It's All About Love

[Dingdi Chhakchhuak]

It's All About Love
Chapter - 2

edit loh a post tawp aw


Thawhtan ni tuk chuan hna kal turin ka in siam mawlh mawlh a, vawiin hi ka ni hmasa ber tur ani, uLawmi kan inchung nu chuan, kan kawm thlang kawngpui atang min lo au lang lang a

Kawngpui ka thlen thlak rual chuan a scoty a lo ti nung ve chiah bawk "kan tlai palh ang , kal nghal ang " a tih rual chuan a hnunglamah chuan ka lawn kai ve nghal zat bawk.

uLawmi hi kan in luah neitu te niin, a pasal fanau te nen kan inchung chiah ah an awm a , ka school kal lai pawh in , ka pocket money tur tuak nan , ka school banah eirawng bawl leh in chhung sek rek ti in an inah hian ka inhlawh fo thin , Serectariat ah hian a thawk a, collage ka zawm dawnlo tih a hriat khan , an thawh pui pa in thla khat chhung ai kal tur a duh tih a hriat kha , keimah min lo kawh hmuh hlauh a, ka tan a rem phian mai.

Office kan thlen chuan kan thawhna tur department room ah kan lut a, uLawmi chuan min in hmelhriat tur zung zung a , pitar , putar nutling leh patling deuh hlir an ni hlawm a , LDC ai kal tur ka ni a , ka thutna tur leh tih tur leh thil tihdan te chu min hrilh mawlh² hlawm mai, an fel hmel in an in pawh hmel hlawm em em a, ka huphurh ang em em chuan hreawm ka ti ta chiahlo.

Ka tih ber tur chu, file leh lehkha pawimawh lut chhuak lo chhinchhiah vel anih ber hmel

"Esi maw inih a? Pu Zui min ti rawh aw , I hmel lah chu atha em em mai leh nghal a , I piah ami kha pi Manuni anih kha aw a fel ania " rawn ti tu chu ka dinglam dawhkan a thu ani

"Ka va lawm ve awww " nui var² a tih pah chuan ka veilam dawh kan a thu chu ka va en a, nu te lam deuh sa tha pangai tak, ani a min lo nuih var² mai

"Pawl 12 I zir zo tawh maw " Pi manuni kha ani

"Aw thla hmasa a result chhuak ah khan ka tel ve a "

"anih chu mawle, engah nge i pass "

"Distinction ah "

"Oho... Iva pass tha ve, nga nge collage te chu i zawm leh loh iva uihawm ve , lehkha i thiam sia "

"Ignou ah ka chhunzawm dawn a " Za lo deuh a nuih pah in ka ti tha ve mai a , pi manuni leh pu zuia chuan ngaihtuah thui hmel deuh hian , eng sawi silo in min en vung² a, awm dan thiam a har ngei mai, za lo deuhin ka nuih ka nuih mai.

Kan room ah chuan mipa kei ai la upa vaklo ang tih tur hi , file pawn bawr treuh chung hian alo lut a, ka dawhkan ah chuan a file ken chu a rawn cherchhuan tha mawlh mawlh a , chutia a rem fel lai chuan ngawi rengin ka lo en a, ani pawhin athil tih lai chauh chu angaihtuah anih hmel

"e Felte inva ngah ve, hei nula thar hmeltha deuh kan nei ania " Pu zuia ani

"nia a lo let lam an ni hlawm in ka hria " tih pah chuan min lo en in

"uDawnga ai kal tur chu ami inih " Keimah ani min biak

"aw anih kha, Esi anih kha aw, Felte lo kawm thin rawh aw " uLawmi chuan lo phei pahin ka chhan ai min lo chhan sak a, kei ka lo nui heu ringawt thung

"anih chu, Fela ka nia, secretary ami ka nia, in room piah piah ah sawn kan room a awm lo leng thin rawh aw " tih pah chuan min nuih a

"Kan va phei leh nghal mai teh ang, kan la buai deuh a nakin ah ka rawn leng ang " a tih zawm nghal avang chuan

"ole anih aw " nuih pah chuan ka lo ti ve mai a, a kal liam nghal bawk

"Feltea hi chu a hming hi a pu zo ve ania , inkawm rawh u , in in kawm rual khawp ang " Pi manuni bawk ani

Fela file lo dah ho chu ka register book ah chuan ziakin ka chhin chhiah nghal mawlh² a, file number te chu a in ang put mai hian ka hria
Chhun thil ei hun chuan, uLawmi'n ka lo treat ang che atih avang in canteen a thil ei tur in kan in zui chhuak a .

