawk tal hi pangai tak a ka awm a ngai si a.
.
Chhun a ni a theitui a duh ber chu fiante in ka tulh ve a....thei leh theilovin min lo nuih phei chuan ka insum theih na in a tlin lo lek lek thin. Tlai lam ah chuan a thawk a buai leh ta engtiang pawn han ti mah ila awmzia a nei ta lo. Tun ah chuan Famkhua a lawi ta.....
.
Francis a boral atang a thlakhat na chiah chiah a school kal leh thei chauh va, ka tuar em avangin school pawh kal thei lovin pawn pawh chhuak lovin in ah ka tawm tawp mai a ni.
.
" Angela, kan lo lawm a che. I lo kal theih hun hi kan lo nghak hlel tawh teh asin "
Thakima chuan a lo ti bawrh bawrh a. Jordan a pawh a thianpa awmloh tak ah chuan school a lo la kal bik lo a niang ka school tan ni pawn ka hmu bik lova. Mahse kan school ban in kan in peng ah Francis a bike nen min lo nghak a.
.
" Ti nge i lo school lo va "
Kan ti nghal tawp a sawi tur hre hek lo.
.
" Nia, ka thianpa ber a awm tawh silova school lo kal pawh ka chak vak tawhlo. Tak a hei i ta tur nia nangman ti hian tha tak in ilo en kawl dawn nia. Tun ah chuan ven i ngai tawhlo bawk a keipawh phailam ah ka awmbo daih ang. Kan inhmuh leh hun chuan he thil hi ka lo kawl chhawk ve tawh ang che "
Nui sun sun chung chuan a thil ken chu min pe a. A bike chu a ti nung a min kalsan leh nghal a.
.
In ka thlen chuan ka room ah ka lut tlang nghal a. Francis thil min pek chu ka han hawng chu box te fel et mai leh pheikhawk dahna box a tuam mawi hi a lo nia. Box lian zawk chu ka han hawng a ka thlalak ka lam na te, kan sport lai vel a ka thlalak te, ka hmai leh ban ka hnawih eng duai lai te alo awm teuh a nih chu. Mak ka ti ngei mai a nau hmeichhe thlalak pawh pakhat alo awm ve a kan lo in ang ve tak em a nih hi ka tia keimah te chuan ka nui vur vur a. A mawnglam ah chuan rawmawl var a tuam paper pahnih uluk tak a thleh hi alo infun a. Kan en chiang chuan thu a lo inzial nual mai.
.
.....
" He khawvel ah hian mi pangai tak in ka lo piang ve a, nau ka nei ve a mahse mi chheih nawmnah na tuar zo lovin a nunna mahni lak duh hial khawp in a lo awm phah a. Ka nau chuan van ah min kal san tawh a ni. Mahse kum khat erawr hnu ah ka nau ang chiah kha ka hmu leh ta. Ka hlim na hi a alo let leh ta ni ber in ka hria. A mah lah chu a hmeltha in afel a mahse ka be ngam ngailo. Mi in an chheih chuan ka tan in ka chhan ve thung. Ka nau kha ka chhan theih loh vangin khatiang khan a awm kha nia. A ni leh zel hi ka chan phal lo a ni ka venghim tlat ang.
.
Ka nau en a en hi ka hmangaih tawh zawk in ka hria. A ni lah in min lo star ve bawk a ka duh thu hi ka hrilh ang nge hrilh lo ang aw..... " Mi tan chuan belmang a dum ni mah la, kei ka tan chuan Vantirhkoh ang i ni asin "
.
Vawin chuan ka hrilh tak tak tawh ang ka tia ka ngam leh thlawlo a ni e. Mipa tam tak hian engtin nge an hmeichhe duh te hian an hrilh nghal thei zel le.
.
Vawin chu ka rilru a hah in a na tak zet a ni.....he ka natna vang hian ka mi hmangaih hi ka kal san a ngai dawn ta si. Naktuk zan ah ka duh thu ka hrilh ang ka ti ve sin le. Tun ah chuan mithi mai ka ni tawh si a...
.
Tih hi alo inziak a, ka chhiar lai te chuan ka tap nasa mai ka mittui hi hruk sen loh a tla a ni. Hetia a awm hi ka lo hre har lutuk hi a pawi ka ti tawp theilo a ni.
.
Kum 5 hnu ah chuan Jordan a pawh alo haw ve ta...keipawh ka lo nula ve uai tawh a. A lo haw zeuh zeuh thin mahse min lo tlawh ve duh tlat loh vangin kan inhmuh ve theilo a ni. Ka ngaih ve teh reng nen a sual ngei mai.
.
" Vanlal inti thei pa, engtik nge i lo thlen a ? "
Ka hmu chuan ka lo ti nghal vat a amah chu ka chum vak vak a.
.
" Hmmm, i hriat ve zel ten i hre ve vek a nga sin "
Min nuih vur vur chung chuan a tia.
.
" I va han chhe mai mai tak. Francis a thlan ah ka kal dawn a sin. Vawin hi a birthday a nia pangpar dah pah in card ka zuk dah teh ang ka tia min lo zui ve la. Tlawh pawh i tlawh ngailoh kha min hrilh vek Jordan a hi ti nge a lo kal ve ngailova a lo tih ziah nia ka thlan a ka kal apiang in "
Nui chung chuan ka ti ve leh a. Chutia a rem chan tak ah chuan kan pahnih chuan Francis a thlan lam ah chuan kan inzui ta a.
.
Thlan kan thlen chuan ka insum leh theilo Jordan a awm ve vang nge pawh ka hre lo ka tap leh ta nge nge a. Jordan a phawt a mittui a hru ve zuk mai a thianpa thlan kan thlen hnu chuan. Kan in hnem tawn a ni ber mai tlai ah chuan Jordan a chuan haw a rawt a Francis a chu ka mangtha a kan pahnih chuan kan inzui haw leh ta aaaa
.
.
.
THE END
THE END
THE END