70th batch and the secret love
Posted: August 4th, 2025, 9:28 pm
Gabriel ! Gabriel! min thlah miah suh ! min vawnna a pit rual chuan, tlang sang tak a tang chuan ka tla vawn vawn a. A ngai ang bawkin, a mawng ka thlen hmain ka harh leh. Mami hauheng ka ni a. Kum 21-na ka hmang mek a, 5.3ft a sang, sa pan lam ka ni. Ka vun hi a sen no chek bawk. Ka sam hi dar thleng a sei niin, a ngil tle siau a. Ka thiante chuan Barbie ang min ti thin hle.
2nd Semester B.A zirlai ka ni a. Kan senior chiah a mi ṭhian tha tak ka nei a. A hming chu Gabriel-a a ni. Fapa mal a ni a, a nu leh pa te pawh Christian ṭha tak an ni.
Vantirhkoh thla neilo nen ka tehkhin ru fo a. A hmel nung sarh te, a sam kir chiat, nem thep bakah , a nuih zawng a, a ha var rual em em mai te hian, ka la hmuh ngai loh vantirhkoh mawina min hmuh tir ṭhin. 5.9ft a sang a ni a, kei anglo takin a sa a pan ve lo a. A inphut mawi tawk viau. Ka ṭhian mai mah ni se, mi zing a kan awm te hian ka chhuang ru fo thin. Leadership quality a nei tha lutuk te hi; a hnung zui a nuam a, tu te mai pawh hi a dah pawimawh thiam in, kan him hliah hliah a. A bulah chuan rilru hahna tur tlang tiat pawh lo kal mahse, kan hnen a rawn thlen meuh chuan lungteah a chang ṭhin tih ka chiang ngam sak. BIBLE nem pawhin ka sawi ngam! . Engpawh chu ni se, mi vannei tak ka ni.
Exam chawlh lai a ni a. Kan chawlh a tanga ni 3-na chiah a ni. Gabriel samkira chuan min surprise tur a nei thu min hrilh a. Ka phur tawh viau. Dar 10:15AM chiah a ni. Ni a kang thain , van boruak dumpawl , thiang kak te chuan kan kalna tur Gabriel-a te huan mawng leh an sangha dil a, sangha te duhtawk a an leng kawi vel te, phengphehlep leh a khat mawi tawk a sava hram chiah chiah te nen lamin lung min len lawk a, ka phur thaklo chauh tawh!
Ka phone charge mekah ringtone "electric love" a rawn ri ruai ruai a. Hmanhmawh taka tlan chhovin "Hello"
"In In kawtah ka awm tawh" Gabriel ngainatawma a ni. Khum lamah tlan phei vatin, khum lu lama kawngka te takte atang chuan bathlarah ka chhuak a. A lo awm ngei e, ka mi ngainatpa chu! Vantlang kawngah chuan dingin nui sângin a lo hawi chho a. A kut vei lamin phone a dawm a, a kut dinglamin ban min vei a. A tih thin danin, ka hmuh laia phone off chungin kan In lam a rawn pan a. Keipawh kawngka te takte ah chuan tlan lut ve nghalin, rangtakin, amah tawk turin inhnuai lamah ka tlan thla lehnghal a. A chhan ka hriat loh ka thinlunga hlimna awm hian ka hmel te hi a tih eng phet phet te pawh ka ring e a!
Mahse sitting room ka thlen thlak chuan, Gabriel-a chu ka pi nen thingpui hang dawm chungin an lo ti ti leh daih a. Ka pi chuan zo thingpuife, a zik sen ngei a tui bik zia a lo sawi mek a. Min ngaihven awm pawhin an lang lo. Pawnah chhuak tlang ta daihin, kan Varenda longchair a, kan uite hmul buk ve tak, bawk hle hle bulah chuan inkuangkuah âwt chungin ka va ṭhu tau ta ringawt a.
Titau ve ringawt mah ila, kan varenda hmaa pot-a kan pangpar khawi ho, vul lutuk chuan mit an la in, ka ngaihtuahna an la peng daih. Ka ṭhutna hma lawkah mawi takin an par vul chûk a, thinlung leh rilru hi an tihlim a, an ti fresh ka ti. Khawvel pumpui a pangpar te hi vawi leh khatah bo ta duak mai se, khawvel hi a chulin , a chuai rup mai ang em le ?
