Behind the mask Chapter 39
Posted: September 15th, 2025, 1:31 am
BEHIND THE MASK
Chapter 39
Amos p.o.v
March- may sap ho in spring ti a an sawi season,thingkung in hnah thar a chhuah hunlai kan chhehvel an hring nghulh na,pangpar an par vul chuk na hun chu kalpelin nipui kan chuangkai a.New york City pawh khawlum zual lai tak tak chuan 30-35°C a kai chho pup pup a,lum ti viau mahila India ram ah phei chuan 47°C a ni leh daih ang chu,India ngaihtuah hi chuan helai khawlum chu nep tak a la ni.
Monsoon season pawh mumang ang vel lek a ni,ka hna khawih in min ti buai thin bawk nen sik leh sa an danglam chho zut a,reilo te emaw tih laiin favang kan chuang kai leh der mai,hnah rawng in thlakin new york khawpui a thinghnah hring nghalh te kha a eng, gold colour,serthlum rawng emaw a sen ah an chang a,reilo te ah tla kawlh turin!
John Hopkins hospital,maryland ah hna thil ah kalin NYC thleng ka inkhalh haw leh chhung chu darkar 3 zet a ni.Lab pawh tlawh tawh lo in penthouse ah ka tlang a,lucas pawh kartawp chawlh ah hi chuan ka bulah a rawn hahdam thin a,inchhung ka luh a dawhkanah ka pi(amos nu nu) in vawksa alo rep siam sa vek lucas a lo thawn pawh a lo in hung rum a,lucas a chetna hnu hi chu bomb puahna hnu ang mai a ni!Ka pi thil rawn thawn te chu dahfel in laptop ka on a,ka unaupa erawh ka piah a couch ah thatchhe zeta mu zuar in ka pi a bia a,hna thil ah ka lo buai bawk nen ka pi te pawh ka tlawh khat khawp mai.
Laptop ah NSA lam a kan director email tur ka type mawlh mawlh a,lucas erawh ka bookshelf hawngin a in dap ruk ruk a,ka rem dan loh ang hlira lehkhabu a hai darh leh dawn tih ka hriat avangin en lem lo chuan,
"Put it back properly" ka tihna avang chuan ning zeta phun hluk chunga a rem tha chu a hmuh lem lo chuan ka khi suk a.
Lucas phone a ri a,Ka phone a rawn nghawr ve dawt dawt zui chu ka melh zawk a,ka pa phone call a ni,pawimawh fe anih lem loh chuan ka pa nen hian kan in be khat khawp mai.
"Bawihpui" ka pick up rualin ka pa chuan a ti zangkhai vah a.
Thu khuh hni hne lo in,
Ka pu dam that loh thu leh kan hospital lama kan doctor ten Delhi lam pan tura an rawn anga an kal thu te,ka pu vanduaithlak takin pancreatic (rilbawh)cancer anih thu min hrilh chuan ka thaw chhuak ham ham a,ka ngaituah let a thla 2 zet ka pu hian min be tawh miahlo tak e!
"Khawi hospital ah nge?eng doctor nge in pan?engtikin nge in hriatchhuah?" Zawhna hlirin ka khat.
AIIMS,Delhi anih thu leh Doctor hming te chu a rawn sawi a,pancreatic surgeon tak hi delhi ah hian hmelhriat ka ngah lo a, Neurosurgeon doctor ka lo ni daih bawk nen tu ber nge tunah hian tha ber tih ngaihdan ka nei thiam lem lo khawp mai.
Ka ngawih vang vang hnu chuan,
"Bawihpui i pu chu a tha leh ngei ang,i ngaihtuahna ti fim la,doctor pawh hian reilote ah a rawn bia che nga..i pu latest result ka neih ang ang pawh i email ah ka rawn thawn tawh a.."ka pa in a tih lai chuan ka pa mail chu ka lo hawng der tawh.
Ka chair ka ngeng a,ka kuttang chuan ka table chu ka tap a,ka thluak hian engnge ka tihzui dawn tih a ngaituah tan der tawh.Minute reilo te ah hospital secure online portal ah in logged-in in, information zawng zawng ka en chhuak a.
Scan,lab report,MRI thalak te nen lam chuan engkim chiang takin a alang!
Ka pu cancer bawk chu sensitive area tak bile duct kan tih mai,engkim kan pai tawihna digestion bula awm a nih bakah a tumour chu ka rin phak bakin a lian a,thil awlsam tak ani dawn lo.
Ka phone rawn ri leh in ka pa bawk a ni!
"I pu doctor chuan a rawn be dawn che a,Doctor ve tho i ni tih a hria a,i colleague angin biak tum ang che,not like a worried grandson.. that's what he expects" ka pa in a tih chuan,
"Fine...put him on the line" ka ti a.Muangchang in ka thaw chhuak ham ham a.
Ka pu doctor nen chuan in be zui in ka pu enkawl dan tur chungchang kan rel a,natna awmthei zawng zawng zingah engvanga ka pu natna chu pancreatic cancer berkher nge anih ni?
Neurological- thuak cancer,brain tumor,spinal lesion,engkim ka field chhunga mi natna chu ni se,keimah ngei hian handle in,full control bakah surgery pawh ka kut ngei hian ka perform ang a,chu chu ka battlefield,chakna ka channa hmun a ni!
Mahse pancrease chu HPB doctor,oncology ho hna a ni.A theory chuan ka hria a,staging(natna spread kual dan etc)prognosis(A ngawng theih dan etc)thlengin mahse hei hi ka line/field a ni tawh lo a,eng ang pawha neurosurgeon doctor tha tih a hriat hlawh pawh ni ila pancreas cancer ah chuan ka scalpel hi lo chelek ve ngawt thei ka ni lo.
###A hnuaia mi khu a duhlo tan a chhiar kan theih,doctor nihna hrang hrang ka rawn ziak lang lawk aw story nen a inzawm em em lem lo####
Medical field ah hian doctor chi hrang hrang kan awm a,MBBS kan zawh hian doctor title kan nei chiah a,MBBS degree chu kan zir zawm leh zelna tura licence min pe tu mai a ni tiin Dr sangpuia hian a sawi thin,a dikna chen pawh a awm,mbbs ah hian mihring taksa part engkim ah knowledge kan nei tan a, bachelor degree kan neih ang deuh hi a ni mai,mahse engmah va master kan la nei lo.Tichuan Doctor kan ni satliah a,duh chuan khawi damdawiin ah emaw kan thawk thei a,mahse engmah specialist na kan la neilo.
MBBS kan zirzawh a pg kan zirzawm leh chiah hian training tak tak chu a in tan ta chiah a,chu chu expert i nih tanna a ni,i field tur i speciality na tur i thlanna hmun chu.MD(Doctor of medicine) he field hi medical specialists ni duh tan a ni a.
Heng doctor hian damdawi hmangin damlo an enkawl a,surgeon ani ve lo thung.
MS(Master of surgery) Hehi surgeon ni duh tan a ni a,he field ah hian example ah, General surgeon(common operation ti thin), Orthopedic surgeon(ruh doctor), gynecologist( hmeichhe lam doctor) a zir leh theih a.
Tichuan super specialization a awm leh a.(DM/MCH)
Heihi higest level tiin an sawi thin,MD emaw MS kan zir zawh hnu a kan zir leh thei a ni a,line Pakhat ah kan inthlurbing tluk na hmun.
DM (Doctor of medicine)
Medical specialist ah chuan highest degree a ni a,example ah cardiologist(MD) lo ni ta ila cardiologist (DM) a zirzawm leh thei a,expert uchhuak anih nan,complex procedure tiin super specialist tih pawn an sawi thin nghe nghe
MCH( Magister chirurgiae)
Surgeon tana highest degree an tih a ni a,keipawh he field ah hian MCH in Neurosurgeon ka ni tih in hriat kha,training chhung a rei bakah medical huang chhunga hautak ber anih vang hian Neurosurgeon doctor min hmuh dan pawh hi a dang fo thin tih pawh in hriat ngei ka ring.
Doctor te hi magician kan ni lo a,thluak emaw zang ruh lamah neuro doctor kan awm ang bawkin, cardiologist chu heart doctor ani a, orthopedic pawh ruh doctor an nih ang bawkin,medical field ah hian master na hrang hrang kan nei a.
Movie emaw novel thenkhat ah Doctor in taksa bung hrang hrang an operate tir hi ka hmu fo thin,magician ang maiin Thluak an zai tir a,a tukah lung,a lehpekah chhul.. that's Bullshit!
Heihi reality ah chuan a nihdan a ni lo a, dentist hnenah heart transplant tih tir tum ang mai a ni.Dr sangpuia hian a vei bawk a,youtube channel meuh siamin chung ho chu nuihzathlak takin a react thin nghe nghe.#######
#########
America a kan top HPB surgeon,radiologist, oncologist specialist leh AIIMS,Delhi a ka pu doctor te nen chuan video call conference neiin ka pu enkawl dan tur,khawl hman tur chu sawi in ni 2 chhung tawp hun ka hmang a,ka pu medical care chu muti-national,top level engvangin nge a nih loh ang, hmangaihna awmzia hi hrelo in chhungkaw hlut zia pawh hrethiam ngai lo ka ni a,ka pu chanchin ka hriat meuh erawh chuan avawikhat na tan hlauhthawnna in ka khat miau a ni,a chhan chu inzaina room a awm tur hi kei ni lo in doctor dang a nih vang pawh ani mahna!
