STORYFB.COM

STORM FORCE
By Sara Craven - Matluangi

(M&B a nih chuan a sexy leh deuh mai thei a, chhiar rual ni a i la inhriat loh chuan chhiar loh law law mai kha a fuh ang, M&B hi ka post ve ta zeuh zeuh a, ka hriat chian tak em em chu sap ho nun zalen em emah pawh khan hmeichhe Virgin hi an lo ngai hlu in an lo ngaisang hle a nih hi tih hi a ni, virgin tawh laklawh chu an tang na thei fan fan khawp mai... i chhiar phawt teh ang)

Jay Delaney-a chu Camera-ah a lang tha thei hle a, hmun leh hmunah phei chuan mi hipna a la ngah lehzual sauh. Eng anga mi hipna ngah pawh nise Maggie chuan a ngaihven chuang lo. A nunah hian harsatna tawh neuh neuh a nei a, amah tibuai thei htil chu amamawh loh lam tak a ni. Mahse, Jay chu chuti maia han haider theih chi a ni lo a, a duhdan lo ang takin Maggie pawh chu a hip riau a, "I hlen chhuah theih loh tur thil chu engmah tan chhuak suh," tiin Jay chuan a hrilh lawk a. Mahse, an inhmelhriatna chu eng ang takin nge a tawp dawn?


Chapter -1

"Mahse, Mggie," lungchhe aw tak hian PHilip Munroe chuan a ti a, "Kan buai mangan lai taka min kalsan mai hi i tum amaw?" a han ti a.

Maggie chuan a rilruin number pakhat atanga sawm thleng hi a chhiar a, "Tum lo e, PHilip" hawihhawm tak hian a ti a. "Chawlh ka la dawn a ni zawk. Thla engemaw zat chhung ka lo dil tawh a niin, nang pawhin i hriatna chu a rei tawh a ni" a ti a.

"Mahse, he thil hi a hmanhmawh thlak hle si a, nakutk maiah khian Kylie St. John chu a lo thlawk lut dawn a, a lehkhabu thar chungchanga kan ngaihdan pawh a rawn hre duh ngei dawn ani" a ti a.



"Chhiartute ngaihdan leh ka memorandum pawh chipchiar takin i dawhkan bulah a awm kha, script bulah"

"Chu chu ka hria alawm" PHilip chuan a lo ti leh a, "Ka hmu tawh a, a bu chhung laihawl vel chu ziah that leh vek a ngiah tur thu vel a nih kha" a ti a.

"A ni chiah alawm" Maggie chuan a lo ti ve a.

"mahse, chutiangte chu ka hrilh thei nang, ka hnen atanga a hriat duh tur chi chanchin thar a ni tlat lo alawm."

Maggie chu a lo nui sak a, a sam sen thar mai chu a huikiang a,"A ni hauh lo ang, i tih duh loh loh ti ti tur Maggie i nei miau a. Chutah nangin connought velah lunch eipuiiin an rilru i lo hneh a, tih dan tha tak a ni, mahse tun atanga kar thum chhung chu Mauritius ah hun ka hmang dawn ta tlat a, chutih chhung chuan ka tih thin ang zawng zawng, lehkhabu ziaktute nena hmaisa han inhmuh pawhin nangmah ngeiin i lo tih ve a ngai dawn ta a ni" a ti ta a.

"Mahse, darkar sawmli pariat chhung chauh chu i kal hun tur i sawn hla thei ang chu, Travel agent lam phone tur ka secretary ka'n hrilh ang a, tichuan..."

"Chutiang thilte chu ka ti lo tawp ang," hriam deuh hraih hian Maggie chuan a lo ti a, "Mauritius ah chuan keimah maia kal tur ka ni lo tih hi i hriat hmaih niin a lang" a ti ta a.

PHilip chuan a lo deuh hau va,"Oh, a ni tak, whatsit nen in kal dawn anih tak kha mawle! Ka lo theihnghilh daih ani" a ti a.

"A hming chu Robin a ni" thinur insum hram hram chung hian Maggie chuan a ti a.

"mahse, thil awmdan hrilhfiah ila chuan a hriatthiam ngei ka ring" Philip chuan a ti ve leh a.

"Engvangin nge a hriatthiam ngawt ang? Kei ngei pawhin ka hrethiam lo ania"

Mauritius a a holiday hmanna tibuai thei thil chu a ti dawn lo reng reng. Holiday hmang dun tura Robin hneh nan pahw kar engemawzat a ngai bawk si a.

A ngaihna em em a, mahse engemaw chang chuan Robin-a nu ngaihdan hmanlai tak chu pawmpui a harsa deuh thin a ni. Robin pawh chuan a hmangiah a ni tih pawh a hria, engtikah emaw chuan an la innei ngei ang tih chu an pawm dun thlap a. Mauritius romantic raiha an awm hunah chuan a taka inhualna neih pawh Robin chuan a duh phah a beisei rilru deuh a. A bik takin mahni in a nuam taka a awm theih reng laia nupui neih chu engvanga duh nge anih zawt turin a nu chu a awm dawn bawk si lo a...!

Oh, chutiang rilru chhe takte chu pu teh suh! tiin amah leh amah chu a la in hau leh rih a. A fapa mal, hmeichhe dang laka han chan mai chu chuti taka phur tur chuan Mrs Hervey chu a beisei chi hauh loh ang. A fapaah chuan a inghat tlat tawh ani, a lutuk lam mah emawni aw tih tur hial khawpin.