" In pangpar chu a va vul nasa ve a, a pi an chhun a, an vul chuk mai a ni maw.." Gabriel-a chuan kawngkapui a tanga lo chhuah pah chuan a rawn ti thum bul bul a, a nui sâng lehnghal a. A hmel en a, hawi chho chungin, " A nih chu " ti a ka chhan rual chuan, pangpar lam chu ka melh leh nghal daih a. A nui suk a. " A nih chuan, i bag han la la, kan kal tawh mai dawn em ni ang?" tiin kal a rawt a. Ni e, ka hmanhmawh lutuk kha, bag ken thlak nghal nachang pawh ka hre tawhlo kha nia, a hranpain inchungah chhoh leh a ngai dawn a nih hi ti ru nauh nauh chungin, " Awle " tih pahin ka tho thut a.. min en zui vung vung.. Min hmuh theih loh chin ka thlen veleh hmanhmawh takin inchhungah te, kailawnah te chuan ka tlan chho sawk sawk a.
Ka chhuk leh chuan, Gabriel-a chuan a pa Scooter ṭâwng ve tawh lam chu a lo ti nung vut vut tawh a. Kan tlan chhuah hma chuan, ka piin, "Fimkhur ula aw, lo haw har lo ula" tiin min chah leh thlap a.
Minute 20 - vel kan tlan hnu chuan, Gabriel-a te huan chu kan thleng a. Scooter a hung fel hnu chuan, ka kutah min kaiin an thlam lamah min kai phei det det a. "Eng nge min surprise dawn le ? A hlim hmelin a phur hmel ropui sia" rilru a inzawh ruk mek laiin, min ding pui thut a!. Ka kuta min kaihna chu thlahin, a kekawr ipte zen pahin, " mit chhing rawh le " thu awih takin ka mit ka chhing ve leh mai a. Puan in ka mit chu a rawn tuam mawlh mawlh a. A suih mar leh mar loh min zawt a. " Im, a tawk chiah " ti a ka chhang hnuah min pawm nawlh a. Thuilote min kal pui hnuah min nghat a, ka mit tuamna a phelh chiah chu ka mit a vai rum rum. Mahse a van mawi tak!
Thlam hnung lam a phul hring, cham duai chungah chuan, Lung lianpui mawi em em a ding luah a, chu lung chu a upa tawh tih hriat takin a sir vel chu pat ek in a bawh deuh bawk a. " lo kal rawh le " tih pahin min kai leh a, Lung lianpui chu kan hnaih zel a, a hmunah chuan lian lehzual tak a ni! . En reng reng pawhin rem takin a ding nghet luah a. Step ang deuh rahna rem tak tak a tawp thlengin a awm chho thliah a. A lawn hmasa a. Keimah pawhin ka lawn ve thei tho tak nangin a kut min pe a, min kai chho ve zel a. A chhip chu chaw ei thleng angin a khuar deuh a, mahse a ṭi ṭauhlo . A zau zawng chu , mihring 5 mangchhe deuh tan pawh , duh tawk a mut theihna vel a zau a ni.