"U...i thawmhnaw saw ka lo pack sak mai dawn che mi,dar 2 kan flight a nia i la insiam lo?"Lucas an a ti nung nung chu ka bu nghut a,call conference a zawh in ka hna kalsan tur,ka project leh ka thil engkim lo enkawl tur a ka mi rin ber micah leh NSA a kan director ka be leh a,engtik nge ka let leh dawn ka sawi thei tawh tlat lo a ni.
JFK airport atang Delhi Airport kan thlawh/kan hun hmang chhung hi darkar 12 zet a ni,Delhi Airport kan chhuahsan fel chiah tiin ka papuia call a lo lut a.
"Bawihpui in rawn land tawh em?I pu hian i hming a lam reng tawh ania?" A rawn ti a.
"Ka rawn thleng tep a ni mai" ka ti nghet charh a.
Delhi boruak PAWH thlasik kan hnaih tawh bawk nen a zia viau, Lucas dan ngai te in a titi sur sur chu ngaihtuahna dang sengin skyline lam ka thlir daih thung.
Damdawiin kan thlen chuan ka pu doctor in min koh pen avangin Lucas an ka pu a lo hmu hmasa a,a hnu ah ka pu awmna lam ka pan zui a,Damlo khuma ka pu mu bel ka hmuh chuan inhmehlo ka ti takzet,mi powerful tak damlo ngai meuh lo a ni miau a ni.
"I rawn thleng har em em ve,i chau em" tiin ka kut a vuan a.
Ka hriat tawk lekin Lucas an ka cousin Mathew bulah,
"Unbelievable...kum 5 dawn min hmu tawh lo a,i dam em tih chu khawi lamah,ka hmel a hmuh rual rual khawnge Amos-a a ti daih" tiin a phun ser ser chu ka nui tep a ni.
"Ka pa chu a tlangval nghal der mai lawm,Amos-a magic" tiin papuia a nui ruh ruh a,chhungte dangin papuia thusawi chu an tuihnih liam liam zui pawh chu ignore in monitor chu ka thlek hnuah khum bula file awm chu ka melh leh a,ka thluak chu clinical mode ah ka switch tiila ka sawifiah ber ang,ka pu in ka kut a vawnna erawh dah sawn lo in ka vawn tir reng thung a!
Ka pu rei chimbuai theih a nih loh avangin pawn lamah kan chhuak leh rih a,ka nu leh pa bakah ka chhungte chulai hmuna awm ve te bulah chuan ka pu dinhmun chu an hriathiam theih dan tur ang bera sawi fiahin ka thiam ang tawkin ka tawng thlamuan ve kha!
Chumi zan vek chuan ka pu mutna room ah ka pu leh ka pa in min ko hrang a.
"Bawihpui Mizorama kan hospital hi i kutah a awm a nia aw" chau zeta ti tu ka pu chu melh run in hnial ka tum lai takin ka pa a lo inrawlh a,
"Billions teh meuh America ah i siam a,keini puihna tel lo in billionaire hial i ni thei a,i Empire nen a compare phei chuan hospital hi i tan engtihna mah a ni dawn lo,mahse i pu hian thi leh thau pawlh tak meuh meuh in i tan hospital hi a lo din ve a,a dinhmun hetiang hi anih vangin i available a,nangin i maintain angai a ni" a ti dap dap a.
An pahnih chuan ka melh tawn a,ka ngaituahna a ti buai rap mai,tupa hmuh hmasak ber ka nih bakah kan thlah te ah ka pu hnungzui tu awmchhun ka ni thin a,tunah ka cousin te zinga naupang ber Mathew in kan hnung rawn zui tumin doctor a rawn zir ve tan a,kum 20 a tling tawk chauh bawk si,ka pu natna ringawt pawn ka lu a ti hai tawh sa naklai,kan family legacy engkim thawk leh khata ka mawhphurhna awm nghal vek chuan min ti tawt vek,lehlamah America a ka hna a lo ni bawk nen!
Chhang lo in ka ngawi ta reng a,ka pu chu rawn tawng chhuak leh in,
"Hetiang reng hi ka ni bik dawn lo a,ka dam tha leh nga engkim a pangai leh thei ang,ka lo dam rei lo anih pawn i duh leh mathew a kutah hospital hi i la dah thei ang,mahse tunah chuan mathew pawh MBBS a zir tan chauh a,nanglo chu bawihpui an awm lo ni,he hospital hi i ta anih angin i enkawl a ngai"tiin leh in a khuh zui kharh kharh a.
Kan thlena hotel room a ka awm leh thleng chuan ngaituahna dang ka pu thei tawh lo,ka pu thusawi zawng zawng chu ka thluaka hian a in replay a,boruak hip lut vang vang in,ka hmai ka tuai puat a.
He hospital hi ka mamawh lo a,Mizoram chhuahsan in ka pian ka seilenna hmun ah keimaha ke pen in kum naupangte in billionaire ni thei khawpin ka thawkrim a,ka research,ka damdawi hmuhchhuah,American sawrkar thlengin ka mithla ah an lang chuai chuai a,a pawimawhna leh hlutna chhut phei chuan he hospital branch 2 lek nen hian compare chi pawh a ni lo.
Ka tan chuan mizoram a kan hospital leh tuna ka hna thawh hi car angin khaikhin ta ila,Divine healing hospital hi Car hlui chhe zet ang ani America a ka garage a supercar nen a khaikhin chuan! Outdated tak thil te tham tak a ni.
Mahse ka pu tan chuan thi leh thau pawlh meuha kum tam tak alo suangtuah tawh,a thawhrim na vanga a din,zankhat thil thu a awmsam zeta a neih a ni si lo a,tunah hian sum leh pai lam ngaituah lo a,ka venhim a,ka maintain a ngai ngei bawk si!
Ni e,ka hnuchhawn tawh thil ah chuan ka let leh ngei chu a ngai dawn nih hi,a lo berah chu thil avanga a dam a,peace aneih phahna tur te a nih chuan!
Ka pu result engkim a dinhmun kan hriatchian chuan thuthlukna siam mai harsa kan ti tlang,ka chhungte bulah chuan tihian ka sawi a,
"Surgery chu kan ti ang,a risky a,mahse thil possible ani a,chu chu kan inghahna tur a ni" tiin!
"He hmuna doctor leh an team te hi an tha tawk a, planning felfai tak an nei a,a chance a tha" confi hmel takin lang der mahila keimah ber pawh hi ka confi lo khawp mai,scalpel hum tu tur ka ni tlat lo a!
Ka thusawi avangin ka papuia te erawh hahdam huai hmel an pu a,ka pa erawhin min melh ran a.
"Mahse" tiin ka ngawi dat a.
"A taksa erawh magic ang maiin a rawn dam nghal dawn loa,ngai a awh leh thei mai dawn lo,a lo berah a kum a kum teh meuh angai dawn,equipment,nurse,chung zawng zawng nen in lamah pawh kan enkawl a ngai ang" tiin!
Mizoram lama kan hospital pawh Delhi atang ka control a, hospital ka kutah awm ringawt mahse ka pu kalsan thei ka ni bawk si lo nen,Ameirca lama ka hna nen online in ka vil kawp tihna anih ber chu!
India ka let atang kar hnih zet ani tawh a,vawin chawhnu lam hian ka pu pawh zai theih a ni tawh a,ka thlenna hotel dawhkan ah chuan laptop nghatin zing thawh hlim atang ka bur nghal chawt a.
Mizoram lamah kan Hospital report,recruitment file engkim chuan ka hnen a rawn thleng a,doctor leh nurse thawktu tan chuan hlimthla mai ka ni a,tunge ka nih tih hria chu mi 3 chauh anni.
Ka thawhhlim atang report 3 ka secure system ah a rawn lut a.
Cardiology department lamin cath lab machine an mamawh thu an rawn report a, oncology in chemo drugs an neih tlem tawh thu an rawn report leh in Administration lamin junior doctor te an hike na tur hospital in pawisa tumsak an rawn rawt bawk.
Cardiology leh oncology lama an report chu ka approve sak laiin Adminstration lam a an proposal erawh ka hnawl chian khawp kha!
Ka phone rawn ri zawm leh nghal zat in Head of surgery lalmuana a ni.
"Good evening sir,thil urgent deuh mai ka nei a,kan senior surgeon pakhat hian thawktu indaihlohna vangin staff lak belh vat kan mamawh thu..." A tih lai chu pawtchat in.
"Hnawl a ni" ka lo ti thuai a.
"Mahse sir" a ti dek dek chu,
"Tuna thawk lai mek te kha a manage theilo anihchuan,a post chelh tur khan a senior tawk lo tihna anihchu lo hrilh ang che" ka tih chuan lehlama mi chuan rang zet hian,
"Aw le sir aw le" a ti sawk sawk a.
"Good...e chuan Dr lalmuan" ka tih chuan
"Aw sir" a ti thuai a.
"Don't call me for excuses,call me when you have results" tiin ka hang up a.
Neurosurgery lam audit report ka en ve leh a, vawikhat melh zawk pawh a tawk viau mai.
Surgery delay, complication rate pawh a san tur ai daiha a san bakah,meeting postponed a tam hle a,thil engkim chu a buarchuar,kum 4 kalta a ka enkawl thin lai kha chuan top a lang thin kha tunah chuan a hniam ta khawp mai, Neurosurgery department tawp ka run lai kha chuan sipai ang maiin ka hrual a,mistake pakhat pawh hmuhmawh thin kha ka ni,thil tha duh a hlawhtlinna chang tur chuan discipline a awm ngai a ni lawm ni?
