Israel spy te chet dan True Story (Mizo)
Posted: June 23rd, 2025, 10:40 am
OPERATION HARBOR
“By way of deception, Thou shalt make war”
1985:
Nipui laiin Muammar Gaddafi chu Libya ram President a rawn ni a. Mi duham leh chapo zet mai anih avangin Europe leh khawthlang lam ramte chuan an duhlo hle ani. Hetih lai hian America ramah chuan President ah Ronal Reagan a awm a. Libya nen hian an in hal hle ani. Muammar Gaddafi hian China ram atangin Nuclear ralthuam chi hrang hrang, Atom Bomb thlengin lei a tum a. Mahse an scientist ten an khawih thiam silova. Chulovah khawvel sawrkar ropui leh lian tak tak, America, England, France, German leh Canada te chuan an ngaithiam lo hle a. China ram hnenah chuan Muammar Gaddafi hnena ralthuam hlauhawm hralh lo turin an ngen ve reng bawk si. Libya rama mi pawimawh tam takin an lo sawisel ve bawk nen; ralthuam hlauhawm zawng a lei ta lo nge nge a ni.
Libya ram hi mahni intodelh ve tawk tak mai ani a. Israel ram hmelma langsar ber mai, Palestinian Liberation Organization (P.L.O) hruaitu Yaasar Arafat hi a duhsak em em a. P.L.O inenkawl nan sum leh pai pawh an pe hnem hle a. Chuvang chuan Israel tan chuan Libya President Muammar Gaddafi chu mi ngeiawm tak a tling pha ta tlat mai.
Israel sipai tha bik, Mossad ho chuan, P.L.O leh Russia sawrkar inbiakna hria in ralthuam chi hrang hrang Russia atangin an chaw lut dawn tih an lo hria a. An beng a verh hle mai. Chung ralthuam thate chu P.L.O in duhtawka an hman theih vaih chuan Israel tan a tawrhhlelhawm hle dawn tih an hriat avangin Mossad ho chuan an vei hle mai a. Pamtultir dan ngawt an zawng ta a ni. Libya mite hi an ram pawn lama hnathawk leh sumdawnga chhuak an tlem hle a. Chuvangin Mossad ho chuan an tana thawk tur Agent awm ang mihring an van hle a; an ram chhungah an luhchilh mai ngam bik bawk silo, mahse agent tur an chhui fuh ngei a ngai bawk si.
Libya hian lawngchawlhna lian tak tak pahnih, Tripoli leh Benghazi ah an nei a. Tin, heng lawng kal velna Mediterranean tuipui hi Israel te hian an thlithlai uluk hle reng a. Henga lawng kal vel tam ber chu Egypt, Morocco, Tunisia leh Algeria ta an ni a. Heng ramte hi Israel chuan a hmelhriat tha tawk viau a, mahse Libya nen hi chuan Ui leh KEL thlun pawlh ang hlauh an ni thung. Libya hian Naval Force an nei tha viau mai a. Russia siam Sub-Marine te pawh an nei naa, an inrelbawl dan erawh a tha vak tlat lo thung. An lawng che vel enthlak nan Sicily ah ngaihthlak rukna (Listening Station) an dah a. He khawl hi Italy ram pawhin an hmang tangkai ve hle a ni.
Hetih hun lai hian Africa ram pahnih Central African Republic leh Chad te chuan Libya ne ramri buai an nei hlauh mai a. Chu tak chu Mossad ho chuan hman tangkai an tum ta a ni. Libya rama lawng chawlhna Tripoli leh Benghazi atanga lawng lut leh chhuak zawng zawngte, eng ang bungrua nge an phurh luh a an phurh chhuah tih te, eng hunah nge lawng chawlh hmun an chhuahsana eng hunah nge an lo luh tih te chu an hre thei mai a. An hriat duh ber mai P.L.O ta tur ralthuam chi hrang hrang phurtu chu eng ram lawng nge tih leh eng hunah nge a lo luh anga eng hunah nge a chhuah ang tih erawh an hrethei mai bik tlat lo. Radar hmangin lawng lut leh chhuak zawng zawng thlalak an han tum a. Mahse tlangsang leh tuifawn nasa lutukin a tibuai hneh hle mai bawk si. A rintlak ta tlat loh.
An han chik meuh chuan U.S. 6th fleet, Russian Fleet leh sumdawng lawng chi hrang hrang an vei sup sup mai si a. A khawi lawng berin nge P.L.O ta tur ralthuam chu phur ang tih an hriat tak tlat loh avangin tih dan tur dang pawh an dap nasa hle a ni. Chutih lai chuan, Arab chanchinbu pakhat Afrique-Asia ah chuan, Tripoli ah Harbor reporter pakhat a awm tih an hmu fuh ta a, chu chu hman tangkai an tum ta ringawt mai ani. Chu reporter chu France ram khawpui Paris atangin phone a biak pawh phawt an tum ta a, hemi tur hian Paris khawpuia awm Mossad agent pakhat chu an ruat ta ani. Reporter an tih hi mi fimkhur tak leh dilchhut mi te a lo nih palh hlauh takin tiin a betu atan pawh Mossad agent zinga sang ber chi “KATSA” ngat ni se an ti a. Agent Menachem chu an ruat ta ani. He inbiakna hi Menachem chauh hian a ngaithla dawn lo a. An mi biak chu eng ang mizia nge a nih tih an hriat a tul miau avangin, an inbiakna lo ngaithla ve vek turin rilru lam hre mi (psychiatrist) Gidon a chu an ruat bawk a. An in biakna tur phone chu an buatsaih fel vek a. Israel khawpui Tel-Aviv atangin an bia ang. Mahse a be tu hian tu nge a nih leh khawi atanga lo bia nge a nih a thup tlat angaih avangin, Paris khawpui atanga bia ang vekin a lang tur a ni. Tawngkam khat chheh sual pawh thianglo a ni tlat.
Engemaw ti tiin Tripoli Harbor phone number chu an nei thei mai a. Menachem chuan a han phone a, French tawng a hmang a, a lo chhangtu chuan French tawng a thiamloh avangin English in a han be zui a. Chu pa chuan biak thui hlau awm tak hian an hotupa be turin a hrilh vat a. Chu chu remchangah hmangin an hotupa hming chu a han zawt nghal a. Katsa Menachem chuan darkar chanve hnu velah a han be leh a, ‘Harbor Incharge ka be duh a’, a ti a. Phone lo chhangtu chuan,’Enge tanpui theihna che ka nei em ? tiin hawihhawm takin a lo chhang a. Menachem chuan, “Insurance Investigator ka ni a,. French Underwriting Company aiawh ka ni a. Lawng lo thlengte kha repair ngai a awm fova, a chang phei chuan a bo tawk te pawh an lo awm thin a. Lawng neituten Insurance pawisa an rawn phut thin a, amaherawh chu khati lamah khan kan aiawhtu kan nei silo a, puitu kan mamawh khawp mai,. Thil thlen dan hriatchian kan duh ve thin si a.” a ti a. A lo chhangtu chuan, “Engnge hriatchian in duh chu? Tiin a lo zawt let a. Katsa chuan “Lawng an repair tak tak emaw a bo tak tak emaw hriat kan duh a. Chu chu kan Company tan hian a pawimawh khawp mai a. Pawisa senso a tam tham si a, chuvangin puitu kan duh a. Chutianga min pui theitu tur mi pakhat min kawhhmuh tur in neih chuan kan lawm hle ang. Lawmman pawh kan pe tha tawk viau ang” a ti a. A chhangtu chuan, “Ka tanpui theih che u ka va ring em. Chutiang chu ka hriat theih zawng tak a nia lawm. Sumdawng lawng na na na chu ka hre thei vek ang. Mahse Sipai lawng ho chu a huam thei lovang” a ti a. Katsa chuan, “Sipai lawng lam kha chu keini pawhin kan huam tel lovang. Company ah Insurance fee an pe ve silova” a ti a. Minute 15 lai an in bia a, an inbiak lai chuan lawng paruk lai a lang thei a. Chumi zinga P.L.O lawng chu an repair mek a. Katsa chuan a chhangtu chu a address a zawt a , lawmman a thawn nghal dawn tih a hrilh bawk a. A lo chhangtu chuan Harbor Master a nih thu te hrilhin inbe lehzel turin an in thlah ta ani.
