LOVE THE WAY YOU ARE BY Lalrozyee (Completed)

[ngaia]

LOVE THE WAY YOU ARE…
- ROSY LALHRIATPUII
CHAPTER – 1

Minute 10 liam ta lawka Whatsapp-a ka thu dawn, “Hey Fûr-i” tih ringawt chu mak ti angreng tak in ka en a, a chhan chu hepa hi tun ang zîng hma lutuk ah hian a tho ngailo, Zing dar riat hma hi chuan a normal thei lo miau va.


“Kia?” tih ringawt chuan ka va reply a.



Ka reply hun a châng reng emaw tih turin a seen a, a rawn typing nghal. Chuta a thu rawn thawn ber kher lah chu, “Do you know what bees make”? tih hi zu han ni a!! Hepa hi enge maw hriat leh pek tawh le?



“A zû in a nimai lawm, nilo mi?” tih chuan ka va reply a.


“What is A Zû?” a rawn la ti hrâm a…hmm..kher kher thin hian aww..


“Honeyyyyyyy” Ka va ti teh tuar a.


“Yes Babe?? Wink wink” a rawn ti nih chu!! Ka nui chhuak hak!! Hepa hi tak hi chuh! “Uff…I hmelchhe lutuk!” tih leh emoticon nui keh tuar lem ka va thawn teuh a. A rawn reply tâk mai loh vang chuan ngaihsak zui tawh em em lo in, ka bag la in ka room aṭang in ka chhuak zui nghal a.


College-a ka kalpui tur U Nunpuii nghah pah chuan muangchâng in step-ah chuan ka chhuk thla a. Kal pah chuan ka phone ka han check leh a, ‘Fur-a’ tia ka save hnen aṭang bawk chuan message alo awm leh a; mahse, voice audio a lo ni tawh thung a. Ear piece ka phone-ah ka connect lut a..ka han ngaithla chu…



“Vawiinah ‘Babe’ ti tu che pawh I tawng ve leh pek âwm bawk silo a, ka rawn ti hlim lawk che nih Kha…haha…class ṭan nuam aw Fûr-i..va lerh thak lutuk lo la..e chuan maw.. Elazovate Bel..aw..” a rawn ti deuh duah a.


Enge ‘Elazovate Bel’ tih a rawn sawi ve ziah hi a awmzia ka hrelo hrim hrim. Google-ah pawh ka zawng vak tawh a, a awmzia âwm ang hmuh tur a awm lo hrim hrim. Pu Google-a meuh pawn a hriat loh chu ka hre châk hle….hepa lah hian min hrilh duh der lo leh nghal.



Reply pawh ka reply tawh lem lo a; mahse, ka class ṭan tur a ngaih pawimawh avânga, zîng tho hma ngata min rawn bia chuan enge maw ti takin min ti hlim ru veng veng.



He ka thianpa, ‘Fûr-a’ tia ka koh mai ṭhin, tawngthei leh mi hnial hrat em em mai hi a hming chu Jonathan-a nia. Tunah hian Trivandrum-ah B. Tech a kum hnihna zirin a awm mêk a. Kei erawh Vawiin hian Bsc ka kal tan ve dâwn chiah a ni.




Ani leh kei, ‘Fur-i’ leh ‘Fûr-a’ kan lo nih tan dan leh kan in hriat dan mak ve angreng deuh mai chu… Class xii kan exam zawh hlim chhawn lai vel hi a nia. Chu tih lai chuan, Zan khat chu Ka Cousin Lalremfela hian Whatsapp Group pakhat hming mak sak zetah hian min lo add nawlh a. Group participants ho chu ka han en thla a, min lo add tu ka cousin bak chu ka contact list-ah an awm lo.




“Eng group nge a min lo add ve tawp saw?” tiin ka cousin chu ka va zawt a. “Movie thar deuh deuh free vekin en theihna link an lo post thin lawm..I duh ngawt ang” a rawn ti a. Chhâng zui tawh lem lo in group-ah pawh chuan ka awm zui ve mai a; mahse, ka ‘mute’ zui daih thung.



Inrinni zanah chuan tihtur em em ka nei lo bawk nen movie en ka tum a, Group kha ka hre chhuak a, chutah chuan en tur zawngin ka lut a. Chat chu alo in tlar thla dul a, an active hmel hlawm hle mai.. Lalremfela ṭhian te an nih chuan Paulians ( St Paul’s student) an nih ka ring nghal mai bawk a.



Group mipa ho chuan ‘War’ movie hi an lo sawi nasa mai a. War movie hi ka ngaina thei hle a, a bikin World war II ngat phei chu (ka hriat chin) en hmaih ka tum ngai lo bur thin. An ‘Chat’ chu ka en thla zel a.




‘Anonymous’ tia in dah chuan, “World war II behchhan ah chuan heng ho hi lawm bawn chu-inglaurious basterd, the pianist, Schindler’s list, Dunkirk, Saving Private Ryan, Stalingard, The man with the Iron heart, Unbroken,” a dang tam tak a sawi ṭeuh mai…mahse, a sawi zawng zawng zingah chuan ka war movie duh ber ‘FURY’ a sawi tel ve lo. Fury kher kher a sawi tel ve lo chu ka lo ngái mawh ve em em tawp. A ṭhian te dang chuan ‘Fury’ a sawi tel lo tih pawh chu sawi an tum lo aniang.



Ka in sum thei thlawt lo a, “FURY…I sawi tel lo” ka va ti ve ngawt a.



‘ahh…hei hi tunge a?’



‘Kan section-ah tunge Messty tih an awm em ni a?’


‘Nia..Fury kha lawm bawn..’



‘Hi..Messty’ tih velin mi hrang hrang chat chu a rawn in dawt thla zut a. ‘Anonymous’ tia in dah erawh kha chu a rawn tawng zui tawh miah lo. Kei pawh ka ṭawng zui duh loh avang chuan Group atangin ka chhuak a, ka chhuak deuh chiah tihin…



Private message ah, “hey…Fury” tih teh tawp hi number save loh atang chuan ka dawng zui nghal a. Tunge ni ang tih chu rindan ka nei nghal mai, ‘Anonymous’ tia in dah Kha!! A lo ni tak tak bawk!




A message chu seen a lang duh chuang lo in, a display picture chu ka han en a; hmeichhe sam dum, hmelṭha zet, biangsum khuar kek a nui lai hi a lo hmang a, Mizo a ang chiah lo hian ka hre bawk. Ka en reng lai chuan a display picture chu a rawn thlâk ta thut a!! Ka nui chhuak hak! A lerh dan tur ka ngaihruat thiam vek nghal!



Mipa thlalak in a display picture chu a rawn thlak ta daih a.A mah tak tak anih chuan a chhelo zek!! Mahse, lerh hmel ropui!! Mipa chhelo deuh lerh lo ka la hre miau hek lo. A message chu ka reply lem lo a, a number pawh ka save chuang lo.



“In duh ve khanglang elo a?” a rawn tih leh chuan ka ngai thei lo nghal pang. Hmelhriat loh mipa in hmeichhia ava biak ve ngawt in a hmeichhia in reply vat se, a awlsam ta viau angah an ngai a, an han zuam nghal em em a, reply lo se…a in duh, a chapo tih kan hlawh leh thin si. Mipa ho zet hi chuh!!




“Tunge in group a ‘Anonymous’ ti a in dah saw?” tiin ka cousin chu ka va zawt a.


“Tunge chutiang ka va hrelo” a rawn ti a. Ka reply hma hma in a rawn typing leh nghal a. “E Jonathan-a nih Kha, ka ṭhianpa, tinge alo bia che mi?” a rawn tih zawm zat.


“Aw…ava lerh âwm ve a?” ka va ti a.


“Hahha…be ṭha rawh,a bucks teh mai nia aw..” a rawn ti nih chu! Ka lo ner nang mai.



“Huh..gold digger emaw min ti em ni a Lalremfel?” lungawi vak lo a ka va tih chuan, “ni pawh nila enge pawi vak a…huhu” rawn la ti ham ham…hepa hi chu aw..ngaihsam leh lutuk mai, thutaka lak pui chi pawh hi a ni lo; mahse, ka cousin ho ah chuan ka ngaina ber, kan in kâwm nasa ber bawk.



“Hey Fury link chu..?” tih hi a rawn thleng zui leh nghal a. A va peih rei mai mai tak! Bakah..a duh te chuan download ve mai se.


“Ka nei lo” tiin ka va reply ve ta nge nge a.


“Heh…I tawngthei ve elo?” a rawn ti! Ka lo ner sak. “Ka ṭawng lo, ka type a” ngeiawm tak chuan ka va ti ve kher a. A rawn voice call nghal nih chu!! A va han ngampa mai mai e aw!! Ka reject hmak nghal.



“Dawih ve” tih message a rawn la zawm zat zui!! Ka va ngei tak!



“Enge I duh a?” thinrim ru tak chuan ka va ti a.



“Fury chu mawle” a rawn ti!



“Download ve mai rawh” ka va ti hmak a. “Khawiah?” rawn la ti hram a.



“Site ahhhhhhh” ka ning tih hriat tak chuan ka va ti kher a.



“Eng site ahhhhhhh” a rawn ti lêt ve leh, min chhaih thinrim a châk ni ber in ka hria. Khatiang khawp a War movie a en nasat laia ‘Fury’ a hre lo chu ka awih lo hrim hrim.



