Re: ALL THE WRONG PLACES 1 ONGOING
Posted: August 20th, 2025, 1:52 pm
Chapter 2
"Chhuak nghal rawh!" Edward Sanders chuan a vin ṭhawt a. A nupui, a fanu leh fapa te hriat ah chuan a aw a khawk rum rum mai. "Kan nun aṭang hian chhuak vang vang la, lo let tawh suh ang che! Kan lak aṭang hian beisei tur engmah i nei tawh lo" a ti bak hlur a
"Pa, i hremna hi a nasa mah mah i ti lovem ni? I fanu leh ka unaunu a la ni reng alawm. Thil a tisual ve a ni mai a, a pum chhunga naute hi i thisen zawm pui ngei a ni asin. I tu chu chhungkaw nei lovin ṭhang chho se i duh em ni?" Gian chuan Julianne tan a lo dilsak a
"Eng nge danglamna awm chuang ang? Pa tellovin a ṭhang chho dawn tho a ni lawm ni? Eng ang mihring in nge maw lo rai a, thlahthlam ngai le? I nau pawh hian kan chhungkaw hming a ti chhe ta a nih hi. Kan zahawmna leh hmingṭhat ve theihna chu thawk leh khatah engmah lohva a chan tir a nih hi"
"Lungngaihna a siam sak che tih chu ka hria alawm. Mahse i hnawh chhuah chuan hrehawm i la ti mai mai zawk ang. Khawngaihin ka pa, ti lo hram rawh" Gian chuan tihtak zetin a unaunu tan a ngen sak a
"Thuthlukna ka siam vek tawh. I unaunu hian mi a mutpui lai khan kan chhungkaw hmingṭhatna tur a ngaihtuah tel hleinem. Rilru thlak thei ka ni tawh lo"
A unaupa leh a pa in room ah a awm ve lo ang maia an inhnial a ngaihthlak laiin Julianne biangah mittui a luang a
"Khawiah nge a kal chuan ang a?" Gian a'n a lo zawt leh a
"A nau paina pa nen khan khawiah pawh lo kal se pawi ka ti lo. Kan chhungkaw hnaiah hian a awm tawh tur a ni lo mai"
Julianne chuan a pum chhunga naute a ngaihtuah em avangin a thinlung a na lehzual. Naupai te chu an in lawmpui ṭhin a ni ngai a, a ni erawh chu a pian hma aṭang a pu in a haw em em mai si a
"Darkar thum insiam fel nan hun ka pe ang che. Golf ka khelh zawh ah ka lo haw hun in i lo awm tawh tur a ni lo" A pa'n a ti bul hmuk a
"I fanu i hnawhchhuah laiin golf i khel ham ham dawn maw? Eng ang pa nge maw i nih le?" Gian chuan thinrim zetin a pa chu a ankhum a
"Khatiang khan min be reng reng suh Gian Carlo Sanders. Roluahtu i nihna aṭang paih chhuah ve i duh em ni?"
"A ro luah tur i laksak tak tak dawn maw?"