Katsa Menachem leh Gidon chuan an inbiakna chu an han chhut let a, lungawithlak hlein an hria a. Chu pa chu mi rintlak leh an tana mi tangkai tak a nih pawh an ring hle ani. Hlawh neiin mi an ruai ta chu a ni ta phawt a. An mi rawih lah chuan a ruaitu dik tak lah chu a hre der silo. Lawmman atan pawisa a dawn takah phei chuan a lawm hle ringawt tawh mai a ni. Mossad ho chu an han in hmukhawm a. Insurance Company anga an inchhal avanginin lehkha pawimawwh chi hrang hrang leh letter-head leh Trade-mark te chu an han ruahman fel vek a. Chung an lehkha pawimawh siam te chu Harbor Master hnenah chuan an thawn ta a. Harbor Master chuan an dan bu leh thawhdan an ziahna te chu a chhiar ve tak naa, a awmzia erawh a hre thui lo kher mai.
Harbor Master an biak leh hma chuan Katsa chuan, an inchhal ang ngeiin office tak tak a siam a. Secretary leh phone number te pawh a nei ve vek a. Kar li hnuah chuan an inbe leh ta a. Harbor Master chu a thatho hle mai a. Amaherawhchu an company kal hmang a hriat thiam vak loh thu te chu a lo hrilh a. Tangkai zawk a thawh a duh thu te pawh chu a sawi tel nghal bawk a. Katsa chuan “ Ka hrethiam a lawm. Chhiar ringawt hi chuan hriat thiam te hi a har thin a. Inhrilhfiah erawh chuan thriat thiam harsa lo tak a ni. Anihlohleh, engtikah nge chawlh i neih thieh ang? “ a ti a. Harbor Master chuan, “Kar thum hnuah ka nei thei ang” tiin a chhang a. “A va tihzia em! Phone mai hi chuan sawifiah a har si a. france ah lokal la, kal man chu Company in a tum mai ang, ticket kan rawn thawn ang che. I tangkai viau dawn e. Hnathawh pahin kan ramah nuam i rawn chen ve dawn nia. Kan lo nghak reng dawn che nia” a ti a. Harbor Master chu a lawmin a phur hle mai a. Karthum a liam leh chuan France ramah chuan a zin ta ngei a. Katsa cleh a secretary chuan Airport ah an lo hmuak a. Hotel nuam takah an thlentir a. Zan lamah chuan Club ah te kal hoin an leng khawthawng a. Thu pawimawh chu a tuk lama sawiah an khek a, zan rei fe hnu chuan tui takin an mu ta a.
A tukah chuan an Office phuahchawpah chuan an kalpui a. Company chief leh katsa chuan duhtawkin an kawm a, an company kalhmangte chu an hrilhfiah a. Tripoli lawng chawlh hmuna lawng lut leh chhuak tlangpuite chu an zawt a. Tu ram lawng nge tih te, enge an phurh tam ber tih te leh lawng chawlh hmun awmdan hmang te chu an zawt chipchiar hle mai a. an hriat duh ber P.L.O lawng chanchin erawh an la zawt mai ngam lo. An mikhual pa chu an chik hle a. Ngam taka khawi phawt a, lipse an tum hle a ni.
A tukah chuan Katsa Menachem leh secretary chu an han in rawn a. An mikhual duhawm tak rilru kalhmang leh mizia chu an sawi dun malh malh a; mahse an duih angin an hre chiang thei tlat lo. Chuvangin rilru lam dek thiam bik riau gidon chu an pun vat a ngai ta ani. Chhunah chuan Harbor Master chu an va hruai chhuak a. Restaurant nuam takah chhun chaw an eipui a. An zingah chuan Gidon chu Company hnuaia thawk ve tur tho angin a awm a. Harbor Master nen chuan in hmelhriattirna te an han nei a. Gidon chu German mi Egypt rama piang seilian angin a insawi a. Chaw ei pah chuan Katsa chuan an Comp[any kalhmang te chu a hrilh mawlh mawlh a, an hriat tur tul zawng zawng chu zawh belh ngailo hial khawpin an sawi fiah a. Tlai llamah chuan khawpui chhung len velna turin hun thawl tak an pe a. Secretary nula zei zet mai chuan a lenpui vel a. Company chungchang chu engmah an sawi ri leh ta lo. Paris kawtthler mawi tak mai 750014 Rue des Thermoplyes chu mawi an ti tlang hle.
Gidon chuan zanriah kilpui atan a sawm ta a. Secretary nula erawh chuan chhuanlam siamin a hnial a, mikhual pahnih te chuan zanriah chu a n kil dun ta a-
Gidon : Hei kan in hmelhriat ta a a lawmawm khawp mai. An Company hi a lian bawk a, hlawh pawh min pek that viau hi a.
Harbor Master : A ni ngawt mai. Ka tan pawh a remchang khawp asin. Ka hnathawh pangngai buai miah lova hlawh min pek hi kan khawsak a awl phah dawn khawp mai.
Gidon : In ram pawh in khawsak a changkangin a nuam viau a ni lawm ni?
Harbor Master: Nuam hran lo ve; Sawrkar thu hnuaia kun duhlo tawk hi an tam khawp a, mahni sa himna turin ui tak chungin chhiah chuang liam kan thawh reng mai ani.
Gidon : Chutiang buaina te in lo nei ve a ni maw? Keipawh chhiah dik tak bak pek hi ka kham khawp mai.
Harbor Master: Kan Sawrkar hian P.L.O ho hi a khawi ngam tlat mai a. A ruk tak chuan mipuite pawh hian kan ning tawh khawp mai.
Gidon : P.L.O mi leh sa te chu in hrehrang thei mai em ni?
Harbor Master: An inthup lemlo a. Hriat hran te chu thil harsa vak va ni suh.
Gidon : Europe ah pawh hian a ruk arala che chi hi an tam khawp a, sawrkar hian a hupbet zo bik silo a. A ralmuang vak lo a nih hi. Paris ah pawh hian Papa Group hian thil an ti thei khawp mai.
Harbor Master: Papa Group chanchin chu ka lo la hre ve ngai miah hleinem!
Gidon : Anih leh ‘Carlos the Jackal’ tih hi I hre ngai em?
Harbor Master: Hre ve tawh e. Chanchin tuihnai lo tak tak pawh a nei nualin ka hria!
Gidon : Ni e. He pa hi Papa Group nen hian an thu a rual thei khawp mai a. An duhzawngah chuan an tlang parh zel mai ni. Ti teh, club lamah te va kal ve teh ang hmiang. Zan a rei tan dawn tawh bawk a, intihhlim te pawh a chak awm ve a lawm le.
Harbor Master : Kei chu mut mai pawh ka lo hnial vak tawh lo asin. Ka ipte hi a muk vak bawk silo a....
Tiin a nui huah huah a...
Gare des mines kawtthler bula club pakhat ‘La Bellevilloise’ ah chuan an lut ve ta tho a. Chutah chuan nulate chu saruak lek lek hian an lo lam suau suau hlawm a. Eng lah chu a chuai ruih mai bawk nen, music hot angreng tak hi a ri tlut tlut bawk a.