Ka hnungah dingin, a hmaah min ding tir a, ka ban leh lam leh lam chu la kangin, ka beng bulah zawi te in, " Titanic - a an tih dan khan aw" a ti a. " Im, mahse kan tih ṭhin ang khan" ti a chhang letin, inthurual takin kan mit kan chhing dun a. Ramhnuai reh taka sava te leh thliin hnah a chhem rik te chu ngaithla in, ramhnuai nawmna kan hip (feel) dun a. Kan tih fo thin dan a ni a, kan pahnih a thuruk kan neih dun pawh a ni. Thlifim vawt raihin pangpar rimtui tak a rawn len phei te chu duhthawh takin kan hip vang vang bawk a. Eng kung nge ? eng par nge? tih Gabriel-a ka zawt a, a ni pawhin a sawi thei biklo . Minute 5 - vel inthurual taka kan bucket list zing a number 1-na; hmun danglam deuh a, tibuaitu tumah tello, kan 2 chauh a thlifim hip dun kan tih zawh chuan, number 2-na; Nghakuai chiah dun turin Gabriel-a te huan mawng lamah kan in zui thla leh a. Dil lian deuh deuh a hrang ṭheuhin 3 - a awm a. Ni sat loh na ber, thingkung hlim hnuaia Nghakuai chiah dun theihnaah chuan ṭhuin, kan Nghakuaiah chuan Changpat kan tawk tarh a, reilote kan chiah hnu chuan, Gabriel-a chuan Sangha dum, patling kutphah aia lian a phih chhuak nghal a, ka en reng a ni tih a hriat chuan intih theih hmel takin a nui ver ver a. A van hmeltha tak! Kan bucket lian kenah, a dah lut fel chiah tihin, ka Nghakuai kul a lo che hrut hrut a. Phur takin ka pawt a. A rit reuh lutuk! Gabriel-a chu ka va en a, beisei san hmel takin min lo thlir reng, a hmelah chuan phurna a lang ! A rit reuh lutuk chu, eng nge a kuaiah chuan in thil ang? hmu chak si, hlauthawng deuh bawk si, phih chhuak ngam chiah silo, Sangha aiah Rul te pawh a kuaiah chuan a lo in awk mai thei tih ngaihtuahna nen, ka ṭhutna a ṭanga ding chhuakin Nghakuai fawng chu ka chelh deuh tawp a. Gabriel-a chuan hriatthiamloh leh hrilh hai hmel takin min en haw a. Chutia ding chunga Nghakuai fawng ka chelh deuh tawp takah chuan min hrethiam a ni mahna! Min pui turin ka bulah a lo ding a, Nghakuai fawng chu ka kut chhanah min dawmpui a. Beisei phakloh ! Sangha sen chi, patling kiu chen a sei, thau deuh a lo ni. Kan phih chhuak chiah chu kan ṭe teng tung a, Gabriel-an fiamthu nen min sawisa bawk, kan hlim dun em em a. Mihring 2 chauh kan ni tih a hriat miah loh ! , kan ri dun chul mai ! Vanramah pawh hetiang bak hian an hlim ka ringlo hial !
Thlam a kan ei tur bakah, In lama hawn tur Sangha 4/5 kan phih chhuah hnu chuan, thlamah kan in dah fel a. Ril a la ṭam loh bakah, chaw fak hun a la nih loh deuh a vangin, Gabriel-a chuan kan kal fo tawhna ṭhin, an huan piah a luiah chuan tui a cheng a rawt a. Cheng ve ngam ngailo mah ila, a kalkawng hrim hrim leh , a lui kam thuklo te te a, dai kual vel nuam ka tih ve tho avangin, a rawt ang chuan kan in zui chhuak leh ta a.
Lung khawk rawk mawi tak tak chunga lui luang te chu kal pel zel in, haw lam a Tuai tak kan keh thluk tur te kan hual thla zel a. A hmun kan thleng a, Gabriel-a chuan a tih fo ṭhin ang in, Vanva lui ah chuan a in vawrh bin thla chhuai a. Keiin video a cover chungin, Gabriel-a nen inhmu pha reng siin, lui hnar lam a chengkawl te ka chhar bawk a.
Khua a thiang ṭha viau emaw tih laiin, chhumin ni a lo hliah a. Khua a lo dur khup khup a. Hmanhmawh takin, Gabriel-a te thlam a let tura kan inbuatsaih lai te chuan, sarthi awm ang maiin, thli a thaw vuk vuk a. Mahse kan hlau chuanglo. Kan mautuai hual ho kha Gabriel-an pawt thlu zung zungin, a iptepui lian takah chuan a khung zel a. Kan hual zawng zawng kan lak zawh chuan, Iptepui lian takah pawh chuan vum thurin a khat vek a, hlawhtling kan inti hle. Gabriel-a hian Vaipaden a siam thiam hle a, a ei siam tawhah chuan, vaipaden tluk a, a siam tui a la awmlo hial ang !. Siam tui thiam ka ti lutuk a, Vaipaden Master ka ti tawp !. Chuvang a nia , thlipui tleh tur ang mai karah pawh inti paukhauhin, a hranpa a kal leh ngat ai chuan kan lak hram hram ni. " Thil tih nana hun ṭha ber chu tun hun hi a ni" tih kha kan thupui hle bawk.