“I hriat loh leh I chawh” ka va ti a, ka ṭawngkam hman chu a mawi teh chiam lo ang, mah se pawi ka ti ther tê chuang lo. Lalruathlua nen kan in ṭhen hlim chhâwn lai ania..mipa hrim hrim ka ngei zual lai tak a ni bawk nen, ṭawngkam duh tui vak ka peih lo hrim hrim bawk a.



A Voice call chu a rawn kal leh nghal nia mawle…ka la block lo chu kei paw’n mak ka in ti zawk. Tun hun kan thlen dâwn vang aniang ka lo block loh kha!



A phone call ka lak rual rual chuan, “Enge a?” tiin ka han vîn hrâk nghal a.



Mipa âw thûm lam chuan, “Ehe!! hmeichhia I ni lo mi? I aw chu leh!” nui huk huk chung chuan a rawn ti nih chuh!! Ka zak ve det, det tak tak chauh in, ka aw hi a nu ve teh chiam lem lo a; mahse, chu chu pawi ka tih em em lai ka la hre ngai chuang miah lo.


“Enge I duh?” bung deuh hmuk chuan ka chhâng a, zak angin ka lang duh chhe tê lo.


“Eng site-ah maw Fury chu?” nuih za aw deuh chuan a rawn ti leh a.


“Hey…I hrelo tak tak em ni a?” ka lo ti hlar a. “Hey…ka hrelo tak tak…ka biak châk vang che maw I in ti em ni a?” ka tawng dán ang kî chiah chiah chuan a rawn ti let a, ava han chimawm thiam tak em!



“huh..min be lo la nimai lawm” ka lo ti ve hmak a. “Nia…mah se kan in be laklawh tawh sia…min hrilh ve mai la…” a rawn ti leh a.




“Torrent ah..” ka nin tawh em vang chuan ka hrilh tha ve leh mai a. “Lawk….?” Phone dah mai ka tum tih hria ninawm tak chuan a rawn ti vat a.


“Enge?” ka lo ti bak hlar a. “Lalremfela cousin maw I nih?” a rawn ti..hei chu ka rin loh lam daih a ni.


“Aw..” tih chiah in ka chhâng a. “E..” a tia a dah nghal hmak nia..mai mai chuan awww…


.

“Ka cousin a nih hi….Mali..” tiin Remfela chuan a hnung bera lo ṭhu tlar thap pali te bulah chuan min in hmêlhriat tir a.



Lalremfela te coaching kal naah result chhuah hma chu ka chhungten kal ve turin min ti a. An coaching chu JEE leh Neet exam tum te tana Crash course thla hnih chhung lek an siam hi a nia. In-a awm tlawt tlawt peih chi ka ni lo bawk nen, chhuah na chance ṭha a ni mai ti rilru chungin admission chu ka han ti ve a.



Neet emaw JEE tih vel exam te chu ka rilru ah pawh a awm lo hrim hrim, class xii ka zirlai lai kha chu ka sual tukhum pawn lai a nia, ka lerh bawk nen lehkha ka zir ngai lo tluk a nia, ka fail dâwn tih hi ka in hre chiang tawp a, class xii zir nawn leh in ring ran khan ka awm a.



Remfela thiante pali chu Rinawma, Hmingsang-a, Felix-a leh Bozo-a te an nia. Mipa chhelo tak chu an ni bik lo a, mahse hetia en mai pawh in an hausak hmêl tawp animai, an hawiher leh an chet zia hrim hrim atang paw’n ka hrethei mai.



Zing 6:30 aṭanga class kan tan mawp mawp hnuah Zing 8:30 ah kan break ve chauh a. Remfela te ṭhian ho chu thingpui in tumin an chhuak vek a. Keichu eitur ka pai vângin ka chhuak peih lo a.



Break-a zawh nan minute 4 vel la awm tih ah hian Lalremfela te thian ho chu an rawn in zut lut dam dam a. A hnung bera Hmingsang-a leh mipa pakhat rawn in fiam lut bawrh bawrh chuan ka mit an la nghal a. Hmingsang-a lo zawk chu break hma khan ka hmu ve miah lo. Mahse, hmuh tawh na ka nei Chiang mai tih chu ka hria. Ni dawn tak! Kha mi ngeiawm-a kha!



Tlar hnung lam ka thutna lamah an rawn kal a. Ka lo en reng a, chutah chupa chuan ka lam a rawn hawi ta a, min hmuh chiah chuan, chiang deuh tak hian min rawn en deuh vung vung a, chutah zawi leh muang chang hian, “Ehe!!! Hei chuh..Fury kha…I ni tiraw?” nui deuh sung hian a rawn ti a! Min rawn la melh kur zui!! A ât hmêl ka lo ti ropui. Ka hawi sawn vat a, Chhân pawh ka chhâng Chuang lo.



“Khawmaw..hey..Fel-a tawlhsawn teh…Fury bulah khan ka lo ṭhu..” a rawn la ti deuh deuh a. Ka lo ngei ru em em ringawt. Fury tih pawh chu enge maw a lam sek ni. Remfela chu engmah sawi lo hian a tawlhsawn ve mai a.




Ka bula a rawn thut thlak rual chuan, “Iva in duh ve a..?” a rawn la ti zui. “In duh ve e..” ka lo ti deuh hmak a.



“Ehe..aw chu a’n pa riap riap…I rap thiam hrim hrim, a dik em”? a thil sawi a dawng tu tana ngeiawm fahran chuan a rawn ti a, ka lo meng kual lui rawlh a. Midang chu an tawng ring hlawm bawk nen, min rawn ngaihven hmel pu an awm lo.



Ka ning tih a hre thiam duh lo nge a hre lo tak tak pawh ka hre lo. “Tupac Shakur-a hla I ngaithla ṭhin em?” a rawn la ti hram a nih chu!! Ka va haw tak!!! “I ngawi thei tawh em?” tiin ka lo hràwk deuh hrawk a. A nuih ka ti za telh telh zawk anih hmel.



“Nih Eminem-a mi?” a rawn ti chiah chu ka in sum thei tawh lo.



Ka ding chhuak ta thut a, “Remfel..ka..” ka ti hman awrh…kan Lecturer a rawn lut hman. Thinrim takin ka thut na ngaiah bawk chuan ka thu deuh nghat a. Ngeiawm-a chu alo nui khur char char nia!! Va han chhe tak aw..



Mak takin Lecturer a rawn luh hnu chuan min be tawh miah lo. Manners tlêm chu hre ve nih hmel khawp mai. Sir teaching pek chu ka pencil in ka hriatthiam dan ang angin ka note-ah ka ziak thlâ a. Ka bula tawngthei deuh, ngawi renga ṭhu ta chu ka va melh deuh zawk a, a pen hman chuan ka mit a la nghal chat.



Portable pen man to deuh chi hi a hmang a, mahse a note-a a thil ziah ka han hmu chiah chu.. Ka nuih a ti za hle. Tank lem mai mai zu han ziak a! Ava naupang chhia tak! Chutah Ala vei khawr zui! Ngei viau mah ila, ka nuih chu a ti za ru tak zet.



A Tank lem ziah chu enge ka hriat pawh ka hre bik lo, ka va melh zauh zauh thin a, a ziak thiam hrep lehnghal a. Ka melh zauh zauh tih a hria niang a rawn hawi deuh thut a…rang lutuk in White board lam ka hawi lehnghal. Kei hi ka zak ami? Zak lo ang! Hepa lakah hian ka zak lul lo ang…a ho!! Tiin ka in fuih ru a..mahse ka zak ve reng! A nui ri deuh hak tih pawh ka hria! Ka hre lo der tlat tawh.




Ka bán si deuh chiah chiah hian ka lamah a rawn tawlh hnai a…engmah hre lo ang hmak in ka awm lui a, a lam chu ka la hawi duh Chuang lo, Board lam chu ka melh ding ngar a. Chutah…ka pencil hum lai chu min rawn laksak thut a. Mak ka tih em vang nge pawh ka hrelo, tawng mai na chang pawh ka hrelo, ka lo en tawp a.




Chutah ka note tlângah te hian, “Fury movie-a an Tank ang kha nih hi, I duh em ka pe ang che..” tih hi nalh lutuk hian a rawn ziak anih chu!! Mak ka ti lutuk ringawt! Mak ka tih chhan em em zawk tak chu a kut dinglamin nia a rawn ziah! A kut vei lam leh dinglam a in ang rengin a hmang thei nia!!



Kut dinglam leh veilam a in ang chiah chiah a hmang thiam Ambidextrous person hi movie velah chiah ka la hmu, a takin ka la hmu ngai lo, he pa hi a Vawikhatna.



Class ix kan nih laiin Kan physics teacher in a sawi tawh…chawh rualin a dinglama ziak aiin vei khawr ho hi an rilru a chak a, an IQ a sang fê zawk bawk. Ambidextrous ho phei chu a pahnihin ala ni zui..hepa hi bawn ngawt ang mawle..ka ti rilru a.



A hriat phak tur tê a zawi hian, “hey..i dinglam leh veilam in I ziak thei ve ve elo a?” ka va ti a. Ka hriat tawh sa reng chu ka han zawt nawn kher a ni, a chhânna ka hre duh hrim hrim aniang..ka hre tawh bik lo.