Harbor Master chezia chu Gidon chuan chik takin a chhut ru nauh nauh a. Pa khawsak awlsam tak a nilo tih chu a hre thei mai a. Mi kawm nuam tak, fiamthu duh ve tak niin a hria a. Chutah nula nalh tak tak lam en pah chuan Harbor Master chuan, “Kan Company chuan thawk paha Paris khawpuia nuam chen turin min sawm a, ka va la duhtawk lo deuh ve mawle. Hun lah ka la ngah si a, han haw mai chu a uihawm dawn khawp mai a” a ti ta phawng mai a. Chu chuan a duh zawng a la hmu kimlo tih a ti lang chiang ta hle mai.
A tuk zingah chuan Gidon chuan Katsa leh secretary chu a ko vat a, a thil chhui chhuah zawng zawng chu a hrilh ta vek a. Harbor Master chu pawisa an pek that phawt chuan engpawh a tihtir theih mai ang tiin a sawi a. Hmeichhe lam an hman ngei a ngaih tur thu a hrilh tel nghal a.
Tlai lam dar 7 velah chuan, Harbor Master leh Gidon chu, Gidon a awmna pindan nuam tak maiah chuan an in kawm a. Chutih lai chuan kawngkhar chu a rawn in kik karh karh a, Gidon chuan a lo hawn thuai a. Hmeichhe duhawm zet mai chuan, “ Ka tlai lovang chu maw? Hun tiam pelh hi ka hreh viau a nia,” tiin a sana bih pahin a rawn nui lut seih a. Gidon chuan, “Tlai lo ve, a hun takah I lo thleng a nih hi, my dear, hei kan mi pawimawh pawh a lo thu fel chauh a nih hi, ani hi kan Harbor Master a nia,” tiin a han in hmelhriattir a. Hmeichhia chuan zah takin a han melh a, Harbor Master pawh chu a ding nghal vat a. Hmeichhia chuan, “Jane tiin min ko dawn nia” tiin no fahran hian a han chibai a.
An titi tan dawn chauh tih chuan Phone chu a rawn ri ral ral a, Gidon chuan a lo la vat a. Company chief a lo ni a, Gidon chu a zan la la a Genoa khawpui pana thlawk chhuak turin a rawn ngen hi a lo ni a. Gidon tan chuan hnial chi a ni ta tlat lo, Chief meuhin a rawn ngen a ni ta si a. Pawi tih hmel takin a inlengte chu a hrilh a, Jane-i chuan a hrethiam mai a, vawi tam tak an lo tih thin tawh a ni miau va. Harbor Master erawh chuan engmah a hrethiam ve lemlo, a tak emaw a ti vek mai ni.
Gidon chuan a suitcase chu a khai a, Harbor Master chu gate thlengin a in thlah tir a, kal pah chuan, “A pawi ngawt mai, hun dangah kan la inkawm leh mai aniang chu. Hmeichhia khan a lo kawm hlim thiam ang che chu maw?” tiin an inthlah ta a.
Harbor Master chu room lamah a let leh vat a, a zam hle mai a. Chu chu hmeichhia chuan a hmuh thelh lo chiang hle mai. Hmeichhia chu naupan hmel vak lo va, a rawn inchei uluk hlein a lang bawk.
Jane : Kei pawh he company a thawk ve tho ka nia lawm.
Harbor Master : A ni maw! Min ti bengvartu atan I that hle dawn chu.
Jane : Kan Boss khan kan duh ang ang sawi phalna min pe alawm tih pahin a nui seih a. I chanchin pawh ka la hre ve silo va, Company ah hian I thawk rei ve tawh em?
Harbor Master : Rei lo ve, hna kalhmang zir turin ka lo kal chauh a la ni.
Jane : Chu, I duh angin an zirtir tawh che em?
Harbor Master : Zirtir tawh e. Mahse lawng zawng zawng lo chik chu a hautak phian ang...
Jane : Lawng zawng zawng a tul kher dawn em ni? Sumdawng lawng hi a ni deuh bik ang a. Chung zingah pawh chuan sawrkar phal loh chi phurh ruk ching te hi endik an ngai alawm. Tawhsual tawh palh a sam bik tlat. Tawhsual an tawhin an pawisa phut a sang thei si a, company hlawkna an tikiam vak vak thin si a.
Harbor Master : A ni dawn tak e. Lawmman dawn tur awm lo lekin company hian a tlakchhiat phah mai ang a, tiin a nui kur kur a.
Jane : Chutiang zawng chuan a hlauhawm lovang, Company hi a lianin a hlawk bawk a. Mahse Tripoli-ah te chuan Navy lawng leh sumdawng pangngai nilo, sawrkar ngaihmawh zawng phurh ruk chingte chu an lo kal vak nang .
Harbor Master : Ngai the kher e a. P.L.O mi leh sate hi an veivak nasa a; an ralthuamte pawh hi ramdang siam vek ani lehnghal a. A ruka an phurh luh vek a ni ngei ang.
P.L.O a han lam rik takah chuan Jane-i beng a verh ta zar mai le. Mahse a inthup thiam em a engmah chu a ti lang lemlo thung.
Jane : P.L.O tih vel te maw?
Harbor Master : Ni e, lawng hian an veivak nasa a, bungraw phurh luh leh phurh chhuah hi an ngah khawp asin.
Jane : P.L.O te chuan lawng te an nei a maw?
Harbor Master : Lawng tak chu an nei chiah lo. Mahse hman deuh bik hi an nei thin a.
Jane : I hna chu I tlin viau dawn chu, thil I hre e mai.
Harbor Master : Lawng lam hi chu ka hna lam te a ni bawk a, chuvang zawk chu a nia.
Jane : Company pawhin an chhar fuh hle che a nih chu.
Harbor Master : Thawh that viau pawh ka beisei khawp asin.
Jane : A ni maw?
Champagne 1914 ngat mai chu Jane-i chuan an thlit sak a, in melh zeuh zeuh pah chuan an dawm dun a. Hun tlem an kal leh deuh chuan Jane-i chu a thu duhdah sawt ta hle a, Harbor Master chuan mit la lo lek hian a melh a. Jane-i lah chuan a lo tih than tawh avangin mipa mizia chu a hre hneh tawh si. Harbor Master chuan, “French mi hi chu in duhawm ngawt mai,” an ti phawng mai a. Jane-i lah chuan, “Keimah tiamin maw?” a han ti ve nghal zat a. An in man rang kher mai. An pahnih chauhvin pindan chu an luah zankhua ta a.
Harbor Master chuan Paris khawpui chu nuam a ti hle a. A kal chhan ber pawh chu manhla a ti hle bawk a. Tripoli pan chuan a haw leh ta a. A khat tawkin Harbor Traffic chu a report reng a, lawmman lah a dawng tha bawk nen. A report zingah chuan Mossad ho ngaihven leh thil hriat tum ber mai, P.L.O ralthuam phurtu Abu Nidal lawng ngei mai chu a lo tel ta. Mossad ho pawh an phur kher mai. Chu lawng lian chuan Russia siam hlir ralthuam chi hrang hrang, anti-aircraft missiles, Grenade, Tommy-Gun, Rocket Launcher, AK-47 leh bomb tenau deuh te chu a rawn phur teuh mai a. Chung ralthuamte chu P.L.O ho hman tur ngei a ni tih an hre chiangin, him piala P.L.O ho kuta thlentir chu an tumlo nasa mai si. Tripoli lawngchawlhna hmuna a din hun tur an hre ta. A dinna lai tak leh a bul velah eng lawng leh tu lawng nge ding ve tih chenin an hre ta zel a. Harbor Master khan a hriat zawng zawng a report miau si a.
