Eyes never lie

[Nadia hnamte]

Chapter- 1

Darthlalang hmaa in en chung chuan asam mam taka a khuih pial hlarh leh thiam inti ve tawk taka a inhnawih makeup chu a thlek deuh vang vang a, lipgloss tlemtea sen deuh chek chu in hnawih lehin, a top hak arh deuh tarh a zut mar leh zauh  hnu chuan hmanhmawh tak chuan achhuaka, pawna apa scooty tawng ve tawh lampang chu thawveng leh enghelh nei em em lo tih hriat taka arilru a hla la chambang rem tur nia ahriat ang ang chuan in sawi deuh nghawng nghawng pah chuan a pana, scooty tih nung atum chu ala nung maitheilo zui hmanhmawh lemlo tak chuan an bei leh te te, aphone a jeans kekawr hnunga adah chu ran vibratein scooty pawh chu anung ve chiah bawk, phone chhang pah chuan a kut lehlam chuan an rest deuh vut vut a ala khuk luih luih loh chuan atha animai.

"MALSAWMKIM ENGA TI EM EM" tiin phone atang hmeichhe pakhat rawn vin tuarh, abulah mi ding nghat seng chuan rapthlak ti takin an en haw ngei ang, zaidam tak hian "aww scooty ka ti nung lawk lawm kalo chhuak dawn" tiin ahrilha, "chupawh nise i rei em em lutuk rawn hmanhmawh rawh,kan hmu hmanlo anga sin" tiin phone a mi chuan arawn tur, "kalo chhuak dawn chiah kawngpui bulah khan lo ding rawh" tiin malsawmkimi a hming tak Angel malsawmkimi an tih chu scooty en mai pawha tha vak tawhlo tih hriat takah chuan lawnin athiannu Lalthlamuani lam tum chuan a tlan chhuak ta vang vang a.



Hmeichhe tawi ve tak mit zim lam leh biang puar tak makeup hmang thanglo tih hriat ngawih ngawih a lo in hnawih tai ve hlar asak hming  pawha an koh phalloh lapuii, lalthlamuani chu kawngsirah chuan ading vanga,a hmaa scooty tawng ve tak rawn dingah chuan thu in scooty thih hma chuan an tlan chhuak ta vang vanga, traffic police awmlohna zelah tlanin ahnunga thu zawk chu athuzawk ang mai chuan tawng zet zetin angeli chu kalna tur ahrilh zet zet a, pakhat zawk pawhin kut khur dar dar chunga khalh ve zel chung chuan thuawih tak chuan ahnunga miin akawhna lamah chuan  atlan ve zel bawk, an tlan lehpelh apiangte chuan an en haw haw mai, a awm ve reng bawka tunge hmeichhe pahnih inchei ve tak, chak lemlo taka scooty tawng tak khalh chhuak chutah la au lung lung bawk si chu en zuilo tehlul ang ni.


An tumram chu darkar khat zet an tlan hnu chuan thleng ve thei hramin, scooty chu an hung rem te te a, an hmaa lian taka inziak 'GAUHATI HIGH COURT AIZAWL BENCH' tih inziak chu angeli chuan en vang vangin, a thiannu abeng chen vela sang chewing gum thial tuam tuam chu en in, "kan hmu dawn chiang maw, min man vaih chuan kan chaklo ngawt ang aw lapui" ti nuah nuah chuan a mitmeng lian leh fiah kalh chuan athiannu chu azawta, lo bu nghatin "ka chiang lutuk tlat min ring tawp rawh" tiin athiannu chu a a buk khum nghauh.


"Birthday min hmanpui dan hian ka ngaih ati tha chiahlo" tiin a phun niah niah athiannu chuan, hma hruaiin "vawikhat tal misualnu anga chet ka chak iti nilawmi huntha kan hmu thei hi lawm hle rawh" tiin building hnunglam chu apan puia, angeli pawh chuan zui ve in ahnuah chuan "tuna kan thiltih lai mek hi chu cool pawh katilo kan mawl hmel si, bakah kan tih chhan tak mumaldeuh pawn minla hrilh lo" tiin aphun nuah nuah a.