Mahse, chhungril takah chuan min ngaiva ve hle a ni tih hi rin theih ka duh ngawt mai, tia ngaihtuahin a thaw deuh halh a.

A chenna flat kawtah chuan TAxi chu tidingin chuan man a pe a, a flat lam chu a pan ta nghal a.

A flat chhung chu han hmu chiah sela chuan Mrs Hervey chuan lungawi lohna tur chu ahmu ang a, a thiamawm hle bawk ang tih chu a bedroom al uh pah chuan angaihtuah a. Bomb puahna ang mai hian a hnawk nuaih mai a, a thawmhnaw chu vawi engemawzata siamtha tawh reng a. He holidayh hmanna hun tur hi a lo thlir lawkna a rei tawhin a inruahmanna pawh a rei ve tawh a, thawmhnaw thar pawh a lei teuh nghe nghe a ni. A lei tam em avangin inneih thuam chhawm tur ang hial hi nimai hian a hria a. A harsatna ber chu Robin thinlung nghawr nghing lawih thei tur khawp thawmhnaw han thlan chhuah chu ani.

Awle, tun hi thutawp siam hun ani tiin a inhrilh a, darkar reilote hnuah airport lam pan a ngai mai tawh dawn si a.

A bikini lei thar ho chu fel taka telin a suitcase sir lamah chuan a dha mek tihin doorbell chu a rawn ri ta a.

Nur deuh nang chung hian a ding chhuak a, tumah inleng a beisei si lo a. A tawp nan tal tia a rilru thlak tir tumin Philip chuan a rawn umzui zel chu ani loang chu maw!

"Anih vaih chuan ka that duh hial ang" tiin a phun chhuak ta sap a.

"Yes," bung deuh tak hian a ti zui nghal a.

"Han hawng rawh le" a laizawnnu pasal chuan a rawn ti ta a.

"Sebostian?" tih pahin Maggie chuan kawngkhar chu a hawng a, "Hetahte eng nge i rawn tih a?" a ti a.

"Hello, Ginger" tiin kun chungin Sebastian chuan a biangah a rawn fawh zauh a. "Hotel atangin office ah ka rawn phone che a, mahse i haw tawh thu an lo sawi a, i damlo chu ani lo ang chu maw?"

"Ni lul lo ve, holiday ka hmang dawn zawk mawle"

"Tak tak maw?" Sebastian chuan a ti a, a mitko a san pah ak a, mak tih hmel hle bawk a. "October thla angahte chuan i kal tumna chu a hlimawm lo lutuk loang chu maw?" a ti leh a.

"Cottage chu eng hun lai pawhin a nawm lohna a awm lo, mahse chutah chuan ka kal dawn lo a, ni eng awmna lam, Mauritius-ah a ni ka kal dawn ni" Maggie chuan a ti a.

"nangmahin em ni i kal dawn?" tiin Sebatian chuan beroom alamh chuan azui lut zel a, bikin ichu lakangin nui chung hian, a en vung vung a.

"Ni lo e" cho aw deuh taka tiin Maggie chuan a thil ken lai chu a pawhthlasak a, "Robin nen kan kal dawn ani" a ti hmak a.

"Pathian leh" Sebastian chuan a lo ti a, "Chu, anu chuan a chhuah phal ve ta tawk ani maw?" a ti a. Maggie hmel a hmuh takah chuan a ban chu pharin, "Oh, ka lo sawi ve tur a ni lo a, pawi ka ti khawp mai, mhse amahah hian eng nge i hmuh tih hi Lovie nen chuan kan hrethiam thei lo chu a ni. Engpawhnise, a tihlim che anih chuan le..."

"Min ti hlim alawm" Maggie chuan a ti mai a.

"chuti anih chuan hlim takin i holiday chu i hmang aniang chu" tiin SAbastian chu a nui a, "Kan pahniha in turin coffee kan siam dawn em ni?" a ti zui a.

"Khawiahnge Lovie chu? Engatinge a lo kal ve loh?" tiin Sebastian-an intir a rawn pek chuan alo ti leh ha a, "A dam ang chu maw? Naute te?" tiin a zawt zui mawlh mawlh a.

"An tha duh khawp mai" Sebastian chuan a lo ti thuai a, "Mahse, tun tum chu New york a a lo awm mai chu thain kan hre dun a ni" tiin a then pah deuh sak a, "Hnathawk tura lo kal ka nia, client pakhat buaina chungchangah, Heading te pawh i lo la hmu ve lo ani tih chu min hrilh lo mai teh" a ti a.


"Headline maw?" a no tur ban pahin Maggie chuan a ngaihna hriat loh hmel zet hian a en ha mai a, a chal a chuar nang bawk a. "Oh, Jay Delanye, i tenawma chhanchhuak tura lo kal i ni tih chu min hrilh lo hram teh," a ti ta a.

Dressing table tlagnah chuan thuin Sebastian chuan,"Chuzawng i ngai khawlo lutuk anih chu," a lo ti a.

"Khawlo a?" Maggie chuan al o ti leh ha a, "Oh, seb, a rui a, hmeichhia a pawngsual bawk a, a lamah chuan i tan thei lo ang," a ti bawrh bawrh a.


"Ka thei a, ka tang bawk" Sebastian chuan a ti mai si a. "Pawngsualtua puh a ni maithei, mahse chu chuan thilsual a ti tih a fifiah chuang lo, charge pawh siam a la ni hleinem," a lo ti a.

