STORYFB.COM

CHHUNGKAW CHHEHCHHAWL NULA
Ziaktu : Engtea Fanai
Bung 1 na

“Laldinkim tho vat rawh” tiin ka nu chuan min rawn kai tho, inrinni a ni tih kalo theihnghilh Bawlhlawh paih motor a lo thleng leh tawh chu niin, kan kawm thlanga dar ri mawi lo leh beng chheng tak an thìn rik teng teng chu ka hre nghal, chu thawm ka hriat chuan kaih thawh ka ngai ngai miah lo, mahse tukin zing chu ka chau ve em a, ka lo hre mai lo a ni, ka nu chuan engmah a sawi a ngai lo, pawna an dah kan bawlhhlawh chu ka khai a, tho phang hmel, sam thur deuh tak chuan ka in khai chhuak, a rit reuh phian leh nghal ka nu lah chuan min puih a tum miah lo.

Chhehchhawl nih hi chu a van ninawm tak tiin ka phun nuap nuap a, ka nu chu alo nui suk ringawt. Awi.. U Hriata a lo la chhuak ve zui, ka van zak tak, colony khat kan nia, he in kan luah tirh a\anga ka star tawh a ni, lehkha zir deuh chawt chi a ni a, pawn a chhuak tam lo, kan hmu khat hlawm hle, kei hian a chhungte tih loh ah chuan ka hmu ngun ber ang, a class kal tur te hi ka en thla \hin a, a insiam lai te tukverh a\angin ka bih ru \hin. Zawi sup hian, E.. nu-I nangman elo paih dawn a ti sup, ka chhang a ka chhanna pawh chu a ngaihsak zawm lo, a kal nal nal, min khai pui te ka beisei ve a nia. Mahse a van pa tak.

Bawlhhlawh paih motor bul kan thleng chu \awih thei paih ni ah hian \awih thei lo rawn dah tum tawh suh u, kha Nu-I kha chu kan regular a nia, duh duh a paih thei, a dang chu awih loh tiin, U kima chu a au leh lar lar tawh, driver leh a handiman pawh hian min hre chiang tawh a ni, U hriata a awm bawk si, ka zak ve reng, zing dangah chuan ngaiah ka nei tawh, min fiam peih hrim hrim a. midang chu an lo nui dar dar a, Kimchhia, tikhan min ti ziah suh tiin ka bawlhhlawh chu a rit teh mai a nia, tih pah chuan ka chawi \uih \uih a, U Hriata chuan min lo pui, ka mitah chuan min rawn en zeuh, ka lai lutuk, ka nuih ringawt.

Tichuan bawlhlawh kan paih zawh chuan kan chho dun a, tihian bawlhhlawh paih hi I chan tawp emni tiin min zawt, zawi tein um,, tih tur ang ang hi ka tih tur a ni mai ka ti zawi sap a, Hriata chu a nui sak, keipawh ka chhungte ka pu lungphun in an zin dawn a, tun kar leh kar leh chu engkim ka tih tur vek a tih chuan ka phur hle a, awi,, naktuk hi \awih thei paih ni ni leh nghal se ka ti rilru. Bawlhlawh paih pawh a phurawm ve dawn a ni.
An in ah chuan a lut nghal a, a nih aw tiin ban a rawn phar zuk, keichuan aw le, ka ti ve mai, step ah chuan ka tlan thla a, ka zai lut nghal rat rat, ka nu chuan I va rawn phun lut lo ve, a lo ti nghal vat, zing dangah chuan ka phun lut ngei ngei \hin kha a nia, ka nui var var a, U Mami chuan, Aw,, tu emaw in bawlhhlawh a paih ve a niang chu alo ti vat, I ninawm, tiin ka nui a, bathroom ah chuan ka hmai phih turin ka lut a, nia, tuemaw in a rawn paih a, ka lawm, mahse ka \awp e.. Awi bawlhhlawh paih leh hun chu ka inchei viau ang ka ti rilru.

Chhun a ni a, class an kal deuh vek a, ka U te hna thilah an chhuak bawk in ah chuan keimah chauhin ka awm a, kawngka an rawn kik dat dat a, ka va hawn chuan U hriata a ni, enge a, kalo ti bah niai, kekawr bul chhing te ka ha, kawr pan te ka ha bawk, ka nu leh siliper lian deuh ka la bun zui ka van \hing tak.