"Kan chhungkaw hming a tih chhiat hnua Patrick McAllister te hnena inneih a awm leh thei dawn lo tih hrilh kha ka tan a harsa asin. Hnawhchhuah chiah ka ti tur hi lawm hle tur a ni"
"Ka awih thei lo" Gian chuan a lu a thing a, a unaunu lam hawiin "Kal ang Ian, tihdan tur a awm mai ang" a ti a
Julianne chuan a pa chu a han melh ṭawk ṭawk a "Tihpalh pa, i rilru tihnat ka tum miah lo asin. Ka tihpalh lutuk"
A pa chuan lehlam a hawi san hmak. A ngawi reng a, Gian chuan Ian chu rang lutuk in a kai hrang nghal a
Julianne chu a insiam mawlh mawlh a, room kil khata bottle fim a lak khawm ho dahna chhuar a va hmu fuh a, va pan hnaiin a mittui a rawn luang leh ngiai ngiai a
"Kha chu keng lo mai rawh unaunu" Gian a'n a ti a
"Gian, ka tet te aṭang heng hi ka lakhawm ṭhin tih i hriat kha!" a ti a
"Ka hria alawm. Ka lo ven sak ang che lungngai suh. I kalna hmuna i ken atan chuan an derthawng deuh a ni" Gian a'n a ti a
Julianne pawh chu a lo bu ve nghat a, khuma a bag chu a khai a
Darkar khat hnuah airport ah a awm vang tawh. A cousin Justin leh a nupui Adrienne-i an lo ding a
"Ian!" Adrienne chuan rawn tlan in a rawn kuah a "I ṭha maw ka nau?" a ti a
Julianne chuan engemaw sawi tumin a ka a ang zuau a, mahse a ri chhuak thei tlat lo. A mittui a rawn far fep fep a
"Engkim a ṭha leh vek mai ang. Nangmahin i paltlang dawn hleinem. Ka tiam a che, mi zawng zawng in an ensan che pawhin i tan kan awm reng ang" Adrienne i'n a ti sap a
Justin pawh a nupui hnungah a rawn ding a
Julianne chuan ṭap aw ṭuau hian "Min lo puih vang hian ka pa'n a haw viau ang che" tiin Justin chu a va melh a
"An thu lova ka awm vawikhatna pawh a ni hleinem. A hma pawhin thu ka awih lo tawh a, min hnawtchhuak em hleinem" inringtawk takin Justin chuan a rawn chhang a
Julianne chuan Justin leh Adrienne risk huai zia a hre chiang. An chhungkua hi an inpawhna a thuk em em a, mi hausa chhungkua aṭanga chawr chhuak niin an ram ah pawh sumdawnna ṭhahnem tak an zar pharh duai mai a ni. Hmingṭhatna leh inzahtawnna hi an dah chungnung em em a, upa te'n thuthlukna an siam tawh chuan naupang zawk te chuan ngawi rengin an zawm mai ṭhin. Chu chu tun thlenga an kalpui dan a ni
Julianne-i hnawhchhuah a nih khan a nutei leh patea te zawng zawngin a pa thuthlukna an zah sak a ngai. Inhnawhchhuah erawh pawmpui chiah lo mahse intihthiamloh an duh loh avangin an ngawi mai a ni
Mahse engemaw ti tih in Adams Private jet Airport ah Julianne chu a ding vang mai. An kalna hmun tur pawh a hre chuang lo. Pawi a ti lem lo bawk. Duhthlan tur a nei miau si lo a ni
"Justin ka lawm e, risk in lak huai zia ka hria e"
"Kei chu lawmthu min hrilh suh. He hmeichhia tuna ka ban piai mek tu hi lawmthu hrilh zawk rawh" tiin a nupui chu a han kuah a
Julianne chuan Adrienne melh in a nui var var a "Ka tan hian i awm reng ṭhin a, lawmthu sawi sen loh ka ba a ni" a ti a
"A ho lutuk. Ka tan i ti ve tho ang tih ka hria" Adrienne chu a nui sen sen a
"A ṭha vek maw?" hnung lam aṭang Gian a'n a rawn zawt a