"A thiamlo a lawm" dawhthei lo zet hian Maggie chuan a han ti leh tlat a. "Thil thleng pawh a chiang tawk viau a ni, TV star lar lutuk hmeichhia tute tan pawha hnar phal loh a ni iin, tum khat nulain a lo hnial a, tichuan a chopna chuan chutiang hnawlna chu a tuar thei ta lo a, a dawn tur ang zawng zawng chu a dawn ka dawn beisei."

Sebastian chuan chik deuh hian a lo en a, "Misuala puh chu a sualna laihlan anih hma chuan a thianghlim a ni tih ngaihdan kha khawnge a awm tak? A thu hrimah hmeichhia i nihna ang midang va khawngaihna kha i nei ve lo em ni zawk?"

"A sual a chhuahna lo tuartu nula lakah khan ka khawngaihna chu ka pe alawm," tiin Maggie chuan a suitcase chu a khar a, "Mipui laka a hminghliau tihreh i tum anih chuan..."

"Chutiang a awm lo ang" zawi angreng tak hian Sebastian chuan a lo ti a. "Police hoin thu an zawh kual vel lo puih chu Jay chuan a remti mai a ni zawk. Press mite lak atanga humhim tura l okal mai ka ni zawk a ni" a ti a.

"I hna chu leh! Mipat hmeichhiatna tel loa awm thei lo mihring han venhim chu leh" Maggie chuan a ti a.

"Pathian hmingin, Mags" Sebastian chuan a ti ta thlawt a, "Hetiang mi hi i ni tih ka lo hre ngai lo reng reng a, Jay chu i hmuin i lo hre tawh pawh a la ni mang si lo a, I film hi i en tawh ngai reng reng em?a ti zui ta daih a.

"A theih hram chuan ka en ngai lo" a lo ti chhum hmak a, "khawvel buiana chi hrang hrangte hi agent pakhat, silai hum leh a kut lehlama nula kuah reng mihring hmanga tih reh theih nia ngaiho zingah hian ka tel ve lo" a ti a, a nui hak a. "A mah ngei pawh hian chutiang chuan a ring ve tawh ta ve ang/ pathian ang maiah a inngai emaw a ni lehnghal bawk ang a, nge a hmeichhe chanpuite hi a laka an in pek thin avang hian a takah pawh a laka inpe zel turin a ngai em ni zawk?" a ti bawrh bawrh mai a.

"Chutiang lam phei chu kan sawi dun hauh lo mai a," Sebastian chuan a ti a, a hmel chu a lang ngui deuh bawk a, "Mags, i ngaihdan a sual ngei a ni tih ka chiang a ni, amah puhtu nula hi nightclub a thawk ani a, school naupang ang maia sual kai lo chu a ni hauh lo ang" a ti a.

"Oh, ka hrethiam e, a hna avang chuan a taksa chungah thu a nei ta lo tihna nge, mi huasa lehmi lar apiangin an duh hunhunah a taksa chuan nei thei zawk?" a lo ti leh a.

"Ni lo e, chutiang chu ani hauh lo mai" tiin Sebastian chuan makti hmel deuh tak hian alo en a, "Mahse, police hnen ni lo a, newspaper ho hnen a thlen tlatna hian mak atih tir ve deuh lo che maw?" a ti a.

"Mipa khawvel ni hek mawle! Ama sawi chuauh anih si avangin an awihsak loang tih a hre nghal pawh ani ve mahna" a la ti ve zel a.

Sebastian chuan thawk a la hawk a, "Ginger, hetiang rilru i put lai chuan thil awmzia ka sawpui thei lo che naih hi. Jay hi hmuin amah hi hria la, ama sawidan leh dinhmunte pawh han hria ni la chuan ipawmpui ve mai mahna le..."

"He khawvela ka hmelhriat duh loh berte zinga mi a ni ngei ang le. Jay Delaney te ang mipa hi chu ka ten zawng tak an nia, Pathian thilthlawnpek ni anga ngai lotu hmiechhia atawng fu hlauh chu lawmawm ka ti ngawt mai! Mipui hmaa a la tilang chhuak ngam pah hi tha ka ti zual khawp mai, court pawh a thlenpui ka beisei a ni" a ti a.

"Ni e, nang chuan mipa, nute thaawih duam duam chi alawm i duh, tiraw, Magaret? Pa lo zet mai, nangmah mutpui tur che pawha mel tam taka hlaa kal ngai ani i duh chu ni" hriam hraih hian Sebastian chuan ati ve ta a.

"Seb!" tahaw deuh tiau hian Maggie chuan a ti a.

Sebastian chu a sen ve deuh tawn tawn a, a awmna lam chu rawn panin a darah cuan a rawn beng a.

"oh, Pathian! Ka ti tak tak hauh lo ania, Maggie, min ngaidam rawh, hetiang chungchanga inhnial buai turt kan ni hauh lo a sin, Lo kal lo tawp turhi ka ni a..."


"Lo kal e a, "Maggie chuan a lo ti thuai a, "Lodon ah i awm tih hre si a, min rawn tlawh si loh chuan ka ngaidam thei mai hauh lo ang che. Jay Delaney-a chungchangah ngaidan a inang lo mai an i a, ka kal bop tur chu pawi ka ti ngawt mai, chawte pawh ei dun awm tak a nih nen," a ti ta a.