U hriata chuan, Gas hi a tui a zova, ka vuah ngam miah lova, inthlahrung deuh chuan a rawn ti, keichuan ka rin aiin a nep ka ti rirlu a, \hing tak chuan ka han zui chho ve mai, engatinge class I kal loh tiin ka zawt a,, e.. Nia, ka nu’n vawiin hi buhfai lak ni a tia, a tihchuan vawiin te chu card pawl ho lak ni a lawm kalo ti vat, an card chu ava en a, avar a lo nia, engtin nge, buhfai lak ni te, bawlhhlawh paih ni te hi I hre vek ami, a ti sup, aw,, ka hna a ni rih a, tunlai school kan chawlh lai a ni bawk nen, ka kutah a awm leh zual a, ka tih chuan a nui suk a, I pass chhuah chuan kan college rawn zawm rawh aw, kan kal rual \hin dawn nia tiin a nui.
Min nuih zat ni tlatin ka hria, gas cylynder chu a kawk, Pakhat zawk saw, a thar a nia, pakhat saw a tui a zo a, Gas leh Current hi chu ka nel hlawl lo a ni, a tih chuan. Nia a hlauhawm ve alwm, tiin ka va vuah \hat sak. Min lo en vung vung, ka lai ru hle, lehlamah chuan a bula show atan chuan tuna ka thiam thil hi chu ka chhuang lo a ni. Ka lawm e aw ti supin, a nui suk.


Lai deuh tak chuan ka chhuak a, pawn ka thleng chiah tih chuan electric bill pek hun hi engtik nge a ti leh nghal, min zawh ho hi, ka hriat zawng hlir ni mahse, ka thu loh hmel lutuk, ka hre lo der daih dawn emaw ni le, a hrim hrimin amah pawh hian engmah a hre lo emaw ni le, tiin ka phun ru sep a, karleh nilai thleng a pek theih ka tih chuan, Nui a in pek sak theih em, attendence a pawimawh ve sia, min lo pek sak mai , I rem tih chuan a ti zawi sup a, ka van peih lo tak mahni ta pawh ka pe peih lo a nia, mahse kun deuh chhur chuan ka kal phei chhet chhet a, khawi tiin an current bill leh pawisa chu ka la, U Hriata chuan I chapal chu I inhmeh hle mai tiin min nuih sak, ka zak lutuk ka tlan chhuak nghal nal nal.
Zan a ni a, lehkha ka zir a, ka zir han ti ila, lehkhabu inchhawpin phone ka khawih ru a ni ber ang chu, kan colony group ah chuan U Hriata a rawn lang ve hlawl, ka phur lutuk ka lut ve nghal, Tui sem hun a zawt a, Nu Siamtei chuan tunkar Inrinni a nia, kan chhuak leh vek awm sia, Nui ilo in puih tir dawn nia a tih chuan ka ngei ru hle, Nu Siamtei hi ka \hiannu kan colony a ka kawm ber, Christy-i nu a nia, U hriata ka star tih hi a hre vek a, chutianga a ti kher chu ka ngei ru hle, ninawm, Inrinni te hi ka leng chhuak ve chak, kan school chawlh lai a nia, awl pawh neih ve reng reng loh mai, mahse ni dang ai chuan a zia, Ni dangah chuan kan colony ho zawg zawng ka buai pui a ni deuh mai, Nu Rini; a awm chhun lah hi, phakar si,, Nu Bawihhh” a rawn ti duai duai ang a, ka va pui ang a, an ta a zo ta maw tih ah min luh san leh daih ang a, phakar si, Nu Rini hi chu vanram a kai a nih pawn a nghawng chin bak hi a kai lo ang.