Canteen kan va thleng chu ka zak dawn dawn mai, ka in cheina mawl mang lutuk vang ani.

Incheina uar lo ve tak ka nih mai bakah , mahni khawsak ngaihtuah lek lo a , inchhung bungrua leh chhungkaw eizawn na in a mil lek lo a, thuamhnaw nei changkang in chei mawi em² si hi kan kat nuk mai, thuamhnaw mawi leh tunlai changkang nalh ber ber a in chei in ka leng chhuak min zui haw a nga, kan in chhung an hmu anga engteh ual kan lo ni leh silo tur te hi , tunlai thalai tam zawk hi chu tiang hi kan ni fur mai , kan rual pawl dan hi nu leh pa tam zawk tan chuan rilru hahna tham a tlin hi ka ring thin

Kan thil ei zo chu kan let a, file lo kal neuh neuh a awm a, ka lo chhinchhiah zel a, tumah rual pui awm ta lo chu awl lai phone ka khawih leh zeuh zeuh thin a, hriatloh karah ban alo hun der mai.

uLawmi nen bawk chuan kan in phur haw leh a, ka hma a thru chu, kawng tluan in a ti ti malh malh reng a, a pasal nu a rel ani ber ang chu, kei han sawi ve tur hre ta lo chuan, a khat mawi tawk in, " Anih chu, ani maw, dik chiah" ka lo ti liam ve puat puat bawk a

In ka thleng chu inthlak hmasa loin, thuthleng ah ka mu khaw muang a , ka nu thil zuar alo haw ve chiah bawk.

"Mami ilo haw tawh maw "

"Um "

"Enge a àn a, a hahthlak em "

"Hahthlak loh e, mawng a kham duh lutuk, kan thu nileng ani mai "

"ava tha ve, tha deuh inti la, inzir na zel, kal phung te ihre zel anga, nakinah hna te pawh ila dil ve hun atan ala tangkai dawn ania " a ti zui luam a

"I inhralh tha em " ka lo ti let thung

"tha ani mai zel e, keite hi chu malsawmna ka dawng a, ka zawrh te hi chu an duh vak loh leh mamawh vakloh pawh min khawngaih a min lei sak zel mai tho "

"I fel a, I tawngtai that vang anih chiah chu " nuih vur vur pahin ka lo tia

"ni mai e " nui chungin alo ti ve leh a

Phone ka enzawk a inthlak turin room lamah ka lut a, inthlak mawlh² in , ka intih fel fai zawh hnu chuan rawng bawl pui turin choka lam ka pan leh nghal a

"enge i siam dawn a " uDini kan upa ber nupui chu ka be zui nghal a

"Dal kàn, antram tlak, bean kan, bai i siam thei " ti in nui chungin min lo chhang a

"enge bai tur awm a "

"ka hrebiklo, iduh duh bai mai rawh , i bai hi chu atui vek zel mai "

"an ti ngeiah "

"ani alawm "

"Khawnge midang hi an awm veka "

"bawihtei te chu apa ho in inchungah an awm , a, Kimi chu tuikhur ah a kal in ka hria " Kimi hi kan upa ber dawt tu nupui ani ve thung

" tui lah hi a haw har sia, buaithlak e, suk tur atam tawh si " ka ti nang nang a, keini ang chhungkaq rual, nitin chhuak leh naupang kawl bawk si tan hi chuan ni hnih khat chhung lek pawn suk tur hi a vum lur zel mai

Samtrawk ka bai a, ka bai hmin hnu reilo ah uKimi pawh bucket khai in alo thleng ve chiah bawk a, kan mo te pa 2 hi ze zawi , mi ti phawr phawr lo dam dap hi an ni ve ve a, an mahni tawkah an felin ka nu hi min zah sak in min hmangaih pui thiam dun khawp mai, kan in kawmngaih ve viau bawk a, ukimi hi udini ai in inchhung thil te tham serek han tih neuh² hi a peih leh zual a,kei ai kum 2 chauh in a upa bawk a ,kan titi a in rual vuai vang te hi aniang min ngaina fal in ka hria , chuvang chuan keipawn ka ngai ve riau zel ,