"Mauritius ah chuan eng chen nge i awm dawn a?" tiin SEbastian chuan a zawt a.


"Kar thum chhung ngawt mawle, oh, ka nghak hlei thei tawh lo," tih pahin a thaw deuh halh a.

"Awle, rei i nghah a ngai tawh nang," tiin Sebastian chu a nui lui hak a, "I tan liau liau engkim a that vek ka duh a ni, Ginger" tih leh pahin a samah chuan a fawp zauh a, "Tunah chuan ka kalsan tawh ang che, tha takin i lo inenkawl dawn nia aw."



"Ka inenkawl tha reng alawm" tiin a au zui a.

Chutihlai chuan kawngka inkhar thawm chu a hre thei a, thawhnaw fai lachhuakin bathroom lam chu a pan ve ta nghal a.

Tuilumna inchiah reng chungin nichin lawka thil thleng khan a tichiai hle a ni tih a in hre chhuak a. LOvie-in a inhmelhriattir phat atang tawhin Sebastian chu a zahin a ngaisang a, tunhma zawngin an thu lah a la inkalh ngai hek lo.

Oh, Jay Delaney tehhrep chu! a ti rilru nauh nauh a. A aiawh tur chuan engvangin nge company dang a hman mai loh? Engahnge seb-a client pawh a lo nih reng reng? Ani ang mihring chuan SEb-a rinawmna dawn chu a phu thlawt lo.

Sunday chanchinbuah an chanchin chu a lo lang hmasa ber a. Jay Delaney chuan a film series, McGuire hmingin party a buatsaih a, night club ah party chu an tan phawt a, a chenna hotel suite ah a chhungzawm zel a.

A hmeichhe khawih, Debra Burrow chu NIght club a thawk a niin, chutah thawk ve tho hostess dangte nen party naa tel tura sawm ve a ni a.



Amah ngeiin a sawi danin, Debbie chuan intur a lo lem hnem deuh a, mu turin pindan dangah a kal a. A harh leh chuan zinglam la hma tak hi a ni a, midangte chu an lo haw vek tawh a. Jay Delaney, mipat hmeichhiatna hmanpui tumtu nen chuah chuan an awm a, a lo hnialna pawh pawisa loin a pawngsual ta a ni.

"Tawp turin ka ngen ngawih ngawih a, mhse a bansan duh si lo a, ramsa ang mai a ni. Nula a duh apiang a mutpui theih tur a sawi a, chutianga min mutpui chu lawm hle tur ka nih thute a sawi a.

"A fan dik tak ka ni a, ka ngaisang em em a, a party naa tel tura sawm ka ni pawh chu ka phur em em a. Mahse, min verther leh tenawm tak a lo ni, bawlhhlawh leh hmanrua ang chauh niin min inngaihtir hial ani," tiin chanchinbuah chuan a sawi a.

Chanchinbua a hmel tha tak khem deuh nian lo lang chu Meggie chuan atheihngilh thei tawh lo reng reng a ni.

Thawk a la halh a, Jay Delaney chu a ngaihtuah tawh hauh loang tiin a intiam rilru a, a phu thlawt lo!

Robin te ang mipa hi a ni hlu ber mai chu! Mipa, ngilnei leh zaidam, thianghlim bawk si!

Coffee a la in leh duh ang em tih chu a ngaihtuah a, in loh mai chu a ti thlu ta zawk a. A sana chu enin a thaw halh a.

Robin chu khawiah nge a awm? A chungah eng thil nge thleng? Darkar chanve vel kaltaah khan arawn lam a hun daih tawh si a, hun a vawn dik theih thin tehlul nen. A tho a, sitting room-ah chuan a veitawn ta chhen a, a awm chu a nuam lo tulh tulh mai lehnghal a. Nidang anga Airport panna kawnga motor a tam phei chuan an tlai hle thei ngei dawn a ni. Robin chu driver fimkhur tak anih avangin tlai hlauhva chak deuh zawka tlan lah chu a tihchi dawn der si lo.

A lo nghahhlelh em em holiday a hman tan dan chu a fuh lo ta phawt mai le. A chenna lama va biak a tum leh a awm si lo, a chhuak tawh ngei ani tih erawh chu chu chuan a tichiang deuh a.


A car a chhia nge, chu aia tha lo zawk accident te a tawk ta em ni ang? tih te a ngaihtuah a.

A inthing deuh nawk a, chutiang thil chu ka ngaihtuah tur ani loang, tiin a inhrilh a. Engemaw vangin rawn tlai mai mai a ni, a lo thleng thuai tawh ang a, chumi ka nghah chhung chuan... theihnghilh ka neih leh neih loh ka lo check teh ang, tiin a ngaihtuah leh a.

A handbag a hawn vawihnihnaah chuan doorbell a rawn ri ta a.

"Oh, a va lawmawm em!" tih pahin kawngka lam pan chuan a tlan nghal a, "Ka lo manganghmant awh hle a sin" tia hrilh chungin a nui sang a, chutah nur nangin a ding leh ta chat a, thawmhnaw naran inbel tur a ngaih laiin suit thui nalh zaih mai a inbel a ni tih chu a hmu hmasa ber a, chumi hnu chuan lungngaih hmelin a hmai chu a dang hle a ni tih a hmu leh a.

A rilru chu a hnual nghal rawih a, a hlauhthawn ang thilte kh a thleng pawh ani mahna!