Amah chuan mak tih hmêl deuh hian min rawn en zâwk a. Chutah Kiai deuh suk chung hian, “hre lo le..” tiin min chhâng nia! Ṭawng theiin mi hnial hrat em em lo se chu a kiai deuh suk hmêl chu a pa hle ka ti ang mawle….mahse ka ngei chi a ni tho tho. Bialpa chu sawi loh ani hi chu crush atan pawh a duh loh chi..a mizia hi!





Class a zo a, Lalremfela’n zial zuk ruk lawk a duh thu a sawi avangin, amah nghah pahin muangchang in ka thil vel chu bag-ah ka khung mawlh mawlh a, chutih lai tak chuan, “Kha ka pe ang che…nei rawh..” min rawn tih ri-ah chuan ka han hawi phei vat a.





A tank lem ziah kha nia, nei rawh min lo tih chu…a thiante an chhuah hmanhmawh em vang khan a chhuak ve nghal mai dawn maw ka lo tia, ka lo ngaihven vak lo kha nia.





“Ngatan nge ka tih nga..?” ka lo ti deuh ha a. “I khum bulah I tar ang chu..” a rawn ti awlsam then a. Hmm.. Ava in ngaisang mai mai tak!! Ka lo ner ru deuh nang a. Mahse, a mawi ka tih êm avângin tha deuh chuan ka la ve ta tho a.





“Tak ana I website sawi ah khan movie kha download ka tum a, p0rn en na lo nia…min ti hrilh hai khawp mai” a rawn ti chiah chu, “Eng a?” ka lo ti nghal vak!!





“van hrat thei âwm ve a..” rawn la ti zui!!





Ka in sum hman lo, “awiii Zawnga!!” Ka ti chhuak tuar (h). Midang, la haw mai bik lo, bathroom awl châng ho chu an lo hawi deuh thup zui. Hmêl-a mai mai hi!! Ani chu za mangkheng hian a rawn nui vak vak nghal a!


“I hmelchhe lutuk” tih pahin a ban puam ah ka hnek deuh chawrh a.


“eiah..ana lutuk!!” tih pah in a in dawm a, ala nui dir char char tho nia! Huat en ah pawh ka en peih tawh lo, ka nui ve ta ringawt.


La nui huk huk chung chuan, “Enge…hrat tih ringawt pawh chu I va hlau awm ve a..?” a rawn la ti hram a.



“Hlau aw zawng lo e aw..” ka lo ti deuh hmuk a. “niang I hlau lo ang, Fury te I duh sia, tak takin war movie I ngaina hrim hrim em ni a”? a rawn ti a, a rawn thu tak deuh sawt bawk.




“Ngaina e…Movie chu thuhran, novel-ah pawh war hlir ka chhiar thin..” inti thei ru angreng tak chuan ka han ti a.



“Tak tak maw?” mak tih hmêl leh min ring vak lo ni awm tak hian a rawn ti a.




“ni e..ka novel duh ber pawh ‘Battle cry’ alawm, I hre ngai em?”tia ka zawh chuan, “Êkbathlarsânga te kha maw?” a rawn ti nih chuh!! Ka in ring hman lo ka han nui chhuak vak a..


“Enge ni lo mi?” a rawn ti hu a.


“ni e..i rawn sawi dan kher kha lawm..hahhaa….” tiin ka han nui leh uar uar a.


“Hmeichhe zîngah he tianga ‘war’ ngaina an awm ka hre ngai lo…I dangdai..” a rawn ti.


“hmm..enge chu chu dangdai a nih vak na, hmeichhia te hian bad boy romance, emaw hriatna hloh tih vel hlir kan en emaw in ti em ni a?” ka ti let a.


“A tam zâwk chu in nia lâwm..mah se, ka hriatchian em em ve thung chu maw.. Hmeichhe ho hian a huho a p0rn en rûk in hrat hle” a rawn ti nih chu!!



“Hahha..aw khatah kha chuan ka hnial lo mai ang che..” tiin ka chhâng a. Diktak chuan a sawi dik miau a…phone te reuh tê pakhat-ah khan kan en ru nasa ve thin…en hnai kha ngai thin bawk sia, kan lu a in si deuh dual zel. Khangtiang film te kha engtia han nei thei thin kha nge kan nih pawh ka hre tawh lo.



“Engtinnge a hu ho hian in en theih zâwk a, in feelings a chhuak ve lo em ni a?” tiin hriatchian châk hmêl deuh hian min lo en..ka nuih chu a ti za takzet. Hepa bula awm hi a hlimawm zawk tawp. Mipa ka huat hrim hrim lai vel mah ni se…min hi hlim tho mai.


“Chhuak ngai nâng, mipa anga feelings tih chhuah phet kan tum ve hlei nêm, keini te chuan discovery channel en ang char char in kan in ngai a…” ka tih chuan, “Ka va han awih lo tak!…lawkin..I virgin em”? a rawn ti deuh thut a nih chu!! Mi an awm hnai em tih ka melh kual vat nghal.



“Nge..ka zawt mai mai che nia…” nui sawng hian a rawn la ti zui a..


“I ring em?” tih ringawt in ka chhâng a.



“Ring bik vak Chuang nâng..” nui suk chunga a rawn tih chuan, “I ring dik nih chu..” tih chiah in ka chhâng a. A rawn nui chhuak ta hawk a! Chiang deuh tak hian ka va melh a,“Nge I nuih a, I awih lo em ni a”? ti a ka zawh chuan, “ I ti tak tak em?” nui sung chung chuan a rawn ti hram a.





“Aw..dâwt sawi vak na chhan tur ka nei hlei nêm, hmeichhe fel tak ka ni lo tih te chu min hmuh phat atang khan I hre mai lo mi”? ka ti a.




“Hria e…Malsawm tih tel hrim hrim hi chu an sual vek alawm, chuan maw ka hmuh phat che khan Keimah ang chiah a sual hlawm I ni ve tih ka hre nghâl..khawmaw khawmaw high five..” tih pah chuan a kut dinglam a rawn phar chhuak nghâl a. Nui vak vak chungin ka lo High five ve ta vat a.



Diktak chuan, Vawikhat in hmuh naah mipa dangin ka virgin leh gin loh min zawt ve ta thut nise chuan, ka in thup bo hneh leh hle ang a, angel hawlh thlâk ang zar ka ni leh ngei ang mawle.. Mahse, hepa bulah chuan ka nih na ang angin ka lang ngam tlat! A mak ve ngawt mai.



“Hey…ka ngaina bur che tih I hria em Fûrrrrrr-i?” a rawn ti a. ‘Fûr ruah tui’ tih Mizo in kan thlûk ang hian nia Fûr-I tih chu a rawn thlûk ni. Ka melh vat a, ani chu a lo nui khi vun vun a.


A tih ang deuh chiah chiah in, “Hria e..hei ai hian min hrechiang la chu maw..min ngaina keh tuar zâwk ang mawle…Furrrrrr-a” ka ti let ve nghal a…Kan han nui dun leh kiah kiah a.



Mi hrang daih ni si, Vawikhat in hmuhna lekah hetianga pawh tak hi ka nunah ka la nei ngai lo hrim hrim. Chumi ni aṭang chuan ani leh kei chu.. Fûr-I leh Fûr-a kan lo ni tan ta a ni.



Kan mizia a in ang in, kan in hre chiangdun em em a. Kan in hriat chian dun êm vang pawh hi ni mai thei, chuti khawpa mize in mil leh in kawm ngeih ni si chu…kan pahnih in kârah hi chuan, in ngaihzawnna lam ang chi feelings hi chu awm lo ve tak hi nimai. Kan pahnih hian lerh hi kan in ti tawn ve ve a; mahse, kei-a lerh te chu ani lakah chuan nêp te. Ani chu hmeichhe pakhatah hian a lungawi ve mai mai ngai lo!



Vawikhat pawh ngaihzâwng a neih reng laiin hmeichhe pakhat, kan coaching kalpui, khal nalh deuh mai hi a star a. Jonathan-a chuan ka star pawh a ti lo, a ît thu min hrilh pek!!



Kan classroom-a a star nu Bathroom bula a ding lai ka hmuh chuan, “Saw nu saw maw I star chu?” ka han ti a. “Saw nu ti Suh, Puipuii ti rawh” a rawn ti vel a, ka lo meng kual lui ralh.



“ka thu thu aw… Ehe!! A hnute saw a’n Lian mai mai” ka lo ti deuh hluai a, keimahni ang rual ah chuan a lian in a kawh ṭha ve bawk êm a ni. Fa nei tawh a ang hial zawk!



Joe chuan,“nalh tiraw? In hnuaiah pawh mipa ho khuan an lo sawi huai huai mawle” a rawn ti a.



“Tute’n? Bozo-a tel ve em?” ka lo ti hmanhmawh a. Bozo-a chu an thian zingah ka biak ngâi loh awm chhun ania, amah paw’n min be ngai lo, ‘hmeichhia a hlau a’ an tia a ṭhian te chuan, ka awih lem chiah Chuang lo. A mizia ve hrim hrim anih ka ring a, a cool thei tawp a, a ṭawng ve mai mai ngai bawk si lo a. Chuvang chuan ania Bozo-a tel ve em tia ka zawh kher.



“Tel ve lo, ani te chuan hnute lian a duh ve leu, hnute tê deuh, khal ṭalh a duh..” a rawn ti a.



“A dik ang, Keimah ang hi tiraw?” nui chunga ka tih chuan, “Hmeli!!” a rawn ti vak a!! A star nu a rawn hawi! A chawh hi ka han ti khawp ah!! Ka nuih vak vak a…a zah ve hmêl tak tak rap; mahse, a zak leh tak tak tawp dâwn Chuang lo tih hi ka hre Chiang.