"Oi ilo haw tawh alaw " a bucket khai bathroom a dah luh pahin min nuih leh ver ver tawh

"min lo ngai lutuk anga ilo tah ka hlau a ka lo haw hma "

" i chhe mai anih chu, zanah va in su ila, i peih em, tui atam mai "

"ani maw , athat chu "

Kan haw kim hnu chuan, chhung inkhawm hmang in, zanriah kan ei zawm nghal a

Kan eikham chuan "rawng bawl leh inchhung chet in nileng tawh bawk a kan sil ve ange " tiin thleng sil a chuh a, kan ute nupui ho chuan an phal lo ngang mai, mahse ka nu in "sil tir mai mai rawh u, awl lutuk te hi atha lo, hmeichhia ani leh nghal a ngai a neih a hlauhawm " alo tih avang chuan an chuh pui ta em lo

Phone khawih in kan han thu muang mar te te a chumi hnuah insu turin ukimi nen kan insiam a , udini lo kal ve tum chu "chhangchhe nu kan hruai peihlo , kan su anga nangin i pho ang " tiin kan lo fiam a, ani hi chu fa nei tawh anih na ah a, fate vang hian kan awl leh deuh hlek thin a, a suk tur neih ang ang pawh kan ken sak ve mai bawk

Kan in atang tuikhur hi ahla vaklo a, kan thlen rual in kan in su nghal mawlh mawlh a , kan zawh meuh chuan dar 10 alo ri dawn tawh , hmanhmawh deuhin kan haw a, kan intih fel fai hnuah mahni room ah threuh kan awm a , kan reh duak tawh mai.

Nitin ulawmi nen kan office thin a, hriat lawh khànah kar tawp chu kan thleng leh der mai .

Inrinni tuk chuan, kan veng kawn ah ka nau nen ka nu chawhmeh zawrh kan thutpui ve a, zing inkhawm bang ho hmuh hman aduh si a, kan thu hma khawp mai, ani in in veng hla deuh te in lam a kal kual in a zuar chhuak thung a.

Chaw ei hun awm angah chuan , kan thil zawrh chu kan hralh zo ti tih dawn der mai, ka nau chu chaw ei turin ka tir haw a, ka nu ka phone zawm zat bawk

"nu kan hralh zo dawn tawh, enge i an, I hralh thei em "

" bazar tur ten an lo chhuak hlawm a ka la nei ve nual mai " alo ti thung

"lo let mai la hetah kan ti zo thei mai lo maw " ka tih lai tak chuan ka sam thlah thlak ah chuan tu emaw hian lungte in min rawn vawm kauh mai, ka hawi chhuah rual a ka thut na kawngpui ep lam a tea ding ka va hmuh chuan, mak ka ti deuh amah nih ring chiahlo chuan hmun dang ka hawi kual a , min vawm tur awm ang midang ka hmulo, mahse hrelo derin ka chawhmeh zawrh chu ka en ta daih a

"mami " ka nu ka theihngilh daih

"aw lo phei mai rawh, bawihtei pawh chaw ei turin ka haw tir a " ka tih leh chuan alo let mai tur thu sawi in phone chu kan dh zui a

Phone ka dah zo chuan chawhmeh la awm ang ang chu ka rem tha mawlh mawlh a chu tah , ka samah bawk chuan lungte bawk chuan a rawn vawm leh kauh mai, ka hawi chhuak a min loh nuih sang mai , ka mithmul chu ka ti kang ak a "enge " ka tihna ani mai awm e, chutah ka lamah chuan lo tlan phei in

"enge itih a " ka bul a rawn thlen rual chuan min nuih sang mai

"hei chawhmeh ka zuar " en pawh en ta lem lo chuan ka chhang mai a

"iva fel ve " ka nui tawi tak ringawt mai

"enge in tih zawk a " ka let ve thung , ka zam deuh reuh mai leh nghal a amah chu en pawh ka en tha ngam meuhlo

"ka nu in sa lei puiah min sawm a, ka nghak "

"anih chu, nang pawh i fel anih chu " ka nuih let ve ta

"inhralh anuam em"

"um a zia phian mai "

"kan va phei ange, lo inhralh zo vek rawh aw, zan in group inhmuh khawm tur te kha ilo theihngilh leh ange " a nui var² a, a kal zui mai a, chhan enah pawh ka en ta lo

ka nu pawh reilo ah alo thleng mai, kan han thu dun ren rawn hnuah ka nau chaw eikham pawh alo let a, ka nu nen chuan chaw ei turin kan haw thla ve nghal a