"Ṭha vek e. Mason leh Abi'n airport ah an lo hmuak ang. An bulah Ian hi a awm rih ang. Pate Edward a'n a zawng hmu thei lo vang" tiin Justin a'n a lo chhang a
"I mamawh apiang chu ka tihsak zel ang che. Pawisa ka lo thawn reng ang che. Naute hi ṭha takin nei la, enkawl tawp mai rawh. I rilru ti hah lutuk lo la, hman changin ka rawn tlawh ang che" Gian a'n a rawn kuah a "Kan chhungte i chân a ni maithei. Mahse kei chu min hloh dawn miah lo ania"
"Keini pawh mawle. Justin nen kan rawn tlawh ṭhin ang che. Jeffrey kan rawn hruai tel ṭhin ang" Adrienne i'n a lo ti ve bawk
Julianne chu a thaw halh a, khawvel thar hlak a hmachhawn tawh dawn tih a ngaihtuahin a thaw a ipik zual telh telh
An chhungkaw duat rawn kha a ni ṭhin a, hmeichhe awmchhun a ni. Phirpui a neih bakah cousin mipa pathum ṭhuau a nei bawk. An sumdawnna ṭheuh a tluang hlawm a, ngaihtuahawm an ni lo vek
Hmeichhe awmchhun a nih vangin a zalen dawn maw a lo inti a, Gian a'n Justin leh Jordan angin sumdawnna a enkawl mai turah a lo ngai a
Mahse kum hnih liam ta a, Justin a te chunga thil thleng kha a chungah a pa'n a lo tlak tir ve leh si a, Patrick McAllister, politician chhungkua chu neih tir a lo tum reng mai a ni
An chhung hnih te chu an inrem a, mahse Julianne erawh chuan zalen taka ram fankual a, hmangaih neih te kha a duhthusam ber chu a ni
A chhungten a pasal tur an hual lawk diam tih an hrilh khan a bei let ve nasa. Patrick McAllister hi vawi khat chiah a la hmu a, a fing in a hmelṭha ngei alawm. Mahse Julianne chuan mi hipna ngah deuh, boruaka thlawh tir vang vang thei tu ang kha a duhzawng chu a lo ni si
Kar hnih Paris a a hman chhung khan a duhthusam chu a tawng ngei e
"Lo rai tu che chu min hrilh dawn lovem ni?" Gian chuan thinrim zetin a ha a sehchilh bap bap a
Julianne chuan mit a khap sawk a, a inring nghal ran mai
"Ni e, Ian. Buaina a thlen hnem em che hi. Nangmaha mawhphurna i la hi dik ka ti thei lo" Justin a'n a lo ti ve bawk
A hming hrilh chiah se chu Justin leh Gian hian sawp hrep pawh an hreh dawn lo. Paris a a mipa hmangaih hi a sawp tir hrep thei dawn em ni?"
"Ti teh u, Ian hian a inpeih hun chuan min la hrilh em em ang. A hun rih lo em mai. Nu a nih tawh dawn a, kha pa kha a haw lem lo niin ka hre tlat" Adrienne i'n a lo chhan a
Julianne chuan a lu a lo bu nghat a "In tan hriatthiam a harsa ang tih ka hria. Ka hma hun hi ka tichhe vek ah in ngai a ni maithei mahse naute hi ṭha takin ka enkawl ang. Ka nu leh pate'n eng pawh lo sawi mahse ka kal tlang pui tho ang" a ti a
"Kha pa khan nangmah chauha enkawl turin a kalsan che a, a hming han hre ngat ila chu e, ka sawp na viau ang" Gian a'n a ha chang a ṭhial bap bap a
Julianne chu a lo meng kual ralh a "Chu mi vang ringawt pawh chuan ka hrilh lo chiang viau ang che" khawngaih thla la deuhin a han melh hlawm a "Lo ngaithla teh u, in thinrim a, dem tur in zawng tih ka hria. Mahse heti zawng hian han ngaihtuah teh u, Paris ah hun nuam tak ka hmang a, hmangaih ka tawng a, kan kal hrang a ni mai. Ka duhthlanna vek a ni tih in man thiam lo em ni?"
Gian chu a ṭhen suk a "Tu hmeichhia in nge mahni chauhva fa enkawl duh ang?"