U Hriata chuan puih pawh ka ngai kher lo ang, a hun hi ka hre lo lutuk a, tiin a reply, Nu Siamtei bawk chuan Nui’n puih che chu a phur ang ka tih vang mai mai mawle, a ti leh kher, ka ngei lutuk Lalchris-I a rawn nui, u hriata chuan a hre thiam ang tih ka hlau lutuk, u Hriata nu chu rawn \awng vein tunkar leh karleh chu Nu-I’n lo tuar rih mai rawh se, school an chawlh lai a ni tho bawk a, kha kan fapa ve kha, lehkha a zir tluk tluk tih loh hi chu hriat a nei tlem si a rawn ti a, an nui \haw hlawm, chhungkaw chhehchhawl nih hi chu ka ngai neih tawh a, ka hrethiam mai, colony chhehchhawl nih leh zel chu na ka ti ve det. Ka nu leh ka U hi ka dem, ti ila, min chawmtu an ni bawk si. Ah ka nun hi a chang chuan Aigupta lalfanu chhiah hlawh hmel\ha ve satliah ringawt, hmel\hatna hmanna hun awm lem si lo nen ka tehkhin.
Ka U chuan kan nau-I hi chu a fel ve a nia, thleng sil, insuk, hmunphiah, Thilpho seng, bawlhhlawh paih, Gas lak leh hetiang lam reng reng hi chu a kut ah a dah tawp, tiin a rawn nui per chhuai, midang pawh chu an rawn nui \haw hlawm, ka lo chhiar ve reng a, Ka U hi chuan min va ti zak ngun tawh tak, Mahse net pack ka thinrim chuan net pack ka neih loh hunah amah lo belh tur ka nei leh bawk si lo. ka sum thawh chhuah ve chhun la, dawr min tirhna pawisa kir bak income ka la nei bawk si lo, chapo hi a har ve em a ni.


Ka U chuan thawmhnaw suk tur inneih te khan, nangmahni tui hmangin a insuk sak char char thei chu aw, a inhlawh ve na a nia, Machine aiin a rintlak, a ti leh kher, a ni em em tawh lo, U Mam,, tiin ka va au a lo nui kur kur. Ka nu chuan enge ni leh pek tiin a rawn au, Groupah a thusawi kha en ta che tiin ka \ap \uau va, dik tak chuan ka zak ve tak tak, Ka nu chuan, aw,,,a fiam che a nih kha, a ti liam mai a, u Mami chuan thudik vek a nia, I school chawlh chhung chu heng hi I hna ka tih kha a ti, ring tawkin school ka kal pawn ka ti tho, chuloah sawi kher a ngai lo, U Mami hi chu min tih thinrim phawt loh chuan a mut a tui lo a niang, ka nu hian min lo chhan \hin lo phei se chuan ka \ah thleng hi min fiam \hin ang, Mahse min duat viau tho si. Ka thinrim hian a ti hlim ni berin ka hria.


Ka nu chuan nangpawh lehkha zir rawh, Lalram, nangpawh va chhaih va chhaih tawh suh, tiin ka thlavang a rawn hauh, ka nu tal in min chhan hi chuan nuam ka ti, hlutna nei ve te hian ka inhria, ka u chuan,,, aw lehkha zir loin group message a chhiar ve reng tih ka hriat vang a lawm khang te kha ka sawi, ka phone chu a rawn ri a, number lawng a\angin a ni, ka la vat a, Aw,, hello, Nui keimah I U hriata, ilo chho lawk hman em a tih chuan, chho chak deuh si, peih lo ru deuh tho si chuan ka awm , ka dawh kana makeup bawm chu ka ban nghal, ka va intuai thuak thuak a, ka inchei ru deuh, thawmhnaw pawh ka chhehchawl kawr zingah ka inhmeh ber ni a ka hriat ka ha chhuak, U Mami chuan khawnge I kal dawn a ti vat, ih,, U hriata’n I lo chho lawk hman em a tia, muang ban charh chuan ka ti a, u mami chuan,,weinch ka hrethiam ta mai a lo ti, Lalchrisi nen kan titi a hre fuh a, kha mi ni a\ang khan min la chhaih char char . I Ninawm. Nu Umami hi hau ve teh ka ti ringawt. An in ka han lut chiah chu an \hutthlengah chuan U Hriata chuan a thawmhnaw ho leh Uniform ho a lo dah, An mahni hi Salvation Army an ni bawk a, Enge zawi sap chuan ka ti a, u hriata chuan hei heng ho hi, a tam em, machine a nuai ngawt chuan a fai \hat loh ka hlau sia, Engzah nge I hlawh \hin a lo ti leh tawh.