Thlam kan thleng a, ka inbual hmasa a, ka inbual hlan in Gabriel-an maian, anthur, dhania, bahkhawr, lengser leh chawhmeh eng eng emaw a lo la khawm a. A inbual lai in kan siam tur vel te ka lo silfai a. Gabriel-a hi eirawng bawl thiam tak a nih a vangin ka boss en deuh tawp bawk! Kan siam tur silfai leh bawlhlo lo pass vel pawh, ka tih turah ka dah a, a siam vel chu a kutah ka dah deuh tawp zel. A inbual zawh hnu rei vakloah eirawng kan bawl dun a. Engtin nge a siam bik ka hrelo, a tui danglam bik lutuk thin hi !! Dangah hian a tui ral dep dep in ka hre hial ṭhin ! Lei lem tello chauhin ka ei leh a, ka dam sawng sawng a, ka dam tak zet zet. Chutih lai reng pawh chuan Gabriel-a chuan ka awm dan chu a lo chik ru reng a. Hlim tih hriat takin a mit a eng sawr sawr a. H/S kan kal lai a ṭang a inkawm chawt ṭhin kha kan ni a, a ṭawng tam ngailo a, ngawi deuh reng a in zui nileng chang pawh kan nei fo. Ka chezia avanga nuihza insum hmel taka a awm pawhin, ngaihṭhat lohna emaw awm nawm lohna emaw ka neih phah ngailo . Amah tawp hi ka vantirhkoh thla neilo kha a nia . Chubakah, a hlim hmel hian min tihahdam a, a hlim phawt chuan chhan sawi tur hrelo mah ila ka lawm a, a ṭha vek a ni mai.
Chaw ei khamah hmanhmawh lo takin kan hawn tur zawng zawng nen kan insiam fel a. Gabriel-an Scooter a tinung vut vut a. Kan chhuah hmain, an thlam bula Nihawi par bulah chuan kan selfie a. Tuma tel ve lohna, kan pahnih chauh a hun kan hmang naah , vawi 1 chauh thlalak awih a ni a. Chu chu kan pahniha dan siam a ni.
Kan mautuai khawrh kha, thlam a Gabriel-a pa in a riah, iptepui lian deuh chhungah chuan kan khung a. Scooter hnungah ṭawnin kan phur a, ke dahna lamah Gabriel-a Iptepuiin , Maian leh chawhmeh eng ilo kan khungho kan khai bawr bawk a. Keiin ka hnungah bag ka ak bawk a. Kal lam nena khai khin chuan haw lam chu kan bawr vei phian . Mahse Gabriel-a hnungah ṭhuin a kawngah ka kuah thei a, a perfume rim pa tak ka hip reng bawk a. Ear phone in hla kan ngaithla dun bawk a. Khawvel hi a mawiin , a nuam a ni tawp mai ! Hmangaihtu chhungkua leh ṭhianṭha tak tak kan nei a, rual awt in kan awmlo a, tumah kan awt lo bawk a. Hetiang baka nun famkim hi a awm thei dawn em ni ?! tiin ka in zawt ru sep sep a.
Ruah hmi seng seng pawh a han tawh a, ni a lo lang leh tawh. Kawng ngil ṭha kan chhuah chhoh hmain, kan insawh chho deuh bep bep a. Ruah tlem sur hlek khan kan ram kalkawng a ti diak ve hlek a, kawng laih zau lai mek a ni bawk nen. Tlan chak chuan tawlh a hlauhawm deuh bawk a, chu chauh chu , reilote a tana rilru nawm lohna awm chhun a ni hial in ka hria.
Kawngpui kan tih mai National highway kan thleng thuai a. Kawng a ṭha tawh bawk a, thaw a veng leh huai mai. Kan hla play pawh off in, a tuk Sunday inkhawm ban a kan ṭhianho hla zirnaa kan enho tur, mawi leh sak nuam kan tih te kan sawi pah a. Thli thaw nen Scooter ri nen a sawi ka hre ṭha theilo, "maw" "maw" ka ti zing lutuk a, nui hak hak chungin min sawisa a, ka haw der vel a.