Julianne chu a meng kual leh ralh a "Min lo hrethiam la e, hmeichhia te hian maw fa enkawl turin mipa an mamawh kher lo. In rin ai khan kan chak zawk daih ang. Mai mai shalah!" a ti bak hlarh a
"A nau pai vang a nih kha Gian, la thutak lutuk duh suh" Justin a lo inrawlh vat a "Adrienne pawh a rai lai khan darkar tin min vin alawm. Ka mitah chuan a mawi reng tho mai"
"Nang chu a dan a dang alawm. Keini ve chu Europe a mi vannei pakhatin ka unaunu rai in a nun a tihchhiat sak vek ania"
"Gian!" Julianne chuan a rawn vin hlak a "Thu kam khat han sawi leh chiah teh. Ka chawkslem nawk mai ang che. I thinrim tih ka hria. Mahse naute pa hi maw mi fel tak leh ṭha tak a ni"
"Ni e, mi ṭha tak chu a lo ni a ni ang. Chuti ni lo se, hetiang hian i awm nang" Gian chuan mei nei deuhin a ti leh ngat a
"Duhtawk tawh rawh u. Sawina hun leh hmun a awm. Tunah rih chuan Ian hi Pate Edward a'n a zawn hmuh theih loh nan him dam taka kan chhuahtir phawt a ngai" Adrienne i'n a lo ti ve leh a
"Ka lawm lutuk ania. Engtikah emaw ka la rul ve ngei ang che" Julianne i'n Adrienne chu lawmthu a hrilh mawlh mawlh a
"Engmah a nih loh kha. I chhuah hmasak phawt hi a pawimawh"
Julianne chuan Adrienne, a unaupa leh Justin te chu a kuah a "Ka ngai ngawt ang che u. Ka lawm e" a ti a
"Min lo ngai vak duh suh. Boruak a daih deuh hunah kan rawn tlawh ang che" tiin Gian a'n a tiam a
Minute reilote hnuah Julianne chu Adams Industries Private Jet ah chuan a chuang der der tawh. A hahdam tawh ngei a, mahse a hliam chu a la thar lam hle si a ni
Gian a'n a sawi dik reng. Amah te chauha hmachhawn tur chu a ni lo alawm. Khawvel dang ah French pa hmelṭha em em khan kar hnih chhung lek Paris ah a zun ah a uai tir thei a ni a, a mizia lah kha duhawm tak a ni ringawt
A hmel te pawh kha nimin ang maiin a la hrechiang. A duhawm mai piah lamah a chhiat loh em em rual khan a themthiamna leh mi hriatthiam theihna a neih te khan a hip zual hle a ni
Reilote chauh an inhre hman a, ni sawmpali vawi sawmpahnih infawh vawng vawng leh zan khat hman dun chu kumkhuaa a hriatreng tawh tur a lo ni ta
Khuaa a let leh hunah a hmangaih miah loh neih ai chuan kar hnih chhung Paris a mipa ṭha tak nen hmangaihna par chen dun pawh kha a thlang zawk a ni. Zan khat chauh pawh nise a tan chuan a tawk em em. Kumkhua in tawng leh dawn tawh lo pawh nise a lawm tawk em em a ni.
Mitchhing in a han mitthla leh vang vang a...
"Tu es ravissante..." a aw thum fiah ṭha tak tisa chakna in a fan vek tawh tih hriat taka "Mon Amour..." a tih lai te kha. A mittui a rawn luang leh a
A chhungte ho khan a mipa in a thlahthlam angin an ngai vek a, a nihna tak zawk chu a rawn umzui theihna hun ṭha a siam sak lo hrim hrim. Rawn zawn tum pawh nise engtin nge a theih ang? An intawn lai hian pasal hual a neih avangin hma hun an nei dawnin a hre tlat lo a ni
An inhmuh tirh khan Arabella Adams tiin a inhmelhriat tir tlat mai si a ni
America a a let leh hma zanah studio ah khan a hming diktak hrilh thei chu a ni tho a, mahse hma hun an neih miau loh avangin a ṭangkai vak dawnin a hre tlat lo. A hmangaih miah loh cju pasal ah a nei dawn a, a hming dik tak a hrilh loh pawhin an inhmuh fuh tawh a ring lo a ni
Tu in ring pha ang le? Kar hnih chhung in hmangaihna ah a tlu lut a, a thianghlimna a hloh zan aṭang a lo rai nghal bawk a. A mipa tawn hian invenna a hmang lo tih tu in nge ring pha ang? Zan khat chauh mut dun khan a rai theih tu in nge hre lawk bik ang?
