AUTUMN HEART Episode 12 by Nunui Franky Hmar

[Big bear]

AUTUMN HEART
BY;NUNUI FRANKY HMAR


EPISODE 12


'Fapa i neih vangin i nun a danglam ta tihna maw' ka tih chuan nin hmel zetin min en a, a sana rangkachak lawk liau luau tak chu a en leh zauh a


' Mitchelle, engtin nge i rilru ka thlak theih ang le, khang hun kalta te kha tinge i haider.............'



' Marlon Heyman, khang hun kaltawh kha haider tura minti anih chuan tum buai duh suh ang che, nangpawh i nupui chu in nupa room ah ngei mipa dang nen.....' ka sawi zawm theilo, ka mitthla ah a rawn lang a, ka thinrim belhchhah ani, ka room atang chuan ka kai chhuak a



' In zo la haw ang che, mut ka duh, chuan rawn kal leh dawn anih chuan minlo hrilh hmasa tawh ang che ' ka tih chuan min en run2 ringawt a, engmah sawitur a neilo pawh ani mahna, coffee no chu dawhkanah a dah a ngawirengin a tho a, kawngka apan a , a rawnhawilet leh a ' Mangtha le , Mitchelle' tiin rawn hawilet leh hauh lovin a penchhuak a, a mitmeng ah khan tawrhna ka hmuthei ani , a mit sen deuh ram phen ah khan, darzat ka en chuan dar 12 alo pel awh a, mutchhuak viau lo mah ila ka fapa bulah chuan ka mu a, a samah chuan ka chulsak hliau2 a, alo upa ve tial2 anga, engtin nge maw kan chawm chhoh zel dawn ni





'Mom, daddy hi tinge alo kal ngai loh a, minlo be ngai silo' ka fapa chuan apa ngaih hmel takin ati sap a, kha zan atang khan Marlon chu a rawn inlan leh miah lova, ni 5 lai a liam tawh, hna ah a buai emaw a zin ani ngei ang, breakfast kan eilai chuan doorbell a rawn ri a, ka puar tawh avangin ka va hawn a





' Miss heihi i lehkha tur' tiin hmeichhe pakhat hian min pe a, a motor ah letin a tlanzui nghal a, engmah pawh ka sawi hmanlo, envelope lian lemlo tak chu ka enchhin a, ka lungphu hi a vawh em vang pawh nilovin a khan mai dawn in ka hria





Marlon chuan a fapa tan a company chu a dah anih chu, engtin nge anih theih , lehkha them awm tel chu ka en leh a



DUHTAK MITCHELLE,


He lehkha hi i chhiar hunah chuan Paris hi ka chhuahsan tawh ngei ang, hun reilote ka fapa bula min awmtir phal avang khan ka lawm takzet ani, duhtak, khang ka thiltih te kha siamthat leh theih se chuan ka siamtha leh vek ang, mahse tui baw hnu a ruh theih tawh siloh, kan fapa kha tha takin lo enkawl la, a tana ka thil tihsak kha khawngaihin lo pawm hram rawh aw, nupui tha tak neih tir la, nangpawhin mipa dang thatak tawngin chhungkua din leh turin ka duhsak che ani, a tawp berah chuan duhtak, min ngaidam thei nganglo anih pawhin minlo hrechhuak ve thin rawh aw, ka hmangaih che, he thu hi hrilh che ka tum thin, mahse ka inring tawklo em ani khatih hunlai khan, tunah chuan a tlai tawh si, in enkawl tha rawh aw, David Heyman hnenah khan a pa hian a hmangaih thu lo hrilh la, a hlawhtlin hunah min rawn zawngchhuak turin ilo hrilh dawn nia, goodbye my love
;MARLON .............




Ka chhiar zawh chuan ka insum hmanlo, insum pawh ka tum heklo nasa takin ka tap hawm2 a, nia khapa kha ka haw takzet a, hmuh leh pawh ka duh tawhlo ngei alawm mahse a kalbo thu ka hriat meuh chuan ka na lehsi, Dave chu rawn tlanphei in a ngaihna hriatloh hmel tak hian min en a, a ding zum zat a, Shially chuan thil awmzia min zawt bawk a, engmah ka sawi theilo, ka fapa kum 5 mi lek chu kuah in ka tap hawm2 a, engtin nge ka tih ang, ka fapa keima thiamloh vek ani, eng ang pawhin i pa kha lo hua ila, khaianga tawngkhum tur kha ka nilo asin , i hlimna ka tihchhia anih chuan ka fapa min ngaidam hauh suh aw