"Lo lut rawh" tih pahin a kutah chuan chelhin a kai lut a, "Thil dik lo eng nge awm? Eng thil nge thleng? a ti nghal mawlh mawlh a.

Sofa ah chuan a thu a, en pawh a la en hauh lo. "Maggie, Mauritius ah chuan ka kal thei dawn lo a ni, ka cancel leh a ngai tlat mai" a ti ta a.

"I kal thei dawn lo maw?" Maggie chuan a lo ti ha a. ""Eng nge i sawi awmzia chu? Eng thu nge i sawi tak? Thla engemawzat chhun gnghakhlel taka kan lo thlir tawh leh..."

"Ka hria, ka hria" a lo tih khalh a. "Hetianga ka tih a ngai ta hi pawi ka tiin hreawm pawh ka ti hle a ni, mhse i hria alawm, ka nu chungchang a nia."

Engemawchen chu a ngaihna hre mai lo hmelpu zet hian Maggie chuan a lo en hau a, ka benghriat hi a dik lo ang, tun an ghun leh kumah tawh hian. Fiamthu nuihzatthlak loh tak a ni ngei ang, tiin a ngaihtuah a.

Fiamthu a nih pawhin nuih chakna a nei hauh bawk si lo.

A heh ro halh chu lian huhin zawi deuhs ap hian, "I thusawi chu ka hrethiam chiah lo niin kahria. I nu chuan i kal hi a remti lo i tihna em ni? Chutiang chu a lo nih hlauh chuan a remtih leh loh nan chuan a tlai lutuk tawh..."


"Oh, ni lo" rapthlak ti hmel zet hian Robin chuan a chhang a, "Chutiang lam ani lo, a ngaihna che alawm, Maggie! A ngaina tak tak che ani. A dam loh vang zawk ania, Doctor chuan a lung lampang niin a hria a, test tura damdawiin lama a kal a ngai dawnin a hria a ni. Damdawi inah chuan ka kalpui a, zaninah pawh ka kal leh a ngai dawn tlat a ni," a ti ta a.



Maggie chuan a chil a lem khalh a, "A lung lam maw?" tiin a zat a, "Mahse, tun hmate pawhin chulamah chuan harsatna a la nei ngai si lo a, a nei nghai em ni? A rang teh thut lutuk ani lo maw?" a ti a.

Robin chu a thu tak tulh tulh a, "Chu tak chu a ni a hlauhawmna chu, tunhmate pawhin mi chak tha pangngai a ni ngai lo hrim hrim bawk a," a nu tan deuh tak hian a ti ve leh a.

Mrs Harvey chuan bnawgpa sawm pawh a hneh theih hi Maggie chuan a ring ve thung a, mahse a rindan chu a sawi chhuak duh bik lem lo a.

"A ngaihtuah lutuk che a," Robin chuan a tih zawm leh a, "Ambulance kan nghah laite pawhin, "Maggie khawngaihthlak chu a lunghnur hle dawn ta a nih hi,' a ti reng mai a, a tap lo chauh ani" a ti a.

"Ka ring thiam mai e" Maggie chuan a lo ti nghauh a, "Eng hun lai a intan tawh nge ni?"

"Tukiin zing hma deuh takah khan a nia, ni engemawzat chhung chu a pangngai zan tawh loh thu doctor hnenah chuan a sawi tho a, mshe buaipui ngaia awm a duh loh avangin engmah a lo sawi duh lo an i awm e" a ti zel a.

Maggie chu a ang deuh ziau a, mahse a chip leh hmak a. Robin-a necktie nalh takah chuan tham lawk a, 'I nu chu a buaipui awm hle tawh zawk anih hi, a duhamin mahni hma a sial bakah, hloh che hi a hlau hluah hluah bawk a. Tuna a awm dante hi hnehtu ka ni thei dawn lo ani tih a tihlanna anih hi, hmanraw tha ber.. a beisei lohna chu chhuanlamah a hmang tlat a,' han tih khum piap piap mai chu a duh rum rum a.

Engemawchen an ngawih vang vang hnu chuan zawi sap hian Maggie chuan,"Ni lo, a ni lo ang, thupha chawi e," tiin a nui lui sak a, "Mauritius a kan kal tur chu leh!" a ti ta a.

"Oh, mahse i la kal thei tho vang chu" Robin chuan a lo ti thuai a. "Hotel pawh kan hauh lawk vek tawh alawm,a thlawn ringawt tur chu a uihawm zawk a ni, ka nu pawhin a ti tho bawk. 'Margaret chu a awm hahdam theihna tur leh midang a hmelhriat theihna tur hmunah' a ti asin," a ti a.

"A va fel ve!" Maggie chuan a lo ti a, a thinur rilru tan hle bawk a, mahse a thinurna chu inthunun a tum hram hram a. "Mahse, i tel lo a kal chu ka lo ngaihtuah chhin reng reng hleinem" tiin a ngawi deuh dat a. "I rin ang aia i nu dinhmun chu a lo hlauhawm loh tak aleh kan la kal leh zawk ang chu. I sawi tawh ang khan kan pindan hauh chu an lo dahtha reng tho ang chu" a han ti a.

An room intawm tur chu Mrs Harvey duh loh tak pawh ani mahna, pindan hran emaw lo hauh a, hotel hran daih emaw lo hauh ni ila chuan hetiang taka a fapa kal tur dal tura a chet hi a ngai lo tur, a ti rilru a.

