Chapter-5 (aps click kha aw..plizzzz
)Nilenga thlawhna leh motor tih vela kan veivah hnu ah kan thleng ve ta hram. Khawlum bawk nen boruak uap lutuk nen lu ana in ahreawm khawp mai.
"chaw hi kan ei dawnlo em ni?" a room ah kalin ka va zawt a. Ei vakmah eilo na na na chu ril atam duh khawp mai.
"rawng ibawl tawh em ni?" arawn tih chuan hmeichhia zawk ka nia rawngbawl tur ka ni tih ka hria,chhang lem lovin choka lam ka pan a. Mahse enge ka siam ang,rawng ka bawl vak ngai bawk silo. Keimah chauhva ka awm pawn wai wai tih vel leh artui vel ka siam mai zel a. Ka siam thiam zawng he in ah hian a awmlo. Ka zawn ngial pawn ka hmu zo lo.
"khawnge ikal dawn?" kawngka lam ka pan lai chuan ka hnunga minlo be tu chu chhan tum in ka in her a,mahse ka aw achhuak theilo. Inbual zo chiah tih hriat takin a sam ala hnawm chap a, a T-shirt leh kekawr bul hak chu in hmeh tak ani ringawt. A ban puam lian nalh zet te,ahmui lian lutuk lo hnawm deuh chap te ka hmuh chuan ka a lo chauh,
Ka chil lem kawlhin kawngka lam ka pan daih a
"khawnge ikal dawn ka tih chu?" ka hma ah dingin min en chhuk tun chung chuan a rawn ti thum bal a. Min hnaih lutuk vang chuan ka thawk achham mai dawn in ka hria. A shower gel hman rim te chuan ka taksa pum hi a zem thei.
"dawrah" tih leh tlan ka tum chu min phih dawr avangin a taksa ah ka bei thlawp a,karei.. Ka awmdan hi ka duh miah lo. Heti chuan lungphu chawlin ka thi ngei ngei ang.
"atlai tawh atul lo" min en chhuk run a arawn tih phei chuan ka puak darh lo chauh
"artui ka lei dawn alawm" in ngaihtuah harin ka ti thei tawk a ni
"enga tan?" tinge zawhna angah em em le. Min thlah vat lo anih chuan ka tlu mai ang tih ka hlau. Min thlah lah atum hmel loh em em lehnghal.
"ka siam dawn chaw hmeh ah" ti sapin a awm ka melh zawk zawk a. Melh tur dang awm miau heklo mawle ninawm hian
"chaw hmeh atan alawm" ala rawn ti tral mawle
Ka ban ah chuan min kai phei a,min pawh vang chauhvin ka kal mai mai
"Artuilo chu ka siam thiam lo" ka tih sep hnu chuan ding chat in arawn kun hniam a,akut pahnih a ka dar leh lam leh lam a rawn vuan in chik zet hian min rawn en a
"ka sawi awmzia chu chawhmeh dang vel.."
"nangmah a i awm lai khan enge i ei thin?" ka tawng lai chuan a rawn ti a. Huizzz min hnaih si,chhang ka tum lai chuan min en reng tih ka hriat avang in ka khur der der leh nghal
"artui wai wai.."
"chuvang anih chu i cher em em ni" tih leh choka lam apan daih chuan ka hamhaih khawp mai.
"rawng ibawl dawn ami?" ti sepin tui ka in a
"ka bawl mai loh chuan bawl thiam bawk silo che" van ngeiawm tak artui kan te chu ka thiam ve reng.
"ka artui kan atui asin. Wai wai chhum pawh.."