' Mom, tinge i tah a, daddy'n a hau che ami' atih chuan ka nui lui sak a



' Nilo, Dave i pa chuan christmas present atan thil thatak a pe che asin' ka tih chuan phur takin min melh a, engmah a hrethiam silo




' Mom, enge bike emni' a phurna chu a thup senglo ka mittui chu hru hul sawk2 in ka tho a tun atang chuan ka fapa tan chauh ka nung tawh ang, mi hlawhtling tak ni turin ka siam ngei ang che ka fapa







Khatia Marlon kalbo atang khan pangai takin kan nun kan hmang chho a, Dave chuan engtik lai pawhin apa nena an selfie na chu a en reng thin, he naupang hi ka va ti khawngaihthlak em, apa chu a reh zui vang2 a, news emaw newspaperah hmuh tur a awm ngai lova, keipawhin hna thatak neiin hotel pakhatah manager hna ka thawk leh a , Dave pawh a thang tha hle a, apa engkimah apa a chhun vek ani







'Ka nu , vawi engzat nge choka a hnathawk tawhlo turin ka tih che' ka phu deuh zuk a, ka fapa naupang tak, kum 23 mi , apa company enkawltu ,Europe khaw mualpuiaCEO naupang ber leh tawhkhirh bera an sawi ka fapa David Heyman chuan thinrim hmel takin min rawn pan a, keichuan a eitur lo siamsak ka tum chauh kha ania, ka sa chanlai chu ka dah a, gym atangin a rawn haw chiah ani ngei ang, a thlan avangin a kawr chu a taksa ah a bet thlar a, a pa ang chiah2 ani, kum tamtak liam tawh mahse mipa dang reng ka ngaihtuah theilo, Marlon kha haw viau mah ila ka hmangaih em2 si, a bo zui vang2 a , engmah a thawm hriat tur a awmlo, a fapa tan thil ropui tak atih sak hi ka hrereng tawh ang




' Bawiha' ka ti thawp sat a, ka kawngah min rawn kuah a




' Ka nu, hah taka i awm ka duhlo ani, hnathawk tur tamtak an awm hi ' ka biangah afawp leh zauh a, ka khawvel ani, engtik ni ah emaw chuan hmangaih tawngin nupui te a nei ve anga, chumi hunah chuan engtin nge ka awm ang tih ka ngaihtuah ngamlo zawk ani




' Mommy tia min kohna kha ala reiloh tehreng nen ' ka tih chuan apa angin a rum chhuak hak a




' Vawiin hian THE LONEWAY nen contract kan sign dawn a, ka nu lo kal ve turin ka duh che ni, min hnial suh aw ' tiin naupang chhia zeta atih chuan ka lo fawp zauh a





' Kawrthar min lei dawn phawt chuan animai' ka tih chuan alu a bu nghat a, a room panin kailawn sei takah chuan inthazo takin a penchho a






DAVID HEYMAN POV.....




Vawiin hi ka tana ni hreawm ber leh nghahhlelh ber ani, vawiin hian ka pa company nen contract kan sign dawn ani, kum 5 mi ka nihlai in min kalsan a, mahse ka nu chuan engmah a sawi ngailo, pa tha tak ani tih bakin engmah a sawi ngailo , kum 23 chuang zet min enkawl a, sawiselna tur ka hrelo, Oxford University atanga ka graduate hnu ah ka pa company min hnutchhiah chu ka enkawl chhunzawm a, ka nunah hian hmangaihna tih vel a awm ve theih ka ringlo, a chhan chu ka nu hi ka hmangaih em a, ani ang mi tha hi ka tawn hma chu ngaihzawng neih ka duhlo ani , ka nu in ka pa company nen contract kan sign dawn tih hria se zawng a kal duh hauh lovang





Keipawh in ka hriatna ala reilo a, nupui neilo in a awm a, a upa ve tawh hle a, ka nu ai pawhin alang upa mah a, min hmuh khan lunglenna a mitah ka hmuthei ani, zawhna tamtak zawh duh ka nei a, mahse he thu chiah hi ka hmuh hmasak ber khan ka zawt a



' Tinge ka nu i kalsan ' tih hi min chhang lovin thil engemaw min zawt daih a, engtik ni ah emaw he thu hi min chhang ngei ang, ka nu kha a hmangaih anih chuan tinge mal takin a kalsan si





Zantin a ruka ka nu in ka pa thlalak kuah chunga a tap muhil ka hmu fo a, mipa dang a ngaihsak ngai heklo, khawvela hmeichhia ka hmuh tawh ah chuan ka nu tluka hmeltha hi an la awmlo ani