Kawng kawi kan tlan kual chiah, ka hmu ṭha hmanlo, ka hmu hman vuai ! Chak lutuka, keimahni min tawk zawng a, a side lo lam a ṭang a Maruti 800 lo lang thut chu ! Break a rik tuarh ruala kan tluk rualin kan invawrh dawrh a. Ka lu kawngpui charah a in vaw chawrh.. Thawm ri a tawp rualin engkim a thim vek !
2nd Semester B.A zirlai ka ni a. Kan senior chiah a mi ṭhian tha tak ka nei a. A hming chu Gabriel-a a ni. Fapa mal a ni a, a nu leh pa te pawh Christian ṭha tak an ni.
Vantirhkoh thla neilo nen ka tehkhin ru fo a. A hmel nung sarh te, a sam kir chiat, nem thep bakah , a nuih zawng a, a ha var rual em em mai te hian, ka la hmuh ngai loh vantirhkoh mawina min hmuh tir ṭhin. 5.9ft a sang a ni a, kei anglo takin a sa a pan ve lo a. A inphut mawi tawk viau. Ka ṭhian mai mah ni se, mi zing a kan awm te hian ka chhuang ru fo thin. Leadership quality a nei tha lutuk te hi; a hnung zui a nuam a, tu te mai pawh hi a dah pawimawh thiam in, kan him hliah hliah a. A bulah chuan rilru hahna tur tlang tiat pawh lo kal mahse, kan hnen a rawn thlen meuh chuan lungteah a chang ṭhin tih ka chiang ngam sak. BIBLE nem pawhin ka sawi ngam! . Engpawh chu ni se, mi vannei tak ka ni.
Exam chawlh lai a ni a. Kan chawlh a tanga ni 3-na chiah a ni. Gabriel samkira chuan min surprise tur a nei thu min hrilh a. Ka phur tawh viau. Dar 10:15AM chiah a ni. Ni a kang thain , van boruak dumpawl , thiang kak te chuan kan kalna tur Gabriel-a te huan mawng leh an sangha dil a, sangha te duhtawk a an leng kawi vel te, phengphehlep leh a khat mawi tawk a sava hram chiah chiah te nen lamin lung min len lawk a, ka phur thaklo chauh tawh!
Ka phone charge mekah ringtone "electric love" a rawn ri ruai ruai a. Hmanhmawh taka tlan chhovin "Hello"
"In In kawtah ka awm tawh" Gabriel ngainatawma a ni. Khum lamah tlan phei vatin, khum lu lama kawngka te takte atang chuan bathlarah ka chhuak a. A lo awm ngei e, ka mi ngainatpa chu! Vantlang kawngah chuan dingin nui sângin a lo hawi chho a. A kut vei lamin phone a dawm a, a kut dinglamin ban min vei a. A tih thin danin, ka hmuh laia phone off chungin kan In lam a rawn pan a. Keipawh kawngka te takte ah chuan tlan lut ve nghalin, rangtakin, amah tawk turin inhnuai lamah ka tlan thla lehnghal a. A chhan ka hriat loh ka thinlunga hlimna awm hian ka hmel te hi a tih eng phet phet te pawh ka ring e a!
Mahse sitting room ka thlen thlak chuan, Gabriel-a chu ka pi nen thingpui hang dawm chungin an lo ti ti leh daih a. Ka pi chuan zo thingpuife, a zik sen ngei a tui bik zia a lo sawi mek a. Min ngaihven awm pawhin an lang lo. Pawnah chhuak tlang ta daihin, kan Varenda longchair a, kan uite hmul buk ve tak, bawk hle hle bulah chuan inkuangkuah âwt chungin ka va ṭhu tau ta ringawt a.
Titau ve ringawt mah ila, kan varenda hmaa pot-a kan pangpar khawi ho, vul lutuk chuan mit an la in, ka ngaihtuahna an la peng daih. Ka ṭhutna hma lawkah mawi takin an par vul chûk a, thinlung leh rilru hi an tihlim a, an ti fresh ka ti. Khawvel pumpui a pangpar te hi vawi leh khatah bo ta duak mai se, khawvel hi a chulin , a chuai rup mai ang em le ?