A thiannu engmah a hriatloh vanga phun nuah nuah chu dingpuiin a bag an inhmuhtirh atanga apang si cheta a pawmbeh reng atang chuan lehkhabu pawl hi alo phawrh chhuaka, angeli awmah chuan nawr bet chawtin "keu rawh" tiin angeli pawh chuan alo keu ve maia, passport size tiat vel lek thlalak leh essay thui deuh enzawng ringawt pawha achhiar peihloh tur chu lo inziakin a thlalak pawh chu a balh em avangin a hmuchiang theilo, "enge hei hi" tih melha amelh chuan kal pahin "law khawvelah chuan khapa Remruatpuia kha tu pawhin an hre vek ang, a hming I sawirik vawikhat pawh kha heng dan hremi leh misual vehtu te tan chuan hot topic ni nghal tur anih kha, CIA atanga bang chiah achhan pawh tu pawhin an hlauh vang ani, a case luchilh tawh reng reng awlsam taka a zawh dan te, ka chhui nasa bawka ka hre teuh mai,mahse athlalak la neih kha chu ka pawisa neih chhuna ka print tir nia ka ziah pahin chocolate ka ei a abal deuh anih kha" tiin a thiannu ahnunga zui dat dat tu chu ahrilh a.


"chuan engchiah nge kan tih dawn, kan inchei ropui bawk sia" athiannu a hmaa kal turh turh chu a zawt a, "kan inchei chhan chu I birthday a nia, mahse ta kan kal chhan chu pu remruatpuia a awm tih tu emaw hnen atangin ka hria a, ngaihtuah teh amah ka hmuh a, enge maw aka tanga chhuak ngei emaw a chanchin keimah chauhin ka hriat ka ziah chhuah theih chuan scholarship chu hmu chiangsa ah ka in ngai, Ngaihtuah teh tupawh NMIMS law university scholarship hmu duh chuan a chanchin essay ah kan ziak vek dawn nia ropui hem hem tak ani, Mizo ani hi ka lawmzia chu aw, a fing dan em em chu pui hem hem tak ani"tiin a hnunga kalin angaithla em pawh ngaihtuah lemlo chuan a tawng barh barha.


Angela I chuan aning tih hriattir nan lo hamin alo zi der vela, "mizo sherlock holmes ka hmuh ka ring ngai hleinem" fiam thu fe chuan alo tihsaka, "tikhan lo ti suh fingem avanga lar leh scholarship essay hiala hman khawpa lar te chu, chutah Mizoram law college mai pawh nilo NMIMS ania ka sawi, pui deuh ania aw" tiin thawchham lel lek a athiannu ahrilh hnuah chuan a ding ta chauh, a thiannu ati thinrim chu lawm zawk ni awm takin alo nuih tet tet duh chauh a.


"Awle, ngaithla rawh heihi an washroom hnunglam ania mipa washroom, kan luh hunah ngawirengin kan chhuak nghal anga midangin min hmuh pawn enloin biak pawh belo in confi deuha kalpelh tur, phu uih uih suh ang che, chuti chuan pu remruatpuia kan hmu anga baaam scholarship ni nghal mai hrethiam em" tiin angeli chu amit zim san chuan a en a, alu lianlam leh mitmeng lian leh fiah tak chuan an thiltih tura hlau leh phursarhin lapui chu alo buk khum lawp lawp "bu vak vak suh, I tlu ang, lawn hmasa la hnunglamah kalo veng ang che" tiin a chek khum hlak , lapui ner khum nung chung chuan angeli chuan ati vel eh mai bawk.