"Nang anga a tha zawng thil thlir ve theih ka duh ngawt mai" tih pahin a nui deuh sak a, "Darling, pawi ka ti tazet a ni, mahse hun dangte pawh a la awm zel ang chu maw" a ti niah niah a.

Oh, ni lo, a awm tawh lo ang, Maggie chuan a ti rilru a, i nu a che leh mai tho ang, tun hi chu i lo dawnsawn dan tur hriat nan a tih chhinna mai mai a ni a, tunah chuan i awmdan atangin aduh ang angin thil a ti thei tih pawh a hre tawh bawk ang a, a ti rilru leh a.

"Ni e, hun dang chu a la awm leh ngei ang chu" a ri chuan a han ti ve a, a nui sang a. "Tunah chuan damdawi in lama kal leh pawh i duh tawh ang, thil thar dang a lo awm leh awm lohte pawh i hre duh ang a, nangmah ngei hetah lo kala thil awmdan i rawn sawi chu i titha ngawt mai" a ti zui luam a.

Robin chuan mak a lo tih hmel hle a, "Mahse, chungte chu ka tihtur ve reng alawm, ka nuin min tir tlat bawk si a, he thil kan cancel na avang chuan sum leh pai lamah kan chhiat phah lo ang chu, damlohna thil vang a ni bawk a" a ti a, a ngawi leh deuh vang vang a. Chutah a sana chu Robin chuan enin, "Kir leh tawh mai ila a tha ang, i hrethiam ang tiraw? I bula awmna hun ka nghahhlelhzia chu i hriat tho kha" a ti ta a.

"Hrethiam e" Maggie chuan a ti ve mai a, Robin thawh rual chuan a tho ve nghal a, a biangah chuan a fawp zauh a, "Engkim ka hrethiam alawm, tha leh thuai tura ka duh thu hi i nu chu i rawn hrilh dawn nia" a ti ve a.


"Ka lawm e" tih pahin Robin chuan a kut chu a darah a nghat deuh vang vang a, "Naupang tha tak i ni e, Maggie! Thian tha tak i ni bawk si."

Kawngka a khar laite chu a lo en vang vang a, chutah muangchang hian number sawmhnih thleng a chhiar a. Muangchangin a no chu a chawikang a, meichhemna thukah chuan apaih lut ta daih a, a keh darh nghal chuai a.

"KHa kha a nih kha!" tiin thinur leh beidawng lutuk hian chhuatah chuan a thingthi a, a inkuangkuah tlat a, mittui tla zawih zawihin a inhnit ta hlawp hlawp mai a.

A tum anga holiday a hman leh theih dawn loh avanga tap pawh ani hran lo, Robin nena an nun hman dan tur ni anga a lo suangtuah leh ruahhman tawh zawng zawngte thlahnana tap a ni zawk. A chhan chu, chutihlai ngei pawh chuan Robin chu a flat ah chuan lo lutin, a nupui atan rawn sawm pawh nisela a pawm tawh chuang lo ang.

A tir lam atanga Mrs Harvey lo inrawlh pawh kha lawm tur ni hian a inhre ta a. A din hmun tur tha lo tak lak atanga talchhuahna hun a nei ta chu engtikah emaw chuan a la lawm viau mahna, mahse, tunahmai chuan a la lawm thei ngang lo ani. Tunah erawh chuan a no paihkeh ang mai khan a nun chu keh chhia niin a hre tlat a ni.

Mittui tla tur a awm tawh lo thleng rawk chuan a tap a, a inhnit hlawp hlawp thawm pawh chu a reh chhawm ve ta bawk a. Chhuata la thingthi reng chung chuan tih leh tur ngaihtuah chuan a melh ngai chu a melh reng a.

Amah maia Mauritius a kal chu a tihchi loh phawt a. An thlenna utr hotel ah chuan a kawp te tein mi an awm ngei ang a, chu chuan amalzia leh a khawharzia chu a tichiang lehzual dawn tlat, kalpui tur zawn nan lah hun a tepter tawh bawk si.

Hmu pawh ni ila ka duh chuang lo ang, midangin an hriat ve ringawt pawh a huphurhawm tlat. Lovie leh Sebastian te, Ka hrilh reng che kha' an han ti vel turte chu a tuar zawh a inring lo ani.

Hmundang a lo holiday hman mai chu a han ngaihtuah deuh thut hut nain a tui chiah si lo. han kal chakna tur hmun dang lah a hre hauh bawk si lo.

Kawng lehlama ngaithuah chuan, London ah pawh a awm thei bawk si lo, a flat a tawm reng teanih ngawt loh chuan holiday hmanga a zinchhuah loh thu chu an hre thuai ang a, a duh loh tawpin office lamah kalin Kylie St John chu a buaipui a ngai leh mai ang.

Oh, ni lo, chu zawng ni lul lo e, tiin Maggie chuan buai nuaih hian a ngaihtuah kual a.

A tho a, thawk ala ham ham a, khawimawlaiah kalna tur chu a awm ngei tur a ni, a cottage pawh a awm a ni lawm ni?

Sebastian khan fiamthu thawh nan a hmang mai nain, a cottage chu tein East Anglia a awm daih nimahse a tan chuan ahlu hle a ni, hmun fal raiha awm a nihnate chu nuam a tih phahna ani bawk a. A pi hnen atanga a ro chan atanga a lei ani a, a hlawh chuangbang chu a chei that nan pawh a hmang nasa reng bawk a ni. Furniture te pawh uluk taka a thlan an ni hlawm a, bathroom te pawh cottage ah chuan siam a la tum a ni.