Awi ka zak lutuk,, Hepa hi chu aw,, a hmel hi a \ha ringawt a van A tak, ka thinrim bawk si, U Mami vang vek, keichuan U mami khan a ti mai mai a nih kha, ka insuk hlawh ngai lo, ka tih bah niai a, U Hriata chu nui sukin, ee.. a ti tak tak emaw ka tia, thawmhnaw \ha ho hi chu ka nu ka suk tir vek \hin sia, An ni lah kha motor rem chan lai an tia an kal thut kha a ni sia, ka inring hman lo a ni, a ti a, Keichuan khawi,, Sunday a I hak tur leh in college t shirt hi chu ka lo suk sak ang che, a dang kha chu tui sem ni ah kan su dawn nia, tui a uiawm ka ti a.


Ka chhuah dawn chuan engzah nge I hlawh, a ti hman chiah, ninawm ka inhlawh lo ka ti, ka tlan nghal nal nal, in ka lut a, U Mami chuan enge a, thawmhnaw nen a rawn tih chuan nangmah vang vek, ka inhlawh \hin tak tak emaw a ti, khipa khi aw, engatinge a at em em le, ka tih chuan U Mami chuan A mahse I duh tho a lawm a rawn ti. Nanghi ininawm, ka ti vat a. ka room ah chuan ka lut daih. U hriata uniform chu ka en a, Sunday a inkhawm kal tur ka thlir vawng vawng \hin kha, a inkhawm kal tur ka mitthlaah a rawn lang. a form chu ka hnim a, a perfume rim a nam, ka mutna lu chungah chuan hunger ah uluk takin ka khai a, Rei lo te lehkha ka zir leh a, tichuan light deem in, phone chu ka khawih leh lawk a, U hriata chuan min rawn text hlawl.


Nu-i, suk kher a ngai lo nia, I kal nghal daih sia, I ti \hin emaw ka tih tak tak vang a nia, ka tihpalh a rawn ti a, keichuan a ho lutuk, I inthiam loh leh hlawh chu min pe mai dawn nia, ka ti a, engzah nge ka pek ang che tiin min rawn zawt let vat, keichuan Spicy lei na tur a ni mai, ka lo ti let ve vat a, aw le,, naktukah class banah ka rawn lei kawi dawn nia, chuan t shirt kha Friday hian ka ha duh ang aw, Laundry Girl a rawn ti kher, ka ngei lek lek, Mahse kan van inpawh tawh tak, a hmain kan inbe ngai miah si lo, eng emaw pawimawha ka han call pawn ka number a save duh chuang miah lo kha a nia,. Tunah chuan amah ngeiin min rawn be hmasa a, min rawn biak chhan chu engpawh nise a lawmawm tho tho.
Mut hmunah chuan ka ngaihtuahna chu a kal thui hle a, Awi,,higher hi pass chhuak ila, u Hriata te college ah kal ila, chuan min kal rual pui \hin se, Mi khan min star vel se, U hriata hian han thik vel se la, han insual ve se,, chuan mi’n min tibuai tur te kha min chhan vel see,, tiin ka ngaihtuah a, ka mur chhuak vek thei, Mahse ngatinge a chut em em le, Lehkha zir nasa ho hi an ni hui zel vek emaw ni. Se.. a pawi lo, a duhawm daih zawk.U Hriata Dp en reng chung chuan hriat loh karin ka muhil ve leh mai a.


Zing kar a ni a, Thursday zing a ni a, Bawlhhlawh paih loh ni a ni, ka muhil rei ve thei dawn tiin ka \hangharh pawh chu ka muhil leh nghal mai a, dar riat vel chuan ka va tho ve a, Ka Nu chuan Thursday hi chu I nghakhlel ve a ni tiraw tiin min lo fiam, U Mami chuan ka coat kha lo nawt teh, Ka U hi Ukil a niin ka hria , an hna hi ka ngaihsak ve vak lo, a suit vel hi a inhmeh thei lutuk a, ka nih ve chak phah mahse hna an ngah thei lutuk chuan min tiphur lo, Kei chuan ka peih lo thawh ve leh tiin ka lo chhang bak deuh hluk a, Calendar kha en rawh a tih chuan, Ninawm tih pahin khawi ka ti nghal, ka net pack naktuk maiah a thi dawn tih ka hre chhuak.
Ka Nu chuan Mami pawh engkim hi tih tir I tum a, khang te chu ti ve la a tih chuan ka U chuan “aw.. money lam ka supply thung a lawm, a chhun thil ei na te, school a,, a tiffin man tur te, a net pack te,, a thawmhnaw” a tih chuan,, U,, Thawmhnaw thar awh tawk ka nei, tlawn deuh pah chuan ka va ti leh,, Ka U chu a nui suk a, kha maw,, min be chhe thiang hi a ni lo hrim hrim.