" In pangpar chu a va vul nasa ve a, a pi an chhun a, an vul chuk mai a ni maw.." Gabriel-a chuan kawngkapui a tanga lo chhuah pah chuan a rawn ti thum bul bul a, a nui sâng lehnghal a. A hmel en a, hawi chho chungin, " A nih chu " ti a ka chhan rual chuan, pangpar lam chu ka melh leh nghal daih a. A nui suk a. " A nih chuan, i bag han la la, kan kal tawh mai dawn em ni ang?" tiin kal a rawt a. Ni e, ka hmanhmawh lutuk kha, bag ken thlak nghal nachang pawh ka hre tawhlo kha nia, a hranpain inchungah chhoh leh a ngai dawn a nih hi ti ru nauh nauh chungin, " Awle " tih pahin ka tho thut a.. min en zui vung vung.. Min hmuh theih loh chin ka thlen veleh hmanhmawh takin inchhungah te, kailawnah te chuan ka tlan chho sawk sawk a.
Ka chhuk leh chuan, Gabriel-a chuan a pa Scooter ṭâwng ve tawh lam chu a lo ti nung vut vut tawh a. Kan tlan chhuah hma chuan, ka piin, "Fimkhur ula aw, lo haw har lo ula" tiin min chah leh thlap a.
Minute 20 - vel kan tlan hnu chuan, Gabriel-a te huan chu kan thleng a. Scooter a hung fel hnu chuan, ka kutah min kaiin an thlam lamah min kai phei det det a. "Eng nge min surprise dawn le ? A hlim hmelin a phur hmel ropui sia" rilru a inzawh ruk mek laiin, min ding pui thut a!. Ka kuta min kaihna chu thlahin, a kekawr ipte zen pahin, " mit chhing rawh le " thu awih takin ka mit ka chhing ve leh mai a. Puan in ka mit chu a rawn tuam mawlh mawlh a. A suih mar leh mar loh min zawt a. " Im, a tawk chiah " ti a ka chhang hnuah min pawm nawlh a. Thuilote min kal pui hnuah min nghat a, ka mit tuamna a phelh chiah chu ka mit a vai rum rum. Mahse a van mawi tak!
Thlam hnung lam a phul hring, cham duai chungah chuan, Lung lianpui mawi em em a ding luah a, chu lung chu a upa tawh tih hriat takin a sir vel chu pat ek in a bawh deuh bawk a. " lo kal rawh le " tih pahin min kai leh a, Lung lianpui chu kan hnaih zel a, a hmunah chuan lian lehzual tak a ni! . En reng reng pawhin rem takin a ding nghet luah a. Step ang deuh rahna rem tak tak a tawp thlengin a awm chho thliah a. A lawn hmasa a. Keimah pawhin ka lawn ve thei tho tak nangin a kut min pe a, min kai chho ve zel a. A chhip chu chaw ei thleng angin a khuar deuh a, mahse a ṭi ṭauhlo . A zau zawng chu , mihring 5 mangchhe deuh tan pawh , duh tawk a mut theihna vel a zau a ni.
Ka hnungah dingin, a hmaah min ding tir a, ka ban leh lam leh lam chu la kangin, ka beng bulah zawi te in, " Titanic - a an tih dan khan aw" a ti a. " Im, mahse kan tih ṭhin ang khan" ti a chhang letin, inthurual takin kan mit kan chhing dun a. Ramhnuai reh taka sava te leh thliin hnah a chhem rik te chu ngaithla in, ramhnuai nawmna kan hip (feel) dun a. Kan tih fo thin dan a ni a, kan pahnih a thuruk kan neih dun pawh a ni. Thlifim vawt raihin pangpar rimtui tak a rawn len phei te chu duhthawh takin kan hip vang vang bawk a. Eng kung nge ? eng par nge? tih Gabriel-a ka zawt a, a ni pawhin a sawi thei biklo . Minute 5 - vel inthurual taka kan bucket list zing a number 1-na; hmun danglam deuh a, tibuaitu tumah tello, kan 2 chauh a thlifim hip dun kan tih zawh chuan, number 2-na; Nghakuai chiah dun turin Gabriel-a