Julianne chuan dimte in a dul a dawm a
"Ka ti thei alawm" a ti zawi sap a, a mittui a rawn luang ngiai ngiai a "Ka hmangaih ang che nga, ṭha takin ka enkawl ang che. Kan dam chhuak ngei ngei ang" tiin a pum chhunga naute chu a fuih a
****
End of 2
CHHUNZAWM LEH TUR
"Chhuak nghal rawh!" Edward Sanders chuan a vin ṭhawt a. A nupui, a fanu leh fapa te hriat ah chuan a aw a khawk rum rum mai. "Kan nun aṭang hian chhuak vang vang la, lo let tawh suh ang che! Kan lak aṭang hian beisei tur engmah i nei tawh lo" a ti bak hlur a
"Pa, i hremna hi a nasa mah mah i ti lovem ni? I fanu leh ka unaunu a la ni reng alawm. Thil a tisual ve a ni mai a, a pum chhunga naute hi i thisen zawm pui ngei a ni asin. I tu chu chhungkaw nei lovin ṭhang chho se i duh em ni?" Gian chuan Julianne tan a lo dilsak a
"Eng nge danglamna awm chuang ang? Pa tellovin a ṭhang chho dawn tho a ni lawm ni? Eng ang mihring in nge maw lo rai a, thlahthlam ngai le? I nau pawh hian kan chhungkaw hming a ti chhe ta a nih hi. Kan zahawmna leh hmingṭhat ve theihna chu thawk leh khatah engmah lohva a chan tir a nih hi"
"Lungngaihna a siam sak che tih chu ka hria alawm. Mahse i hnawh chhuah chuan hrehawm i la ti mai mai zawk ang. Khawngaihin ka pa, ti lo hram rawh" Gian chuan tihtak zetin a unaunu tan a ngen sak a
"Thuthlukna ka siam vek tawh. I unaunu hian mi a mutpui lai khan kan chhungkaw hmingṭhatna tur a ngaihtuah tel hleinem. Rilru thlak thei ka ni tawh lo"
A unaupa leh a pa in room ah a awm ve lo ang maia an inhnial a ngaihthlak laiin Julianne biangah mittui a luang a
"Khawiah nge a kal chuan ang a?" Gian a'n a lo zawt leh a
"A nau paina pa nen khan khawiah pawh lo kal se pawi ka ti lo. Kan chhungkaw hnaiah hian a awm tawh tur a ni lo mai"
Julianne chuan a pum chhunga naute a ngaihtuah em avangin a thinlung a na lehzual. Naupai te chu an in lawmpui ṭhin a ni ngai a, a ni erawh chu a pian hma aṭang a pu in a haw em em mai si a
"Darkar thum insiam fel nan hun ka pe ang che. Golf ka khelh zawh ah ka lo haw hun in i lo awm tawh tur a ni lo" A pa'n a ti bul hmuk a
"I fanu i hnawhchhuah laiin golf i khel ham ham dawn maw? Eng ang pa nge maw i nih le?" Gian chuan thinrim zetin a pa chu a ankhum a
"Khatiang khan min be reng reng suh Gian Carlo Sanders. Roluahtu i nihna aṭang paih chhuah ve i duh em ni?"
"A ro luah tur i laksak tak tak dawn maw?"