Mossad headquarter lam pawh chu “OPERATION HARBOR” beihpui thlak turin an inpeih ta. Lawng pahnih chiah chu an tum bik a ni dawn a. Hemi atan hian thla ruk lai an lo in buatsaih tawh avangin an in ring tawk hle bawk…
Kum 1985 nipui lai a ni a. Nipui hi a ral tep tawh lam a ni. SAAR-4th class- Mossad lawngte chu Tripoli lawngchawlhna lam pan chuan a tawlh chhuak ta zal zal mai le. An lo inzir hrep tawh avangin a kawng lah chu an hre bel hneh nasa mai si a. Chu Mossad lawngte chuan, Israel Commando paruk (6) chiah a phur a. Chung Commando te chu tui leh khawmual lama duh tawka che thei tura zirtirna pek vek an ni a. Vawi duailo an lo tichhin tawh bawk nen, chesual mai mai tur zawng an ni lo ani.
SAAR-4th chuan thui tawk tak a kalpui hnuah, Sub-marine chuan a rawn la chhawng leh ta a. chu Sub-Marine chu Electric hmanga tih nun a ni a. A hmel lan dan chu Indopui-2na laia fighter plane ang chiah a ni a, thlawhna ang chuan thla a nei ve lemlo thung. Chu tui hnuai lawng chhungah chuan commando te chu phur tak leh mahni inring tawk takin an thu far a. Tuipui chhungah hak chi suit an ha vek bawk a. Sub-marine chuan Tripoli lawng chawlhna hmun chu thlen ngam chi rual ani lova. Hmelma ram a ni a; an veng uluk ve hle mai si; mahse commando te chuan lawng chawlhna hmun ngei chu an thleng tur ani.
Tui chung lamah chuan grenade chu a puak dup dup reng a. A per phak chinah chuan mihring chu sawiloh, sangha tak ngial pawh an him chuanglo. Mahse Commando te chuan lawng chu an luhchilh a ngai miau si. Israel mithiamte chuan grenade laka veng thei tur kawr an lo siam thiam tlat; Commando te chu an hak tir vek a. Grenade puak si per mai mai lakah chuan an him tawk viau awm e.
Zing lam dar 1:45 ah chuan, lawng lian tak mai pakhat hian Tripoli lawngchawlhna chu an rawn pan a. A rawn hnaih viau tawh tihah chuan eng hmangin lawngchawlhna hmun chu a lo thlen thu signal hmangin a han hriattir a, a kiu ruai ruai bawk a. Lawngchawlhna hmuna lo duty te chu an lo lawm hle mai a. An tan chu lawng chuan enge a rawn phurh thlen dawn tih reng an hre hauh thung silo. Chu lawng lian tak mai mawng lam, tuipuiah chuan, an mit achin chunglam chauh langin Israel Commando paruk te chu an rawn hnai ve zel tih reng an hre silo.
Israel Commando te chu lawng lian rual chuan Tripoli lawngchawlhna hmun chu an thleng ta a. Grenade puak dup dup leh electric eng mangkheng te chuan an chet a ti buai chuang hauhlo. Pathum ve ve a inthen in, an tum tak P.L.O ralthuam phurtu lawng lian pahnih te chu an pan chat a. security force tam tak leh grenade te kaltlangin lawng chu an pan ta zal zal a. Bomb te reuh te mai puak na zet mai si, Leech mine an tih chu ralthuam phurtu lawngah chuan lungawi takin an kam ta a. Darkar hnih leh a chanve chhungin an kam fel vek a, an sub-marine chu an pan ta vang vang a.
Tihsual an nei ve ta tlat mai le! An submarine chuan oxygen a tlachham ta tlat, an battery lah chu a ral der mai si nen. Tuifinriat meuh hleuh kai tur chuan eng anga commando tha pawh nise an tlin bikin a rinawm hauh loh. Chawplehchilha remhriatna an hman a ngai ta tlat. Commando Paruk te chu hruizenin an in hlin zawm vek a, tuipui zau tak chungah chuan tha ren thei ang berin zangthal tuihleuhin an lang ta lap lap hlawm a. Nihawi par ang deuh a bialin an in siam rem a. Tumah zam lovin tui chenna thawmhnaw thiam taka hmangin tuiah chuan an lang lauh lauh mai ani.
Tuifinriat zau tak maiah chuan chung mi paruk te chu an thawl kher mai. An zam hauhlo naa chhantu erawh an ngai ani. Eng chena rei nge Chutiang chuan an awm dawn tih an hriat miau loh avangin tui chunga lang chung chuan in mut chhawk an tum ta a. Heng commando te hi Frogmen tia an sawi thin tui leh khawmual a training dawng an ni a. An tan tui chunga lang chunga han mut mai chu thil harsa a ni lemlo. Tichuan pahnih te te in an in mut chhawk ta a. An tui chenna thawmhnaw chu balloon angin an ham puar a, chu mi chungah chuan mutmu an tuah ta mai a ni.
An lo ruahman lawk angin ‘Beeper Signal’ an thawn chhuak a, chu signal chhang chuan submarine dang an hman ang aia lian zawk a lo kal ta ngei reng a. An beisei ang ngei chuan zanlai khawvar dawn lamah chuan submarine chuan hmun him lam a pan pui ta ani.
An bomb kam chu chumi zing dar 6 ah chuan a puak ta ngei mai le. An tum tak P.L.O ralthuam phurtu lawng pahnih ngei mai chu a puak ta dur dur mai a. Meialh a thelh a thelh rual loh chuan a tuam ta hlup hlup mai a. An bomb kam puak chuan lawng chhung lama an bomb phurh te chu kai chhawngin a han puak zui ve leh ta nghal bawk nen, a thawm natzia chu khawpui ri te chu nep te hi a ni mai.
Israel commando te chuan P.L.O ralthuam engphiara an lo buaipui chu meikhu maiah an chantir ta a. a man tam zia lah chuh……
Mossad Headquarters ah chuan an pasalthate chu lawm takin chibai an buk a, huaisen lawmna parthi te an lo awrhtir a, an hlim tlang kher mai. Chutih lai chuan P.L.O hotupa Yasser Arafat lah chu lunghnurin a kun tlawk tlawk a. P.L.O headquarters ah chuan Emergency Meeting an nei a, mawhpuh tur an zawng ruai a, a sawt chuang silo. An hmelma Israel ho tih a nih chu an ring vek a. A titute lah chu man rual lohvin an bibo daih mai si. Rinhlehlh man tur pawh lawngchawlhna khawpuiah chuan an hre der silo. Israel zawng er the mahse an khan ngang lo chu a ni ta ber mai. Harbor Master chuan engtin tak lo ngai ve ang maw !
Harbor Master chuan, “Lawngchawlhna laili taka mi lawng pahnih ngawt mai an bomb chhia a,” a ti chul mai. Mi pakhat chuan, “Tu bomb nge ni ang?” a lo ti vat a. Harbor Master lah chuan, “Israel ho bak va ni suh.” A han ti piap piap a. “Engtinnge Lawng hi an bomb chhiat theih mai le? A mak khawp mai. An bomb chhe tawh miau si a. I lawng a ni lemlo bawka lo lunghnur tehchiam suh khai,” tiin an lo hnem zui vat bawk a.