Anthony hian sakei ang maia ka din Neurosurgery department chu zawhte ah a chhuah anih ber hi!
A tawp ber na tan nurse performance audit chu ka en leh thuak thuak a,hmeichhe pakhat hming ka hmuh chuan skip ka tum zet na chu uluk zawk in ka en a.
Vanlalrinawmi!
ka beisei ang chiahin a duty notes pawh a fel lo leh pheng phung tawh!Damlo chart a sign off theihnghilh fo va,Monday shift ah a in report tlai ziah a, an supervisor remark ah pawh pentui sen ngat in,
"Careless,but improving" tih inziak avang chuan nui sukin
"Still Careless...but cute" tiin ka phun chhuak sup a.
Vanlalrinawmi file sira a thlalak lo lang chu engtia rei nge ka melh ka hrelo!
"You're still a mess Andromeda..but my kind of mess" tia laptop shut down ve hram in, ka pu awmna pan turin ka in siam zui a!
Ka pu surgery pawh hlawhtling taka zo fel in, Gabriel-a pawh ka pu an zai ni chuan Delhi a rawn thleng hlawl a,ka pu rawn harhchhuah nan rosary nen kil khatah an puithiam kawrfual ropui nen chuan akhat tawkin an tawngtai ho a,kan chikim tlangin kan chhangchhe khawp mai,ka pu chauh duhtawk lo a,a puithiam thian dangte nen kei thlenga min tawngtaisak thin nen lam chuan ka sawi duah tawh lo mai ang!
Ka pu pawh stable zui in,ICU atang a in recover chhung pawh beisei ai daihin a rei lo,a vawi khat na tan ka pa hmelah thawveng huai hmel rawn lang chuan ka awm a tih nawm phah ve ringawt nachhan hi sawifiah thiam harsa ka ti!
Ka pu pawh mizoram a enkawl zui thei dinhmun a din takah chuan haw turin an in pack sap sap a,la chaklo viau mahse in lamah nurse ruaiin kan in enkawl ve thei tawh dawn a,lawmawm tak a ni,aw chau zet hian,
"Bawihpui...lo haw har lo la,i hna khawih tur zo fel la,ka lo nghak reng dawn che nia" tiin ka kut a rawn vuan chu ka bu nghut a.
Lucas in a ha a khawih tir vangin ani tih loh,ka chhungte zawng zawng in min hawsan diak a,kei erawh Delhi ah chambang rihin AIIMS
surgeon te nen meeting neiin, Mizoram lama kan hospital thil ah supplier nen meeting kan nei zui leh a.Ni e,hei hi ka life/ khawvel a ni deuh tawp mai,Balancing America- delhi- mizoram !
Kar hnih hnuah Mizoramah Lucas nen bawk kan haw rual leh a!Kan in kan thlen a ka thil hmuh avang chuan ka danglam zawk a,Ka pu plan obvious zet a ni!A sawi chhuak ngai lo a,mahse engkim a hre miau a ni ka pu hian,engvang nge tih zawh ka ngai lo a,
"I duh apiang pek vek tum thin tu che i pu hian heng thil hi chu a tih loh ring suh,thi pawh nise van atang hian i duh leh awh zawng a pek theih nan che chuan vantirhkoh chu sawilo Pathian pawh khi a tlawn duh hial ang" ka pa in nui suk a ka pu bula nurse ding en reng chunga a tih chuan ka khi ve suk!
Ka pu hi chu dan theih pawh a ni lo,enthlak duh ngai miahlo kei Psychopath pawh hian ka pu hi chu ngaihkhat ah ka ngai thin tih pawh in hriat kha!
"Pu heihi maw i plan chu ni a" ka room balcony atang kan kawtkaia ka pu wheelchair a chuang nurse in a nawr na lam chu ka melh a,ka sawisel lo a,ka observe rih mai a ni!
Zanah Gabriel-a ka room ah rawn kal in kum kalta a bookmark min pek,
"Setting barabbas set free meant nothing to me,until i realised barabas is me"
(Baraba kha keimah ngei hi ka lo ni reng si tih ka hriatchhuah hma zawng kha chuan Tualthattu Baraba zalenna khan ka nunah hian awmzia a nei ngai lo.)
tih thu leh hla hmang chuan whiskey in pahin kan in hnial barh barh a.
Tual that thin ka ni a,misual tawrawt Psychopath- tih chu khawvel mi ten min thlir dan leh keimah ngei pawh ka inhmuh dan a ni,mahse he ka unaupa Gabriel-a hian tualthahtu misual baraba ngei pawh kha chhuah zalen niin,a aia Isua cross ah khenbeh ani a,chu athihna avang chuan kei pawh hi thiamchang ka nih thu leh ka sualte pawh ngaihdam anih thu a sawi lai kei erawh in history mai anih thu leh Bible chu thawnthu anih thu in ka lo tang ve tung thung?
Mahse chu zan vek chuan ka muhil lo a,ka mumanga leh atak ram ah pawh ka hai der luih thin aw chuan min cho chhuak te pawh ani mahna biakin ah ka kal kha!
Ka thingthi lo a,ka tawngtai hek lo,Isua cross a an khenbeh lim(statue) chu ka thlir reng a.
Eng nge a ropui vak na ani hi,kum sanghnih kalta daih a an khehbeh, salvation(chhandamna) tiin an sawi fo hi?a tak tak ani ngei tih prove na awm lo,thil tak tak chu keihian Nunna tam tak OR ah ka chhanhim a, evidence pawh ka pe thei ang che u,a chhan chu science hian evidence anei tlat a,mahse engvanga hepa thawnthu ang mai vanga helai hmuna kal hi nge ka nih?
Keimah in ka awm emaw ka tih lai ka hmungah puithiam alo ding a.
"Ka fapa i hresual a ni, surgeon niin tumors pawh i paih bo maithei,mahse a ni saw chu sualna paih bo tu a nih saw,mi nunna chhanhim in an nunna i pawtsei thei pawh ani thei mahse ani saw chuan chatuan a nunna a pe thung" tiin ka bulah a rawn ding a.
Hnial tur ka ni a,mahse a vawikhat nan a vawi khat nan tak meuh meuh kei mi ropui tak anga inngai thin hian sawi tur ka hrelo,Isua lim,mary lim bakah mithianghlim(saints) lim te chu ka melh dan dan ringawt a nihkha!
~~~~~~~~
Awmi p.o.v
Kha zan Amos birthday zana cake nen Andy phone atang ka call tum atang chhutin kum hial a vei leh tep ta reng mai,a duhthusam ang ngeiin ka be tawh ngai lo a,ka hriatna hi a bo nawn leh te anih loh chuan theihngilh hmak theih ani lo, theihngilh thei lo mahila ka rilru erawh hma lam pan turin ka siam fel tawh a,ka text tawh ngailo a,amah vangin zan tam Mittui hru thin mahila ngaia neih ka zir chho ve zel a.Peter nupui neih boruak in min nang chho a,rilru la peng tur tawkin keimah ka in dah buai lui bawk nen,ngaihtuah chhuah miahlo tum ka nei ve zeuh zeuh thei tawh.
Zankhat chu youtube ah lutin Psychopath chungchang ka ngaituah tam vang leh ka lam rik zeuh zeuh vang te pawh ani mahna youtube ka hawng chu Psychopath an interview na hi ka hmu fuh a.
Title ah chuan talking with a Christian Psychopath tih a lo in ziak kuau a.
An interview na hrang hrang chu ka en a,chupa chu David wood niin a testimony ka ngaihthlak lai te chuan ka mittui a tla zawih zawih a.
Psychopath hmangaih lo nei tawh tan chuan a thusawi mal tin chu a familiar in min hneh em a ni,ka mittui chuan ka khaw hmuh a ti blurr a,tap khur zawih zawih in,
"Amos,,,Amos engati nge namgmah ni tura ka beisei tlat a,engvanga hrechhuak leh ta che nge ka nih" tiin!
David wood chuan kum 18 anihi a pa thah a tum a,jail ah tang in Christian thian a nei zui a,a Christian thianpa hnialna tur in Bible a chhiar tan a,tum lo deuhin chuta tanga Pathian ring chho chu a ni.
David wood chu a pianthar hnu pawn Psychopath ala ni reng a,a chhan chu Psychopath chu brain disorder a ni a,tlang hrileng ang maia reh thei a ni lo,mahse psychopath pawh Pathian chuan a control thei a ni!
Isua a rin hma chuan- psychopath bawraw tak niin inchhirna nei ngailo, tharum thawh mi a ni a.
Isua a neih hnuah erawh a Psychopath nihna chu Isuan control sakin,Isua hmangaihna, khawngaihna leh chhandamna, discipline hmangin a nun a control a,Ama nihna midang hriathiamna emotion,feelings anei ve theilohna chu ala ngai reng,mahse tharum thawh leh tualthah zawngin a khawsa tawh ngailo.
Athusawi a ka RIRLU khawih deuh chu,
"Ka feel vangin ka mihringpuite hi hmangaih ka ni lo a,mahse Isuan hmangaih tura min hrilh avangin ka hmangaih a ni" a tih chuan ka thinphu ti rang in tap zawih zawih in Amos tan kha zan khan ka dil ve anihkha!