“Mahse a ler ang ka ring..” a rawn ti chuai deuh raih a. “Ngati?” ka lo ti vat a.



“saw mascara te a hmang vel sia” a rawn tih chuan ka nui phuh ṭhawt lo chauh.


“Awii lerh-a tin nge mascara a hman leh hman loh te I hriat zawk a?” nui vak vak chung chuan ka ti a.



“A in hnawih ziah lawm…lo en rawh, bathroom aṭanga alo chhuah veleh a in hnawih leh mai ang..” a rawn ti a. Tak taka..a sawi ang chiah in Puipuii chu Bathroom aṭangin a rawn chhuak a, midang in an en leh en loh pawh ngaihsak Chuang lo hian bag aṭangin compact a phawrh a, a in chei ta hliau hliau a, mascara pawh a in hnawih tel ngei bawk a.



Ngawi renga Puipuii in chei lai kan en reng laiin, Joe chuan, “ngatinge zing kar karah a inchei vak zel le”? a rawn ti zawi sup a. “Zingkarah a bialpa nen an in hmu ṭhin niang…” ka lo ti awlsam then a.



“hey..tiang khan sawi Suh…ka thin lung I ti na ania…” a rawn ti vel a. Ka awih lo lutuk chu ka nuih a za zawk!! A chhan chu la na dâwn tak tak se chu..a bem leh daih tawh ang tih ka chiang.



Ka sawi ang chiah in..chumi hnu ni thum hnu lekah an in biak thu min rawn hrilh leh nghal a, a hnu lawk ah an sex hman dan chenin min hrilh leh vek! Ka zawt pawh a ni lo, ka bula tiang sawi vel hi nuam a ti hrim hrim alawm.



A hmeichhe sawi te hian hetia an awm dan a sawi hi an hrechhuak ang tih hi ka lo hlau thei lutuk ringawt! Ani lah chuan engmah hi a vei ve bawk si lo a. “Tiang kha sawi phawng phawng zel lo la…hmeichhia hian kan haw thei teh mai nia aw..” tia ka’n khak ve deuh chang pawh hian, “hmeichhe bulah ka sawi Chuang hlei nêm…hmeichhia ini ve mi?” ngeiawm tak hian min rawn ti anga..



“I hmelchhe lutuk!” ka lo ti vak a. Tichuan, kan han nui dun leh kiah kiah zel a. Hauh theih pawh hi a ni ngâi lo, bakah hau turin kei lah hi engmah ka ni bik si lo a…keini pahnih hi chu eng ngaihtuah lem lo a; thawveng taka nui dun kiah kiah tur hi kan ni maiin ka hria.



Hetiang hian hmeichhe lamah kawlhrawng ṭhin viau mahse, Jonathan-a mizia ka duh ve em em na pakhat chu ani chuan a ṭhian te ang lo takin a zirlai a ngaihsak! Class pawh a tlânbo ve mai mai ngai lo.



Ani chuan a zirlai a tuipui tlat a; a ngaithla vak lo emaw ka tih te hian class hour tawp dawnah sir ten zawhna han siam se, alo chhâng thei ngei ngei ziah. Exam naah pawh a ti tha rêng bawka. An ṭhian ho ah a lerh bera, lehkha a thiam ber a, a ti tha ber a ni ziah bawk!




Friday vawikhat chu kan result kha a chhuak ta nge nge. Fail ka in rin hrim hrim avang khan ngaihven pawh ka ngaihven lem lo a, ka chhungte pawn an ngaihven bik Chuang lo, ka fail an ring vek hrim hrim a.



Chutih lai chuan, Jonathan-a hian min lo call a. Ka pass thu min lo hrilh chu Ka awih lo rapthlak. A hnuah min lo thawn a, ka han en chuan III division ah ka lo pass ve ṭawk tak tak hi alo nia. Mak ka tih zâwk zia chu! Mahse, Science la tan chuan III division-a pass chu ngaihna a awm lo tawp tih kha ka hrechiang ve êm a, School danga in sawn a, beih nawn leh ka tum tho.




Ka ṭhian te leh ka cousin te ho result ṭha pui pui an han nei kha chu ka zak ve det. Ka thatchhiat leh sual vang kha chu ni tho mah se, a tak tak han tawn chuan, hrehawm ka ti tawp a, mahse, hrehawm tih loh hmêl tawkin ka chhungte hmuh ah pawh ka awm lui ngat ngat.



Chumi ni chu result chhuah ni a nih avangin zing ah coaching class awm lo in tlai dar 1 aṭanga tlai dar 4 thleng class a awm a. Jonathan-a’n min lo lam a, kan kal rual a. Ani chu a ti ṭha bawn tawp a ni mai. Distinction-ah a pass a, Physics-ah rank holder a la ni zui.




Remfela leh an thian te dang chu kal pawh an rawn kal lo. Class kal chu kan tam lo hle bawk. Joe nen chiah tlar hnung berah chuan kan ṭhu a. Break lai chuan kan ti ti mai mai a. Enge zir zawm a tum ka zawt a. Engineering zira chumi hnua Army-a luh a tum thu hi min hrilh a. Mak ka ti em em hran lo, a movie duhzawng aṭangin sipai nih a châk chu ka ring hrim hrim a.



“Ngatinge Army-ah luh I châk te chuan Engineering zir I tum kher a, NDA (National Defence Academy) emaw Graduate pangai I zawh hnuah CDSE (Combined Defence Service examination) te exam mai la..” Ka han tih chuan, “NDA leh CDS tih vel atanga exam hau tak lutuk leh training, a kum kum tih ngai ka peih ve hlei nêm…Engineering aṭang chuan maw Technical Entry Scheme in awlsam lutuk in kan lut thei dáwn alawm..” a rawn ti a.



Kei chuan, “Ngati bik kher?” ka lo ti vat a.



“ A chhan chu Force-ah chuan a bikin Navy leh Airforce-ah hian Technical thiam mamawhna a sáng lutuk a, engineering graduate tan chuan Vacancy a tam em em bawk a, chuvang chuan Army Engineer corps-a luh a awlsam bik alawm” a rawn ti a.



“Fair lo e…nih chuan Engineering graduate chu written pawh in hmachhawn lo anga, interview pawh maw?” ka lo ti a.



“Aih…written te pawh awm ve dawn tho e, bakah SSB (staff selection Board) interview kan hmachhawn angai ve tho, chu chu hmachhawn vek a ngai hrim hrim alawm. Chuta kan tling anih chuan, NDA leh CDSE tih vel aṭanga lut kum tam tak training ang lo in kum khat bâk kan training ve dawn lo, Lieutenant atangin kan tan nghal dawn zui..” a rawn ti a.



“Van ṭha….mahse, sipai te chu zing tawk tawk ah an tho thin sin..i thei ve dawn mi?” ka han ti a. A chhan chu zing thawh a thei hlawl lo a, zing dar 8 hnulam hlira class a rawn kal thin chhan pawh hi a thawh theih loh vang hi a nia…



Nui sung chung chuan, “zing thawh ngai lo chi awm chawp ve mai ang” a rawn ti ham ham a. Hepa han nawi zia hi chuh!



“Nangpawh I repeat dâwn rau rau chuan ṭha deuh in zir la, Medical lamah ti ve daih la, Hmeichhe tan hlei hlei hian a ṭha nia…MBBS emaw BDS tih vel ho tan phei chuan maw a ṭha leh zual, an rank a sáng chak ropui lehnghal” a rawn tih leh chuan, “ka chhungte hian sipai lam te chu an phal I ring ami? Fanu mal ka nih hi..” ka han ti let hlar a.



“Huh…I englai hi nge maw an lo ui ve khanglang che le?” ngeiawm tak hian a rawn ti a.


“I zak em?” Ka lo ti hmuk a.


“Zak pahnih ka nei a, ka duh tawk khawp…” a rawn ti! Huizz.. Chhân pawh ka chhâng peih tawh lo.

“A nih chuan ti hian coaching te I kal ve a, I tui Chuang tawp silo, eng hi nge I tui ve a?” tia min rawn zawh chuan ka phur leh pek khawp.



“Movie ka direct dawn mawle…” Confi hmel tak chuan ka han ti a.


“Woaa hahh..va han ropui ve” tih pah in over fê hian a kut a han beng vak vak a, ka ngei táwk a tling leh hle.


“Ropui e…director ka nih hun chuan ka movie min produce sak vel anga…nang ni chu in hausa tho a..” ka han ti zui hram a.


“Ve che…” a rawn ti vak a.. in hausa tih hi chu a duh lo ve thlâwt zel! Ka lo nui vak vak a..



“Nang meuh vin movie I direct chuan maw Fûr-i..Zolly-wood chu a in ṭan hma hauh in a tla chhe nghal rawk rawk thei ang mawle..” ngeiawm fahran chuan a rawn ti a.



“Sual-a leh! Min phur pui peih loh pawn tiang khan min ti bik kher Suh!” ka lo ti hmuk a. Ani chu alo nui vur vur a.



Class ban chuan tlai dar 5 a ti thuak tawh a. Joe chu kan in-a chaw ei turin ka sawm a. “A tlai tawh em hi…a buaithlak “ a rawn ti a.