"Artui ka ei ngailo chuan wai wai tih vel chu ahrisello he in ah hian ei phal a nilo" ka tawng lai lai arawn tiin Zikhlum chu tui ah asil a. Artui te lo ei duh loh pangngai loh thlak e,inla doctor ropui si ho emai a
"khawnge ikal dawn?" phun sep sep a choka ka chhuahsan lai chuan arawn ti a
"ka mu dawn?" inherin ka ti sep a,aduh duh siam ang hmiang mut san daih hi atha zawk
"carrot kawr hi lo ti fai rawh" min vahan phut tingteng reuh tak
"tih fai pawh angaih loh hi" carrot lek va va a tiin ka nuih zeuhva
"engtin nge ka tih fai dawn"
"i duh dan dan khan lo ti vel mai mai teh" ti pahin ahawisawn nghal vat anih chu mawle. Ho emai ka ti thiam ve chiang emai,apuih ka mawh lo.
Min tir kual reng bawk nen ka chau zawi zo vek thei,thil ei chakna pawh ka nei tawh lo.
"a tui em?" arawn tih chuan athil siam chu ka melh vung vung a,ka chhanna nghak hlel niawm taka min en ka hmuh chuan ka nuih ati za tlat
"aaa.. A ei ve mai theih hi" ner saka tiin ka ei mual mual a. Ka fak anih vaih chuan a in ti thei lutuk palh ang.
"thil ei pawh thiamlo" rawn ti zeuhvin arawn tawlh phei a,akut a ka hmui bul a khawih chuan ahma a ka awmdan ang bawka awm lehin ka thutna chair atang ka sawt thla dawr mai.
"i hmuibul a thil akai vang ania" arawn tih sep chuan ka zak lutuk hi ka thil ei ka helh awl awl thei.
"ka lungphu atha vak lova minlo hrethiam dawn ania" tiin ka thawh san daih. Ka awmdan kha ahrethiam angem le.. Nilo ka zak lutuk ringawt,ka chet dan naupang thlak chhiat zia kha,oiii.. Ka zak lutuk tlat.
Inbualin ka mutsan hmak duh leh lo ti fai vek mai rawh se,ka hmu duh hrih lo.
Muthilh lah ala har hrep lehnghal ninawm lutuk.
"tun ang zing kar kar ah tunge lo kal" ti pah in kawngka rawn kik tu chu ka va hawn a
Hmeichhe hmeltha deuh lo nuisang chu anui tawp chiang khawp mai
"Jerome-a a awmlo ami?" inthunun tum deuh hian arawn ti a
"tu jerome-a maw?" ka tih let haw chuan mak ati hmel khawp mai. Jerome tih ka hre ve tlat hleinem
"Dr. Lalrinfela" arawn tih chuan ami sawi chu ka hre chiah,ala mut thu a chhangin kaitho turin a room lam ka pan a.
Hepa hian hming ava han ngah em em ve mawle.
"Doctor i bialnu arawn kal" vawihnih lai ka tih hnu ah pawh ala tho theilo
"tho teh " tiin a rizai ka pawt vak a,rawn pawt let dawrin a taksa ah ka bei leh thlawp tawh,ninawm ka lungphu lah hi a vai film leh tan tawh. A ban lian deuhva min rawn kuahin ka lu ah a khabe anghat a. Che sawn mai ngam lovin ka mit ka khap fawk fawk ringawt
"tho rawh atlai tawh" ti sepa in beng kang ka tum chu min rawn lehthal in ka chungah a awm anih chu,awiii ka dang ro zia chu,tui kum1 vel in tawh lo ang mai ka ni.
"Doctor"
"ummm" thatchhe awzet arawn tiin a maimichhing tlat a
"i rit lutuk" ka tih chuan harh zawk ni awm taka tho phutin a in siam rem a.