Kan hospital founder leh chairman ni bawk Dr S Thangzuala vanduaithlak taka cancer in kan doctor ten phai ah an refer a,cancer hi chu a rang teh thut bawk a,a chau chak hle niin kan hre zui a,ka lainat in ka tan tak phei hi chuan ngainat loh har deuh mai hi nia, khang ka damlo chhung zawnga ka inenawl senso zawng zawng kha chengkhat mah pawisa kan sen loh chu thuhran ni se,ka damloh lai te khan vip suite leh cabin nuam tak tak min awm tirin min rawn tlawh fo thin a, hospital a thawktu tu pawh hian kan ngaina in kan zah em em a,vanduaithlak takin mihring a chang zo lo ang tih chu kan hlau vek!
Chairman thar kan nei an ti a,a hmel hmuh tur awm lo,tunge anih tih tuman kan hrelo a, hospital a rawn kal ngailoa ralkhat atang hospital hi a rawn enkawl ni mai in kan hria,ralkhat atang pawn control hneh tak erawh a ni thung!
A strict in engkim chu schedule ang chiah a zawm ngai a ni a,drug logs bakah kan chart enter dan thleng chuan!Kan head nurse,hod tin te pawh phu suau suau in,chairman in a ti tih vek chuan hun kan hmang a,tunge anih reng kan hre si lo!
Director office ka kalpelh dawn laiin board ah memo in tar chu ka melh fuh a,memo ah chuan,
"All departments head to submit weekly audit by friday.Chairman review mandatory" tih chu alo in tar kuau mai!
Chairman hming a inziak lo a,a hmel phei chu kan hrelo lehzual!, mihring khirh tak chu a ni ngei ang,weekly audit a review vek dawn chu niah!
Anthony ka bula ngawi renga lo ding chu ka tawlhsan dat a,ngaihzawng anga ka en theih tawhlo thu hrilh mahila min treat dan,min en dan engkim a danglam lo a,kimkimi phei chuan a ten deuh tlat a,chutiang em chuan ka la hmu lemlo na chu supply room te tlema hmun fal a ka awm hleka alo lang thut thut fo thin leh min melh dan chuan ka awm chu a ti nuam bik chiah lo,misual ani lo tih hrechiang tho mahila ka hnar hnuah min approach phet dan hian ka awm a ti nuam lo tihna anih ber chu.
"Awmi Head nurse in a ko che" kimkimi'n min sawi dat dat avang chuan phak zet a ham bai bai in peihlo zet hian ka ding a.
Kal mai ka tum chu kalna tur ber pawh hre chuang lo chuan,
"Khawiah maw" tiin kan let leh rih a,mumang nen ka chawhpawlh nuai,chair bawh meuhin ka muthlu miau hek!
"Admin office ah" ngaihsam zet hian phone a tuai leh puat puat daih a.
Chek hlukin Admin office lam chu ka pan a,admin office ah chuan kan director pawh lo thu in tihian min hrilh zui a.
"Awmi chairman lam chhungte hian nurse an in lama enkawla chairman awmchilh zui tur an mamawh a,a zaidam ber leh mawng zang ber an rawn thlang che anih ka ring,i hahdam in,i hlawh bakah sum pawh an offer tha khawp mai che,i vannei khawp mai" atih chuan makti zetin awih lo lutuk chuan ka mit ka khap fuk fuk ringawt".
Second reilo te chhung chu ka hresual emaw ka ti hial,keimah hi maw min thlan?Nurse tha zawk leh senior zawk experience ngah kei ai zei hlir thlep tuarna hmun ah kei hi?a awihawmloh ve e lawm!
Ka thawh tur chu an kianga chen ve a,chairman buaipui deuh tawp chu a ni a,hna harsa anih loh tur thu an sawi a,ni e engvangin nge a harsat ang damlo pakhat chauh a lawm!
Pawisa min offer na vang ringawt pawn aw tih nawn awn awn na chi anih bakah engvangin nge "aih" ka tih theih ang,chairman ka damlo chhunga min treat dan,a hospital a hnathawk ve mai min care dan ngaihtuah hi chuan ka ba ve hrim hrim a,ka theihtawp aia tha in ka enkawl ngei ang!
Ka chhungte ka hrilhhriat chuan ka hlawh bak chu pawisa min offer na pawh la lo turin min chah nawn mawlh mawlh a,lak ka tum bik lo reng reng,ka tih theih tawk anih bakah hospital a ka hna nen a in hahdam hleih dawn lutuk hi thawhpui te lakah pawh inthlahrun awm tak a ni!
Chairman te inah ka insuanluh dawn chuan an driver in min rawn pick up in,an in chu ropui tak hi a ni ringawt,ka awmna room tur pawh chairman room bul lawka awm niin kan living room ai pawn a zau,hospital atang thawktu thenkhat lo kal in chairman lo thlen hma a room ti fel in chairman hman tur khawl hrang hrang te kan fit zui a,chawhnu dar 2 ah in an rawn thleng a,chairman chhungte hi ka hmu ngai lem lo a,chhungkaw class leh awhawm tak anni tiila ka sawifiah thiam ber ang!
A then chu TV ah te an hmel ka hmu thin a,catholic puithiam thlengin an awm,an kawppui te tih loh chu a tu leh fate ka hmuh chin chu mipa rual thuau anni a,an hmeltha hlawm em em lehnghal!
Kar khat zen zawn kan in awmchilh chuan a khawhar thlak lek lek,hna vangin an chhuak suau zel a,colony khat vek ah an awm na chu chhunah chuan an colony chu a reh thiap zel a,inpui ber chairman awmna ah hian mi 3 chauh an cheng a,chairman fapa naupang ber te nupa hi business neiin zing atang chuak in thim dawnah an lo haw a,fa 2 annei a,chupawh hmun dangah an awm ve ve tih chu ka hriat dan a ni,an hawihawm in an hmeltha dun nupa hle a,chairman monu chu tawng duh deuh mai hi a ni a,min biak luam duh mahse hun a nei tak tak ngai lo,chairman fapa erawh a tawng tlem hle thung,chhunah chuan
an awmpui te leh chairman ho chuan in kan lo nghak thin a.Chairman chu tawng tha peihlo mahse Bible chhiar sak turin min ti fo thin a, Bible ka chhiar sak lo leh zai ngaithlak pui in zah viau mahila ka pu mai chuan cheibawl in,fai takin ka dah thin!
Saturday zing a ni a,chairman in kitchen lamah nawr phei tura min tih angin wheelchair chuan ka nawrphei a,rin loh deuhin chairman monu nu Eli pawh kitchen an lo la awmin,vawiin chu hna a kal loh tur thu leh an fate pahnih lo haw tur thu an awmpui te bula hlim zet a sawi siam siam pah hian apple pie a lo siam a.
"Squid kha siam su,bawihpuian a rim kha a ngaithei lo" thei leh theilo in chairman in a tih chuan nu eli in,
"Ka pa hi chu aw..bawihpuia awm chuan bawihpuia duhzawng chauh kan hmeh leh reng dawn anihi,chumi sawi tur ringawt chuan mi awmi a rawn in nawr phei tir che" tiin a nui har har a.Chhan ngaihna hrelo in ka nui ve tawp ringawt!
"Awmi ka Apple pie siam hi han tem chhin teh,ka fapa upa zawk hian a ngaina lutuk a" ti zawm leh zatin apple pie chu min han ei tir leh ang lawp lawp a,nu eli in awm leh awm loh chu hriat tak a ni ringawt,harh thit thet tak hi a ni mai!
Chairman chu helhhawlh ang maiin sana thei leh thei lo hian a thlek sek tawh!
Chawhnu dar 2 a rikin IV drip khai zo a thar ka tlak leh mek laiin tlangval la upat lo hmel tak lo lut chu ka lo en reng a,ka hmuh tawh hmu a ang em em lehnghal,khawi magazine ah emaw tal chuan ka hmu tawh ngei ang!
"Pu" thawveng deuh hian a rawn ti lut a.
"Khawnge bawihpuia,in lo thleng tluang maw" chairman in a tih chuan a tupa naupang zawk anih ka ring.
"Khawnge bawihpuia ti hmasa zawk ve ziah,a tih dan ngai te in mummy a la chuks phawt" tiin a khi vur vur a, chairman mutna khum sira lehkha bu atlak vangin chhar tura ka kun lai takin thawm dang a rawn awm zui a.
"E bawihpui i chau em?" Chairman aw chu a ri chang chang.
"La tawng vak suh ka tih kha,kan rawn tluang" chu aw ri avang chuan hik chhuak vek thei.
Lekhabu tla chhar a ka hawichhuah chuan amah ni ngei in ka hria!
Amos-a ngei a ni!
Ni lo
Ni lo!
A ni thei lo,Amos a hi kan chairman tupa maw?
Anihchuan ka hmuh hnu ang ka tih hi Amos nau lucas-a kha a nih dawn hi.
Monitor a thlekin min la hmu ve lo a,kei erawh ka chawn tha te hi chat tur ang maiin a awm tawh,monitor atang a mit a la sawn min rawn melh chiah chu amah pawh mak ti hmel a pu,a hre lawk bik lo anih hmel,kei erawh IV pole vuanin ka tluk mai loh nanvnghet takin ka in vuan nghet thung!
To be cont..