Nia, U Mami hi chu ngei viau \hin mah ila, ka thil dil hi a neih rem chan phawt chuan min tih sak lo ngai lo.
Tuk\huan kan ei a, Ka Nu chu Bazar a \hu turin a kal leh a, U Mami chuan chaw hmeh zuar tawh lo tur chuan a ti fova, ka nu ve thung chuan in a awm mai mai aiah a hlawk ve alawm, chu loah Naupangte in nih a\anga ka thawh \hin a nia, Nikhat lek ka kal loh pawn ka khua a har a ti mai zel a, tin, Ka nu hi hnathawk lo chuan a awm thei lo a ni ber, amah hi thingtlang nu ve tak, hna thawh tur zawng reng ang kha.
U Mami pawh a chhuak ve leh nghal mai a, Nu-I fridge chungah khan ka dah aw a tih chuan phur deuhin ka va tlan phei , Na,, 20 chiah maw ka ti a,, a bak ka nei rih lo, tih leh scooty lam pan a, hmanhmawh taka tlan chu a rual, a thawh hma ve \um pawh hian U Mami hi chu a kal hma thei chuang lo, A Upa tawh si, Bialpa te hi a duh ve lo emaw ni. Hmun te ka phiat sawk sawk a, chaw eina ka tihfel zawh chuan, Dustbin lam panin pawnah ka chhuak zawk, U Hriata class kal tur a chhuak chiah chu ka hmu, ani pawn min lo hmu ve vat a, Dinkimi bye aw,, ka van ngei tak, Dinkim hi min ti leh nulh zel, Nute te min tih ve mai tur a nia.


Nui pah chuan ka bye bye a, a hmel chu a \ha a tarmit hi a inhmeh ka ti a ni, mahse class a kal dawn loh chuan a vuah ngai miah lo thung, a fashion ve deuh a niang, kan innel zel chuan power a awm nge awm lo ka en sak chhin ang. Tarmit a vuah phei hi chuan ,min an star nasa dawn. Ah.. Hmel\ha deuh ngaihzawn chu rilru a hah, min duh thut beiseiin kan ngai chang ru ve reng a, Min duh tak tak erawh kan ring ngam chiah bawk si lo.
In chhung ka va lut chu thleng sil turin min lo hmuak leh tawh, mahse a sil hun lam chu ka thu a nia, duh leh mut san daih mah ila, tuman min hau dawn lo, nakina ka sil tur tho tho, duh leh tlaiah pawh ka sil ang tia phun sapin, Computer ah chuan zai ka play a, \hutthlenga mu pah chuan ka ngaithla, chaw ei kham mut hi ka nei ziah a, school kan chawlh chhung hian, U Mami hian I dul a kiar ang tiin, a phal lo \hin a, mahse a awm loh chuan ka mu leh nge nge zel, kei chu ka mut a, ka mit ka chhin tawh chuan ka muhil mai thei zel.


Kan kawng khar in sawi dawt dawt thawm ka hria a, ka harh zawt, ka va hawng chu Lalchristyi lek chu niin, chhun chhunah a mu leh ta, a rawn ti nghal thawr, keichuan enge, ka free theih hun lai a nih hi, Tution I kal dawn lo emni tiin ka zawt vat a, Dawn lo, kan sir Pu a thi a, a lawmawm tawp a la ti zui, I va’n mawl tak thihna te a lawmawm ngai emni, ka tih chuan ah,, a pu pawh ka hre chuang lo a, a ho e, tak taka a dam lohna a rei tawh a, an inseng ve char char bawk sia, an tan pawn a lawmawm zawk ang, a ti leh.


Christyi en chung chuan I van A tak, eng anga dam lo, sum sen reng ngai pawh nise kan thisen zawm pui emaw kan hmangaih te chu an la thaw ve a ni tih kan hriat ringawt pawh hian kan thla a muang asin, Khum a nunna neia an la thawk ve \ek \ek ringawt pawh hian kan thla an timuang, Ka pa dam loh lai a\ang khan ka hre thiam tawh, engmah ti thei tawh lo, zun ram leh ek thiar sak ngai a nih tawh hnu pawh khan min kal san ang tih kha ka hlau ngawih ngawih, a han awm lo chiah chu e,, kan khingbai vek mai a ni, thihna hi chu a tawp chiang lutuk a, tiin ka hrilh ve mawlh mawlh a.
Ah,, a ho, engpawh nise khawnge midang ho hi, Nu Rini tak ngial pawh a awm lo, tih leh computer khawih chu a rual a, ka hla play lai chu a play sawn leh nghal, henu tak hi chu a thawveng lutuk hian ka thaw a tipik ve leh chhawng, keipawh hi chhungten thawveng tia an sawi sel reng ka ni a, Mahse Christyi lakah chuan la zia tak ka ni.