"inhnuai ah nghaktu inei" lai trut a tiin ka sam ka tuai mawlh mawlh a
"anih chu" alai ve deuh tlat a ka hriat chu mawle
"Amy" ti sep in anuih ver ver a
"i rawn haw tih ka hria a,rawng rawn bawl turin ka rawn kal chuan hna ah kan kal rual anga" Amy atih chuan tiin anuih zeuhva,a awmdan atang aduh tih hi ahaitheih loh
"e hei Doctor Amy anih hi. Chuan hei Momo ka nau" phiangsen chuan momo tih chu eng hming nge hepa mai mai hi
"hi momo ka hmu che chu ka lawm hle mai,hming nalh tak a ni" min rawn nuih dan mai mai chu dawithiam pitar chiah chiah phakar hmel lutuk
"keipawh ka hmu che chu ka lawm hle mai, momo ni lovin lalrinawmi arini" ti let ve ngatin ka nuih ve zeuhva, lemchan te chu ka thiam ve tho alawm mawle
"Amy puih ingai angem?" kan khawvel mipa polite atak hi chu,keichu min tir char char a tunah Ramhuai Doctori puih leh atum reng si.
"angailo,lo in bual rawh i nau hian min pui mai rawh se"
"a nau ka nilova Doctor" ti pah in tui in tur ka la a
"anih chuan fahrah atranpui tur kha ini tih na em ni?" ti el tak a min rawn tih chuan ka tui in tur a theh in tui no chu chhuat ah ka paih keh chuai a. Mai mai chuan fahrah ka nih vangin minlo khawngaih vel a maw,chuan alo hrilh vek a maw
"Momo.. Momo kawngka hawng rawh"
"hawng vat rawh"
"enge?" kawngka hawngin ka ti sep a
"Amy hi ngaihdam dil rawh" arawn tih chuan ka khum ka siam fel san hmak,ateuhlo ngaihdam ka dil hauh lo ang mawle
"momo.."
"momo ka ni ziahlo,lalrinmawii ka nih hi,chuan fahrah ka ni tih pawh ka hria ngaihdam ka dil ngai lo ang" ka thil thleh hrep lah hi fuh thei reng renglo
"tunge fahrah ti che?"
"tunge fahrah ti che ka tih chu mawle?" ti pahin ka thil tih lai chu chhuat ah apaih nghal hmak a.
"ka be chak hrih lo che" tiin bathroom ah ka luhsan a,ka inthiar fihlim anih loh chuan he mipa hma ah hian ka tap mai ang.
"ka kal dawn ania,min mamawhna ineih chuan min rawn phone dawn ania" chhuak thawm ka hriat hnu chuan ka mittui chu arawn far fep fep a
Ka nu leh pa ka vahan ngai em. Awmsela chuan hetiang hi ka tawrh angai hauhlo tur. Engvanga fahrah ni ta mai nge ka nih le. Hlim takin kan chhungkua in kan awm thin asin.
Zan dar7 lai arik hnu pawn ala rawn haw lo, mahni a awm ka nin deuh vangin pawnah ka tei kual a, inhnunglam a bike ka hmuh chuan ka nui var var mai. Ka khalh ngei ngei ang la khalh thei anih chuan.
Ala nung thei e. A nuam hle mai thli in ka sam arawn chhem te hian anuam,tiang a ka hlim lohna chin pawh ka hre tawhlo.
Light eng lutuk vang chuan ari pawp a, mi an lo pungkhawm tulh tulh ta mai,mipa pakhat ka su anih chu. Ambulance lo kalin damdawiin lam ah an hruai nghal a. Kei erawh police station ah ka thu ran mai.
Darkar2 dawn ka thut hnu chuan arawn thleng ve ta hram. Min la melh rum em em zui,police pakhat nen inbia in lehkha vel an ti fel ni awm tak a ni.
Ka lam arawn pan lai chuan ka zam lutuk vangin melh pawh ka lo melh duh lo.
"Dr. Jerome helmet khum zel turin ilo hrilh tawh dawn ania" police thau lampang chuan ala rawn ti hram,ka van ngei reuh tak,athinrim tawh dawn nak lai a. Alu bu zeuhvin ka lam ah arawn kal phei pawk pawk a,amitmengte saw min hnek hrep chak hmel.