“Buaithlak loh…I pass kan lawm pah ni mai, à-nu ka hrilh ang..” tih pah chuan ka nu chu ka call nghal a, ka thianpa chaw a rawn ei nghal tur thu ka hrilh a.



Joe chu a chhungte hrilh ve tura ka tur sek hnu chuan, phun nuah nuah chung chuan a chhungte a hrilh ve hrâm a. Anu leh pa pawh an lo awm lo, an lo zin a..an Chhungkua awmpui tu te chauh chu in-ah an lo awm a ni àwm e. Result chhuah ni ah a nu leh pa te an awm lo chu ka khawngaih hnuhnawh, ani te chu a tih ṭhat teh lul nen. Amah lah chuan engah vak mah a ngaih hmel bawk si lo a.




Kan in kan thlen chuan zan dar 7 bawr vel a ri tawh. Living room-ah ka nu chu amah in alo thu a. “Hei hi A-nu nih hi, nu hei hi ka thianpa nihhi Remfela te nen an in classmate..” ka ti zui nghal zat a.


“Anih chu aw…. Tunge hming ni a?” ka nu chuan a rawn ti a.



“Fur-a nih hi” nui pah chuan ka lo ti a. Ka nu chuan mak tih hmêl tak hian, “Eng maw a hming chu?” rawn ti deuh haw a. Joe chuan, “Jonathan-a ka nia…Nu Rempui, nang chuan Ka nu min koh danin Mampui min ti rawh” a rawn tih chuan ka lo uak der vel a…kan nui ham ham a.




Thlak pawh in thlak lo in choka lamah ka phei pui a. Dining chair-ah chuan Joe chu a thu a. “Chawhmeh ka ti lum zuai ang aw..” Ka tih chuan a phone hmeh mual mual pah chuan a rawn bu ringawt a.



Chawhmeh enge awm tia en kual ka tum chu tui dehna a ka thil hmuh chuan min ti ding chawt. Awii…thleng chu sil loh in an lo dah vûm leh thur nia!! Ka sa nghal zawk theiin ka hria.



“Nu…in chaw eina la rei lo em ni a?” tiin ka nu Living room-a thu chu ka han au deuh vak a.



“Rei tawh e.. ngatinge?” tiin ka nu chu a rawn au let a.


“Thleng hi ka sil turin in lo dah leh ringawt em ni a?” thinrim in sum ru tak chuan ka ti hlak a.


“Ngatinge I u Bte-I khan a sil lo em ni?” tih pahin chokaah chuan a rawn lut a.



“Sil lo chu nih hi…” ka lo ti deuh hmuk a. Ka chau ve bawk nen…ka thin chu a rim takzet. Zingah Keimah hlirin ka sil a, tlaiah lehzel ka sil tur bik kher ni âwm taka an lo dah vûm thur zel hi chu ka kham ve takzet a ni.


“I u Bte-I a buai deuh aniang..Bawihte…chaw kha ei phawt Ula..zawi muangin I sil mai dawn alawm” ka lung tih awi loh hlau tih hriat hian a rawn ti a.



“ninawm lutuk..mi mah chauh naklaia…” tia phun nuah nuah chung chuan Chaw hmeh chu ka ti lum a. Ka nu chu a kalsawn leh nghal mai a.


“Ka silpui dawn che nia..a ho e..” Joe chuan a rawn ti vel a. “Min silpui loh ten..a thlawna chaw ei I tum mi?” nui chung chuan ka ti a.


“Ehe!! Chutiang te min tih..Ka haw nghal dawn maw ni le…” fiam thu deuh taka a rawn tih lai mêk chuan ka u aw ri hian, “Enge a? Malsawmtluang in va bengchheng ve a…” a rawn ti lut hlut a. Chhân pawh ka chhâng buai peih lo.



“hei hi tunge?” tih pah in Joe thu lai chu a en run a, a rui leh tawh tih hriat zet hian a meng phi chung a, a hmel lah hi a chhe sia.


Joe chuan ding chhuak in hawihhawm tak hian a chhâng mai a, ka thianpa anih thu leh Coaching class aṭanga in hria kan nih thu in a chhâng a, kei chuan chhân pawh ka chhâng lo hrim hrim.



Ka u leh Joe-a in biak mawlh mawlh lai chuan thleng sil tur chu a hnawk em vângin thenkhat chu sil hmasak ka tum a, scrubber-ah vim ka leih a, ka nuai tan dâwn chiah chu kan monu u Bte-I aw hian, “Awii thleng ka sil lo tih ka hre tawh lo reng reng…phone ka lo hmang laklawh lutuk a” a rawn ti lut a. Ṭawng chu sawi loh a lam pawh ka hawi lo hrim hrim.



Ka bulah chuan a rawn ding a,“ Tluang ka lo sil dawn mi”? a rawn ti a. ‘Ka lo sil ang’ pawh a ti lo, a mawi ah a sawi ve mai mai a ni tih pawh ka hria.




“Ngai lo..ka sil law law mai ang” ka lo ti deuh hmak a. Ka lungawi loh zia chu thup hram hram ka tum a; mahse, ka thinrimna chu a in vial nasa êm a, alang chhuak lo thei lo in ka ring.



“awii I thinrim em ni a?” a rawn la ti hram a. Ka chhâng lo.


“Amak thei e…Khawi ka lo sil ang, I thinrim ai chuan..” tih pah in ka scrubber hman lai chu min rawn chhuh hi a tum a, “a ngai lo ka tih chu..” tih pah in ka lo pawt ve deuh vak a. Tui huh leh vîm phuan chu a per deuh chuai a. U Bte-I chu a rak deuh that bawk.


Ka u chuan, “Sil angai lo, Malsawmtluangi khan sil rawh se..” a rawn ti nghut a.




Engah mah ngai lo a, sil zawm leh mai ka tum chu, “tlai tawk tawkah hian a rawn haw a, a duh duh hi chaw ei pui a tum leh nghal a, hmeichhia te te si.. ngál rá leh lutuk mai” mi rawn ti leh kher a nih chu! Nidang chu nise, ani rui phur ṭawng mai mai chu engah mah ka ngai lo ang; mahse, ka thianpa awm lai khera chutianga min rawn ti chu ka zak kher mai!



Ka u chu ngei lutuk in ka melh a, “Ka duh duh ka eipui anga…ilo buai ve angai lo..” ka ti ve nghat a. Ka thinrim ve takzet a ni. Diktak chuan ka thiante hi tumah a hranpa in ka hruai ngai lo, chhungkua a engmaw ni kan hman leh ka birthday tih loh ah Joe bak hi tumah ka la hruai lo hrim hrim.




Joe chu ka va melh a, za vak lo in a lo nui suk a, nuam lo a ti ve tih ka hrethiam! Ka zak ngawih ngawih kei mah hi.




“I nghal sia e, ka la beng khawp ang che mawle..” ka u chuan min rawn ti leh a. Ka thinrim lutuk chu ka puak keh lo chauh tawh. “Min beng la…” tiin cho takin a hmaah tak ka va ding a. Ka u thinrim pawh chu min ben tumin a bán a khai kang vu vu hman tawh tih ah chuan, Joe’n min lo pawt vat a. Ka ṭang ṭung a. Ka sa vek hi nimai, ka thinrim a, ka zak bawk si.



“Enge ni buan buan a?” tiin ka nu chu chokaah a rawn lut a. U Bte-I chu a ṭawng ve lo hrim hrim.



Ka u chuan, “Malsawmtluangi nghal lutuk hi zilh rawh, ka la beng thlu lawl mai ang” a rawn ti leh hram a. “Min beng ta che..” ka ti tuar a. Ka thinrim lutuk chu ka khur vek! Joe chuan a ai nghet in ka bânah min rawn pawt a, “lo kal rawh…” tih pah in kawngkhar lamah min pawt chhuak zui dawr dawr a.


Ka nu in, “in mak em em e.. puitling vek in nih tawh hi…a zahthlak lutuk e mai…” a tih chu ka hre pha vuai vuai.



Joe nen chuan ngawi rengin kan in chhoh na step-ah chuan kan thu dun a. “Ciggi zu ang…” a rawn ti chhuak hlawl a, a lam pawh ka hawi duh lo. Bang lam chu ka melh tlat a. Kan chhungkaw dinhmun a rawn hmuh chuan min ti zak ngawih ngawih hi ni mai.


“Zu ve chhin rawh…Total I zu chak em? Ka zuk lei dawn mi?” tia min biak mawlh mawlh pawh chu ka chhâng lo.


Bang lam ka hawi tlat a. Ka in ngaihtuah lungpuam a, ka pa thleng thlengin ka ngaihtuah a, ka rilru a na… ka ngâi. Ka pa chuan kum 8 mi ka nih laiin min boral Sana, kan unau PALI in ka nu hian min enkawl sei Lian a ni.


Pa tello a Nu enkawl seilen, unau zahawm tak leh chhuan tlâk tak tak hi ka mit hmuh ah ngei pawh tam tak an awm. Mahse, keini unau ah chuan Chutiang chu a ni ve lem lo!



Kan upa ber hi Delhi University ah, Assistant professor in a awm a, a nupui fanau te nen an khawsa nghal a, kan chhungkaw in nghahna ber a ni. A dawttu chiah hi ka pa ai Sorkar-ah a lut ve a. A nupui nen an inneih in kan in hnuai ah an in dang ve a; mahse, an nu nen chuan kum khat pawh in kawl tling lo in an in then a, Ka u chu kan in ah a rawn let leh a ni.