"Kan chhungkaw hming a tih chhiat hnua Patrick McAllister te hnena inneih a awm leh thei dawn lo tih hrilh kha ka tan a harsa asin. Hnawhchhuah chiah ka ti tur hi lawm hle tur a ni"
"Ka awih thei lo" Gian chuan a lu a thing a, a unaunu lam hawiin "Kal ang Ian, tihdan tur a awm mai ang" a ti a
Julianne chuan a pa chu a han melh ṭawk ṭawk a "Tihpalh pa, i rilru tihnat ka tum miah lo asin. Ka tihpalh lutuk"
A pa chuan lehlam a hawi san hmak. A ngawi reng a, Gian chuan Ian chu rang lutuk in a kai hrang nghal a
Julianne chu a insiam mawlh mawlh a, room kil khata bottle fim a lak khawm ho dahna chhuar a va hmu fuh a, va pan hnaiin a mittui a rawn luang leh ngiai ngiai a
"Kha chu keng lo mai rawh unaunu" Gian a'n a ti a
"Gian, ka tet te aṭang heng hi ka lakhawm ṭhin tih i hriat kha!" a ti a
"Ka hria alawm. Ka lo ven sak ang che lungngai suh. I kalna hmuna i ken atan chuan an derthawng deuh a ni" Gian a'n a ti a
Julianne pawh chu a lo bu ve nghat a, khuma a bag chu a khai a
Darkar khat hnuah airport ah a awm vang tawh. A cousin Justin leh a nupui Adrienne-i an lo ding a
"Ian!" Adrienne chuan rawn tlan in a rawn kuah a "I ṭha maw ka nau?" a ti a
Julianne chuan engemaw sawi tumin a ka a ang zuau a, mahse a ri chhuak thei tlat lo. A mittui a rawn far fep fep a
"Engkim a ṭha leh vek mai ang. Nangmahin i paltlang dawn hleinem. Ka tiam a che, mi zawng zawng in an ensan che pawhin i tan kan awm reng ang" Adrienne i'n a ti sap a
Justin pawh a nupui hnungah a rawn ding a
Julianne chuan ṭap aw ṭuau hian "Min lo puih vang hian ka pa'n a haw viau ang che" tiin Justin chu a va melh a
"An thu lova ka awm vawikhatna pawh a ni hleinem. A hma pawhin thu ka awih lo tawh a, min hnawtchhuak em hleinem" inringtawk takin Justin chuan a rawn chhang a
Julianne chuan Justin leh Adrienne risk huai zia a hre chiang. An chhungkua hi an inpawhna a thuk em em a, mi hausa chhungkua aṭanga chawr chhuak niin an ram ah pawh sumdawnna ṭhahnem tak an zar pharh duai mai a ni. Hmingṭhatna leh inzahtawnna hi an dah chungnung em em a, upa te'n thuthlukna an siam tawh chuan naupang zawk te chuan ngawi rengin an zawm mai ṭhin. Chu chu tun thlenga an kalpui dan a ni
Julianne-i hnawhchhuah a nih khan a nutei leh patea te zawng zawngin a pa thuthlukna an zah sak a ngai. Inhnawhchhuah erawh pawmpui chiah lo mahse intihthiamloh an duh loh avangin an ngawi mai a ni
Mahse engemaw ti tih in Adams Private jet Airport ah Julianne chu a ding vang mai. An kalna hmun tur pawh a hre chuang lo. Pawi a ti lem lo bawk. Duhthlan tur a nei miau si lo a ni
"Justin ka lawm e, risk in lak huai zia ka hria e"
"Kei chu lawmthu min hrilh suh. He hmeichhia tuna ka ban piai mek tu hi lawmthu hrilh zawk rawh" tiin a nupui chu a han kuah a
Julianne chuan Adrienne melh in a nui var var a "Ka tan hian i awm reng ṭhin a, lawmthu sawi sen loh ka ba a ni" a ti a
"A ho lutuk. Ka tan i ti ve tho ang tih ka hria" Adrienne chu a nui sen sen a
"A ṭha vek maw?" hnung lam aṭang Gian a'n a rawn zawt a