~


Awle, thil hi ngaituah ang ringawtin akal ngailo tih chu court tukverh atanga luhruka an detective chanchin pakhat tal hriatchhuah tumtu chuan hrechiang tawh tak ani, heng an thiltih tur aplan vel lai kha chuan awlsam tea zo turah a in ngaia, mahse mangram atang chiaha exercise la thin infiamna chu mimawlte hnaa ngai leh a taksa aduat vanga tlan pawh peihlo mi tan chuan tukverh lawnkai chu thihthaa beih angaia a, chu chu la sawiloh akalpui apartner in crime lah chuan tukverh alawnliam naa atih balh akawr senno thianghlim tak chu tih fai tumin athiannu tukverha atheitawp chhuaha uai tang ve hram hram chu hria ang pawhin alanglo, aban akham ema vanga thawhalin harsa tak chuan "min rawn pui ve ta che mawle" tiin a rawn dak tawk tawk, "aw kalo kal" tih pah chuan a thiannu lo in man tang ve tai chu pawh chho tumin abanah avuan a, atha neih zawng zawnga pawtin, "awi lalpa! Engzat fakoin nge I rih belh" tiin athiannu chu ahau, "Christmas vuakvelah tunge gainlo ang ni" tiin ahah lutuk chu athaw huam huam tawh, "christmas kan hmang atangin thla 8 ral leh daih tawh" ti thawt pah chuan pawt hrawkin an pahnih chuan chhuatah an hlawm thla tawl mai.


In melhin za em em chuan an nuidun ta hawk hawk mahse areilo, khuh kharh kharh ri an hriat chuan hmanhmawh taka inseam tha in an tho vat,chuta an hmaa aw thian kharh kharh tu an hmuh chuan phawk tak anni, chechang eihloh chuan anhmaa nur nanga lo entu chu melh reng tu zawk zawk mah tawng antumlo niawm takin an chechang tawh eihlo, an ngaihtuah naa awm erawh lei leh van ang vela hrang ani thung.



"nangni naupangho hi khang essay tullo leh tangkailo zet vanga min enthla duh anih pawhin tlemte tal chuan infimkhur thei deuhlo em ni,hmuntinah awm hlawm mai" chek hluk chuan alo ti. Ni e, an hmaa chuan Remruatpuia a ropuina zawng zawng nen,an luhrukna tukverh atanga englo lutin a chhun eng zawna ding ani bawk nen a vun te chu eng sawrin a suit hak thianghlim le pheikhawk tle hlarh a sam uluk taka asiam ahmai zartu pakhat pawh awmlo, thianghlim hmel sawr sawr takin adinga, ahmelah chuan ning hmel puin a hmaa mi pahnih amah en ran tute chu amelha.



"P-u ruatpui,a-a-a nia i-hhh kanlo kal chhan chu ania, mahse khawngaihin min mantirlo hram rawh aw, kan tihpalh lutuk,tak tak" tiin amit zim zawk leh tawi,a sa tha zawk chuan hlau hmel pu tak chuan dang awk vekin a ngen a, a zam lutuk chuan akut tin chu sik neuh neuhin rilru tawngtaina anei nghal mawlh mawlh bawk.



Remruatpuia chu thaw halhin, "naupang a aia pawimawh tihtur ka ngah lutuk" tiin mi pahnih en rengtu chu hnungchhawnin zung tur chuan a kekawr zipper a zip thlaa, amah lo la en rengtu te chu melh zauhin "tlamuang takin kan zung phawt ang chu" muangfan deuh raih chuan tih khum, lapui chuan "aww u ikan tihpalh" tih pah chuan hawisawn lemlo chuan hnuailam chu abih nghal ngura, a hmuh tirh atanga alak atanga amit la lasawn miahlo tu leh tun thleng pawha engmah sawiloa lo la en rengtu chu melh zauhin,a chhuak tawh bawk nen a awmpuite hmeichhia annih a pawisa tawhlo anih nih ani mai tiin a zung lui ta tho .