te huan mawng lamah kan in zui thla leh a. Dil lian deuh deuh a hrang ṭheuhin 3 - a awm a. Ni sat loh na ber, thingkung hlim hnuaia Nghakuai chiah dun theihnaah chuan ṭhuin, kan Nghakuaiah chuan Changpat kan tawk tarh a, reilote kan chiah hnu chuan, Gabriel-a chuan Sangha dum, patling kutphah aia lian a phih chhuak nghal a, ka en reng a ni tih a hriat chuan intih theih hmel takin a nui ver ver a. A van hmeltha tak! Kan bucket lian kenah, a dah lut fel chiah tihin, ka Nghakuai kul a lo che hrut hrut a. Phur takin ka pawt a. A rit reuh lutuk! Gabriel-a chu ka va en a, beisei san hmel takin min lo thlir reng, a hmelah chuan phurna a lang ! A rit reuh lutuk chu, eng nge a kuaiah chuan in thil ang? hmu chak si, hlauthawng deuh bawk si, phih chhuak ngam chiah silo, Sangha aiah Rul te pawh a kuaiah chuan a lo in awk mai thei tih ngaihtuahna nen, ka ṭhutna a ṭanga ding chhuakin Nghakuai fawng chu ka chelh deuh tawp a. Gabriel-a chuan hriatthiamloh leh hrilh hai hmel takin min en haw a. Chutia ding chunga Nghakuai fawng ka chelh deuh tawp takah chuan min hrethiam a ni mahna! Min pui turin ka bulah a lo ding a, Nghakuai fawng chu ka kut chhanah min dawmpui a. Beisei phakloh ! Sangha sen chi, patling kiu chen a sei, thau deuh a lo ni. Kan phih chhuak chiah chu kan ṭe teng tung a, Gabriel-an fiamthu nen min sawisa bawk, kan hlim dun em em a. Mihring 2 chauh kan ni tih a hriat miah loh ! , kan ri dun chul mai ! Vanramah pawh hetiang bak hian an hlim ka ringlo hial !
Thlam a kan ei tur bakah, In lama hawn tur Sangha 4/5 kan phih chhuah hnu chuan, thlamah kan in dah fel a. Ril a la ṭam loh bakah, chaw fak hun a la nih loh deuh a vangin, Gabriel-a chuan kan kal fo tawhna ṭhin, an huan piah a luiah chuan tui a cheng a rawt a. Cheng ve ngam ngailo mah ila, a kalkawng hrim hrim leh , a lui kam thuklo te te a, dai kual vel nuam ka tih ve tho avangin, a rawt ang chuan kan in zui chhuak leh ta a.
Lung khawk rawk mawi tak tak chunga lui luang te chu kal pel zel in, haw lam a Tuai tak kan keh thluk tur te kan hual thla zel a. A hmun kan thleng a, Gabriel-a chuan a tih fo ṭhin ang in, Vanva lui ah chuan a in vawrh bin thla chhuai a. Keiin video a cover chungin, Gabriel-a nen inhmu pha reng siin, lui hnar lam a chengkawl te ka chhar bawk a.
Khua a thiang ṭha viau emaw tih laiin, chhumin ni a lo hliah a. Khua a lo dur khup khup a. Hmanhmawh takin, Gabriel-a te thlam a let tura kan inbuatsaih lai te chuan, sarthi awm ang maiin, thli a thaw vuk vuk a. Mahse kan hlau chuanglo. Kan mautuai hual ho kha Gabriel-an pawt thlu zung zungin, a iptepui lian takah chuan a khung zel a. Kan hual zawng zawng kan lak zawh chuan, Iptepui lian takah pawh chuan vum thurin a khat vek a, hlawhtling kan inti hle. Gabriel-a hian Vaipaden a siam thiam hle a, a ei siam tawhah chuan, vaipaden tluk a, a siam tui a la awmlo hial ang !. Siam tui thiam ka ti lutuk a, Vaipaden Master ka ti tawp !. Chuvang a nia , thlipui tleh tur ang mai karah pawh inti paukhauhin, a hranpa a kal leh ngat ai chuan kan lak hram hram ni. " Thil tih nana hun ṭha ber chu tun hun hi a ni" tih kha kan thupui hle bawk.