Harbor Master chuan a hnu thla sawm leh thla riat thlengin a hna chu a thawk zawm a. Pawisa pawh a hlawh hnem hman hle a. Thawklehkhatah a chin hriat zui tur awm hauh lovin a bo ta vang mai a. A hnu kum sawmhnih leh Pathum hnu kum 2008 khan he harbor master ni ngei a hriat hi Paris khawpuiah restaurant te neia hriat a ni a. Hemi hnu hi chuan tumah mahin an hmu leh ta lo…
“By way of deception, Thou shalt make war”
1985:
Nipui laiin Muammar Gaddafi chu Libya ram President a rawn ni a. Mi duham leh chapo zet mai anih avangin Europe leh khawthlang lam ramte chuan an duhlo hle ani. Hetih lai hian America ramah chuan President ah Ronal Reagan a awm a. Libya nen hian an in hal hle ani. Muammar Gaddafi hian China ram atangin Nuclear ralthuam chi hrang hrang, Atom Bomb thlengin lei a tum a. Mahse an scientist ten an khawih thiam silova. Chulovah khawvel sawrkar ropui leh lian tak tak, America, England, France, German leh Canada te chuan an ngaithiam lo hle a. China ram hnenah chuan Muammar Gaddafi hnena ralthuam hlauhawm hralh lo turin an ngen ve reng bawk si. Libya rama mi pawimawh tam takin an lo sawisel ve bawk nen; ralthuam hlauhawm zawng a lei ta lo nge nge a ni.
Libya ram hi mahni intodelh ve tawk tak mai ani a. Israel ram hmelma langsar ber mai, Palestinian Liberation Organization (P.L.O) hruaitu Yaasar Arafat hi a duhsak em em a. P.L.O inenkawl nan sum leh pai pawh an pe hnem hle a. Chuvang chuan Israel tan chuan Libya President Muammar Gaddafi chu mi ngeiawm tak a tling pha ta tlat mai.
Israel sipai tha bik, Mossad ho chuan, P.L.O leh Russia sawrkar inbiakna hria in ralthuam chi hrang hrang Russia atangin an chaw lut dawn tih an lo hria a. An beng a verh hle mai. Chung ralthuam thate chu P.L.O in duhtawka an hman theih vaih chuan Israel tan a tawrhhlelhawm hle dawn tih an hriat avangin Mossad ho chuan an vei hle mai a. Pamtultir dan ngawt an zawng ta a ni. Libya mite hi an ram pawn lama hnathawk leh sumdawnga chhuak an tlem hle a. Chuvangin Mossad ho chuan an tana thawk tur Agent awm ang mihring an van hle a; an ram chhungah an luhchilh mai ngam bik bawk silo, mahse agent tur an chhui fuh ngei a ngai bawk si.
Libya hian lawngchawlhna lian tak tak pahnih, Tripoli leh Benghazi ah an nei a. Tin, heng lawng kal velna Mediterranean tuipui hi Israel te hian an thlithlai uluk hle reng a. Henga lawng kal vel tam ber chu Egypt, Morocco, Tunisia leh Algeria ta an ni a. Heng ramte hi Israel chuan a hmelhriat tha tawk viau a, mahse Libya nen hi chuan Ui leh KEL thlun pawlh ang hlauh an ni thung. Libya hian Naval Force an nei tha viau mai a. Russia siam Sub-Marine te pawh an nei naa, an inrelbawl dan erawh a tha vak tlat lo thung. An lawng che vel enthlak nan Sicily ah ngaihthlak rukna (Listening Station) an dah a. He khawl hi Italy ram pawhin an hmang tangkai ve hle a ni.
Hetih hun lai hian Africa ram pahnih Central African Republic leh Chad te chuan Libya ne ramri buai an nei hlauh mai a. Chu tak chu Mossad ho chuan hman tangkai an tum ta a ni. Libya rama lawng chawlhna Tripoli leh Benghazi atanga lawng lut leh chhuak zawng zawngte, eng ang bungrua nge an phurh luh a an phurh chhuah tih te, eng hunah nge lawng chawlh hmun an chhuahsana eng hunah nge an lo luh tih te chu an hre thei mai a. An hriat duh ber mai P.L.O ta tur ralthuam chi hrang hrang phurtu chu eng ram lawng nge tih leh eng hunah nge a lo luh anga eng hunah nge a chhuah ang tih erawh an hrethei mai bik tlat lo. Radar hmangin lawng lut leh chhuak zawng zawng thlalak an han tum a. Mahse tlangsang leh tuifawn nasa lutukin a tibuai hneh hle mai bawk si. A rintlak ta tlat loh.
An han chik meuh chuan U.S. 6th fleet, Russian Fleet leh sumdawng lawng chi hrang hrang an vei sup sup mai si a. A khawi lawng berin nge P.L.O ta tur ralthuam chu phur ang tih an hriat tak tlat loh avangin tih dan tur dang pawh an dap nasa hle a ni. Chutih lai chuan, Arab chanchinbu pakhat Afrique-Asia ah chuan, Tripoli ah Harbor reporter pakhat a awm tih an hmu fuh ta a, chu chu hman tangkai an tum ta ringawt mai ani. Chu reporter chu France ram khawpui Paris atangin phone a biak pawh phawt an tum ta a, hemi tur hian Paris khawpuia awm Mossad agent pakhat chu an ruat ta ani. Reporter an tih hi mi fimkhur tak leh dilchhut mi te a lo nih palh hlauh takin tiin a betu atan pawh Mossad agent zinga sang ber chi “KATSA” ngat ni se an ti a. Agent Menachem chu an ruat ta ani. He inbiakna hi Menachem chauh hian a ngaithla dawn lo a. An mi biak chu eng ang mizia nge a nih tih an hriat a tul miau avangin, an inbiakna lo ngaithla ve vek turin rilru lam hre mi (psychiatrist) Gidon a chu an ruat bawk a. An in biakna tur phone chu an buatsaih fel vek a. Israel khawpui Tel-Aviv atangin an bia ang. Mahse a be tu hian tu nge a nih leh khawi atanga lo bia nge a nih a thup tlat angaih avangin, Paris khawpui atanga bia ang vekin a lang tur a ni. Tawngkam khat chheh sual pawh thianglo a ni tlat.
Engemaw ti tiin Tripoli Harbor phone number chu an nei thei mai a. Menachem chuan a han phone a, French tawng a hmang a, a lo chhangtu chuan French tawng a thiamloh avangin English in a han be zui a. Chu pa chuan biak thui hlau awm tak hian an hotupa be turin a hrilh vat a. Chu chu remchangah hmangin an hotupa hming chu a han zawt nghal a. Katsa Menachem chuan darkar chanve hnu velah a han be leh a, ‘Harbor Incharge ka be duh a’, a ti a. Phone lo chhangtu chuan,’Enge tanpui theihna che ka nei em ? tiin hawihhawm takin a lo chhang a. Menachem chuan, “Insurance Investigator ka ni a,. French Underwriting Company aiawh ka ni a. Lawng lo thlengte kha repair ngai a awm fova, a chang phei chuan a bo tawk te pawh an lo awm thin a. Lawng neituten Insurance pawisa an rawn phut thin a, amaherawh chu khati lamah khan kan aiawhtu kan nei silo a, puitu kan mamawh khawp mai,. Thil thlen dan hriatchian kan duh ve thin si a.” a ti a. A lo chhangtu chuan, “Engnge hriatchian in duh chu? Tiin a lo zawt let a. Katsa chuan “Lawng an repair tak tak emaw a bo tak tak emaw hriat kan duh a. Chu chu kan Company tan hian a pawimawh khawp mai a. Pawisa senso a tam tham si a, chuvangin puitu kan duh a. Chutianga min pui theitu tur mi pakhat min kawhhmuh tur in neih chuan kan lawm hle ang. Lawmman pawh kan pe tha tawk viau ang” a ti a. A chhangtu chuan, “Ka tanpui theih che u ka va ring em. Chutiang chu ka hriat theih zawng tak a nia lawm. Sumdawng lawng na na na chu ka hre thei vek ang. Mahse Sipai lawng ho chu a huam thei lovang” a ti a. Katsa chuan, “Sipai lawng lam kha chu keini pawhin kan huam tel lovang. Company ah Insurance fee an pe ve silova” a ti a. Minute 15 lai an in bia a, an inbiak lai chuan lawng paruk lai a lang thei a. Chumi zinga P.L.O lawng chu an repair mek a. Katsa chuan a chhangtu chu a address a zawt a , lawmman a thawn nghal dawn tih a hrilh bawk a. A lo chhangtu chuan Harbor Master a nih thu te hrilhin inbe lehzel turin an in thlah ta ani.