"Ṭha vek e. Mason leh Abi'n airport ah an lo hmuak ang. An bulah Ian hi a awm rih ang. Pate Edward a'n a zawng hmu thei lo vang" tiin Justin a'n a lo chhang a
"I mamawh apiang chu ka tihsak zel ang che. Pawisa ka lo thawn reng ang che. Naute hi ṭha takin nei la, enkawl tawp mai rawh. I rilru ti hah lutuk lo la, hman changin ka rawn tlawh ang che" Gian a'n a rawn kuah a "Kan chhungte i chân a ni maithei. Mahse kei chu min hloh dawn miah lo ania"
"Keini pawh mawle. Justin nen kan rawn tlawh ṭhin ang che. Jeffrey kan rawn hruai tel ṭhin ang" Adrienne i'n a lo ti ve bawk
Julianne chu a thaw halh a, khawvel thar hlak a hmachhawn tawh dawn tih a ngaihtuahin a thaw a ipik zual telh telh
An chhungkaw duat rawn kha a ni ṭhin a, hmeichhe awmchhun a ni. Phirpui a neih bakah cousin mipa pathum ṭhuau a nei bawk. An sumdawnna ṭheuh a tluang hlawm a, ngaihtuahawm an ni lo vek
Hmeichhe awmchhun a nih vangin a zalen dawn maw a lo inti a, Gian a'n Justin leh Jordan angin sumdawnna a enkawl mai turah a lo ngai a
Mahse kum hnih liam ta a, Justin a te chunga thil thleng kha a chungah a pa'n a lo tlak tir ve leh si a, Patrick McAllister, politician chhungkua chu neih tir a lo tum reng mai a ni
An chhung hnih te chu an inrem a, mahse Julianne erawh chuan zalen taka ram fankual a, hmangaih neih te kha a duhthusam ber chu a ni
A chhungten a pasal tur an hual lawk diam tih an hrilh khan a bei let ve nasa. Patrick McAllister hi vawi khat chiah a la hmu a, a fing in a hmelṭha ngei alawm. Mahse Julianne chuan mi hipna ngah deuh, boruaka thlawh tir vang vang thei tu ang kha a duhzawng chu a lo ni si
Kar hnih Paris a a hman chhung khan a duhthusam chu a tawng ngei e
"Lo rai tu che chu min hrilh dawn lovem ni?" Gian chuan thinrim zetin a ha a sehchilh bap bap a
Julianne chuan mit a khap sawk a, a inring nghal ran mai
"Ni e, Ian. Buaina a thlen hnem em che hi. Nangmaha mawhphurna i la hi dik ka ti thei lo" Justin a'n a lo ti ve bawk
A hming hrilh chiah se chu Justin leh Gian hian sawp hrep pawh an hreh dawn lo. Paris a a mipa hmangaih hi a sawp tir hrep thei dawn em ni?"
"Ti teh u, Ian hian a inpeih hun chuan min la hrilh em em ang. A hun rih lo em mai. Nu a nih tawh dawn a, kha pa kha a haw lem lo niin ka hre tlat" Adrienne i'n a lo chhan a
Julianne chuan a lu a lo bu nghat a "In tan hriatthiam a harsa ang tih ka hria. Ka hma hun hi ka tichhe vek ah in ngai a ni maithei mahse naute hi ṭha takin ka enkawl ang. Ka nu leh pate'n eng pawh lo sawi mahse ka kal tlang pui tho ang" a ti a
"Kha pa khan nangmah chauha enkawl turin a kalsan che a, a hming han hre ngat ila chu e, ka sawp na viau ang" Gian a'n a ha chang a ṭhial bap bap a
Julianne chu a lo meng kual ralh a "Chu mi vang ringawt pawh chuan ka hrilh lo chiang viau ang che" khawngaih thla la deuhin a han melh hlawm a "Lo ngaithla teh u, in thinrim a, dem tur in zawng tih ka hria. Mahse heti zawng hian han ngaihtuah teh u, Paris ah hun nuam tak ka hmang a, hmangaih ka tawng a, kan kal hrang a ni mai. Ka duhthlanna vek a ni tih in man thiam lo em ni?"
Gian chu a ṭhen suk a "Tu hmeichhia in nge mahni chauhva fa enkawl duh ang?"