"kal ang" rawn ti hmukin ka hma ah ading a
"ouchhhh" thawh ka tum chu ka ke arawn na zawk a ka tho hleitheilo,alo thi phung anih chu,thil dang ka ngaihtuah nasa lutuk a ka ke na pawh ka lo hre changlo
"a ke hi in hmulo a mi Dermash?" nichina apolice officer biak rawn kal phei chu vin hlukin alo ti a
"Dr. Jerome kan lo hmulo reng reng,asawi bawk si lova" zah hmel taka rawn tiin min rawn melh zal zal a
"thil tha lo athleng anih vaih chuan Dermash, athisen te hi in hmu miahlo maw chuan nangpawn?" thinrim sehchilh nawk nawka tiin min melh run a. Ka lu ka lo thing nak nak chuan phun lukin min pawm nawlh a,melh pawh melh duh lovin ka maimichhing daih.
"mawl lutuk" car ah rawn lut pah chuan ti sepin a car ti nungin atlanchhuak nghal a.
Ka piah a mipa car khalh hi tunah tak hian biak ngam chi pawh anilo, a car steering te hi tawng thei ngat sela chuan
"ka pu ka thaw theilo min rek hlum dawn" an ti hrim hrim, thinchhe lutuk mai
Damdawiin lian deuh hma ah chuan car ti dingin min pawm chhuak leh a. Damdawiin hma ah chuan capitalin 'MAxCARe HoSPiTAl' alo in ti kulh mai
"Ankita ka mamawh tur minlo pe rawh" kan luh hnu chuan tiin lift ah min pawm chhova, athawhna anih hmel,athawk reng reng chuan zah tih hriat reng rengin chibai an lo buk thlap zel.
"J eng thil nge thleng ta?" henu ve sek lah hi,lo inrawlh ve chhen ninawm lutuk,ka ngaina hrep lo e a
"a accident alawm mawle" ti pah in room pakhat ah min luh pui a. Hmelchhe nu hian min la rawn zui lut zel mawle
"a na nia"
"na ve bawk ang chu,hetiang hi i duh vang ani lawm ni bike te ilo khalh ve,hreptak a thil tha lo thleng ta se engtin nge ni ang" a rum ul ul hle mai.
"J keiman ka lo ti ange?"
"angailo" henu khawih hi ka duh chailo,a pun zawk ang
"i chauh em kha keiman ka lo ti ang" ava mak chhen chhen e,mi ka duh lo ka ti ka ti a
"Amy keiman kan ti mai ange" ka chhan dawn lai tak a rawn tiin ka ke chu detol in asil a. Chhanglo sela chuan achaklo ngawt ang mawle.
"ana dim ve deuh rawh" a thip em alawm
"ka theilo,ka ti thei tawhlo" ti pahin bakcheh chu adah chawrh a
"ka duhlo ka tih kha" Amy in ka ke rawn khawih alo tum chuan lo la sawn vatin ka ti a
"momo tih tir rawh Amy kha doctor thiam tak anih kha"
"a thiam emaw thiamlo emaw ka duhlo" henu khawih hi ka duhlo,arapthlak emai
"i na hi ka khawih theilo alawm" arawn tih sep chuan ka lo melh kalh a
"engvangin? Engvanga ka na khawih theilo nge inih? "
"ka theilo momo, ka.."
"min ten vang maw?" atawng lai pawt chatin ka ti sep a
"chutiang ani.."
"atawk doctor,keimah in ka inbuaipui thei" engmah ka ngaithla peihlo.
Damdawi la in ka hnawih a. Kawngka khar pawp in achhuak ngal a. A chet dan atang alungawi lo tih ka hria keipawh ka lungawi biklo.
"naupang mai si huaisen reuh lutuk" nui uar uar arawn ti tu chu kan Doctor nunnem ramhuaii a ni.