Ka nu chu mall ah ka hruai a, hmeichhe thuamhnaw chhuakthar ngaina tak anilo tih ka hria, mahse a hak chhun erawh designer lar kutchhuak vek ani, forever 21 tih intar ah chuan kanl lut a, min hmu ho chuan minlo bawr nghal tuau2 a, a then in thla min lakpui bawk a, ka bodyguard te chuan an hnawtkiang hlauh a , ka nu chu changing roomah inthlak turin a lut a, kei erawh chuan ka lo nghak thung a, hmeichhe hohi chu an rei phian zel




' Boss, tihpalh lutuk, traffic a jam nasa lutuk a' tiin pizza delivery girl chuan min rawn pan a, cap a khum a, a kun deuh avangin a hmel ka hmu theilo, a aw atang chuan a naupan hmel hle , ka hnunga dawr neitu ding chu a rawn pan a, a hawilo nge ka ke chu a pal a, chhuatah chuan a bawk thlawp a, a thil kenlai chu ka awmah a malchungah a rawn tla a




' I tha em, Marina ' tiin anlo buaipui vat a , an inhriat than hmel hle mai, rawn tho chhuakin ngaihdam min dil mawlh2 a, a hmel chu chiang takin ka lo en a, biangsum a nei a, tleirawl khal mawi tak ani, sam buangthang , a kawng chen vela sei chu a piar a




' A pawi love' ka tih chuan hlauh hmel takin min en a, pizza chu a dang ape a, a man an pek fel hnu chuan a chhuak a, college kal lai emaw ani ngei ang le. Vanneih thlak takin ka kawrah engmah a kai lo hlauh e




Ka nu duhtawka a thuamhnaw duh a thlan hnu chuan kan company lam panin kan tlan a , traffic ala jam ta lehnghal, hrep taka , khaw lum tehreng nen, ac hi ka ngaina viaulo, ka lu ati na bur zel , ka tumloh deuhin glass chu ka down a, ka down rual2 chuan ka bulah bike a rawn ding ve chat a, a khalhtu chu mipa ani hauhlo , hmeichhia ani, kha delivery girl kha, motor sirah chuan a tlanphei zan2 a, eng vanga en reng ngemaw ka nih le






Company kan thlen chuan Conference hall lam panin kan kal nghal a, ka nu chuan duhsakna min hlan mawlh2 a , hall kan luh ruala company neitupa lo thu a hmuh chuan a pen a tawp chat a, mak ti takin min en a




' Marlon ..... Marlon' tisap in ka pa lam chu a va en leh a, Ka pa pawhin ka nu a hmu thut chu a meng buai ve hle a



' David enge a awmzia ' tisapin ka ban chu nghet takin a chelh a



' Ka nu, heihi kan thawhpui tur company neitu Mr Marlon Heyman , Mr Heyman heihi ka khawvel, ka nu neihchhun Mitchelle Moore ' tiin ka hmelhriat tir a, ka nu chu a khur dar2 a




' A rei ta hle mai, Mitchelle' ka nu nen chuan ka en kawp zak2 a, an mitmeng ah chuan lunglenna nasa tak ka hmu ani , ka awm ve tih hre hauhlo in an in vuan reng a, ka nu leh pa kum reitak hnu a an inhmu leh chu kei tluka lawm hi an awm ka ringlo ani




' I dam tha a, ka lawm hle mai' tiin ka nu biangah a fawp zauh a




' Mr Heyman, nakinah kan chhunzawm leh dawn emni, hnathawhna hmunah kan awm hrih tlat' ka tih chuan a thutna lamah a kir a , ka nu chu ka bulah a thu a , a zam ani tih ka hria, a fapa pawh hi ka zam ve tho ani , contract chu buina awm hauhlo in kan sign a, dinner kan kil ho bawk a, chhungkua hlim tak kan ang ngei mai, mahse kan thu ngawi kar thung a



' Marlon i chhungte an dam maw' ka nu chuan aw thian kharh2 pahin ati a




' Um, in dam chu anih hi' a then saka , ka nu chanchin ka lo hrilh nual tawh a, a chhan chu ka pa hian kumtamtak vei tawh mahse ka nu hi ala ngaihven em2 ani, pasal dang a neilo tih ka hrilh laia a mitmeng kha ka theihnghilh thei tawh ngailo ang , ka pa anga business man hlawhtling hi ka ni ve ngei ang le






' Ka pu enge in ei duh ang' Waitress aw chu ka hre tawh ani, ka hawichhuak a, a hmel ka en chuan kha delivery girl kha ani, hna engzat fako nge a thawh le




' Nang maw ' ka tih chuan a phu deuh zawk a, phawk zet hian min melh a




' Ah, Mr. '