(Chapter 40 hi monday or Tuesday zanah rawn post ka tum ang,tunkar chu story ka ziak hman lo aw)
Chapter 39
Amos p.o.v
March- may sap ho in spring ti a an sawi season,thingkung in hnah thar a chhuah hunlai kan chhehvel an hring nghulh na,pangpar an par vul chuk na hun chu kalpelin nipui kan chuangkai a.New york City pawh khawlum zual lai tak tak chuan 30-35°C a kai chho pup pup a,lum ti viau mahila India ram ah phei chuan 47°C a ni leh daih ang chu,India ngaihtuah hi chuan helai khawlum chu nep tak a la ni.
Monsoon season pawh mumang ang vel lek a ni,ka hna khawih in min ti buai thin bawk nen sik leh sa an danglam chho zut a,reilo te emaw tih laiin favang kan chuang kai leh der mai,hnah rawng in thlakin new york khawpui a thinghnah hring nghalh te kha a eng, gold colour,serthlum rawng emaw a sen ah an chang a,reilo te ah tla kawlh turin!
John Hopkins hospital,maryland ah hna thil ah kalin NYC thleng ka inkhalh haw leh chhung chu darkar 3 zet a ni.Lab pawh tlawh tawh lo in penthouse ah ka tlang a,lucas pawh kartawp chawlh ah hi chuan ka bulah a rawn hahdam thin a,inchhung ka luh a dawhkanah ka pi(amos nu nu) in vawksa alo rep siam sa vek lucas a lo thawn pawh a lo in hung rum a,lucas a chetna hnu hi chu bomb puahna hnu ang mai a ni!Ka pi thil rawn thawn te chu dahfel in laptop ka on a,ka unaupa erawh ka piah a couch ah thatchhe zeta mu zuar in ka pi a bia a,hna thil ah ka lo buai bawk nen ka pi te pawh ka tlawh khat khawp mai.
Laptop ah NSA lam a kan director email tur ka type mawlh mawlh a,lucas erawh ka bookshelf hawngin a in dap ruk ruk a,ka rem dan loh ang hlira lehkhabu a hai darh leh dawn tih ka hriat avangin en lem lo chuan,
"Put it back properly" ka tihna avang chuan ning zeta phun hluk chunga a rem tha chu a hmuh lem lo chuan ka khi suk a.
Lucas phone a ri a,Ka phone a rawn nghawr ve dawt dawt zui chu ka melh zawk a,ka pa phone call a ni,pawimawh fe anih lem loh chuan ka pa nen hian kan in be khat khawp mai.
"Bawihpui" ka pick up rualin ka pa chuan a ti zangkhai vah a.
Thu khuh hni hne lo in,
Ka pu dam that loh thu leh kan hospital lama kan doctor ten Delhi lam pan tura an rawn anga an kal thu te,ka pu vanduaithlak takin pancreatic (rilbawh)cancer anih thu min hrilh chuan ka thaw chhuak ham ham a,ka ngaituah let a thla 2 zet ka pu hian min be tawh miahlo tak e!
"Khawi hospital ah nge?eng doctor nge in pan?engtikin nge in hriatchhuah?" Zawhna hlirin ka khat.
AIIMS,Delhi anih thu leh Doctor hming te chu a rawn sawi a,pancreatic surgeon tak hi delhi ah hian hmelhriat ka ngah lo a, Neurosurgeon doctor ka lo ni daih bawk nen tu ber nge tunah hian tha ber tih ngaihdan ka nei thiam lem lo khawp mai.
Ka ngawih vang vang hnu chuan,
"Bawihpui i pu chu a tha leh ngei ang,i ngaihtuahna ti fim la,doctor pawh hian reilote ah a rawn bia che nga..i pu latest result ka neih ang ang pawh i email ah ka rawn thawn tawh a.."ka pa in a tih lai chuan ka pa mail chu ka lo hawng der tawh.
Ka chair ka ngeng a,ka kuttang chuan ka table chu ka tap a,ka thluak hian engnge ka tihzui dawn tih a ngaituah tan der tawh.Minute reilo te ah hospital secure online portal ah in logged-in in, information zawng zawng ka en chhuak a.
Scan,lab report,MRI thalak te nen lam chuan engkim chiang takin a alang!
Ka pu cancer bawk chu sensitive area tak bile duct kan tih mai,engkim kan pai tawihna digestion bula awm a nih bakah a tumour chu ka rin phak bakin a lian a,thil awlsam tak ani dawn lo.
Ka phone rawn ri leh in ka pa bawk a ni!
"I pu doctor chuan a rawn be dawn che a,Doctor ve tho i ni tih a hria a,i colleague angin biak tum ang che,not like a worried grandson.. that's what he expects" ka pa in a tih chuan,
"Fine...put him on the line" ka ti a.Muangchang in ka thaw chhuak ham ham a.
Ka pu doctor nen chuan in be zui in ka pu enkawl dan tur chungchang kan rel a,natna awmthei zawng zawng zingah engvanga ka pu natna chu pancreatic cancer berkher nge anih ni?
Neurological- thuak cancer,brain tumor,spinal lesion,engkim ka field chhunga mi natna chu ni se,keimah ngei hian handle in,full control bakah surgery pawh ka kut ngei hian ka perform ang a,chu chu ka battlefield,chakna ka channa hmun a ni!
Mahse pancrease chu HPB doctor,oncology ho hna a ni.A theory chuan ka hria a,staging(natna spread kual dan etc)prognosis(A ngawng theih dan etc)thlengin mahse hei hi ka line/field a ni tawh lo a,eng ang pawha neurosurgeon doctor tha tih a hriat hlawh pawh ni ila pancreas cancer ah chuan ka scalpel hi lo chelek ve ngawt thei ka ni lo.
###A hnuaia mi khu a duhlo tan a chhiar kan theih,doctor nihna hrang hrang ka rawn ziak lang lawk aw story nen a inzawm em em lem lo####
Medical field ah hian doctor chi hrang hrang kan awm a,MBBS kan zawh hian doctor title kan nei chiah a,MBBS degree chu kan zir zawm leh zelna tura licence min pe tu mai a ni tiin Dr sangpuia hian a sawi thin,a dikna chen pawh a awm,mbbs ah hian mihring taksa part engkim ah knowledge kan nei tan a, bachelor degree kan neih ang deuh hi a ni mai,mahse engmah va master kan la nei lo.Tichuan Doctor kan ni satliah a,duh chuan khawi damdawiin ah emaw kan thawk thei a,mahse engmah specialist na kan la neilo.MBBS kan zirzawh a pg kan zirzawm leh chiah hian training tak tak chu a in tan ta chiah a,chu chu expert i nih tanna a ni,i field tur i speciality na tur i thlanna hmun chu.MD(Doctor of medicine) he field hi medical specialists ni duh tan a ni a.
Heng doctor hian damdawi hmangin damlo an enkawl a,surgeon ani ve lo thung.
MS(Master of surgery) Hehi surgeon ni duh tan a ni a,he field ah hian example ah, General surgeon(common operation ti thin), Orthopedic surgeon(ruh doctor), gynecologist( hmeichhe lam doctor) a zir leh theih a.
Tichuan super specialization a awm leh a.(DM/MCH)
Heihi higest level tiin an sawi thin,MD emaw MS kan zir zawh hnu a kan zir leh thei a ni a,line Pakhat ah kan inthlurbing tluk na hmun.
DM (Doctor of medicine)
Medical specialist ah chuan highest degree a ni a,example ah cardiologist(MD) lo ni ta ila cardiologist (DM) a zirzawm leh thei a,expert uchhuak anih nan,complex procedure tiin super specialist tih pawn an sawi thin nghe nghe
MCH( Magister chirurgiae)
Surgeon tana highest degree an tih a ni a,keipawh he field ah hian MCH in Neurosurgeon ka ni tih in hriat kha,training chhung a rei bakah medical huang chhunga hautak ber anih vang hian Neurosurgeon doctor min hmuh dan pawh hi a dang fo thin tih pawh in hriat ngei ka ring.
Doctor te hi magician kan ni lo a,thluak emaw zang ruh lamah neuro doctor kan awm ang bawkin, cardiologist chu heart doctor ani a, orthopedic pawh ruh doctor an nih ang bawkin,medical field ah hian master na hrang hrang kan nei a.
Movie emaw novel thenkhat ah Doctor in taksa bung hrang hrang an operate tir hi ka hmu fo thin,magician ang maiin Thluak an zai tir a,a tukah lung,a lehpekah chhul.. that's Bullshit!
Heihi reality ah chuan a nihdan a ni lo a, dentist hnenah heart transplant tih tir tum ang mai a ni.Dr sangpuia hian a vei bawk a,youtube channel meuh siamin chung ho chu nuihzathlak takin a react thin nghe nghe.#######
#########
America a kan top HPB surgeon,radiologist, oncologist specialist leh AIIMS,Delhi a ka pu doctor te nen chuan video call conference neiin ka pu enkawl dan tur,khawl hman tur chu sawi in ni 2 chhung tawp hun ka hmang a,ka pu medical care chu muti-national,top level engvangin nge a nih loh ang, hmangaihna awmzia hi hrelo in chhungkaw hlut zia pawh hrethiam ngai lo ka ni a,ka pu chanchin ka hriat meuh erawh chuan avawikhat na tan hlauhthawnna in ka khat miau a ni,a chhan chu inzaina room a awm tur hi kei ni lo in doctor dang a nih vang pawh ani mahna!