"laktlak loh" ngeiawm taka min nuiha tiin achhuak ve nghal a. An inhmeh tawk chiah mai mai a,ka laktlak leh laktlak loh chu ahre dawn alawm
"emergency meeting kan nei dawn a minlo nghak dawn ania,chuan hei hi.."
"angailo keimah in ka haw thei" atawnglaiin ka lo ti chat a. Engvanga thinrim ve chiam chiam nge ka nih pawh ka hrelo.
"atha e" tih leh chhuah arual nghal. Thinchhe ve ve kan ni a kan luhlul dun khawp mai.
Thinrim trun in ka haw a,thinrim trun in ka mu,ka ril ala tram em em zui leh nghal. Ka ke lah hi a na ang hrep leh nghal a nimawm lutuk mai
"hei eitur ka lo hawn che va ei rawh" ka muhil der hmak thung. Ka ril chu tam viau mahse,ka insum hram hram tur a ni.
"muhil der hi chu kaih thawh an har viau zel"
"ka muhil derlo" tih leh inperh thawh ka rual a.,alo la nui vur vur zui.
"kha ei rawh"
"enge?" ka hma zawn a athil rawn ken chu en chungin ka lo ti vat a.
"omlet iduh viau ani lawm ni kha ei rawh riltam a mut chu atha lo" min rawn pe pah in ati sep a
"ike chu kawmaw ka lo en" tih leh thut hniam arual a
"a na tawhlo" thil ei trun trun a tiin ka ke chu ka dah sawn a. Rawn tawlh in a en lui tral anih chu mawle
"a ser maithei ani" ti sepin abul vel chu achul a
"aho lutuk ser mai mai" ngaihsak vak lovin ka ti liam puat a,ka thil ei lai hi a pawimawh rih tlat.
"a ser chuan Miss Mizoram ah ini thei dawnlo anih hi"
"Miss ni tur te chu atam alawm mawle" ho sihsah emai,chaw ei tur hi awm sela atha zawk.
"ka hah deuh vang ania,nichin kha chu min hrethiam dawn nia" arawn ti sep a. A hah ani tih amit meng atang pawn ka hmu thei,mahse min vinvak ringawt zel hi ka duhlo.
"Amy pawh kha a inthiamlo lutuk a,ka bulah asawi a"
"i bialnu maw?" ka tih haw chuan angaihna ahriat loh hmel khawp mai.
"momo Amy hi mizo thawk awm chhun ve ani a,akhua aharin thiante a mahmawh ve a,inkawm thin ula chuan atha ngawt ang. Nula fel tak a ni bawk a,chuan.."
"Doctor ibialnu kha ka ngaina lo chuan ka kawm duh lo bawk,chuan ka mut achhuak tawh ka mu duh"
Min en san a. Amy hming alam ruala ka thinrim em em na chhan pawh ka hre biklo mahse ka thinrim a ni.
"momo.. Muttui le" min en vawng vawng hnu ah rawn ti sep in achhuak a. Nie,khanu kha ka ngaina lo.
"hello.."
"ka mut achhuak iti bawk si a" thawp sat arawn ti tu aw chu hai chi hi a nilo.
"ka muhil dawn mek enge?" ti nuah nuah in ka nui zeuhva
"ani khatna tang buaina min thlen a,chuan engtik thleng nge min tihbuai dawn" thatchhe aw deuh a arawn tih chuan ka lungphu ati danglam leh tawh. Nilo hepa hi ka duh tur a nilo. Keichu hmeichhe thianghlim lo leh hlutna neilo ka nia,chuan fahrah ka ni bawk,ka duh anih chuan ka in ti na mai mai ang.
"momo min hrethei em?" nilo ka lungphu pangngailo ve ziahte hi,ka duhlo reng reng. Min tranpuitu mai a ni,nau ang bakin min en lo. Nie ka duh tur a nilo.
"min kal tir vat anih chuan buaina inei tawhlo ani mai" areh tlawk tlawk a,thawm engmah a awm lo. Enge maw angaihtuah le.