' David, i hmelhriat emni' ka nu in a rawn tih chuan ka lu ka thing a


' Ni love , ka hre ngailo ' ka ti a, order a lak hnu chuan a kalsawn a, engvanga he hmeichhia hi ka mit hmuh ah rawn inlan reng nge anih ka hrelo, a high heels bun chu nin hmel zeta a thlek lai te chu ka lo hmu fuh reng a, hmeichhia ka ngaihsak ngai hauh silo a, enge ka hriat le , keihi David ka ni



Reilote hnu ah eitur chu an rawn dah a, ka nu leh pa titi chu ka ngaithla reng a



' Mitchelle , engvangin nge kan awm hran reng ang ni , kan fapa pawh puitling ani tawh a' ka pa in atih chuan ka nu in min rawn en vat a




' Ka hrelo le, Marlon khang hun.........'


' Kha thil bawk kha maw, tinge i sawichhuah fo le' tuna an thusawi hi hriat ka nei ve hauhlo mai




' Marlon ka hrelo le, David thu2 ani' tiin a plate a eitur chu a thai a thai a



In kan thlen thlengin ka nu chu a ngawi reng a, a chauh deuh thu sawiin room ah a kal zui nghal a, kei erawh hna thawh zawh tur ka neih avangin ka room ah ka lut a , ka tablet chu ka on nghal a


Dar 5 a rik chuan ka tho a, gym roomah lutin chau hnepa ka awm thlengin ka tlan a, ka nu leh pa hi innei tha lehta se, ka pa company lo ni tawh hin ka hminga a dah leh a company te chu a lian in a inzawm nghet sauh anga, ka nu pawh a hlim ve tawh ngei ang le, ka nu hlimna hi ka duh ber chu ani




Vawiin chu nidang aiin office pan in ka chhuak tlai a, traffic hrep lah hi, engtik lai pawh hian a jam reng ringawt mai, ka private jet a ka kal lo chu ka inchhir takzet ani, meeting pawimawh tak ka nei asin le , motor atang chuan ka chhuk a, motor a intlar put mai si




Ka hnunglama horn rawn ri tuar2 avang chuan lehlam ka hawi a, nimin lama ka hmeichhe hmuh tho kha ani , mahse tunah chuan eng uniform nge mawni a ha a




' Ka pu khawngaihin i kalsawn thei angem' a ti sap a, kalsawn lovin ka pan hnai a, a bulah chuan ka ding a, henu hi ka company thleng ka inthlahtir mai angai ang, meeting nan hman ka duh chuan, ka pa in hun vawng diko anga min hriat ka duh hauhlo



' Min phur ve thei angem, i pawisa duh zat ka pe ang che' ka tih chuan mak tih hmel takin min en a




' Mahse....' a bike hnungah chuan ka lawn a , ka bodyguard te chu an rawn chhuk vat a



' CEO i chuang theilo ang i tan a himlo' antih chuan motor a let turin ka hrilh a



' Kal vat teh, ka tlai mai dawn' iin a kawngah ka vuan a, a phu deuh zawkin ka hria



' I hlauh vaih' tiin a helmet chu a siamtha a, bike chu ka nei ve mahe ka khalh khat hle, motor in hna ka kal zawk mah a, hmeichhia ngat phei chuan minla phur hauhlo, motor sir zelah chuan a tlanphei dan2 a, a sam chu a phiar a, a rawng chu ka nu sam rawnganga buang thang ani, adidas superstar var a bun a, pawnfen en bike a khalh ta ehnghal, kamis var a ha a, necktie paw a awrh a, bag a ak bawk a



' Mister, khawilai ah nge i ka duh a' atih chuan ka company hming ka hrilh a



' Ka peihlo asin, hmanni ah pizza ka deliver a, mahse vanduai thlak takin mi tu emaw ka su palh a' a tih chuan ka tumloh deuhin ka nui hak a , eng ang hmeichhia nge maw anih le



' Tahkhan ding rawh' ka tih chuan a ding a, ka hnuaia thawk min hmu tute chuan mak tih hmel takin min en hlawm a,





' Engzat nge ka pek ang che' ka tih chuan a helmet a phelh a, make-up engmah a hmang lova, hmuh a nuam takze ani




' Pawisa i nei viau anih chuan mite tanpui nan i hmang zawk dawn nia' tiin a bag atangin coupon hi a rawn phawrh a


' Hun i neih chuan i rawn ei dawnnia, a free anih kha aw' tia nui in a helmet a khum a, chak takin a tlanchhuak nghal a, PIZZA HUT maw, hmeichhe mak dangdai chu ani phawt, amah vangin a hun takah ka thleng hram e


to be cont........