"U...i thawmhnaw saw ka lo pack sak mai dawn che mi,dar 2 kan flight a nia i la insiam lo?"Lucas an a ti nung nung chu ka bu nghut a,call conference a zawh in ka hna kalsan tur,ka project leh ka thil engkim lo enkawl tur a ka mi rin ber micah leh NSA a kan director ka be leh a,engtik nge ka let leh dawn ka sawi thei tawh tlat lo a ni.
JFK airport atang Delhi Airport kan thlawh/kan hun hmang chhung hi darkar 12 zet a ni,Delhi Airport kan chhuahsan fel chiah tiin ka papuia call a lo lut a.
"Bawihpui in rawn land tawh em?I pu hian i hming a lam reng tawh ania?" A rawn ti a.
"Ka rawn thleng tep a ni mai" ka ti nghet charh a.
Delhi boruak PAWH thlasik kan hnaih tawh bawk nen a zia viau, Lucas dan ngai te in a titi sur sur chu ngaihtuahna dang sengin skyline lam ka thlir daih thung.
Damdawiin kan thlen chuan ka pu doctor in min koh pen avangin Lucas an ka pu a lo hmu hmasa a,a hnu ah ka pu awmna lam ka pan zui a,Damlo khuma ka pu mu bel ka hmuh chuan inhmehlo ka ti takzet,mi powerful tak damlo ngai meuh lo a ni miau a ni.
"I rawn thleng har em em ve,i chau em" tiin ka kut a vuan a.
Ka hriat tawk lekin Lucas an ka cousin Mathew bulah,
"Unbelievable...kum 5 dawn min hmu tawh lo a,i dam em tih chu khawi lamah,ka hmel a hmuh rual rual khawnge Amos-a a ti daih" tiin a phun ser ser chu ka nui tep a ni.
"Ka pa chu a tlangval nghal der mai lawm,Amos-a magic" tiin papuia a nui ruh ruh a,chhungte dangin papuia thusawi chu an tuihnih liam liam zui pawh chu ignore in monitor chu ka thlek hnuah khum bula file awm chu ka melh leh a,ka thluak chu clinical mode ah ka switch tiila ka sawifiah ber ang,ka pu in ka kut a vawnna erawh dah sawn lo in ka vawn tir reng thung a!
Ka pu rei chimbuai theih a nih loh avangin pawn lamah kan chhuak leh rih a,ka nu leh pa bakah ka chhungte chulai hmuna awm ve te bulah chuan ka pu dinhmun chu an hriathiam theih dan tur ang bera sawi fiahin ka thiam ang tawkin ka tawng thlamuan ve kha!
Chumi zan vek chuan ka pu mutna room ah ka pu leh ka pa in min ko hrang a.
"Bawihpui Mizorama kan hospital hi i kutah a awm a nia aw" chau zeta ti tu ka pu chu melh run in hnial ka tum lai takin ka pa a lo inrawlh a,
"Billions teh meuh America ah i siam a,keini puihna tel lo in billionaire hial i ni thei a,i Empire nen a compare phei chuan hospital hi i tan engtihna mah a ni dawn lo,mahse i pu hian thi leh thau pawlh tak meuh meuh in i tan hospital hi a lo din ve a,a dinhmun hetiang hi anih vangin i available a,nangin i maintain angai a ni" a ti dap dap a.
An pahnih chuan ka melh tawn a,ka ngaituahna a ti buai rap mai,tupa hmuh hmasak ber ka nih bakah kan thlah te ah ka pu hnungzui tu awmchhun ka ni thin a,tunah ka cousin te zinga naupang ber Mathew in kan hnung rawn zui tumin doctor a rawn zir ve tan a,kum 20 a tling tawk chauh bawk si,ka pu natna ringawt pawn ka lu a ti hai tawh sa naklai,kan family legacy engkim thawk leh khata ka mawhphurhna awm nghal vek chuan min ti tawt vek,lehlamah America a ka hna a lo ni bawk nen!
Chhang lo in ka ngawi ta reng a,ka pu chu rawn tawng chhuak leh in,
"Hetiang reng hi ka ni bik dawn lo a,ka dam tha leh nga engkim a pangai leh thei ang,ka lo dam rei lo anih pawn i duh leh mathew a kutah hospital hi i la dah thei ang,mahse tunah chuan mathew pawh MBBS a zir tan chauh a,nanglo chu bawihpui an awm lo ni,he hospital hi i ta anih angin i enkawl a ngai"tiin leh in a khuh zui kharh kharh a.
Kan thlena hotel room a ka awm leh thleng chuan ngaituahna dang ka pu thei tawh lo,ka pu thusawi zawng zawng chu ka thluaka hian a in replay a,boruak hip lut vang vang in,ka hmai ka tuai puat a.
He hospital hi ka mamawh lo a,Mizoram chhuahsan in ka pian ka seilenna hmun ah keimaha ke pen in kum naupangte in billionaire ni thei khawpin ka thawkrim a,ka research,ka damdawi hmuhchhuah,American sawrkar thlengin ka mithla ah an lang chuai chuai a,a pawimawhna leh hlutna chhut phei chuan he hospital branch 2 lek nen hian compare chi pawh a ni lo.
Ka tan chuan mizoram a kan hospital leh tuna ka hna thawh hi car angin khaikhin ta ila,Divine healing hospital hi Car hlui chhe zet ang ani America a ka garage a supercar nen a khaikhin chuan! Outdated tak thil te tham tak a ni.
Mahse ka pu tan chuan thi leh thau pawlh meuha kum tam tak alo suangtuah tawh,a thawhrim na vanga a din,zankhat thil thu a awmsam zeta a neih a ni si lo a,tunah hian sum leh pai lam ngaituah lo a,ka venhim a,ka maintain a ngai ngei bawk si!
Ni e,ka hnuchhawn tawh thil ah chuan ka let leh ngei chu a ngai dawn nih hi,a lo berah chu thil avanga a dam a,peace aneih phahna tur te a nih chuan!
Ka pu result engkim a dinhmun kan hriatchian chuan thuthlukna siam mai harsa kan ti tlang,ka chhungte bulah chuan tihian ka sawi a,
"Surgery chu kan ti ang,a risky a,mahse thil possible ani a,chu chu kan inghahna tur a ni" tiin!
"He hmuna doctor leh an team te hi an tha tawk a, planning felfai tak an nei a,a chance a tha" confi hmel takin lang der mahila keimah ber pawh hi ka confi lo khawp mai,scalpel hum tu tur ka ni tlat lo a!
Ka thusawi avangin ka papuia te erawh hahdam huai hmel an pu a,ka pa erawhin min melh ran a.
"Mahse" tiin ka ngawi dat a.
"A taksa erawh magic ang maiin a rawn dam nghal dawn loa,ngai a awh leh thei mai dawn lo,a lo berah a kum a kum teh meuh angai dawn,equipment,nurse,chung zawng zawng nen in lamah pawh kan enkawl a ngai ang" tiin!
Mizoram lama kan hospital pawh Delhi atang ka control a, hospital ka kutah awm ringawt mahse ka pu kalsan thei ka ni bawk si lo nen,Ameirca lama ka hna nen online in ka vil kawp tihna anih ber chu!
India ka let atang kar hnih zet ani tawh a,vawin chawhnu lam hian ka pu pawh zai theih a ni tawh a,ka thlenna hotel dawhkan ah chuan laptop nghatin zing thawh hlim atang ka bur nghal chawt a.
Mizoram lamah kan Hospital report,recruitment file engkim chuan ka hnen a rawn thleng a,doctor leh nurse thawktu tan chuan hlimthla mai ka ni a,tunge ka nih tih hria chu mi 3 chauh anni.
Ka thawhhlim atang report 3 ka secure system ah a rawn lut a.
Cardiology department lamin cath lab machine an mamawh thu an rawn report a, oncology in chemo drugs an neih tlem tawh thu an rawn report leh in Administration lamin junior doctor te an hike na tur hospital in pawisa tumsak an rawn rawt bawk.
Cardiology leh oncology lama an report chu ka approve sak laiin Adminstration lam a an proposal erawh ka hnawl chian khawp kha!
Ka phone rawn ri zawm leh nghal zat in Head of surgery lalmuana a ni.
"Good evening sir,thil urgent deuh mai ka nei a,kan senior surgeon pakhat hian thawktu indaihlohna vangin staff lak belh vat kan mamawh thu..." A tih lai chu pawtchat in.
"Hnawl a ni" ka lo ti thuai a.
"Mahse sir" a ti dek dek chu,
"Tuna thawk lai mek te kha a manage theilo anihchuan,a post chelh tur khan a senior tawk lo tihna anihchu lo hrilh ang che" ka tih chuan lehlama mi chuan rang zet hian,
"Aw le sir aw le" a ti sawk sawk a.
"Good...e chuan Dr lalmuan" ka tih chuan
"Aw sir" a ti thuai a.
"Don't call me for excuses,call me when you have results" tiin ka hang up a.
Neurosurgery lam audit report ka en ve leh a, vawikhat melh zawk pawh a tawk viau mai.
Surgery delay, complication rate pawh a san tur ai daiha a san bakah,meeting postponed a tam hle a,thil engkim chu a buarchuar,kum 4 kalta a ka enkawl thin lai kha chuan top a lang thin kha tunah chuan a hniam ta khawp mai, Neurosurgery department tawp ka run lai kha chuan sipai ang maiin ka hrual a,mistake pakhat pawh hmuhmawh thin kha ka ni,thil tha duh a hlawhtlinna chang tur chuan discipline a awm ngai a ni lawm ni?