A nupui, kan monu hlui chu tuma’n kan dem lo.. tu hmeichhia mahin ka u ang, Zu chu sawi loh, ruih theih tawh phawt ti vek thei chu nei reng peih ang ni? Chutiang mi chu ni mahse, kan unau ah mite ngainat hlawh ber a ni thung. A rilru a tha em em a, a thil neih a ui ngai lo. Kei paw’n ka ngaina ber; mahse, ina a awm leh awm loh hi a in zat thuak in ka ring!



Ka u chiah, tuna ka in hauh pui vak ve nen thung kha chuan in chhang bung kan nih vang nge, kan in ngeih hlawl lo. College a zo ve hram a, hna thawh mumal pawh nei lo in a awm a, ka nu pawisa dil leh inchhungkhura buaina thlen hi a hna ber a ni. Tuna a nupui nen an in neih hma hian sâwn a thlâk tawh bawk! Chuan kei hi hmeichhe awm chhun ka nia, ka naupang ber bawk. Chutiang chu kan chhungkaw dinhmun chhuan tlâk loh ve zet chu a ni mai.




“Naa..nuam lo e…khatianga I awm chuan nuam ka ti lo nia aw.. Buddy…” a rawn ti leh a. Ka in sût deuh hraih a. Min rawn hnaih nghal ruak a, “Ehe!! I tap vel mi?hah..i tap vel nia..” tiin a nui nia…



“Nui bawk Suh!!” in sut hlawp hlawp chung chuan ka lo ti hlur a.


“Nih ka nui lo, anih chuan Tap tawh lo teh…I in hmeh ve lo a nia” a rawn ti!..tuna ka in hmeh leh hmeh loh ah lo buai…



“Tunge ṭah in hmeh awm ngai..” ka lo ti hlur a. “Pearl Harbor changtunu Kate backinsale-I chuan a in hmeh alawm” a rawn ti nih chu. “Lo nih tak chu” ka lo ti nghat a. Ka insût zui deuh hraih a.



“Amak e aw…Furi, tap tawh lo teh...nang te chu I MAN êm kha, khatiang mai mai I ṭah chhan a ho..” a rawn ti nia! Ka sa deuh phat.


“Eng maw ho chu?” tiin ka va melh hraw a!!



“A hah…Tui leh Mei chiah chiah kan ni nih hi..” a rawn ti nih chu. Ka nuih za lutuk chu ka nui phuh thawt lo chauh.



“Ehe!! I nui tiraw…?” phur hmêl tak chuan a rawn ti nghal a.


“Aih..” ka lo ti hmuk a.


“I nui reng…I van lâwm âwm ve a..Tui leh Mei tih chu..kei Tui nang Mei aw..” a rawn tih rual rual chuan ka tho nghal nawlh a, min lo pawt vat a.

Amak..anih Tui chu ni mai rawh..” nui chung chuan a rawn ti a…melh deuh rawm rawn chung chuan ka thu ve mai a; mahse, ka ṭhu tûm deuh bur thung a.



Ngawi renga minute hnih vel kan awm hnu chuan, “Fur-I?” a rawn ti leh ngawt a. “Nge?” ka lo ti chhum deuh hmuk a.



“Kuah I duh em?” a rawn tih chuan mak ti takin ka va melh nghal a.

“Ngatan?” ka ti a.

“Ngatan vak nge niang inkuah te chu a lum nuam a..” a rawn ti nia!


“duh mai mai lo..” ka lo ti deuh hmak a.


“In kuah hrim hrim ang…” tih pah in ka banah a rawn pawt a, min rawn kuah deuh chawt chawt a.


“A ninawm…khawmaw” tih pahin nem sawn ka tum a, min kuah nghet tulh tulh. Ka beng bul setah chuan, “lo che sek lo the…lum nuam em?” a rawn ti su su a. “Aih..” chu ka han ti tak na a; a ruk tak chuan nuam chu ka tive reng.


“A nuam I tih ve reng kha..” a rawn ti a, ka lo nui hak a. Ngawi renga ka hnungzânga chûl hliau hliau pah in min kuah hlu hlu a,hepa hian ka thla a ti muang ve reuh phian.


Ka beng bul sêtah chuan,“Fûr-i?” a rawn ti zawi leh sup a.


“umm” ka lo ti mai a.


“I thâwk lak zawng khan I hnute ka feel…” a rawn ti chiah chu, “Awii!! Jonathan hur Suh aw…” tih pahin ka tal chhuak nghal a, min thlah ve nghal mai a.


Nui vur vur chung chuan, “I lungawi tawh tiraw?” a rawn ti a. “Awi mai mai lo” ka lo ti deuh hmak a; mahse, ka thinrim em em tawh lo hrim hrim.


“I ngai serious lutuk anih kha…chhungkaw tinin khatiang buai na te chu kan tawng ve vek alawm…Tap duh tawh miah Suh aw..khatiang a ho lutuk” a rawn ti mawlh mawlh a.


“A ho bawk lo aw…in tawng ve âwm lo emai nangni chuan…” ka lo ti hram a. Ka zak ve êm a ni.


“Huiz…aw I duh ang chuan ni rawh se..lo kal rawh thil zuk ei ang..ka rilṭam tawh teh mai nia..” tih pah chuan min pawt tho a, ka in thiam loh zia chuh! Chaw ei turin ka hruai ve em em a..


“Tihpalh aw..Fur-a” ka han ti ngawt a. Ka in thiam loh takzet a ni. “Awle…kal ang” tih pahin a nui suk a. Step-ah chuan kan in kai thla nghal a. Kan chhuk thla chiah chu…Pawisa kan nei lo hrim hrim tih ka hrechhuak chawpchilh a. Kan in hnuai bera eichawp dawr siam u Mahruaii chu pawisa ka puk tawpa…


Kan veng kâwna Street food an zawrh naah chuan kan phei dun a. He lai vel hi chu lawi lo dáwrpui tih takah mi chi tin tang hi an lo awm leh tawh a.


Joe chuan kan vengah pawh hmelhriat chu alo han ngah leh hman khawp a. Mi chu a be kual zut mai. Ka thil ei chu ka puar hlei thei lo a, sweet corn chu ka la chah belh leh hram a. Joe chuan ka thutna sir lawkah min nghak a.


Ka thil ei lai chu min en run a, ning tawh tih hriat tak hian, “Ei vat vat rawh, ka haw ve duh tho ania..” a rawn ti bui bui a.



“Min lo ti hmanhmawh Suh..ka ei vat vat peih lo” ka lo ti let hlar a. “Aw nih ei vat vat Suh.. ninawm” a rawn ti nui nui a. Ka nui ru nasa!!


Thil ka ei zawh chuan, “in-ah ka haw peih lo e…” ka ti nuah nuah a. Joe a’n, “Kan in ah lo riak daih la..” a rawn tih rual rual chuan, “Ka duh teuh lo” ka lo ti nghal vat a. “Enge… ehe!! I van sual ve..” a rawn ti deuh hluk a.




“Chutiang a ni lo, Remfela te in-ah ka riak mai ang..min thlah kawi lawk la…” ka tih chuan, “Enge kan in a riah pawh chu?” a rawn ti let a. A lungawi loh hmel ngang mai.



“Hmeichhia mipa in-a va riah daw daw te chu a..” ka tih chuan, “Ehe!! Hmeichhia maw I in ti leh tawh law a?” a rawn tih let chuan ka lo run ngang mai. “I Hmelchhe lutuk!!” ka lo ti vak a.




“Hmelchhia min tih tak tak loh kha!” nui pah chuan a rawn ti a. Hepa han han confi theih bik zia hi chuh!


“Ih maw Fur-I, Khawvelah hian nang leh kei chiah hi Mihring dam awm chhun ni ila; ka tlân bo San daih duh ang che mawle…Chutiang vel chu ni..” ngeiawm tak chuan a rawn ti a.



“Awi awi awiii…Hmêl-a ka tih ve dan tur tho a nih chu..” tih pah in a ban puam-ah ka chum chawrh a. “I kut han zân zia hi chu aw…I bialpa te hi chu an khawngaih thlâk thin âwm” nui chung chuan a rawn ti leh a.



“Ka bialpa te kut ka thlak phal teuh lo mai, ka duat theih mah nak laia…” nui chunga ka tih chuan, “Khumah pawh I duat tiraw?” a rawn ti vat a. Hepa han dâm theih zia hi chuh!




“Duat ang chu…min ṭhen hlei thei ngai hlei nêm…I châk ve em”? Ka ti lui ve kher a. “hah…nang a duat nih ai chuan len tar thak ka thlang…” a rawn ti vela.




“I va â tak! ṭawngkam hi fimkhur ngai ṭhin teh mai nia aw..I leng tar tak tak hrim hrim ang mawle…hmeichhe leng tar nih chu a zahthlak em em loh, mipa leng tar nih chu zahthlak the mai nia…” tih ka sawi zawh rual rual chuan, “Malsawmtluang khatiang khan min tih ṭhaih ve ziah Suh aw..” a rawn ti vîn hluk a.


Tlêm chuan a awih leh tho tih ka hria. Lehkha thiam in, a IQ te hi sáng viau mah se, ka bum ziah thei tho mawle…a chhan chu mi famkim a ni bik lo miau va…chu bakah ka thiam ang zawng zawng leh hriat ang zawng zawng hi a hre bik lo tih hi ka hrechiang ve lutuk tlat!