Enteh,, Nu-I tunlai hi U Hriata amah chauhin a awm a nia aw, lokal rawh kan thiam loh te zawt \hin ang, a rawn ti leh zat zat, tution I kal reng kha ka tih chuan,, aw ka thiam loh a la tam e, nangpawh thiam loh I ngah em kha” Mahse kei te chu U Mami’n min hrilh thei alawm ka tih chuan, thei thei U hriata zawh kha a pawimawh, A Nu denger-I a awm lo leh nghal. Nia, U hriata nu hi a sual pawh a ni lo, a mit meng vel hi a rorum lutuk a, kan nel lo ve hrim hrim a ni, U Hriata hian a chhun ang tih a hlauhawm Mahse A pa a chhun hlauh a.


Christyi chu lokal teh tiin ka room lamah chuan ka hruai lut a, u Hriata kawr chu ka en tir, hei tu kawr nge ka tih chuan,, ehe U Hriata Uniform I ruk sak a ni maw a ti, I mawl a mi, ka suk sak dawn, Christyi chuan.. Ahh, a in rhyme raps,, I ruk sak a mi, aih ka suk sak dawn,, yo.. Aawii I thawveng e.. tiin ka nuih ringawt, christy chuan tak taka engtin nge I suk sak ngawt dan, E.. ka hria, I han rim \hin a ni maw, a la ti zui,, “nahhii.. a teuh lo lutuk. Kha kan colony group a, U Mami thil post kha a tak tak emaw a tia, min rawn call a nih chu, vawiin tlaiah pawh Spicy min lei dawn, tlaiah spicy min lei ang a, ka uak bawrh bawrh mai ang a,’ Christy chu a lo nui awr awr” naa,, nuam awm bik, ka ei ve duh a nia, E,, tlai chu walk ve ila a tih zawm zat, awi,, ka hman lo lutuk, eirawng bawl a ngai.


Tirawh, Waiwai bawl ang 20 ka nei ka tih chuan rang lutukin christy chuan kei eina tih fai loh a lo ti leh nghal, ka peih lo a nih chuan, ka ti deuh hmak, christy chuan aw.. tlemte I dah bang anga, a ei zo hnuhnung sil I ti leh ang a, zinga in thil eina zawng zawng nen min sil tir leh anga e,, ka hre chiang ve tawk tawh che alawm,, laldinkim tiin a nui ar ar a.
A nih leh nangman I bawl ang, ka tia, a bu ve nghauh , Nu peki dawrah Waiwai chu kan lei a, Nu Peki chuan Nui Naktuk tlaiah Gas a lo thlen dawn kha aw,, in lo hre lo ange,, tiin gas lak hun min lo hrilh, ka gas lak pui te hi chuan min duh sak a ni.

Kan in lam pan chuan kan chhuk leh a, Christyi chu a nui thut, enge ka tih chuan,, enteh lo thi palh ta la, thla lakpui tur che ho hi, an han puang ve ngei ang a, Tunah A gas lak pui te, chuan a \awih thei paih pui te,
a \awih thei lo paih pui te, a current bill pek pui te leh a tui haw chan pui te, tiin a nui awr awr. Ka va han ning tak, mi hmu sit viau suh. Tih leh a hnunga chum chu ka rual a, a lo tlan sawn hman, ka chum fuh chiang lo, ka in um thla zawr zawr a, Christyi nen kan inkawm hi chuan tumah dang hi kan ngai lo a ni ber.