Anthony hian sakei ang maia ka din Neurosurgery department chu zawhte ah a chhuah anih ber hi!
A tawp ber na tan nurse performance audit chu ka en leh thuak thuak a,hmeichhe pakhat hming ka hmuh chuan skip ka tum zet na chu uluk zawk in ka en a.
Vanlalrinawmi!
ka beisei ang chiahin a duty notes pawh a fel lo leh pheng phung tawh!Damlo chart a sign off theihnghilh fo va,Monday shift ah a in report tlai ziah a, an supervisor remark ah pawh pentui sen ngat in,
"Careless,but improving" tih inziak avang chuan nui sukin
"Still Careless...but cute" tiin ka phun chhuak sup a.
Vanlalrinawmi file sira a thlalak lo lang chu engtia rei nge ka melh ka hrelo!
"You're still a mess Andromeda..but my kind of mess" tia laptop shut down ve hram in, ka pu awmna pan turin ka in siam zui a!
Ka pu surgery pawh hlawhtling taka zo fel in, Gabriel-a pawh ka pu an zai ni chuan Delhi a rawn thleng hlawl a,ka pu rawn harhchhuah nan rosary nen kil khatah an puithiam kawrfual ropui nen chuan akhat tawkin an tawngtai ho a,kan chikim tlangin kan chhangchhe khawp mai,ka pu chauh duhtawk lo a,a puithiam thian dangte nen kei thlenga min tawngtaisak thin nen lam chuan ka sawi duah tawh lo mai ang!
Ka pu pawh stable zui in,ICU atang a in recover chhung pawh beisei ai daihin a rei lo,a vawi khat na tan ka pa hmelah thawveng huai hmel rawn lang chuan ka awm a tih nawm phah ve ringawt nachhan hi sawifiah thiam harsa ka ti!
Ka pu pawh mizoram a enkawl zui thei dinhmun a din takah chuan haw turin an in pack sap sap a,la chaklo viau mahse in lamah nurse ruaiin kan in enkawl ve thei tawh dawn a,lawmawm tak a ni,aw chau zet hian,
"Bawihpui...lo haw har lo la,i hna khawih tur zo fel la,ka lo nghak reng dawn che nia" tiin ka kut a rawn vuan chu ka bu nghut a.
Lucas in a ha a khawih tir vangin ani tih loh,ka chhungte zawng zawng in min hawsan diak a,kei erawh Delhi ah chambang rihin AIIMS
surgeon te nen meeting neiin, Mizoram lama kan hospital thil ah supplier nen meeting kan nei zui leh a.Ni e,hei hi ka life/ khawvel a ni deuh tawp mai,Balancing America- delhi- mizoram !
Kar hnih hnuah Mizoramah Lucas nen bawk kan haw rual leh a!Kan in kan thlen a ka thil hmuh avang chuan ka danglam zawk a,Ka pu plan obvious zet a ni!A sawi chhuak ngai lo a,mahse engkim a hre miau a ni ka pu hian,engvang nge tih zawh ka ngai lo a,
"I duh apiang pek vek tum thin tu che i pu hian heng thil hi chu a tih loh ring suh,thi pawh nise van atang hian i duh leh awh zawng a pek theih nan che chuan vantirhkoh chu sawilo Pathian pawh khi a tlawn duh hial ang" ka pa in nui suk a ka pu bula nurse ding en reng chunga a tih chuan ka khi ve suk!
Ka pu hi chu dan theih pawh a ni lo,enthlak duh ngai miahlo kei Psychopath pawh hian ka pu hi chu ngaihkhat ah ka ngai thin tih pawh in hriat kha!
"Pu heihi maw i plan chu ni a" ka room balcony atang kan kawtkaia ka pu wheelchair a chuang nurse in a nawr na lam chu ka melh a,ka sawisel lo a,ka observe rih mai a ni!
Zanah Gabriel-a ka room ah rawn kal in kum kalta a bookmark min pek,
"Setting barabbas set free meant nothing to me,until i realised barabas is me"
(Baraba kha keimah ngei hi ka lo ni reng si tih ka hriatchhuah hma zawng kha chuan Tualthattu Baraba zalenna khan ka nunah hian awmzia a nei ngai lo.)
tih thu leh hla hmang chuan whiskey in pahin kan in hnial barh barh a.
Tual that thin ka ni a,misual tawrawt Psychopath- tih chu khawvel mi ten min thlir dan leh keimah ngei pawh ka inhmuh dan a ni,mahse he ka unaupa Gabriel-a hian tualthahtu misual baraba ngei pawh kha chhuah zalen niin,a aia Isua cross ah khenbeh ani a,chu athihna avang chuan kei pawh hi thiamchang ka nih thu leh ka sualte pawh ngaihdam anih thu a sawi lai kei erawh in history mai anih thu leh Bible chu thawnthu anih thu in ka lo tang ve tung thung?
Mahse chu zan vek chuan ka muhil lo a,ka mumanga leh atak ram ah pawh ka hai der luih thin aw chuan min cho chhuak te pawh ani mahna biakin ah ka kal kha!
Ka thingthi lo a,ka tawngtai hek lo,Isua cross a an khenbeh lim(statue) chu ka thlir reng a.
Eng nge a ropui vak na ani hi,kum sanghnih kalta daih a an khehbeh, salvation(chhandamna) tiin an sawi fo hi?a tak tak ani ngei tih prove na awm lo,thil tak tak chu keihian Nunna tam tak OR ah ka chhanhim a, evidence pawh ka pe thei ang che u,a chhan chu science hian evidence anei tlat a,mahse engvanga hepa thawnthu ang mai vanga helai hmuna kal hi nge ka nih?
Keimah in ka awm emaw ka tih lai ka hmungah puithiam alo ding a.
"Ka fapa i hresual a ni, surgeon niin tumors pawh i paih bo maithei,mahse a ni saw chu sualna paih bo tu a nih saw,mi nunna chhanhim in an nunna i pawtsei thei pawh ani thei mahse ani saw chuan chatuan a nunna a pe thung" tiin ka bulah a rawn ding a.
Hnial tur ka ni a,mahse a vawikhat nan a vawi khat nan tak meuh meuh kei mi ropui tak anga inngai thin hian sawi tur ka hrelo,Isua lim,mary lim bakah mithianghlim(saints) lim te chu ka melh dan dan ringawt a nihkha!
~~~~~~~~
Awmi p.o.v
Kha zan Amos birthday zana cake nen Andy phone atang ka call tum atang chhutin kum hial a vei leh tep ta reng mai,a duhthusam ang ngeiin ka be tawh ngai lo a,ka hriatna hi a bo nawn leh te anih loh chuan theihngilh hmak theih ani lo, theihngilh thei lo mahila ka rilru erawh hma lam pan turin ka siam fel tawh a,ka text tawh ngailo a,amah vangin zan tam Mittui hru thin mahila ngaia neih ka zir chho ve zel a.Peter nupui neih boruak in min nang chho a,rilru la peng tur tawkin keimah ka in dah buai lui bawk nen,ngaihtuah chhuah miahlo tum ka nei ve zeuh zeuh thei tawh.
Zankhat chu youtube ah lutin Psychopath chungchang ka ngaituah tam vang leh ka lam rik zeuh zeuh vang te pawh ani mahna youtube ka hawng chu Psychopath an interview na hi ka hmu fuh a.
Title ah chuan talking with a Christian Psychopath tih a lo in ziak kuau a.
An interview na hrang hrang chu ka en a,chupa chu David wood niin a testimony ka ngaihthlak lai te chuan ka mittui a tla zawih zawih a.
Psychopath hmangaih lo nei tawh tan chuan a thusawi mal tin chu a familiar in min hneh em a ni,ka mittui chuan ka khaw hmuh a ti blurr a,tap khur zawih zawih in,
"Amos,,,Amos engati nge namgmah ni tura ka beisei tlat a,engvanga hrechhuak leh ta che nge ka nih" tiin!
David wood chuan kum 18 anihi a pa thah a tum a,jail ah tang in Christian thian a nei zui a,a Christian thianpa hnialna tur in Bible a chhiar tan a,tum lo deuhin chuta tanga Pathian ring chho chu a ni.
David wood chu a pianthar hnu pawn Psychopath ala ni reng a,a chhan chu Psychopath chu brain disorder a ni a,tlang hrileng ang maia reh thei a ni lo,mahse psychopath pawh Pathian chuan a control thei a ni!
Isua a rin hma chuan- psychopath bawraw tak niin inchhirna nei ngailo, tharum thawh mi a ni a.
Isua a neih hnuah erawh a Psychopath nihna chu Isuan control sakin,Isua hmangaihna, khawngaihna leh chhandamna, discipline hmangin a nun a control a,Ama nihna midang hriathiamna emotion,feelings anei ve theilohna chu ala ngai reng,mahse tharum thawh leh tualthah zawngin a khawsa tawh ngailo.
Athusawi a ka RIRLU khawih deuh chu,
"Ka feel vangin ka mihringpuite hi hmangaih ka ni lo a,mahse Isuan hmangaih tura min hrilh avangin ka hmangaih a ni" a tih chuan ka thinphu ti rang in tap zawih zawih in Amos tan kha zan khan ka dil ve anihkha!