“Ka tih ṭhaih bawk lo che..a thleng dik thin tak tak a nia ‘ṭawng thu chhe lo ah’ ti vat rawh” ka tih leh tâkah chuan, a hlauthawng leh si aniang, zawi deuh sup hian, “hmm…nih leh..Ṭawng thu chhe lo ah ” a rawn ti chiah chu…. Ka u chunga ka thinrimna leh rilru nat na hre chang tawh lek lo in ka han nui vak vak a.



Ania lawm…Joe bula ka awm hi chuan maw… ZING KHAWVAR RUALA VÂNA ARSI ZAWNG ZAWNG AN BO DUAK ANG MAI HIAN, KA THINRIM NA LEH KA LUNGAWI LOH NA TE CHU KA THINLUNG AṬANG HIAN LAK BO VEK A NI THIN.



Ani chu ka nuna min ti hlim tu ber a nia, ṭawngkam leh chêt zia hrim hrim ah in veng hauh lo a ka awm theih na mipa awm chhun a ni bawk. A bulah chuan KEIMAH hi KEIMAH ka ni thei! Ka tan chuan a hlu takzet a ni.


.
.


“Awii…Tluang…min lo nghâk rei em?” phu deuh zawk chungin aw rawn rik na lam chu ka han hawi phei vat a. U Nunpuii chu Stick File chhah zet zet pawm bawr tun chung hian ka lam panin a rawn pen phei hlawk hlawk a.




Ka nghâk rei thawkhat chungin, “rei lo ê..” tiin ka lo chhâng vat a. “Ka assignment dahna ka zawng buai nasa lutuk alawm…” thaw hlawp hlawp chung chuan a rawn ti leh a. Ka lo nui ringawt.





Gate chhungah chuan kan in zui chho zel a. Campus chhûng kan han lut chiah mai chu.. a boruak a dang zar mai, ramhnuai dai nuam taka lut ta thut ang hian ka tehkhin ber, a vawt deuh var nghal a, boruak chu a thianghlim tih hi a hriat ngawih ngawih.





Thingkung upat hmel tak tak, uluk taka enkawl tih hriat tak a ding ngaw khup a, Campus luh tawn tirh tê ah chuan ‘Botanical Garden’ develop by Botany department tih in ziak hi ka hmu nghal zat bawk.



Chu huan chhung ah chuan kan han lut chiah lo chungin a nawm hmel zia erawh a hmuh hmaih theih loh. Zirlai mipa leh hmeichhia thenkhat te chu a kawp te te in an lo ṭhu far a, huan chhung ah chuan Sangha dil ang deuh te ka hmu in ka hria. A nawm hmel takzet.



U Nunpuii nen chuan kan kal phei zel a, Campus lai takah chuan fountain lian leh nalh tak hi alo chik ziai ziai a, a bul vel zawng zawng chu pangpar dangdai tak takin a khat vek!


College building Corridor phei zawng zawng ah chuan awmze nei zet hian pangpar, an hming pawh ka hriat lem loh ho chu a in tlar dal bawk a, Campus chhung engkim mai chu fai tak hi a ni mai. Hetianga fai leh nuam a enkawl tur chuan campus enkawl tu hrim hrim ringawt pawh tam tham tak an niang tih a rin theih mai.


Northeast-ah rau rau chuan College lar ve tak ania, a luh pawh a harsa ve ṭalh ṭalh khawp mai, sports quota aṭanga an lut te nih ngawt loh chuan mark sâng tak hmuh angai a ni. Chutiang College-a ka lut ve thei mial chu nuam ka tih na leh ka huphurh ruk na chu a in zat thuakin ka ring.

“Tluang…Saw ta saw notice board chu aw…hei hi class tan hma in submit ngei ngei ka ngai sia, ka kalsan mai ang che aw, a pawi em?” tiin U Nunpuii chuan min rawn zawt a.


“Pawi lo e..han kal rawh, ka lo in buaipui thei mai ang..” nui chungin ka ti let ve vat a. Hreh ru deuh tho mah ila buaipui ngai nih hi khawvela ka thil duh loh ber te zinga pakhat a ni ve tlat.



U Nunpuii chu Hmanhmawh zetin Building chung lamah chuan a tlân chho zui nghal a. Science stream ka nih laiin ani hi chu Arts stream ania, 5th semester a ni tawh bawk a. Aizawlah veng khata awm kan nia, ka admission pawh min lo buaipui sak vek a, amah tih loh hi chu kan College a lut ve Mizo Hmelhriat dang tumah ka nei lo a ni.



Notice board bulah chuan mi tam vak lo hi an lo ding a, Board a in ziak chu an lo en ve mek a ang. Ka va kal hnai a, class Routine inziak ka hmuh velah chuan ka phone in thla ka la nghal a.



Kar hnih laiin class ka ṭan tlai a, ka dam that loh avangin. Vawiin hian ka tan ve dawn chiah a ni. Kan Routine ka en chuan, nikhatah period thum chiah kan nei dawn alo nia; mah se, class zawh ah Paractical in a zui nghal zel dawn ni âwm tak a ni.



Chemistry class ka nei hmasa ber dâwn a..ka class neih na tur Room number ka en thla nghal a, 3rd Floor Room D ah alo nia. Chumi zawng chuan Science Block Building chung lamah chuan ka chho zui ve nghal a.




Harsa lutuk lo in Room D chu ka va hmu ve nghal mai a. Class Room-ah chuan mi an lo awm nual tawh a, an bengchheng hle bawk. Tlar hnung ber dawttu thutna awlah chuan ka thu ve ran a…mi han biak pawh ka tum hran lo, ka phone in ka online kual vel mai mai a.



“Min lo hrethiam lawk..ka lo ṭhu ve thei a ngem?” ka bul lawk aṭanga hmeichhe aw sîn lamin English-a a rawn tih chuan ka han hawi chho vat. Hmeichhe ngo zet mai, hmui sen zeta hnawih, sâng angreng tak hi alo ding vang a.


“Ohh…tehreng mai..” tih pah chuan a thut theih na turin bang kil lamah chuan ka tawlh phei nghal a.




“Chemistry Honors maw?” ka bula rawn thut thlâk pah chuan a rawn ti leh a, nelawm zet hian a nui sêng bawk. A hmêl aṭang chuan tribal a ni ve tho ang tih chu a hriat ve theih mai a.


“Aih ni lo e…Zoology…nang zawk?” ka lo ti let ve vat. “Tak tak maw kei pawh ka nia lawm….Mahse, ka van hmu ngai lo che?” a rawn ti zui nghal a.


“Vawiin atangin ka rawn tan ve chiah a..” tia ka chhân chuan, “Oh..a nih chu…Mizo I ni tiraw?” Phur hmel zet chuan a rawn ti zui a…engvanga phur hmel em em nge a nih phei chu ka hre lem lo a.


“Aw..Engtin nge I hriat zawk a?” tia ka zawh chuan,“Ahh..hre ve tawp, Mizo hi chu in aw phawi (accent) hi a tlangpuiin a muang in ka hria..” a rawn ti a.



“Mizo I kawm ṭhin maw?” ka lo ti ha a.



“Kâwm em em lo, kan Hostel-ah Mizo an awm ve zuai a, mah se an in sawn leh tawh…I hria em? In ṭawng hi mawi ka ti tawp” a rawn ti zui a, a ti tak tak angem tih chu ka hre chiah lo nangin a lawmawm ve hranpa hrim hrim.



“Van ti lawmawm em em…Nang khawi lam nge?” tiin ka zawt let ve nghâl a.



“Mao..Naga Tribe I hre ngâi em?”a rawn tih chuan, “vawikhat na” ka lo ti sep a. A nui seih a.





“Enteh…” a ti leh chiah, Kan Professor hmui hmul nei buk zet a rawn luh takah chuan, “Later..(nakinah)” tiin a rawn phun sep a, ka lo bu nghat ringawt.




Tlar hnung ber dawt tuah kan thu a, kan tam tham bawk nen, lecture chu ka hlawkpui the chiam lo khawp mai. Ka bula thu chuan a note-ah enge maw hi a ziak a, ka lo ngaihven vak lem lo a, ka bân-a min rawn kheuh zauh takah chuan ka va hawi a, a thil ziah chu zaizirin en turin min lo kawh hmuh a.



Ka zuk en chuan, “Ka hming chu Metsino Kaji Khrasi….Metsi tiin min ko thei ang, engtinnge ka koh ang che?” tih hi alo nia..a thil tih dan vel chu a naupangchhia ka ti ang reng hle nachungin a lawmawm phian.



Ka penin a hming ziah na zawn hnuai chiah ah chuan, “Malsawmtluangi….you can call me Tluangi” tiin ka ziak zui ve nghal a.



Ka hming ziah chu a en a, lam atum a, harsa a tih hmel kher mai, “Mali tih in min ko mai rawh…” tih chuan ka han ziak ṭha leh a.




“A awmzia?” a rawn la ti hram a, duh khirh reuh hle mai. Ka ngaihtuah a, Mali tih chu ‘lonely’ tihna ni mai âwm mange tih ka ngaihtuah a; mahse, ‘lonely’ tia min hriat chu ka duh lo hrim hrim.



Ka hming pum Malsawmtluangi tih chu, ‘God blessing’ tih ringawt in ka let a…dik ve em ang chu…a har e lawm, duh khirh khan ropui si.