Thlam kan thleng a, ka inbual hmasa a, ka inbual hlan in Gabriel-an maian, anthur, dhania, bahkhawr, lengser leh chawhmeh eng eng emaw a lo la khawm a. A inbual lai in kan siam tur vel te ka lo silfai a. Gabriel-a hi eirawng bawl thiam tak a nih a vangin ka boss en deuh tawp bawk! Kan siam tur silfai leh bawlhlo lo pass vel pawh, ka tih turah ka dah a, a siam vel chu a kutah ka dah deuh tawp zel. A inbual zawh hnu rei vakloah eirawng kan bawl dun a. Engtin nge a siam bik ka hrelo, a tui danglam bik lutuk thin hi !! Dangah hian a tui ral dep dep in ka hre hial ṭhin ! Lei lem tello chauhin ka ei leh a, ka dam sawng sawng a, ka dam tak zet zet. Chutih lai reng pawh chuan Gabriel-a chuan ka awm dan chu a lo chik ru reng a. Hlim tih hriat takin a mit a eng sawr sawr a. H/S kan kal lai a ṭang a inkawm chawt ṭhin kha kan ni a, a ṭawng tam ngailo a, ngawi deuh reng a in zui nileng chang pawh kan nei fo. Ka chezia avanga nuihza insum hmel taka a awm pawhin, ngaihṭhat lohna emaw awm nawm lohna emaw ka neih phah ngailo . Amah tawp hi ka vantirhkoh thla neilo kha a nia . Chubakah, a hlim hmel hian min tihahdam a, a hlim phawt chuan chhan sawi tur hrelo mah ila ka lawm a, a ṭha vek a ni mai.
Chaw ei khamah hmanhmawh lo takin kan hawn tur zawng zawng nen kan insiam fel a. Gabriel-an Scooter a tinung vut vut a. Kan chhuah hmain, an thlam bula Nihawi par bulah chuan kan selfie a. Tuma tel ve lohna, kan pahnih chauh a hun kan hmang naah , vawi 1 chauh thlalak awih a ni a. Chu chu kan pahniha dan siam a ni.
Kan mautuai khawrh kha, thlam a Gabriel-a pa in a riah, iptepui lian deuh chhungah chuan kan khung a. Scooter hnungah ṭawnin kan phur a, ke dahna lamah Gabriel-a Iptepuiin , Maian leh chawhmeh eng ilo kan khungho kan khai bawr bawk a. Keiin ka hnungah bag ka ak bawk a. Kal lam nena khai khin chuan haw lam chu kan bawr vei phian . Mahse Gabriel-a hnungah ṭhuin a kawngah ka kuah thei a, a perfume rim pa tak ka hip reng bawk a. Ear phone in hla kan ngaithla dun bawk a. Khawvel hi a mawiin , a nuam a ni tawp mai ! Hmangaihtu chhungkua leh ṭhianṭha tak tak kan nei a, rual awt in kan awmlo a, tumah kan awt lo bawk a. Hetiang baka nun famkim hi a awm thei dawn em ni ?! tiin ka in zawt ru sep sep a.
Ruah hmi seng seng pawh a han tawh a, ni a lo lang leh tawh. Kawng ngil ṭha kan chhuah chhoh hmain, kan insawh chho deuh bep bep a. Ruah tlem sur hlek khan kan ram kalkawng a ti diak ve hlek a, kawng laih zau lai mek a ni bawk nen. Tlan chak chuan tawlh a hlauhawm deuh bawk a, chu chauh chu , reilote a tana rilru nawm lohna awm chhun a ni hial in ka hria.
Kawngpui kan tih mai National highway kan thleng thuai a. Kawng a ṭha tawh bawk a, thaw a veng leh huai mai. Kan hla play pawh off in, a tuk Sunday inkhawm ban a kan ṭhianho hla zirnaa kan enho tur, mawi leh sak nuam kan tih te kan sawi pah a. Thli thaw nen Scooter ri nen a sawi ka hre ṭha theilo, "maw" "maw" ka ti zing lutuk a, nui hak hak chungin min sawisa a, ka haw der vel a.
Kawng kawi kan tlan kual chiah, ka hmu ṭha hmanlo, ka hmu hman vuai ! Chak lutuka, keimahni min tawk zawng a, a side lo lam a ṭang a Maruti 800 lo lang thut chu ! Break a rik tuarh ruala kan tluk rualin kan invawrh dawrh a. Ka lu kawngpui charah a in vaw chawrh.. Thawm ri a tawp rualin engkim a thim vek !