A laizawnnu Lovie-in zanlaia a inthiarnaa tawhsual a tawh atangin chulai chu a ngaina thei lo a, kum hmasa lama Christmas present, thinga hawrawp ker "world's end' tih an pek pawh chu inhmehawm hle hian ahria a.

Mahse, a hliam tuma tihbuai loha tawrhdam nan chuan chulai hmun tluka tha chu a awm chuang lo ang. A cottage ah chuan kalin amah chauhin a awm thei ang a, ngun takin a inngaihtuah thei ang chu, Robin tel lo a a nun hman zel dan turte pawh a ruahman ang chu.

Then deuh sak chung chuan bedroom lam chu a pan a, a suitcase a a thawmhnaw vel chu phawrh leh a ngai dawn a ni. Thawmhnaw man to leh changkang tak takte chu word's end ah chuan a mamawh lo ang, Jeans, sweater tih angreng vel a ken chuan a tawk mai ang.

Robin nen an zan hun hmasa ber atanga hak tur a a tih mutkawr a khawih lai chu a hreawm lai ber chu a ni. A var thianghlim sar mai bawk a, dik takin sawi ta sela chuan chu mutkawr chu rei a hak pawh a inring chuang lo. Robin angchhunga awm chu nuam a tiin a fawh pawh a duh reng bawk. A hrechiang tawk tawh a, a bula awm chu him hliah hliahin a inhre bawk a, a laka inpumpek thlap pawh chu hrehna reng reng a nei lo. Chutia a mutkawr a en chuan amittui chu a lo tla thar leh a, chu a mutkawr leh a thawmhnaw lei dang reng reng chu hmuh pawh a duh tawh lo a ni ber mai.

Inpetruh teuh chung hian a bunruak a, a ke chuan a hnawl khawm a, intih sexy ka tum vang vek ani, tiin a inngaihtuah nep nep a, a heh chu a pet fan reng a. Maggie, nula ngaihawm tak ka ni ve satliah ringawt tihte chu hriat reng tur a nia.

Rei tawk tak darthlalangah chuan a in en vang vang a, a biangah chuan mittui hnu a lang nian a, a hnar chu a sen deuh hlar bawk a. A mit hring nghalh mai pawh chu a phi deuh chiai a, chuti ni lo se chuan a hmel chu a ngaihdam ve mai theih ni hian a hria a, a cher lutuk mah mah deuh niin a inhre bawk.

'Thian tha tak' tiin Robin khan a sawi a.,

chu chauh chu Robin laka a lo nihna em ni ang? Khawimawlai hmun, romantic takah pawh awm se, thian ang bak chu ani thei ang em?


Chu zawhna zawng, engtikahmah a chhanna kan hre dawn ta lo anih hi, a ti rilru nauh nauh a.

A suitcase ah chuan thawmhnaw dang a khung leh ta a, zinna tur atana a thawmhnaw inbelte chu phelh lehin kekawr dum leh sweater kawrnghawng tung hian a inthlak ta a.

Kawngkaah chuan a chhuak hman thelh tih chuan a cottage chahbi chu a hrechhuak leh a, drawer chung ber chu a hawng a, mahse a dahna hmunah chuan a lo awm hauh lo.

Nur deuh nang chung hian ngun lehzualin pawhdawn chhung chu a en tha leh a, mahse chahbi hmel rneg reng a hmu ta lo mai a. Thla hnih kaltaa a tlawh tum khan a lo dah theihnghilh em ni ang? A nih hmel khawp mai, a handbag velah a awm ngei ang.

Mahse, tunah chuan azawng rih lo ang, a chahbi spare chu a tlereuh dahna velah a dah reng tho bawk a, chu chu ahmang mai ang chu.

Garage lamah chuan a suitcase chu a khai zel a, chutah, chulai vela an thil zawrhna lam chu panin chhang, artui leh bawnghnute vel a lei a, sa leh thlai hring lam chu world's end panna kawngah a lei thei mai ang chu.

Cottage lam pana a chhuah tan laite chuan khaw awmdan chu a tha lo tulh tulh a ni tih pawh a hria a. Car radio chu tinungin khaw awmdan an puan chu a ngaithla a, thli a tamin ruah pawh a tla dawn niin an puang a.

Maggie chu a ner deuh sak a, khaw a nawm loh chuan electric lampang supply a tha ngai bawk lo a, thlipui tenau chu a tleh em lo ang chu; lo tleh ta pawh nise candle a ngah tho a, a awm loh laia cottage lo thlithlaisak thintu Mrs Grice-in thing tuah tur pawh a tam thu a hrilh reng reng bawk a.

Ka awm thei lutuk ang, a ti rilru a, khawnuam lo leh ka mood hi a inhmeh rih reng reng bawk.

London chhuahsan chu a buaithlak hle a, cottage lam panding nghal mai chu a tum na in, hun khawhralna ni pah fawmin chaw ei a chawlh khawmuan chu a tum leh ta zawk a. Dinner eia a flat a chhuahsanna pawh a rei tawh hle a ni tih a hrechhuak nghal a. Restaurant a chaw ei vel hi Robin chuan a duh vak lo a, a flat ah an eitur a siam leh nge nge thin, a nu ina an ei anih ngawt loh chuan....