Katsa Menachem leh Gidon chuan an inbiakna chu an han chhut let a, lungawithlak hlein an hria a. Chu pa chu mi rintlak leh an tana mi tangkai tak a nih pawh an ring hle ani. Hlawh neiin mi an ruai ta chu a ni ta phawt a. An mi rawih lah chuan a ruaitu dik tak lah chu a hre der silo. Lawmman atan pawisa a dawn takah phei chuan a lawm hle ringawt tawh mai a ni. Mossad ho chu an han in hmukhawm a. Insurance Company anga an inchhal avanginin lehkha pawimawwh chi hrang hrang leh letter-head leh Trade-mark te chu an han ruahman fel vek a. Chung an lehkha pawimawh siam te chu Harbor Master hnenah chuan an thawn ta a. Harbor Master chuan an dan bu leh thawhdan an ziahna te chu a chhiar ve tak naa, a awmzia erawh a hre thui lo kher mai.
Harbor Master an biak leh hma chuan Katsa chuan, an inchhal ang ngeiin office tak tak a siam a. Secretary leh phone number te pawh a nei ve vek a. Kar li hnuah chuan an inbe leh ta a. Harbor Master chu a thatho hle mai a. Amaherawhchu an company kal hmang a hriat thiam vak loh thu te chu a lo hrilh a. Tangkai zawk a thawh a duh thu te pawh chu a sawi tel nghal bawk a. Katsa chuan “ Ka hrethiam a lawm. Chhiar ringawt hi chuan hriat thiam te hi a har thin a. Inhrilhfiah erawh chuan thriat thiam harsa lo tak a ni. Anihlohleh, engtikah nge chawlh i neih thieh ang? “ a ti a. Harbor Master chuan, “Kar thum hnuah ka nei thei ang” tiin a chhang a. “A va tihzia em! Phone mai hi chuan sawifiah a har si a. france ah lokal la, kal man chu Company in a tum mai ang, ticket kan rawn thawn ang che. I tangkai viau dawn e. Hnathawh pahin kan ramah nuam i rawn chen ve dawn nia. Kan lo nghak reng dawn che nia” a ti a. Harbor Master chu a lawmin a phur hle mai a. Karthum a liam leh chuan France ramah chuan a zin ta ngei a. Katsa cleh a secretary chuan Airport ah an lo hmuak a. Hotel nuam takah an thlentir a. Zan lamah chuan Club ah te kal hoin an leng khawthawng a. Thu pawimawh chu a tuk lama sawiah an khek a, zan rei fe hnu chuan tui takin an mu ta a.
A tukah chuan an Office phuahchawpah chuan an kalpui a. Company chief leh katsa chuan duhtawkin an kawm a, an company kalhmangte chu an hrilhfiah a. Tripoli lawng chawlh hmuna lawng lut leh chhuak tlangpuite chu an zawt a. Tu ram lawng nge tih te, enge an phurh tam ber tih te leh lawng chawlh hmun awmdan hmang te chu an zawt chipchiar hle mai a. an hriat duh ber P.L.O lawng chanchin erawh an la zawt mai ngam lo. An mikhual pa chu an chik hle a. Ngam taka khawi phawt a, lipse an tum hle a ni.
A tukah chuan Katsa Menachem leh secretary chu an han in rawn a. An mikhual duhawm tak rilru kalhmang leh mizia chu an sawi dun malh malh a; mahse an duih angin an hre chiang thei tlat lo. Chuvangin rilru lam dek thiam bik riau gidon chu an pun vat a ngai ta ani. Chhunah chuan Harbor Master chu an va hruai chhuak a. Restaurant nuam takah chhun chaw an eipui a. An zingah chuan Gidon chu Company hnuaia thawk ve tur tho angin a awm a. Harbor Master nen chuan in hmelhriattirna te an han nei a. Gidon chu German mi Egypt rama piang seilian angin a insawi a. Chaw ei pah chuan Katsa chuan an Comp[any kalhmang te chu a hrilh mawlh mawlh a, an hriat tur tul zawng zawng chu zawh belh ngailo hial khawpin an sawi fiah a. Tlai llamah chuan khawpui chhung len velna turin hun thawl tak an pe a. Secretary nula zei zet mai chuan a lenpui vel a. Company chungchang chu engmah an sawi ri leh ta lo. Paris kawtthler mawi tak mai 750014 Rue des Thermoplyes chu mawi an ti tlang hle.
Gidon chuan zanriah kilpui atan a sawm ta a. Secretary nula erawh chuan chhuanlam siamin a hnial a, mikhual pahnih te chuan zanriah chu a n kil dun ta a-
Gidon : Hei kan in hmelhriat ta a a lawmawm khawp mai. An Company hi a lian bawk a, hlawh pawh min pek that viau hi a.
Harbor Master : A ni ngawt mai. Ka tan pawh a remchang khawp asin. Ka hnathawh pangngai buai miah lova hlawh min pek hi kan khawsak a awl phah dawn khawp mai.
Gidon : In ram pawh in khawsak a changkangin a nuam viau a ni lawm ni?
Harbor Master: Nuam hran lo ve; Sawrkar thu hnuaia kun duhlo tawk hi an tam khawp a, mahni sa himna turin ui tak chungin chhiah chuang liam kan thawh reng mai ani.
Gidon : Chutiang buaina te in lo nei ve a ni maw? Keipawh chhiah dik tak bak pek hi ka kham khawp mai.
Harbor Master: Kan Sawrkar hian P.L.O ho hi a khawi ngam tlat mai a. A ruk tak chuan mipuite pawh hian kan ning tawh khawp mai.
Gidon : P.L.O mi leh sa te chu in hrehrang thei mai em ni?
Harbor Master: An inthup lemlo a. Hriat hran te chu thil harsa vak va ni suh.
Gidon : Europe ah pawh hian a ruk arala che chi hi an tam khawp a, sawrkar hian a hupbet zo bik silo a. A ralmuang vak lo a nih hi. Paris ah pawh hian Papa Group hian thil an ti thei khawp mai.
Harbor Master: Papa Group chanchin chu ka lo la hre ve ngai miah hleinem!
Gidon : Anih leh ‘Carlos the Jackal’ tih hi I hre ngai em?
Harbor Master: Hre ve tawh e. Chanchin tuihnai lo tak tak pawh a nei nualin ka hria!
Gidon : Ni e. He pa hi Papa Group nen hian an thu a rual thei khawp mai a. An duhzawngah chuan an tlang parh zel mai ni. Ti teh, club lamah te va kal ve teh ang hmiang. Zan a rei tan dawn tawh bawk a, intihhlim te pawh a chak awm ve a lawm le.
Harbor Master : Kei chu mut mai pawh ka lo hnial vak tawh lo asin. Ka ipte hi a muk vak bawk silo a....
Tiin a nui huah huah a...
Gare des mines kawtthler bula club pakhat ‘La Bellevilloise’ ah chuan an lut ve ta tho a. Chutah chuan nulate chu saruak lek lek hian an lo lam suau suau hlawm a. Eng lah chu a chuai ruih mai bawk nen, music hot angreng tak hi a ri tlut tlut bawk a.