Chaw eikham chuan ka nu chu amah in alet a, ka nau alo hawng thung a , a tam tawh loh avang in ka nu chuan a mahin a tih ral zawh mai theih a in ring anih hmel

In chhung chu a zualpui kan ti fai a, nitin udini leh ukimi te in an awm bawk a, han hnawk leh tih fai ngai em em a awm hranlo

Inkhawm zan anih avangin tlai lambi chu chaw kan ei hma a, eikham chuan kan insiam nghal mawlh² mai, ka ute hi chu zanlam hi an inkhawm ve ngai vaklo a, Pathian ni tuk erawh an dam chuan an thrulh ngai bik chuanglo.

TKP hi group nga lai ah kan inthen hrang a, kan group ah hian treasurer ah kumin khan min han ruat ve hlawl chu ani a, ka phu lo khawp mai .

Biakin lam pan chuan kan nufa in kan kal a ukimi pawh atel, kawt kan thleng chuan ka nau chuan ka nu bul thut atum thu sawi in, ukimi leh ka nu te nen an lut zui mai a, kei erawh tluangi leh asangi nghak in washroom kawt ah ka ding reng mai... ka rin ai an tlai zek mai

an lo thlen chuan, washroom ah chuan lutin, an insiam tha mawlh2 a, chumi hnuah chuan kan lut nghal mai bawk, inrinni zan inkhawm tih takah kan reilo khawp a, inkhawm ban chuan kan group chuan sunday school hall a inhmuh khawm kan rawt avang in , hall lam pan chuan kan thian thum chuan kan chhuk a, andrew leh tea pawh kan hnunglamah chuan an rawn kal ve in ka hria kan thut luh hnu reiloah kan hnungah thu an rawn awm a kan tan hnu chuan , ka sam thlah chu ka hnung lam ami chuan a hmawr hi a hreh ni mai hian ka hria , a che a che leh thin, a rei deuh hnu chuan ka ning ta deuh chuan tunge tih en tum a ka hawi let chuan, tea chu a khup chung a , a kiu nghat in a kut tang chuan ka sam hi alo chep a, en reng chung chuan alo ti vir vel ni in, ka hawi a hriat chuan a kun deuh chung hian mi lo melh cho ve chiah a, keia tih ngaihna hrelo chuan phawk deuh hian ka en a, ani alo nui suk thung

anui hmel mawlh mai chu, ava tha teh hlawl em, thin phu ati rang duh mawlh mawlh teh asin awww,

eng sawi ta lo chuan ka hawi let vat a, tu nge anih tih ka hriat hma a, ka sam khawih ka nin ruk deuh kha tunge anih ka hriat hnu chuan, a khawihtu in a zir vang nge ni , nuam ka ti ta viau thung mai

ban hnu chuan pengkawi lo in ka haw mai a, tluangi leh asangi te erawh, tea te nen coffee in kawi an tum ani awm e, keiin inlam a tih tur min hmuak tu awm ang in chhuan lam ka siam a, ka haw san ta thung a

hei hi ani thian ka neihloh em em na chhan chu ahranpa a thian han kawm a, han len kawi leh khawi emaw chhuah vah vel hi ka peih thinloh avangin, tu te mah hi ka zui rei theilo .

In ka thlen chhuan ka inthlak zawh rual in, inbual turin bathroom lam ka pan nghal a, zing, chhun tih vel a inbual hi ka thiam lo mut dawn te ah inbual ila fai ver vawr a mut tlang nghal mai hi ka duh dan ani, ka inbual zawh chuan khum a mut pah in , ka phone ka khawih kual mai mai a, chutah tluangi status ka en chuan ka awm zawn chhunglam pang hi a thip veng veng a, ka awm dan chu khawhar deuh ang mai ka ni

tluangi status ah chuan an pali hian an lang a, asangi leh tea chu an thu dun in, asangi chuan a lu chu tea darah nghat in, a kut zung tang pa2 chu a biang bulah ti lawr vang chung chuan a nui sang a, tea erawh chuan a dar a bei chu, thle deuh chung hian a melh thla a,a hmui chu nuihzat hmel deuh hian a ti pawrh deuh bawk.

Ka awm dan hi ka thik em ni ang le....