"ka zunglai ziahlan kha chu adangdai tehchiam dawnlo ania,midangin an ziak tawh" tiin a hnunga hmeichhe pahnih maksak deuh taka inchei pakhat kun chhal leh pakhat zawkin amitmeng lian leh fiah deuh kalh a engmah la sawi ve miahlo te pahnih chu amithmul dinglam zawk kan zauh pah chuan hrilha, a zungzo akut sill eh te tein engtik lai pawha ah reng rawmawl var thianghlim ser sawr chu akekawr ipte atanga la chhuakin in her pahin muangchang chuan a kut ahru a,a hma a mite chuan engpawh tiin sawi se che changlo in amah chu anlo ngaithla tawp.



"nu leh pa hriatlohin irawn inkhalh chhuak deuh thawr mai ami?" tiin ahmaa mi amah lo la en rengtu chu azawta, angeli chuan lu alo thin khum, "mmmm, anih chuan lirthei khalh thiamtak chu nilo animaw" a sawi zo chiah, "thiamlo rapthlak" tiin lapui chuan aka veng zolo in alo tuihnih,mahse hrawk thian kharh kharhin ahma a mi zah taka tawngchhuah tum chuan "engtin nge –" ati hman chiah, "a kawr ipte a chahbi adah atang sawn tihbo a hlauh zia ahriatthei a lawm, abo palha a hriat nghal thuai theihna turin a dap leh zauh thin bawk, saw tunah pawh a khawih neuh neuh saw" alo ti khauh, a ipte atanga paper them la chhuakin, "kha hei hi vawiina ka dinpui tur Martina Case anih hi, chanchinbu mite chhuah hmaa I submit hman chuan khang scholarship hnaisailo kha I chang thei mahna," tiin a kut zungtang pahnih inkara paper hmawr chehbeh chu lapui chuan a a dek ang tih hlau hmel fahran hian a vawn ngeh hma chuan alo thlah dai mahse atlalo hram e.



Hrilhhai si lawm tho si chuan, mit chhing veka nuihin "ka lawm e ka pu, ka lawm lutuk I thatna hi vawikhatmah ka theihnghilh leh tawh lo vang" tiin lawm tak chuan alehkha them pek chu a afile pawimawh ah chuan akhung nghal thlap. "kanla hria ang chu, kum avei hnuah paw hila hriat reng ka besei ka thuhnuaia I awm hunah pawh" tiin ahmaa biangpuar leh mitzimsan te bawk si chu chek hlakin sawi sapin aphuna. Mahse lapui chuan lo hrepha in "ka ringlo,I hnuaia ka thawh theih ka ringlo, ngaihlohlamah lo la lola sir,I hnuai thawk tur chuan mi pangai chunglam nih angai tih ka hria,mahse engtikah emaw chuan I lawyer ka nih theih ka beisei" tiin a nuih sang, remruatpuia chuan chalchuar tapa enc hung chuan "kan hria ang chu" tih ringawtin a chhanga.



Amah zam hmel fe a lo en tawhtu lam chu hawipheiin, "I zam danah ka bulah sawi tur inei anih loh chuan I zun achhuak aniang maw, mahse min endanah ka bulah sawi tur inei anih ka ring zawk e, ani em birthday girl?" atih chuan phawk lutuk chuan lapui chuan ring ri deuh thawtin amelh, mahse athiannu in hmuiseh neuh neuh a essa an hmaa ding reng chu engmah sawilo a ala melh reng chu zahpuiin aw chu a thiannu hriatturin ring deuh chuan a thian, mahse ala che eihlo a chil hak tep khawpa a aw then hnu pawha awmzia ala awmloh chuan pawhsawn nawk chu atum mahse a thu hriat vang chuan a khawng awt, athiannu mi zakzum leh hmelhriatloh hmaa tawng theilo ang mai chuan Remruatpuia, sherlock holmes 2nd emaw 3rd, 4th vel pawh aniang hnenah a thusawi chu.



"Ka duh che".