Harbor Master chezia chu Gidon chuan chik takin a chhut ru nauh nauh a. Pa khawsak awlsam tak a nilo tih chu a hre thei mai a. Mi kawm nuam tak, fiamthu duh ve tak niin a hria a. Chutah nula nalh tak tak lam en pah chuan Harbor Master chuan, “Kan Company chuan thawk paha Paris khawpuia nuam chen turin min sawm a, ka va la duhtawk lo deuh ve mawle. Hun lah ka la ngah si a, han haw mai chu a uihawm dawn khawp mai a” a ti ta phawng mai a. Chu chuan a duh zawng a la hmu kimlo tih a ti lang chiang ta hle mai.
A tuk zingah chuan Gidon chuan Katsa leh secretary chu a ko vat a, a thil chhui chhuah zawng zawng chu a hrilh ta vek a. Harbor Master chu pawisa an pek that phawt chuan engpawh a tihtir theih mai ang tiin a sawi a. Hmeichhe lam an hman ngei a ngaih tur thu a hrilh tel nghal a.
Tlai lam dar 7 velah chuan, Harbor Master leh Gidon chu, Gidon a awmna pindan nuam tak maiah chuan an in kawm a. Chutih lai chuan kawngkhar chu a rawn in kik karh karh a, Gidon chuan a lo hawn thuai a. Hmeichhe duhawm zet mai chuan, “ Ka tlai lovang chu maw? Hun tiam pelh hi ka hreh viau a nia,” tiin a sana bih pahin a rawn nui lut seih a. Gidon chuan, “Tlai lo ve, a hun takah I lo thleng a nih hi, my dear, hei kan mi pawimawh pawh a lo thu fel chauh a nih hi, ani hi kan Harbor Master a nia,” tiin a han in hmelhriattir a. Hmeichhia chuan zah takin a han melh a, Harbor Master pawh chu a ding nghal vat a. Hmeichhia chuan, “Jane tiin min ko dawn nia” tiin no fahran hian a han chibai a.
An titi tan dawn chauh tih chuan Phone chu a rawn ri ral ral a, Gidon chuan a lo la vat a. Company chief a lo ni a, Gidon chu a zan la la a Genoa khawpui pana thlawk chhuak turin a rawn ngen hi a lo ni a. Gidon tan chuan hnial chi a ni ta tlat lo, Chief meuhin a rawn ngen a ni ta si a. Pawi tih hmel takin a inlengte chu a hrilh a, Jane-i chuan a hrethiam mai a, vawi tam tak an lo tih thin tawh a ni miau va. Harbor Master erawh chuan engmah a hrethiam ve lemlo, a tak emaw a ti vek mai ni.
Gidon chuan a suitcase chu a khai a, Harbor Master chu gate thlengin a in thlah tir a, kal pah chuan, “A pawi ngawt mai, hun dangah kan la inkawm leh mai aniang chu. Hmeichhia khan a lo kawm hlim thiam ang che chu maw?” tiin an inthlah ta a.
Harbor Master chu room lamah a let leh vat a, a zam hle mai a. Chu chu hmeichhia chuan a hmuh thelh lo chiang hle mai. Hmeichhia chu naupan hmel vak lo va, a rawn inchei uluk hlein a lang bawk.
Jane : Kei pawh he company a thawk ve tho ka nia lawm.
Harbor Master : A ni maw! Min ti bengvartu atan I that hle dawn chu.
Jane : Kan Boss khan kan duh ang ang sawi phalna min pe alawm tih pahin a nui seih a. I chanchin pawh ka la hre ve silo va, Company ah hian I thawk rei ve tawh em?
Harbor Master : Rei lo ve, hna kalhmang zir turin ka lo kal chauh a la ni.
Jane : Chu, I duh angin an zirtir tawh che em?
Harbor Master : Zirtir tawh e. Mahse lawng zawng zawng lo chik chu a hautak phian ang...
Jane : Lawng zawng zawng a tul kher dawn em ni? Sumdawng lawng hi a ni deuh bik ang a. Chung zingah pawh chuan sawrkar phal loh chi phurh ruk ching te hi endik an ngai alawm. Tawhsual tawh palh a sam bik tlat. Tawhsual an tawhin an pawisa phut a sang thei si a, company hlawkna an tikiam vak vak thin si a.
Harbor Master : A ni dawn tak e. Lawmman dawn tur awm lo lekin company hian a tlakchhiat phah mai ang a, tiin a nui kur kur a.
Jane : Chutiang zawng chuan a hlauhawm lovang, Company hi a lianin a hlawk bawk a. Mahse Tripoli-ah te chuan Navy lawng leh sumdawng pangngai nilo, sawrkar ngaihmawh zawng phurh ruk chingte chu an lo kal vak nang .
Harbor Master : Ngai the kher e a. P.L.O mi leh sate hi an veivak nasa a; an ralthuamte pawh hi ramdang siam vek ani lehnghal a. A ruka an phurh luh vek a ni ngei ang.
P.L.O a han lam rik takah chuan Jane-i beng a verh ta zar mai le. Mahse a inthup thiam em a engmah chu a ti lang lemlo thung.
Jane : P.L.O tih vel te maw?
Harbor Master : Ni e, lawng hian an veivak nasa a, bungraw phurh luh leh phurh chhuah hi an ngah khawp asin.
Jane : P.L.O te chuan lawng te an nei a maw?
Harbor Master : Lawng tak chu an nei chiah lo. Mahse hman deuh bik hi an nei thin a.
Jane : I hna chu I tlin viau dawn chu, thil I hre e mai.
Harbor Master : Lawng lam hi chu ka hna lam te a ni bawk a, chuvang zawk chu a nia.
Jane : Company pawhin an chhar fuh hle che a nih chu.
Harbor Master : Thawh that viau pawh ka beisei khawp asin.
Jane : A ni maw?
Champagne 1914 ngat mai chu Jane-i chuan an thlit sak a, in melh zeuh zeuh pah chuan an dawm dun a. Hun tlem an kal leh deuh chuan Jane-i chu a thu duhdah sawt ta hle a, Harbor Master chuan mit la lo lek hian a melh a. Jane-i lah chuan a lo tih than tawh avangin mipa mizia chu a hre hneh tawh si. Harbor Master chuan, “French mi hi chu in duhawm ngawt mai,” an ti phawng mai a. Jane-i lah chuan, “Keimah tiamin maw?” a han ti ve nghal zat a. An in man rang kher mai. An pahnih chauhvin pindan chu an luah zankhua ta a.
Harbor Master chuan Paris khawpui chu nuam a ti hle a. A kal chhan ber pawh chu manhla a ti hle bawk a. Tripoli pan chuan a haw leh ta a. A khat tawkin Harbor Traffic chu a report reng a, lawmman lah a dawng tha bawk nen. A report zingah chuan Mossad ho ngaihven leh thil hriat tum ber mai, P.L.O ralthuam phurtu Abu Nidal lawng ngei mai chu a lo tel ta. Mossad ho pawh an phur kher mai. Chu lawng lian chuan Russia siam hlir ralthuam chi hrang hrang, anti-aircraft missiles, Grenade, Tommy-Gun, Rocket Launcher, AK-47 leh bomb tenau deuh te chu a rawn phur teuh mai a. Chung ralthuamte chu P.L.O ho hman tur ngei a ni tih an hre chiangin, him piala P.L.O ho kuta thlentir chu an tumlo nasa mai si. Tripoli lawngchawlhna hmuna a din hun tur an hre ta. A dinna lai tak leh a bul velah eng lawng leh tu lawng nge ding ve tih chenin an hre ta zel a. Harbor Master khan a hriat zawng zawng a report miau si a.