Julianne chu a meng kual leh ralh a "Min lo hrethiam la e, hmeichhia te hian maw fa enkawl turin mipa an mamawh kher lo. In rin ai khan kan chak zawk daih ang. Mai mai shalah!" a ti bak hlarh a
"A nau pai vang a nih kha Gian, la thutak lutuk duh suh" Justin a lo inrawlh vat a "Adrienne pawh a rai lai khan darkar tin min vin alawm. Ka mitah chuan a mawi reng tho mai"
"Nang chu a dan a dang alawm. Keini ve chu Europe a mi vannei pakhatin ka unaunu rai in a nun a tihchhiat sak vek ania"
"Gian!" Julianne chuan a rawn vin hlak a "Thu kam khat han sawi leh chiah teh. Ka chawkslem nawk mai ang che. I thinrim tih ka hria. Mahse naute pa hi maw mi fel tak leh ṭha tak a ni"
"Ni e, mi ṭha tak chu a lo ni a ni ang. Chuti ni lo se, hetiang hian i awm nang" Gian chuan mei nei deuhin a ti leh ngat a
"Duhtawk tawh rawh u. Sawina hun leh hmun a awm. Tunah rih chuan Ian hi Pate Edward a'n a zawn hmuh theih loh nan him dam taka kan chhuahtir phawt a ngai" Adrienne i'n a lo ti ve leh a
"Ka lawm lutuk ania. Engtikah emaw ka la rul ve ngei ang che" Julianne i'n Adrienne chu lawmthu a hrilh mawlh mawlh a
"Engmah a nih loh kha. I chhuah hmasak phawt hi a pawimawh"
Julianne chuan Adrienne, a unaupa leh Justin te chu a kuah a "Ka ngai ngawt ang che u. Ka lawm e" a ti a
"Min lo ngai vak duh suh. Boruak a daih deuh hunah kan rawn tlawh ang che" tiin Gian a'n a tiam a
Minute reilote hnuah Julianne chu Adams Industries Private Jet ah chuan a chuang der der tawh. A hahdam tawh ngei a, mahse a hliam chu a la thar lam hle si a ni
Gian a'n a sawi dik reng. Amah te chauha hmachhawn tur chu a ni lo alawm. Khawvel dang ah French pa hmelṭha em em khan kar hnih chhung lek Paris ah a zun ah a uai tir thei a ni a, a mizia lah kha duhawm tak a ni ringawt
A hmel te pawh kha nimin ang maiin a la hrechiang. A duhawm mai piah lamah a chhiat loh em em rual khan a themthiamna leh mi hriatthiam theihna a neih te khan a hip zual hle a ni
Reilote chauh an inhre hman a, ni sawmpali vawi sawmpahnih infawh vawng vawng leh zan khat hman dun chu kumkhuaa a hriatreng tawh tur a lo ni ta
Khuaa a let leh hunah a hmangaih miah loh neih ai chuan kar hnih chhung Paris a mipa ṭha tak nen hmangaihna par chen dun pawh kha a thlang zawk a ni. Zan khat chauh pawh nise a tan chuan a tawk em em. Kumkhua in tawng leh dawn tawh lo pawh nise a lawm tawk em em a ni.
Mitchhing in a han mitthla leh vang vang a...
"Tu es ravissante..." a aw thum fiah ṭha tak tisa chakna in a fan vek tawh tih hriat taka "Mon Amour..." a tih lai te kha. A mittui a rawn luang leh a
A chhungte ho khan a mipa in a thlahthlam angin an ngai vek a, a nihna tak zawk chu a rawn umzui theihna hun ṭha a siam sak lo hrim hrim. Rawn zawn tum pawh nise engtin nge a theih ang? An intawn lai hian pasal hual a neih avangin hma hun an nei dawnin a hre tlat lo a ni
An inhmuh tirh khan Arabella Adams tiin a inhmelhriat tir tlat mai si a ni
America a a let leh hma zanah studio ah khan a hming diktak hrilh thei chu a ni tho a, mahse hma hun an neih miau loh avangin a ṭangkai vak dawnin a hre tlat lo. A hmangaih miah loh cju pasal ah a nei dawn a, a hming dik tak a hrilh loh pawhin an inhmuh fuh tawh a ring lo a ni
Tu in ring pha ang le? Kar hnih chhung in hmangaihna ah a tlu lut a, a thianghlimna a hloh zan aṭang a lo rai nghal bawk a. A mipa tawn hian invenna a hmang lo tih tu in nge ring pha ang? Zan khat chauh mut dun khan a rai theih tu in nge hre lawk bik ang?
Julianne chuan dimte in a dul a dawm a
"Ka ti thei alawm" a ti zawi sap a, a mittui a rawn luang ngiai ngiai a "Ka hmangaih ang che nga, ṭha takin ka enkawl ang che. Kan dam chhuak ngei ngei ang" tiin a pum chhunga naute chu a fuih a
****
End of 2
CHHUNZAWM LEH TUR