Christyi chuan Waiwai chu a bawl a, chumi hlan chuan U Hriata kawr chu uluk takin kalo su a, ka su fai ngang mai, Christyi chuan Nu,, Thingpui lum la a rawn ti chiah chu, ka siliper in ka vawm pawp, thingpui hi ka hua, U mami thawh pui rawn chuangkai zawng zawng, kan veng kohhran rawn lut chhuak a piang, awi,,ka nu in leng, ka lum sak vek,, nang leh zel hian min tir zet zet lo teh” tiin ka melh rum hle, Christy chuan I hnaih hnaih hian mi vawm ringawt zel suh. Lokal rawh a nih ei ang a ti vin deuh hlar a, kha I lum peih bik miah lo kha” ka ti ve kher. Peih pawh ni ila ka siam kep lo ang che.
Kan inhnial dun leh bap bap a, kan inhnial loh chuan kan inkawm boruak hi a fuh tak tak thei lo. U hriata chung chang chu kan thupui a ni a, a fb profile leh a ig chu kan check nasa, tlem chuan a chut ve deuh chu kan tia, mahse a chhe lo tho. Lehkha hi a zir ngut ngut a, \hian a kawm ngai pawh kan hre vak lo, college lamah chuan a nei ve fur mahna.
Christy-I chu a haw a, keichuan ka tih tur liau liau a ka chhungte dah, keipawhin ka ta neih em em ho chu ka ti ve leh ta.
Tlai lamah chuan U Hriata chu rawn bangin, a thawmhnaw ka suk chu ka pe a, lawmthu min hrilh pahin, Spicy chu min pe zeuh, ka van lawm tak, ka ei phal angem tih te ka ngaihtuah, in chhungah chuan a lut nghal nul nul, min ngaihsak zui lo,


hepa hi chu aw,, mi hi avan care lo tak, hmeichhe en hian min en hlawl lo.
Inrinni chhun a ni a, Pu haua point ah gas a lak theih thu an rawn puang, Phur lutukin ka chhuak, kan gas cylinder trolley, ka hman tur liau liau a, ka chhungte min order sak chu ka nawr chhuak, ka inchei ru hle, a chhan chu U hriata’n Gas a lak ve ka rin vang a ni, ka chhehchhawl kawr mawi ber ka ha ve a, ka phur tak zet. Tlangau an zawh rual rual chuan ka chhuak nghal a, in line an lo tam leh fe tawh tho, U Hriata chuan min rawn hmu a, Laldinkim min lo nghak a rawn ti lung lung, Nui hi min ti ve thei mai lo emaw ni, a chang hian Nui tiin min koh ve leh zuk a, ka lawm zia te hi a hrethiam lo emaw ni, star deuh ten hming puma min koh hi chuan a na bik tlat.
Ka lo nghak a, a rawn hah viau mai, gas card ka zawng rei lutuk a, a rawn ti, tichuan kan in zui chhuak a, in chei vak ngai hek lo, Nu Rini chuan Nui chu vawiin chu I va chhe lo ve, I inchei chuan I hmel\hat hi a rawn ti kher, henu \awng thei leh sawi tur duh lutuk hi chu ka hne a ni, Za lo tak chuan ka nuih suk. Mahse a hnung lamah rum tawkin ka melh.


U hriata bulah chuan \huin kawngpui sirah chuan kan intlar \hap a, Nu \hen khat chu an chuh helh viau mai, kan Gas bur chu keimahni dinna tur aiah tungin an rawn awm khalh leh hram zel, U hriata chuan an tawlh hma a piangin ava sawn zeuh zeuh zel a. Mahse kan tum aiin kan awm rei tawh, A ninawm tawh e, saw min luah lan leh dawn ka ti a, veng thlang Tleirawl manner hre lo zet mai hi a nia, ani pawh hi chhehchhawl ve deuh a ni, a chuhhelh thei em em leh nghal, Pitar pawh a inhnial puiin a inhauh pu hrep zel, U hriata chuan a ni em em tawh lo tiin, hei mama kan awmna a nih kha a va tih chuan, Chupa chuan inawm loh kha, gas bur hi amahin a insawn thei emni a rawn ti kher, U Hriata chuan sawn theih loh avangin kan rawn sawn \hin reng, a ti vin \hak, mi chu an rawn hawi \hup a, ka zak ru lutuk chu loah chupa chu bawlhlawh paih ni mai maiah pawh buai ve ziah hi a nia, ka hre chiang ve bawk si, tumah zah a nei lo.