Mossad headquarter lam pawh chu “OPERATION HARBOR” beihpui thlak turin an inpeih ta. Lawng pahnih chiah chu an tum bik a ni dawn a. Hemi atan hian thla ruk lai an lo in buatsaih tawh avangin an in ring tawk hle bawk…
Kum 1985 nipui lai a ni a. Nipui hi a ral tep tawh lam a ni. SAAR-4th class- Mossad lawngte chu Tripoli lawngchawlhna lam pan chuan a tawlh chhuak ta zal zal mai le. An lo inzir hrep tawh avangin a kawng lah chu an hre bel hneh nasa mai si a. Chu Mossad lawngte chuan, Israel Commando paruk (6) chiah a phur a. Chung Commando te chu tui leh khawmual lama duh tawka che thei tura zirtirna pek vek an ni a. Vawi duailo an lo tichhin tawh bawk nen, chesual mai mai tur zawng an ni lo ani.
SAAR-4th chuan thui tawk tak a kalpui hnuah, Sub-marine chuan a rawn la chhawng leh ta a. chu Sub-Marine chu Electric hmanga tih nun a ni a. A hmel lan dan chu Indopui-2na laia fighter plane ang chiah a ni a, thlawhna ang chuan thla a nei ve lemlo thung. Chu tui hnuai lawng chhungah chuan commando te chu phur tak leh mahni inring tawk takin an thu far a. Tuipui chhungah hak chi suit an ha vek bawk a. Sub-marine chuan Tripoli lawng chawlhna hmun chu thlen ngam chi rual ani lova. Hmelma ram a ni a; an veng uluk ve hle mai si; mahse commando te chuan lawng chawlhna hmun ngei chu an thleng tur ani.
Tui chung lamah chuan grenade chu a puak dup dup reng a. A per phak chinah chuan mihring chu sawiloh, sangha tak ngial pawh an him chuanglo. Mahse Commando te chuan lawng chu an luhchilh a ngai miau si. Israel mithiamte chuan grenade laka veng thei tur kawr an lo siam thiam tlat; Commando te chu an hak tir vek a. Grenade puak si per mai mai lakah chuan an him tawk viau awm e.
Zing lam dar 1:45 ah chuan, lawng lian tak mai pakhat hian Tripoli lawngchawlhna chu an rawn pan a. A rawn hnaih viau tawh tihah chuan eng hmangin lawngchawlhna hmun chu a lo thlen thu signal hmangin a han hriattir a, a kiu ruai ruai bawk a. Lawngchawlhna hmuna lo duty te chu an lo lawm hle mai a. An tan chu lawng chuan enge a rawn phurh thlen dawn tih reng an hre hauh thung silo. Chu lawng lian tak mai mawng lam, tuipuiah chuan, an mit achin chunglam chauh langin Israel Commando paruk te chu an rawn hnai ve zel tih reng an hre silo.
Israel Commando te chu lawng lian rual chuan Tripoli lawngchawlhna hmun chu an thleng ta a. Grenade puak dup dup leh electric eng mangkheng te chuan an chet a ti buai chuang hauhlo. Pathum ve ve a inthen in, an tum tak P.L.O ralthuam phurtu lawng lian pahnih te chu an pan chat a. security force tam tak leh grenade te kaltlangin lawng chu an pan ta zal zal a. Bomb te reuh te mai puak na zet mai si, Leech mine an tih chu ralthuam phurtu lawngah chuan lungawi takin an kam ta a. Darkar hnih leh a chanve chhungin an kam fel vek a, an sub-marine chu an pan ta vang vang a.
Tihsual an nei ve ta tlat mai le! An submarine chuan oxygen a tlachham ta tlat, an battery lah chu a ral der mai si nen. Tuifinriat meuh hleuh kai tur chuan eng anga commando tha pawh nise an tlin bikin a rinawm hauh loh. Chawplehchilha remhriatna an hman a ngai ta tlat. Commando Paruk te chu hruizenin an in hlin zawm vek a, tuipui zau tak chungah chuan tha ren thei ang berin zangthal tuihleuhin an lang ta lap lap hlawm a. Nihawi par ang deuh a bialin an in siam rem a. Tumah zam lovin tui chenna thawmhnaw thiam taka hmangin tuiah chuan an lang lauh lauh mai ani.
Tuifinriat zau tak maiah chuan chung mi paruk te chu an thawl kher mai. An zam hauhlo naa chhantu erawh an ngai ani. Eng chena rei nge Chutiang chuan an awm dawn tih an hriat miau loh avangin tui chunga lang chung chuan in mut chhawk an tum ta a. Heng commando te hi Frogmen tia an sawi thin tui leh khawmual a training dawng an ni a. An tan tui chunga lang chunga han mut mai chu thil harsa a ni lemlo. Tichuan pahnih te te in an in mut chhawk ta a. An tui chenna thawmhnaw chu balloon angin an ham puar a, chu mi chungah chuan mutmu an tuah ta mai a ni.
An lo ruahman lawk angin ‘Beeper Signal’ an thawn chhuak a, chu signal chhang chuan submarine dang an hman ang aia lian zawk a lo kal ta ngei reng a. An beisei ang ngei chuan zanlai khawvar dawn lamah chuan submarine chuan hmun him lam a pan pui ta ani.
An bomb kam chu chumi zing dar 6 ah chuan a puak ta ngei mai le. An tum tak P.L.O ralthuam phurtu lawng pahnih ngei mai chu a puak ta dur dur mai a. Meialh a thelh a thelh rual loh chuan a tuam ta hlup hlup mai a. An bomb kam puak chuan lawng chhung lama an bomb phurh te chu kai chhawngin a han puak zui ve leh ta nghal bawk nen, a thawm natzia chu khawpui ri te chu nep te hi a ni mai.
Israel commando te chuan P.L.O ralthuam engphiara an lo buaipui chu meikhu maiah an chantir ta a. a man tam zia lah chuh……
Mossad Headquarters ah chuan an pasalthate chu lawm takin chibai an buk a, huaisen lawmna parthi te an lo awrhtir a, an hlim tlang kher mai. Chutih lai chuan P.L.O hotupa Yasser Arafat lah chu lunghnurin a kun tlawk tlawk a. P.L.O headquarters ah chuan Emergency Meeting an nei a, mawhpuh tur an zawng ruai a, a sawt chuang silo. An hmelma Israel ho tih a nih chu an ring vek a. A titute lah chu man rual lohvin an bibo daih mai si. Rinhlehlh man tur pawh lawngchawlhna khawpuiah chuan an hre der silo. Israel zawng er the mahse an khan ngang lo chu a ni ta ber mai. Harbor Master chuan engtin tak lo ngai ve ang maw !
Harbor Master chuan, “Lawngchawlhna laili taka mi lawng pahnih ngawt mai an bomb chhia a,” a ti chul mai. Mi pakhat chuan, “Tu bomb nge ni ang?” a lo ti vat a. Harbor Master lah chuan, “Israel ho bak va ni suh.” A han ti piap piap a. “Engtinnge Lawng hi an bomb chhiat theih mai le? A mak khawp mai. An bomb chhe tawh miau si a. I lawng a ni lemlo bawka lo lunghnur tehchiam suh khai,” tiin an lo hnem zui vat bawk a.
Harbor Master chuan a hnu thla sawm leh thla riat thlengin a hna chu a thawk zawm a. Pawisa pawh a hlawh hnem hman hle a. Thawklehkhatah a chin hriat zui tur awm hauh lovin a bo ta vang mai a. A hnu kum sawmhnih leh Pathum hnu kum 2008 khan he harbor master ni ngei a hriat hi Paris khawpuiah restaurant te neia hriat a ni a. Hemi hnu hi chuan tumah mahin an hmu leh ta lo…