"Doctor"
"ummmmm" a aw thawp sat te chuan ka chhungril afan vawng vawng thei.
"min muthilh san ami?"
"ka muthilh san ngai tawh che ami?" thaw deuh hrawihin arawn ti a.
"Doctor"
"ummm.." a aw hrep chu buaina bawk
"naktuk zing rawng ibawl thei angem?" ka sawi tum em em pawh anilo,ka che lai leh vek alawm
"ummm.. Momo.."
"awle.. Muttui" atawnglaia tiin phone ka dah daih. Ka phone ka thin zawn ah dah in ka awm ka dawm a,ka lungphu phu dup dup chu phu muang turin ka kutin ka chul a. Nilo.. Hepa hi hun rei tak hre tawh ang maiin keimah ah hian athawk na lutuk. In thunun hram hram ka ngai.
Atea approve-------------***********************
A hmui sen deuh chal ah ka fawh mai loh nan a ka insum nasat zia hi. Chhia leh tha hriatna tlemte ka neihna vang liau liau a insum thei ka ni.
Puan sin lova amu chu puan ka sin that tir a. A sam lo tla hnuang chu siam tha in a bengah ka zep tha a. He hmeichhia hi engtin nge ka tih dawn ka hrethiamlo a ni. A bula awm te hi nuam ka ti a, arim te a lungphu ri te hi ka thluak ah acham tlat bawk si. Mahse ka hnaih thei bawk silo. Ka thil lo tihsual tawh tih nawn leh hi ka hlau a ni. Hmeichhia ka lungphu ti rang thei leh min ti hreawm tu hmasa ber a ni. Ka hawisan tawp thei silo. Mizoram ah haw tir ta ila,nun bul ka tan tha leh thei angem? Ahma a keimah ang kha ka ni leh thei angem ka hre lo takzet a ni.
Zingkar karah thinrim trun in hospital lam kan pan a
"J engtik thleng nge ibulah a awm dawn?" Amy chuan arawn ti sep a
"a duh chen chen a ni mai" nie amah a akalbo hma loh chu ka bulah a awm reng ang,apa lakah la thutiam kha a ni a,mahse akal duh anih erawh chuan ka dang hauh lo ang.
"Doctor emergency a awm?" Ankita chuan rawn tiin ka tlan phei thuai a.
"bike in asu a nachin lawk khan" operation room ah chuan nawrlut nghal in kan zai nghal a. Rin ai tak chuan azia phian,mahse hengho hi chu thil an la serious thei mah mah a ni.
Darkar 1 leh achanve dawn lai kan zai vel neuh neuh hnu ah hlawhtling takin an nawr chhuak a.
Ka hah ngei mai vawiin zet chu,ka ni hman fuh lo nen,taka Momo khan chaw a ei angem ka la phone miahlo. He hmeichhe luhlul hian aduh thu chuan min rawn phone tawp lo ang
Momo phone ka tum lai tak chuan ka thianpa police officer Dermash chuan min rawn phone a. Rang lutuka carah lutin police station lam ka pan nghal a. Ka bike dahthat loh khalh chhuakin mi alo su anih chu,achaklo ngawt ang mawle. Hrep tak chuan
"Jerome atuartu lam nen in in biak fel thei chuan buaina lutuk a awmlo ang,chuan phone ipick up theilo lutuk a,tumah biak tur dang anei bawk silo" arawn ti nuap nuap a. Lehkha tih fel tur vel chu ti felin thil awmdan kan sawi dun a
"thiana ka hruai haw thei tawh angem?" nie,police station ah rei tak a awm ka duh hauh lo
In thlahrun hmel tak chuan min en a,mahse ka thinrim ala dai mai theilo.