Kan hospital founder leh chairman ni bawk Dr S Thangzuala vanduaithlak taka cancer in kan doctor ten phai ah an refer a,cancer hi chu a rang teh thut bawk a,a chau chak hle niin kan hre zui a,ka lainat in ka tan tak phei hi chuan ngainat loh har deuh mai hi nia, khang ka damlo chhung zawnga ka inenawl senso zawng zawng kha chengkhat mah pawisa kan sen loh chu thuhran ni se,ka damloh lai te khan vip suite leh cabin nuam tak tak min awm tirin min rawn tlawh fo thin a, hospital a thawktu tu pawh hian kan ngaina in kan zah em em a,vanduaithlak takin mihring a chang zo lo ang tih chu kan hlau vek!
Chairman thar kan nei an ti a,a hmel hmuh tur awm lo,tunge anih tih tuman kan hrelo a, hospital a rawn kal ngailoa ralkhat atang hospital hi a rawn enkawl ni mai in kan hria,ralkhat atang pawn control hneh tak erawh a ni thung!
A strict in engkim chu schedule ang chiah a zawm ngai a ni a,drug logs bakah kan chart enter dan thleng chuan!Kan head nurse,hod tin te pawh phu suau suau in,chairman in a ti tih vek chuan hun kan hmang a,tunge anih reng kan hre si lo!
Director office ka kalpelh dawn laiin board ah memo in tar chu ka melh fuh a,memo ah chuan,
"All departments head to submit weekly audit by friday.Chairman review mandatory" tih chu alo in tar kuau mai!
Chairman hming a inziak lo a,a hmel phei chu kan hrelo lehzual!, mihring khirh tak chu a ni ngei ang,weekly audit a review vek dawn chu niah!
Anthony ka bula ngawi renga lo ding chu ka tawlhsan dat a,ngaihzawng anga ka en theih tawhlo thu hrilh mahila min treat dan,min en dan engkim a danglam lo a,kimkimi phei chuan a ten deuh tlat a,chutiang em chuan ka la hmu lemlo na chu supply room te tlema hmun fal a ka awm hleka alo lang thut thut fo thin leh min melh dan chuan ka awm chu a ti nuam bik chiah lo,misual ani lo tih hrechiang tho mahila ka hnar hnuah min approach phet dan hian ka awm a ti nuam lo tihna anih ber chu.
"Awmi Head nurse in a ko che" kimkimi'n min sawi dat dat avang chuan phak zet a ham bai bai in peihlo zet hian ka ding a.
Kal mai ka tum chu kalna tur ber pawh hre chuang lo chuan,
"Khawiah maw" tiin kan let leh rih a,mumang nen ka chawhpawlh nuai,chair bawh meuhin ka muthlu miau hek!
"Admin office ah" ngaihsam zet hian phone a tuai leh puat puat daih a.
Chek hlukin Admin office lam chu ka pan a,admin office ah chuan kan director pawh lo thu in tihian min hrilh zui a.
"Awmi chairman lam chhungte hian nurse an in lama enkawla chairman awmchilh zui tur an mamawh a,a zaidam ber leh mawng zang ber an rawn thlang che anih ka ring,i hahdam in,i hlawh bakah sum pawh an offer tha khawp mai che,i vannei khawp mai" atih chuan makti zetin awih lo lutuk chuan ka mit ka khap fuk fuk ringawt".
Second reilo te chhung chu ka hresual emaw ka ti hial,keimah hi maw min thlan?Nurse tha zawk leh senior zawk experience ngah kei ai zei hlir thlep tuarna hmun ah kei hi?a awihawmloh ve e lawm!
Ka thawh tur chu an kianga chen ve a,chairman buaipui deuh tawp chu a ni a,hna harsa anih loh tur thu an sawi a,ni e engvangin nge a harsat ang damlo pakhat chauh a lawm!
Pawisa min offer na vang ringawt pawn aw tih nawn awn awn na chi anih bakah engvangin nge "aih" ka tih theih ang,chairman ka damlo chhunga min treat dan,a hospital a hnathawk ve mai min care dan ngaihtuah hi chuan ka ba ve hrim hrim a,ka theihtawp aia tha in ka enkawl ngei ang!
Ka chhungte ka hrilhhriat chuan ka hlawh bak chu pawisa min offer na pawh la lo turin min chah nawn mawlh mawlh a,lak ka tum bik lo reng reng,ka tih theih tawk anih bakah hospital a ka hna nen a in hahdam hleih dawn lutuk hi thawhpui te lakah pawh inthlahrun awm tak a ni!
Chairman te inah ka insuanluh dawn chuan an driver in min rawn pick up in,an in chu ropui tak hi a ni ringawt,ka awmna room tur pawh chairman room bul lawka awm niin kan living room ai pawn a zau,hospital atang thawktu thenkhat lo kal in chairman lo thlen hma a room ti fel in chairman hman tur khawl hrang hrang te kan fit zui a,chawhnu dar 2 ah in an rawn thleng a,chairman chhungte hi ka hmu ngai lem lo a,chhungkaw class leh awhawm tak anni tiila ka sawifiah thiam ber ang!
A then chu TV ah te an hmel ka hmu thin a,catholic puithiam thlengin an awm,an kawppui te tih loh chu a tu leh fate ka hmuh chin chu mipa rual thuau anni a,an hmeltha hlawm em em lehnghal!
Kar khat zen zawn kan in awmchilh chuan a khawhar thlak lek lek,hna vangin an chhuak suau zel a,colony khat vek ah an awm na chu chhunah chuan an colony chu a reh thiap zel a,inpui ber chairman awmna ah hian mi 3 chauh an cheng a,chairman fapa naupang ber te nupa hi business neiin zing atang chuak in thim dawnah an lo haw a,fa 2 annei a,chupawh hmun dangah an awm ve ve tih chu ka hriat dan a ni,an hawihawm in an hmeltha dun nupa hle a,chairman monu chu tawng duh deuh mai hi a ni a,min biak luam duh mahse hun a nei tak tak ngai lo,chairman fapa erawh a tawng tlem hle thung,chhunah chuan
an awmpui te leh chairman ho chuan in kan lo nghak thin a.Chairman chu tawng tha peihlo mahse Bible chhiar sak turin min ti fo thin a, Bible ka chhiar sak lo leh zai ngaithlak pui in zah viau mahila ka pu mai chuan cheibawl in,fai takin ka dah thin!
Saturday zing a ni a,chairman in kitchen lamah nawr phei tura min tih angin wheelchair chuan ka nawrphei a,rin loh deuhin chairman monu nu Eli pawh kitchen an lo la awmin,vawiin chu hna a kal loh tur thu leh an fate pahnih lo haw tur thu an awmpui te bula hlim zet a sawi siam siam pah hian apple pie a lo siam a.
"Squid kha siam su,bawihpuian a rim kha a ngaithei lo" thei leh theilo in chairman in a tih chuan nu eli in,
"Ka pa hi chu aw..bawihpuia awm chuan bawihpuia duhzawng chauh kan hmeh leh reng dawn anihi,chumi sawi tur ringawt chuan mi awmi a rawn in nawr phei tir che" tiin a nui har har a.Chhan ngaihna hrelo in ka nui ve tawp ringawt!
"Awmi ka Apple pie siam hi han tem chhin teh,ka fapa upa zawk hian a ngaina lutuk a" ti zawm leh zatin apple pie chu min han ei tir leh ang lawp lawp a,nu eli in awm leh awm loh chu hriat tak a ni ringawt,harh thit thet tak hi a ni mai!
Chairman chu helhhawlh ang maiin sana thei leh thei lo hian a thlek sek tawh!
Chawhnu dar 2 a rikin IV drip khai zo a thar ka tlak leh mek laiin tlangval la upat lo hmel tak lo lut chu ka lo en reng a,ka hmuh tawh hmu a ang em em lehnghal,khawi magazine ah emaw tal chuan ka hmu tawh ngei ang!
"Pu" thawveng deuh hian a rawn ti lut a.
"Khawnge bawihpuia,in lo thleng tluang maw" chairman in a tih chuan a tupa naupang zawk anih ka ring.
"Khawnge bawihpuia ti hmasa zawk ve ziah,a tih dan ngai te in mummy a la chuks phawt" tiin a khi vur vur a, chairman mutna khum sira lehkha bu atlak vangin chhar tura ka kun lai takin thawm dang a rawn awm zui a.
"E bawihpui i chau em?" Chairman aw chu a ri chang chang.
"La tawng vak suh ka tih kha,kan rawn tluang" chu aw ri avang chuan hik chhuak vek thei.
Lekhabu tla chhar a ka hawichhuah chuan amah ni ngei in ka hria!
Amos-a ngei a ni!
Ni lo
Ni lo!
A ni thei lo,Amos a hi kan chairman tupa maw?
Anihchuan ka hmuh hnu ang ka tih hi Amos nau lucas-a kha a nih dawn hi.
Monitor a thlekin min la hmu ve lo a,kei erawh ka chawn tha te hi chat tur ang maiin a awm tawh,monitor atang a mit a la sawn min rawn melh chiah chu amah pawh mak ti hmel a pu,a hre lawk bik lo anih hmel,kei erawh IV pole vuanin ka tluk mai loh nanvnghet takin ka in vuan nghet thung!
To be cont..
(Chapter 40 hi monday or Tuesday zanah rawn post ka tum ang,tunkar chu story ka ziak hman lo aw)