Italian Restaurant hi a hmufuh hlauh a, eitur chu a order ve ta nghal a, wine a in tel bawk a.

Robin-a, eitur hrisel ngaisang reng reng thina chuan a thil ei chu hmu sela chuan d uhpui lo ngawt pek ang, mahse chu chuan lawmna tak a pe tlat a ni. Kar thum chhung a ral meuh chuan barrel tiat lawihin a liam hman ngei ta ve ang.

Cottage lam pana a chhuah leh meuh chuan thil chu a thaw nasa tan tawh hle mai a, chu chuan a tihrei phah bawk a, a tuk lama khua a that deuh beiseia hotela riah maite chu a duh deuh thut thut a.

Oh, hrep tak hian, kawng chanve lai ka kal tawh a, ka kal zel tho ang, ti rilruin a intipaukhauh a.

A kal thui tulh tulh a, a inchhir tulh tulh ta mai a, ruah lah chu a sur tamin car darthlalangte chu a rawn theh thawt thawt a.

Cottage panna kawng a thlen chuan zanlai a ni tep tawh a, a thaw deuh huai a, vanlam chu a thim khup a, kawngsira thing dingte chu thli tleh chuan a chhem kur suau suau bawk nen.

Heti taka thli leh ruah tam hi ka la hre ngai lo e, nipui laia inchung ka lo siamthattir hlauh chu a tihchi ngawt mai, a ti rilru a.

A hmun ngaiah a car chu dahin a suitcase chu a la a, kawngkhar lam pan chuan a tlan ta nghal a. Thlir chuan a len lo chauh mai a, a hlau ve deuh hman hial a. Thli tleh a ziaawm deuh lai chuan kawngkhar pawhhawnna chu vuanin thim zingah chuan chahbi chu a zawng a.

A tawpah kawngkhar chu hawngin, living room chhungah chuan a lut ta nge nge a, kawngkhar lehlam pawh chu bei get a la ngai ta fo a. Nunna nei nimai awm khawp hian thli lah chu a chakin a kar leh meuh chuan a ban chu a na thum hman hial a ni.

Thlipui tenau te chu a thilipui na ber chi nihial awm a ni, a ti rilru hial a.

Beiseina pawh nei vak chuang lo hian kawngka bula switch chu a han hmet a, mahse a lo en ta iar mai a,

Bati zawng tur chuan eitur dahna pindan lam chu ap an a, chutah chiah chuan nidang ang lo taka pindan chhung lum deuh hiam hiam chu ahre ta chauh a.

A an ber chu..... che lo chang lo hian engemaw chen chu a ding vang vang a, chutah, check tur chuan a chesawn ta a, rinthu mai a ni tlat lo.

A kal dawn tih a hriat chuan Mrs Grice chuan meilum a lo siamsak fo thin a, mhse hemi tum hi chuan a kal tur a hrilh lawk hauh si lo. Chuvangin Mrs Grice chuan a kal dawn ani tih hriat lawk theihna riau a lo nei a nih chuan....

Oh, a a teh suh, tiin amah leh amah chu a inhau leh rih a. Inchhung boruak chu tihthianghlim tul a ti ve hrim hrim pawh ani mahna, naktuk lamah lawmthu chu la hrilh mai a rilruk a.

Bati leh a hunna bakah nawhalh pawh ahmu a, tuilum bawm a hmu tel bawk a, tui a chhuanglum nghal a.

Bur pakhat hi a lo awm a, nur deuh nang chung hian Maggie chuan a en deuh vang vang a, khawi lama mi nge ni ang? tiin nuam ti lo tak hian a ngaihtuah a.

Mrs Crice-in in lo enkawlsakin stove te a lo tihnun sak che a, chutianga thil a tih paha coffee a lo in ve chu i ngaithiam lo ang amaw? tiin a inhauh leh rih a. Mahse, chu pawh chu ni ta se, a awm lo deuh ru tlat a ni, Mrs Grice chu nu che fel tak a ni a, a thil hman dah tha leh lo a kalsan mai mai chi a ni ngai tlat lo.

A tui chhuan a so chuan tuilum bawmah chuan athun a, bati leh nawhawlh nen inchung lam panna kailawnah chuan a chho ta zai zia a, thildang at ih leh chhungin a khum chu lo tihlum deuh a duh a ni.

A pindan kawngkhar chu hawngin a lut ta a, dressing table ah chuan bati hunna chu a dah a, light chu a tieng ta a.

Chuveleh a ding khawng ta reng mai a.

A khum chu luahtu an lo awm reng tawh! Mipa ruangam dik tak mai, bawkkhup zawng hian tui em emin a lo muhil a.

Maggie chuan te chiam mai hi a duh a, a han te chhuah theih meuh chuan a tham deuh chal zawk a!

Khuma mu chu rawn chein a kiua inbengkangin a bul vel chu a hawi kual nghal ruai a.

Maggie chuan tunge a nih a lo hre nghal mai a. Tun thla 18 vel chhung lai kha chu a thlalak hmu lo chuan chanchinbu hi a chhiar hleih theih loh tluk ani; tun hnai lawkah lah.... pawngusal chungchangah chanchin a nei leh bawk si a.

Jay Delaney ngei ani!

A tuilum bawm ken chu chhuatah chuan a thlauh zui ta nghal a.

Chuveleh eng zawng zawng a thim ta vek mai lehnghal a.