Thinrim tawh naklaiin athisen ka hmuh phei chuan ka lum pup thei. Thil tha lo theng ta se eng tin nge ka awm ang,nilo hetiang zat a tam thisen ahlauh lai hian hetah an lo dah mai mai a maw. Dermasha chu vin chiam in damdawiin lam ka pan pui nghal a. He hmeichhe laktlak loh lutuk hian a na pawh alo hrelo amaw? Mawl lutuk,engtin nge maw ka tih dawn le? Tawng trul laia tawng duh silo,ahun lova tawng leh chiam min vahan tibuai ve chiang tak.
Ake chu dim takin ka sil a, mahse na ati tlat,engtin nge ka tih ang. Ka theilo,hei kher hi chu doctor pawh ni ila ka theilo. Amy in puih atum chuan ala duh lo ve khanglang zui mawle. Ana ti lai ka thlir reng duh loh vang chuan pawn ah ka chhuak a,ka thin sa lutuk tih daih nan tiin inchungah ka ding vang vang a. Eng vanga ka nun phung hlauh tlat zel nge ka nih le,ka a tawh te pawh a ni ngeu ang le. Ka ten anga min ngaite kha ka thin arim,ka kuah mai loh nan ka insum nasat theih zia hre tawp silo,hmeichhe mawl lutuk
"ala naupang ve em a hriat thiam ala mamawh anih kha" ka hnunglam a rawn ti tu chu Amy a ni
"khawnge a awm?" min nghak tura ka tih pawn min nghak dawnlo tih ka hria a luhlul mah mah
"taxi ala a ahaw tawh" a chezia hi apa sawi ang tak tak ani aluhlul dan em em hi a rapthlak zawk
"J damlo en tur ila neih kha aw"
"ka lawm e Amy" nie,Amy hi chu engtik lai pawh a min awmpui reng thin tu leh,hun harsa ka tawn lai pawh a min hnem ber thin tu a ni. Mahse hmeichhia angin ka en ngailo,thian satliah bakin ka en lo hrim hrim.
"lawmthu sawi angailo,thian alawm kan nih" nui san san a rawn tiin inhnuai lam ah kan chhuk dun a.
Amir-a te resturant ah kal in omlet ka order a,nie omlet nen aka haw angai ani. A ril alo tram tawh viau ang,in ah a ei duh zawng engmah a awm bawk silo
Ka biak pawn min chhang lovin a maimichhing tlat,a chezia naupang chhia lutuk hi chuan achang chuan min ti hlim thin phian.
A ke na chu ka en a, tun atang chuan eng na mah anei tawh tur anilo. A khawilai mah hi apem emaw athi tawh ngai lo ang. A thisen chhuak hi ka hmu theilo,ka duhlo ani tawp mai.
Inthlakin chau zetin ka mu a,ka phone contact list chu en vung vungin 'MOMO' ti a in save chu ka phone a, a aw ka hre chak em ani.
Nikhatna atang min ti hah in min ti thinrim a,ka thaw thei tawk tawk ania,ka kal tir hma min tih nat tur thu asawi chuan thawk ka la kawk thei. He hmeichhia hi keimah chuan engtik ah mah ka kal tir ngai dawn si lova,ka thi lek lek zel mai dawn anih hi.
A taksa ruak kang chu ka mitthla ah lo langin ka nui var var thei. A awm a khuavang lian lampangte awm te kha..
Nilo.. Nilo.. Nau ang bakin ka en tur anilo. Kha thil kha thleng nawn tawh tur a nilo. Ka inthunun thei zel tur a ni.
Naute chum deuh tah belh zet atawng hmasak ber a "momo" rawn titu khan ka nunphung a tidanglam ang tih hi suangtuah pawh ka la suangtuah chhin lo. Tunah athleng mek si..
Engtik ni ah emawni chuan tu emaw nupui kha ala ni anga,nilo.. Ngaihtuah tawh lo ang, ka tih tur chu ahma ami ang kha athleng tawh tur a ni lo.
Conti..