Chupa chuan midang pawh an in tlar, in tlar ve mai ula, in in tlar peih loh chuan la lo mai rawh u a ti kher chu U Hriata ngaihdan a ni ta lo, midang pawh a hnungah an in tlar mai, in tlar ve mai ta che, tih leh kut hum chu a rual, U hriata chu zak chung chungin ka va dang a, Chupa chuan a awm ah a rawn \ham leh kher U Hriata chuan min nam sawn zawkin, a nghawngah chuan a rek nghal mai, an in len hlaih hrim hrim bawk a, U Hriata chuan bangah chuan a nawr bet hneh ngang mai. Kan LC secretary chu rawn in rawlh vatin, A tawk e, Hriatpui, nangpawh hi, LalRozual, aia Upa zahna I nei lo riau, an hnungah chuan in tlar rawh a rawn ti.

Nu Rini chuan a dik chiah, midang tam tak pawh an kian tawh zawk a nih kha, Aawii, a vawi khat nan Nu Rini hi ka duh lutuk, kuah chawrh mai ka chak, ka zak lutuk chu ka sen awp awp a, U Hriata pawh chu a zak ve deuh. Pu Muantea chuan Nute, nangni pawh kha, min an sawi duh palh ang chu, in line ve mai rawh u tiin, thuawi tak chuan kan in line a, U Hriata chu a zak leh deuh a niang, a kun chhur a, a ngawi ngal. Mahse ka rin aiin a lo pa daih, Christyi ka hrilh chak, Pa a ti dawn lutuk. chuan Nu Rini min rawn chhan kha, awi a duh vel dawn, ka ngaihtuah zawng ringawt pawn ka nui ver ver. Mahse a zahthlak ve reng.


Kan hun a thleng a, gas chu kan la a, kan in zui haw hnek hnek, ani chuan a pu nawlh a, kei chuan ka nawr chho ve bek bek a, a changin min rawn nawr pui, a ngai lo ka tih \ha a nia, ka tih pawhin a tlawm ngai ve tlat, Anu te awm loh chhung hian kan lo hruai fing ange, mi puih na chang te a hre ve tawh alawm, ka ti rilru a, tin, kan innel tawh viau.
Zan a ni a, lehkha chu rei lo te ka bih a, phone ka en leh vat, U hriata Status chu ka en vat, ahh,, ani hi ka number a save ve tak tak tawh e. Mahse ngatinge status ka ngah theih theih nen a rawn view ngai miah lo le, Status lah chu a nei khat si, a status chu ka en a, vawiin chu a zahthlak ve det, tunlai naupang manner hre lo lutuk vanga kan zah viau chu le,, tih chu a hmang a, ka va reply, keimah vang vek a ni, tih ka thawn ringawt, a rawn nui a, ni lo e, keimah vangin I zak zawk a nih kha, a rawn ti ve leh, keichuan zak lo e, tih chauhin ka reply, sawi tur a bo vek, U hriata chuan, ka hmu reng che a lawm, I biang pawh a tai tek kha, mahse ka hmaa I rawn din khan I cute reuh. Smiley emoji a rawn hmang.


Awi,, ka hit mup, current in min shock a ni ringawt, ka nui chhuak teuh hle, ka mur nghal chuai thei, I pa ka ti lutuk tih chu ka va thawn let ve, Ah,, a awihawm loh, ka hlau ru lutuk, ka hneh loh palh khan a zahthlak dawn sia, a tih chuan ka nuih a za viau, I van ngaihtuah thui hman em em tiin ka va be leh. Nia, ka insual ngai bawk si lo a, mahse rin aiin a lo awr phian a nih kha, I thawmhnaw suk pawh hak a nuam khawp mai.
A ni maw, ka su uluk teh mai a nia, “ ka van lawm ve, ka thil lo hawn che chu a tui em” “ah,, ka hre lo, ka la ei phal lo a” “ I va ho tak, eirawh ei tura ka lo hawn a nih kha” “na,, min hawn tu hi a hlu em a, ka ei phal lo alawm” ka type zawng te chuan ka lai lek lek, ka van zak lo tak, mahse ka be huai laklawh tlat. U hriata chuan min rawn reply lo vang vang, zak thei lo min ti a nih ka ring?

YOUTUBE lama ka chhiar tura ka ziah a ni a, chuvang chuan Typing hi ka uluk lutuk lo deuh a, Youtube lamah chuan ka dah vek tawh a, tahhian zan tin rawn post ka tum ang
Show post links
Top