“Ohh…nice..” a rawn ti hliai a…ka nui ve ta ringawt. Chutih lai tak chuan dâr a rawn ri a…class-a Professor ala awm tih hre reng chungin an phu suau suau nghal a, Professor pawn chhuah a hun tih a hria niang a chhuak zui nghal a ni deuh mai.

“Zoo, Botany leh Chemistry ve tho em ni I subject combination”? tiin class room atanga chhuak tura kan in siam mawlh mawlh lai chuan Metsino-I chuan min rawn zawt a.




“Aw..” tih ringawt in ka lo chhâng a.



“Yes.. lab partner ni ang aw…” a rawn tih leh chuan, “Tehreng mai…” ka lo ti ve vat.



Kan honors class chu Building chung berah alo awm a, mi kan tam si..class room a luh hman loh hlauin kan in hnawh khawm tawp tawp a, ka thlan te a chhuak vek!




Ka ṭhiannu chhar thar Metsi-I lah chuan hmelhriat hi a han ngah khawp ah…kan senior daih daih te pawh a hre vekin ka hria, a biak piang lah chu min in hmelhriat tir thla zen lehnghal, a hmelhriat te chu an polite em em vek a; mahse, an hming hriat zui mumal ka nei lem lo, amak hlawm lutuk a..



Mizo hmel hmuh tumin ka hawi kual nasa; mahse, Mizo ni âwm ang tur deuh deuh ka hmuh chhun chu Meitei (Manipur )tawngin an lo tawng zel a, Mizo an vâng ka ti angreng hle.



Kan honours class-ah chuan tlar hmasa lam kan chang ve thei hrám a….kar hnih chauhin ka tan tlai kha nisia chuti chung chuan kan zirlai chu min lo kalsan nasa tawh angreng hle a, ka attendance pawn a tuar ngei dawn tih ka hria…exam thei tur chuan 75% kal tlin ngei ngei a ngai si…




Chhun chawlh ah chuan, Canteen-a thil kan ei peih loh avangin Open air Cafeteria lamah Metsi-I nen bawk kan phei dun a, Metsi-I chu hmelhriat ngah em em mah se kawm chawt tur anei bik lo aniang…kan in zui chawt a.



Cafeteria bul lawka Gallery- ah chuan Mizo ho an lo awmkhawm ta ngei, Mizo an nih tih ka hriat theih nachhan pawh an tawng ring hlawm em a…an tam tham angreng hle bawk. U Nunpuii ka zawng ru deuh a, ka hmuh loh avangin an bula va kal emaw va pawh hlawm pawh ka tum lem Chuang lo a.



Coffee leh Chocolate Muffin ve ve Metsi-I I nen chuan kan lam a… Cafeteria bula thutna ruakah chuan kan thu dun a..




“Metsi..Dar 3-ah tiraw practical khah?” tiin amah en lem lo in ka zawt a..min chhân mai loh avang chuan ka han melh a… Ani alo tawngtai chu niin!! Ka zak kher mai!! Kei lah chuan ka lo ei thawt thawt tawh..





“Oh engmaw I sawi kha”? nui Seng chungin a rawn ti chhuak a. Ka tawngtai ve loh vânga mak ti hmêl pawh a pu chuang lo.



“oh..ih.. practical kha dar engzah nge tih zawh che ka tum a..” tiin za vak lo in ka nuih a.




“E aw Dar 3 ah..mahse vawiin ah hi chuan a awm lo..Routine thar kan nei alawm…khawi I number lo sawi rawh ka lo thawn ang che..” a rawn ti let a, lawm zetin ka number chu ka pe zui nghal a.







Metsi-I chuan Mizo ho awm na lam chu a melh deuh reng a, kei chuan ka en duh vak hlawm lo a..ka hre bik lo, nuam lo ka ti ve ringawt!















Zawi deuh sap ka hriat phak tur te hian, “enteh maw.. mak ka tih deuh chu..ngatinge Mizo hi hnamdang in kawm ve ngai miah loh a, in hnampui bik chiah hian in in kawm thin in ka hria…Oh..nang chu thudang nise..” a rawn tih chuan han chhân mai dan tur ka haih chham ang reng.















“Ahh..Mizo hi chu a hu ho a awm nuam ti chi kan nia..” tiin ka chhâng ve ringawt…chu chu a dik ve rêng bawk a. Mizo chu keimahni Mizo nen vêk kan awm khawm tawh phawt chuan keimahni hian kan tlei tawk em em zel.























“O my God…O my God!! ” enge maw hmuh sual nei niawm fahran hian Metsino-I chuan a rawn ti phi deuh hluai a.



















“Ngatinge a?” mak ti tak chuan ka lo ti a. Ka beng bula rawn kun hnai deuh hian, “RUDO saw I hre ngai em”? a rawn ti zawi sep a. RUDO tih hmingpu ka hriat âwm ka la hrelo.



















“Hrelo aniang…” ka lo ti mai a.











“I hria ang, en rawh..saw pa saw mawle..” a rawn tih chuan a melh na lam chu ka melh ve vat.











Cafeteria rawn luhna tur gate aṭanga Mipa pahnih Sang fahran, a chhe ber ah feet nga leh Inches 10 chu an niang tih tur ve ve hi… Mizo ho awmkhawm na Gallery lam pana an phei lai mek hi ka va hmu a..pakhat zawk, tlêma hniam deuh zawk chu a ngo hle bawk.







“Tu zawk saw nge I sawi chu?” tiin ka han zawt nawn sep a..







“Baseball cap khum zawk, a sáng zawk saw..” a rawn ti leh sep a, a mi sawi chuan kal pah hian Tablet hi a khawih mawlh mawlh a, a thianpa ngo ver vawr tak mai chuan Phone ah Mizo tawngin mi a be lawng lawng thung a…















“Aih hre mailo ngatinge ani chu”? Ka tih chuan, “Mizo ve tho alawm..I hrelo takzet maw?” a rawn ti leh a..a mi sawi ka hrelo chu mak ti lutuk hmêl hi a pu zawk a.











Ka lu ka lo thing a, “Mizo community-ah ka in hmang ve vak lo a, mi ka hrelo lutuk…” Ka han ti a.











“Mahse, Rudo saw chu alar lutuk, Engtin nge I hriat loh theih zawk a?” a rawn la ti hrâm a. Ka nui ringawt. A la lâr tawk lo niang chu..











“I hria em? Amah en tur ringawt sawn College dang atangin an rawn kal thin alawm, nimin pawh khan St Mary’s atangin ka thiante pawh an rawn kal a sin,” a rawn tih chuan, “Tak tak maw?” ka lo ti a, mak ka ti ang reng hle mai.















“ni chiang e..” a ti a, Mipa pahnih te kal na lam chu a en zui vang vang bawk a. Ka nuih chu a ti za angreng zawk hle. Saw pa Rudo tia a sawi vang saw ni ngei ang, Mizo ka ni tih ka hrilh pawh khan alo phur viau ni.











Hrim hrimin Rudo tia a sawi chu Chhiat loh chu a chhelo ve khawp mai, Mizo tih sawi lo se chu Mizo ani tih pawh ka hre kher lo mai thei ni. Hnam dang chhelo leh Class zet hi a ang; mah se, Keimah ah engtin vak mah a thawk ve lem lo. Kan hnampui ngei, kan College anga Chutianga lâr an lo awm chu a nuam ka ti ru ve zawk. Chu chu ka college ni hmasa ber ka hman ve dan deuh chu nimai.















Zánah chuan ka ni hman dan vel chu phuah belh pah deuh in Joe-a ka va hrilh chiam a, ani chuan, “thian pakhat chauh I han chhar a!?” a rawn ti hu a.











“Aw ka mamawh belh chuang hlei nêm..” ka va ti a.















“Tun hun Kha ṭhian ṭha neih na hun ṭha ber anih Kha aw..nakinah ila inchhir ange.. ṭhian va siam teuh teuh ta che..” a rawn ti a.















“Thian ka kawm tam chuan ka sual leh nimai..” Ka tih chuan a rawn nui huk a,“Sual belh leh chuang tur pawh I awm loh Kha..” a rawn ti nih chu!















“Hmelchhe pa..” ka lo ti vak a. A rawn nui huk huk a..











“E taka Fûr-I.. Friday-ah hian Shillong-ah ka rawn kal dawn nia” a rawn ti the daih a.








“Awih awm loh… dâwt min hrilh suh aw hmel a?” awih lo lutuk chuan ka lo ti nghal vak a.

“Dáwt ka hrilh peih mai mai lo che mâwli..ka Putea..ka nu te unau zinga naupang berin nupui a nei dâwn a…Shillong-ah khan, lo kal ve rawh aw..ka lo hruai ang che..”

“Ka zak e ah”


“Malsawmtluang ve che…I zak thlâwt lo!” a rawn ti vak a.. a sawi dik lutuk chu ka lo nui vak vak a, “tak takin lo thleng phawt la..i châm rei angem?” ka han ti tha leh hnuhnawh a.


“Kar khat vel niang, Sorah-ah khan tih tur ka nei tel a..” a rawn ti a.

“Yess..Sorah-ah ka la kal ve miah lo nia, min hruai ve dawn em?” ka tih chuan, “Thian chhelo deuh hruai tur I neih leh neih loh nimai” a rawn ti leh pek. Hepa tak hi chuh..a tawpah chuan hmeichhia bawk! A in thlâk dawn lo a nih hi


End of chapter 1
Show post links
Top